Tibetan
པའི་གྲོགས་དང་འཕྲདནས་ཀྱང་༔ གཏེར་གཉིས་བསྟན་པའི་སྒྲོན་མེ་འཛིན་པ་འབྱུང་༔ དེ་དུས་ཆོས་འདིའི་སྒོ་འཕར་རབ་འབྱེད་ནས༔ ཆོས་བདག་མཆོག་བཞི་ཡ་བརྒྱད་ཉེར་ལྔ་སོགས༔ སྨོན་ལམ་དུས་སུ་འཛོམས་ནས་ཆོས་འདིར་འཕྲད༔ བཟང་འབྲེལ་ཚེ་འདིར་མི་གནས་གཏན་སྲིད་ཐོབ༔ ངན་འབྲེལ་སྐྱེས་བ་བདུན་ནས་དཔལ་རིར་འདྲེན༔ ཐེ་ཚོམ་མེད་དོ་རྡོ་རྗེའི་བཀས་མི་བསླུ༔ སྙིགས་དུས་སྤྱོད་ངན་རང་གིས་ངོམས་པའི་ཚེ༔ པད་འབྱུང་ཕྲིན་ལས་གཏེར་གྱིས་མ་འདྲེན་ན༔ འདུལ་བའི་གཉེན་པོ་སུ་ཡང་ཡོད་མ་ཡིན༔ དེ་ཕྱིར་འདིར་འཕྲད་སྐྱེས་བུ་རྣམས༔ པད་འབྱུང་རྗེས་ལ་དུས་ དྲུག་གསོལ་བ་ཐོབ༔ ཡལ་བར་མ་དོར་སྤྱི་མགྲིན་སྙིང་དཀྱིལ་བསྒོམ༔ ཡོན་ཏན་དུས་གསུམ་རྒྱལ་བའི་སྲས་དང་མཚུངས༔ འཆི་ཚེ་དཔའ་བོ་མཁའ་འགྲོས་མདུན་བསུས་ཏེ༔ འོག་མིན་དཔལ་རིའི་ཞིང་དུ་འདྲེན་པར་ངེས༔ ཡལ་བར་མ་དོར་ཆོས་འདི་ཉམས་སུ་ལོངས༔ སྐལ་ལྡན་ལས་འཕྲོ་ཅན་དང་འཕྲད་པར་སྨོན༔ སྐལ་མེད་ལོག་ལྟ་ཅན་ལ་འདི་མ་འཕྲད༔ གཏེར་སྤྱོད་སྙིང་གི་བུ་ལ་ཆོས་འདི་སྤྲོད༔ བཀའ་སྲུང་དྲེགས་པ་རྣམ་གསུམ་གཉེར་གྱིས་ཤིག༔ དམ་ཉམས་ལག་ཏུ་མ་ཤོར་ཐུབ་པར་སྲུངས༔ ས་མ་ཡ༔ སྐུ་རྒྱ༔ གསུང་རྒྱ༔ ཐུགས་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ གུ་ཧྱ༔ ཨྠི༔ ཅེས་རིག་འཛིན་བླ་མའི་མཆོག་དབང་ཟབ་མོ་འདི་ཡང་དུས་རིང་མོ་ནས་བརྡ་དོན་གསལ་ཡང་རྟེན་འབྲེལ་ལྡེ་མིག་སྟབས་ལྡན་དབེན་ཚེ་བརྡ་འཁྲུགས་ཤིན་ཏུ་ཆེ་ཞིང་གཏན་ལ་འབེབས་ཐུབ་མ་བྱུང་ནས་གཏང་སྙོམས་སུ་ལུས་སྐབས་ཟླ་བ་བཅུ་གཅིག་པའི་ཉེར་ལྔའི་མཁའ་འགྲོའི་དུས་ཚོགས་འབུལ་ཉིན་སྐྱབས་རྗེ་ཐམས་ཅད་མཁྱེན་པ་ལས་འབྲེལ་རྩལ་གྱི་ཡེ་ཤེས་སྒྱུ་མའི་སྐུ་དང་མཇལ་ཚེ་བདག་གིས་ཟབ་གཏེར་བརྡ་འཁྲུགས་ཆེ་བའི་ལོ་རྒྱུས་རྣམས་ཞུས་ཚེ༔ རྗེའི་ཕྱག་མཐིལ་ནས་ཟབ་དབང་གི་བརྡ་རྣམས་སྙན་བརྒྱུད་དུ་གདམས་པ་བདག་ག་ཡིད་ངོར་མེ་ལོང་ལ་གཟུགས་བརྙན་ཤར་བ་བཞིན་གསལ་སྒྲིབ་མེད་པར་ལྷག་གེར་ཤར་བ་ལ་བརྟེན་ནས་ལྷག་ཆད་མེད་པར་གཏན་ལ་ཕབ་པ་ཡི་གེའི་རིས་བྱེད་དམ་ལྡན་སློབ་བུ་ཡོངས་གྲུབ་རིག་པའི་རྡོ་རྗེ་མ་དགེ་བཙུན་ཚུལ་ཁྲིམས་རྡོ་རྗེས་བགྱིས་པའོ། །དགེའོ།། །། ད ༈ རིགས་འདུས་དབང་བཤད་སྐབས་སུ། ད་ལན་གྱི་སྐབས་སུ་བབས་པའི་ཟབ་ཆོས་ལུས་མེད་མཁའ་འགྲོའི་སྙན་བརྒྱུད་ཀྱི་ཚུལ་དུ་གདམས་པ་ཆོས་ཉིད་དགོངས་པའི་ཀློང་མཛོད་ཀྱི་ཆོས་སྡེ་ལས་རིག་འཛིན་འདུས་པའི་དབང་མཆོག་ཡེ་ཤེས་དྲྭ་བ་བྱིན་རླབས་ཆར་འབེབས་ཞུ་བ་ལ་དཀྱིལ་འཁོར་བསྒྲུབ་པ་སོགས། དབང་གི་ལྷན་ཐབས་ལྟར་རོ། །སློབ་མ་ལྷ་བསྐྱེད་སྐབས་ལས་བྱང་གཞུང་ནས་སྲང་དགོས་ན་སྤྱན་འདྲེན་མཐར། ཡེ་ཤེས་དབབ་པ༴ སོགས། ཡིན་ཚེ་དབང་གཞུང་བཞིན་བྱའོ། །བདེ་རྡོར་ནས་སོ།། །། 26 藝 ཕོ་TI1394-207 TI1394-208 དོན་U¤U._E ་ 商ན་མོ་པདྨ་ཀཱ་ར་ཡེ༔ གང་དག་ཐེག་ཆེན་ལམ་བཞུགས་ཀྱི༔ སྐལ་ལྡན་སྨིན་གྲོལ་འགོད་པའི་ཐབས༔ དོན་དབང་ཟབ་ཁྱད་མན་ངག་བཀོད༔ གཅིག་བརྒྱུད སེམས་ཀྱི་བུ་ལ་སྤེལ༔ ས་མ་ཡ༔ དང་པོ་དྭངས་གསལ་མེ་ལོང་དང་༔ ལྔ་ལྡན་འཇའ་ཤེལ་སྟ་གོན་བྱ༔ ལྟ་སྤྱོད་ལྡན་པའི་སློབ་དཔོན་གྱིས༔ དམ་ཚིག་ལྡན་པའི་སློབ་མ་ལ༔ སྤྲོས་མེད་དོན་དབང་བསྐུར་བ་ལ༔ སློབ་བུས་སྒོ་གསུམ་བླ་མར་ཕུལ༔ དད་གུས་དགའ་སྤྲོ་ལྡན་པའི་ངང་༔ མོས་པའི་ཐལ་མོ་སྙིང་གར་སྦྱར༔ གསོལ་བ་འདབ་པ་འདི་སྐད་དོ༔ ཧོཿ བླ་མ་རྡོ་རྗེ་འཛིན་ཁྱོད ཀྱིས༔ བདག་ཅག་སྐལ་ལྡན་བུ་མཆོག་ལ༔ ཐུན་མིན་རིགས་པ་རྩལ་གྱི་དབང་༔ གཅིག་ཅར་གནང་བའི་བཀའ་དྲིན་ཞུ༔ ཞེས་པ་ལན་གསུམ་དང་༔ སློབ་ 上商合དཔོན་གྱིས༔ ཨེ་མ་སྐལ་ལྡན་སེམས་ཀྱི་བུ༔ གསང་ཆེན་ལམ་ལ་འཇུག་འདོད་གང་༔ མེད་གཅིག་ཕྱལ་པ་ལྷུན་གྲུབ་ཀྱི༔ དམ་ལས་མ་ཉམས་བསྲུང་ནུས་ན༔ སྤྲོས་མེད་རིགས་པ་རྩལ་གྱི་དབང་༔ ཁྱོད་ལ་དེ་རིང་བསྩལ་བར་བགྱི༔ དམ་བྲལ་གནས་འདིར་མ་འདུག་ཅིག༔ གལ་ཏེ འདི་རུ་འདུག་གྱུར་ན༔ ལས་ཀྱི་ཌཱཀིས་རྗེས་གཅོད་ནས༔ རྡོ་རྗེའི་མེ་ཡིས་ཚིག་པར་གྱུར༔ དེ་བས་ངས་བསྒོའི་བཀའ་བཞིན་དུ༔ སྲོག་ལ་བབ་ཀྱང་དམ་ཚིག་བསྲུང་༔ དེ་ཡིས་དངོས་གྲུབ་ཀུན་ཐོབ་ནས༔ དོན་གྱི་དོན་མཆོག་ཐོབ་པར་ངེས༔ ཞེས་གནང་བས༔ སློབ་བུས༔ ཀྱེེ༔ གསང་ཆེན་དོན་སྟོན་སློབ དཔོན་མཆོག་ཉིད་དགོངས༔ བདག་ཅག་ལས་ལྡན་སྐལ་བཟང་སྐྱེས་བུ་ཡིས༔ ཁྱོད་ཀྱིས་བསྒོ་བའི་བཀའ་བཞིན་ནམ་དུ་ཡང་༔ དམ་ཚིག་མི་ཉམས་སྲོག་གི་གཏའ་རུ་བཟུང་༔ ལྟ་སྒོམ་སྤྱོད པ་ཚུལ་བཞིན་བདག་གིས་བགྱི༔ ལན་གསུམ་མཐར་སློབ་དཔོན་གྱིས༔ འོ་སྐལ་ལྡན་སེམས་ཀྱི་བུ་གཅིག་པུ་ཉོན་ཅིག༔ ཁྱོད་རྣམས་ལུས་གནད་ཆོས་བདུན་དང་ལྡན་པའི་ངང་ནས་སེམས་རང་བབ སུ་ཞོག་ཅིག༔ དལྟའི་ཤེས་པ་སྨྲ་བསམ་བརྗོད་པ་དང་བྲལ་བ་ཕྲ་རྟོག་གང་གིས་ཀྱང་མ་བཅོས་མ་བསྒྱུར་མ་བསླད་པ་སྐྱེ་འགགས་གནས་གསུམ་དང་བྲལ་ཞིང་སྟོང་གསལ་འདུས་མ་བྱས་པར་རང་ཤར་རང་གྲོལ་ཆེན་པོའི་ངང་དུ་ལྷོད་ལ་མཉམ་པར་ཞོག༔ ཅེས་བརྡ་སྤྲད༔ དེ་ནས་མེ་ལོང་འཇའ་ཤེལ་ཐོགས་ལ་འདི་སྐད་དོ༔ ཨེ་མ་ཨེ་མ་སེམས་ཀྱི་བུ༔ མ་ཡེངས་མཚོན་བྱེད་འདི་ལ་ལྟོས༔ མེ་ལོང་གསལ་བ་དྲི་མེད་འདི༔ གཟུང་འཛིན་བག་ཆགས་ཀུན་ལས་འདས༔ དེ་བཞིན་རིག་པ་ཀ་ནས་དག༔ གཟུང་དང་འཛིན་པ་ཡེ་ནས་བྲལ༔ སལ་ལེ་སང་ངེ་ཝལ་ལེ་བ༔ ཧྲིག་གེ་རང་གནས་འོད གསལ་འདི༔ རྒྱལ་ཀུན་ཐུགས་དང་གཉིས་སུ་མེད༔ གཉིས་མེད་རང་བྱུང་ཡེ་ཤེས་དེ༔ བུ་ཁྱོད་གཞན་ནས་མ་ཚོལ་ཅིག༔ ད་ལྟའི་ཤེས་པ་བརྗོད་མེད་འདི༔ རིག་པ་དོན་གྱི་ཟབ་དབང་ ༒ ཡིན༔ ལོག་ན་མེད་དོ་ཤེས་པར་མཛོད༔ ངོ་སྤྲོད་པ་ནི༔ འོ་སྐལ་ལྡན་སེམས་ཀྱི་བུ་རྣམས་ཉོན་ཅིག༔ རང་གི་རིག་པ་རང་བྱུང་གི་ཡེ་ཤེས་ཞེས་བྱ་བ་འདི་ནི་ཡེ ནས་ཀ་དག་སྤྲོས་པ་དང་བྲལ་ཞིང་༔ བྱུང་གནས་འགྲོ་གསུམ་དང་སྐྱེ་འགགས་གནས་གསུམ་དང་བྲལ་བ་གཟུང་འཛིན་ཀུན་ལས་འདས་ཤིང་༔ ངོ་བོ་སྟོང་པ་ཁྱབ་བརྡལ་ནམ་མཁའི་རང་བཞིན་འཁོར་འདས་ཀུན་ཁྱབ་ཀྱི་བདག་ཉིད་ཆེན་པོ་དེ་ཉིད་ཆོས་ཀྱི་སྐུ་ཡིན་ནོ༔ དེའི་རང་བཞིན་གསལ་ཆ་མ་འགགས་པའི་ཆ་དེ་ལོངས་སྐུ་ཡིན་ནོ༔ ཀུན་ཤེས་ཀུན་རིག་གི་ཡེ་ཤེས་གསལ་སྒོ་འགགས་པ་མེད་པ་ངོ་རང་ཤེས་ཧ་རང་གོའི་གོ་བ་མ་འགགས་པ་དེ་སྤྲུལ་སྐུ་ཡིན་ནོ༔ དེ་ལྟ་བུའི་སྐུ་གསུམ་དབྱེར་མེད་ཀྱི་གཞི་དེ་ཉིད་འཁོར་འདས་ཐམས་ཅད་ཀྱི་སྤྱི་གཞིར་གྱུར་པ་དེ་ངོ་བོ་ཉིད་སྐུ་ཡིན་ནོ༔ འཁོར་འདས་ཀྱི་ཆོས་ཐམས་ཅད་སོ་སོར་རྟོགས་པའི་ཤེས་རབ་ཀྱིས་གཏན་ལ་ཕབས་ནས་དངོས་མཚན་བདེན་གྲུབ་ཅན་དུ་མེད་པར་ཐག་ཆོད་དེ༔ འཁོར་འདས་མཉམ་པ་ཉིད་ཀྱི་དབྱིངས་སུ་རོ་གཅིག་པའི་ངང་ཚུལ་ཇི་ལྟ བ་བཞིན་དུ་མཐོང་ཞིང་ཆོས་ཉིད་དབུས་དང་མཐའ་ལས་འདས་པ་ཉིད་ཆོས་ཀྱི་དབྱིངས་ཀྱི་ཡེ་ཤེས་ཡིན་ནོ༔ སྟོང་པ་བེམ་སྟོང་ལྟ་བུ་མ་ཡིན་པར་དྭངས་གསལ་སྒྲིབ་གཡོག་དང་བྲལ་བ་མེ་ལོང་ཡེ་ཤེས༔ སྲིད་ཞིའི་ཆོས་ཁམས་ཐམས་ཅད་མཉམ་པ་ཉིད་དུ་རྫོགས་པས་ན་མཉམ་ཉིད་ཡེ་ཤེས༔ ཇི་ལྟ་བ་མཁྱེན་པའི་ཡེ་ཤེས་དང་ཇི་སྙེད་པ་གཟིགས་པའི་ཡེ་ཤེས་ཀྱི་གསལ་སྒོ་མ་འགགས་པ་དེ་སོ་སོར་རྟོགས་པའི་ཡེ་ཤེས༔ གནས་སྐབས་མཐར་ཐུག་གི་ལས་དང་༔ བྱ་བ་ཐམས་ཅད་བྱ་རྩོལ་ལས་འདས་ཤིང་རང་བྱུང་ལྷུན་གྲུབ་ཏུ་རྫོགས་པ་ལ་བྱ་བ་གྲུབ་པའི་ཡེ་ཤེས་ཡིན་ནོ༔ དེ་ལྟ་བུའི་སྐུ་བཞི་ཡེ་ཤེ ལྔའི་བདག་ཉིད་རང་རིག་གཞི་མེད་རྩ་བྲལ་ཆེན་པོ༔ མཚན་དཔེ་ལས་འདས་སོ༔ བརྗོད་པ་དང་བྲལ་ལོ༔ ཡེངས་འཁྲུལ་ཀ་ནས་དག་གོ༔ འདས་དུས་མི་འཁྲུལ༔ ད་ལྟ་འཁྲུལ་པ་ལ་མི་གནས༔ མ་འོངས་འཁྲུལ་དུ་མི་སྲིད་པ་འཕོ་འགྱུར་གཞོམ་གཞིག་དང་བྲལ་བ་ཀུན་བཟང་ཆོས་ཀྱི་སྐུའི་རང་ཞལས་ལེ་རུ་མཐོང་བ་ཡིན་པས་ལྟོས་ཤིག༔ དུས་སྐད་ཅིག་གཅིག་གིས་སངས་རྒྱས་པར་འགྱུར་རོ༔ དེ་ནས་ཐིག་ལེ་ཐོགས་ལ༔ སློབ་བུ་སྐུ་གསུམ་གང་རུང་གི་བཞུགས་སྟངས་བཅས་རིག་པ་དབྱིངས་ལ་བོར་ཏེ༔ སློབ་དཔོན་གྱིས་འདི་སྐད་བརྗོད༔ ཨེ་མ་ཨེ་མ་སྐལ་ལྡན་སེམས་ཀྱི་བུ༔ ཀུན་ནས་ཟླུམ་པ་ལྔ་ལྡན་འོད་ཀྱི་ཐིག༔ མཚོན་བྱེད་འདི་ཡིས་ཁྱོད་ཀྱི་རིག་པར་མཚོན༔ གཞིར་གནས་རིག་པ་དག་གསལ་རྟོགས་པ་བྲལ༔ སྤྲོས་མཐའ་བརྒྱད་བྲལ་ཀུན་ནས་ཟླུམ་པ་ཆེ༔ གདངས་སྣང་མ་ ༒ཿ འགགས་འོད་ལྔ་ལྷུན་གྱིས་གྲུབ༔ སྐུ་དང་ཡེ་ཤེས་འདུ་བྲལ་མེད་པར་རྫོགས༔ རང་སྣང་རང་ཤར་རང་གྲོལ་གནད་རྟོགས་ན༔ སྣང་སྲིད་སྣོད་བཅུད་མ་ལུས་སྐུ་ཡི་དབྱིངས༔ རང་གསལ་ལོངས་སུ་སྤྱོད་པ་གསུང་གི་དབྱིངས༔ ངོ་བོ་ཡེ་ན་སྤྲོས་བྲལ་ཐུགས་ཀྱི་དབྱིངས༔ བུ་ཁྱོད་དབྱིངས་གསུམ་དབྱེར་མེད་ངང་ཉིད་དུ༔ ལྷུན་གྲུབ་སྐུ་དང་ཡེ་ཤེས་འདུ་བྲལ་མེད༔ ཡེ་ནས་རྣམ་དག་ཆོས་ཉིད་མཉམ་པ་ཉིད༔ འཁོར་འདས་ཆོས་རྣམས་ཁྱོད་ཀྱིས་ཤེས་པར་མཛོད༔ སངས་རྒྱས་གཞན་ན་མེད་དོ་ཨེ་མ་ཧོཿ ཞེས་བརྡ་སྤྲད་ནས༔ ངོ་སྤྲད་པ་ནི༔ འོ་སྐལ་ལྡན་སེམས་ཀྱི་བུ་གཅིག་པུ་ཉོན་ཅིག༔ རང་བྱུང་གི་རིག་པ་ཐིག་ལེ་ཉག་གཅིག་དཔེ་ཡི་མཚུངས་ཟླ་དང་བྲལ་ཡང་༔ སྤྲོ་བ་བསྐྱེད་པའི་ཕྱིར་ལྔ་ལྡན་འོད་ལྔའི་ཐིག་ལེར་བརྡ་རུ་བསྟན་པ་འདི་ཡང་རང་གི་ཙིཏྟ་ཤ་ཡི་སྒྲོན་མའི་ནང་དུ༔ ཐོག་མའི་སངས་རྒྱས་འོད་མི་འགྱུར་བ་དངོས་སུ་བཞུགས་པ་ཉིད༔ དཀར་འཇམ་རྩ་ཡི་ལམ་ནས༔ རྒྱང་ཞགས་ཆུའི་སྒྲོན་མའི་ཁམས་ལ་འཆར་ཏེ༔ དབྱིངས་སྣང་རྣམ་དག་གི་སྒྲོན་མའི་མཁའ་དབྱིངས་སུ་ཐིག་ལེ་དང་ཐིག་ཕྲན་ལུག་བརྒྱུད་ལ་སོགས་པར་ཤར་བ་འདི་ནི་ཆོས་ཉིད་མངོན་སུམ་གྱི་སྣང་བ་ཞེས་བྱ་བ༔ རང་གི་ཆོས་ཉིད་ཀྱི་བཞུགས་ཚུལ མངོན་སུམ་དབང་པོའི་ཡུལ་དུ་ཤར་བ་ཡིན་ནོ༔ འདི་ནི་རིགས་ལྔའི་སངས་རྒྱས་དང་བྱང་ཆུབ་སེམས་དཔའ་བླ་མ་ཡི་དམ་དཔའ་བོ་མཁའ་འགྲོ་ལ་སོགས་ཞལ་མངོན་སུམ་དུ་མཐོང་བ་ཞེས་བྱའོ༔ སྐུ་བཞི་ཡེ་ཤེ་ལྔ་མངོན་དུ་གྱུར་པ་ཡིན་ནོ༔ ཉོན་མོངས་པ་དང་ཤེས་བྱའི་ལས་དང་བག་ཆགས་ཐམས་ཅད་དག་པ་ཡིན་ནོ༔ བསོད་ནམས་ཀྱི་ཚོགས་རྒྱ་ཆེན་པོ་རྫོགས་ནས་སངས་རྒྱས་ཐམས་ཅད་ཀྱི་དགོངས་པ་བླ་ན་མེད་པའི་དབང་དུས་གཅིག་ལ་ཐོབ་པ་ཡིན་ནོ༔ དེ་ཡང་འོད་མཐིང་ག་གསལ་བས་རྣམ་པར་སྣང་མཛད་ཀྱི་ཞལ་མཐོང་༔ གཏི་མུག་གནས་སུ་དག་ནས་ཆོས་ཀྱི་དབྱིངས་ཀྱི་ཡེ་ཤེས་མངོན་དུ་གྱུར་པ་ཡིན་ནོ༔ འོད་དཀར་པོ་མཐོང་བས་རྡོ་རྗེ་སེམས་དཔའི་ཞལ་མཐོང་༔ ཞེ་སྡང་རྣམ་པར་དག་ནས་མེ་ལོང་ཡེ་ཤེས་མངོན་དུ་གྱུར་པ་ཡིན་ནོ༔ འོད་དམར་པོ་གསལ་བས་སྣང་བ མཐའ་ཡས་ཀྱི་ཞལ་མཇལ༔ འདོད་ཆགས་གནས་སུ་དག་ནས་སོ་སོར་རྟོགས་པའི་ཡེ་ཤེས་མངོན་དུ་གྱུར་པ་ཡིན་ནོ༔ འོད་སྣང་སེར་པོ་སྣང་བས་རིན་ཆེན་འབྱུང་ལྡན་གྱི་ཞལ་མཐོང་༔ ང་རྒྱལ་རྣམ་པར་དག་ནས་མཉམ་པ་ཉིད་ཀྱི་ཡེ་ཤེས་མངོན་དུ་གྱུར་པ་ཡིན་ནོ༔ འོད་སྣང་ལྗང་གུ་གསལ་བས་དོན་ཡོད་གྲུབ་པའི་ཞལ་མཐོང་༔ ཕྲག་དོག་གནས་སུ་དག་ནས་བྱ་བ་གྲུབ་པའི་ཡེ་ཤེས་མངོན་དུ ༒ གྱུར་པ་ཡིན་ནོ༔ དེ་བཞིན་དུ་འོད་མཐིང་ག་སངས་རྒྱས་མཁའ་འགྲོ༔ དཀར་པོ་རྡོ་རྗེ་མཁའ་འགྲོ༔ དམར་པོ་པདྨ་མཁའ་འགྲོ༔ སེར་པོ་རིན་ཆེན་མཁའ་འགྲོ༔ ལྗང་གུ་ལས་ཀྱི་མཁའ་འགྲོ་སྟེ༔ མཁའ་འགྲོ་ལྔའི་ཞལ་མཐོང་༔ ཉོན་མོངས་པ་ལྔ་གནས་སུ་དག་ནས་ཡེ་ཤེས་ལྔའི་ངོ་བོར་སད༔ དུག་ལྔ་ཡེ་ཤེས་སུ་ཤར་ནས་ཉོན་མོངས་པ་མ་སྤངས་པར་རང་གནས་སུ་དག་པའོ༔ ལྷུན་གྲུབ་རིག་པའི་རྩལ་དབང་དུས་གཅིག་ལ་ཐོབ་པ་ཡིན་ནོ༔ ལས་དང་སྐལ་བར་ལྡན་པ་ཞེས་བྱ་བ་ཡིན་པས༔ སླར་མ་ལྡོག་ཅིག༔ སླར་མ་ལྡོག་ཅིག༔ སླར་མ་ལྡོག་ཅིག༔ ཅེས་སྤྲོ་བ་བསྐྱེདདོ༔ དེ་ནས་སྐུ་དྲིན་གསོ་ཕྱིར་མཎྜལ་ཕུལ༔ ཁས་བླངས་དགེ་བསྔོས་མཐའ་རྒྱན་བྱ༔ གང་འབྲེལ་ཚེ་འདིར་གྲོལ་བར་ངེས༔ ས་མ་ཡ༔ ཨེ་མ༔ གསང་བ་ཀུན་འདུས་པད་འབྱུང་ཐུགས་ཀྱི་བཅུད༔ དབང་རྣོན་ཚེ་འདིར་སངས་རྒྱས་འགྲུབ་པའི་ཐབས༔ གུ་རུ་པདྨས་ཁོ་མོ་མཚོ་རྒྱལ་ལ༔ གཅེས་ནོར་གབ་པའི་གསང་མཛོད་འདི་གདམས་པ༔ སྙིང་མིག་སྲོག་ལས་ཕོངས་པར་གྱུར་ན་ཡང་༔ རྡོ་རྗེ་ཞི་བ་མཚོ་ལ་བདག་གིས་སྤེལ༔ རང་ཉམས་མ་ལོང་སྤེལ་བའི་དུས་མ་ཡིན༔ མ་འོངས་སྙིགས་མ་ལྔ་བདོའི་དུས་ཀྱི་ཚེ༔ ང་སྤྲུལ་ང་དང་གཉིས་མེད་གཏེར་ལ་སྤྱོད༔ དེ་དུས་ཆོས་འདིའི་བསྟན་པ་དེ་རུ་འབབ༔ ལས་ཅན་གང་འབྲེལ་པདྨ་འོད་དུ་འདྲེན༔ སྐལ་མེད་ལོག་ལྟ་ཅན་དང་འདི་མ་ འཕྲད༔ སྐལ་ལྡན་ཆོས་བརྒྱུད་འཛིན་པའི་དཔལ་དུ་ཤོག༔ ཚེ་འདིར་དོན་གཉིས་འགྲུབ་ལ་ཐེ་ཚོམ་མེད༔ བཀའ་སྲུང་དྲེག་པ་རྣམ་གསུམ་གཉེར་གྱིས་ཤིག༔ སྣོད་མིན་ཉན་ཐོས་རིགས་ལ་གུཧྱ་རྒྱ༔ ཟབ་རྒྱ༔ གསང་རྒྱ༔ སྦས་རྒྱ༔ སྐུ་གསུང་ཐུགས་ཀྱི་རྒྱ་ཡོད་དོ༔ ས་མ་ཡ༔ བརྡ་ཐིམ༔ ༔ ཅེས་པ་འདི་ཡང་མཁས་བཙུན་བློ་གྲོས་སྤྱན་མངའ་ནོར་བུ་དབང་རྒྱལ་ནས་བཀའ་བསྐུལ་ཕེབས་ཚེ་དགོས་གལ་དང་བསྟུན་ཏེ་འཆོལ་མོ་བདེ་ཆེན་བདེ་བའི་རྡོ་རྗེས་རིག་པའི་གབ་སྒྲོམ་ལས་བཤུས་ཏེ་ཕབས་པ་ཡི་གེའི་རིས་བྱེད་པདྨའི་ལུང་ཟིན་ཤེས་རིག་བདེ་ཆེན་རྡོ་རྗེ་འམ་ཤྲཱི་ལ་བཛྲ་གྱིས་བགྱིས་པའོ། །དགེའོ།། །། TI1394-218 TI1394-218 W.√П√Wˇ ཆོས་ཉིད་མཁའ་འགྲོའི་གསང་མཛོད་ལས༔ ལྷ་དབང་དོན་བསྡུས་ཌཱ་ཀིས་མངོན་སུམ་དུ་གསུངས་པ་ཤིན་ཏུ་ཟབ་པའི་མཐར་ཐུག་བཞུགས༔ 0 商ཧཱུྃ་ཧྲཱིཿ ཕྲིན་ལས་མངའ་བདག་བཛྲ་ཀཱི་ལ་ཡ༔ བར་ཆད་བདུད་དཔུང་འཇོམས་པའི་ཧེ་རུ་ཀ༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ བདུད་བཞིའི་གཡུལ་རྒྱལ་མཆོག་གི་དབང་ཐོབ་ཤོག༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྲྃ་བྃ་ཧཱུྃ་ཕཊ༔ ཀཱ་ཡ་ཝཱཀྐ་ཙིཏྟ་སརྦ་སིདྡྷི་ཕ་ལ་ཨ་བྷི་ཥིཉྩ ཧཱུྃ༔ གུཧྱ༔ ཧཱུྃ་ཧྲཱིཿ མཁྱེན་བརྩེ་ཡེ་ཤེས་གཏེར་འཆང་གུར་གུམ་མདངས༔ མཚན་དཔེ་རབ་རྫོགས་མགོན་པོ་ཀུན་ཏུ་གཟིགས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ ཤེས་རབ་གཏེར་འཆང་འཇམ་དཔལ་དབང་ཐོབ་ཤོག༔ ཨོཾ་ཨཱཪྻ་མཉྫུ་ཤྲཱི་ཀཱ་ཡ་ཝཱཀྐ་ཙིཏྟ་སརྦ་སིདྡྷི་ཕ་ལ་ཨ་བྷི་ཥིཉྩ་ཧཱུྃ༔ གུཧྱ༔ #་& 肖ཨེ་མ་སྐལ་ལྡན་རིགས་ཀྱི་བུ༔ ཞི་མཛད་བདེ་བའི་གར་དུ་བསྒྱུར༔ རང་བྱུང་ཡེ་ཤེས་སྟེར་བའི་མ༔ ཌཱ་ཀི་བདེ་ཆེན་དཀར་མོ་ཡི༔ དབང་མཆོག་དམ་པ་བསྐུར་བ་ཡིས༔ བདེ་ཆེན་བདེ་བའི་དབང་ཐོབ་ཤོག༔ ཨོཾ་བཛྲ་ཛྙཱ་ན་ཌཱ་ཀི་ནི་ཀཱ་ཡ་ཝཱཀྐ་ཙིཏྟ་སརྦ་སིདྡྷི་ཕ་ལ་ཨ་བྷི་ཥིཉྩ་ཧཱུྃ༔ གུ་ཧྱ༔ པདྨ་དབང་གི་སྐུ་ཐོགས་ལ༔ ཧཱུྃ་ཧྲཱིཿ སོར་རྟོགས་ཡེ་ཤེས་ཆགས་བྲལ་རང་གདངས་ལས༔ པདྨ་དྲག་པོ་རྟ་མགྲིན་ཧེ་རུ་ཀ༔ རིགས་བཞི་ཧྱ་གྲཱི་ཝ་ཡུམ་དང་འཁྲིལ༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ དབང་ཆེན་དྲག་པོའི་ལྷ་ཚོགས་དབང་ཐོབ་ཤོག༔ ཨོ་ཧྲཱིཿཔདྨ་ཀྲོ་ཏ་ཧྱ་གྲཱི་ཝ་ཧུ་ལུ་ཧུ་ལུ་ཧཱུྃ་ཕཊ༔ བཛྲ་རཏྣ་པདྨ ཀརྨ་ཧྱ་གྲཱི་ཝ་ཌཱ་ཀི་ནི་ཀཱ་ཡ་ཝཱཀྐ་ཙིཏྟ་སརྦ་སིདྡྷི་ཕ་ལ་ཨ་བྷི་ཥིཉྩ་ཧཱུྃ་ཨཱཿ _UNKརྒྱ༔ མཁའ་འགྲོ་བདེ་ཆེན་ཀུན་གསལ་མས་བདག་ལ་དངོས་སུ་གསུངས་པའོ༔ ཡང་སྐལ་པ་ལུག་ལོར་སྐྱབས་རྗེ་ཐམས་ཅད་མཁྱེན་པ་འཇིགས་བྲལ་ཆོས ཀྱི་དབང་པོས་རིག་འཛིན་འདུས་པའི་དཀྱིལ་འཁོར་ཞལ་ཕྱེས་སྐབས་རིགས་ལྡན་མ་ཁྱོདདདུང་བསྟན་པ་དང་སེམས་ཅན་གྱི་དོན་མཛོདལ་མ་འོངས་པ་ན་བདག་གི་འདུལ་བྱའི་ལྷག་མ་སྐྱོང་དགོས་སོགས་གསུང་ནས་ཁྱོད་ཐུགས་སུན་མ་བྱེད་དང་འགྲོ་དོན་རིམ་བཞིན་དུ་འབྱུང་ངོ་ཞེས་གསུངས༔ རིག་འཛིན་འདུས་པའི་དབང་དང་ཕག་མོའི་དབང་སོགས་ཀྱང་བསྐུར་དབུགས་དབྱུངས་རྒྱས་གདབ་ནས་འདི་ཡིད་ལ་ཟུང་གསུངས༔ ཨེ་མ་སྐལ་ལྡན་རིགས་ཀྱི་བུ༔ སྐྱེ་འགགས་བྲལ་བ་འོད་གསལ་ཆོས་སྐུའི་མཁའ༔ ཤེས་རིག་མ་བཅོས་དུས་གསུམ་རྒྱལ་བའི་སྲས༔ རྡོ་རྗེ་བདུན་ལྡན་པདྨ་འབྱུང་གནས་སྐུ༔ སྐལ་ལྡན་ཁྱོད་ལ་བདག་གི་བསྐུར་བ་ཡིས༔ རྒྱལ་ཀུན་མཁྱེན་བརྩེའི་ཡེ་ཤེས་དབང་ཐོབ་ནས༔ འགྲོ་བའི་དེད་དཔོན་མཆོག་གི་དབང་ཐོབ་ཤོག༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཀཱ་ཡ་ཝཱཀྐ་ཙིཏྟ་སརྦ་སིདྡྷི་ཕ་ལ་ཨ་བྷི་ཥིཉྩ་ཧཱུྃ༔ ཧཱུྃ་ཧྲཱིཿ ཚོགས་བརྒྱད་གནས་སུ་དག་པའི་མཁའ་ཀློང་ནས༔ རིག་སྟོང་བརྗོད་འདས་རིག་འཛིན་རྣམ་པ་བརྒྱད༔ སྐལ་ལྡན་ཁྱོད་ལ་བདག་གིས་དབང་བསྐུར་བས༔ གྲུབ་བརྙེས་རིག་འཛིན་མཆོག་གི་དབང་ཐོབ་ཤོག༔ ད དྃཿ རྩ་སྔགས་གསུམ་དྲིལ་མཐར༔ ཀཱ་ཡ་ཝཱཀྐ་ཙིཏྟ་སརྦ་སིདྡྷི་ཕ་ལ་ཨ་བྷི་ཥིཉྩ་ཧཱུྃ༔ ཞེས་དང་གཞན་ཡང་དབང་བསྐུར་སྣ་ཚོགས་མཛད་ནས་མི་སྣང་བར་གྱུར༔ ཡང་མཁའ་འགྲོ་དམར་མོ་ཞིག་གིས་འདི སྐད་གསུངས༔ ཨེ་མ་སྐལ་ལྡན་སྙིང་གི་བུ༔ རྒྱལ་བ་ཀུན་ཡུམ་རྣལ་འབྱོར་མ༔ ཆོས་ཉིད་ངང་ལས་སོ་སོར་གསལ༔ འགགས་མེད་ཡེ་ཤེས་རྟོགས་པའི་ཡུམ༔ རྡོ་རྗེ་ཕག་མོའི་གསང་གསུམ་དབང་༔ སྐལ་ལྡན་ཁྱོད་ལ་བསྐུར་བ་ཡིས༔ ཡེ་ཤེས་མཁའ་འགྲོའི་དབང་ཐོབ་ཤོག༔ ཨོཾ་ཛྙཱ་ན་ཌཱ་ཀི་ནི་བཛྲ་བྷ་ར་ཧི་ཧ་རི་ནི་ས་ཧཱུྃ༔ ཀཱ་ཡ་ཝཱཀྐ་ཙིཏྟ་སརྦ་སིདྡྷི་ཕ་ལ་ཨ་བྷི་ཥིཉྩ་ཧཱུྃཨཱ༔ གུཧྱ༔ ཞེས་གསུངས་སྐུའི་གར་སྟབས་བསྒྱུར་ནས་མི་སྣང་བར་གྱུར་རོ༔ ཅེས་པའང་སུ་ཁ་བཛྲ་གྱིས་ཉམས་སྣང་ལ་བརྟེན་ནས་བྲིས་པའོ །དགེའོ།། །། ང་ཚེས་ཚེས་T11394 - 223 TI1394-224 2 ༅ གཏེར་གྱི་སྲུང་མས་བྱ་ར་མཛོད༔ ཆོས་ཉིད་མཁའ་འགྲོའི་གསང་མཛོད་ལས༔ རྩ་གསུམ་དྲིལ་སྒྲུབ་དངོས་གྲུབ་མཆོག་སྟེར་རྡོ་རྗེའི་རྒྱ་ཅན་མཁའ་འགྲོའི་ཐུགས་བཅུད་ཤིན་ཏུ་ཟབ་པ་བཞུགས༔༔ དམ་ཉམས་རྣམས་ལ་ན་ར་ཀན༔ 商ན་མོ་གུ་རུ་དྷེ་ཝ་ཌཱ་ཀི་ཡེ༔ རང་རིག་རྩ་གསུམ་ལྷ་ལ་འདུད༔ ཆོས་ཉིད་མཁའ་འགྲོའི་གསང་མཛོད་ཀྱི༔ གདམས་པ་ཡང་བཅུད་ཟབ་མོའི་ཆོས༔ ཡེ་ཤེས་མཚོ་རྒྱལ་ཐུགས་དམ་མཐིལ༔ སྙན་བརྒྱུད་གབ་པའི་སྙིང་ཐིག་མཆོག༔ སྐལ་ལྡན་སེམས་ཀྱི་བུ་ལ་བསྟན༔ འགྲུབ་སླ་དངོས་གྲུབ་མྱུར་དུ་འབྱུང་༔ གསང་བར་ཉམས་ལོངས་_UNK་རྒྱ༔ སྤོ་གཐཿ ན་མོ༔ རང་རིག་ངོ་བོ་དབྱེར་མེད་རྩ་གསུམ་ལྷ༔ མ་བཅོས་གཉུག་མའི་ངང་དུ་སྐྱབས་སུ་མཆི༔ མ་རིག་སྦུབས་སུ་འཕྱན་པའི་འགྲོ་བ་ཀུན༔ རང་བྱུང་སྐྱེ་མེད་རྟོགས་པར་ཡེ་སེམས་བསྐྱེད༔ ཨ་ཨ་ཨ༔ རྣམ་ཀུན་མཆོག་ལྡན་རང་བཞིན་སྟོང་པ་ཉིད༔ ཡེ་ཤེས་རང་མདངས་འོད་ལྔའི་གཞལ་ཡས་ཁང་༔ འོད་ 2"商གསལ་ལྷུན་གྲུབ་དཀྱིལ་འཁོར་ལྷའི་རྣམ་རོལ༔ དུ་མ་རོ་གཅིག་མཉམ་ཉིད་ཆེན་པོར་ཤར༔ རང་བྱུང་རིག་པ་ཀུན་བཟང་པདྨ་འབྱུང་༔ རྩོལ་བྲལ་དོན་གྱི་བླ་མ་ཧེ་རུ་ཀ༔ དྲན་པ་ཡང་དག་ཁྱབ་བརྡལ་ཆེན་པོའི་ངང་༔ འགགས་མེད་སྟོང་གསལ་ཡི་དམ་གར་གྱི་དབང་༔ སྨྲ་མེད་བརྗོད་འདས་བདེ་བའི་གར་དུ་བསྒྱུར༔ སྣང་སྟོང་རང་གྲོལ་རྡོ་རྗེ་ཕག་མོའི་གར༔ ཞེན་འཛིན་བྲལ་བ་བློ་འདས་ཀློང་ཆེན་མཁའ༔ དག་པ་མཉམ་ཉིད་ཆོས་སྐུའི་དབྱིངས་ནས གཤེགས༔ རྩོལ་མེད་རང་བྱུང་རྩལ་སྣང་ཡེ་ཤེས་ལྷ༔ གཉུག་མ་འོད་གསལ་ཀ་དག་ངང་དུ་བཞུགས༔ ཕྱོགས་ལྷུང་བྲལ་བ་རང་བབས་སོ་མའི་ངང་༔ དོན་དམ་ལྷ་