Tibetan
སྒྲོན་མ་ཞེས་དཔེར་ན་ཟ་འོག་ཁ་ཕྱེས་པ་ལྟ་བུའི་ཀློང་དུ་དབྱིངས་ཀྱི་རྒྱན་རྩིབས་ཤར་དང་གྱེན་འགྲེང་། དབྱིངས་ཀྱི་སྣང་བ་ཐིག་ལེ་དཀར་པོ་ཉིས་འབྲེལ སེར་པོ་ལྕགས་སྒྲོག་ལྟ་བུ། དམར་པོ་གསུམ་འབྲེལ། ལྗང་སྐྱ་རེས་མངོན་རེས་མི་མངོན་པའི་ཐིག་ལེ་གཅིག་དང་། གཞན་ཡང་རྩིབས་གྲགས་ལ་སོགས་པ་ཉམས་རྩལ་རྫོགས་པའི་ཚེ་ན་དབྱིངས་ཀྱི་སྣང་བ་བསམ་ལས་འདས་པར་འཆར་རོ། །དབྱིངས་དངོས་ནི་འོད་ལྔའི་ཐིག་ལེ་འགུལ་འཕྲིགས་དང་བྲལ་བར་གནས་ཤིང་ཐིག་ཕྲན་དུ་མས་ཁྱབ་པར་སྣང་བ་དེ་ཡིན་ནོ། །ལས་དང་པོ་པ་རྣམས་ལ་དབྱིངས་སྣང་ལ་ཚད་བཟུང་མེད་ཅིང་ཁམས་དང་ཡུལ་གྱི་བྱེ་བྲག་གིས་སྣ་ཚོགས་འཆར་རོ། །ཇི་ལྟར་ཤར་སྙམ་ན། ཡུལ་ཉི་མ་ལ་བལྟས་ཚེ་འོད་ཤིན་ཏུ་ཆེ་བས་དབྱིངས་ཇི་བཞིན་པ་མི མངོན་པ་དང་། ཟླ་བ་ལ་བལྟས་ཚེ་དབྱིངས་སྐྱ་བོ་སོག་ཕོན་ལྟ་བུ་རེས་གསལ་རེས་མི་གསལ་བ་དང་། མཐོངས་སྐར་རམ་གསལ་ལམ་ལ་བལྟས་ཚེ་གོང་དང་འདྲ་ལ། མར་མེ་ལ་བལྟས་ཚེ དབྱིངས་སྣང་སེར་སྐྱའི་རྣམ་པར་ཤར་ཡང་ཡུལ་གང་དུ་བལྟས་ཀྱང་གོམས་འདྲིས་མ་སོང་བར་དུ་དབྱིངས་མི་བརྟན་ཅིང་མིག་ཀྱང་ལྟ་མི་ཚུགས་པ་ལྟ་བུར་སྲིད་ཀྱང་། བླ་མ་ལ་གསོལ་བ་བཏབ ཅིང་སྙིང་རུས་ཀྱིས་བསྒོམ་པའི་ཚེ་ན དབྱིངས་སྣང་ལ་བརྟན་པ་ཐོབ་ནས་རང་གི་མིག་ཁེབས་པ་ཙམ་དལ་གྱིས་གནས་པར་ཤར་བ་ཡིན་ནོ། །དེ་ནས་རིམ་གྱིས་བསྒོམ་པ་ན་དབྱིངས་སྣང་ཇེ་ཆེར མངོན་ཞིང་དབྱིངས་ཀྱི་རྒྱན་དང་སྣང་བ་ཐིག་ལེ་ལ་སོགས་པ་མངོན་དུ་འཆར་བར་བྱེད་པས་ན། ཀུན་གསལ་ལས། ཙིཏྟ་རིན་ཆེན་གཞལ་ཡས་ན། །སྐུ་ཡི་ཆ་ཕྲན་ཏིལ་བྲུ་ཙམ། །འོད་ལྔའི་ཀློང་ན་རྫོགས་པར་བཞུགས། །སྦྱངས་ན་མངོན་སུམ་ལམ་དུ་བྱེད། །ཅེས་གསུངས་པ་བཞིན་ནོ། །དེ་ལྟ་བུའི་དབྱིངས་ནམ་མཁའ་རྣམ་དག་གི་སྒྲོན་མའི་དབུས་སུ་ནང་འབྱུང་ཕྲན་ལྔའི་དྭངས་མ་ཐིག་ལེ་སྟོང་པའི་སྒྲོན་མ་ཞེས་ཀོ་མོའི་ཆུ་ལ་རྡོ་འཕང་བ་ལྟ་བུའི་འོད་ལྔའི་མུ་ཁྱུད་ཟླུམ་བསྐོར་གྱི་ཚུལ་དུ་གསལ་འཚེར་ལྷུན་འཐུག་པར་གནས་པའོ། །ཉམས་སུ་དང་པོ་བླང་སྐབས་ཐིག་ལེ་ཉ་མིག ལྟ་བུའི་ཚད་ཙམ་ཡོད་པ་འོད་ལྔ་མི་གསལ་ཞིང་འགུལ་འཕྲིག་གི་རྣམ་པར་གནས་པར་འཆར་རོ། །མཐར་བསྒོམ་པ་སྟོབས་སུ་གྱུར་པས་སྙིང་དབུས་དྭངས་མའི་ཐིག་ལེ་ཚད་དུ་ཕེབས་ནས་རབ་ཏུ་ སྐར གནས་ཤིང་བརྟན་པར་གྱུར་རོ། །དེ་ལྟ་བུའི་དབྱིངས་དང་ཐིག་ལེའི་ཀློང་དུ་ཤེས་རབ་རང་བྱུང་གི་སྒྲོན་མ་ཞེས་པ་སེམས་ཀྱི་དྭངས་མ་རྒྱུ་མིང་འབྲས་བུར་ཆགས་པ་རིག གདངས་རྡོ་རྗེ་ལུ་གུ་བརྒྱུད་གསེར་སྐུད་ཕྲ་མོ་འོད་ལྔའི་ཟེར་མདངས་དང་ལྡན་པ་ཕྲ་ལ་འཁྱོགས་པའི་བར་མཚམས་རྣམས་སུ་ཐིག་ལེཕྲ་མོས་བརྒྱན་པ་འགུལ་འཕྲིག་གི་རྣམ་པར་འཆར་རོ། །འདིའི་ངོ བོ་གཞི་གནས་ཀྱི་ཡེ་ཤེས་ཆེན་པོ་གསལ་སྟོང་འགགས་པ་མེད་པའི་འོད་གསལ་གྱི་གནས་ལུགས་མངོན་དུ་འགྱུར་བ་དང་། རྩལ་ནི་ཕྱིར་གསལ་གྱི་ཡུལ་དུ་ཤར་བའི་ཤེས་རབ་ཁྱད་པར་ཅན་ཐོབ་པ་དེ་ཡིན་ནོ། །དེ་ལྟ་བུའི་རིག་གདངས་ཕྲ་ལ་འཁྱོག་པར་སྣང་བ་རྩའི་གནད་ལ་བརྟེན་ནས་གྲོལ་དགོས་པ་དང་། འགྲོ་འོང་གི་རྣམ་པར་སྣང་བ་རླུང་གནད་ལ་བརྟེན་ནས་གྲོལ་བ་དང་། བར་མཚམས་ལ་ཐིག་ལེས་བརྒྱན་པར་སྣང་བ་ཐིག་ལེའི་གནད་ལ་བརྟེན་ནས་གྲོལ་ཏེ སྐུ་གསུམ་ཡེ་ཤེས་ཆེན་པོའི་དགོངས་པའི་གཏན་སྲིད་ཟིན་པས་ན། ཀློང་གསལ་ལས། ཤེས་རབ་རང་བྱུང སྒྲོན་མ་ཡིས། །ཆོས་ཀུན་མཉམ་པར་རོ་གཅིག་ཏུ། །བསྡུས་ཏེ་རང་སྣང་འཛིན་པར་བྱེད །འདི་ནི་བག་ཆགས་འབྲེལ་རྒྱུན་གཅོད །དབྱིངས་ཀྱི་དྭངས་མ་བསྡུས་པ་དང་། །རིག་པ་སྐུ 89 རྣམས་འཛིན་པ་དང་། །གནད་གསུམ་བཅུད་དུ་སྨིན་པ་དང་། །འཁོར་བ་ཉིད་ནི་སྤོང་བར་བྱེད། །དེ་ལྟར་མིག་ལ་སྒྲོན་ཤར་བས། །སྐུ་གསུམ་དགོངས་པའི་གནད་བསྡུས་པའི། །རང་སྣང་ཡུལ་རྣམས་འཛིནཔའོ། །ཞེས་གསུངས་སོ། །དེ་ལྟར་དབྱིངས་དང་ཐིག་ལེ་རིག་གདངས་གསུམ་ནི་བཅུད་ཀྱི་སྒྲོན་མ་རྣམ་གསུམ་དང་། རྒྱང་ཞགས་ཆུའི་སྒྲོན་མ་བསྣན་པས་རྣལ་འབྱོར་ལམ གྱི་སྒྲོན་མ་རྣམ་བཞིའི་ཞེས་ཐོད་རྒལ་གནད་དུ་བསྣུན་པའི་ཡུལ་དངོས་ཡིན་པ་དང་། ཁམས་དྲུག་ཚང་བའི་ལུས་རྟེན་དེ་ལ་ཡེ་ནས་རང་ཆས་སུ་ཡོད་པའི་ཕྱིར་ན རང་ཤར་ལས། ཐིག་ལེ་སྟོང་པའི་སྒྲོན་མ་དང་། །རིག་པ་དབྱིངས་ཀྱི་སྒྲོན་མ་དང་།ཤེས་རབ་རང་བྱུང་སྒྲོན་མ་དང་། །རྒྱང་ཞགས་ཆུ་ཡི་སྒྲོན་མ་རྣམས །སེམས་ཅན་ཀུན་ལ་གནས་པའོ། །ཞེས་སོ། །དོན་བཞི པ་འབྱུང་བའི་སྙིགས་མ་དྭངས་མར་འཕོས་ནས་ཕྱི་ནང་གི་སྒྲོན་མར་སྣང་བར་བཤད་པ་ལ། ཕྱི་འབྱུང་ལྔའི་དྭངས་མ་དབྱིངས་རྣམ་དག་གི་སྒྲོན་མ་ནི། སའི་དྭངས་མ་སྦུར་ལེན་གྱི་མདངས་ལྟ་བུ དམར་སེར། ཆུའི་དྭངས་མ་བ་འོ་མའི་མདོག་ལྟ་བུ། མེའི་དྭངས་མ་རྒྱ་མཚལ་གྱི་ཁུ་བའི་མདངས་ལྟ་བུ རླུང་གི་དྭངས་མ་ཆུ་སྤང་གི་མདོག་ལྟ་བུ། ནམ་མཁའི་མདངས་མ་མཐིང་གི་ཁུ འ༔ བ་ལྟ་བུར་སྣང་བ་དང་། ཡང་ཐིག་ལེ་སྟོང་སྒྲོན་ནི་ནང་འབྱུང་ལྔའི་མདངས་མར་སྨིན་པ་ནི ཤའི་མདངས་མ་རིན་ཆེན་གསེར་གྱི་མདོག་ལྟ་བུ། ཁྲག་གི་དྭངས་མ དུང་གི་ཁ་དོག་ལྟ་བུ། དྲོད་ཀྱི་དྭངས་མ་བྱུ་རུའི་ཁ་དོག་ལྟ་བུ དབུགས་ཀྱི་དྭངས་མ་རིན་ཆེན་ཨིནྡྲའི་ཁ་དོག་ལྟ་བུ། སེམས་ཀྱི་དྭངས་མ་ནམ་མཁའ་སློང་བྱེད་ཀྱི་རྐྱེན་དང་བྲལ་བའི་ཁ་དོག་ལྟ་བུར་འཆར་ཞིང་། བསྒོམ་པ་སྟོབས་སུ་གྱུར་ཏེ་རྩལ་རྫོགས་པའི་ཚེ་ན་རིག་གདངས་རྡོ་རྗེ་ལུ་གུ་བརྒྱུད་ཀྱང་ཡེ་ཤེས་ལྔའི་ཁ་དོག་ཏུ་འཆར་བ་ཡིན་ནོ། །དེ་ལྟར་མཐོང་བའི་ཡོན་ཏན་ནི། དབྱིངས ནམ་མཁའ་རྣམ་དག་གི་སྒྲོན་མས་རང་སྣང་དོན་གྱི་ཞིང་ཁམས་དང་། ཐིག་ལེ་སྟོང་པའི་སྒྲོན་མས་འོག་མིན་གསང་ཆེན་རོལ་པའི་གཞལ་ཡས་ཁང་དང་། རིག་པ་རྡོ་རྗེ་ལུ་གུ་བརྒྱུད་ནི་རྣམ་ཀུན་མཆོག་ལྡན་རྡོ་རྗེ་ཕག་མོའི་ཞལ་མངོན་སུམ་དུ་མཐོང་བ་ཡིན་པའི་ཕྱིར་ན སྙན་བརྒྱུད་ལས། ནམ་མཁའ་རྣམ་དག་སྒྲོན་མ་ཡིས། །འོག་མིན་ཆེན་པོའི་ཞིང་དང་མཉམ །ཐིག་ལེའི་སྒྲོན མ་མཐོང་བས་ན། །ལྷུན་གྲུབ་བདེ་ཆེན་གཞལ་ཡས་ཁང་། །རིག་པ་རྡོ་རྗེ་ལུ་གུ་བརྒྱུད །ཆོས་ཀྱི་སྐུ་དང་གཉིས་སུ་མེད། །སུས་མཐོང་སྐུ་གསུམ་ཚད་སྨིན་ནས། །ལོངས་སྤྱོད་རྫོགས པའི་སྐུ་རུ་གྲོལ། །ཞེས་སོ། །དེ་ལྟར་སྒྲོན་མ་དྲུག་གི་བཞུགས་ཚུལ་ལེགས་པར་བསྟན་ཟིན་ནས་ཉམས་སུ་ལེན་པའི་གནས་སྐབས་ན། རང་ལུས་ཐ་མལ་དུ་གནས་པའི་སྤྱི་གཙུག་ནས་ཁྲུ་གང འཕགས་པའི་སར་སྣ་ཚོགས་པདྨ་དང་ཉི་ཟླའི་གདན་ལ སྐྱབས་གནས་ཀུན་འདུས་ཀྱི་ངོ་བོ་དྲིན་ཅན་རྩ་བའི་བླ་མ་དེ་ཉིད་ཆོས་སྐུ་འགྱུར་བ་མེད་པའི་སྐུ་མདོག་མཐིང་གསལ། ཐིག་ལེ་ཉག་གཅིག མཚོན་ཕྱིར་ཞལ་གཅིག་པ། བདེན་གཉིས་ཟུང་དུ་འཇུག་ཕྱིར་ཕྱག་གཉིས ཇི་ལྟ་ཇི་སྙེད་ཀྱི་ཡེ་ཤེས་གཉིས་མཚོན་བྱེད་སྤྱན་གཉིས་དབྱིངས་སུ་གཟིགས་པ། སྲིད་ཞི་མཉམ་པར་རོལ་ཕྱིར ཞབས་གཉིས་སྐྱིལ་ཀྲུང་དུ་བཞུགས་པ། སྣང་སྟོང་གཉིས་སུ་མེད་པའི་ཤངས་བུག །དོན་གཉིས་ལྷུན་གྱིས་གྲུབ་ཕྱིར་སྨིན་མ་དང་སྙན གདོད་ནས་མ་འཁྲུལ་པའི་བརྡར་དབུ་སྐྲ་སྤྱི་བོར་ཐོར ཅོག་དང་། བརྒྱུད་འཛིན་རྗེས་སུ་འཛིན་ཕྱིར་ཟར་བུ་སིལ་མར་བཀྲམ་པ། བདེ་སྟོང་གཉིས་སུ་མེད་པའི་ཕྱག་གཉིས་རྡོར་དྲིལ་བསྣོལ་སྟབས་སུ་འཛིན་པ། ཚོགས་དྲུག་གནས་སུ་དག་པའི་རུས རྒྱན་ཚད་མེད་ཡོན་ཏན་རྫོགས་ཕྱིར་རིན་པོ་ཆེ་སྣ་ཚོགས་པས་བརྒྱན་པ སྐུ་གསུམ་གཞི་ལ་རྫོགས་ཕྱིར་ཐོད་པའི་རྩེ་བྲན་མཛེས་པ། མཐའ་བཞི་ཟིལ་གྱིས་གནོན་ཕྱིར་དར་སྣའི་སྨད་ཤམ་སྤྲས་པ སྐུར འ༔ ཡེ་ཤེས་ཀྱི་རང་མདངས་འཇའ་དང་འོད་ཕུང་འཁྱིལ་བའི་ཀློང་དུ་སྐུ་སྣང་ལ་རང་བཞིན་མེད་པ་ཟླ་གཟུགས་ལྟ་བུ། གསལ་ལ་སོ་སོར་མ་འདྲེས་པ་མེ་ལོང་ནང་གི་གཟུགས བརྙན་ལྟ་བུརགསལ་གདབ། དེའི་སྐུ་སྟོད་ཀྱི་ཆ་ལ་རྒྱལ་བ་དགོངས་རྒྱུད་ཀྱི་བླ་མ་རིག་འཛིན། སྐེད་པ་བར་གྱི་ཆ་ལ་རིག་འཛིན་བརྡ་བརྒྱུད་ཀྱི་བླ་མ་རྣམས་དང་། སྐུ་སྨད་ཀྱི་ཆ་ལ་གང་ཟག་སྙན བརྒྱུད་ཀྱི་བླ་མ་རིག་འཛིན་རྒྱ་མཚོ་ཐམས་ཅད་དང་། གཞན་ཡང་རྩ་གནས་དང་བ་སྤུའི་ཡུལ་ཐམས་ཅད་ལ་རྩ་གསུམ་ཞི་ཁྲོའི་ལྷ་ཚོགས་ལ་སོགས་པ་ཐམས་ཅད་རྒྱ་མཚོར་གཟའ་སྐར་བཀྲ་བ་ལྟར་རིགས་འདུས་བླ་མའི་སྐུ་དབྱིངས་དྭངས་མའི་ཀློང་དུ་བཀྲ་ལམ་མེར་བཞུགས་པར་མོས་ལ་ཡིད་ཁྱེད་ཤེས་ཀྱི་དད་པས་གསོལ་བ་བཏབ་མཐར་དབང་བཞི་བླངས་ཏེ། ཡང་སྔར་བཤད་པ་ལྟར་ལུས་བཞུགས་སྟངས་གསུམ་གང་རུང་བྱ་ཞིང་སྒོ་ཡུལ་རླུང་རིག་བཞིའི་གནད་ཀྱིས་གཅུན་ཏེ་ཉིན་ཐུན་གསུམ་དུ་འོད་གསལ་ལ་བརྩོན་པར་བྱའོ། །མཚན་མོ་ནམ་གུང་གི་ཉམས་ལེན་ལ། སྦ་བསྡུ་དག་སྦྱོར་གྱི་མན་ངག་ལ་བརྟེན་ནས་ཕྱི་ནང་འོད་གསལ་དུ་སྨིན་པར་བྱེད་པ་ལ། གཏེར་གཞུང་ལས། རིག་པ་འོད་ཀྱི་གྭའུར་སྦ༔ འབྱིན་འཇུག་ཤེས་བྱ་བུམ་བསྡུ་དང་༔ གདོས་བཅས རགས་པ་དག་སྦྱོར་བསླབ༔ གསུངས་པས། དང་པོ་སྲོད་ལ་རིག་པ་འོད་ཀྱི་གའུར་སྦ་བ་ལ། ལུས་གནད་དྲང་སྲོང་འདུག་སྟངས་བཅས་ནས་མ་དག་པའི་རླུང་རོ་དབུགས་ཐེང་གཅིག་ལ གསུམ་བསལ་ནས་དུག་གསུམ་དབྱིངས་སུ་ཐིམ་པར་བསམ་པ་དང་། རང་ཉིད་གཞི་ལུས་རྡོ་རྗེ་རྣལ་འབྱོར་མར་གསལ་བཏབ་ནས་ཡེ་ཤེས་ཀྱི་རླུང་དལ་བུས་སྣ་བུག་གཉིས་ནས་དྲངས་ཏེ་བུམ་ཅན་དུ་བཟུང་ནས་ཅུང་ཟདངལ་བསོས་པའི་ཚེ་ན་རླུང་གི་དྭངས་སྙིགས་འབྱེད་པའི་དགོས་པ་ཡོད་དོ། །དེ་ནས་རང་ལུས་དྭངས་མའི་དབུས་སུ་རྩ་དབུ་མ་སྦ་སྨྱུག་འབྲིང་པོའི་ཚད་ཙམ་ཡོདཔ། བདེ་སྟོང་བཅུད་དུ་སྨིན་པའི་ཕྱིར་ཆུ་ཤིང་ལྟར་དྲང་བ རྒྱ་སྐྱེགས་ལྟར་དམར་བ། པདྨ་ལྟར་སྲབ་པ། ཏིལ་མར་ལྟར་གསལ་བ་སྟེ་མཚན་ཉིད་བཞི་དང་ལྡན་པ་ཞིག་གསལ་གདབ། དེའི་ཡར་སྣེ སྤྱི་བོར་ཟུག་ཅིང་མར་སྣེ་ལྟེ་འོག་གཉེར་མོ་ཆེ་ནས་ཚིགས་ཀྱིས་འགགས་པ་ལྟར་གནས་པ། དེའི་གཡས་སུ་རོ་མ་དམར་མོ་དང་། གཡོན་དུ་རྐྱང་མ་དཀར་མོ་གཉིས་ཀྱི་མར་སྣེ་དབུ་མར་ཆུད་ལ ཁད་པ་ལྟ་བུར་ཡི་གེ་ཆའི་རྣམ་པར་གནས་པའི་འདུས་མདོར་ཉི་མའི་གདན་ཡུངས་འབྲུའི་ཆ་ཙམ་གྱི་སྟེང་དུ། ཤེས་རབ་ཡུམ་གྱི་ངོ་བོ་རྣམ་པ་ཨ་ཤད། ཨོཾ༔ དམར་པོ། རྣམ་པ་མེ། སྐར འ༔ རེག་བྱ་ཚ་བ། ངོ་བོ་གསལ་བ། རང་བཞིན་སྟོང་པ་སྟེ་མཚན་ཉིད་བཞི་དང་ལྡན་པ་ཞིག་གསལ་བཏབ དབུ་མའི་ཡར་སྣེ་སྤྱི་བོ་རུ་ཟུག་པ་ལ། སྨིན་མཚམས ནས་སོར་བཞིའི་ཐད་དུ་ཟླ་བའི་གདན་ཡུངས་འབྲུ་ཙམ་གྱི་སྟེང་དུ་ཐབས་ཀྱི་ཆ་ཡི་གེ་ཧྃ༔དཀརཔོ། ངོ་བོ་བདེ་བ། རང་བཞིན་གསལ་བ། རྣམ་པ་ཆུ། བྱེད་ལས་བདེ་སྟོང་ཡེ་ཤེས་བཅུད་དུ སྨིན་བྱེད་དོ། །མཚན་ཉིད་བཞི་དང་ལྡན་པ་ཞིག་བསྒོམ རང་གི་སྨིན་མཚམས་ནས་གླན་སོར་བཅུ་གཉིས་ཀྱི་མཚམས་སུ། རྒྱལ་ཀུན་ཐུགས་རྗེའི་ཡེ་ཤེས་རླུང་འོད་ལྔའི་རང་བཞིན་ཅན་གསལ་ལ་དྭངས་པ་སྤོས་རེང་གི་དུད་པ་བཞིན་བྱུང་ནས་རང་གི་སྣ་བུག་གཉིས་ནས་ཞུགས། རོ་རྐྱང་གི་ལམ་བརྒྱུད་ནས་ལྟེ་བའི་ཨ་ཤད་ལ་ཕོག་པས་ཨ་ཤད་ལས་ཡེ་ཤེས་ཀྱི་མེ་དམར་ཉུག་ཉུག་ཏུ་འབར་ནས་གཡས་སུ་འཁྱིལ་བའི་ཚུལ་གྱིས་མེ་ལྕེས་གསང་གནས་ལ་རེག་པས་མ་དག་པའི་རྩ་རླུང་དྲུང་ནས་འབྱིན་ཏེ་ཉོན་མོངས་པ་ཕྲག་དོག་གནས་སུ་དག་ནས་བྱ་བ་གྲུབ་པའི་ཡེ་ཤེས་གོང་འཕེལ་དུ་གྱུར་པར་བསམ། ལྟེ་བར་མཆེད་པས་ཉོན་མོངས་པ་ང་རྒྱལ་གྱིས་བསྐྱེད་པའི་མ་དག་པའི་རྩ་རླུང་ཐམས་ཅད་གཞོབ་ཐུལ་གྱིས་བསྲེགས་ནས་མཉམ་ཉིད་ཡེ་ཤེས་གོང་དུ་འཕེལ་བར་བསམ་མོ། །སྙིང་ གར་མཆེད་པས་མ་དག་པའི་རྩ་རླུང་ཐམས་ཅད་གཞོབ་ཐུལ་གྱིས་བསྲེགས་ནས་ཉོན་མོངས་པ་གཏི་མུག་གནས་སུ་དག་ནས་ཆོས་ཀྱི་དབྱིངས་ཀྱི་ཡེ་ཤེས་གོང་འཕེལ་དུ་གྱུར་པར་བསམ་མོ། མགྲིན་པར་ཐོན་པས་ཉོན་མོངས་པ་འདོད་ཆགས་ལས་བསྐྱེད་པའི་མ་དག་པའི་རྩ་རླུང་ཐམས་ཅད་ཡུལ་མེད་དུ་བསྲེགས་ནས་སོར་རྟོགས་ཡེ་ཤེས་གོང་འཕེལ་དུ་གྱུར་པར་བསམ་མོ། །མེ་ལྕེ་སྤྱི་བོར་ཐོན་པས་མ་དག་པའི་རྩ་རླུང་དང་ཉོན་མོངས་པ་ཞེ་སྡང་གི་རྟོག་ཚོགས་ཐམས་ཅད་གཞོབ་ཐུལ་གྱིས་བསྲེགས་ནས་མེ་ལོང་ཡེ་ཤེས་གོང་འཕེལ་དུ་གྱུར་པར་བསམ་མོ། །ཡང་མེ་ཉིད་དབུ་མའི་ལམ་བརྒྱུད་ནས་རེག་བྱ་ཧྃཿདང་འཕྲད་པའི་ཚེ་ན་ཧྃཿཡིག་མགོ་མཐུར་དུ་བསྟན་ནས་བདེ་སྟོང་ཡེ་ཤེས་ཀྱི་བདུད་རྩི་དཀར་ལ་དྭངས་པ་བ་འོ་ལྟར་འབབ་ནས་མེ་དང་བདུད་རྩི་བྲེས་དེད་ཀྱི་ཚུལ་དུ་སྤྱི་བོ་ནས་ཉོན་མོངས་པའི་སྒྲིབ་པ་དག་ནས་དགའ་བའི་ཡེ་ཤེས་མངོན་དུ་གྱུར་པར་བསམ། མགྲིན་པར་བབས་པས་ཤེས་བྱའི་སྒྲིབ་པ་དག་ནས་མཆོག་དགའི་ཡེ་ཤེས་མངོན་དུ་གྱུར་པར་བསམ། སྙིང་གར་བབས་པས་བག་ཆགས་ཀྱི་སྒྲིབ་པ་དག་ནས་ཁྱད་དགའི་ཡེ་ཤེས་མངོན་དུ་གྱུར་པར་བསམ། ལྟེ་བར་བབས་པས་ལས་ཀྱི་སྒྲིབ་པ་དག་ནས་ལྷན་དགའི་ཡེ་ཤེས་མངོན་དུ་གྱུར་པར་བསམ་སྟེ། ༡འ༔ སླར་ཡང་བདུད་རྩི་ཨ་ཤད་ལ་ཕོག་པ་དང་མཉམ་དུ་དཔེར་ན་མེ་ཆེར་འབར་བའི་སྟེང་དུ་མར་ཁུ་བླུགས་པ་ལྟར་ཨ་ཤད་ལས་མེ་ལྕེ་དམར་ལྷབ་ཀྱིས་འབར་ནས་ལུས་གནས་ཀྱི་གྲངས་ཅན་གྲངས་མེད་ཀྱི་རྩ་མདུད་ཐམས་ཅད་ཁྲལ་ཁྲོལ་གྱིས་ཞིག་པར་བསམ། གཏུམ་མོའི་མེ་དང་། བདེ་སྟོང་གི་བདུད་རྩི དག་པ་ཡེ་ཤེས་ཀྱི་དབུ་མ་གསུམ་ཆེར་མཆེད་དེ། ཕྱི་ནང་སྣོད་བཅུད་ཐམས་ཅད་ལ་ཁྱབ་ཅིང་དངོས་ཞེན་གཟུང་འཛིན་ཐམས་ཅད་གཞོབ་ཐུལ་གྱིས་བསྲེགས་པར་བསམ་པ་དང་། ཡང་དེ་ཉིད་ཇེ་ཕྲར་གྱུར་ནས་རྟ་རྔ་བརྒྱད་གཤག་གི་ཆ་ཙམ་ལ་སེམས་བཟུང་ནས་རིག་པ་མ་བཅོས་པར་འོད་གསལ་གནས་ལུགས་ཀྱི་དགོངས་པར་གནས་ཤིང་། རླུང་བུམ་ཅན་ཁ་སྦྱོར་དུ་བཟུང་ལ་ཅི་གནས་སུ་བཞག་མཐར། གཉིད་དུ་ཕྱོགས་ཚེ་རང་གི་གཞོག་གཡས་སར་ཕབ་ནས་ཉལ་ཏེ། སྔར་ལྟར་དབུ་མ་གསལ་བའི་སྙིང་གར་ཚིགས་ཀྱིས་བཅད་པའི་སྟེང་དུ་རིག་པའི་ངོ་བོ་ཐིག་ལེ་དམར་པོ་འོད་ཀྱི་རང་བཞིན་ཅན་ཞིག་དཀར་ཆ་དག་པ་ཟླ་བ་དང་། དམར་ཆ་དག་པ་ཉི་མའི་གྭའུ་ཁ་སྦྱོར་གྱི་དབུས་སུ་ཐིག་ལེ་གསལ་འཚེར་འོད་ཟེར་འབར་བ་ལ་འདུན་པ་གཏད་ནས་གཉིད་ཀྱི་རྣལ་འབྱོར་ལ་འཇུག་ཚེ་རླུང་སེམས་དབུ་མར་ཐིམ་ནས་གཉིད་འོད་གསལ་དུ་འཆར་ བའི་གནད་ཡོད་དོ། །གཉིས་པ་ནམ་ཕྱེད་ཤེས་བྱ་བུམ་པར་བསྡུ་བ་ནི ལུས་གནད་གླང་ཆེན་ཉལ་སྟབས་བྱས་ཏེ། རང་ལུས་འོད་ཀྱི་ཕུང་པོ་ལྟ་བུར་གསལ་སྒྲིབ་མེད་པ་ཞིག་ཏུ་བསྒོམ་ལ དབུ་མ་ཡང་སྔར་བཞིན་མཚན་ཉིད་བཞི་ལྡན་དུ་གསལ་བའི་སྙིང་ཐད་དབུ་མའི་ནང་དུ་འོད་ཀྱི་ཐིག་ལེ་དཀར་པོའི་དབུས་སུ་སྐྱེ་མེད་ཀྱི་ཡི་གེ་ཨཿདཀར་པོ་གསལ་ལ་འཚེར་བ་སྣུམ་ལ་འོད་འབར་བ་ཞིག་གསལ། ཨ་དེ་ལས་འོད་ཀྱི་རྣམ་པའི་ཨ་དཀར་ཉེར་གཅིག་སྤྱི་བོའི་ཚངས་བུག་གི་བར་ལ་མུ་ཏིག་བསྟར་ལ་བརྒྱུས་པ་བཞིན་འོད་ཟེར་གྱིས་འབྲེལ་མར་གནས་པ་གསལ་བཏབ་ནས་ཅི་གནས་ཀྱི་བར་ལ་འདུན་པ་གཏད་ནས་མཉམ་པར་བཞག་གོ། །ཡང་ཨ་རྣམས་མས་རིམ་གྱིས་གཅིག་ལ་གཅིག་ཐིམ་གྱི་ཚུལ་དུ་སྙིང་གའི་ཨ་ལཐིམ་པས་ཨ་དེ་ཉིད་སྔར་བས་ལྷག་པའི་འོད་དང་གཟི་བརྗིད་འབར་བ་ལས་མུན་ཁུང་དུ་སྒྲོན་མེ་གསལ་བ་ལྟར་ཕྱི་ནང་སྣོད་བཅུད་བདག་ལུས་ཐམས་ཅད་ཨ་དཀར་གྱི་འོད་ཀྱིས་ངང་ལྟེམ་གྱིས་ཁྱབ་པར་བསམ་ལ་འདུན་པ་ཨ་ལ་གཏད་ནས་གཉིད་དུ་ཕྱོགས་ཚེ་གཉིད་མཐུག་གི་སྒྲིབ་པ་དག་ཅིང་ལས་རླུང་འབྱུང་འཇུག་གནས་གསུམ་དག་རྫོགས་སྨིན་ཏེ་ཤེས་བྱ་བུམ་འཇུག་གི་དགོངས་པའི་གནད་མཐོང་བའི་དགོས་པ་ཡོད་དོ། །གསུམ་པ་འབྱུང་ཁམས་དག་སྦྱོར་ནི། ཐོ་ ར ༔ རངས་ནངས་སྔ་མོ་མལ་ནས་ཧར་གྱིས་ལངས་ཏེ རླུང་རོ་བསལ་ཕྱིར་དབུགས་ཐེང་གཅིག་ལ་ཧ་སྒྲ་གསུམ་ཕུད་ནས་དུག་གསུམ་གྱི་རླུང་དབྱིངས་སུ་ཐིམ་པར་བསམ ལ། ལུས་གནད་སེངགེ་འདུག་སྟངས་བཅས་རང་གི་སྙིང་གའི་ཨ་ལས་ཨ་ཡིག་དཀར་ལ་འཚེར་བ་ཞིག་རང་གི་སྨིན་མཚམས་ནས་སོར་བཅུ་དྲུག་གི་ཐད་དུ་འགྲེང་ངེར་གནས་པ་ལས་འོད་ཟེར་དཀར་པོ་དཔག་ཏུ་མེད་པ་འཕྲོས་ནས་བདག་ལུས་ཕུང་ཁམས་དང་ཕྱི་ནང་སྣོད་བཅུད་ཐམས་ཅད་ལཕོགཔས། ཕུང་ཁམས་སྣོད་བཅུད་ཐམས་ཅད་འོད་དུ་ཞུ་ནས་ཨ་ལ་ཐིམ ཨ་ཡང་མི་དམིགས པརགྱུར་ནས་རྗེས་ཤེས་མེ་ལོང་ཡེ་ཤེས་ཀྱི་རང་གདངས་མངོན་དུ་བྱས་ཏེ་མཉམ་བཞག་ལ་འཇུག་གོ། དེ་བཞིན་ཨ་སེར་པོ་ཉིས་བརྩེགས་ལ་སྔར་ལྟར་འདུན་པ་བཟུང་ནས་རྗེས་ཤེས་མཉམ་ཉིད་ཡེ ཤེས་དང་། ཨ་དམར་པོ་སུམ་བརྩེགས་ལ་འདུན་པ་བསྒྱུར་ཞིང་རྗེས་ཤེས་སོར་རྟོགས་ཡེ་ཤེས་དང་། ཨ་ལྗངགུ་བཞི་བརྩེགས་ལ་འདུན་པ་བསྒྱུར་ཞིང་རྗེས་ཤེས་བྱ་གྲུབ་ཡེ་ཤེས་མངོན་དུ་བྱ། ཨ་མཐིང་ག་ལྔ་བརྩེགས་ལ་འདུན་པ་བཟུང་ནས་སྔར་ལྟར་སྤྲོ་བསྡུ་བྱས་ཏེ་རྗེས་ཤེས་ཆོས་དབྱིངས་ཡེ་ཤེས་ཀྱི་རང་གདངས་མངོན་དུ་བྱས་ཏེ་མཉམ་བཞག་ལ་འཇུག་གོ། དེ་དག་རེ་རེ་ལ་ཉིན་བདུན ཕྲག་རེར་བརྩོན་པས་མཐར་དམིགས་གནད་རྩོལ་མི་དགོས་པར་ཟིན་པའི་ཚེ་ན་ཉིན་ལྔ་ལ་འབྱུང་ལྔའི་དག་སྦྱོར་རྫོགས་པར་བྱས་ཀྱང་ཆོག་པ་ཡིན་ནོ། །དེ་ལྟར་བརྩོན་པས་འབྱུང་བ་སྙིགས་མའི་ལུས གདོས་བཅས་སུ་སྣང་བའི་རགས་པ་དེ་ཉིད་དག་དབྱིངས་དྭངས་མར་སྦྱོར་ནས་ཟདཔར་གྱི་སྐྱེ་མཆེད་འགྲུབ་ཅིང་། འབྱུང་ལྔ་ལ་རང་དབང་ཐོབ་པ་སོགས་ཀྱི་གནད་ཡོད་དོ། །ཡང་བར་སྐབས་སུ་སྐུ་གསུམ་ཞིང་ཁམས་རྩ་ལ་རྫོགས་པར་བྱེད་པའི་ཐབས་འཆི་བ་སྦྱོང་བའི་མན་ངག་ནི། གཏེར་གཞུང་ལས། རྗེས་མཐུན་འཆི་བ་སྦྱངས་པ་ཡི༔ མན་ངག་ལམ་གྱི་ཉམས་ལེན་བརྩོན༔ ཞེས་པའི་དོན་ནི། རང་ཉིད་དྲང་སྲོང་ངལ་བསོ་བའི་ཚུལ་གྱིས་འདུག་ཅིང་། ང་ནི་འཆི་བའི་དུས་ལ་བབས་པ་ཡིན་སྙམ་ནས་འདུན་པ་མིག་ལ་གཏད། མིག་དབྱིངས་སྣང་ལ་གཏད་ནས་རང་བཞིན་སྤྲུལ་པའི་ཞིང་ལྔ་ཡིད་ལ་བྱས་ཏེ་མ་བཅོས་པར་བཞག་པས། ནམ་ཞིག་དུས་ལ་བབ་ཚེ་སྤྲུལ་པ་སྐུའི་ཞིང་དུ་འཕོ་ནུས་པར་འགྱུར་རོ། །ཡང་རང་ལུས་གླང་ཆེན་འདུག་སྟངས་བྱས་ཏེ། ང་ནི་འཆི་བ་ཡིན་ནོ་སྙམ་ནས་ཕྱི་ནང་ཐམས་ཅད་ལ་ཞེན་པ་སྤངས་ཤིང་ཤེས་པ་ནམ་མཁར་གཏད། མིག་དབྱིངས་སྣང་ལ་གཏད་ཅིང་རང་བབས་སུ་གནས་པས། དག་དབྱིངས་དྭངས་མར་འཕོས་ སྐའ༔ ནས་སྐུ་དང་ཐིག་ལེ་སོགས་མ་ངེས་པ་དུ་མ་ཤར་ཚེ། མཐར་དུས་ལ་བབས་དུས་ལོངས་སྐུའི་ཞིང་དུ་འདུན་པ་བསྒྱུར་ཀྱང་འཕོ་ནུས་པར་ངེས་སོ། །ཡང་རང་ལུས་མཉམ་ཉིད་བདེ་ལུགས་སུ་ཉལ་ནས་མིག་ཧ་རེར་དབྱིངས་ལ་གཏད། ཤེས་པ་བཟོ་མི་འཆོས་པར་རང་བབས་སུ་བཞག་ནས་ང་ནི་མི་གནས་མྱ་ངན་འདའ་བར་བསམ་ཞིང་། སྒོ་གསུམ་བཅོས་བསྒྱུར་མེད་པར་སྤྲོས་པ་དང་བྲལ་བར་གནས་ཚེ་མཐར་དབྱིངས་རིག་འདུ་འབྲལ་མེད་པར་སྐུ་གསུམ་མཉམ་ཉིད་ཀྱི་དབྱིངས་ཆེན་པོར་བར་དོ་མེད་པར་གྲོལ་བར་འགྱུར་རོ། །