Tibetan
ཟེར་ལྕགས་ཀྱུ་ལྟ་བུ་དཔག་ཏུ་མེད་པ འཕྲོས་པས༔ བདེ་གཤེགས་རྒྱལ་ཀུན་ཕྲིན་ལས་གཅིག་ཏུ་བསྡུས་པའི་བདག་ཉིད་སྤྲུལ་པའི་སྐུ་དེ་ཐུགས་ཐིག་ལེ་ཁ་དོག་ལྔ་ལྡན་སྲན་འབྲུ་ཙམ་ཞིག་ལྕགས་ཀྱུའི་སྣེ་ལ་དྲངས་ནས་ཡུམ་གྱི་པདྨ་ལ་ཐིམ་པར་མོས༔ ཡབ་ཡུམ་གྱི་རྒྱུ་རྐྱེན་ཉི་ཟླའི་གྭའུའི་དབུས་སུ་གཉིས་མེད་དུ་མ་རོ་གཅིག་ཏུ་བརྟན་པར་བསམ་པ་དང་༔ ཡབ་ཡུམ་བསྲུབས་སྦྱོར་མཛད་པའི་སྦྱོར་མཚམས་ནས་འོད་ཟེར་རྡོ་རྗེ་རིན་ཆེན་པདྨ་རྒྱ་གྲམ་འཁོར་ལོ་སོགས་འཕྲོས་ནས་སྟེང་འོག་ཐམས་ཅད་སྲུང་བའི་གུར་ཁང་ཆེན་པོར་གྱུར་པར་བསམ༔ ལྷ་དང་མཁའ་འགྲོ་བདེན་ཚིག་སྒྲུབ་པ་རྣམས་ཀྱིས་བྱིན་རླབས་མཛད་པར་བསམ༔ ཡབ་ཡུམ་གྱི་རྩ་ཁམས་རླུང་ཐིག་བ་སྤུའི་ཁུང་ཐམས་ཅད་ནས་དཔའ་བོ་དང་དཔའ་མོ་རྣམས་བདེ་སྟོང་གི་རོས་ཚིམ་ནས་སྐུས་གར་བསྒྱུར་ཏེ་བཀྲ་ཤིས་པའི་བརྡ་དོན་རྟགས་གསུམ་ཡོངས་སུ་རྫོགས་པར་བྱས་ནས་འགྱུར་མེད་སྐུ་དང་༔ འགགས་མེད་གསུང་༔ འཁྲུལ་བྲལ་ཐུགས༔ ཡོན་ཏན་ཕྲིན་ལས་ཀྱི་མཛད་པ་མཐར་ཕྱིན་པར་བསམ་པ་ཡིན༔ ངེད་ཅག་གི་གནས་ཚུལ་དེ ལྟར་དུ་ལགས་པས་ཁྱོད་སྣོད་དང་ལྡན་ན་བདག་གི་པདྨ་ལ་སྤྱོད་ཅིག་ཅེས་སྨྲས་ནས་བདེ་སྟོང་གི་ཏིང་ངེ་འཛིན་ལ་མཉམ་པར་བཞག་པས༔ ཁོ་རང་ལྷག་པའི་དད་པ་སྐྱེས་ནས་ཕྱག་དང་བཅས་ཏེ་འདི སྐད་ཟེར༔ ཨེ་མ་ངོ་མཚར་རྨད་དུ་བྱུང་༔ གསང་སྔགས་ལམ་ཞུགས་རྣལ་འབྱོར་མ༔ བླ་མེད་དོན་ལྡན་མཁའ་སྤྱོད་མ༔ རྣལ་འབྱོར་དབང་མོ་ཁྱོད་ཉིད་དང་༔ མི་འབྲལ་དོན་གཉིས དཔལ་སྤྱོད་ནས༔ མཁའ་འགྲོའི་གླིང་དུ་འཁྲིད་དུ་གསོལ༔ ཞེས་ཟེར་ནས་ཨ་ཧཾ་གི་སྒྲ་བཅས་འོད་ཐིག་དཀར་པོར་གྱུར་ནས་མི་སྣང་བར་ཡལ༔ ཅེས་ཉམས་སྣང་ལ་མི་དཀར་རྟ་དཀར་ཅན གྱི་རྒན་པོ་གཟུགས་བྱད་མི་སྡུག་པ་ལག་ན་སྦ་ལྕག་དང་ཞགས་པ་འཛིན་པ་ཐ་མལ་གྱི་རྣམ་པ་ཅན་ཞིག་གིས་ཁྱེད་ཡབ་ཡུམ་གཉིས་ཀྱིས་སྦྱོར་སྒྲོལ་གྱི་དམིགས་གནད་ཅི་ལྟ་བ་བཞིན་ཡིན་ཚུལ་སྦ་གསང་མེད་པར་གསུང་བར་ཞུ༔ བདག་ཀྱང་རྗེས་སུ་འཛིན་པའི་བཀའ་དྲིན་མི་ཆུང་བར་ཞུ༔ ཞེས་ཟེར་བའི་ལན་དུ་སུ་ཁ་བཛྲ་གྱིས་བྲིས་པའོ༔ དགེའོ།། །། ལས་དང་པོ་པ རྣམས་ཀྱི་ལས་རྒྱའི་དམིགས་རིམ་ནི༔ ཡབ་རྡོར་སེམས་སྐྱིལ་ཀྲུང་མཛད་པའི་པང་དུ་ཡུམ་སྙེམས་མ་དཀར་མོར་གསལ་བའི་ཞབས་གཉིས་ཡབ་ཀྱི་སྐུ་ལ་འཁྲིལ་སྦྱོར་གྱི་ཚུལ་དུ་ཡབ་ཀྱི་རྡོ་རྗེའི་བུ་ ༄༅། །ག་ཡུམ་གྱི་གསང་རྩ་གནྡྷེ་དང་ཅུང་ཟད་སྦྱར་ནས་སྟེང་འོག་གི་རླུང་ཁ་སྦྱར་ཏེ་ཆོས་ཉིད་ཀྱི་ཀློང་དུ་དར་གཅིག་མཉམ་པར་བཞག༔ དེ་ནས་རླུང་དལ་བུས་གྱེན་ལ་དྲངས་ནས་ལྟེ་བའི་ཨ་ཤད་ལས་མེ་མཆོད༔ དབུ་མའི་ལམ་བརྒྱུད་དེ་སྤྱི་བོའི་ཧཾ་ཡིག་ལ་ཕོག༔ ཧཾ་ལས་བདུད་རྩི་དངུལ་ཆུའི་མདོག་ལྟ་བུ་སྤྱི་བོ་ནས་གསང་བའིབར་རླུང་གི་རྟ་ལ་བསྐྱོན་ནས་རྡོ་རྗེའི་བུ་ག་བར་མར་བབས་པ་ལ་སེམས་བཟུང་ཞིང་༔ རླུང་དར་གཅིག་བཟུང་ནས་བདེ་སྟོང་ཡེ་ཤེས་ཀྱི་ངོ་བོ་རིག་སྟོང་བརྗོད་བྲལ་གྱི་ངང་དུ་མཉམ་པར་བཞག་པས་རང་གཞན་སེམས་ཅན་ཐམས་ཅད་ཀྱི་ལས་སྒྲིབ་བག་ཆགས་ཐམས་ཅད་དག་ནས་ཟུང་འཇུག་རྡོ་རྗེ་འཆང་གི་གོ་འཕང་ཐོབ་པར་བསམ༔ ཡང་འོག་རླུང་གྱེན་ལ་དྲངས༔ ཤེས་པ་སྤྱི་བོའི་ཧཾ་ཡིག་ལ་གཏད་ཚེ་ཐིག་ལེ་ཕྱིར་ལྡོག་ནས་གསང་གནས་ནས་སྤྱི་བོའི་བར་རིམ་གྱིས་གང་༔ གནས་ལྔ་དང་རྩ་ཁམས་ཀྱི་དཔའ་བོ་མཁའ་འགྲོ་ཐམས་ཅད་ཀྱི་ཐུགས་ཀྱི་དགྱེས་པ་བསྐང་ནས༔ རྒྱུ་བསོད་ནམས་ཀྱི་ཚོགས་རྫོགས་པ་དང་འབྲས་བུ་ཡེ་ཤེས་ཀྱི་ཚོགས་རྫོགས་ནས་ས་བཅུ་ལམ་ལྔའི་ཡེ་ཤེས་ཡོན་ཏན་ཐམས་ཅད་གོང་ནས་གོང་དུ་འཕེལ་ཞིང་རྒྱས་ཏེ་རང་གཞན་གྱི་དོན་གཉིས་འབད་མེད་དུ་འགྲུབ་པར་བསམ་ལ་སྟེང་འོག་གི་ རླུང་ཁ་སྦྱར་ནས་དར་གཅིག་བཟུང་སྟེ་ཆགས་བྲལ་ཡེ་ཤེས་ཀྱི་ངང་དུ་མཉམ་པར་བཞག་གོ་།དེ་ལྟར་རླུང་སེམས་ལ་དབང་མ་ཐོབ་བར་དུ་འབད་པ་དྲག་པོས་བརྩོན་པར་བྱ་བ་ནི་གནད་དམ་པའོ། རྩ་རླུང་ཐིག་ལེར་རང་དབང་ཐོབ་སྟེ་མཐར་ཕྱིན་པ་ན་ལས་རྒྱ་དངོས་ཀྱི་བདེ་བ་ཆེན་པོའི་དཀྱིལ་འཁོར་ལ་ཉམས་སུ་ལེན་པའི་ཚེ་རྡོ་རྗེ་ཆུ་འཐུང་གི་གདམས་པའི་མན་ངག་ནི་སྦྱོར་སྒྲོལ་གསང་ལམ་ལྟར་ཤེས་པར་བྱའོ།། ཞེས་པའང་གསང་གྲོགས་བི་མ་ལའི་བཞེད་སྐོང་དུ་བདེ་བའི་རྡོ་རྗེས་སྙན་བརྒྱུད་སྐོར་ལས་གཏན་ལ་ཕབས་པ་དགེ། །། སྦྱོར་སྒྲོལ་གྱི་གནད་འགགས ༔ ཁྲོ་བོ་རྡོ་རྗེ་ཞི་བ་པདྨ་དང་འཕྲད་རྗེས་རྡོ་རྗེ་ཞི་བ་ལ་མི་གནས་པ་ཅིའི་ཕྱིར་ལགས་ཞུས་པའི་ལན་དུ༔ ཨ་ཧཾ༔ ལས་ཀྱི་རང་ལུས་ཐབས་ལྡན་ཕྱག་རྒྱ་མཐར་ཕྱིན་ནས༔ ལུས་ཀྱི་གཞན་ལུས་ཕྱག་རྒྱ་ཕྱག་རྒྱ་མངོན་དུ་གྱུར༔ གཉིས་མེད་ལྷན་སྐྱེས་ཡེ་ཤེས་ཀྱི་ཕྱག་རྒྱ་ཡིད་ཀྱི་ཕྱག་རྒྱ་ཡིས༔ འབྲལ་མེད་བདེ་ཆེན་ཡེ་ཤེས་བསྐྱེད རྩོལ་བྲལ་གྱི་བདེ་བ་ངང་གི་འབར༔ རྡོ་རྗེ་ཁྲོས་པས་ཉོན་མོངས ཀུན་རྟོག་བརྒྱད་ཅུ་བཅོམ༔ རང་བཞིན་ཆགས་བྲལ་གྱི་ཡེ་ཤེས་བདེ་ཆེན་རླབས་གཡོས་པས༔ སྣང་སེམས་ཐུག་ཕྲད་ཡེ་ཤེས་འཆར༔ མ་བསླབ་ཤེས་རབ ༄༅། །མཁྱེན་གཉིས་རྟོགས་པ་རྒྱས༔ མཁའ་འགྲོ་སེམས་ཀྱི་འཕྲུལ་དུ་ཤར༔ ཟབ་བཅུད་མན་ངག་དགོངས་པ་ཁྲོལ༔ སྣོད་ལྡན་བུ་ལ་གཅིག་བརྒྱུད་སྤེལ༔ ཐེག དམན་བློ་ཆུང་སྐལ་མེད་ལ༔ རླུང་ཕྱོགས་མ་སྤེལ་ཨ་རྒྱ་སྡོམས༔ མཁའ་འགྲོའི་ཐུགས་ཐིག་_UNK༔རྒྱ༔ སྙན་བརྒྱུད་ལས་གསང་གྲོགས་ལས་འབྲེལ་རྩལ་གྱི་བཞེད་སྐོང་དུ་སུ་ཁ་བཛྲ་གྱིས་བྲིས་པའོ༔ ༡ ༽ ༅ཐ TI1395-091 TI1395- 092 会།༈༽ ཆོས་ཉིད་མཁའ་འགྲོའི་གསང་མཛོད་ལས༔ རྫོགས་ཆེན་མཐའ་གྲོལ་ཀློང་ཡངས་ཀྱི་དགོངས་པ་འོད་གསལ་སྒྲོན་མེ་བཞུགས༔ བྷབྷ་ཐ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ༔ གདོད་ནས་རིག་པ་ཀུན་ཏུ་བཟང་༔ འཁྲུལ་བྲལ་ཡེ་ཤེས་ཆེན་པོ་ཉིད༔ རང་བྱུང་རིག་པ་སྐྱེ་འགག་བྲལ༔ ཁྱབ་བརྡལ་སྐྱེ་མེདངོ་བོར་ཤར༔ མ་རིག་གཉིས་འཛིན་ཡུལ་ལས་འདས༔ ཀུན་བརྟགས་རྟོག་པ་དབྱིངས་སུ་དག༔ འབད་རྩོལ་ལས་འདས་འོད་གསལ་ཀློང་༔ གང་ཤར་རང་གྲོལ་ཡེ་ཤེས་ངང་༔ ཟང་ཐལ་རྒྱ་ཡན་ཕྱོགས་ལྷུང་བྲལ༔ སྣང་སྲིད་འཁོར་འདས་ཆོས་རྣམས་ཀུན༔ གཞི་གཅིག་ཀློང་ཡང་ངང་དུ་རྫོགས༔ མཐའ་བརྒྱད་སྤྲོས་པ་བྲལ་བ་ལས༔ རང་བྱུང་རང་ཤར་ལྷུན་གྱིས་གྲུབ༔ ལྟ་བ་གཏད་མེད་དབྱིངས་སུ་དག༔ སྒོམ་པ་ཟང་ཐལ་རྒྱ་ཡན་རོལ༔ སྤྱོད་པ་གང་ཤར་རང་གྲོལ་ངང་༔ ཡེ་གྲོལ་སྤྲོས་བྲལ་སྤང་བླང་བྲལ༔ འོད་གསལ་རིག་པ་མཐའ་དབུས་མེད༔ ཡེ་ཤེས་ཡུལ་མེད་བསམ་བརྗོད་བྲལ༔ གཟུང་འཛིན་མདུད་རྒྱ་དབྱིངས་སུ་གྲོལ༔ སྤང་བླང་གཉིས་མེད་རྒྱན་དུ་ཤར༔ བཟང་ངན་དགའསྡུག་གཞི་ལ་གྲོལ༔ འཁོར་འདས་སྐུ་གསུམ་རོལ་ པར་ཤར༔ ཆོས་ཉིད་རྩལ་རྫོགས་རྡོ་རྗེའི་ཆོས༔ བདུན་ལྡན་མི་ཤིག་ཐིག་ལེའི་ཀློང་༔ ཡེ་གྲོལ་གདོད་ནས་དག་པ་ཡི༔ རིག་སྟོང་འགྱུར་བ་མེད་པའི་ངང་༔ ལྷུན་གྲུབ་གཟིགས སྟངས་ལྟ་སྟངས་སྐུ་གསུམ་གྱི་གཟིགས་སྟངས་དང་ཡན་ལག་གི་ལྟ་སྟངས་གཅུན ཕྱི་ཕྱིའི་སྒྲོན་མ་གསུམ་གནད་གཅུན་པས་ནང་ནང་གི་སྒྲོན་མ་གསུམ་དབྱིངས་ཆོས་ཉིད་གསལ༔ སྣང་བཞི་ཚད་ལ་ཕེབས་པ་གདོད་མའི་དབྱིངས༔ ཆོས་ཉིད་མངོན་སུམ་ཡོངས་འཁྲུལ་ཡེ་དག་ཀློང་༔ ཉམ་སྣང་གོང་འཕེལ་དབྱིངས་ཀྱི་ར་བ་ནས༔ སྒྲོན་དྲུག་ལམ་དག་ཐིག་ལེ་སྐུ་རུ་སྨིན་པའི་ཆ་ནས་གཞི་རྩལ་རྫོགས༔ རིགས་པ་ཚད་ཕེབས་ལྷ་སྐུར་ཤར༔ སྐུ་དང་ཞིང་ཁམས་སྣང་སེམས་ཀུན༔ རིག་པ་རང་རྩལ་ཡེ་ནས་རྫོགས༔ ཆོས་ཟད་བློ་ཟད་ཡུལ་སྣང་ཟད༔ དབྱིངས་སྤྲུལ་སྐུའི་དབྱིངས་ལོངས་སྐུའི་དབྱིངས་ཆོས་སྐུའི་དབྱིངས་དང་གསུམ་དབྱེར་མེད་གཞོན་ནུ་བུམ་སྐུར་ནང་གསལ་དུ་ཐིམ་པ་ལ་མཆན་གསུམ་གཅིག་ཏུ་འདྲེས་པ་ཡིས༔ ནམ་མཁའ་ནམ་མཁར་ཐིམ་བཞིན་གྲོལ༔ དཔེར་ན་བུམ་པ་ཆགས་པའི་མཁའ༔ འཆི་བ་དང་པོ་ཀ་དག་གྲོལ༔ གཞོན་ནུ་བུམ་པའི་རྒྱལ་ས་ཟིན༔ གཞི་དང་གཞི་སྣང་བརྗོད་པ་བྲལ༔ རང་བྱུང་རིག་པར་ལྷུན་གྱིས་གྲུབ༔ ༢.༣ །དེ མཐའ་གྲོལ་ཀློང་ཡངས་དགོངས་པ་ཨེ་མ་ཧོ༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ བརྡ་ཐིམ༔ ༔ ཞེས་པའང་ཆོས་འཛིན་ཏཱ་རེའི་མིང་གིས་ནན་ཆེར བསྐུལ་ངོར་སུ་ཁ་བཛྲས་དག་པར་བྲིས་པ་དགེའོ།། །། 丑༢ད་31 TI1395-095 TI1395-096 སྐུ་།དེ ཆོས་ཉིད་མཁའ་འགྲོའི་གསང་མཛོད་ལས༔ མྱུར་ལམ་ཐོད་རྒལ་གྱི་གདམས་པ་འཇའ་ལུས་མངོན་འགྲུབ་བཞུགས་སོ༔ ན་མོ་ཛྙཱ་ན་ཌཱ་ཀི་ཡེ༔ སྐྱེ་མེད་དབྱིངས་ཡུམ་ཀུན་བཟང་མོ༔ རང་བཞིན་མ་འགགས་རྣལ་འབྱོར་མ༔ ཀུན་ཁྱབ་རང་གསལ་རྒྱལ་བའི་ཡུམ༔ དཔལ་ལྡན་རྡོ་རྗེ་ཕག་མོར་འདུད༔ ཤིན་ཏུ་རྟོགས་ཀའི་ལམ་ཟབ་མོ༔ བླ་མེད རྡོ་རྗེ་ཐེག་པ་ཡི༔ འབྲས་བུ་ཡེ་ཤེས་མངོན་གྱུར་ཐབས༔ འཇའ་ལུས་ཆོས་སྐུའི་གདམས་པ་བསྟན༔ དང་པོ་ལུས་ཀྱི་སྔོན་འགྲོ་ནི༔ རྐང་མཐིལ་གཉིས་ཀྱི་རྩེ་སྤྲད་ཅིང་༔ རྟིང་པ་གསང་བར་གཏད་ནས་ཀྱང་༔ ལུས་གནད་དྲང་པོར་བསྲངས་ཏེ་གནས༔ ལག་གཉིས་མགོ་ལ་མ་རེག་ཙམ༔ རྡོ་རྗེའི་ཕྱག་རྒྱས་ཐལ་སྦྱར་གནད༔ ལུས་ཀྱང་རྡོ་རྗེའི་མེ་འབར་བ༔ སྔོན་པོའི རྣམ་པར་གསལ་གདབ་ནས༔ ཉིན་བཞག་རབ་བདུན་འབྲིང་ལྔ་དང་༔ ཐ་མ་གསུམ་དུ་འབད་པར་བྱ༔ གཉིས་པ་ངག་གི་སྔོན་འགྲོ་ནི༔ རྒྱས་གདབ་རྩལ་སྦྱངས་མཉན་བཙལ་དང་༔ ལམ་ཞུགས་ལ་སོགས་ངག་སྦྱོང་ནི༔ ཧཱུྃ་ཞེས་ངག་དང་སེམས་ཀྱིས་སྦྱངས༔ གསུམ་པ་སེམས་ཀྱི་སྔོན་འགྲོ་ནི༔ སེམས་དང་སེམས་བྱུང་རྟོགས་པ་ཀུན༔ དང་པོ་བྱུང་དང་བར་དུ་གནས༔ ཐ་མ་འགྲོ་བའི་ཡུལ་ལ་སོགས༔ ཕྱི་ནང་སྣོད་བཅུད་ཀུན་ལ་བརྟགས༔ བདེན་པར་མ་གྲུབ་ཆོས་ཉིད་ཀྱི༔ གནས་ལུགས་རིག་པ་ཇི་བཞིན་མངོན༔ སྐུ་གསུམ་ཡེ་ཤེས་ཡོན་ཏན་རྫོགས༔ རྣལ་དབབ་སོར་གཞག་མཉམ་རྗེས་བསྲེ༔ ལུས་གནད་སྐུ་གསུམ་བཞུགས་སྟངས་བྱ༔ རྩ་དྲང་རླུང་གཅུན་རིག་གནད་འབྱེད༔ ངག་གནད་སྨྲ་བཅད་བརྗོད་པ་སྤངས༔ ལས་རླུང་རང་སོར་འཕེན་པའི་གནད༔ སེམས་གནད་འཕྲོ་འདུའི་སྤྲོས་པ་གཅོད༔ སེམས་རིག་ཤན་འབྱེད་འོད་གསལ་མངོན༔ སྒོ་གནད་མིག་ཟིམ་ལྟ་སྟངས་གཅུན༔ ཡུལ་གནད་ཁམས་དང་དབང་པོར་སྦྱར༔ སུཪྻ་ཙནྡ་མན་ཤེལ་དང་༔ ཀུན་ལ་སྙོམས་པ་ཨ་ལོ་ཀེ༔ རླུང་གནད་མཆུ་སོ་མ་རེག་ཙམ༔ དལ་བུས་ཁ་སྣ་གཉིས་ནས་བཏང༔ རིག་གནད་དབྱིངས་ཀྱི་གོ་ར་ལས༔ མི་འདའ་རྟོག རེ་དོགས གཉིས་བྲལ་བར་བཞག༔ རྣལ་འབྱོར་ལམ་གྱི་སྒྲོན་མ་དྲུག༔ ཙིཏྟ་རང་བྱུང་ཤ་ཡི་སྒྲོན༔ དཀར་འཇམ་རྩ་ཡི་སྒྲོན་མ་དང་༔ རྒྱང་ཞགས་ཆུ་ཡི་སྒྲོན་མ་ནི༔ ནང་གི་སྒྲོན་མ་རྣམ་གསུམ་དང་༔ ཕྱི་དབྱིངས་ནམ་མཁའ་རྣམ་དག་སྒྲོན༔ ཐིག་ལེ་སྟོང་པའི་སྒྲོན་མ་དང་༔ རིག་པ་རང་བྱུང་སྒྲོན་མ་གསུམ༔ ཕྱི་ནང་འབྱུང་བའི་དྭངས་མར་གནས༔ ༡་།ཟ སྒོ་ཡུལ་རླུང་རིག་གནད་གཅུན་ནས༔ སྣང་བཞིའི་དྲོད་ཚད་མངོན་གྱུར་ཅིང་༔ གཞི་བཅའ་ཚད་བཟུང་ཐོབ་གསུམ་གྱིས༔ གདིང་བཞིའི་གྲོལ་ཚད་ས་ལམ རྫོགས༔ གདོས་བཅས་འོད་ཀྱི་སྐུ་རུ་སྨིན༔ རིག་པ་ཆོས་ཉིད་གཞི་རུ་གྲོལ༔ སྐུ་དང་ཡེ་ཤེ་མངོན་གྱུར་ནས༔ འཇའ་ལུས་འཕོ་ཆེན་དྭངས་མའི་སྐུ༔ མངོན་པར་རྫོགས་པའི་སངས རྒྱས་ཐོབ༔ རིག་པ་འོད་ཀྱི་གྭའུར་སྦ༔ འབྱིན་འཇུག་ཤེས་བྱ་བུམ་བསྡུ་དང་༔ གདོས་བཅས་རགས་པ་དག་སྦྱོར་བསླབ༔ རྗེས་མཐུན་འཆི་བ་སྦྱང་བ་ཡི༔ མན་ངག་ལམ་གྱི་ཉམས ལེན་བརྩོན༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་ཆོས་འཛིན་སྐྱེས་བུ་དམ་པ་ཐུགས་སྲས་ཀྱིས་ཡང་ཡང་བཀའ་བསྐུལ་ཕེབས་ཚེ་མི་ལྡོག་ཙམ་དུ་མཁའ་འགྲོའི་དུས་ཆེན་ཉེར་ལྔའི་ཉིན་ཀུན་བཟང་བདེ་སྐྱོང་ཆོས་ཉིད་དབང་མོས་ཤར་མར་བྲིས་པའོ༔ དགེའོ།། །། 8 TI1395-100 མ་།ཟ༽ ཆོས་ཉིད་མཁའ་འགྲོའི་གསང་མཛོད་ལས༔ འོད་གསལ་དོན་གྱི་སྙིང་པོ་ནམ་མཁའ་ཀློང་ཡངས་བཞུགས་སོ༔ གདོད་ནས་མ་འཁྲུལ་རིག་པ་བྱང་ཆུབ་སེམས༔ ཀུན་ཟླུམ་ཐིག་ལེ་མཐའ་བཞིའི་དྲི་མ་བྲལ༔ རྣམ་ཀུན་མཆོག་ལྡན་རྡོ་རྗེ་བཙུན་མོ་མཆོག༔ རང་རིག་ཀུན་ཏུ་བཟང་མོར་ཕྱག་འཚལ་ལོ༔ སེམས་ཉིད་མ་བཅོས་ཀློང་ཆེན་དགོངས་པའི་གཞི༔ ཡེ་ནས་རྩ་བྲལ་ཀ་དག་ཟང་ཀ་མ༔ མ་བཅོས་ལྷུན་གྲུབ་འཁོར་འདས་འབྱུང་བའི་གནས༔ ངོ་བོ་སྟོང་ལ་རང་བཞིན་འགགས་པ་མེད༔ སྣ་ཚོགས་རོལ་པ་ངེས་མེད་སྒྱུ་འཕྲུལ་ཤར༔ ཐ་དད་སྤྲོས་བྲལ་དམིགས་མེད་བསམ་བརྗོད་བྲལ༔ གཟུང་འཛིན་གཉིས་སྣང་སྒྲིབ་གསུམ་དབྱིངས་སུ་དག༔ ཡིད་དཔྱོད་བློ་བྲལ་ཀུན་བཟང་དགོངས་པ་ཆེ༔ འཁྲུལ་གྲོལ་གཉིས་མེད་རང་བྱུང་གཞི་ལ་སངས༔ འབད་རྩོལ་ལས་འདས་གཉུག་མ་འོད་གསལ་ཀློང་༔ མ་བཅོས་རང་བྱུང་སོ་མ་ཁྱབ་བརྡལ་ངང་༔ ཨ་འཐས་གཟུང་འཛིན་འཆིང་བ་ཡེ་ནས་གྲོལ༔ བློ་འདས་འོད་34༡གསལ་གཉུག་མ་རང་བབས་ངང་༔ རྩོལ་སྒྲུབ་བྲལ་བ་རང་བཞིན་དགོངས་པའི་ཀློང་༔ རྟོག་ཚོགས་རང་གྲོལ་ཡེ་ཤེས་རོལ་པ་ཆེ༔ གང་ཡང་ཆོས་སྐུའི་རྒྱན་ཤར་འབད་རྩོལ་བྲལ༔ ཡེ་ ནས་རང་གྲོལ་ཉོན་མོངས་གཡུལ་ལས་རྒྱལ༔ སྤང་བླང་མེད་པར་གདོད་མའི་གཞི་ལ་གྲོལ༔ རང་བྱུང་རིག་པ་ཀ་དག་ཆོས་ཀྱི་སྐུ༔ ཡེ་ཤེས་རོལ་པ་མ་འགགས་ལོངས་སྤྱོད་རྫོགས༔ ཀུན་ཁྱབ་རང་གསལ་ཐུགས་རྗེ་སྤྲུལ་པའི་སྐུ༔ དབྱེར་མེད་ངོ་བོ་ཉིད་སྐུ་གཞི་ལ་རྫོགས༔ ཡེ་སངས་རྒྱས་པའི་དགོངས་པ་རྨད་དུ་བྱུང་༔ སྣང་སྲིད་འཁོར་འདས་ཀ་དག་རིག་པའི་དབྱིངས༔ ཡེ་གྲོལ་སྤང་ཐོབ་བྲལ་བའི་གདིང་གཞི་ཐོབ༔ ཡར་གྱི་གདིང་། མར་གྱི་གདིང་། རང་རིག་ལས་གཞན་ཀུན་བཟང་ལོགས་ན་མེད༔ ཡོངས་གྲོལ་དྲན་འཛིན་བློ་ཡི་ཡུལ་ལས་འདས༔ དབྱིངས་ཕྱི་དབྱིངས་ནམ་མཁའ་སྟོང་པ། སྣང་སེམས་གཉིས་མེད་ཀྱི་འོད་གསལ། ནང་དབྱིངས་རང་སེམས་འོད་གསལ་སྟོང་པ། དབྱིངས་རིག་ཟུང་འཇུག་གི་འོད་གསལ། གསང་དབྱིངས་རིག་པ་མི་འགྱུར་བ་ཆོས་སྐུའི་སྟོང་པ། སྐུ་གསུམ་མཉམ་ཉིད་ཀྱི་འོད་གསལ། གསུམ་དབྱེར་མེད་འབྲས་བུ་གཞི་ལ་རྫོགས༔ ལྟ་བ་ཡེ་སྟོང་སྤྲོས་བྲལ་ཕྱོགས་ལྷུང་བྲལ༔ སྟོང་པས་རྒྱས་འདེབས་བཅོས་བསྒྱུར་ལྟ་བའི་འཕྲང་༔ སྒོམ་པ་འོད་གསལ་གཉུག མའི་རང་བཞིན་ལ༔ ཨ་འཐས་གཟུང་འཛིན་དྲན་པ་སྒོམ་གྱི་སྒྲོག༔ སྤྱོད་པ་བྱ་རྩོལ་བླང་དོར་ཡེ་ནས་འདས༔ རེ་དོག་གཉིས་འཛིན་སྤང་བླང་སྤྱོད་པའི་བགེགས༔ སྐྱོན་མ་རིག་སྒྲིབ་པའི །༈༽ སྐྱོན་བག་ཆགས་འཁོར་བའི་སྐྱོན་ཀུན་བརྟགས་འཁྲུལ་པའི་སྐྱོན གསུམ་བྲལ་བ་དྲི་མེད་ནམ་མཁའ་རྣམ་ཐར་གསུམ་དང་ལྡན་པས་ལྟར གང་ཤར་རང་གྲོལ་གང་ཡིན་ཡིན་དུ་ཆུག༔ སྣང་བ་ཡེ་སྟོང་སྤྲོས་བྲལ་ལྷུན་གྱིས་གྲུབ༔ སྣང་སྲིད་སྣོད་བཅུད་ཆོས་ཉིད་ཡེ་ཤེས་རྒྱན༔ གསལ་སྟོང་འགགས་མེད་ཀ་དག་རིག་པར་རྫོགས༔ ཆོས་དབྱིངས་ངང ལས་མི་གཡོ་ཆོ་འཕྲུལ་ཆེ༔ སྐུ་གསུམ་འབྲས་བུ་གཉིས་མེད་ཆེན་པོར་གྲོལ༔ ལྟ་བ་གཏད་མེད་བློ་འདས་ཡངས་པ་ཆེ༔ སྣང་སེམས་གཉིས་མེད་ཆོས་དབྱིངས་ཀློང་དུ་གྲོལ༔ སྒོམ་པ་རང་བྱུང་རང་གསལ་འོད་གསལ་ཀློང་༔ མ་བཅོས་རང་བབས་གཉུག་མའི་ངང་དུ་གྲོལ༔ སྤྱོད་པ་གང་ཤར་རང་གྲོལ་སྤང་བླང་བྲལ༔ སྦྲུལ་མདུད་བཞིན་དུ་རང་བཞིན་ངང་གིས་གྲོལ༔ རི་བོ་བཞིན་དུ་འཕོ་དང་འགྱུར་བ་མེད༔ རྒྱ་མཚོ་བཞིན་དུ་དྭངས་གསལ་རྙོག་དང་བྲལ༔ ནམ་མཁའ་བཞིན་དུ་འཁོར་འདས་ཡོངས་ལ་ཁྱབ༔ ཉི་འོད་བཞིན་དུ་ཡེ་ཤེས་རང་གསལ་འབར༔ བློ་འདས་འོད་གསལ་རྫོགས་པ་ཆེན་པོའི་ལམ༔ རྒྱལ་ཀུན་ཐུགས་ཀྱི་སྙིང་པོ་བླ་ན་མེད༔ འབད་རྩོལ་ཞེན་འཛིན་བྲལ་བ་གདོད་མའི་ངང་༔ ཀུན་བཟང་གཞོན་ནུ་བུམ་སྐུར་སངས་རྒྱས་ཤོག༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་ཡང་ཟབ་གཏེར་རྒྱ་མཚོའི་ཐབས་གྲོགས་མཆོག་གྱུར་ཨོ་རྒྱན་དངོས་སྣང་གཏེར་ཆེན་རིན་པོ་ཆེ་པདྨ་འགྲོ་འདུལ་གསང་སྔགས་གླིང་པའི་བཀའ་བཙན་སྤྱི་བོར་སོན་པ་དང་༔ དགེ་བཙུན་དམ་པ་ཆོས་གསལ་གྱིས་ཀྱང་ཡང་ཡང་བསྐུལ་ངོ་མི་ལྡོག་ཙམ་དུ་མདོ་མེད་འཆོལ་མོ་ཀུན་བཟང་བདེ་སྐྱོང་དབང་མོས་དག་པར་ཕབས་པའོ།། དགེའོ།། །། མ་བཅོས་བཞི་ལྡན་ནི དབྱིངས་དང་ཐིག་ལེའི་ཀློང་དུ་རིག་པ་གཡོ་མེད་དུ་གནས་པས་གསལ་ལེ༔ རྟོག་ཚོགས་ཤར་ཆ་ཐམས་ཅད་ཤེས་རབ་ཆེན་པོའི་རང་རྩལ་ཡེ ཤེས་དང་ཆོས་ཉིད་ལས་མ་འདས་པས་སང་ངེ༔ དབྱིངས་དང་ཐིག་ལེའི་ཤར་ཆ་ཐམས་ཅད་དགག་སྒྲུབ་མེད་པར་རིག་གདངས་དབྱིངས་དང་ཐིག་ལེའི་ངང་དུ་འབྱམས་ཀླས་པས་ཝལ་ལེ་བ༔ རིག་པ་སྐུ་གསུམ་འདུ་འབྲལ་མེད་པ་ནང་གསལ་གཞོན་ནུ་བུམ་སྐུའི་ཁྱད་ཆོས་དང་ལྡན་ཏེ་སྐུ་དང་ཡེ་ཤེས་ཐིག་ལེ་ཆེན་པོ་མངོན་དུ་གྱུར་པས་ན་ཧྲིག་གེ་བའོ༔ སྦ་བསྡུ་དག་སྦྱོར་གྱི་དགོས་པ་ནི༔ གཉིད་འོད་གསལ་དུ་སྦ་བས་ལུས་ཀྱི་ཞེན་པ་ལྡོག༔ ལུས་འོད་སྐུར་གྲོལ་ནས་སྤྲུལ་སྐུར་སྨིན༔ ཤེས་བྱ་བུམ་པར་བསྡུ་བས་ངག་གི་འཛིན་པ་དག༔ རླུང་གདངས་ཡེ་ཤེས་སུ་གོ་འཕོས༔ 8 གྲྭར །དེ༔ ངག་ལོངས་སྐུརགྲོལ༔ འབྱུང་ཁམས་དག་སྦྱོར་གྱི་རླུང་སེམས་དྷུ་ཏིར་བསྡུས༔ རྟོགས་ཚོགས་ཆོས་སྐུ་རུ་དག༔ འོད་གསལ་མངོན་དུ་གྱུར་པའི་དགོས་པ ཡོད་དོ༔ བདེ་བའི་རྡོ་རྗེས་སོ། 丑Ξ 24༡ M7ME TI1395-105 TI1395-106 ༡ 奐 ད འ༔ ཆོས་ཉིད་མཁའ་འགྲོའི་གསང་མཛོད་ཀྱི་ཐོད་རྒལ་འཇའ་ལུས་མངོན་འགྲུབ་ཀྱི་པྲ་ཁྲིད་སངས་རྒྱས་མཉམ་སྦྱོར་འོད་གསལ་སྙིང་པོ་ཞེས་བྱ་བ་བཞུགས་སོ།། དགེའོ།། 3༔ ན་མོ་གུ་ར་ཝེ། བདེ་གཤེགས་རྒྱལ་དང་རྒྱལ་སྲས་ཐམས་ཅད་ཀྱི །སྐུ་གསུང་ཐུགས་ཡོན་ཕྲིན་ལས་ཡོངས་འདུས་དཔལ། འགྲོ་བའི་སྐྱབས་མགོན་ཨོ་རྒྱན་ཆོས་ཀྱི་རྗེ། །པདྨ་ཐོད་ཕྲེང་ཞབས་ལ་གུས་པས་འདུད། །རྡོ་རྗེ་ཕག་མོ་མི་མོའི་གཟུགས་སུ་བཞེངས། །གང་འདུལ་ཐབས ཀྱིས་འགྲོ་རྣམས་རྗེས་སུ་འཛིན། །གནས་གསུམ་མཁའ་འགྲོའི་གཙོ་མོ་མཚོ་རྒྱལ་མ། །སངས་རྒྱས་པདྨའི་ལྕམ་ལ་རྟག་ཏུ་འདུད། །རྒྱལ་ཀུན་མཁྱེན་བརྩེ་ནུས་གསུམ་གཅིག་བསྡུས་དཔལ །ཡེ་ཤེས་སྒྱུ་མའི་གར་བསྒྱུར་རིག་པ་འཛིན །སྐྱབས་ཀུན་ཡོངས་འདུས་འདྲེན་སྟོན་ཆོས་ཀྱི་རྗེ། །པདྨ་ལས་འབྲེལ་ ༄འ༔ རྩལ་ལ་གུས་ཕྱག་འཚལ། །བྱང་ཆུབ་བར་དུ་རིགས་ཀྱི་བདག་པོར་བཞུགས། །བདག་རྒྱུད་སྨིན་ཅིང་གྲོལ་བར་བྱིན་གྱིས རློབས། །གནས་དང་ཉེ་གནས་ཞིང་དང་ཉེ་ཞིང་ལ །དབང་བསྒྱུར་ཌཱ་ཀི་དམ་ཅན་རྒྱ་མཚོ་དང་། །བརྒྱུད་གསུམ་རིག་འཛིན་བླ་མའི་དམ་གནས་པའི། ། གསང་སྔགས་བཀའ་ཡི་གཉེར་འཛིན་གཏེར་བདག་གིས །ཕྲིན་ལས་མཛོད་ལ་བཀའ་ཡི་གནང་བ་སྩོལ །དེ་ལ་འདིར་འོད་གསལ་མྱུར་ལམ་ཐོད་རྒལ་གྱི་གདམས་པ་འཇའ་ལུས་མངོན་འགྲུབ་ཀྱི་ཁྲིད་འདི་ཉིད་འཆད་པར་བྱེད་པ་ལ། བཤད་བྱའི་ཡན་ལག་བཤད་པ་དང་བཤད་བྱ་གཞུང་དོན་དངོས་བཤད་པ་གཉིས ལས། དང་པོ་བཤད་བྱའི་ཡན་ལག་བཤད་པ་ལའང་། རྒྱལ་བ་ཐབས་མཁས་ལ་སོགས། ཁྱད་པར་བཞིས་འཕགས་པ། རྒྱ་ཆེ་བ་ཟབ་མོ་ས་ཡི་གཏེར་བྱོན་རྫོགས་པ་ཆེན་པོ་ཨ་ཏི་ཡོ་གའི སྙིང་བཅུད་ཨ་ཏིའི་ཨ་ནུ་ཞེས་ཆོས་བཅུད་ཀུན་གྱི་རྩེ་