Tibetan
འཁོར་སློབ་འདུ་བ་ཨེ་ནམ། །ལྷོ་ཡི་གསེར་གྱི་རྒྱལ་མཚན། །མཐའ་རྒྱས་འབྱུང་བ་ཨེ་ནམ། །ཧེ་ཧེ ཡོས་བུས་འཛུམ་མདངས་ངོམས་དུས། །མ་ངེས་གནས་ཡུལ་འགྲིམ་དགོས། །དེ་དང་སྟབས་ལྡན་དཀའ་ན །སྒྱུ་ལུས་དབྱིངས་སུ་ཞིག་འགྲོ། །མཆེ་ལྡན་སྦྲུལ་གཉིས་ལྟོ་འགྲོས། །ཤར་གྱི་ཕྱོགས་ནས་བསྡེབས་ན། །ཐབས་ཀྱི་རིག་པས་དཔྱོད་ཤེས། །ཤེས་རབ་མདའ་མོ་གལ་ཆེ། །ཉམས་གྲིབ་རྐྱེན་གྱིས་བསྐུལ་ནས །མི་འདོད་སྣ་ཚོགས་ཡོང་ངེས། །ཨ་མའི་རྡོ་རྗེའི་ཚིག་འདི། །རྣལ་འབྱོར་སྙིང་ལ་ཨ་ཐཾ། །ཞེས་ཟེར་བཞིན་གཤོག་བརྒྱངས་ལན་གསུམ་བྱས་ནས་ཇེ་མཐོ་ཇེ་མཐོར་བྱས་ནས་ལྷོ་ནུབ་མཚམས་སུ་འཕུར་ཐལ། ཞེས་པ་ནེ་གྲོ་རྡོ་རྗེ་རྫོང་ནས་སུ་ཁའི་མིང་གི་འཁྲུལ་ཉམས་སོ། དུས་གསུམ་མཁྱེན་པའི་སྐྱབས་མགོན་རྡོ་རྗེ་འཆང་། །འཁྲུལ་འབྱམས་བདག་ནི་འཁྲུལ་པའི་དབང་དུ་སོང་། །སྔར་བཞིན་ལུས་ངག་ཡིད་གསུམ་བྱ་བྲལ་ངང་། །བྱིས་པས་ལྷ་ཁང་མཐོང་འདྲའི་ཉམས་ཤིག་ཤར། །དབྱིངས་ནས་རང་བྱུང་སྒྲ་ནི་འདི་ལྟར་བྱུང་།ཧྲཱིཿཧཱུྃ་ཨཱཿཨོ་ཞེས་པའི་སྒྲ་འདི་གྲགས། །སྒྲ་འཛིན་གཡས་ལ་ཐིམ་པས་ཡུད་ཙམ་གྱིས། སྣང་ཡུལ་ཐམས་ཅད་གདངས་ལ་ཉི་ ༄༅། །ཤར་བཞིན། །དཀར་གསལ་འོད་ཀྱིས་ཕྱི་ནང་དབྱིངས་རྣམས་ཁྱབ །སྨིག་སྒྱུ་ལྟ་བུར་ཐིག་ལེ་དཔག་མེད་ཤར། །དེ་ཡི་ངང་ལ་སེམས་ཉིད་ངལ་བསོའི་ཚེ ། གསལ་བྱེད་སྒོ་ནས་ཐིག་ལེ་དཀར་པོ་ནི། །ཟླུམ་འཁྱིལ་བཅོ་ལྔའི་ཟླ་བ་ཙམ་གྱི་ནང་། །རྡོ་རྗེ་རིན་ཆེན་པདྨ་རྒྱ་གྲམ་གྱི། །ཕྱག་མཚན་མཐའ་སྐོར་དབུས་སུ་རྡོ་རྗེ་དང་།དྲིལ་བུ་བསྣོལ་མའི རྣམ་པར་ཡང་ཡང་ཤར། །སྔགས་སྒྲ་སྒྲ་འཛིན་གཡོན་ལ་ལན་གསུམ་ཐིམ །སྣང་ཡུལ་ཡུད་ཙམ་ཐམས་ཅད་ཉི་མ་འབུམ་ཤར་བཞིན། །དམར་གསལ་འོད་ཀྱིས་ཕྱི་ནང་དབྱིངས་ཀུན་ཁྱབ། །མུ་ཏིག་ཕྲེང་བ་ལྟ་བུའི་ཐིག་ལེ་ཤར། །ངང་ལས་མ་གཡོས་སེམས་ཉིད་ངལ་བསོའི་ཚེ། །གསལ་བྱེད་སྒོ་ནས་ཐིག་ལེ་དམར་པོ་ནི། །ཉི་མའི་སྙིང་པོ་ཙམ་ཞིག་ཤར་བའི་དབུས། ཆེ་མཆོག་ཡབ་ཡུམ་འཇའ་ཚོན་ལྟ་བུ་རུ། །དཔལ་གྱི་ཆས་རྣམས་ཡོངས་རྫོགས་མེ་ཀློང་བཞུགས། །ཡབ་ཀྱི་ཐུགས་ཀར་ཁྲོ་བོའི་ལྷ་ཚོགས་དང་། །ཡུམ་གྱི་ཐུགས་ཀར་ཞི་བའི་ལྷ་ཚོགས་རྣམས། །མ་འདྲེས་འཇའ་ཚོན་བཞིན་དུ་སོ་སོར་གསལ། །ཡིག་འབྲུ་དེ་རྣམས་འོད་མཐིང་རྣམ་པ་རུ། །བདག་གི་སྨིན་མཚམས་ཐིམ་པས་ཡུད་ཙམ་གྱིས། །སྣང་ཡུལ་ཐམས་ཅད་ནམ་ མཁའ་གཡའ་དག་བཞིན། །ཐིང་གསལ་འོད་ཀྱིས་ཕྱི་ནང་དབྱིངས་ཀུན་ཁྱབ །ཁ་དོག་ལྔ་ལྡན་ཐིག་ལེ་དཔག་མེད་ཤར། །ངང་ལས་མ་གཡོས་སེམས་ཉིད་ངལ་བསོས་ཚེ །གསལ་བྱེད་སྒོ་ནས་ཐིག་ལེ་མཐིང་ག་ནི། །སྲན་ལེབ་ཙམ་ཞིག་དབུས་སུ་རྡོ་རྗེ་དང་། །ཡབ་ཡུམ་ལོངས་སྤྱོད་རྒྱན་རྫོགས་ལམ་མེར་གསལ། །ངང་ལས་མ་གཡོས་སེམས་ཉིད་ངལ་བསོས་ཚེ། །རྡོར་འཆང་སྐད་ཅིག་གནས་འགྱུར་འོད་ལྔ་ཡི། །ཐིག་ལེའི་དབུས་སུ་ཨཱཿཡིག་མཐིང་གསལ་ལས །འོད་ཟེར་བདག་གི་སྨིན་མཚམས་ཐིམ་པ་ཡིས །གནས་པ་རྩ་ཡི་གྲོང་ཁྱེར་ཐམས་ཅད་ཀུན། །ཨ་ལས་ཨ་མཆེད་ལུས་ནང་ཐམས་ཅད་གང་།ངང་ལས་མ་གཡོས་སེམས་ཉིད་ངལ་བསོའི་ཚེ །ལུས་ཀྱི་ཨ་རྣམས་འོད་ཞུ་དབྱིངས་ལ་ཐིམ །དབྱིངས་ཀྱི་ཨ་ཡིག་མི་དམིགས་ནམ་མཁའི་ངང་། །འོད་ཀྱི་རྣམ་པར་བདག་གི་སྨིན་མཚམས་ཐིམ །རང་ལུས་གདོས་བཅས་ཟང་ཐལ་འོད་ཀྱི་ལུས །ཨ་ཡིག་དབུ་མའི་ལམ་བརྒྱུད་སྙིང་གར་ཐིམ །དྲན་པ་ཡེངས་མེད་ནམ་མཁའ་ལྟ་བུ་ལ། །དྲན་སྣང་ཆོས་ཉིད་རང་བཞིན་རྒྱུན་ཆད་མེད། །དེར་འཛིན་བྲལ་བའི་དྲན་པར་རང་བབས་ཆེ །ཡང་དག་དྲན་པ་མངོན་གྱུར་ཡེ་ཤེས་ངང་། །གཟུང་འཛིན་དྲན་པ་རང་ ༄༅། །གསལ་ཆོས་སྐུར་གྲོལ །འཁྲུལ་ཡང་འཁྲུལ་ཏེ་ཀུན་བཟང་ཀློང་དུ་འཁྲུལ། །གྲོལ་ཡང་གྲོལ་ཏེ་ཀུན་བཟང་ཀློང་དུ་གྲོལ། །གྲོལ་འཁྲུལ་གཉིས་མེད་ཀློང་དུ སེམས་ངལ་བསོས། །བདག་ནི་ཉོན་མོངས་དུག་ལྔའི་དབང་དུ་སོང་། །འཁྲུལ་སྣང་དེ་ལྟར་འབྱུང་བ་ཅི་ལགས་བསམ། ཀུན་མཁྱེན་ཡེ་ཤེས་སྤྱན་ལྡན་ཁྱོད་ཉིད་ཀྱིས །བདག་གི་འཁྲུལ སྣང་དབྱིངས་སུ་ཞི་བར་མཛོད། །ཡོན་ཏན་ཏིལ་འབྲུ་ཙམ་ཞིག་བདག་ལ་མེད། །གཟུགས་མེད་རྣམས་ཀྱི་ཆོ་འཕྲུལ་ཨེ་ཡིན་སྙམ། །འདི་དོན་གཞན་གྱིས་གཟིགས་ན་ཐུགས་ཁྲེལ་ཡོང་། གསང་གྲོགས་ཁྱོད་ལ་གསང་ཡིག་ཚུལ་དུ་ཕུལ །འདི་ལས་བཟློག་པའི་ཐབས་ཤིག་ཞུ་ཞུ་ཞུ། །བདེ་བའི་རྡོ་རྗེས་སོ།། དུས་གསུམ་མཁྱེན་པ་གསང་སྔགས་དྲོད་འཆང་བ། །མཁྱེན གཟིགས་མངའ་བདག་ཀུན་མཁྱེན་རྡོ་རྗེ་འཆང་། །བརྩེ་ལྡན་ཁྱོད་ཀྱི་ཤེས་རབ་འོད་ཟེར་གྱིས། །བདག་གི་མ་རིག་མུན་པ་དྲུང་ནས་ཕྱུངས །གདོད་ནས་མ་འཁྲུལ་རིག་པ་བྱང་ཆུབ་སེམས། །ཀུན་འབྱུང་ལྷུན་འགྲུབ་སྐུ་དང་ཡེ་ཤེས་བདག །རང་གསལ་དེར་འཛིན་བྲལ་བའི་ཡེ་ཤེས་ཀྱིས། །ས་དང་ལམ་གྱི་ཡོན་ཏན་མངོན་གྱུར་ཚེ། །བསྐྱེད་རྫོགས་ལམ་འབྲས་མངོན གྱུར་གདམས་ཟབ་ལམ། །སྣང་ཉམས་ཕྲ་བའི་འཛིན་པས་ཡུལ་དུ་བཟུང་། །ཡེ་ཤེས་སྤྱན་ལྡན་ཁྱོད་ཀྱི་ཐུགས་དང་འགལ། །འཁོར་འདས་དག་མཉམ་ཆོས་སྐུའི་ཀློང་དུ་བཤགས། །བཟོད གསོལ་མཆོག་གི་དངོས་གྲུབ་གདམས་པ་སྩོལ། །སྔར་བཞིན་ལུས་ངག་ཡིད་རྣམས་བྱ་བྲལ་ངང་། །ཨ་ཝ་དྷཱུ་ཏི་ཕྱི་ནང་གསལ་སྒྲིབ་མེད །ཀུན་ཁྱབ་རིག་པ་ཧཱུྃ་མཐིང་རྣམ་པར་གནས ། ཡར་སྣེ་སྤྱི་བོ་བདེ་ཆེན་འཁོར་ལོ་ནས །ཐིག་ལེ་དཀར་པོ་འོད་ཀྱི་རྣམ་པར་ཞུ། །མར་སྣེ་ལྟེ་འོག་ཐིག་ལེ་དམར་པོ་ནི །མེ་ལྕེ་མཆེད་བཞིན་འོད་ཀྱི་རང་བཞིན་དུ། །འདུས་པའི་འཁོར་ལོའི དབུས་སུ་ཧཱུྃ་ལ་ཐིམ། །ངང་ལས་མ་གཡོས་སེམས་ཉིད་ངལ་བསོའི་ཚེ །ཟག་མེད་བདེ་ཆེན་མཆོག་དགའི་ཡེ་ཤེས་གསལ །དེ་ལས་འོད་ཟེར་དཀར་དམར་འཕྲོས་པ་ཡིས །རྩ་གནས་གྲོང་ཁྱེར་ཐམས་ཅད་འོད་ཀྱིས་གང་། །དཀར་ཆ་ཐབས་དང་དམར་ཆ་ཤེས་རབ་སྟེ། །དཔའ་བོ་དཔའ་མོས་རྩ་གནས་ཀུན་ཏུ་གང་། །གནས་ལྔར་རིགས་ལྔའི་མཁའ་འགྲོ་རང་འདྲའི་ཡབ། །འཁྲིལ་ནས་རིགས་ཀྱི་དཔའ་བོ་དཔའ་མོས་བསྐོར །གཞན་ཡང་རྩ་དང་བ་སྤུའི་ཡུལ་རྣམས་ཀུན །མ་ངེས་ཡིག་འབྲུ་འོད་དང་འོད་ཟེར་དང་། །ཞི་ཁྲོ་རིགས་བརྒྱ་འདུས་པའི་སྐུ ༄༅། །ཡང་སྣང་། །རྩ་གསུམ་སྐྱོན་གྱིས་མ་གོས་འོད་ཀྱི་རྩ །ཨོཾ་དང་ཧཱུྃ་དང་ཨཱཿཡིག་རྣམ་པར་གསལ། །ཕྱི་ནང་མེད་པར་རང་གསལ་དེར་འཛིན་བྲལ །ལྷར་སྣང་ཡིན་ཞེས་སྤྲོ་བསྡུ་མི་དམིགས་ཤིང་། །དྭངས་པའི་མཚོ་ལ་གཟའ་སྐར་ཤར་བ་བཞིན། །ཡིད་དཔྱོད་ལས་འདས་རང་བྱུང་ཀློང་དུ་རྫོགས། །བསྐྱེད་པ་མེད་དེ་གང་སྣང་ལྷ་རུ་ཤར། །སྣང་སྲིད་དག་པ་རབ་འབྱམས་ལྷུན་གྱིས་གྲུབ། །བསྒོམ་པ་མེད་དེ་གང་སྣང་ཆོས་སྐུར་གྲོལ། །མི་འགྱུར་ལྷུན་གྲུབ་བྱང་ཆུབ་སེམས་སུ་རྫོགས །ཐམས་ཅད་ཆོས་དབྱིངས་ངང་ལས་གཡོ་བ མེད། །ཆོས་དབྱིངས་ངང་ལས་རང་བྱུང་ཡེ་ཤེས་རྩལ །མ་ངེས་སྒྱུ་འཕྲུལ་ཅིར་ཡང་འཆར་བ་ནི། །དུས་གསུམ་ཀུན་མཁྱེན་ཁྱེད་འདྲ་མ་གཏོགས་པའི། །གང་རུང་དག་གིས་གོ་བར་མི་ནུས་ཤིང་། །ཐ་དད་རིས་སུ་བཅད་ནས་ཞེན་པས་བཅིང་།གཟུང་འཛིན་རེ་དོགས་གཉིས་ཀྱི་སྦུབས་སུ་ཚུད །དེ་ཕྱིར་བདག་གི་ལུས་ཉམས་སྣང་ཉམས་དང་། །སེམས་ཉམས་ཐམས་ཅད་སྦས་གསང་མེད་པར་ཞུས། །ཐམས་ཅད་མཁྱེན་པ་ཁྱེད་ཀྱི་ཐུགས་རྗེ་ཡིས། །བདག་གིས་ཡེ་རྫོགས་འབྲས་བུ་མངོན་དུ་འགྱུར །རེ་དོགས་གཉིས་མེད་གང་ཡིན་ཡིན་དུ་ཆུག །གཞི་ དབྱིངས་ཀློང་ནས་སྒྱུ་འཕྲུལ་ཟད་མཐའ་མེད། །དུས་གསུམ་མཁྱེན་པ་ཡེ་ཤེས་ཐོགས་ཏུ་མེད །གེགས་སེལ་བོགས་འདོན་གདམས་པའི་མཛོད་ལ་དབང་། །དུས་གསུམ་སངས་རྒྱས་ལས་ལྷག་བཀའ་དྲིན་ཅན། །ཁྱེད་དང་སྐད་ཅིག་ཙམ་ཡང་འབྲལ་མེད་ཞུ། །བདག་གི་རྗེས་སུ་ཞུགས་པའི་སྐལ་ལྡན་ལ། །ལྷག་བསམ་རྣམ་དག་རྟེན་འབྲེལ་སྨོན་ལམ་ནི། །ཞུས་ལན་དང་པོས ལུས་ཉམས་སྤྲུལ་སྐུར་སྨིན །ཞུས་ལན་གཉིས་པས་སྣང་ཉམས་ལོངས་སྐུར་གྲོལ། །ཞུས་ལན་གསུམ་པས་སེམས་ཉམས་ཆོས་སྐུར་གྲོལ །སྨིན་གྲོལ་རིམ་གཉིས་རྫོགས་པ་མཐར་ཕྱིན་ནས། །ནང་གསལ་གཞོན་ནུ་བུམ་སྐུའི་བཀྲ་ཤིས་ཤོག། དེ་ཙམ་མ་གཏོགས་གསང་སྒོ་མི་འཆལ་ཞིང་། །བློ་དམན་འོག་མ་རྣམས་ཀྱི་འཁྲུལ་པའི་གཞི། །ཆོས་དབྱིངས་ཡུམ་གྱི་བྷ་གའི་ཀློང་དུ་རྒྱ། །བདེ་བའི་རྡོ་རྗེས་སོ། གསང་གྲོགས་ཞེས་པ་ནི། སོ་ཐར་གྱི་སྡོམ་པ་མ་ཐུབ་ནས་གྲོགས་སྦས་པ་ལ་མ་ཡིན་ཏེ །ནང་དོན་གསང་བ་ཆེན་པོའི་ཡེ་ཤེས་ཀྱི་ཡོན་ཏན་ཐམས་ཅད མངོན་སུམ་དུ་སྟོན་པར་བྱེད་པའི་གྲོགས་དམ་པར་གྱུར་པས་ན་གསང་གྲོགས། ཡིད་བཞིན་ནོར་བུ་ཞེས་པ་འཇིག་རྟེན་དངོས་རྫས་ཇི་ལྟར་བཟང་ཡང་གནས་སྐབས་ཀྱི་འདོད་དགུ་འབྱུང་བ་ཙམ་ལས། ༄༅། །མཐར་ཐུག་རྫོགས་པའི་སངས་རྒྱས་ཐོབ་འབྲས་དཀའ་བས་དེ་ལ་ཟེར་བ་མ་ཡིན་ཏེ། དུས་གསུམ་སངས་རྒྱས་ཐམས་ཅད་ཀྱི་ཐུགས་གསང་བླ་ན་མེད་པའི་འབྱུང་གནས དམ་པར་གྱུར་པས་ན་ཡིད། སྤྲོས་པའི་མཐའ་བརྒྱད་དང་བྲལ་བ་རྣམ་པར་ཐར་པའི་སྒོ་གསུམ་དང་ལྡན་ཅིང་རང་བཞིན་སྐུ་དང་ཡེ་ཤེས་ཡོན་ཏན་ཐམས་ཅད་ཐུགས་ཆོས་ཉིད་ཀྱི་ཀློང་དུ་རྫོགས་པས་ན་བཞིན། ཐུགས་རྗེའི་མཛད་པ་ཕྲིན་ལས་རྨད་དུ་བྱུང་བ་ཐབས་མང་དཀའ་བ་མེད་པའི་ཆོས་ཚུལ་སྣ་ཚོགས་ཀྱིས་ཡང་དག་པའི་ལམ་ཟབ་མོ་མ་ནོར་བར་བསྟན་ཅིང་། གདུལ་བྱ་རྣམས་བུ་བཞིན་རྗེསྃ་སུ་འཛིན་ཅིང་ཡང་དག་པའི་ལམ་རྣམ་པར་གྲོལ་བའི་ས་ལ་འགོད་པར་མཛདཔས། དེའི་ཕྱིར་ན་མཚན་བརྗོད་པར་དཀའ་ནའང་དོན་གྱི་སླད་དུ་གསང་གྲོགས་ཡིད་བཞིན་ནོར་བུ་ཞེས་གསོལ་བའོ།། །།ཤཱི་ལ་བཛྲ་ལ་ཀུན་བཟང་བདེ་སྐྱོང་དབང་མོས་སྨྱོ་གཏམ་ཡིག་རིས་སུ་ཕུལ་བའོ། །དགེའོ།། །། TI1395-492 ༄༅། །ཨེ་མ་སྐལ་ལྡན་རིག་པ་འཛིན། །མཚོན་བྱེད་དཔེ་ཡི་དབང་བཞི་བསྐུར་ཐབས་དབེན། །མཚོན་བྱ་དོན་གྱི་གསང་དབང་བསྐུར་བའི་ཐབས། །སྤྲོས་མེད་དོན དབང་བསྐུར་ཐོབ་བྲལ་བའི་དབང་། རིགས་ལྡན་སྐྱེས་བུ་ཁྱོད་ལ་བདག་གིས་བསྟན །ཨེ་ཝྃ། བདག་ལུས་ཡེ་ནས་རྣམ་དག་ལྷ་ཡི་སྐུ །རྣམ་ཀུན་མཆོག་ལྡན་རྡོ་རྗེ་ཕག་མོར་བཞེངས། །ཟུང་འཇུག་རེག་པ་འཕྲད་པ་སྐུ་ཡི་དབང་།འགྱུར་མེད་སྐུ་ཡི་དབང་རྣམས་རྫོགས་ཐོབ་ནས། །བསྐྱེད་རིམ་རྣམ་དག་རྣམ་སྨིན་རིག་འཛིན་ཐོབ། །རང་བྱུང་བདེ་བ་ཆེན་པོའི་རླབས་ཤུགས་ཀྱིས། །བྱང་ཆུབ་སེམས་སྤྲིན་བདུད་རྩི་གསུང་གི་དབང་། །འགགས་མེད་གསུང་གི་དབང་རྣམས་རྫོགས་ཐོབ་ནས། །བཟླས་པ་མཐར་ཕྱིན་ཚེ་དབང་རིག་པ་འཛིན །ཡེ་ཤེས་རྩ་མཆོག་གྷན་ངྷའི་ཆོ་འཕྲུལ་གྱིས །དཔའ་བོས་བདེ་ཆེན་མཐོང་བ་ཤེས་རབ་དབང་། །འགྱུར་མེད་ཐུགས་ཀྱི་དབང་རྣམས་རྫོགས་ཐོབ་ནས། །བདེ་སྟོང་མངོན་གྱུར་ཕྱག་རྒྱའི་རིག འཛིན་བརྙེས། །དགའ་བཞིས་ཉེར་དྲངས་སྟོང་བཞིའི་ཡེ་ཤེས་མཐོང་། །ཡེ་ཤེས་རྣམ་ཐར་གསུམ་ལྡན་ཚིག་གི་དབང་། །སྤྲོས་བྲལ་འགྱུར་མེད་ཆེན་པོའི་དབང་རྫོགས་ཐོབ །སྐུ་བཞི མངོན་གྱུར་ལྷུན་གྲུབ་རིག་འཛིན་བརྙེས། །དེ་ལྟར་བསྐུར་ཐོབ་བྲལ་བ་དོན་གྱི་དབང་། །ཀུན་བཟང་བདེ་སྐྱོང་དབང་མོ་ང་ཡིས་བསྐུར། །དེ་དོན་གོ་བར་མཛོད་ཅིག་རིགས་ཀྱི་བུ །སྒྱུ་མའི་བུ་མོ་ཞལ་རྫུན་མཁན །སྒྱུ་མའི་སྣང་བ་འཁྲུལ་པའི་སྐབས། །སྒྱུ་མ་ལྟ་བུའི་ཏིང་འཛིན་ལས །སྒྱུ་འཕྲུལ་དྲྭ་བའི་དབང་བཞི་བསྐུར། །ཐབས་གྲོགས་ཐུགས་བཞེད་སྐོང་ཕྱིར་དུ ། ཤེས་རབ་བདེ་སྐྱོང་དབང་མོས་ཕུལ། །སྣོད་མིན་བུ་ལ་གསང་རྒྱ་མཛོད། །དགེའོ། །ཀ་དག་རིག་པ་ཟང་ཐལ། །བཅོས་བསྒྱུར་འཛིན་པས་མ་བཅིངས། །གསལ་སྟོང་འཛིན་མེད་ངང་དུ། །རིག་པ་རང་བྱུང་ཡེ་ཤེས །བློ་འདས་ཡེ་གྲོལ་དགོངས་པ །མ་བཅོས་གཉུག་མར་སྐྱོང་མཛོད། །ཆོས་སྐུའི་གཏན་སྲིད་ཟིན་ཡོང་། །སུ་ཁ་བཛྲ་གྱིས་བྲིས་པའོ། རྣལ་འབྱོར་རྣམས་ཀྱིས་བླངས་པའི་མཚར་གླུ་བཞུགས་སོ། རང་ལོ་ཉེར་དགུ་པར་རྡོ་ཡུལ་ཉི་མ་ལུང་གི་དབེན་གནས་སུ་བླ་མའི་དྲུང་དུ་གནས་སྐབས་གཟུགས་མེད་ལྷ་འདྲེའི་ཆོ་འཕྲུལ་རྩལ་སྣང་ལ་ཤར་ནས་རྣམ་འགྱུར་ཅི་རིགས་པ་བསྟན་ཚེ། བདག་གིས་ཁྱེད་རྣམས་ཀྱིས་བླ་མ་ལྷ་ལ་མོས་གུས་གྱིས་དང་ལམ་སྟོན་བདག་གིས་བྱེད་སྨྲས་པས། ཁྱོད་རྣལ་འབྱོར་མ་ཡིན་ན་འདིར་འདུག ༄༅། །པས་ཅི་བྱེད། དབེན་པའི་གནས་སུ་འགྲོ་བ་བཟང་ཟེར། ང་དབེན་རི་ལ་ཡོད་སྨྲས་པས། ན་རེ། ཁྱོད་དབེན་པ་ཅི་ལྟ་བུ་ཞིག་ལ་ཡོད། མོས་གུས་སྐྱེས་ན་བྱིན་རླབས་ཀྱི་སྣ་ཁ་ཇི་འདྲ་ཡོད། བདག་ཅག་རྣམས་ལ་གསུང་དུ་གསོལ་ཟེར་བ་སྣང་ཚེ། སྣང་བ་མཐའ་བྲལ་གྱི་དབེན་རི་ལ། །འཁོར་འདས་རྒྱན་ཤར་གྱི་རྣལ་འབྱོར་བཞུགས །རེ་དོགས་འཛིན་བྲལ་གྱི་གནས་ལུགས་བསྐྱངས །འོད་གསལ་གཉུག་མ་ཡི་རང་ཞལ་མཇལ། སྣང་བ་རང་གྲོལ་གྱི་གདམས་པ་ཡོད། །འཛིན་མེད་རང་གསལ་གྱི་དབེན་རི་ལ། །ཞེན་བྲལ་འོད་གསལ་གྱི་རྣལ་འབྱོར་བཞུགས། །མ་བཅོས་རང་བྱུང་གི་གནས་ལུགས་བསྐྱངས། །གཏད་མེད་རྒྱ་ཡན་གྱི་རང་ཞལ་མཇལ། །ཉོན་མོངས་རང་གྲོལ་གྱི་གདམས་པ་ཡོད། །རྟོག་བྲལ་རང་བྱུང་གི་དབེན་རི་ལ། །རྐྱེན་སྣང་རང་གྲོལ་གྱི་རྣལ་འབྱོར་བཞུགས། །རེ་དོགས་གཉིས་མེད་ཀྱི་གནས་ལུགས་བསྐྱངས །རང་བཞིན་རང་གྲོལ་གྱི་ཡེ་ཤེས་མཇལ །རང་ཤར་རང་གྲོལ་གྱི་གདམས་པ་ཡོད། །རེ་དོགས་འཛིན་བྲལ་གྱི་དབེན་རི་ལ། །ཉོན་མོངས་རང་གྲོལ་གྱི་རྣལ་འབྱོར་བཞུགས །སྐུ་གསུམ་ངང་རྫོགས་ཀྱི་གནས་ལུགས་བསྐྱངས །རྩོལ་བྲལ་ཆོས་སྐུ་ཡི རང་ཞལ་མཇལ། །འཁོར་འདས་ཡེ་གྲོལ་གྱི་གདམ་པ་ཡོད། །སྤང་ཐོབ་བྲལ་བ་ཡི་གདིང་བཞི་ཐོབ །ཀུན་བཟང་བདེ་ཆེན་དང་དབྱེར་མེད་གྲོལ། །རྣལ་འབྱོར་དབེན་རི་ལ་བསྙེགས་ཚུལ ཡིན། །ཧེ་ཧེ རི་ལ་ཉལ་བ་དབེན་རི་མིན། །རི་དྭགས་ཐམས་ཅད་རི་ལ་ཉལ །སྲོག་གཅོད་ཤན་པ་རྩར་ཐོན་ཀྱང་།སྐྱབས་དང་རེ་ས་གཅིག་ཀྱང་མེད། །དེ་དོན་བསམ་ན་སྐྱོ་བ་སྐྱེས། །བླ་མ་ཡིད་བཞིན་ནོར་བུ་ལ། །མོས་གུས་ཀྱིས་གསོལ་བ་མ་བཏབ་ན །དགོས་འདོད་ཀྱི་དངོས་གྲུབ་མི་འབྱུང་བས །སེམས་མོས་གུས་འདི་ལ་ནན་ཏན་མཛོད། །་བླ་མ་དུས་གསུམ་སངས་རྒྱས་ལ། །མོས་གུས་ཀྱི་དབང་བཞི་མ་བླངས་ན། །དགོངས་རྒྱུད་ཀྱི་བྱིན་རླབས་མི་འཇུག་པས། །སེམས་མོས་གུས བླ་མ་སྐུ་བཞུགས་ཀྱི་དཀྱིལ་འཁོར་ལ། །མོས་གུས་ཀྱིས་ཞབས་ཏོག་མ་བསྒྲུབ་ན། །བྱིན་རླབས་ཀྱིས་རང་རྒྱུད་མི་གྲོལ་བས། །སེམས་མོས་གུས་བླ་མ་གསུང་གི་དཀྱིལ་འཁོར་ནས །གདམས་ངག་གི་བདུད་རྩི་སྩོལ་བའི་དུས། །རྩེ་གཅིག་གི་མོས་གུས་མ་སྐྱེས་ན །རང་འདྲའི་བློ་རྒོད་དེ་འདུལ་དཀའ་བས། །སེམས་མོས་གུས་བླ་མའི་ཐུགས་ཀྱི་དཀྱིལ་འཁོར་ནས། །གསང་མཛོད་ཟབ་མོའི་ཆོས་སྒོ་ ༄༅། །བསྩལ། །མོས་གུས་ཀྱི་རང་རྒྱུད་མ་བསྐུལ་ན། །ཕ་ཕོག་གི་དངོས་གྲུབ་འབྱུང་མི་སྲིད། །སེམས་མོས་གུས་བླ་མ་བཀའ་དྲིན་གསུམ་ལྡན་ལ། །མོས་གུས་ཀྱི་མཉེས་གསུམ་མ་བསྒྲུབ་ན། །བསྐྱེད་བཟླས་རྫོགས་སྙིང་པོ་རྡུལ་ཙམ་མེད། །སེམས་མོས་གུས། བླ་མ་དུས་གསུམ་སངས་རྒྱས་དངོས །མཁྱེན་གཉིས་ཀྱི་ཡེ་ཤེས་ཐུགས་ལ མངའ། །ཐུགས་རྗེ་ལ་ཉེ་རིང་ཡོད་མ་ཡིན །མོས་གུས་ཀྱི་གསོལ་བ་མ་བཏབ་ན། །འདྲེན་སྟོབས་ཀྱི་ཐུགས་རྗེས་འཛིན་པར་དཀའ །སེམས་མོས་གུས་རང་མཐོང་གི་ང་རྒྱལ་སྐྱར་ལ་ཐོངས །མོས་གུས་ཀྱིས་བླ་མར་གསོལ་བ་ཐོབ །ཆགས་སྡང་གི་ཞེ་སྡང་སྐྱུར་ལ་ཐོངས །མོས་གུས་འགྲན་སེམས་ཀྱི་ཕྲག་དོག་སྐྱུར་ལ་ཐོངས །མོས་གུས་འདོད་སེམས་ཀྱི་ཆགས་ཞེན་སྐྱུར་ལ་ཐོངས། །མོས་གུས་ཉོན་མོངས་པའི་ལོག་ལྟ་སྐྱར: མོས་གུས་ངའི་བླ་མ་ཀུན་བཟང་པད་འབྱུང་དངོས། །དུས་གསུམ་རྒྱལ་བའི་རྒྱལ་ཚབ མཆོག །འདྲེན་མཆོག་བི་མ་རསྨི་ལ །དུས་ཀུན་འབྲལ་མེད་གསོལ་བ་བཏབ། །དགོངས་བརྒྱུད་ཀྱི་བྱིན་རླབས་སེམས་ལ་འཕོས །གཉིས་འཛིན་གྱི་མདུད་པ་དབྱིངས་སུ་གྲོལ ད རླུང་སེམས་ལ་དབང་འབྱོར་ཡེ་ཤེས་མཐོང་། །སངས་རྒྱས་དང་སེམས་ཅན་གཉིས་མེད་པར །ཡེ་གྲོལ་གྱི་ཆོས་སྐུའི་ཀློང་དུ་ཆུབ །རྩལ་སྣ་ཚོགས་དབྱིངས་ཀྱི་རྒྱན་དུ་ཤར། །གཉིས་འཛིན་གྱི་རེ་དོགས་རྫུན་ཕུག་ཟད། །ལྷ་འདྲེ་གཉིས་མེད་སེམས་ཀྱི་འཁྲུལ་དུ་ཤར །སྒྱུ་མའི་འཕྲུལ་ལ་རྣལ་འབྱོར་ང་མི་འཇིགས། །ང་འཇིགས་མེད་རྡོ་རྗེའི་རྣལ་འབྱོར་མ། །བདུད་བཞི་ཚར་གཅོད་ཀྱི་གདམས་པ་ཡོད། །ཕྱི་སྣང་བ་སྒྱུ་མའི་ཆོ་འཕྲུལ་ལ། །རེ་དོགས་ཡུལ་མེད་ཆེན་པོར་གཅོད །ནང་བདག་འཛིན་ཞེན་པའི་རྩ་བ་འདི། །ཞེན་མེད་ཡེ་གྲོལ་གྱི་ཀློང་དུ གཅོད། །ལུས་སེམས་སྡུད་པའི་ཀུན་གཞི་འདི །ཤེས་རབ་གསུམ་གྱི་རལ་གྲིས་བཅད། །གསང་བ་དུག་ལྔའི་རྟོག་པ་འདི། །ཉོན་མོངས་རང་གྲོལ་ངང་དུ་བཅད། །ཞི་བྱེད་ཟབ་མོའི་དགོངས་ཀློང་དུ། །འཁོར་འདས་ཆོས་ཀུན་གཉིས་མེད་གཅོད །ཉོན་མོངས་འཁྲུལ་སྣང་ཞེན་པའི་རྩ་བ་འདི །ཆོས་དབྱིངས་ཡེ་ཤེས་ལྔ་ཡི་རང་ཀློང་དུ །རྩ་བྲལ་དགོངས་པ་ཀློང་ཆེན གཞི་རུ་གྲོལ། །མཉམ་ཉིད་ཆོས་སྐུའི་དབྱིངས་སུ་ཕཊཿཀྱིས་གཅོད། །ཕ་ཡིས་གཟུང་འཛིན་འཁྲུལ་པའི་རྩ་བ་གཅོད། །ཕ་རོལ་ཕྱིན་པའི་དོན་ཀུན་ཁོང་དུ་ཆུད། །ཊ་ནི་འཁོར་འདས་གཉིས ༄༅། །མེད་གཞི་ལ་རྫོགས །སྤང་བླང་གཉིས་མེད་ཀུན་བཟང་ཆོས་སྐུར་གྲོལ །ཟུང་འཇུག་རྡོ་རྗེ་འཆང་གི་ས་ཐོབ་ཤོག །ཅེས་སྨྲས་པས་ཁོང་རྣམས་ཀྱིས་ཕྱག་དང བསྐོར་བབྱས་བཞིན་རང་གནས་སུ་བཞུད་དོ།། ཞེས་པའང་སུ་ཁ་བཛྲ་གྱིས་རྩལ་སྣང་ཡི་གེའི་རིས་སུ་བྲིས་པའོ།། དགེའོ།། །། ད་孚 2༣ TI1395-499 TI1395-500 ༄༅། །ཤེས་རབ་དབང་མོས་བདེ་བའི་རྡོ་རྗེ་ལ་སྨྲས་པ །གཞན་སྐྱོན་མཁྱེན་པའི་ཤེས་རབ་མིག་ལྡན་མ། །རང་སྐྱོན་དུག་གི་མེ་ཏོག་བཞད་ལ་ལྟོས། །བླ་མའི་མཛད་སྤྱོད་ཐམས་ཅད་ཆོས་སྐུའི་ངང་། །གང་སྣང་རང་གྲོལ་རོ་སྙོམས་ཆེན་པོར་རྟོགས། །དེ་ལ་ཁྱོད་ཀྱིས་ཀུན་བརྟག་སྐྱོན་དུ་མཐོང་། །མཚམས་མེད་ལས་ངན་བསགས་པ་ཨ་ཐང་ཆད། ། གསལ་སྟོང་ངོ་བོ་ལྷ་རུ་མ་ཤེས་ཤིང་། །ལྷ་གཞན་རང་རྒྱུད་འཛིན་པ་ཨ་ཐང་ཆད། །སྒྲ་གྲགས་སྔགས་ཀྱི་དགོངས་སྤྱོད་མ་ལྡན་ན། །རྣམ་རྟོག་གྲངས་སུ་འདེབས་པ་ཨ་ཐང་ཆད། །དྲན་རྟོག་མཉམ་ཉིད་ཆོས་སྐུར་མ་རྟོགས་ན །མཆོག་འཛིན་ཤེས་པ་ཙམ་ལ་ཨ་ཐང་ཆད། །རང་སྐྱོན་རི་བོ་ཙམ་ཞིག་བགཉལ་བྱས། །གཞན་གྱི་སྤྱོད་པ་བཅོས་པ་ཨ་ཐང་ཆད། །མ་རིག་མུན་པའི་ཁྲོད་ན་ཁྱེད་རེ་སྡུག །མ་དང་མཁའ་འགྲོའི་བླ་བཙོང་ཐང་རེ་ཆད། །དེ་དོན་སོམས་ལ་སེམས་ལ་དམ་བཅའ་ཟུངས། །ཐམས་ཅད་བཏང་སྙོམས་ངང་དུ་སྐྱུར་ལ་ཐོངས། །དེ་སྐད་དུག་ལྔ་མེ་འབར་མདོར་ཞིག་དང་། །སུ་ཁའི་མིང་ལ་ཤེས་རབ་དབང་མོས་གདམས། །རང་ངོར་ལྟོས་ལ་ཁ་རོག་ཉོལ་ལ་སྡོད། །ཅེས་སྨྲས་པའོ།། །། ཧེ་ཧེ། བར་ཆད་ཡིན་ཞེས་ རྭ་ཅན་མི་འབྱུང་ཞིང་། །གློ་བུར་