Tibetan
བཞག །མཐར་སྒོ་གསུམ་རྡོ་རྗེ་གསུམ་གྱི་སྐབས། ཁམས་གསུམ་གྱི་རྟེན་རགས་པའི་སྒོ་གསུམ་དག་ནས་ཕྲ་བའི་སྒོ་གསུམ་དུ་སྨིན་ཚུལ་ལ། སྤྱིར་ཕྲ་བའི་སྒོ་གསུམ་སྣང་མཆེད་ཐོབ་གསུམ་ལ་འདོད་ཚུལ་དང་། རྩ་རླུང་ཐིག་ལེ་གསུམ་ལ་འདོད་ཚུལ་ཡོད་ཀྱང་། ད་ལྟ་ཕྲ་བའི་སྒོ་གསུམ་རྡོ་རྗེ་གསུམ་དུ་སྨིན་ཚུལ་ལ་བཤད་དེ། ས་ཆུ་གཉིས་པོ་སྐུ་རྡོ་རྗེར་སྨིན། མེ་རླུང་གཉིས་པོ་གསུང་རྡོ་རྗེར་སྨིན། མཁའ་སེམས་གཉིས་པོ་ཐུགས་རྡོ་རྗེར་སྨིན་པའོ། །འདི་སྐབས་རགས་པའི་སྒོ་གསུམ་དག །སྐུ་དང་ཡེ་ཤེས་སུ་རྫོགས རྡོ་རྗེ་གསུམ་དུ་སྨིན་པའོ།། དངོས་གཞིའི་སྒོ་གསུམ་གྱི་གནད་གཟིར་བའི་སྐབས་སུ་ཆོས སྐུའི་བཞུགས་སྟངས་ཀྱི་ཁྱད་པར། རྡོ་རྗེའི་ཁུ་ཚུར་གཉིས་བརླ་གཡས་གཡོན་གྱི་ཐད་དཀར་སར་བཙུགས་པའམ། ཡང་ན་རྐང་མཐིལ་ཁ་སྦྱར་བའི་གཡས་གཡོན་གྱི་ཕྱི་རོལ་དུ་ཁུ་ཚུར་གཉིས་སར་བཙུགས་ནས་སྡོད། གཡོ་བྱེད་ཀྱི་རླུང་ནི་རྟོག་ཚོགས་ཕྲ་རགས་ཐམས་ཅད་འབྱུང་བའི་རྒྱུ་དང་། འཕྲོ་བ་ལས་ཀྱི་རླུང་འགྱུ་འཕྲོའི་རྟོག་ཚོགས་ཐམས་ཅད་འཕེལ་བའི་རྒྱུའོ། ལོངས་སྐུའི་བཞུགས་སྟངས་ཀྱི་ཁྱད་པར་སྤྱི་ལྟར་དང་། དབྱིངས་ལ་རིག་པ་འདྲེན་པའི་གནད་ནི རིག་གདངས་རྡོ་རྗེ་ལུ་གུ་བརྒྱུད་དབྱིངས་ཀྱིགོ་ར་ལས་མི་འདའ་བའི་དོན་དང་། སྤྲུལ་སྐུའི་བཞུགས་སྟངས་རྐང་བའི་ལོང་བུ་གཉིས་གཤིབ་ནས་རྐང་མགོ་གཡོན་སྟེང་དང་། གཡས་འོག་ཏུ་བཞག་ནས་མཉམ་པར་བསྣོལ་ལ ལག་པའི་སོར་མོ་གཉིས་ཕན་ཚུན་གཅིག་བར་དུ་གཅིག བསྣོལ་ཏེ་པུས་མོར་འཁྱུད་དེ་སྡོད། དོན་གཉིས་པ་གནད་གསུམ་ལ་བརྟེན་ནས་ཞེས་པ། ལུས་གནད་བཞུགས་སྟངས། ངག་གནད་སྨྲ་བཅད། སེམས་གནད་མ་བཅོས་རང་བབས་བཞག པའོ། །དོན་གསུམ་པ་ཉམས་སུ་བླངས་པས་གཞི་དང་ལམ་གྱི་སྒྲོན་མའི་སྐབས་སུ་ལྟེ་བའི་རྩ་མདུད་ཆགས་པའི་དུས་སུ་འདི་ལྟར། གྲུ་གསུམ་གྱི་དབུས་སུ་ཚོགས་བརྒྱད་ཀྱི་རྟོག་པ་འཆར་བའི་ ༄༅། །རྟེན་གྱི་རྩ་བརྒྱད་ཆགས་པ། དཔེར་ན་རི་དྭགས་ཨེ་ནྱ་ལྟ་བུ་སྟེ། དེ་ནི་སེང་གེ་རྐང་བརྒྱད་དམ་བསེ་རུ་ལྟ་བུའོ། །རྒྱངས་ཞགས་ཆུའི་སྒྲོན་མའི་ཁམས་དྲུག་ཚང བའི་རྟེན་གྱི་སྐབས་སུ་འབྱུང་ཁམས་ལྔ་དང་། སེམས་ཀྱི་ཁམས་དང་དྲུག་སྟེ མེ་རླུང་གཉིས་གསུང་རྡོ་རྗེ། མཁའ་སེམས་གཉིས་ཐུགས་རྡོ་རྗེ་སྟེ། སྒོ་གསུམ་རྡོ་རྗེ་གསུམ་དུ་འབྲེལ་བའོ། སྦ་བསྡུ་དག་སྦྱོར་གྱི་རིག་པ་འོད་ཀྱི་གྭའུར་སྦ་བའི་སྐབས་སུ་རླུང་རོ་དབུགས་ཐེངས་གཅིག་ལ་སྣ་བུག་གཉིས་ནས་མཉམ་དུ་ལན་གསུམ་གསལ། ཤེས་བྱ་བུམ་བསྡུའི་སྐབས་སུ་ཤེས་བྱ་བུམ་འཇུག་གི་དགོངས་པའི་གནད་ནི་ཆོས་ཅན་གྱི་སྣང་བ་ཐམས་ཅད་ཆོས་ཉིད་ཀྱི་དབྱིངས་སུ་གྲོལ་བའོ།། འཆི་སྦྱོང་སྐབས་སུ་དྲང་སྲོང་ངལ་བསོ་ནི་ལུས་དྲང་སྲོང་ཙོག་པུ་སྤྱི་ལྟར་ལ། ལག་གཡས་རྡོ་རྗེའི་ཁུ་ཚུར་དཔྱི་ཐད་དུ་སར་འཛུགས ལག་གཡོན་རྡོ་རྗེའི་ཁུ་ཚུར་རྗེ་ངར་གྱི་ཐད་ཙམ་དུ་སར་བཙུགས་ཤིང་མིག་དབྱིངས་སྣང་ལ་གཏད། རང་བཞིན་སྤྲུལ་པའི་ཞིང་ལྔ་ནི རིགས་ལྔའི་ཞིང་ཁམས་དང་དཔལ་རིའི་ཞིང་ཁམས་སོགས་གསལ་ཀྱང་ཆོག །གླང་ཆེན་འདུག་སྟངས་སྤྱི་ལྟར་དང་རང་ལུས་མཉམ་ཉིད་བདེ་ལུགས་སུ་ཉལ་བ་ནི ལུས་གན་རྐྱལ་དུ་ལོག་ཅིང་ རྐང་ལག་ཐམས་ཅད་ཕྱིར་བརྐྱངས་ནས་འདུགགོ། །ཉམས་གོང་འཕེལ་སྐབས།ནང་ཤེས་ཉམས་རྩལ་རྫོགས་ཏེ་བདེ་ཉམས་རི་བོ་གཡོ་འགུལ་མེད་པ་ལྟ་བུ། གསལ་ཉམས་རྒྱ་མཚོ་རླུང་གིས་མ་བསྐྱོད་པ་ལྟ་བུ། སྟོང་ཉམས་ནམ་མཁའ་མཐའ་དབུས་མེད་པ་ལྟ་བུའོ། །རིག་པ་ཚད་ཕེབས་དུས ནང་ཤེས་ཉམས་དང་། སྣང་ཉམས་གཉིས་ཀ་ཚད་ལ་ཕེབས་ཏེ་རྫོགས་པར གསུངས། འདིའི་དངོས་གཞི་ཞག་མ་བརྒྱ་རུ་མཚམས་དམ་རྒྱ་བྱེད་ནས་བསྒོམ་དགོས་པ་ཡིན་ནོ། །སྐྱབས་རྗེ་མཁའ་འགྲོ་རིན་པོ་ཆེའི་ཞལ་གསུངས་རྣམས་ཚུལ་ཁྲིམས་རྡོ་རྗེས་ཟིན་བྲིས་བགྱིས་པའོ།། །། TI1395 - 522 །རྡོ ཆོས་ཉིད་མཁའ་འགྲོའི་གསང་མཛོད་ལས༔ ཟངས་མདོག་དཔལ་རིའི་སྨོན་ལམ་བསྡུས་པ་ཐུགས་རྗེའི་ལྕགས་ཀྱུ་བཞུགས་སོ༔ ཨེ་མ་ཧོཿ རང་སྣང་དག་པ་རྔ་ཡབ་དཔལ་རིའི་ཞིང་༔ ཡོན་ཏན་བཀོད་པ་མ་ལུས་ལྷུན་རྫོགས་དབུས༔ རྒྱལ་ཀུན་འདུས་པ་ཨོ་རྒྱན་རྡོ་རྗེ་འཆང་༔ སྐུ་གསུམ་ལྷུན་གྲུབ་མཚན་དང་དཔེ་བྱད་ལྡན༔ འགྱུར་མེད་ཆོས་སྐུའི་ངང་དུ་རྟག་པར་བཞུགས༔ བདེ་སྟོང་དབྱིངས་རོལ་མཁའ་འགྲོ་རྣམ་པ་གཉིས༔ མདུན་འཁོར་རྒྱ་བོད་རིག་འཛིན་གྲུབ་ཐོབ་དང་༔ དཔའ་བོ་དཔའ་མོ་སྤྲིན་ལྟར་འཁྲིགས་ཤིང་བཞུགས༔ རང་རང་སྐུ་མདོག་ཕྱག་མཚན་རྣམ་འགྱུར་སོགས༔ མ་འདྲེས་ཆ་ལུགས་ཡོངས་རྫོགས་སྒྱུ་འཕྲུལ་ཤར༔ གསང་སྔགས་བླ་མེད་ཆོས་ཀྱི་འཁོར་ལོ་བསྐོར༔ ཐུགས་རྗེས་འགྲོ་ལ་རྒྱུན་ཆད་མེད་པར་གཟིགས༔ སྤྲུལ་པ་ཡང་སྤྲུལ་གདུལ་བྱའི་འགྲོ་བ་ལ༔ ཞལ་གཟིགས་ལུང་བསྟན་དབུགས་དབྱུང་དངོས་གྲུབ་གནང་༔ སྔོན་གྱི་ཞལ་བཞེས་དགོངས་ལ་བརྩེ་བ་ཡིས༔ བདག་སོགས་མོས་པའི་བུ་ལ་བྱིན་གྱིས་རློབས༔ ལུས་དང་ལོངས་སྤྱོད་དགེ་ཚོགས་མ་ལུས་དང་༔ སྣང་སྲིད་ཡིད་འོང་བཀོད་པ་ཅི་མཆིས་པ༔ བློ་ཡིས་བླངས་ཏེ་རྒྱལ་བ་ཁྱེད་ལ་འབུལ༔ བཞེས་ནས་འགྲོ་ཀུན་ཚོགས་ རྫོགས་སྒྲིབ་སྦྱངས་ནས༔ གསང་སྔགས་རྫོགས་པ་ཆེན་པོའི་ཉམས་ལེན་ལ༔ ལྟ་སྒོམ་སྤྱོད་པ་མ་ནོར་ངོ་འཕྲོད་དེ༔ གཞི་ལམ་འབྲས་བུའི་རང་ས་ཟིན་པ་དང་༔ ཐོད་རྒལ་སྒྲོན་དྲུག་སྣང་བཞི་མཐར་ཕྱིན་ནས༔ གཞོན་ནུ་བུམ་སྐུའི་རྒྱལ་ས་ཟིན་པར་ཤོག༔ འདི་ནས་མི་གནས་ལུས་སེམས་བྲལ་བའི་ཚེ༔ འོད་གསལ་གསང་ལམ་ཡེ་ཤེས་ལམ་བགྲོད་ནས༔ དཔའ་བོ་མཁའ་འགྲོའི་བསུ་མ་འབྱོན་པར་ཤོག༔ གུ་རུ་སིདྡྷིའི་གླུ་དབྱངས་བླངས་ནས་ཀྱང་༔ གསང་སྔགས་ཆོས་ཀྱི་དགའ་སྟོན་འགྱེད་པར་ཤོག༔ ཞིང་གི་སྟོན་པ་རིག་འཛིན་མཁའ་འགྲོ་ཡི༔ ཐུགས་རྒྱུད་བྱིན་རླབས་བདག་ལ་འཕོས་ནས་ཀྱང་༔ སྒྲིབ་གཉིས་བག་ཆགས་དྲི་མ་ཡོངས་སྦྱངས་ནས༔ རང་དང་འབྲེལ་ཐོགས་འགྲོ་བ་མ་ལུས་ཀུན༔ རང་སྣང་འོག་མིན་ཟངས་མདོག་དཔལ་རིའི་གནས༔ པདྨ་དྲྭ་བའི་ཞིང་དེར་སྐྱེ་བར་ཤོག༔ ཞིང་དེར་སྐྱེ་ནས་རིག་འཛིན་པདྨ་དང་༔ རྒྱ་བོད་རིག་འཛིན་གྲུབ་ཐོབ་རྒྱ་མཚོ་ཡི༔ ཞལ་མཇལ་གསུང་ཐོས་དགོངས་པ་གཏད་ཙམ་གྱིས༔ ས་ལམ་ཡོན་ཏན་མ་ལུས་ཡོངས་རྫོགས་ནས༔ རང་གཞན་དོན་གཉིས་ལྷུན་གྱིས་གྲུབ་པར་ཤོག༔ དཀོན་མཆོག་གསུམ་གྱི་བདེན་པའི་བྱིན་རླབས་དང་༔ རིག་འཛིན་པདྨའི་སྟོན འཁོར་ཐུགས་རྗེ་ཡིས༔ བདག་གི་ལྷག་བསམ་རྣམ་པར་དག་པའི་མཐུས༔ སྨོན་ལམ་འདི་བཏབ་ཡོངས་སུ་འགྲུབ་པ་དང་༔ གནས་ངན་འཁོར་བའི་རྒྱ་མཚོ་སྟོངས་པར་ཤོག༔ ཅེས་པ་འདི་ལ་བརྩོན་གྱུར་ན༔ ཞིང་དེར་སྐྱེ་བར་ཐེ་ཚོམ་མེད༔ སྐལ་ལྡན་བུ་ཡིས་ཉམས་སུ་ལོངས༔ ལོག་ལྟ་ཅན་ལ་གུ་ཧྱ་རྒྱ༔ བཀའ་སྲུང་རྣམས་ཀྱིས་གཉེར་གྱིས་ཤིག༔ ས་མ་ཡ༔ ཞེས་པ་ཟངས་མདོག་དཔལ་རིའི་སྨོན་ལམ་བསྡུས་པ་འདི་ཡང་བཙུན་མ་དདལྡན་མས་བསྐུལ་ངོ་མི་ལྡོག་ཙམ་དུ་ཡོན་ཏན་མེདཔའི་སྤྲང་མོ་མདོ་མེད་འཆོལ་མོ་དུད་འགྲོ་ལྟ་བུའི་འདུ་ཤེས་གསུམ་པ་སུ་ཁ་བཛྲ་གྱིས་བྲིས་པའི་དགེ་བས་འགྲོ་ཀུན་པདྨ་དྲྭ་བའི་ཞིང་དུ་སྐྱེ་བའི་རྒྱུར་གྱུར་丑 ཅིག༔ དགེའོ།། །། 1161་ཚུང་གོ TI1395-525 TI1395-526 鄂 ཆོས་ཉིད་མཁའ་འགྲོའི་གསང་མཛོད་ལས༔ མཁའ་སྤྱོད་ཞིང་བགྲོད་སྨོན་ལམ་བྱང་ཆུབ་ལམ་བཟང་ཐར་པའི་སྒོ་འབྱེད་ཟབ་མོ་བཞུགས་སོ༔ ཨེ་མ་ཧོཿ རང་སྣང་རྣམ་དག་ཡོངས་གྲུབ་འོག་མིན་ཞིང་༔ པདྨ་རཱ་གའི་ས་གཞི་ཁོད་སྙོམས་བརྡལ༔ རིན་ཆེན་སྣ་ཚོགས་གཅལ་བཀྲམས་ཡིད་འོང་གནས༔ མེ་ཏོག་ལྗོན་པ་རབ་རྒྱས་མཚོ་དཀྱིལ་དྭངས༔ བྱ་རིགས་སྣ་ཚོགས་སྐད་སྙན་ཆོས་སྒྲ་སྒྲོགས༔ འཇའ་ཚོན་སྣ་ལྔའི་འོད་ཀྱིས་བར་སྣང་གང་༔ ལྷ་དང་ལྷ་མོའི་ཚོགས་ཀྱང་སྤྲིན་ལྟར་གཏིབས༔ རོལ་མོའི་སྒྲ་དང་མཆོད་སྤྲིན་དཔག་མེད་ཀྱིས༔ ཞིང་ཁམས ཀུན་དང་སྣང་བའི་ཡུལ་རྣམས་ཁྱབ༔ ཞིང་དེའི་དབུས་སུ་རིན་ཆེན་ལྔ་ལས་གྲུབ༔ ཕོ་བྲང་ཆེན་པོ་ཚད་དང་མཚན་ཉིད་རྫོགས༔ ལྷུན་གྲུབ་གཞལ་ཡས་ཁང་པ་བཀོད་རེ་ལེགས༔ རང་བྱུང་གཞལ་ཡས་ཁང་གི་དབུས་སུ་ནི༔ ཆོས་འབྱུང་དམར་པོ་ཉིས་བརྩེགས་གདན་གྱི་དབུས༔ པད་ཉི་དུས་མཚན་ཕོ་མོའི་རོ་ཡི་སྟེང་༔ རྒྱལ་ཡུམ་རྡོ་རྗེ་བཙུན་མོ་མཁའ་སྤྱོད་མ༔ དམར་གསལ་ཞལ་གཅིག་སྤྱན་གསུམ་དབྱིངས་སུ་གཟིགས༔ དབུ་སྐྲགྱེན་འཁྱིལ་ཁྲོ་མོའི་ཆས་ཀུན་རྫོགས༔ ཕྱག་གཉིས་གཡས་པས་གྲི་གུག་མཐུར་འཕྱར་འཛིན༔ གཡོན་པས་བྷན་ཐོད་到。 ཁྲག་བཀང་རྡུབས་ཚུལ་གྱིས༔ ཕྲག་གཡོན་སྟེང་ནས་ཞལ་གྱི་ཕྱོགས་སུ་འཛིན༔ མཆན་གཡོན་བཅུ་གསུམ་ཆས་ལྡན་ཁ་ཊཱཾ་འཛིན༔ ཡེ་ཤེས་ལྔ་ལྡན་མེ་རིས་འཁྱིལ་ཀློང་དུ༔ ཞབས་གཉིས་གཡས་བརྐྱངས་གཡོན་བསྐུམ་གར་གྱིས་རོལ༔ ནུ་འབུར་པདྨ་རྒྱས་དང་སྒེག་པའི་མདངས༔ མཐོང་བས་བཅུ་དྲུག་དགའ་བའི་བཞིན་ངོམས་ཤིང་༔ མཚན་དང་དཔེ་བྱད་རབ་རྫོགས་རྣམ་དག་ཅིང་༔ འཁོར་དང་དབྱིངས་སྤྱོད་ཌཱ་ཀི་མང་པོས་བསྐོར༔ རྒྱལ་བ་རྡོ་རྗེ་འཆང་དང་གཉིས་ལྡན་གྱི༔ སངས་རྒྱས་བྱང་སེམས་གྲུབ་བརྙེས་རིག་འཛིན་དང་༔ བདེ་མཆོག་འཁོར་ལོ་རྒྱུད་སྡེའི་དཀྱིལ་འཁོར་ལྷ༔ དཔའ་བོ་མཁའ་འགྲོའི་དམ་ཅན་སྲུང་མའི་ཚོགས༔ མ་འདྲེས་ཆ་ལུགས་རྣམ་འགྱུར་དུ་མའི་སྐུ༔ མཁྱེན་བརྩེའི་རང་བཞིན་ཡེ་ཤེས་སྒྱུ་མའི་གར༔ འགྲོ་བ་ཀུན་ལ་ཐུགས་རྗེས་དགོངས་ཏེ་བཞུགས༔ རྡོ་རྗེ་བཙུན་མོ་མཆོག་ལ་གསོལ་བ་འདེབས༔ ཚེ་འདི་འཕོས་ཚེ་ཌཱ་ཀིའི་ཞལ་མཐོང་ཤོག༔ བདག་སོགས་སྒོ་གསུམ་དག་པས་ཕྱག འཚལ་ལོ༔ སྣང་སྲིད་སྣོད་བཅུད་འདོད་ཡོན་མཆོད་པ་འབུལ༔ སྡོམ་བསླབ་དམ་ཚིག་ཉམས་པ་མཐོལ་ལོ་བཤགས༔ རྣམ་དག་དགེ་ཚོགས་བསྒྲུབ་ལ་རྗེས་ཡི་རངས༔ ཟབ་རྒྱས་ཆོས་ 鄂ཀྱི་འཁོར་ལོ་བསྐོར་དུ་གསོལ༔ མྱ་ངན་མི་འདའ་བཞུགས་པར་གསོལ་བ་འདེབས༔ དགེ་ཚོགས་འགྲོ་བ་སེམས་ཅན་ཡོངས་ལ་བསྔོ༔ མདོར་ན་བདག་ནི་ཚེ་འཕོས་གྱུར་མ་ཐག༔ རྣལ་འབྱོར་དབང་མོའི་ཐུགས་རྗེའི་ལྕགས་ཀྱུ་ཡིས༔ བཟུང་སྟེ་མཁའ་སྤྱོད་དག་པའི་གནས་སུ་ཁྲིད༔ དཔའ་བོ་མཁའ་འགྲོའི་ཚོགས་ཀྱིས་མདུན་བསུས་ཏེ༔ རང་སྣང་དག་པའི་ཞིང་དེར་སྐྱེ་བར་ཤོག༔ སྐྱེ་ནས་ཐེག་ཆེན་ཆོས་ལ་ལོངས་སྤྱོད་ནས༔ གང་འདུལ་སྤྲུལ་པས་འགྲོ་ཀུན་འདྲེན་ནུས་ཤོག༔ ཆོས་ཉིད་དོན་དམ་རྣམ་པར་དག་པ་དང་༔ ཆོས་ཅན་ཀུན་རྫོབ་བསླུ་མེད་བདེན་པ་དང་༔ མཁའ་སྤྱོད་དབང་མོའི་ཐུགས་རྗེ་ནུས་པའི་མཐུ༔ བདག་གི་རྣམ་དཀར་དགེ་བའི་འབྲས་བུ་ཡིས༔ སྨོན་ལམ་བཏབ་པ་ཚེ་འདིར་འགྲུབ་པར་ཤོག༔ ས་མ་ཡ༔ དེ་ལྟར་སྙིང་ནས་སྨོན་ལམ་བཏབ་གྱུར་ན༔ ཚེ་འདིར་བར་ཆད་ཀུན་སེལ་བསམ་པ་འགྲུབ༔ ཕྱི་མ་མཁའ་སྤྱོད་དག་པའི་ཞིང་ཁམས་སུ༔ རྗེ་བཙུན་རྡོ་རྗེ་རྣལ་འབྱོར་ཞབས་དྲུང་དུ༔ སྐྱེས་ནས་ཡོན་ཏན་ཡོངས་རྫོགས་དོན་གཉིས་འགྲུབ༔ ཐེ་ཚོམ་མེད་དོ་བཛྲ་ས་མ་ཡ༔ རྒྱ་རྒྱ་རྒྱ༔ གུ་ཧྱ༔ བརྡ་ཐིམ༔ ཨྠི༔ ཞེས་པ་འདི་ཡང་དགེ་བཙུན་དམ་པ་པདྨ་བདེ་གསལ་གྱིས་ཡང་ཡང་བསྐུལ་ངོར་མདོ་མེད་འཆོལ་མོ་བདེ་སྐྱོང་དབང་མོས་མཁའ་འགྲོའི་གསང་མཛོད་ལས་དག་- པར་བྲིས་པའོ།། དབྱིངས་ཡུམ་རྡོ་རྗེ་ཕག་མོའི་སྒྱུ་འཕྲུལ་གར༔ འགྲོ་ལ་རྗེས་ཆགས་བདེ་བའི་རྡོ་རྗེ་རྩལ༔ མི་འགྱུར་སྐུ་ཚེ་ཞབས་པད་རབ་བརྟན་ནས༔ ཟུང་འཇུག་འབྲལ་མེད་མཛད་པ མཐར་ཕྱིན་ཤོག༔ ཅེས་པའང་བླ་མ་པདྨ་བདེ་གསལ་གྱིས་བསྐུལ་ངོར། སུ་ཁ་བཛྲ་གྱིས་བརྫུན་རིས་སོ། །དགེའོ།། །། 24 སུ་ཁ་བཛྲ TI1395-530 鄂སྨོན་ལམ་དཔག་བསམ་རྒྱས་པ་ཡིད་བཞིན་དཔལ་སྟེར་བཞུགས༔ ཕྱོགས་བཅུའི་རྒྱལ་བ་སྲས་བཅས་ཐམས་ཅད་དང་༔ བརྒྱུད་གསུམ་རིག་འཛིན་བླ་མ་རྩ་གསུམ་ལྷ༔ གནས་ཡུལ་དཔའ་བོ་མཁའ་འགྲོ་དམ་ཅན་དང་༔ རིགས་བརྒྱའི་ཁྱབ་བདག་བླ་མ་དེ་མཁྱེན་ནོ༔ བདག་གི་སྨོན་ལམ་འགྲུབ་པའི་དཔང་པོར་མཛོད༔ དེང་ནས་བཟུང་སྟེ་བྱང་ཆུབ་སྙིང་པོའི་བར༔ མཆོག་གསུམ་བླ་མ་རྣམས་དང་མི་འབྲལ་ཞིང་༔ ཐུགས་རྒྱུད་དགོངས་པའི་ཡེ་ཤེས་ཡོན་ཏན་ཀུན༔ བདག་གི་རྒྱུད་ལ་འཕོ་ཞིང་སྨིན་གྲོལ་ཤོག༔ ཚུལ་ཁྲིམས་གསུམ་གྱིས་བྱང་ཆུབ་ལམ་ལ་གནས༔ ཤེས་རབ་གསུམ་གྱིས་བསླབ་པའི་གཞི་བཟུང་ནས༔ ཐེག་གསུམ་ཡང་དག་འབྲས་བུ་མཐར་ཕྱིན་ཏེ༔ བྱང་ཆུབ་སེམས་དཔའི་དགོངས་སྤྱོད་བགྱི་ནུས་ཤོག༔ སྐྱེ་ཞིང་སྐྱེ་བ་ཚེ་རབས་ཐམས་ཅད་དུ༔ དཔལ་ལྡན་བླ་མའི་ཕྲིན་ལས་དཔལ་གྱུར་ཏེ༔ གུ་རུ་ཡབ་ཡུམ་ཐུགས་བཞེད་འགྲུབ་པ་དང་༔ ཟབ་གཏེར་ཆོས་ཀྱི་རྒྱལ་མཚན་འཛིན་ནུས་ཤོག༔ སྒྲུབ་ལ་བརྩོན་ཞིང་དམ་ཆོས་འཕེལ་བ་དང་༔ སྡོམ་དང་བསླབ་པ་དམ་ཚིག་ལ་གནས་ཤིང་༔ དག་སྣང་མོས་གུས་ཕྱོགས་མེད་འཆར་བ་ཡིས༔ སྣང་སྲིད་དག་མཉམ་ཆོས་སྐུར་རྟོགས་པར་གོ ཤོག༔ བསྐྱེད་རྫོགས་མཐར་ཕྱིན་འགྲུབ་འབྲས་མངོན་གྱུར་ནས༔ ལྟ་སྒོམ་སྤྱོད་འབྲས་གནས་ལུགས་གདིང་ཐོབ་སྟེ༔ ཉིན་མཚན་འོད་གསལ་ངང་ལས་མི་འདའ་བར༔ གཞོན་ནུ་བུམ་སྐུའི་གཏན་སྲིད་ཟིན་པར་ཤོག༔ མདོར་ན་བདག་གིས་བྱང་ཆུབ་བསྒྲུབ་པ་ལ༔ སྨོན་ལོག་བདུད་ཀྱིས་མི་མཐུན་བསམ་སྦྱོར་ལས༔ ཕྱི་ནང་རྒྱུ་རྐྱེན་བར་ཆད་འཚེ་བ་ཀུན༔ རྩ་གསུམ་སྲུང་མའི་མཐུ་ཡིས་ཞི་བ་དང་༔ འགལ་རྐྱེན་ཀུན་ཞི་མཐུན་རྐྱེན་ལེགས་འགྲུབ་ནས༔ རང་གཞན་དོན་གཉིས་འབད་མེད་ལྷུན་གྲུབ་ཤོག༔ རིམ་གཉིས་ཟབ་མོའི་ལམ་ལ་བརྩོན་པ་དང་༔ ལུས་དང་ལོངས་སྤྱོད་དངོས་པོ་ཅི་མཆིས་པ༔ མ་ལུས་འགྲོ་བའི་དོན་དུ་གྱུར་བ་དང་༔ བསྡུ་དངོས་བཞི་ཡིས་འཁོར་བ་སྟོང་ནུས་ཤོག༔ བདག་ཉིད་མཐོང་དང་དྲན་དང་རེག་པ་དང་༔ ཐ་ན་རླུང་རྫི་ཕོག་པ་ཙམ་གྱིས་ཀྱང་༔ ཉོན་མོངས་ཀུན་ཞི་སྒོ་གསུམ་སྒྲིབ་དག་ནས༔ ངེས་འབྱུང་བྱང་སེམས་རྒྱུད་ལ་སྐྱེ་བར་ཤོག༔ བདག་དང་བདག་གི་འབྲེལ་ཐོག་སེམས་ཅན་ཀུན༔ ཚེ་འདིའི་ལུས་བརྗེས་སྣང་བ་འགྱུར་མ་ཐག༔ རྣམ་དག་ཞིང་ཁམས་དཔལ་རིའི་ཕོ་བྲང་དུ༔ རིག་འཛིན་པད་འབྱུང་སྟོན་འཁོར་དབྱེར་མེད་དྲུང་༔ འཁོར་གྱི་ཐོག་མར་བདག་སོགས་འགྱུར་བར་ 鄂ཤོག༔ སླར་ཡང་གདུལ་བྱའི་མོས་ངོར་གང་འདུལ་གྱི༔ སྤྲུལ་པ་མང་པོ་བྱེ་བ་ཕྲག་བརྒྱ་ཡིས༔ ཁམས་གསུམ་འཁོར་བའི་རྒྱ་མཚོ་མ་སྟོང་བར༔ འགྲོ་དོན་རླབས་ཆེན་གེགས་མེད་འབྱུང་ནུས་ཤོག༔ བདག་གི་སྨོན་ལམ་འདིས་མཚོན་དུས་གསུམ་དགེ༔ མཐའ་ཡས་འགྲོ་བ་སེམས་ཅན་དོན་དུ་བསྔོ༔ མ་ལུས་ཕྱམ་གཅིག་སངས་རྒྱས་ས་ཐོབ ནས༔ རྒྱལ་བསྟན་ཉམས་མེད་རྒྱས་པའི་རྒྱུར་འགྱུར་ཤོག༔ དཀོན་མཆོག་རྩ་གསུམ་བདེན་པའི་བྱིན་རླབས་དང་༔ བདེན་གཉིས་བསླུ་བ་མེད་པའི་རྟེན་འབྲེལ་མཐུས༔ བསམ་པའི་དོན་ལ་བར་ཆད་མི་འབྱུང་ཞིང་༔ སྨོན་བཞིན་གེགས་མེད་ཡིད་བཞིན་འགྲུབ་གྱུར་ཅིག༔ ཅེས་སྨོན་ཚིག་ཉུང་བསྡུས་འདི་ཡང་རང་སློབ་དམ་པ་རྟོག་བྲལ་ནམ་མཁའི་རྣལ་འབྱོར་ཤེས་རབ་འོད་ཟེར་ལྷ་ལྡན་ལ་བྱོན་སྐབས་འདི་ལྟར་དགོས་ཞེས་ལྷ་རེག་དྲི་བྲལ་དང་རེག་བྱ་བཟང་གོས་དབང་མདོག་སྐྱེས་བཅས་བཀའ་བསྐུལ་ཟབ་ཕྱིར་མི་ལྡོག་ཙམ་དུ་ཀུན་བཟང་བདེ་སྐྱོང་དབང་མོས་ཉམས་ཆོས་ཡིག་རིས་སུ་བྲིས་པའོ། །དགེའོ།། །། - TI1395 - 533 TI1395-534 鄂།རྡོ མཁའ་འགྲོ་གསང་བའི་མཛོད་ལས༔ རྫོགས་ཆེན་གསང་ལམ་སྨོན་ལམ་ཀུན་བཟང་ཐུགས་ཐིག་བཞུགས༔ ན་མོ་བཛྲ་དྷ་ར་ཡེ༔ མཚོ་སྐྱེས་རྡོ་རྗེ་འཆང་ལ་འདུད༔ མ་འོངས་ལས་ཅན་དོན་ཆེད་དུ༔ སྨོན་ལམ་ཀུན་བཟང་ཐུགས་ཐིག་བསྟན༔ སྐལ་ལྡན་བུ་ཡིས་ཉམས་སུ་ལོངས༔ ས་མ་ཡ༔ དཔལ་ཀུན་ཏུ་བཟང་པོ་ལ་ཕྱག་འཚལ་ལོ༔ གདོད་མའི་ཡེ་གཞི་ཀ་དག་སྤྲོས་དང་བྲལ༔ ལྷུན་གྲུབ་སྐུ་དང་ཡེ་ཤེས་ཡོན་ཏན་རྫོགས༔ ཀུན་ཁྱབ་རིག་པ་ཀུན་སྣང་བཀོད་པའི་དཔལ༔ རྫོགས་ཆེན་གཞི་ཡི་གནས་ལུགས་མངོན་གྱུར་ནས༔ ཀུན་བཟང་དགོངས་ཀློང་གྲོལ་བར་བྱིན་གྱིས་རློབས༔ གཞི་དབྱིངས་འགྱུར་མེད་ནམ་མཁའ་ལྟ་བུའི་ངང་༔ བྱ་རྩོལ་ལས་འདས་རིག་པ་བྱང་ཆུབ་སེམས༔ མ་བཅོས་གཉུག་མ་འོད་གསལ་ཆེན་པོའི་དབྱིངས༔ གང་ཤར་རང་གྲོལ་བསྒོམ་པ་ལམ་གྱི་མཆོག༔ གོལ་འཆུག་མེད་པའི་ཆོས་ཉིད་མངོན་མཐོང་ནས༔ ཀུན་བཟང་གཟུང་འཛིན་གཉིས་སྣང་མ་རིག་རྒྱུས་བསྐྱེད་པའི༔ ཡུལ་དང་ཡུལ་ཅན་འཁྲུལ་པའི་སྣང་བ་ཀུན༔ མེད་བཞིན་ཆོས་ཉིད་སྟོང་པའི་རང་རྩལ་དུ༔ ཤེས་ནས་གཉིས་འཛིན་འཁྲུལ་སྣང་རང་གྲོལ་ནས༔ སྟོང་ཉིད་དབུ་མ་ཆེན་པོའི་དོན་རྟོགས་ཏེ༔ ཀུན་བཟང་༔ སེམས་ཀྱི་རང་བཞིན་ཡེ་ནས་ འོད་གསལ་དབྱིངས༔ སྣང་བའི་ཆོས་ཀུན་སྒྱུ་མ་ལྟ་བུའི་ངང་༔ མངོན་ཞེན་འཁྲུལ་པ་དབྱིངས་སུ་ཞིག་པ་དང་༔ ཆོས་ཅན་ཆོས་ཉིད་དབྱིངས་ཆུབ་ཕྱག་རྒྱ་ཆེ༔ རིག་དབྱིངས་འགྱུར་མེད་ཟུང་འཇུག་མཐར་ཕྱིན་ནས༔ ཀུན་བཟང་: གདོད་མའི་གནས་ལུགས་ཡེ་ནས་འདུས་མ་བྱས༔ སྤྲོས་བྲལ་རྣམ་ཐར་གསུམ་ལྡན་དེ་བཞིན་ཉིད༔ ལྷུན་གྲུབ་སྐུ་དང་ཡེ་ཤེས་ཡོན་ཏན རྫོགས༔ བྱ་རྩོལ་བློ་འདས་རིག་པ་འགྱུར་མེད་གཤིས༔ ཡེ་རྫོགས་ཆེན་པོའི་དགོངས་པའི་གདིང་ཐོབ་ནས༔ ཀུན་བཟང་༔ ཀུན་བཟང་དགོངས་པ་འོད་གསལ་ཆོས་སྐུའི་དབྱིངས༔ ནང་གསལ་ཐིམ་ལ་མ་རྨུགས་ཡེ་ཤེས་ཀྱི༔ རང་ཞལ་མངོན་གྱུར་གདོད་མའི་ས་ཐོབ་ནས༔ གཞོན་ནུ་བུམ་སྐུར་ཡང་དག་སངས་རྒྱས་ཤོག༔ ཁམས་གསུམ་འཁོར་བའི་སེམས་སྣང་ཐམས་ཅད་ཀུན༔ སྒྱུ་མའི་འཁྲུལ་འཁོར་དབྱིངས་སུ་ཞིག་པ་ལྟར༔ ཀ་དག་མཉམ་པ་ཉིད་ཀྱི་གཞི་ཀློང་དུ༔ ཀུན་བཟང་ཆོས་སྐུའི་གཏན་སྲིད་ཟིན་པར་ཤོག༔ རིག་འཛིན་རྒྱལ་བ་རྒྱ་མཚོའི་བྱིན་རླབས་དང་༔ སྐུ་གསུམ་ཡེ་ཤེས་མཁའ་འགྲོའི་ཐུགས་རྗེ་དང་༔ བདེན་པར་སྨྲ་བ་རྣམས་ཀྱི་བདེན་ཚིག་གིས༔ སྨོན་བཞིན་གེགས་མེད་མྱུར་དུ་འགྲུབ་གྱུར་ཅིག༔ ན་མོ་བཛྲ་དྷ་ར་ཡེ༔ 鄂བཛྲ་ས་མཱནྟ་བྷ་དྲ་ཨོཾ༔ དྷརྨ་ཀཱ་ཝ་ཙི་ཨ་ཨ༔ ལན་བདུན་བརྗོད་མཐར་དབྱིངས་ཡེ་ངང་༔ མ་བཅོས་རིག་པ་ངོ་བོ་སྐྱོངས༔ དེ་མཐུས་སྣང་བཞིའི་རྩལ་རྫོགས་ནས༔ ཚེ་འདིར་གདོད་མའི་ས ཐོབ་ངེས༔ སྐལ་ལྡན་བུ་དང་འདི་འཕྲད་ཤོག༔ ལོག་ལྟ་ཅན་ལ་འདི་མ་འཕྲད༔ དབྱིངས་ཀྱི་རྗེ་མོས་ཐུབ་པར་སྲུངས༔ ས་མ་ཡ༔ ཟབ་རྒྱ༔ གསང་རྒྱ༔ གཏེར་རྒྱ༔ གུ་ཧྱ༔ ཨྠི༔ ཞེས་པ་འདི་དདདམ་འཆང་བ་ཤཱ་ཀྱའི་དགེ བཙུན་རིག་འཛིན་རྒྱ་མཚོས་སྐུ་གསུམ་མཚོན་པའི་རིན་ཆེན་དང་པོའི་སྐྱེས་བཅས་བཀའ་བསྐུལ་ཟབ་ཕྱིར་མི་ལྡོག་ཙམ་དུ་ཀུན་བཟང་ཆོས་ཉིད་བདེ་སྐྱོང་དབང་མོའམ། མདོ་མེད་སུ་ཁ་བཛྲ་གྱིས་ཉམས་ཆོས་ཡིག་རིས་སུ་བྲིས་པའོ། །དགེའོ།། །། 3 0 TI1395-537 TI1395-538 །ཧོ། ཆོས་ཉིད་མཁའ་འགྲོའི་གསང་མཛོད་ལས༔ སེང་ཆེན་ནོར་བུ་དགྲ་འདུལ་གྱི་གསོལ་འདེབས་བྱིན་རླབས་འོད་དཀར་བཞུགས༔ ན་མོ་གུ་རུ་པདྨ་ཀཱ་ར་ཡེ༔ དད་དང་མོས་གུས་ལྡན་པའི་བུས༔ འདི་ཕྱིའི་དགེ་ལེགས་འབྱུང་བའི་ཐབས༔ སེང་ཆེན་ནོར་བུ་དགྲ་འདུལ་གྱི༔ གསོལ་འདེབས་བྱིན་རླབས་དཔལ་སྟེར་བསྟན༔ ས་མ་ཡ༔ ཨེ་མ་ཧོཿ ཆོས་སྐུའི་ཀློང་ན་མགོན་པོ་འོད་མི་འགྱུར༔ ལོངས་སྐུ་འགགས་