Tibetan
པ་ཡི༔ མོ་གདོན་འདྲེ་མོ་དབང་བསྡུས་ཟིལ་གྱིས་གནོན༔ ཧཱུྃ་ཧཱུྃ་ཧཱུྃ༔ ཕཊ༔ ང་ནི་སྐྱེ་མེད་ཐུགས་དགའ་བ་ཆེན་པོའི༴ མ་རིག་གཉིས་ཡུལ་འདྲེ་ཐེའུ་རང་དབང་༔ ཧཱུྃ་ཧཱུྃ་ཧཱུྃ༔ ཕཊ༔ ང་ནི་སྐྱེ་མེད༴ ཐུགས་མཉམ་པ་ཉིད་ཀྱི་བརྟུལཿ སྣང་དང་སྲིད་པའི་ལྷ་འདྲེ་དབང་དུ་སྡུས༔ ཟང་ཐལ་རེ་དོགས་བྲལ་བར་ཟིལ་གྱིས་གནོན༔ ཧཱུྃ་ཧཱུྃ་ཧཱུྃ༔ ཕཊ༔ མ་བཅོས་གཉུག་མ་དོན་གྱི་རྣལ་འབྱོར་ང་༔ རེ་དོགས་གཉིས་མེད་འོད་གསལ་ཆོས་སྐུའི་དབྱིངས༔ ཕྱོགས་ལྷུང་བྲལ་བ་ཀ་དག་ཆེན་པོའི་ངང་༔ ཡེ་གྲོལ་ཆོས་སྐུའི་དགོངས་པ་ཆེན་པོར་ཨ༔ ཕཊ་ཕཊ་ཕཊ༔ ཅེས་བརྗོད་བཟང་ངན་རེ་དོགས་བྲལ་བའི་ངང་དུ་ལུས་སྦྱིན་ལ་འཇུག་གོ༔ ས་མ་ཡ༔ ཅེས་དབང་སྡུད་ཟིལ་གནོན་ཟབ་མོ་འདི་ཡང་དམ་པ་གང་གི་བཀའ་ཕེབས་ཚེ་མི་ལྡོག་ཙམ་དུ་མདོ་མེད་འཆོལ་མོ་འཁྲུལ་ཞིག་ཏཱ་རེའི་མིང་གིས་བྲིས་པའོ། །དགེའོ།། །། TI1395 - 394 ༄༅། །ཆོས་ཉིད་མཁའ་འགྲོའི་གསང་མཛོད་སྐོར་གྱི་རྣལ་འབྱོར་ལམ་ཁྱེར་ཀུ་སུ་ལའི་ཚོགས་བསགས་ཀྱི་ཕཊ་དོན་ལམ་བཟང་འཇུག་ངོགས་བསྟན་པ་ལ་ཕཊཿདང་པོས་འཁྲུལ་སྣང་དངོས་འཛིན་དབྱིངས་སུ་བཤིག །དབྱིངས་སྣང་དག་པ་སོགས་རྣམ་པར་གསལ། ཕཊ་ཀྱིས་ལྷ་འདྲེ་གཙོས་བྱས་མཁའ་ཁྱབ་ཀྱི་སེམས་ཅན་རྣམས་འཁོར་བ་སྡུག་བསྔལ་གྱི་མཚོ་ལས་ཐར་ཕྱིར་སྐུ་གསུམ་མཁའ་འགྲོའི་ཚོགས་ལ་སྐྱབས་སུ་འགྲོ། ངོ་བོ་ཀ་དག་སོགས། ཡོངས་གྲོལ་ཤོག༔ ཕཊ་དང་པོས་སྐྱབས་སུ་སོང་། ཕཊ་གཉིས་པས་རྣམ་མཁྱེན་གྱི་གོ་འཕང་ཐོབ། །གཟུང་འཛིན་གཉིས་སྣང་སོགས། དམ་པ་བསྐྱེད༔ ཕཊཿདང་པོས་སྨོན་འཇུག་གི་སེམས་བསྐྱེད། ཕཊ་གཉིས་པས་གཉིས་མེད་བྱང་ཆུབ་ཆེན་པོར་གྲོལ་བར་བསམ སྒྱུ་མའི་ཕུང་པོ་སོགས། བྱིན་གྱིས་རློབས ཕཊ་དང་པོས་ཚོགས་གཉིས་རྫོགས ཕཊ་གཉིས་པས་སྐུ་གཉིས་ཐོབ། ཕཊ་གསུམ་པས་སྐུ་གསུམ་མཁའ་འགྲོའི་དགོངས་པར་རྩ་ལ་རྫོགས་པར་བསམ། བརྒྱུད་པ་ཀུན་འདུས་སོགས། མྱུར་ཐོབ་ཤོག༔ ཕཊ་དང་པོས་རང་ལུས་ཆེ་བ་སྣུམ་བཀྲག་འབར་བར་བསམ ཕཊ་གཉིས་པས་ཚེ་རབས་ལུས་དང་ལོངས་སྤྱོད་བསྡུས་ཏེ བསྲེས། ཕཊགསུམ་པས་ལུས་ནང་དབུ་མ་མཚན་ཉིད་བཞི་ལྡན་དམིགས རང་ལུས་སྲོག་ཤིང་སོགས། དཀར་པོ་ནི། ཕཊ་བརྗོད་རླུང་སེམས་འདུས་པའི་ཐིག་ལེ་མཁའ་རུ་སྤར། མདུན་གྱི་སོགས། བར་བསྒྱུར༔ ཕཊ་དང་པོས་དབྱིངས་དང་ཡེ་ཤེས་དབྱེར་མེད་རོ་གཅིག་འདྲེས། ཕཊགཉིས་པས་སྐུར་བཞེངས། ཕཊ་གསུམ་པས་རང་ལུས་སྤྲུལ་པའི་ཕོ་ཉ་འགྱེད རང་ལུས་ཕུང་པོ་སོགས། རྫས་སུ་གྱུར། ཨོཾ་གྱིས་མ་དག་དངོས་འཛིན་གྱི་དྲི་མ་སྦྱངས ཨཱཿས་ཐམས་ཅད་དགཔར་བསྒྱུར ཧཱུྃ་གིས་རྒྱ་ཆེ་ལ་རྒྱུན་མི་ཆད་པར་སྤེལ ཧ་ཧོ་ཧྲཱིཿས་ཡས་མགྲོན་མཉེས་པའི་མཆོད་སྤྲིན་བསམ་གྱིས་མི་ཁྱབ་པ་དང་། མས་མགྲོན་ཚིམས་པའི་འདོད་དགུ་ལོངས་སྤྱོད་དཔག་མེད་དུ་སྤྲུལ༔ ཕཊ་ཀྱི་མགྲོན་བཞི་སྐད་ཅིག་གིས་སྤྱན་དྲངས དེ ཡང་དཀོན་མཆོག་སྲི་ཞུའི་མགྲོན་ནི་ནམ་མཁའ་ལ་སྐར་ཚོགས་བཀྲ་བ་བཞིན་དུ་བཞུགས་པར་བསམ་པ་དང་། མགོན་པོ་ཡོན་ཏན་གྱི་མགྲོན་རྣམས་བར་སྣང་ལ་སྤྲིན་ཕུང་འཁྲིགས་པ་ལྟར་དང་། བགེགས་རིགས་ལན་ཆགས་ཀྱི་མགྲོན་རྣམས་ས་གཞི་ལས་ཅུང་ཟད་འཕགས་པའི་སྟེང་དུ་ཉི་རྡུལ་འཁྲིགས་པ་ལྟ་བུ་དང་། རིགས་དྲུག་སྙིང་རྗེའི་མགྲོན་རྣམས་ས་གཞིའི་སྟེང་དུ་ལྷ་མིའི་ཁྲོམ་ ༄༅། །ཚོགས་པ་ལྟར་བུར་གནས་པར་བསམ་པ་དང་། དཀོན་མཆོག་སྲི་ཞུའི་མགྲོན་རྣམས་ཀྱི་ལྗགས་རྡོ་རྗེའི་སྦུ་གུ་ཅན་གྱིས་བདུད་རྩིའི་བཅུད་གསོལ་བར་བསམ་ལ། ངར་འཛིན་ཕུང་པོ་སོགས། མངོན་འགྱུར་ཤོག །ཕཊ་དང་པོས་བདེ་སྟོང་གི་རོས་ཚིམས་པར་བསམ ཕཊ་གཉིས་པས་མཆོག་དང་ཐུན་མོང་གི་དངོས་གྲུབ་ཐོབ་པར་བསམ། མགོན་པོ་ཡོན་ཏན་གྱི་མགྲོན་རྣམས་ཀྱི་ལྗགས་རལ་གྲིའི་སྦུ་གུ་ཅན་གྱིས་བདུད་རྩིའི་བཅུད་གསོལ་བར་བསམ་ནས། དཔལ་མགོན་དྲེགས་པ་སོགས། མྱུར་འགྲུབ་མཛོད༔ ཕཊ་དང་པོས་ཐུགས་བདེ སྟོང་གི་རོས་ཚིམས ཕཊ་གཉིས་པས་ཕྲིན་ལས་རབ་འབྱམས་ཐོགས་མེད་དུ་བསྒྲུབ་པར་བསམ བགེགས་རིགས་ལ་བདུད་རྩི་ཤ་ཁྲག་གི་མཆོད་པ་གང་འདོད་དུ་ཕམ་རྒྱལ་མེད་པར་ཐོབ་པར་བསམ་ནས། སྒྱུ་ལུས་ཤ་ཁྲག་སོགས། ཐོབ་པར་ཤོག༔ ཕཊ་དང་པོས་ལན་ཆགས་སྦྱངས་ཏེ་གདུག་སེམས་ཞི་བར་བསམ། ཕཊ་གཉིས་པས་བྱང་ཆུབ་ཀྱི་སེམས་རྒྱུད་ལ་སྐྱེས་པར་བསམ། རིགས་དྲུག་གི་མགྲོན་ལ་རང་རང་གི་སྡུག་བསྔལ་སེལ་བའི་སྨན་མཆོག །ལས་སྣང་སྦྱོང་བའི་བདུད་རྩིར་བསམ་ནས འགྲོ་བ་རིགས་དྲུག་སོགས་ཐོབ་པར་ཤོག༔ ཕཊ་དང་ པོས་སྡུག་བསྔལ་ཐམས་ཅད་དང་བྲལ་བར་བསམ། ཕཊ་གཉིས་པས་བྱང་ཆུབ་ཀྱི་སེམས་རྒྱུད་ལ་ཐོབ་པ་དང་། ཕཊ་གསུམ་པས་འཁྲུལ་སྣང་ཡེ་ཤེས་སུ་འཆར་ནས་སངས་རྒྱས་ཐོབ་པར་བསམ། སླར་ཡང་ཁས་ཞན་དབང་ཆུང་རྣམས་ལ་རང་རང་གི་མོས་སྤྱོད་དང་མཐུན་པའི་ལོངས་སྤྱོད་ཐོབ་པར་བསམ་ལ། སླར་ཡང་ཐོད་སྣོད་སོགས་ཐོབ་པར་ཤོག །ཕཊ་དང་པོས་འཁྲུལ་སྣང་རང་སར་གྲོལ་བར་བསམ། ཕཊ་གཉིས་པས་རང་དབང་སྟོབས་དང་ལྡན་པར་བསམ ཕཊ་གསུམ་པས་བྱང་ཆུབ་ཀྱི་སེམས་དང་ལྡན་པར་བསམ མཐར་ནི་སྦྱིན་ཡུལ་སོགས ཀློང་དུ་ཨཱ༔ ཕཊ་ཀྱིས་འཁོར་གསུམ་དམིགས་པ་དང་བྲལ་བར་བཞག །བདག་གི་སྒྱུ་ལུས་སོགས་ཐོབ་པར་ཤོག །ཕཊ་དང་པོས་སྤྲུལ་སྐུ། ཕཊ་གཉིས་པས་ལོངས་སྐུ། ཕཊ་གསུམ་པས་ཆོས་སྐུའི དབྱིངས་སུ་བསྲེ། ཕཊ་བཞིཔས་ཆོས་ཉིད་ལྷུམས་ཞུགས་ཀྱི་ངང་བསྐྱང་སྐྱེ་མེད་རང་བྱུང་སོགས་འགྲུབ་པར་ཤོག །ཕཊ་དང་པོས་རང་དོན་ཆོས་སྐུའི་དགོངས་པ་མཐར་བྱས། ཕཊ་གཉིས་པས་ཐུགས་རྗེ་ཆེན་པོའི་སྐུར་ལམ་གྱིས་བསྒོམ་པ་དང་། ལྷ་འདྲེ་རྣམས་ལ་ཆོས་བཤད་པ་སོགས་ནས་མཐར་ལྷ་འདྲེ་དང་རང་སྣང་གཉིས་སུ་མེདཔར་སྐུ་གསུམ་མཉམ་པ་ཉིད་ཀྱི་དབྱིངས་སུ་ ༄༅། །འབྱམས་ཀླས་པར་བསམ་མོ། ཅེས་པ་འདི་ཡང་ལམ་འདིར་མོས་པའི་དད་ལྡན་དགེ་བཙུན་དམ་པ་ཀུན་ལེགས་ཀྱི་བཞེད་དོན་ལྟར་བདེ་བའི་རྡོ་རྗེའི་ཡིད་ཀྱི་མཚོ་ལས་གང་དྲན་ཡིག་རིས་སུ་བགྱིས་པའོ།། དབང་སྡུད་ཟིལ་གནོན་མགོར། ཌཱ་རུ་ཕྱིར་བྲོ་བརྡུང་དང་ནང་དུ་བྲོ་བརྡུང་མཐར་འུར་ཆེམ་བྱ། རྐང་གླིང་འཇམ་ལ་སྙན་པ་རྒྱུན་ཆགས་པ་གསུམ འབུད། ཕཊ་ཀྱིས་ཕྱི་ནང་སྣོད་བཅུད་ཐམས་ཅད་སྟོང་པར་སྦྱངས། ང་ནི་སྐྱེ་མེད༴ སོགས་ཚད་མེད་བཞིའི་རང་གཟུགས་མཁའ་འགྲོ་དཀར་སེར་དམར་ལྗང་ཞལ་གཅིག་ཕྱག་གཉིས་གཡོན་མི་རྐང་གླིང་བུ་ཚག་ཚག་འབུད་པ། གཡས་མི་ལྤགས་ཀྱི་གཡང་གཞི་ཀླད་ལ་བསྐོར་ནས་བརྡབ་པ འཁྲུལ་གཟུགས་ཀྱི་ལྷ་འདྲེ་ཕོ་གདོན་རྒྱལ་པོ། སྟོང་འཛིན་འཁྲུལ་སྣང་མོ་གདོན་འདྲེ་མོ། ཕྲ་ཡུལ་གཟུང་འཛིན་གྱིས་བསྡུས་ཡུལ་འདྲེ་ཐེའུ་རང་གཉུག་མར་གནས་པའི་གཉིས་སྣང་འཁྲུལ་གཟུགས་སྲིད་པའི་ལྷ་སྲིན་སྡེ་བརྒྱད་ཐམས་ཅད་དབང་དུ་བསྡུས་ཤིང་ཟིལ་གྱིས་གནོན་པར་བསམ། ཧཱུྃཧཱུྃ་ཧཱུྃ་གསུམ་གྱིས་རང་རྩལ་མཁའ་འགྲོའི་བྲོ་ར་ཞི་རྒྱས་དབང་དྲག་གི་རྣམ་རོལ་དུ་ལྷུན་གྱིས་གྲུབ་ནས། གཡོ་འགུལ་ཕར་ལྡང་མེད་པར་རྡོ་རྗེའི་གཟེར་གྱིས་གདབ་པར་བསམ རྡོ་རྗེ་ནི་རང་ བྱུང་ཡེ་ཤེས་ཀྱི་རྡོ་རྗེའོ། །བདེ་བའི་རྡོ་རྗེས་སོ། གསང་སྔགས་དམ་ཚིག་རྫས་བརྒྱད་ནི༔ དངོས་གྲུབ་བསྐུལ་རྫས་ཅང་ཏེ་འུ༔ ཐབས་ཤེས་གཉིས་མེད་རྡོ་རྗེ་དྲིལ༔ དགོངས་པ་གཡོ་མེད་སྒོམ་ཐག་དང་། སྣང་བར་དབང་ཐོབ་ཀ་པཱ་ལ༔ རྩ་རླུང་ཐིག་ལེ་གནད་སྨིན་ཕྱིར༔ གསང་གོས་ཨང་རག་རིགས་ལྔས་བརྒྱན༔ མཆོག་ཐུན་དངོས་གྲུབ་སྡུད་པའི ཕྱིར༔ མཚན་ལྡན་ལྕང་ལོ་འབྲལ་མེད་བྱ༔ ཡོན་ཏན་ཡོངས་རྫོགས་རིགས་ཀུན་བདག༔ བླ་མའི་ངོ་བོར་གླེག་བམ་བཅིང་༔ གནས་གསུམ་ཌཱ་ཀི་བརྟེན་པའི་རྫས༔ རྩེ་གསུམ་མཚན་ཉིད་ལྡན་པ་འཆང་༔ དཀར་དམར་སེལ་མེད་དམ་རྫས་རྣམས༔ རྣལ་འབྱོར་ལྡན་པའི་སྒྲུབ་རྫས་ཡིན༔ འདི་འཆང་དམ་ཚིག་གནད་ལྡན་ན༔ ལྷ་དང་བླ་མ་སྒྲུབ་པའི་རྟེན༔ ཌཱ་ཀི་དམ་ཅན་མཉེས་པའི་རྫས༔ གསང་སྔགས་དམ་ཚིག་གསོ་བའི་རྟེན༔ དོན་གཉིས་ཡིད་བཞིན་འབྱུང་བའི་གཞི༔ ཀུན་བྱུང་ཡིད་བཞིན་ནོར་བུ་འདྲ༔ ཐེག་དམན་བློ་ཤུགས་ཆུང་རྣམས་ལ༔ རྫས་ཀྱི་མིང་ཙམ་བརྗོད་མི་བྱ༔ རྣལ་འབྱོར་ལྡན་པའི་སྤྱོད་ཡུལ་ལས༔ གང་རུང་དག་ལ་མ་སྤེལ་རྒྱ༔ སྐུ་གསུང་ཐུགས་ཀྱི་རྒྱ༔ སྦས་རྒྱ༔ བརྡ་ཐིམ༔ ༔ ཞེས་ ད ༄༅། །མདོ་མེད་འཆོལ་མོ་བདེ་བའི་རྡོ་རྗེ་ལ་མཁའ་འགྲོ་མས་གདམས་པའོ། །དགེའོ། 丑父 ༅ཀྱུ " TI1395-401 TI1395-401 TI1395-402 ཆོས་ཉིད་མཁའ་འགྲོའི་གསང་མཛོད་ལས༔ མྱུར་ལམ་འཕོ་བའི་གདམས་པ་བདེ་ཆེན་ལམ་བཟང་བཞུགས༔ 010 །ཟ། ན་མོ་གུ་རུ་པདྨ་ཀཱ་ར་ཡེ༔ ཆོས་ཉིད་མངོན་གྱུར་རྣལ་འབྱོར་གྱིས༔ གཞན་ཕན་འགྲོ་བ་རྗེས་འཛིན་ཕྱིར༔ མྱུར་ལམ་བདེ་ཆེན་ལམ་བཟང་བསྟན༔ ས་མ་ཡ༔ རྣམ་དག་བྱང་ཆུབ་སེམས་བསྐྱེད་ནས༔ ལྷ་ཡི་ས་མ་དྷི་ཡི་ངང་༔ རྗེས་འཛིན་ཆོ་ག་འདི་ལྟར་བྱ༔ དམིགས་རྟེན་སྦྱོང་དང་རྣམ་ཤེས་བཀུག༔ ཕྱི་ཡི་སྟོང་ར་བསྒོམ་པ་ནི༔ ཨ༔ ཁྱོད་ལུས་ཨ་འཐས་འཁྲུལ་སྣང་ཕུང་པོ་འདི༔ རྡོ་རྗེ་རྣལ་འབྱོར་དམར་མོ་གྲི་ཐོད་འཛིན༔ སྤྱན་གསུམ་མཁར་གཟིགས་ཞབས་གཉིས་གར་སྟབས་རོལ༔ སྐུ་ལ་མཁའ་འགྲོའི་ཆས་རྫོགས་ཞི་མ་ཁྲོ༔ དབུ་སྐྲ་གྱེན་རྫས་ཐོད་སྐམ་རྩ་བྲན་མཛེས༔ པད་ཉི་བཾ་སྟེང་ཡེ་ཤེས་ཀློང་དུ་བཞུགས༔ སྣང་ལ་འཛིན་མེད་ཆུ་ཟླ་ཇི 聂 ༢༡ བཞིན་གསལ༔ སྐུ་དབུས་དྭངས་མའི་རྩ་མཆོག་ཀུན་འདར་མ༔ མཚན་ཉིད་བཞི་ལྡན་ཡར་སྣེ་སྤྱི་བོར་ཟུག༔ མར་སྣ་ལྟེ་འོག ཚིགས་ཀྱི་འགགས་པ་ལས༔ སྙིང་གར་རྣམ་ཤེས་ངོ་བོ་ཐིག་ལེ་ནི༔ ཁ་དོག་ལྔ་ལྡན་མ་སར་སྒོ་ང་ཙམ༔ ཡེ་ཤེས་རླུང་གིས་འཕར་འདར་གཡོ་བར་བསྒོམ༔ སྤྱི་བོར་རིགས་བདག་འོད་སྣང་མཐའ་ཡས་ནི༔ དམར་གསལ་མཚན་དཔེ་རབ་རྫོགས་སྐྱིལ་ཀྲུང་བཞུགས༔ གཞན་ཡང་སངས་རྒྱས་བྱང་སེམས་ཐམས་ཅད་ཀུན༔ ནམ་མཁའི་སྐར་ཚོགས་ལྟ་བུར་བཞུགས་པར་བསྒོམ༔ རྣམ་ཤེས་ངོ་བོ་ཐིག་ལེ་བཀྲག་འབར་བ༔ དབུ་མའི་ལམ་ནས་སྤྱི་བོའི་རྒྱ་མཐོང་ཁར༔ - སྣང་མཐའི་ཐུགས་དང་དབྱེར་མེད་འདྲེས་པར་བསམ༔ ཕཊ༔ ཕཊ༔ ཕཊ༔ ཅེས་བརྗོད་ནས་འཕོ་བ་སྒོ་འབྱེད་ཀྱི་གསོལ་འདེབས་འདི་ལྟར་གདབ་བོ༔ འོད་དཔག་མེད་པའི་གསོལ་འདེབས་དང་༔ གཞན་ཡང་སངས་རྒྱས་བྱང་སེམས་རྣམས་ཀྱི་མཚན་བརྗོད་མཐར༔ སྒོ་འབྱེད་གསོལ་འདེབས་ནི༔ ཨེ་མ་ཧོཿ མཁའ་དབྱིངས་རྣམ་དག་ཆོས་སྐུའི་གཞལ་ཡས་ནས༔ ཆོས་སྐུ་ཡུམ་ཆེན་ཀུན་ཏུ་བཟང་མོ་ལ༔ གསོལ་བ་འདེབས་སོ་འཕོ་བའི་སྒོ་ཕྱེས་ལ༔ རྣམ་ཤེས་དབུ་མའི་ལམ་ནས་བདེ་ཆེན་དྲོངས༔ རང་གསལ་མ་འགགས་འོད་ལྔའི་གཞལ་ཡས་ནས༔ ལོངས་སྐུ་རྡོ་རྗེ་ཕག་མོ་རྣལ་འབྱོར་མར༔ གསོལ་བ་རྣམ་ཤེས༴ གསལ་སྟོང་འཛིན་པ་བྲལ་བའི་གཞལ་ཡས་ནས༔ སྤྲུལ་སྐུ་ཀུན་གཟིགས་མཚོ་རྒྱལ་ལབ་སྒྲོན་མར༔ གསོལ་བ༴ རྣམ་ཤེས༴ ཆོས་དབྱིངས་རྣམ་པར་དག་པའི་མཁའ་ཀློང་ནས༔ སངས་རྒྱས་མཁའ་འགྲོའི་ལྷ་ཚོགས་ལ་གསོལ་བ་འདེབས༔ ཟབ་ལམ་འཕོ་བའི་གསང་སྒོ་འབྱེད་པ་དང་༔ རྣམ་ཤེས་དབུ་མའི་ལམ་ནས བདེ་ཆེན་དྲོངས༔ མེ་ལོང་ཡེ་ཤེས་གསལ་བའི་མཁའ་དབྱིངས་ནས༔ དཀར་མོ་བཞད་པ་མ་ལ་གསོལ༔ ཟབ་ལམ་རྣམ་ཤེས༴ མཉམ་ཉིད་ཡེ་ཤེས་ཆེན་པོའི་འོད་ཀློང་ནས༔ ཐ སེར་མོ་དོན་གྲུབ་མ་ལ༴ ཟབ་ལམ་རྣམ་ཤེས༔ སོར་རྟོགས་ཡེ་ཤེས་པདྨ་འོད་ལྡན་ནས༔ དམར་མོ་སྒྲ་སྒྲོགས་མ་ལ། ཟབ་ལམ༴ རྣམ་ཤེས༴ བྱ་གྲུབ་ཡེ་ཤེས་ཆེན་པོའི་མཁའ་ཀློང་ནས༔ སྣ་ཚོགས་མཐར་ཕྱིན་མ་ལ་ཟབ་ལམ༴ རྣམ་ཤེས་རིག་སྟོང་མཐའ་བྲལ་དབུ་མའི་གཞལ་ཡས་ནས༔ འབུམ་ཕྲག་མཁའ་འགྲོའི་ཚོགས་ལ་ཟབ་ལམ་རྣམ་ཤེས༴ རང་གི་ཐུགས་ཀའི་འོད་ཟེར་གྱིས་དམིགས་ཡུལ་གྱི་སྙིང་གར་ཕོག་པས་རྣམ་པར་ཤེས་པ་འཕར་ལིང་ལིང་དུ་དབུ་མའི་ལམ་ལ་བསྐྱེད་པར་བསམ་ལ༔ དབུགས་ཐེང་གཅིག་ལ༔ ཨ༔ ལྔ་བརྗོད་པ་དང་མཉམ་དུ་རྣམ་པར་ཤེས་པ་སྤྱི་གཙུག་ནས་རྒྱང་གིས་ཐོན་ཏེ་རིགས་བདག་སྣང་བ་མཐའ་ཡས་ཀྱི་ཐུགས་ཀློང་གཉིས་སུ་མེད་པར་འདྲེས་པར་བསམ་ལ༔ ཧིཀ་སྒྲ་གསུམ་གྱིས་དབྱིངས་སུ་སྤར་ནས༔ སླར་ཡང་གསོལ་བ་འདེབས་པ་ནི༔ ཧྲཱིཿ བག་ཆགས་ལས་ཉོན་འཁྲུལ་དབང་དྲག་པོ་ཡིས༔ འཇིགས་རུང་བར་དོར་འཁྱམས་པའི་ཚེ་འདས་ལ༔ ཐུགས་རྗེས་གཟིགས་ཤིག་སྐྱབས་གནས་དཀོན་མཆོག་གསུམ༔ བྱིན་གྱིས་རློབས་ཤིག་སྐུ་གསུམ་མཁའ་འགྲོའི་ཚོགས༔ ལམ་སྣ་དྲོངས་ཤིག་རིགས་ལྔའི་ཌཱ་ཀི་རྣམས༔ བར་ཆད་四 = གསོལ་ཅིག་འཇིག་འདས་སྲུང་མའི་ཚོགས༔ དབང་མཆོག་བསྐུར་ཅིག་འཁོར་ལོའི་མགོན་པོ་རྗེ༔ བར་དོ་རང་ངོ་ཤེས་པར་བྱིན་གྱིས་རློབས༔ མཁའ་སྤྱོད་ལམ་སྣ་ཟིན་པར་བྱིན་གྱིས་རློབས༔ ཟབ་ལམ་འཕོ་བས་མཁའ་སྤྱོད་འགྲུབ་པ་དང་༔ ཕྱིར་མི་ལྡོག་པའི་གཏན་སྲིད་ཟིན་པར་ཤོག༔ ཕཊ༔ སྤྲུལ་སྐུ། ཕཊ་ལོངས་སྐུ། ཕཊ་ཆོས་སྐུ། ཕཊ་ངོ་བོ་ཉིད་སྐུ། ཕཊ་མི་འགྱུར་རྡོ་རྗེའི་སྐུ་སྟེ་སྐུ་ལྔ་ཡེ་ཤེས་ལྔའི་བདག་ཉིད་དུ་སངས་རྒྱས་པར་བསམ་ལ་དར་ཅིག་མཉམ་པར་བཞག་གོ༔ དེ་ནས་འདོད་ཡོན་བསྔོ་བ་སོགས་བྱས་ཏེ༔ རྗེས་སུ། དམིགས་ཡུལ་གྱི་ཕུང་པོ་ལྷར་གསལ་བ་འོད་དུ་ཞུ་ནས་རིགས་བདག་ལ་ཐིམ༔ དེ་ཉིད་ཚོན་གང་དུ་གྱུར་བ་ཡར་ཡར་འཕགས་ནས་བདེ་ཆེན་དག་པའི་ཞིང་དུ་ཀུན་ཏུ་བཟང་མོའི་ཐུགས་དང་དབྱེར་མེད་དུ་འདྲེས་པར་བསམ༔ ཕཊ་ཕཊ་ཕཊ་ངོ་ཤེས་རྩལ་རྫོགས་བརྟན་པ་ཐོབ་པར་བསམ་མོ༔ དེ་ནས་ཤི་རྒབ་གཅོད་ཕྱིར་ཤིས་བརྗོད་བྱའོ༔ སྙིང་རྗེའི་ཡུལ་གྱུར་རྗེས་སུ་འཛིན་པའི་ཐབས༔ འཕོ་བའི་གདམས་པ་བདེ་ཆེན་ལམ་བཟང་འདི༔ སྔོན་ཆད་མ་གྲགས་མཁའ་འགྲོའི་གསང་བའི་མཛོད༔ བདག་ཉིད་ཤེལ་དཀར་རྡོ་རྗེ་ཞི་བ་མཚོར༔ རྗེ་མོ་ཡེ་ཤེས་མཚོ་རྒྱལ་མནོག་ཆོས་སུ༔ གདམས་པ་མ་འོངས་དོན་དུ་གཏེར་དུ་སྦས༔ ལས་ཅན་ཌཱ་ཀིའི་རིགས་དང་འཕྲད་པར་སྨོན༔ རྡོ་རྗེ་དྲག་མོ་རྒྱལ་ལ་གཏེར་གཉེར་བཅོལ༔ སྐལ་ ཐ མེད་ལོག་ལྟ་ཅན་ལ་འདི་མ་འཕྲད༔ སྐལ་ལྡན་ལས་འཕྲོ་ཅན་དང་འདི་འཕྲད་ནས༔ བྱེ་མའི་གྲངས་ཀྱི་འགྲོ་བ་འདྲེན་པར་ཤོག༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ༔ ཅེས་པ་འདིའང་བླ་མ་དཔལ འོད་སོགས་ཀྱིས་ཡང་ཡང་བསྐུལ་ངོ་མི་ལྡོག་ཙམ་དུ་གསང་ལུང་དབེན་ཁྲོད་ནས་སུ་ཁ་བཛྲ་གྱིས་བྲིས་པའོ། །དགེའོ།། །།ཞར་ལ་འཆི་ཁའི་གསལ་འདེབས་ཅུང་ཟད་སྤྲོ་ན་། རང་ལ་སྔར་བླ་མས་གདམས་པ་གསུངས་པ་རྣམས་ཉམས་འོག་ཏུ་ཆུད པར་བྱ་བ་གལ་ཆེ་སྟེ། འཆི་བའི་ནད་ཀྱིས་ཐེབས་ནས་འབྱུང་བཞིའི་ཐིམ་རིམ་སོགས་ཁམས་ཀྱི་བྱེ་བྲག་གིས་ངོས་ཟིན་མི་ཟིན་སྣ་ཚོགས་ཡོད་ཀྱང། གཟུགས་སྒྲ་སོགས་ཀྱི་དབང་ཤེས་དབྱིངས་སུ་ནུབ་པའི་རྟགས་སུ་མིག་གིས་གཟུགས་སྣང་ཐམས་ཅད་རྒྱང་རིང་པོར་སོང་བར་སྣང་ཞིང་མི་གསལ་བ་དང་། དེ་བཞིན་དུ་སྒྲ་དྲི་ལ་སོགས་པ་ཐམས་ཅད་མི་གསལ་ཞིང་རྒྱང་རིང་པོར་སོང་བར་སྣང་ནས་ཤེས་པ་ཕྲལ་ཕྲོལ་ལང་ལོང་མ་ངེས་པ་འབྱུང་ངོ་། དེ་སྐབས་སུ་རང་གིས་བློ་ཐག་རྦད་ཀྱི་བཅད་ནས་ཉེ་འབྲེལ་དང་རྒྱུ་ནོར་ལོངས་སྤྱོད་ཐམས་ཅད་བློས་བཏང་ནས༔ བླ་མ་དཀོན་མཆོག་གི་ཞིང་སར་འབུལ་བ་སོགས་བྱེད་པ་རབ༔ མིན་ཀྱང་ཡིད་ལ་ཅི་ཡང་མི་སེམས་པར་རང་ལ་བླ་མ་གདམས་པའི་མན་ངག་གི་དོན་དྲན་པར་བྱས་ལ། ད་ནི་བདག་མི་གནས་ཆོས་སྐུའི་གཏན་སྲིད་ཟིན་པར་བྱེད་དོ་སྙམ་ནས་རིག་པ་གཟེངས་བསྟོད༔ སྣང་བར་ཧུར་ཕྱུངས༔ བླ་མ་ལ་གསོལ་བ་དུང་ངེ་བ་ཞིག་བཏབ་ནས་རང་རིག་བསམ་བརྗོད་དང་བྲལ་བར་བཞག་ཚེ༔ སྣང་བ་མཆེད་པར་ཐིམ༔ མཆེད་པ་ཉེར་ཐོབ་ལ་ཐིམ༔ . ཉེར་ཐོབ་འོད་གསལ་ལ་ཐིམ་སྐབས་གདོད་མ་གཞིའི་ཀློང་དུ་གྲོལ་བར་ངེས་སོ༔ ཡང་ནད་དྲག་པོ་སོགས་ཀྱིས་རང་གི་དེ་ལྟར་མ་ལྕོགས་ཀྱང་༔ བླ་མ་བཞུགས་ཡོད་ན་རབ༔ མིན་ཀྱང་མཆེད་གྲོགས་དམ་ཚིག་གཙང་མ་ཞིག་གིས་འདི་སྐད་བརྗོད༔ ཀྱེ༔ རིགས་ཀྱི་བུ་ཁྱོད་བདེ་བར་གཤེགས་པ་ཡིན་པས༔ ཆོས་ཉིད་བར་དོར་རང་སྣང་ལྷུན་གྲུབ་ཀྱི་དཀྱིལ་འཁོར་དང་འཕྲད་པར་ཡོདཔས༔ དེ་ཀ་རང་སྣང་དུ་ངོ་ཤེས་པར་གྱིས་ཤིག༔ ཀ་དག་གི་གདངས་དང་མ་བྲལ་བར་གྱིས་ཤིག༔ རང་སྣང་ངོ་ཤེས་པ་དང་གྲོལ་བ་དུས་མཉམ་པ་ཡིན་པས༔ མ་ཡེངས་པར་བདེ་བར་གཤེགས་ཤིག༔ སླར་མ་ལྡོག་ཅིག༔ ཅེས་ལན་གསུམ་གྱིས་གསལ་གདབ་པས་གོང་དང་གྲོལ་བ་ལ་ཁྱད་པར་མེད་པ་ཡིན་ནོ༔ ཅེས་པ་འདི་ནི་བླ་མ་ཀུན་ཆོས་ཀྱི་འདོད་དོན་ལྟར་བདེ་བའི་རྡོ་རྗེས་བྲིས་པའོ། །དགེའོ།། ༈ ཆོས་ཉིད་མཁའ་འགྲོའི་གསང་མཛོད་ལས༔ འཕོ་བའི་གསོལ་འདེབས་ཐུགས་རྗེ་ལྕགས་ཀྱུ་ཡེ་ཤེས་ལམ་བཟང་བཞུགས༔ ན་མོ་པདྨ་ཀཱ་ར་ཡེ༔ གཞན་ཕན་སེམས་བསྐྱེད་བྱང་ཆུབ་ལམ་བརྩོན་ཐབས༔ འཕོ་བའི་གསོལ་འདེབས་ཡེ་ཤེས་ལམ་བཟང་བསྟན༔ དད་མོས་དྲག་པོའི་ངང་ནས་འདི་ལྟར་བརྗོད༔ ཨེ་མ་ཧོཿ ཀུན་བཟང་རྡོ་རྗེ་འཆང་དང་རྡོ་རྗེ་སེམས༔ དགའ་རབ་རྗེ་དང་པད་འབྱུང་བི་མ་ལར༔ གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས༔ ཟབ་ལམ་འཕོ་བས་མཁའ་སྤྱོད་འགྲུབ་པ ཐ །དེཿ དང་༔ བདེ་བ་ཅན་དུ་སྐྱེ་བར་བྱིན་གྱིས་རློབས༔ ཡེ་ཤེས་དབྱིངས་ཀྱི་མཁའ་འགྲོ་མཚོ་རྒྱལ་མ༔ བེེ་རོ་ཙ་ན་ནམ་སྙིང་ཞི་བ་མཚོར༔ གསོལ་བ་རློབས༔ པདྨ་ལས་འབྲེལ་ཀློང་ཆེན་རབ་འབྱམས་དང་༔ པདྨ་གླིང་པ་བདུད་འཇོམས་དཔའ་བོ་རྗེ༔ གསོལ་བ རློབས༔ རིགས་ཀུན་ཡོངས་འདུས་འཁོར་ལོའི་མགོན་པོ་མཆོག༔ པདྨ་འགྲོ་འདུལ་གསང་སྔགས་གླིང་པ་ལ༔ གསོལ་བ༴ རློབས༔ གནས་ཡུལ་ཞིང་སྐྱོང་རྩ་གསུམ་ཌཱ་ཀི་དང་༔ དམ་ཅན་གཏེར་བདག་རྣམས་ལ་གསོལ་བ་འདེབས༔ ཟབ་ལམ་འཕོ་བས་མཁའ་སྤྱོད་འགྲུབ་པ་དང་༔ བདེ་བ་ཅན་གྱི་ཞིང་དུ་ལམ་སྣ་དྲོངས༔ རང་རིག་འགྱུར་མེད་བཙན་ས་ཟིན་པར་ཤོག༔ དབུགས་ཐེང་གཅིག་ལ་ཨ་ཚར་ལྔ་བརྗོད་མཐར། ཕཊ་ཀྱིས་དབྱིངས་སུ་བསྲེའོ༔ ཕཊ་ཕཊ་ཕཊ་ཅེས་བརྗོད་འདི་ལ་བརྩོན་གྱུར་ན༔ རང་གཞན་དོན་གཉིས་ངང་གིས་འབྱུང་༔ ཕྱི་མ་དཔལ་རི་བདེ་ཆེན་ཞིང་༔ རིག་འཛིན་པདྨའི་ཞབས་དྲུང་དུ༔ གང་འབྲེལ་དང་བཅས་འཁོད་པར་ངེས༔ ས་མ་ཡ༔ ཟབ་རྒྱ༔ གསང་རྒྱ༔ སྦས་རྒྱ༔ གཏདརྒྱ༔ གུ་ཧྱ༔ བརྡ་ཐིམ༔ ཨྠི༔ ཅེས་པ་འདིའང་སྐྱེས་བུ་དམ་པ་དོན་ལིའི་བཀས་བསྐུལ་ཕེབས་ཚེ་མི་ལྡོག་ཙམ་དུ་སུ་ཁ་བཛྲ་གྱིས་ཉམས་ཆོས་ཡིག་རིས་སུ་བྲིས་འ པའོ། །དགེའོ།། །། 9 སུ་ཁ་བཛྲ་TI1395-412 TI1395-412 2། ཆོས་ཉིད་མཁའ་འགྲོའི་གསང་མཛོད་ལས༔ བླ་མའི་རྣལ་འབྱོར་བྱིན་རླབས་མྱུར་འཇུག་བདུད་རྩིའི་ཐིག་པ་སྨིན་གྲོལ་ལམ་བཟང་བཞུགས་སོ༔ ན་མོ་ཛྙཱ་ན་ཌཱ་ཀི་ཡེ༔ སྐུ་གསུམ་མཁའ་འགྲོའི་ཚོགས་ལ་འདུད༔ གང་ཞིག་ཐར་པའི་གྲོང་འཇུག་ཕྱིར༔ རྣལ་འབྱོར་ལམ་གྱི་འཇུག་ཆོས་ནི༔ སྙིང་པོ་བླ་མའི་རྣལ་འབྱོར་བསྟན༔ དད་དང་མོས་གུས་