Tibetan
ལམ་འགྲུབ་སྔགས་བརྗོད༔ ས་མ་ཡ༔ དེ་ལྟར་ཚུལ་བཞིན་ཉམས་བླངས་ན༔ ཤེས་རབ་སྣང་བ་རྒྱས་པར་འགྱུར༔ བདེན་རྫུན་ལག་ཏུ་ལོངས་དང་གསལ༔ སྐལ་ལྡན་བུ་དང་འཕྲད་པར་ཤོག༔ སྐལ་མེད་རྣམས་ལ་འདི་མ་འཕྲད༔ བཀའ་སྲུང་དྲེགས་པའི་ཚོགས་ཀྱིས་གཉེར༔ ཐུབ་པར་སྲུངས་ཤིག་ས་མ་ཡ༔ ཟབ་རྒྱ༔ གསང་རྒྱ༔ གཏད་རྒྱ༔ བརྡ་ཐིམ༔ ཨྠི༔ ཅེས་སྔ་འགྱུར་བསྟན་པའི་གསལ་སྒྲོན་མཆོག་གི་རིག་པ་འཛིན་པ་ཞབས་དྲུང་སྐྱབས་མགོན་དམ་པ་རིན་པོ་ཆེས་ལྷ་རེག་དང་ཕུན་སུམ་ཚོགས་པའི་བཀྲ་ཤིས་གཟུགས་རིས་བཅས་གསུང་གི་དབུགས་དབྱུང་སྤྱི་བོར་ཕེབས་པ་ལྡོག་མ་ནུས་པར་མཁའ་འགྲོའི་སྙན་བརྒྱུད་ལས་ཞལ་བཤུས་ཏེ། ལྕགས་འབྲུག་ཟླ་༡ ཚེས་༡༤ དགེ་བར་སུ་ཁ་བཛྲ་གྱིས་གཏན་ལ་ཕབས་པའི་ཡི་གེ་པ་ནི་ཉེ་གནས་ཤཱ་ཀྱའི་དགེ་བཙུན་ཚུལ་ཁྲིམས་རྡོ་རྗེས་བྲིས་སོ། །དགེའོ། །དགེའོ།། = " TI1395-356 鄂། ཆོས་ཉིད་མཁའ་འགྲོའི་གསང་མཛོད་ལས༔ རྒྱུན་ཁྱེར་ཚོགས་མཆོད་བསྡུས་པ་བཞུགས༔ ན་མོ་པདྨ་ཀཱ་ར་ཡེ༔ སྤྲོས་མེད་དོན་གྱི་རྣལ་འབྱོར་པས༔ བཟའ་བཅའ་བཏུང་བའི་རིགས་རྣམས་ཀུན༔ ཟག་མེད་བདེ་ཆེན་བདུད་རྩིར་བརླབས༔ ལྷ་ཡི་ས་མ་ཏི་ཡི་ངང་༔ རཾ་ཡཾ་ཁཾ༔ ཨོཾ་ཨཱཿཧཱུྃ༔ ཆོས་དབྱིངས་རྣམ་དག་བྷནྡྷ་རུ༔ གཞི་སྣང་ལྷུན་གྲུབ་ཚོགས་གཏོར་བཤམས༔ ཀུན་བཟང་མཆོད་སྤྲིན བླ་ན་མེད༔ བདེ་སྟོང་ཡེ་ཤེས་བདུད་རྩིར་བསྒྱུར༔ རང་བཞིན་རྣམ་དག་ཞིང་ཁམས་ནས༔ བརྒྱུད་གསུམ་རིག་འཛིན་བླ་མ་དང་༔ ཡི་དམ་རྒྱུད་སྡེ་བཞི་དྲུག་ལྷ༔ གནས་གསུམ་དཔའ་བོ་མཁའ་འགྲོ་དང་༔ དཀྱིལ་འཁོར་རྒྱ་མཚོའི་སྤྱི་དཔལ་མཆོག༔ མཁྱེན་རབ་མངའ་བདག་འཇམ་དཔལ་དབྱངས༔ སྒྱུ་འཕྲུལ་རོལ་པའི་ཚོགས་བཅས་ལ༔ འདོད་ཡོན་ལོངས་སྤྱོད་ཚོགས་མཆོད་འབུལ༔ གཉིས་མེད་བདེ་ཆེན་ངང་དུ་རོལ༔ བསོད་ནམས་ཡེ་ཤེས་ཚོགས་རྫོགས་ཕྱིར༔ ལྟ་བ་མཐའ་བྲལ་ངང་དུ་བསྐང་༔ སྒོམ་པ་ཟང་ཐལ་ཆེན་པོར་བསྐང་༔ སྤྱོད་པ་སྤང་བླང་བྲལ་བར་བསྐང་༔ འབྲས་བུ་ཡེ་རྫོགས་ཆེན་པོར་བསྐང་༔ སྡོམ་གསུམ་བསྲུང་མཚམས་ལས་འདས་པ༔ ཡེ་བསྲུང་ཆོས་སྐུའི་ཀློང་དུ་བཤགས༔ གཟུང་འཛིན་གཉིས་ སྣང་དབྱིངས་སུ་བསྒྲལ༔ བདག་མེད་མཉམ་ཉིད་ཀློང་དུ་བསྟབས༔ གསང་གསུམ་བྱིན་རླབས་དབང་དངོས་གྲུབ༔ ཚིམས་པ་དྲུག་ལྡན་ངང་དུ་རོལ༔ ཨ་ལ་ལ་ཧོ་སིདྡྷི་ཧཱུྃ༔ ལྷག་པའི་ལྷ་ཡི་དཀྱིལ་འཁོར་དུ༔ ཚོམ་བུ་གཅིག་ཏུ་སངས་རྒྱས་ཤོག༔ ཕེཾ༔ ལྷག་སྐྱོང་ཕོ་མོ་ལྷག་གཏོར་རོལ༔ ཅི་བཅོལ་ཕྲིན་ལས་ཡོངས་འགྲུབ་མཛོད༔ ཨུ་ཙིཥྞ་བྷ་ལིཾ་ཏ་ཁཱ་ཧི༔ ཚོགས་མཆོད་ཕུལ་བའི་བསོད་ནམས་དགེ༔ འཁོར་གསུམ་ཡོངས་དག་ཆེན་པོར་བསྔོ༔ ཟུང་འཇུག་ཡེ་ཤེས་སྐུ་ཐོབ་ནས༔ མངོན་པར་རྫོགས་པར་སངས་རྒྱས་ཤོག༔ འདི་ལ་རྒྱུན་དུ་བརྩོན་གྱུར་ན༔ ཕྱི་ནང་བར་ཆད་ཀུན་སེལ་ནས༔ ཚོགས་གཉིས་འབྲས་བུ་མཐར་ཕྱིན་ཏེ༔ ཚེ་འདིར་དོན་གཉིས་འགྲུབ་པར་ངེས༔ ཐེ་ཚོམ་མེད་དོ་ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཨྠི༔ ཅེས་པའང་སྔ་འགྱུར་བསྟན་པའི་མངའ་བདག་ཆེན་པོ་ཞབས་དྲུང་སྐྱབས་མགོན་རིན་པོ་ཆེས་བཀྲ་ཤིས་ལྷ་རྫས་སྣ་ཚོགས་བཅས་བཀས་བསྐུལ་ཟབ་ཕྱིར་མི་ལྡོག་ཙམ་དུ་དབྱིངས་སྣང་མཁའ་འགྲོའི་བརྡ་རིས་ལས་དབྱི་ཤོདགདན་ས་ཆེན་པོའི་ཉེ་ཆར་ལྷ་བྲག་རིན་ཆེན་རྫོང་གི་ཉེ་འདབ་ཨོ་རྒྱན་ཕུག་ནས་སུ་ཁ་བཛྲ་གྱིས་ཉམས་ཆོས་ཡིག་རིས་སུ་བྲིས་པའོ། །དགེའོ།། །། f1s གསང་མཛོད་ལས༔ གཏོར་འབུལ་དངོས་གྲུབ་བུམ་བཟང་བཞུགས༔ ན་མོ་པདྨ་ཀཱ་ར་ཡེ༔ ཡིད་འོང་རིན་ཆེན་སྣོད་ནང་དུ༔ དཀར་གསུམ་ལ་སོགས་ཟས་སྣ་བཤམས༔ སྭ་བྷཱ་ཝ་ཡིས་སྟོང་པར་སྦྱངས༔ ཨ་ཀཱ་རོ་ཡིས་བྱིན་གྱིས་བརླབས༔ ནམ་མཁའ་མཛོད་སྔགས་ལན་གསུམ་མཐར༔ ཨོཾ་ཨཱཿཧཱུྃ༔ རིན་ཆེན་གཏོར་སྣོད་ཡངས་པའི་ནང་༔ འདོད་ཡོན་ལོངས་སྤྱོད་བསམ་མི་ཁྱབ༔ ཀུན་བཟང་མཆོད་པའི་སྤྲིན་ཆེན་པོ༔ ཟག་མེད་བདེ་ཆེན་བསྐྱེད་པའི་རྫས༔ བརྒྱུད་གསུམ་རིག་འཛིན་བླ་མ་དང་༔ ཇི་ལྟ་མཁྱེན་ཅིང་ཇི་སྙེད་གཟིགས༔ མཁྱེན་རབ་དབང་ཕྱུག་འཇམ་དཔལ་ལ༔ བདེ་སྟོང་ཡེ་ཤེས་བདུད་རྩིའི་མཉེས་མཆོད་འབུལ༔ བདག་ཅག་སྒྲུབ་པའི་རིག་འཛིན་གྱི༔ ཚོགས་གཉིས་ཡོངས་སུ་རྫོགས་པ་དང་༔ སྒྲིབ་གཉིས་དྲི་མ་ཀུན་བྲལ་ནས༔ མཁྱེན་གཉིས་ཤེས་རབ་འབར་བ་དང་༔ ཤིན་ཏུ་གསལ་བའི་བློ་གྲོས་ཀྱིས༔ འཆད་རྩོད་རྩོམ་ལ་དབང་འབྱོར་ཞིང་༔ འགྲོ་དོན་རྒྱ་ཆེན་འབྱུང་བར་ཤོག༔ ཁྱེད་ཐུགས་མཁྱེན་རབ་འོད་ཟེར་གྱིས༔ བདག་བློའི་རྨོངས་པ་ཀུན་སངས་ནས༔ ཐོས་བསམ་སྒོམ་གསུམ་མཐར་ཕྱིན་ནས༔ ཡེ་ཤེས་སྣང་བ་མངོན་གྱུར་ནས༔ གཞོན་ནུ་བུམ་སྐུའི་དགོངས་ཀློང་དུ༔ ཚེ་འདིར་ གཏན་སྲིད་ཟིན་པར་ཤོག༔ ཨོཾ་གུ་རུ་མཉྫུ་ཤྲཱི་མཱུྃ་ཧྲཱིཿཔྲཛྙཱ་ཝརྡྷ་ན་བ་ལིཾ་ཏ་ཁཱ་ཧི༔ ལན་བདུན་ནམ་ནི་ཉེར་གཅིག་གིས༔ ཕུལ་མཐར་གཏོར་མགྲོན་ལྷ་ཉིད་ནི༔ འོད་ཞུ་རང་ལ་ཐིམ་བསམ་ཞིང་༔ པྲ་ཏི་གྷྲི་ཧ་ཎ་ཨི མཾ༔ ཞེས་བརྗོད་དམིགས་མེད་རིག་ངོ་སྐྱོངས༔ དེ་ཡིས་དོན་གྱི་ལྷ་ཞལ་མཐོང༔ རིག་སྟོང་ཆོས་སྐུའི་ས་ཐོབ་ངེས༔ ས་མ་ཡ༔ རྒྱ་རྒྱ་རྒྱ༔ ཅེས་པའང་རིན་པོ་ཆེའི་བཞེད་པ་སྐོང་ཕྱིར་གསང་ཕུག་ཨོ་རྒྱན་རྫོང་ནས་སུ་ཁ་བཛྲ་གྱིས་ཉམས་རིས་སུ་བྲིས་པའོ། །དགེའོ།། །། 落 TI1395-360 ༡༥ ཆོས་ཉིད་མཁའ་འགྲོའི་གསང་མཛོད་ལས༔ རིགས་གཅིག་རྡོ་རྗེ་སེམས་དཔའི་བསྒོམ་བཟླས་བསྡུས་པ་ཡེ་ཤེས་ལམ་བཟང་བཞུགས་སོ༔ ན་མོ་པདྨ་ཀཱ་ར་ཡེ༔ གང་དག་གསང་སྔགས་ལམ་ཞུགས་སྐྱེས་བུ་ཡིས༔ ཐུགས་མཆོག་སེམས་དཔའ་ཆེན་པོ་སྒྲུབ་པའི་ཐབས༔ ཡེ་ཤེས་ལམ་བཟང་འདི་རུ་བསྟན་པར་བྱ༔ ས་མ་ཡ༔ དང་པོ་སྐྱབས་སུ་འགྲོ་དང་སེམས་བསྐྱེད་ནི༔ སྒོ་གསུམ་དད་པའི་ངང་ནས་འདི་སྐད་བརྗོད༔ ན་མོ༔ བླ་མེད་བླ་མ་དཀོན་མཆོག་གསུམ༔ རིགས་འདུས་སེམས་དཔར་སྐྱབས་སུ་མཆི༔ བདག་དང་མཁའ་མཉམ་སེམས་ཅན་ཀུན༔ བྱང་ཆུབ་ལམ་འགོད་སེམས་བསྐྱེད་དོ༔ ལན་གསུམ་བརྗོད་མཐར་དངོས་གཞི་ནི༔ ཨ༔ སྨྲ་བསམ་བརྗོད་བྲལ་འོད་གསལ་དབྱིངས༔ ཕྱོགས་མཐའ་ལས་འདས་ཀུན་ཏུ་སྣང་༔ ཐུགས་རྗེའི་རང་རྩལ་ཞིང་ཁམས་སུ༔ ལྷུན་གྲུབ་རང་གདངས་གཞལ་ཡས་དབུས༔ པདྨ་ཟླ་བ་རྒྱས་པའི་སྟེང་༔ རང་ཉིད་སྐད་ཅིག་དྲན་རྫོགས་སུ༔ རིག་པ་མི་འགྱུར་དོན་གྱི་ལྷ༔ དཔལ་ལྡན་རྡོ་རྗེ་སེམས་དཔའི་སྐུ༔ དཀར་གསལ་ཞི་འཛུམ་མཚན་དཔེས་བརྒྱན༔ ཞལ་གཅིག་ཕྱག་གཉིས་གཡས་པ་ཡིས༔ རྡོ་རྗེ་རྩེ་ལྔ་ཐུགས་ཀར་གཏོད༔ གཡོན་པས་དྲིལ་བུ་དཀུ་ལ་བརྟེན༔ ལོངས་སྤྱོད་རྒྱན་རྫོགས་གཟི་འོད་འབར༔ གོ་ ཞབས་གཉིས་སྐྱིལ་ཀྲུང་པད་ཟླར་བཞུགས༔ ཡེ་ཤེས་ལྔ་ལྡན་འོད་ཀློང་དུ༔ སྣང་སྟོང་སྒྱུ་མའི་ལྷ་སྐུར་བསྒོམ༔ དེ་ལྟར་གསལ་བའི་གནས་གསུམ་ལས༔ འོད་འཕྲོས་དབྱིངས་བཞུགས་ཡེ་ཤེས་ལྷ༔ སྤྱན་དྲངས་དམ་ཡེ་གཉིས་མེད་གྱུར༔ ལྷ་དང་རང་སྣང་མཇལ་ཕྱག་འཚལ༔ སྣང་སྲིད་རྣམ་དག་མཆོད་པ་འབུལ༔ གཟུང་འཛིན་བྲལ་བས་ཕྱག་འཚལ་བསྟོད༔ ཧཱུྃ༔ སྣང་སྟོང་གཉིས་མེད་ཡེ་ཤེས་ལྷའི༔ ཐུགས་ཀར་པདྨ་ཟླ་གདན་ལ༔ ཐུགས་སྲོག་ཧཱུྃ་ཡིག་དཀར་པོའི་མཐར༔ སྔགས་ཀྱི་ཕྲེང་བ་བར་མེད་འཁོར༔ འོད་ཟེར་འཕྲོ་འདུས་དོན་གཉིས་བྱས༔ ཚུར་འདུས་སྔགས་ཕྲེང་ལ་ཐིམ་པས༔ སྒོ་གསུམ་རྡོ་རྗེ་གསུམ་དུ་རོལ༔ ཨོཾ་བཛྲ་སཏྭ་ཧཱུྃ༔ ཞེས་པ་བརྒྱ་སྟོང་ཁྲི་འབུམ་དང་༔ བྱེ་བ་བཟླས་པས་ཚད་དུ་འཁྱོལ༔ ཐུན་མཚམས་ཡི་གེ་བརྒྱ་པ་ནི༔ བརྒྱ་འམ་ལྔ་བཅུ་རྩ་ལྔ་སོགས༔ གཞན་གྱི་མི་ཚིག་མ་འདྲེས་པར༔ ལྷར་སྣང་གསལ་བརྟན་དག་པའི་ངང་༔ འདིར་བརྩོན་སྒྲིབ་པ་ཀུན་ལས་གྲོལ༔ བདེན་རྫུན་ལག་ཏུ་ལོངས་དང་གསལ༔ ཐེ་ཚོམ་མེད་དོ་ས་མ་ཡ༔ བཀའ་སྲུང་དྲེགས་པ་རྣམ་གསུམ་གྱིས༔ ཐུབ་པར་སྲུངས་ཤིག་བརྡ་ཐིམ་རྒྱ༔ ༔ ཞེས་པ་འདི་ཡང་ཤཱཀྱའི་དགེ་བཙུན་འདུལ་བ་འཛིན་པ་ཚེ་དབང་གིས་ནན་ཆེར་བསྐུལ་ངོར་མི་ལྡོག་ཙམ་དུབེེ་ཕུག་མཁའ་འགྲོ་ཡང་རྫོང་ནས་དུས་མཐའི་སྤྲང་མོ་བདེ་ཆེན་བདེ་བའི་རྡོ་རྗེས་ ༡ ཉམས་ཆོས་ཡིག་རིས་སུ་བྲིས་པའོ༔ མཐར་མཆོད་ཅིང་བསྟོད་པ་ནི༔ ཨོཾ༔ ཡེ་ཤེས་ལྔ་ལས་སྤྲུལ་པ་ཡི༔ ཕྱི་ནང་གསང་བའི་མཆོད་པའི་ཚོགས༔ དཀྱིལ་འཁོར་ལྷ་ཚོགས་དགྱེས་ཕྱིར་འབུལ༔ བཞེས་ནས་མཆོག་ཐུན་དངོས་གྲུབ་སྩོལ༔ ཨོཾ་བཛྲ་ཨརྒྷཾཿ ཤཔྡ་རཱུ་པཿ སྤཪྴ་མ་ཧཱ་སརྦ་པཉྩ་ཨ་མྲྀ་ཏ་བྷ་ལིཾ་ཏ་རཀྟ་བོ་དྷི་ཙིཏྟ་ལ་ཁཱ་ཧི༔ ཧཱུྃ༔ དུས་གསུམ་སངས་རྒྱས་འདུས་པའི་དཔལ༔ སྐྱོན་བྲལ་མཚན་དང་དཔེ་བྱད་ལྡན༔ མི་འགྱུར་རྡོ་རྗེ་ལྟ་བུའི་སྐུ༔ སེམས་དཔའ་ཆེན་པོ་ཁྱོད་ལ་བསྟོད༔ དགེ་འདིས་འཁོར་བ་དོང་སྤྲུགས ནས༔ མངོན་དགའི་ཞིང་ལ་སྤྱོད་པར་ཤོག༔ ཅེས་པ་འདི་ཡང་དད་ལྡན་ཤཱཀྱའི་དགེ་བཙུན་ཚེ་དབང་གིས་བསྐུལ་ངོར་བདེ་བའི་རྡོ་རྗེས་ཉམས་ཆོས་ཡིག་རིས་སུ་བྲིས་པའོ། །དགེའོ།། །། ་མ་ལད་-༣ TI1395-363 TI1395-364 ཆོས་ཉིད་མཁའ་འགྲོའི་གསང་མཛོད་ལས༔ གུ་རུའི་སྒྲུབ་པ་བྱིན་རླབས་བུམ་བཟང་བཞུགས༔ །༈། ན་མོ་པདྨ་ཀཱ་ར་ཡེ༔ ཨོ་རྒྱན་རྡོ་རྗེ་འཆང་ལ་འདུད༔ གསང་སྔགས་ལམ་ཞུགས་རྣལ་འབྱོར་པས༔ དཀྱིལ་འཁོར་ཀུན་འདུས་སྤྱི་དཔལ་རྗེ༔ རིག་འཛིན་བླ མ་བསྒྲུབ་པའི་ཐབས༔ བྱིན་རླབས་བུམ་བཟང་འདི་རུ་བསྟན༔ སྐལ་ལྡན་བུ་ཡི་ཉམས་སུ་ལོངས༔ ས་མ་ཡ༔ དང་པོ་སྦྱོར་བ་སྔོན་འགྲོ་ལ༔ སྐྱབས་སུ་འགྲོ་དང་སེམས་བསྐྱེད་ནི༔ ན་མོ༔ རིགས་དང་དཀྱིལ་འཁོར་ཀུན་གྱི་བདག༔ རིག་འཛིན་བླ་མར་སྐྱབས་སུ་མཆི༔ འགྲོ་རྣམས་སངས་རྒྱས་ལ་འགོད་ཕྱིར༔ སྨོན་འཇུག་དོན་དམ་བྱང་སེམས་བསྐྱེད༔ ལན་གསུམ་བརྗོད༔ དེ་ནས་བགེགས་སྲུང་ནི༔ ཧཱུྃ༔ མ་རིག་གཟུང་འཛིན་འཁྲུལ་པའི་བགེགས༔ ཆོས་དབྱིངས་ངང་དུ་མཚམས་བཅད་དོ༔ 2༡།རྡོ༽ཿ ཡེ་ཤེས་སྒྱུ་འཕྲུལ་རོལ་པའི་རྩལ༔ གཞོམ་བྲལ་རྡོ་རྗེའི་གུར་ཁང་འཁྲིགས༔ ཨུ་ཙ་ཏ་ཡ་ཕཊ༔ བཛྲ་རཀྵ་བྷྲུྃ༔ དེ་ནས་བྱིན་དབབ་མཆོད་རྫས་བརླབ་པ་ནི༔ ཧཱུྃ་ཧྲཱིཿ རང་སྣང་དོན་གྱི་འོག་མིན་གནས༔ ལྷུན་གྲུབ་དག་པའི་ཞིང་ཁམས་ནས༔ རིག་འཛིན་པདྨ་ཐོད་ཕྲེང་རྩལ༔ བརྒྱུད་གསུམ་བླ་མའི་ཚོགས་དང་བཅས༔ གནས་འདིར་དབང་བྱིན་དངོས་གྲུབ་སྩོལ༔ སྒོ་གསུམ་རྡོ་རྗེ་གསུམ་དུ་རློབས༔ སྣང་སྲིད་མཆོད་པའི་ཕྱག་རྒྱ་ཆེ༔ ཟག་མེད་ཡེ་ཤེས་བདུད་རྩིར་བསྒྱུར༔ སརྦ་ཛྙཱ་ན་ཨཱ་བེེ་ཤ་ཡ་ཕེཾ༔ མ་ཧཱ་པཱུ་ཛ་ཧོཿ གཉིས་པ་དངོས་གཞི་ལྷ་བསྐྱེད་ནི༔ ཨ༔ ཆོས་རྣམས་རང་བཞིན་སྟོང་པ་ ཆེ༔ སྟོང་ཉིད་གདངས་ལས་ཐུགས་རྗེའི་རྩལ༔ རིག་པ་རྒྱུ་ཡི་ས་བོན་༔ དེ་ལས་བྷྲཾ་འཕྲོས་ཡོངས་གྱུར་ལས༔ བདེ་ཆེན་དག་པའི་ཞིང་ཁམས་སུ༔ རང་བྱུང་ལྷུན་གྲུབ་གཞལ་ཡས་ཁང་༔ བཀོད་པ་རབ་རྫོགས་ཕོ་བྲང་དབུས༔ ཐབས་ཤེས་པད་ཉི་ཟླ་གདན་སྟེང་༔ རང་ཉིད་སྐད་ཅིག་དྲན་རྫོགས་སུ༔ རིག་པ་ཆོས་ཉིད་དོན་གྱི་ལྷ༔ མཚོ་སྐྱེས་རྡོ་རྗེ་སྤྲུལ་པའི་སྐུ༔ དཀར་དམར་མདངས་ལྡན་ཞི་ཞིང་འཛུམ༔ ཞལ་གཅིག་ཕྱག་གཉིས་གཡས་པ་ཡིས༔ རྡོ་རྗེ་རྩེ་ལྔ་ཐུགས་ཀར་འཛིན༔ གཡོན་པས་མཉམ་བཞག་ཚེའི་བྷནྡྷ༔ ཚེ་བཅུད་བདུད་རྩིས་བཀང་བ་བསྣམས༔ ཞབས་གཉིས་རྒྱལ་པོ་རོལ་སྟབས་བཞུགས༔ དབུ་ལ་འདབ་ལྡན་མཐོང་གྲོལ་གསོལ༔ སྐུ་ལ་ཕོད་ཀ་བེར་མཐིང་དང་༔ ཐང་ཤམ་ཆོས་གོས་བླ་གོས་བཀླུབས༔ ལོག་རྟོག་འདུལ་ཕྱིར་ཐོད་ཕྲེང་དང་༔ ཞབས་ལ་སྭག་ལྷམ་མཛེས་པར་གསོལ༔ སྤྱན་གཉིས་འབྲུ་ཚུགས་དབྱིངས་སུ་གཟིགས༔ གསང་ཡུམ་ཁ་ཊཱཾ་མཆན་དུ་བརྟེན༔ རིན་པོ་ཆེ་ཡིས་སྙན་མགུལ་བརྒྱན༔ ཡེ་ཤེས་འཇའ་འོད་འཁྱིལ་བའི་ཀློང་༔ སྣང་ལ་རང་བཞིན་མེད་པར་གསལ༔ སྤྱི་བོར་རིགས་ཀྱི་བདག་པོ་ནི༔ རྒྱལ་བ་འོད་སྣང་མཐའ་ཡས་དམར༔ མཉམ་ །༈ བཞག་སྐྱིལ་ཀྲུང་མཚན་དཔེ་རྫོགས༔ རིགས་ཀུན་ཡོངས་འདུས་ངོ་བོར་བཞུགས༔ ཤར་དུ་རྡོ་རྗེ་མཁའ་འགྲོ་དཀར༔ ལྷོ་རུ་རིན་ཆེན་མཁའ་འགྲོ་སེར༔ ནུབ་ཏུ་པདྨ་མཁའ་འགྲོ་དམར༔ བྱང་དུ་ཀརྨ་མཁའ་འགྲོ་ལྗང་༔ ཀུན་ཀྱང་ཞལ་གཅིག་ཕྱག་གཉིས་པ༔ གཡས་པས་ཅང་ཏེའུ་སྙན་ཐད་དཀྲོལ༔ གཡོན་པས་གྲི་གུག་དཀུ་ལ་བརྟེན༔ དར་དཔྱངས་རིན་ཆེན་རུས་རྒྱན་སྤྲས༔ བཞེངས་པའི་སྟབས་ཀྱིས་པད་ཟླར་བཞུགས༔ འཁོར་དུ་འབུམ་ཕྲག་མཁའ་འགྲོས་བསྐོར༔ ཡེ་ཤེས་འཇའ་འོད་ཀློང་དུ་བསྒོམ༔ དེ་ལྟར་གསལ་བའི་གནས་གསུམ་ལས༔ འོད་འཕྲོས་དབྱིངས་བཞུགས་རྒྱལ་བ་རྣམས༔ རིག་འཛིན་བླ་མའི་རྣམ་པ་རུ༔ སྤྱན་དྲངས་གཉིས་མེད་རོ་གཅིག་གྱུར༔ དེ་ནས་སྤྱན་འདྲེན་བཞུགས་གསོལ་ནི༔ ཧཱུྃ་ཧྲཱིཿ བདེ་ཆེན་པདྨ་འོད་ཀྱི་ཞིང་༔ ལྷུན་གྲུབ་དག་པའི་གནས་ཡས་ནས༔ རིག་འཛིན་པདྨ་ཐོད་ཕྲེང་རྩལ༔ འཁོར་དུ་མཁའ་འགྲོ་མང་པོས་བསྐོར༔ ཁྱེད་ཀྱི་རྗེས་སུ་བདག་སྒྲུབ་ཕྱིར༔ བྱིན་གྱིས་བརླབ་ཕྱིར་གཤེགས་སུ་གསོལ༔ ཡོངས་གྲུབ་གདན་གསུམ་དཀྱིལ་འཁོར་འདིར༔ མི་གཡོ་བརྟན་པར་བཞུགས་སུ་གསོལ༔ བཛྲ་ས་མ་ཡ་ཛ་ཛ་སྟྭཾ༔ ཏིཥྛ་ ལྷན༔ ན་མོ་ན་མ་ཧོཿ དེ་ནས་མཆོད་པ་ནི༔ ཨོཾ་ཨཱཿཧཱུྃ༔ ཀ་དག་གདངས་ལས་ཤར་བ་ཡི༔ སྣང་སྲིད་མཆོད་པའི་ཕྱག་རྒྱར་སྤྲུལ༔ རིག་འཛིན་དཀྱིལ་འཁོར་དགྱེས་པའི་རྫས༔ མཆོད་སྤྲིན་རབ་འབྱམས་ཞིང་ཀུན་ཁྱབ༔ ཡེ་ཤེས་བདུད་རྩི་བླ་ན་མེད༔ དགྱེས་བཞེས་མཆོག་གི་དངོས་གྲུབ་སྩོལ༔ ཨོཾ་བཛྲ་ཨརྒྷཾ་སོགས། ཤཔྡ་རཱུ་པ་སོགས། སྤཪྴ་མ་ཧཱ་སརྦ་པཉྩ་ཨ་མྲྀ་ཏ་བྷ་ལིཾ་ཏ་རཀྟ་སརྦ་ཏ་ན་ག་ཎ་པཱུ་ཛ་ལ་ཁཱཁཱ་ཧི༔ དེ་ནས་བསྟོད་པ་ནི༔ ཧཱུྃ༔ སྐུ་ནི་མི་འགྱུར་ཀུན་ཏུ་བཟང་པོའི་སྐུ༔ གསུང་དབྱངས་འགགས་མེད་མཉམ་ཉིད་རིག་པའི་གསུངས༔ ཐུགས་མཆོག་མི་གཡོ་སྨྲ་བསམ་བྲལ་བའི་ཐུགས༔ རྫོགས་པའི་སངས་རྒྱས་ཐོདཕྲེང་རྩལ་ལ་བསྟོད༔ དབྱིངས་དང་ཡེ་ཤེས་གཉིས་མེད་བདེ་བའི་གར༔ ལས་བཞིའི་ཕྱག་རྒྱར་སྐུར་བཞེངས་དགའ་སྟེར་མ༔ རིགས་བཞིའི་འབུམ་ཕྲག་མཁའ་འགྲོའི་ཚོགས་དང་བཅས༔ དཀྱིལ་འཁོར་ཡོངས་རྫོགས་ལྷ་ལ་ཕྱག་འཚལ་བསྟོད༔ ཨོཾ་བཛྲ་སཏྭ་ས་མ་ཡ་སོགས་ཚང་བར་བརྗོད༔ དེ་ནས་ཛཔ་དམིགས་ནི༔ ཧཱུྃ༔ རང་ཉིད་རིགས་འདུས་བླ་མ་ཡི༔ ཐུགས་ཀར་དྭངས་མའི་འོད་ཐིག་ཀློང་༔ གསེར་གྱི་རྡོ་རྗེ་རྩེ་ལྔ་པའི༔ ལྟེ་བར་ཉི་ཟླའི་གྭའུའི་སྦུབས༔ ཐུགས་སྲོག་ཧཱུྃ་ ༧2༡ ཡིག་དཀར་དམར་ལ༔ རྩ་བའི་སྔགས་ཀྱིས་གཡས་སུ་བསྐོར༔ དེ་ལས་འོད་འཕྲོས་རྒྱལ་ཀུན་མཆོད༔ དབང་བྱིན་དངོས་གྲུབ་མ་ལུས་བསྡུས༔ སྲོག་གི་སྙིང་པོར་རོ་གཅིག་བསྟིམ༔ མར་འཕྲོས་འགྲོ་བའི་ལས་ཉོན་སྦྱངས༔ འབྱུང་ལྔའི་དྭངས་བཅུད་ཚེ་བསོད་རྣམས༔ འོད་ཀྱི་རྣམ་པར་རང་ལ་བསྡུས༔ སྣང་གྲགས་རིག་པ་ཆོས་ཉིད་ངང་༔ མ་ཡེངས་མི་བསྒོམ་གཟེར་གྱིས་ནི༔ དཀྱིལ་འཁོར་གསུམ་ལྡན་ངང་ནས་བཟླ༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཐོདཕྲེང་རྩལ་ཧྲཱིཿམ་ཧ་རི་ནི་ས་སརྦ་སིདྡྷི་ཕ་ལ་ཧཱུྃ༔ དེ་ལྟར་མི་ཚིག་མ་འདྲེས་པར༔ སྲོག་སྡོམ་གཟེར་བཞིའི་གནད་ལྡན་པས༔ བྱེ་བ་གཅིག་བཟླས་བསྙེན་པ་དང་༔ སྒྲུབ་དང་ལས་སྦྱོར་དམིགས་པས་དབྱེ༔ དམིགས་པའི་བསྒྱུར་ཁ་གནད་ལྡན་ན༔ རིམ་གཉིས་དངོས་གྲུབ་མི་འགྱང་ཐོབ༔ ཚེ་འདིར་ཕྱག་རྒྱའི་རིག་འཛིན་བརྙེས༔ ས་མ་ཡ༔ རྗེས་རིམ་ཚོགས་མཆོད་རིམ་པ་ནི༔ རྣལ་འབྱོར་ཉམས་ཆགས་སྦྱང་བའི་ཐབས༔ བསོད་ནམས་ནང་ནས་ཚོགས་འཁོར་ཟབ༔ རིག་འཛིན་མཁའ་འགྲོ་འདུ་བ་དང་༔ ཚོགས་རྫོགས་ཉམས་རྟོགས་འཕེལ་བའི་ཐབས༔ ག་ཎ་ཙཀྲའི་འཁོར་ལོར་བརྩོན༔ བཟའ་བཅའ་ལ་སོགས་ཅི་འབྱོར་དང་༔ མཱཾ་ས་ཛ་གད་དཔའ་བོའི་རྫས༔ བཀོད་ལེགས་ཡིད་འོང་ལེགས་བཤམས་ནས༔ དང་པོ་བྱིན་གྱིས་བརླབས་པ་ནི༔ ཧཱུྃ༔ སྣང་བ་སྣོད་ཀྱི་ཀ་པཱ་ལར༔ སྲིད་ད ྋ པའི་དཔལ་ཡོན་ཚོགས་སུ་བཤམས༔ ཀུན་བཟང་མཆོད་སྤྲིན་བླ་ན་མེད༔ རྒྱལ་ཀུན་དགྱེས་པའི་རྫས་སུ་གྱུར༔ རཾ་ཡཾ་ཁཾ༔ ཨོཾ་ཨཱཿཧཱུྃ༔ ཧ་ཧོ་ཧྲཱིཿ ལན་གསུམ་གྱིས་བརླབས༔ དེ་ནས་སྤྱན་འདྲེན་ཚོགས་འབུལ་ནི༔ ཧཱུྃ་ཧྲཱིཿ རང་སྣང་དགཔ་དཔལ་རིའི་ཞིང་༔ བདེ་ཆེན་འགྱུར་མེད་གཞལ་ཡས་ནས༔ རིག་འཛིན་པདྨ་ཐོད་ཕྲེང་རྩལ༔ འཁོར་དུ་མཁའ་འགྲོ་མང་པོས་བསྐོར༔ བརྒྱུད་གསུམ་རིག་འཛིན་བླ་མ་དང་༔ རྒྱ་བོད་པཎ་གྲུབ་རྒྱ་མཚོའི་ཚོགས༔ གནས་གསུམ་མཁའ་འགྲོ་དམ་ཅན་བཅས༔ འདོད་ཡོན་ཚོགས་ལ་སྤྱན་འདྲེན་གཤེགས༔ དགྱེས་པའི་གདན་ལ་བཞུགས་སུ་གསོལ༔ ཕྱི་ནང་གསང་བའི་ཚོགས་མཆོད་འབུལ༔ བདག་ཅག་ཚོགས་གཉིས་རྫོགས་ཕྱིར་བཞེས༔ མ་ཧཱ་སརྦ་ག་ཎ་ཙཀྲ་པཱུ་ཛ་ལ་ཁཱ་ཧི༔ དེ་ནས་བསྐང་བཤགས་ནི༔ ཨོཾ་ཨཱཿཧཱུྃ༔ ཆོས་ཉིད་སྒྱུ་འཕྲུལ་རོལ་པ་ལས༔ སྣོད་བཅུད་འདོད་ཡོན་ཕྱི་ཡི་ཚོགས༔ འབྱོར་ཚོགས་ལོངས་སྤྱོད་ནང་གི་ཚོགས༔ བདེ་སྟོང་མཉམ་སྦྱོར་གསང་བའི ཚོགས༔ ལྷུན་གྲུབ་རང་བྱུང་མཆོད་པའི་རྫས༔ ཡེ་ཤེས་བདུད་རྩི་བླ་ན་མེད༔ དགོངས་བརྡ་སྙན་བརྒྱུད་བླ་མ་དང་༔ ཡི་དམ་རྒྱུད་སྡེ་བཞི་དྲུག་ལྷ༔ གནས་ཡུལ་དཔའ་བོ་མཁའ་ །ཧོཿ འགྲོ་དང་༔ དཀྱིལ་འཁོར་གཙོ་མཆོག་ཐོད་ཕྲེང་རྩལ༔ རིགས་བཞི་མཁའ་འགྲོ་དམ་ཅན་སོགས༔ དཀྱིལ་འཁོར་ལྷ་ཚོགས་རྣམས་ལ་འབུལ༔ ཐུགས་དམ་བསྐང་ལ་ཉམས་ཆགས་བཤགས༔ ལྟ་བ་མཐའ་བྲལ་ཀློང་དུ་བསྐང་༔ སྒོམ་པ་ཟང་ཐལ་ཆེན་པོར་བསྐང་༔ སྤྱོད་པ་བླང་དོར་བྲལ་བར་བསྐང་༔ འབྲས་བུ་ཡེ་གྲོལ་ཆེན་པོར་བསྐང་༔ གཉིས་སྣང་ཆོས་ཉིད་ཀློང་དུ་བསྐང་༔ འཁོར་བ་མྱང་འདས་ཆེན་པོར་བསྐང་༔ བསྐངས་གྱུར་དབང་དང་དངོས་གྲུབ་སྩོལ༔ སྡོམ་གསུམ་བསྲུང་མཚམས་ལས་འདས་པ༔ འདོད་ཡོན་ལོངས་སྤྱོད་ཚོགས་ཀྱིས་བཤགས༔ མི་སྒྲིབ་ཚངས་པར་མཛད་དུ་གསོལ༔ ཨོཾ་ས་མ་ཡ༔ ཨཱཿས་མ་ཡ༔ ཧཱུྃ་ས་མ་ཡ༔ ག་ཎ་ཙཀྲ་སཏྭ་ས་མ་ཡ་ཿ སོགས། ཨཱཿ དེ་ནས་བསྒྲལ་བསྟབ་ནི༔ ཧྲཱིཿ མ་རིག་བདག་རྟོག་རཱུ་ཏྲ་བགེགས༔ ཡེ་ཤེས་རོལ་པའི་མཚོན་གྱིས་བསྒྲལ༔ དཀྱིལ་འཁོར་ལྷ་ཡི་ཞལ་དུ་བསྟབས༔ འཁྲུལ་མེད་ཀ་དག་དབྱིངས་སུ་སངས༔ རུ་ཏྲ་མཱ་ར་ཡཕཊ༔ ཁ་རཾ་ཁཱ་ཧི༔ དེ་ནས་ཚོགས་ལ་རོལ་དང་ལྷག་མ་ནི༔ ཧོཿ བླ་མེད་གསང་བའི་དམ་ཚིག་རྫས༔ ཚིམས་པ་དྲུག་ལྡན་ངང་དུ་རོལ༔ ཨ་ལ་ལ་ཧོཿ ཕེཾ༔ དཔལ་གྱི་བཀའ་ཉན་ལྷག་སྡུད་རྣམས༔ འདོད་ཡོན་ཚོགས་ཀྱི་ལྷག་མ་བཞེས༔ ཕྲིན་ལས་སྒྲུབ་ཤིག་ས་མ་ཡ༔ མ་བྷྱོཿཛ་སརྦ་བ་ལིཾ་ཏ་ཁཱ་ཧི༔ དེ་ནས་ཆདདོན་བསྟན་སྐྱོང་ནི༔ ཧཱུྃ་བྷྱོཿ དུས་གསུམ་རྒྱལ་བའི་སྤྱན་སྔ་རུ༔ ཁས་བླངས་དམ་བཅས་དྲེགས་པའི་སྡེ༔ ཆོས་སྐྱོང་ཕོ་རྒྱུད་མོ་རྒྱུད་དང་༔ བརྟན་མ་ཡ་མ་སྐྱོང་མའི་ཚོགས༔ འདིར་གཤེགས་མཐུན་པའི་མཆོད་གཏོར་བཞེས༔ ཟབ་གསང་བསྟན་དང་བསྟན་འཛིན་སྐྱོངས༔ རབ་འབྱམས་ཕྲིན་ལས་ཡོངས་འགྲུབ་མཛོད༔ དམ་ལ་མ་འདའ་ས་མ་ཡ༔ དེ་ནས་བྲོ་མནན་ནི༔ ཧཱུྃ༔ མ་རིག་དུག གསུམ་འཁྲུལ་པའི་འདྲེ༔ ཡེ་ཤེས་རོལ་པའི་ཕྱག་རྒྱས་བཀུག༔ སྐུ་གསུམ་རི་རབ་འབར་བས་མནན༔ ནམ་ཡང་ལྡང་མེད་བྲོ་རྒྱས་བཏབ༔ སྟྭཾ་བྷ་ཡ་ནན༔ མཆོད་བསྟོད་བྱ་ཞིང་དངོས་གྲུབ་ནི༔ ཧོཿ རིག་འཛིན་བླ་མའི་དཀྱིལ་འཁོར་གྱི༔ གསང་གསུམ་རྡོ་རྗེའི་ཀློང་མཛོད་ནས༔ སྐུ་གསུང་ཐུགས་ཀྱི་དབང་དངོས་གྲུབ༔ བདག་གི་སྒོ་གསུམ་སྣོད་དུ་བསྐྱིལ༔ བུམ་གསང་ཤེས་རབ་བཞི་པའི་དབང་༔ འཕོ་སྨིནགྲོལ་ཐོབ་དངོས་གྲུབ་སྩོལ༔ རྩ་སྔགས་མཐར་ཀཱ་ཡ་ཝཱཀ་ཙིཏྟ་སརྦ་