Tibetan
རིམ ཁྱབ་འདོད་ཆགས་གཏི་མུག་དང་༔ ང་རྒྱལ་ཞེ་སྡང་སྒྲིབ་པ་ཀུན་བཅོམ་ནས༔ ཧེ་རུ་ཀ་བསྐུལ་རིག་བདེ་བཟོད་མེས་ཞུ༔ འཛག་པའི་ཐིག་ལེ་དངུལ་ཆུའི་རྡུལ་བཞིན་བབས༔ སྤྱི་མགྲིན སྙིང་ག་ལྟེ་བའི་འཁོར་ལོ་ཀུན༔ ཡོངས་གང་དགའ་བ་མཆོག་དགའ་ཁྱད་པར་དགའ༔ ལྷན་ཅིག་སྐྱེས་དང་སྟོང་དང་སྟོང་པ་ཆེ༔ ཤིན་ཏུ་སྟོང་དང་ཐམས་ཅད་སྟོང་པ་ཡི༔ འོད་གསལ་རིམ་འཆར་གཏུམ་མོའི་བདེ་དྲོད་འབར༔ མེ་དང་བདུད་རྩི་བྲོས་དེད་ཚུལ་གྱིས་ནི༔ གསང་བའི་གནས་འབབས་ཕྲག་དོག་སྒྲིབ་པ་བཅོམ༔ བསམ་གྱིས་མི་ཁྱབ་རིག་པའི་རང་ཞལ་བལྟ༔ རྫིང་ལྟར་བསྐྱིལ་ནས་བདེ་བར་སེམས་བཟུང་ནས༔ རླུང་ཁུག་བདུན་ཙམ་མཉམ་པར་བཞག་པའི་མཐར༔ སྦུབས་ཆུས་དྲངས་བཞིན་ལྟེ་བར་སྙིང་ག་དང་༔ མགྲིན་པ་སྤྱི་བོའི་གནས་སུ་རིམ་གྱིས་དྲངས༔ དགའ་བ་ནས་བཟུང་ཐམས་ཅད་སྟོང་པའི་བར༔ མས་བརྟན་ཤེས་རབ་དགའ་བ་བཞི་དང་ནི༔ སྟོང་བཞིའི་འོད་གསལ་བདེ་སྟོང་ཟུང་འཇུག་པའི༔ ཡེ་ཤེས་རང་ཞལ་བལྟ རིམ ཞིང་ཀ་དག་ཀློང་༔ དམིགས་བསམ་བརྗོད་པ་བྲལ་བར་ཀློད་ཀྱིས་འཇོག༔ ཡང་ཡང་བསྒོམ་པས་རྩོལ་བའི་མཐུས་དྲངས་པའི༔ སྔོན་མའི་འོད་གསལ་རིམ་ལྡང་རིམ་འཇུག་པ༔ ཆེས་ཆེར་གསལ་ཞིང་བརྟན་པར་འཆར་བ་ཡིན༔ སླར་ཡང་གཏུམ་མོའི་མེ་རླུང་ཤུགས་རྒྱས་ནས༔ ཆེས་ཆེར་འབར་བས་ཕུང་ཁམས་སྐྱེ་མཆེད་བསྲེགས༔ དེ་ལས་ཆེར་མཆེད་ཕྱི་ནང་སྣོད་བཅུད ཆོས༔ བདག་གཞན་གཟུང་དང་འཛིན་པའི་ཡུལ་ཡུལ་ཅན༔ དམིགས་མེད་ཟངས་ཐལ་འོད་གསལ་ངང་དུ་སྦྱངས༔ འཁོར་འདས་ཐམསཅད་དབུ་མ་གཅིག་གིས་གང་༔ མེ་རླུང་སྟོབས་རྒྱས་ནུས་པ་ཆེར་འབར་བས༔ བདེ་སྟོང་ཡེ་ཤེས་ངང་ལ་མཉམ་པར་བཞག༔ དབུ་མ་མེ་བཅས་ཇེ་ཕྲར་གྱུར་ནས་ནི༔ རྟ་རྔ་བརྒྱད་གཤག་ཙམ་གྱི་ཆ་འདྲ་བའི༔ དབུ་མའི་སྦུག་ཏུ་མེ་ཟུག ཀྱང་ཕྲ་བ་ལ༔ སེམས་བཟུང་བདེ་སྟོང་དབྱེར་མེད་ངང་དུ་བཞག༔ རྗེས་ཤེས་ཐམས་ཅད་ཆོས་ཉིད་སྒྱུ་མར་སྦྱངས༔ བཟའ་བཏུང་དངོས་པོ་ཀུན་ཀྱང་བྱང་ཆུབ་སེམས༔ དཀར་དམར་ཐིག ལེའི་ངང་དུ་ལམ་ཁྱེར་བྱ༔ ཐ་མལ་འཁྲུལ་རྟོག་དབང་དུ་མི་གཏོང་བར༔ དག་པ་རབ་འབྱམས་ཆེན་པོར་ཉམས་སུ་ལེན༔ ས་མ་ཡ༔ དེ་ནས་རྫོགས་རིམ་གསང་བའི་གབ་ཐིག་ནི༔ ཀར །ད། རྩ་འཁོར་རྣམས་སུ་འོད་ལྔའི་ཐིག་ལེ་བསྒོམ༔ ཐིག་ལེའི་འོད་ཀྱིས་རྒྱལ་མཆོད་བྱིན་རླབས་བསྡུས༔ ཕྱི་ནང་སྣོད་བཅུད་འཛིན་ཞེན་དྲི་མ་སྦྱངས༔ ཐམས་ཅད་འོད་གསལ་རོལ་པར་མེར་གྱིས་ཞུ༔ གནས་ལྔའི་ཐིག་ལེ་རྣམས་སུ་ཐིམ་མ་ཐག༔ གྲངས་ཅན་གྲངས་མེད་རྩ་ཡི་འཁོར་ལོ་དང་༔ ཤ་ཁྲག་དྲོད་དབུགས་ཕུང་ཁམས་སྐྱེ་མཆེད་ཆོས༔ ཀུན་ཀྱང་འོད་ཐིག་རོལ་པར་ཐམ་གྱིས་གྱུར༔ གང་ཡང་གཟའ་གཏད་ཞེན་འཛིན་རང་སྟོང་པའི༔ བློ་འདས་འོད་གསལ་ངང་དུ་མཉམ་པར་བཞག༔ མིག་ཀྱང་མི་འགུལ་ནམ་མཁའི་མཐོངས་སུ་བལྟ༔ ཤེས་པ་གཡོ་མེད་ཁོང་སྙིང་ཕྱུང་བ་བཞིན༔ སལ་ལེ་སང་ངེ་ཝལ་ལེ་རྗེན་གྲེས་སེ༔ བཞི་ལྡན་ཆོས་སྐུའི་རིག་པར་ལྷན་གྱིས་བཞག༔ ལུས་ངག་ཡིད་གསུམ་བྱ་བ་ཀུན་བཏང་ནས༔ མི་དགེར་མི་འཇུག་དགེ་ལའང་མི་སེམས་པར༔ དབྱིངས་དང་ཡེ་ཤེས་མཉམ་བརྡལ་གཤིས་སུ་སྐྱོངས༔ འཐོར་བའི་འཚོགས་པའི་ཉེར་ལེན་འབྱུང་བ་ན༔ གཞི་རྩ་བྲལ་བའི་གཤིས་ལས་མི་གཡོ་བར༔ རྣམ་པར་རྟོགས་པ་ཆུ་ལ་རི་མོ་བཞིན༔ ཕན་གནོད་བྲལ་བར་དབྱིངས་གཅིག་ངང་དུ་འཇོག༔ ཡེ་ནས་གྲོལ་བས་བསྐྱར་གཞིའི་ཆོས་ལས་འདས༔ རང་སར་གྲོལ་བས་མཁའ རིམ ལ་སྦྲུལ་མདུད་བཞིན༔ ཤར་ཐོག་གྲོལ་བ་ཆུ་དང་རླབས་ལྟ་བུ༔ མ་གྲོལ་ཆོས་མེད་མཐའ་གྲོལ་ཀློང་ཆེན་ཡངས༔ ལྟ་བས་ཐག་བཅད་སྒོམ་པ་རང་སོར་ཀློད༔ སྤྱོད་པ་སྤང་བླང་བྲལ་བར་རྗེན་ལ་ཕུད༔ འབྲས་བུ་ཡུལ་དུ་མ་འཛིན་རང་ལ་རྫོགས༔ ཐོབ་ལེན་བྲལ་བར་གཤིས་ཐོགས་ས་བཟུང་ནས༔ ལས་དང་བྱ་བྱེད་རྨི་ལམ་སྣང་བ་བཞིན༔ རྗེས་མཐུད་མེད་པར་ཚུགས་མི ཐུབ་པར་གྲོལ༔ གྲོལ་ཞེས་བྱ་བའང་བློ་ཡི་འཛིན་པ་ཙམ༔ ཐམས་ཅད་རང་གྲོལ་ཆོས་སྐུའི་ངང་དུ་གནས༔ བྱ་རྩོལ་བློ་འདས་རྫོགས་པ་ཆེན་པོ་ནི༔ མཐའ་བྲལ་ཀློང་ཡངས་ནམ་མཁའ་ལྟ་བུར་གནས༔ གཟའ་གཏད་བྲལ་བར་རང་བབས་ངང་དུ་ཞོག༔ ཕྱི་ནང་དབྱེར་མེད་ནམ་མཁའ་འདྲེས་པའི་ཉམས༔ བདེ་གསལ་མི་རྟོག་ཉམས་ཀྱིས་བརྒྱན་པ་ཡི༔ བློ་འདས་འོད་གསལ མཐའ་དབུས་བྲལ་བར་འཆར༔ འདི་གཉིས་གཉིས་རྟོག་མ་རིག་མུན་པའི་སྨག༔ བདེ་ཆེན་ཟུང་འཇུག་ངང་དུ་སྦྱོང་བའི་ལམ༔ ཀུན་ཏུ་བཟང་པོའི་དགོངས་པ་བླ་ན་མེད༔ གཅིག་ཤེས ཀུན་གྲོལ་གདམས་པ་མཆོག་འདི་འཕགས༔ ས་མ་ཡ༔ འབྱུང་བའི་དྭངས་མ་ཙིཏྟ་ཤ་ཡི་སྒྲོན༔ རྩ་ཡི་དྭངས་མ་དཀར་འཇམ་འོད་གསལ་སྒྲོན༔ སྒོ་ཡི་དྭངས་མ་རྒྱང་ཞགས་ཆུ་ཡི སྦྱློ །དེ སྒྲོན༔ འདི་དག་སྣོད་ཀྱི་སྒྲོན་མ་གསུམ་ཡིན་ནོ༔ ཕྱི་འབྱུང་དྭངས་མ་ནམ་མཁའ་རྣམ་དག་སྒྲོན༔ ནང་འབྱུང་དྭངས་མ་ཐིག་ལེ་སྟོང་པའི་སྒྲོན༔ སེམས་ཀྱི དྭངས་མ་ཤེས་རབ་རང་བྱུང་སྒྲོན༔ འདི་གསུམ་བཅུད་ཀྱི་སྒྲོན་མ་གསུམ་ཡིན་ནོ༔ དེ་ནས་ཆོས་སྐུའི་བཞུགས་སྟངས་སེང་གེའི་ཚུལ༔ སྒལ་རྒྱུད་མདའ་ལྟར་བསྲངས་ཤིང་མཇིངས་པ སྒུག༔ རྐང་མཐིལ་མདུན་སྤྲད་རྡོ་རྗེའི་ཁུ་ཚུར་གཉིས༔ གཡས་གཡོན་ནམ་ནི་དབུས་སུ་སར་གཏད་འཛུག༔ གཟིགས་པའི་གནད་ནི་མིག་གྱེན་བཟློག་ནས་བལྟ༔ ལོངས་སྐུའི་བཞུགས སྟངས་གླང་ཆེན་ལྟ་བུ་ནི༔ ཁ་སྦུབས་པུས་བྲང་སྦྱར་ནས་མཐིལ་ཕྱིར་ཕུད༔ གྲུ་མོ་སར་བཙུག་ཨོལ་ཀོ་ཐལ་མོས་བཏེགས༔ གཟིགས་པའི་གནད་ནི་གཡས་གཡོན་འཕྲེད་ཟུར་བལྟ༔ སྤྲུལ་སྐུའི་བཞུགས་སྟངས་དྲང་སྲོང་ལྟ་བུ་ནི༔ ཙོག་པུར་འདུག་ཅིང་སོར་མོས་པུས་མོར་འཁྱུད༔ མགྲིན་པ་ཡུད་ཙམ་དགུག་ཅིང་ལྕེ་རྐན་སྦྱར༔ རྒལ་རྒྱུད་བསྲང་ཞིང་གཟིགས་པ་སྒོ་ཡི་གནད༔ ཅུང་ཟད་མཐུར་དུ་ལྡོག་ཕབ་ཟིམ་བུས་བལྟ༔ འཁྲུལ་འཁོར་ལུས་དང་གཟིགས་པ་སྒོ་གནད་ཀུན༔ གྲིམ་ལྷོད་རན་པར་བྱ་བ་གནད་དུ་ཤེས༔ ཡུལ་ནི་ཉི་མའི་འོག་ཏུ་ཁྲུགང་སར༔ རིམ ཟླ་བའི་བཞིན་དང་མན་ཤེལ་སྟེང་དུ་བལྟ༔ ཨ་ལོ་ཀེ་ནི་ཀུན་ལ་ཤིས་པས་ན༔ གཡས་གཡོན་མདུན་ཐད་སྟེང་གི་ནམ་མཁར་བལྟ༔ རླུང་གི་གནད་ནི་མཆུ་སོ་མ་རེག་པའི༔ བར་ནས་འབྱུང་འཇུག་དལ་བུར་བསླབ་པར་བྱ༔ རྟོགས་པ་སྐྱེད་དང་དད་མོས་སྙིང་རྗེ་དང་༔ ངེས་པར་འབྱུང་སོགས་དགེ་བའི་སེམས་ལྡན་ཚེ༔ ཡུད་ཙམ་ནང་དུ་འཛིན་ཅིང་དུག་ལྔ་དང་༔ དུག་གསུམ་རྟོག་པའི་དབང་གིས་འཕྲོ་རྒོད་འཐོར༔ བྱིངས་རྨུགས་འཐིབ་གསུམ་ལ་སོགས་གེགས་བྱུང་ཚེ༔ རླུང་གི་རྒྱུ་བ་ནང་དུ་མི་འཛིན་པར༔ ཕྱི་རུ་འདུར་ཞིང་ཀ་དག་རིག་ངོ་བསྐྱང་༔ རིག་པའི་གནད་ནི་དབྱིངས་དང་ཐིག་ལེའི་ཀློང་༔ ལུགུ་བརྒྱུད་ལ་ཐབས་ཀྱིས་གཟིར་བར་བྱ༔ ནང་གི་ཡེ་ཤེས་སྐུ་རུ་ཤར་བ་ནི༔ རྡོ་རྗེ་ལུག་བརྒྱུད་འགྲོ་འོང་ཚུལ་དུ་སྣང་༔ དབྱིངས་ལ་གོམས་ན་ཞིང་སྣང་བཀོད་པ་རྫོགས༔ ཐིག་ལེ་ལ་གོམས་གཞལ་ཡས་ཁང་དུ་སྨིན༔ རིག་གདངས་ལ་གོམས་རིགས་ལྔ་སྟོན་འཁོར་གྱི༔ ཚུལ་དུ་སྣང་ཞིང་མཆེད་པ་གོང་དུ་འཕེལ༔ ཚད་ཕེབས་ཡོན་ཏན་མ་ལུས་ལྷུན་གྱིས་རྫོགས༔ གདོད་ནས་དག་པའི་རིག་པ་བྱང་ཆུབ་སེམས༔ སྐྱེ་འགགས་ལས་འདས་སྟོང་དང་མཚན་མ་མེད༔ སྨོན་པ་མེད་དེ་བརྒྱད་བྲལ་སྒོ་གསུམ་ལྡན༔ ཀར །དེ༽ ངོ་བོ་རང་བཞིན་ཐུགས་རྗེ་གསུམ་གྱི་བདག༔ གདོད་མའི་མགོན་པོ་དྲི་མེད་ཟང་ཐལ་གྱི༔ དགོངས་པའི་ངང་ལས་སྐད་ཅིག་མི་གཡོ་བར༔ ཕྱི་གསལ་གདངས ཀྱི་སྣང་བ་དག་པའི་ཀློང་༔ མིག་གི་དེ་ཉིད་མཁས་པའི་ལྕགས་ཀྱུས་གཟིར༔ དབྱིངས་ཐིག་མངོན་བྱེད་རྩལ་དུ་གོམས་པ་ལས༔ བཟང་ངན་རེ་དོགས་ཡིད་དཔྱོད་སྤུ་རིས་སོགས༔ གང་ཡང་མི་བྱེད་རང་གསལ་རྗེན་པར་འཇོག༔ རྟོག་པས་བཅིངས་ན་འཁོར་བ་ལས་མི་འདའ༔ ཡིད་དཔྱོད་བློ་ལས་འདས་ན་སངས་རྒྱས་ཐུགས༔ སྐུ་ཐུགས་ཟུང་འཇུག་གདམས་པ་བླ་ན་མེད༔ འོད་སྣང་ལ་གོམས་བསོད་ནམས་ཚོགས་དང་ནི༔ སྟོང་གསལ་འདུས་མ་བྱས་པའི་དབྱིངས་ལ་སྤྱོད༔ དེས་ནི་ཡེ་ཤེས་ཚོགས་ཀྱང་རྫོགས་པ་ཡིན༔ དེ་ལྟར་གནད་ལ་མཁས་པའི་ལམ་འདི རུ༔ བརྩོན་འགྲུས་དྲག་པོས་ཤིན་ཏུ་གོམས་བྱས་ན༔ དབྱིངས་ཐིག་སྨིན་མཚམས་ནས་བྲལ་ཟླུམ་འཁྲིག་འབར༔ ཐིག་ལེ་སུམ་འབྲེལ་རྡོ་རྗེ་ལུ་གུ་བརྒྱུད༔ གསེར་སྐུད་ལྡིང་བཞིན དབྱིངས་ཐིག་ར་བར་སྡོད༔ ལུས་ནི་རུས་སྦལ་འཁར་གཞོང་བཅུག་པ་བཞིན༔ རྩ་རླུང་ཐིག་ལེ་རང་དལ་གཡོ་མེད་སྡོད༔ ངག་ནི་པི་ཝཾ་རྒྱུན་ཐགས་ཆད་པ་ལྟར༔ ངག་རླུང་རྒྱུ་བ་རང་དག རིམ འཕེལ་མེད་སྡོད༔ སེམས་ཀྱང་མཁའ་འགྲོ་རྙི་ལ་ཟིན་བཞིན་དུ༔ རིག་པ་ཆོས་ཉིད་ངང་ལས་འགྱུར་བ་མེད༔ ཅོག་བཞག་གསུམ་གྱི་ངང་ལས་གཡོ་བ་མེད༔ དེ་ནི་ཆོས་ཉིད་མངོན་སུམ སྣང་བའོ༔ དེ་ནས་ཕྱི་ནང་ཡེ་ཤེས་མཆེད་འཕེལ་ནས༔ དབྱིངས་ཀྱང་གྱེན་འགྲེང་རྩིབས་ཤར་འོད་ལྔར་འབར༔ རྡོ་རྗེ་འཁོར་ལོ་པདྨ་རིན་ཆེན་དང་༔ རྒྱ་གྲམགྲུ་ཆད་རེ་ལྡེའི་རྣམ་པར་སྣང་༔ ཐིག་ལེ་ཆེ་བར་རེ་རེའི་ཁོངས་དབུས་སུ༔ ལྔ་ཚོམ་ལྷུན་ཆགས་རིག་པ་ལྷན་ནེར་སྡོད༔ ལུས་ནི་སྐྱེས་བུ་ནད་ཀྱིས་གདུང་བ་བཞིན༔ ཞེན་འཛིན་སྒྲོག་བྲལ་ཁྲེལ་དང་ངོ་ཚ་ཉམས༔ ངག་ཀྱང་སྨྱོན་པ་རང་ཚིག་རྡོལ་བ་ལྟར༔ ཆོས་དང་འཇིག་རྟེན་གཏམ་རྣམས་འདྲེས་མར་བརྗོད༔ སེམས་ནི་རྩི་དུག་གིས་ཟིན་སྐྱེས་བུ་བཞིན༔ འཁོར་བར་བློ་མི་འཇུག་ཅིང་གཏན་སྲིད་ཟིན༔ དགག་སྒྲུབ་རེ་དོགས་བློ་ཡི་འཆིང་བ་ཞིག༔ ལྷོང་གསུམ་དང་ནི་རླུང་ལྔའི་གཡོ་འཁྲུག་སོགས༔ བཟོད་མེད་ཉམས་ཀྱི་རི་མོ་ཅིར་ཡང་འཆར༔ བདེ་གསལ་མི་རྟོག་ཉམས་ཀྱང་ཆེས་ཆེར་འབར༔ དེ་ནི་ཉམས་སྣང་གོང་འཕེལ་སྣང་བའོ༔ དེ་ནས་དབྱིངས་སྣང་ཚད་དཔག་ལས་འདས་པར༔ གདོས་བཅས་སྣང་བ་རང་འགགས་འོད་དུ་གསལ༔ ཐིག་ལེ་ལྔ་ཚོམ་དབུས་སུ་ ༡ །༈༽ཿ རང་རྟགས་ཀྱི༔ ཕྱག་མཚན་ལྔ་འཆར་དེ་ནས་རིམ་པ་བཞིན༔ སྐུ་ཕྱེད་གདུང་ཕྱེད་གཅེར་བུ་རྒྱན་རྫོགས་པ༔ ཐབས་ཤེས་ཟུང་འཇུག་སེམས་དཔའ་སེམས་མའི ཚུལ༔ བཅུ་ལྡན་བརྒྱ་ལྡན་སྟོང་ལྡན་འབུམ་ལྡན་ནས༔ སྣང་བས་གར་ཁྱབ་ཐམས་ཅད་ཁྱབ་པར་འཆར༔ རིག་གདངས་ཡེ་ཤེས་ལྔ་ཡི་ཁ་དོག་དང་༔ མཐུན་པ་ཤེལ་གྱི་ཕྲེང་བ་བསྟར བརྒྱུས་ལྟར༔ དྲྭ་བ་དང་ནི་དྲྭ་ཕྱེད་ཚུལ་དུ་འཁོར༔ ལུས་ནི་གླང་ཆེན་འདམ་ནས་བྱིང་བ་ལྟར༔ རི་བྲག་ཀུན་ལ་ཟང་ཐལ་ཐོག་མེད་འགྲོ༔ ངག་ནི་གྲུལ་བུམ་ཕྲུ་གུའི་རྒྱང་གླུ་ལྟར༔ གཞན་སྣང་དགེར་བསྒྱུར་ཀུན་གྱི་རྣ་བར་འཇུག༔ སེམས་ནི་འབྲུམ་ནད་བྱང་བའི་སྐྱེས་བུ་ལྟར༔ འཁོར་བར་མི་ལྡོག་གདོད་མའི་གཏན་སྲིད་ཟིན༔ སྐྲ་དཀར་ནག་པོར་འགྱུར་ཞིང་སེའུ་སྐྱེ༔ ལུས་ལ་གཞོན་ཤ་ཆགས་ཤིང་བལ་ལྟར་ཡང་༔ རིག་ལྔའི་ཕྱག་མཚན་བཀྲ་ཞིང་འོད་དུ་གསལ༔ གཞན་རྒྱུད་མཁྱེན་པའི་མངོན་པར་ཤེས་པ་དང་༔ དབང་པོ་ལས་སུ་རུང་བའི་རྫུ་འཕྲུལ་སོགས༔ ཕྱི་ནང་རྒྱུ་བ་མི་ཚོར་སྲིན་བུ་གྲོལ༔ སྐྱེ་འཇུག་གཉིས་ལ་རང་དབང་བསྒྱུར་བ་དང་༔ རྨི་ལམ་ཟིན་དང་འོད་གསལ་ངང་དུ་འཆར༔ གསལ་ཁྱབ་གཉིས་མེད་རིག་པའི་ངང་ཉིད ལས༔ སྐད་ཅིག་ཙམ་ཡང་གཡོ་བ་མེད་པར་འབྱུང་༔ འདི་ནི་རིག་པ་ཚད་ཕེབས་སྣང་བའོ༔ དེ་ནས་རིམ་བཞིན་དབྱིངས་ཐིག་རོལ་པ་ཀུན༔ རིམ་བསྡུས་སྤྲིན་མེད་ནམ་མཁའ་ཇི་བཞིན དུ༔ ཕྱི་ནང་དབྱེར་མེད་འོད་གསལ་ངང་དུ་ཞུ༔ སླར་ཡང་སྤྱི་མགྲིན་སྙིངག་ལྟེ་བ་དང་༔ གསང་གནས་རྣམས་སུ་རིགས་གང་གཙོར་གྱུར་པའི༔ ལྔ་ཚོམ་ཤར་བའི་ཐུགས་ཀའི་གསང་ལམ་ནས༔ ཡེ་ཤེས་ལྔ་ཡི་གདངས་ལྔ་འབར་བ་ཡི༔ ཟེར་ཐགས་གནས་ལྔའི་འཁོར་ལོ་ཟུག་པའི་ལྟེར༔ འོད་ཀྱི་ཐིག་ལེ་ལྔ་ལྔའི་བཀྲག་འབར་བ༔ ཤེལ་ཕོར་བརྩེགས་བཞིན་ཐིག་ལེ་ཐིག ཕྲན་གྱིས༔ བརྒྱན་པར་འཆར་ཞིང་བསམ་གཏན་ཞག་ལྔར་གནས༔ མཐར་ནི་གནས་ལྔར་ཐིམ་པས་ཉོན་ཤེས་ཀྱི༔ དྲི་མ་རབ་བཅོམ་དོན་གྱི་དབང་བཞི་ཐོབ༔ དེ་མཐར་ཁྲོ་བོའི་དཀྱིལ་འཁོར་སྤྱི་བོ་ནས༔ མཆོད་ཅིང་གྲགས་སྟོང་རྡོ་རྗེའི་རོལ་མོའི་སྒྲས༔ གཉིས་སྣང་འཁྲུལ་པ་གཞི་རུ་འཇིག་པར་བྱེད༔ སྤྱི་བོར་ཐིམ་པས་འཁྲབ་འཕར་གཡོ་བ་སོགས༔ འབྱུང་ཞིང་ཆོས ཉིད་ངང་དུ་ཕྱམ་བརྡལ་འདྲེས༔ ལུས་ནི་དུར་ཁྲོད་མི་རོ་འཕང་བ་ལྟར༔ གཤེད་མ་བརྒྱ་ཡིས་བསྐོར་ཀྱང་ཡ་མི་ང་༔ ངག་ནི་བྲག་ཆའི་རྗེས་འགྲོར་གྲགས་སྟོང་གི༔ གཉུག་མ་མི་ཤིགས་ ཀ།༽ རྡོ་རྗེའི་གསུང་དུ་འཕོས༔ སེམས་དང་སེམས་བྱུང་རྟོག་པ་ཀུན་ཞི་ནས༔ ཕྱི་ཡི་འཁྲུལ་སྣང་འོད་གསལ་ངང་དུ་གྲོལ༔ གསང་བ་རིག་སྟོང་ཆོས་སྐུའི་ངང་དུ གྲོལ༔ གདིང་བཞིའི་གྲོལ་ཚད་མངོན་དུ་གྱུར་ནས་ནི༔ ཁམས་གསུམ་འཁོར་བའི་གནས་སུ་ཡ་མི་ང་༔ ཐམས་ཅད་བདེ་ཆེན་གཞི་ཀློང་ཡངས་པར་ཕྱམ༔ མཐར་ནི་ཤེས་བྱའི་དྲི་མའི་བག་ཆགས་ཁམས༔ གཉེན་པོ་རྡོ་རྗེ་ལྟ་བུའི་ཏིང་འཛིན་གྱིས༔ རབ་བཅོམ་ནང་གསལ་ཐིམ་ལ་མ་རྨུག་པ༔ གཏིངགསལ་ཕྲ་བའི་ཡེ་ཤེས་མངོན་དུ་གྱུར༔ ངོ་བོ་སྐུ་སྟེ་རང་བཞིན་འོད་དུ གསལ༔ ཐུགས་རྗེ་མཁྱེན་པའི་ཡེ་ཤེས་ཕྱོགས་བཅུར་རྒྱས༔ ཆོས་སྐུའི་ངང་ལས་ལོངས་སྤྱོད་རྫོགས་སྐུར་བཞེངས༔ ཕྱེད་སྤྲུལ་འགྲོ་འདུལ་སྤྲུལ་དང་མཆོག་གི་སྤྲུལ༔ བཟོ་དང་སྐྱེ་བ བེམ་པོར་སྤྲུལ་པ་སོགས༔ གང་འདུལ་མཛད་པ་བསམ་གྱིས་མི་ཁྱབ་པས༔ ཁམས་གསུམ་འཁོར་བ་དོང་ནས་སྤྲུགས་པར་བྱེད༔ རབ་ནི་ན་བུན་ནམ་མཁར་ཐིམ་པ་ལྟར༔ ལུས་སེམས དབྱེར་མེད་འོད་ཀྱི་སྐུ་རུ་གྲོལ༔ འབྲིང་ནི་བུམ་པའི་ནང་གི་ནམ་མཁའ་བཞིན༔ རིག་པ་གཞིར་ཐིམ་འོད་ཀྱི་ངང་དུ་གྲོལ༔ ཐ་མ་བཅོ་ལྔའི་ཉི་ཟླ་ཤར་ནུབ་བཞིན༔ རིག་པ་ལྷུན་གྲུབ་ལ་ཐིམ ཀ་དག་ཏུ༔ གྲོལ་ནས་རིམ་བཞིན་སྐྲ་སེན་སྙིགས་མ་ཙམ༔ བཞག་ནས་ཀ་དག་གདོད་མའི་གཤིས་སུ་བཞུགས༔ ཚེ་འདིར་གྲོལ་བ་ཀ་དག་དབྱིངས་ཡིན་ཕྱིར༔ དེ་མ་ཐག་ཏུ་སྤྲུལ་པ སྟོན་མི་ནུས༔ བར་དོར་གྲོལ་བ་ལྷུན་གྲུབ་དབྱིངས་ཉིད་ལས༔ བདུན་ཕྲག་གསུམ་ནས་སྤྲུལ་པ་འགྲོ་ལ་སྟོན༔ ས་མ་ཡ༔ ཨེ་མ་ཤིན་ཏུ་ཟབ་པ་ལས་ཀྱང་མཐར་ཐུག་པ༔ གསང་ཆེན རྡོ་རྗེ་ཐེག་པའི་མྱུར་ལམ་མཆོག༔ ཟབ་གསལ་གཉིས་མེད་རང་བཞིན་རྫོགས་པ་ཆེ༔ ཀུན་གྱི་མཐར་ཐུག་བླ་མེད་སྙིང་པོའི་དོན༔ ཨ་ནུ་དབྱིངས་ཡེ་མཉམ་བརྡལ་དང་འབྲེལ་བར༔ སྟོན་པ་འདི་ནི་དུར་ཁྲོད་བསིལ་ཚལ་ནས༔ ཤྲཱི་སེང་ཧས་ཐུགས་ནས་བདག་ལ་བརྒྱུད༔ བདག་ཉིདབྲག་ཕུག་མཱ་ར་ཏི་ཀ་རུ༔ ཟག་བཅས་ཕུང་པོ་འོད་ཀྱི་སྐུ་རུ་གྲོལ༔ ཡར་ཀླུངས་ཤེལ་བྲག་རྡོ་རྗེའི་ཕུག་མོ་ཆེར༔ ཡེ་ཤེས་མཚོ་རྒྱལ་ཤེལ་དཀར་རྡོ་རྗེ་མཚོར༔ སྙན་བརྒྱུད་ཚུལ་དུ་བདག་གིས་ལེགས་པར་བསྟན༔ ཇོ་མོ་རྣམ་གཉིས་ཟག་བཅས་མི་སྣང་བར༔ རིག་འཛིན་བཞི བགྲོད་འཇའ་ལུས་མངོན་དུ་གྱུར༔ ཤེལ་གྱི་སྒྲོམ་བུར་གསེར་གྱི་ཡི་གེར་བཀོད༔ མི་འགྱུར་རྡོ་རྗེའི་བྲག་ཏུ་གཏེར་བྱས་བསྡམས༔ མ་འོངས་འགྲོ་བ་སྐྱོབས་པར་སྨོན་ལམ་བཏབ༔ ཀར བཀའ་འདི་དབྱིངས་ཡུམ་རྡོ་རྗེ་རལ་གཅིག་མ༔ སྨན་བཙུན་ཚེ་རིང་མཆེད་ལྔར་གཏད་དོ་རྒྱ༔ ད་ལྟའི་ཤེལ་དཀར་དཔལ་ལྡན་རྡོ་རྗེ་མཚོ༔ སྐྱེ་ཕྲེང་བཅོ་ལྔར གཏེར་རིག་བརྒྱུད་པའི་མཐར༔ བྱང་ཆུབ་ལྗོངས་སུ་མི་ཚུལ་བཟུང་ནས་ནི༔ ཟབ་གཏེར་གཉིས་འདོམས་ཁྱད་པར་སྙན་བརྒྱུད་སྐོར༔ འོད་གསལ་མི་འགྱུར་གསང་བའི་བྲག་ནས་བཏོན༔ གསང་བའི་གྲོགས་མཆོག་བི་མ་རསྨིའི་མཚན༔ ཀཱིརྟི་མ་ཎི་བྷ་དྲ་པྲ་ཛྙཱ་སོགས༔ ཆོས་ཀྱི་བདག་པོ་བཅུ་གསུམ་དང་འཕྲད་ནས༔ བྱེ་མའི་གྲངས་ཀྱི་འགྲོ་བ་འདྲེན་པར་འགྱུར༔ ས་མ་ཡ༔ རྒྱ་རྒྱ་རྒྱ༔ སྐུ་གསུང་ཐུགས་ཀྱི་རྒྱ༔ དབྱིངས་སྣང་མཁའ་འགྲོའི་རྒྱ༔ བརྡ་ཐིམ༔ ཞེས་པ་འདི་ཉིད་སྤྲུལ་པའི་གཏེར་སྟོན་རིན་པོ་ཆེ་པདྨ་ལས་འབྲེལ་རྩལ་གྱིས་གསུང་བསྐུལ་ཕེབས་པའི་མཐུ་ལས་གཏད་རྒྱ་བཙན་ཐབས་སུ་སད་པ་ལས། ཁོ་མོ་རིག་པ་རང་བྱུང་གི་ཡེ་ཤེས་ལ་དབང་བསྒྱུར་བའི་རྣལ་འབྱོར་མ་སུ་ཁ་བཛྲ་རྩལ་གྱིས་དག་པར་ཕབས་པའི་ཡི་གེ་པ་ནི་དྲི་མེད་འོད་ཟེར་གྱིས་བགྱིས་པའོ༔ ཆོས་འདི་འཁོར་བ་མ་སྟོངས་བར་དུ་རྫོགས་པར་མ་གྱུར་ཅིག །། 大སང་ཁྲིད་རིམ་ལྔའོ །དགེའོ། །སརྦ་མངྒ་ལམ།། །། = 8 TI1395-052 ལོས་དྲུ་ན་ཆོས་ཉིད་མཁའ་འགྲོའི་གསང་མཛོད་ལས༔ ཡང་གསང་བླ་མེད་སྔགས་ཀྱི་ལམ་མཆོག་ཕྱག་རྒྱ་གཉིས་ལྡན་མཁའ་འགྲོའི་ཐུགས་བཅུད་སྦས་པ་མངོན་བསྟན་ཟབ་ལམ་སྙིང་པོ་ཞེས་བྱ་བ་བཞུགས་པའི་དབུའོ༔ །༈། རྦཧཊཿ སྟོང་དབྱིངས་ཤེས་རབ་རྡོ་རྗེ་རྣལ་འབྱོར་མ༔ རང་བྱུང་ལྷན་སྐྱེས་རྣལ་འབྱོར་ཝཱ་ར་ཧི༔ སྣ་ཚོགས་ཡུམ་གྱུར་མཁའ་འགྲོ་མཐིང་འོད་འབར༔ སྐུ་གསུམ་མཁའ་འགྲོའི་ཚོགས་ལ་གུས་པས་འདུད༔ རིག་འཛིན་གསང་བའི་ལམ་མཆོག་ཁྱད་འཕགས་ཆོས༔ ཤིན་ཏུ་གསང་བ་ལས་ཀྱང་ཆེས་གསང་བ༔ ཡང་གསང་བླ་མེད་མྱུར་ལམ་སྙིང་པོའི་ཆོས༔ དག་དང་མ་དག་སྒྱུ་ལུས་ལ་བརྟེན་ནས༔ ཟུང་འཇུག་རྡོ་རྗེ་འཆང་དབང་སྒྲུབ་པའི་ཐབས༔ སྐལ་ལྡན་སེམས་ཀྱི་བུ་ཡི་དོན་དུ་བསྟན༔ ས་མ་ཡ༔ དེ་ལ་དང་པོ་གསང་སྔགས་བླ་མེད་ཀྱི་དབང་བཞི་པས་རྒྱུད་སྨིན ༢༣ ༡༡ །༈། གྲོལ་གྱི་ལམ་ལ་འཇུག༔ ཐུན་མོང་དང་ཐུན་མོང་མ་ཡིན་པའི་བསྐྱེད་རྫོགས་ཟུང་འཇུག་བསྒོམས་པས་འབྲས་བུ་ཚེ་གཅིག་རྡོ་རྗེ་འཆང་གི་གོ་འཕང་ཐོབ་པར་བྱེད་པ་ལ་དང་པོ་རང་ལུས་ཐབས་དང་ལྡན་དགོས༔ རང་ལུས་ཐབས་དང་མ་ལྡན་ན་གཞན་ལུས་ཕྱག་རྒྱར་བརྟེན་པས་གྲོལ་མི་སྲིད༔ ས་མ་ཡ༔ དང་པོ་རང་ལུས་ཐབས་ལྡན་ནི༔ སྟོང་ར་གསུམ་དང་རླུང་ལ་སློབ༔ རྩ་དང་རླུང་དང་ཐིག་ལེ་དག༔ རྡོ་རྗེ་གསུམ་གྱི་སྐུ་རུ་སྨིན༔ ཞེས་གསུངས་ཏེ༔ དེ་ལ་དང་པོ་ཕྱི་སྒྱུ་མ་ལུས་ཀྱི་སྟོང་ར་ནི༔ རང་ཉིད་རྡོ་རྗེ་རྣལ་འབྱོར་མ་དམར་མོར་གསལ་བའི་སྐུ་དབུས་སུ་རྩ་དབུ་མ་དང་༔ གཡས་སུ་རོ་ མ༔ གཡོན་དུ་རྐྱང་མ༔ དེ་གསུམ་སྐུ་གསུམ་གྱི་མཚོན་བྱེད་དུ་མཐིང་དཀར་དམར་བའི་ཁ་དོག་འབར་ཞིང་ཁྲག་དང་ཆུ་སེར་གྱིས་མ་གོས་པའི་རྩ་གསུམ་སྦ་ཕྲན་གཤིབ་པ་ལྟར་ཡར་སྣེ་སྤྱི་བོ་དང་མར་སྣེ་གསང་གནས་སུ་ཟུག་པ༔ གནས་ལྔར་ཡེ་ཤེས་ལྔའི་རང་མདངས་ལས་བྱུང་བའི་སྤྱི་བོར་རྩ་འདབ་སྔོ་སྐྱ་སོ་གཉིས་ཁ་ཐུར་བསྟན༔ མགྲིན་པར་རྩ་འདབ་དམར་སྐྱ་བཅུ་དྲུག་ཁགྱེན་བསྟན༔ སྙིང་གར་རྩ་འདབ་དཀར་སེར་བརྒྱད་ཁ་ཐུར་བསྟན༔ ལྟེ་བར་རྩ་འདབ་སེར་སྐྱ་སོ་གཉིས་ཁ་གྱེན་བསྟན༔ གསང་གནས་རྩ་འདབ་དྲུག་ཅུ་རྩ་བཞི་ཁ་གྱེན་བསྟན༔ རྩ་དེ་དག་འོད་རྩ་ཡེ་ཤེས་ཀྱི་རླུང་རྒྱུ་བ༔ དེ་རྣམས་ཀྱི་དབུས་སུ་སྤྱི་བོར་ཨོ་མཱཾ་དཀར་པོ༔ མགྲིན་པར་ཧྲཱིཿཔཱཾ་དམར་པོ༔ སྙིང་གར་ཧཱུྃ་མཱུྃ་མཐིངག༔ ལྟེ་བར་ཏྲཱྃ་ལཱྃ་སེར་པོ༔ གསང་གནས་སུ་ཨཱཿཏཱྃ ལྗང་གུ་རྣམས་དང་༔ དབུས་རྩ་གསུམ་གྱི་ནང་དུ་ཨོཾ་དཀར་ཨཱཿདམར་ཧཱུྃ་མཐིང་ག་རྣམས་རྡོ་རྗེ་གསུམ་གྱི་ངོ་བོ་དང་རིག་ལྔ་ཡབ་ཡུམ་གྱི་ས་བོན་དུ་གསལ་གདབ༔ རྩ་འདབ་གཞན་རྣམས་སུ་ཨ་ལི་དང་ཀ་ལི་དཀར་དམར་མཐིང་གསུམ་གྱི་རྣམ་པར་འབྲུ་རེ་རེ་བསྒོམ་པར་བྱའོ༔ སྤྱི་བོ་བདེ་ཆེན་གྱི་འཁོར་ལོའི་འོག་ཏུ་ཟླ་བ་ཉ་གང་བ་ཧྃ་ཡིག་གིས་