Tibetan
མངྒ་ལཾ་ཨ་བྷི་ཥིཉྩ་ཨོཾ༔ དེ་ནས་དམ་ཚིག་མཁས་བླང་བ་ནི དེ་ལྟར་དབང་བསྐུར་ཡོངས་སུ་རྫོགས་པའི་དམ་ཚིག་གི་རིམ་པ་རྣམས་མི་ཉམས་པར་བསྲུང་བར་བྱ་སྙམ་པས་འདིའི་རྗེས་ཟློས་མཛོད། གཙོ་བོས་ ཇི་ལྟར་བཀའ་སྩལ་པ། དེ་དག་ཐམས་ཅད་བདག་གིས་བགྱི། ལན་གསུམ་རྗེས་སུ་ཟློས། སླར་ཡང་དབང་བསྐུར་སྩལ་བའི་གཏང་རག་གི་ཚུལ་དུ་མཎྜལ་ཕུལ། ས་གཞི་སྤོས་ཆུས་བྱུགས་ཁྱོད་རང་གི་ལེགས་བྱས་བསོད་ནམས་བསགས་པའི་མཐུ་ལས་ལུས་ལོངས་སྤྱོད་སོགས་ཡིདའོང་གི་དངོས་པོ་ཅི་མཆིས་པ་དབང་ཐོབ་ཀྱི་སྐུ་དྲིན་གཟོ་བའི་སླད་དུ་བླ་མར་འབུལ་སྙམ་པས་འདིའི་རྗེས་ཟློས་མཛོད། དེ་ནས་བརྩམས་ཏེ་བདག་བྲན་དུ། ཁྱོད་ལ་བདག་ནི་འབུལ་བར་བགྱི། ཁྱོད་ཀྱི་སློབ་མར་བཟུང་བ་དང་། ཆ་ཤས་ཀྱང་ནི་སྤྱད་དུ་གསོལ ལན་གསུམ། དེ་ནས་སྐལ་ལྡན་རྣམས་ཀྱི་རྒྱུད་ལ་དབང་དོན་གྱི་ཡེ་ཤེས་སྐྱེས་པ་མི་ཉམས་ཤིང་བརྟན་པ་དང་ནད་གདོན་བར་ཆད་སོགས་མི་འདོད་པའི་ཉེ་བར་འཚེ་བ་མཐའ་དག་མིང་གི་ལྷག་མར་གྱུར་ནས་ལེགས་ཚོགས་ཚེ་བསོད་དཔལ་དང་འབྱོར་པའི་དངོས་པོ་དབྱར་གྱི་ཆུ་གཏེར་བཞིན་འཕེལ་ཞིང་རྒྱས་པའི་སླད་དུ། རྒྱལ་བ་སྲས་དང་བཅས་པ་ཐམས་ཅད་ཀྱི་ཐུགས་ཡེ་ཤེས་ཀྱི་སྐུའི་ངང་ལས་གཟུགས་ཀྱི་སྐུར་བཞེངས་པས་མདུན་གྱི་ལྷ་ལམ་ཡོངས་སུ་ཁྱབ་པའི་བཀྲ་ཤིས་བདེན་ཚིག་གི་གླུ་དབྱངས་ཚངས་པའི་དབྱངས་ཀྱིས་བརྗོད་ཅིང་དགེ་མཚན་ཡིད་འོང་གི་མེ་ཏོག་སིལ་མ་སྣ་ཚོགས་ཆར་དུ་བསྙིལ་བར་གྱུར། ཞེས་ཚིག་གིས་མདུན་བསུས་ཏེ་བཀྲ་ ༄༅། །ཤིས་ཀྱི་ཚིག་ཅི་རིགས་བརྗོད་པས་མཐའ་བརྒྱན་པར་བྱའོ། །དེ་ལྟར་དབང་ཐོབ་འདིས་མཚོན་རང་གཞན་དུས་གསུམ་དུ་བསགས་པའི་དགེ་བ་རྣམས་མཁའ་ཁྱབ་ཀྱི་སེམས་ཅན་ཡོངས་ལ་བསྔོ་བའི་ཐུགས་འདུན་གནང་བར་ཞུ། གསང་ཆེན་རྒྱུད་སྡེའི་དགོངས་པའི་བཅུད་ཕྱུང་བ། དྲུག་ལྡན་བརྒྱུད་པའི་ཆུ་བོ་མ་ཉམས་པའི། ཟབ་གཏེར་ཆོས་ཀྱི་གདམས་པ་བསམ་ཡས་པ། བྱིན་རླབས་ཚན་ཁ་གཞན་ལས་ཁྱད་པར་འཕགས དེ་ལས་བདག་ཅག་སྐལ་ལྡན་སྐྱེས་བུ་ཡི བགོ་སྐལ་གྱུར་པ་སྨིན་བྱེད་དབང་བསྐུར་གྱི། །མཚམས་སྦྱོར་གོ་སླའི་ཚིག་གིས་མངོན་བརྗོད་པ། ལྷག་བསམ་དད་པའི་སེམས་ཀྱིས་ལེགས་པར་བྲིས། །དགེ་བ་འདི་ཡིས་མ་ལུས་འགྲོ་བ་ཀུན། །ཟབ་ཆོས་གདམས་པའི་བཅུད་ཀྱིས་ཡོངས་སྨིན་ནས། །འབདམེད་སྐུ་བཞི་རྡོ་རྗེ་འཆང་འདི་སར། །སྐད་ཅིག་རྫོགས་སངས་རྒྱས་པའི་རྒྱུར་གྱུར་ཅིག །ཅེས་སྨིན་བྱེད་དབང་བསྐུར་གྱི་མཚམས་སྦྱོར་གསལ་བར་བཀོད་པ་འདི་ཡང་གཏེར་ཆེན་ཆོས་ཀྱི་རྒྱལ་པོ་བདེ་ཆེན་བདེ་བའི་རྡོ་རྗེས་མི་འགྱུར་མཁའ་སྤྱོད་དབང་མོའི་བཀའ་སྩལ་སྤྱི་བོར་ཕེབས་པས་གནང་བ་ཐོབ་ཅིང་། རང་ཉིད་ཀྱིས་ཀྱང་མི་ཕྱེད་པའི་དད་པ་སྙིང་ལ་འབར་ནས་ཟབ་གཏེར་གྱི་ཁ་སྐོང་ཕྱིར་དྲི་མེད་འོད་ཟེར་གྱིས་ལེགས་པར་བྲིས་པ་དགེ་ཞིང་བཀྲ་ཤིས་པར་གྱུར་ཅིག །། བླ་མ་ལྷ་ཡི་དཀྱིལ་འཁོར་དུ༔ བདག་ནི་ཡོངས་སུ་འབུལ་བར་བགྱི༔ བླ་མའི་བཀའ་བཞིན་བསྒྲུབ་ནས་ཀྱང་༔ བསྐྱེད་རྫོགས་ཉམས་ལེན་ཚུལ་བཞིན་སྒྲུབས༔ ཆོས་ཉིད་མཁའ་འགྲོའི་གསང་མཛོད་ཀྱི བརྒྱུད་པ་ནི། ཆོས་སྐུ་ཀུན་བཟང་ཡབ་ཡུམ༔ དྲུག་པ་རྡོ་རྗེ་འཆང་ཆེན༔ སྟོན་པ་རྡོ་རྗེ་སེམས་དཔའ༔ གུ་རུ་དགའ་རབ་རྡོ་རྗེ༔ རིག་འཛིན་ཤྲཱི་སེང་ཧ༔ པཎ་ཆེན་བི་མ་མི་ཏྲ༔ ཨོ་རྒྱན་པདྨ་འབྱུང་གནས༔ མཁའ་འགྲོ་ཡེ་ཤེས་མཚོ་རྒྱལ༔ ལོ་ཆེན་བེེ་རོ་ཙ་ན༔ དགེ་སློང་ནམ་མཁའི་སྙིང་པོ༔ མཁའ་འགྲོ་ཤེལ་དཀར་རྡོ་རྗེ༔ ཀུན་དགའ་སུ་ཁ་སིདྡྷི་ནས་བདེ་བའི་རྡོ་རྗེའི བར་རིམ་པར་བརྒྱུད་པ་ཡིན་ཏེ༔ དེ་ལས་ཀྱང་ཆེས་ཆེར་ཉེ་བ་ནི༔ རང་སྣང་སྟོན་པ་མཚོ་སྐྱེས་རྡོ་རྗེ་དེ་ཉིད་ཀྱིས་དབྱིངས་ཡུམ་སུ་ཁ་བཛྲ་ལ་སྙན་བརྒྱུད་ཀྱི་ཚུལ་དུ་མངོན་སུམ་དུ་གདམས་པ༔ བརྒྱུད་པའི་ཟམ་མ་ཆད༔ བྱིན་རླབས་ཀྱི་དྲོད་རྟགས་མི་འགྱང་བ༔ མ་དང་མཁའ་འགྲོའི་ཁ་རླངས་མ་ཡེལ་བ༔ ནུས་པ་བསྲེ་བསླད་ཀྱིས་མ་བསྒྱུར་དམ་ཚིག་མ་ཉམས་པ་དང་། ཚུལ་འཆོས་ཀྱི་བསྲེ་བསླད་མེད་པ༔ ཐོས་ཤེས་ཀྱིས་བཅས་བཅོས་མ་བྱས་པ་དང་གསུམ་མཆན བ༔ གང་འབྲེལ་རྣམ་པར་གྲོལ་བའི་ལམ་ཟབ་མོ་ཡིན་པས་ཡིད་ཆེས་དང་དད་པ་བརྟན་པོས་དགའ་སྤྲོ་དང་མོས་གུས་ལྷང་ལྷང་མཛོད་ལ་ལུས་ལོངས་སྤྱོད་དང་བཅས་པ་དཀྱིལ་འཁོར་དང་ཐ་མི་དད་པ༔ རྡོ་རྗེ་སློབ་དཔོན་གྱི་དྲུང་དུ་དམིགས་ཏེ་མཎྜལ་ཕུལ་བར་མཛོད༔ བདེ་བའི་རྡོ་རྗེས་སོ།། །། ༈ དམ་ཆུ་ནི༔ ཧཱུྃ༔ ༄༅། །འདི་ནི་ཕྱག་ན་རྡོ་རྗེ་ཡིས༔ བྱིན་གྱིས་བརླབ་པའི་རྡོ་རྗེའི་ཆུ༔ ཁྱོད་ཀྱི་ངག་ཏུ་བླུད་པ་ཡིས༔ དམ་བསྲུང་ཚེ་འདིར་དངོས་གྲུབ་ཐོབ༔ ཉམས་ན་རྡོ་རྗེའི་དམྱལ་བར ལྷུང་༔ དེ་ཕྱིར་དམ་ཚིག་མ་ཉམས་སྲུངས༔ བཛྲ་ས་མ་ཡ་ན་ར་ཀན༔ ཞེས་བརྗོད་དམ་ཆུ་སྦྱིན་ནས་གཞུང་དུ་འཇུག༔ བདེ་བའི་རྡོ་རྗེས་སོ།། །། 75 NEE TI1394-177 TI1394-178 2e7e e.V〖√ 商ཐ་བབྷ་ཧེདཿ ན་མོ་པདྨ་ཀཱ་ར་ཡེ༔ རྡོ་རྗེ་ཐོདཕྲེང་རྩལ་ལ་འདུད༔ གསང་སྔགས་ལམ་སྤྱོད་རྣལ་འབྱོར་པས༔ སྒོ་གསུམ་སྨིན་པར་མ་བྱས་ན༔ དངོས་གྲུབ་མེད་ཅིང་འབྲས་མི་འབྱུང་༔ དེ་ཕྱིར་སྐལ་ལྡན་རྗེས་འཇུག་རྣམས༔ དབང་གིས་སྨིན་པར་བྱེད་པ་ལ༔ ས་གཞི་བརླབ་དང་དཀྱིལ་འཁོར་གདབ༔ ལྷ་དང་བུམ་པ་སྟ་གོན་དང་༔ སློབ་མ་སྟ་གོན་ལ་སོགས་བྱ༔ དབང་དངོས་རྫས་ཀྱི་རིམ་པ་ལ༔ རིན་ཆེན་བུམ་པ་ཉེར་ལྔས་གཏམས༔ བྷནྡྷ་མཚན་ལྡན་བཅུད་ཀྱིས་བཀང་༔ དེ་སྟེང་མེ་ལོང་ཤེལ་རྡོ་དང་༔ ཀུ་ཙཀ་རིག་མ་ལ་སོགས་བསགས༔ དེ་མཐར་ཉེར་སྤྱོད་མཆོད་པ་དང་༔ ག་ཎ་ཙཀྲ་ཛ་གད་རྣམས༔ ཐབས་གཡས་ཤེས་རབ་གཡོན་དུ་བཤམས༔ བདག་མདུན་བུམ་པ་སྒྲུབ་པ་དང་༔ དཀྱིལ་འཁོར་ཁྲུས་གསོལ་བདག TI1394-180 ༢རྐྱ་商དབང་བླངས༔ དེ་ནས་རྡོ་རྗེ་སློབ་མ་ཡིས༔ ཐལ་སྦྱར་མོས་གུས་དང་བཅས་པས༔ སྒོ་དྲུང་གསོལ་བ་འདི་ལྟར་གདབ༔ ཀྱེེ༔ རྡོ་རྗེ་སློབ་དཔོན་མཆོག་ཉིད་དང་༔ སྒོ་སྐྱོང་ཁྲོ་བོ་དགོངས་སུ་གསོལ༔ བདག་ཅག་སྐལ་ལྡན་ལས་འཕྲོ་ཅན༔ ཐར་པའི་གྲོང་དུ་འཇུག་སྤྲོ་བས༔ སྒོ་ཕྱེས་ཐར་པའི་ལམ་བསྟན་གསོལ༔ ཞེས་པ་ལན་གསུམ་དང་༔ ཡང་སློབ་དཔོན་གྱིས༔ ཨེ་མ་སྐལ་ལྡན་རིགས་ཀྱི་བུ༔ ཁྱེད་ཅག་སུ་ཡིན་ང་ལ་སྨོས༔ སྙིང་ནས་ཐར་ལམ་འཇུག་སྤྲོ ན༔ དམ་ཚིག་ཚུལ་བཞིན་བསྲུང་ནུས་སམ༔ ནུས་ན་བླ་མེད་ཐར་པའི་ལམ༔ བདག་གིས་ཁྱོད་ཉིད་འཇུག་པར་བགྱི༔ ཞེས་དང་༔ ཡང་སློབ་བུས༔ ཀྱེེ་ ཧོཿ གསང་ཆེན་དོན་གྱི་བླ་མ་དགོངས་སུ་གསོལ༔ བདག་ཅག་འཁོར་བའི་གནས་ལ་སུན་བྱུང་ནས༔ བླ་མེད་ཐར་པའི་གྲོང་དུ་འཇུག་སྤྲོ་བས༔ བདག་ཅག་མཐུ་ཡིས་ཐར་པའི་སྐབས་མ མཆིས༔ མགོན་པོ་བརྩེ་ཆེན་ཁྱེད་ཀྱིས་དྲང་དུ་གསོལ༔ ཅི་བསྒོས་དམ་ལས་འདའ་བར་མི་བགྱིད་དོ༔ ལན་གསུམ་དང་༔ ཡང་སློབ་དཔོན་གྱིས་གནང་བ་སྦྱིན་པ་ནི༔ ཨེ་མ་ཚོགས་སྨོན་ལས་འཕྲོ་ཅན༔ ཁྱེད་རྣམས་ལས་ལྡན་སྐལ་བ་བཟང་༔ ནང་དུ་འདོང་ལ་དད་གུས་གྱིས༔ ཕྱག་འཚལ་བླ་མར་གསོལ་བ་ཐོབས༔ ཐར་པའི་ལམ་མཆོག་ངས་བསྟན་བྱ༔ ཞེས་གནང་བ་སྦྱིན་ནོ༔ དེ་ནས་ཁྲུས་བྱ་བགེགས་བསྐྲད་སྲུང་འཁོར་བསྒོམས༔ ཡིད་ཆེས་ཕྱིར་ནི་ལོ་རྒྱུས་བཤད༔ མཎྜལ་ཕུལ་ནས་གསོལ་གདབ་ནི༔ ཀྱེེ༔ བླ་མ་རྡོ་རྗེ་འཛིན་ཁྱོད་དགོངས༔ བདག་ཅག་སྐལ་ལྡན་བུ་རྣམས་ལ༔ རིག་འཛིན་བླ་མའི་སྨིན་བྱེད་དབང་༔ ཡོངས་རྫོགས་དམ་པ་གནང་དུ་གསོལ༔ ཞེས་ལན་གསུམ་དང་༔ སློབ་དཔོན་གྱིས༔ ཨེ་མ༔ སྐལ་ལྡན་རིགས་ཀྱི་བུ་རྣམས་ཀུན༔ ཐར་པ་བླ་མེད་དོན་དུ་གཉེར་བ་ཡི༔ སྙིང་པོའི་སྒྲུབ་ལ་བརྩོན་འགྲུས་བྱེད་ནུས་ན༔ བདག་གིས་སྨིན་བྱེད་གདམས་པ་ཁྱོད་ལ་སྦྱིན༔ ཚུལ་བཞིན་ལྡན་པར་མཛོད་ཅིག་རིགས་ཀྱི་བུ༔ ལམ་མཆོག་འདི་ནི་ཤིན་ཏུ་ངོ་མཚར་ཆེ༔ ཨུ་ ར商དུམ་ཝ་ར་ལས་ཀྱང་དཀོན་པའི་ཆོས༔ སྒོ་འདིར་ལན་གཅིག་འཇུག་པའི་སྐལ་ལྡན་ན༔ སྐྱེ་བ་གཅིག་གིས་རིག་འཛིན་གྲལ་དུ་འཁོད༔ གང་འབྲེལ་རྣམ་པར་གྲོལ་བའི ལམ་ལ་འཁོད༔ བུ་ཁྱོད་སྤྲོ་བ་བསྐྱེད་ལ་དམ་ཚིག་རྣམས༔ མ་ཉམས་ཚུལ་བཞིན་བསྲུང་ལ་འབད་པར་འཚལ༔ ཞེས་གསུངས་སོ༔ དེ་ནས་སྐྱབས་སུ་འགྲོ་བ་ལ་དམིགས་པ་འདི་བཞིན་མཛོད༔ ཧོཿ སྐལ་ལྡན་རིགས་ཀྱི་བུ༔ ཁྱོད་རང་རྣམས་ཀྱི་མདུན་གྱི་ནམ་མཁར་སྐྱབས་གནས་ཀུན་གྱི་ངོ་བོ་དྲིན་ཅན་རྩ་བའི་བླ་མ་དང་ཐ་མི་དདཔ་ཨོ་རྒྱན་པདྨ་འབྱུང་གནས་ལ་འཁོར་རིག་འཛིན་བརྒྱད་དང་༔ གྲུབ་ཆེན་བརྒྱད་བཅུ༔ རྗེ་འབངས་ཉེར་ལྔ་ལ་སོགས་བཀའ་གཏེར་གསར་རྙིང་གི་བླ་མ་རིག་འཛིན་རྒྱ་མཚོའི་ཚོགས་དང་༔ ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་དགོངས་བརྡ་སྙན བརྒྱུད་ཀྱི་བླ་མ་རིག་འཛིན་རྒྱ་མཚོ་དང་༔ ཡི་དམ་དཔའ་བོ་མཁའ་འགྲོ་བཀའ་སྲུང་དམ་ཅན་རྒྱ་མཚོའི་ཚོགས་དང་བཅས་པ་ཐམས་ཅད་ལྷ་མིའི་ཁྲོམ་འཚོགས་པ་ལྟར་བཞུགས་པར་བསྒོམ་ལ་སྐྱབས་སུ་འགྲོ་བ་འདིའི་རྗེས་ཟློས་མཛོད༔ ཅེས་སྐྱབས་འགྲོ་ལན་གསུམ་ཟློས༔ ཡང་སེམས་བསྐྱེད་པའི་ཕྱིར་སློབ་དཔོན་གྱིས༔ ཧོཿ སྐལ་ལྡན་རིགས་ཀྱི་བུ༔ རང་རེ་རྣམས་ཀྱིས་སྨིན་བྱེད་ཀྱི་དབང་ཞུས་ནས་གྲོལ་ བྱེད་ཀྱི་གདམས་པ་ཉམས་སུ་བླང་ནས༔ མ་གྱུར་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་བླ་ན་མེད་པ་རྫོགས་པའི་སངས་རྒྱས་ཀྱི་གོ་འཕང་རིན་པོ་ཆེ་ཅི་ནས་ཀྱང་ཐོབ་པར་བྱེད་སྙམ་པས་བྱང་ཆུབ་མཆོག་ཏུ་སེམས་བསྐྱེད་པའི་ཕྱིར་འདིའི་རྗེས་ཟློས་མཛོད༔ ཅེས་དང་༔ སེམས་བསྐྱེདལན་གསུམ་ཟློས༔ ཡང་ཡན་ལག་བདུན་པའི་དོན་དྲན་ཕྱིར་སློབ་དཔོན་གྱིས༔ ཧོཿ སྐལ་ལྡན་རིགས་ཀྱི་བུ་རྣམས་ཉོན་ཅིག༔ ཚོགས་བསགས་པའི་སྒོ་ཐམས་ཅད་ཡན་ལག་བདུན་པར་འདུ་བ་ཡིན་པས་དེ་དྲན་བཞིན་ལུས་ཞིང་གི་རྡུལ་རྙེད་དུ་སྤྲུལ་ནས་ཕྱག་འཚལ་བ་དང་༔ དངོས་སུ་འབྱོར་པ་ལུས་ལོངས་སྤྱོད་དང་༔ ཡིད་ཀྱིས་སྤྲུལ་པ་དཔག་མེད་ནམ་མཁའི་མཐར་ཁྱབ་ཀྱི་མཆོད་པའི་རྫས་སུ་འོས་པ་ཐམས་ཅད་འབུལ་བ་དང་༔ བདག་གཞན་སེམས་ཅན་ཐམས་ཅད་ཀྱིས་ཚེ་རབས་ནས་བསགས་དང་བསག་གྱུར་གྱི་མི་དགེ་ཉེས་ལྟུང་ཉམས་ཆགས་ཐམས་ཅད་གཉེན་པོ་སྟོབས་བཞིའི་དོན་དྲན་བཞིན་བཤགས་པ་དང་༔ དུས་གསུམ་ཀུན་ཏུ་བསགས་པའི་ཟག་བཅས་ཟག་མེད་ཀྱི་དགེ་ཚོགས་ཐམས་ཅད་ལ་རྗེས་སུ་ཡི་རང་བ་དང་༔ གདུལ་བྱའི་བློར་གང་འཚམས་པའི་ཐེག་པ་རྒྱ་མཚོའི་ཆོས་ཀྱི་འཁོར་ལོ་བསྐོར་བར་བསྐུལ་བ་དང་༔ ཇི་སྲིད་འཁོར་བའི་རྒྱ་མཚོ་མ་སྟོང་བར་དུ་དེ་སྲིད་རྒྱལ་དང་རྒྱལ་སྲས་བྱང་ ད商ཆུབ་སེམས་དཔའ་འགྲོ་བའི་མགོན་པོ་ཐམས་ཅད་སྐུ་མྱ་ངན་ལས་མི་འདའ་བར་བཞུགས་པར་གསོལ་བ་འདེབས་པ་དང་༔ སྨིན་བྱེད་དབང་དང་གྲོལ་བྱེད་བསྐྱེད་རྫོགས་ཟབ མོའི་དགེ་བ་རྣམས་མཁའ་ཁྱབ་ཀྱི་སེམས་ཅན་ཐམས་ཅད་ལ་ཉེ་རིང་ཆགས་སྡང་མེད་པར་བསྔོ་བ་སོགས་ཀྱི་ཐུགས་འདུན་གྱིས་འདིའི་རྗེས་ཟློས་མཛོད༔ ཅེས་ཡན་བདུན་ལན་གསུམ་ཟློས༔ ཡང་དམ་ཚིག་བསྒྲགས་པའི་དོན་སློབ་དཔོན་གྱིས༔ ཀྱེ༔ རིགས་ཀྱི་བུ་རྣམས་ཉོན་ཅིག༔ སྤྱིར་གསང་སྔགས་རྡོ་རྗེའི་ཐེག་པ་འདི་ནི་དུག་སྦྲུལ་གཙུག་གི་ནོར་བུ་ལེན་པ་དང་འདྲ་སྟེ༔ ཕུང་འཚེངས་གཉིས་ཀྱི་གནད་ལ་ཐུག་པ་ཡིན་ནོ༔ ཅིའི་ཕྱིར་ཞེ་ན༔ ལམ་འདིར་འཇུག་ནས་དམ་ཚིག་གི་རིམ་པ་རྣམས་ཚུལ་བཞིན་བསྲུང་ན༔ ཚེ་ལུས་འདི་རུ་མཆོག་གི་དངོས་གྲུབ་ཚེགས་མེད་དུ་ཐོབ་པར་འགྱུར་ཏེ༔ དམ་ལས་འདས་ན་བར་དོ་མེད་པར་མར་གྱི་ཟང་ཐལ་ལ་འགྲོ་བར་ཐེ་ཚོམ་མེད་པ་ཡིན་པས༔ དམ་ཚིག་གི་གནད་རྣམས་མི་ཉམས་པར་བསྲུང་བ་ལ་གལ་ཤིན་ཏུ་སྙིང་ནས་ཆེའོ༔ དམ་ཚིག་གི་རིམ་པ་ལ བསམ་གྱིས་མི་ཁྱབ་ཀྱང་བྱེ་བ་ས་ཡ་གྲངས་སུ་བརྗོད་ཅིང་༔ ཕྲ་ཞིབ་བསྲུང་དཀའ་བ་སྤྱི་དང་བྱེ་བྲག་དུ་མ་ཡོད་ཀྱང་༔ ད་ལན་གྱི་སྐབས་སུ་རིགས་ལྔའི་སྡོམ་པའི་དམ་ཚིག་རྣམས་སྲོག་ལ་བབས་ཀྱང་ ཡང་དག་པར་བསྲུང་བར་བྱ་དགོས་པས༔ རྐང་གཉིས་རྣམས་ཀྱི་གཙོ་བོ་སངས་རྒྱས་དང་༔ སྐྱོབ་པ་རྣམས་ཀྱི་མཆོག་དམ་ཆོས༔ འདྲེན་པ་རྣམས་ཀྱི་དེད་དཔོན་དགེ་འདུན་ཏེ༔ བླ་ན་མེད་པའི་དཀོན་མཆོག་གསུམ་དང་༔ ཉེར་སྤྱོད་ཀྱི་ཚུལ་ཁྲིམས་ལ་བསམ་སྟེ་རང་གི་སྒོ་གསུམ་གྱི་བྱ་བ་སྡོམ་ནས་མི་མཐུན་པའི་ཕྱོགས་མི་དགེ་བ་ཐམས་ཅད་སྤང་བ་དང་༔ དགེ་བ་ཆོས་སྡུད་ཀྱི་ཚུལ་ཁྲིམས ལགནས་ནས་སྡོམ་པ་དང་དམ་ཚིག་གི་ཕྱོགས་སུ་མཐུན་པའི་དགེ་བའི་ལས་ཕྲ་མོ་ཙམ་ལ་ཡང་འབད་རྩོལ་གྱིས་རང་རྒྱུད་ལ་འབྱོར་ངེས་བྱས་ཏེ༔ དྲན་ཤེས་བག་ཡོད་ཀྱི་སྒོ་ནས་གོང་འཕེལ་བྱེད་པ་དང་༔ དེ་བཞིན་སེམས་ཅན་དོན་བྱེད་ཀྱི་ཚུལ་ཁྲིམས་ལ་དམིགས་ནས་རང་དོན་ཡིདབྱེད་ཀྱི་བློ་ངན་དྲུང་ནས་ཕྱུངས་ཏེ༔ སེམས་ཅན་གྱི་དོན་ཁོ་ནར་གང་ལ་གང་འདུལ་དུ་བརྩོན་པ་སྟེ༔ དེ་བཞིན་རིགས་ཀྱི་དམ་ཚིག་ཡིན་ནོ༔ ལུས་ཐ་མལ་དུ་མི་གནས་པར་སྐུའི་རྟེན་དུ་ཡི་དམ་ལྷའི་ཕྱག་རྒྱ་བསྒོམ་པ་དང་༔ གསུང་དང་ཐུགས་ཀྱི་རྟེན་དུ་དྲིལ་བུ་དང་རྡོ་རྗེ་མི་འབྲལ་བར་བཅང་བ་དང་༔ ཐར་པའི་ལམ སྟོན་གྱི་དེད་དཔོན༔ མ་རིག་མུན་སེལ་གྱི་སྒྲོན་མེ༔ དངོས་གྲུབ་ཐམས་ཅད་ཀྱི་འབྱུང་གནས་རྡོ་རྗེ་སློབ་དཔོན་མི་སྤོང་བར་བཟུང་བ་ནི་རྡོ་རྗེའི་རིགས་ཀྱི་དམ་ཚིག་གོ༔ རང་གི་ལུས་དང་ལོངས་སྤྱོད་ ར商合ཀྱི་དངོས་པོ་ཐམས་ཅད་ཕོངས་པ་མེད་པར་གཞན་ལ་སྦྱིན་པ་གཏོང་བ་དང་༔ ཆོས་ཀྱི་དོན་ཚིག་གཅིག་ཡན་ཆད་གཞན་རྒྱུད་ལ་ཕན་པར་ལྟ་བ་དང་༔ སྐྱབས་བྲལ་མགོན མེད་ཀྱི་རིགས་ཉམ་ཐག་པ་ལ་སྐྱབས་ཀྱི་སྦྱིན་པ་དང་༔ དུས་རྣམ་པ་ཀུན་ཏུ་སེམས་ཅན་གྱི་དོན་ལ་བྱམས་སྙིང་རྗེ་བྱང་ཆུབ་ཀྱི་སེམས་རྒྱུན་ཆད་མེད་པར་བསྒོམ་པ་སྟེ༔ ཉིན་རེ་བཞིན་སྦྱིན་པ་རྣམ་པ་བཞི་འདི་དུས་དྲུག་ཏུ་ཆགས་མེད་དུ་བརྩོན་པ་ནི༔ རིན་ཆེན་རིགས་ཀྱི་དམ་ཚིག་ཡིན་ནོ༔ བྱ་བའི་རྒྱུད་དང་༔ སྤྱོད་པའི་རྒྱུད་དང་༔ བླ་ན་མེད་པའི་རྒྱུད་དང་༔ རྣལ་འབྱོར་གྱི་རྒྱུད༔ ཉན་ཐོས་དང་༔ རང་རྒྱལ་དང་༔ ཕ་རོལ་ཕྱིན་པའི་ཐེག་པ་སྟེ༔ ཕྱི་ནང་གསང་བའི་ཐེག་པ་གསུམ་པོ་དེ་དག་དུས་ནམ་ཡང་སྤང་བར་མི་བགྱིད་པ་ནི་པདྨའི་རིགས་ཀྱི་དམ་ཚིག་གོ༔ ཁས་བླངས་པའི་སྡོམ པ་ཐམས་ཅད་མི་ཉམས་པར་ཚུལ་བཞིན་དུ་བསྲུང་ཞིང་ཕྱི་ནང་གསང་བའི་མཆོད་པ་སོགས་ལ་བརྩོན་པ་ནི༔ ལས་ཀྱི་རིགས་ཀྱི་དམ་ཚིག་ཡིན་ནོ༔ དེ་ལྟ་བུའི་དམ་ཚིག་གི་གནད་རྣམས་མི་ཉམས་པར་ཚུལ་བཞིན་དུ་བསྲུང་སྙམ་པས་འདིའི་རྗེས་ཟློས་མཛོད༔ སངས་རྒྱས་ཆོས་དང་དགེ་འདུན་ཏེ༔ བླ་ན་མེད་པའི་དཀོན་མཆོག་གསུམ༔ ནམ་དུ་ཡང་ནི་མི་གཏོང་ངོ་༔ སྒོ་གསུམ་ལས་ཀྱི བྱ་བ་སྡོམ༔ རྣམ་དག་ཚུལ་ཁྲིམས་གསུམ་ལ་བསླབ༔ དེ་བཞིན་རིགས་ཀྱི་དམ་ཚིག་འཛིན༔ རྡོ་རྗེ་སློབ་དཔོན་མི་སྤང་ཞིང་༔ རྡོ་རྗེ་དྲིལ་བུའི་ཕྱག་རྒྱ་ཡང་༔ དུས་རྣམ་རྟག་ཏུ་གཟུང་བར་བགྱིད༔ རྡོ་རྗེ་རིགས་ཀྱི་དམ་ཚིག་འཛིན༔ ལུས་དང་ལོངས་སྤྱོད་ལྟོས་མེད་པར༔ ཕ་རོལ་ཉིད་དུ་སྦྱིན་པ་དང་༔ སྐྱབས་བྲལ་འཇིགས་ལས་སྒྲོལ་བ་དང་༔ ཆོས་དང་བྱམས་པས་རྟག་ཏུ བསྐྱང་༔ དུས་དྲུག་སྦྱིན་པ་རྣམ་བཞིར་བརྩོན༔ རིན་ཆེན་རིགས་ཀྱི་དམ་ཚིག་འཛིན༔ ཕྱི་ནང་གསང་བ་ཐེག་པ་གསུམ༔ དམ་ཆོས་ཚུལ་བཞིན་བཟུང་བར་བགྱིད༔ ནམ་དུ་ཡང་ནི་མི་སྤང་ངོ་༔ པདྨའི་རིགས་ཀྱི་དམ་ཚིག་འཛིན༔ བྱང་ཆུབ་སེམས་ནི་མི་སྤང་ཞིང་༔ སྡོམ་པ་ལ་ནི་རབ་ཏུ་གནས༔ ཕྱི་ནང་གསང་བའི་མཆོད་པར་བརྩོན༔ ལས་ཀྱི་རིགས་ཀྱི་དམ་ཚིག་འཛིན༔ རྩ་བ་སྐུ་གསུང་ཐུགས་མཆོག་དང་༔ ཡན་ལག་དམ་ཚིག་འདའ་མི་བྱ༔ མགོན་པོ་ཁྱོད་ཀྱིས་སྐྱབས་མཛོད་ལ༔ ཚུལ་བཞིན་འབྱུང་བར་མཛད་དུ་གསོལ༔ ལན་གསུམ་ཟློས༔ དེ་ནས་དམ་ཆུ་ཐོགས་ལ༔ ཧཱུྃ་ཧྲཱིཿ འདི་ནི་དམ་ཚིག་རྡོ་རྗེའི་ཆུ༔ ཁྱོད་ཀྱི་ངག་ཏུ་བླུད་པ་ཡིས༔ དམ་བསྲུང་ཚེ་འདིར་སངས་རྒྱས་ཐོབ༔ ཉམས་ན་དམྱལ་བར་ལྷུང་ཏ་རེ༔ དེ་ཕྱིར་དམ་ཚིག་མ་ཉམས རརིཾ པར༔ སྲོག་གི་གཏའ་རུ་བཟུང་བར་གྱིས༔ བཛྲ་ས་མ་ཡ་ན་ར་ཀན༔ ཞེས་བདུད་རྩི་ངག་ཏུ་བླུདལ༔ ཧུབ་གསུམ་བྱས་ཏེ་སྐུ་གསུང་ཐུགས་ཀྱི་དངོས་གྲུབ་ཐམས་ཅད་ཐོབ་པར་བསམ༔ ལྷག་མ་གཡོན་རྒྱབ་ཏུ་དོར་ལ༔ དམ་ཚིག་ཉམས་ཆགས་ཐམས་ཅད་སྦྱང་བར་བསམ་མོ༔ དེ་ནས་མིག་དར་སྦྱིན་པ་ནི༔ སློབ་དཔོན་གྱིས༔ ཁྱོད་རང་རྣམས་ཀྱི་མ་རིག་པའི་སྒྲིབ་པ་བསལ་ཕྱིར་མིག་དར་རེས་གདོང་པ་བཅིང་བའི་མོས་པ་མཛོད༔ ཨོཾ་ཙཀྵུ་བྷནྡྷ་ཝ་ར་མ་ཎ་ཡེ་སྭཱ་ཧཱ༔ ཞེས་དང་༔ མེ་ཏོག་སྦྱིན་པ་ནི༔ སློབ་དཔོན་གྱིས༔ འོ་སྐལ་ལྡན་རིགས་ཀྱི་བུ་རྣམས་ཁྱོད་ཅག་ཡི་དམ་གྱི་ལྷ་དང་མཇལ་བ་ན་ཕྱག་སྟོང་པར་མཇལ་དུ་མི་རུང་ཞིང་དངོས་གྲུབ་ཕྲ་བ་དང་བར་ཆད་མང་བ་ཡིན་པས་ཕྱག་རྟེན་གྱི་སླད་དུ་མེ་ཏོག་དཀར་དམར་ཡལ་འདབ་བཅུ་དྲུག་གི་ཕྲེང་བ་རེ་འཛིན་པའི་མོས་པ་མཛོད༔ བཛྲ་པུཥྤེ་ཏྲཱྃ་སྭཱ་ཧཱ༔ ཞེས་བརྗོད་དོ༔ དེ་ནས་དཀྱིལ་འཁོར་དུ་འཇུག་པའི་ཕྱིར་སྒོ་སྐྱོང་རྣམས་ལ་གསོལ་བ་འདི་ལྟར་གདབ༔ ཀྱེེ༔ དཀྱིལ་འཁོར་ཆེན་པོའི་སྒོ་སྐྱོང་བ༔ ཚད་མེད་བཞི་ཡི་རང་གཟུགས་གར༔ སྒོ་མ་རྣམས་ཀྱིས་སྒོ་ཕྱེས་ལ༔ དབང་དང་དངོས་གྲུབ་སྩལ་དུ་གསོལ༔ ཞེས་བརྗོད་པས་སྒོ་བ་རྣམས་ཀྱིས་དཀྱིལ་འཁོར་གྱི་སྒོ་བཞི་ཤགས་ཀྱིས་ཕྱེས་པར་བསམ་ལ༔ ཤར་སྒོ་ནས་ཕྱག་འཚལ་བར་བསམ་ལ༔ ན་མོ་གུ་རུ་ཧཱུྃ༔ ལྷོ་སྒོ་ནས་ ཕྱག་འཚལ་བར་བསམ་ལ༔ ན་མོ་གུ་རུ་ཏྲཱྃ༔ ནུབ་སྒོ་ནས་ཕྱག་འཚལ་བར་བསམ་ལ༔ ན་མོ་གུ་རུ་ཧྲཱིཿ བྱང་སྒོ་ནས་ཕྱག་འཚལ་བར་བསམ་ལ༔ ན་མོ་གུ་རུ་ཨཱཿ མདུན་དུ་འཁོད་པར་བསམ་ལ༔ ན་མོ་གུ་རུ་ན་མ་ཨོཾ༔ ཞེས་བརྗོད་པས་དཀྱིལ་འཁོར་ལྷ་རྣམས་ཀྱི་ཞལ་མཇལ་ནས་དབུགས་དབྱུངས་བར་བསམ་ལ༔ དེ་ནས་སློབ་མ་ལྷར་གསལ་བ་ནི༔ སློབ་དཔོན་གྱི་ལས་ཆུས་བྲན་ལ༔ ཨོཾ་མ་ཧཱ་ཤུནྱ་ཏཱ་སོགས། ཧཾ༔ འཁོར་འདས་གཉིས་བསྡུས་ཀྱི་ཆོས་ཐམས་ཅད་སྟོང་པ་ཉིད་དུ་གྱུར༔ སྟོང་པའི་ངང་ལས་བདག་མདུན་གསལ་སྣང་སྒྱུ་མ་ལྟ་བུའི་ཏིང་འཛིན་གྱི་མཐུས་སློབ་མའི་རྒྱུད་ཀྱི་མ་དག་པའི་སྒྲིབ་གཉིས་བག་ཆགས་གདོས་བཅས་ཀྱི་ཕུང་པོ་དང་བཅས་པ་སྟོང་པར་སྦྱངས༔ སྟོང་པའི་ངང་ལས་སྐད་ཅིག་གིས་མཁའ་ལ་འཇའ་ཚོན་ཤར་བ་བཞིན་དུ་པདྨ་ཉི་མ་ཟླ་བ་རྒྱས་པའི་སྟེང་༔ སྐད་ཅིག་སློབ་མ་རིགས་ཀུན་ཁྱབ་བདག མཆོག༔ ཨོ་རྒྱན༴ སོགས་ནས་དཀྱུས་ལྟར་སྤྱན་འདྲེན་གྱི་མཇུག༔ ཡེ་ཤེས་པའི་ལྷ་ཚོགས་རྣམས་མཚོ་ལ་ཁ་ཆར་བབས་པ་ལྟར་བྱུང་ནས་སློབ་མའི་སྒོ་གསུམ་ལ་ཐིམ་པར་གྱུར༔ ཏིཥྛ་བཛྲ༔ ཏིཥྛ་བཛྲ༔ ཞེས་པས་མེ་ཏོག་འཐོར༔ དེ་ནས་མེ་ཏོག་དོར་བ་ནི༔ སློབ་དཔོན་གྱིས༔ འོ་རིགས་ཀྱི་བུ་རྣམས་ལྷག་པའི་ལྷ་ངོས་བཟུང་བའི་སླད་དུ་འདིའི་རྗེས་ཟློས་མཛོད༔ ན་མོ༔ དཀོན་མཆོག་གསུམ ༣商གྱི་བདེན་པ་དང་༔ རྩ་བ་གསུམ་གྱི་ཐུགས་རྗེ་ཡིས༔ བདག་གི་རིགས་པའི་མེ་ཏོག་འདི༔ སྔོན་ནས་ལས་འཕྲོ་གར་ཡོད་པའི༔ ལྷག་པའི་ལྷ་ལ་བབས་པར་