Tibetan
རྫོགས་གསལ་བའི་གནས་གསུམ་ལས༔ རྡོ་རྗེ་གསུམ་ལས་འོད་འཕྲོས་འོག་མིན་གནས༔ གསང་ཆེན་རོལ་པའི་ཞིང་ནས་ཡེ་ཤེས་པ༔ སྤྱན་དྲངས་དམ་ཚིག་རྟེན་དང་དབྱེར་མེད་གྱུར༔ ཛཿཧཱུྃ་བྃ་ཧོཿ རོལ་མོ་དང་བཅས་འདི་སྐད་དོ༔ ཧཱུྃ་ཧྲཱིཿ འོག་མིན་མཁའ་སྤྱོད་གནས་ཀྱི་མཆོག༔ དྷུ་མ་ཐ་ལ་མཁའ་འགྲོའི་གྲོང་༔ གླིང་གི་གླིང་མཆོག་གསང་ཆེན་རོལ༔ ཆོས་དབྱིངས་རྣམ་དག་ཞིང་ཁམས་ནས༔ ཀུན་ཏུ་བཟང་མོ་རྒྱལ་བའི་ཡུམ༔ རྡོ་རྗེ་ཕག་མོ་གཙོ་དང་འཁོར༔ གནས་འདིར་སྤྱན་འདྲེན་གཤེགས་སུ་གསོལ༔ སྔོན་གྱི་ཐུགས་དམ་རྗེས་དགོངས་ལ༔ བྱིན་ཆེན་དབབ་པའི་དུས་ལ་བབས༔ དབང་ཆེན་བསྐུར་བའི་དུས་ལ་བབས༔ དུས་ལ་བབ་བོ་ཡེ་ཤེས་ལྷ༔ ད་ལྟ་ཉིད་དུ་དབང་ བྱིན་ཕོབས༔ སྒྲུབ་མཆོག་སྒོ་གསུམ་དག་སྨིན་ཅིང་༔ ཡེ་ཤེས་ཆེན་པོར་ཡོངས་རྫོགས་ནས༔ འཇའ་ལུས་ཟངས་ཐལ་བྱིན་ཆེན་ཕོབས༔ ཨོཾ་བཛྲ་བྷ་ར་ཧི་ཧ་རི་ནི་ས་ཏིཥྛ་བཛྲ་ས་མ་ཡ་ཕེཾ ཕེཾ་ཨ་བེ་ཤ་ཡ་ཨ་ཨ༔ ཞེས་བརྗོད་ནས༔ ཡེ་ཤེས་པ་དེ་ཉིད་རབ་ཏུ་བརྟན་པར་གྱུར་ཅིག་ཏིཥྛ་བཛྲ༔ དེ་ནས་མེ་ཏོག་འབུལ་བ་ནི༔ ཧོཿ བདག་ཅག་རྩེ་གཅིག་དད་པ་ཡིས༔ རིག་པའི་མེ་ཏོག ལྷ་ལ་འབུལ༔ ལྷག་པའི་ལྷ་ལ་དབབ་ནས་ཀྱང་༔ དངོས་གྲུབ་རྣམ་གཉིས་ཐོབ་པར་ཤོག༔ པདྨ་པུཥྤེ་སིདྡྷི་ཏྲཱྃ༔ ཞེས་ཕུལ༔ དེ་ནས་མིག་དར་བསལ་བ་ནི༔ ཧྲཱིཿ རང་བྱུང་ཡེ་ཤེས་སངས་རྒྱས་དངོས༔ མ་རིག་སྒྲིབ་པ་གསུམ་གྱིས་གོས༔ ཐབས་མཆོག་རྡོ་རྗེའི་ཐུར་མ་ཡིས༔ ཤེས་རབ་གསལ་བའི་སྤྱན་དུ་དབྱེ༔ ཨོཾ་ཛྙཱ་ན་ཙཀྵུ་པྲ་བེ་ཤ་ཡ་ཕཊ༔ དེ་ནས་དཀྱིལ་འཁོར་བསྟན་པ་ནི༔ ཨེ་མ་སྐལ་ལྡན་སེམས་ཀྱི་བུ༔ ཆོས་དབྱིངས་མཐའ་བྲལ་ཡེ་ཤེས་ཆེ༔ ཀུན་ཟླུམ་ཐིག་ལེ་རང་བྱུང་ཀློང་༔ ལྷུན་གྲུབ་རང་གསལ་དཀྱིལ་འཁོར་ནི༔ ཚད་དང་མཚན་ཉིད་ཡོངས སུ་རྫོགས༔ ཕྱི་ནང་གསལ་སྒྲིབ་མེད་པ་ཡིས༔ ཡོན་ཏན་ཡོངས་རྫོགས་ལྷུན་གྱིས་གྲུབ༔ གསང་བ་ཡེ་ཤེས་དཀྱིལ་འཁོར་འདི༔ མཐོང་བ་ཙམ་གྱིས་སྒྲིབ་པ་དག༔ བསྒོམ་པ་ཙམ 2༡༡ 商གྱིས་དངོས་གྲུབ་ཐོབ༔ ཆོས་ཉིད་མངོན་གྱུར་སངས་རྒྱས་འགྱུར༔ ཨོཾ་ཛྙཱ་ན་མཎྜ་ལ་པྲ་བེ་ཤ་ཡ་ཨ་ཨ༔ དེ་ནས་དངོས་དབང་ཟབ་མོར་འཇུག་ཕྱིར་མཎྜལ་ཕུལ༔ གསོལ་བ་གདབ་པ་འདི་སྐད་དོ༔ ཨེ་མ་གསང་ཆེན་རྡོ་རྗེ་སློབ་དཔོན་དགོངས༔ བདག་ཅག་སྐལ་ལྡན་བུ་རྣམས་ལ༔ ཡེ་ཤེས་མཁའ་གྲོའི་དངོས་གཞིའི་དབང་༔ ལམ་མཆོག་དམ་པ་བསྩལ་དུ་གསོལ༔ ལན་གསུམ་ཞུས་རྗེས་འདི་སྐད་བརྗོད༔ ཨེ་མ་སྐལ་ལྡན་རིགས་ཀྱི་བུ༔ གསང་བ་ཡེ་ཤེས་དངོས་གཞིའི་དབང་༔ འཇུག་པར་འདོད་པ་གང་སུ་དག༔ ལས་དང་སྐལ་བར་ལྡན་པ་ཡིན༔ སྤྲོ་བ་བསྐྱེད་ལ་དམ་ཚིག་བསྲུང་༔ ཉམས་ན་དམྱལ་བར་ལྟུང་ཏ་རེ༔ དེ་བས་མ་ཉམས་ཚུལ་བཞིན་སྲུངས༔ བཛྲ་ས་མ་ཡ་ན་ར་ཀན༔ དམ་ཚིག་བདུད་རྩིའི་ངག་ཏུ་བླུད༔ དེ་ནས་བུམ་པ་ཐོགས་ལ༔ ཧཱུྃ་ཧྲཱིཿ ཀ་དག་སྤྲོས་བྲལ་ཆོས་སྐུའི་བུམ་པ་རུ༔ ལྷུན་གྲུབ་རིག་སྟོང་བདུད་རྩིའི་བཅུད་ཀྱིས་བསྐང་༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་རོ༔ རང་བྱུང་མཁའ་འགྲོའི་སྐུ་ཡི་དབང་ཐོབ་ཤོག༔ ཨོ་བཛྲ་བྷ་ར་ཧི་ཀཱ་ཡ་ཨ་བྷི་ཥིཉྩ་ཨོ༔ གཙོ་མོའི་སྐུ་ཐོགས་ལ༔ ཨེ་མ་སྐལ་ལྡན་སྙིང་གི་བུ༔ རྒྱལ་བ་ཀུན་ཡུམ་རྣལ་འབྱོར་མ༔ ཆོས་ཉིད་ངང་ལས་སོ་སོར་ གསལ༔ འགགས་མེད་ཡེ་ཤེས་རྟོགས་པའི་ཡུམ༔ རྡོ་རྗེ་ཕག་མོའི་གསང་གསུམ་དབང་༔ སྐལ་ལྡན་ཁྱོད་ལ་བསྐུར་བ་ཡིས༔ ཡེ་ཤེས་མཁའ་འགྲོའི་དབང་ཐོབ་ཤོག༔ ཨོཾ་ཛྙཱ་ན་ཌཱ ཀྐི་ནི་བཛྲ་བྷ་ར་ཧི་ཧ་རི་ནི་ས་ཧཱུྃ༔ ཀཱ་ཡ༴ རྡོ་རྗེ་མཁའ་འགྲོའི་སྐུ་ཐོགས་ལ༔ ཧཱུྃ༔ གསང་མཆོག་རྡོ་རྗེ་ཌཱ་ཀི་རྣལ་འབྱོར་མས༔ དེང་འདིར་སྐལ་ལྡན་བུ་ལ་དབང་བསྐུར་རོ༔ ཐབས་བྱུང་འོད་གསལ་མངོན་དུ་གྱུར་པ་དང་༔ མེ་ལོང་ཡེ་ཤེས་མཆོག་གི་དབང་ཐོབ་ཤོག༔ བཛྲ་ཌཱ་ཀྐི་ནི་ཀཱ་ཡ༴ རིན་ཆེན་མཁའ་འགྲོའི་སྐུ་ཐོགས་ལ༔ ཧཱུྃ༔ གསང་མཆོག་རིན་ཆེན། དེང་འདིར༴ ཐབས་བྱུང་མཉམ་ཉིད་ཡེ་ཤེས་རཏྣ་ཌཱ་ཀྐི་ནི་ཀཱ་ཡ༔ པདྨ་མཁའ་འགྲོའི་སྐུ་ཐོགས་ལ༔ ཧཱུྃ༔ གསང་མཆོག་པདྨཿ དེང་འདིར༴ ཐབས་བྱུང་སོར་རྟོགས་ཡེ་ཤེས པདྨ་ཌཱ་ཀྐི་ནི་ཀཱ་ཡ༔ ལས་ཀྱི་མཁའ་འགྲོའི་སྐུ་ཐོགས་ལ༔ ཧཱུྃ༔ གསང་མཆོག་ཀརྨ་དེང་འདིར༴ ཐབས་བྱུང་༔ བྱ་གྲུབ་ཡེ་ཤེསཿ ཀརྨ་ཌཱ་ཀྐི་ནི་ཀཱ་ཡ༔ སངས་རྒྱས་མཁའ་འགྲོའི་སྐུ་ཐོགས་ལ༔ ཧཱུྃ༔ གསང་མཆོག་བུ_UNKཿ དེང་འདིར: ཐབས་བྱུང་ཆོས་དབྱིངས་ཡེ་ཤེས༔ བུདྡྷ་ཌཱ་ཀྐི་ནིཿ སྒོ་མ་བཞིའི་སྐུ་ཐོགས་ལ༔ ཧཱུྃ ཚད་མེད་མཐར་ཕྱིན་ཡེ་ཤེས་སྒོ་མ་བཞི༔ 2༧༡༒ སྐལ་ལྡན་རིགས་ཀྱི་བུ་ལ་དབང་བསྐུར་རོ༔ ཚད་མེད་རྣམ་བཞིའི་འགྲོ་དོན་མཐར་ཕྱིན་ཅིང་༔ ཕྲིན་ལས་ཐོགས་མེད་འགྲུབ་པའི་དབང་ཐོབ་ཤོགཿ ཛཿཧཱུྃ་བྃ་ཧོཿ ཀཱ་ཡ་དེ་ནས་བདུད་རྩི་ཐོགས་ལ༔ ཧཱུྃ་ཧྲཱིཿ གསལ་སྟོང་འགགས་མེད་བྷནྡྷ་རུ༔ རང་བྱུང་ཡེ་ཤེས་བདུད་རྩི་འཁྱིལ༔ གྲགས་སྟོང་ཨ་ལི་ཀ་ལི་འཕྲོ༔ སྐལ་ལྡན་བུ་ལ་དབང་བསྐུར་རོ༔ ཡེ་ཤེས་མཁའ་འགྲོའི་གསུང་གི་དབང་༔ སྐྱེ་མེད་རྡོ་རྗེའི་དབང་ཐོབ་ཤོག༔ རྩ་སྔགས་མཐར༔ ཝཀྐ་ཨ་བྷི་ཥིཉྩ་ཨཱཿ དེ་ནས་ཐུགས་སྲོག་ཆོས་འབྱུང་བྃ་མཚན་ཐོགས་ལ༔ ཧཱུྃ་ཧྲཱིཿ ཆོས་དབྱིངས་མཐའ་བྲལ་ཐིག་ལེའི་ཀློང་༔ ཆོས་སྐུ་འགྱུར་མེད་བྃ་ཡིག་མཚན༔ སྐལ་ལྡན་བུ་ལ་དབང་བསྐུར་རོ༔ ཡེ་ཤེས་མཁའ་འགྲོའི་ཐུགས་ཀྱི་དབང་༔ ཆོས་ཀྱི་རྡོ་རྗེའི་དབང་ཐོབ་ཤོག༔ རྩ་སྔགས་མཐར༔ ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་ཐུན་མིན་གསང་བའི་དབང་བསྐུར་བ་ནི༔ ཧྲཱིཿ མི་མོ་བརྒྱད་གཉིས་ལང་ཚོ་ཅན༔ ཡིད་འོང་ཌཱ་ཀིའི་སྒྱུ་འཕྲུལ་ནི༔ གསང་འཛིན་རྣལ་འབྱོར་ཐབས་ཤེས་ལམ༔ བགྲོད་པའི་དབང་མཆོག་བསྐུར་བར་བགྱི༔ ཞེས་བརྗོད་ལ་སྤྲོ་བ་བསྐྱེད་ཅིང་༔ བླ་མ་ལྷ་དང་དཀྱིལ་འཁོར་ལ༔ ཡོལ་བས་གཡོབ་ཞིང་སློབ་བུ་ནི༔ སྒོ་གསུམ་དད་ཅིང་གུས་པ་ཡིས༔ གསོལ་བ་འདི་ལྟར་ གདབ་པར་བྱ༔ ཁ་ཀྱེེ༔ གསང་སྔགས་འཛིན་མཛད་རྡོ་རྗེ་འཆང་༔ སློབ་དཔོན་མཆོག་ཉིད་དགོངས་སུ་གསོལ༔ བདག་ཅག་སྐལ་ལྡན་བུ་རྣམས་ལ༔ སྨིན་བྱེད་དབང་གི་བཀའ་དྲིན སྩོལ༔ གསང་བའི་དཀྱིལ་འཁོར་འཇུག་པར་སྤྲོ༔ ཞེས་ཞུས་རྡོ་རྗེ་སློབ་དཔོན་གྱིས༔ ཨེ་མ༔ སྐལ་ལྡན་སེམས་ཀྱི་བུ༔ ཟུང་འཇུག་ལམ་ལ་མ་བརྟེན་པར༔ མངོན་གྱུར་སངས་རྒྱས་ཐོབ་མི་སྲིད༔ དེ་ཕྱིར་གསང་བ་ཡེ་ཤེས་ཀྱི༔ དབང་བྱིན་དངོས་གྲུབ་བདག་གིས་བསྩལ༔ ཅི་བསྒོའི་བཀའ་བཞིན་བསྒྲུབ་ནུས་སམ༔ པདྨའི་བཅུད་ལ་མྱོང་ནུས་སམ༔ གཞོན་ནུ་བསྙེན་བཀུར་བྱེད་ནུས་སམ༔ དམ་ཚིག་ཇི་བཞིན་བསྲུང་ནུས་སམ༔ བསྲུང་ན་དཀྱིལ་འཁོར་ནང་དུ་འཇུག༔ མི་ནུས་པ་རྣམས་ཕྱིར་དེངས་ཤིག༔ ཅེས་བསྐུལ་ནས་རིགས་ལྡན་སློབ་བུས་ཁས་བླང་བ་ནི༔ ཀྱེ་ཧོཿ གསང་ཆེན་དོན་སྟོན་རྡོ་རྗེ་སློབ་དཔོན་དགོངས༔ བདག་ཅག་སྐལ་ལྡན་རིགས་ཀྱི་བུ་མཆོག་ལ༔ ཤེས་རབ་ཡེ་ཤེས་དབང་མཆོག་བསྩལ་དུ་གསོལ༔ སློབ་དཔོན་བཀའ་བསྒོས་ཅི་བཞིན་བདག་གིས་སྒྲུབ༔ རྩ་བ་ཌཱ་ཀིའི་དམ་ཚིག་ཇི་བཞིན་སྲུངས༔ ཞེས་ཞུས་ནས་མདུན་དུ་འཁོད༔ དབང་ཡོན་མཎྜལ་ཕུལ་ནས་གསོལ་བ་གདབ་པ་ནི༔ ཨེ་མ་རྡོ་རྗེ་འཆང་ཆེན་སློབ་དཔོན 2༡༡ 商དགོངས༔ གསང་བའི་ལམ་མཆོག་ཤེས་རབ་དབང་༔ ཡེ་ཤེས་མཁའ་འགྲོའི་ཉེ་རྒྱུའི་གར༔ གསང་བའི་དབང་མཆོག་བཀའ་དྲིན་སྩོལ༔ ཞེས་ཞུས་སློབ་དཔོན་འདི་སྐད་དོ༔ ཨེ་མ་སྐལ་ལྡན་སེམས་ཀྱི་བུ༔ སྔགས་ཀྱི་ལམ་མཆོག་མཐར་ཐུག་པ༔ དཀའ་བ་མེད་ཅིང་གྲོལ་བའི་ཐབས༔ ཤེས་རབ་མཆོག་ལ་བརྟེན་ནས་ནི༔ སྤང་ཐོབ་བྲལ་བའི་འབྲས་བུ་རྙེད༔ མཆོག་གི་ལམ་ལ་འཇུག་སྤྲོ་ན༔ སྲོག་གི་ཕྱིར་ཡང་དམ་མ་འདའ༔ མཁའ་འགྲོའི་གསང་བའི་དམ་ཚིག་ཏུ༔ རྡོ་རྗེ་སློབ་དཔོན་བཀུར་ཞིང་བརྟེན༔ རྡོ་རྗེ་མཁའ་འགྲོའི་དམ་ཚིག་ཏུ༔ ཆོས་ཉིད་དོན་ལ་རྟག་ཏུ་བསྒོམས༔ རིན་ཆེན་མཁའ་འགྲོའི དུས་ཀུན་ཚོགས་གཏོར་རྒྱུན་མི་གཅོད༔ པདྨ་མཁའ་འགྲོའི: གཞོན་ནུ་མ་ལ་བསྙེན་བཀུར དང་༔ རྒྱན་དང་མཆོད་པས་མཉེས་པར་བྱ༔ ཏིང་འཛིན་དག་པས་བདེ་བ་བསྐུལ༔ ཀརྨ་མཁའ་འགྲོའི ཕྱོགས་རིས་བྲལ་བའི་དག་སྣང་བརྩོན༔ སྤྱི་ཡི་མཁའ་འགྲོའི་མར་ངོའི་ཚེས་བཅུའི་དུས་རྣམས་སུ༔ ཚོགས་ཀྱི་འདོད་ཡོན་དཔག་མེད་དང་༔ བསྒོམ་སྒྲུབ་མེ་ཡིས་མཆོད་པར་བྱ༔ འདི་རྣམས་མཁའ་འགྲོའི་དམ་ཚིག་ཡིན༔ ཚུལ་བཞིན་བསྲུང་ན་དངོས གྲུབ་ཐོབ༔ ཉམས་ན་རྡོ་རྗེའི་དམྱལ་བར་ལྟུང་༔ དེ་ཕྱིར་དམ་ལ་མ་འདའཅིག༔ བཛྲ་ས་མ་ཡ་ན་ར་ཀན༔ ཞེས་བརྗོད་ལ་གསལ་བ་གདབ་པ་ནི༔ སློབ་དཔོན་གྱིས་སྙན་པའི་དབྱངས་ཀྱིས་འདི་སྐད་དོ༔ འོ༔ རིགས་ཀྱི་བུ་རྣམས༔ ཐབས་ཤེས་འདུ་འབྲལ་མེད་པའི་ལམ་འདིར་མ་བརྟེན་པར་མངོན་གྱུར་དང་པོའི་སངས་རྒྱས་ཐོབ་པར་མི་འགྱུར་རོ༔ དེའི་ཕྱིར་ན་ལམ་མཆོག་ཁྱད་པར་ཅན་བདེ སྟོང་དགའ་བ་བཞི་ཡིས་ཉེ་བར་དྲངས་པའི་འོད་གསལ་ཆེན་པོ་མངོན་དུ་གྱུར་པའི་ཐབས་དང་༔ ཡེ་ཤེས་དང་ལས་ལས་གྲུབ་པའི་མཁའའ་འགྲོ་མ་རྣམས་ཀྱིས་བུ་བཞིན་དུ་སྙིང་བརྩེ་ཞིང་མཁའ་སྤྱོད་ཀྱི་གནས་ཐམས་ཅད་དུ་ཌཱ་ཀི་མ་རྣམས་ཀྱི་ཚོགས་རྗེ་ཚོགས་དཔོན་དུ་བཀུར་ནས་རང་བྱུང་གི་ཡེ་ཤེས་ཆེན་པོ་མངའ་བརྙེས་པར་བྱ་བའི་དབང་བྱིན་དངོས་གྲུབ་དམ་པ་བདག་གིས་བསྩོལ་བར་བྱེད་པ་ལ༔ ཁྱོད་རྣམས་ཐ་མལ་གྱི་སྣང་ཞེན་ལྡོག་ནས་རང་བྱུང་གི་རིག་པ་སྐུ་དང་ཡེ་ཤེས་ཀྱི་བདག་ཉིད་ཡིན་པས་དཔའ་བོ་རྟ་མགྲིན་གྱི་རྣམ་པར་སྣང་རྟོག་ལྷའི་ཕྱག་རྒྱ་རུ་སྒོམས་ཤིག༔ ཅེས་བརྗོད་རིག་མ་སྦྱིན་པ་ནི༔ ང་ཨ༔ སྐྱེ་མེད་ཆོས་སྐུ་ཀུན་བཟང་མོ༔ མ་འགགས་རྣལ་འབྱོར་ཝཱ་ར་ཧིའི༔ སྒྱུ་འཕྲུལ་ཛྙཱ་ན་སྭཱ་ག་རའི༔ བྱིན་རླབས་ཡེ་ཤེས་ཉེ་རྒྱུའི་གར༔ ཤེས་རབ་མཆོག་གི 2༡༡ 商ཕོ་ཉ་མོ༔ བཅུ་དྲུག་པདྨ་ལང་ཚོ་ལྡན༔ སྐལ་ལྡན་ཁྱོད་ལ་སྦྱིན་པ་ཡིས༔ རྩ་ཐིག་རླུང་གསུམ་དག་སྨིན་རྫོགས༔ ནང་གསལ་ཡེ་ཤེས་མངོན་གྱུར་ནས༔ ཤེས་རབ་ཆེན་པོའི་དབང་ཐོབ་ཤོག༔ རྩ་སྔགས་མཐར༔ བྷོ་དྷི་ཙིཏྟ་མ་ཧཱ་སུ་ཁ་ཨ་ཧཾ་མུ་དྲ་ཨ་བྷི་ཥིཉྩ་ཨ་ཨ་ཨ༔ ཞེས་བརྗོད་ཅིང་ཡབ་ཡུམ་སྙོམ་པར་ཞུགས་ནས་ངོ་སྤྲོད་གབ་ཐིག་ལྟར་དུ་བྱ༔ དེ་ནས་སིནྡྷུར་དང་ལི་ཁྲི་ཐོགས་ལ༔ ཆ་ཧཱུྃ་ཧྲཱིཿ གསང་ཆེན་ཌཱ་ཀིའི་བཅུད་ཀྱིས་གཏམས༔ ལི་ཁྲིས་དཔའ་བོ་དབང་དུ་སྡུད༔ སིནྡྷ་ར་ནི་ཌཱ་ཀིའི་རྟེན༔ སྐལ་ལྡན་བུ་ལ་དབང་བསྐུར་བས༔ ཟུང་འཇུག་མཐར་ཕྱིན་དབང་ཐོབ་ཤོག༔ ཅེས་བརྗོད་དཔའ་བོའི་གནས་ལྔར་ལི་ཁྲི་ཡིས༔ ཨོཾ་ཧྲཱིཿཧཱུྃ་ཏཱྃ་ཨ༔ རྣམས་བཀོད་ཅིང་༔ སརྦ་ཨ་བྷི་ཥིཉྩ་བཛྲ་ཏིཥྛ་སྟྭཾ༔ རིག་མའི་གནས་ལྔར༔ མཱཾ་པཱཾ་མཱུཾ་ལཱཾ་ཏཱཾ༔ སརྦ་ཨ་བྷི་ཥིཉྩ་ཏིཥྛ་བཛྲ་སྟྭཾ༔ ཨ་ལི་ཀ་ལིས་མེ་ཏོག་འཐོར༔ དེ་ནས་མན་ཤེལ་མེ་ལོང་ཐོགས་ལ༔ ཨ༔ སྨྲ་བསམ་བརྗོད་མེད་རིག་པ་ཚིག་དང་བྲལ༔ སྤྲོས་མཐའ་བརྒྱད་བྲལ་ཀུན་ཟླུམ་མི་ཤིགས་ཐིག༔ གདངས་རྩལ་མ་འགགས་ཡེ་ཤེས་རང་གསལ་འབར༔ གསལ་སྒྲིབ་མེད་པ་མེ་ལོང་མན་ཤེལ་མཚོན༔ འཛིན་པ་རང་གྲོལ་བརྡ་ཡི་དབང་བསྐུར་རོ༔ ཀ་དག་རིག་པ་སྣང་བཞི་མཐར་སོན ནས༔ ནང་གསལ་གཞོན་ནུ་བུམ་སྐུ་མངོན་གྱུར་ཏེ༔ འཇའ་ལུས་ཆོས་སྐུ་འགྲུབ་པའི་དབང་ཐོབ་ཤོག༔ རྩ་སྔགས་མཐར༔ ག་ག་སརྦ་ཨ་བྷི་ཥིཉྩ་ཨཱ༔ དེ་ནས་གཏོར་མ་ཐོགས་ལ༔ ཧཱུྃ་ཧྲཱིཿ རང་བྱུང་ཚད་ལྡན་གཏོར་སྣོད་དུ༔ ལྷུན་གྲུབ་བརྗིད་ལྡན་བ་ལིཾ་ཏ༔ རིག་སྟོང་མཁའ་འགྲོའི་དཀྱིལ་འཁོར་རྫོགས༔ སྐལ་ལྡན་བུ་ལ་དབང་བསྐུར་རོ༔ སྣང་ཆ་ལྷ་ཡི་ཕྱག་རྒྱར་དག༔ རྩ་རླུང་ཐིག་ལེ་བཅུད་དུ་སྨིན༔ ལྷུན་འགྲུབ་བདེ་ཆེན་རིག་པར་རྫོགས༔ སྐུ་གསུམ་ཡེ་ཤེས་དབང་ཐོབ་ཤོག༔ རྩ་སྔགས་མཐར༔ མ་ཧཱ་བ་ལིཾ་ཏ་སརྦ་སིདྡྷི་ཨ་བྷི་ཥིཉྩ་ཧྲཱིཿ ཞེས་བརྗོད་གཏོར་མ་གནས་ལྔར་གཏུག༔ མཐའ་རྟེན་གཏད་ནས་དམ་ཚིག་ཁས་བླངས་གཏང་རགས་ཕུལ༔ སྐུ་དྲིན་གཟོ་བའི་སླད་དུ་ནི༔ བླ་མ་ལྷ་ཡི་དཀྱིལ་འཁོར་དུ༔ བདག་ནི་ཡོངས་སུ་འབུལ་བར་བགྱི༔ བླ་མའི་བཀའ བཞིན་བསྒྲུབ་ནས་ཀྱང་༔ བསྐྱེད་རྫོགས་ཉམས་ལེན་ཚུལ་བཞིན་སྒྲུབས༔ ལན་གསུམ་རྗེས་ཟློས་བྱ༔ བཀྲིས་མེ་ཏོག་འཐོར་ནས་ཀྱང་༔ བསྔོ་བ་སྨོན་ལམ་རྒྱ་ཡིས་བཏབ༔ དེ་ཡིས་ཡེ་ཤེས་མཁའ་འགྲོའི་དབང་༔ སྐལ་ལྡན་བུ་ལ་ཐོབ་པར་ངེས༔ ལས་རྗེས་མི་མངོན་གསང་བར་བྱ༔ ས་མ་ཡ༔ ཨེ་མ༔ གསང་བའི་ཟབ་བཅུད་ཁྱད་འཕགས་པ༔ བདེ་ཆེན་མཁའ་འགྲོ་རྣལ་འབྱོར་མའི༔ གསང་དབང་ཡེ་ཤེས་བདུད་རྩིའི་སྤྲིན༔ ཡང་ཟབ་མཁའ་ 2༡༡ 商འགྲོའི་ཐུགས་བཅུད་འདི༔ པདྨས་མཚོ་རྒྱལ་ཁྱོད་ལ་གདམས༔ སྙིང་མིག་སྲོག་ལས་ཕོངས་ན་ཡང་༔ ཕྱི་རབས་སྐལ་ལྡན་སྐྱེ་བུ་རྣམས༔ གསང་སྔགས་རྗེས་འཛིན་ཐབས་ཟབ་མོ༔ ཨ་ཙཱར་ས་ལེས་བརྡ་རུ་ཐོབ༔ མཁའ་འགྲོའི་འདུ་གནས་པདྨ་རྫོང་༔ གཡུ་སྒྲས་ཟབ་མོ་གཏེར་དུ་སྦོས༔ མ་འོངས་སྙིགས་མའི་དུས་ཀྱི་ཚེ༔ མི་སྲིན་བདུད་ཁམས་འདུལ་བའི་ཕྱིར༔ ང་སྤྲུལ་སུ་ཁ་བཛྲ་རྩལ༔ སྨོན་ལམ་གཏད་རྒྱ་དུས་བབས་ཚེ༔ ཐབས་གྲོགས་པདྨའི་རིགས་ཅན་དང་༔ འཕྲད་ནས་ཟབ་གཏེར་འདི་བཏོན་ཚེ༔ འགྲོ་དོན་ཤར་དང་ལྷོ་ནས་འབྱུང་༔ མཐའ་དམག་ལྔ་བཅུའི་བར་དུ་བཟློག༔ ཆོས་བདག་མཆོག་གི་བུ་ལྔ་དང་༔ འཕྲད་ནས་ཆོས་འདིས་སྨིན་ནས་ཀྱང་༔ རྡོ་རྗེ་འཛིན་པའི་ས་མཆོག་ཐོབ༔ དོན་གཉིས་བསྟན་པ་མཐར་རྒྱས་ཤོག༔ ལས་ཅན་བུ་དང་འཕྲད་པར་སྨོན༔ ལོག་ལྟ་ཅན་དང་འདི་མ་འཕྲད༔ དམ་ཉམས་རྣམས་ལ་གུ་ཧྱ་རྒྱ༔ སྐུ་རྒྱ༔ གསུང་རྒྱ༔ ཐུགས་རྒྱ༔ ཟབ་རྒྱ༔ གསང་རྒྱ༔ གཏད་རྒྱ༔ རྐ་ཤོ་རྒྱཿ གུ་ཧྱ༔ བརྡ་ཐིམ༔ ༔ ཅེས་པ་འདི་ཡང་གསང་གཏེར་རྒྱ་མཚོའི་ལྡེ་མིག་ཐབས་གྲོགས་མཆོག་གྱུར་ཨོ་རྒྱན་དངོས་སྣང་པདྨ་འགྲོ་འདུལ་གསང་སྔགས་གླིང་པས་རིན་ཆེན་སུ་ཝརྞ་དང་པཉྩ་དབང་མདོག་འཛིན་པའི་སྐྱེས་བཅས་བཀའ་སྩལ་སྤྱི་བོར་སོན་པ་དང་༔ ཆོས་ཀྱི་བདག་པོ་པདྨ་སྙན་གྲགས་ཀྱིས་ཐབས་ཤེས་རྡོར་དྲིལ༔ རིན་ཆེན་པད་རག་གི་མདངས་ཀྱི་སྐྱེས་བཅས་བསྐུལ་ངོར། དུས་མཐའི་གཏེར་མིང་འཛིན་པ་ཀུན་བཟང་བདེ་སྐྱོང་དབང་མོས་མཁའ་འགྲོ་གསང་བའི ཤོག་སེར་ལས་ཞལ་བཤུས་ཏེ་སྒྲུབ་ཁང་འོད་གསལ་འཁྱིལ་སར་དུས་ཚེས་དགེ་བར་གཏན་ལ་ཕབ་པའོ། །དགེའོ། །ལེགས་སོ། །ཕྱོགས་དུས་གནས་སྐབས་ཀུན་ཏུ་དགེ་ཞིང་བཀྲ་ཤིས་པར་གྱུར་ཅིག༔ ཛ་ཡནྟུ། །ཕག་མོའི་དབང་བཤད་སྐབས སུ། དལན་གྱི་སྐབས་སུ་བབས་པ་རྨ་རྒྱལ་ནུབ་ཀྱི་སྒོ་སྲུང་དབང་ཕྱུག་མ་བདུན་གྱི་གནས་གངས་རི་སེང་གེ་འགྱིང་འདྲའི་མདུན་ངོས་ནས་ངོ་མཚར་བའི་རྟེན་འབྲེལ་ཕུན་སུམ་ཚོགས་པ་དང་བཅས་སྤྱན་དྲངས་པའི་ཟབ་ཆོས་ཀྱི་སྐོར་ལས། རྡོ་རྗེ་ཕག མོའི་སྨིན་བྱེད་གསང་དབང་ངེས་དོན་མཁའ་འགྲོའི་ཐུགས་བཅུདཀྱི་དཀྱིལ་འཁོར་བསྒྲུབ་པ སོགས་དབང་གིས་ལྷན་ཐབས་ལྟར་རོ། ། 525 TI1394-530 ༈ མ་གཅིག་བདེ་སྐྱོང་དབང་མོའི་ཟབ་གཏེར་སྐོར་གཉིས་ཀྱི་དབང་གི་མཚམས་སྦྱོར་ལོ་རྒྱུས་བཤད་པ་ཡིད་ཆེས་དད་པ་འདྲེན་པའི་ཤིང་རྟ་ཞེས་བྱ་བ་བཞུགས་སོ།། ལ་ཅུ་ལམས་ས་ཐམས་ཀྱི་ཆེ་༄༅། །ཟབ་གསང་སྨིན་གྲོལ་མཆོག་གི་སྣོད་དང་ལྡན་པའི་སློབ་མ་རྣམས་ལ་བརྒྱུད་པའི་ཕྱག་བཞེས་བཞིན་སྒོ་དྲུང་ནས་ཁྲུས་དང་བགེགས་བསྐྲད་ཅིང་མདུན་དུ་འཁོད་པ་ལ་ཆོས་བཤད་ལོ་རྒྱུས་འདི་ལྟར་བྱ། འོ་ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ་རྣམ་པ་ཀུན་གྱི་མཆོག་ལྡན་ཟུང་འཇུག་བླ་ན་མེད་པའི་གོ་འཕང་ཐོབ་པར་བྱ། དེའི་ཆེད་དུ་གསང་སྔགས་རྡོ་རྗེ་ཐེག་པའི་ལམ་གྱི་འཇུག་སྒོ་དང་པོ་སྨིན་བྱེད་དབང་གི་རིམ་པ་ནོད་ནས་ཟབ་མོའི་བསྐྱེད་རྫོགས་ཀྱི་རྣལ་འབྱོར་ལ་ཚུལ་བཞིན་དུ་སློབ་པར་བགྱིའོ་སྙམ་པའི་བྱང་ཆུབ་མཆོག་ཏུ་སེམས་བསྐྱེད་པ་དང་། རང་གི་སྒོ་གསུམ་སྡོམ་ཞིང་རྣམ་པར་མི་གཡེང་བ་ལ་རྩེ་གཅིག་པའི་ཡིད་ Z7RT ༄༅། །བཞག་སྟེ་ཆོས་ཉན་པའི་ཀུན་ཏུ་སྤྱོད་པ་ཚུལ་བཞིན་དང་ལྡན་པས་ལེགས་པར་གསན་འཚལ། དེ་ལ་གང་ཞིག་གསན་པར་བྱ་བའི་ཆོས་ནི དུས་གསུམ་གྱི་སངས་རྒྱས་རྣམས་ཐབས་ལ་མཁས་ཤིང་ཐུགས་རྗེ་ཚད་མེད་པས་གདུལ་བྱའི་བློ་རིག་མ་ཟད་བར་ལ་འདུལ་བྱེད་ཆོས་ཀྱི་རྣམ་གྲངས་ཀྱང་དེ་སྙེད་དུ་བསྟན་པ་ཐམས་ཅད་བསྡུ་ན་ཐེག་པ་ཆེ་ཆུང་གཉིས་སུ་འདུ་སྟེ། དེའང་ནང་གསེས་ཀྱིས་དབྱེ་ན་ལང་ཀར་གཤེགས་པ་ལས། ལྷ་ཡི་ཐེག་དང་ཚངས་པའི་ཐེག །དེ་བཞིན་དུ་ནི་ཉན་ཐོས་དང་།དེ་བཞིན་གཤེགས་དང་རང་རྒྱལ་གྱི །ཐེག་པ་ཐ་དད་པར་བཤད་དོ། །ཞེས་མངོན་མཐོའི་ཐེག་པ་གཉིས་ངེས་TI1394-533 པར་ལེགས་པའི་ཐེག་པ་གསུམ་དང་རྣམ་གྲངས་ལྔར་དབྱེ་བ་སོགས་ཡོད་དོ། །བགྲོད་བྱའི་དབང་གིས་རྣམ་པར་གྲོལ་བའི་ཐེག་པ་ལ་རྡོ་རྗེའི་ཐེག་པ་སྔ་འགྱུར་གྱི་དབང་དུ་ན། ཀུན་བྱེད་རྒྱལ་པོ་ལས། ཐེག་པ་རྣམ་པ་གཉིས་ཡིན་ཏེ། །མཚན་ཉིད་རྒྱུ་ཡི་ཐེག་པ་དང་། །འབྲས་བུ་རྡོ་རྗེའི་ཐེག་པའོ། །ཞེས་འཁོར་ལོ་གསུམ་གྱི་རིམ་པ་ལ་རྒྱུ་ཕ་རོལ་ཏུ་ཕྱིན་པའི་ཐེག་པ་དང་། རྒྱུད་སྡེ་བཞིའམ་དྲུག་གི་ངེས་འབྱེད་ལ་འབྲས་བུ་གསང་སྔགས་རྡོ་རྗེའི་ཐེག་པ་ཞེས་གྲགས་ཏེ། དེ་ལས་གསང་སྔགས་ཁྱད་ཆོས་དུ་མའི་སྒོ་ནས་འཕགས་པ་ནི རྭ་ལིའི་རྒྱུད་ལས། ལྟ་བ་སྤྱོད་པ སེམས་བཟུང་དང་། །རྒྱུ་དང་ལམ་དང་འབྲས་བུ་དང་།དུས་དང་ལོངས་སྤྱོད་རྣལ་འབྱོར་དང་། །བདག་གཞན་དུས་དང་དགོངས་པ་དང་། །ངལ་དུབ་མཐའ་སྤང་ཚེགས་ཆུང་དང་། ཚོགས་བསགས་པ་ཡི་ཁྱད་པར་ཏེ། །ཁྱད་པར་རྣམ་པ་བཅོ་ལྔ་ཡིས །རིག་འཛིན་ཐེག་པ་ཁྱད་པར་འཕགས། །ཞེས་གསུངས་ལ་། གང་གི་ཕྱིར་འབྲས་བུའི་ཐེག་པ་ཞེས་བྱ་ཞེ་ན། སམྦུ་ཊི ལས། སྐལ་པ་བྱེ་བ་དུ་མ་རུ །འགྲུབ་པར་དཀའ་བའི་སངས་རྒྱས་ཀྱང་། །ཚེ་འདི་ཉིད་ལ་སྟེར་བས་ན །འབྲས་བུའི་ཐེག་པ་ཞེས་བྱའོ། །ཞེས་བཤད་ལ། དེ་ལྟ་བུའི་འཕགས་ཆོས 一 ༄༅། །ཅན་འབྲས་བུའི་ཐེག་པ་ལ་འཕགས་པའི་ཡུལ་དུ་གསང་སྔགས་ཞེས་པ་ཙམ་ལས་གསར་མ་དང་རྙིང་མའི་ཐ་སྙད་མེད་ཀྱང་བོད་འདིར་ལོ་ཙཱ་བ་ཆེན་པོ་བེེ་རོ་ཙ་ན་ལ་སོགས་པ་རྒྱལ་བློན་སྔ་དར་གྱི་དུས་སུ་བསྒྱུར་བ་ནས སྨྲྀ་ཏིའི་བར་དུ་བསྒྱུར་བའི་རྒྱུད་རྣམས་ལ་རྙིང་མ་དང་། ལོ་ཙཱ་རིན་ཆེན་བཟང་པོ་མན་ཆད་བསྒྱུར་བའི་རྒྱུད་ལ་གསར་མ་ཞེས་གྲགས་པ་ལས། འདིར་པཎྚི་ཏ་ཆེན་པོ་རོང་ཟོམ་སོགས་ཀྱི་བཞེདཔའི་སྒྱུར་བྱེད་ལོ་ཙཱ་སོགས་ཆེ་བ་དྲུག་གིས་ཁྱད་པར་དུ་འཕགས་པ་སྔ་འགྱུར་རྙིང་མ་སྟེ། དེའི་བཀའ་སྲོལ་དུ་མདོ་སྔགས་ཀྱི་ཆོས་ཐམས་ཅད་སྔགས་ལམ་དུ་རྩ་ལ་རྫོགས་པར་འཆད་ནུས་པས་། ཐེག་པ་རིམ་པ་དགུར་འཇོག་པའང་། བཤད་རྒྱུད་དགོངས་འདུས་ལས། ཀུན་འབྱུང་འདྲེན་དང་བཀའ་ཐུབ་རིག །དབང་བསྒྱུར་ཐབས་ཀྱི་ཐེག པའོ། །ཞེས་དོན་དམ་པར་མདོའི་ཕྱོགས་ལའང་འོད་ཟེར་ཆེན་པོ་ལ་སོགས་པའི་དབང་བསྐུར་གྱི་རྣམ་བཞག་ཡོད་པ་འདིར་མངོན་དུ་བྱུང་ནས་བསྟན་པ་ཡོངས་རྫོགས་ཀྱི་ཚུལ་དུ་སྨིན་པར་ནུས་པ་དང་། ཁྱད་པར་དུ་དབང་བསྒྱུར་ཐབས་ཀྱི་ཐེག་པ་སྟེ་ནང་རྒྱུད་སྡེ་གསུམ་ལ་ཁམས་ཀྱི་དྲི་མ་བླང་དོར་གྱི་ངལ་དུབ་ཆེན་པོས་སྦྱང་མི་དགོས་པར་གཞི་རྫོགས་འཕོ་མེད་ཀྱི་དབྱིངས་ལས་