Tibetan
རང་གི་རྒྱལ་ཚབ་ཏུ་མངའ་གསོལ་ཞིང་། རྒྱ་ཆེ་བ་ས་ཡི་གཏེར་ཆོས་ཉིད་མཁའ འགྲོའི་ཐུགས་ཏིག་དང་། ཟབ་མོ་དགོངས་གཏེར་གྱི་སྐོར་ཆོས་ཉིད་མཁའ་འགྲོའི་གསང་མཛོད་དེ་དག་གི་ནང་གསེས་སྙན་བརྒྱུད་དག་སྣང་གི་སྐོར་དང་། ཡང་གཏེར་འཕྲུལ་ཡིག་གི་སྐོར་སོགས ལ་མངའ་དབང་འབྱོར་ནས་ཁ་བྱང་ལུང་བསྟན་དང་བཅས་པས་དབུགས་དབྱུངས་མཛད་པ་ལ་བརྟེན་ནས ཇི་སྐད་ལྕགས་སྤྲུལ་རོལ་པའི་རྡོ་རྗེའི་གཏེར་ལུང་ལས། མཚོ་རྒྱལ་སྤྲུལ་པའི་དྷཱ་ཀི མས༔ བོད་ཁམས་གཉིས་པོ་རིམ་བཞིན་ཉུལ༔ འབྲེལ་ཐོགས་ཕོ་མོ་བདེ་ལ་བཀོད༔ ཅེས་པའི་ཚུལ་དུ། དགུང་ལོ་བཅུ་དྲུག་ལོན་ཚེ་འཇིག་རྟེན་འཁོར་བ་ལ་ཐུགས་འབྱུང་ནས་ཕ་ཡུལ ༄༅། །གཉེན་འབྲེལ་ལ་མ་ཆགས་པར། དཀའ་སྤྱད་དཔག་ཏུ་མེད་པའི་སྒོ་ནས་མདོ་སྨད་ཤར་ཕྱོགས་འགུ་ལོག་གི་ཡུལ་དུ་ཕེབས། ཐ་ན་འབྲི་ཀློག་ཙམ་ཡང་སྦྱངས་པ་ལ མ་ལྟོས་པར་སྐྱེ་བས་ཐོབ་པའི་མཁྱེན་རྟོགས་ཀྱི་རྩལ་ཁཀློང་ནས་བརྡོལ་ཏེ་བདེན་པ་གཉིས་བསྡུས་ཀྱི་ཆོས་རྣམས་ཐུགས་སུ་ཆུད། གཏེར་གནས་ཀྱི་གཙོ་བོ་རྨ་རྒྱལ་སྤོམ་ར། བྲག་དཀར་སྤྲེལ རྫོང་། ལྕགས་རི་འོད་འབར། བཀྲ་ཤིས་སྒོ་མང་སོགས་ནས་ཆོས་ནོར་དམ་རྫས་ཀྱི་གཏེར་ཁ་མངཔོ་ལ་ལ་ཁྲོམ་གཏེར་ངོ་མཚར་བ་དང་། ཕལ་ཆེ་མི་མངོན་པའི་ཚུལ་གྱིས་སྤྱན་དྲངས་ནས གདུལ་བྱའི་ཆུ་མཚོ་རྙོག་པ་དང་། ཐབས་གྲོགས་ཀྱི་རྟེན་འབྲེལ་འཕྱུགས་པའི་དབང་གིས་ཕལ་ཆེར་ཡང་གཏེར་དུ་རྒྱས་བཏབ། ལས་ཅན་ཆོས་བདག་རྣམས་ཀྱི་ངོར་འགའ་ཞིག་གཏན་ལ་ཕབ ནས་དར་རྒྱས་སུ་སྤེལ སྤྲུལ་པའི་གཏེར་སྟོན་ཆེན་པོ་པདྨ་འགྲོ་འདུལ་གསང་སྔགས་གླིང་པ། གསང་བདག་མི་འགྱུར་རྡོ་རྗེ། འགྲོ་འདུལ་དཔའ་བོ་རྡོ་རྗེ་ཡབ་སྲས་སོགས་རིས་མེད་ཀྱི་སྐྱེས་ཆེན་མང་པོ་ཞིག་ལ་དངོས་སྤྲུལ་ཅི་རིགས་པས་སྐུ་ཚེའི་བར་ཆད་བསལ་ནས་ཟབ་གཏེར་གྱི་བརྡ་འགྲོལ་རྨད་དུ་བྱུང་བ་མཛད། འོད་གསལ་རྫོགས་པ་ཆེན་པོའི་ལམ་ནས་རིག་པ་ཚད་ལ་ཕེབས་པའི རྟགས་སུ་སྐུ་ལུས་ལ་གྲིབ་མ་མི་མངའ་བ་སོགས་མངོན་སུམ་མཐུན་སྣང་དུ་གྲུབ། མཐར་བོད་ཁམས་སྤྱིའི་བསོད་ནམས་ཀྱི་མ་འཁྱོལ་པར་དགུང་ལོ་ཞེ་དགུར་ཕེབས་པ་ལྕགས་འབྲུག་ལོར་དབྱི་ཤོད་རི་བོ་ཆེའི་གདན་ས་ནས་དགོངས་པ་རེ་ཞིག་རྔ་ཡབ་པདྨ་འོད་དུ་མཐིང་འོད་འབར་མའི་ཐུགསཀར་བསྡུ་བའི་ཚུལ་བསྟན་ཚེ་སྐུ་གདུང་བྱིས་པ་ལོ་བརྒྱད་ཀྱི་ཚད་ཙམ་དུ་གྱུར་ཅིང་འབྱུང་བས་མི་ཤིག་པའི་གདུང་ཤཱ་རི་རམ་སྲན་འཕོས་ཙམ་ཕེབས་པ་སོགས་མངོན་པར་རྫོགས་པ་སངས་རྒྱས་པའི་རྟགས་མཚན་བཟང་པོས་སྐྱེ་བོ་ཀུན་དད་པ་ལ་བཀོད་པར་མཛད། མདོར་ན་སྐྱོན་ཟད་ཡོན་ཏན་རྫོགས པ་འབྲེལ་ཚད་རྣམ་པར་གྲོལ་བའི་ས་ལ་འགོད་པར་མཛད་པའི་མི་མིན་ཡེ་ཤེས་ཀྱི་ཌཱ་ཀི་ཆེན་མོ་དེ་ཉིད་ཀྱི་གསང་མཛོད་སྔ་ན་མེད་པ་སྟེ། འདི་ཉིད་ཀྱི་བླ་མ་བརྒྱུད་པའི་རིམ་པའང་། ཆོས་སྐུ་ཀུན བཟང་ཡབ་ཡུམ། དྲུག་པ་རྡོ་རྗེ་འཆང་ཆེན། སྟོན་པ་རྡོ་རྗེ་སེམས་དཔའ། གུ་རུ་དགའ་རབ་རྡོ་རྗེ། རིག་འཛིན་ཤྲཱི་སིངྷ། པཎ་ཆེན་བི་མ་མི་ཏྲ། ཨོ་རྒྱན་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ ལོ་ཆེན་བེེ་རོ་ཙ་ན། དགེ་སློང་ནམ་མཁའི་སྙིང་པོ། མཁའ་འགྲོ་ཤེལ་དཀར་རྡོ་རྗེ་མཚོ། ཀུན་དགའ་སུ་ཁ་སིདྡྷི། བདེ་ཆེན་བདེ་བའི་རྡོ་རྗེ། ཤེས་ ༄༅། །རབ་བདེ་ཆེན་རྡོ་རྗེའམ་སྐྱེས་མཆོག་ཚུལ་ཁྲིམས་རྡོ་རྗེ། དྲིན་ཆེན་རྩ་བའི་བླ་མའི་བར་དུ་རིམ་པར་བརྒྱུད་པ་ཡིན་ཏེ དེ་ཡང་བརྒྱུད་པའི་ཟམ་མ་ཆད། བྱིན་རླབས་ཀྱི་དྲོད་རྟགས་མི་འགྱངས། ནུས་པ་བསྲེ་བསླད་ཀྱིས་མ་བསྒྱུར། མ་དང་མཁའ་འགྲོའི་ཁ་རླངས་ཐུ་ལེ་བའི་སྐོར་ལས ད་ལམ་ཆེ་གེ་མོའི་སྒོ་ནས་དབང་བསྐུར་བ་སྐབས་སུ་བབ་པ་སྟེ། དེའང་བདག་སློབ་དཔོན་གྱི་བགྱི་བགོང་དུ་དགོས་པ་ཐམས་ཅད་ཚང་བ་ཡིན་ལ སློབ་མས་བྱ་བའི་རིམ་པ་བླ་མ་དང་དཀྱིལ་འཁོར་གྱི་གཙོ་བོ་ཐ་མི་དད་པའི་དྲུང་དུ་ཡོན་གྱི་མཎྜལ་འབུལ་བ་ཞུ། ཞེས་བརྡ་སྦྱར་ལ་དབང་ཆོག་གང་ཡིན་གྱི་དཀྱུས་ལ་འཇུག་གོ །ཞེས་པའང་རྒྱལ་ཡུམ་བདེ་སྐྱོང་དབང་མོའི་ཞབས་རྡུལ་ལ་སྤྱི་བོས་རེག་པའི་སྐལ་བཟང་ཐོབ་ཅིང་ལམ་འདིར་མི་འཕྲོག་པའི་དད་པ་བརྟན་པོ་རྙེད་པའི་རྒྱལ་ཁམས་ཀྱི་སྤྲང་སྨྱོན་ཁྲོ་རྒྱལ་རྡོ་རྗེས་བྲིས་པ་སྟེ། འདིས་ཀྱང་ཐེག་མཆོག་རྫོགས་པ་ཆེན་པོའི་རིང་ལུགས་ཕྱོགས་ཀུན་ཏུ་དར་ཞིང་རྒྱས་པའི་རྒྱུར་གྱུར་ཅིག། །།