Tibetan
དྲག་པོ་ཡིས༔ ན་མོ༔ བདེ་གཤེགས་ཀུན་འདུས་བླ་མ་རྣལ་འབྱོར་མར༔ བྱང་ཆུབ་སྙིང་པོའི་བར་དུ་སྐྱབས་སུ་མཆི༔ མ་གྱུར་འགྲོ་ཀུན་སངས་རྒྱས་ལ་འགོད་ཕྱིར༔ སྨོན་འཇུག་དོན་དམ་བྱང་ཆུབ་སེམས་བསྐྱེད་དོ༔ ལན་གསུམ་གྱིས་བརྒྱུད་སྦྱངས་ནས༔ སྐྱོ་ཤས་དྲག་པོས་འདི་སྐད་བརྗོད༔ ཨ༔ བདག་ཉིད་ཐ་མལ་གནས་པའི་སྤྱི་གཙུག་ཏུ༔ མ་ཆགས་པདྨ་ཉི་ཟླའི་གདན་གྱི་སྟེང་༔ སྐྱབས་ཀུན་འདུས་པའི་ངོ་བོ་བླ་མ་རྗེ༔ དགའ་ཆེན་བདེ་ཆེན་བདེ་བའི་རྡོ་རྗེ ནི༔ དཀར་གསལ་ཞལ་གཅིག་སྤྱན་གསུམ་དབྱིངས་སུ་གཟིགས༔ ཕྱག་གཉིས་གཡས་པས་གྲི་གུག་མཁའ་ལ་འཕྱར༔ གཉིས་སྣང་ཀུན་རྟོག་འཁྲུལ་པ་དབྱིངས་སུ་གཅོད༔ ཕྱག་གཡོན་ཐོད་པ་ཁྲག་བཀང་ཐུགས་ཀར་འཛིན༔ དཔའ་བོ་དགྱེས་བསྐང་མཁའ་འགྲོ་དབང་དུ་སྡུད༔ དབུ་སྐྲ་ཟུར་ཕུད་མཐོན་ཐིང་གཙུག་གཡུ་མཛེས༔ རིགས་ལྔའི་དབང་རྟགས་དར་དཔྱང་= ཅོད་པན་འཕུར༔ ཉོན་དྲུག་གནས་དག་རུས་པའི་རྒྱན་དྲུག་གསོལ༔ འདོད་ཡོན་མ་སྤངས་དར་དང་རིན་ཆེན་སྤྲས༔ སྐྱོན་བྲལ་པུཎྜ་རི་ཀའི་དོ་ཤལ་འཕྱངས༔ ཞབས་གཉིས་གཡས་བསྐུམ་གཡོན་བརྐྱང་གར་གྱིས་རོལ༔ ནུ་འབུར་བྷ་ག་རྒྱས་ཤིང་ལང་ཚོ་ལྡན༔ བཅུ་དྲུག་དགའ་བའི་བཞིན་ངོམས་ཡིད་འཕྲོག་མ༔ འཁོར་འདས་མཉམ་རོལ་བདེ་བ་ཆེན་པོའི་སྐུ༔ ཤེས་འཇའ་འོད་ལྔ་ལྡན་འཁྱིལ་ཀློང་བཞུགས༔ སྤྱི་བོར་བླ་མ་རིགས་ཀྱི་བདག་པོ་ནི༔ རྣལ་འབྱོར་པྲཛྙཱ་རསྨི་ཧེ་རུ་ཀ༔ སྐུ་མདོག་དཀར་དམར་ཞི་མ་ཁྲོ་འཛུམ་ལྡན༔ ཞལ་གཅིག་ཕྱག གཉིས་འབྲུ་ཚུགས་དབྱིངས་སུ་གཟིགས༔ ཕྱག་གཡས་རྡོ་རྗེ་རྩེ་ལྔ་ནམ་མཁར་འཕྱར༔ གཡོན་པས་མཉམ་བཞག་བྷན་ཐོད་བདུད་རྩི་འཛིན༔ དབུ་སྐྲ་ཐོར་ཅོག་ལྷག་མ་སྐུ་རྒྱབ་འཕྱང་༔ རུས་རྒྱན་སྒོམ་ཐག་བརྟུལ་ཞུགས་ཆས་ལུགས་རྫོགས༔ ཞབས་གཉིས་རོལ་སྟབས་ཐབས་ཤེས་པད་ཟླར་བཞུགས༔ སྣང་སྟོང་དབྱེར་མེད་རྡོ་རྗེའི་སྐུ་རུ་བཞེངས༔ བདེ་གཤེགས་རྒྱལ་ཀུན་ཐུགས་དགོངས་མ་བཅོས་པ༔ གཉིས་མེད་དམ་ཚིག་ཡེ་ཤེས་དབྱེར་མེད་གྱུར༔ ཀྱེེ༔ རྣམ་དག་སྤྲོས་བྲལ་ཆོས་སྐུ་ཡི་ངོ་བོ༔ རང་གསལ་ལྷུན་གྲུབ་ལོངས་སྐུ་ཡི་རང་བཞིན༔ ཐ 2། འཁྲུལ་མེད་ཐུགས་རྗེའི་སྒྱུ་འཕྲུལ་གྱི་རོལ་གར༔ སྐུ་བཞིའི་བདག་ཉིད་མཚུངས་མེད་ཀྱི་བླ་མ༔ སྐྱོན་བྲལ་ཡོན་ཏན་ཀུན་འབྱུང་གི་གཏེར་མཛོད༔ བླ་མེད་བླ་མ་ཡེ་ཤེས་ཀྱི་མཁའ་འགྲོ༔ གསོལ་བ་འདེབས་སོ་བྱིན་གྱིས་བརླབ་ཏུ་གསོལ༔ དུས་གསུམ་འགྱུར་མེད་གུས་པས་ཕྱག་འཚལ་ལོ༔ སྣང་སྲིད་སྣ་ཚོགས་བློ་ཡིས་བླངས་ཏེ་འབུལ༔ སོ་བྱང་སྔགས་ཀྱི་དམ་ཉམས་མཐོལ་ཞིང་བཤགས༔ རྣམ་དག་དགེ་ཚོགས་ཀུན་ལ་རྗེས་ཡི་རངས༔ གང་འདུལ་ཟབ་རྒྱའི་ཆོས་འཁོར་བསྐོར་བར་བསྐུལ༔ མྱ་ངན་མི་འདའ་བཞུགས་པར་གསོལ་བ་འདེབས༔ དགེ་ཀུན་འགྲོ་བ་སེམས་ཅན་ཡོངས་ལ་བསྔོ༔ རང་གཞན་གདོད་མའི་གཞི་རུ་སངས་རྒྱས་ཤོག༔ ཀྱེ་ཀྱེ་བླ་མ་རིན་པོ་ཆེ༔ འདི་ཕྱིའི་རེ་ལྟོས་ཁྱོད་ལས་མེད༔ མགོན་མེད་བདག་ལ་ཐུགས་རྗེས་གཟིགས༔ བདག་རྒྱུད་བྱིན་གྱིས་བརླབ་ཏུ་གསོལ༔ བློ་ལྡོག་བཞི་ཡིས་རྒྱུད་འབྱོངས་ཤིང་༔ དབེན་རིར་གཏན་སྲིད་ཟིན་པ་དང་༔ རིམ་གཉིས་ལམ་མཆོག་མངོན་གྱུར་ནས༔ ཡེ་ཤེས་རང་ཞལ་མཇལ་བར་ཤོག༔ མཆོག་ཐུན་དངོས་གྲུབ་སྩལ་དུ་གསོལ༔ ཨོཾ་གུ་རུ་བཛྲ་ཛྙཱ་ན་ཌཱ་ཀི་ནི་སུ་ཁ་སིདྡྷི་ཕ་ལ་ཧཱུྃ༔ བརྒྱ་སྟོང་ཁྲི་འབུམ་གསོལ་བ་ཐོབ༔ = ཐུན་མཚམས་དབང་བཞི་བླང་བ་ནི༔ ཨ༔ རིགས་བདག་བླ་མའི་གནས་བཞིའི་འཁོར་ལོ་ལས༔ འོད་འཕྲོས་རང་གི་གནས་བཞིར་ཐིམ་པ་ཡིས༔ སྒྲིབ་པ་བཞི་དག་སྐུ་བཞིའི་ས་བོན་ཐེབས༔ དོན་གཉིས་ལྷུན་གྲུབ་དངོས་གྲུབ་བདག་ཐོབ་གྱུར༔ ཀཱ་ཡ་ཝཱ་ཀྐ་ཙིཏྟ་སརྦ་སིདྡྷི་ཕ་ལ་ཧཱུྃ༔ སྤྱི་བོའི་བླ་མ་མཁའ་འགྲོ་འོད་ཞུ་ནས༔ སྙིང་དབུས་ཐིམ་པས་སྒོ་གསུམ་དག་སྨིན་རྫོགས༔ མི་རྟོག་ཡེ་ཤེས་ཆེན་པོའི་ངང་ཉིད་དུ༔ ཆོས་ཉིད་མཐའ་བྲལ་གཉུག་མའི་ཀློང་དུ་ཨ༔ ཞེས་བརྗོད་ཅིང་བསམ་བརྗོད་བྲལ་བའི་ངང་དུ་མཉམ་པར་བཞག་ནས་རྗེས་ཐོབ་སྣང་སྲིད་བླ་མའི་ལམ་ཁྱེར་ལ་བསླབ་པར་བྱའོ༔ ས་མ་ཡ༔ རྒྱ་རྒྱ་རྒྱ༔ གཏེར་གྱི་སྲུང་མས་གཉེར་གྱིས་ཤིག༔ བརྡ་ཐིམ༔ ༔ ཞེས་པ་འདི་ཡང་དགེ་བཙུན་སངས་རྒྱས་བཟང་པོས་ཡང་ཡང་ནན་ཆེར་བསྐུལ་ངོར། མདོ་མེད་འཆོལ་མོ་འདུ་ཤེས་གསུམ་པ་མཁའ་སྤྱོད་བདེ་སྐྱོང་དབང་མོས་བྲིས་པའོ། དགེའོ།། །། TI1395-416 ༣༨ ཨེ་མ་ཧོཿ རང་བྱུང་རིག་པ་ཀ་དག་ཆོས་ཀྱི་སྐུ༔ རང་མདངས་མ་འགགས་འོད་གསལ་ལོངས་སྤྱོད་རྫོགས༔ ཐུགས་རྗེ་ཀུན་ཁྱབ་གང་འདུལ་སྤྲུལ་པའི་སྐུ༔ སྐུ་གསུམ་དབྱེར་མེད་པདྨ་ལས་འབྲེལ་ལ༔ གསོལ་བ་འདེབས་སོ་བདག་རྒྱུད་བྱིན་གྱིས་རློབས༔ སྐུ་གསུམ་དབྱེར་མེད་རྟོགས་པར་མཛད་དུ་གསོལ༔ སུ་ཁ་བཛྲ་གྱིས་སོ།། ཨེ་མ་ཧོ༔ དུ་གསུམ་རྒྱལ་བའི་ཡུམ་གྱུར་མཚོ་རྒྱལ་མ༔ གསུང་སྤྲུལ་བདེ་ཆེན་བདེ་བའི་རྡོ་རྗེ་ལ༔ གསོལ་བ་འདེབས་སོ་ཐུགས་རྗེས་བཟུང་དུ་གསོལ༔ བསམ་པའི་དོན་ལ་བར་ཆད་མི་འབྱུང་ཞིང་༔ བླ་མའི་བཀའ་བཞིན་ཐུགས་དགོངས་རབ་རྫོགས་ནས༔ བསྟན་པ་ཕྱོགས་བཅུར་དར་ཞིང་རྒྱས་པ་དང་༔ རང་གཞན་དོན་གཉིས་འགྲུབ་པར་བྱིན་གྱིས་རློབས༔ ཅེས་པ་འདི་ཡང་མཚམས་པ་ལྷུན་གྲུབ་རིག་འཛིན་སོགས་ཀྱིས་བསྐུལ་ངོར་སུ་ཁ་བཛྲས་རྩལ་གྱིས་བྲིས་པའོ།། །། ཨེ་མ་ཧོཿ སྐུ་གསུམ་མཁའ་འགྲོའི་གཙོ་མོ་ཝ་ར་ཧི༔ ཡེ་ཤེས་སྒྱུ་མའི་སྐུར་སྣང་རིག་པ་འཛིན༔ བདེ་ཆེན་འགྱུར་མེད་བདེ་བའི་རྡོ་རྗེ་ལ༔ གསོལ་བ་འདེབས་སོ་ཐུགས་རྗེས་བཟུང་དུ་གསོལ༔ འདི་ཕྱི་བར་གསུམ་འབྲལ་མེད་བྱིན་གྱིས་རློབས༔ ཅེས་དད་ལྡན་དཀར་མོས་ནན་ཆེར་བསྐུལ་ངོར་སུ་ཁའི་མིང་གིས ཨློ་& བྲིས་པའོ༔ །༄ ཆོས་ཉིད་མཁའ་འགྲོའི་གསང་མཛོད་ལས༔ གསོལ་འདེབས་བསམ་པ་ལྷུན་གྲུབ་བཞུགས་སོ༔ ཨེ་མ་ཧོཿ རྒྱལ་ཀུན་ཕྲིན་ལས་གཅིག་བསྡུས་པདྨ་འབྱུང་༔ དབྱིངས་ཡུམ་ལྷན་སྐྱེས་བདེ་ཆེན་མཚོ་རྒྱལ་མར༔ གསོལ་བ་འདེབས་སོ་བྱིན་རླབས་དངོས་གྲུབ་སྩོལ༔ ཕྱི་ནང་གསང་བའི་བར་ཆད་ཞི་བ་དང་༔ བསམ་པ་ལྷུན་གྱིས་འགྲུབ་པར་མཛད་དུ་གསོལ༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་ཛྙཱ་ན་སརྦ་སིདྡྷི་ཕ་ལ་ཧཱུྃ༔ འདི་ལ་རྟག་ཏུ་བརྩོན་གྱུར་ན༔ གང་བསམ་ཡིད་བཞིན་འགྲུབ་པར་ངེས༔ བདེན་རྫུན་ལག་ཏུ་ལོངས་དང་གསལ༔ ས་མ་ཡ༔ ཅེས་པའང་ཁམས་པ་གཏེར་ཆེན་རིན་པོ་ཆེས་དར་བཅས་བཀའ་བསྐུལ་ཕེབས་ཚེ་མི་ལྡོག་ཙམ་དུ་སྙོམས་ལས་པ་སུ་ཁ་བཛྲ་ནས་བྲིས་པའོ།། ཨེ་མ་ཧོཿ ཆོས་སྐུ་ཡུམ་ཆེན་ཀུན་བཟང་མོ༔ ལོངས་སྐུ་འགགས་མེད་ཝ་ར་ཧི༔ སྤྲུལ་སྐུ་ཡེ་ཤེས་མཚོ་རྒྱལ་མ༔ སྐུ་གསུམ་དབྱེར་མེད་མཁའ་འགྲོའི་གར༔ རྣལ་འབྱོར་བདེ་བའི་རྡོ་རྗེ་ལ༔ གསོལ་བ་འདེབས་སོ་བྱིན་གྱིས་རློབས༔ འཇིགས་པ་ཀུན་སྐྱོབས་ནདགདོན་ཞི༔ ཚེ་དང་བསོད་ནམས་འཕེལ་བ་དང་༔ འདི་ཕྱི་བར་གསུམ་ཐུགས་རྗེས་ཟུངས༔ ཨོཾ་ཛྙཱ་ན་ཌཱ་ཀི་ནི་སརྦ་སིདྡྷི་ཕ་ལ་ཧཱུྃ༔ ཞེས་པས་རྒྱུན་དུ་གསོལ་བ་ཐོབ༔ དེ་ཡིས་མཁའ་འགྲོས་བྱིན་རླབས་འགྱུར༔ ས་མ་ ལྕྲཾ་དམ ཡ༔ ཞེས་པ་ཡང་ཕུན་ཚོགས་བསམ་འགྲུབ་ངོར་སུ་ཁ་བཛྲ་གྱིས་བྲིས་པའོ། སྐུ་གསུམ་མཁའ་འགྲོའི་གཙོ་མོ་ཝ་ར་ཧི༔ ཡེ་ཤེས་སྒྱུ་མའི་སྐུར་བཞེངས་རྣལ་འབྱོར་མ༔ ཀུན་བཟང་ཆོས་ཉིད་དབང་མོར་གསོལ་བ་འདེབས༔ འདི་ཕྱི་བར་གསུམ་བྲལ་མེད་རྗེས་བཟུང་སྟེ༔ འོད་གསལ་གནས་ལུགས་རྟོགས་པ་མཐར་ཕྱིན་ནས༔ ཀ་དག་ཀུན་ཏུ་བཟང་པོར་བྱང་ཆུབ་ཤོག༔ ཅེས་པའང་དད་ལྡན་གསུང་རབ་ངོར་བདེ་བའི་རྡོ་རྗེས་བྲིས་པའོ། །དགེའོ།། །། སྐབས་སུ་བཟའ་བཅའ་ལོངས་སྤྱོདཅི་འབྱོར་བཤམས་ལ༔ ཧྲཱིཿ སྣང་སྲིད་དག་པ་རབ་འབྱམས་ཀློང་༔ འཁོར་འདས་ཡོངས་དག་མཆོད་པའི་རྫས༔ ཕྱི་ནང་གསང་བའི་སྤྲིན་ཆེན་པོ༔ ཀུན་ཏུ་བཟང་པོའི་རང་བཞིན་གྱུར༔ ཨོཾ་ཨཱཿཧཱུྃ༔ བླ་མ་རིག་འཛིན་ལྷ་ཚོགས་དང་༔ གནས་ཡུལ་ཞིང་སྐྱོང་ཌཱ་ཀིའི་ཚོགས༔ དམ་ཅན་གཏེར་བདག་མ་ལུས་ལ༔ ལོངས་སྤྱོད་ཚོགས་ཀྱི་མཆོད་པ་འབུལ༔ རིག་འཛིན་མཁའ་འགྲོའི་ཐུགས་དམ་བསྐངས༔ ཉམས་ཆགས་དག་ནས་དངོས་གྲུབ་སྩོལ༔ ལྷག་མའི་མགྲོན་ཀུན་ཚིམས་ནས་ཀྱང་༔ བདེ་ཆེན་ཡེ་ཤེས་ཀློང་གྲོལ་ཤོག༔ ཅེས་སུ་ཁའི་མིང་གི་བརྫུན་རིས་སོ།། སྐྱེ་དང་ཚེ་རབས་ཐམས་ཅད་དུ༔ ཡེ་ཤེས་མཁའ་འགྲོས་རྗེས་ བཟུང་ནས༔ འོག་མིན་དག་པའི་ཞིང་ཁམས་སུ༔ བདེ་ཆེན་དཔལ་ལ་སྤྱོད་པར་ཤོག༔ སུ་ཁའི་མིང་གིས་སོ།། །། 三 སུ་ཁ་བཛྲ་TI1395-420 TI1395-420 །དེ བླ་མ་རྒྱང་འབོད་བྱིན་རླབས་བཅུད་བུམ་བཞུགས་སོ༔ ན་མོ་ཛྙཱ་ན་ཌཱ་ཀི་ཡེ༔ དད་དམ་ལྡན་པའི་སྐྱེས་བུ་ཡིས༔ དུས་རྣམས་རྟག་པར་བླ་མ་ཡི༔ ཡོན་ཏན་བཀའ་དྲིན་དྲན་པའི་ངང་༔ གདུང་བའི་དབྱངས་ཀྱིས་འདི་སྐད་བརྗོད༔ བླ་མ་མཁྱེན་ནོ་བླ་མ་མཁྱེན་ནོ༔ དུས་གསུམ་སངས་རྒྱས་འདུས་པའི་བདག་ཉིད༔ མཁྱེན་བརྩེ་ནུས་པའི་དབང་ཕྱུག་ཁྱོད་དྲན༔ ཐུགས་རྗེ་ཞི་བར་སྙོམས་པར་མ་མཛད༔ བདག་ཅག་རྗེས་འཇུག་རྗེས་འབྲང་སློབ་བུ༔ སྐྱབས་དང་རེ་ས་གཞན་ན་མེད་དོ༔ རྗེ་བཙུན་བླ་མ་ཁྱེད་རང་མཁྱེན་ནོ༔ ཁྱེའུས་ཕ་མར་འབོད་འདྲའི་གདུང་བས༔ སྙིང་ནས་རྩེ་གཅིག་གསོལ་བ་འདེབས་སོ༔ ཐུགས་རྗེའི་བརྩེ་བས་བྱིན་གྱིས་རློབས་ཤིག༔ བློ་སྣ་དམ་པའི་ཆོས་ལ་བསྒྱུར་བར༔ དཔལ་ལྡན་བླ་མས་བྱིན་གྱིས་རློབས་ཤིག༔ རྙེད་དཀའི་དལ་འབྱོར་སྙིང་པོ་ལོན་པར༔ དཔལ་ལྡན་བླ་མས་བྱིན་གྱིས་རློབས་ཤིག༔ དགོས་མེད་བློ་སྣ་རྒྱུད་ལ་སྐྱེ་བར༔ དཔལ་ལྡན་བླ་མ༴ འཁྲུལ་སྣང་འཁོར་བར་ཞེན་པ་ལོག་པར༔ དཔལ་ལྡན་བླ་མ༔ ལས་འབྲས་བསླུ་མེད་བླང་དོར་ཤེས་པར༔ དཔལ་ལྡན་རྐྱེན་ངན་སྡུག་བསྔལ་གྲོགས་སུ་ཤར་བར༔ དཔལ་ལྡན༴ ངེས་འབྱུང་བྱང་སེམས་རྒྱུད་ལ་སྐྱེ་བར༔ དཔལ་ ལྡན་དབེན་པར་རྩེ་གཅིག་སྒྲུབ་པ་ནུས་པར༔ དཔལ་ལྡན༴ དག་སྣང་མོས་གུས་རྒྱུད་ལ་བརྟན་པར༔ དཔལ་ལྡན༴ ཁྲེགས་ཆོད་གཞི་ཡི་གནས་ལུགས་རྟོགས་པར༔ དཔལ་ལྡན་ཐོད་རྒལ་སྣང་བཞི་མཐའ་རུ་ཕྱིན་པར༔ དཔལ་ལྡན༴ བདག་གཞན་དོན་གཉིས་ལྷུན་གྱིས་གྲུབ་པར༔ དཔལ་ལྡན་བདག་དང་བདག་གི་འབྲེལ་བཅས་འགྲོ་རྣམས༔ ཚེ་འདིར་སྲིད་པའི་ལམ་ལ་མི་ལྟོས༔ གདོད་མའི་གཞི་དབྱིངས་ཆོས་སྐུའི་ཀློང་དུ༔ ཟུང་འཇུག་དབྱིངས་གྲོལ་ཆོས་སྐུ་ཐོབ་པར༔ དཔལ་ལྡན་བླ་མས་བྱིན་གྱིས་རློབས་ཤིག༔ ཅེས་སྙིང་ཐག་པ་ནས་བརྗོད་བཞིན་བླ་མའི་སྐུ་ལ་མོས་པ་ལྷག་གེར་སྐྱེས་ཚེ་དེའི་ངང་དུ་ཤེས་པ་བཟོ་མི་འཆོས་པར་རིག་སྟོང་རྗེན་པའི་གཤིས་སུ་ངལ་བསོ་བར་བྱའོ༔ དེས་རྟོགས་པའི་ཡེ་ཤེས་རྒྱུད་ལ་སྐྱེས་ནས་ཆོས་ཉིད་ཀྱི་དོན་ཕྱིན་ཅི་མ་ལོག་པ་མངོན་དུ་གྱུར་ཅིང་གཞི་འབྲས་དབྱེར་མེད་ཀྱི་གནས་ལུགས་མཐར་སོན་པར་ངེས་སོ༔ ས་མ་ཡ༔ ཞེས་པ་འདི་ཡང་རང་སློབ་གདམས་པ་ཤཱཀྱའི་དགེ་བཙུན་ཕན་བདེ་ནས་འདི་ལྟར་དགོས་ཞེས་ལྷ་རེག་ནམ་མཁའི་མདངས་འཛིན་བཅས་དུས་རིང་མོ་ནས་ནན་ཆེར་བསྐུལ་ངོར་སྙོམས ལས་ཀུ་སུ་ལི་པ་སུ་ཁ་བཛྲ་མིང་གིས་ཉམས་ཆོས་ཡིག་རིས་སུ་བྲིས་པ་དགེའོ།། 二 ༤༣ ཆོས་ཉིད་མཁའ་འགྲོའི་གསང་མཛོད་ལས༔ ཡེ་ཤེས་ཌཱ་ཀིའི་གསོལ་འདེབས་བྱིན་རླབས་སྤྲིན་ཕུང་བཞུགས༔ ཨེ་མ་ཧོཿ ཆོས་ཉིད་སྣང་བ་དག་པའི་ཞིང་ཁམས་ནས༔ ཉམས་སྣང་གོང་འཕེལ་པདྨ་སཾ་བྷ་ཝ༔ རིག་པ་ཚད་ཕེབས་ཡེ་ཤེས་མཚོ་རྒྱལ་མར༔ བློ་འདས་གཉུག་མའི་ངང་དུ་གསོལ་བ་འདེབས༔ ཆོས་ཉིད་ཡེ་གྲོལ་དགོངས་པ་མངོན་གྱུར་ནས༔ འཇའ་ལུས་གཞོན་ནུ་བུམ་སྐུར་གྲོལ་བར་ཤོག༔ ཅེས་པ་མཁའ་འགྲོའི་གསོལ་འདེབས་འདི་ཡང་པདྨ་རྡོ་རྗེའི་བཞེད་སྐོང་དུ་སུ་ཁའི་མིང་གིས་བརྫུན་རིས་སུ་བྲིས་པའོ། །དགེའོ།། །། 47 - TI1395-423 TI1395-424 སྐུར 奐雲 ༄༅། ༄༅། །ན་མོ་གུ་རུ་བྷྱཿ རྒྱལ་ཀུན་སྤྱི་གཟུགས་སྐྱབས་མགོན་ཆོས་ཀྱི་རྗེ། །འཁོར་ལོའི་མགོན་པོ་པདྨ་ལས་འབྲེལ་ལ། །སྒོ་གསུམ་མི་ཕྱེད་དད་པས་གུས་ཕྱག་འཚལ། །བྱང་ཆུབ་བར་དུ་རིགས་ཀྱི་བདག་པོར་བཞུགས། །གང་གི་ཐུགས་གསང་ནམ་མཁའི་ཀློང་མཛོད་ལས། །གདུལ་བྱའི ཁམས་དབང་དང་མཐུན་ཆོས་ཆར་འབེབས །ཁྱད་པར་མྱུར་ལམ་ཟབ་མོ་ཐོད་རྒལ་གྱི། །དོན་བསྡུས་ཞལ་རྒྱུན་ཅུང་ཞིག་འདི་རུ་བཀོད། །སྙིང་མིག་སྲོག དང་མཚུངས་པའི་རྡོ་རྗེའི་སྤུན། །ལས་ལྡན་སྐྱེས་བུ་རྣམས་ཀྱི་ཐུགས་དམ་མཛོད །མི་རིང་ཚེ་འདིར་གདོད་མའི་སར་གཤེགས་ངེས །དེ་ལ་འདིར་འོད ༧༄༅། །གསལ་ཐོད་རྒལ་གྱི་བསྡུས་དོན་ཅུང་ཟད་བརྗོད་ན། ཐོག་མར་སྒོ་ཡུལ་རླུང་རིག་གི་གནད་ལ་བརྟེན་ནས་བླ་མས་སྩལ་བའི་མན་ངག གི་གདམས་པ་ཐམས་ཅད་ལེ་ལོ་དང་གཡེང་བ་མེད་པར་ཉམས་སུ་བླངས་ཏེ་རང་བྱན་ཆུད་པར་བྱས་མཐར། སྣང་བ་བཞིའི་འཆར་ཚུལ་རྣམས་རིམ་བཞིན་འབྱུང་བ ཡིན་གསུངས། དང་པོ་ཆོས་ཉིད་མངོན་སུམ་གྱི་སྣང་བ་ནི དབྱིངས་ཀྱི་ཀློང་དུ་ཐིག་ལེ་རྣམས་ཁ་དོག་རྫོགས་པ་ནས་བཟུང་ཐིག་ལེ་སུམ་འབྲེལ་ཚུན་ཆད་ཡིན་གསུངས། ལུ་གུ་བརྒྱུད་གསེར་སྐུད་ལྟ་བུར་འགུལ་འཕྲིག་གི་རྣམ་པ་ཅན་ལན་རེ་མངོན་ཤིང་ལན་རེ་མི་མངོན་པ་ལྟ་བུར་འཆར་ཏེ། །དེ་ཉིད་ནི་རིག་པ་ཡེ་ཤེས ཀྱི་གདངས་དངོས་ཡིན་པས་ཆུའི་སྒྲོན་མའི་ལམ་ནས་སྣང་ཡུལ་དུ་ཆོས་ཉིད་རྒྱུན་མི་ཆད་པར་འཆར་བ་ཡིན་ནོ། །གོང་འཕེལ་གྱི་དུས་སྣང་ཉམས་ལ་དབྱིངས་དང་ཐིག་ལེའི་ཁ་དོག་ཐམས་ཅད་སྔར བས་ཇེ་གསལ་དུ་སོང་ཞིང་། འོད་སྣང་གྱེན་འགྲེང་དང་། རྩིབས་ཤར་ལ་སོགས་པ་སྣ་ཚོགས་འཆར་བ་དང་། ཤེས་ཉམས་ཀྱང་བདེ་གསལ་མི་རྟོག་པའི་ཏིང་ངེ་འཛིན་ལ་བརྟན་པ་ཐོབ་པ་ལ་སོགས་འབྱུང་བ་ཡིན་ནོ། །གོང་འཕེལ་ན་འོད་སྣང་དང་ཏིང་ངེ་འཛིན་གོང་དུ་འཕེལ་དགོས་པ་ཡིན་གསུངས། ཚད་ཕེབས་ཀྱི་དུས་རིམ་གྱིས་བསྒོམ་མཐར་སྣང་ཉམས་ལ་ཐིག་ལེའི་ཀློང་དུ་ཡི་གེ་དང་ཕྱག་མཚན་དང་སྐུ་ལ་སོགས་པ་འཆར་ཞིང་གཞིར་གནས་ཀྱི་རིག་པ་རང་ཐོག་ཏུ་ཕེབས་པས། བརྩོན་འགྲུས་བྱ་མི་དགོས་པར་ཐོད་རྒལ་གྱི་རིག་པ་ཉམས་སུ་ལེན་པས་ཚད་དུ་ཕྱིན་ནས་དགོངས་པ་ཟད་པ་ལ་ཐུག་པ་ཡིན་གསུངས ཆོས་ཉིད་ཟད་པའི་སྐབས་སུ་ཕྱིའི་ཉམས་སྣང་གི་འཕེལ་ཁ་ཟད། ནང་སྒྱུ་ལུས་ཀྱི་ཆོས་ཟད ཚོགས་དྲུག་ཉེར་ལེན་ཀྱི་ཞེན་པ་ལྡོག་པ། མཆན། གསང་བ་རྟོག་ཚོགས་འཕྲོ་འདུས་ཀྱི་སེམས་ཟད་ནས་སྣང་དང་མི་སྣང་གི་འཛིན་པའི་བློ་ཟད་དོ། །འོད་ཀྱི་ནང་ནས་ལག་སོར་ཙམ་སྣང་བ་ལས་འཁོར་འདས་ཀྱི་འདུ་ཤེས་བྲལ་ནས་འབྱུང་བ་ལ་སོགས་ཀྱི་དགྲས་མི་ ༄༅། །ཚུགས་པ་འབྱུང་ཞིང་། ཐུགས་རྗེའི་ཡེ་ཤེས་ཀྱི་མཛད་པ་རྒྱུན་མི་ཆད་པར་སྣང་བ་ཡིན་ནོ་གསུངས། དེ་ནས་མི་འགུལ་བ་གསུམ་གྱི་གནད་ལ་བརྟེན་ནས་ལུས བཞུགས་སྟངས་དང་མ་བྲལ་བས་རྩ་རླུང་རང་སོར་གནས་ཤིང་འཕྲོ་འདུའི་རྟོག་པ་ཐམས་ཅད་རང་འགགས་ལ་འགྲོ་བ་དང་། མིག་གཟིགས་སྟངས་ལ་གནས་པས་ཆོས་ཉིད་མངོན་སུམ་ཡུལ་ལ་གསལ་བས་ཡིད་དཔྱོད་ཚིག་གི་སྒྲོ་འདོགས་དང་བྲལ་བ་རིག་པ་དབྱིངས་ཐོག་ལས་མི་འགུལ་བས་ཆོས་ཉིད་རང་ངོར་གནས་ཤིང་དབྱིངས་དང་ཡེ་ཤེས་དབྱེར་མེད་དུ་འདྲེས་ཏེ་གདོད་མ་གཞིའི་དབྱིངས་སུ་གནས་པའི་དགོས་པ་ཡོད་གསུངས། དེ་ནས་སྡོད་པ་གསུམ་གྱིས་ཚད་བཟུང་བ་ནི ཕྱིའི་སྣང་བ་སྡོད་པས་རྐྱེན་ངན་གྲོགས་སུ་འཆར་བ་དང་། ནང་སྒྱུ་ལུས་སྡོད་པས་འཁྲུལ་པའི་བྱ་བ་དང་བྲལ། བར་རླུང་སེམས་སྡོད་པས་རྣམ་རྟོག་འདུ་འཕྲོའི་རྒྱུན་ཆད་པར་ཡིན་ནོ། །དེ་ནས་ཐོབ་པ་གསུམ་ནི ཕྱི་སྣང་བ་ལ་དབང་ཐོབ་པས་སྣང་ཡུལ་ཞིང་ཁམས་སུ་གྲོལ ནང་སྒྱུ་ལུས་ལ་དབང་ཐོབ་པས་སྒྱུ་ལུས་འོད་གསལ་དུ་གྲོལ གསང་བ་རླུང་སེམས་ལ་དབང་ཐོབ་པས་འཁྲུལ་པའི་རྟོག་པ་རང་འགགས་ལ་སོང་ནས་གང་སྣང་ཐམས་ཅད་ཆོས་ཉིད་མཉམ་པ་ཉིད་དུ་གྲོལ་ བ་ཡིན་ནོ་གསུང་། དེ་ནས་གདིང་བཞི་ཞེས་པ་ནི། དཀོན་མཆོག་གི་ཡོན་ཏན་ཐོས་ཀྱང་རང་རིག་ལས་སངས་རྒྱས་ལོགས་ན་མེད་པར་ཐག་ཆོད་པ་ཡིན་པས་སངས་རྒྱས་གཞན་ཚོལ་གྱི་ཡོན་ཏན་ཐོབ་ཏུ་རེ་བ་དང་མ་ཐོབ་ཀྱི་དོགས་པ་མེད་པའི་གདིང་རྙེད་པ་ནི་ཡར་གྱི་གདིང་གཉིས་དང་། རིགས་དྲུག་གི་སྡུག་བསྔལ་ཚེ་ཚད་ལ་སོགས་པ་ཐོས་ཀྱང་རྣམ་པར་རྟོག་པ་ཆོས་ཉིད་དུ་གྲོལ་བས་འཁོར་བར་འཆིང་བྱེད་ཀྱི་རྒྱུ་མེད་པས་མར་འཁོར་བར་ལྟུང་གི་དོགས་པ་དང་མི་ལྟུང་གི་རེ་བ་མེད་པའི་གདིང་རྙེད་པ་ནི་མར་གྱི་གདིང་གཉིས་བརྗོད་པ་ཡིན་ནོ། །ཡང་སྣང་བ་བཞིའི་འཕེལ་ཚད་རྫོགས་པའི་རྟགས་སྒོ་གསུམ་ལ་འཆར་ཚུལ་ནི། ཆོས་ཉིད་མངོན་སུམ་གྱི་སྐབས ལུས་རུས་སྦལ་འཁར་གཞོང་དུ་གནས་པ་ལྟ་བུ་དང་། སེམས་མཁའ་འགྲོ་རྙི་ལ་ཟིན་པ་ལྟར་རྣམ་པར་རྟོགས་པ་འཕྲོ་བའི་རྣམ་པར་སྣང་ཡང་གཞི་ལས་མ་གཡོས་པར་གནས་པའོ། །གོང་འཕེལ་གྱི་དུས་ལུས་སྐྱེས་བུ་ནད་ཀྱིས་གདུང་བ་ལྟར་སྤྲོས་པ་མེད་ཅིང་། ངག་སྨྱོན་པ་འུར་ལང་བ་ལྟར་གང་ཤར་ཟང་ཐལ་རྗེན་ནེ་བ་དང་། སེམས་དུག་ནད་ཀྱིས་ཐེབས་པ་བཞིན་རྟོག་པའི་འཕྲོ་འདུ་ཆད་པ་ཡིན་ནོ །ཚད་ཕེབས་དུས་སུ་ལུས་གླང་པོ་ཆེ་འདམ་དུ་བྱིང་བ་ལྟར་རི་བྲག་ལ་སོགས་པར་སྐད་ཅིག་གིས་ཐོགས་མེད་ ༄༅། །དུ་འགྲོ་ཞིང་། ངག་གྲུལ་བུམ་གྱི་ཕྲུ་གུ་ལྟར་སྙན་ཅིང་ཅི་སྨྲས་གཞན་ལ་ཕན་ཅིང་དད་པ་དང་མོས་གུས་སོགས་ཀྱི་རྒྱུ་བྱེད་པ་ཡིན་ནོ། །སེམས་སྙིང་ལ་མདའ་ཕོག་པ ལྟར་དྲན་བསམ་འཕྲོ་འདུའི་རྟོག་པའི་རྒྱུན་ཆད་པ་ཡིན་ནོ། །ཆོས་ཉིད་ཟད་པའི་དུས་ལུས་དུར་ཁྲོད་ཀྱི་མི་རོ་ལྟར་སོར་བཞག །དགག་སྒྲུབ་ཀྱི་འཁྲུལ་པའི་ཡུལ་མེདཅིང་ངག་བྲག་ཆ་ལྟ་བུ་གཞན་གྱིས་ཅི་སྨྲས་རྗེས་སུ་ཟློས་པ་དང་། སེམས་རིམས་ནད་བྱང་བའི་སྐྱེས་བུ་ལྟར་རྟོག་ཚོགས་དབྱིངས་སུ་དག་ནས་རིག་པ་རང་གསལ་ཆེན་པོར་གནས་པ་ཡིན་ནོ་གསུངས། དེ་ལྟར་སྣང་བ བཞིའི་འཆར་ཚུལ་སྔ་མ་རྣམས་ནི་སྣང་ཉམས་དང་ཤེས་ཉམས་ཀྱི་ཤར་ཚུལ་མདོར་བསྡུས་པ་དང་། ཕྱི་མ་ནི་བུམ་གསང་ཤེར་དབང་གི་ནུས་པ་ཐོབ་པས་སྒོ་གསུམ་གྱི་རྟགས་ཚད་རྫོགས་ཚུལ་ཡིན་ནོ། །དེ་ལྟར་བརྩོན་འགྲུས་དྲག་པོའི་སྒོ་ནས་ཉམས་སུ་བླང་ན་མཐར་གདིང་བཞིའི་གྲོལ་ཚད་ཐོབ་ནས་ཀ་དག་ཆོས་ཀྱི་སྐུ་མངོན་སུམ་དུ་ཐོབ་པ་ཡིན་ནོ། །མདོར་ན་ཁྲེགས་ཆོད་ཐོད་རྒལ་གང་གི སྐབས་སུ་ཚིག་རྩ་མདོར་དྲིལ་ན། ལྟ་བས་ཐག་བཅད། སྒོམ་པས་ངང་བསྐྱང་། སྤྱོད་པས་ལ་དོར། རིག་པ་ཁྱབ་གདལ་དུ་འཇོག །ཤེས་པ་བཟོ་མེད་དུ་སྐྱོང་། དྲན་རྟོག་ཐམས ཅད་མཁའ་ལ་སྦྲུལ་མདུད་བོར་བ་ལྟར་རངགྲོལ་དུ་བཞག་པས་སྐྱེ་མེད་ཀྱི་ཉམས་ཆུ་བོ་ཆེན་པོའི་རྒྱུན་ལྟར་རྒྱུན་ཆད་མེད་པར་ངང་གིས་བྱུང་བ་ཡིན་ནོ་གསུངས། ཐོད་རྒལ་སྣང་བའི་འོད་གསལ་དང་ཁྲེགས་ཆོད་སྟོང་པའི་འོད་གསལ་ཡིན་པས་བཞག་ཐབས་གནད་ཀྱི་མན་ངག་དོན་གཅིག་པར་གོ་དགོས་སོ། །དེ་ལྟར་སྣང་བ་བཞིའི་འཆར་ཚུལ་སོགས་དང་། མཐའ་རྟེན་གྱི་མན་ངག་མི་འགུལ་བ་གསུམ། སྡོད་པ་གསུམ ཐོབ་པ་གསུམ། གདིང་བཞིའི་གྲོལ་ཚད་བསྟན་པ་སོགས་ཀྱི་དོན་