Tibetan
མཆོག་དཔལ་རྟ་མགྲིན་སྐུ་མདོག་དམར་པོ་ཞལ་གཅིག་ཕྱག་གཉིས་གཡས་ལྕགས་ཀྱུ་དང་གཡོན་ཞགས་པ་འཛིན་པ༔ ཞབས་གཉིས་གྱད་ཀྱི་འདོར་སྟབས་སུ་བཞུགས་ཤིང་དུར་ཁྲོད་ཀྱི་ཆས་ཐམས་ཅད་རྫོགས་ཤིང་ཡེ་ ཤེས་ཀྱི་མེ་འབར་བའི་ཀློང་ན་བཞུགས་པའི་སྤྱི་བོར་རྟ་མགོ་ལྗང་གུར་རྟ་སྐད་འཚེར་བས་ཁམས་གསུམ་དབང་དུ་སྡུད་ཅིང་སྲིད་གསུམ་ཟིལ་གྱིས་གནོན་པར་བསྐྱེད་དོ༔ ཧཱུྃ་ཧྲཱིཿ ཕྱོགས་བཞི་མཚམས བཞི་སྟེང་འོག་ཐམས་ཅད་དང་༔ ས་འོག་ས་སྟེང་ས་བླར་རྒྱུ་བ་ཡི༔ བགེགས་དང་ལོག་འདྲེན་ལན་ཆགས་འབྱུང་པོའི་ཚོགས༔ དབང་ཆེན་ཁྲོ་རྒྱལ་འབར་བའི་བཀའ་བྱུང་གིས༔ སྐད་ཅིག ཡུད་ཙམ་གཅིག་གིས་འདིར་འདུས་ཤིག༔ བདག་གིས་བསྒོ་བའི་བཀའ་ལ་ཉན་པར་གྱིས༔ ཨོཾ་བཛྲ་ཊཱ་ཀི་ར་ཛ་ཧཱུྃ་ཛཿ ཛཿཧཱུྃ་བྃ་ཧོཿ བཛྲ་ཨཾ་ཀུ་ཤ་ཛཿ བགེགས་དང་ལོག་འདྲེན་འབྱུང་པོ་ཐམས་ཅད་འདུས་པར་བསམ༔ དེ་ནས་བགེགས་གཏོར་བྱིན་གྱིས་བརླབ་པ་ནི༔ ཨོཾ་བཛྲ་ཡཀྵ་ཧཱུྃ༔ ཨོཾ་བཛྲ་ཛྭ་ལ་ཨ་ན་ལ་ཧ་ན་ད་ཧ་པ་ཙ་མ་ཐ་བྷཉྫ་ར་ཎ་ཧཱུྃ་ཕཊ༔ ཨོཾ་སྭ་བྷཱ་ཝཿ སོགས། སྟོང་པ་ཉིད་དུ་གྱུར༔ སྟོང་པའི་ངང་ལས་ཏཱྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་ལན་ཆགས་བགེགས་ཀྱི་གཏོར་མ་འདོད་པའི་ཡོན་ཏན་ལྔ་དང་ལྡན་པ་མི་ཟདཔ་རྒྱན་གྱི་འཁོར་ལོ་ནམ་མཁའི་མཐའ་ཀླས་པར་གྱུར༔ འབྲུ་གསུམ་གྱིས་བརླབས༔ ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོ་སཾ་བྷ་ར་སཾ་བྷ་ར་ཧཱུྃ༔ ལན་གསུམ་གྱིས་བསྔོ༔ བགེགས་མགྲོན་ཐམས་ཅད་དང་རང་རང་གི་ཡིད་སྤྱོད་དང ༄༅། །མཐུན་པའི་འདོད་ཡོན་མི་ཟད་པ་རྒྱན་གྱི་འཁོར་ལོ་གྱུར། རང་གཞུང་གི་བགེགས་བསྐྲད་བྱ༔ མཇུག་ཏུ་བདེན་བརྗོད་ནི༔ ན་མོ་རྗེ་བཙུན་རྩ་བ་དང་བརྒྱུད་པར་བཅས་པའི དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་སངས་རྒྱས་ཀྱི་བཀའ། ཆོས་ཀྱི་བཀའ དགེ་འདུན་གྱི་བཀའ་བཀའ་གསང་སྔགས་རིག་སྔགས་གཟུང་སྔགས་ཕྱག་རྒྱ་ཏིང་ངེ་འཛིན་གྱི་བཀའ་བདེན་པ་དང་། ལྷ་ལས་ཁྱད་པར་དུ་ཚེའི་ལྷ་ཚོགས་སྤྲུལ་པ་ཡང་སྤྲུལ་ཕྱག་བརྙན་དང་བཅས་པ་རྣམས་ཀྱི་བཀའ དོན་དམ་ཆོས་ཉིད་ངོ་བོ་གདོད་ནས་དག་ཅིང་ཆོས་ཅན་རྟེན་འབྲེལ་བསླུ་བ་མེད་པ་རྒྱུ་འབྲས་ཟབ་མོའི་བདེན་པའི་མཐུས་དེང་འདིར་རྡོ་རྗེིའི་སློབ་མ་འདི་རྣམས་ལ་སྨིན་བྱེད་ཀྱི་དབང་བསྐུར་ཟབ་མོ་བགྱི་བ་ལ་བར་དུ་གཅོད་པར་བྱེད་པའི་གནོད་བྱེད་གདོན་གྱི་རིགས་སུ་གྱུར་པ་གང་དག་ཅི་ཡོད་པ་ཐམས་ཅད་ལན་ཆགས་བགེགས་ཀྱི་གཏོར་མ་འདིས་ཚིམས་པ་གྱིས་ལ་སོ་སོ་རང་རང་གི་གནས་སུ་ཕྱིར་དེངས་ཤིག གང་དག་མི་འགྲོ་ཞིང་འདུག་པར་གྱུར་པ་ཐམས ཅད་བདག་སོགས་ཁྲོ་རྒྱལ་འབར་བའི་ཚོགས་རབ་ཏུ་ཁྲོས་ནས་བགེགས་ཁྱོད་རྣམས་ཀྱི་མགོ་བོ་ཚལ་པ་བརྒྱ་ལུས་དུམ་བུ་སྟོང་དུ་བརླག་པར་འགྱུར་བ་གདོན་མི་ཟ་བས། དེ་བས་ན་རང་རང་གི གནས་སུ་ཕྱིར་དེངས་ཤིག །ཧཱུྃ་ཧཱུྃ་ཨུ་ཙ་ཏ་ཡ་ཕཊ༔ རྩ་སྔགས་དང་ཧཱུྃ་བཞིའི་སྔགས་ཀྱིས་བསྐྲད། དེ་ནས་སྲུང་གུར་བསྒོམ་པ་ནི། རང་གཞུང་མཐར། བཛྲ་རཀྵ་རཀྵ་བྷྲུྃ༔ ཅེས་བརྗོད་པས་ཕྱོགས་མཚམས་སྟེང་འོག་ཐམས་ཅད་ཡེ་ཤེས་ཀྱི་སྲུང་བའི་གུར་ཁང་ཆེད་པོ་རབ་ཏུ་འབར་ཞིང་འཁྲིགས་པས་དོན་བགེགས་གང་གིས་ཀྱང་གླག་མི་རྙེདཔར་གྱུར། བཛྲ་རཀྵ་རཀྵ་བྷྲཾ༔ དེ་ནས་ལོ་རྒྱུས་ནི། འོ་ན་ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ་སྙིགས་དུས་ཀྱི་ཚེ་ཐུང་གཅིག་པོ་འདི་ཉིད་ལ་རྒྱལ་བ་ཀུན་གྱི་མེས་པོ་ཀུན་བཟང་གདོད་མའི་མགོན་པོའི་གོ་འཕང་མྱུར་བར་ཅི་ནས་ཀྱང་ཐོབ་པར་བྱ༔ དེའི་ཆེད་དུ་གྲོལ་བྱེད་ཀྱི་གདམས་པ་གསང་སྔགས་ཀྱི་བསྐྱེད་རྫོགས་ཉམས་སུ་ལེན། དེའི་སྨིན་བྱེད་དུ་དབང་བསྐུར་ཟབ་མོ་ཞུའོ་སྙམ་དུ་སེམས་བསྐྱེད་རྣམ་པར་དག་པའི་སྒོ་ནས་གསན་འཚལ། གང་གསན་པར་བྱ་བའི་ཆོས་ཀྱི་རིམ་པའང་སྤྱིར་ན་རྒྱལ་བ་རྫོགས་པའི་སངས་རྒྱས་ཀྱི་གདུལ་བྱའི་ཁམས་དང་དབང་པོའི་རིམ་པ་དང་མཐུན་པར་དམ་པའི་ཆོས་ཀྱི་རྣམ་གྲངས་བསམ་གྱིས་མི་ཁྱབ་པ་ཞིག་བཀའ་སྩལ་པ། སྒྲ་ཐལ་འགྱུར་ལས། གསུངས་ཚུལ་དགོངས་པ་གསུམ་དང་བཅས། གཉེན་པོ་བསྡུ་དང་དབང་པོའི་དོན ཅེས་དང་། ཨ་ཏི་བཀོད་པ་ཆེན་པོ་ལས། བསྟན་པའི་ ༄༅། །ལུང་ནི་རྣམ་པ་གསུམ། ཇི་ལྟར་སྐས་ཀྱི་ཐེམ་པ་བཞིན། དབང་པོའི་དོན་དུ་བསྟན་པ་དང་། འོ་མ་ལས་ནི་མར་བཞིན་དུ། སྙིང་པོའི་དོན་དུ་བསྟན་པ་དང་། ཚད་པའི་ནད་ལ་ག་བུར་བཞིན། གཉེན་པོའི་དོན་དུ་བསྟན་པའོ། །ཞེས་གདུལ་བྱའི་ཁམས་དང་དབང་པོའི་རིམ་པ་དང་མཐུན་པར་ལམ་ལ་བཀྲི་བའི་དབང་དུ་བྱས་ན་ཐེག་པ་རིམ་དགུའི་ཉམས་ལེན་དང་། དེ་དག་གི་སྙིང་པོ་བསྡུ་བའི་དབང་དུ་བྱས་ན་གསང་སྔགས་བླ་ན་མེད་པའི་ཐེག་པའི་རྣམ་གཞག་སྟོན་པ་དང་། གདུལ་བྱའི་རྒྱུད་ཀྱི་ཉོན་མོངས་པ་འདུལ་བྱེད་ཀྱི་གཉེན་པོའི་དབང་དུ་བྱས་ན་ཆོས་ཕུང་བརྒྱད་ཁྲི་བཞི་སྟོང་རྣམས་སུ་ཡོད་པའི་བརྗོད་བྱའི་དོན་མདོར་བསྡུ་ན ཀུན་བྱེད་ལས། ཐེག་པ་རྣམ་པ་གཉིས་ཡིན་ཏེ མཚན་ཉིད་རྒྱུ་ཡི་ཐེག་པ་དང་། འབྲས་བུ་སྔགས་ཀྱི་ཐེག་པའོ། །ཞེས་གསུངས་པ་ལྟར་རྒྱུ་འབྲས་ཀྱི་ཐེག་པ་གཉིས་སུ་འདུ་བ་ཡིན། དེ་ལ་གསང་སྔགས་རྡོ་རྗེ་ཐེག་པར་ཞུགས་པ་ལ་ནི་འཇུག་སྒོ་དབང་གིས་བྱེད་དགོས་ཏེ། གསང་བ་སྙིང་པོ་ལས། སློབ་དཔོན་མཉེས་པར་མ་བྱས་ཤིང དབང་རྣམས་ཐོབ་པར་མ་བྱས་ན༔ ཉན་པ་ལ་སོགས་བརྩོན་པ་རྣམས། འབྲས་བུ་མེད་ཅིང་བརླག་པར་གྱུར ཞེས་དང་། ཕྱག་ཆེན་ཐིག་ལེ་ལས། དང་པོ་རེ་ཞིག་གང ཆེ་སློབ། ལན་གཅིག་དབང་རྣམས་ཀྱིས་ནི་བསྐུར། དེ་ཚེ་གསང་ཆེན་བཤད་པ་ཡི། ངེས་པར་སྣོད་དུ་རུང་བའོ། །ཞེས་གསུངས་པས་སོ། །དེ་ཡང་རྒྱུད་ཉི་ཟླ་ཁ་སྦྱོར་ལས། ལོ་རྒྱུས་དོན གྱིས་མ་བཤད་ན །གསང་ཆེན་ངེས་པའི་བཀའ་འདི་ལ །ཡིད་མི་ཆེས་པའི་སྐྱོན་དུ་འགྱུར །ཞེས་ཆོས་ཀྱི་ཆེ་བ་དང་བརྒྱུད་པའི་ལོ་རྒྱུས་ལེགས་པར་མ་བཤད་ན་ཡིད་ཆེས་མི་སྐྱེ། དེ་མ་སྐྱེས་ན་དབང་གི་སྣོད་དུ་མི་རུང་བས་ཡིད་ཆེས་ཀྱི་དད་པ་བསྐྱེད་པའི་ཕྱིར་ཚུལ་དེ་མདོ་ཙམ་བརྗོད་ན། སྤྱིར་ན་གསང་སྔགས་ལྷའི་སྒྲུབ་ཐབས་དེ་ལ་རིང་བརྒྱུད་བཀའ་མ་དང་། ཉེ་བརྒྱུད་གཏེར་མ་གཉིས་སུ་ཡོད། གཏེར་མ་དེ་ལ་སྔོན་བྱུང་རྒྱ་གར་དུ་གྲགས་པའི་གཏེར་མ་དང་ཕྱིས་བྱུང་བོད་དུ་གྲགས་པའི་གཏེར་མ་གཉིས་ལས། འདིརཕྱི་མའི་དབང་དུ་བྱས་ན དཔལ་མཆོག་གི་རྒྱུད་ལས། རྒྱུད་དང་རྒྱུད་ཀྱི་རྒྱལ་པོ་གང་། །ཕྱག་ན་རྡོ་རྗེ་ཁྱོད་ཉིད་ཀྱིས། །གཏེར་ནས་གཏེར་དུ་ཕྱུངས་ཏེ་སྩལ །ཞེས་དང་། རྒྱལ་དབང་པདྨ་ཀཱ་རས། ཤིན་ཏུ་ཟབ་པའི་མཐར་ཐུག་སྙིང་པོ་རྣམས ། སྤྱིར་ཡང་བོད་རྣམས་གསར་ངས་ཆེ་བ་དང་། །སྙིགས་མའི་འགྲོ་ལ་ལྷག་པར་ཐུགས་བརྩེའི་ཕྱིར། །མཐའ་དབུས་ཐམས་ཅད་གཏེར་གྱིས་བཀང་ནས་བཞག །ལས་ཅན་བུ་དང་འཕྲད་པའི་སྨོན་ལམ ༄༅། །བཏབ། །ཅེས་པ་ལྟར་ཆོས་ལ་དབང་ཟ་བའི་སྐྱེ་བོ་དག་གིས་རང་བཟོས་བསླད་ཅིང་ཆོས་དང་གདམས་པ་ཚོང་དུས་ཀྱི་འོ་མ་ལྟར་འཆལ་གྱི་དོགས་པས། གནས་དུས་ཁ་ཅིག་གི་ཚེ་སྟོན་ཡུལ་སྣོད་རུང་གི་གདུལ་བྱ་མེད་ལ ཕྱི་མའི་ཚེ་འགའ་ཞིག་ལ་དེ་ལྟར་དུ་འབྱུང་བས་བསྟན་དུ་རུང་བ་དང་། གང་ཟག་གི་ཁྱད་པར་འགའ་ཞིག་ཆོས་ལ་གསར་ངས་ཆེ་བས་ཕྱིས་འབྱུང་བ་ལ་ནན་ཏན་གྱིས་འཇུག་པར་གྱུར་པ་དག་རྗེས་སུ་བཟུང་བ་སོགས་རྒྱུ་མཚན་དུ་མ་ལ་དགོངས་ནས་སྙིགས་དུས་ཀྱི་འགྲོ་བ་རྣམས་ལ་ལྷག་པར་ཐུགས་བརྩེ་བས་རྒྱུད་སྒྲུབ་ཐབས། སྒྲུབ་ཐབས་མན་ངག །མན་ངག་ལག་ལེན། ལག་ལེན་ཚང་འགྲིགས་སུ་མཛད་དེ ཕྱིས་སུ་དེ་འདོན་པའི་གང་ཟག་རང་ཉིད་ཀྱི་སྤྲུལ་པའི་སྐུ་དངོས་ཀྱི་གདུལ་བྱར་གྱུར་པའི་རྒྱུད་བྱིན་གྱིས་བརླབ་པའི་སྐྱེས་བུ་དམ་པ་གང་ཡིན་པ་དེ་དུས་རྟགས་མཚན་གྱི་རྣམ་གྲངས་ཆོས་བདག་བཅས་ཇི་ལྟ་བ་བཞིན་དུ་ལུང་བསྟན་ནས་དབང་བསྐུར་གདམས་ངག་རྫོགས་པར་བསྩལ་ཏེ། ངོ་མཚར་སྤྲུལ་པའི་ཤོག་སེར་ལ་གསུང་རྣམ་པ ཐམས་ཅད་པའི་རིང་བསྲེལ་དོན་མཚོན་བརྡའི་ཡི་གེའི་རྣམ་པར་འཆུག་མེད་དུ་བཀོད་ནས་གནས་ཁྱད་པར་ཅན་གང་ཡང་རུང་བར་གཏེར་དུ་སྦས་ཏེ། འཇིག་རྟེན་དང་ཡེ་ཤེས་ཀྱི་འཁའ་འགྲོ་མ་འམ་དམ་ ཚིག་ལ་གནས་པའི་ཆོས་སྲུང་དག་ལ་གཉེར་དུ་བཅོལ་བ། ཕྱིས་སུ་སྐལ་བ་དང་ལྡན་པའིགང་ཟག་དེ་དག་གིས་བཏོན་ནས སླར་ཡང་ཨོ་རྒྱན་ཆེན་པོ་དང་དངོས་ཉམས་ཅི་རིགས་པར་མཇལ་ཏེ་དབང་བསྐུར་མན་ངག་གཏད་རྒྱ་དང་བཅས་པ་མཛད་པའི་ཟབ་ཆོས་དེ་ལ་གཏེར་མ་ཞེས་བྱ་སྟེ། ཀུན་མཁྱེན་འཇིགས་མེད་གླིང་པས རྒྱུད་སྡེ་རྒྱ་མཚོའི་དོན་གྱི་དབྱིངས། དགོངས་བརྡ་སྙན་བརྒྱུད་ཤོག སེར་ལས། གཅུས་ཀླུང་གབ་པའི་གནད་བསལ་བ། པདྨའི་རིང་ལུགས་དམ་པའོ། །ཞེས་བསྔགས་པ་བཞིན་བཀའ་མ་ལས་ཀྱང་བརྒྱུད་ཐག་ཉེ་བ བྱིན་རླབས་ཆེ་བ། གདམས་ངག་མི་འཆུག་པ། དམ་ཆོས་མི་ནུབ་པ་སྟེ་ཁྱད་པར་བཞིའི་འཕགས་ལ བརྒྱུད་པའི་བབས་ཀྱང་དགོངས་བརྡ་སྙན་བརྒྱུད་སྨོན་ལམ་དབང་བསྐུར་མཁའ་འགྲོ་གཏད་རྒྱ་ཤོག་སེར་ཚིག་བརྒྱུད་དེ་བརྒྱུད་པའི་ཆུ་བོ་དྲུག་གཅིག་ཏུ་འདྲེས་པས་གཞན་ལས་ཁྱད་པར་དུ་གྱུར་པ་ཡིན་ནོ། །ཁྱད་པར་དུ་ད་ལྟ་སྐབས་སུ་བབས་པའི་ཟབ་ཆོས་ཀྱི་གདམས་པ་འདི་ཡང་། ཀྱེེ་རྡོ་རྗེ་ལས། ཕྱི་མའི་དུས་སུ་གྱུར་པ་ན། ། ང་ནི་སློབ་དཔོན་གཟུགས་ཀྱི་སྐུ། །ཞེས་དང་། གུར་ལས། གང་ཞིག་རྡོ་རྗེས་སེམས་དཔའ་ཞེས །རྡོ་རྗེ་སློབ་དཔོན་གཟུགས་སུ་གནས། །སེམས་ཅན་ཕན་བཏགས་དམིགས་ནས་ནི །ཐ་ ༄༅། །མལ་པ་ཡི་གཟུགས་སུ་སྤྲུལ །ཞེས་སྤྱིར་རྒྱལ་བ་རྡོ་རྗེ་འཆང་རང་ཉིད་དུས་དང་དུས་སུ་རྡོ་རྗེ་སློབ་དཔོན་གྱི་གཟུགས་སུ་སྤྲུལ་ནས་གདུལ་བྱའི་དོན་མཛད་པར་ཞལ་གྱིས་བཞེས་པ་དང་། བྱེ་བྲག་ཏུ་གཏེར་སྟོན་པདྨ་གླིང་པའི་ཟབ་ཆོས་སྙིང་བྱང་དམར་པོ་ལས། མ་འོངས་དུས་བབས་ལྷ་ལྡན་ཆོས་གླིང་དུ༔ རྡོ་རྗེ་ཕག་མོ་འི་རྣམ་འཕྲུལ་བདེ་བའི་མཚན༔ ཆུ་འབྲུག་ལོ་པ་སྤྱི་མགྲིན་སྙིང་ག་རུ། །བྃ་དང་ཧ་རི་ནི་སའི་རི་མོ་ཤར༔ ཟབ་གཏེར་གཉིས་འདོམས་གདུལ་བྱ་ཐབས་ཀྱིས་སྐྱོངས༔ ཞེས་རྡོ་རྗེའི་ལུང་གིས་གསལ་བར་མཛད་པའི་མཁའ་འགྲོ་ཤེལ་དཀར་རྡོ་རྗེ་མཚོ་དེ་ཉིད་སྐུ་ཕྲེང་རིམ་པར་བརྒྱུད་པའི་མཐར་ད་ལྟ་སྙིགས་དུས་ཀྱི་གདུལ་བྱ་རྣམས་ཀྱི་མགོན་དང་སྐྱབས་གཅིག་པུར་ཕེབས་པ་དོན་དུ་དབྱིངས་ཡུམ་རྡོ་རྗེ་ཕག་མོ་དང་རྣམ་དབྱེར་མ་མཆིས་ཀྱང་། གང་གདུལ་གྱི་མཛད་པ་དུ་མས་འགྲོ་བ་རྣམས་རྗེས་སུ་འཛིན་པའི་ཕྱིར་མི་མོའི་ཟོལ་དུ་བཞེངས་ནས་ཟབ་པ་དང་རྒྱ་ཆེ་བའི་ཆོས་གཏེར་རྒྱ་མཚོའི་སྒོ་འཕར་བགྲང་ཡས་སུ་ཕྱེས་ནས། གདུལ་བྱའི་ཁམས་དབང་མོས་པ་དང་མཐུན་པར་ཟབ་ཆོས་ཀྱི་གདམས་པ་སྣ་ཚོགས་པར་སྟོན་པས་འབྲེལ་ཚད་འོག་མིན་གྱི་ཞིང་དུ་སྦྱོར་བ མཚན་བརྗོད་པར་དཀའ་ཡང་དོན་གྱི་སླད་དུ་ན་བདེ་ཆེན་བདེ་བའི་རྡོ་རྗེའི་གཏེར་བྱོན། ཕག་མོའི་སྒྲུབ་པ་རྡོ་རྗེའི་རྒྱ་ཅན་ལས། ཨེ་མ་ཤིན་ཏུ་ཟབ་པའི་མཐར་ཐུག་ཆོས༔ གསང་བ་བླ་ན་མེད་པ་ཡི༔ རིགས་དང་དཀྱིལ་འཁོར་ཀུན་གྱི་བདག༔ བདེ་སྟོང་རྡོ་རྗེཕག་མོ་ཡི༔ སྒྲུབ་ཐབས་རྡོ་རྗེའི་རྒྱ་ཅན་འདི༔ སྐལ་ལྡན་དོན་དུ་ཡི་གེར་བཀོད༔ མ་འོངས་ཉི་ཤུ་ཁ་རལ་དུས༔ སུ་ཁ་བཛྲ་ང་འཕྲད་ཚེ༔ ཆོས་ཀྱི་བདག་པོ་བི་མ་དང་༔ གསང་གྲོགས་བིདྱ་བཛྲ་སོགས༔ འཕྲད་ནས་འགྲོ་དོན་རིམ་བཞིན་འབྱུང་༔ གཅིག་བརྒྱུད་མ་གཏོགས་སྤེལ་མི་རུང་༔ འབྲེལ་ཚད་འོག་མིན་གནས་སུ་བགྲོད༔ ཅེས་དང་། ཁ་བྱང་ཌཱ་ཀིའི་གསང་ཚིག་ལས། ཤིང་ཕོ་འབྲུག གི་ལོར་རང་ལོ་བཅུ་གསུམ་གྱི་དུས་གཟིམ་ཆུང་འོད་གསལ་གླིང་དུ་གནས་བཅས་སྐབས་རྨི་ལམ་འཁྲུལ་སྣང་ལ་བུད་མེད་མང་པོ་ཞིག་འཚོགས་ནས་ཡོད་པ་ལ༔ བདག་དེར་ལྷགས་ནས་ཁྱེད་རྣམས་སུ་ཡིན་སྨྲས་པས༔ བུད་མེད་གཙོ་མོ་ཞིག་ཡར་ལངས་ནས་མོས་གྲི་གུག་སྙིང་ཐད་དུ་བཟུང་ནས་སྐལ་ལྡན་མ་ལྟོས་ཤིག་གཟེར་བ་ལ༔ བདག་བསྔངས་སྐྲག་ཆེན་པོས་བལྟར་མ་བཟོད་ཀྱང་འཁོར་གྱི་མཁའ་འགྲོ་མ་རྣམས་ཀྱིས་ལྟོས་དང་སྐྱོན་མེད་ཟེར་བ་ལས༔ བདག་གིས་བལྟས་པས་མོ་ཡང་རྡོ་རྗེ་རྣལ་འབྱོར་མའི་སྐུའི་རྣམ་པར་བཞེངས་ནས་ལྟོ་བ་གྲི་གུག་གིས་གཤག་སྟེ༔ ལུས་དཀྱིལ་སྐྱེ ༄༅། །མཆེད་ཀྱི་ལྷ་རྣམས་ཡེ་རྫོགས་ཆེན་པོར་ངོ་སྤྲད་ནས་དབང་བཞི་རྒྱལ་ཐབས་སྤྱི་བླུགས་ཆེན་པོ་སྐད་ཅིག་ཉིད་ལ་རྫོགས་པར་བསྐུར༔ པུསྟ་ཀ་གཉིས་གཏད་དེ་གཏེར་འབྱིན་པའི་དུས་ཚིགས་གཏེར་གནས་ཆོས་བདག་སྐྱེས་བུའི་ལུང་བྱང་དང་བཅས་པ་རྫོགས་པར་བསྩལ་ནས༔ ཁ་བྱང་གི་བརྡ་དོན་རྣམས་ཡིད་ལ་ཟུངས་ཤི༔ ཁྱོད་ང་ཡི་ཕོ་ཉ་ཡིན་པས་མ་འགྱངས་བར་མྱུར་དུ་མཁའ་འགྲོའི་གསུང་བཞིན་བསྟན་འགྲོའི་དོན་སྒྲུབས་ལ་མ་འོངས་པ་ན་ཨོ་རྒྱན་མཁའ་འགྲོའི་གླིང་ནས་མཇལ་འོང་ཞེས་ཟེར་ནས་བུད་མེད་རྣམས་མི་སྣང་བར་ཡལ༔ ཞེས་གསུངས་པ་བཞིན་དུ་གཏེར་གནས་གངས་དཀར་ཏི་སེ། རྨ་ཆེན་སྤོམ་ར། བྲག་དཀར་སྤྲེལ་རྫོང་སོགས་གནས་ཆེན་དུ་མ་ནས་ཟབ་ཆོས་མཐའ་དག་གདན་དྲངས་པའི་ནང་ནས་ད་ལམ་དཀྱིལ་འཁོར་བསྒྲུབ་ཅིང་བདག་ཉིད་འཇུག་པ་སོགས་སློབ་དཔོན་གྱི་བགྱི་འོས་རྣམས་སྔོན་དུ་སོང་ནས། ཁྱེད་རང་སློབ་མའི་ངོ་སྐལ་དུ་གྱུར་པའི་མཎྜལ་ཕུལ་མཛོད། སློབ་མས་མཎྜལ་ཕུལ་བ་དང་། དེ་ནས་གསོལ་བ་གདབ་པ་འདིའི་རྗེས་ཟློས་མཛོད་ཅིག །ཅེས་བརྡ་སྤྲད་ནས་རང་གཞུང་གི་གསོལ་གདབ་ལན་གསུམ་རྗེས་ཟློས་བྱེད་དུ་འཇུག་ཅིང་། གནང་བ་སྦྱིན་པའི་ཚིག་ཡོད་ན་བརྗོད་དོ །དེ་ནས་ཁྱོད་རང་རྣམས་ཀྱི་མདུན་གྱི་ནམ་མཁར་ཕྱོགས་བཅུ་དུས་བཞིའི་ རྒྱལ་བ་སྲས་དང་བཅས་པ་རྣམས་ཀྱི་ཐུགས་རྗེའི་བྱིན་རླབས་གཅིག་ཏུ་འདུས་པའི་བདག་ཉིདངོ་བོ་རྩ་བའི་བླ་མ་ཡིན་པ་ལ་རྣམ་པ་ཚེའི་ལྷ་ཚོགས་རྣམས་མངོན་སུམ་དུ་གསལ་བའི་མདུན་དུ་དུས་འདི་ནས་བཟུང་སྟེ་བྱང་ཆུབ་སྙིང་པོ་མ་ཐོབ་ཀྱི་བར་དུ་སྐྱབས་ཀྱི་དམ་པར་འཛིན་ནོ་སྙམ་པས་འདིའི་རྗེས་ཟློས་མཛོད། གཞུང་གི་སྐྱབས་འགྲོ་ལན་གསུམ་རྗེས་ཟློས་བྱ། དེ་ནས་སེམས་བསྐྱེད་པའི་དོན འདི་ལྟར་ནམ མཁའ་ལ་མཐའ་མེད་པ་བཞིན་སེམས་ཅན་ལ་མཐའ་ཡོད་པ་མ་ཡིན་ཏེ། མཐའ་མེད་པའི་སེམས་ཅན་དེ་རྣམས་འཁོར་བ་སྡུག་བསྔལ་གྱི་རྒྱ་མཚོ་ལས་བསྒྲལ་ནས་རྫོགས་པའི་སངས་རྒྱས་ཀྱི་ས་ལ་འགོད་པར་བྱ། དེའི་ཆེད་དུ་སྨོན་པ་དང་འཇུག་པའི་བྱང་ཆུབ་ཀྱི་སེམས་མཆོག་རིན་པོ་ཆེ་བསྐྱེད་པར་བྱ་སྙམ་པས་འདིའི་རྗེས་ཟློས་མཛོད། གཞུང་གི་སེམས་བསྐྱེད་ལན་གསུམ་དུ་རྗེས་ཟློས་བྱ། གོང་དུ་ཚོགས་ཞིང་གསལ་གདབ་པའི་སྤྱན་སྔར་ཚོགས་བསགས་པའི་སྒོ་ཐམས་ཅད་ཡན་ལག་བདུན་པར་འདུས་པའི་དོན་དྲན་བཞིན་རང་རང་རྣམས་ཀྱི་ལུས་ཞིང་གི་རྡུལ་རྙེད་དུ་སྤྲུལ་ནས་ཕྱག་འཚལ་བ་དང་། དངོས་འབྱོར་ཡིད་སྤྲུལ་གྱི་མཆོད་ཚོགས་འབུལ་བ དུས་གསུམ་དུ་བསགས་པའི་ཉེས་ལྟུང་བཤགས་པ། རང་གཞན་རྣམས་དགེ་བའི་རྩ་བ་ལ་རྗེས་སུ་ཡི་རང་བ རྒྱལ་བ་སྲས་དང་བཅས་པ་དང་རྒྱལ་ ༄༅། །བསྟན་འཛིན་སྐྱོང་སྤེལ་གསུམ་གྱི་བྱེད་པོ་རྣམས་ལ་གདུལ་བྱའི་བློར་གང་འཚམས་པའི་ཆོས་འཁོར་བསྐོར་བར་བསྐལ་བ་དང་། དེ་རྣམས་མྱ་ངན་ལས་མི་འདའ་བར་འགྲོ་བའི་སྣང་ངོར་རྟག་པར་བཞུགས་པར་གསོལ་བ་འདེབས་པ་དང་། དུས་གསུམ་བསགས་པའི་དགེ་རྩ་རྣམས་སེམས་ཅན་ལ་བསྔོ་བ་ལ་སོགས་པ་འདིའི་རྗེས་ཟློས་མཛོད༔ གཞུང་གི་ཡན་བདུན་རྗེས་ཟློས་ལན་གསུམ་བྱ། དེ་ནས་སྡོམ་པ་གསུམ་གྱི་དམ་ཚིག་གི་གནད་རྣམས་མི་ཉམས་པར་སྲུང་བར་བྱ་སྙམ་པས་འདིའི་རྗེས་ཟློས་མཛོད༔ དེ་ནས་སྡོམ་བཟུང་དང་དམ་བཞག་ཐམས་ཅདརྣལ་འབྱོར་དུ་སེམས་བསྐྱེད་པ་སོགས་གཞུང་དུ་གང་ཡོད་པ་རྣམས་གོ་རིམ་མ་འཆུག་པར་བྱ་ལ། དེ་ནས་མིག་དར་གཏད་པ་ནི མ་རིག་པའི་ལིང་ཏོག་བསལ་བའི་ཕྱིར་མིག་དར་དམར་པོ་རེས་གདོང་བཅིང་བའི་མོས་པ་མཛོད ཨོཾ་ཙཀྵུ་བྷནྡྷ་ཝ་ར་མ་ཎ ཡེ་སྭཱ་ཧཱ༔ མེ་ཏོག་གཏད་ལ། དཀྱིལ་གྱི་འཁོར་ལྷ་དང་མཇལ་བའི་ཚེ་ཕྱག་སྟོང་པར་མཇལ་དུ་མི་རུང་བས་ཕྱག་རྟེན་གྱི་སླད་དུ་མེ་ཏོག་ཨུ་དུམ་ཝ་རའི་ཆུན་པོ་རེ་འཛིན་པའི་མོས་པ་མཛོད༔ ཨོཾ་ཨ་ཁཾ ཝི་ར་ཧཱུྃ༔ དེ་ནས་ཡེ་ཤེས་དབབ་པ་ལ། ཨོཾ་མ་ཧཱ་ཤུ་ནྱ་ཏ་ཛྙ་ན་བཛྲ་སྭཿ འཁོར་འདས་ཀྱི་ཆོས་ཐམས་ཅད་སྟོང་ཞིང་བདག་མེད་པའི་རང་བཞིན་ཅན་དུ་རིག །སྟོང་པའི་ངང་ལས་བདག་མདུན་གསལ སྣང་སྒྱུ་མ་ལྟ་བུའི་ཏིངའཛིན་གྱི་བྱིན་རླབས་ཆེན་པོའི་མཐུས་སློབ་མའི་རྒྱུད་ཀྱི་ནད་གདོན་སྡིག་སྒྲིབ་བག་ཆགས་གདོས་བཅས་ཤ་ཁྲག་གི་ཕུང་པོ་དང་བཅས་པ་ཐམས་ཅད་འཇའ་ཚོན་ནམ་མཁའ་ལ་ཡལ་བ་ལྟར་ཆོས་ཉིད་སྟོང་པ་ཉིད་ཀྱི་དབྱིངས་སུ་ཞིག་པར་གྱུར སྟོང་པའི་ངང་ལས་གཞུང་གི་ལྷ་བསྐྱེད་གང་ཡིན་བརྗོདལ་སྤྱན་འདྲེན་པའི་ཡེ་ཤེས་དབབ་བསྟིམ་དང་། ཡེ་ཤེས་དབབ་པ་དེ་ཉིད་བརྟན་པར་གྱུར་ཅིག ཏིཥྛ་བཛྲ་གྱིས་བརྟན་པར་བྱ། དེ་ནས་བུམ་དབང་སྐབས། གཙོ་བོའི་ཐུགས་ཀ་ནས་དབང་རྫས་རྣམས་རིམ་པ་བཞིན་དུ་བྱུང་བར་བསམ་ལ། བུམ་དབང་གི་རྗེས་སུ། མདུན་བསྐྱེད་ཀྱི་ལྷ་རྣམས་ཀྱི་སྐུ་ལས་སྐུ་གཉིས་པ་རེ་མཆེད་ནས་ཁྱོད་རང་རྣམས་ལ་ཐིམ་པས་ལྷ་སོ་སོའི་དཔལ་ཡོན་ལ་དབང་བར་བྱས་པའི་མོས་པ་གྱིས། ལྷ་དབང་བསྐུར་རྗེས་སུ། དེས་ལུས་ཀྱི་ལས་དང་རྩའི་སྒྲིབ་པ་དག སྐུ་རྡོ་རྗེའི་བྱིན་རླབས་ཞུགས། བུམ་པའི་དབང་ཐོབ། བསྐྱེད་རིམ་གྱི་སྣོད་དུ་གྱུར རྣམ་སྨིན་རིག་འཛིན་གྱི་ས་བོན་ཐེབས། སྤྲུལ་སྐུའི་གོ་འཕང་ཐོབ་པའི་སྐལ་བ་རྒྱུད་ལ་བཞག་གོ། །གསང་དབང་གི་རྗེས་སུ། དེས་ངག་གི་ལས་དང་རླུང་གི་སྒྲིབ་པ་དག །གསུང་རྡོ་རྗེའི་བྱིན་རླབས་ཞུགས། གསང་བའི་དབང་ཐོབ། བཟླས་བརྗོད་ཀྱི་སྣོད་དུ་གྱུར ཚེ་དབང་རིག་འཛིན་གྱི་ས་བོན་ཐེབས ལོངས་སྤྱོད ༄༅། །རྫོགས་སྐུའི་གོ་འཕང་གི་སྐལ་བ་རྒྱུད་ལ་བཞག་གོ །ཤེས་རབ་དབང་གི་རྗེས་སུ། དེས་ཡིད་ཀྱི་ལས་དང་ཐིག་ལེའི་སྒྲིབ་པ་དག ཐུགས་རྡོ་རྗེའི་བྱིན་རླབས་ཞུགས། ཤེས་རབ་ཡེ་ཤེས་ཀྱི་དབང་ཐོབ། བདེ་སྟོང་ཙཎྜ་ལིའི་སྣོད་དུ་གྱུར། ཕྱག་རྒྱའི་རིག་འཛིན་གྱི་ས་བོན་ཐེབས། ཆོས་སྐུའི་གོ་འཕང་གི་སྐལ་བ་རྒྱུད་ལ་བཞག་གོ །ཚིག་དབང་གི་རྗེས་སུ། དེས་ཀུན་གཞིའི་ལས་དང་ཤེས་བྱའི་སྒྲིབ་པ་དག ཡེ་ཤེས་རྡོ་རྗེའི་བྱིན་རླབས་ཞུགས ཚིག་གིས་མཚོན་པ་དོན་དམ་གྱི་དབང་ཐོབ ཀ་དག་རྫོགས་པ་ཆེན་པོའི་སྣོད་དུ་གྱུར། ལྷུན་གྲུབ་རིག་འཛིན་གྱི་ས་བོན་ཐེབས། མཐར་ཐུག་གི་འབྲས་བུ་ངོ་བོ་ཉིད་སྐུའི་སྐལ་བ་རྒྱུད་ལ་བཞག་གོ །དེ་ནས་མཐའ་བརྟེན་གཏད་ལ༔ ཧཱུྃ་ཧྲཱིཿ སྔོན་ཚེ་སྟོན་པས་བྱིན་བརླབས་རྫས་མཆོག་བརྒྱད། རྒྱལ་བའི་མཚན་དཔེ ལས་བྱུང་བཀྲ་ཤིས་རྟགས། བསོད་ནམས་མཐུ་ལས་བྱུང་བའི་རྒྱལ་སྲིད་བདུན དེང་འདིར་སྐལ་ལྡན་བུ་ལ་དབང་བསྐུར་བས བཀྲ་ཤིས་བདེ་ལེགས་ཕུན་སུམ་ཚོགས་པར་ཤོག ཨཥྚ་