Tibetan
ཐུགས་ལྗགས་སྤྱན་གསུམ་ལ་འབྱུང་བས་མ་གོས་པ་སོགས་གདུལ་བྱའི་དོན་དུ་བཞག་པ་སོགས་ནི་མངོན་པར་རྫོགས་པར་སངས་རྒྱས་པར་འདོད་པས་ན། རྒྱུད་ལས། མངོན་པར་རྫོགས་པར་སངས་རྒྱས་པ་ནི འོད་ད དང་སྒྲ་དང་སྐུ་དང་གདུང་དངས་གཡོ་བ་ལ་སོགས་འབྱུང་ངོ་།ཞེས་སོ། །དེ་ལྟ་བུའི་གྲོལ་ལུགས་རྣམས་ཀྱིས་ནངགསལ་བུམ་སྐུའི་ཀློང་དུ་སངས་རྒྱས་ཏེ སླར་ནང་གསལ་སྐུ་དང་ཡེ་ཤེས འདུ་འབྲལ་མེད་པའི་དགོངས་པ་དུས་གསུམ་འཕོ་འགྱུར་མེད་པའི་དབྱིངས་ཆེན་པོ་དེ་ལས་མ་གཡོས་བཞིན་དུ། ཕྱོགས་བཅུའི་ཞིང་ཁམས་རྣམས་སུ་ཕྱེད་སྤྲུལ་ལོངས་སྤྱོད་རྫོགས་སྐུ་དང་སྤྲུལ་པའི སྐུ་རྣམ་པ་བཞིས་འགྲོ་བའི་དོན་མཛད་པ་ནི། དཔེར་ན་མཁའ་དབྱིངས་ཀྱི་ཟླ་བ་དབྱིངས་ལས་མ་གཡོས་བཞིན་དུ། ཆུ་སྣོད་དྭངས་པའི་ངོར་ཟླ་གཟུགས་ཇི་བཞིན་པར་ཤར་བ་ལྟ་བུར་འཁོར་བ་ཇི་སྲིད་བར་དུ་གང་འདུལ་གྱི་སྤྲུལ་པའི་རྣམ་རོལ་གདུལ་བྱ་སོ་སོའི་མོས་ངོར་མཐའ་ཡས་པ་སྟོན་ཅིང་དོན་གཉིས་ཀྱི་མཛད་པ་རྟག་ཁྱབ་ལྷུན་གྲུབ་ཆེན་པོར་འབྱུང་ཞིང་རྒྱུན་མི་ཆད་པ་ཡིན་ནོ། །དེའི་ཕྱིར་ན་རྒྱུད་ལས། ཇི་ལྟར་ཚངས་པ་ཚངས་པ་ཡི །གནས་ནས་འཕོ་བ་མེད་བཞིན་དུ། །ལྷ་ཡི་གནས་ནི་ཐམས་ཅད་དུ། །སྣང་བ་འབད་མེད་སྟོན་པ་ལྟར། །དེ་བཞིན་ཐུབ་པ་ཆོས་སྐུ ལས། །བསྐྱོད་པ་མེད་པར་ཁམས་ཀུན་ཏུ། །སྐལ་ལྡན་རྣམས་ལ་འབད་མེད་པར། །སྤྲུལ་པ་དག་ནི་སྟོན་པར་མཛད། །ཅེས་སོ། །དེ་ལྟར་མྱུར་ལམ་ཟབ་མོ་འདིར་འཇུག་པའི་སྐྱེས་བུ་རྣམས་ཀྱིས་བླ་མ་ལ་མོས་གུས སེམས་ཅན་ལ་སྙིང་རྗེ། འཁོར་བ་ལ་ངེས་འབྱུང་། ཆོས་ལ་སྙིང་རུས་བྱས་ཏེ་དབེན་པའི་གནས་སུ་ལེ་ལོ་དང་གཡེང་བ་མེད་པར་བསྒོམ་ན རབ་མི་ལོ་ སྐར བཅུ་གཉིས། འབྲིང་བཅོ་ལྔ། ཐ་ནའང་ཚེ་ལུས་གཅིག་གིས་ནང་གསལ་འཇའ་ལུས་ཆོས་ཀྱི་སྐུ་ཐོབ་པ་ནི་རྒྱལ་བ་རྣམས་ཀྱི་བཀའ་ཚད་མ་ཡིན་ནོ། །དོན་གསུམ་པ་མཐའ་མར་དགེ་བ་མཇུག་གི་དོན་ལ། བཀའ་གཙིག་ཕྱག་རྒྱས་ཇི་ལྟར་བཏབ་པ་དང་།ཕྲིན་ལས་ཡིག་རིས་སུ་གཏན་ལ་ཕབས་པའི་ཚུལ་བསྟན་པ་གཉིས་ལས། དང་པོ་ནི། ས་མ་ཡ་ཞེས དམ་ཚིག་སྟེ། ཡང་ཟབ་མན་ངག་མྱུར་ལམ་འཕོ་བ་ཆེན་པོའི་གདམས་པ་འདི་ཉིད་ལེ་ལོ་དང་གཡེང་བ་མེད་པར་བླ་མ་དམ་པའི་བཀའ་བཞིན་ཉམས་སུ་བླངས་ན་རབ་རྣམས་ཚེ་འདིར་གྲོལ་བ་ཐོབ་པར་འགྱུར་བ་དང་། ཉམས་ལེན་གྱི་གནད་མི་ལྡན་ཅིང་མན་ངག་གསང་སྒྲོགས་ལྟ་བུར་སོང་ན་གསང་སྒོ་འཆོལ་བའི་རྐྱེན་གྱིས་ལས་ཀྱི་མཁའ་འགྲོས་རྗེས་གཅོད་ནས་དམྱལ་བའི་མེས་ཚིག་པར་འགྱུར་བའི་ཕྱིར་ན་དམ་ཚིག་གི་གནད་ཚུལ་བཞིན་དུ་བསྲུང་ཞིང་ཉིན་མོའི་འོད་གསལ་གྱི་སྐུའི་དམ་ཚིག་ཏུ་ལུས་བཞུགས་སྟངས་དང་། གསུང་གི་དམ་ཚིག་ཏུ་རླུང་རང་སོར་འཕེན་ནས་མིག་གཟིགས་སྟངས་ལ་གནས་པ་དང་། ཐུགས་ཀྱི་དམ་ཚིག་ཏུ་རིག་པ་དབྱིངས་ཐོག་ལས་མི་གཡོ་བར་རིག་གདངས་དབྱིངས་ཀྱི་གོལ་སར་ཁྲིད་པ་དང་། མཚན་མོའི་འོད་གསལ་གྱི་སྐུའི་དམ་ཚིག་ཏུ་སྒྱུ་ལུས 89 འོད་སྐུར་བསྒོམ་ནས་གཏུམ་མོར་བསླབ་པ་དང་། གསུང་གི་དམ་ཚིག་ཏུ་ཕོ་མོ་མ་ནིང་གི་རླུང་སྟོབས་ལ་དྲངས་ནས་སྤྱི་བོའི་བ་བཞུ་བ་སོགས་དང་། ཐུགས་ཀྱི་དམ་ཚིག་གི་རྟེན་དུ་རླུང་སེམས དབུ་མར་བསྡུ་བ་དང་། དག་སྦྱོར་གྱི་གནད་ལ་བརྩོན་པ་སོགས་ནི། རྣལ་འབྱོར་པ་རྣམས་ཀྱིས་ཤི་མཐར་ཐུག་གི་བར་དུ་ལས་དྲུག་ཆགས་མེད་དུ་འབད་པ་གནད་ཡིན་ནོ། །རྒྱལ་བའི་སྐུ་གསུང་ཐུགས་ཀྱི་རྒྱ་ཡོད་པས་ན་རྒྱ་རྒྱ་རྒྱ༔ དབྱིངས་དང་ཡེ་ཤེས་འདུ་འབྲལ་མེད་པའི་ཀློང་དུ་རེ་ཞིག་བརྡ་རུ་བཏབ་པས་ན་བརྡ་ཐིམ༔ དབྱིངས་རྣམ་པར་དག་པ་སྤྲོས་པ་དང་བྲལ་བ་སྟོང་པའི་འོད་གསལ་དང་། ཡེ་ཤེས་གསལ་ལ་མ་འགགས་པ་ལྷུན་གྲུབ་རིན་པོ་ཆེ་སྣང་བའི་འོད་གསལ་ཏེ། དབྱིངས་དང་ཡེ་ཤེས་གཉིས་སུ་མེད་པའི་ལམ་ཟབ་མོ་ཐབས་ཤེས་ལྟོ་སྦྱོར་གྱི་མན་ངག་ཟབ་རྒྱཅན་ནོ་ཞེས་པའི་དོན་༔ ཞེས་བརྗོད་པའོ། ། གཉིས་པ་ཇི་ལྟར་གཏན་ལ་ཕབ་པའི་ཚུལ་ནི ཞེས་པ་འདི་ཡང་ཆོས་འཛིན་སྐྱེས་བུ་དམ་པ་ཐུགས་སྲས་ཀྱིས་ཡང་ཡང་བཀའ་བསྐུལ་ཕེབས་ཚེ་མི་ལྡོག་ཙམ་དུ་མཁའ་འགྲོའི་དུས་ཆེན་ཉེར་ལྔའི་ཉིན་ཀུན་བཟང་བདེ་སྐྱོང་ཆོས་ཉིད་དབང་མོས་ཤར་མར་བྲིས་པའོ། །དགེའོ། །དགེའོ། །ཞེས་པ་ཆོས་འདིའི་སྐལ་བ་དང་ ༡འ༔ ལྡན་ཅིང་རིག་འཛིན་རྡོ་རྗེ་གཤོག་རྒོད་རྩལ་གྱིས་སྐྱེས་བུ་རིགས་ཅན་དུ་ལུང་གིས་བསྔགས་པ་སྐྱེས་ཆེན་དམ་པ་གཏེར་རིགས་འཛིན་པ་ཐུགས་ཀྱི་མཚན་འཆང་བ་རྒྱལ་བའི་སྲས་པོ་དེས་རྟེན་འབྲེལ་ཕུན་སུམ་ཚོགས་པའི་དངོས་རྫས་བཅས་ཡང་ནས་ཡང་དུ་བསྟན་པ་དང་འགྲོ་བའི་དོན་དུ་བཀའ་བསྐུལ་ཕེབས་ཚེ། མྱུར་ལམ་གསང་ཆེན་གྱི་གདམས་པ་ཉིད་སྙིང་མིག་སྲོག ལས་ཕོངས་ན་ཡང་། རང་དོན་ཡིད་བྱེད་ཀྱི་བློས་མ་བསླད་པར་བསྟན་འགྲོའི་གསོས་སུ་སྨན་པའི་ལྷག་བསམ་དང་བསྐུལ་བ་པོའི་ཞལ་ངོ་མི་ལྡོག་པའི་ཕྱིར་ཙམ་དུ་ཆོས་ཉིད་གྱུར་བ་མེད་པ་རིག་པའི་གབ་སྒྲོམ་ལས་མཁའ་འགྲོ་འདུ་བའི་དུས་ཆེན་ཉེར་ལྔའི་ཉིན་ཀུན་བཟང་བདེ་སྐྱོང་ཆོས་ཉིད་དབང་མོས་རིག་རྩལ་ཕྲིན་ལས་ཡིག་རིས་སུ་ཤར་མར་བྲིས་པའོ། །དང་པོ་ཆོས་འདི་བཀའ་བཙན་པས དགེའོ། །བར་དུ་ཆོས་འདི་བྱིན་རླབས་ཆེ་བས་དགེའོ། །ཐ་མ་ཆོས་འདི་དར་བའི་ས་ཕྱོགས་ལ་གནས་སྐབས་མཐར་ཐུག་ཀུན་ཏུ་བཀྲ་ཤིས་ཤིང་ཕུན་སུམ་ཚོགས་པས་དགེའོ། ། སྨྲས་པ། ཨེ་མ་དུས་གསུམ་རྒྱལ་བ་སྲས་བཅས་བགྲོད་པའི་ལམ། །ཐེག་བརྒྱད་གྲུབ་མཐའི་བློ་ཡིས་མ་རེག་པའི །ཀུན་གྱི་རྩེ་རྒྱལ་འོད་གསལ་ཐིག་ལེའི་ཁྲིད། །སྐལ་ལྡན་ཚེ་འདིར་འཇའ་ལུས མངོན་གྱུར་ཐབས། །མྱུར་ལམ་ཐོད་རྒལ་པྲ་ཁྲིད་ཟབ་མོའི་ཆོས། །སངས་རྒྱས་མཉམ་སྦྱོར་གདམས་པའི་གསང་ཐིག་འདི། །རྡོ་རྗེ་ཞི་བ་མཚོ་ཡི་གཅེས་ནོར་དུ། །ཁོ་མོ་བདག་གི་དཔལ་དུ་གནང་བ་འདི། །སྙིང་མིག་སྲོག་ལས་ཕོང་བའི་ཆོས་ཡིན་ཀྱང་། །སྐལ་ལྡན་ཆོས་བརྒྱུད་འཛིན་པ་རེ་མཆིས་ན །དེ་དག་རྣམས་ཀྱི་དཔལ་དུ་བདག་གིས་ནི །ཕྲིན་ལས་དམ་པ་ཡི་གེའི རིས་སུ་བཀོད། །ཡལ་བར་མ་དོར་ཉམས་ལེན་གནད་དྲིལ་ན། །ཚེ་འདིར་གདོད་མའི་གཏན་སྲིད་ཟིན་ངེས་ཞེས། །དཔལ་ལྡན་རྡོ་རྗེ་འཆང་གི་བཀའ་ངེས་པས །དེ་ཕྱིར་ལས་དང་སྐལ་བ་སྦྱངས་འཕྲོ་ཅན། །འཁྲུལ་པའི་བྱ་བ་སྤངས་ལ་ཆོས་འདི་ཉིད། །ཤི་མཐར་ཐུག་གི་བར་དུ་ཉམས་ལེན་མཛོད། །དེ་ལྟར་གནད་དང་ལྡན་པར་ཉམས་བླངས་ན། །ཁོ་མོ་བདག་ལ་གདམས་པ་འདིས་ཟབ་མེད། །ཐུགས་བཅུད་འདི་ཡིན་སྙིང་ནོར་འདི་ཡིན་ནོ །ཟབ་གཏེར་འདི་ཡིན་ཕ་ཕོག་འདི་ཡིན་ནོ །ཞལ་ཆེམས་འདི་ཡིན་མན་ངག་འདི་ཡིན་ནོ། །ཞལ་གདམ་འདི་ཡིན་ཆོས བཤད་འདི་ཡིན་ནོ། །སྙིགས་དུས་ཚེ་ཐུང་གཅིག་པུར་ཉེ་བའི་ཚེ །གདམས་པའི་སྙིང་བཅུད་འདི་ལས་ཟབ་པ་མེད །དེ་ཕྱིར་བདག་གི་རྗེས་སུ་འཇུག་པ་རྣམས། །བརྩོན་འགྲུས་དྲག་པོས སྐར འ༔ ལམ་འདི་ཉམས་སུ་ལོངས། །ཚེ་འདིར་འཇའ་ལུས་འཕོ་བ་ཆེན་པོའི་གྲོང་། །གཞོན་ནུ་བུམ་སྐུར་གཏན་སྲིད་ཟིན་པར་ངེས། །བཀའ་སྲུང་གཟའ་དང་མ་མོ་རལ གཅིག་མ། །གནོད་སྦྱིན་ཤན་པ་དམ་ཅན་རྣམས་ལ་གཏད། །གཉེར་མཛོད་སྐལ་མེད་རྣམས་ལ་འདི་མ་འཕྲད །སྐལ་ལྡན་ཆོས་བརྒྱུད་འཛིན་པའི་དཔལ་དུ་ཤོག །དགེ་འདེས་བསྟན་འགྲོའི རྒུད་པ་ཀུན་བསལ་ནས། །བསྟན་པའི་དཔལ་མངའ་བླ་མའི་ཞབས་པད་བརྟན །མཆེད་གྲོགས་དམ་པའི་ཐུགས་བཞེད་རྫོགས་པ་དང་། །ཆོས་སྤྱོད་སྐྱེ་བུའི་ས་ལམ་མཐར་ཕྱིན་ནས། ཁམས་གསུམ་འཁོར་བ་དོང་ནས་སྤྲུགས་གྱུར་ཅིག །བཀྲ་ཤིས་ས་གསུམ་ཀུན་ཏུ་དགེ་འགྱུར་རོ། །ཞེས་པ་འདིའང་དུས་རིང་མོ་ནས་དྲག་སྔགས་མཐུ་སྟོབས་རྡོ་རྗེའི་ཐུགས་སྲས་དང་། རང་གི་ཉེ་གནས་རྗེ་ཐམས་ཅད་མཁྱེན་པའི་ཟབ་གཏེར་གྱི་ཡིག་རིས་སུ་མཁའ་འགྲོའི་ལུང་གིས་བསྔགས་པའི་སྐྱེས་བུ་དགེ་བཙུན་ཚུལ་ཁྲིམས་རྡོ་རྗེ་གཉིས་ཀྱིས་ནན་ཆེར་བསྐུལ་བ་ལ་བརྟེན་ནས་འབྲི་བར་བརྩམ་ཚེ་གནས་དུས་ཀྱི་རྐྱེན་དུ་མས་བཏང་སྙོམས་ལ་ཡོད་སྐབས་གུ་རུ་བི་མ་ལས་རྗེས་སུ་བཟུང་བའི་སྐྱེས་བུ་དམ་པ་ལུང་རྟོགས་ཆོས་ཀྱི་སྤྱན་མངའ་མཁན་པོ་ནོར་བུ་དབང་རྒྱལ་ནས་པཉྩ་ནམ་ མཁའི་མདངས་འཛིན་གྱི་སྐྱེས་བཅས་ཡུན་རིང་དུ་བསྐུལ་བ་དང་། ཁྱད་པར་ལམ་འདི་ཉིད་སྒྲུབ་པ་ལྷུར་ལེན་གྱི་ཞལ་བཞེས་དང་བཅས་རང་གི་བུ་མོ་ཆོས་དབྱིངས་སྒྲོན་མའམ་ག་ག་ཏཱ་རེས་ཀྱང་དེ་ལྟར་གྱི་ཉམས་ལེན་བཅས་བསྐུལ་ངོར་རྡོ་རྗེའི་མཆེད་པོ་རྣམ་བཞིའི་ཐུགས་བཞེད་བསྐོང་བའི་ཕྱིར་དུ་བདེ་ཆེན་བདེ་བའི་རྡོ་རྗེས་རང་ལོ་སོ་བདུན་ལོར་རིག་པའི་གབ་སྒྲོམ་ལས་གང་ཤར་བཟོ་བཅོས་བསྲེ་བསླད་མེདཔར་སེར་དགོན་དབེན་ཁྲོད་དགའ་ཚལ་ནས་ཟླ་ཚེས་དགེ་བར་རྫོགས་པར་བགྱིས་པའི་དགེ་འདིས་འགྲོ་ཀུན་སྒྱུ་ལུས་འོདཀྱི་སྐུ་རུ་སྨིན་ཏེ་ཀུན་བཟང་ཆོས་སྐུའི་དབྱིངས་སུ་གྲོལ་བའི་རྒྱུར་གྱུར་ཅིག། །། TI1395-188 ༣་།རྡོ ཆོས་ཉིད་མཁའ་འགྲོའི་གསང་མཛོད་ལས༔ ཡེ་ཤེས་མཁའ་འགྲོའི་གསོལ་འདེབས་རྨོངས་པ་ཀུན་སེལ་ཤེས་རབ་གསལ་བྱེད་བཞུགས༔ ཨེ་མ་ཧོཿ སྐྱེ་མེད་དབྱིངས་ཡུམ་བདེ་ཆེན་ཀུན བཟང་མོ༔ ཐུགས་རྗེ་སྒྱུ་མའི་རོལ་པ་བདེ་ཆེན་རྒྱལ༔ ཌཱ་ཀིའི་རྗེ་མོ་དབྱངས་ཅན་མཚོ་རྒྱལ་མ༔ གསོལ་བ་འདེབས་སོ་ཐུགས་རྗེའི་ལྕགས་ཀྱུས་བཟུངས༔ ལུས་དང་ལོངས་སྤྱོད་སྣང་སྲིད་མཆོད་པ་འབུལ༔ ཤེས་རབ་གཟུངས་དང་བློ་གྲོས་སྤོབས་པ་རྩོལ༔ མཁྱེན་དང་བརྩེ་བ་ཆེན་པོས་རྗེས་བཟུང་ནས༔ མ་རིག་མུན་པའི་སྨག་རུམ་སེལ་ནས་ཀྱང་༔ ཤེས་རབ་བློ་གྲོས་རྒྱས་པར་བྱིན་གྱིས་རློབས༔ ཨོཾ་ཛྙཱ་ན་ཌཱ་ཀི་ནི་པྲཛྙཱ་ན་སརྦ་སིདྡྷི་ཕ་ལ་ཧཱུྃ༔ ཞེས་པ་མི་ཚིག་མ་འདྲེས་པར༔ ཟས་ཀྱི་སྐྱོན་སྤངས་ཐོ་རང་དུས༔ ཉིན་བཞིན་བརྒྱ་སྟོང་ཁྲི་འབུམ་བཟླས༔ བྱེ་བ་གཅིག་གིས་འགྲུབ་པར་ངེས༔ ཤེས་རབ་སྤོབས་པ་ཐོབ་པ་དང་༔ མ་རིག་མུན་པ་སེལ་བར་འགྱུར༔ ཐེ་ཚོམ་མེད་དོ་ས་མ་ཡ༔ སྐལ་ལྡན་བུ་དང་འཕྲདཔར་ཤོག༔ སྐལ་མེད་ལོག་ལྟའི་འགྲོ་བ་ལ༔ བཀའ་སྲུང་རྣམས་ཀྱིས་གཉེར་གྱིས་ཤིག༔ ཁ་གསག་དམ་ཉམས་རྟོག་གེ མཁན༔ བཀའ་ལོག་རྣམས་ཀྱི་སྙིང་ཁྲག་བཞེས༔ ས་མ་ཡ༔ རྒྱ་རྒྱ་རྒྱ༔ ཅེས་པའང་མཁའ་འགྲོའི་གསོལ་འདེབས་རྨོངས་པ་ཀུན་སེལ་འདི་ཡང་དགོས་གལ་དང་བསྟུན་ཏེ། སྤྲང་མོ་འཆོལ་མོ་སུ་ཁ་བཛྲ་གྱིས་ག་ག་ཏཱ་རེ་ལ་བྲིས་པའི་དགེ་བས་མངདུ འགྲོ་ཀུན་བློ་གྲོས་ཤེས་བྱ་རྒྱས་པའི་རྒྱུར་གྱུར་ཅིག༔ དགེའོ།། སུ་ཁ་བཛྲ་一 TI1395-190 TI1395-190 རྣྲཾ་།༈། ཆོས་ཉིད་མཁའ་འགྲོའི་གསང་མཛོད་ལས༔ བརྒྱུད་པའི་གསོལ་འདེབས་བསྡུས་པ་བཞུགས༔ ན་མོ་པདྨ་ཀཱ་ར་ཡེ༔ དད་མོས་དྲག་པོས་འདི་སྐད་བརྗོད༔ ཨེ་མ་ཧོཿ ཆོས་སྐུ་ཀུན བཟང་ལོངས་སྐུ་རྡོ་རྗེ་སེམས༔ སྤྲུལ་སྐུ་པད་འབྱུང་མཁའ་འགྲོ་མཚོ་རྒྱལ་མ༔ རིགས་བཞིའི་ཌཱ་ཀི་འབུམ་ཕྲག་མཁའ་འགྲོ་དང་༔ བསྟན་སྲུང་དམ་ཅན་རྒྱ་མཚོའི་ཚོགས་བཅས་ལ༔ གསོལ་བ་འདེབས་སོ་བྱིན་གྱིས་བརླབ་ཏུ་གསོལ༔ ཕྱི་ནང་གསང་བའི་བར་ཆད་ཞི་བ་དང་༔ ཚེ་སྒྲུབ་མཐར་ཕྱིན་དོན་གཉིས་ལྷུན་གྲུབ་ནས༔ འཕོ་མེད་ཕྱག་རྒྱ་ཆེན་པོའི་ས་ཐོབ་ཤོག༔ ཅེས་པའང་ལྷ་སྲས་དམ་པ་དཔལ་ཆེན་རྣམ་རྒྱལ་གྱི་བཞེད་སྐོང་དུ་བདེ་བའི་མིང་གིས་འཁྲུལ་སྣང་ཡིག་རིས་སུ་བྲིས་པའོ། །དགེའོ།། །། ཅ TI1395-192 ༈ །༈། ན་མོ་པདྨ་ཀཱ་ར་ཡེ༔ རང་རིག་སྐུ་གསུམ་ལྷ་ལ་འདུད༔ བདག་ཉིད་མཁར་ཆེན་མཚོ་རྒྱལ་གྱིས༔ རྗེས་འཇུག་འགྲོ་བ་སྐྱོབ་པའི་ཕྱིར༔ ཟབ་མོའི་གཏེར་ཆོས་སྣ ཚོགས་པ༔ ངོ་མཚར་འཁྲུལ་པའི་བརྡ་རུ་བཏབ༔ ལས་སྐལ་ལྡན་དང་སྐྱེས་བུ་ལ༔ གཏདརྒྱ་སྨོན་ལམ་བརྡ་དབང་བསྒྱུར༔ ཁྱད་པར་མཁའ་འགྲོའི་ཐུགས་ཀྱི་བཅུད༔ ཐུགས་ཏིག་ཟབ་མོའི་ཆོས་སྐོར་གྱི༔ ཆ་ལག་ལས་རིམ་འདི་རུ་བསྟན༔ སྐལ་ལྡན་བུ་ཡི་ཉམས་སུ་ལོངས༔ ས་མ་ཡ༔ དང་པོ་བགེགས་ལ་བཀའ་བསྒོ་བ་ནི༔ ཧཱུྃ་ཧྲཱིཿ ང་ནི་རིག་པ་དོན་གྱི་ལྷ༔ མ་བཅོས་རང་བྱུང་ངང་དུ་རྫོགས༔ གཉིས་སྣང་འཁྲུལ་པའི་གདོན་བགེགས་རྣམས༔ དམིགས་མེད་ཆོས་ཀྱི་དབྱིངས་སུ་དེངས༔ ཧཱུྃ་ཧཱུྃ་ཨུ་ཙ་ཏ་ཡ་ཕཊ༔ 9༢༡ 号 །ཟ༽ ཧཱུྃ་བཞིའི་སྔགས་ཀྱིས་བྲབ་པར་བྱ༔ གཉིས་པ་སྲུང་འཁོར་བསྒོམ་པ་ནི༔ ཧཱུྃ༔ སྣོད་བཅུད་གདོད་ནས་ཡེ་སངས་རྒྱས༔ གནོད་བྱ་གནོད་བྱེད་མིང་ཡང་མེད༔ ངར་འཛིན་འཁྲུལ་པའི་གདོན་བགེགས་རྣམས༔ ཆོས་དབྱིངས་ངང་དུ་མཚམས་བཅད་དོ༔ བཛྲ་རཀྵ་རཀྵ་བྷྲུྃ༔ གསུམ་པ་བརྡ་སྒོ་དབྱེ་དང་བརྡ་ཕྱག་ནི༔ ཧཱུྃ༔ གདོད་ནས་གཞི་དབྱིངས་ཆོས་ཀྱི་སྐུ༔ འོད་གསལ་ཆེན་པོའི་བརྡ་སྒོ་དབྱེ༔ ལྷ་དང་རང་སྣང་གཉིས་སུ་མེད༔ རང་ཞལ་མཇལ་ཕྱིར་ཕྱག་འཚལ་ལོ༔ བཛྲ་པྲ་བེ་ཤ་ཡ་ཕཊ༔ ན་མོ་ཧོ༔ བཞི་པ་དམ་བཅའ་བཟུང་བ་ནི༔ ཧཱུྃ༔ རང་བྱུང་ཡེ་ཤེས་བྱང་ཆུབ་སེམས༔ སྐུ་དང་ཡེ་ ཤེས་ཡོན་ཏན་རྫོགས༔ སྒྱུ་འཕྲུལ་རོལ་པའི་དཀྱིལ་འཁོར་ལྷ༔ སྲོག་གི་གཏར་བཟུང་བསྒྲུབ་པར་བྱ༔ བཛྲ་ཙིཏྟ་ཨཱཿ ལྔ་པ་བྱིན་ཆེན་དབབ་པ་ནི༔ ཧཱུྃ་ཧྲཱིཿ ཆོས་སྐུ་སྐྱེ་བ་མེད་པའི་ངང་ཉིད ལས༔ ལྷུན་གྲུབ་རོལ་པ་བདེ་ཆེན་ལོངས་སྤྱོད་རྫོགས༔ ཐུགས་རྗེའི་གར་བསྒྱུར་ཛྙཱ་ན་ས་ར་ཛ༔ སྐུ་གསུམ་ཡེ་ཤེས་མཁའ་འགྲོའི་ལྷ་ཚོགས་རྣམས༔ གནས་འདིར་སྤྱན་འདྲེན་བྱིན་ཆེན དབབ་ཏུ་གསོལ༔ སྒྲུབ་མཆོག་བདག་ལ་དབང་བསྐུར་བྱིན་གྱིས་རློབས༔ མཆོག་དང་ཐུན་མོང་དངོས་གྲུབ་སྩལ་དུ་གསོལ༔ ཨོཾ་བཛྲ་ཛྙཱ་ན་ཌཱ་ཀི་ནི་ཨེ་ཨ་ར་ལི་ཕེཾ་ཕེཾ་ཛ་ཛ་ཨ་བེ་ཤ་ཡ་ཨ་ཨ༔ ཅེས་བརྗོད་སྣང་སྲིད་སྣོད་བཅུད་ཀུན༔ བདེ་ཆེན་ཡེ་ཤེས་རོལ་པ་རུ༔ རྡོ་རྗེ་གསུམ་དུ་སྨིན་པར་བསམ༔ དེ་ནས་ལས་གཞུང་ཉིད་ལ་འཇུག༔ གཞུང་བཞིན་ཉམས་ལེན་སུས་བརྩོན་པ༔ ཚེ་འདིར་རྐྱེན་ཞི་བསམ་པ་འགྲུབ༔ ཕྱི་མ་མཁའ་འགྲོས་མདུན་བསུས་ནས༔ དཔལ་རིར་འཁོད་པར་ཐེ་ཚོམ་མེད༔ སྐལ་ལྡན་བུ་དང་འཕྲད་པར་ཤོག༔ སྐལ་མེད་རྣམས་ལ་འདི་མ་འཕྲད༔ དྲེགས་པ་རྣམ་གསུམ་གཉེར་གྱིས་ཤིག༔ ཐུབ་པར་སྲུངས་ཤིག་ས་མ་ཡ༔ ཟབ་རྒྱ༔ གསང་རྒྱ༔ གཏད་རྒྱ༔ གུ་ཧྱ༔ བརྡ་ཐིམ༔ ཨྠི༔ ཅེས་པ་འདི་ཡང་རིགས་ལྡན་སྔགས་ཀྱི་བཙུན་མ་ཉི་མ་སྒྲོན་མས་རིན་ཆེན་མརྒད་མདོག་དང་འཇའ་ཤེལ་སྨན་སྣ་བཅས་དུས་རིང་མོ་ནས་ཡང་ཡང་ནན་ཆེར་བསྐུལ་ངོར་ཌཱ་ཀིའི་དམ་ཚིག་ལ་ །༈༽ བསམ་ནས་ངོ་མི་ལྡོག་ཙམ་དུ་ཀུན་བཟང་བདེ་སྐྱོང་དབང་མོས་སེར་དགོན་དབེན་གནས་མཚམས་ཁྲོད་ལྗོངས་ནས་འཁྲུལ་སྣང་ཡིག་རིས་སུ་བྲིས་པའོ། །དགེའོ།། །། མཁའ་འགྲོའི་ཆ་ལག་རྗེས་ཀྱི་རིམ པ་ནི༔ དང་པོ་བསྐུལ་བ་བྱ་བ་འདི་སྐད་དོ༔ ཧཱུྃ་བྷྱོཿ བཞེངས་ཤིག་མཁའ་འགྲོ་འདུས་པའི་ལྷ༔ ཆོས་ཀྱི་དབྱིངས་ནས་གཟུགས་སྐུར་བཞེངས༔ མགཡེལ་ཐུགས་དམ་གནད་ནས་བསྐུལ༔ ས་དང་ལམ་གྱི་བར་ཆད་སོལ༔ དུས་ལས་མ་འདའ་ས་མ་ཡ༔ གཉིས་པ་ཆད་ཐོ་ནི༔ ཧཱུྃ་བྷྱོཿ སྐུ་གསུམ་སྟོན་པའི་སྤྱན་སྔ་རུ༔ ཁས་བླངས་དམ་བཅས་དྲེགས་པའི་ཚོགས༔ འདིར་གཤེགས་ཆད་དོན་གཏོར་མ་བཞེས༔ ལས་བཞི་ལྷུན་གྲུབ་ཕྲིན་ལས་མཛོད༔ གསུམ་པ་བསྟན་མ་སྐྱོང་བ་ནི༔ མ་བྷྱོཿ རྡོ་རྗེ་པདྨ་ཐོད་ཕྲེང་གི༔ བཀའ་དང་དམ་ལ་གནས་པ་ཡི༔ བོད་སྐྱོང་བསྟན་མ་ཡ་མའི་ཚོགས༔ འདིར་གཤེགས་བཤལ་ཆུ་གཏོར་མ་ལོངས༔ བོད་ཁམས་བདེ་བའི་ཕྲིན་ལས་མཛོད༔ མ་མ་ཧྲིཾ་ཧྲིཾ་བཱ་ལིཾ་ཏ་ཁཱ་ཧི༔ བཞི་པ་བྲོ་མནན་ནི༔ ཧཱུྃ༔ གསང་བ་བླ་མེད་དཀྱིལ་འཁོར་འདིར༔ བར་དུ་གཅོད་པའི་གཉིས་སྣང་བགེགས༔ སྐུ་གསུམ་ཡེ་ཤེས་ཆེན་པོས་མནན༔ ནམ་ཡང་ལྡང་བར་མ་གྱུར་ཅིག༔ སྟྭཾ་བྷ་ཡ་ནན༔ དེ་ནས་མཆོད་བསྟོད་བྱ་ཞིང་ ལྷག་ཆད་བསྐངས༔ ལྔ་པ་བསྡུ་ལྡང་བཀྲ་ཤིས་ནི༔ ཧཱུྃ༔ ཐབས་ཀྱིས་བསྐྱེད་པའི་དཀྱིལ་འཁོར་ལྷ༔ ཆོས་དབྱིངས་སྐྱེ་མེད་ཀློང་དུ་ཨ༔ རྗེས་སྣང་སྒྱུ་མའི་ལྷ་སྐུ་ནི༔ རྒྱན་དང་ཆ་ལུགས་རྫོགས པར་བསྒོམ༔ ས་གསུམ་དགེ་བའི་བཀྲ་ཤིས་གང་༔ བདག་ཅག་རྣམས་ལ་དེང་འདིར་ཤོག༔ ཅེས་བརྗོད་གཞན་ཡང་བཀྲ་ཤིས་ཀྱིས༔ མཐའ་བརྒྱན་ལས་རྗེས་རྫོགས་པར་བྱ༔ འདིར་བརྩོན་དོན་གཉིས་དངོས གྲུབ་ཐོབ་པར་ངེས༔ བཀའ་སྲུང་དྲེགས་པ་རྣམ་གསུམ་གཉེར་གྱིས་ཤིག༔ སྐལ་ལྡན་ལས་ཅན་བུ་དང་འཕྲད་པར་ཤོག༔ སྐལ་མེད་ལོག་ལྟ་ཅན་ལ་གུ་ཧྱ་རྒྱ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ༔ ཅེས་པ་འདིའང་ཉི་མ་སྒྲོན་མས་བསྐུལ་ངོར་ཀུན་བཟང་ཆོས་ཉིད་བདེ་སྐྱོང་དབང་མོས་འཁྲུལ་སྣང་ཡིག་རིས་སུ་བྲིས་པའོ།། །།དགེའོ།། ༈ ཆོས་ཉིད་མཁའ་འགྲོའི་གསང་མཛོད་ལས༔ ཡེ་ཤེས་མཁའ་འགྲོའི་བླ་རྡོ་སྲོག་གི་འཁོར་ལོ་དངོས་གྲུབ་བུམ་བཟང་བཞུགས༔ གབྲབ། ན་མོ་པདྨ་ཀ་ར་ཡེ༔ སྐུ་གསུམ་མཁའ་འགྲོ་ཚོགས་ལ་འདུད༔ ཕྱི་རབ་རྗེས་འཇུག་སྐྱེ་བུ་ཡི༔ རིམ་གཉིས་ཟབ་མོ་ལྷུར་ལེན་ཚེ༔ མཆོག་ཐུན་དངོས་གྲུབ་ཐོབ་པའི་ཕྱིར༔ ཌཱ་ཀིའི་སྲོག་གི་འཁོར་ལོ་བསྟན༔ སྐལ་ལྡན་བུ་ཡིས་ཉམས་སུ་ལོངས༔ ས་མ་ཡ༔ འདི་ཉིད་བྲི་བའི་ལག་ལེན་ནི༔ སྨན་ཤོག་སྐྱོན་བྲལ་ཡིད་འོང་ལ༔ དམར་གསེར་གུར་གུམ དང་ནི་དྲི་དྲུག་གི༔ ཁ་བསྒྱུར་བུག་རལ་མེད་པ་ལ༔ གསང་རྫས་གྲོང་པའི 8། དེཿ ཆོས་ཀྱིས་མ་གོས་པའི་བཅུ་དྲུག་མའི་རཀྟ་འམ། ཌཱ་ཀི་རིགས་ཀྱི་རཀྟ་སམ་ནི་སྲིད་པའི་ཁྲག༔ བྲག་ཞུན་ནམ་སིནྡྷུ་ར་དམར་པོ་མཚལ་དང་བསྲེས་ལ་གཟའ་དར་དུས༔ བྲི་བར་བྱ་བའི་རིམ་པ་ནི༔ མུ་ཁྱུད་རིམ་པ་ལྔ་རུ་བཀོད༔ དབུས་སུ་མངོན་རྟོགས་ཇི་བཞིན་དུ༔ མཚོ་རྒྱལ་སྐུ་གཟུགས་ལེགས་པར་བྲིས༔ དེའི་ཕྱིར་མུ་ཁྱུད་དང་པོ་ལ༔ ཨོཾ་སརྦ་ཛྙཱ་ན་ཌཱ་ཀི་ནི་ས་ར་ཛ་ཡ་མ་མ་བྃ་སྭཱ་ཧཱ༔ ཡེ་ཤེས་མཁའ་འགྲོའི་བླ་གནས་པར་གྱུར་ཅིག༔ སྲོག་ཆགས་པར་གྱུར་ཅིག༔ ཏིཥྛ་བཛྲ་ས་མ་ལ་སྟྭཾ༔ མུ་ཁྱུད་གཉིས་པ་ལ༔ པདྨ་འདབ་བཞིར་འབྲུ་བཞི་ནི༔ ཧ་རི་ནི་ས་དཀར་གསེར་དམར་ལྗང་ཁ་དོག་བསྒྱུར༔ ཕྱི་རིམ་མུ་ཁྱུད་གསུམ་པ་ལ༔ ཨོཾ་སརྦ་ཛྙཱ་ན་ཌཱ་ཀི་ནི་ས་ར་ཛ་ཡ་བྃ་ཧ་རི་ནི་ས་ཧཱུྃ༔ བདག་འཆང་བ་པོ་ལ་ཐུན་མོང་གི་རིག་བཞི་རྣམས་བཞིའི་དབང་དང་དངོས་གྲུབ་ཐམས་ཅད་དུས་ད་ལྟ་ཉིད་དུ་བསྩལ་ནས་སྒོ་གསུམ་མཁའ་འགྲོའི་སྐུ་གསུང་ཐུགས་དང་གཉིས་སུ་མེད་པར་གྲོལ་ནས་ཚེ་འདིར་ལྷུན་གྲུབ་གཞོན་ནུ་བུམ་སྐུར་སངས་རྒྱས་པར་མཛད་དུ་གསོལ༔ འདུས་འདུས་སིདྡྷི་ཕ་ལ་ཧཱུྃ༔ ཕྱི་རིམ་མུ་ཁྱུད་བཞི་པ་ལ༔ ཨོཾ་བྃ་ཧ་རི་ནི་ས་སརྦ་སིདྡྷི་ཧཱུྃ༔ བཛྲ་ཌཱ་ཀི་ནི་ཚེ་དང་བསོད་ནམས་འཕེལ་བར་གྱུར་ཅིག༔ རཏྣ་ཌཱ་ཀི་ནི་དཔལ་འབྱོར་ཡེ་ཤེས་ཡོན་ཏན་རྒྱས་པར་གྱུར་ཅིག༔ པདྨ་ཌཱ་ཀི་ནི ཁམས་གསུམ་མོས་པ་རྣམ་བཞི་དབང་དུ་འདུ་བར་གྱུར་ཅིག༔ ཀརྨ་ཌཱ་ཀི་ནི་དུག་གསུམ་འཁྲུལ་པའི་དགྲ་བགེགས་ཐམས་ཅད་འདུལ་བར་གྱུར་ཅིག༔ ཕྱི་རིམ་མུ་ཁྱུད་ལྔ་པ་ལ༔ ཛ་ཧཱུྃ་བྃ་ཧོཿ སྣང་སྲིད་སྣོད་བཅུད་འཁོར་འདས་དཔལ་ཡོན་འདོད དགུའི་ལོངས་སྤྱོད་ལྷ་འདྲེ་མི་གསུམ་ཆོས་སྲིདམངའ་ཐང་ལ་སོགས་ལས་བཞི་ལྷུན་གྱིས་འགྲུབ་པའི་དངོས་གྲུབ་ཐམས་ཅདད་ལྟ་ཉིད་དུ་སྩོལ་ཅིག༔ འདུས་