Tibetan
ཐབས༔ བྱང་ཆུབ་ལམ་བཟང་འདི་རུ་བཀོད༔ སྐལ་ལྡན་བུ་ཡིས་ཉམས་སུ་ལོངས༔ ས་མ་ཡ༔ ཉམས་དགའ་སྐྱོན་བྲལ་དབེན་པའི་གནས༔ བྱིན་ཆགས་བཀོད་ལེགས་ཡིད་འོང་སར༔ སྒྲུབ་པའི་རྫས་དང་ཡོ་བྱད་སོགས༔ ཉེར་མཁོའི་ལོངས་སྤྱོད་འདུ་བར་བྱ༔ གསང་སྒོ་མ་འཆལ་ཚུལ་བཞིན་དུ༔ ད ལར་སྒྲུབ་པའི་རྟེན་གཏོར་སོགས༔ ཕྱི་ནང་མཆོད་པའི་ཡོ་བྱད་བསགས༔ སྒྲུབ་པའི་བར་ཆད་སེལ་བའི་ཕྱིར༔ དཀར་ཕྱོགས་མགྲོན་ལ་ཕྲིན་ལས་བཅོལ༔ ནག་ཕྱོགས་བགེགས་ལ་འབྲས་ཆན་གླུད༔ 商འདོད་ཡོན་རྫས་སུ་དམིགས་ཏེ་བསྔོ༔ ས་མ་ཡ༔ དེ་ནས་སྔོན་འགྲོའི་རིམ་པ་ལ༔ དང་པོ་སྐྱབས་སུ་འགྲོ་བ་ནི༔ ན་མོ༔ བདག་དང་འགྲོ་དྲུག སེམས་ཅན་ཀུན༔ བྱང་ཆུབ་སྙིང་པོ་མ་ཐོབ་པར༔ འཕགས་མཆོག་ཐུགས་རྗེ་ཆེན་པོ་ལ༔ སྒོ་གསུམ་གུས་པས་སྐྱབས་སུ་མཆི༔ ངན་འགྲོའི་འཇིགས ལས་སྐྱབ་ཏུ་གསོལ༔ ལན་གསུམ་བརྗོད་མཐར་སེམས་བསྐྱེད་ནི༔ ཧོཿ མ་གྱུར་མཁའ་ཁྱབ་སེམས་ཅན་རྣམས༔ བླ་མེད་བྱང་ཆུབ་མྱུར་ཐོབ་ཕྱིར༔ འཕགས་མཆོག་ཐུགས་རྗེ་ཆེན་པོ་ཡི༔ ཟུང་འཇུག་དཀྱིལ་འཁོར་བསྒོམ་སེམས་བསྐྱེད༔ ལན་གསུམ་བརྗོད་མཐར་ཡན་བདུན་ནི༔ ཧོཿ འགྲོ་འདུལ་འཕགས་པའི་དཀྱིལ འཁོར་ལྷ་ཚོགས་ལ༔ སྒོ་གསུམ་གུས་པ་ཆེན་པོས་ཕྱག་འཚལ་ལོ༔ ལུས་དང་ལོངས་སྤྱོད་དངོས་ཀུན་མཆོད་པར་འབུལ༔ མི་དགེའི་ལས་ཀུན་སྙིང་ནས་མཐོལ་ཞིང་བཤགས༔ རང་གཞན་རྣམ་དཀར་དགེ་ལ་རྗེས་ཡི་རང་༔ གང་ལ་གང་འདུལ་ཆོས་འཁོར་བསྐོར་བ་བསྐུལ༔ རྒྱལ་ཀུན་མྱ་ངན་མི་འདའ་བཞུགས་པར་གསོལ༔ དགེ་ཚོགས་རྒྱ་མཚོ་འགྲོ་བ་ཡོངས་ལ་བསྔོ༔ མ་ལུས་རྣམ་མཁྱེན་སངས་རྒྱས་ས་ཐོབ་ཤོག༔ ཅེས་བརྗོདཚོགས་ཞིང་རང་ལ་བསྡུ༔ སྒོ་གསུམ་སྨིན་ཅིང་གྲོལ་བར་བསམ༔ བགེགས་སྲུང་བརྡ་སྒོ་དབྱེ་བ་དང་༔ བརྡ་ཕྱག་འཚལ་དང་དམ་བཅའ་བཟུང་༔ བྱིན་དབབ་མཆོད་རྫས་བྱིན་བརླབས་དང་༔ དཀྱིལ་འཁོར་འཇུག་བཤགས་ལ་སོགས་པ༔ ལས་རིམ་བརྒྱད་པ་གཞན་དུ་གསལ༔ གཉིས་པ་དངོས་གཞི་བསྒོམ་པ་ནི༔ ཨ༔ ཆོས་རྣམས་དམིགས་མེད་སྟོང་པར་གྱུར༔ སྟོང་ཉིད་གདངས་ལས་སྙིང་རྗེའི་རྩལ༔ རིག་པ་རྒྱུ་ཡི་ཡི་གེར་ཤར༔ མཁའ་སྤྱོད་དག་པའི་ཞིང་ཁམས་སུ༔ ལྷུན་གྲུབ་བདེ་ཆེན་གཞལ་ཡས་ཁང་༔ ཚད་དང་མཚན་ཉིད་རྫོགས་པའི་དབུས༔ པདྨ་ཐབས་ཤེས་ཉི་ཟླའི་སྟེང་༔ དབྱིངས་ནས་ས་བོན་གདན་ལ་བབ༔ འོད་ཟེར་ཡར་འཕྲོས་རྒྱལ་ཀུན་མཆོད༔ མཁྱེན་བརྩེ་ནུས་དཔལ་ཡོན་ཏན་བསྡུས༔ མར་འཕྲོས་འགྲོ་བའི་ལས་ཉོན་སྦྱངས༔ དྭངས་ 商བཅུད་ནུས་པ་རང་ལ་བསྟིམ༔ ཚུར་འདུས་ཡོངས་སུ་གྱུར་པ་ལས༔ རང་ཉིད་བདེ་གཤེགས་འདུས་པའི་སྐུ༔ འགྲོ་འདུལ་འཕགས་མཆོག་སྤྱན་རས་གཟིགས༔ གསལ་འཚེར་འོད་འབར་ཟླ་བའི་མདོག༔ ཉག་གཅིག་ཞལ་གྱི་དཀྱིལ་འཁོར་མཛེས༔ དོན་གཉིས་སྙན་གྱི་པདྨོ་རྒྱས༔ མཁྱེན་གཉིས་ཡེ་ཤེས་སྤྱན་དང་ལྡན༔ བདེན་པར་དབྱེར་མེད་ཤངས་བུག་ཧར༔ མཚན་བཟང་སོ་གཉིས་ཚེམས་ཕྲེང་མཛེས༔ ཤེས་རབ་མངའ་བརྙེས་ལྗགས་པད་སྲབ༔ ཚད་མེད་ཐུགས་རྗེའི་ཕྱག་བཞི་པ༔ དང་པོས་ཐུགས་ཀར་ཐལ་མོ་སྦྱར༔ འོག་གཉིས་ཤེལ་ཕྲེང་པད་དཀར་བསྣམས༔ སྐུ་ལ་ལོངས་སྤྱོད་རྒྱན་རྣམས་རྫོགས༔ ཐབས་ཤེས་ཞབས་གཉིས་སྐྱིལ་སྐུང་གིས༔ སྐྱོན་བྲལ་པད་ཉི་ཟླ་གདན་བཞུགས༔ སྣང་ལ་རང་བཞིན་མ་གྲུབ སྐུ༔ འཇའ་ཚོན་བཞིན་དུ་ཝ་ལེར་གསལ༔ སྤྱི་བོར་རིགས་ཀྱི་བདག་པོ་ནི༔ འོད་སྣང་མཐའ་ཡས་སྐུ་མདོག་དམར༔ མཉམ་བཞག་སྐྱིལ་ཀྲུང་པད་ཟླར་བཞུགས༔ མཚན་དཔེའི་གཟི བརྗིད་འོད་དུ་འབར༔ སྣང་སྟོང་སྒྱུ་མའི་ལྷ་སྐུར་ཤར༔ གཡས་སུ་པད་ཉི་ཟླ་དཀྱིལ་སྟེང་༔ མཁྱེན་རབ་དབང་ཕྱུག་འཇམ་དཔལ་ནི༔ གུར་གུམ་མདོག་ཅན་ཞལ་གཅིག་པ༔ ཕྱག་གཉིས ཤེས་རབ་རལ་གྲི་དང་༔ ཨུཏྤལ་སྟེང་ན་གླེགས་བམ་བསྣམས༔ ཐོད་བཅིངས་ཟར་བུ་སྐུ་རྒྱབ་ཀྲོལ༔ རིན་ཆེན་དབུ་བརྒྱན་རྩེ་བྲན་མཛེས༔ སྟོད་གཡོག་སྨད་དཀྲིས་རིན་ཆེན་བརྒྱན༔ ལོངས་སྐུའི་ཆས་རྫོགས་སྐྱིལ་ཀྲུང་བཞུགས༔ གཡོན་དུ་མཐུ་སྟོབས་མངའ་བདག་ནི༔ ནམ་མཁའི་མདོག་ཅན་གཟི་འོད་འབར༔ ཞལ་གཅིག་ཕྱག་གཉིས་སྤྱན་ཟུར་ལྡན༔ གཡས་པས་རྡོ་རྗེ་ཐུགས་ཀར་འཛིན༔ གཡོན་པས་ཨུཏྤལ་ཡུ་བ་ནི༔ འདབ་མ་སྙན་ཐད་རྒྱས་པ་བསྣམས༔ སྐུ་ལ་དར་དང་རིན་ཆེན་སྤྲས༔ ལོངས་སྤྱོད་རྒྱན་རྫོགས་སྐྱིལ་ཀྲུང་གིས༔ པདྨ་ཉི་ཟླའི་གདན་ལ་བཞུགས༔ དེ་ལྟར་གསལ་བའི་ལྷ་ཚོགས་ཀྱི༔ སྤྱི་བོར་ཨོཾ་དང་མགྲིན་པར་ཨཱཿ ཐུགས་ཀའི་ཧཱུྃ་ལས་འོད་འཕྲོས་པས༔ ཕྱོགས་བཅུའི་སངས་རྒྱས་བྱང་སེམས་དང་༔ བླ་མ་ཡིད་དམ་མཁའ་འགྲོའི་ཚོགས༔ དཔའ་བོ་གིང་དང་སྲུང་མར་བཅས༔ དབྱིངས་བཞུགས་ཡེ་ཤེས་ལྷ་ཡི་ཚོགས༔ འགྲོ་འདུལ་འཕགས་པའི་རྣམ་རོལ་དུ༔ སྤྱན་དྲངས་བསྐྱེད་པའི་ལྷ་ལ་བསྟིམ༔ ཛཿཧཱུྃ་བཾ་ཧོཿགཉིས་མེདགྱུར༔ ཞེས་བརྗོད་དབྱིངས་བཞུགས་རྒྱལ་བ་རྣམས༔ སྤྱན་དྲངས་ཆུ་ལ་ཆར་ཐིམ་བཞིན༔ གཉིས་མེད་རོ་གཅིག་གྱུར་པར་བསམ༔ སྤྱན་འདྲེན་དང་ནི་བཞུགས་གསོལ་དང་༔ ཕྱག་འཚལ་མཆོད་པ་བསྟོད་པ་ 前སོགས༔ ལས་རིམ་ལྔ་པ་གཞན་དུ་གསལ༔ དེ་ནས་འཛབ་དགོངས་དམིགས་པ་ནི༔ ཧཱུྃ༔ རང་ཉིད་ལྷ་ཡི་ཐུགས་ཀ་རུ༔ པད་ཟླའི་སྟེང་དུ་ཐུགས་སྲོག་ཧྲཱིཿ དེའི་མཐར་སྔགས ཕྲེང་གཡས་སུ་འཁོར༔ བཟླས་པས་སྣོད་བཅུད་གཉིས་སྣང་སེམས༔ རང་གྲོལ་སྐུ་གསུང་ཐུགས་སུ་སྨིན༔ གཙོ་འཁོར་སྲོག་སྔགས་རོ་གཅིག་གྱུར༔ དག་པ་རབ་འབྱམས་བདེ་བ་ཆེ༔ མ་ཡེངས་མི་བསྒོམ་གཟེར་གྱིས་ནི༔ དཀྱིལ་འཁོར་གསུམ་གྱི་ངང་དུ་བཟླ༔ ཨོཾ་མ་ཎི་པདྨེ་ཧཱུྃ་ཧྲཱིཿ དེ་ལྟར་མ་ཡེངས་ཏིང་འཛིན་ངང་༔ སྔགས་ངག་མི་ཚིག་མ་འདྲེས་པར༔ བསྙེན་སྒྲུབ་ཟབ་མོར་བརྩོན་གྱུར་ན༔ རབ་དངོས་འབྲིང་ཉམས་ཐ་ན་ཡང་༔ རྨི་ལམ་ཉིད་དུ་འགྲུབ་པའི་རྟགས༔ རང་བྲས་མངོན་དུ་གྱུར་པར་ངེས༔ བསྐྱེད་རྫོགས་རྣམ་གྲང་མང་མི་དགོས༔ བོད་འབངས་ལྷ་སྐལ་འགྲོ་བའི་མགོན༔ འདི་ཉིད་གཅིག་པུས་དངོས་གྲུབ་ཐོབ༔ ས་མ་ཡ༔ རབ་ལ་དགོངས་པ་མི་གཡོ་ཞིང་༔ ཆོས་ཉིད་བདེན་པ་མངོན་མཐོང་ནས༔ ལྷ་དང་རང་སྣང་ཆོས་ཉིད་གསུམ༔ དབྱེར་མེད་དུ་མ་རོ་གཅིག་ངང་༔ མི་འགྱུར་ལྟ་བའི་གདིང་ཐོབ་བོ༔ འབྲིང་ལ་ལྷ་ཞལ་མཐོང་བ་འམ༔ དཀྱིལ་འཁོར་བྲིས་དང་ཞིང་ཁམས་མཇལ༔ ལྷ་དང་མཁའ་འགྲོས་ལུང་ཡང་བསྟན༔ ཐ་མས་གོས་དཀར་གྱོན་པ་དང་༔ ཉི་མ་ཤར་དང་རི་རྩེར་འཛེགས༔ ཤེལ་ཕྲེང་རྙེད་སོགས་རྟགས་མཚན་མངོན༔ དེ་དག་གང་དང་གང་བྱུང་ཡང་༔ གཉིས་འཛིན་རེ་དོགས་ དགག་སྒྲུབ་སྤོངས༔ རོ་ཉམས་ཆེན་པོའི་བརྟུལ་ཞུགས་སྤྱོད༔ འཕགས་པ་གྲུབ་པའི་རྟགས་སུ་ཤེས༔ ས་མ་ཡ༔ རྗེས་རིམ་བསོད་ནམས་བསགས་པ་ལ༔ ཚོགས་མཆོད་ཟབ་མོར་བརྩོན་པའི་ཐབས༔ ཐབས་ཤེས་རྫས་རྣམས་འདུ་བྱ་ནས༔ རྒྱ་ཆེ་གྲང་མང་བཀོད་ལེགས་པ༔ མཆོད་པའི་རིགས་རྣམས་ཐམས་ཅད་ཀུན༔ རི་རབ་རོལ་མཚོའི་ཚུལ་དུ་བཤམས༔ ནང་མཆོད་ལ་སོགས་ཆབ་ཀྱིས་བྲན༔ དེ་ནས་བྱིན་གྱིས་བརླབ་པ་ནི༔ ཧཱུྃ༔ རང་ཉིད་ལྷ་ཡི་ཐུགས་ཀ་ནས༔ རཾ་ཡཾ་ཁཾ་གསུམ་འཕྲོས་པ་ཡིས༔ ཚོགས་ཀྱི་ཉེས་སྐྱོན་དྲི་མའི་ཚོགས༔ བསྲེགས་གཏོར་བཀྲུས་པས་བདུད་རྩིར་གྱུར༔ ཨོཾ་གྱིས་སྐུ་ཡི་བདུད་རྩི་དཀར༔ ཨཱཿཡིས་གསུང་གི་བདུད་རྩི་དམར༔ ཧཱུྃ་གིས་ཐུགས་ཀྱི་བདུད་རྩི་མཐིང་༔ རྒྱལ་བའི་ཞིང་ཁམས་ཡོངས་ཁྱབ་གྱུར༔ རཾ་ཡཾ་ཁཾ༔ ཨོ་ཨཱཿཧཱུྃ༔ ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་༔ སོགས། སྭཱ་ཧཱ༔ ལན་གསུམ་གྱིས་བྱིན་བརླབས༔ དེ་ནས་ཚོགས་ལ་སྤྱན་འདྲེན་པ་ནི༔ ཧཱུྃ༔ རང་སྣང་དག་པ་འོག་མིན་གནས་ཀྱི་མཆོག༔ ལྷུན་གྲུབ་བཀོད་པ་རྫོགས་པའི་གཞལ་ཡས་ནས༔ སྐུ་གསུམ་རྒྱལ་བ་སྲས་དང་བཅས་རྣམས་དང་༔ འགྲོ་འདུལ་འཕགས་པའི་དཀྱིལ་འཁོར་ལྷ་ཚོགས་རྣམས༔ ཆོས་ཀྱི་དབྱིངས་ནས་གཟུགས་ཀྱི་སྐུར་བཞེངས་ལ༔ གནས་འདིར་ཚོགས་ལ་སྤྱན་འདྲེན་གཤེགས་སུ་གསོལ༔ མཛེས་ཁྲི ཧོ པདྨ་ཉི་ཟླའི་གདན་ལ་བཞུགས༔ ལྷ་དང་རང་སྣང་གཉིས་མེད་གུས་ཕྱག་འཚལ༔ སྣང་སྲིད་རྣམ་དག་བདེ་སྟོང་མཆོད་པ་འབུལ༔ གཉིས་མེད་མཉམ་པ་ཆེན་པོའི་ཀློང་དུ་བཤགས༔ འཁོར་གསུམ་འཛིན་པ་བྲལ་ལ་རྗེས་ཡི་རངས༔ ཡང་དག་བླ་མེད་ཆོས་འཁོར་བསྐོར་བར་བསྐུལ༔ འཕོ་མེད་གཞོན་ནུ་བུམ་སྐུར་བཞུགས་གསོལ་འདེབས༔ ཁམས་གསུམ་སྐུ་གསུམ་ཀློང་གྲོལ་བྱིན་གྱིས་རློབས༔ མཆོག་དང་ཐུན་མོང་དངོས་གྲུབ་སྩལ་དུ་གསོལ༔ ཨོྃ་ཨཱརྱ་ལོ་ཀི་ཤྭ་ར་སརྦ་ས་པཱ་རི་ཝཱ་ར་བཛྲ་ས་མ་ཡ་ཛཿ ཛཿ དེ་ནས་ཚོགས་ཕུད་འབུལ་བ་ནི༔ ཨོཾ་ཨཱཿ ཧཱུྃ༔ སྣང་སྲིད་རྣམ་དག་མཆོད་པའི་སྤྲིན༔ བདེ་ཆེན་བླ་མེད་གསང་བའི་རྫས༔ འདོད་ཡོན་ཚོགས་ཀྱི་མཆོད་པ་འདི༔ འགྲོ་འདུལ་འཕགས་པའི་ལྷ་ཚོགས་ལ༔ གུས་པས་འབུལ་ལོ་དགྱེས་པར་རོལ༔ མ་ཧཱག་ཎ་ཙཀྲ་པཱུ་ཛ་ལ་ཁཱ་ཧི༔ དེ་ནས་བཤགས་པ་ནི༔ ཧོཿ དཀྱིལ་འཁོར་ལྷ་ཚོགས་དགོངས་སུ་གསོལ༔ བདག་ཅག་མ་རིགས་འཁྲུལ་དབང་གིས༔ སྒོ་གསུམ་བག མེད་ཅི་བགྱིས་པ༔ ལོངས་སྤྱོད་ཚོགས་ཀྱི་མཆོད་པས་བཤགས༔ དག་ཅིང་ཚངས་པར་མཛད་ནས་ཀྱང་༔ སོར་ཆུད་དངོས་གྲུབ་སྩལ་དུ་གསོལ༔ ཨོ་ག་ཎ་ཙཀྲ་སཏྭ་ས་མ་ཡ་སོགས། ཨཱཿ དེ་ནས་ཉམས་པ་བསྒྲལ་བ་ནི༔ ཧཱུྃ༔ སྲིད་པ་ཨེ་ཡི་བྲུབ་ཁུང་དུ༔ བདག་ལྟའི་གཟུང་འཛིན་རཱུ་ཏྲ་བཀུག༔ བདག་མེད་རོལ་པའི་མཚོན་གྱིས་བསྒྲལ༔ འཁྲུལ་མེད་ཀ་དག་དབྱིངས་སུ་ཨ༔ དེ་ནས་ཞལ་དུ་བསྟབ་པ་ནི༔ ཧཱུྃ༔ དགྲ་བགེགས་བསྒྲལ་བའི་ཤ་ཁྲག་རུས༔ དཀྱིལ་འཁོར་ལྷ་ཚོགས་ཞལ་དུ་བསྟབས༔ ལྷག་མ་མེད་པར་བཞེས་ནས་ཀྱང་༔ འཁྲུལ་མེད་ཆོས་སྐུའི་ས་རུ་དྲོངས༔ སརྦ་ཤ་ཏྲུཾ་མཱ་ར་ཡ་ཁ་རཾ་ཁཱ་ཧི༔ དེ་ནས་དྲང་བ་ནི༔ ཧོཿ བླ་མེད་གསང་བའི་རྫས་མཆོག་འདི༔ མྱང་གྲོལ་ཡེ་ཤེས་བདུད་རྩི་ཆེ༔ གཙང་རྨེ་གཉིས་འཛིན་བསམ་པ་སྤོངས༔ ཚིམས་པ་དྲུག་ལྡན་ངང་དུ་རོལ༔ ཨ་ལ་ལ་ཧོཿ དེ་ནས་ལྷག་མ་ནི༔ ཧཱུྃ་བྷྱོཿ སྔོན་ཚེ་རྒྱལ་བའི་སྤྱན་སྔ་རུ༔ བསྟན་པ་བསྲུང་བར་ཁས་བླངས་ཤིང་༔ རྡོ་རྗེའི་དམ་ཚིག་ལ་གནས་པའི༔ ལྷག་སྐྱོང་གནས་ཉུལ་ཕོ་མོའི་ཚོགས༔ འདིར་གཤེགས་འདོད་ཡོན་ཚོགས་ལྷག་རོལ༔ ཞི་རྒྱས་དབང་དང་དྲག་པོའི་ལས༔ གང་བསམ་འདོད་དོན་ཡོངས་འགྲུབ་མཛོད༔ སརྦ་ས་མ་ཡ་ཨུ་ཙིཊྚ་བ་ལིཾ་ཏ་ཁཱ་ཧི༔ དེ་ནས་སྨོན་ལམ་ནི༔ ཧོཿ འགྲོ་འདུལ་འཕགས་པའི་དཀྱིལ་འཁོར་དུ༔ ཚོགས་ཀྱི་མཆོད་པ་ཕུལ་བའི་མཐུས༔ བདག་གཞན་འགྲོ་བ་མ་ལུས་པ༔ རང་རིག་ཆོས 商སྐུ་མངོན་གྱུར་ནས༔ འདོད་མའི་གཏན་སྲིད་ཟིན་པར་ཤོག༔ ཅེས་བརྗོད་ལྷག་མ་གཙང་སར་གཤེགས༔ རྗེས་ཀྱི་ལས་རིམ་གཞན་དུ་གསལ༔ ས་མ་ཡ༔ ཨེ་མ༔ ཤིན་ཏུ་ཟབ་པ་ལས་ཀྱང་ཆེས་ཟབ་པ༔ པད་འབྱུང་ཐུགས་དམ་ཁོ་མོ་བདག་གིས་རྙེད༔ སྙིང་གི་སྲོག་དང་མཚུངས་པའི་གདམས་པ་འདི༔ ཨ་ཙཪྻ་དང་ཞི་བ་མཚོ་ལ་གཏད༔ ད་དུང་མ་སྤེལ་འཕྲུལ་གྱི་བརྡ་རུ་ཐམ༔ སྙིགས་དུས་ཉི་ཤུ་ཁ་རལ་དུས་ཀྱི་ཚེ༔ འདི་ཡི་བརྡ་བསྒྱུར་མི་མོ་ཡོས་འབྲུག་ལོ༔ ཐུགས་ཀྱི་མིང་འཛིན་ལྷ་ལྡན་ཕྱོགས་ནས་འོངས༔ མདོ་ཁམས་ཡུལ་གསུམ་དེ་ཡི་གདུལ་བྱར་འགྱུར༔ རྟེན་དང་འབྲེལ་འབྱུང་སབྟས་མ་བསྒྱུར་ན༔ ས་གཏེར་སྐོར་གསུམ་སྙན་བརྒྱུད་ཆོས་ལ་དབང་༔ དཀར་པོ་ལྷ་གསུམ་ཆོས་ཀྱི་སྒོ་འཕར་དབྱེ༔ སྙིགས་མའི་འགྲོ་བ་ལྷ་མཆོག་འདི་ཡིས་འདྲེན༔ གྲོགས་དང་ཆོས་བདག་སྨོན་ལམ་དབང་གིས་འཕྲད༔ ྅྾།། བཀའ་འདི་དྲེགས་པ་རྣམ་གསུམ་གཉེར་གྱིས་ཤིག༔ སྐལ་ལྡན་ལས་འཕྲོ་ཅན་དང་འཕྲད་པར་ཤོག༔ སྐལ་མེད་ལོག་ལྟ་ཅན་ལ་འདི་མ་འཕྲད༔ བཀའ་སྲུང་དྲེགས་པའི་ཚོགས་ཀྱིས་ཐུབ་པར་སྲུངས༔ ས་མ་ཡ༔ ཟབ་རྒྱ༔ གསང་རྒྱ༔ གཏེར་རྒྱ༔ སྦས་རྒྱ༔ བརྡ་ཐིམ༔ ཅེས་པ་འདི་ཡང་མཁན པོ་ནོར་བུ་དབང་རྒྱལ་དང་ཉེ་གནས་ཡི་གེའི་འདུ་བྱེདཤྲཱི་ལ་བཛྲ་གཉིས་ཀྱི་ཐུགས་བཞེད་སྐོང་ཕྱིར་དུ་སྙོམས་ལས་པ་བདེ་ཆེན་བདེ་བའི་རྡོ་རྗེས་ཉམས་ཆོས་ཡིག་རིས་སུ་བྲིས་པའོ༔ དགེའོ༔ ཧེ་ཧེ༔ མགོ་མེད་མཇུག་མེད་འབུ་ནག་གཟུགས་འདྲའི་8 ཆོས། །ཇོ་མིན་ནག་མིན་རྒན་མིན་གཞོན་མིན་ངས། །ཡིག་མིན་རིས་མིན་སྤོས་རྒྱའི་རྣམ་པ་ཅན། བུ་མིན་བུ་འདྲ་ཚུལ་ཁྲིམས་རྡོ་རྗེ་ཡིས། །དལ་མིན་བྲེལ་མིན་ཉི་མ་འགྲོ་ཕྱིར་ཕུལ། གཅུས་འཁྲུགས་ཆེ་བས་སྟབས་གཟབ་གཟིགས་པར་ཞུ། །། སུ་ཁ་བཛྲ་254 TI1394-256 ་% 商ན་མོ་པདྨ་ཀཱ་ར་ཡེ༔ རྣལ་འབྱོར་དམ་ཚིག་ལྡན་པ་ཡིས༔ རིམ་གཉིས་ལམ་མཆོག་ལ་འཇུག་ནས༔ སྙིང་པོའི་དོན་མཆོག་ཐོབ་པའི་ཕྱིར༔ ཆོ་ག་ཟབ་མོ་ཉམས་བླང་བའི༔ ཐབས་མཆོག་རྗེས་ཀྱི་ལས་རིམ་བསྟན༔ ས་མ་ཡ༔ དང་པོ་བསྐུལ་བ་བྱ་བ་ནི༔ ཧཱུྃ་ཧྲཱིཿ རྩ་གསུམ་རྒྱལ་བ་རྒྱ་མཚོའི་ལྷ་ཚོགས་རྣམས༔ མ་གཡེལ་མ་གཡེལ་ཐུགས་དམ་གནད་ནས་བསྐུལ༔ ཆོས་ཀྱི་དབྱིངས་ནས་གཟུགས་ཀྱི་སྐུར་བཞེངས་ལ༔ ལོག་འདྲེན་འབྱུང་པོ་བདུད་བགེགས་རྡུལ་དུ་རློག༔ ཐུགས་དམ་དུས་ལ་བབ་པོ་ས་མ་ཡ༔ གཉིས་པ་ཆད་མདོ་ནི༔ ཧཱུྃ་ཧྲཱིཿ དུས་གསུམ་དུས་མེད་ཀ་དག་དུས་ཀྱི་ཚེ༔ རང་སྣང་སྐུ་གསུམ་སྟོན་པའི་སྤྱན་སྔ་རུ༔ སངས་རྒྱས་ ༣商བསྟན་པ་བསྲུང་བར་ཁས་བླངས་ཤིང་༔ ལས་བཞིའི་ཕྲིན་ལས་སྒྲུབ་པའི་ཕོ་ཉ་བ༔ འཇིག་འདས་དམ་ཅན་རྒྱ་མཚོའི་ཚོགས་བཅས ཀུན༔ ཆད་མདོ་དམར་གྱི་གཏོར་མ་འདི་བཞེས་ལ༔ རབ་འབྱམས་ཕྲིན་ལས་མ་ལུས་ཡོངས་འགྲུབ་མཛོད༔ གསུམ་པ་བརྟན་མ་ནི༔ ཧཱུྃ་བྷྱོཿ རིག་འཛིན་ཆེན་པོ་པདྨ་ཐོད་ཕྲེང་གི༔ བཀའ་དང་དམ་ཚིག་ལ་གནས་བོད་སྐྱོང་སྡེ༔ བསྟན་མ་ཡ་མ་སྐྱོང་མའི་ཚོགས་རྣམས་ཀུན༔ དཔལ་གྱི་བཤལ་ཆུའི་གཏོར་མ་འདི་བཞེས་ལ༔ མཐའ་མི་ཀླ་ལོའི་བསྟན་པ་བསྣབས་པ་དང་༔ ཟབ་ཆོས་བསྟན་པ་དར་རྒྱས་བསྟན་འཛིན་སྡེ༔ ཚེ་བསྲིངས་དུས་མིན་བར་ཆད་ཀུན་སེལ་ལ༔ བོད་ཁམས་བདེ་ལ་འགོད་པའི་ཕྲིན་ལས་མཛོད༔ མ་མ་ཧྲཱི་ཧྲཱི་ཨེ་དཾ་བ་ལིཾ་ཏ་ཁཱ་ཧི༔ བཞི་པ་བྲོ་མནན་ནི༔ ཧཱུྃ་ཧྲཱིཿ དཔལ་ཆེན་འཁོར་བཅས་རྔམས་པའི་བྲོ༔ གཉིས་སྣང་དམ་སྲིའི་སྟེང་དུ་བརྡུང་༔ ཡེ་ཤེས་རོལ་པའི་རྒྱས་བཏབ་བོ༔ ནམ་ཡང་ལྡང་བར་མ་གྱུར་ཅིག༔ ཨོཾ་ལཾ༔ ཨཱཿལཾ༔ ཧཱུྃ་ལཾ༔ སྭཱ་ལཾ༔ ཧཱ་ལཾ༔ སྟྭཾ་བྷ་ཡ་ནན༔ མཆོད་བསྟོད་བྱ་ཞིང་༔ ལྔ་པ་བཤགས་པ་ནི༔ ཧོཿ དཀྱིལ་འཁོར་ལྷ་ཚོགས་གསན་ཅིང་དགོངས༔ བདག་ཅག་མ་རིག་སྒྲིབ་དབང་གིས༔ སོ་ཐར་བྱང་སེམས་གསང་སྔགས་ཀྱི༔ སྡོམ་དང་བསླབ་པ་དམ་ཉམས་ཀུན༔ མི་འཆབ་མི་སྦེད་འགྱོད་པས་བཤགས༔ ཚངས་པ་མཆོག་གི་དངོས་གྲུབ་སྩོལ༔ ཨོ་བཛྲ་སཏྭ་ས་མ་ཡ་སོགས། ཨཱཿ ལན་གསུམ་བརྗོད་ནས༔ དྲུག་པ་བསྡུ་ལྡང་ནི༔ ཧཱུྃ༔ ཐབས་ཀྱིས་བསྐྱེད་པའི་དཀྱིལ་འཁོར་ལྷ༔ ཡེ་ཤེས་དབྱིངས་སུ་བཛྲ་མུཾ༔ རྗེས་ཐོབ་སྒྱུ་མའི་ལྷ་སྐུ་ནི༔ རྒྱན་དང་ཆ་ལུགས་རྫོགས་པར་བསྒོམ༔ རྩ་སྔགས་མཐར༔ བཛྲ་རཀྵ་རཀྵ་_UNK༔ བདུན་པ་བསྔོ་སྨོན་ནི༔ ཧྲཱིཿ བསྐྱེད་རྫོགས་རིམ་གཉིས་དགེ་ཚོགས་ཀུན༔ མ་གྱུར་འགྲོ་བ་ཡོངས་ལ་བསྔོ༔ ཀུན་ཀྱང་རང་རིག་མངོན་གྱུར་ནས༔ གཞོན་ནུ་བུམ་སྐུར་སངས་རྒྱས་ཤོག༔ ལན་གསུམ་བརྗོད་ཅིང་བཀྲ རྟ ཿ ཤིས་སོགས་ཀྱིས་མཐའ་བརྒྱན་པར་བྱའོ༔ ས་མ་ཡ༔ དེ་ལྟར་རིམ་གཉིས་ལམ་བརྩོན་པའི༔ རྣལ་འབྱོར་རྣམས་ཀྱི་ཆ་རྐྱེན་དུ༔ རྗེས་ཆོག་ཟབ་མོའི་ལམ་རིམ་འདི༔ ཞི་བ་མཚོ་ཡི་དཔལ་དུ་སྦྱིན༔ དདུང་མ་སྤེལ་དགེ་རྒྱས་ཐོབ༔ མ་འོངས་འདིར་འཕྲད་སྐྱེས་བུ་ནི༔ ཐུགས་ཀྱི་མིང་འཛིན་ཁྱིམ་པའི་ཚུལ༔ དེ་ཡིས་བཏོན་ཏེ་བསྟན་འགྲོར་སྨན༔ བཀའ་སྲུང་དྲེགས་པ་རྣམ་གསུམ་གྱིས༔ ཐུབ་པར་སྲུངས་ཤིག་ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ༔ ཞེས་པ་འདི་ཡང་རང་གི་ཉེ་གནས་ཡི་གེའི་འདུ་བྱེད་ཤཱཀྱའི་དགེ་བཙུན་དམ་ལྡན་ཚུལ་ཁྲིམས་རྡོ་རྗེ་དང་རིགས་ཀྱི་མྱུ་གུ་ཆོས་དབྱིངས་སྒྲོན་མ་སོགས་ཀྱི་བཞེད་ངོར། དུས་ཀུན་ཞལ་བརྫུན་མཁན་སུ་ཁ་བཛྲ་གྱིས་འཁྲུལ་སྣང་ལས་དག་པར་ཕབས་པའོ། །དགེའོ།། །། 2 NL TI1394 - 261 TI1394-262 ད རྒྱོ༹ཾཿ ཆོས་ཉིད་མཁའ་འགྲོའི་གསང་མཛོད་ལས༔ འགྲོ་འདུལ་འཕགས་པའི་བསྐང་བཤགས་ཟབ་མོ་བཞུགས༔ ན་མོ་པདྨ་ཀཱ་ར་ཡེ༔ རྡོ་རྗེ་ཐོད་ཕྲེང་རྩལ་ལ་གུས་པས་འདུད༔ ཕྱི་རབས་ལས་ལྡན་སྐྱེས་བུ་གང་སུ་དག༔ འགྲོ་འདུལ་འཕགས་པའི་དཀྱིལ་འཁོར་ལ་བརྟེན་ནས༔ ཚོགས་གཉིས་བསགས་དང་ཉམས་ཆགས་བསྐང་བའི་ཐབས༔ བསྐང་བཤགས་ཟབ་མོ་འདི་རུ་བསྟན་པར་བྱ༔ ས་མ་ཡ༔ ཚོགས་ཀྱི་གཞུང་སྲང་སྤོས་དང་མར་མེ་སོགས༔ མཆོད་པར་འོས་པའི་རིགས་རྣམས་ཅི་བྱོར་བཤམས༔ རང་ཉིད་ལྷ་ཡི་ཏིང་འཛིན་ལྡན་པ་ཡིས༔ དེ་ནས་བྱིན་གྱིས་བརླབས་པ་འདི་སྐད་དོ༔ ཨོཾ་སྟོང་གསུམ་བྷནྡྷ་པདྨའི་སྣོད༔ ཨཱཿབསྐང་བའི་རྫས་མཆོག་བླ་ན་མེད༔ ཧཱུྃ་ཡེ་ཤེས་བདུད་རྩིའི་ངོ་བོར་གནས༔ ཧ་ཧོ་ཧྲཱིཿཡིས་འཛད་མེད་གྱུར༔ རིགས་ལྔ་ཡབ་ཡུམ་མཉམ་སྦྱོར་རྒྱུན༔ ཟག་མེད་བདེ་ཆེན་བསྐྱེད་པའི་རྫས༔ རབ་འབྱམས་ཞིང་ཀུན་ཡོངས་ཁྱབ གྱུར༔ ནམ་མཁའ་མཛོད་སྔགས་ལན་གསུམ་བརྗོད༔ དེ་ནས་ཐོད་རྔའི་སྒྲ་དང་ནི༔ སྙན་པའི་དབྱངས་ཀྱིས་འདི་སྐད་བརྗོད༔ ཧཱུྃ་ཧྲཱིཿ འོག་མིན་ཆོས་དབྱིངས་ཕོ་བྲང་ནས༔ སྣང་བ་མཐའ་ཡས་ཐུགས་དམ་བསྐང་༔ རང་གསལ་ལོངས་སྐུའི་ཕོ་བྲང་ནས༔ ཐུགས་རྗེ་ཆེན་པོའི༴ རྣམ་དག་ལྷུན་གྲུབ་ཕོ་བྲང་ནས༔ མཁྱེན་རབ་དབང་ཕྱུག་རང་བྱུང་སྤྲུལ་པའི་གནས་མཆོག་ནས༔ མཐུ་སྟོབས མངའ་བདགཿ དཔལ་རི་མཁའ་འགྲོའི་འདུ་གླིང་ནས༔ པདྨ་འབྱུང་གནས་བདེ་ཆེན་དག་པའི་གནས་མཆོག་ནས༔ ཡེ་ཤེས་མཚོ་རྒྱལ་གང་འདུལ་སྤྲལ་པའི་ཞིང་ཁམས་ནས༔ རྗེ་འབངས་རྣམས་ཀྱིཿ སྙིང་དབུས་མི་འགྱུར་འོད་ལྔའི་ཀློང་༔ ལས་འབྲེལ་རྩལ་གྱིཿ སྤྱི་གཙུག་ཉི་ཟླའི་གདན་སྟེང་ནས༔ རྩ་བརྒྱུད་བླ་མའི་གདན་གསུམ་ཚང་བའི་དཀྱིལ་འཁོར་ནས༔ ཡི་དམ་ཞི་ཁྲོའི༴ ཕྱི་ནང་གཞན་གསུམ་གནས་དག་པའི༔ དཔའ་བོ་མཁའ་འགྲོའི༴ བཀའ་དང་འཁོར་ལ་གནས་པ་ཡི༔ དམ་ཅན་གཏེར་བདག༴ བདག་ཅག་མ་རིག་བག་མེད་པས༔ སོ་ཐར་བྱང་སེམས་གསང་སྔགས་ཀྱི༔ སྡོམ་དང་བསླབ་པ་དམ་ཉམས་པ༔ མི་འཆབ་མི་སྦེད་མཐོལ་ལོ་བཤགས༔ དག་ཅིང་ཚངས་པར་མཛད་དུ་གསོལ༔ ཨོཾ་བཛྲ་སཏྭ་ས་མ་ཡ༔ སོགས། ཨཱཿབར་བརྗོད། འདི་ལ་བརྩོན་པའི་སྐྱེས་བུ་ཡི༔ ཉམས་ཆགས་སྒྲིབ་པའི་ཚོགས་རྣམས་ཀུན༔ ཉི་མས་མུན་པ་བཅོམ་བཞིན་དག༔ བསོད་ནམས་ཡེ་ཤེས་ཚོགས་རྫོགས་ནས༔ ཐེག་ཆེན་འབྲས་བུ་ཚེ་འདིར་ཐོབ༔ཐེ་ཚོམ་མེད་དོ་ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཨཱ༔ཞེས་པ་འདི་ཡང་མཁན་པོ་ནོར་བུ་དབང་རྒྱལ་དང་ཉེ་གནས་ཡི་གེའི་འདུ་བྱེད་ཚུལ་ཁྲིམས་རྡོ་རྗེ་སོགས་ཀྱི་བཞེད་པ་སྐོང་ཕྱིར་བདེ་བའི་རྡོ་རྗེས་ཉམས་ཆོས་ཡིག་རིས་སུ་བྲིས་པའོ།།དགེའོ།། །། ༧ ༅0ཆུས ཆོས་ཉིད་མཁའ་འགྲོའི་གསང་མཛོད་ལས༔ འགྲོ་འདུལ་འཕགས་པའི་མེ་མཆོད་ལས་བཞི་ལྷུན་གྲུབ་བཞུགས༔ ༒ ན་མོ་པདྨ་ཀཱ་ར་ཡེ༔ རྡོ་རྗེ་ཐོདཕྲེང་རྩལ་ལ་འདུད༔ ཕྱི་རབས་མོས་ལྡན་སྐྱེས་བུ་ཡིས༔ འགྲོ་འདུལ་འཕགས་པའི་དཀྱིལ་འཁོར་དུ༔ བསྙེན་སྒྲུབ་ཟབ་མོ་ཉམས་བླང་ཚེ༔ ཁ་བསྐང་མེ་མཆོད་བརྩོན་པའི་ཐབས༔ ལས་བཞི་ལྷུན་གྲུབ་འདི་རུ་བསྟན༔ སྐལ་