Tibetan
ཡོད་པ་བུམ་ནང་གི་མར་མེ་ལྟ་བུའོ། །ཡེ་ཤེས་ཡེ་ཤེས་ལ་ཐིམ་པས་རིག་པ་རང་ས་ཟིན་པ་མ་པང་དུ་བུ་འཇུག་པ་ལྟ་བུའོ། །གཉིས་མེད་གཉིས་མེད་ལ་ཐིམ་པས་ཆོས་ཅན དང་ཆོས་ཉིད་ཆུ་ལ་ཆུ་ཐིམ་པ་ལྟ་བུའོ། །མཐའ་གྲོལ་མཐའ་འགྲོལ་ལ་ཐིམ་པས་ཆོས་ཉིད་ཕྱིན་ཅི་མ་ལོག་པར་རང་ངོར་གནས་པ། དཔེར་ན་བུམ་ནང་གི་ནམ་མཁའ་ཕྱིའི་ནམ་མཁའ་ལ་ཐིམ་པ་ལྟ་བུའོ། །ཐུགས་རྗེ་ཐུགས་རྗེ་ལ་ཐིམ་པས་གདུལ་བྱ་དང་གདུལ་བྱེད་དབྱིངས་སུ་ཟད་དེ། དཔེར་ན་ཉི་མ་རྒས་པའི་ཟེར་ལྟ་བུའོ། །མ་དག་པའི་སྒོ་དག་པ་ཡེ་ཤེས་ཀྱི་སྒོ་ལ་ཐིམ་པས། དཔེར་ན་སྦྲ་ཁང་བསྡུས་ཚེ་ཆོན་ཐག་ཤུགས་ལ་འདུས་པ་ལྟ་བུའོ། །དག་པ་ཡེ་ཤེས་ཀྱི་སྒོ་ངོ་བོ་དང་ཐ་མི་དད་པར་ཐིམ་པས་ཀ་དག་གདོད་མའི་གཞི་དབྱིངས་ཆེན་པོར་གཏན་སྲིད་ཟིན་པ་དཔེར་ན་སེང་གེས་གངས་རི་ཟིན་པ་ལྟ་བུའོ། །རྣལ་འབྱོར་འཆི་སྲིད་ཀྱི་སྐབས་སུའང་རྡོར་སེམས་གསང་ལམ་ནས་བཟུང་སྲིད་པ་བར་དོ་ཡན་ལ་ལྷུན་གྲུབ་ཤར་འཇུག་ཐིམ་གསུམ་རྣམས་རྫོགས་པར་སྣང་བ་ཡིན་ ༄༅། །དེའི་ཕྱིར་ན་འཁོར་འདས་ཐམས་ཅད་རང་སྣང་ཉག་གཅིག་ཏུ་གསུངས་པ་རྣམས་ཀྱང་གཞི་སྣང་གི་ཆ་སྣ་ཚོགས་སུ་སྣང་བའི་དོན་གྱིས་སོ། །ཞེས་པའང་སྟག ལུང་མཁན་རིན་པོ་ཆེ་པད་དཔལ་གྱིས་དྲིས་ལན་དུ་ཀུན་བཟང་བདེ་སྐྱོང་དབང་མོས་བྲིས་པའོ། །དགེའོ།། །། ༦༡ས 3 ༡༽ TI1395-451 TI1395-451 TI1395-452 ༄༅། །སྨྲ་བསམ་བརྗོད་མེད་སྤྲོས་བྲལ་ཆོས་ཀྱི་སྐུ །ལྷུན་གྲུབ་རོལ་པ་བདེ་ཆེན་ལོངས་སྤྱོད་རྫོགས། །ཐུགས་རྗེ་འགྲོ་འདུལ་ཌཱ་ཀི་སྤྲུལ་པའི་སྐུ །བདེ་སྟོང་རྡོ་རྗེ་ཕག མོར་ཕྱག་བགྱིའོ། །བདག་ལུས་ལོངས་སྤྱོད་དགེ་ཚོགས་རྒྱ་མཚོར་བཅས། །དང་བའི་ཡིད་ཀྱིས་ཆགས་ཞེན་བྲལ་བར་འབུལ། །ཐུགས་རྗེ་བརྩེ་བ་ཆེན་པོས་བཞེས་ནས་ཀྱང་། །བདེ་སྟོང་ཡེ་ཤེས་མཆོག་གི་དངོས་གྲུབ་སྩོལ །སྐྱེ་བ་དུ་མར་ཟབ་གཏེར་རྒྱ་མཚོ་ཡི །མཛོད་ལ་དབང་བསྒྱུར་རིག་པ་འཛིན་རྣམས་ཀྱི། །སྦས་དོན་རྡོ་རྗེའི་མདུད་རྒྱ་བཀྲོལ་མཛདཔ། །འཕགས་མ་ཏཱ་རེ་དཀར་མོ་དྲན་བཞིན་དུ །གང་སྐུ་བདེ་ཆེན་པད་ཅན་ཕྱག་རྒྱའི་གཟུགས །གང་གསུང་བརྗོད་བྲལ་གཉུག་མ་ཆོས་སྐུའི་གསུང་། །གང་ཐུགས་རང་བྱུང་ཡེ་ཤེས་བྱང་ཆུབ་སེམས། འབྲེལ་ཚད་མཁའ་སྤྱོད་ཞིང་དུ་འཁྲིད་མཛད་མ །ཡོན་ཏན་མི་ཟད་ནོར་བུའི་དཔལ་མངའ་ཡང་། །འགྲོ་བའི་སྣང་ངོར་དམན་པར་ཞལ་གྱིས་བཞེས །གནས་གསུམ་མཁའ་འགྲོའི་གཙོ་མོར་གྱུར་ན་ཡང་། །གློ་བུར་རྐྱེན་སྣང་དབང་བཙན་སྒྱུ་མའི་ལུས །ནམ་འཇིག་ཆ་མི་ཆོད་ཅེས་དགོངས་བཅས་གསུངས །རྡོ་རྗེ་ཕག་མོ་ཨཪྻ་ཏཱ་རེ་དཀར། །ཡེ་ཤེས་མཚོ་རྒྱལ་མན་དཱ་ར་བ སོགས། །དབྱིངས་བཞུགས་དྷཱ་ཀིའི་ཚོགས་ཀྱིས་མངོན་སུམ་པར། །ཞལ་གཟིགས་ལུང་བསྟན་དབང་བསྐུར་དབུགས་དབྱུང་མཛད། །བསླབ་དང་སྦྱངས་པའི་རིམ་པར་མི་ལྟོས་པར། དབུ་མའི་རྩ་མདུད་གྲོལ་བའི་ལག་རྗེས་སུ །སྣང་སྲིད་བརྡ་དང་གདམས་པའི་མཛོད་དུ་ཤར། །ཁྱད་པར་ཏན་གན་སྦས་གསང་གནད་རྣམས་དང་། །ཡེ་གསང་གནས་ལུགས་རིག་པའི་རང་ཞལ་མཐོང་། །ལས་སྨོན་ལྡན་རྣམས་སྨིན་གྲོལ་ལམ་ལ་བཀོད །ཁྱོད་ཀྱི་ཡོན་ཏན་དྲན་བཞིན་ཡང་ཡང་དང་།དུག་ལྔ་རང་གར་ཤོར་བ་བདག་འདྲ་ཡང་།ཉིད་ཀྱི་བདེ་ཆེན་ཡེ་ཤེས་རོལ་རྩལ་གྱིས། །དབང་མེད་སྒོ་གསུམ་རྡོ་རྗེ་གསུམ་དུ་སྦྱོར། །ཡེངས་མེད་འོད་གསལ་ཆོས་སྐུའི་རང་ཞལ་སྤྲད །བཀའ་དྲིན་ཁྱད་འཕགས་འཕགས་མ་ཡིད་བཞིན་ནོར། །ཆོས་ཀྱི་དབྱིངས ལ་མཚན་འཛིན་མེད་མོད་ཀྱང་། །གདུལ་བྱའི་སྣང་ངོར་སྟོན་འཁོར་ཚུལ་དུ་ཤར། །གནས་ལུགས་དོན་ལ་དབྱེར་མེད་རོ་གཅིག་ཀྱང་། །མ་དག་སྣང་ངོར་ཐ་དད་འཁྲུལ་མཚམས་བཅད། རིག་པའི་ངོ་བོར་སྐྱེ་འཆིའི་འཇིགས་པ་བྲལ །རྟག་འཛིན་སྣང་ངོར་འདས་འཁྲུངས་ཚུལ་དུ་སྣང་། །འཁོར་འདས་གཉིས་ལ་རང་དབང་བསྒྱུར་མོད་ཀྱང་། །བསྐྱེད་རྫོགས་རིམ་གཉིས་དོན་ལ་ ༄༅། །རྟག་ཏུ་བསྒོམ། །གདོད་ནས་མངོན་པར་རྫོགས་པའི་སངས་རྒྱས་ཀྱང་། །གདུལ་བྱའི་བློ་དང་འཚམས་པར་མཛད་པ་སྟོན། །རྣལ་འབྱོར་ཆེན་མོ་བདེ་བའི་རྡོ་རྗེ ཉིད། །བདག་ཅག་རེ་ལྟོས་འཆའ་བའི་རྗེས་འཇུག་ཀུན། །ཐུགས་རྗེ་ཡལ་བར་མ་དོར་རྗེས་སུ་ཟུངས །གཡོ་མེད་རྡོ་རྗེའི་ཁྲི་ལ་བརྟན་བཞུགས་གསོལ། །འདབ་ཆགས་གཏམ་གྱི་ཚུལ་དུ་མཁའ་འགྲོའི་ལུང་། །ཐེ་ཚོམ་ཅིར་ཡང་འཇུག་པ་འགའ་ཞིག་གསུངས །ཡིད་ཀྱི་འཁྲི་ཤིང་གཞོན་ནུ་རྒུད་དུ་བཅུག །དྲང་དོན་ཕྱི་རོལ་ཡུལ་ལ་བརྟེན་ནས་ནི། །ངེས་དོན་མཁའ་སྤྱོད་ཞིང་དུ་འབྱོན་པའི་ཚུལ། །ཟོལ་གྱི་རྣམ་པར་ཡི་གེའི་ལམ་ནས་བསྟན །མ་གཅིག་ཁྱེད་ལ་ཞུ་བའི་ཚིག་འགའ་ཡོད །པདྨ་ལས་འབྲེལ་རྡོ་རྗེ་གཟི་བརྗིད་རྩལ། །པདྨ་གླིང་པ་ཨོ་རྒྱན་བསྟན་གཉིས་གླིང་། །བསམ་གཏན་གླིང་དང་འགྲོ་འདུལ་གླིང་པ་སོགས །སྐྱེ་ཕྲེང་དུ་མར་བདེ་སྟོང་བསྐྱེད་པའིགྲོགས། །མི་དང་མི་མིན་ཚུལ་གྱིས་ནམ་ཡང་མཛད། །ད་ལྟ་ན་རྒ་འཆི་བའི་ཉེན་བྱུང་ཚེ། །འཆི་བདག་བདུད་ལས་རྣམ་པར་རྒྱལ་བར་མཛད། །ནང་དོན་བྱིན་རླབས་ཡེ་ཤེས་འབད་མེད་པར །སྦྱིན་མཛད་ཌཱཀིའི་རྗེ་མོ་ཏཱ་རེ་མ །འཁྲུལ་པའི་དབང་གྱུར་འགྲོ་བའི་ལོག་སྒྲུབ ZПUK ལ། །ཐུགས་སུན་མ་མཛད་འཇམ་དབྱངས་སྤྱན་གཟིགས་བཞིན །ཐུགས་བསྐྱེད་སྨོན་ལམ་སྲིད་པ་གནས་ཀྱི་བར །གཟུགས་སྐུ་ཉིན་བྱེད་དབང་པོ་བརྟན་བཞུགས་གསོལ། །གལ་ཏེ་ཞུ་ཡིག་ཡལ་བར་དོར་གྱུར་ན། །ཁྱོད་དང་དབྱེར་མེད་ལྷན་དུ་མཁའ་སྤྱོད་གླིང་།དཔའ་བོ་བདག་ཀྱང་འདུན་པ་གཏད་ནས་འགྲོ། །འདི་ཕྱིའི་རེ་ལྟོས་འཆའ་བ་གཅིག་པུ་ཉིད། །དགོངས་པ་གཞན་དུ་ཕྱོགས་ཚེ་ཇི་ལྟར་བྱེད། །གནས་གསུམ་མཁའ་འགྲོའི་ཐུགས་རྗེ་མི་ཆུང་བར། །ལྷན་སྐྱེས་དབང་མོའི་སྐུ་ཚེ་མཛད་ཕྲིན་རྒྱས །གབ་འདྲེ་གདུག་ཅན་རྒོལ་བ་ཟིལ་གྱིས་ནོན །རྐྱེན་དབང་ངན་པའི་གཡུལ་ལས་རྒྱལ་བར་མཛོད། །ཐབས་ཤེས་རྟེན་འབྲེལ་ཟབ་མོའི་མཐུ་བྱིན་གྱིས །གཅིག་ལ་གཅིག་བརྟེན་ཟབ་གཏེར་སྒོ་འབྱེད་ནས། །གཞན་ཕན་ཐུགས་རྗེའི་འོད་ཟེར་མཐའ་ཡས་པས། །འབྲེལ་ཚད་རིག་འཛིན་ཞིང་དུ་འདྲེན་པ་དང་།སྣོད་བཅུད་དགེ་མཚན་སྣང་བ་རབ་རྒྱས་ནས །བསྟན་དང་འགྲོ་ལ་ཕན་པ་རྒྱ་ཆེར་ཤོག །འདི་ནས་བྱང་ཆུབ་སྙིང་པོ་མ་ཐོབ་བར། །བདེ་ཆེན་བདེ་བའི་རྡོ་རྗེ་མི་འབྲལ་ཞིང་། །ལྷན་སྐྱེས་དགའ་བཞིའི་དཔལ་ལ་སྤྱོད་པ་དང་། །གསུང་གི་བདུད་རྩིའི་དབུགས་དབྱུང་རབ་ཐོབ་ནས །དོནགཉིས་བསམ་སྦྱོར་ ༄༅། །ཡིད་བཞིན་འགྲུབ་གྱུར་ཅིག །གསང་སྤྱོད་ལམ་ལ་ཐེ་ཚོམ་མེད་པ་དང་། །མཛད་སྤྱོད་ཐམས་ཅད་སངས་རྒྱས་མཛད་པར་མཐོང་། །མོས་གུས་ཟབ་མོས་ཐུགས་བརྒྱུད་བྱིན་རླབས་བསྐུལ །དགོངས་པ་དབྱེར་མེད་གཅིག་ཏུ་འགྲུབ་པར་ཤོག །སྣང་བ་ཐབས་མཆོག་བདེ་ཆེན་ཧེ་རུ་ཀ །སྟོང་ཉིད་ཤེས་རབ་རྡོ་རྗེ་ཕག་མོ་ཡུམ། །ཟུང་འཇུག་སྦྱོར་སྒྲོལ་སྤྱོད་པ་ཐར་ཕྱིན་ནས། །ཁ་སྦྱོར་ཡན་ལག་བདུན་ལྡན་རྡོ་རྗེ་སེམས། །རྒྱལ་བ་འོད་ཀྱི་ཕུང་པོར་སངས་རྒྱས་ཤོག །བདག་གི་ལྷག་བསམ་རྣམ་པར་དག་པ་ཡིས །བསྐྱེད་རྫོགས་ཟབ་མོའི་དགེ་ཚོགས་རྒྱ་མཚོའི་རྒྱུན། །རྒྱལ་ཡུམ་འཕགས་མའི་སྐུ་ཚེ་བརྟན་ཕྱིར་འབུལ། །མགོན་པོ་ཚེ་མཐའ་ཡས་པའི་རྣམ་རོལ་དུ། །གཡོ་མེད་རྡོ་རྗེའི་ཁྲི་ལ་རྟག་བཞུགས་ཤིང་།ཐུགས་བཞེད་འབད་མེད་འགྲུབ་པའི་རྒྱུར་གྱུར་ཤོག །ཨེ་ཨེ། ཤེལ་བུམ་དྲི་མ་མེད་པ །ཡེ་ཤེས་བདུད་རྩིའི་སྣོད་མཆོག །ཉོན་ཤེས་རྡུལ་དང་བྲལ་བ། །མ་མའི་ཕྱག་ཏུ་སོན་ཚེ། །དབང་བཞིའི་ཆུ་རྒྱུན་འབེབས་ཡོང་། །དགོས་འདོད་འབྱུང་བའི་ནོར་བུ །རྒྱལ་མཚན་རྩེ་མོར་འབྱོན་ནས། །འོད་ཀྱི་སྣང་བ་འགྱེད་ཚེ། །མི་ཟད་གཏེར་དུ་འབྱུང་ཡོང་། །རྒྱ་གར་ཡུལ་ནས་བྱོན་ པའི། །གསེར་བྱའི་འཛུམ་མདངས་རྒྱས་བྱེད། །ལྷ་ལྡན་ཁབ་ཀྱི་ཁུ་བྱུག །གཤོག་འགྱུར་སྙན་པའི་ངག་འགྲོས། །རྐང་པས་བྲོ་གར་འཁྲབ་བཞིན། །ཙཱ་རིའི་ཐང་ལ་ཕེབས་ཚེ། །མི་སྡུག་སྟོན་པའི་ཁྭ་ཏས། །འབྲེལ་མེད་གཏམ་གྱི་སྒྲོ་སྐུར །ལ་ཡོག་བསྐུལ་མ་རྒྱས་ནས །ཁུ་བྱུག་གཞན་དུ་བགྲོད་འདོད། །བརྡ་ཚིག་གླུ་གར་ངོམས་ཚེ། །གནས་ཚང་བྲག་ལ་བཅས་པའི། །བྱ་རྒྱལ་ཐང་དཀར་རྒོད་པོས །སྔོན་གྱི་བག་ཆགས་སད་ནས །ཅང་ཤེས་ཡེ་ཤེས་སྤྱན་ལྡན །ཁུ་བྱུག་སྔོན་མོའི་དྲུང་དུ། །ལྷ་གོས་རེག་བྱས་དྲངས་པའི། །ཞུ་ཡིག་གསེར་གྱི་ཕྲེང་བ། །སྨོན་ལམ་བཟང་པོའི་རྒྱན་ཅན །ཡལ་འདབ་བཅུ་པའི་རྟར་བསྐྱོན །འགྲོས་གཉིས་ལྡན་པར་འཕུར་ཚེ། །ཁུ་བྱུག་སྔོན་མོས་རྟེན་འབྲེལ། །མཐུ་ལ་དགོངས་ནས་གསུང་ལན། །བདེ་བདེ་མཁའ་འགྲོའི་གྲོང་ཁྱེར། །གཞན་ན་མེད་དོ་རང་སྣང་།རླུང་སེམས་རང་དབང་ཐོབ་པའི། །ཁུ་བྱུག་སྔོན་མོ་བདག་ཀྱང་། །གནས་དེར་འགྲོ་འདོད་ཡོདཀྱང་། །ཐང་དཀར་རྒོད་པོའི་ཞུ་བ། །རེ་འབྲས་དོན་ལྡན་བྱེད་གསུངས། །མི་འགྱུར་གཡུང་དྲུང་ཁབ་ཏུ །གསེར་ལྡན་ཁུ་བྱུག་ཁྱོ་ཤུག །བདེ་ཆེན་དཔལ་ལ་སྤྱོད་ནས །རིམ་གཉིས་ཟས་བཅུད་ ༄༅། །མངར་མོས། །བྱ་ཕྲན་ཚོགས་ཀྱང་སྐྱོབས་ནས། །འབྲེལ་ཚད་དག་པའི་ཞིང་དུ། །འདྲེན་བཞིན་བཞུགས་པ་ཨ་ཧོ། །རྒོད་པོས་གནམ་འཕང་བཅད་ནས། བྲག་རི་མཐོན་པོར་ཆས་སོང་། །རིགས་མཐུན་བསོད་ནམས་ཞིང་དུ། །དམིགས་ནས་གྷ་ཎའི་འཁོར་ལོས། །ཚོགས་གཉིས་བསགས་པ་མཐར་ཕྱིན །ཆ་ཤས་ཡོ་བྱད་དངོས་པོས། མཐིང་མདོག་དགྱེས་པ་སྐོང་ཕྱིར །སྐབས་སྐབས་སྒྱུ་རྩལ་འགྲོས་ཀྱིས། །ཡོ་བྱད་དུ་མས་མཆོད་ཡོང་། །དབྱིངས་སུ་རོ་གཅིག་ཡིན་མོད། །ཀུན་རྫོབ་སྣང་ཆར་རྒྱུན་དུ། །སེམས་པའི་ཆ་ཤས་གང་ནས། །ལྷན་དུ་འཚོགས་པ་ཨ་ཧོ། །ཞེས་པ་འདི་ཡང་བྱ་རྒྱལ་རྒོད་ལས་འབྲེལ་རྩལ་པོས་ཁུ་བྱུག་དྲུང་དུ་ཕུལ། །ལྷ་ལྡནཕྱོགས་ནས་འོང་བའི། །གཡུ་བྱ་ཁུ་བྱུག་སྔོན མོ། །ཀུན་རྫོབ་བྱིས་པའི་ཆོས་ལ། །སྐྱོ་སུན་གཏིང་ནས་སྐྱེས་པས། །མི་མེད་དབེན་པའི་གནས་སུ །བགྲོད་སྙམ་བློ་དམ་བཅས་ཀྱང་། །སྔོན་སྨོན་ལས་འཕྲོའི་དབང་གིས །རྟེན་འབྲེལ་མཐུ་ཟབ་ཆེ་བས །ནེ་གྲོ་རྡོ་རྗེ་རྫོང་ནས། །རིགས་ལྡན་ངང་པ་གཞོན་ནུས། །ལས་འབྲེལ་མཐུ་ཡིས་བསྐུལ་ནས །བདེ་སྟོང་བཅུད་ལ་ལོངས་སྤྱོད། །ས་ལམ་རིམ་པར་མི་ ལྟོས། །ལམ་དང་འབྲས་བུའི་ཡོན་ཏན །གཅིག་ཅར་མངོན་དུ་གྱུར་ནས། །རྡོ་རྗེ་འཛིན་པའི་ས་མཆོག །ཐག་རིང་གཞན་ནས་མ་རྙེད །ཏན་གན་དགོངས་བཅུད་ཟབ་མོ། །མྱུར་ལམ་དེ་ཡི་མཐུ་ལས། །རླུང་སེམས་འཇུག་པ་གཅིག་འདྲིལ །དབུ་མགྲིན་རྩ་མདུད་རང་གྲོལ །ཆགས་མེད་ཆགས་པ་ཆེན་པོས །ཆགས་ཅན་ཡེ་ཤེས་ལམ་བཀོད། །རང་བྱུང་མྱུར་ལམ་བགྲོད་ཚུལ། །ཟུར་ཙམ་དཔེ་རུ་བསྟན་ན། །དོན་དམ་དབྱིངས་ཡེ་གཉིས་མེད། །སྣང་སྟོང་ཐབས་ཤེས་ཟུང་འཇུག །བདེ་ཆེན་དཔའ་བོའི་རོལ་གར། །སྟོང་དབྱིངས་ཤེས་རབ་བཙུན་མོ། །ཕྱི་ནང་བྱ་དགའ་དུ་མས །མཉེས་པར་བྱེད་པ་ཚོགས་ལམ །གཅིག་ཏུ་འཁོད་ཅིང་གཉིས་ཀྱིས །དགའ་བཞིའི་ཡེ་ཤེས་འབར་ནས། །བདེ་བ་ཆེན་པོའི་རྩ་བསླངས། ། དགའ་མགུར་སྤྱོད་པ་སྦྱོར་ལམ། །ཞི་བ་པདྨའི་དཀྱིལ་འཁོར། །འདབ་བཞི་བཾ་ཡིག་མཚན་པར། །ཁྲོ་བོ་རྟགས་ཀྱི་རྡོ་རྗེ། །དཀར་པོ་ཧཱུྃ་ཡིག་མཐུར་བསྟན། །མཆོག་གི་དངོས་གྲུབ རོལ་ཕྱིར། །བསྲུབས་སྦྱོར་ལས་བརྩོན་དང་པོ། །རབ་ཏུ་དགའ་བའི་ས་ཐོབ། །ཡུམ་གྱི་རྩ་མཆོག་གཎྜེས །དཔའ་བོའི་སེམས་སྤྲིན་བསྐུལ་ནས །བདེ་ཆེན་འཁོར་ལོར་གཡོས ༄༅། །པས། །དགའ་བའི་ཡེ་ཤེས་མཐོང་སྟེ། །ཉོན་སྒྲིབ་རགས་པ་བཅོམ་ནས། །དྲི་མ་མེད་པའི་ས་ཐོབ །སེམས་སྤྲིན་ལོངས་སྤྱོད་འཁོར་ལོར། །ཁྱབ་སྤེལ་མཆོག་དགའི་ཡེ་ཤེས། །གསུམ་པ་འོད་འཕྲོའི་ས་ཐོབ །ཉོན་སྒྲིབ་ཕྲ་བ་བཅོམ་ནས། །བཞི་པ་འོད་བྱེད་ས་ཐོབ། །སེམས་སྤྲིན་ཆོས་ཀྱི་འཁོར་ལོར། །སྤེལ་ཁྱབ་གཏི་མུག་སྒྲིབ དག །ལྷན་དགའི་ཡེ་ཤེས་མངོན་གྱུར། །རླུང་ལྔ་ཡེ་ཤེས་སྨིན་པས །ལྔ་པ་སྦྱང་དཀའི་ས་ཐོབ། །སེམས་སྤྲིན་བདུད་རྩི་ཟིལ་མ །སྤྲུལ་པའི་འཁོར་ལོར་ཁྱབ་པས །ཁྱད་དགའི་ཡེ་ཤེས་མངོན་གྱུར། །ཤེས་སྒྲིབ་ཕྲ་བ་བཅོམ་ནས། །མངོན་གྱུར་དྲུག་པའི་ས་ཐོབ། །བདེ་སྟོང་གཉིས་སུ་མེད་པའི། །འོད་གསལ་འཁོར་ཡུག་འབྱམས་ཀླས། །བདག་གཞན་དམིགས སུ་མེད་པའི། །བདུན་པའི་ས་མཆོག་ཐོབ་བོ། །འདུས་མདོར་རླུང་ཐིག་ཁ་སྦྱོར །སྣང་གསུམ་བག་ཆགས་བཅོམ་པས། །མི་གཡོ་བ་ཡི་ས་ཐོབ། །སེམས་སྤྲིན་བདུད་རྩིའི་ཆུ རྒྱུན། །བདེ་སྐྱོང་འཁོར་ལོར་ཁྱབ་པས། །དགའ་འབྲལ་ཡེ་ཤེས་མངོན་གྱུར། །ཡོན་ཏན་ཡོངས་རྫོགས་ས་དགུ། །གཟུང་འཛིན་གཉིས་རྟོག་སངས་ནས །བློ་བྲལ་གཉུག་མའིགཤིས་ སུ། །འཁྲུལ་སྣང་ཆོས་སྐུར་སྦྱོར་བས། །རྩ་རླུང་ཐིག་ལེའི་ཁམས་རྣམས། །དག་རྫོགས་སྨིན་པ་ས་བཅུ། །བསྒོམ་པའི་ལམ་གནད་མཐར་ཕྱིན། །སེམས་སྤྲིན་བདུད་རྩིའི་ཞལ མཇལ། །སྐད་ཅིག་འོད་གསལ་ནུས་པས། །སྒྲིབ་གསུམ་བག་ཆགས་རབ་བཅོམ། །མི་སློབ་ལམ་མཆོག་མཐར་ཕྱིན། །ཀུན་ཏུ་འོད་ཀྱི་ས་ཐོབ། །རང་གསལ་སྒྲིབ་མེད་ཆེན་པོའི སྐུ་དང་ཡེ་ཤེས་ཡོན་ཏན །རྩོལ་སྒྲུབ་བྲལ་བ་ཟུང་འཇུག །ཁ་སྦྱོར་ཡན་ལག་བདུན་ལྡན །བཅུ་གཉིས་མ་ཆགས་པདྨ། །ཐིམ་ལ་མ་སྨུག་འོད་གསལ །བསམ་བརྗོད་ཕྱོགས་ལྷུང་བྲལ་བ། །སྐུ་དང་ཡེ་ཤེས་བདག་ཉིད། །ངོ་བོ་ཉིད་སྐུར་བྱང་ཆུབ། །བཅུ་གསུམ་རྡོ་རྗེ་འཛིན་པའི། །ས་ལམ་བགྲོད་པའི་ཤིང་རྟ། །བདེ་སྟོང་ཐབས་གྲོལ་ཆེན་པོ། །རྒྱུ་དང་འབྲས་བུའི ས་ཆོད། །ལམ་འབྲས་རིམ་པར་མ་ལྟོས །འོག་སྒོ་བདེ་བ་ཆེན་པོ། །ཁམས་གསུམ་རོལ་པའི་ཁྱད་ཆོས །མདོར་བསྡུས་ཟུར་ཙམ་བརྗོད་པས། །གནས་ཚང་བྲག་ལ་བརྟེན་པའི། ། བྱ་རྒྱལ་ཐང་དཀར་རྒོདཔོ། །རྩལ་གསུམ ལྟ་སྒོམ་སྤྱོད་པ་མཐར་ཕྱིན་པ མཆན། ལུས་ལ་རྫོགས་ཚེ། །དེ་བཞིན་ཐུགས་ལ་ཟུངས་མཛོད། །བྱ་ཕྲན་རྩལ་མེད་རྣམས་ལ། །རླུང་ཕྱོགས་ཙམ 一 ༄༅། །ཡང་མ་སྤེལ། །དེ་ལྟར་ཁུ་བྱུག་སྔོན་མོ། །སྔོན་སྨོན་ལས་འཕྲོ་དག་པས །རིགས་ལྡན་ངང་པ་གཞོན་ནུས །ཐུགས་རྩེ་ཐུགས་རྗེས་བསྐྱང་ནས །སེམས་སྤྲིན་བདུད་རྩིའི་ཆུ་རྒྱུན །ཟག་མེད་དངོས་གྲུབ་སྩོལ་བའི །བདེ་སྟོང་རོ་ཡིས་མྱོས་ནས། །གསང་སྤྱོད་གསང་བའི་ཚིག་འདི། །ཐང་དཀར་རྒོད་པོས་བསྐུལ་ཕྱིར། །གང་ཤར་རང་བྱུང་གཏམ་འདི། །བཀའ་ལུང་གཉིས་དང་མི་མཐུན །རང་ལམ་གཡག་རྭ་འཕྲེད་རྡུམ། །ཀུན་བཟང་བདེ་སྐྱོང་དབང་མོས །ཡིག་རིས་བྲིས་པ་དགེའོ།། །། ༈ ཕ་གཅིག་རྟོགས་ལྡན་བླ་མའི་བྱིན་རླབས་ཀྱིས། །སྨིན་གྲོལ་གདིང་ཐོབ་ཆོས་སྐུའི་རང་ཞལ་མཐོང་། །ལྟ་བ་ཀློང་ཆེན་ནམ་མཁའི་དོན་རྟོགས་པས། །སོར་བཞག་བཅོས་བསྒྱུར་གཟའ་གཏད་ཀུན་དང་བྲལ། །སྒོམ་པ་སྤྲིན་བྲལ་ཉི་མའི་འོད་ལྟར་གསལ། །ཨ་འཐས་གཉིས་འཛིན་འཆིང་བའི་ཡུལ་ལས་འདས །སྣང་བཞི་སྟོང་གསལ་རྒྱ་གྲོལ་སྤྱོད་པ་མཆོག །སྤང་བླང་རེ་དོགས་འཕྲང་ལ་ང་མི་འཇིགས། །རིག་པ་རང་བྱུང་ཡེ་ཤེས་འཕོ་འགྱུར་བྲལ །ཀུན་བཟང་གདོད་མའི་མགོན་པོ་མངོན་དུ་གྱུར། །འབྲས་བུ་ཕྱི་དུས་མི་རེ་རང་ས་འཛིན །ཐོབ་བྱའི་འབྲས་བུ་གཞན་ཚོལ་ ངས་མི་བསྒྲུབ །དེ་སྐད་མདོ་མེད་སྤྲང་མོའི་ཉམས་ལེན་ལགས། །བསྐུལ་བ་མི་ལྡོག་ཙམ་དུ་གུས་པས་ཕུལ། །དགེའོ། །། S环 458 TI1395-464 TI1395-464 ༄༅། །ཨ་ཧོ། གྲུབ་པའི་དབང་ཕྱུག་ཀུན་མཁྱེན་ཆེན་པོ། །ཀུན་བཟང་དགོངས་པ་རྫོགས་ཆེན་གནས་ལུགས། །སྐྱེ་མེད་ཟང་ཐལ་ནམ་མཁའི་རང་བཞིན། །རང་ཤར་རང་གྲོལ་སྣང་བ་བདེན་མེད། །སྣོད་བཅུད་དག་པའི་ཡུལ་དུ་མི་འཛིན །ཆོས་ཉིད་རང་བཞིན་བསྒོམ་དུ་མེད་པ། །གཟུང་འཛིན་གཉིས་སུ་སྣང་བའི་ཆོས་ཅན །སྟོང་པའི་རང་བཞིན་སྤྲོས མཐའ་བྲལ་ལོ། །སྣང་སྟོང་དབྱེར་མེད་ཐབས་ཤེས་ཟུང་འཇུག །དགའ་བྲལ་བདེ་སྟོང་ཡེ་ཤེས་བཅུད་རོལ། །སྐྱེ་འགགས་བྲལ་བའི་རིག་པ་མངོན་གྱུར། །ཡེ་གདངས་ཡེ་ཤེས་རྩལ་སྣང་མ་འགགས། །སྣ་ཚོགས་སྣང་བ་རྒྱན་དུ་ཤར་བྱུང་།མཚམས་བཅད་ཐོ་བརྩེགས་དགོས་པ་ཅི་ཡོད། །བྱས་པའི་ཆོས་ཀྱིས་སངས་རྒྱས་མི་འགྲུབ །མ་བྱས་གུ་ཡངས་ཁྱབ་བརྡལ་ངང་དུ། །འོད་གསལ་དོན་གྱི་རྣལ་འབྱོར་མཛོད་ཅིག །དེ་སྐད་སྔོན་སྨོན་ལས་འཕྲོ་དག་པའི། །ཐབས་གྲོགས་མཁའ་འགྲོ་དགྱེས་པའི་རྡོ་རྗེས། །བརྫུན་རིས་སྨྱོ་གཏམ་ཚུལ་དུ་ཕུལ་ལོ། དགེའོ།། ཤིན་ཏུ་རབ་བརྩེའི་དཔའ་བོ་མཆོག་གི་དྲུང་། །བསོད་ནམས་དབང་མོས་ཨ་མཚར་གླུ་རུ་ཕུལ །རིག་པའི་ཁྱེའུ་ཆུང་རིག་འཛིན་རྡོ་རྗེའི་ཁྱེད །སྨྱོན་པ་ལོས་བདེན་སྨྱོ་ ཚུལ་མགྲན་ཟླ་བྲལ། །ཕོ་གདོན་ཀུན་ཏུ་བཟང་པོའི་རྒྱལ་པོས་བརླབས །འཁོར་འདས་ཆོས་ཀུན་མ་བཅོས་རིག་པར་སྨོས། །མོ་གདོན་ཀུན་ཏུ་བཟང་མོའི་འདྲེ་མོས་བརླབས། །སྟོང་གསལ་མ་འགགས་ཡེ་ཤེས་ཆེན་པོར་སྨྱོས །རྒྱལ་བསེན་རྡོ་རྗེ་འཆང་གི་གདོན་གྱིས་བརླབས། །ཟུང་འཇུག་ཕྱག་རྒྱ་ཆེན་པོའི་བཅུད་ཀྱི་སྨྱོས །རང་བྱུང་ལྷུན་གྲུབ་ཆེན་པོའི་གདོན་ཚོགས་ཀྱིས། །སྐུ་དང་ཡེ་ཤེས་ཡོན་ཏན་མངོན་གྱུར་བརླབས། །ནང་གསལ་གཞོན་ནུ་བུམ་སྐུའི་ཀློང་དུ་སྨྲོས །སྨྱོས་ཀྱང་སྨོས་ཏེ་ཆོས་དབྱིངས་ངང་དུ་སྨྱོས །འཁྲུལ་ཡང་འཁྲུལ་ཏེ་ཆོས་དབྱིངས་ངང་དུ་འཁྲུལ། །ཆོས་ཀྱི་དབྱིངས་ལ་ཚད་བཟུང་མི་དམིགས་ཀྱང་། །བདག་ཅག་འགྲོ་བའི་དོན་དུ་སྨྱོ་ཚུལ་སྟོན །ཁྱེད་འདྲའི་སྨྱོན་པ་ངོ་མཚར་ཤིན་ཏུ་ཆེ། །བདག་ཀྱང་ཁྱོད་བཞིན་སྨྱོས་ན་ཅི་མ་རུང་།ཅེས་པ་མདོ་མེད་འཆོལ་མོ་ག་གའི་མིང་གིས་ཕུལ།། ཨེ་མ། གསང་སྔགས་གྲུབ་པ་བརྙེས་པའི་རྣལ་འབྱོར་པ །གདོས་བཅས་མི་སྣང་འོད་ལུས་མཁའ་ལ་སྦྱོར། །ཆགས་པའི་སྐྱོན་བྲལ་དྲི་མེད་ཡེ་ཤེས་སྐུ །ཁམས་གསུམ་འཁོར་བ་ཟག་མེད་དབྱིངས་སུ་སྡུད །བདེ་ཆེན་བདེ་བའི་འབྱུང་གནས་དཔའ་བོ་མཆོག །མི་འགྱུར་ཀུན་ཏུ་བཟང་པོ་ ༄༅། །ཁྱེད་མིན་ནམ །ཆོས་ཉིད་བདེན་མཐོང་སྤྲོས་པའི་མཐའ་དང་བྲལ། །ཚེ་འདིར་ཆོས་བརྒྱད་བྱ་བར་སུན་ཕྱུངས་ཏེ །ཕ་ཡིས་གདམས་པའི་མན་ངག་གསང་བཅུད ལེན། །ལོག་ལམ་སྐྱེས་བུ་མཐུ་སྟོབས་ཤུགས་ཀྱིས་བཏུལ པདྨའི་ཕྲིན་ལས་མངའ་བདག་ཁྱེད་མིན་ནམ། །ཤེས་རབ་མཆོག་བརྙེས་པདྨའི་ཐུགས་བཅུད་དབང་། །ཡེ་ཤེས་སྒྱུ་མའི གར་བསྒྱུར་འགྲོ་བའི་མགོན །དུས་གསུམ་སངས་རྒྱས་རྒྱལ་ཚབ་ཁྱེད་མིན་ནམ །སྐུ་ཡི་རྣམ་འགྱུར་སངས་རྒྱས་མཛད་པར་བསྟུན །གསུང་གི་ང་རོས་གསང་སྔགས་སྒྲོན་མེ་སྦར ཐུགས་ཀྱི་དགོངས་པས་འགྲོ་ཀུན་བུ་བཞིན་སྐྱོངས །དོན་གཉིས་དངོས་གྲུབ་འབྱུང་གནས་ཁྱེད་མིན་ནམ། །སྐྱོན་བྲལ་ཡོན་ཏན་ཀུན་རྫོགས་ཁྱེད་ལྟ་བུར། །ཁོ་མོ་བདག་འདྲས་རྙེད་པ་ཨེ་མ་ཧོ། །སྐྱེ་བ་འདི་ནས་ཚེ་རབས་ཐམས་ཅད་དུ། །ཡིད་བཞིན་ནོར་བུ་ཁྱེད་དང་མི་འབྲལ་བར །དགྱེས་པ་བསྐྱེད་ཕྱིར་ཉེ་རྒྱུའི་གར་བསྒྱུར་ནས །པད་འབྱུང་ཡབ་ཡུམ་ཐུགས་བཞེད་ཡོངས