Tibetan
ཆོས་ཐམས་ཅད་རིག་པའི་ ཆོ་འཕྲུལ་དུ་གདོད་ནས་བྱང་ཆུབ་པ་བསྐྱེད་པ་མ་ཧཱ་ཡོ་ག །དྲན་རིག་ཐམས་ཅད་འོད་གསལ་ཡངས་པ་ཆེན་པོ་ཀློང་དུ་དབྱིངས་ནས་སངས་རྒྱས་པ་ལུང་ཨ་ནུ་ཡོ་ག །རྒྱུ་རྐྱེན་རྩོལ་སྒྲུབ་ལ་མ་ལྟོས པར་ད་ལྟའི་རིག་པ་ལ་སྐུ་གསུམ་རང་ཆས་སུ་ཚང་བའི་གནད་ཤེས་པས་འཁོར་བ་མིང་མེད་དུ་སངས་རྒྱས་པ་རྫོགས་པ་ཆེན་པོ་ཨ་ཏི་ཡོ་གསྟེ། རྒྱུད་སྡེ་དེ་དག་རྒྱ་གར་དུ་ཡང་གསང་སྔགས་ཐུན་མོང་ལྟར་ཡོངས་སུ་མ་གྲགས་ཤིང་དབང་ཐོབ་པའི་བྱང་སེམས་དང་རིག་འཛིན་མཁའ་འགྲོའི་ཚོགས་ཀྱིས་བཟུང་སྟེ་གནས་པ་ལས་རིག་འཛིན་བརྒྱད་དང་། དེའི་ནང་ནས་ཀྱང་། སློབ་དཔོན་ཀླུ་སྒྲུབ དང་། པདྨ་འབྱུང་གནས། བི་མ་ལ་སོགས་ཀྱིས་རྫུ་འཕྲུལ་གྱི་བཀོདཔས་མཁའ་འགྲོའི་གསང་མཛོད་བརྡོལ་ཞིང་བླངས་ནས་བསྒྱུར་བས་ཟབ་གནད་དཔག་ཏུ་མེད་པ་ཡོད་དེ། དེ་ཡང་རྒྱུད ལས། ལོ་རྒྱུས་དོན་གྱིས་མ་བཤད་ན། །གསང་ཆེན་ངེས་པའི་བཀའ་འདི་ལ། །ཡིད་མི་ཆེས་པའི་སྐྱོན་དུ་འགྱུར །ཞེས་པ། འདིར་བརྒྱུད་པའི་ལོ་རྒྱུས་ཅུང་ཟད་གླེང་ན ཆོས་ཀྱི་དབྱིངས་འོད་གསལ་སྤྲོས་པ་དང་བྲལ་བའི་ཀློང་། རྒྱ་ཆད་ཕྱོགས་ལྷུང་མེདཔའི་ཞིང་ཁམས་ན་གདོད་ནས་མངོན་སངས་རྒྱས་པའི་སྟོན་པ་ཀུན་ཏུ་བཟང་པོ་ཞེས་བྱ་བ་ནང་གསལ་ཐིམ་ལ་མ་རྨུགས་ ༄༅། །པའི་ངོ་བོ་ཅིར་ཡང་མ་གྲུབ་ལ། སྐུ་ངོ་བོ་ཉིད་ཀྱི་རྣམ་རོལ་ཆེན་པོར་རྟག་ཏུ་བཞུགས་པའི་ཐུགས་རྗེ་འདུས་མ་བྱས་པའི་རང་གདངས་ལས། རྡོ་རྗེ་འཆང་དང་རིགས ལྔའི་སངས་རྒྱས་ལ་སོགས་པའི་རྣམ་པར་འཕྲུལ་ཏེ། འོག་མིན་གྱི་ཞིང་སོགས་སུ་རྟག་པ་རྒྱུན་གྱི་འཁོར་ལོར་བཞུགས་ནས། ཉིད་ལས་མི་གཞན་པའི་འཁོར་རང་སྣང་ཡེ་ཤེས་ཀྱི་སྐུ་ཅན་ཞི་ཁྲོ་རབ འབྱམས་ལོངས་སྤྱོད་རྫོགས་པའི་དཀྱིལ་འཁོར་རྣམ་འགྱུར་ཆ་ལུགས་དུ་མར་སྣང་ཞིང་མཚན་དང་དཔེ་བྱད་ཀྱི་མངའ་བདག་ཆེན་པོ། ཐུགས་ཀྱི་གསང་བ་འཛིན་པ་རྣམས་ལ ཐེག་པ་ཐམས་ཅད་ཀྱི་ཡང་རྩེ། མན་ངག་ཐམས་ཅད་ཀྱི་ཡང་ཞུན དགོངས་པ་ཐམས་ཅད་ཀྱི་མཐར་ཐུག །ཡང་ཟབ་རྫོགས་པ་ཆེན་པོའི་རྒྱུད་ཤློ་ཀ་འབུམ་ཕྲག་དྲུག་ཅུ་སོགས་དང་། རྫོགས་པ་ཨ་ནུ་ཡོ་ག བསྐྱེདཔ་མ་ཧཱ་ཡོ་ག་སྟེ་ནང་རྒྱུད་སྡེ་གསུམ་གྱི་དཀྱིལ་འཁོར་རྒྱ་མཚོའི་སྤྲིན་རྣམ་པར་བཀོད། ཡེ་ཤེས་ལྔའི་དགོངས་པས་སྒྲ་ཚིག་བརྗོད་པ་ལས་འདས་པའི་རིག་པའི་རྩལ་དབང་བསྐུར་སྟེ་རྒྱལ་བ་དགོངས་པའི་བརྒྱུད་པར་བྱིན་གྱིས་བརླབས དེ་ལྟ་བུའི་ལོངས་སྐུའི་སངས་རྒྱས་རྣམས་ཀྱི་དགོངས་པའང་ཆོས་དབྱིངས་མཉམ་གནས་ཆེན་པོའི་ངང་དུ་བཞུགས་ཀྱང་ཡེ་ཤེས་ཐུགས་རྗེའི་མཁྱེན་ པས་འགྲོ་བའི་དོན་རྗེས་སུ་བསྒྲུབ་པར་དགོངས་ཏེ་འཇིག་རྟེན་གྱི་ཁམས་སུ་ཐུགས་རྗེའི་སྤྲུལ་པ་ཚད་མེད་པར་བཀྱེ་བ་ལས་མཆོག་གི་སྤྲུལ་སྐུ་དགའ་རབ་རྡོ་རྗེ། རིགས་གསུམ་མཁྱེན་བརྩེ་མགོན པོ། རིག་ཅན་དྲྭ་མ་ལྔ། སྐལ་ལྡན་རྒྱལ་པོ་ཛཿསོགས་ལ་བརྡ་ཐབས་རྟེན་འབྲེལ་གྱི་སྒོ་ནས་རྒྱུད་སྡེ་རབ་འབྱམས་ཀྱི་དབང་བསྐུར་ཞིང་། རྒྱུད་དོན་བདེ་བླག་ཏུ་རྟོགས་པའི་དོན་བརྒྱུད་བྱིན་པས་རིག་འཛིན་བརྡ་བརྒྱུད་དུ་གྲགས་ཤིང་དེ་ནས་གྲུབ་པའི་སློབ་དཔོན་ཧཱུྃ་ཆེན་ཀཱ་ར་སོགས་ལ་དཀྱིལ་འཁོར་རབ་འབྱམས་ཀྱི་འབྱུང་ཁུངས་སྒྲུབ་སྡེ་བརྒྱད་ཀྱི་བར་དུ་རིམ་པར་དར་བ་ལས། རེ་ཞིག་གི་ཚེ་དུས་གསུམ་བདེ་གཤེགས་ཐམས་ཅད་ཀྱི་མཁྱེན་བརྩེ་ནུས་གསུམ་གཅིག་ཏུ་བསྡུས་པ་ཨོ་རྒྱན་དྷ་ན་ཀོ་ཤའི་མཚོ་གླིང་གི་པདྨའི་སྦུབས་སུ་རིག་འཛིན་གྱི་སློབ་དཔོན་པདྨ་འབྱུང་གནས་སུ་སྤྲུལ་པ་ལས། རྒྱལ་པོ་ཨིནྡྲ་བྷོ་དྷིས་སྤྱན་དྲངས་ཏེ་རང་གི་སྲས་སུ་མངའ་གསོལ རྒྱལ་སྲི་ཆོས་བཞིན་དུ་བསྐྱངས མཐར་འདོད་ཡོན་ལ་ཞེན་པ་སྤོང་ཕྱིར་རྒྱལ་སྲི་སྤངས་ནས་དུར་ཁྲོད་ཆེན་པོ་བསིལ་བའི་ཚལ་ལ་སོགས་པར་བརྟུལ་ཞུགས་ཀྱི་སྤྱོད་པ་མཛད་ནས་མ་མོ་དང་མཁའ་འགྲོ་རྣམས་དབང་དུ་བསྡུས། སློབ་དཔོན་པྲ་བྷ་ཧསྟི་ལས་རབ་ཏུ་བྱུང་ཞིང་དེས་ལུང་བསྟན་པ་ལྟར་དགེ་སློང ༄༅། །མ་ཀུན་དགའ་མོ་ལས་རྣལ་འབྱོར་ཆེན་པོའི་ཕྱི་ནང་གསང་བའི་དབང་རྣམས་རྫོགས་པར་མཛད། དུར་ཁྲོད་མེ་རི་འབར་བ་སོགས་སུ་སྤྲུལ་སྐུ་དགའ་རབ་རྡོ་རྗེ། རིག་འཛིན་ཤྲཱི་སིདྷི་སོགས་པཎ་གྲུབ་མང་པོ་ལས་རྒྱུ་དང་འབྲས་བུའི་ཐེག་པ་མཐའ་ཡས་པ་གསན། རྫུ་འཕྲུལ་ཡ་མ་ཟུང་གིས་ལོག་སྨྲ་མུ་སྟེགས་ཀྱི་སྡེ་རྣམས་ཚར་བཅད། བྲག་ཕུག་མཱ་ར་ཏི་ཀར་མནྡྷ ར་བས་སྒྲུབ་སྡེ་མོ་བྱས་ཏེ་ཉེ་རྒྱུའི་སྤྱོད་པས་ཚེ་དབང་རིག་འཛིན་གྱི་གོ་འཕང་བརྙེས། ཡང་ལེ་ཤོད་དུ་ཡང་དག་ལྷ་དགུའི་དཀྱིལ་འཁོར་ལ་བརྟེན་ནས་ཕྱག་རྒྱ་ཆེན་པོའི་དངོས་གྲུབ་ཐོབ། མཆོད་རྟེན་བདེ་བྱེད་བརྩེགས་པ་ནས་རྒྱུད་ལུང་མན་ངག་གི་གསང་མཛོད་ལ་རང་དབང་བསྒྱུར། མདོར་ན་སུམ་སྟོང་དྲུག་བརྒྱའི་བར་དུ་རྒྱ་གར་འཕགས་པའི་ཡུལ་མ་ལུས་པ་ཞབས་ཀྱིས་བཅགས། གུ་རུ་མཚན་བརྒྱད་ལ་སོགས་ཏེ་མཚན་དོན་ཐ་དད་པའི་སྒོ་ནས་ང་རྒྱལ་གྱིས་དྲེགས་པའི་རྒྱལ་པོ་སོགས་དང་། ལྟ་སྤྱོད་ཕྱིན་ཅི་ལོག་གི་སྟོན་པ་དང་། ལས་ཉོན་གྱིས་ཀུན་ནས་དཀྲིས་པའི་བར་མའི འགྲོ་བ་མཐའ་དག་ཕྲིན་ལས་རྣམ་པ་བཞི་ཡི་སྒོ་ནས་ཡང་དག་གི་ལམ་ལ་གཟུད་ཅིང་། ཤཱཀྱ་སེངྒེའི་བསྟན་པའི་སྒྲོན་མེ སྟོན་པའི་ཞལ་བསྐྱིན། གྲུབ་པའི་གཙུག་རྒྱན་མཚུངས་ཟླ་མ་མཆིས་ པའི་སྐབས་དེར། འཇམ་པའི་དབྱངས་ཁྲི་སྲོང་ལྡེའུ་བཙན་གྱིས་མཐའ་འཁོབ་མུན་པའི་གླིང་བོད་ཡུལ་དུ་སྤྱན་དྲངས་པ་ལ་བསྟན་པའི་སྒྲོན་མེ་སྦར་བའི་སླད་དུ་མཐུ་སྟོབས་ནུས་པས་ལྷ་སྲིན་སྡེ བརྒྱད། མགུར་ལྷ་དགེ་བསྙེན་རྣམས་བཀའ་རྟགས་ཕྱག་རྒྱའི་ཟིལ་འོག་ཏུ་བཅུག་ནས་བསྟན་སྲུང་དུ་བསྐོས། དཔལ་བསམ་ཡས་ལུགས་གསུམ་མི་འགྱུར་ལྷུན་གྱིས་གྲུབ་པའི་གཙུག་ལག་ཆེན་པོ་རྟེན་དང་བརྟེན་པར་བཅས་པ་འགྲོ་བའི་བསོད་ནམས་ཀྱི་ཞིང་དུ་བཞེངས་ནས་རབ་གནས་དང་མངའ་གསོལ་མཛད། པཎ་ཆེན་བི་མ་ལ་དང་བེེ་རོ་ཙཱ་ན་སོགས་ཏེ་སངས་རྒྱས་ཀྱི་ས་ལ་བཞུགས་པའི་པཎ་གྲུབ་ལོ་ཙཱ་མང་པོ་ལུང་བསྟན་ཅིང་མདོ་སྔགས་ཀྱི་བསྟན་པ་དར་བའི་ཞལ་བཀོད་མཛད། ས་གཞི་དང་གངས་བྲག་ཐམས་ཅད་དབེན་རི་དང་སྒྲུབ་གནས་སུ་བྱིན་གྱིས་བརླབས མངའ་བདག རྒྱལ་པོའི་དགོངས་པ་འགྲུབ་ཅིང་བོད་འབངས་ལ་བཀའ་དྲིན་འགྲན་ཟླ་མེད་པར་མཛད། དེའི་ཚེ་རྒྱ་གར་རྡོ་རྗེ་གདན་དང་མཉམ་པའི་གཙུག་ལག་ལྷ་ས་བསམ་ཡས་དང། ཁྲ་འབྲུག་གསུམ་དང་དབེནགནས་སྒྲུབ་རིའི་རྒྱལ་པོ་མཆིམས་ཕུའི་བྲི་གུགོང་འོག་རྣམས་སུ་རྗེ་འབངས་སྐལ་ལྡན་རྣམས་སྨིན་གྲོལ་གྱི་ལམ་ལ་བཀོདཔའི་ཚེ་སོ་སོར་དགོངས་པ་ཀློང་དུ་གྱུར་ནས་གྲུབ་རྟགས་ཡ་མ་ཟུང་སྟོན་ ༄༅། །པའི་གྲུབ་ཐོབ་ཏུ་གྱུར། དེ་དག་གི་ཚེ་གསང་སྔགས་ཐུན་མིན་ནང་རྒྱུད་གསུམ་གྱི་བཅུད་ཕྱུང་བ་ལྟ་བུའི་མན་ངག་ཟབ་རྒྱས་ཇི་སྙེད་ཅིག་རྗེ་མ་ཧཱ་གུ་རུ་ཉིད་ཀྱི་དགོངས་པའི་ཀློང་ནས་ཕྱུང་། མགུལ་གྱི་བུམ་པ་ནས་དྲངས། རྡོ་རྗེའི་ལྗགས་ལ་བཀྲམ། དུང་གི་ཚེམ་བར་བཤར་ཏེ རྒྱུད་ལས་སྒྲུབས་ཐབས་མན་ངག །མན་ངག་ལག་ལེན་དུ་བསྡེབས་ཏེ གདམས་པ་སྣ་རེས་ཀྱང་གང་ཟག་གཅིག་ཆོ་ག་གཞན་ལ་མི་ལྟོས་པར་སངས་རྒྱ་བའི་ཟབ་གནད་ཅན་དུ་བསྟན་པ་རྗེ་འབངས་སོ་སོ་ལ་བཀའ་བབས་ཀྱི་ངེས་པ་ལྟར་བཤད་པ་ལས། ཕལ་ཆེར་ཇོ་མོ་མཚོ་རྒྱལ་ཉིད་ཀྱིས་མི་བརྗེད་པའི་གཟུངས་ཀྱིས་བཟུང་ཞིང་ཌཱ་ཀྐིའི་བརྡ་རིས་རྣམ་གྲངས་མཐའ་ཡས་པར་བཏབ་ནས་གཏེར་དུ་སྦ་བའི་གཉེར་ཁ་མཛད། དེ་དག་ཀྱང་གུ་རུ་ཉིད་ཀྱིས་རབ་ཏུ གནས་ཤིང་མཐོང་གྲོལ་གྱི་བདེན་པ་ཅན་དུ་བྱིན་གྱིས་བརླབས མ་འོངས་པའི་དུས་ན་རང་རང་གི་ལས་འཕྲོ་སྐལ་པ་དང་བསྟུན་པར་འདོན་པར་དབང་བའི་སྐྱེས་བུ་དེ་ལ་སྨོན་ལམ་དབང་བསྐུར་གཏད་རྒྱ་ལུང་བསྟན་དང་བཅས་པས་འགྲོ་དོན་རླབས་པོ་ཆེ་འགྲུབ་པའི་མཚམས་སྦྱར་ནས། དམ་ཆོས་མི་ནུབ་པ་དང་། གདམས་ངག་མི་འཕྱུགས་པ་དང་བྱིན་རླབས་མི་ཡེལ་བ་དང་། བརྒྱུད་ཐག་ཉེ་བ་སྟེ་དགོས་པ་བཞི་དང་ལྡན་པར་དགོངས་ནས། མཚོན་བྱ་དོན་གྱི་མན་ངག་སྐུ་གསུམ་རང་བྱུང་གི་སྒྲོམ། མཚོན་བྱེད་ཚིག་གི་དཔེ་རྒྱུད་དང་མྱོང་གྲོལ་སྐུ་གསུང་ཐུགས་རྟེན་རྣམས མངའ་རིས་སྐོར་དུ་གངས་བྲག་ཉི་ཤུ དབུས་གཙང་དུ་གནས་ཆེན་ཉེར་གཅིག །ཁྱད་པར་དུ་འབྲས་མོ་ལྗོངས། ཟབ་བུ་ལུང་། པདྨ་བཀོད་དེ་སྦས་ཡུལ་གྱི་རྒྱལ་པོ་གསུམ། མདོ་ཁམས་སུ་གནས་ཆེན་ཉེར་ལྔ་སོགས་སུ་ས་རྡོ་ཆུ་ཤིང་གཙུག་ལག་ཁང་སོགས་སུ་འབྱུང་བ་ལྔའི་རྒྱས་བསྡམས་ཏེ་སྦས་པ་གཏེར་སྟོན་སངས་རྒྱས་བླ་མ་ནས་བཟུང་རིམ་པར་དུས་རྟགས་དང་མཚུངས་པར་མངོན་དུ་ཕྱུང་བའི་ནང་ཚན་ལས། ཁྱད་པར་དུ་འདིའི་ལོ་རྒྱུས་ཅུང་ཟད་ཞུན དེ་ཡང་ཇི་སྐད་དུ། མ་འོངས་སྐྱེ་བོ་བྱོལ་ཉོག་པས༔ གཟུ་ལུམ་རས་ཆོད་དར་བའི་ཚེ༔ ཟབ་ཆོས་ཕལ་གྱི་ནུས་མཐུ་ཡལ༔ བསྒྲུབ་ཀྱང་དོན་མེད་ངལ་བས་ན༔ བརྩེ་ཆེན་འགྲོ་ལ་ཕན་བཞེད་ནས༔ ཟབ་མོའི་གདམས་པ་ཇི་སྙེད་པ༔ བཀའ་རྒྱས་བཏབ་ནས་གཏེར་དུ་སྦས༔ དུས་རྟགས་གདུལ་བྱ་འཛོམས་པ་ན༔ རིམ་བཞིན་བཏོན་ནས་དོན་བྱེད་པར༔ སྨོན་ལམ་གཏེར་རྒྱས་གཉེར་དུ་གཏད༔ ཅེས་དང་། མ་འོངས་དུས་སུ་རྟོག་གི་ཐ་སྙད་མཁན༔ སྒོམ་ཆེན་ལ་སོགས ༄༅། །ཕྱོགས་དང་རིས་དྲེགས་ཅན༔ རང་ཆེ་འབྱིན་ཅིང་གཏེར་ལ་རྩོད་ན་ཡང་༔ སྙིགས་མའི་ཆོས་བྱེད་ཕལ་ཆེ་གཏེར་གྱིས་འདྲེན༔ ཟབ་ལ་ཁ་ཚང་མ་བསྒྲིབས་མཐའ རྒྱས་ཤིང་༔ གདམས་པ་སྣ་རེས་གང་ཟག་གྲོལ་བར་ངེས༔ ཞེས་དང་། ང་ཡིས་བོད་ཁམས་གཏེར་གྱིས་བཀང་ནས་ཡོད༔ དངོས་གྲུབ་འདོད་ནགཏེར་གནས་ཀུན་ནས་ལོངས༔ ཞེས་སོགས་གསུངས་པ་ལྟར་སྙིགས་དུས་ཀྱི་སྐྱེ་རྒུ་རྣམས་ཀྱི་ཕན་བདེའི་རྩ་ལག་དུས་བབས་ཀྱི་ཟབ་གཏེར་ལ་རག་ལས་ཤིང་། དེའང་རང་གཏེར་ལས། ཨེ་མ་ཤིན་ཏུ་ཟབ་པ་ལས་ཀྱང་ཆེས་ཟབ་པ༔ པད་འབྱུང་ཐུགས་བཅུད་སྙིང་པོའི་དོན་ཀུན་འདུས༔ ཁོ་མོ་མཚོ་རྒྱལ་བདག་གི་གདམས་པའི་བཅུད༔ མྱུར་ལམ་ཟབ་དབང་ཡེ་ཤེས་དྲྭ་བ་འདི༔ སྙིང་མིག་སྲོག་ལས་ལྷག་པར་རབ་གཅེས ཀྱང་༔ སྙིང་ནོར་སྙིང་གི་བཅུད་འདིཕྱི་རབས་དོན༔ ལས་ལྡན་ཞི་བ་མཚོ་ཡི་སྙིང་ལ་སྦ༔ མ་འོངས་ཉི་ཤུ་སྙིགས་མ་ལྔ་ཡི་ཚེ༔ ང་སྤྲུལ་ང་དང་གཉིས་མེད་ཁྱིམ་པའི་ཚུལ༔ ཆུ་འབྲུག་ལོ་མ་སྤྱི་མགྲིན་སྙིང་ག་རུ༔ བྃ་དང་ཧ་རི་ནི་སའི་རི་མོ་བཀྲ༔ སུ་ཁའི་མིང་ཅན་ཟབ་མོ་གཏེར་ལ་སྤྱོད༔ པད་འབྱུང་སྤྲུལ་པའི་གྲོགས་དང་འཕྲད་ནས་ཀྱང་༔ གཏེར་གཉིས་བསྟན་པའི སྒྲོན་མེ་འཛིན་པ་འབྱུང་༔ དེ་དུས་ཆོས་འདིའི་སྒོ་འཕར་རབ་འབྱེད་ནས༔ ཆོས་བདག་མཆོག་བཞི་ཡ་བརྒྱད་ཉེར་ལྔ་སོགས༔ སྨོན་ལམ་དུས་སུ་འཛོམས་ནས་ཆོས་འདིར་འཕྲད༔ བཟང་འབྲེལ་ཚེ་འདིར་མི་གནས་གཏན་སྲིད་ཐོབ༔ ངན་འབྲེལ་སྐྱེ་བ་བདུན་ནས་དཔལ་རིར་འདྲེན༔ ཐེ་ཚོམ་མེད་དོ་རྡོ་རྗེའི་བཀས་མི་བསླུ༔ སྙིགས་དུས་སྤྱོད་ངན་རང་གིས་ངོམས་པའི་ཚེ༔ པད་འབྱུང་ཕྲིན་ལས་གཏེར་གྱིས་མ་འདྲེན་ན༔ འདུལ་བའི་གཉེན་པོ་སུ་ཡང་ཡོད་མ་ཡིན༔ ཞེས་དང་། ད་དུང་མ་སྤེལ་རིན་ཆེན་གཏེར་དུ་སྦས༔ མ་འོངས་སྙིགས་དུས་བོད་འབངས་ཕུང་བའི་ཚེ༔ ལོག་ལམ་བདུད་ཀྱི་ཁ་དར་ཆོས་སྒྲུབ་སྨད༔ ལྷ་ཆོས་དོར་ནས་མི་ཆོས་རང་ཕུང་བསྒྲུབ༔ དམེ་འཁྲུག་མཚོན་གྱི་སྐལ་པ་དར་བའི་ཚེ༔ ཤེལ་དཀར་ཐུགས་ཀྱི་སྤྲུལ་པས་ཆོས འདི་རྙེད༔ ཡུལ་གྲུ་གསུམ་ལ་བསྟན་པའི་གཞི་མ་འཛུགས༔ དུས་བབ་རྟེན་འབྲེལ་དམརཔོ་ལྷ་ཡིས་བསྐུལ༔ གྲོགས་དང་ཆོས་འཛིན་སྨོན་ལམ་དབང་གིས་འཕྲད༔ དུས་འཁྲུག་མཚོན་གྱི་སྐལ་པ་རེ་ཞིག་ཟློག༔ གསང་ཆེན་ཆོས་ཀྱི་བསྟན་པའི་བ་དན་དེ༔ ལྷོ་ནས་ལྷོ་རུ་སྦས་ཡུལ་ཕྱོགས་སུ་དར༔ སྐལ་ལྡན་ཆོས་བརྒྱུད་འཛིན་པ་ངང་གིས་འབྱུང་༔ ཞེས་གསུངས་ ༄༅། །པ་ལྟར་མཁར་ཆེན་ཡེ་ཤེས་མཚོ་རྒྱལ་བསམ་བཞིན་སྙིགས་མའི་དུས་འདིར་སླར་ཡང་མི་མོའི་རྫུ་ལ་ཞུགས་པ་མཚན་བརྗོད་པར་དཀའ་ནའང་དོན་གྱི་སླད་དུ་སྨོས་པ་བདེ་ཆེན་བདེ་བའི་རྡོ་རྗེའམ་ཀུན་བཟང་བདེ་སྐྱོང་ཆོས་ཉིད་དབང་མོ་ཞེས་སུ་གྲགས་པ་ལ་རྩོད་པ་དང་བྲལ་བ་སྟེ། སྐུ་ཚེ་སྔོན་མ་རྣམས་སུ་ཐུགས་རྗེ་ཡངས་སྤྲུལ་གྱི་འཁྲུངས་རབས་རིན་པོ་ཆེའི་ཕྲེང་བ་ཚར་དུ་དངར་བས་བསྟན་དང་གདུལ་བྱ་ཇི་ལྟར་སྐྱོངས་ཚུལ་རགས་རིམ་ཙམ་སྨོས་ན། རྒྱ་གར་འཕགས་པའི་ཡུལ་དུ་བྲམ་ཟེའི་བུ་མོ་ནམ་མཁའ་སྒྲོན་གྱི་ཚེ་སངས་རྒྱས་འོད་སྲུང་གི་དྲུང་དུ་བསྐྱེད། བདག་ཅག་གི་སྟོན་པ་ཤཱཀྱ་ཐུབ་པའི་སྤྱན་སྔར་དགེ་སློང་མ་ཨུཏྤལ་ལའི་ཁ་དོག་ཏུ་གྱུར་ནས་སྐུ་ཚེ་དེར་སྤྲུལ་པའི་དགྲ་བཅོམ་ཆེན་མོར་གྱུར། ཟངས་གླིང་དུ་རོ་ལངས་དམར་མོའི་ཚེ་རླུང་བཅུ་དང་འབྱུང་བ་ལྔ་ལ་རང་དབང་བསྒྱུར རྒྱ་ནག་ཏུ་ལྷ་གཅིག་ཀོང་ཇོའི་ཚེ་སྟོན་པའི་ཞལ་སྐྱིན་ཇོ་བོ་ཤཱཀྱ་མུ་ནི་བོད་དུ་གདན་དྲངས་ཤིང་མཐར་སྤྱན་རས་གཟིགས་ཀྱི་ཐུགས་ཀར་ཐིམ། བོད་ཡུལ་འདིར་ཡང་བསྟན་པ་སྔ་དར་གྱི་དུས་སུ་དབྱིངས་ཕྱུག་མཚོ་རྒྱལ་དང་ཤེལ་དཀར་བཟའ་རྡོ་རྗེ་མཚོ་གཉིས་གཅིག་ཐ་དད་དང་བྲལ་བའི་སྐུར་བསྟན་པ་ཨོ་རྒྱན་དུས་གསུམ་མཁྱེན་པའི་ཐུགས་ཟིན་གྱི་གཟུངས་ མའི་གཙོ་བོར་གསང་སྔགས་ཀྱི་བསྟན་པ་དར་བའི་མཐུན་རྐྱེན་བསྒྲིགས་ནས་བོད་ཡུལ་རྟ་རྨིག་ཙམ་ཡང་མ་ལུས་པར་ཞབས་ཀྱིས་བཅགས་འཕྲུལ་གྱི་བརྡ་ལ་བཀོད་ཅིང་གཏེར་དུ་སྦ་བའི་གཉེར་ཁ་མཛད་པས་བོད་འབངས་ལ་བཀའ་དྲིན་འཁོར་མཐའ་དང་བྲལ། བལ་མོ་བྱང་ཆུབ་ཆོས་སྒྲོན་གྱི་ཚེ་བཻ་རོ་ཙ་ནས་རྗེས་སུ་བཟུངས་ཏེ་མཆོག་གི་དངོས་གྲུབ་བརྙེས་ཤིང་ཟག་མེད་དྭངས་མའི་སྐུར་སྨིན། མ་གཅིག་ལབ་སྒྲོན་གྱི་ཚེ་གདམས་པ་བདུད་ཀྱི་གཅོད་ཡུལ་ཟབ་མོའི་ཤིང་རྟའི་སྲོལ་གསར་དུ་ཕྱེས་ནས་དངོས་དང་དངོས་མེད་ཀྱི་འགྲོ་བ་དཔག་ཏུ་མེད་པའི་དོན་མཛད། ཇོ་མོ་སྨན་མོ་པདྨ་མཚོ་སྐྱིད་དང་། ཀུན་དགའ་འབུམ་མ་གཉིས་ཀྱི་ཚེ་ཟབ་གཏེར་ལ་སྤྱོད་པས་གཏེར་ཆེན་བརྒྱ་རྩའི་ཡ་གྱལ་དུ་གྱུར་ཞིང་། སྔ་མར་གུ་རུ་ཆོས་དབང་སོགས་ཀྱི་ལས་རྒྱ་མཛད་ནས་ཕན་ཚུན་རྟེན་འབྲེལ་གྱི་གསོས་སུ་གྱུར་ནས་སྔོན་ཆད་བརྡ་མ་ཁྲོལ་བ་བཀའ་བརྒྱད་གསང་རྫོགས་སོགས་བརྡ་རང་གྲོལ་ལ་སོང་ཞིང་མཐར་གཉིས་ཀ་སྐུ་ལུས་དེ་ཉིད་ཀྱིས་མཁའ་སྤྱོད་གུ་རུའི་བཀའ་ཐམ་མི་བརྗེད་པའི་གཟུངས་ན་མཆན་དུ་དག་པའི་གྲོང་ཁྱེར མཆན.གཤེགས། སྟག་ཤོད་པདྨ་མཚོའི་དུས་ངན་སོང་དང་མཐོ་རིས་ཀྱི་འགྲོ་བ་མང་པོའི་དོན་བྱས་པ་དང་། དྲི་ཆུ་གསེར་དུ་བསྒྱུར་བ་སོགས་རྫུ་འཕྲུལ ༄༅། །མངའ་མཁའ་འགྲོ་བསོད་ནམས་དཔལ་འདྲེན་གྱི་ཚེ་ཐ་མལ་ཚུལ་དུ་བཞུགས་ཀྱང་མངོན་ཤེས་དང་རྫུ་འཕྲུལ་ལ་ཐོགས་པ་མི་མངའ་ཞིང་མྱ་ངན་ལས་འདས་ཚེ་མངོན་པར་རྫོགས་པར་སངས་རྒྱས་པའི་རྟགས་རྣམས་མངོན་དུ་གྱུར་བས་སྐྱེ་བོ་དཔག་མེད་ཐར་ལམ་ལ་བཞག །རྗེ་བཙུན་མི་འགྱུར་དཔལ་སྒྲོན་གྱི་ཚེ་བསྐྱེད་རྫོགས་གདིང་དུ་གྱུར་ནས་བཤད་སྒྲུབ་ཕྲིན ལས་ཀྱི་སྒོ་ནས་རྙིང་བསྟན་ལ་གཅིག་ཏུ་སྨན། བསམ་སྡིང་ཆོས་དབྱིངས་བདེ་ཆེན་མཚོ་མོར་གྱུར་ནས་བོ་དོང་པཎ་ཆེན་འཇིགས་མེད་གྲགས་པའི་བསྟན་པ་བཟུང་ཞིང་བཀའ་བབ་བདུན་ལྡན་པདྨ་འོད་གསལ་མདོ་སྔགས་གླིང་པ་སོགས་སྐྱེས་ཆེན་མང་པོའི་བླ་མར་བཀུར་ཞིང་བསྔགས་པའི་མེ་ཏོག་འཐོར་བར་མཛད། དེ་ནས་དཔལ་ལྡན་འཁོན་གདུང་གི་རྗེ་བཙུན་རྟ་མགྲིན་དབང་མོར་འཁྲུངས་ནས་དབུས་གཙང་ཁམས་གསུམ་རྒྱ་ནག་གི་ཡུལ་གྲུའི་ཆ་ལ་ཐུག་པར་ཕྲིན་ལས་བཟང་པོས་ཁྱབ་པར་མཛད་ལ། ད་རེས་སྐུ་ཚེ་འདི་ཉིད་ཀྱི་དབང་དུ་བྱས་ཀྱང་། ཇི་སྐད་དུ། རྡོ་རྗེ་གུར་ལས། གང་ཞིག་རྡོ་རྗེ་སེམས་དཔའ་ཞེས། །རྡོ་རྗེ་སློབ་དཔོན་གཟུགས་སུ་གནས། །སེམས་ཅན་ཕན་གདགས་དམིགས་ནས་ནི །ཐ་མལ་པ་ཡི་གཟུགས་སུ་སྤྲུལ །ཞེས་སྤྱིར་ཡང་རྒྱལ་བ་རྡོ་རྗེ འཆང་ཉིད་མིའི་གཟུགས་སུ་སྔགས་ཀྱི་སྟོན་པར་སྤྲུལ་ནས་སེམས་ཅན་གྱི་དོན་མཛད་པར་གསུངས། ཁྱད་པར་དྲི་མེད་ཀུན་དགའི་གཏེར་བྱོན་མཚོ་རྒྱལ་རྣམ་ཐར་ལེའུ་བདུན་མ་ལས། གུ་རུས་བཀའ་བསྩལ་པ། མཁའ་འགྲོ་ཡེ་ཤེས་མཚོ་རྒྱལ་ཁྱེད༔ རང་སྣང་ཙམ་དུ་ཚེ་གཅིག་ལ་དཔལ་ཀུན་ཏུ་བཟང་མོ་དང་གོ་འཕང་མཉམ་ནས༔ གཞན་སྣང་དུ་གང་ལ་གང་འདུལ་དུ་སྤྲུལ་པ་ཇི སྙེད་ཅིག་བཀོད་ནས་ཁྱེད་ཀྱི་སྤྲུལ་པ་བསམ་གྱིས་མི་ཁྱབ་པ་གཅིག་འབྱུང་༔ འཛམ་གླིང་བྱེ་བཕྲག་བརྒྱ་ན༔ སེམས་ཅན་རེ་རེའི་མདུན་དུ་ཡང་སྤྲུལ་པ་རེ་རེ་སྤྲུལ་ནས་གང་ལ་གང་འདུལ་དུ་སྟོན་ཅིང༔ འབྲེལ་ཚད་ཆོས་ཉིད་ཟད་པའི་ས་ལ་བཀོད་པར་འགྱུར༔ མདོར་ན་འཁོར་བ་དོང་ནས་སྤྲུགས་པའི་མཐར་ཐུག་གི་བར་ལ་ཁྱེད་ཀྱི་སྤྲུལ་པ་ལ་འཛད་པ་མེད་དོ༔ ཁྱད་པར་ཐུབ་པའི་བསྟན་ཞབས་སྙིགས་མ་ལྔ་བདོ་བའི་དུས་སུ༔ ཁྱེད་ཀྱི་སྐུའི་སྤྲུལ་པ་རིགས་ལྔ་རྟགས་ཀྱིས་མངའ་གསོལ་བས༔ འབྲེལ་ཚད་དོན་དང་ལྡན་པ་ཞིག༔ གངས་ཅན་བོད་ཀྱི་དབུས་སུ་འབྱུང་༔ ཞེས་དང་། མཚོ་རྒྱལ་ཁྱེད་ཀྱིས་ཞུས་པའི་གདམས་ངག་ཟབ་ཆོས་རྣམས་དཀར་ཆག་ལ་བཏབ་ནས་གཏེར་དུ་སྦས་ཏེ་སྨོན་ལམ་བཏབ་ན༔ ཁྱེད་ཀྱི་སྤྲུལ་པ་རྣམས་དང་དུས་མཚུངས་པར་སེམས་ ༄༅། །ཅན་གྱི་དོན་བྱེད་པར་འགྱུར༔ ཞེས་དང་། སྟག་ཤམ་གཏེར་བྱོན་མཚོ་རྒྱལ་རྣམ་ཐར་ལས་ཀྱང་དེ་དང་མཚུངས་པར། ཡོན་ཏན་སྐུ་སྤྲུལ་དབུས་ནས་མཁའ་འགྲོ་འབྱུང་༔ ཞེས་དང་། གཏེར་ཆེན་པདྨ་གླིང་པའི་ཟབ་ཆོས་སྙིང་བྱང་དམར་པོ་ལས། མ་འོངས་དུས་བབ་ལྷ་ལྡན་ཆོས་གླིང་དུ༔ རྡོ་རྗེ་ཕག་མོའི་རྣམ་འཕྲུལ་བདེ་བའི་མཚན༔ ཆུ་འབྲུག་ལོ་པ་སྤྱི་མགྲིན་སྙིང་ག་རུ༔ བྃ་དང་ཧ་རི་ནི་སའི་རི་མོ་ཤར༔ ཟབ་གཏེར་གཉིས་འདོམས་གདུལ་བྱ་ཐབས་ཀྱིས་སྐྱོང་༔ ཞེས་དང་། རྡོ་གྲུབ་འཇིགས་མེད་ཕྲིན་ལས་འོད་ཟེར་གྱི་ལུང་བསྟན ལས། མཚོ་རྒྱལ་སྤྲུལ་པ་བདེ་བའི་རྡོ་རྗེ་འབྱུང་། །འབྲེལ་ཚད་རྔ་ཡབ་གནས་སུ་ཁྲིད་པར་འགྱུར༔ ཞེས་སོགས་དང་། སྔོན་བྱོན་གཏེར་ལུང་ཚད་ལྡན་མང་པོ་ནས་ལན་གཅིག་མིན་པར བསྔགས་པའི་དཔང་པོ་བཞུགས་པ་ལྟར་དུས་རྟགས་གདུལ་བྱ་རྩོད་དུས་སྙིགས་མའི་ཡང་མཐའ་ཉི་ཤུ་ཁ་རལ་གྱི་དུས༔ བོད་ཡུལ་གྱི་མཐིལ་ལྷ་ལྡན་སྤྲུལ་པའི་གཙུག་ལག་ཁང་གི་ཉེ་འདབས་སུ། ཡབ་ས་བརྒྱད་ནོན་པའི་སེམས་དཔའ་ཆེན་པོ་དགེ་བསྙེན་ཐང་ལྷ་རྡོ་རྗེ་འབར་བ་རྩལ་དང་། ཡུམ་རྡོ་རྗེ་གཡུ་སྒྲོན་མའི་རྣམ་འཕྲུལ་གྱི་སྲས་སུ་རབ་བྱུང་བཅོ་ལྔ་པའི་ཆུ་ཕོ་འབྲུག་ལ་སྐུ་བལྟམས། ཆུང་ངུའི་དུས་ནས་མ་དང་མཁའ་འགྲོས་བུ་བཞིན་བསྐྱངས་ནས་དག་པའི་སྣང་བ་བསམ་གྱིས་མི་ཁྱབ་པ་ཤར། རྗེ་བཙུན་རྡོ་རྗེ་རྣལ་འབྱོར་མ་དང་། གྲུབ་བརྒྱའིསྤྱི་མེས་ས་ར་ཧ་པ། མི་ཕམ་ཀུ་ཀུ་རི་པ་སོགས་ལྷ་དང་བླ་མ་རྣམས་ཀྱིས་ཞལ་གཟིགས་ནས་ཐུན་མོང་དང་ཐུན་མིན་སྔགས་ཀྱི་ཐབས་གྲོགས་ལསྔར་མ་གྲགས་པའི་གདམས་པ་མང་པོ་ཉེ་བརྒྱུད་དུ་བསྩལ། ཁྱད་པར་དགུང་ལོ་བཅུ་གསུམ་པའི་ཐོག་ནས་ལས་འཕྲོ་གཏེར་ཕྱོགས་སུ་སད་དེ་འབུམ་ཕྲག་དྷཱ་ཀིའི་གཙོ་མོ་བཛྲ་ཝཱ་ར་ཧཱི་དང་མཇལ་ནས་