Tibetan
དེ་ལྟ་བུའི་སྐུ་གསུམ་རྗེས་མཐུན་གྱི་ཐབས་ཟབ་མོ་དེ་ལ་བརྟེན་ནས་འཆི་བའི་བག་ཆགས་སྦྱོང་བྱེད་ཀྱི་མན་ངག་འདི་ལ་བརྩོན་འགྲུས་དྲག་པོས་ཉམས་སུ་ལེན་ཅིང་མཐར་ཕྱིན་པའི་ཚེ་ན་རྣལ་འབྱོར་རྣམས་འཆི་བའི་སྲིད་པ་ལ་མི་ལྟོས་པར་རང་སྣང་སྐུ་གསུམ་གྱི་ཞིང་དུ་སངས་རྒྱས་པར་འགྱུར་རོ། །དེ་ལྟར་སྦ་བསྡུ་དག་སྦྱོར་དང་འཆི་སྦྱོང་གི་ཁྲིད་རྣམས་སྤྲོས་དགོས་པ་ནི་ཕྱི་ནང་གསང་བའི་རུ་ཤན་མན་ཆད་ནས་བཟུང་ཉམས་ལེན་མཐར་འཁྱོལ་གྱི་བར་ལ་ཉིན་མཚན་འོད་གསལ་ཁ་སྦྱོར་དུ་བྱས་ནས་ཐུན་དྲུག་ཏུ་བསྒོམ་དགོས་པའི་ཕྱིར་ན། གཏེར་གཞུང་རྩ་བའི་གོ་རིམ་དང་ཅུང་ཟད་མི་མཐུན་པ་ཡིན་ནོ། །རྩ་བའི་ ས་བཅད་ལྔ་པ་སྣང་བ་བཞིའི་འཆར་ཚུལ་དང་། མཐའ་རྟེན་གྱི་མན་ངག་རྣམས་བསྟན་པ་ལ སྒོ་ཡུལ་རླུང་རིག་གནད་གཅུན་ནས༔ སྣང་བཞིའི་དྲོད་ཚད་མངོན་གྱུར་ཅིང་༔ གཞི་བཅའ་ཚད་བཟུང་ཐོབ་གསུམ་གྱིས༔ གདིང་བཞིའི་གྲོལ་ཚད་ས་ལམ་རྫོགས༔ ཞེས་གསུངས་པས སྦྱང་གཞི་བདེ་གཤེགས་སྙིང་པོ། སྦྱང་བྱ་སྒྲོན་མ་རྣམ་བཞི། སྦྱོང་བྱེད་སྒོ་ཡུལ་རླུང་རིག །སྦྱང་འབྲས་སྣང་བ་བཞི་མཐར་ཕྱིན་ཏེ་ནང་གསལ་འོད་ཀྱི་སྐུ་རུ་སངས་རྒྱས་ལ། སྒོའི་གནད་ལ་བརྟེན་པས་འོད་གསལ་མངོན་དུ་བྱེད་པ་དང་། ཡུལ་གྱི་གནད་ལ་གཅུན་པས་དབྱིངས སྣང་མཐོང་སྒོར་གསལ་བ་དང་། རླུང་གི་གནད་ཀྱིས་དབྱིངས་རྩ་ལ་རྫོགས་པར་བྱེད་ཅིང་། རིག་གནད་གཅུན་པས་དབྱིངས་དང་ཐིག་ལེའི་སྣང་བ་རྣམས་རིམ་གྱིས་འཕེལ་ནས་རྩལ་རྫོགས་ཚེ། རྒྱང་ཞགས་ཆུའི་སྒྲོན་མས་ཆོས་ཉིད་མངོན་སུམ་གྱི་སྣང་བ་མཐོང་བར་བྱེད། དབྱིངས་རྣམ་དག་གི་སྒྲོན་མས་ཉམས་གོང་འཕེལ་གྱི་སྣང་བ་རྫོགས་པར་བྱེད། ཐིག་ལེ་སྟོང་པའི་སྒྲོན་མས་རིག་པ ཚད་ལ་ཕེབས་པའི་སྣང་བ་མཐོང་བར་བྱེད། ཤེས་རབ་རང་བྱུང་གི་སྒྲོན་མས་ཆོས་ཉིད་ཟད་པའི་སར་འཁྱོལ་ནས་སྣང་བཞི་གཅིག་ཅར་དུ་རྫོགས་པར་བྱེད་པའི་ཕྱིར་ན། མྱུར་ལམ་འདི་ཉིད་གཞན ༄ འ༔ ལས་ཁྱད་པར་བདུན་གྱིས་འཕགས་ཏེ། ཁྲེགས་ཆོད་ཀྱི་སྐབས་སྣང་སྲིད་དག་མཉམ་དུ་བརྗོད་ཀྱང་ས་རྡོ་རི་བྲག་ལ་སོགས་མ་དག་པ་ཐམས་ཅད་སྣང་ཙམ་དུ་ཡོད་ཀྱང་། ཐོད་རྒལ་ལ་མ་དག་པའི་སྣང་བ་སྣང་ཙམ་ཡང་མེད་ཅིང་ཐམས་ཅད་འོད་ལྔའི་རང་བཞིན་དུ་མཐོང་བའི་ཁྱད་པར་དང་རྩ་རླུང་འཛིན་རྩོལ་ཅན་བརྟེན་ན་གེགས་དང་གོལ་ས་མང་ཞིང་ལུས་ལ་ནད་འབྱུང་བ་སོགས་མང་བས ཐོདརྒལ་ལས་རླུང་རང་སོར་འཕེན་པས་ཡེ་ཤེས་ཀྱི་རླུང་ལྔར་སྨིན་པའི་ཁྱད་པར་དང་། ཁྲེགས་ཆོད་ཀྱིས་སྐུ་དང་ཡེ་ཤེས་ཐམས་ཅད་ཆོས་ཉིད་དག་པའི་ཡེ་གདངས་ཞེས་ལྐོག་ཏུ་གྱུར་པ་ལ། ཐོད་རྒལ་གྱིས་ཆོས་ཉིད་ཀྱི་ངང་མདངས་སྐུ་དང་ཡེ་ཤེས་ཡོན་ཏན་ཐམས་ཅད་མངོན་སུམ་ཡུལ་དུ་མཐོང་བའི་ཁྱད་པར་དང་། ཁྲེགས་ཆོད་ལ་གང་ཟག་གི་ཁྱད་པར་ལས་སེམས་ཀློང་སོགས་ཀྱི་དབྱེ་བས་ཆོས་ཉིད་བློ་དང་ཡིད་ཀྱི་སྤྱོད་ཡུལ་དུ་བཟུང་བས་ལམ་བུལ་ཞིང་། ཐོད་རྒལ་ལ་སྐལ་བ་དང་ལྡན་ན་གང་ཟག་ལ་མི་ལྟོས་ཤིང་སྒོ་ཡུལ་རླུང་རིག་གི་གནད་ལ་བརྟེན་པས་འོད་ད གསལ་ལྷུན་གྲུབ་ཀྱི་སྣང་བ་སྐུ་དང་ཡེ་ཤེས་ཐམས་ཅད་གཅིག་ཅར་དུ་འཆར་བའི་ཁྱད་པར་དང་། ཁྲེགས་ཆོད་ལ་ཆོས་ཐམས་ཅད་ཡེ་ནས་འོད་གསལ་འདུས་མ་བྱས་པ་ཞེས་རིག་པ་བཞིའི་ཆོས་སྐུ་ཡེ ནས་རྣམ་པར་དག་ཅིང་སྤྲོས་བྲལ་རྣམ་ཐར་སྒོ་གསུམ་གྱི་བདག་ཉིད་ཅན་དེ་ལ་ལྷུན་གྲུབ་འོད་ལྔའི་དཀྱིལ་འཁོར་སྟོང་གསལ་འདུས་མ་བྱས་པར་ཐག་ཆོད་པར་བལྟ་བ། ཐོད་རྒལ་གྱིས་འོད་གསལ གནད་དུ་བསྣན་ཚེ་ཡེ་ཤེས་ཀྱི་གཟིགས་པ་མངོན་དུ་གྱུར་པའི་ཁྱད་པར་དང་། ཁྲེགས་ཆོད་དུ་སྒོ་ལྔའི་དབང་ཡུལ་ཤེས་གསུམ་དུས་འཛོམ་པ་ལ་སྤང་བླང་གི་གནད་ཚོལ་བ། ཐོད་རྒལ་ལ་སྒོ་ཡུལ ཤེས་གསུམ་གྱི་གནད་ཡེ་ཤེས་ཀྱི་རླུང་གིས་འབྱེད་པས་དབྱིངས་དང་ཡེ་ཤེས་འདུ་འབྲལ་མེད་པར་སྒྲོན་མ་རྣམ་བཞིའི་སྣང་བ་ལ་རང་ལོངས་སྤྱོད་པའི་ཁྱད་པར་དང་། ཁྲེགས་ཆོད་དུ་བརྩོན་འགྲུས་རབ་ཚེ་འདིར་གདོད་མའི་སར་གྲོལ་བར་བྱེད་ཀྱང་ལུས་འོད་དུ་སྨིན་པ་དཀོན་པས་ན། ཐོད་རྒལ་གྱིས་ཤེས་རབ་ཀྱི་མིག་ལ་ཡེ་ཤེས་ཀྱི་སྤྱན་ཚུད་ནས་ཕྱི་ནང་སྣོད་བཅུད་ཐམས་ཅད་འོད་དུ་སྨིན་ནས་གདོས་པ་དབྱིངས་སུ་ཟད་དེ་འཇའ་ལུས་འོད་ཀྱི་སྐུ་འཕོ་ཆེན་དྭངས་མའི་སྐུར་སངས་རྒྱས་པར་འགྱུར་བ་སྟེ། ཁྱད་པར་བདུན་གྱིས་འཕགས་པའི་ལམ་ཟབ་མོ་ནི འདས་པའི་སངས་རྒྱས་རྣམས་ཀྱི གཤེགས་ཤུལ། མ་འོངས་སངས་རྒྱས་རྣམས་ཀྱི་བགྲོད་ལམ ད་ལྟའི་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་ཡེ་ཤེས་ཆེན་པོའི་གསང་ལམ་སྟེ་འདི་ལྟ་བུའི་གདམས་པ་ཟབ་མོ་དང་ སྐར འ༔ འཕྲད་པའི་སྐལ་ལྡན་རེ་མཆིས་ན་སྣང་སེམས་སྐུ་དང་ཡེ་ཤེས་ཀྱི་རོལ་པར་གོ་འཕོས་ཏེ། ཆོས་ཉིད་འོད་གསལ་གྱི་འཇའ་སྐུ་འགྲུབ་ཅིང་སྣང་བ་བཞིའི་འཕེལ་ཚད་རྫོགས ནས་ནང་གསལ་གཞོན་ནུ་བུམ་སྐུར་སངས་རྒྱས་པར་འགྱུར་བའི་ཕྱིར་ན། འདས་རྗེས་ལས། ཆོས་ཉིད་མངོན་སུམ་སྣང་བ་ཡིས །ཡིད་དཔྱོད་འཛིན་པའི་ལྟ་བ་ནུབ། །ཉམས་སྣང་གོང་དུ འཕེལ་བ་ཡིས །བར་དོར་ཡེ་ཤེས་མངོན་དུ་བྱེད། །རིག་པ་ཚད་ཕེབས་སྣང་བ་ཡིས །ལོངས་སྤྱོད་རྫོགས་པའི་སྐུ་ངོས་ཟིན །ཆོས་ཉིད་ཟད་པའི་སྣང་བ་ཡིས། །རྫོགས་ཆེན་བྱ་བྲལ། འབྲས་བུ་ཐོབ། །འདི་ལྟར་གཞི་ལམ་མཐར་ཕྱིན་ནས། །མྱང་འདས་གཞན་དུ་བཙལ་བ་མེད །ཅེས་གསུངས་པ་ལྟར། དང་པོ་ཆོས་ཉིད་མངོན་སུམ་གྱི་སྣང་བ་བཤད་པ་ལ་ཕྱི་ནང་གི་རྟགས དྲུག་ལས། དང་པོ་ཕྱི་རྟགས་དབྱིངས་དང་ཐིག་ལེ་རིག་གདངས་གསུམ་ལ་འཆར་ཏེ། དབྱིངས་སྣངགདོང་ཁེབས་པ་ཙམ་འོད་ལྔའི་རྣམ་པ་ཡོལ་བ་བཀྲམ་པ་ལྟ་བུ་དང་། ཐིག་ལེ་ཉ་མིག་ཙམ་ནས་སྲན་ཟླུམ་ཙམ་སུམ་འབྲེལ་དུ་འབྱུང་བ་དང་། རིག་གདངས་ཀྱང་རེས་གསལ་རེས་མི་གསལ་བ་དཔེར་ན་འདབ་ཆགས་འཕུར་སྐྱོན་པ་ལྟ་བུར་འགུལ་ཕྲིག་གི་རྣམ་པར་དབྱིངས་ཀྱི་གོ་རར་གནས་གལ པ་དང་གསུམ་ཡིན་ནོ། །གཉིས་པ་ཉམས་གོང་འཕེལ་གྱི་དུས་སུ། ཕྱི་རྟགས་དབྱིངས་ཀྱི་སྣང་བ་རང་གི་མདུན་ཁེབས་པ་ཙམ་དུ་ཤར་ཞིང་། དེའི་ཀློང་དུ་དབྱིངས་ཀྱི་རྒྱན་དང་། དབྱིངས་ཀྱི་སྣང་བ། དབྱིངས་ཀྱི་ཐིག་ལེ་ལ་སོགས་པར་འཆར་བའོ། །ཐིག་ལེ་ནི་བཞི་ལྡན་དང་ལྔ་ལྡན་འོད་ལྔའི་ཁ་དོག་རྫོགས་པ་མཐེབ་སྐོར་དང་ཁམ་ཕོར་རྔ་ཆུང་ཙམ་འཆར་ཞིང་། ཐིག་ལེ་རེ་རེའི་ཁོང་གསེང་དུ་རིགས་ལྔའི་ཕྱག་མཚན་དང་སྐུ་ཕྱེད་སྐུ་རྐྱང་རྣམས་འཆར་རོ། །རིག་གདངས་ལུ་གུ་བརྒྱུད་རི་དྭགས་ཤ་ར་ཎ་དལ་གྱིས་འགྲོ་བ་ལྟར་དང་། ཆེར་གོམས་ཚེ་ཤེལ་ཕྲེང་བསྟར་ལ་བརྒྱུས་པ བཞིན་དྲྭ་བ་དང་དྲྭ་བ་ཕྱེད་པའི་རྣམ་པར་འཆར་རོ། །འདིའི་དུས་སུ་རླུང་ལྔའི་འཕོ་འགྱུར་གྱིས་འབྱུང་བ་འཁྲུགས་ཤིང་ནད་མ་ངེས་པ་རླུང་མཁྲིས་བད་ཀན་ཚ་གྲང་གི་ནད་དང་། ལྷ་སྣང་འདྲེ་སྣང་ལ་སོགས་པ་དང་། ཐན་རིགས་སྣ་ཚོགས་སྣང་བ་དང་། སེམས་ཀྱིས་བཟོད་དཀའ་བའི་སྡུག་བསྔལ་གྱི་རྣམ་པ་ཡང་དུ་མ་སྣང་ཞིང་ཡང་རླུང་ལྔ་ཡེ་ཤེས་ཀྱི་རླུང་ལྔར་འཕོས་པའི་རྐྱེན་གྱིས དབྱིངས་དང་ཐིག་ལེར་འཕེལ་འགྲིབ་དུ་མ་འབྱུང་བ་ཡིན་པས། དེ་དག་ཐམས་ཅད་ཀྱང་རང་བཞིན་མེདཔའི་དོན་མཐོང་ནས་རང་སྣང་དུ་ཐག་ཆོད་ཚེ་སྣང་ཉམས་ཐམས་ཅད་རང་ཡལ་དུ་སོང་ནས་ སྐར འ༔ ཆོས་ཉིད་ལ་བརྟན་པ་ཐོབ་པ་ཡིན་ནོ། །གསུམ་པ་རིག་པ་ཚད་ཕེབས་ཀྱི་སྣང་བ་ནི དབྱིངས་ཀྱི་སྣང་བ་རྒྱ་ཤིན་ཏུ་ཆེ་ཞིང་ལྷུན་འཐུག་པ་གཞལ་ཡས་ཀྱི་རྣམ་པར་འཆར བའི་ཀློང་དུ་ཐིག་ལེ་ཆེན་པོ་རེ་རེའི་དབུས་སུ་འོད་ལྔའི་གོང་བུ་ལྔ་ལྡན་དང་བཅུ་ལྡན་ནས་སྟོང་ལྡན་གྱི་བར་དུ་འཆར་ཞིང་། དེ་དག་གི་དབུས་སུ་ལམ་དབང་གི་དུས་རང་གི་རིག་མེ་གང་དུ་ཕོག་པའི་ལྷ་དེ་གཙོ་བོར་གྱུར་པའི་རིགས་ལྔ་ཡབ་ཡུམ་སེམས་དཔའ་སེམས་མ་དང་བཅས་པ་དུ་མར་སྣང་བ་ཡིན་ནོ། །རིག་གདངས་རྡོ་རྗེ་ལུ་གུ་བརྒྱུད་ཀྱང་ཁ་དོག་ལྔ་ལྡན་གྱི་རྣམ་པར་ཐིག་ལེའི་མཐའ་མར་འཁོར་ཞིང་བར་མཚམས་རྣམས་སུ་འོད་ཀྱི་དྲྭ་བ་དང་དྲྭ་བ་ཕྱེད་པའི་རྣམ་པར་བར་མཚམས་མེད་པར་ཤར་བས་འཁྲུལ་སྣང་འཁྲུལ་འཛིན་དང་། བཅས་པ་རང་འགགས་ལ་འགྲོ་བའོ། །དེ་དག་གི་དུས་སུ་རྟགས་ཚད་གཉིས་འབྱུང་སྟེ རྟགས་ནི་མི་འགྱུར་གསང་བའི་རྟགས་ཞེས་རང་གི་ལུས་ཤིང་བལ་ལྟར་ཡངས་ཤིང་སེའུ་སྐྱེ་བ། ཤིག་སྲོ་མེད་ཅིང་རིགས་ལྔའི་ཕྱག་མཚན་དང་ཡིག་འབྲུ གསལ་བ། སྐྲ་དཀར་ནག་པོར་འགྱུར་ཞིང་དྲི་བཟང་འཐུལ་བ། གཞོན་ཤ་ཆགས་ཤིང་གཉེར་མ་མེད་པ ཟད་པར་གྱི་སྐྱེ་མཆེད་འགྲུབ་པ་སོགས་དང་ངག་གི་སྒྲིབ་པ་དག་པས་ཅི་སྨྲས ཐམས་ཅད་གཞན་རྒྱུད་ལ་ཕན་ཅིང་གཞན་སེམས་དགེ་ལ་བསྒྱུར་བ བསྟན་བཅོས་རྩོམ་པ་ལ་ཐོགས་པ་མེད་ཅིང་ཀློང་རྡོལ་བ་སོགས་འབྱུང་། སེམས་ཀྱི་སྒྲིབ་པ་འབྱོང་པས་རྟོགས་པ་ཀློང་ནས རྡོལ་ཞིང་འཁོར་འདས་ཀྱི་ཆོས་ཐམས་ཅད་མཉམ་པ་ཉིད་དུ་སངས་པས་ཏིང་ངེ་འཛིན་ལ་ལོ་ཟླར་གནས་ཀྱང་སེམས་བྱུང་གི་འཁྲུལ་རྟོག་མི་མངའ་ཞིང་སྣང་སྲིད་དག་པ་རབ་འབྱམས་ཀྱི་དགོངས་པའི་གནད་ཐོབ་པ་ཡིན་ནོ། །དེའི་དུས་ཚད་རྨི་ལམ་གྱིས་འཛིན་ཏེ རབ་ཀྱིས་རྨི་ལམ་ཆད་ནས་འོད་གསལ་འཁོར་ཡུག་ཏུ་གནས་པ་དང་། འབྲིང་གིས་རྨི་ལམ་ཟིན་ནས་སྤྲུལ་བསྒྱུར་གྱི་དག་པའི་ཞིང་ལྔར་སྤྱོད་པ་དང་། ཐ་མས་ཀྱང་རྨི་ལམ་ངན་གོམས་ཀྱི་རྒྱུན་ཆད་ནས་དག་པའི་སྣང་བ་ཤསྟག་ཏུ་འབྱུང་བ་ཡིན་ནོ། །ཡང་མཐའ་རྟེན་གྱི་མན་ངག་རྣམ་བཞིའི་རྟགས་ཚད་ཀྱང་འབྱུང་སྟེ། ཇི་ལྟར་འབྱུང་སྙམ་ན། དང་པོ་མི་འགུལ་བ་གསུམ་ལ་གཞི་བཅའ་བ་ནི སྔོན་ཉམས་སུ་ལེན་པའི་གནས་སྐབས་སུ་ལུས་བཞུགས་སྟངས་རྣམ་གསུམ་ལས་མི་འདའ་བར་བྱས་པའི་སྟོབས་ཀྱིས་རྩ་རླུང་ཐད་སོར་གནས་པས་འཁྲུལ་པའི་རྟོག་པ་རང་འགགས། མིག་གཟིགས་སྟངས་གསུམ་ལ་བསླབ་པས་ཆོས་ཉིད་ཀྱི་སྣང་བ་མངོན་སུམ་དུ་ཡུལ་ལ་གསལ་བས་ཡིད་དཔྱོད་ཚིག་གི་སྒྲོ་འདོགས་ དང་བྲལ། རླུང་རིག་མི་འགུལ་བར་དལ་བ་ལ་བརྟེན་པས་ཆོས་ཉིད་རང་ངོར་གནས་ཏེ། ཕྱི་ནང་འོད་གསལ་དབྱེར་མེད་དུ་འདྲེས་ནས་གདོད་མའི་དབྱིངས་སུ་གནས པ་ཡིན་ནོ། །གཉིས་པ་སྡོད་པ་གསུམ་འབྱུང་སྟེ དེ་ལྟ་བུའི་ཉམས་ལེན་མཐར་སོན་པའི་ཚེ་ན། ཕྱི་སྣང་བ་སྡོད་པས་རྐྱེན་ངན་ཐམས་ཅད་གྲོགས་སུ་འཆར་ནས་སྣང་བ་ཞིང་ཁམས་སུ་གྲོལ ནང་སྒྱུ་ལུས་སྡོད་པས་འཁྲུལ་པའི་བྱ་བ་ལ་མི་འཇུག་ཅིང་འཁོར་བའི་བྱ་བ་དང་བྲལ། གསང་བ་རླུང་རིག་སྡོད་པས་འཕྲོ་འདུའི་སེམས་ཟད་པས་རྣམ་རྟོག་སྐྱེ་མི་སྲིད་པ་ཡིན་ནོ།བཞི་པ་ཆོས་ཉིད ཟད་པའི་སྣང་བ་ནི ཕྱི་ནང་གི་གདོས་བཅས་དང་སེམས་ཀྱི་འཁྲུལ་རྟོག་འོད་སྣང་གི་འཕེལ་དང་བཅས་པ་དཔེར་ན་གནམ་སྟོང་གི་ཟླ་བ་ལྟར་འཕེལ་རྫོགས་ནས་ཟད་པ་བཞིན།ཕྱིས་རྡོ་རི་བྲབ ནང་སྒྱུ་ལུསགདོས་བཅས། གསང་བ་རྟོག་པའི་འཕྲོ་འདུ་སྣང་བ་སོགས་ཟད་པའོ། །དབྱིངས་དང་ཐིག་ལེ་དེ་དག་ཚད་ལ་ཕེབས་ནས་ཟད་པའི་སྔ་རོལ་ན། ཐིག་ཀློང་གི་རིགས་ལྔའི་ཚོམ་བུའི་ཐུགས་ཀ་ནས་རིགས་ལྔ་རང་མདོག་གི་འོད་ཟེར་འབྱུང་ནས་རང་གི་སྙིང་གར་ཟུག་པའི་སྣམ་བུའི་སྟེང་དུ། ཐིག་ལེ་དཀར་སེར་དམར་ལྗང་མཐིང་ག་རྣམས་ལྔ་བརྩེགས་ཐིག་ཕྲན་དུ་མས་བརྒྱནཔ 89 ཤར་བའི་སྣང་བ་དེའི་ངང་དུ་བསམ་ཏན་གྱི་ཞག་བདུན་དུ་གནས་ཤིང་། མཐར་དེ་དག་རང་གི་སྙིང་གར་ཐིམ་པས་འོད་ཟེར་ཆེན་པོའི་དབང་རྣམས་གཅིག་ཆར་དུ་ཐོབ་པས་ཕྱི་ནང་སྣོད་བཅུད་ཐམས་ཅད་འོད་གསལ་དུ་དེངས། སླར་ཡང་དུང་ཁང་ནས་ཁྲག་འཐུང་ཁྲོ་བོ་རོལ་པའི་དཀྱིལ་འཁོར་རྣམས་སྟེང་གི་ནམ་ཁར་ཐོན་ནས་ཨ་རལླི་ཛཿའི་སྒྲས་གར་བསྒྱུར་ཏེ། སླར་ཡང་རང་གི་སྙིང་གར་ཐིམ་པ་དང་མཉམ་དུ་རང་ལུས་ཀྱང་ག་བུར་ལ་རླུང་གིས་རྒྱས་ཐེབས་པ་ལྟར་འོད་གསལ་དྭངས་མའི་དབྱིངས་སུ་འབྱམས་ཀླས་ཏེ། རིག་པ་གཞི་ལ་སངས་ནས་ཆོས་ཉིད་ཀྱི་ཐོག་ཏུ་ཕེབས། བདག་འཛིན་གྱི་རྩ་བ་ཟད་ཅིང་གཟུང་ཡུལ་གྱི་རྟོག་པ་ནུབ་ནས་འཁོར་འདས་དག་མཉམ། སྐྱེ་བ་ལ་རང་དབང་ཐོབ་པས་འཇའ་ལུས་འཕོ་བ་ཆེན་པོའི་སྐུར་བཞེངས་ནུས་པ་དང་། འཇུག་པ་ལ་རང་དབང་འབྱོར་བས་སྐུ་དངོས་ཀྱིས་འགྲོ་དོན་མི་མཛད་ཀྱང་། དགོངས་པ་གཏད་པ་ཙམ་གྱི་བག་ཆགས་བཟང་ངན་ལ་མི་ལྟོས་པར་སེམས་ཅན་སུམ་སྟོང་དུས་གཅིག་ལ་གྲོལ་བར་མཛད་ནས་ནང་གསལ་ལ་ཐིམ་པར་གསུངས་སོ །ཇི་སྐད་དུ། སྟོང་པ་དབྱིངས་ཀྱི་དཀྱིལ་འཁོར་ན། །སྣང་བ་ཕྱི་ནང་འབྱུང་ལྔ་སོགས། །འཇའ་ཐིག་ལྷ་སྐུའི་རོལ་པར་སྨིན །མཐར་ཡང་གནམ་སྟོང་ཟླ ༢ འ༔ ལྟར་ཡལ། །ཞེས་གསུངས་པ་ལྟར་རོ། །དེ་ལྟ་བུའི་སྣང་བཞིའི་ཕྱི་རྟགས་དབྱིངས་དང་ཐིག་ལེ་རིག་གདངས་གསུམ་ལ་འབྱུང་ཚུལ་དང་། སྣང་ཉམས་འཆར་ནུབ་ཀྱི་གནད་རྣམས་བསྟན་ཟིན་ཏོ། །ད་ནི་ནང་རྟགས་སྒོ་གསུམ་ལ་འབྱུང་ཚུལ་བཤད་པ་ལ། ཆོས་ཉིད་མངོན་སུམ་གྱི་དུས་སུ་བུམ་དབང་གི་ནུས་པ་ལུས་ལ་ཐེབས་པའི་རྟགས་སུ་ལུས་རུས་སྦལ་འཁར་གཞོང་ལ་ཚུད་པ་ལྟར་འགུལ་སྙིང་མེད་ཅིང་བཞུགས་སྟངས་ལ་གནས་པ་དང་ངག་སྒྲ་སྙན་གྱི་རྒྱུན་ཐག་ཆད་པ་ལྟར་སྨྲ་བརྗོད་དང་བྲལ་བར་གནས། སེམས་འཕྲོ་འདུའི་རྟོགས་པ་དབེན ཅིང་དཔེར་ན་མཁའ་འགྲོ་སྙི་ལ་འཐོགས་པ་ལྟར་རིག་པ་གཞི་ལས་མི་གཡོ་བར་གནས་པ་ཡིན་ནོ། །ཉམས་གོང་འཕེལ་གྱི་དུས་ལུས་སྐྱེས་བུ་ནད་ཀྱིས་གདུང་བ་ལྟར་རྒྱན་ཆ་སོགས་ལ་སྤྲོས་པ་མེད་ཅིང་སྒེག་ཆོས་ངོ་ཚ་དང་བྲལ་བ། གསང་དབང་གི་ནུས་པ་ངག་ལ་ཐེབས་པའི་རྟགས་སུ་རྡོ་རྗེའི་མགུར་མ་སོགས་ངག་ཚིག་རང་རྡོལ་དུ་སྨྲ་བ་དང་། སེམས་དུག་ནད་ཀྱིས་ཐེབས་པའི་སྐྱེས་བུ ལྟར་རྟོག་པའི་འདུ་འཕྲོ་ཆད་ནས་ཆོས་ཉིད་ཀྱི་དོན་ལས་མི་འདའ་བར་གནས་པ་འབྱུང་བའོ། །རིག་པ་ཚད་ཕེབས་ཀྱི་དུས་སུ་ལུས་གླང་པོ་ཆེ་འདམ་ནས་ཐོན་པ་ལྟར། སྒྱུ་ལུས་རྡུལ་ཕྲན་དུ་དེངས ནས་རི་བྲག་ལ་སོགས་པ་དངོས་པོ་ཐོགས་བཅས་ཐམས་ཅད་ལ་ཐོགས་པ་མེད་པར་ཟང་ཐལ་དུ་འགྲོ་བ་དང་། ངག་གྲུལ་བུམ་གྱི་ཕྲུ་གུའི་སྐད་ལྟར་སྙན་ཅིང་བརྗོད་ཚིག་ཅི་སྨྲས་ཐམས་ཅད་གཞན་སྣང་དགེ་ལ་བསྐུལ་ནས་འབྲེལ་ཚད་དོན་དང་ལྡན་པར་བྱེད་ནུས་པ་དང་། ཤེར་དབང་གི་ནུས་པ་སེམས་ལ་ཐེབས་པའི་རྟགས་སུ་སེམས་ཀྱི་བག་ཆགས་ཟད་ནས་དཔེར་ན་སྐྱེས་བུའིསྙིང་ལ་མདས་ཕོག་པ་ལྟར་དྲན་བསམ་འཕྲོ་འདུའི་རྒྱུན་ཆད་ནས་རིག་པ་འོད་གསལ་ཆེན་པོར་རང་དབང་བསྒྱུར་ཏེ། འཁྲུལ་མི་ཤེས་པའི་དབྱིངས་སུ་གདིང་ཐོབ་པར་འགྱུར་བའོ། །ཆོས་ཉིད་ཟད་པའི་དུས་སུ་ལུས་དུར་ཁྲོད་ཀྱི་མི་རོ་ལྟར་འཛིན་པའི་སེམས་ཟད་པས་དགག་སྒྲུབ་ཀྱི་འཁྲུལ་སྣང་མེད་པ་དང་། ངག་རླུང་ཁམས་འཛིན་བྱེད་ཀྱི་རླུང་གནས་སུ་དག་པས་ན་བརྗོད་པ་བྲག་ཅ་ལྟར་སོང་ནས་གཞན་གྱི་རྗེས་སུ་ཟློས་པ་དང་། ཚིག་དབང་གི་ནུས་པ་ཀུན་གཞི་ལ་ཐེབས་པའི་རྟགས་སུ་སྟོན་གནམ་གཡའ་དང་བྲལ་བ་ལྟར། རིག་པ་སྨྲ་བསམ་བརྗོད་མེད་ཆོས་ཉིད་སྤྲོས་མཐའ་དང་བྲལ་བའི་ངང་དུ་མི་གཡོ་བར་འབྱམས་ཀླས་པ་ཡིན་ནོ །མཐའ་རྟེན་གྱི་མན་ངག་བཞི་ལས གསུམ་པ་ཐོབ་པ་གསུམ་གྱི་གཟེར་གདབ་པ་ནི ཕྱི་སྣང་བ་ལ་དབང་ཐོབ་པས་སྣང་རྐྱེན་ཞིང་ཁམས་སུ་གྲོལ་བ་དང་། ནང་སྒྱུ་ རའ༔ ལུས་ལ་དབང་ཐོབ་པས་ཕུང་པོ་འོད་ལྔར་གྲོལ་བ་དང་། གསང་བ་རླུང་སེམས་ལ་དབང་ཐོབ་པས་རྟོག་ཚོགས་ཆོས་ཉིད་དུ་གྲོལ་ནས་གཟུང་འཛིན་གྱི་འཁྲུལ་པ་དབྱིངས སུ་ཟད་པ་སྟེ། ཚེ་འདི་ཉིད་ལ་བར་དོ་མེད་པར་གྲོལ་བ་ཐོབ་པ་ཡིན་ནོ །འདིའི་དུས་གདིང་ཆེན་བཞི་ཐོབ་སྟེ སངས་རྒྱས་ཀྱི་སྐུ་དང་ཞིང་ཁམས་ཐམས་ཅད་རང་སྣང་གི་ཡེ་ཤེས་ཆེན་པོར་མངོན དུ་གྱུར་པས་ན་སྐུ་དང་ཡེ་ཤེས་ཞེས་གཞན་ནས་ཐོབ་ཀྱི་རེ་བ་དང་། མ་ཐོབ་པའི་དོགས་པ་མེད་པས་ཡར་གྱི་གདིང་གཉིས་དང་། མ་དག་པའི་འཁོར་བའི་འཁྲུལ་སྣང་ཐམས་ཅད་རང་བཞིན་མེད པའི་དོན་རྟོགས་པས་འཁོར་བར་ལྟུང་གི་དོགས་པ་དང་། མི་ལྟུང་གི་རེ་བ་མེད་པ་སྟེ་མར་གྱི་གདིང་གཉིས་དང་། དེ་ལྟ་བུའི་གདིང་ཆེན་བཞི་རྙེད་ནས་མཐར་ཕྱི་སྣང་བའི་ཡུལ་དང་བག་ཆགས་ཟད ནང་འཛིན་པའི་སེམས་ཀྱི་གཞི་རྩ་སྟོང་། གསང་བ་རླུང་སེམས་ཀྱི་འགྱུ་འཕྲོའི་རྟོག་པ་ཟད་དེ གཟུང་འཛིན་གྱི་བར་ལག་བྲལ་ནས་ས་དང་ལམ་གྱི་ཡོན་ཏན་ཐམས་ཅད་གཅིག་ཅར་དུ་རྫོགས་ཏེ། ཤེས་སྒྲིབཕྲ་བའི་བག་ཆགས་དང་བཅས་པ་གཉེན་པོ་རྡོ་རྗེ་ལྟ་བུའི་ཏིང་ངེ་འཛིན་གྱིས་ཡུལ་མེད་དུ་བཅོམ་ནས་ལུས་འཇའ་ལུས་འོད་གསལ་གྱི་སྐུ་རུ་སྨིན་ཏེ་རིག་པ་ནང་གསལ་སྐུ་གསུམ་གྱི་བདག་ཉིད་ ཆོས་སྐུ་རྡོ་རྗེ་འཆང་ཆེན་པོའི་དགོངས་པ་མངོན་སུམ་རང་ཐོག་ཏུ་ཕེབས་པ་ཡིན་ནོ། །དེ་ནས་ཡང་དག་སངས་རྒྱས་དང་། མངོན་རྫོགས་སངས་རྒྱས་ཀྱི་དབྱེ་བ་ཅུང་ཟད་བཤད་པ་ལ གཞུང་ལས། གདོས་བཅས་འོད་ཀྱི་སྐུ་རུ་སྨིན༔ རིགས་པ་ཆོས་ཉིད་གཞི་རུ་གྲོལ༔ སྐུ་དང་ཡེ་ཤེས་མངོན་གྱུར་ནས༔ འཇའ་ལུས་འཕོ་ཆེན་དྭངས་མའི་སྐུ༔ མངོན་པར་རྫོགས་པའི་སངས རྒྱས་ཐོབ༔ ཅེས་གསུངས་པས། དེ་ལྟར་སྙིང་པོ་མཐར་ཕྱིན་ནས་གདོས་བཅས་དབྱིངས་སུ་དེངས་ཏེ་ལུས་སེམས་གཉིས་ཀ་འོད་གསལ་ཆོས་ཀྱི་སྐུ་རུ་སྨིན་ཅིང་གྲོལ་བ་ནི་མཁའ་འགྲོ་མའི་འཆི ལུགས་ཏེ་འཇའ་ལུས་ཆེན་པོའི་སྐུ་བརྙེས་པ་དང་། རིག་པ་ལ་རང་དབང་ཐོབ་ནས་ཆོས་ཉིད་ཀྱི་སྣང་བ་ཐམས་ཅད་ནང་དབྱིངས་གཞིའི་འོད་གསལ་ཆེན་པོ་རུ་གྲོལ་བས་ན་ལུས་སེམས་བྲལ་བའི་རྗེས་སུ་ཕུང་པོ་ལྷག་མེད་དུ་འགྲོ་བ་རིག་འཛིན་གྱི་འཆི་ལུགས་ཞེས་དེ་ཡང་འཇའ་ལུས་ཆེན་པོ་ཡིན་ནོ། །སྐུའི་འཆར་གཞི་འོད་རྩ་དྭངས་པའི་གསེང་ལམ་ནས་ཡེ་ཤེས་ལྷུན་གྲུབ་རིན་པོ་ཆེའི་སྣང་བའི་འོད་གསལ་མངོན་དུ་གྱུར་ནས། འདས་རྗེས་སུ་ཕུང་པོའི་གདོས་པ་ཇེ་ཆུང་ངུ་འགྲོ་ཞིང་མཐར་ལྷག་མེད་དུ་སོང་བ་དེ་ལ་མེ་དཔུང་གི་འཆི་ལུགས་ཏེ། དེ་དག་རྣམ་གསུམ་ནི་དབང་པོ་རབ་ཀྱི་རྣལ་འབྱོར སྐར འ༔ རབ་འབྲིང་ཐ་མའི་ཚུལ་དུ་བཤད་ཀྱང་དོན་ལ་དག་པ་གཉིས་ལྡན་གྱི་ཆོས་སྐུ་ཆེན་པོ་འཇའ་ལུས་འཕོ་བ་ཆེན་པོའི་སྐུར་གྲོལ་བ་དང་། ཡང་དག་དབྱིངས་དྭངས་མའི་སྐུར འཕོས་ནས་སྐྲ་སེན་གྱི་སྙིགས་མ་ཙམ་ལས་ཕུང་པོ་ལྷག་མེད་དུ་ཡལ་བ་དང་། ཡང་ཕུང་པོའི་བརྒྱད་ཆ་ཙམ་སྙིགས་མར་བཞག་པ་གཉིས་པོ་འཇའ་ལུས་ཆུང་ངུར་ཡང་འདོད་ཀྱང་། དོན་ལ་དེ་དག ནི་ཡང་དག་པར་རྫོགས་པའི་སངས་རྒྱས་སུ་འདོད་པས་ན། རྒྱུད་ལས། ཡང་དག་རྫོགས་པའི་སངས་རྒྱས་ནི །ཕུང་པོ་ལྷག་མ་མེད་པར་སངས་རྒྱས་པའོ། །ཞེས་གསུངས་སོ། །ཡང་འདས་པའི་རྗེས་སུ་ས་གཡོ་བ་དང་། སྒྲ་དང་འོད་འབྱུང་བ་དང་། སྐུ་ཞི་བ་དང་ཁྲོ་བོ་འབྱུང་བ་དང་། མི་ཤིགས་པའི་རྟེན་རིང་བསྲེལ་རིགས་ལྔ་གང་རུང་དང་།