Tibetan
འགྲུབ་སྟེ། །དོན་གཉིས་ལྷུན་གྲུབ་རྟ་ཕག་མངོན་གྱུར་ཅིང་།ཟུང་འཇུག་འབྲལ་མེད་འདུན་པའི་སྨོན་ལམ་ཞུ་ཞུ་ཞུ །ཞེས་པའང་གྲུབ་བརྙེས་རིག་འཛིན་ཆེན་པོ་གཏེར་སྟོན་རིན་པོ་ཆེའི་སྐུ་དྲུང་一 དུ་ཀུན་བཟང་བདེ་སྐྱོང་དབང་མོས་ཕྱག་བཅས་གུས་ཕུལ། །དུས་གསུམ་སངས་རྒྱས་ཀུན་ལས་བཀྲིན་ལྷག །འདི་ཕྱིའི་རེ་ལྟོས་སྐྱབས་མགོན་རིན་པོ་ཆེ། །དགོངས་པ་ཆོས་ཀྱི་དབྱིངས་ལས་མ་གཡོས་ཀྱང་། །ཐུགས་རྗེའི་འོད་ཟེར་བྱམས་བརྩེས་བདག་ལ་དགོངས། །ཡིད་བཞིན་ནོར་བུའི་ཐུགས་རྗེའི་བཀའ་དྲིན་གྱིས །བདག་གི་སྒྲིབ་གཉིས་ཤུན་པ་མཐར་བྱས་ནས། །ཡེ་གྲོལ་ཆོས་སྐུ་ཆེན་པོ་མངོན་དུ་མཐོང་།ཉམས་སྣང་བཟང་ངན་རྟོག་པ་ཅི་ཤར་ཡང་། །ཡང་གྲོལ་སོར་བཞག་མི་དགོས་གཉུག་མར་གནས། །རེ་དོགས་གཉིས་མེད་འབྲས་བུ་རང་ས་ཟིན། །བློ་བདེ་ཞེ་བདེ་རྣལ་འབྱོར་ཡིན་ཡང་བསམ །ང་ནི་དེ་ལྟར་མ་ཡིན་རྒྱལ་པོས་བརླབས། །མཐའ་གཉིས་མ་ངེས་སྣང་བ་འར་མ་འུར། །རགས་པ་མི་སྣང་འོད་སྣང་ཙམ་དུ་ཟད། ཤེས་པ་ཆལ་ཆོལ་འདི་ཕྱི་ངོས་མི་ཟིན། །སྣང་བ་གཏད་མེད་ཟང་ཀ་ཡིད་དཔྱོད་བྲལ། །བཟང་རྟོག་རེ་བའི་ཚང་ཞིག་རྩོལ་བ་བྲལ །ངན་རྟོག་སྙིང་པོ་མེད་པས་འབད་པ་ཞན། །བཟང་ངན་གཉིས་ཀ་འབད་རྩོལ་བྱ་ཐབས་བྲལ །སངས་རྒྱས་སེམས་ཅན་རེ་དོགས་རྩ་བ་ཞིག །དུས་གསུམ་སངས་རྒྱས་ཀུན་དངོས་ཡིད་བཞིན་ནོར། །མཇལ་བའི་མོད་ལ་དད་དང་མོས་གུས་ནི ༄༅། །མི་ཕྱེད་འཛིན་བྲལ་ཆོས་སྐུ་མཉམ་ཉིད་ངང་། །ཐ་དད་མི་སྣང་རིག་པའི་ངོ་བོར་ཤར། །ཡུལ་ཁྱིམ་འཁོར་སློབ་རྣམས་ཀྱང་སྣང་ཙམ་ལས། །དོན་ལ་མ་ངེས་རེས་སྣང་རེས་མི་སྣང་།ལྷ་སྒོམ་སྔགས་བཟླས་ཏིང་འཛིན་བསྒོམ་པ་ནི། །རོལ་རྩལ་ཙམ་ལས་རེ་འབྲས་དོན་མ་གོ །སྣང་བ་ཐམས་ཅད་འར་མ་འུར། ཟང་མ་ཟང་། ཆལ་མ་ཆོལ། བེམ་རིག་བྲལ་བ་འདྲ་བ་འདི་ཅི་ཡིན། གང་སྣང་སྣང་ཙམ། གང་ཡིན་ཡིན་ཙམ། གང་མིན་མིན་ཙམ། གང་ཤར་ཤར་ཙམ། གང་གྲོལ་གྲོལ་ཙམ། ཐམས་ཅད་གཞི་རྩ་དང་བྲལ་བ། སྐུ་གསུམ་གྱི་བདག་ཉིད་ལས་མ་འདས་པ་འདྲ་ཡང་། ངེས་པ་མེད་པ་འར་འུར་ཟང་ཟང་། ཁྲོལ་ཁྲོལ་འདི་རྒྱལ་པོའི་འཕྲུལ་ཡིན་ནམ་ཅི་ཡིན བདག་གི་བླ་མ་ཡིད་བཞིན་ནོར་བུ་ཀུན་མཁྱེན་གསང་སྔགས་གླིང་པ་ཁྱེད་མཁྱེན་ནོ །གོང་སེལ་བོགས་འདོན་སྣང་བའི་རྩལ་ཕྱུངས་ཤིག །ཡང་ན་འདི་ཕྱི་གང་ཡིན་ངོ་སྤྲོད་ཅིག །ཡང་ན་མི་གནས་འཕོ་བ་ཆེན་པོའི་ས་ལ་དྲོངས་ཤིག ཆལ་ཆོལ་གྱི་གཏམ། འར་འུར་གྱི་ཉམས། ཅི་སྣང་ཅི་ཤར་ཐམས་ཅད་ཟང་མ་ཟང་། ཐལ་མ་ཐལ། འདི་མཚར་ཆེ་རྨི་ལམ་ཡིན་ནམ། འདིར་སྣང་ཡིན་ནམ། བར་དོ་ཡིན་ནམ ཅི་ཡིན་གང་ཡིན་བླ་མ་མཁྱེན །ཡིད་བཞིན་ནོར་བུས་ཐུགས་རྗེས་གཟིགས། །ཞེས་འཁྲལ་འཁྲུལ་དུ་སྨྲས་པས་བླ་མ་འོད་མཐིང་གི་ཀློང་ན་འཛུམ་མུ་ལེར་བཞུགས་པ་མཐོང་ནས་ཉམས་སྣང་ལས་གྲོལ་སོང་སྤྲུལ་སྐུ་ཡིད་བཞིན་ནོར་བུས་ཆོས་དབྱིངས་མཛོད་གསུང་སྐབས་བདེ་བའི་རྡོ་རྗེས་འཁྲུལ་སྣང་ཡིག་རིས་སུ་བྲིས་ནས་ཕུལ་བའོ།། དགེའོ།། ཡིད་བཞིན་ནོར་བུ་ཀློང་ཡངས་ནམ་མཁའ་ཆེ། །འཁོར་འདས་ཆོས་ཀུན་དབྱིངས་ཀྱི་རྒྱན་དུ་ཤར། །ཡིད་དཔྱོད་བློ་བྲལ་དགོངས་པ་ནམ་མཁའ་འདྲ། །མ་ཡེངས་དྲན་འཛིན་བརྟོད་ཕུར་རྒོད་རེ་ཆེ །ཁྱབ་བརྡལ་ནམ་མཁའི་འཁོར་ཡུག་འཕོ་འགྱུར་བྲལ །མི་གཡོ་ཆོས་ཉིད་སྤོས་བྲལ་དགོངས་པ་རྟོགས། །རྒྱ་ཆད་ཕྱོགས་ལྷུང་བྲལ་བ་ཟང་ཀ་མ། མ་ཡེངས་དྲན་འཛིན་བརྟོད་ཕུར་རྒོད་རེ་ཆེ། ཆོས་ཀུན་སྒྱུ་མ་ལྟ་བུའི་རོལ་རྩལ་མཁྱེན། །གང་སྣང་ཡེ་ཤེས་རྒྱན་ཏེ་བླང་དོར་བྲལ །མ་ཡེངས་དྲན་འཛིན་གཏད་སོ་རྒོད་རེ་ཆེ །ནང་གསལ་རིག་པ་སྐུ་དང་ཡེ་ཤེས་དཔལ །དགོངས་པ་ཆོས་ཀྱི་དབྱིངས་ལས་མ་གཡོས་ཀྱང་། །བདག་ཅག་རྗེས་འཇུག་སྐལ་ལྡན་རྣམས་ཀྱི་དོན། །ཐུགས་ཀློང་གསང་མཛོད་ཟབ་མོའི་ཆོས་ཆར་འབེབས །སྣང་སྲིད་བརྡ་དང་དཔེ་ཡི་རོལ་པར་ ༄༅། །ཤར །མ་ཡེངས་དྲན་འཛིན་གཏད་སོ་རྒོད་རེ་ཆེ། །ཀ་དག་སྤྲོས་བྲལ་དགོངས་པ་མངོན་དུ་གྱུར། །རང་བྱུང་འོད་གསལ་གཉུག་མ་རྒྱུན་ཆད་མེད། །འབད་རྩོལ་འཛིན་ཞེན་ལས་འདས་བྱང་ཆུབ་སེམས། །བློ་བྲལ་དོན་གྱི་ཆོས་སྐུ་མཐའ་རུ་ཕྱིན། །རྣམ་ཀུན་མཆོག་ལྡན་དཔའ་བོ་ཆོས་ཀྱི་སྐུ། །དྲན་པ་ཡང་དག་ཆེན་པོས་ཕྱག་བགྱིའོ། །བདག་ཅག་གཟུང་འཛིན་ལམ་གོལ་བདག་འདྲ་ཡང་། །མ་རིག་མུན་པའི་སྨག་རུམ་ལས་གྲོལ་ཕྱིར །ཐུགས་རྗེའི་འོད་ཀྱིས་བདག་བློའི་མུན་པ་སེལ། །དྲན་སྣང་ཆོས་ཉིད་རྟོགས་པར་ཐུགས་རྗེས་ཟུངས། །ལས་ངན་བདག་ནི་བརྩེ་བས་རྗེས་བཟུང་ནས །གནས་ངན་འཁོར་བའི་དབང་དུ་མི་འགྲོ་ཞིང་། །ཚེ་འདིར་ཡང་དག་ཆོས་ལ་བརྩོན་ནུས་ཤོག །བསམ་པའི་དོན་ལ་བར་ཆད་མི་འབྱུང་ཞིང་། །དཔལ་མགོན་བླ་མ་ཁྱོད་ཀྱི་ཞབས་དྲུང་དུ། །འབྲལ་མེད་ཆོས་ལ་སྤྱོད་པའི་སྨོམ་ལམ་ཞུ་ཞུ་ཞུ། །ཅེས་པ་སྨྱོན་མ་འཆོལ་མོ་འདུ་ཤེས་གསུམ་པས་ཕུལ། དགེའོ།། ཟག་བཅས་ཉེར་ལེན་གྱི་ཕུང་པོ་ལ། །ཨ་འཐས་བདེན་ཞེན་གྱི་འཆིང་བས་བཅིངས ན་ཚ་ཟུག་རྔུ་ཡི་ཚོར་བ་འདི །མ་ཡི་བུ་སངས་བཞིན་མྱོང་བའི་དུས། །ཟག་བཅས་ཟག་མེད་དུ་འགྲོ་ སྙིང་འདོད། །ཕ་རྟོགས་ལྡན་བླ་མའི་བཀའ་དྲིན་གྱིས །གཟེར་ཆེན་ཆོས་སྐུའི་གདམས་པ་ཡོད། །གཟེར་འབྲིང་ལོངས་སྐུའི་གདམས་པ་ཡོད། །གཟེར་ཆུང་སྤྲུལ་སྐུའི་གདམས་པ ཡོད། །ང་འཆི་བའི་གཟེར་ལ་ཡ་མི་ང་། །འཆི་སྲིད་ཆོས་སྐུའི་རྒྱལ་ས་རེད། །གཞན་ན་སངས་རྒྱས་ས་ཞིག་མེད། །དུས་གསུམ་བདེ་གཤེགས་རྟེན་བརྟེན་པ །རང་བཞིན་གཅིག་གི འཕྲུལ་དུ་ཤར། སྟོང་དབྱིངས་བཙུན་མོའི་མཁའ་ཀློང་དུ། །སྒྱུ་མའི་རྣལ་འབྱོར་བཞུད་ན་སྙམ དཔའ་བོ་ཐབས་ཀྱི་ཐུགས་རྟེན་དུ། །ལོ་ཆ་ཤས་འདི་ཀ་གནས་ལགས་སམ། །ཁྱོད་མི མིན་ཡུལ་དུ་མཁའ་འགྲོ་ལ། །ན་ཟུག་རྔུའི་རིམ་གྲོ་ཇི་ལྟར་སྒྲུབ །བརྡ་སྦས་གསང་མེད་པར་གསུང་དུ་གསོལ །སྨྲས་པས་ན་རེ། ཡུལ་སྐྱོ་སུན་བྱེད་པའི་དམ་གྲིབ་དང་། །བྱང་དུག་རླངས་ཟུར་ཙམ་ཕོག་པ་ཡིན། །གནས་འདི་རུ་ཡུགས་སའི་བང་གྲིབ་ཕོག །མནོལ་བསངས་དང་རི་བསངས་ལྷ་ཁྲུས་བྱ །ཡུལ་སྐྱོ་སུན་ཐབས་ཀྱི་མཐུ་ཡིས་བཟློག །བྱང་དུག་རླངས་ན་བུན་སེལ་བ་ལ། །དཔལ་ནུས་ལྡན་རྡོ་རྗེའི་གོ་ཁྲབ་བགོ། །དུས་འབྲིང་གསུམ་ལ་ཁྱོད་ལ་འཚེ་བ་ཡོད། །དེ་རིག་པས་དཔྱོད་དང་རིམ་གྱིས་གསལ། །ཟེར་ནས། ང་རང་གནས་འདིའི་ ༄༅། །བདག་མོ་རྡོ་རྗེ་ཀུན་གྲགས་མ་ཡིན་ཟེར་ནས་འོ་ཆབ་ཞིག་རང་ལ་བྲན་ནས་ད་དུང་ཞིང་དུ་མ་འབྱོན་ཨང་ཟེར། ཅེས་དུས་འཛིན་ཆུ་ཕག་ལོའི་ཟླ་བ་གཉིས་པའི་ཚེས་གཅིག ཉིན་འཁྲུལ་སྣང་ལ་བུད་མེད་གཅིག་གིས་ཁྱེད་ཅི་འདྲ་གིས་ཟེར་བའི་ལན་དུ་སྤྲང་མོ་མདོ་མེད་དཱི་པཾ་ཏཱ་རེས་སྨྲས་པས་མཁའ་འགྲོའི་ལུང་བསྟན་དང་རང་དབང་ཡོད་ནི་ལྟ་ཞོག །རྨི་ལམ་བཟང་པོ་ཙམ ཡང་མེད་པར་བཏང་སྙོམས་སུ་གནས་སྐབས་ཡིད་བཞིན་ནོར་བུས་ཁྱེད་ལ་ཉམས་སྣང་ཅི་བྱུང་ཡང་ཁོང་ལ་སྦས་གསང་མི་ཉན་གསུང་བསྐུལ་ཕེབས་ཚེ་སུ་ཁའི་མིང་གིས་ཡིག་རིས་སུ་བྲིས་པའོ།། དགེའོ།། བརྡ་དང་བརྡ་ལན་དཔེ་དོན་གསུམ།གཏེར་སྟོན་རྣམས་ཀྱི་སྤྱོད་པའི་ཁྱད རྟེན་དང་འབྲེལ་འབྱུང་དེ་ལས་འབྱུང་། དེ་ཕྱིར་བརྡ་ལན་གོ་བར་མཛོད། །བརྡ་ཞེས་པ་ད་ལན གྱི་སྐབས་ལྟ་བུ་ལ་ཟེར། བརྡ་ལན་ཞེས་པ་ཕྱི་ནང་གི་རྟེན་འབྲེལ་ལ་ཟེར། དཔེ་དོན་ཞེས་པ་གཞན་གྱི་མཐུན་རྐྱེན་ལ་བརྟེན་ནས་དོན་བསྒྲུབ་པ་ལ་ཟེར། དེ་དག་གཏེར་སྟོན་རྣམས་ཀྱི་རྟེན་འབྲེལ་གྱི་འབྱུང་ཁུངས་ལྟ་བུ་ཡིན་པས་ན་སྟབས་ཟབ་དགོས་ཞེས་སྨྲས་པ་ཡིན། གཏེར་རྫུན་སུ་ཁའི་མིང་གི་ཆོས་ལུགས་ཡིན །གཞན་གྱི་མཐོང་ན་བཞད་གད་གནས་སུ་འགྱུར། ཧ་ཧ། གང་ སྨྲས་ཆོས་སུ་མཐོང་བའི་རྣལ་འབྱོར་པ། །ཤཱི་ལ་བཛྲ་རྩལ་གྱི་དྲིས་ལན་དུ། །བདེ་ཆེན་བདེ་བའི་རྡོ་རྗེས་སྨྲས་པའོ།། །། ནང་གསལ་གྱི་ཆོས་སྐུ་དེ་ལས་མ་གཡོས་བཞིན་དུ་གསལ བའི་ཆ་དེ་ལ་ལོངས་སྐུར་བཞེངས་ནུས་པ་ཙམ་དང་། དེ་ལས་ཕྱེད་སྤྲུལ་ལོངས་སྐུ། དེ་ལས་ཐུགས་རྗེའི་སྤྲུལ་སྐུར་བཞེངས །དེ་ནས་འགྲོ་བ་གང་ལ་གང་འདུལ་གྱི་སྟོན་པར་སྣང་བ་ཡིན། གདུལ་བྱའི་སེམས་ཅན་མ་ཟད་ཀྱི་བར་དུ་འདུལ་བྱེད་ཀྱི་སྟོན་པ་རྒྱུན་མི་ཆད་པར་འབྱུང་བ་ཡིན སྣང་བའི་ཆོས་བདག་ལུས་ཕུང་པོ་དང་བཅས་པ་སྣང་བའི་རྒྱན། ཡེ་ཤེས་ཀྱི་རོལ་པ། མ་འགགས་པའི་རྩལ། དེ་དག་ཐམས་ཅད་ཤར་ཡང་རིག་པའི་ངང་ལས་ཤར སྣང་ཡང་རིག་པའི་ངོ་བོར་སྣང་། གྲོལ་ཡང་རིག་པའི་ངང་དུ་གྲོལ། རང་གི་རིག་པ་དེ་རང་སྣང་གི་སྟོན་པ ཡིན། རང་རིག་ལས་གཞན་པའི་བླ་མ་མེད་དོ་གསུངས །བདེ་བའི་རྡོ་རྗེའི་རྨི་ལམ་མོ། དུས་འཛིན་ལྕགས་ཁྱི་ལོའི་ཟླ་བ་བདུན་པའི་ཉེར་ལྔའི་ནུབ་མཁའ་འགྲོའི་ཚོགས་གྲལ་ནས་མཁའ་འགྲོ་ཀུན་གསལ་དབང་མོས། ཧེ་ཧེ། ཤར་ཙནྡན་དྲི་ལ་བུང་བ་འདུ། །ལྷོ་གཡུ་འབྲུག་ངར་སྐད་ས་གསུམ་ཁྱབ། །ནུབ་རྨ་བྱའི་གཟི་མདངས་བག་ལ་ཞ། །གྲོགས་མཐའ་ཡི་སེང་ ༄༅། །གེའི་ཁ་རུ་ཚུད། །ཁྱོད་སྔོན་འབྲེལ་གསང་གྲོགས་དཔའ་བོ་ནི། །བེེ་རོ་དང་དཔལ་གྱི་དབང་ཕྱུག་ཟུང་སྤྲུལ་པ་ཀློང་གསལ་སྐྱེ་སྲིད་སྦྲུལ་ལོ་པ གོས་དཀར་ལྕང་ལོ་འཛིན་པ་ས་མནྟ། གནས་ལྔར་སྨེ་བ་ལྷ་ཡི་སྤྱན་འདྲ་ཡོད །རླུང་བཅུར་དབང་ཐོབ་ཐབས་གྲོལ་རབ་ལ་དབང་། །འདི་དང་མི་རིང་མྱུར་དུ་འཕྲད་གྱུར་ན། །རྟེན་འབྲེལ་རབ་ལ་དབང་ནས་གཏེར་གཉིས་ཀྱི །མཛད་པ་མཐར་ཕྱིན་བསྟན་འགྲོའི་གསོས་སུ་སྨིན །མཐའ་དམག་དུས་འཁྲུགས་ལྔ་བཅུའི་བར་དུ་བཟློག །ཁྱོད་ནི་བདུན་ཅུ་ལྔ་ནས་དཔལ་རིར་ཡིབ། །བརྡ་དོན་གསང་བར་སྦོས་ལ་རིག་པས་དཔྱོད། །མི་འགྱངས་མྱུར་དུ་ཐབས་ཤེས་ཟུང་སྦྱོར་དགོས །འགྱངས་ན་མཁའ་འགྲོའི་དངོས་གྲུབ་ཡལ་ཡང་སྲིད། །མཁའ་འགྲོའི་བཀའ་བཞིན་བསྒྲུབ་ན དོན་གཉིས་འགྲུབ། །ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཅེས་པའང་རང་ལོ་བཅུ་དགུའི་དུས་མཁའ་འགྲོའི་ཞལ་ལུང་ལས་པདྨ་སྒྲོན་དཀར་གྱིས་བྲིས་པའོ།། དགེའོ།། །། TI1395-475 TI1395- 476 ༄༅། ་དག་སྣང་མཁའ་འགྲོའི་གསང་མཛོད་ཟབ་མོ་ལས༔ བརྡ་དོན་འབྲེལ་བ་རྡོ་རྗེའི་གད་མོ་བཞུགས་སོ། །དུས་བཟང་ཉེར་ལྔའི་ཉིན་ཐུན་མཚམས་ཞིག་ལ་གནས་ཙཱ་རི འབྲུག་ཐང་སྐྱེས་མོའི་ཚལ་ན་བྱ་ཚོགས་མང་པོ་སྐར་ལྟར་འཚོགས་ཡོད་པའི་ནང་འདིར་ཁྱད་འཕགས་ཀྱི་གསེར་བྱ་གཡུ་བྱ་གཉིས་ཡོད་པ་འདི་ནི་རྒྱུད་འཇམ་ཁོག་ཡངས་གསར་འགྲོགས་མེད། བྱང་སེམས་ལྡན་ཅིང་ཆོས་ལ་དད། གཉིས་ཀ་མཐུན་པའི་ཡིད་ཀྱིས་འགྲོགས་ཤིང་ཕན་ཚུན་ཆོས་མཐུན་གྱི་གཏམ་འདི་སྨྲས་སོ། །གསེར་ལྡན་ན་རེ། ཨེ་མ། ཡིད་མཐུན་སྐལ་བཟང་གཡུ་བྱ་སྔོན་མོ། །རང་སེམས་བསམ་པ་ཆོས་ལ་ཐག་ཆོད། །སྨྲ་ཤེས་དོན་གོ་བླང་དོར་མ་ནོར། །སྐད་མཐུན་བྱ་ཡི་ཁྱུ་ཚོགས་མང་ཡང་།ཆོས་སྒྲུབ་བསམ་པ་སྐད་ཅིག་མི་སྐྱེ། །རྣམ་གཡེང་ངང་དུ་སྣང་བ་ཡུད་ཙམ། །འཆི་བའི་རྐྱེན་ནི་གློ་བུར་ཐོན་ཚེ། །འཆི་ཆོས་མ་འགྲུབ་རང་སྐལ་ཆད་འདུག །ད་ནི་ལ་འུར་དམ་པའི་ལྷ་ཆོས །བསྒྲུབ་ལ་བརྩོན་དང་ཡིད་མཐུན་སྐལ བཟང་། །དམ་བཅའ་ཡིན་ནོ་སྙིང་གི་དཀྱིལ་ཟུངས། །ཨེ་གོ་ཨེ་གོ་ཡིད་མཐུན་ལྷ་གྲོགས། །ཉམས་ལེན་དབེན་པའི་གནས་སུ་བསྐྱངས་ན །བཅོས་མེད་རྟོགས་པ་ངང་གིས་སྐྱེས ཡོང་།ཉམས་ལེན་རྩལ་ཁ་ཤུགས་ཀྱི་འབར་ནས །ལྟ་བ་འཁོར་འདས་རོ་སྙོམས་རྟོགས་ཡོང། །སྒོམ་པ་གཉུག་མའི་རང་གདངས་ངོམས་ནས །སྤྱོད་པ་གང་བྱུང་རྒྱ་ཡན་རང་གྲོལ། །གཞི་མེད་རྩ་བྲལ་དགོངས་པ་ཟང་ཐལ །ལམ་སྣང་མ་འགགས་སྣ་ཚོགས་ལྷུན་གྲུབ །འབྲས་བུ་རྟོག་བྲལ་ནམ་མཁའི་རང་བཞིན །ཀུན་བཟང་དགོངས་པ་ལོགས་ན་མེད་དོ། །རང་བྱུང་རིག་པ་དེཀ་ཡིན་འདུག །ཡིད་མཐུན་ཁྱོད་ཀྱིས་དེ་ལྟར་ཨེ་དགོངས། །ཞེས་ཟེར། གཡུ་བྱ་ན་རེ། ཀི་ཀི་ལེགས་སོ་ཀི་ཀི་ལེགས་སོ། །བདེན་ནོ་ཡིད་འཛིན་སྙིང་གཏམ་བདེན་ནོ། །སྙིང་པོ་མེད་པ་འཁོར་བའི་ཆོས་ལ །ཞེནཔ་བཅད་ནས་དམ་ཆོས་བསྒྲུབ་འགྲོ། །ཚེ་འདིའི་འདུག་ཐབས་ལོངས་སྤྱོད་བསགས་ཀྱང་། །འདི་ཕྱི་གཉིས་ཕུང་མི་དགེ་སྣ ཚོགས། །འཆི་བདག་ཐོན་ཚེ་སྙིང་པོ་མི་འདུག །འདུག་པའི་སྐྱེད་ཚལ་སྤང་ལྗོངས་ཡིད་དགའ། །འགྲོགས་པའི་བྱ་ཚོགས་བག་ཡངས་ཡིད་མཐུན །བར་དོ་འགྲིམ་དུས་ཕན་ཐོགས་མི་གདའ། །བདུད་རྩིའི་སྦྲང་ཆར་རོ་བཅུད་ལྡན་ཡང་། །བར་དོའི་ཚད་གདུང་སེལ་ཐབས་མི་ཡོང་། །འདི་དོན་བསམ་ནས་ཆོས་ལམ་དེངས་འགྲོ། །སྐལ་བ་བཟང་པོའི་གསེར་ལྡན་ཁྱོད ༄༅། །ཀྱིས། །བླ་མ་དམ་པའི་དམ་ངག་ཟབ་མོ། །ཀི་ཀི་བདག་གི་རྣ་བར་ཐོས་ཚེ། །འཁོར་འདས་ཆོས་ཀུན་སྒྱུ་མའི་རོལ་པ། །འཛིན་ཞེན་བྲལ་བ་མ་བཅོས་རྣལ་མ། །སྣང་སྟོང་རང་གྲོལ་འོད་གསལ་རིག་པ །ཁྱད་ཆོས་དྲུག་ལྡན་ཀུན་བཟང་དགོངས་པ །གཟུང་འཛིན་གཉིས་བསྡུས་ཆོས་ཀུན་གཉིས་མེད། །རང་གྲོལ་རོ་གཅིག་དབུ་མ་ཆེན་པོ། སྤྲོས་པའི་མཐའ་བརྒྱད་བྲལ་བ་སྟོང་དབྱིངས། །འགྱུར་མེད་ཡེ་ཤེས་རང་གདངས་ཆེན་པོ། །ཕྱག་ཆེན་རྣལ་འབྱོར་རྟོགས་གྲོལ་དུས་མཉམ། །ཀ་དག་ཟང་ཐལ་སྐྱེ་མེད་རང་བྱུང་། །ཡེ་ཤེས་རོལ་པ་རྫོགས་ཆེན་གནས་ལུགས། །གང་སྣང་རང་གྲོལ་ཁྱབ་གདལ་ངང་དུ། །སྙིང་གྲོགས་ཁྱེད་ཀྱིས་བློ་ཐག་ཆོད་དང་། །ངས་ཀྱང་དེ་བཞིན་ངང་ལ་གནས་འདུག །ཅེས་ཟེར་ནས་བདེ་སྟོང་ཏིང་ངེ་འཛིན་ལ་མཉམ་པར་བཞག་ནས སྨྲ་བསམ་བརྗོད་བྲལ་གྱི་གནས་ལུགས་མངོན་དུ་གྱུར་ནས་རིག་འཛིན་བཞིའི་ས་ཐོབ་ནས་བསྡུ་དངོས་བཞིའི་སྒོ་ནས་འགྲོ་བའི་དོན་རྒྱ་ཆེན་པོ་མཛད་དོ།། ཡང་སྟོན་ཟླ་ཐ་ཆུང་ནང་དུ་བྱ་ཚོགས་རྣམས་རང་གནས་སུ་དེང་སྐབས། གསེར་བྱ་རྒྱ་གར་དུ་འགྲོ། གཡུ་བྱ་མོན་ཡུལ་དུ་འགྲོ་བའི་དུས་སུ་གཉིས་ཀ་ཡིད་མཐུན་གྱི གཏམ་འདི་སྨྲས་སོ།། ཀི་ཀི་ལྷགྲོགས་ཀི་ཀི་ལྷ་གྲོགས། །ཞལ་གྱི་ཕྱོགས་ལ་སྤྱན་གྱིས་གཟིགས་དང་། །སྐྱབས་མེད་མགོན་མེད་གཡུ་བྱ་སྔོན་མོ། །ཐག་རིང་ཡུལ་ལ་བགྲོད་པའི དུས་སུ། །དབང་མེད་ཁྱེད་དང་བྲལ་དགོས་བྱུང་ཚེ །སེམས་ལ་སྡུག་བསྔལ་བཟོད་བླག་མི་འདུག །ཟབ་མོའི་དམ་ཆོས་གསུངས་པ་དྲན་དུས། །སྡུག་བསྔལ་དྲག་པོ་རླུང་ནག་འཚུབ འཚུབ། །བག་ཡངས་བརྩེ་གདུང་ཡིད་ཀྱིས་འགྲོགས་པའི །བྱ་ཚོགས་རྣམས་དང་འབྲལ་དགོས་བྱུང་ཡང་། །མི་འགྱོད་འདུས་བྱས་མཚན་ཉིད་ཡིན་མོད། །ཡིད་མཐུན་གྲོགས་བཟང་གསེར་ལྡན་ཁྱེད་དང་། །འབྲལ་འདོད་བསམ་པ་ཡིད་ལ་མེད་ཀྱང་།ད་རེས་འདུས་བྱས་འཁོར་བའི་མཚན་ཉིད། །མཐོང་ཐོས་ཙམ་ཡང་མེད་པར་འགྲོ་དགོས། །ཀྱེ་ཧུད་ཀྱེ་ཧུད་ལྷ་གྲོགས་གསེར་ལྡན། །སྔོན་ཆད་དམ་བཅའ་ཐུགས་ལ་བཟུང་ནས །ལུས་སྲོག་དོར་ཡང་ཆོས་མཐུན་གཞུང་བཟང་།སེམས་ལ་འགྱོད་པ་མེད་པར་ཐག་ཆོད། །འུ་ཅག་འདིར་འཚོགས་ཚོང་དུས་མགྲོན་པོ། །བྲལ་བའི་དུས་ཚོད་སྟོན་ཟླ་ཐ་ཆུང་། །བློ་གཏད་དམ་པའི་ཆོས་ལ་བྱས་ཏེ། །རྩོལ་བྲལ་ཉམས་ལེན་མཐའ་རུ་ཕྱིན་ནས །རིག་སྟོང་དབྱེར་མེད་རང་རིག་ཆོས་སྐུ། །ཀ་དག ༄༅། །བཟང་ཐལ་ཀུན་བཟང་རྒྱལ་སར། །བདག་གཞན་གཉིས་མེད་གྲོལ་བར་སྨོན་ནོ །ཟེར་ནས་ཡིད་སྐྱོ་བའི་ངང་དུ་ཀི་ཀི་ཀི་ཀི་ཟེར་འདུག །གསེར་ལྡན་གྱིས་སྨྲས་པ གནས་བཟང་ཙཱ་རི་འབྲུག་ཐང་ཤོད་ན། །སྤང་ལྗོངས་ཉམས་དགའབྱ་ཚོགས་བགཕེབས །བསམ་ཏན་སྒྲུབ་པའི་ཉམས་ལེན་བོགས་ཐོན། །བྱ་ཚོགས་ཀུན་འདུས་འཚེ་བ་ཀུན་བྲལ། ། ཡུལ་བཟང་ལྷ་གནས་སྐྱེད་མོས་ཚལ་ནས །མཇལ་འཕྲད་ཡོང་བ་གཡུ་བྱ་སྔོན་མོ །འདུས་པ་བྲལ་བ་འཁོར་བའི་མཚན་ཉིད། །སྔོན་བྱོན་རྒྱལ་བའི་ཞལ་གསུངས་ཚད་མ །རྟག་བརྟན་ཡོད་པ་གཅིག་ཀྱང་མེད་པས། །ཐུགས་ལ་སྐྱོངངལ་མ་མཛད་ཡིད་མཐུན །འཁོར་འདས་ཆོས་ཀུན་སྒྱུ་མའི་རོལ་པ །གསལ་སྟོང་འགགས་མེད་མེ་ལོང་གཟུགས་བརྙན། །ཤར་གྲོལ་དུས་མཉམ་ཆུ་དང་རྦ་རླབས། །གཟུང་འཛིན་རང་དག་མ་བཅོས་སོ་མ །དག་པ་གཉིས་ལྡན་སྨྲ་བསམ་བརྗོད་བྲལ། །སྐྱེ་འགག་འགྱུར་མེད་རང་རིག་ཀུན་བཟང་། །འཁོར་འདས་ཆོས་ཀུན་གཉིས་མེད་རོ་གཅིག །ཀ་དག་རྩ་བྲལ་ཀློང་དུ་རྫོགས་ནས། །དབྱིངས་ཡེ་དབྱེར་མེད་བདེ་བ་ཆེན་པོ། །རང་གྲོལ་ཡེ་ཤེས་ངང་ནས་སྐྱོང་མཛད། །ཅེས་ཟེར་ནས་དགོངས་པ་ལ་བཞུགས་ འདུག །བྱ་ཚོགས་གཞན་རྣམས་ཀྱིས་ཡིད་སྐྱོ་བའི་གཏམ་བརྗོད་ནས་རང་གནས་སུ་དེངས། གསེར་ལྡན་རྒྱ་གར་དུ་བྱོན། གཡུ་བྱ་ཡང་མོན་ཡུལ་དུ་ཕེབས་ནས། གསེར་ཐང་བང་རིའི ནགས་ཁྲོད་ནས་གློ་བུར་དུ་མཁའ་སྤྱོདགཡུ་ལོ་བཀོད་དུ་འབྲེལ་ཐོག་བྱ་ཚོགས་རྣམས་དང་བཅས་ཏེ་གཤེགས་སོང་། ཞེས་པ་སྙོམས་ལས་པ་ཀུ་ས་ལི་པའི་བརྫུན་སྣང་མཚར་གཏམ་དུ་བྲིས་པ་དགེའོ།། བཀྲ་ཤིས། ཧེ་ཧེ། ཤར་གྱི་ཁུ་བྱུག་སྔོན་མོས །སྒྱུ་རྩལ་བྱང་ལ་ངོམས་ནས། །ལྷོ་ཡི་གསེར་གྱི་ཉི་མ །ཆུ་བྱའི་རྟ་ལ་ཞོན་ཏེ། །ངེས་མེད་གནས་ཡུལ་ཉུལ་ངེས། །སྟག་སེང་དར་མའི་སྒྲ་ཡིས །ས་གསུམ་མཐའ་ནས་གཡོས་པས། །ལྷ་ཡི་ཉི་ཟླའི་དཀྱིལ་འཁོར། །སྟབས་ཀ་གཟབ་ལ་གལ་ཆེ །ཤར་སྨད་བདུད་སྡེའི་དཔུང་ཚོགས། །བྱི་བའི་གདོང་གིས་བསུས་འོང་། །མེ་ཡི་སྡེ་ཁའི་ལྟོ་སྦྱོར །མྱུར་དུ་འབད་ན་བཟློག་ངེས། །ངེད་ཅག་དམ་ཚིག་མཁའ་འགྲོ། །མི་རིང་མྱུར་དུ་འགྲོ་དགོས། །དུས་དང་དུས་སུ་བརྡ་དོན། །ཁྱོད་ཀྱི་སྙིང་ལ་གབ་ཡོད། །ཅེས་ཟེར་ནས། ས་ར་ནི་ཀུ་མི་ཏྲ་ཏ༔ ཐ་ན་ས་ཡ་ར་ག་མི༔ སང་ག་སིདྡྷི་དྷརྨ་ཀ༔ བུདྡྷ་བྷ་ར་ན་མ་མི༔ ཨ་ཀྵ་ར་ས་ཡ་ན་ཤྲཱི༔ པྲ་བྷ་ཝ་ར་ ༄༅། །ནིརྨ་ཀ༔ ཙན་ཏྲ་ཡ་ན་པེ་ཏ་ལི༔ ར་མི་ཤྭ་རི་ཀི་ས་ཙ༔ དེ་དག་འབྱུང་འགྱུར་ལུང་བསྟན་ཟབ༔ ཅེས་ཟེར་ཡལ༔ ཞེས་པ་བསྐལ་པ་ཆུ་ཕག་ལོའི་ཟླ་བ དྲུག་པའི་ཚེས་བཅུ་དྲུག་གི་དགོངས་མོ་དབང་གི་དུས་སུ་ཡིད་བཞིན་ནོར་བུས་བཀའ་བསྐུལ་ཕེབས་ཚེ་བདེ་བའི་རྡོ་རྗེས་བྲིས་པའོ།། ཉམས་འོད་གསལ་འདྲེས་པའི་སྣང་བ་ལ། །བྱ་རྩལ་ལྡན་ཐང་དཀར་རྒོད་པོ་ཞིག །རང་གནས་ཀྱི་གཏེར་སྒྲོམ་སྟེང་དུ་འོང་།གསུང་སྙན་པའི་དབྱངས་ཀྱིས་འདི་སྐད་ཟེར། །ཨེ་ཨེ་རྣལ་འབྱོར་དབང་མོ། །སྒྲ་འཛིན་དབང་པོ་གསོན་དང་། རྔ་ཡབ་གླིང་ནས་འོང་བའི། །འཁྲུལ་བྱ་ཐང་དཀར་ང་ཚོར། །ཨ་མ་ཡེ་ཤེས་དབང་མོས །ཁྱོད་ལ་ངག་གསལ་བསྐུར་ཡོད། །ཤར་གྱི་རྟ་བདུན་དཀྱིལ་འཁོར། །འགྲོ་བའི་མུན་སེལ་ཨེ་ནམ། །ལྷོ་ཡི་རྒྱ་མཚོའི་ནོར་བུ །བསྟན་པའི་སྲོག་ཤིང་ཨེ་ནམ། །ནུབ་ཀྱི་རྒྱ་སྟག་ངར་སྐད། །དུས་མིན་དུས་སུ་ཨེ་ནམ །ཤར་སྨད་དམ་སྲིའི་ཆོ་འཕྲུལ། །ཁྱོད་ལ་སྟོན་པ་ཨེ་ནམ། །སྦྲུལ་དང་འབྲུག་གཉིས་ཁྱུ་སྡེབ། །རང་ནོར་ལོན་པ་ཨེ་ནམ །སྨོན་ལོག་བདུད་ཀྱི་བར་ཆད། །སྐབས་སྐབས་འབྱུང་བ་ཨེ་ནམ། །དམར་པོའི་ལྕགས་ཀྱུས་བསྐུལ་ན །