Tibetan
མེད་རིགས་གསུམ་འགྲོ་བའི་མགོན༔ ཐུགས་རྗེའི་བདག་ཉིད་པད་འབྱུང་ཐོད་ཕྲེང་རྩལ༔ གདུལ་བྱའི་མོས་ངོར་གང་འདུལ་སྐུར་སྤྲུལ་པ༔ བདུད་སྡེ་འཇོམས་མཛད་གེ་སར་དགྲ བླའི་རྒྱལ༔ སེང་ཆེན་ནོར་བུ་དགྲ་འདུལ་སྐུ་འཁོར་བཅས༔ སྐུ་གསུམ་དག་པའི་དབྱིངས་ལས་མ་གཡོས་ཀྱང་༔ ཐབས་རྣམ་དུ་མས་བསྟན་འགྲོ་བདེ་ལ་བཀོད༔ མཛད་པ་རྨད་བྱུང་ཁྱེད་ལ་གསོལ་བ་འདེབས༔ བདག་སོགས་འདི་ནས་ཇི་སྲིད་འཚོ་ཡི་བར༔ རྐྱེན་སྣང་ངན་པའི་བར་དུ་མི་འགྲོ་ཞིང་༔ བླ་མ་དམ་པས་མཉེས་བཞིན་རྗེས་བཟུང་སྟེ༔ ཆོས་བཞིན་སྤྱོད་པའི་རང་དབང་ལྡན་པར་ཤོག༔ ཐུན་མོང་ཆོས་ཀྱིས་རང་རྒྱུད་འདུལ་བ་དང་༔ ངེས་འབྱུང་བྱང་སེམས་དག་སྣང་རྒྱུད་སྐྱེས་ནས༔ ཐུན་མིན་ཡང་དག་ལམ་མཆོག་རྙེདཔ་དང་༔ ཚུལ་ཆ2ཡོ བཞིན་སྒྲུབ་པའི་སྙིང་སྟོབས་འཕེལ་བར་ཤོག༔ སྐྱེ་ཞིང་སྐྱེ་བ་ཚེ་རབས་ཐམས་ཅད་དུ༔ ལས་རྐྱེན་ངན་པའི་དབང་དུ་མི་འགྲོ་ཞིང་༔ དཔལ་རི་པདྨ་འོད་ཀྱི་ཞིང་ཁམས་སུ༔ སེང་ཆེན་དཔའ་བོ་ཁྱེད་དང་དབྱེར་མེད་པར༔ གུ་རུ་ཡབ་ཡུམ་རིག་འཛིན་སྟོན་འཁོར་གྱི༔ འཁོར་གྱི་ཐོག་མར་བདག་སོགས་འགྱུར་བ་དང་༔ ཐུགས་རྒྱུད་བྱིན་རླབས་སྙིང་ལ་འཕོས་ནས་ཀྱང་༔ འཁོར་བ་དོང་སྤྲུགས་ནུས་པའི་དཔལ་ཐོབ་ཤོག༔ འདིལ་རྒྱུན་དུ་བརྩོན་བྱས་ན༔ འདི་ཕྱིའི་དགེ་ལེགས་དཔལ་ཐོབ་ངེས༔ ཐེ་ཚོམ་མེད་དོ་ས་མ་ཡ༔ བདེན་རྫུན་ལག་ཏུ་ལོངས་དང་གསལ༔ བཀའ་སྲུང་དྲེགས་པའི་ཚོགས་ཀྱིས་གཉེར༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཅེས་པའང་དད་དམ་ནོར་གྱིས་ཕྱུག་པ་ལྷ་སྲས་དཔལ་ཆེན་རྣམ་རྒྱལ་ནས་བྱིན་ཅན་རྟེན་དང་། བདུག་སྤོས་དང་། དྲི་བྲལ་ལྷ་རེག་བཅས་བསྐུལ་བ་ཟབ་ཕྱིར་མི་ལྡོག་ཙམ་དུ་གསང་ཕུག ཨོ་རྒྱན་རྫོང་གི་ཡང་དབེན་ནས་སུ་ཁ་བཛྲ་གྱིས་ཉམས་ཆོས་ཡིག་རིས་སུ་བྲིས་པའོ། །དགེའོ།། །། ཙྪཿ TI1395-540 ད 彭 ཆོས་ཉིད་མཁའ་འགྲོའི་གསང་མཛོད་ལས༔ དྲེགས་པ་རྣམ་གསུམ་གསོལ་བསྐུལ་བསྡུས་པ་ཕྲིན་ལས་དངོས་གྲུབ་ཀུན་འབྱུང་བཞུགས༔ ་ །༈། ན་མོ་པདྨ་ཀྲོ་དྷ་ཡེ༔ རྣལ་འབྱོར་དམ་ཚིག་ལྡན་པ་ཡིས༔ བཀའ་སྲུང་དྲེགས་པ་རྣམ་གསུམ་གྱི༔ གསོལ་མཆོད་བསྡུས་པ་བརྩོན་པའི་ཐབས༔ གཏོར་མ་སྐྱེམས་བཅས་བཤམ་ནས་ཀྱང་༔ ནམ་མཁའ་མཛོད་ཀྱིས་བྱིན་གྱིས་བརླབས༔ རང་ཉིད་ལྷ་ཡི་ཏིང་འཛིན་ངང་༔ ཧཱུྃ་བྷྱོཿ མ་སྐྱེས་དག་པ་དབྱིངས་ཀྱི་ཞིང་ཁམས་ནས༔ མ་མོ་ཡོངས་ཀྱི་རྗེ་མོ་དཔལ་ལྡན་མ༔ དྲག་མོ་རལ་གཅིག་ཨེ་ཀ་ཛཱ་ཊཱི་མ༔ མ་ཚོགས་མཁའ་འགྲོ་བྱེ་བ་འབུམ་དང་བཅས༔ འཁོར་བཅས་ཐོགས་མེད་གནས་འདིར་གཤེགས་སུ་གསོལ༔ ཁྱད་པར་ཐུགས་མཐུན་ཕྱི་ནང་མཆོད་པ་དང་༔ དམ་ཉམས་དགྲ་བོའི་དབང་པོ་རྣམ་ལྔའི་གསུར༔ གསེར་སྐྱེམས་ཕུད་དང་ ༡.༡ g །བྲེཾ། དམར་ཆེན་གཏོར་མ་སོགས༔ དཔལ་ལྡན་སྔགས་སྲུང་འཁོར་དང་བཅས་ལ་འབུལ༔ ཐུགས་དམ་དགྱེས་སྐོང་མ་གཡེལ་སྡོང་གྲོགས་མཛོད༔ རྒྱལ་བའི་བསྟན་པ་སྲུང་བའི་མཐུ་སྟོབས་ཅན༔ དམ་ལྡན་རྣལའབྱོར་གྲོགས་བྱེད་དམ་ཉམས་སྒྲོལ༔ བཟའ་བདུད་དུག་གི་སྤུ་གྲི་འཁོར་དང་བཅས༔ འདིར་གཤེགས་ཕྱི་ནང་མཆོད་པ་དཔག་མེད་དང་༔ ར་རོག་དབང་པོ་ལྔ་དང་དམ་ཉམས་དགྲའི༔ ༄ཤ་ཁྲག་ལ་སོགས་སྙིང་སྣ་ཤ་སྣའི་རིགས༔ གཟའ་བདུད་འཁོར་དང་བཅས་པ་ཐམས་ཅད་ལ༔ འབུལ་ལོ་ཐུགས་དམ་གཉན་པོ་བསྐང་ནས་ཀྱང་༔ རྣལ་འབྱོར་བཅོལ་བའི་ལས་རྣམས་ཀུན འགྲུབ་མཛོད༔ དམ་ཅན་ཆེན་པོ་རྡོ་རྗེ་ལེགས་པ་རྩལ༔ མཆེད་འཁོར་མ་ལུས་གནས་འདིར་གཤེགས་སུ་གསོལ༔ དམར་ཆེན་གཏོར་མ་ཁྲག་ཆེན་སྐྱེམས་ཕུད་དང་༔ དམ་ཉམས་དགྲ་བོའི་ཤ་ཁྲག་སྣ་ཚོགས་འབུལ༔ ཐུགས་དམ་བསྐང་ལ་ཕྱི་ནང་བར་ཆད་སེལ༔ རྣལ་འབྱོར་ཕྲིན་ལས་བར་འབྱམས་མྱུར་འགྲུབ་མཛོད༔ བྷྱོ་མ་མ་རཀློ་བྷྱོ་ཨེ་ཀ་ཛཱཛཱ་ཊིཧྲི་ཛ་ཨི་དམ་བ་ལི་ཏ་ཁ ཁ་ཁཱ་ཧི༔ ཨོཾ་རཀྴ་རཱ་ཧུ་ལ་ཨི་དམ་བ་ལིཾ་ཏ་ཁཱ་ཧི༔ ཨོཾ་བཛྲ་ས་དྷཱུ་ཏྲི་ཤུ་ལ་ཨི་དཾ་བ་ལིཾ་ཏ་ཁཱ་ཧི༔ ལན་གསུམ་གྱིས་འབུལ༔ ཕྲིན་ལས་བཅོལ་བ་ནི༔ ཧཱུྃ་བྷྱོཿ དབྱིངས་ཀྱི་རྗེ་མོ་ཨེ་ཀ་ཛ༔ གཟའ་བདུད་དུག་གི་སྤུགྲི་ཆེ༔ དམ་ཅན་ཆེན་པོ་རྡོ་རྗེ་ལེགས༔ དྲེགས་པ་རྣམ་གསུམ་འཁོར་དང་བཅས༔ རྣལ་འབྱོར་ཕྲིན་ལས་བཅོལ་བ་ནི༔ སངས་རྒྱས་བསྟན་པའི་སྤྱི་དགྲ་དང་༔ རྡོ་རྗེ་སློབ་དཔོན་སྐུ་དགྲ་དང་༔ རྣལ་འབྱོར་བདག་གི་སྒོས་དགྲ་སོགས༔ མ་རུང་བསྟན་ལ་འཚེ་བྱེད་པའི༔ ལོག་འདྲེན་ཐམས་ཅད་རྡུལ་དུ་རློག༔ ཤ་ཁྲག་རུས་གསུམ་རྔམས་ཟས་གྱིས༔ ཁྱད་པར་བདག་ལ་སྡང་བྱེད་པའི༔ དམ་ཉམས་ཆེ་གེ་མོ་གདུག་ཅན་ཐམས་ཅད་ཀྱིས༔ གསང་སྔགས་ཆོས་ལ་བསྐུར་པ་བཏབ༔ གསང་འཛིན་རྣལ་འབྱོར་སྐུ་ལ་བསྡོས༔ 同：སྨ་ཕབ་བརྙས་བྱེད་སྙིང་གནག་པ༔ བསྟན་པ་སྨད་ཅིང་བརྐུ་འཕྲོག་བརྩམ༔ མཐུ་ནུས་སྙོགས་ཤིང་བསྟན་ལ་འཚེ༔ དམ་ཉམས་བསྒྲལ་བའི་ཞིང་དུ་གྱུར༔ དོ་ནུབ་ནམ་གུང་ཚུན་ཆོད་ལ༔ སྲོག་སྙིང་དམར་པོ་ཁྱེར་ལ་ཤོག༔ ཤ་ཁྲག་ལོངས་སྤྱོད་ཚེ་བསོད་ནམས༔ བཀའ་སྲུང་རྣམས་ཀྱིས་ཟ་ངུ་གྱིས༔ རྣམ་ཤེས་ཆོས་ཀྱི་དབྱིངས་སུ་དྲོངས༔ རྗེས་ཤུལ་ལྷག་མ་མེད་པར་མཛོད༔ མདོར་ན་རྣལ་འབྱོར་བདག་ཅག་གི༔ བསམ་པ་སྒྲུབ་ལ་རེ་བ་བསྐོངས༔ ལུས་དང་གྲིབ་མ་བཞིན་དུ་འགྲོགས༔ ཅི་བཅོལ་ལས་རྣམས་འགྲུབ་པར་མཛོད༔ བྷྱོ་མ་མོ་རཀློ་བྷྱོཿ ཨེཀ་ཛྭཱ་ཊི་ཧྲི་ཛཿ ཨོཾ་རཀྴ་རཱ་ཧུ་ལ་ཧཱུྃ་ཛཿ བཛྲ་སཱ་དྷཱུ་ཏྲི་ཤུ་ལ་ས་མ་ཡ་ཛཿ དགྲ་བོ་མཱ་ར་ཡ་བྷྱོ་བཟློག་ས་མ་ཡ་རྦད་ནན་བྷྱོཿ ཞེས་བརྗོད་གཏོར་སྐྱེམས་དགྲ་བོའི་ཕྱོགས་སུ་མཆོད༔ རྒྱུན་དུ་འདི་ལ་བརྩོན་གྱུར་ན༔ བཀའ་སྲུང་ལུས་དང་གྲིབ་བཞིན་འགྲོགས༔ ཕྲིན་ལས་གང་བཅོལ་འགྲུབ་པར་ངེས༔ ས་མ་ཡ༔ རྒྱ་རྒྱ་རྒྱ༔ ཀོ་རྐཀཿ ཌཱཀྐིའི་རྒྱ༔ ཞེས་དྲེགས་པ་རྣམ་གསུམ་གྱི་གསོལ་བསྐུལ་བསྡུས་པ་འདིའང་ཉམས་སྣང་ལ་བཀའ་སྲུང་རྣམ་གསུམ་གྱི་བརྡས་ཡང་ཡང་བསྐུལ་མ་བྱུང་བ་ལ་བརྟེན་ནས་ཁོ་མོ་བདེ་བའི་རྡོ་རྗེས་བྲིས་པའོ།། དགེའོ།། །། TI1395-546 ¤m.vWvE །ཟ། ན་མོ་གུ་རུ་པདྨ་ཀཱ་ར་ཡེ༔ རྣལ་འབྱོར་དམ་ཚིག་ལྡན་པ་ཡིས༔ སྲུང་མ་ལུས་དང་གྲིབ་མ་བཞིན༔ འགྲོགས་ཕྱིར་སྒྲུབ་ཐབས་རིམ་པ་བསྟན༔ རིན་ཆེན་སྣོད་དུ་གཏོར་མ་དང་༔ འབྲུ་སྣ་ཤ་སྣ་སྙིང་སྣ་སོགས༔ དགོས་པའི་ཡོ་བྱད་འདུ་བར་བྱ༔ ནམ་མཁའ་མཛོད་དུ་བྱིན་གྱིས་བརླབས༔ རང་ཉིད་ལྷ་ཡི་ཏིང་འཛིན་གྱིས༔ རང་མདུན་ཁྲག་མཚོ་འཁྲུགས་པའི་ཀློང་༔ ཀྵཿལས་དྲང་སྲོང་རཱ་ཧུ་ལ༔ སྐུ་མདོག་ནག་ཅིང་ཁྲོ་གཏུམ་འབར༔ དབུ་དགུབྱ་རོགས་མགོ་དང་བཅུ༔ ཕྱག་བཞི་རལ་གྲི་རྒྱལ་མཚན་དང་༔ མདའ་གཞུ་དགྲ་བགེགས་སྙིང་ལ་འགེངས༔ སྐུ་སྨད་གདུག་པ་སྦྲུལ་དུ་འཁྱིལ༔ ལུས་པོ་ཐམས་ཅད་མིག་གིས་གང་༔ མེ་ ་།༈༽ རླུང་དུག་རླངས་ན་བུན་འཕྲོ༔ གདོང་མོ་བཞི་དང་གཟའ་ཆེན་བརྒྱད༔ རྒྱུ་སྐར་ཚོགས་དང་དྲེགས་པའི་སྡེ༔ སྤྲུལ་དང་ཡང་སྤྲུལ་ཚོགས་ཀྱིས་བསྐོར༔ ཐུགས་སྲོག་ཀྵཿལས་སྔགས་ཀྱིས་བསྐོར༔ ཨོ་ནཱ་ག་རཀྵ་ར་ཧུ་ལ་ཧཱུྃ་ཛཿ ཉེར་གཅིག་བཟླ༔ ཧཱུྃ་ཀྵཿ དདཔ་དང་ནི་དམ་ཚིག་གིས༔ དྲང་སྲོང་ཆེན་པོ་སྤྱན་འདྲེན་ནོ༔ གཟའ་བདུད་འཁོར་བཅས་གཤེགས་སུ་གསོལ༔ སྲོག་གི་སྤུ་གྲི་གཤེགས་སུ་གསོལ༔ ཁྲག་མཚོ་བམ་གྱི་གདན་ལ་བཞུགས༔ བསྟན་སྲུང་ཆེན་པོ་ཕྱག་འཚལ་ལོ༔ བདག་གི་སྲུང་མར་མངའ་གསོལ་ལོ༔ རང་བྱུང་བྷནྟའི་སྣོད་ནང་དུ༔ ཕྱི་ ནང་གསང་བའི་མཆོད་པའི་ཚོགས༔ དམར་གཏོར་དགུ་བསྐོར་འབྲུ་སྣ་དང་༔ ཆུ་སྣ་སྨན་སྣ་ཤ་སྣའི་རིགས༔ དགྲ་བགེགས་ཤ་ཁྲག་རུས་གསུམ་དང་༔ དོན་སྙིང་དབང་པོ་རྣམ་པ་ལྔ༔ ར་ཡི་དབང་ལྔ་ལ་སོགས་པའི༔ མཐུན་རྫས་སྤྱན་གཟིགས་སྣ་ཚོགས་ཀྱིས༔ དྲང་སྲོང་གཟའ་བདུད་ནག་པོ་མཆོད༔ སྲིང་མོ་གདོང་མོ་མཆེད་བཞི་མཆོད༔ གཟའ་བརྒྱད་རྒྱུ་སྐར་ཉེར་བརྒྱད་མཆོད༔ ཡང་འཁོར་དྲེགས་པ་སྡེ་བརྒྱད་མཆོད༔ གསོལ་ལོ་མཆོད་དོ་ཐུགས་དམ་བསྐངས༔ རྣལ་འབྱོར་ལུས་དང་གྲིབ་བཞིན་འགྲོགས༔ མ་གཡེལ་མ་འགྱངས་ཕྲིན་ལས་སྒྲུབས༔ སངས་རྒྱས་བསྟན་པའི་བྱ་ར་མཛོད༔ བསྟན་ལ་གནོད་ཅིང་སྒྲུབ་ལ་འཚེ༔ དམ་ཉམས་དགྲ་བགེགས་མ་ལུས་པ༔ འགྲང་མེད་ལྟོ་ཞལ་དྲག་པོས་སོད༔ བླ་ཡིད་སེམས་གསུམ་ཞལ་དུ་བསྟབ༔ ཤ་ཁྲག་རུས་པར་ལོངས་སུ་སྤྱོད༔ རྗེས་ཤུལ་མེད་པར་རྡུལ་དུ་རློག༔ དུས་ལས་མ་འདའས་མ་ཡ༔ ཅི་བཅོལ་ཕྲིན་ལས་འགྲུབ་པར་མཛོད༔ དེ་ལྟར་རྒྱུན་དུ་བརྩོན་གྱུར་ན༔ བཀའ་སྲུང་ལུས་དང་གྲིབ་བཞིན་འཁོར༔ གང་བརྩམ་ཕྲིན་ལས་འགྲུབ་པར་ངེས༔ ཐེ་ཚོམ་མེད་དོ་ས་མ་ཡ༔ རྒྱ་རྒྱ་རྒྱ༔ ཅེས་པ་འདི་ཉིད་རྣལ་འབྱོར་ལས་འབྲེལ་རྩལ་གྱི་བཞེད་སྐོང་དུ་ཀུན་བཟང་བདེ་སྐྱོང་དབང་མོས་བྲིས་ ཿ པའོ༔ ཀྵཿ དད་པ་དང་ནི་དམ་ཚིག་གིས༔ དྲང་སྲོང་ཆེན་པོ་གཤེགས་སུ་གསོལ༔ གདོང་མོ་མཆེད་བཞི་གཤེགས་སུ་གསོལ༔ རྒྱུ་སྐར་ཉེར་བརྒྱད གཤེགས་སུ་གསོལ༔ ལྷ་སྲིན་སྡེ་བརྒྱད་གཤེགས་སུ་གསོལ༔ མ་ལུས་འཁོར་བཅས་གཤེགས་སུ་གསོལ༔ ཁྲག་མཚོ་བམ་གྱི་གདན་ལ་བཞུགས༔ ཐུགས་མཐུན་ཕྱི་ནང་མཆོད་པ་དང་༔༷ ར་རོག་དབང་ལྔ་དགྲ་བགེགས་སྙིང་༔ ཤསྣ་འབྲུ་སྣ་དབང་ལྔའི་གསུར༔ སྣང་སྲིད་མཆོད་པའི་རྒྱན་དུ་འབུལ༔ གསོལ་ལོ་མཆོད་དོ་ཐུགས་དམ་བསྐང་༔ དགྲ་བགེགས་ཐལ་བའི་རྡུལ་དུ་རློག༔ རྣལ་འབྱོར་ལུས་དང་གྲིབ་བཞིན་འགྲོགས༔ གང་བཅོལ་ཕྲིན་ལས་ཐོགས་མེད་སྒྲུབས༔ མ་འདའ་བཛྲ་ས་མ་ཡ༔ ཨོཾ་རཀྴ་རཱ་ཧུ་ལ་ཨི་དཾ་བྷ་ལིཾ་ཏ་ཁཱ་ཧིཿ འདི་ལ་རྒྱུན་དུ་བརྩོན་གྱུར་ན༔ ཕྲིན་ལས་གང་འདོད་ཐོགས་མེད་འགྲུབ༔ རྟགས་མཚན་ལག་ཏུ་ལོངས་དང་གསལ༔ ཐེ་ཚོམ་མེད་དོ་ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཅེས་པ་འདི་ཡང་དད་ལྡན་དགེ་བཙུན་ཤཱི་ལ་རཏྣས་ནན་ཆེར་ཡང་ཡང་སྐུལ་ངོར་ཀུན་བཟང་བདེ་སྐྱོང་དབང་མོས་ཤར་མར་བྲིས་པ་དགེའོ༔ ། ཀྵཿ དད་པ་དང་ནི་དམ་ཚིག་གིས༔ དྲང་སྲོང་ཆེན་པོ་སྤྱན་འདྲེན་ནོ༔ དྲེགས་པ་སྡེ་བརྒྱད་འཁོར་དང་བཅས༔ མ་ ལུས་འདིར་གཤེགས་བརྟན་པར་བཞུགས༔ ཕྱི་ནང་གསང་བའི་མཆོད་པ་འབུལ༔ དམ་ཉམས་དགྲ་བོ་རྡུལ་དུ་རློག༔ རབ་འབྱམས་ཕྲིན་ལས་མྱུར་འགྲུབ་མཛོད༔ ས་མ་ཡ༔ རྒྱ་རྒྱ་རྒྱ༔ ཅེས་པ་འདི་ཉིད་རྣལ་འབྱོར་ལས་འབྲེལ་རྩལ་གྱི་བཞེད་སྐོང་དུ་བདེ་བའི་རྡོ་རྗེས་བརྡ་ལས་བསྒྱུར་བའོ། ། ཆོས་ཉིད་མཁའ་འགྲོའི་གསང་མཛོད་ལས༔ དྲེགས་པ་རྣམ་གསུམ་གསོལ་བསྡུས་ནི༔ གཏོར་མ་སྐྱེམས་སོགས་བྱིན་གྱིས་རླབས༔ རང་ཉིད་ལྷ་ཡི་ཏིང་འཛིན་གྱིས༔ ཧཱུྃ་བྷྱོ༔ སྔོན་ཚེ་རྒྱལ་དབང་པདྨའི་སྤྱན་སྔ་རུ༔ གཏེར་གྱི་སྲུང་མར་ཁས་བླངས་དམ་བཅས་པ༔ དབྱིངས་ཀྱི་རྗེ་མོ་དམ་ཅན་རྡོ་རྗེ་ལེགས༔ གཟའ་མཆོག་ཆེན་པོ་སྤྲུལ་འཁོར་བཀའ་སྡོད་བཅས༔ འདིར་གཤེགས་དམ་རྫས་དམར་གྱི་གཏོར་མ་འབུལ༔ གསོལ་མཆོད་བསྟོད་དེ་གང་བསམ་ཡོངས་གྲུབ་ཤོག༔ ཅེས་བརྗོད་ཕྲིན་ལས་རབ་འབྱམས་འགྲུབ་པར་ངེས༔ ས་མ་ཡ༔ ཞེས་པ་ཚུལ་རྡོར་བཞེད་པ་ལྟར་བདེ་རྡོར་གྱིས་སྨྲས་པའོ།། ཡང་ཀྱེེ༔ དད་པ་དང་ནི་དམ་ཚིག་གི༔ དྲེགས་པ་རྣམ་གསུམ་སྤྱན་འདྲེན་གཤེགས༔ ཕྱི་ནང་གསང་བའི་མཆོད་པ་འབུལ༔ དགྱེས་བཞེས་རབ་འབྱམས་ཕྲིན་ལས་མཛོད༔ ཅེས་དང་༔ ཡང་ཧྲིཿ དམ་ཚིག་དབང་གིས་བཀའ་སྲུང་དབྱིངས་ནས་བསྐུལ༔ མཆོད་གསོལ་འ་ 1 བསྟོད་དོ་ཕྲིན་ལས་མྱུར་འགྲུབ་མཛོད༔ ཅེས་སོ༔ །༣༽ དྲེགས་པ་རྣམ་གསུམ་བསྟོད་པ་ནི༔ བྷྱོཿ དུས་གསུམ་རྒྱལ་བའིཕྲིན་ལས་མཐུ་མངའ་བ༔ ལོག་འདྲེན་བདུད་སྡེ་འཇོམས་མཛད་དྲག་པོར་བཞེངས༔ དྲེགས་པ་རྣམ་གསུམ་སྤྲུལ་འཁོར་བཀའ་སྡོད་བཅས༔ མ་ལུས་འཁོར་དང་བཅས་ལ་ཕྱག་འཚལ་བསྟོད༔ མི་མཁོ་དགུ་མཁོ་ཤཱི་ལ་བཛྲ་ངོར༔ བདེ་བའི་རྡོ་རྗེས་གང་ཤར་ཡིག་རིས་བྲིས༔ །རྡོ ཆོས་ཉིད་མཁའ་འགྲོའི་ཐུགས་ཐིག་ལས༔ གནོད་སྦྱིན་སྲོག་བདག་ཆེན་པོའི་གསོལ་མཆོད་བདུད་ལས་རྣམ་རྒྱལ་ཕྲིན་ལས་མྱུར་འགྲུབ་བཞུགས་སོ༔ ན་མོ་པདྨ་ཀྲོ་ཏ་ཡེ༔ ཀརྦ།།སྨ།༔ ཕུདསྐྱེམས་དམར་གཏོར་ཤ་སྣ་མཆོད་རྫས་བཤམས༔ ནམ་མཁའ་མཛོད་ཀྱིས་བྱིན་བརླབས་བདུད་རྩིར་བསྒྱུར༔ རང་ཉིད་ལྷ་ཡི་ང་རྒྱལ་ལྡན་པའི་ངང་༔ ཤ་ཆེན་དུད་པས་བདུག་ཅིང་འདི་སྐད་དོ༔ བྷྱོ་ཀྵཿ དད་པ་དང་ནི་དམ་ཚིག་གིས༔ བཀའ་སྲུང་གཉེན་པོ་སྤྱན་འདྲེན་ནོ༔ དུར་ཁྲོད་རོལ་པའི་གཞལ་ཡས་ནས༔ གནོད་སྦྱིན་འཁོར་བཅས་གཤེགས་སུ་གསོལ༔ རྒྱནལྡན་མདའ་མཛེས་སྲོག་འཁོར་དང་༔ གཉིས་སུ་མེད་པར་བཞུགས་སུ་གསོལ༔ ཕྱི་ནང་གསང་བའི་མཆོད་པ་དང་༔ ཐུགས་མཐུན་སྤྱན་གཟིགས་སྣ་ཚོགས་ཀྱིས༔ གནོད་སྦྱིན་འཁོར་བཅས་གསོལ་ལོ་ མཆོད༔ ཐུགས་དམ་གཉན་པོ་བསྐང་གྱུར་ཅིག༔ དབང་ལྔའི་མེ་ཏོག་ཤ་ཆེན་དུད༔ ཉམས་པའི་ཤ་ཁྲག་སྲོག་དབུགས་ཀྱིས༔ གནོད་སྦྱིན་འཁོར་བཅས་གསོལ་ལོ་མཆོད༔ ཐུགས་དམ་གཉན་པོ་བསྐང་གྱུར་ཅིག༔ སྨན་སྣ་འབྲུ་སྣ་གོ་མཚོན་རིགས༔ ཁྱི་དམར་ཙིཏྟ་གོ་རོ་ཡིས༔ གནོད་སྦྱིན: ཐུགས་དམ༴ འདོད་ཡོན་དམར་གཏོར་སྐྱེམས་ཕུད་དང་༔ ཡིད་སྤྲུལ་མཐུན་པའི་རྫས་མཆོག་གི༔ གནོད་སྦྱིན: ཐུགས་དམ༴ ཁྱེད་ལ་ཕྲིན་ལས་བཅོལ་བ་ནི༔ སངས་རྒྱས་བསྟན་པ་ཁྱེད་ཀྱིས་སྲུངས༔ བསྟན་འཛིན་ཚེ་སྲིང་འདུས་སྡེ་རྒྱས༔ རྣལ་འབྱོར་བདག་ཅག་སྒྲུབ་པ་པོའི༔ ལུས་དང་གྲིབ་བཞིན་སྡོང་གྲོགས་མཛོད༔ མི་འདོད་འགལ་རྐྱེན་བར་ཆད་ཞི༔ ཆོས་སྲིད་མང་འཐང་ལོངས་སྤྱོད་རྒྱས༔ འགྲོ་བའི་སྣང་སེམས་དབང་དུ་བསྡུས༔ ཡིད་ལ་བརྣག་པའི་དགྲ་བགེགས་སྒྲོལ༔ བཀའ་དམ་གཉེན་པོ་དཔང་བཙུག་ལ༔ རབ་འབྱམས་ཕྲིན་ལས་ལྷུནགྲུབ་མཛོད༔ མ་འདའ་བཛྲ་ས་མ་ཡ༔ དེ་ལྟར་རྒྱུན་དུ་གསོལ་གྱུར་ན༔ བཀའ་སྲུང་ལུས་དང་གྲིབ་བཞིན་འགྲོགས༔ ཕྲིན་ལས་གང་འདོད་འགྲུབ་པར་ངེས༔ ཐེ་ཚོམ་མེད་དོ་ཉམས་སུ་ལོངས༔ སྐལ་ལྡན་བུ་དང་འཕྲད་པར་ཤོག༔ སྐལ་མེད་རྣམས་ལ་འདི་མ་འཕྲད༔ ས་མ་ཡ༔ རྒྱ་རྒྱ་རྒྱ༔ 第བརྡ་ཐིམ༔ གུ་ཧྱ༔ ཨི་ཐི༔ ཅེས་པའང་ཨོ་རྒྱན་དངོས་སྣང་གསང་གཏེར་རྒྱ་མཚོའི་ལྡེ་མིག་མཆོག་གྱུར་ཡིད་བཞིན་ནོར་བུ་ལས་འབྲེལ་བའི་བཞེད་སྐོང་དུ་དུས་མཐའི་གཏེར་མིང་ཀུན་བཟང་བདེ་སྐྱོང་དབང་མོས་རིན་ཆེན་ཤོག་སེར་ལས་དག་པར་བཤུས་པའོ༔ དགེའོ།། ཀ་དག་སྟོང་དབྱིངས་འོག་མིན་དུར་ཁྲོད་ནས༔ ཁ་དོག་རཱ་གའི་མདངས་ངོམས་ལྷ་ཆེན་པོ༔ ག་ལེར་མདའ་དར་སྲོག་འཁོར་རྟེན་ལ་བཞུགས༔ ང་ཡིས་འབོད་དོ་གནོད་སྦྱིན་ཤན་པ་དམར༔ ཅ་ཅོའི་ཚིག་ཙམ་མ་ཡིན་ངེས་པའི་དོན༔ ཆ་ལུགས་གནོད་སྦྱིན་དྲག་ཁྲོས་ཧེ་རུ་ཀ༔ ཇ་ཆང་ཕུད་སྐྱེམས་དགྲ་བགེགས་ཤ་ཁྲག་འབུལ༔ ཉ་རྒྱས་ཟླ་ལྟར་ཞལ་བཟང་བདག་ལ་སྟོན༔ ཏ་ཐག་ཏའི་བསྟན་སྲུང་ཆེན་པོ་ཁྱོད༔ ཐ་ཚིག་གཉན་ལས་མ་འདའ་ཕྲིན་ལས་མཛོད༔ ད་ནས་བྱང་ཆུབ་སྙིང་པོ་མ་ཐོབ་བར༔ ན་དའི་སྒྲ་ཡིས་ཁྱོད་བརྟེན་ཁྱོད་བསྒྲུབས་པས༔ པ་ར་མི་ཏའི་སྙིང་པོ་མཐར་ཕྱིན་ནས༔ ཕ་རོལ་གནོད་བྱེད་དགྲ་བགེགས་མ་ལུས་སྒྲོལ༔ བ་ཁམས་ལྟ་བུར་འགྲོ་དོན་མཐའ་རྒྱས་ནས༔ མ་ལུས་བདག་གི་དབང་དུ་འདུ་བར་མཛོད༔ ཙ་ཟན་རྟ་མཆོག་གླང་པོ་མ་ཧེ་དང་༔ ཚ་མངར་ཟས་ནོར་ལ་སོགས་དབང་དུ་བསྡུས༔ ཛ་བའི་གྲོགས་དང་འཁོར་སློབ་སྐྱོང་མཛོད་ལ༔ ཝ་TI1395-555 དང་གཅན་གཟན་གཟུགས་འགྲོས་སྣ་ཚོགས་འབུལ༔ ཞྭ་དམར་བསྟན་ལ་གནོད་པའི་དགྲ་བགེགས་སྒྲོལ༔ ཟ་ངུ་གྱིས་ལ་རྗེས་ལྷག་མེད་པར་མཛོད༔ འ་འུར་ཆེ་བའི་དམ་ཉམས་གང་ཡིན ཀུན༔ ཡ་མ་རཱ་ཛའི་ཁྲམ་ལ་ཐེབས་པར་མཛོད༔ ར་མེ་ཤྭ་རའི་གནས་སུ་རྣམ་ཤེས་སྤོར༔ ལ་ཡོག་མི་འགྱངས་དམ་ཉམས་དགྲ་ལ་ཕོབས༔ ཤ་ཁྲག་རུས་པ་རྔམས་རྫས་འཇུར་མིད་ཐོངས༔ ས་སྟེང་འདི་ན་འགྲན་བྲལ་ཁྱོད་ལྟ་བུ༔ ཧ་ར་ལ་སོགས་བསྟན་དགྲའི་གཤེད་པོ་ཆེ༔ ཨ་ཏིའི་བསྟན་སྲུང་རྣལ་འབྱོར་བུ་བཞིན་སྐྱོངས༔ བཀའ་སྲུང་གནོད་སྦྱིན་ཆེན་པོ་ཁྱོད་ལ བསྟོད༔ དེ་ལྟར་བསྟོད་ཅིང་སྒྲུབ་མཆོད་བྱས་པའི་མཐུས༔ རྣལ་འབྱོར་བདག་གི་ལུས་དང་གྲིབ་བཞིན་འགྲོགས༔ གང་འདོད་ཕྲིན་ལས་མ་ལུས་མྱུར་འགྲུབ་མཛོད༔ བཀའ་དང་དམ་ལས་མ་འདའ་ས་མ་ཡཱ༔ ཅེས་གནོད་སྦྱིན་ཆེན་པོའི་དགྱེས་ཞལ་ཅུང་ཟད་ངོམས་པའི་ཚེ༔ སུ་ཁ་བཛྲ་གྱིས་བྲིས་པའོ།། ། སྐྱེས་བུ་ཆེན་པོའི་གསོལ་བསྡུས་ནི༔ ཧཱུྃ༔ རྒྱལ་དབང་པདྨ་ཐོད་ཕྲེང་བཀའ་ཉན་པ༔ དམ་ཅན་སྐྱེས་བུ་རྡོ་རྗེ་ལེགས་པ་རྩལ༔ མཆེད་འཁོར་སུམ་བརྒྱ་དྲུག་བཅུའི་ཚོགས་དང་བཅས༔ འདིར་གཤེགས་དམ་རྫས་རྒྱན་གྱི་གཏོར་མ་བཞེས༔ རྣལ་འབྱོར་བདག་གིས་ ཇི་ལྟར་བཅོལ་བའི་ལས༔ ཐོགས་མེད་མྱུར་དུ་སྒྲུབས་ཤིག་ས་མ་ཡ༔ ཅེས་པ་ནན་དུ་གསོལ་གྱུར་ན༔ བཀའ་སྲུང་བྲན་འཁོལཐེ་ཚོམ་མེད༔ ས་མ་ཡ༔ རྒྱ་རྒྱ་རྒྱ༔ ཅེས་པ་འདི་ཡང་རྣལ་འབྱོར་ལས་འབྲེལ་པས་གསུང་བསྐུལ་ངོར་གཏེར་སྟོན་སུ་ཁ་བཛྲ་གྱིས་བརྡའ་ལས་བསྒྱུར་བའོ། ཧཱུྃ༔ འདོད་པའི་རྒྱལ་པོ་ཧེ་རུ་ཀ༔ དབང་ཕྱུག་ཆེན་པོ་འཁོར་དང་བཅས༔ འདིར་གཤེགས དམ་རྫས་གཏོར་མ་བཞེས༔ ལས་བཞིའི་ཕྲིན་ལས་འགྲུབ་པ་དང་༔ རྣལ་འབྱོར་བསམ་དོན་ལྷུན་གྲུབ་མཛོད༔ བདེ་བའི་རྡོ་རྗེས་བྲིས་པའོ༔ བྷྱོཿ མ་གཅིག་རྒྱལ་བ་ཀུན་གྱི་ཡུམ༔ མ་མོ་ཨེ་ཀ་ཛཱ་ཊི་མ༔ མ་ཚོགས་འཁོར་བཅས་གནས་འདིར་གཤེགས༔ མ་ཚངས་མེད་པའི་མཆོད་གཏོར་བཞེས༔ མ་གཡེལ་ལུས་དང་གྲིབ་བཞིན་འགྲོགས༔ མ་ཡི་ཐ་ཚིག་ཇི་བཞིན་དུ༔ རྣལ་འབྱོར་འདོད་དོན་ལྷུན་གྲུབ་མཛོད༔ སུ་ཁའི་མིང་གིས་སོ༔ བྷྱོཿ ཆོས་དབྱིངས་ཀུན་ཏུ་བཟང་མོའི་སྒྱུ་འཕྲུལ་གར༔ གསང་སྔགས་གཉེར་འཛིན་རྡོ་རྗེ་གཡུ་སྒྲོན་མ༔ འདིར་གཤེགས་དམ་རྫས་སྐྱེམས་གཏོར་འདི་བཞེས་ལ༔ བརྩེ་བའི་ཚུལ་གྱིས་མགོན་སྐྱབས་སྡོང་གྲོགས་མཛོད༔ ནད་གདོན་ཞི་དང་ཚེ་བསོད་ཡོན་ཏན་རྒྱས༔ ཁམས་གསུམ་དབང་བསྡུས་དགྲ་བགེགས =2 རྡུལ་བརླག་ནས༔ རྣལ་འབྱོར་བསམ་དོན་མ་ལུས་མྱུར་འགྲུབ་མཛོད༔ ཁྱེད་ལ་ཕྲིན་ལས་བཅོལ་བ་ནི༔ རྣལ་འབྱོར་ཟབ་གཏེར་སྤེལ་བའི་གྲོགས༔ ཆེ་གེའི་བླ་ཡིད་སེམས་གསུམ བསྡུས༔ རྣལ་འབྱོར་བདག་གི་དབང་གྱུར་ནས༔ ཚེ་བསྲིངས་བསྟན་པ་ཕྱོགས་ཀུན་རྒྱས༔ ཕྲིན་ལས་རྣམ་བཞི་འགྲུབ་པར་མཛོད༔ ཅེས་པའང་སུ་ཁའི་མིང་གིས་སོ༔ །དེ གེ་སར་བསང་བསྡུས་བདེ་ལེགས་འབྱུང་གནས་བཞུགས༔ ཨོཾ་ཨཱཿཧཱུྃ༔ ཟག་མེད་ཡེ་ཤེས་བདུད་རྩིའི་བསངས་མཆོད་འདི༔ རིགས་གསུམ་སེམས་དཔའི་སྒྱུ་འཕྲུལ་སེང་ཆེན་རྒྱལ༔ བཀའ་འཁོར་ལས་བྱེད་སྲུང་མའི་ཚོགས་ལ་འབུལ༔ བཞེས་ལ་བསམ་པའི་དོན་ཀུན་འགྲུབ་པར་མཛོད༔ ཅེས་བདེ་བའི་རྡོ་རྗེའི་མིང་གིས་གྲངས་ཚད་གསོག་སྐབས་ལེ་ལོས་བསྐུལ་ནས་ཉུང་བསྡུས་འདི་བྲིས་པའོ༔ ཧཱུཾ་དག་སྣང་ལས་གེ་སར་གསོལ་མཆོད་འདོད་དོན་མྱུར་འགྲུབ་བཞུགས༔ ན་མོ་པདྨ་ཀྲོ་ཏཱ་ཡེ༔ གང་ཞིག་རྣལ་འབྱོར་ལྡན་པ་ཡིས༔ སེང་ཆེན་དཔའ་བོ་མཆོད་པའི་ཐབས༔ འདོད་དོན་མྱུར་འགྲུབ་འདི་རུ་བསྟན༔ གསེར་སྐྱེམས་ལ་སོགས་ཅི་འབྱོར་བཤམས༔ ནམ་མཁའ་མཛོད་ཀྱིས་བྱིན་གྱིས་བརླབས༔ ཨོཾ་ཨཱཿཧཱུྃ་གིས་བདུད་རྩིར་བསྒྱུར༔ དེ་ནས་གསོལ་མཆོད་བྱ་བ་ནི༔ ཧཱུྃ༔ རིགས་གསུམ་པད་འབྱུང་སྤྲུལ་པ་སེང་ཆེན་རྒྱལ༔ གེ་སར་ནོར་བུ་དགྲ་