Tibetan
ཡོངས་འདུས་དཔལ༔ མཐུ་སྟོབས་མངའ་བདག་རྡོ་རྗེ་འཛིན༔ གསང་བའི་བདག་པོའི་དབང་བསྐུར་རོ༔ རྩ་སྔགས། ཀ་ ཡ་ཨ་བྷི་ཥིཉྩ་ཨོཾ༔ དེ་ནས་བྷནྡྷ་ཐོགས་ལ༔ ཧཱུྃ༔ བདེ་ཆེན་ཡེ་ཤེས་ཀ་པཱ་ལར༔ རྒྱལ་ཀུན་གསུང་གསང་མི་ཟད་གཏེར༔ ཨ་ལི་ཀ་ལིའི་འོད་ཟེར་འཕྲོ༔ ཡེ་ཤེས་བདུད་རྩིའི་རྣམ་པར གནས༔ སྐལ་ལྡན་ཁྱོད་ཀྱིངག་ཏུ་བླུད༔ གསང་དབང་ཡོངས་སུ་རྫོགས་ཐོབ་ཤོག༔ རྩ་སྔགས༔ ཝཱཀྐ་ཨ་བྷི་ཥིཉྩ་ཨཱཿ དེ་ནས་ཡིག་དྲུག་ཐོགས་ལ༔ ཧཱུྃ༔ གསང་སྔགས་རིགས་སྔགས གཟུངས་སྔགས་ཀྱི༔ སྙིང་པོ་གཅིག་འདུས་ཡི་གེ་དྲུག༔ སྐལ་ལྡན་བུ་ལ་དབང་བསྐུར་རོ༔ བཟླས་པའི་དབང་ཐོབ་དོན་གཉིས་མཐར་ཕྱིན་ཤོག༔ རྩ་སྔགས། ཝཱཀྐ་ཨ་བྷི་ཥིཉྩ་ཨཱཿ དེ་ནས་ཕྲེང་བ་ཐོགས་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ ཤེལ་དཀར་ཕྲེང་བ་འདི་གཏད་པས༔ ལྷ་དང་རང་སྣང་གཉིས་མེད་པའི༔ ཡོངས་འགྲུབ་ཆེན་པོར་དབང་ཐོབ་ཤོག༔ རྩ་སྔགས་ཝཱཀྐ་ཨ་བྷི་ཥིཉྩ་ཨཱཿ དེ་ནས་རིག་ཙཀ་ཐོགས་ལ༔ ཧཱུྃ༔ བདེ་ཆེན་ཡེ་ཤེས་ཕོ་ཉ་མོ༔ སྐུ་གསུམ་ཌཱ་ཀིའི་སྒྱུ་འཕྲུལ་གར༔ སྐལ་ལྡན་བུ་ལ་དབང་བསྐུར་རོ༔ དབབ་བསྐྱིལ་འདྲེན་བཀྲམ་ཐབས་མཁས་ཀྱིས༔ སྟོང་བཞིའི་འོད་གསལ་མངོན་གྱུར་ནས༔ ལྷན་སྐྱེས་ཡེ་ཤེས་དབང་ཐོབ་ཤོག༔ རྩ་སྔགས། མ་ཧཱ་ཛྙཱ་ན་སུ་ཁ་ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་མདངས་ལྔ་མེ་ལོང་ཐོགས་ 6 商ལ། ཧཱུྃ༔ ཀ་དག་སྤྲོས་བྲལ་མེ་ལོང་ངོར༔ ལྷུན་གྲུབ་རྫོགས་པའི་འོད་ལྔ་ཤར༔ སྐལ་ལྡན་བུ་ལ་དབང་བསྐུར་རོ༔ མཐའ་གཉིས་བྲལ་བའི་ཡེ་ཤེས དབྱིངས༔ སྐྱེ་མེད་དོན་གྱི་དབང་ཐོབ་ནས༔ ལྷུན་གྲུབ་གཞོན་ནུ་བུམ་པའི་སྐུ༔ མངོན་གྱུར་ཆེན་པོར་སངས་རྒྱས་ཤོག༔ ཨ་ཨ་ཨ༔ ཕཊ༔ དེ་ནས་གཏོར་མ་ཐོགས་ལ༔ ཧཱུྃ༔ ཆོས་དབྱིངས་རྣམ་དག་གཏོར་གཞོང་དུ༔ ལྷུན་གྲུབ་རང་གསལ་གཏོར་མ་གཤམ༔ ཡེ་ཤེས་ལྔ་ཡི་གཏོར་རྒྱན་སྤྲས༔ རྩ་གསུམ་ལྷ་ཚོགས་སྒྲུབ་པའི་རྟེན༔ སྐལ་ལྡན་བུ་ལ་དབང་བསྐུར་བས༔ དཀྱིལ་འཁོར་ཀུན་ལ་དབང་ཐོབ་ནས༔ རིམ་གཉིས་དངོས་གྲུབ་མྱུར་ཐོབ་ཤོག༔ རྩ་སྔགས། མ་ཧཱ་བ་ལིཾ་ཏ་མཎྜ་ལ་སརྦ་ཨ་གྷི།ཥིཉྩ་ཧྲཱིཿ དེ་ནས་མཐའ་བརྟེན་གཏད་ཅིང་དམ་ཁས་བླངས༔ དབང་ཐོབ་སྐུ་དྲིན་མཎྜལ་ཕུལ༔ མེ་ཏོག་འཐོར་ཞིང་ཤིས་པ་བརྗོད༔ ལས་རྗེས་མི་མངོན་གསང་བ་གནད༔ ས་མ་ཡ༔ ཨེ་མ༔ ཟབ་དང་རྒྱ་ཆེའི་གདམས་པ་མང་ཡོད་ཀྱང་༔ ཀུན་གྱི་སྙིང་པོ་བཅུད་བསྡུས་ཟབ་མོའི་ཆོས༔ ཚིག་ཉུང་དོན་གསལ་གཅུས་དཀྲུགས་གབ་བསལ་ནས༔ ཁོ་མོ་མཚོ་རྒྱལ་བདག་གིས་ཡི་གེར་བཏབ༔ ག་ག་ཧྲཱི་དང་རྡོ་རྗེ་ཞི་བ་མཚོར༔ སྙིགས་མའི་འགྲོ་བ་སྐྱོབ་པའི་ཕྱིར་དུ་གཏད༔ ད་དུང་མ་སྤེལ་འཕྲུལ་གྱི་ཡི་གེར་ཐོབ༔ མ་འོང་སྙིགས་མ་ ཉི་ཤུ་ཁ་རལ་དུས༔ མདོ་ཁམས་ཆུ་གསུམ་འདུས་པའི་ཉེ་ཆ་རུ༔ ཆུ་འབྲུག་ལོ་པ་ཌཱ་ཀི་པདྨའི་རིགས༔ ཆོས་འདི་བཏོན་ནས་འགྲོ་བའི་དོན་བྱེད་ངེས༔ ནག་པོ་བདུད་ཀྱིས་བསྟན་ལ་མ་འཚེ་ན༔ གཏེར་གཉིས་བསྟན་པ་དེ་ཡིས་འཛིན་པ་འབྱུང་༔ སྐལ་ལྡན་ལས་འཕྲོ་ཅན་དང་འཕྲདཔར་ཤོག༔ སྐལ་མེད་ལོག་ལྟ་ཅན་ལ་འདི་མ་འཕྲད༔ བཀའ་སྲུང་དྲེགས་པའི་ཚོགས་ཀྱིས་གཉེར་གྱིས་ཤིག༔ ཐུབ་པར་སྲུངས་ཤིག་བཛྲ་ས་མ་ཡ༔ ཟབ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ བརྡ་ཐིམ༔ ༔ ཅེས་པ་འདི་ཡང་རང་གི་ཉེ་གནས་དམ་པ་བུ་ཆུང་ཤཱི་ལ་བཛྲ་དང་། བུ་མོ་ག་ག་ཏཱ་རི་གཉིས་ཀྱི་བཞེད་ངོར་སྙོམས་ལས་པ་མདོ་མེད་འཆོལ་མོ་སུ་ཁ་བཛྲ་གྱིས་ཉམས་ཆོས་ཡིག་རིས་སུ་བྲིས་པའོ། །དགེའོ།། །། 288 TI1394-290 TI1394-290 ༢ཀམ ཆོས་ཉིད་མཁའ་འགྲོའི་གསང་མཛོད་ལས༔ འགྲོ་འདུལ་འཕགས་པའི་དབང་གི་ཆ་ལག་གབ་ཐིག་བཞུགས༔ ན་མོ་པདྨ་ཀཱ་ར་ཡེ༔ རྡོ་རྗེ་ཐོདཕྲེང་རྩལ་ལ་འདུད༔ ཕྱི་རབས་འཕགས་པའི་དཀྱིལ་འཁོར་དུ༔ འཇུག་ཕྱིར་དབང་གི་ཡན་ལག་ཆོག༔ གབ་ཐིག་ཟབ་མོ་འདི་རུ་བཀོད༔ སྐལ་ལྡན་བུ་ཡིས་ཉམས་སུ་ལོངས༔ ས་མ་ཡ༔ དང་པོ་སྐྱབས་སུ་འགྲོ་བ་ནི༔ ན་མོ༔ དུས་གསུམ་སངས་རྒྱས་འདུས་པའི་དཔལ༔ འགྲོ་འདུལ་འཕགས་པའི་དཀྱིལ་འཁོར་ལ༔ བདག་ནི་གུས་པས་སྐྱབས་སུ་མཆི༔ བྱང་ཆུབ་བར་དུ་སྐྱབ་ཏུ་གསོལ༔ ལན་གསུམ་རྗེས་སུ་ཟློས༔ གཉིས་པ་སེམས་བསྐྱེདནི༔ ཧོཿ མ་གྱུར་འགྲོ་བ་སེམས་ཅན་ཀུན༔ རྣམ་མཁྱེན་རྫོགས་པའི་སངས་རྒྱས་ཕྱིར༔ འགྲོ་འདུལ་འཕགས་པའི་དཀྱིལ་འཁོར་དུ༔ ཡང་དག་ལམ་འཇུག་སེམས་བསྐྱེད་དོ༔ ལན་གསུམ་རྗེས་ཟློས་བྱ༔ གསུམ་པ་ཡན་ལག་བརྒྱད་པ་ནི༔ ཧོ༔ བླ་མ་ལྷ་ཡི་དཀྱིལ་འཁོར་དུ༔ སྒོ་གསུམ་མི་ཕྱེད་དད་པ་ཡི༔ གུས་པ་ཆེན་པོས་ཕྱག་འཚལ་ལོ༔ དངོས་སུ་འབྱོར་དང་ཡིད་ཀྱིས་སྤྲུལ༔ རྣམ་གསུམ་དག་པའི་མཆོད་པ འབུལ༔ སོ་ཐར་བྱང་སེམས་གསང་སྔགས་ཀྱི༔ སྡོམ་བསླབ་དམ་ཚིག་ཉམས་པ་བཤགས༔ སློབ་པའི་ལམ་ནས་འཕགས་པའི་སར༔ དགེ་ཚོག་ཀུན་ལ་རྗེས་ཡི་རང་༔ འགྲོ་བ་གང་ལ་ གང་འདུལ་གྱི༔ ཆོས་ཀྱི་འཁོར་ལོ་བསྐོར་བར་བསྐལ༔ རྒྱལ་དང་དེ་སྲས་བྱང་སེམས་ཚོགས༔ མྱ་ངན་མི་འདའ་བཞུགས་གསོལ་འདེབས༔ དུས་གསུམ་བསགས་པའི་རྣམ་དཀར་དགེ༔ མ་གྱུར་འགྲོ་བ་ཡོངས་ལ་བསྔོ༔ ཀུན་ཀྱང་ཚོགས་གཉིས་རབ་རྫོགས་ནས༔ ཕྱམས་གཅིག་རྫོགས་སངས་རྒྱས་གྱུར་ཅིག༔ ཚིག་མཇུག་ལན་གསུམ་རྗེས་ཟློས་བྱ༔ བཞི་པ་དམ་ཆུ་སྦྱིན་པ་ནི༔ སློབ་དཔོན་གྱིས༔ འོ༔ སྐལ་ལྡན་རིགས་ཀྱི་བུ་རྣམས་ཉོན་ཅིག༔ དངོས་གྲུབ་ཐམས་ཅད་ཀྱི་འབྱུ་གནས་དབང་དང་༔ དབང་གི་སྲོག་དམ་ཚིག་ཡིན་པས་སློབ་དཔོན་གྱིས་བསྒོ་བའི་བཀའ་བཞིན་སྡོམ་པ་གསུམ་གྱི་གནད་ལས་ནམ་ཡང་འདའ་བར་མི་བྱའོ་སྙམ་པའི་ངང་ནས་རྡོ་རྗེའི་དམ་ཚིག་གི་ཆུ་འདི་གཡས་ཀྱིས་ལོང་ལ་ཧུབ་གསུམ་བྱའོ༔ ལྷག་མ་ཅུང་ཟད་གཡོན་རྒྱབ་ཏུ་དོར་ལ་སྔར་བྱས་སྒོ་གསུམ་གྱི་ཉེས་པ་ཐམས་ཅད་སྦྱང་བར་བསམ་ལ༔ ཧཱུྃ༔ འདིའི་དམ་ཚིག་རྡོ་རྗེའི་ཆུ༔ ཁྱོད་ཀྱི་ངག་ཏུ་བླུདཔ་ཡིས༔ དམ་བསྲུང་ཚེ་འདིར་དངོས་གྲུབ་བརྙེས༔ མཆོག་གི་རིག་འཛིན་ས་ཐོབ་འགྱུར༔ དམ་ལས་འདས་ན་མེས་ཚིག་ནས༔ ན་རཀ་གནས་སུ་ལྟུང་བར་ངེས༔ དེ་ཕྱིར་དམ་ཚིག་ཚུལ་བཞིན་སྲུངས༔ བཛྲ་ས་མ་ཡ་ན་ར་ཀན༔ སྔགས་རྗེས་ཟློས་བྱ༔ ལྔ་པ་མིག་དར་འཆིང་བ་ནི༔ མ་རིག ཀིཾ༔ པའི་ལིང་ཐོག་བསལ་བའི་ཕྱིར་དར་དམར་གྱིས་གདོང་བཅིང་བའི་མོས་པ་མཛོད༔ ཨོཾ་ཙཀྵུ་བྷནྡྷ་ཝཱ་ར་མ་ཎ་ཡེ་སྭཱ་ཧཱ༔ དྲུག་པ་མེ་ཏོག་སྦྱིན་པ་ནི༔ སྔོན་འབྲེལ་གྱི་ལྷ་དང་མཇལ་བའི་ཕྱིར་མེ་ཏོག་གི་ཕྲེང་བ་རེ་འཛིན་པའི་མོས་པ་མཛོད༔ ཨོཾ་ཨ་ཁཾ་ཝི་ར་ཧཱུྃ༔ བདུན་པ་སློབ་མ་ལྷར་བསྐྱེདཔ་ནི༔ ལས་ཆུ་འཐོར་ལ༔ ཨོཾ་མ་ཧཱ་ཤུ་ནྱ་ཏཱཿ སོགས། ཧཾ༔ གཟུང་འཛིན་གཉིས་སྣང་གི་ཆོས་ཐམས་ཅད་སྟོང་པ་ཉིད་དུ་གྱུར༔ སྟོང་པའི་ངང་ལས་བདག་མདུན་གསལ་སྣང་སྒྱུ་མ་ལྟ་བུའི་ཏིང་ངེ་འཛིན་གྱི་མཐུས༔ སློབ་མའི་རྒྱུད་ཀྱི་ནད་གདོན་སྡིག་སྒྲིབ་གདོས་བཅས་ཀྱི་ཕུང་པོ་དང་བཅས་པ་ཐམས་ཅད་འཇའ་ཚོན་ནམ་མཁའ་ལ་ཡལ་བ་ལྟར་ཆོས་དབྱིངས་སྟོང་པ་ཆེན་པོའི་ངང་དུ་ཞིག་པར་གྱུར༔ སྟོང་པའི་ངང་ལས༔ མ་ཆགས་པདྨ་ཉི་ཟླའི་སྟེང་༔ སློབ་མ་སྐད་ཅིག་དྲན རྫོགས་སུ༔ འགྲོ་འདུལ་འཕགས་པ་སྤྱན་རས་གཟིགས༔ དཀར་གསལ་ཞལ་གཅིག་ཕྱག་བཞི་པ༔ དང་པོས་ཐུགས་ཀར་ཐལ་མོ་སྦྱར༔ འོག་གཉིས་ཤེལ་ཕྲེང་པད་ཀར་འཛིན༔ ཞབས་གཉིས་རྡོ་རྗེའི་སྐྱིལ་ཀྲུང་བཞུགས༔ སྐུ་ལ་ལོངས་སྤྱོད་རྒྱན་རྣམས་རྫོགས༔ སྤྱན་གྱིས་འགྲོ་ལ་བརྩེ་བར་གཟིགས༔ མཚན་དཔེ་ཞི་བའི་ཚུལ་དགུ་ལྡན༔ དེ་ལྟར་གསལ་བའི་གནས་གསུམ་ ལས༔ འོད་འཕྲོས་དབྱིངས་བཞུགས་ཡེ་ཤེས་ལྷ༔ སྤྱན་དྲངས་བསྐྱེད་པའི་ལྷ་ལ་ཐིམ༔ བརྒྱད་པ་བྱིན་འབེབས་ནི༔ ཧཱུྃ་ཧྲཱིཿ འོག་མིན་གནས་དང་མཁའ་སྤྱོད་ཞིང་༔ པོ་ཏ་ལ་དང་རྔ་ཡབ་གླིང་༔ དག་པའི་ཞིང་ཁམ་རབ་འབྱམས་ན༔ བཞུགས་པའི་སངས་རྒྱས་བྱང་སེམས་དང་༔ དཔའ་བོ་མཁའ་འགྲོ་རྣལ་འབྱོར་ཚོགས༔ འགྲོ་འདུལ་འཕགས་པའི་རྣལ་རོལ་དུ༔ གནས་འདིར་སྤྱན་འདྲེན་བྱིན་ཆེན་ཕོབས༔ སློབ་མའི་སྒོ་གསུམ་བྱིན་གྱིས་རློབས༔ ལུས་ལ་སྐུ་ཡི་དབང་བྱིན་ཕོབས༔ རྡོ་རྗེའི་སྐུ་རུ་སྨིན་པར་མཛོད༔ ངག་ལ་གསུང་གི་དབང་རྡོ་རྗེའི་གསུང་དུ་བྱིན་གྱིས་རློབས༔ ཡིད་ལ་ཐུགས་ཀྱི་དབང་རྡོ་རྗེའི་ཐུགས་སུ་གྲོལ་བར་མཛོད༔ ཕྱི་ནང་གཞན་གསུམ་སྐུ་གསུམ་ཀློང་༔ ཡོངས་གྲུབ་ཆེན་པོར་བྱིན་ཆེན་ཕོབས༔ སྐུ་གསུང་ཐུགས་ཀྱི དབང་མཆོག་སྩོལ༔ བགེགས་དང་ལོག་འདྲེན་བར་ཆད་སོལ༔ མཆོག་དང་ཐུན་མོང་དངོས་གྲུབ་སྩོལ༔ ཨོཾ་གུ་རུ་ཨརྻ་ལོ་ཀི་ཤྭ་ར་སརྦ་ས་པཱ་རི་ཝཱ་ར་བཛྲ་ས་མ་ཡ་ཛ་ཛ་ཕེཾཕེཾ་ཨ་བེ་ཤ་ཡ་ཨ་ཨ༔ མེ་ཏོག་འཐོར་ཞིང་༔ ཡེ་ཤེས་དབབ་པ་དེ་ཉིད་སློབ་མའི་སྒོ་གསུམ་ལ་རབ་ཏུ་གནས་ནས་ཇི་སྲིད་སངས་མ་རྒྱས་ཀྱི་བར་དུ་བརྟན་པར་གྱུར་ཅིག༔ ཏིཥྛ་བཛྲ་ཏིཥྛ་བཛྲ༔ ཞེས་བརྗོད་དབང་གཞུང་ ཀ 肖ཉིད་དུ་འཇུག༔ ས་མ་ཡ༔ དེ་ལྟར་དབང་གི་གབ་ཐིབ་ཟབ་མོ་འདི༔ འཕྲུལ་གྱི་བརྡ་བཏབ་གཏེར་གྱི་སྲུང་མར་གཏད༔ མ་འོངས་སྐལ་ལྡན་གཅིག་དང་འཕྲད་པར་སྨོན༔ གཏེར་སྟོན་ཨེ་འོང་གཏེར་བདག་རང་ལ་རག༔ ལས་དང་སྨོན་ལམ་རྟེན་འབྲེལ་མ་ལོག་དགོས༔ སྙིགས་མའི་འགྲོ་བའི་བསམ་སྤྱོད་ཨ་རེ་སྡུག༔ གཡོ་སྒྱུས་རྒྱུད་གང་རྫུན་ཚིག་ས་སྟེང་སྤེལ༔ རང་བསྟོད་གཞན་སྨོད་ལྐོག་ཏུ་ནག་ཆང་སྤྱོད༔ དཀོར་ནས་དུག་འཚོའི་ཟས་ལ་རྩི་བཞིན་མཐོང་༔ ལ་ཡོག་སྡུག་བསྔལ་སྣ་ཚོགས་རིན་གྱིས་ཉོ༔ དེའི་དུས་དམ་ཚིག་ཟོལ་ཟོག་མེད་པ་ཡིས༔ གཏེར་དང་གཏེར་མིན་དབྱེ་བ་བྱེད་པ་ནི༔ ཁོ་མོ་མཚོ་རྒྱལ་བདག་གི་སྙིང་གཏམ་ཡིན༔ ཆོས་འདི་སྐལ་ལྡན་བུ་དང་འཕྲད་པར་ཤོག༔ དམ་ཉམས་ལོག་རྟོག་ཅན་ལ་འདི་མ་འཕྲད༔ བཀའ་སྲུང་དྲེགས་པ་རྣམས་གསུམ་གཉེར་གྱིས་ཤིག༔ ས་མ་ཡ༔ ཟབ་རྒྱ༔ གཏད་རྒྱ༔ སྦས་རྒྱ༔ ༔ ཅེས་པ་འདི་ཡང་བུ་སློབ་རྣམས་ཀྱི་བཞེད་སྐོང་དུ་ཀུན་བཟང་བདེ་སྐྱོང་ཆོས་ཉིད་དབང་མོས་ཉམས་ཆོས་ཡིག་རིས་སུ་བྲིས་པའོ༔ ཧེ་ཧི༔ གཏེར་མིན་བརྫུན་ཚིག་འདི་འདྲ་ངལ་བའི་རྒྱུ༔ རང་གཞན་གཉིས་ཕུང་དགེ་སྦྱོར་གཡེང་བའི་གཞི༔ འབྲི་འདུན་བསམ་པ་གཏིང་ནས་མེད་མོད་ཀྱང་༔ འདྲེན་སྟོན་ཆོས་རྗེ་གྲུབ་དབང་རིག་པ འཛིན༔ གཏེར་ཆེན་བླ་མ་རྣམས་ཀྱི་བཀས་གནང་དང་༔ བུ་སློབ་སྐྱེ་བུ་རྣམས་ཀྱི་འདོད་དོན་བཞིན༔ གང་དྲན་ཡིག་རིས་བྲིས་པ་མ་གཏོགས་པའི། རང་ཆེ་ང་རྒྱལ་ལ་སོགས་ཉོན་མོངས་ཀྱིས༔ རྒྱུད་བསླུས་ཚིག་གཅིག་བྲིས་པ་བདག་ལ་མེད༔ དེ་ཕྱིར་གཏེར་དང་གཏེར་མིན་འབྱེད་མ་ཤེས༔ དཔྱོད་ལྡན་བུ་སློབ་རྣམས་ཀྱིས་མཁྱེན་པར་མཛོད༔ བདེ་བའི་རྡོ་རྗེས་སོ།། །། སུ་ཁ་བཛྲ་TI1394-296 སུ་ཁ་བཛྲ་TI1394-296 ཀྵྨཾ རྴ ཆོས་ཉིད་མཁའ་འགྲོའི་གསང་མཛོད་ལས༔ དབང་ཆེན་བརྒྱུད་པའི་གསོལ་འདེབས་ཡིད་བཞིན་ནོར་བུ་བཞུགས༔ ཨེ་མ་ཧོཿ ཆོས་སྐུ་སྣང་བ་མཐའ་ཡས་ལ་གསོལ་བ་འདེབས༔ འོད་གསལ་ཆོས་སྐུ་རྟོགས་པར་བྱིན་གྱིས་རློབས༔ ལོངས་སྐུ་ཐུགས་རྗེ་ཆེན་པོ་ལཿ འོད་གསལ་ཆོས་སྤྲུལ་སྐུ་པདྨ་འབྱུང་གནས་ལཿ འོད་གསལ་ཆོསཿ མཁའ་འགྲོ་ཡེ་ཤེས་མཚོ་རྒྱལ་ལ་འོད་གསལ་ཆོསཿ གྲུབ་ཆེན་ནམ་མཁའི་སྙིང་པོ་ལཿ འོད་གསལ་ཆོསཿ རྒྱལ་བ་མཆོག་དབྱངས་ཤེལ་དཀར་བཟའ་དང་ནི༔ མཆོག་ཏུ་མི་འགྱུར་བདེ་བའི་རྡོ་རྗེ་སོགས༔ རྩ་བརྒྱུད་བླ་མའི་ཚོགས་ལ༔ འོད་གསལ་ཆོསཿ ཡི་དམ་དབང་ཆེན་པདྨ་ཧེ་རུ་ཀ༔ མཁའ་འགྲོ་ཡོངས་འདུས་རྡོ་རྗེ་ཕག་མོ་དང་༔ བཀའ་སྲུང་དམ་ཅན་རྒྱ་མཚོའི་ཚོགས་བཅས་ལ༔ གསོལ་བ་འདེབས་སོ་གྲུབ་གཉིས་དངོས་གྲུབ་སྩོལ༔ དེ་ལྟར་གསོལ་བ་བཏབ་པའི་བྱིན་རླབས་ཀྱིས༔ རིམ་གཉིས་ཟབ་མོའི་ལམ་ལ་ཞུགས་ནས་ཀྱང་༔ སྐུ་གསུམ་གོ་འཕང་མངོན་དུ་གྱུར་བ་དང་༔ དོན་གཉིས་མཛད་པ་ལྷུན་གྱིས་འགྲུབ་པར་ཤོག༔ ཅེས་པ་འདིའང་སུ་ཁ་བཛྲ་གྱིས་བྲིས་པའོ།། །།ཆོས་ཉིད་མཁའ་འགྲོའི་གསང་མཛོད་ལས༔ དབང་ཆེན་ཟབ་གནད་སྔོན་འགྲོའི་འཇུག་ཆོས་བཞུགས་སོ༔ དབང་ཆེན་འཇུག་ཆོས་ ཟབ་མོ་ཡི༔ དང་པོ་སྐྱབས་སུ་འགྲོ་བ་ནི༔ ན་མོ༔ སོར་རྟོགས་ཡེ་ཤེས་ཆགས་བྲལ་དོན་གྱི་ལྷ༔ དབང་ཆེན་ཡབ་ཡུམ་དཀྱིལ་འཁོར་ལྷ་ཚོགས་ལ༔ རང་བཞིན་གཉུག་མའི་ངང་དུ་སྐྱབས་སུ་མཆི༔ བློ་བྲལ་བདེ་བ་ཆེན་པོའི་དོན་རྟོགས་ཤོག༔ ལན་གསུམ་བརྗོད༔ གཉིས་པ་སེམས་བསྐྱེད་པ་ནི༔ ཧོཿ མ་རིགས་འཁོར་བར་འཁྱམས་པའི་འགྲོ་བ་ཀུན༔ འཁོར་བ་སྡུག་བསྔལ་མཚོ་ལས་སྒྲོལ་བའི་ཕྱིར༔ སྨོན་འཇུག་དོན་དམ་བྱང་ཆུབ་སེམས་བསྐྱེད་དོ༔ ཆོས་ཉིད་དོན་གྱི་གནས་ལུགས་མངོན་གྱུར་ཤོག༔ ལན་གསུམ་བརྗོད༔ གསུམ་པ་ཡན་ལག་བདུན་པ་ནི༔ ཧོཿ དབང་ཆེན་དཀྱིལ་འཁོར་ལྷ་ཚོགས་ལ༔ བདག་སོགས་གུས་པས་ཕྱག་འཚལ་ལོ༔ དངོས་འབྱོར་ཡིད་སྤྲུལ་མཆོད་པ་འབུལ༔ ཉམས་ཆགས་སྡིག་སྒྲིབ་མཐོལ་ལོ་བཤགས༔ རང་གཞན་དགེ་ལ་རྗེས་ཡི་རང་༔ བླ་མེད་ཆོས་ཀྱི་འཁོར་ལོ་བསྐོར༔ རྒྱལ་ཀུན་མྱ་ངན་མི་འདར་བཞུགས༔ དགེ་ཚོགས་མ་གྱུར་འགྲོ་ལ་བསྔོ༔ གདོད་མའི་གཞི་ལ་སངས་རྒྱས་ཤོག༔ བཞི་པ་ཚོགས་བསགས་མཎྜལ་ནི༔ ཏྲཱྃཿ སྟོང་གསུམ་རི་རབ་གླིང་བཞི་ཡིད་འོང་ལྡན༔ ལྷ་མིའི་ལོངས་སྤྱོད་དཔལ་འབྱོར་མ་ལུས་དང་༔ བདག་ལུས་ཕུང་པོ་ཁམས་དང་སྐྱེ་མཆེད་དང་༔ གསང་བ་རིག་སྟོང་ཐིག་ལེའི་མཎྜལ་བཀོད༔ ༈ རྴ དབང་ཆེན་དྲག་པོའི་དཀྱིལ་འཁོར་ལྷ་ལ་འབུལ༔ བཞེས་ནས་དབང་དང་དངོས་གྲུབ་སྩལ་དུ་གསོལ༔ ཏྲཾ་རཏྣ་མཎྜ་ལ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཨཱཿཧཱུྃ༔ ཞེས་བརྗོད་ཚོགས་ཞིང་ལྷ་ཚོགས་རང་ལ་བསྡུ༔ ས་མ་ཡ༔ ཞེས་པ་འདིའང་སུ་ཁ་བཛྲ་གྱིས་དག་པར་བྲིས་པའོ།། །། བ༢ ་དུ 297 TI1394-299 TI1394-300 གངྒ་བརྒྱཐུགམཿ ཆོས་ཉིད་མཁའ་འགྲོའི་གསང་མཛོད་ལས༔ པདྨ་དབང་གི་སྒྲུབ་ཐབས་ཁམས་གསུམ་རྣམ་རྒྱལ་འདོད་དགུའི་གཏེར་མཛོད་ཤིན་ཏུ་ཟབ་པ་རཏྣའི་རྒྱ་ཅན་བཞུགས༔ ༔ 商ན་མོ་གུ་རུ་པདྨ་ཀྲོ་དྷ་ཡེ༔ རྟ་མགྲིན་ཧེ་རུ་ཀ་ལ་འདུད༔ བདག་འདྲ་པདྨ་ཐོད་ཕྲེང་གིས༔ མ་འོངས་རྗེས་འཇུག་བུའི་དོན་དུ༔ ཟབ་པའི་ཡང་བཅུད་ཡིད་བཞིན་ནོར༔ པདྨ་དབང་གི་སྒྲུབ་ཐབས་ནི༔ ཁམས་གསུམ་རྣམ་རྒྱལ་གདམས་པ་བསྟན༔ སྐལ་ལྡན་བུ་ཡིས་ཉམས་སུ་ལོངས༔ ས་མ་ཡ༔ ལ་ཤི༒ཿ དེ་ནས་སྒྲུབ་པའི་རིམ་པ་ལ༔ དབེན་ཞིང་ཉམས་དགའ་འཚེ་བ་བྲལ༔ ཉམས་པ་མེད་ཅིང་གཙང་བའི་སར༔ ཡིད་འོང་དཀྱིལ་འཁོར་ལེགས་པར་བཀོད༔ ཀུན་འདུས་གཏོར་མ་རིན་ཆེན་འབར༔ སྨད་ཟླུམ་སྟོད་ཟུར་གསུམ་པ་དང་༔ མདུན་དུ་ཨུཏྤལ་ནོར་བུའི་དབྱིབས༔ པ་ཏྲ་ནོར་ཕྲེང་གྲི་ཐོད་དང་༔ རྡོ་རྗེའི་མཚན་མས་ལེགས་པར་བརྒྱན༔ ཕྱི་ནང་གསང་མཆོད་ལ་སོགས་བཤམས༔ བཅའ་རིམ་སྟ་གོན་ཚང་བའི་རྗེས༔ བགེགས ༄།། ཀ་ཤོཿ བསྐྲད་སྲུང་འཁོར་བསྒོམ་པ་དང་༔ དམ་བཟུང་བྱིན་འབེབས་མཆོད་བྱིན་བརླབས༔ བཤགས་པ་ཏིང་འཛིན་རྣམ་པ་གསུམ༔ ལྷ་བསྐྱེད་སྤྱན་འདྲེན་བཞུགས་གསོལ་དང་༔ ཕྱག་འཚལ་མཆོད་བསྟོད་ནོངས་པ་བཤགས༔ ཛཔ྄་ཀྱི་ལས་རིམ་བཅུ་གཉིས་རྫོགས༔ ས་མ་ཡ༔ དེ་ནས་དང་པོ་བགེགས་ལ་བཀའ་བསྒོ་བ་ནི༔ ཧཱུྃ་ཧྲཱིཿ རང་ཉིད་ལྷ་ཡི་ཏིང་འཛིན་གྱིས༔ འོད་དང་འོད་ཟེར་ཚྭ་ཚྭ་འཕྲོས༔ ཡང་དག་སྒྲུབ་ལ་བར་གཅོད་པའི༔ ལོག་འདྲེན་བགེགས་ཚོགས་ཐམས་ཅད་ཀུན༔ གསང་བའི་གནས་འདིར་མ་འདུག་པར༔ རྒྱ་མཚོ་ཆེན་པོའི་ཕ་མཐར་སོང་༔ གལ་ཏེ་མི་འགྲོ་གནས་གྱུར་ན༔ བདག་ཉིད་ཁྲོ་བོའི་ཚོགས་རྣམས་ཀྱིས༔ མཚོན་ཆ་སྣ་ཚོགས་ཆར་དུ་ཕབ༔ བགེགས་ རྣམས་བརླག་པར་གདོན་མི་ཟ༔ དེ་བས་མ་གནས་ཕྱིར་གདེངས་ཤིག༔ ཨོཾ་ཧྲཱིཿཔདྨ་ཀྲོ་དྷ་ཧྱ་གྲཱི་ཝ་ཧཱུྃ༔ ལོག་འདྲེན་འབྱུང་པོ་ཐམས་ཅད་ཨུ་ཙ་ཏ་ཡ་ཧཱུྃ་ཕཊ༔ ཧཱུྃ་བཞི་དང་དྲག་སྔགས་ཀྱིས་བསྐྲད༔ གཉིས་པ་སྲུང་འཁོར་བསྒོམ་པ་ནི༔ ཧཱུྃ༔ མི་འགྱུར་མི་ཤིག་ཐིག་ལེ་འོད་ལྔའི་ཀློང་༔ སྟེང་འོག་ཕྱོགས་མཚམས་མཚོན་ཆའི་གུར་དུ་གྱུར༔ གཞོམ་གཞིག་མེད་པ་ཡེ་ཤེས་ཆེན་པོའི་ཀློང་༔ གཉིས་འཛིན་འཁྲུལ་པའི་བགེགས་ཀྱིས་གླགས་མི་རྙེད༔ བསྲུང་བའི་འཁོར་ལོ་རྡོ་རྗེའི་གུར་དུ་གྱུར༔ ཨོཾ་ཧྲཱིཿཔདྨ་ཀྲོ་ངྷ་བྷྲཾ་བཛྲ་རཀྵ་རཀྵ་ཧཱུྃ༔ གསུམ་པ་དམ་བཟུང་ནི༔ ཧཱུྃ༔ རང་རིག་འགྱུར་མེད་ཡེ ཤེསལྷ༔ རང་ཞལ་སོ་མ་མཇལ་བའི་ཕྱིར༔ ཡི་དམ་དབང་ཆེན་ལྷ་ཚོགས་རྣམས༔ ཡེ་ནས་འགྱུར་མེད་སྲོག་ལྟར་བཟུང་༔ ཙིཏྟ་བཛྲ་ས་མ་ཡ་ཧཱུྃ༔ བཞི་པ་བྱིན་དབབ་པ་ནི༔ ཧཱུྃ་ཧྲཱིཿ འོག་མིན་ཆོས་དབྱིངས་རབ་འབྱམས་ཞིང་ཁམས་ན༔ བཞུགས་པའི་རྒྱལ་བ་སྲས་དང་བཅས་པ་དང་༔ ཁྱད་པར་པདྨ་དབང་ཆེན་ལྷ་ཚོགས་རྣམས༔ གནས་འདིར་སྤྱན་འདྲེན་བྱིན་ཆེན་དབབ་ཏུ་གསོལ༔ རྣལ་འབྱོར་བདག་ལ་དབང་ཆེན་བསྐུར་དུ་གསོལ༔ དཀྱིལ་འཁོར་མཆོད་རྫས་རྣམས་ལ་བྱིན་ཆེན་ཕོབས༔ བགེགས་དང་ལོག་འདྲེན་བར་ཆད་ཀུན་སེལ་ལ༔ སྐུ་གསུང་ཐུགས་ཀྱི རྴམཿ དངོས་གྲུབ་སྩལ་དུ་གསོལ༔ ཨོཾ་ཧྲཱིཿཔདྨ་ཀྲོ་ངྷ་ཧྱ་གྲཱི་ཝ་ཧཱུྃ་བཛྲ་ཝ་ར་ཧི་བཾ་ཧ་རི་ནི་ས་བཛྲ་ས་མ་ཡ་ཛ་ཨ་བེ་ཤ་ཡ་ཨ་ཨ༔ ལྔ་པ་མཆོད་རྫས་བྱིན་བརླབ་ནི༔ ཧཱུྃ༔ སྣང་ཡུལ་ཐམས་ཅད་མཆོད་པའི་རྫས༔ ཕྱི་ནང་གསང་མཆོད་བསམ་མི་ཁྱབ༔ དབང་ཆེན་ལྷ་ཚོགས་དགྱེས་པའི་རྫས༔ ནམ་མཁའི་མཛོད་ཀྱི་རང་བཞིན་གྱུར༔ ཨོཾ་བཛྲ་ཨརྒྷཾ་སོགས། རཱུ་པ་ཤཔྡ་སོགས། མ་ཧཱ་སརྦ་པཉྩ་རཀྟ་བ་ལིཾ་ཏགུ་ཧྱ་པཱུ་ཛ་ཨཱཿཧཱུྃ༔ དྲུག་པ་བཤགས་པ་བྱ་བ་ནི༔ ཧོཿ བླ་མེད་གསང་བའི་དཀྱིལ་འཁོར་ལྷ༔ ཡེ་ནས་རང་དང་གཉིས་སུ་མེད༔ གཉིས་འཛིན་སྒྲིབ་པ་ཅི་བསགས་པ༔ གཉིས་མེད་བདེ་ཆེན་ཀློང་དུ་བཤགས༔ བཛྲ་ས་མ་ཡ་ཤུདྷེ་ཨ༔ བདུན་པ་ཏིང་འཛིན་རྣམ་གསུམ་དང་དངོས་གཞིའི་ལྷ་བསྐྱེད་ནི༔ ཧྲཱིཿ ཟང་ཐལ་བརྗོད་མེད་ཆོས་ཉིད་དེ་བཞིན་ཉིད༔ འོད་གསལ་གདངས་ལྔ་ལྷུན་གྲུབ་རོལ་རྩལ་ལས༔ བརྩེ་བའི་སྙིང་རྗེ་ཐུགས་རྗེའི་རྒྱུ་རུ་ཤར༔ བྷྲཾ་འཕྲོས་དབང་ཆེན་འབར་བའི་གཞལ་ཡས་ཁང་༔ དུར་ཁྲོད་ཆེན་པོ་འཁོར་ལོ་རྩིབས་བརྒྱད་དབུས༔ ཆོས་འབྱུང་ཟླ་གམ་དམར་པོ་སུམ་བརྩེགས་སྟེང་༔ རང་བྱུང་དབང་གི་ཕོ་བྲང་མཚན་ཉིད་རྫོགས༔ པདྨ་ཉི་ཟླ་བདུད་བགེགས་བསྣོལ་བའི་སྟེང་༔ རིག་པའི་ངོ་བོ་ཧྲཱིཿཡིག་འཕྲོ་འདུ ལས༔ རང་ཉིད་དཔལ་ཆེན་པདྨ་ཧེ་རུ་ཀ༔ སྐུ་མདོག་དམར་པོ་ཞལ་གཅིག་ཕྱག་བཞི་པ༔ ཕྱག་གཉིས་གྲི་ཐོད་འཛིན་ཅིང་ཡུམ་ལ་འཁྱུད༔ འོག་གཉིས་ལྕགས་ཀྱུ་ཞགས་པ་དམར་པོ བསྣམས༔ ཞབས་གཉིས་འདོར་སྟབས་བགེགས་ཚོགས་མ་ལུས་མནན༔ ཞལ་གདངས་ལྗགས་འདྲིལ་མཆེ་གཅིག་སྤྱན་གསུམ་ལྡན༔ རལ་པ་ཁམ་སེར་གྱེན་བརྫེས་ཐོད་སྐམ་བཅིངས༔ དབུ་གཙུག་རྟ་མགོ་དཀར་དམར་ལྗང་གསུམ་འཚེར༔ དབང་ཆེན་འབར་བའི་ཆས་ཀྱིས་རབ་ཏུ་བརྒྱན༔ ཁྲོ་བོའི་ཆས་རྫོགས་སྒེག་པའི་རྔམས་བརྗིད་ལྡན༔ གསང་བའི་ཡུམ་མཆོག་རྡོ་རྗེ་ཕག་མོ་ནི༔ དམར་སྐྱ་ཞལ་གཅིག་ཕྱག་གཉིས་གྲི་ཐོད་འཛིན༔ ཞབས་གཉིས་བརྐྱང་བསྐུམ་གར་སྟབས་ཡབ་ལ་འཁྲིལ༔ ཕག་ཞལ་ནག་པོ་སྤྱི་གཙུག་གྱེན་དུ་ངུར༔ སྐུ་ལ་ཁྲོབོའི་ཆས་རྫོགས་ཕོ་སྒྲ སྒྲོགས༔ ཡབ་ཡུམ་གཉིས་མེད་ཡེ་ཤེས་མེ་ཀློང་བཞུགས༔ དེ་ཡི་ཕྱི་རིམ་རང་ལས་སྤྲུལ་