Tibetan
ཡ༔ དེ་ནས་སྔགས་ཀྱི་འོད་གསལ་མངོན་དུ་བྱེད་པའི་ཐབས་ལ༔ གཏུམ་མོ་ཕྱག་རྒྱར་སྦྱོར་བས་ཀུན་རྟོག་བརྒྱད་བཅུའི་རྟོག་པ་བཅོམ༔ བདེ་སྟོང་དགའ་བ་བཞི་དང་སྟོང་བཞིའི་འོད་གསལ་མངོན་དུ་གྱུར༔ ཡིད་ལས་འདས་པའི་ཡེ་ཤེས་མངོན་སུམ་པར་མཐོང་བར་འགྱུར་བ་ཡིན༔ དེ་ཡང་རྩ་བ་ཕྱག་རྒྱ་མ་མཚན་ཉིད་དང་ལྡན་པ་ལ་རག་ལས་པས༔ དང་པོ་བྱིན་གྱིས་རླབས་པའི་ཐབས་ནི༔ སིནྡྷུ་ར་དང་ལི་ཁྲི་བྱང་སེམས་རྣམས བསྲེས་ཏེ་མེ་ལོང་ལ་ཧ་རི་ནི་ས་བཞི་དགའ་འཁྱིལ་གྱི་དབུས་སུ་བཀོད་ལ༔ མི་མོ་དེ་ཉིད་བསྐྱེད་བསྟིམ་བྱས་ནས་སྐད་ཅིག་གིས་རྡོ་རྗེ་རྣལ་འབྱོར་མ་དམར་མོར་གསལ་བའི་གནས་ལྔའི་རྩ་འཁོར་ དབུ་རྐྱང་རོ་གསུམ་སོགས་རྩ་གནས་ཐམས་ཅད་དཔའ་བོ་མཁའ་འགྲོ་འབུམ་གྱིས་བཀོད་པ་ཡོངས་སུ་རྫོགས་པར་གསལ་བཏབ༔ གསང་བ་པདྨ་འདབ་བཞིར་བསྒོམ་པ་ལ་ཧ་རི་ནི་ས་དང་དབུས སུ་བྃ་ཡིག་བཀྲག་འབར་བར་བསྒོམ་པ་ལས་འོད་ཟེར་འཕྲོས༔ དཔའ་བོ་རྣམས་ཀྱི་ཐུགས་རྒྱུད་བསྐུལ༔ མཁའ་སྤྱོད་ཀྱི་མཁའ་འགྲོ་མ་རྣམས་སྤྱན་དྲངས་ནས་ཕྱག་རྒྱ་དང་གཉིས་སུ་མེད་པར་ཐིམ༔ ཌཱ་ཀི་ནི་ཧྲིང་ཧྲིང་སྟྭཾ༔ ཞེས་མང་དུ་བཟླས་ཏེ་མེ་ལོང་ངོས་ཀྱི་རྫས་རྣམས་མི་མོའི་གནས་ལྔར་བྱུགས་པས་བྱིན་གྱིས་བརླབས་པར་འགྱུར་རོ༔ དེ་ནས་ཚོགས་ཀྱི་འཁོར་ལོ་བསྐོར་ནས དགའ་སྟོན་ལ་རོལ༔ ཆོས་སྐྱོང་ལ་གཉེར་བཅོལ་སོགས་བྱའོ༔ ས་མ་ཡ༔ སྒྱུ་ལུས་སྟོང་ར་ལ་བསླབ་པ་ནི༔ བདག་ཉིད་རྡོ་རྗེ་རྣལ་འབྱོར་མ་དམར་མོ་གསལ་བའི་སྤྱི་བོ་བདེ་ཆེནགྱི་འཁོར་ལོར་ཧཾ་ཡིག་དཀར་པོ་བཀྲག་འབར་བར་གསལ་བ་དང་༔ ལྟེ་བའི་འཁོར་ལོར་ཨ་ཤད་དམར་པོ་མཚན་ཉིད་བཞི་ལྡན་བསྒོམ༔ རོ་རྐྱང་གཉིས་ནས་རགས་པའི་རླུང་རྔུབས་ཏེ་ཕྲ་བའི་རླུང་ལ་བསྒྱུར༔ ཕྲ་རགས་གཉིས་སུ་མེད་པར་རྩོལ་བའི་རླུང་ལ་དྲངས་ནས་སྐད་ཅིག་གིས་རང་ཉིད་གནས་སུ་གྱུར་པ་ལས་དཔའ་བོ་ཧེ་རུ་ཀར་གསལ་བའིའཁོར་ལོ་ལྔར་རིགས་ལྔ་ཡབ་ཡུམ་དང་༔ ༢༨第གཞན་རྩ་གནས་ཐམས་ཅད་དུ་དཔའ་བོ་དང་དཔའ་མོའི་གྲོང་ཁྱེར་ཏིལ་གོང་ཁ་ཕྱེ་བ་ལྟར་བསྒོམ༔ སྔར་བཞིན་དུ་སྤྱི་བོར་བདེ་ཆེན་གྱི་འཁོར་ལོ་ཧཾ་ཡིག་དཀར་པོ་དང་༔ སྤྲུལ་པའི་འཁོར་ལོར་ཨ་ཤད་དམར་པོ་བསྒོམ་ཞིང་གསང་བའི་རྡོ་རྗེ་རྩེ་ལྔཔ་ཧཱུྃ་ཡིག་དཀར་པོ་མགོ་མཐུར་བསྟན་དུ་གསལ་གདབ༔ ཤེས་རབ་ཕྱག་རྒྱ་མ་ཡང་རྡོ་རྗེ་རྣལ་འབྱོར་མར་གསལ་བའི་རྩ་ཁམས་ཐམས་ཅད་དང་༔ ཁྱད་པར་དུ་རྩ་གསུམ་འཁོར་ལོ་ལྔར་དཔའ་བོ་ཡབ་ཡུམ་ལྔ་དང་ཌཱ་ཀི་དཔའ་བོའི་ཚོགས་ཐམས་ཅད་ཀྱང་ཏིལ་གོང་རྒྱས་པ་ལྟར་གསལ་གདབ༔ སྤྱི་བོ་དང་ལྟེ་བའི་འཁོར་ལོའི་དབུས་སུ་ཐབས་ཤེས་ཀྱི་ས་བོན་དང་རྒྱུའི་ཐིག་ལེ་ཡང་གསལ༔ གསང་བའི་བྷ་ག་པདྨ་འདབ་བཞིའི་དབུས་སུ་ཨཱཿལྃ་དང་བྃ་ཡིག་གིས་མཚན་པ་ཅན་དུ་གསལ་གདབ༔ ཕྱི་འབྱུང་ཆེན་གྱི་རླུང་ཁ་དོག་ལྔ་ལྡན་ཡེ་ཤེས་ལྔའི་ངོ་བོར་དབྱིངས་ནས་དྲངས་ཏེ་རོ་རྐྱང་ནས་བཞུགས་ཏེ་དབུ་མར་བསྡུ༔ སྣང་ཆ་ཐབས་དང་སྟོང་ཆ་ཤེས་རབ་ཏུ་གསལ་གདབ་ཏེ་རྡོ་རྗེ་དང་པདྨ་ཁ་སྦྱོར་ནས སྟེང་འོག་གི་རླུང་ཁ་སྦྱོར་དུ་བཟུང་༔ སེམས་ཉིད་ངལ་བསོ་ཞིང་བར་རླུང་བུམ་པ་ཅན་དུ་བསྐྱིལ༔ དེ་ལྟར་ཡང་ཡང་བཟུང་བའི་རྗེས་སུ་ལྟེ་བའི་ཨ་ཤད་ལས་མེ་འབར་དབུ་མའི་ནང་གྱེན་དུ་ མཆེད་དེ་སྤྱི་བོའི་ཧཾ་དང་ཡབ་ཡུམ་རེག་པ་འཕྲོད་པའི་བདེ་བས་བསྐུལ་ཏེ༔ ཧཾ་ཡིག་ལས་བདུད་རྩི་དཀར་པོ་བདེ་བའི་རང་བཞིན་བབས་ཏེ་རྩ་འཁོར་རྣམས་རིམ་པར་གང་བར་བསམ་ལ་རྡོ་རྗེ་དལ བུས་བསྐྱོད་ཅིང་འཁོར་ལོ་དང་པོ་ནས་དགའ་བའི་ཡེ་ཤེས༔ གཉིས་པ་ནས་མཆོག་དགའི་ཡེ་ཤེས༔ གསུམ་པ་ནས་ཁྱད་པར་དུ་དགའ་བའི་ཡེ་ཤེས༔ བཞི་པ་ནས་ལྷན་སྐྱེས་དགའ་བའི་ཡེ ཤེས་ངོས་ཟིན་པར་བྱ༔ གསང་གནས་བདེ་བ་སྐྱོང་བའི་འཁོར་ལོར་བབས་པའི་ཚེ་ན་ཉོན་མོངས་པའི་སྒྲིབ་པ་མཐའ་དག་བཅོམ་ནས་རྒྱུའི་ས་བཅུ་མཐར་ཕྱིན་པར་འགྱུར་བ་ཡིན༔ དེ་ནས་ཐིག་ལེ་རྡོ་རྗེའི་བུམ་པར་བབས་པའི་ཚེ་ན༔ དགའ་བའི་ཡེ་ཤེས་དང་སྟོང་པའི་འོད་གསལ་མངོན་དུ་གྱུར༔ རྡོ་རྗེའི་རྩེ་མོར་བྱོན་པ་ན་མཆོག་དགའི་ཡེ་ཤེས་དང་སྟོང་པ་ཆེན་པོའི་འོད་གསལ་མངོན་དུ་གྱུར༔ དཀར་དམར་ཞལ་མཇལ་བའི་ཚེ་ན་ཁྱད་པར་དུ་དགའ་བའི་ཡེ་ཤེས་དང་ཐམས་ཅད་སྟོང་པའི་འོད་གསལ་མངོན་དུ་གྱུར༔ དྭངས་མ་ཕྱིར་ལོག་ཅིང་དཀར་དམར་མཉམ་སྦྱོར་གྱི་བདུད་རྩི སྐྱེ་མཆེད་ཀྱི་ལྷ་རྣམས་ཚིམས་པར་བྱས་པས་བསོད་ནམས་ཀྱི་ཚོགས་རྫོགས༔ སྣང་གསུམ་འདྲེས་པའི་བག་ཆགས་གཞི་ལ་བཅོམ༔ དོན་དམ་འོད་གསལ་བའི་ཡེ་ཤེས་ཀྱི་གནས་ལུགས་མཐར ། ཐུག་པའི་ལྷན་སྐྱེས་ཀྱི་དགའ་བ་དང་ཤིན་ཏུ་སྟོང་པའི་འོད་གསལ་མངོན་དུ་གྱུར་པས་ཡེ་ཤེས་ཀྱི་ཚོགས་རྫོགས༔ དེ་ལྟར་འབྲས་བུ་ས་གསུམ་རྫོགས་པ་ན་དམིགས མེད་ཟང་ཐལ་རྗེན་པའི་གཤིས་ལུགས་སུ་མཉམ་པར་འཇོག་གོ༔ སླར་ཡང་རིག་སྟོང་འོད་གསལ་གྱི་ངང་དེ་ལས་མི་གཡོ་བཞིན་དུ༔ ཐུགས་རྗེའི་ཆོ་འཕྲུལ་རྗེས་ཆགས་སུ་ཤར་བས་བསྲུབས སྦྱོར་གྱི་ལས་ལ་སྤྱོད་ནས་ཐིག་ལེ་ཡས་བརྟན་ཐབས་དང་༔ མས་བརྟན་ཤེས་རབ་ཀྱི་དགའ་བ་བཅུ་དྲུག་ལ་དྲན་པ་ཉེ་བར་འཇོག་ཅིང་དགྲམ་འདྲེན་དབབ་སྐྱིལ་གྱི་གནད་ཀྱིས་མཐོང་བས༔ སྣང་བ་བདེ་སྟོང་ཡེ་ཤེས༔ གསལ་བ་འགྱུ་སྟོང་ཡེ་ཤེས༔ སེམས་རྟོག་དྲན་སྟོང་ཡེ་ཤེས༔ གཉུག་མ་རིག་སྟོང་ཡེ་ཤེས༔ སྣང་ཕྱོགས་སྟོང་པའི་འོད་གསལ༔ འགྱུ་འཕྲིག་སྟོང་པ་ཆེན པོ༔ དྲན་བསམ་ཐམས་ཅད་སྟོང་པ༔ རིག་པ་ཤིན་ཏུ་སྟོང་པ་ཆེན་པོ་སྟེ༔ དེ་ལྟར་འོད་གསལ་དེ་དག་གིས་ཉེ་བར་དྲངས་པའི་ཡེ་ཤེས་ལམ་དུ་བྱེད་པས་རྩ་ཐིག་རླུང་གསུམ་གྱི་དྲི་མ་མཐའ དག་སྦྱངས་ནས༔ ལུས་དང་རྩ་སྐུ༔ ངག་དང་རླུང་གསུང་༔ ཡིད་དང་ཐིག་ལེ་ཐུགས༔ ཉོན་མོངས་ཡེ་ཤེས༔ ཤེས་སྒྲིབ་ཤེས་རབ་ཆེན་པོར་འཕོས་ནས་དོན་དམ་བརྗོད་མེད་ཀྱི་འོད 心 རིམ གསལ་མངོན་དུ་གྱུར་ནས་སྒྱུ་ལུས་ཟུང་འཇུག་དག་པ་རྡོ་རྗེའི་སྐུ་གསུང་ཐུགས་ཀྱི་རང་བཞིན་དུ་འགྱུར་རོ༔ ཀུན་རྟོག་གི་བག་ཆགས་མ་དག་པའི་སྒོ་གསུམ་དུ་སྣང་བའི་ཆོས་ཐམས་ཅད་བདེ་སྟོང་གཉིས་སུ་མེད་པའི་ཡེ་ཤེས་ཆེན་པོའི་ལམ་གྱི་སྦྱངས་པ་མཐར་སོན་པས༔ དབང་བཞི་གཅིག་ཅར་དུ་ཐོབ་ནས་སྐུ་གསུམ་གྱི་འབྲས་བུ་མངོན་དུ་གྱུར་ཏེ་སྲིད་གསུམ་ངང་རྫོགས་ཀྱི་ས་ལ་ཕྱིན་པར་འགྱུར་རོ༔ ཐོག་བབས་ཀྱི་ཏིང་ངེ་འཛིན་གྱིས་རྒྱས་ཐེབས་པས་གཉིས་འཛིན་བག་ཆགས་ཀུན་རྟོག་གི་འཁྲུལ་སྣང་ཐམས་ཅད་དབྱིངས་སུ་ལྡོག་སྟེ་མ་དག་པའི་རྩ་མདུད་ཐམས་ཅད་གྲོལ་ནས་ཡེ་ཤེས་ཟང་ཐལ་བའི་རང་ཞལ་མཇལ༔ ཤེས་རབ་ཀྱི་རྩལ་འབར་ནས་ཆོས་ཐམས་ཅད་ཀྱི་གནས་ལུགས་ལ་ཕྱིན་ཅི་མ་ལོག་པའི་མཁྱེན་པ་ཐོབ༔ རིག་པ་སྐྱེ་འགགས་གནས་གསུམ་དང་བྲལ་བའི་ཡེ ཤེས་མངོན་དུ་གྱུར་པའོ༔ ཡབ་ཡུམ་གྱི་སྦྱོར་མཚམས་ནས་དཀར་དམར་གྱི་འོད་ཟེར་ཡེ་ཤེས་ཀྱི་བདུད་རྩིའི་རྣམ་པར་འཕྲོས་པས་ཕྱོགས་བཅུའི་རྒྱལ་བ་སྲས་བཅས་དང་བརྒྱུད་གསུམ་རིག་འཛིན་གྱི་ཚོགས་དང་བཅས་པ་རྣམས་ལ་མཉེས་པའི་མཆོད་པ་ཕུལ༔ ཟག་མེད་བདེ་སྟོང་གི་བདུད་རྩིའི་རོས་ཚིམས༔ བདག་གཞན་སེམས་ཅན་ཐམས་ཅད་ཀྱི་སྒྲིབ་པ་སྦྱངས༔ ཚོགས་རྫོགས༔ །ད ལྷ་ཚོགས་རྣམས་ཀྱི་སྐུ་གསུང་ཐུགས་ཡོན་ཏན་ཕྲིན་ལས་བསམ་གྱིས་མི་ཁྱབ་པའི་ནུས་མཐུ་ཐམས་ཅད་འོད་ཟེར་གྱི་སྣ་ལ་དྲངས་ནས་བདག་ཡབ་ཡུམ་གྱི་སྦྱོར་མཚམས་ལ ཐིམ་པས་ལུས་དཀྱིལ་གྱི་ལྷ་ཚོགས་རྣམས་དགྱེས་ཤིང་ཚིམས་པས་ཡེ་ཤེས་ཀྱི་རྟོགས་པ་མངོན་དུ་གྱུར༔ ལུས་ཀྱི་མདངས་རྒྱས་གཉེར་མ་མེད་ཅིང་གཞོན་ཤ་ཆགས༔ འཁོར་ལོ་རྣམས་ཀྱི་རྩ་མདུད་གྲོལ་བའི་རྟགས་སུ་ཤེས་པ་ཉམས་སྤྲོ་ཞིང་རིགས་པ་ཧུར་ཕྱུངས་ཏེ་སྣང་སྲིད་བརྡ་ཆོས་སུ་ཤར་བ་སོགས་ཡོན་ཏན་མཐའ་དག་ཡར་ལྡན་དུ་ངེས་སོ༔ འདི་ནི་འབྲས་བུ་ཡེ་ཤེས་ཀྱི་ཚོགས་ཆེན རྫོགས་པའི་ཐབས་ཁྱད་པར་ཅན་བླ་མེད་གསང་བའི་མཆོད་པ་ཡིན་པས་ཚོགས་བསགས་གཞན་གྱིས་དོ་ཟླ་མེད་པའོ༔ དེ་ལྟ་བུའི་ཚེ་འདི་ཉིད་ལ་ཟུང་འཇུག་གི་སྐུ་གལ་ཏེ་མ་འགྲུབ་ཀྱང་ཆགས་པ་ཆེན་པོས་ཉོན་མོངས་པ་ལམ་དུ་བྱས་པས་འོད་གསལ་ལ་སེམས་བཟུང་བ་ཙམ་གྱིས་ཉོན་སྒྲིབ་དག་ཅིང་རྩ་ཐིག་རླུང་གི་སྒྲིབ་པ་སྦྱང་ནས་མཐར་སྐྱེ་བ་གཅིག་གམ་གསུམ་ལས་མི་འགྱང་བར་གསང་སྔགས་ཀྱི་གྲུབ་འབྲས་མངོན་དུ་གྱུར་པའོ༔ གཞན་ཡང་བརྒྱུད་འཛིན་གྱི་སྤྲུལ་པའི་སྐུ་ཡོད་པར་འདོད་ན་ཡབ་ཡུམ་ལྷར་གསལ་བའི་རྡོར་པད་ཧྲཱིཿཨཱཿབསྒོམ་པའི་སྦྱོར་མཚམས་ནས་འོད་ཟེར་ལྕགས་ཀྱུའི་ དབྱིབས་ལྟར་འཕྲོས་པས་གང་འདོད་པའི་སྤྲུལ་པའི་སྐུའི་ཐུགས་དེ་བསྡུས་ནས་བྱང་སེམས་ལ་བསྟིམ༔ ཡབ་ཡུམ་གྱི་ལྷུམས་སུ་ཞུགས་པར་དམིགས་ཤིང་ཡང་ཡང་གསལ་གདབ་རྒྱས་འདེབས ཀྱི་གནད་དང་ལྡན་ཚེ་སྤྲུལ་པའི་སྐུ་འབྱུང་བར་འགྱུར་རོ༔ དེ་ནས་ཞི་རྒྱས་དབང་དྲག་གི་དམིགས་པའི་ལྡེ་ཁ་ནི༔ ཡབ་ཡུམ་ལྷར་གསལ་བའི་སྦྱོར་མཚམས་ནས་འོད་ཟེར་དཀར་པོ་འཕྲོས༔ རྡོ་རྗེ་རིགས་ཀྱི་དཀྱིལ་འཁོར་གྱི་ལྷ་ཚོགས་རྣམས་ལ་མཆོད་པ་འབུལ༔ ཐུགས་ཀྱི་དགྱེས་པ་བསྐང་ནས་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་འོད་དཀར་གྱི་རྣམ་པརབྱུང་ནས་སྦྱོར་མཚམས་སུ་ཐིམ་པས་ནད་གདོན་འཇིགས་བརྒྱད་འགལ་རྐྱེན་བར་ཆད་ཐམས་ཅད་ཞི་ནས་མེ་ལོང་ཡེ་ཤེས་མངོན་དུ་གྱུར་པར་བསམ༔ ཡང་སྦྱོར་མཚམས་ནས་འོད་ཟེར་སེར་གསལ་འཕྲོས་ནས་རིན་ཆེན་རིགས་ཀྱི་དཀྱིལ་འཁོར་གྱི་ལྷ་ཚོགས་རྣམས་ལ་མཆོད་པ་འབུལ༔ ཐུགས་ཀྱི་དགྱེས་པ་བསྐང་༔ དེ་དག་རྣམས་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་འོད་ཟེར་སེར་པོའི་རྣམ་པར་བསྡུས་ནས་སྦྱོར་མཚམས་སུ་ཐིམ་པས་ཚེ་བསོད་དཔལ་འབྱོར་ཐམས་ཅད་རྒྱས་ཤིང་མཉམ་པ་ཉིད་ཀྱི་ཡེ་ཤེས་མངོན་དུ་གྱུར་པར་བསམ༔ ཡང་སྦྱོར་མཚམས་ནས་འོད་ཟེར་དམར་པོ་ ད འཕྲོས་ནས་པདྨ་རིགས་ཀྱི་ལྷ་ཚོགས་རྣམས་ཀྱི་སྐུ་གསུང་ཐུགས་ལ་མཉེས་པའི་མཆོད་པ་ཕུལ༔ ཐུགས་ཀྱི་དགྱེས་པ་བསྐང་༔ དེ་དག་རྣམས་ཀྱི་སྐུ་གསུང་ཐུགས ཡོན་ཏན་ཕྲིན་ལས་ཐམས་ཅད་འོད་དམར་གྱི་རྣམ་པར་བྱུང་ནས་སྦྱོར་མཚམས་སུ་ཐིམ་པས་ཁམས་གསུམ་དབང་དུ་སྡུད་ཅིང་སྲིད་གསུམ་ཟིལ་གྱིས་གནོན་པའི་མཐུ་ཐོབ༔ དབང་གི་ལས་གང་བརྩམ ཐམས་ཅད་ཐོགས་མེད་དུ་འགྲུབ་ཅིང་སོ་སོར་རྟོགས་པའི་ཡེ་ཤེས་མངོན་དུ་གྱུར་པར་བསམ༔ ཡང་འོད་ཟེར་ལྗང་གསལ་འཕྲོས་པས་ཀརྨ་རིགས་ཀྱི་ལྷ་ཚོགས་རྣམས་ཀྱི་སྐུ་གསུང་ཐུགས་ལ་མཉེས་པའི་མཆོད་པ་ཕུལ་བས་ཐུགས་ཀྱི་དགྱེས་པ་བསྐང་༔ དེ་དག་རྣམས་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་འོད་དམར་གྱི་རྣམ་པར་བྱུང་ནས་སྦྱོར་མཚམས་སུ་ཐིམ་པས་མཁའ་གསང་རྃ་ཡིག་གིས་མཚན་པ་ལས་འོད་ཟེར་མེ་དཔུང་དང་ཁྲོ་ཚོགས་ཀྱི་རྣམ་པར་འཕྲོས་པས་དྲི་ཟ་ཉེར་ལེན་གྱི་རྣམ་པར་ཤེས་པའི་རྒྱུ་ལམ་བཅད་པ་དང་༔ གདུག་པ་ཅན་ཐམས་ཅད་བསྲེག་བཅད་བཏུབ་ཅིང་དེ དག་གི་ཚེ་བསོད་རང་ལ་བསྟིམས་ཤིང་རྣམ་པར་ཤེས་པ་བདག་གཞན་དབྱེར་མེད་བདེ་བ་ཆེན་པོའི་ངང་དུ་གྲོལ་ནས་བྱ་བ་གྲུབ་པའི་ཡེ་ཤེས་མངོན་དུ་གྱུར་པར་བསམ་མོ༔ ཡང་ཡབ་ཡུམ་ལྷར་心上灵 རིམ གསལ་བའི་སྦྱོར་མཚམས་ནས་འོད་ཟེར་མཐིང་ནག་འཕྲོས་ནས་སངས་རྒྱས་རིགས་ཀྱི་དཀྱིལ་འཁོར་ལྷ་ཚོགས་རྣམས་ལ་མཆོད་པ་ཕུལ་བས་ཐུགས་ཀྱི་དགྱེས་པ་བསྐང་༔ དེ་དག་རྣམས་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་འོད་ཟེར་མཐིང་གའི་རྣམ་པར་བྱུང་ནས་ཡབ་ཡུམ་གྱི་སྦྱོར་མཚམས་སུ་ཐིམ་པས་ཡེ་གནས་ལྷུན་གྲུབ་ཀྱི་ཡེ་ཤེས་གཉིས་སུ་མེད་པར་མཐོང་ནས་ཆོས་དབྱིངས་ཡེ་ཤེས་མངོན་དུ་གྱུར་པར་བསམ་མོ༔ དེ་དག་ནི་ཟུང་འཇུག་མཐར་ཕྱིན་པའི་རྣལ་འབྱོར་རབ་ཀྱི་སྤྱོད་ལམ་གྱི་ཆོས་སོ༔ ཐབས་ལ་བརྟེན་པས་སྒྱུ་ལུས་འོད་བསྐུར་གྲོལ་ནས་ཚེ་འདི་ཉིད་ལ་ཡབ་ཡུམ་གཉིས་འཁོར་བའི་ཆོས་ཀྱིས་མ་གོས་ཤིང་ཉོན་མོངས་རང་སར་གྲོལ་ནས་དག་སྨིན་རྫོགས་གསུམ་མཐར་ཕྱིན་ཏེ་ཐུན་མོང་གི་གྲུབ་པ་བརྒྱད་ལ་མངའ་བརྙེས་ཤིང་༔ མཆོག་གི་རིག་འཛིན་བཞིའི་ས་ཐོབ་ནས་དོན་གཉིས་ཀྱི་མཛད་པ་ཡིད་བཞིན་དུ་འགྲུབ་པར་ངེས་སོ༔ དེ་མིན་གང་ཟག་བློ་དམན་འོག་མ་རྣམས་ལ་ནི་སྐལ་བ་མེད་པས་བདུད་རྩི་དུག་ཏུ་འགྱུར་ནས་ངན་སོང་གི་གཏིང་རྡོ་བྱེད་པར་འགྱུར་བ་ཡིན༔ སྔགས་ལ་ཁ་གཡར་ནས་ཉོན་མོངས་འཆོལ་ཉོག་ཏུ་སྤྱོད་པ་དེ་དག་ལ་ནི་རླུང་ཕྱོགས་ཙམ་ཡང་འཆད་དུ་མི་རུང་ཞིང་རུ་ཏྲའི་སྒོར་ལྷུང་ནས་དམྱལ་བའི་བུད་ཤིང་བྱེད་པར་ 賀།དེ འགྱུར་རོ༔ འདི་ནི་མཁའ་འགྲོའི་སྙིང་བཅུད་ཟབ་མོའི་ཆོས་ཡིན་པས་གཅིག་བརྒྱུད་གྱིས་ལ་གསང་བར་སྤེལ་ཅིག༔ ས་མ་ཡ༔ གསང་ཞིང་གསང་བར་སྤེལ བས་དངོས་གྲུབ་ཐོབ༔ ཡོངས་ལ་འཆད་ན་མཁའ་འགྲོའི་བཀའ་ཆད་འབེབས༔ གསང་སྔགས་སྐྱོན་དུ་ཡོད་པ་མ་ཡིན་ཏེ༔ བློ་དམན་རྣམས་ཀྱིས་བདུད་རྩི་དུག་ཏུ་མཐོང་༔ དེ་ཕྱིར་ཤིན་ཏུ་གསང་བར་ཉམས་སུ་ལོངས༔ ཟུང་འཇུག་རྡོ་རྗེ་འཆང་གི་ས་ཐོབ་ངེས༔ ས་མ་ཡ༔ སྐུའི་རྒྱ༔ གསུང་གི་རྒྱ༔ ཐུགས་ཀྱི་རྒྱ༔ ཟབ་རྒྱ༔ གསང་རྒྱ༔ གཏད་རྒྱ༔ ཀོ་ཀོ་ཌཱཀྐིའི་རྒྱ༔ གུཧྱ༔ བརྡ་ཐིམ༔ ཨྠི༔ ཨེ་མ་མྱུར་ལམ་ཟབ་མོ་ཨ་ནུ་ཡོ་ག་ཡི༔ ཐབས་བརྟེན་ཤེས་རབ་མངོན་གྱུར་གདམས་པ་འདི༔ པད་འབྱུང་བདག་གིས་མཚོ་རྒྱལ་ཁྱོད་ལ གཏད༔ ཕྱི་རབས་དོན་དུ་རིན་ཆེན་གཏེར་དུ་སྦོས༔ མ་འོངས་སྙིགས་མ་ཉི་ཤུ་ཁ་རལ་དུས༔ གསང་སྔགས་དྲོད་རྟགས་ཆུང་ཞིང་བྱིན་རླབས་ཉམས༔ ཐེག་དམན་སྔགས་ལ་ཁ་གཡར་ཁྱིམ་ཐབས་འཛིན༔ སྔགས་པས་དམ་ཚིག་ཉམས་ནས་མགོ་རེག་བྱེད༔ དགེ་སློང་འདུལ་ཁྲིམས་ཉམས་ནས་ནག་ཆང་སྤྱོད༔ རྣལ་འབྱོར་རྣམས་ལ་བརྙས་བྱེད་རྐུ་འཕྲོག་བཅོམ༔ དམག་འཁྲུགས་ལ་སོགས་མི་འདོད་སྣ་ཚོགས་འབྱུང་༔ དེ་དུས་ཆོས་འདི་སྤྱོད་པའི་སྐལ་ལྡན་ནི༔ ཁྱོད་ཀྱི་གསུང་སྤྲུལ་ཆུ་ཁམས་འབྲུག་ལོ་པ༔ སྦས་པའི་ཚུལ་འཆང་སུ་ཁ་བཛྲ་རྩལ༔ ངེས་མེད་གནས་སུ་འགྲོ་རྣམས་རྗེས་སུ་འཛིན༔ ང་སྤྲུལ་ཐབས་ཀྱི་མཆོག་གྱུར་རིག་པ་འཛིན༔ གསང་གྲོགས་དཔའ་བོ་གསང་སྔགས་མིང་མཐའ་ཅན༔ འདིར་འཕྲད་བརྡ་འགྲོལ་འགྲོ་དོན དུས་བབས་འགྱུར༔ ལས་ཅན་ཐབས་གྲོགས་ཡ་གསུམ་ཆོས་བདག་བཅུ༔ བུ་སློབ་དང་བཅས་ཆོས་འདིས་གྲོལ་བར་ངེས༔ བཀའ་སྲུང་མ་མོ་གཟའ་དང་རྡོ་རྗེ་ལེགས༔ གནོད་སྦྱིན་ཤན་པའི་ཚོགས་ཀྱིས་ཐུབ་པར་སྲུངས༔ སྐལ་ལྡན་ལས་འཕྲོ་ཅན་དང་འཕྲད་པར་ཤོག༔ སྐལ་མེད་ལོག་ལྟ་ཅན་ལ་འདི་མ་འཕྲད༔ དམ་ཉམས་ལག་ཏུ་མ་ཤོར་དམ་དུ་ཟུངས༔ ཡོངས་ལ མ་སྤེལ་གཉེར་གྱིས་ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པའང་དུས་རིང་མོ་ནས་གསང་གྲོགས་ཏིཥྛ་བཛྲ་དང་བི་མ་ལ་རསྨི་གཉིས་ཀྱིས་བཀའ་གནད་སྤྱི་བོར་ཕེབས་པ་དང་ལུང་ཟིན་ཆོས་ཀྱི་བདག་པོ་པདྨ་སྙན་གྲགས་ཀྱིས་གསང་སྔགས་རྡོ་རྗེ་ཐེག་པའི་དམ་ཚིག་གི་རྫས་ཁྱད་པར་དུ་འཕགས་པ་ཐབས་ཤེས་རྡོ་རྗེ་དྲིལ་བུ་དང་ཛགད་ཀྱི་བཏུང་བའི་སྐྱེས་དང་བཅས་ཏེ་བསྐུལ་བའི་ཚེ་ན་བརྡ་ ཀ༨ དོན་གསལ་ཡང་བརྡ་འཁྲུགས་ཆེ་བ་དང་༔ ཁམས་འདུས་ཀྱི་རྐྱེན་དུ་མ་ལ་བརྟེན་ནས་བཏང་སྙོམས་སུ་བཞག་ཡོད་སྐབས༔ ཉེ་ཆར་སྐྱེས་ཕྲེང་དུ་མར་གསང གཏེར་རྒྱ་མཚོའི་ལྡེ་མིག་ཐབས་གྲོགས་མཆོག་ཏུ་གྱུར་པ་མཚན་བརྗོད་པར་དཀའ་ཡང་༔ དོན་གྱི་སླད་དུ་མཚན་ནས་བརྗོད་ན་ཨོ་རྒྱན་དངོས་སྣང་པདྨ་འགྲོ་འདུལ་གསང་སྔགས་གླིང་པས་རྟེན་འབྲེལ་ཕུན་སུམ་ཚོགས་པ་ཉིད་ཀྱི་གཏེར་བྱོན་ཀུན་མཁྱེན་རིན་པོ་ཆེའི་འདྲ་སྐུ་ཚད་ལྡན་དང་༔ ག་ཎ་ཙཀྲའི་མཆོད་པ་ཡིད་འོང་བཅས་སྤྱི་བོར་སོན་ཚེ༔ གཏད་རྒྱ་བཙན་ཐབས་སུ་སད་པའི་མཐུ་ལ བརྟེན་ནས་བདག་བདེ་ཆེན་བདེ་བའི་རྡོ་རྗེས་རང་ལོ་སུམ་ཅུ་པ་བསྐལ་པ་ལྕགས་བྱ་ལོའི་དམར་ཕྱོགས་ཀྱི་དུས་དགེ་བར༔ རྡོ་ཡུལ་སྨད་ཀྱི་ས་ཆ་སུརྻའི་མིང་གི་ལུང་པ་བཀྲ་ཤིས་ཆོས་ཁྲིའི་ལ་ཁ གསང་སྔགས་བདེ་ཆེན་གླིང་གི་སྒྲུབ་གནས་དམ་པ་གནས་ཁང་འོད་གསལ་འཁྱིལ་བ་ནས་མཁའ་འགྲོའི་སྙན་བརྒྱུད་ཟབ་མོ་གཏན་ལ་ཕབ་པའོ༔ དགེའོ། །དགེའོ། །དགེའོ།། - TI1395- 084 ༄༅། །སྦྱོར་སྒྲོལ་དགོངས་པའི་ཟབ་གནད་ནི༔ རང་ཉིད་སྐད་ཅིག་གིས་རྡོ་རྗེ་ཕག་མོར་གསལ་བའི་བྷ་ག་པདྨ་འདབ་བཞིར་གྱུར་པའི་དབུས་སུ་བྃ་དང་འདབ་མ་བཞིར་ཧ་རི་ནི ས་གསལ་གདབ༔ ཡབ་རྟ་མགྲིན་དུ་གསལ་བའི་གསང་རྟགས་རྡོ་རྗེ་རྩེ་ལྔ་པ་ཧྲཱིཿཡིག་གིས་མཚན་པ་ཅན་དུ་གསལ་གདབ་ཅིང་ཁྲོ་བོ་རྡོ་རྗེ་ཞི་བ་པདྨ་ལ་སྙོམས་པར་ཞུགས་པའི་ཚེ་ཡེ་ཤེས་ཀྱི་རླུང་དར་གཅིག་བཟུང་ནས་སྣང་སྲིད་ཐམས་ཅད་ཡེ་ཤེས་གཅིག་གི་ངང་དུ་འུབ་ཆུབ་པར་བསམ༔ སླར་ཡང་ཡབ་ཡུམ་གཉིས་ཀྱི་དགའ་བདེའི་རླུང་གིས་བསྐུལ་ནས་ལྟེ་བའི་ཨ་ཤད་ལས་མེ་འབར་ཞིང་དབུ་མའི་ལམ་བརྒྱུད་སྤྱི་བོའི་ཧཾ་ཡིག་ལ་ཕོག༔ དེ་ལས་འོད་ཟེར་དཔག་ཏུ་མེད་པ་འཕྲོས་བདེ་གཤེགས་རྒྱལ་བ་སྲས་བཅས་ཐམས་ཅད་དང་མ་གནས་གསུམ་གྱི་དཔའ་བོ་མཁའ་འགྲོ་དམ་ཅན་རྣམས་ལ་རང་རང་མཉེས་པའི་མཆོད་པ་ཕུལ༔ ཐུགས་དམ་དང་ཐུགས་རྗེ་བྱིན་རླབས་ཡེ་ཤེས་ཡོན་ཏན་ཐམས་ཅད་འོད་ཟེར་གྱི་རྣམ་པར་བྱུང་ནས་སྤྱི་བོ་ནས་ཐིམ༔ རིམ་བཞིན་འཁོར་ལོ་ལྔ་པོ་གསང་གནས་ཀྱི་བར་གང་ཞིང་ཁྱབ༔ ཡང་ཡུམ་གྱི་པདྨོར་སིམ་པ་དང་སྐུའི་དབྱིབས་བརྒྱུད་ནས་གསང་རྫས་དཀར་དམར་གྱི་རྣམ་པར་སྤྱི་བོར་བྱོན་པ་ན༔ དེ་ལས་འོད་ཟེར་ཕྱོགས་བཅུར་འཕྲོས་ གོང་བཞིན་བདེ་གཤེགས་རྒྱ་མཚོ་མཉེས་པའི་ཐུགས་རྗེ་ཡེ་ཤེས་བྱིན་རླབས་སོགས་སྔར་བཞིན་སྤྱི་བོར་ཐིམ་པར་བསམ༔ ཡང་ཡུམ་གྱི་གནས་ལྔ་ནས་རིམ་གྱིས་འོད་ཟེར་འཕྲོ་འདུས་བྱས་ཤིང གསང་སྒོར་ཐོན༔ ཡབ་ཡུམ་སྙོམས་འཇུག་མཛད་པའི་ཚེ་ལས་མཐུན་གྱི་འོད་ཟེར་ཕྱིར་ཐོན༔ སེམས་ཅན་ཐམས་ཅད་ཀྱི་ལས་སྒྲིབ་སྦྱངས༔ བསོད་ནམས་གཟི་བརྗིད་དཔལ་དང་མངའ་ཐང་ཐམས་ཅད་འོད་ཟེར་གྱི་ཚུལ་དུ་གསང་སྒོར་ཐིམ་པས་བདེ་ཆེན་མཆོག་ཏུ་མི་འགྱུར་བའི་ཡེ་ཤེས་ལ་དབང་ཐོབ་ཅིང་གཟི་བྱིན་མཆོག་ཏུ་འབར་བར་བསམ༔ ཡང་ཡབ་ཡུམ་བསྲུབས་སྦྱོར་མཛད་པས འཁོར་འདས་སྣང་སྲིད་ཐམས་ཅད་ཆོས་ཉིད་གཅིག་གི་རོལ་རྩལ་དུ་ཡེ་གྲོལ་ཆོས་སྐུའི་ཀློང་དུ་འུབ་ཆུབ་ནས་དགའ་བཞི་དང་སྟོང་བཞིའི་འོད་གསལ་མངོན་དུ་གྱུར་ཏེ༔ རིག་སྟོང་བསམ་བརྗོད་དང་བྲལ་བ་ཀ་དག་ཟང་ཐལ་སྐྱེ་འགགས་གནས་བྲལ་གྱི་དགོངས་པར་ལ་བཟླས་ནས་རིག་འཛིན་པདྨ་འབྱུང་གནས་དང་བི་མ་ལ་ལྟ་བུར་གཞོན་ནུ་བུམ་སྐུར་གྲོལ་ནས་ཀུན་བཟང་ཆོས་སྐུའི་ཀློང་དུ་གཉིས་མེད་དུ་སངས་རྒྱས་པའི་གདམས་པ་ཁྱད་པར་ཅན་ནོ༔ བརྒྱུད་འཛིན་གྱི་དོན་དུ་ཡིན་ན་དམིགས་རིམ་གཞན་རྣམས་གོང་དང་འདྲ་ལ༔ གསང་གནས་ཀྱི་ཡིག་འབྲུ་རྣམས་ནི་རིགས་ལྔ་ཡབ་ཡུམ ༄༅། གྱི་ས་བོན་དུ་གསལ་གདབ་པ་དང་༔ ཁྱད་པར་གྱི་དམིགས་པ་ནི་ཡབ་ཡུམ་གཉིས་སྦྱོར་གྱི་མཚམས་ནས་ལས་མཐུན་གྱི་འོད་