Tibetan
ཁོང་དུ་ཆུད་པར་བྱས་ཏེ་མཐར་ཕྱིན་པ་རྣམས་ནི་བརྩོན་འགྲུས་རབ་སྟེ། ཚེ་འདིར་གདོད་མའི་ཀ་དག་ཆེན་པོའི་དབྱིངས་སུ་གྲོལ་ནས་གཞོན་ནུ་བུམ་པའི་སྐུ་བརྙེས་པ་ཞེས་བརྗོད་པ་ཡིན་ནོ་གསུངས་སོ། །དེ་ནས་འབྲིང་། བར་དོར་གྲོལ་བ་ལ། བར་དོ་ཞེས་པའི་དོན་ནི། དག་དང་མ་དག་པའི་ཆོས་སོ་ཅོག་ཐམས་ཅད་དབྱིངས་ཀ་དག་ལས་ཤར་བ་ཡིན་པས དེའི་འཆར་གཞིའི་དབྱིངས་སུ་མ་རྫོགས་ཀྱི་བར་སེམས་ས་བོན་དང་བཅས་པ་ལ་བར་དོ་ཞེས་བརྗོད་པ་དང་། དེ་ལ་དབྱེན་མངལ་ནས་སྐྱེ་བ་གྲུབ་ནས་འཆི་བའི་ནད་ཀྱིས་བཏབ་པ་ཚུན་ཆད་ལ་རང་བཞིན་གྱི་བར་དོའམ་སྐྱེ་གནས་བར་དོ་བརྗོད་པའོ། །དེ་ནས་ཐིམ་རིམ་ལ་སོགས་པ་རྫོགས་མཐར་ནང་དབུགས་ཆད་ ༄༅། །པ་ཚུན་ཆད་ལ་འཆི་ཁའི་བར་དོའོ། །ནང་དབུགས་ཆད་ནས་འོད་གསལ་ཀྱི་སྣང་བ་ཤར་བ་དང་། ལྷུན་གྲུབ་ཀྱི་སྣང་བ་ཐིམས་པ་ཚུན་ཆད་ཆོས་ཉིད་བར་དོའོ། ། ལྷུན་གྲུབ་ཀྱི་སྣང་བ་ཐིམ་ནས་ཕྱི་མའི་ལུས་ཀྱི་སྐྱེ་སྲིད་བཟུང་བ་ཚུན་ཆད་སྲིདཔ་བར་དོ་ཞེས་བརྗོད་པ་ཡིན་གསུངས། ཡང་དེ་དག་ལ་སོ་སོའི་ལམ་ཁྱེར་གྱི་གདམས་པ་དཔེ་དོན་གཉིས་ཀྱིས་བསྟན་པ་ལ། སྐྱེ་གནས་བར་དོར་སྒྲོ་འདོགས་ཆོད་པ་ཐི་བྱ་ཚང་དུ་འཇུག་པ་ལྟ་བུའི་དོན་ནི། མཚན་ཉིད་དང་ལྡན་པའི་བླ་མ་དམ་པ་ལ་སྒོ་གསུམ་ཟོལ་ཟོག་མེད་པར་བསྟེན་ནས།དེས་བསྟན་པའི་གདམས་པའི་གནད་རྣམས་ཐོས་བསམ་སྒོམ་གསུམ་གྱིས་སྒྲོ་འདོགས་བཅད་ནས་གནས་ལུགས་དང་ཡིན་ལུགས་ཐམས་ཅད་ཕྱིན་ཅི་མ་ལོག་པར་ཉམས་སུ་བླངས་ཏེ་མན་ངག་ཟབ་མོ་ལ་བརྟེན་ནས་ཡང་དག་པའི་འབྲས་བུ་མངོན་དུ་གྱུར་པ་དེ་ཡིན་ནོ །འཆི་ཁའི་བར་དོར་གསལ་གདབ་པ་སྒེག་མོའི་མེ་ལོང་ལྟ་བུའི་དོན་ནི། རང་གིས་སྔར་བསྒོམས་པའི་གདམས་པ་རྣམས་བློ་ངོར་གསལ་བཏབ་ནས་མིག་འོད་སྣང་ལ་བལྟ་ཞིང་རིག་པ་བླ་མའི་ཐུགས་དང་དབྱེར་མེད་དུ་སྟོང་གསལ་འདུས་མ་བྱས་པའི་དབྱིངས་སུ་མཉམ་པར་བཞག་པའི་ཚེ་ན། ད་ལྟའི་འོད་གསལ་སྐྱེལ་མ་ལྟ་བུ་དང་། བར་དོའི་འོད་གསལ་བསུ་མ་ལྟ་བུ་གཉིས་དཔེར་ན་ཚེས་བཅོ་ལྔའི་ཉི་མ་ནུབ་པ་དང་། ཟླ་བ་ཤར་བ་དུས་མཉམ་པ་ལྟར་འོད་གསལ་མ་པང་བུ་འཇུག་གི་གདམས་པས་གདོད་མའི་གཞིའི་དབྱིངས་སུ་གྲོལ་བ་ཡིན་ནོ། །དེའི་སྐབས་སུ་རང་གིས་དེ་ལྟར་གསལ་འདེབས་ལོང་མ་བྱུང་ན་རྩ་བའི་བླ་མའམ། མིན་ཀྱང་མཆེད་གྲོགས་དམ་ཚིག་དང་ལྡན་པས་འོད་གསལ་གྱི་གདམས་པ་ངོ་སྤྲོད་བྱས་པས་ཀྱང་གྲོལ་བའི་སར་ཁྱད་པར་མེད་དོ་གསུངས། །དེ་ནས་ཆོས་ཉིད་བར་དོ་མ་པང་བུ་འཇུག་པ་ལྟ་བུའི་དོན་ནི། རང་གིས་སྔར་བསྒོམས་ཀྱི་གདམས་ངག་ཐམས་ཅད་ཉམས་འོག་ཏུ་ཆུད་པར་བྱས་ཏེ། བར་དོ་འོད་གསལ་གྱི་སྣང་བ་རྒྱ་ཆེ་ལ་གྲངས་མང་བ་འཇིགས་སྐྲག་གི་སྣང་བ་ཇི་ལྟར་ཤར་ཡང་། ཐམས་ཅད་རང་སྣང་ཡེ་ཤེས་ཀྱི་རོལ་པ་རུ་ངོ་ཤེས་པར་བྱས་ཏེ། ཐིམ་ལུགས་ལྔ་ནི། དང་པོ་རྣམ་ཤེས རླུང་སེམས ནམ་མཁའ་གཞི ལ་ཐིམ་པའི་ཚེ། རླུང་སེམས་གཞིར་རླུང་སེམས་དབུ་མར་འདུས ཐིམ། ལུས་བེམ་པོར་སོང་བའི་སྟོབས་ཀྱིས་རིག་པ་སྙིང་ནང་ནས སྐར་མདའ་ཆད་པ་ལྟར་འོད་རྩ་ཀ་ཏི་ཤེལ་སྦུག ལ་ལམ་བྱས་ཏེ། ཆུའི་སྒྲོན་མའི་སྒོར་ཐོན་དུས་རྡོ་རྗེ་སེམས་དཔའིགསང་ལམ་མམ་མིག་གི་ཐུགས་རྗེའི་རྒྱུན་མི་ཆད་པའི་འོད་ཟེར་ཞེས་ནམ་མཁའི་ ༄༅། །དཀྱིལ་དུ་འོད་ལྔའི་ཐིག་ལེ་གསལ་བ་མར་མེ་ལྟ་བུ་ཞིག་ཤར་བར་སྣང་ངོ་། །དེ་ལ་ཤེས་པ་གཏད་ནས་རང་སྣང་དུ་ངོ་ཤེས་པ་ཙམ་གྱིས་གྲོལ་བ་ཐོབ་པ་ཡིན་ནོ། །དེ་ངོས་མ་ཟིན་ཚེ་ནམ་མཁའ་འོད་གསལ་ལ་ཐིམ་པ་ཞེས་དུས་མ་འགྱུར་བརསྣང་བ་འགྱུར་ནས་སྔར་གྱི་འོད་ཐིག་དེ་ལས་འོད་ཟེར་ཁ་དོག་སྣ་ལྔས་ནམ་མཁའི་ཁམས་ཐམས་ཅད་ཁྱབ་པར་འཆར་རོ། ། དེ་རང་སྣང་དུ་ངོ་ཤེས་པས་གྲོལ་བ་ཡིན་ནོ་གསུངས་སོ། །དེ་ཀ་ངོས་མ་ཟིན་ཚེ་འོད་གསལ་ཟུང་འཇུག་ལ་ཐིམ་པ་ཞེས་སྣང་བ་ཐམས་ཅད་འོད་ཀྱི་སྐུ་རྐྱང་དང་རིགས་ལྔའི་ཚོམ་བུ་གྲངས་མེད་པར་ཤར་ཞིང་རང་གི་ལུས་ཀྱང་འོད་ཀྱི་རང་བཞིན་དང་། སྣང་ཡུལ་ཐམས་ཅད་ཟ་འོག་ཁ་ཕྱེས་པ་ལྟར་ཁྲ་ཆེམ་ཆེམ་འཆར་རོ། །དེ་སྐབས་སུ་རིག་པ་འོད་གསལ་ལ་འཇུག་པ་དང་། འོད་རིག་པར་འཇུག་པ་གཉིས་ཡོད་དེ། །དེས་གདམས་ངག་གི་གནད་དོན་དྲན་པར་བྱ་བ་ནི དང་པོ་རིག་པ་འོད་ལ་འཇུག་པ་ནི། རང་གི་སྙིང་གནས་འོད་ཀྱི་ཟེར་ཐག་རིགས་ལྔའི་ཚོམ་བུ་དང་སྐུ་ཤར་བ རྣམས་ཀྱི་ཐུགས་ཀར་འབྲེལ་བར་སྣང་ནས་རང་བཞིན་གྱི་བསམ་གཏན་ལ་ཞག་ལྔར་གནས་པ་ཡིན་ནོ། །ཚོམ་བུ་དེ་དག་ཤར་བ་དུས་གཅིག་ཡིན་ཀྱང་། ངེས་པ་རྙེད་པ་ཞག་རེ་རེ་བཞིན་རྣམ་སྣང་ ནས་དོན་གྲུབ་ཀྱི་བར་དུ་རིམ་བཞིན་ཚོམ་བུའི་དཀྱིལ་འཁོར་ཤར་བ་ཡིན་ནོ། །དེ་དུས་རིགས་གང་ངོ་ཤེས་པའི་ཐོག་ཏུ་བཞག་པས་དེའི་ངང་དུ རིག་པ་གང་ལ་གྲོལ་བ་ཐོབ་ནས་སྤྲུལ་པས་སེམས ཅན་གྱི་དོན་མཛད་ཅིང་དབྱིངས་སུ་ཐིམ་པ་ཞེས་བརྗོད་དོ། །དེ་ནས་འོད་རིག་པར་འཇུག་པ་ཞེས་ཚོམ་བུའི་ལྷ་ཚོགས་རྣམས་ཀྱི་ཐུགས་ཀ་ནས་འོད་ཀྱི་ཟེར་ཐག་རང་གི་སྙིང་གར་ཟུག་པ་དང་། ཚོམ་བུ་རྣམས་ཀྱང་རང་ལ་འདུས་ཤིང་ཐིམ་པར་སྣང་ངོ་། །དེ་ཉིད་རང་སྣང་དུ་ངོ་ཤེས་ན་སྐད་ཅིག་ལྔ་ནས་གདོད་མའི་ནང་གསལ་དུ་གྲོལ་བ་ཡིན་ནོ་གསུངས། དེ་ནས་ཟུང་འཇུག་ཡེ་ཤེས་ལ་ཐིམ་པ་ནི ཡེ་ཤེས་བཞི་སྦྱོར་གྱི་སྣང་ཆ་རྣམས་ཤར་བ་ཡིན་པས་དེ་ཀ་རང་སྣང་དུ་ངོ་ཤེས་པ་ཙམ་གྱིས་གྲོལ་བ་ཡིན་ནོ་གསུངས། ཡང་ཡེ་ཤེས་ལྷུན་གྲུབ་རིན་པོ་ཆེ་ལ་ཐིམ་པ་ཞེས་ཡེ་ཤེས་བཞིའི་སྣང་བ་ཐམས ཅད་རང་ལ་ཐིམ་ནས་སྐདཅིག་གིས་སྟེང་འོག་ཐམས་ཅད་འོད་ཁྱིམ་ཟླུམ་པོའི་དབུས་སུ་འོད་ཐིང་ག་ནམ་མཁའ་སྤྲིན་བྲལ་ལྟ་བུའི་མཐར་འོད་ལྔའི་མུ་ཁྱུད་ཀྱིས་བསྐོར་བ་སྣང་ཡུལ་ཁྱབ་པར་ཤར་བ་དང་། ཡར་ཀ་དག་ཆོས་སྐུའི་ཞིང་དང་སྟོན་འཁོར། ཐད་ཀར་ལོངས་སྐུའི་ཞིང་དང་སྐུ མར་འགྲོ་འདུལ་སྤྲུལ་སྐུའི་ཞིང་དང་སྒོ་གཉིས་ཤར་ལུགས་དྲུག་ལ་སོགས་པ་དེ་དག་རིམ་གྱིས་འཆར་ ༄༅། །རོ། །དེ་དག་རིག་གདངས་ལྷུན་གྲུབ་ཀྱི་སྣང་ཆར་རྟོགས་ནས་དཔེར་ན་སྔར་འདྲིས་ཀྱི་མི་དང་འཕྲད་པ་བཞིན་རང་སྣང་ཡེ་ཤེས་ཀྱི་རོལ་པར་ཤེས་པས་གྲོལ་བ་ཡིན་ནོ་གསུངས། མདོར་ན་ཐིམ་ལུགས་ལྔ་པོ་ཁ་ཚང་དུ་འགྲོ་དགོས་པའི་ངེས་པ་མེད་དེ་གང་ཟག་རང་གི་བརྩོན་འགྲུས་དང་དབང་པོའི་ཁྱད་པར་སོགས་ཀྱིས། རབ་རྣམས་ལུས་བོར་བ་དང་གྲོལ་བ་དུས་མཉམ། འབྲིང་རྣམས་ཟུང་འཇུག་དང་ཡེ་ཤེས་གང་རུང་དུ་གྲོལ ཐ་མ་རྣམས་ལྷུན་གྲུབ་ཀྱི་སྣང་བར་གྲོལ་བ་ཡིན་ནོ་གསུངས། སྣང་བ་དེ་དག་འཆར་ཚུལ་ཀྱང་ལུས་བོར་བ་དང་གྲོལ་བ་དུས་མཉམ་ན་དེ་མན་ཆད་ཀྱི་སྣང་བ་དབྱིངས་སུ་ཐིམ་པ་ཡིན་པས་མི་འཆར། གཞན་རྣམས་ཀྱང་འོད་སྣང་འཆར་ཚུལ་གང་དུ་གྲོལ་བ་ཡན་ཆད་མི་འཆར་བ་ཡིན་ནོ། །གྲོལ་བ་ཞེས་པ་ནི། སྐད་ཅིག དང་པོར་འོད་གསལ་གྱི་སྣང་བགང་དང་གང་ཤར་ཡང་ཐམས་ཅད་རང་སྣང་དུ་ངོ་ཤེས་པ་དང་། སྐད་ཅིག་གཉིས་པར་ངོ་ཤེས་ཐོག་ཏུ་ངང་ལ་གནས གསུམ་པར་གནས་ཐོག་ཏུ་གྲོལ། བཞི་པར་མངོན་ཤེས མངོན་ཤེས་ལྔ་དང་རྗེས་དྲན་དྲུག་སོགས། མཆན ཤར་ནས་རང་གྲོལ་བ་དང་སེམས་ཅན་གྱི་ཁམས་སུ་སྤྲུལ་པ་འབྱེད་པ་འགྱེད། ལྔ་པར་ནང་གསལ་གཞོན་ནུ་བུམ་སྐུར་བཞུགས ཚེ་ལྷུན་གྲུབ་ཀྱང་ཀ་དག་ལ་ཐིམ་པ་ཞེས་བརྗོད་པ་ཡིན་ནོ་གསུངས། སྲིད་པ་བར་དོར་ལས་ཀྱི་འཕྲོ་མཐུད་པ་ཡུར་བ་རྐང་ཆད་ལ་ཝ་འཛུག་པ་ལྟ་བུ་ཞེས་པ་ནི་ཆོས་འདིར་བརྩོན་འགྲུས་ཐ་མ་རྣམས་སྤྲུལ་པར་དབུགས་འབྱིན་པ་ལ། ཡང་ཐ་རྣམས་ཀྱིས་གདམས་ངག་ཟབ་མོའི་ངོ་སྤྲོད་ཐོབ་ཀྱང་ལེ་ལོ་དང་གཞན་དབང་སོགས་ཀྱིས་བསྒོམ་ལོང་མེད་པ་རྣམས་ནི་སྐྱེ་བ་བརྒྱུད་ནས་གྲོལ་བ་དང་། ཅུང་ཟད་བསྒོམས་ཀྱང་རིག་པ་ཇི་བཞིན་པར་གདིང་མ་ཐོབ་པའི་སྟོབས་ཀྱིས་འོད་གསལ་ལྷུན་གྲུབ་ཀྱི་སྣང་བ་ཐམས་ཅད་ཤར་བ་དང་ནུབ་པ་དུས་མཉམ་པས་ན། ངོས་མ་ཟིན་ནས་འཁྲུལ་སྣང་འཇིགས་སྐྲག་གི་རྣམ་པར་ཤར་བ་ཡིན་པས། དེའི་སྐབས་སྔར་གྱི་གདམས་པ་ཐོབ་པའི་གནད་རྣམས་གསལ་བར་བྱས་ཚེ། བློ་རབ་རྣམས་བླ་མ་དྲན་ནས་མོས་གུས་ཀྱིས་གསོལ་བ་བཏབ་པའི་ཚེ གདམས་པའི་གནད་དྲན་ཏེ། འཁྲུལ་སྣང་འཇིགས་སྐྲག་གི་སྣང་བ་ཐམས་ཅད་བདེན་མེད་སྒྱུ་མ་ལྟ་བུར་ཤེས་ནས་འོད་གསལ་གྱི་ངང་དུ་གྲོལ་བ་དང་། དབང་འབྲིང་རྣམས་རང་གི་ཡི་དམ་གྱི་བསྐྱེད་རྫོགས་ལ་གནས་པས་གྲོལ་བ་དང་། དབང་པོ་ཐ་མ་རྣམས་དག་པའི་ཞིང་ལ་འདུན་པ་གཏད་ནས་སེམས་སྤྲོས་བྲལ་གྱི་ངང་དུ་བཞག་པས་གྲོལ་བ་ཡིན། དེར་མ་གྲོལ་ན་ཕྱི་མའི་མངལ་སྒོ་ ༄༅། །ངན་པ་སྤངས་ནས་དག་པའི་སྐྱེ་སྲིད་ཀྱི་ལམ་དུ་འཇུག་པ་སོགས་བྱེད་དགོས་པ་ཡིན་ནོ་གསུངས། ཐ་མ་རང་བཞིན་སྤྲུལ་སྐུའི་ཞིང་དུ་གྲོལ་ཚུལ་ནི། མངོན་སུམ་གྱི་དོན་མཐོང་ཡང་བརྟན་པ་མཐོབ་པས་བསྒོམ་པ་འཕྲོ་ཅན་དུ་ལུས་པའམ། བསྒོམ་ཤུགས་ཆུང་བས་ཏིང་འཛིན་གྱི་རྩལ་ཞན་པས་བར་དོའི་གྲོལ་ཚད་དང་མི་ལྡན་པ་རྣམས་ནི་ཆོས་ཉིད་ཀྱི་བར་དོ་ཤར་ཡང་ངོས་མ་ཟིན་པར་སྲིད་པ་བར་དོ་རྨི་ལམ་གྱི་འཁྲུལ་ངོ་ཙམ་ཤར་བ་ལ། ཆོས་ཉིད་བདེན་པའི་བྱིན་རླབས་དང་རིག་འཛིན་བླ་མའི་ཐུགས་རྗེས་བར་དོ་གང་དུ་ཕྱིན་པའི་རྫུ་འཕྲུལ་དག་མ་དག་གི་ཞིང་རྣམས་སུ་བགྲོད་ཐུབ་པའི་ནུས་པ་ཡོད་ན། མཆན ཡོད་པའི་གནད་ཀྱིས་དག་པའི་ཞིང་དུ་ཁ་ཅིག་གིས་བེམ་རིག་བྲལ་མ་ཐག་སྐྱེ་བར་གསུངས། ཁ་ཅིག་གིས་ལྷུན་གྲུབ་ཀྱི་སྣང་བ་ནུབ་པ་དང་མཉམ་དུ་སྐྱེ་བར་གསུངས། ཁ་ཅིག་གིས་སྲིད་པ་བར་དོའི་ལམ་ལ་ཐོན་ཏེ་རྨི་ལམ་ལྟ་བུར་བར་དོའི་སྣང་བ་ཡད་ཡུད་ཞག་བདུན་ལ་སོགས་པར་གནས། དེ་དག་ནི་གོམས་ཤུགས་རབ་འབྲིང་ཐ་མའི་ཁྱད་པར་གྱིས་ཡིན་ནོ། །དེ་ནས་རྨི་ལམ་སད་པའི་ཆཙམ་ལ་མངོན་པར་དགའ་བ་ལ་སོགས་པ་དག་པའི་ཞིང་ཁམས་རྣམས་སུ་སྐྱེ་བ་བླངས་ནས་དེ་བཞིན་གཤེགས་པ་རྣམས་ཀྱི་ཞལ་མཇལ། གསུང་ཐོས། དབང་ཐོབ། ལུང་བསྟན། དབུགས་བྱུང་བ་ལ་སོགས་པ་ཐོབ་པས། ཉོན་མོངས་པའི་འཆིང་བ་ཀུན་ལས་གྲོལ་ཞིང་། རང་སྣང་གདོད་མའི་ཞིང་དུ་སྐད་ཅིག་ལ་གྲོལ་བར་གྱུར་བ་ཡིན ནོ། །དེ་ལྟ་བུའི་མྱུར་ལམ་འོད་གསལ་ཟབ་མོའི་དོན་རྣམས་ལེ་ལོ་དང་གཡེང་བ་མེད་པར་སྒོ་གསུམ་ཆིག་དྲིལ་དུ་ཉམས་སུ་བླངས་ན་རབ་ལོ་གསུམ། འབྲིང་ལྔ། ཐ་མས་ལོ་བདུན་ནས་གདོད་མའི་མགོན་པོ་ཀུན་ཏུ་བཟང་པོའི་གོ་འཕང་མངོན་དུ་གྱུར་པ་ཡིན་ནོ། །ཞེས་བཀའ་དྲིན་མཉམ་མེད་གཏེར་ཆེན་ཆོས་ཀྱི་རྒྱལ་པོས་གསུངས། །དེ་ལྟར་ཡང་ཟབ་གསང་བ་སྙིང་པོ་ཡི །དོན་བསྡུས་ཡང་གསང་མྱུར་ལམ་བགྲོད་པའི་ཚུལ། །གཏེར་ཆེན་བླ་མའི་ཞལ་གྱི་བདུད་རྩི་ལས།།ཁོ་མོ་བདག་གིས་གཅེས་ནོར་གདམས་པའི་བཅུང །སྔོན་སྨོན་བསོད་ནམས་མཐུ་ལས་ཅུང་ཞིག་ཐོས། །ཟུར་ཙམ་བརྗོད་པ་སྲོག་ལས་ཕོངས་ན་ཡང་། །རྡོ་རྗེའི་མཆེད་པོ་མགོན་དེའི་ཐུགས་ཀྱི་སྲས །སྙིང་མིག་སྲོག་དང་མཚུངས་པའི་སྤྲུལ་པའི་སྐུ། །སྣཚོགས་རང་གྲོལ་རྩལ་གྱི བཞེད་སྐོང་དང་།ཕྱི་རབས་ལམ་འདིར་བརྩོན་པའི་སྐྱེས་བུ་ཡི། །ཐུགས་དམ་གསོས་སུ་རང་བཟོས་མ་བསླད་པར། །ཞལ་རྒྱུན་གང་ཟིན་ཡི་གེའི་རིས་སུ་ནི། །སློབ་འབངས་ཡོངས་ཀྱི་ཐ ༡༣ ༄༅། །ཤལ་ཞལ་རྫུན་མཁན། །ཀུན་བཟང་ཆོས་ཉིད་དབང་མོས་བྲིས་པའོ། །ནོར་འཁྲུལ་གང་མཆིས་བླ་མའི་སྤྱན་སྔར་བཤགས །དགེ་བས་མ་གྱུར་འགྲོ་བ་མ་ལུས པ། །ཀུན་བཟང་ཆོས་སྐུའི་རྒྱལ་ས་ཟིན་པར་ཤོག །དགེའོ། །དགེའོ། །དགེའོ།། །། ཏེ་壹45 ད TI1395-441 TI1395-442 ༄༅། །ལྷུན་གྲུབ་རང་མལ་ལ་གནས་པའི་དོན་གསུངས་པ། བྱང་ཁོག་ཀུན་དགའི་སྙིང་པོ་གནས་པ་བཞིའི་སྒྲོན་མའི་ནང་གཞིའི་རིག་པ་སྒྲོན་མ་རྣམ་གསུམ་དྭངས་མ་ལྔ་འདུས་ཀྱི་ཐིག་ལེ་ཕྲ་བའི་སྒོ་གསུམ་ཡང་ཡིན གནས་ལུགས་རིགས་ལྔ་དང་ཁ་དོག་ལྔར་གནས་པ་འཁྲུལ་ལུགས་ངོ་བོ་མ་རིག་པས་འབྱུང་ལྔར་འཐས་གྲོལ་ལུགས་མངོན་དུ་གྱུར་ཚེ་ཡེ་ཤེས་ལྔར་གྲོལ། གསུམ་ཡང་ཡིན་པས། ཇི་ལྟར་བསྒོམ་ཡང་རང་སྣང་ལས་ཡུལ་གཞན་ཞིག་ན་སྐུ་དང་ཡེ་ཤེས་ཀྱི་སྣང་བ་འབྱུང་མི་སྲིད་པའིཕྱིར་ན། སྒོ་གསུམ་སྤང་བླང་བཅོས་བསྒྱུར་གང་ཡང་མི་བྱེད་པར་དབྱིངས་དབྱིངས་དང་རིག་པ་གཉིས་མེད་དུ་བཞག་ནས་འོད་སྣང་ཇི་ལྟར་ཤར་ཡང་རང་སྣང་གི་ཡེ་ཤེས་སུ་ངོ་ཤེས་ཏེ་གདིང་བཞིའི་གྲོལ་ཚད་འཛིན་པ། མཆན། རིག་སྣང་ཤེས་དབྱེར་མེད་དུ་ས་བཟུང་ན་རང་བྱུང་གི་སྒྲོན་མ་གསུམ་གྱི་ཡེ ཤེས་ལ་གདིང་ཐོབ་ཡོང་གསུངས རང་བྱུང་རྒྱུ་ཡི་སྒྲོན་མ་གསུམ་གང་ལགས་ཞུས་ཚེ ཙིཏྟའི་ནང་རྩ་གྲོ་སོག་གི་སྦུབས་ལྟ་བུ། རླུང་ཁྲག་མི་རྒྱུ་བ་གཅིག་མགྲིན་པའི་ཨོལ་སྟོང་གི་ནང་དུ་རྒྱུས་པ་ལ་ཞུགས་ནས་ཡར་ཀླད་པ་དུང་ཁང་གི་འོག་ནས་ཚུར་འཁྱིལ་ཞིང་ཚངས་བུག་ལ་གནས། དེ་ལ་རིག་པ་སྟོང་གསལ་གྱི་རང་འོད་ཚོན་སྐུད་གཤིབས་པ་ལྟ་བུ་གསལ་ལ་དྭངས་པ་གཅིག་འགྱུ། དེ་ཡེ་ཤེས་ཀྱི་སྣང་བ་ཡིན་པས་འགྱུ་བ་ལམ་གྱི་སྒྲོན་མ་ཟེར།མ་མཁའི་དཀྱིལ་ན་ཟླ་བ་གནས་པའི་འོད་རྒྱ་མཚོར་ཤར་བ་བཞིན། གཞི་རིག་པའི་སྒྲོན་མ་ནང་དུ་ཞུགས་པའི་གདངས་ཆོས་ཉིད འོད་གསལ་དུ་གནས་ཏེ། དེ་ཡང་རྒྱ་མཚོའི་དྭངས་ཀྱི་ཟླ་འོད་བཞིན་འོད་གསལ་ཐམས་ཅད་མིག་ལ་ཤར་བས་རྒྱང་ཞགས་ཆུའི་སྒྲོན་མ་ཞེས་བརྗོད་དོ། །བེམ་རིག་བྲལ་བའི་ཚེ་ན་བར་དོའི་སྣང་བ། ཆོས་ཉིད་ཀྱི་རང་སྒྲ། ཡེ་ཤེས་ཀྱི་རང་འོད། འོད་གསལ་གསང་ལམ་གྱི་ཟེར་ཐག་ལ་སོགས་ཅི་ཤར་ཡང་རང་བྱུང་རིག་པ་སྟོང་གསལ་འདུས་མ་བྱས་པའི་ཡེ་གདངས་ལྷུན་གྲུབ་རིན་པོ་ཆེའི་རོལ་པར་བརྟན་པ་ཐོབ་ནས་ནང་གསལ་གཞོན་ནུའི་བུམ་སྐུར་གྲོལ་བ་ཡིན་ནོ། །དེ་ནི་ནམ་མཁའ་མདངས་ཀྱི་སྒྲོན་མ་ཞེས་བརྗོད་དོ །མདོར་ན་དུས་དང་རྣམ་པ་ཐམས་ཅད་དུ་ལམ་ཁྲེགས་ཐོད་གང་ཞིག་ཉམས་སུ་བླངས་ཀྱང་བཟང་ངན་བར་གསུམ་གྱིས་བཅིངས་པའི་བློ་རྟོག་རྩུབ་རགས་ཅན་དེ་མེད་པགལ་ཆེ བློ་རྟོག་གིས་བཅོས་བསླད་ཡོད་ཚེ་གཟུང་འཛིན་ལས་མ་འདས་པ་ཡིན་པས་སྣང་ཉམས་ཅུང་ཟད་རེ་འཕེལ་ཆ་ཡོད་ཀྱང་འཁྲུལ་གཞིར་འགྱུར་བ་མ་གཏོགས་ས་ལམ་གྱི་བོགས་འདོན་དུ་འགྲོ་བར་མི་རིགས། དེའི་ཕྱིར་ན་ལམ་ཟབ་མོ་ལྟ་བས་ཐག་བཅད། སྒོམ་པས་ངང་མ་བོར་ ༄༅། །བར་བསྐྱང་། སྤྱོད་པས་ལ་དོར། རིག་པ་ཁྱབ་གདལ་ཟང་ཁ་རུ་འཇོག །སྣང་ཤེས་ཐམས་ཅད་བཟོ་མེད་དུ་སྐྱོང་རྟོག་ཚོགས་བཟང་ངན་གང་ཤར་ཐམས་ཅད་སྤང་བླང་མེད་པར་སྦྲུལ་མདུད་མཁའ་ལ་བོར་བ་ལྟ་བུར་རྒྱ་ཡན་རང་གྲོལ་ཆེན་པོར་བཞག་པས་དབྱིངས་དང་ཡེ་ཤེས་གཉིས་སུ་མེད་པའི་དོན་ཁོང་དུ་ཆུད་ནས་གཉུག་མ་དོན་གྱི་རྣལ་འབྱོར་ལ་རང་བྱན་ཆུད་པར་ངེས་སོ། །ཞེས་གསུངས། ཞེས་པ་འདི་ནི་འཁྲུལ་སྣང་ཟ་ཟི་ལ་ཐབས་གྲོགས་ཡིད་བཞིན་ནོར་བུས་སྐབས་ཀྱི་འཕྲོས་དོན་གསུངས་པ་བདག་ཤེས་རབ་ཞན་པ་དང་བརྡ་ཁྲོལ་མི་ནུས་པའི་དབང་གིས་ཤ་ཟིན་སྤུ་ཟིན་ཙམ་ལས་མ་ཟིན་པས། ལྷུན་གྲུབ་རང་མལ་གྱི་སྐབས་དོན་འདི་ཡང་སྙིང་མིག་སྲོག་དང་མཚུངས་པའི་རྡོ་རྗེའི་སྤུན་གྲོགས་བསོད་སྤྲུལ་སྣ་ཚོགས་རང་གྲོལ་རྩལ་གྱི་བཞེད་སྐོང་དུ་སྙོམས་ལས་མདོ་ཤོར་མ་ཀུན་བཟང་ཆོས་ཉིད་ཡེ་ཤེས་དབང་མོས་བྲིས་ཏེ་ཕུལ་བ་དགེའོ།། ལྷུན་གྲུབ་རང་མལ་ཞེས་པ་སྔར་ཞུས་ལྟར་ཡིན་ལ གཉིད་ལོག་གཅེས་པའི་དོན་ནི། གབ་པ་དང་སྦས་པ་གཉིས་ལ་འཇུག །གབ་པ་ཞེས་པ་ནི་རང་བྱུང་གི་རིག་པ་སྐུ་དང་ཡེ་ཤེས་ལམ་དང་འབྲས་བུའི་ཆོས་ཐམས་ཅད་གཞི་ལ་རང་ཆས་སུ་ཡོད་པར་བསྟན་ཀྱང་། ད་དུང་སངས་རྒྱས་ གཞན་ཚོལ་ལ་རེ་ནས་འབྲས་བུ་གསར་དུ་ཐོབ་པར་རློམས་པ་དེའི་གཉིས་རྟོག་གི་སྒྲིབ་པའི་ཆ་ལ་གབ་པ། སྦས་པ་ཞེས་པ་ནི། བླ་མའི་མན་ངག་ལ་བརྟེན་ནས་རང་རིག་འགྱུར་བ་མེད་པ་འོད གསལ་མཐའ་དབུས་ལས་འདས་པའི་དོན་མཐོང་ཡང་། ས་ལམ་གྱི་བགྲོད་ཚུལ་བློས་བཅོས་ནས་རིམ་པར་སོར་བཞག་གི་དྲི་མའི་ཆ་ལ་སྦས་པ་ཞེས་བརྗོད་དོ། །དེ་གཉིས་ཀྱི་མཐའ་ལས་གྲོལ་བ་ནི་ཆོས་སྐུ།རང་བྱུང་རིག་པ ཐིག འགྱུར་བ་མེད་པ་ལེཀུན་ལ་ཁྱབ་པ ཉག་གཅིག་གི་སྣང་བའི་འོད་གསལ་ཐོད་རྒལ་དང་། སྟོང་པའི་འོད་གསལ་ཁྲེགས་ཆོད་གཉིས་བཟུང་དུ་འཇུག་པ་དགོངས་པ་ཡོན་ཏན་ཀུན་གྱི་འབྱུང་གནས་སེམས་ཀྱི་གསང་བ། མཆན། བླ་ན་མེད་པའི་ཁྱད་ཆོས་ཡིན་ནོ། །ཕ་གཅིག་ཡིད་བཞིན་ནོར་བུ་ལས་འབྲེལ་པས། །སྟོང་དབྱིངས་མ་མའི་ཐུགས་སུ་རྒྱས་བཏབ་པ། །རིགས་པའི་བུ་ཆུང་སྣ་ཚོགས་རང་གྲོལ་གྱི། །ཐུགས་དམ་བོགས་འདོན་ཕྱིར་དུ་ཡིག་རིས་བཀོད། །འདིའི་མཐུས་སྟོན་འཁོར་དགོངས་པ་དབྱེར་མེད་པར། །ཚོམ་བུ་གཅིག་ཏུ་དཔལ་རིར་འཁོད་པར་ཤོག །དེ་སྐད་མདོ་ཤོར་སྨྱོན་མ་ཧར་སངས་མས །སྣ་ཚོགས་རང་གྲོལ་ཐུགས་བཞེད་སྐོང་ཕྱིར་དུ། །སེར་དགོན་དབེན་རིའི་ཁྲོད་ནས་སྤེལ་བ་ཡི །ཡི་གེའི་རིས་བྱེད་སྙིང་གི་བུ་ལྟ་ ༄༅། །བུའི། །དགེ་བཙུན་ཤྲཱི་ལ་བཛྲ་རྩལ་གྱིས་བགྱིས། དགེའོ།། །། 日手 ་དུM1N 日 TI1395-447 TI1395-448 ༄༅། །དྲིས་ལན་ནི། རྣལ་འབྱོར་ལམ་གྱི་སྐབས་བརྒྱུད་ལྡན་བླ་མའི་ཐུགས་རྗེ་ལ་བརྟེན་ནས་རང་བྱུང་གི་ཡེ་ཤེས་ཆེན་པོ་ངོ་རང་ཐོག་ཏུ་སྤྲད། ཐག་གཅིག་ཐོག་ཏུ་བཅད། ལམ་མངོན་གྱུར་དུ་རིག་ཅིང་རིག་རྩལ་ཡེ་ཤེས་སུ་གོ་འཕོས། འཁོར་འདས་གཞིར་བཞེངས་སུ་དག་མཉམ་ནས་སྣོད་བཅུད་སྐུའི་དབྱིངས་དང་། ལྷུན་གྲུབ་གསུང་གི་དབྱིངས། ངོ་བོ་ཐུགས་ཀྱི་དབྱིངས་སུ་ལ་ཟློས་པ་ན་འཁྲུལ་སྣང་རང་ཁ་མ་ཞེས་རྡུལ་ཙམ་ཡང་མེད་པ། དཔེར་ན་ནམ་ལང་ཚེ་མུན་པ་བཙལ་གྱིས་མི་རྙེད་པ་ལྟ་བུ་ཡིན་པས་ཡེ་ཤེས་ཀྱི་གནད་ཁྱད་པར་བའོ། །ལྷུན་གྲུབ་འབྱུང་ཚུལ་རྗེ་ཐམས་ཅད་མཁྱེན་པའི་ཟབ་ཆོས་ཡང་ཏིག་ནག་པོ་ན་སྒོ་གཉིས་ཤར་ལུགས་དྲུག་གི་ཚུལ་དུ་རྒྱས་པར་བཤད་ཡོད་པས་འདིར་མ་སྤྲོས། འཇུག་ཚུལ་སྣང་སྲིད་ཀྱི་ཆོས་ཐམས་ཅད་ལྷུན་གྲུབ་སྒོ་བརྒྱད་ཀྱི་ཆ་མ་འགགས་པར་སྣང་ཞིང་། ཐ་ན་ཁ་ཕོར་ཡན་ཆད་ལའང་སྒོ་བརྒྱད་ཀྱི་ཆ་ཙམ་ཡོད་པར་མཐོང་བ་ལ་རྣམ་པ་ལམ་བྱེད་ཀྱི་ཚུལ་དུ་འཇུག་པ་དང་། བསྐྱེད་རྫོགས་ཀྱི་ལམ་ལ་བརྟེན་ནས་ལྷུན་གྲུབ་ཀྱི་ཡོན་ཏན་ཉམས་སུ་བླང་བ་མོས་པ་ལམ་བྱེད་ཀྱི་འཇུག་པ་དང་། སྒྲོན་མ་རྣམ་བཞིའི་གསང་ལམ་ལ་བརྟེན་ནས་ཡེ་ཤེས་ཀྱི་རྩ་བཞིའི་དལ་དབུས་ནས་ལྷུན་གྲུབ་རིན་པོ་ཆེ་ མངོན་སུམ་དུ་མཐོང་བ་འབྲས་བུ་ལམ་བྱེད་ཀྱི་འཇུག་ཚུལ་ལོ། །ཐིམ་ཚུལ་ནི། འོད་འོད་ལ་ཐིམ་པས་ཕྱི་གསལ་དུ་མེད་ལ དཔེར་ན་ཤེལ་འོད་ནང་དུ་ཐིམ་པ་ལྟ་བུའོ། །སྐུ་སྐུ་ལ་ཐིམ་པས་མཁྱེན་ཆ་ནང་གསལ་དུ་