Tibetan
ལོངས་དང་གསལ༔ དྲེགས་པ་རྣམ་གསུམ་གཉེར་གྱིས་ཤིག༔ སྐལ་ལྡན་བུ་དང་འཕྲད་པར་ཤོག༔ སྣོད་མིན་རྣམས་ལ་ཁ་ཐཾ་རྒྱ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཅེས་པ་འདི་ཡང་སྔ་འགྱུར་བསྟན་པའི་གསལ་སྒྲོན་རྗེ་དྲུང་སྐྱབས་མགོན་མཆོག་གི་ཞལ་སྔ་ནས་འདི་ལྟར་དགོས་ཞེས་ལྷ་རེག་དྲི་བྲལ་དང་། བཀྲ་ཤིས་ཕུན་སུམ་ཚོགས་པའི་དངོས་རྫས་བཅས་གསུང་གི་དབུགས་དབྱུང་སྤྱི་བོར་ཕེབས་པ་ལྡོག་མ་ནུས་པར་རྟེན་འབྲེལ་ཙམ་དུ། ལྕགས་འབྲུག་ཟླ་ཚེས་༢༥ དགེ་བར་རི་ཆེའི་ཉེ་འདབ། ཐེག་མཆོག་གླིང་ནས་སུ་ཁ་བཛྲ་གྱིས་གཏན་ལ་ཕབས་པའི་ཡི་གེ་པ་ནི་རང་གི་ཉེ་གནས་ཤཱཀྱའི་དགེ་བཙུན་ཤཱི་ལ་བཛྲ་གྱིས་བྲིས་པའོ། །དགེའོ།། །། 38 TI1394-140 52 彝 3 ༅ ༒ ན་མོ་པདྨ་ཀཱ་ར་ཡེ༔ ཨོ་རྒྱན་རྡོ་རྗེ་འཆང་ལ་གུས་པས་འདུད༔ ཕྱི་རབས་རྗེས་འཇུག་སྨོན་ལམ་འཕྲོ་ལྡན་པ༔ ཐེག་ཆེན་ལ་མོས་དད་དང་དམ་ཚིག་ལྡན༔ བླ་མ་ལ་གུས་མཆེད་ལྕམ་ཡོངས་ལ་བརྩེ༔ འཁོར་བར་བློ་ལྡོག་གདམས་པ་ཉམས་ལེན་ཅིང་༔ སྒོ་གསུམ་རྡེལ་ཟོག་མེདཅིང་ཆོས་ལ་སྤྱོད༔ གནད་འདི་ལྡན་པའི་སྐལ་ལྡན་སྐྱེས་བུ་ཡིས༔ སྒོ་གསུམ་དབང་གིས་སྨིན་ཅིང་གྲོལ་བའི་ཐབས༔ སྨིན་གྲོལ་ལམ་བཟང་འདི་རུ་བསྟན་པར་བྱ༔ ས་མ་ཡ༔ གནས་བཟང་བྱིན་ཆགས་འཚེ་བ་བྲལ་བའི་སར༔ ལྟ་དགོངས་ལྡན་པའི་སྐྱེས་བུས་གཞན་དོན་ཕྱིར༔ ས་སློང་ས་སྦྱོང་བྱིན་གྱིས་བརླབས་པ་དང་༔ ལྷ་དང་དཀྱིལ་འཁོར་རྣམ་བུམ་སྟ་གོན་རྣམས༔ སྤྱི་ལྟར་བསྒྲུབས་ལ་གཞུང་བཞིན་ལེགས་པར་བཀོད༔ དེ་ནས་སློབ་མ་སྟ་གོན་རིམ་པ་ལ༔ པདྨ་འདབ་བཞི TI1394-142 02商ཕྱོགས་མདོག་དབུས་མཐིང་གའི༔ སྟེང་དུ་ཤར་ནས་བརྩམས་ཏེ་བུམ་པ་དང་༔ རྟགས་ཀྱི་སོ་ཤིང་ཟུར་བརྒྱད་སོར་བཅུ་ལྡན༔ སྣ་ལྔའི་སྲུང་སྐུད་ཀུ་ཤའི་ཆུན་པོ་རྣམས༔ གཡས་བསྐོར་གྱིས་ནི་མ་ནོར་ཚུལ་བཞིན་བཀོད༔ དེ་ནས་ཁྲུས་ཀྱི་བུམ་པ་བསྒྲུབས་པ་ནི༔ ཨོཾ་སྭ་བྷ་ཝཿ ཤར་གྱི་བུམ་པ་མི་དམིགས་པ་སྟོང་པ་ཉིད་དུ་གྱུར༔ སྟོང་པའི་ངང་ལས་མཁའ་ལ་འཇའ་ཚོན་ཤར་བ་བཞིན་དུ་ཐབས་ཤེས་པད་ཟླའི་སྟེང་དུ༔ ཧཱུཾ་དཀར་ཡོངས་གྱུར་དཔལ་ལྡན་རྡོ་རྗེ་སེམས༔ དཀར་གསལ་ཞལ་གཅིག་ཕྱག་གཉིས རྡོར་དྲིལ་འཛིན༔ ཞབས་གཉིས་རྡོ་རྗེ་སྐྱིལ་ཀྲུང་པད་ཟླར་བཞུགས༔ སྐུ་ལ་དར་དང་རིན་ཆེན་རྒྱན་གྱིས་སྤྲས༔ ལོངས་སྐུའི་ཆས་རྫོགས་མཚན་དཔེ་ཞི་ཚུལ ལྡན༔ སྣང་སྟོང་ཡེ་ཤེས་སྒྱུ་མའི་སྐུ་རུ་ཤར༔ དེ་ལྟར་གསལ་བའི་གནས་གསུམ་ས་བོན་ལས༔ འོད་འཕྲོས་དབྱིངས་བཞུགས་ཡེ་ཤེས་སྤྱན་དྲངས་བསྟིམས༔ དམ་ཡེ་དབྱེར་མེད་རོ་གཅིག བརྟན་པར་བཞུགས༔ གཉིས་མེད་མཉམ་པའི་གུས་ཕྱག་འཚལ༔ སྣང་བ་རྣམ་དག་མཆོད་པ་འབུལ༔ སྐུ་དང་ཡེ་ཤེས་ཆེན་པོར་བསྟོད༔ སྣང་སྟོང་གཉིས་མེད་ཡེ་ཤེས་ལྷའི༔ ཐུགས་ཀར་ཟླ་བ་རྒྱས་པའི་སྟེང་༔ ཐུགས་སྲོགས་ཧཱུྃ་ལ་ཡིག་དྲུག་བསྐོར༔ འོད་ཟེར་འཕྲོས་པས་རྒྱལ་ཀུན་གྱི༔ ཐུགས་རྗེ་བྱིན་རླབས་ནུས་པ་བསྡུས༔ སྲོག་གི་སྙིང་པོ་རོ་གཅིག་འདྲེས༔ འཁོར་འདས་དག་མཉམ་བདེ་བ་ཆེ༔ ཨོ་བཛྲ་སཏྭ་ཧཱུྃ༔ ཅི་འགྲུབ་བཟླས་རྗེས་ཡིག་བརྒྱ་ཉེར་གཅིག་མཐར༔ ཉེར་སྤྱོད་ཀྱིས་མཆོད་བསྟོད་པ་བྱ་བ་ནི༔ ཧཱུྃ༔ དུས་གསུམ་སངས་རྒྱས་འདུས་པའི་དཔལ༔ སྒྲིབ་གཉིས་དྲི་མ་འཇོམས་མཛད་ལྷ༔ དཔལ་ལྡན་རྡོ་རྗེ་སེམས་དཔའ་ལ༔ སྒོ་གསུམ་གུས་པ་ཆེན་པོས་བསྟོད༔ ཅེས་བརྗོད་མཐར༔ བུམ་ལྷ་འོད་དུ་ཞུ་ནས་བུམ་ཆུ་དང་དབྱེར་མེད་དུ་གྱུར་ནས་སྒོ་གསུམ་གྱི་དྲི་མ་ཉེས་སྐྱོན་ཐམས་ཅད་སྦྱོང་བྱེད་ཀྱི་ནུས་པ་དང་ལྡན་པར་གྱུར༔ དེ་ནས་སོ་ཤིང་བྱིན་གྱིས་བརླབས་པ་ནི༔ ཨོཾ་སྭ་བྷ་ཝ་སོགས། སོ་ཤིང་མི་དམིགས་པ་སྟོང་པ་ཉིད་དུ་གྱུར༔ སྟོང་པའི་ངང་ 商ལས་ལྷོ་རུ་ཧཱུྃ་ལས་དཔལ་ཕྱག་ན་རྡོ་རྗེ་མཐིང་ག་ཞལ་གཅིག་སྤྱན་གསུམ་ཁྲོ་ཞིང་གཏུམ་པ༔ ཕྱག་གཉིས་རྡོ་རྗེ་དང་སྦྲུལ་ཞགས་འཛིན་ཅིང་ཞབས་གཉིས་གྱད་ཀྱི་འདོར་སྟབས་ཀྱིས་པད་ཉིའི་གདན་ལ་འགྱིང་བ༔ སྐུ་ལ་ཁྲོ་བོའི་ཆས་རྫོགས་ཤིང་ཡེ་ཤེས་བསྐལ་པའི་མེ་དཔུང་འཁྱིལ་བའི་ཀློང་དུ་བསྐྱེད་དོ༔ དེའི་ཐུགས་ཀར་པད་ཉིའི་གདན་ལ་ཧཱུྃ་མཐིང་གའི་མཐར་སྔགས་ཀྱིས་བསྐོར་བའི་འོད་ཀྱིས་སྐུ་གསུམ་རྒྱལ་བ་རྒྱ་མཚོའི་མཐུ་བྱིན་ནུས་པ་ཡེ་ཤེས་ཡོན་ཏན་ཐམས་ཅད་འོད་ཀྱི་རྣམ་པར་བྱུང་ནས་སྔགས་ཕྲེང་དང་གཉིས་སུ་མེད་པར་གྱུར༔ རྩ་སྔགས་མཐར༔ བཛྲ་ཧ་ས་ཧ་སྭཱ་ཧཱ༔ ཅི་འགྲུབ་བཟླས་མཐར་ཉེར་སྤྱོད་ཀྱིས་མཆོད་ལ་བསྟོད་པ་ནི༔ ཧཱུྃ༔ དུས་གསུམ་སངས་རྒྱས་ཐམས་ཅད་ཀྱི༔ ཕྲིན་ལས་མངའ་བདག་དཔལ་ཆེན་པོ༔ གར་དགུའི་ཉམས་ལྡན་ཁྲོ་བོའི རྒྱལ༔ རྡོ་རྗེ་འཛིན་ལ་ཕྱག་འཚལ་བསྟོད༔ ཅེས་བརྗོད་མཐར༔ ལྷ་ཉིད་འོད་དུ་ཞུ་ནས་སོ་ཤིང་ལ་ཐིམ་པས་གཉིས་སུ་མེད་པར་གྱུར་པར་བསམ༔ དེ་ནས་སྲུང་སྐུད་བྱིན་བརླབས་ནི༔ ཨོཾ་སྭཱ་བྷ་ཝ སོགས། སྲུང་སྐུད་རྣམས་མི་དམིགས་པ་སྟོང་པ་ཉིད་དུ་གྱུར༔ སྟོང་པའི་ངང་ལས་ནུབ་ཏུ་ཧཱུྃ་ལས་ཁྲོ་བོ་བདུད་རྩི་འཁྱིལ་བ་ལྗང་སྔོན་གཡས་རྒྱ་གྲམ་དང་གཡོན་དྲིལ་བུ་འཛིན་པ་ཞལ་གཅིག་སྤྱན་ གསུམ་ཁྲོ་རྔམས་ལྡན་ཅིང་ཞབས་གཉིས་པད་ཉི་བམ་གྱི་སྟེང་དུ་བསྒྲད་ཅིང་༔ དབུ་སྐྲ་དམར་སེར་གྱེན་དུ་བརྫེས་ཤིང་ཐོད་སྐམ་ལྔའི་དབུ་བརྒྱན་དང་ཐོད་རློན་གྱི་ཕྲེང་བས་སྤྲས་ཤིང་དུར་ཁྲོད་ཀྱི་ཆས་ཐམས་ཅད་སྐུ་ལ་རྫོགས་པར་གསལ་བའི་ཐུགས་ཀར་པད་ཉིའི་སྟེང་དུ་ཐུགས་སྲོག་ཧཱུྃ་ལྗང་སྔོན་གྱི་མཐར་རྩ་བའི་སྔགས་ཀྱིས་བསྐོར་བ་ལ་འོད་ཟེར་འཕྲོ་འདུས་དོན་གཉིས་བྱས་ཚུར་འདུས་པ་ལས་རྒྱལ་བ་རྣམས་ཀྱི་གསང་གསུམ་འཁོར་ལོའི་ནུས་མཐུ་ཐམས་ཅད་ཐོབ་པར་བསམ༔ ཨོཾ་བཛྲ་ཨ་མྲྀ་ཏ་ཀུཎྜ་ལི་ཧཱུྃཕཊ༔ པཉྩ་སིདྡྷི་ཧཱུྃ༔ ཅི་འགྲུབ་བཟླས་མཐར་ཉེར་སྤྱོད་ཀྱིས་མཆོད་ལ་བསྟོད་པ་ནི༔ ཧཱུྃ༔ ཆོས་ཉིད་འགྱུར་མེད་ཀུན་ནས་བཟླུམ༔ ལྷུན་འགྲུབ་འགགས་མེད་རོལ་པ་ལས༔ ཐུགས་རྗེ་ཐབས་མཁས་སྐུར་སྟོན་པ༔ ཁྲོ་ཆེན་བདུད་རྩི་འཁྱིལ་ལ་བསྟོད༔ ཅེས་བརྗོད་པས༔ ཁྲོ་བོ་འོད་དུ་ཞུ་ནས་སྲུང་སྐུད་དང་དབྱེར་མེད་དུ་གྱུར༔ དེ་ནས་ཀུ་ཤ་བྱིན་རླབས་ལ༔ ཨོཾ་སྭ་བྷ་ཝ་ཿ ཀུ་ཤ་མི་དམིགས་པ་སྟོང་པ་ཉིད་དུ་གྱུར༔ སྟོང་པའི་ངང་ལས་པད་དཀར་ཟླ་བའི་གདན་ལ་ཤེས་རབ་མངའ་བདག་འཇམ་དཔལ་གཞོན་ནུར་གྱུར་པ་དམར་སེར་ཞལ་གཅིག་ཕྱག་གཉིས་རལ་གྲི་དང་གླེགས་བམ་འཛིན་ཅིང་ཞབས་གཉིས་རྡོ་རྗེའི་དཀྱིལ་མོ་ཀྲུང་གིས་བཞུགས་པ༔ སྐུ་ལ་ལོངས་སྤྱོད་རྫོགས་པའི ༒ རྒྱན་ཐམས་ཅད་ཀྱིས་སྤྲས་ཤིང་ཞི་འཛུམ་མཚན་དང་དཔེ་བྱད་ལྡན་ཅིང་ཡེ་ཤེས་འཇའ་གུར་འཁྲིགས་པའི་ཀློང་དུ་བསྐྱེད་དོ༔ དེ་ལྟར་གསལ་བའི་ཐུགས་ཀར་པད་ཟླའི་གདན ལ་ཧྲཱིཿཡིག་གི་མཐའ་མར་སྔགས་ཀྱིས་བསྐོར་བའི་འོད་ཀྱིས་སྲིད་ཞིའི་ཁམས་ཀྱི་ཡེ་ཤེས་ཡོན་ཏན་མཁྱེན་བརྩེ་ནུས་པ་བསྡུས་ནས་ཐུགས་སྲོག་ལ་ཐིམ་པར་བསམ༔ ཨོཾ་ཨ་ར་པ་ཙ་མི་ཏ་ཧྲི་དཱ་ཡེ་སྭ་ཧཱ༔ ཅི་འགྲུབ་བཟླས་མཐར་ཉེར་སྤྱོད་ཀྱིས་མཆོད་ལ་བསྟོདཔ་ནི༔ ཧཱུྃ༔ རྒྱལ་ཀུན་མཁྱེན་བརྩེའི་ཡེ་ཤེས་གཏེར་འཆང་བ༔ དམར་གསལ་ཉི་མ་འཆར་འདྲའི་མདངས་བཀྲ་ཞིང་༔ མ་རིག་བློ་ཡི་མུན་པ་སེལ་མཛད་པ༔ འཇམ་དཔལ་དཔའ་བོ་ཁྱོད་ལ་ཕྱག་འཚལ་བསྟོད༔ ཅེས་བརྗོད་མཐར། ལྷ་ཉིད་འོད་དུ་ཞུ་ནས་ཀུ་ཤ་ལ་ཐིམ་པར་གྱུར༔ དེ་ལྟར་དབང་གི་སྟ་གོན་རིམ་པ་རྣམས༔ ལག་ལེན་ནོར་འཁྲུལ་མེད་པར་ཉམས་བླངས་ནས༔ ཚུལ་བཞིན་སྒྲུབ་པ་ཉམས་ལེན་གནད་དུ་གཅེས༔ སྐལ་ལྡན་དམ་གཙང་རྗེས་སུ་འཛིན་པ་ལ༔ སྔོན་དུ་སྒོ་ཡི་མདུན་གྲལ་འཁོད་ནས་ནི༔ ཁྲུས་དང་བགེགས་བསྐྲད་སྲུང་བའི་འཁོར་ལོ་བསྒོམ༔ དེ་ནས་གསོལ་བ་གདབ་པ་ནི༔ ཀྱེ༔ སྒོ་སྐྱོང་ཁྲོ་བོ་དགོངས་སུ་གསོལ༔ བདག་ཅག་སྐལ་ལྡན་བུ་རྣམས་ནི༔ ཐར་པའི་ལམ་དུ་འཇུག་སྤྲོ་བས༔ སྒོ་ཕྱེས་དཀྱིལ་འཁོར་ནང་དུ་འཇུག༔ ཅེས་ལན་གསུམ་བརྗོད༔ སློབ་དཔོན་གྱིས༔ ཀྱེ་ཧོཿ ཁྱེད་ཅག་སུ་ཡིན་ང་ལ་སྨོས༔ ཐར་པའི་ལམ་ལ་འཇུག་སྤྲོན༔ དམ་ཚིག་ཚུལ་བཞིན་བསྲུང་ནུས་ན༔ ལམ་གྱི་ལམ་མཆོག་བདག་གིས་བསྟན༔ ཞེས་དང་༔ ཡང་སློབ་བུས༔ ཀྱེ་ཧོཿ གསང་བ་མཆོག་གི་སློབ་དཔོན་དགོངས༔ བདག་ཅག་སྐལ་ལྡན་རིགས་ཀྱི་བུ༔ གསང་སྔགས་ལམ་ལ་འཇུག་སྤྲོ་བས༔ ཅི་བསྒོའི་བཀའ་ལས་འདའ་མི་བྱ༔ རིམ་གཉིས་ལམ་མཆོག་བསྟན་དུ་གསོལ༔ ལན་གསུམ༔ སློབ་དཔོན་གྱིས༔ ཨེ་མ་སྐལ་ལྡན་ལས་འཕྲོ་ཅན༔ གསང་སྔགས་དབང་ལ་མ་བརྟེན་པར༔ ཡང་དག་ཐར་པའི་ལམ་མི་རྙེད༔ དེ་ཕྱིར་གུས་སྤྲོ་དད་པ་ཡིས༔ ནང་དུ་དོངས་ལ་སྨིན་པར་བྱ༔ ཞེས་བརྗོད་སློབ་མ་གྲལ་འཁོད་ཅིང་༔ ཡོན་ཕུལ་གསོལ་གདབ་སེམས་བསྐྱེད་འབོག༔ དེ་ནས་སོ་ཤིང་ཐོགས་ལ་གཏད་པ་ནི༔ ཧཱུྃ༔ ཕྱོགས་བཅུ་དུས གསུམ་བཞུགས་པ་ཡི༔ རྒྱལ་བ་སྲས་བཅས་དགོངས་སུ་གསོལ༔ བདག་གི་སློབ་མ་འདི་རྣམས་ལ༔ སྔོན་ནས་ལས་འཕྲོ་གང་ཡོད་པའི༔ རིགས་ཀྱི་ལྷ་འདི་བསྟན་དུ་གསོལ༔ ཧོཿ སྐལ་ལྡན་རིགས་ཀྱི་བུ་རྣམས་དམིགས་པ་འདི་བཞིན་དུ་མཛོད་ཅིག༔ རང་གི་ལག་གཉིས་ཀྱི་སོར་མོ་རྣམས་ཁ་སྦྱར་བའི་བར་དུ་རྟགས་ཀྱི་སོ་ཤིང་འདིཉིད་རྒྱལ་བ་རྣམས་ཀྱི་ཐུགས་རྗེའི་ཡེ་ཤེས་ཀྱི་བརྡ་ 商མཚོན་དུ་དམིགས་ལ་རང་རང་ལས་འབྲེལ་ཡོད་པའི་ལྷ་གང་ཡིན་པ་དེ་ངོས་བཟུང་བའི་ཕྱིར་མིག་བཙུམ་ལ་སྟེགས་བུའི་སྟེང་དུ་དོར་ལ་འདིའི་རྗེས་ཟློས་མཛོད༔ བཛྲ་ཧ་ས་༔ ཞེས་དོར་བས༔ ཤར་དུ་བབས་ན་རྡོ་རྗེའི་རིགས་ལ་དབང་ཞིང་ཞི་བའི་ལས་འགྲུབ༔ ལྷོ་རུ་བབས་ན་རིན་ཆེན་རིགས་ལ་དབང་ཞིང་རྒྱས་པའི་ལས་འགྲུབ༔ ནུབ་ཏུ་བབས་ན་པདྨའི་རིགས་ལ་དབང་ཞིང་དབང་གི་ལས་འགྲུབ༔ བྱང་དུ་བབས་ན་ལས་ཀྱི་རིགས་ལ་དབང་ཞིང་དྲག་པོའི་ལས་འགྲུབ༔ མཚམས་རྣམས་སུ་བབས་ན་ཕྱོགས་དང་ཉེ་བའི་ལྷ་བསྒྲུབ་པ་ལ་དབང་ཞིང་དངོས་གྲུབ་ཀྱང་དེ་བཞིན་དུ་ཐོབ་བོ༔ དབུས་སུ་འགྲེང་ངེར་གནས་ན་བུདྡྷའི་རིགས་ཀྱི་ལྷ་འགྲུབ་ཅིང་མཆོག་གི་དངོས་གྲུབ་ཐོབ་བོ༔ རྩ་བ་རང་ལ་བསྟན་ནས་སྟེགས་དང་བྲལ་ན་བར་ཆད་མང་ཞིང་ལྷ་ལ་སྐལ་བ་ཞན་པ་ཡིན་པས༔ ཚོགས་བསགས་དང་སྐོང་བཤགས་ལ་འབད་གནས་སླར་བསྐྱར་བར་བྱའོ༔ དེ་ནས་སྲུང་སྐུད་སྦྱིན་པ་ནི༔ ཧོཿ དཀོན་མཆོག་གསུམ་གྱི་བདེན་པ་དང་༔ རྩ་གསུམ་སྲུང་མའི་བྱིན་རླབས་དང་༔ བདག་གི་ལྷ་སྔགས་ཏིང་འཛིན་མཐུས༔ རྡོ་རྗེའི་སློབ་མ་འདི་རྣམས་ལ༔ ཕྱི་ནང་གསང་བའི་བར་ཆད་དང་༔ མི་མཐུན་ཕྱོགས་རྣམས་ཀུན་ལས་སྲུངས༔ མཆོག་གི་ལམ་ ཉིད་མཐར་ཕྱིན་ཤོག༔ བཛྲ་རཀྵ་རཀྵ་ཧཱུྃ་སྭཱ་ཧཱ༔ དེ་ནས་ཀུ་ཤ་སྦྱིན་པ་ནི༔ བླ་མས༔ ཧོཿ རིག་འཛིན་རྒྱ་མཚོའི་ཐུགས་རྗེ་དང་༔ རྩ་བ་གསུམ་གྱི་བདེན་པ་དང་༔ ལྷ་སྔགས་ཆོས་ཉིད་དག པའི་མཐུས༔ དེང་འདིར་རིགས་ཀྱི་བུ་རྣམས་ལ༔ ལེགས་ཉེས་ནོར་འཁྲུལ་མེད་པ་རུ༔ མངོན་སུམ་ཉིད་དུ་གསལ་དུ་གསོལ༔ དེ་ནས་སློབ་བུས༔ ཧོཿ བླ་མ་ལྷ་ཡི་དཀྱིལ་འཁོར་དུ༔ བདག་ཉིད་གུས་པས་གསོལ་བ་འདེབས༔ བདག་ལ་ལེགས་སམ་ཉེས་ཀྱང་རུང་༔ འདོད་དོན་ནོར་འཁྲུལ་མེད་པ་རུ༔ རྨི་ལམ་ཉིད་དུ་གསལ་བར་མཛོད༔ ཅེས་བརྗོདལ་ཀུ་ཤ་སྦྱིན༔ དེ་ནས་ཡང་སློབ་དཔོན་གྱིས༔ འོ་ཡེ་ཤེས་ལྷས་བྱིན་གྱི་རླབས་པའི་ཀུ་ཤ་འདི་ནི་ཁྱོད་ཀྱི་རྨི་ལམ་བརྟག་པའི་ཕྱིར་གནང་བ་ཡིན་ནོ༔ ཁྱོད་ཀྱི་རྨི་ལམ་དུ་འདས་མ་འོངས་ཀུན་མངོན་པའི་སྔས་སྟན་གྱིས་ལ་ཅི་རྨིས་མ་གསང་བར་བདག་ལ་སྨོས་ཤིག༔ ཅེས་བསྐུལ་ནས་སློབ་མས་སྔས་སྟན་བྱ་ཞིང་༔ བདག་ལ་རྩ་བ་གསུམ་གྱི་འདས་མ་འོངས་དགེ་དང་མི་དགེ་མངོན་པར་གསོལ༔ ཞེས་གསོལ་བ་གདབ་ལ་ཉལ་ནས་རྨི་ལམ་དགེ་མི་དགེ་གསལ་བར་འགྱུར༔ བཟང་ངན་ཅི་རྨིས་བླ་མ་ལ་ཞུ་བར་བྱའོ༔ དེ་ནས་དངོས་གཞི་ལ་འཇུག་པར་བྱ༔ ཨེ་མ་ཟབ་གསང་བླ་མེད་དོན་གྱི་སྙིང་པོ་ཡི༔ སྨིན་བྱེད་དབང་གི་སྟ་གོན་ཟབ་མོ་འདི༔ འཕྲད་ཚད་འགྲོ་བ་སྨིན་པར་ཐེ་ཚོམ་མེད༔ 商ཆོས་ཉིད་མཁའ་འགྲོའི་གསང་མཛོད་ཟབ་མོ་ཡི༔ ཆ་ལག་སློབ་མ་རྗེ་འཛིན་སྠི་རྒྱ༔ ས་མ་ཡ༔ རྒྱ་རྒྱ་རྒྱ༔ ཅེས་པ་འདི་ཡང་རང་སློབ་ཚུལ་ཁྲིམས་རྡོ་རྗེ་དང་རིགས་ཀྱི་མྱུ་གུ་ཆོས་དབྱིངས་སྒྲོན་མ་སོགས་ཀྱིས་བསྐུལ་ངོར། སྤ་གནས་ཨོ་རྒྱན་སྒྲུབ་ཕུག་གི་ཉེ་འདབས་ནས་བདེ་ཆེན་བདེབའི་རྡོ་རྗེས་བྲིས་པའོ།། ཤོཿ དེ་ནས་བླ་མས་འདི་སྐད་བརྗོད༔ འོ་སྐལ་བ་དང་ལྡན་པའི་སློབ་བུ་རྣམས་དགོངས་འཚལ༔ རྙེད་པར་དཀའ་བའི་དལ་འབྱོར་གྱི་མི་ལུས་ཐོབ༔ འཕྲད་པར་དཀའ་བ་དམ་པའི་ཆོས་དང་འཕྲད༔ མཇལ་བར་དཀའ་བ་བླ་མ་སངས་རྒྱས་དངོས་དང་མཇལ༔ བསམ་པར་དཀའ་བ་གསང་སྔགས་དོན་གཉེར་གྱི་བསམ་པ་བཟང་པོ་རྒྱུད་ལ་སྐྱེ་བ་འདི་ནི་ཤིན་ཏུ་ལེགས་ཏེ༔ ཡང་ནས་ཡང་དུ་འདི་ལྟར་དུ་འབྱུང་བ་ནི་ཤིན་ཏུ་དཀའ་སྟེ་ཨུ་དུམ་ཝ་རའི་མེ་ཏོག་བཞིན་ནོ༔ སངས་རྒྱས་འཇིག་རྟེན་འབྱོན་པ་དེ བས་ཀྱང་དཀོན༔ དེ་ལས་ཆེས་ཆེར་དཀོན་པ་གསང་སྔགས་ལ་འདུ་ཤེས་གྲུང་པོར་གནས་ཤིང་དམ་ཚིག་མི་འཆལ་བར་ཚུལ་བཞིན་དུ་གནས་པ་ཤིན་ཏུ་དཀོན་པ་ཡིན་ཏེ༔ ཚེ་ལུས་གཅིག་པོ་འདིའི་སྟེང་ནས་ཟུང་འཇུག་ཀྱི་སྐུ་རྡོ་རྗེ་འཆང་ཆེན་པོའི་སར་གཤེགས་ནས་འགྲོ་བ་ཡིན་ནོ༔ དེ་ལྟ་བུའི་རྒྱུ་མཚན་ལ་ལེགས་པར་དཔྱོད་ཅིང་དོན་ལ་གནས་པར་བྱེད་པ་ནི་གལ་ཆེ་བས༔ དང་པོ་ཐུན་མོང་གི་ཆོས ཀྱིས་རང་རྒྱུད་ལ་ངེས་ཤེས་བསྐྱེད༔ བར་དུ་ལེ་ལོ་མེད་པར་ཉམས་ལེན་གྱི་མཐའ་གཅིག་ཏུ་དྲིལ༔ མཐའ་མ་འབྲས་བུ་ཕྱི་དུས་ལ་མི་བཞག་པར་ཚེ་འདིར་རང་ཐོག་ཏུ་སད་ཅིང་གཞོན་ནུ་བུམ་པའི་སྐུར་ཉིང་མཚམས་སྦྱར་ནུས་པ་ཞིག་དགོས༔ དེ་ལྟར་གྲོལ་བར་བྱེད་པ་ལ་ཡང་ལམ་བསྐྱེད་རྫོགས་གཉིས་ཡིན་ཏེ༔ དེ་དག་གི་སྒོ་འབྱེད་ཅིང་གཞི་མ་སྨིན་པ་སྨིན་པར་བྱེད་པ་དབང་གི་དཀྱིལ་འཁོར་དུ་འཇུག་པ་ནི་ངེས་པར་དགོས་ཏེ༔ དབང་གི་སྒོ་འབྱེད་པ་ལ་ཡང་སྟ་གོན་གསུམ་སྔོན་དུ་འགྲོ་བ་ཡིན་ཕྱིར་བུམ་པ་ལྷའི་སྟ་གོན་གྱི་རིམ་པ་རྣམས་སོང་ནས་ད་ཁྱེད་རང་སློབ་མ་སྟ་གོན་དུ་བྱ་བའི་དུས་ལ་བབ་པས་དགའ་སྤྲོ་དད་གུས་དང་ལྡན་པའི་ངང་ནས་མཎྜལ་ཕུལ༔ དེ་ནས་གསོལ་བ་གདབ་པ་འདིའི་རྗེས་ཟློས་མཛོད༔ ཀྱེ་ཧོཿ དཔལ་ལྡན་བླ་མ་རྡོ་རྗེ་འཆང་༔ བདག་ཅག་སྨིན་གྲོལ་མཛད་པའི་ཕྱིར༔ སྔོན་དུ་འགྲོ་བ་ལས་ཀྱི་དབང་༔ བདག་ཅག་རྣམས་ལ་སྩལ་དུ་གསོལ༔ ལན་གསུམ་གསོལ༔ དེ་ནས་དམ་ཚིག་བཟུང་བའི་ཕྱིར༔ ཧོཿ རྡོ་རྗེ་སློབ་དཔོན་དགོངས་སུ་གསོལ༔ བདག་ཅག་འདི་བཟུང་བྱང་ཆུབ་བར༔ རྒྱལ་བ་རྣམས་ཀྱི་རྗེས་སུ་འཇུག༔ དཀོན་མཆོག་གསུམ་ལ་སྐྱབས་སུ་འགྲོ༔ འགྲོ་བའི་དོན་དུ་སེམས་མཆོག་བསྐྱེད༔ སོ་ཐར་བྱང་སེམས་གསང་སྔགས་ཀྱི༔ ཧོ དམ་ཚིག་སྡོམ་ལ་གནས་བྱའི་ཕྱིར༔ མགོན་པོས་བདག་ལ་གནང་དུ་གསོལ༔ ལན་གསུམ་གསོལ༔ བླ་མས༔ ཀྱེ་མ༔ སྣོད་ལྡན་སྐྱེས་བུ་དམ་པ་རྣམས༔ གསང་སྔགས་ཆོ་ག་བདག་གིས་བསྟན༔ ཕྱི་ནང་གསང་བའི་དམ་ཚིག་རྣམས༔ མི་ཉམས་ཚུལ་བཞིན་བསྲུང་བར་གྱིས༔ ཞེས་གནང་བ་སྦྱིན༔ ཐལ་མོ་མེ་ཏོག་དང་བཅས་ཏེ༔ ཕྱོགས་བཅུའི་སངས རྒྱས་བྱང་ཆུབ་སེམས༔ ཉན་རང་འཕགས་པའི་ཚོགས་རྣམས་དང་༔ རྩ་གསུམ་དཔའ་བོ་མཁའ་འགྲོ་དགོངས༔ རྐང་གཉིས་གཙོ་བོ་སངས་རྒྱས་དང་༔ ཞི་བ་ཆགས་བྲལ་དམ་པའི་ཆོས༔ ཚོགས་མཆོག་འཕགས་པའི་དགེ་འདུན་ལ༔ འདི་བཟུང་བྱང་ཆུབ་མ་ཐོབ་པར༔ གུས་པའི་ཡིད་ཀྱིས་སྐྱབས་སུ་མཆི༔ བླ་མ་ཡི་དམ་མཁའ་འགྲོ་དང་༔ ཆོས་སྐྱོང་དཔའ་བོ་དཔའ་མོར་བཅས༔ བྱང་ཆུབ་སེམས་པའི་སློབ་དཔོན་ལ༔ བདག་ནི་གུས་པས་སྐྱབས་སུ་མཆི༔ ལན་གསུམ༔ བླ་མ་སངས་རྒྱས་སྤྱན་སྔ་རུ༔ ལུས་ངག་ཡིད་ཀྱིས་གཞན་རྣམས་ལ༔ གནོད་པ ལས་ལྡོག་དགེ་བ་བསྒྲུབ༔ དགེ་ཚུལ་དགེ་སློང་བྱང་ཆུབ་སེམས༔ སོ་སོར་ཐར་པའི་སྡོམ་པ་ལ༔ བདག་ནི་རྒྱུན་དུ་གནས་ཤིང་བསྲུངས༔ འགྲོ་བ་མ་སྨིན་པ་དང་ནི༔ ཤིན་ཏུ་ཉམ་ཐག་གྱུར་ པ་རྣམས༔ དེ་ནས་བདག་གིས་ཁུར་བླངས་ཏེ༔ བྱང་ཆུབ་ཏུ་ནི་འགོད་པརབྱ༔ རྒྱལ་བ་རྣམས་ཀྱི་རྗེས་ཞུགས་ནས༔ འདི་བཟུང་འཁོར་བ་མ་སྟོང་བར༔ འཇུག་པ་བྱང་ཆུབ་སེམས་མཆོག བསྐྱེད༔ ཕར་ཕྱིར་དྲུག་ལ་རྟག་ཏུ་གནས༔ སེམས་ཅན་མྱ་ངན་འདས་ལ་འགོད༔ དཀོན་མཆོག་མི་གཏོང་རྟག་ཏུ་བསྒྲུབ༔ རྡོ་རྗེ་སློབ་དཔོན་མི་གཏོང་བསྙེན༔ རྡོ་རྗེ་དྲིལ་བུའི་ཕྱག་རྒྱ དང་༔ རིགས་ལྔའི་དམ་ཚིག་རྟག་ཏུ་འཛིན༔ བྱང་ཆུབ་སེམས་དང་འབྲལ་མི་བྱ༔ སྦྱིན་པ་དུས་རྣམས་རྒྱུན་དུ་གཏོང་༔ ཐེག་གསུམ་ཆོས་ལ་བཤད་པར་བརྩོན༔ འགྲོ་དོན་རྒྱུན་མི་ཆད་པར་བསྒྲུབ༔ མདོར་ན་རྒྱལ་བས་གང་བསྒྲགས་པའི༔ དམ་ཚིག་མི་ཉམས་ཚུལ་བཞིན་བཟུང་༔ ཞེས་ལན་གསུམ་གྱིས་དམ་ཚིག་སྦྱིན་ཅིང་ལེན༔ དེ་ནས་དུང་ཞལ་ཐོགས་ལ༔ ཧོཿ རྡོ་རྗེ་ཁྲོ་བོ་གནོད་སྦྱིན་གྱིས༔ བྱིན་གྱིས་བརླབས་པའི་དམ་ཚིག་ཆུ༔ སློབ་མ་ཁྱོད་ཀྱི་ལྕེ་ལ་བཞག༔ ནམ་ཡང་དམ་ལས་མ་འདའ་ཞིག༔ ས་མ་ཡ་ན་ར་ཀན༔ དྲིའི་ཐིག་ལེ་གནས་གསུམ་དུ་བྱུགས་ལ༔ ཨོཾ་ཨཱཿཧཱུཾ༔ ཧཱུྃ་ཨཱཿཨོཾ༔ བརྗོད་པས་སྐྱེ་མཆེད་ཀྱི་གནས་རྣམས་སུ་རེག་ཅིང་ཐིག་ལེ་བཀོདཔས་མ་དག་པའི་གནས་རྣམས་ཡི་གེའི་རང་བཞིན་དུ་བསྒྲུབ་པར་བསམ༔ ཨོཾ་བཛྲ་པྲ་བེ་ཤ་ཡ་ཧོཿ ཞེས་དང་༔ ཨོཾ་ཧཱུྃ་ཏྲཱྃ་ཧྲཱིཿཨཱཿ གྲངས་མེད་ 正ཨོཾམ བརྗོད་བཞིན་རྔ་དྲིལ་བཀྲོལ་ཞིང་༔ ཛཿཧཱུྃ་བཾ་ཧོཿ སངས་རྒྱས་དང་བྱང་ཆུབ་སེམས་དཔའ་བླ་མ་ཡི་དམ་མཁའ་འགྲོའི་ཚོགས་རྣམས་ཆར་བཞིན་བབས་ནས་སློབ་མའི་སྤྱི་བོ ནས་མར་ཐིམ་ནས་སྙིང་གར་བཞུགས་པར་བསམ་མོ༔ གུ་རུའི་ཐུགས་སྒྲུབ་ཀྱི་དབང་གི་སྟ་གོན་ལས་ཁོལ་དུ་ཕྱུངས་པའོ།། །། 3 TkMYDT 53 TI1394-155 TI1394-156 ZUE ་ ༄༅། །ན་མོ་གུ་རུ་པདྨ་ཀཱ་ར་ཡེ༔ བདེ་ཆེན་དབྱིངས་ན་དུས་གསུམ་ཕོ་འགྱུར་བྲལ༔ ཟབ་གསལ་གཉིས་མེད་ཡེ་ཤེས་རྡོ་རྗེའི་ཐུགས༔ ལྷན་སྐྱེས་ཡེ་ཤེས་རྣལ་འབྱོར་ཝཱ་ར་ཧི༔ དབྱེར་མེད་རང་རིག་བླ་མར་ཕྱག་བགྱིའོ༔ གང་གི་ཟབ་གཏེར་བདུད་རྩིའི་རྒྱ་མཚོ་ལས༔ སྨིན་བྱེད་དབང་ཆུས་བརྒྱུད་འཛིན་རྗེས་བཟུང་ཕྱིར༔ ལྷན་ཐབས་དབང་བཞིའི་ཆུ་རྒྱུན་བྲི་བ་ལ༔ ཆོས་བདག་དཔའ་བོ་མཁའ་འགྲོས་གནང་བ་སྩོལ༔ དེ་ལ་འདིར་རྒྱལ་ཡུམ་རྡོ་རྗེ་རྣལ་འབྱོར་མ་མི་མོའི་གཟུགས་སུ་བཞེངས་ནས་འགྲོ་བ་རྗེས་སུ་འཛིན་པའི་ཐབས་ཚུལ་དུ་མའི་མཛད་ཕྲིན་བཟང་པོའི་སྒོ་འཕར་བགྲང་ཡས་སུ་སྟོན་པ་གང་གི་གཏེར་བྱོན་རྩ་གསུམ་སྒྲུབ་པ་སྤྱི་ལ་མཁོ་བའི་དབང་གི་ལྷན་ཐབས་ཉུང་གསལ་དུ་བཀོད་པལ༔ དང་པོ་སློབ་མ་རྣམས་གྲལ་དུ་འཁོད་མཐར་ཁྲུས་བུམ་ཐོགས་ལ༔ ཧཱུྃ་ཧྲཱིཿ TI1394-158 ZTWkMZ@YTY ༄༅། །བདེ་གཤེགས་རྒྱལ་བ་རྣམས་ཀྱིཿ སོགས། དག་གྱུར་ཅིག༔ ཨོཾ་བཛྲ་སཏྭཿ སོགས། སྐལ་ལྡན་གྱི་སློབ་མ་རྣམས་ཀྱི་རྒྱུད་ལ ཡོད་པའི་ཚེ་རབས་འཁོར་བཐོག་མ་མེད་པ་ནས་བསགས་པའི་ལས་དང་ཉོན་མོངས་པའི་རྟོག་སྒྲིབ་བག་ཆགས་ངན་པ་ཐམས་ཅད་སརྦ་པཱ་པཾ་ད་ཧ་ན་ཤཱནྟིཾ་ཀུ་རུ་ཡེ་སྭཱ་ཧཱ༔ དེ་ནས་མཚམས་ལྷ་བསྐྱེདཔ་ནི༔ ཨོྃ་བཛྲ་ཀྲོ་ཏ་ཧྱ་གྲཱི་ཝ་ཿ སོགས། རང་ཉིད་སྐད་ཅིག་གིས་གཉུག་མའི་ལྷ་