Tibetan
མཛོད༔ ཛྙཱ་ན་པུཥྤེ་སིདྡྷི་ཏྲཱྃ༔ ཞེས་བརྗོད་འདབ་བཞིའི་དོ་རར་དོར༔ རིགས་དང་མཐུན་པའི་མིང་སྦྱིན་པ་ནི༔ འོ་རིགས་ཀྱི་བུ་རྣམས་ཁྱེད་ཅག་གི་མེ་ཏོག་གང་ལ་བབས་པ་དེའི་ལྷའི་དངོས་གྲུབ་ཐོབ་ཅིང་༔ གསང་བ་མིང་གི་ཅོདཔན་ཡང་༔ ཤར་དུ་བབས་ན་རྡོ་རྗེ་སེམས་དཔའ་རྩལ་དང་༔ རྡོ་རྗེ་རོལ་རྩལ་དང་༔ རྡོ་རྗེ་ཡེ་ཤེས༔ རྡོ་རྗེ་སྙིང་པོ༔ རྡོ་རྗེ་དྲི་མེད༔ མེ་ལོང་ཡེ་ཤེས་རྩལ་དང་༔ རིས་དེའི་ལྷ་འི་དངོས་གྲུབ་ཀྱང་ཐོབ་པར་འགྱུར་རོ༔ ལྷོ་རུ་བབས་ན་རིན་ཆེན་དབང་རྒྱལ༔ རིན་ཆེན་དོན་གྲུབ༔ རིན་ཆེན་རོལ་རྩལ༔ རིན་ཆེན་བསྟན་འཛིན༔ རིན་ཆེན་འོད་འཕྲོ༔ རིན་ཆེན་བཀྲ་ཤིས༔ རིན་ཆེན་བསོད་ནམས༔ རིན་ཆེན་དཔལ་བཟང་༔ མཉམ་ཉིད་ཀློང་ཡངས་རྩལ་དང་༔ རིགས་དེའི་ལྷའི་དངོས་གྲུབ་ཀྱང་ཐོབ་པར་འགྱུར་རོ༔ ནུབ་ཏུ་བབས་ན་པདྨ་རིན་ཆེན༔ ཆགས་བྲལ་ཡེ་ཤེས༔ པདྨ་དོན་ཡོད༔ པདྨ་ཀུན་གྲོལ༔ པདྨ་ལྷུན་གྲུབ༔ པདྨ་རྒྱལ་མཚན༔ པདྨ་འཇིགས་མེད༔ པདྨ་ཀུན་གྲོལ༔ རྣམ་རྒྱལ༔ པདྨ་སེམས་ དཔའ་རྩལ་དང་༔ རིགས་དེའི་ལྷའི་དངོས་གྲུབ་ཀྱང་ཐོབ་པར་འགྱུར་རོ༔ བྱང་དུ་བབས་ན་ཀརྨ་ཡེ་ཤེས༔ ཀརྨ་དོན་གྲུབ༔ ཀརྨ་ནོར་བུ༔ ཆོས་ཉིད་རང་གྲོལ༔ འོད་གསལ་ལྷུན་གྲུབ༔ ཀརྨ་བསྟན་འཛིན༔ ཀརྨ་ཡོངས་གྲུབ་རྩལ་དང་༔ རིགས་དེའི་ལྷའི་དངོས་གྲུབ་ཀྱང་ཐོབ་པར་འགྱུར་རོ༔ དབུས་སུ་བབས་ན་སངས་རྒྱས་རྒྱ་མཚོ༔ ཆོས་དབྱིངས་རང་གྲོལ༔ རང་བྱུང་རྡོ་རྗེ༔ སངས་རྒྱས་ཡེ་ཤེས༔ སངས་རྒྱས་བཟང་པོ༔ སྣ་ཚོགས་རང་གྲོལ༔ སྣ་ཚོགས་མཐར་ཕྱིན༔ ཆོས་ཉིད་རང་གྲོལ༔ སངས་རྒྱས་སེམས་དཔའ་རྩལ་དང་༔ རིགས་དེའི་ལྷའི དངོས་གྲུབ་ཀྱང་ཐོབ་པར་འགྱུར་རོ༔ མཚམས་རྣམས་སུ་བསབས་ན་ཕྱོགས་དང་ཉེ་བའི་མིང་དང་༔ དངོས་གྲུབ་ལྷ་དེའི་རིགས་ཀྱི་མྱུར་བ་ཡིན་པས་མ་བརྗེད་པར་ཡིད་ལ་ཟུངས་ཤིག༔ ལྷག་ལྷ་སྤྱི་བོར་ཐིམ་པའི་མོས་པ་མཛོད༔ པྲ་ཏི་བྷྲི་ཧ་ཎ་ཨེ་མཾ༔ ཞེས་མེ་ཏོག་འཐོར༔ དེ་ནས་མིག་དར་བསལ་བ་ནི༔ སློབ་དཔོན་གྱིས་གསེར་གྱི་ཐུར་མས་བརྡ་བྱས་ལ་འདི་སྐད་དོ༔ ཨེ་མ་སྐལ་ལྡན་སེམས་ཀྱི་བུ༔ ཁྱོད་ཉིད་མ་རིག་ལོང་བས་སྒྲིབས༔ རང་བྱུང་ཡེ་ཤེས་ཞལ་མ་མཐོང་༔ ད་རེས་རྡོ་རྗེ་སློབ་དཔོན་གྱིས༔ རྗེས་བཟུང་ཐུགས་རྗེའི་འོད་ཟེར་ནི༔ ཡེ་ཤེས་གསེར་གྱི་ཐུར་མ་ཡིས༔ ཁྱོད་ཀྱི་མ་ 商རིག་ལིང་ཐོག་བསལ༔ ཡེ་ཤེས་སྣང་བ་རྒྱས་པར་གྱུར༔ ཛྙཱ་ན་ཙཀྵུ་པྲ་བེ་ཤ་ཡ་ཕཊ༔ ཅེས་བརྗོད༔ བརྡ་སྤྲོད་པ་ནི༔ འོ་སྐལ་ལྡན་རིགས་ཀྱི་བུ་རྣམས་འདིའི་དོན ནི་རང་བྱུང་གི་ཡེ་ཤེས་ཡིད་བཞིན་གྱི་ནོར་བུ་ལྟ་བུ་འདི་རང་ལ་ཡེ་ནས་ཡོད་ཀྱང་གཉིས་འཛིན་གྱི་དབང་གིས་ངོ་མ་ཤེས་ནས་མ་རིག་པས་མིག་ལོང་ནས་གཞན་ལ་བཙལ་ཏེ་འཁོར་བར་འཁྱམས་པ༔ ད་ནི་བླ་མའི་ཐུགས་རྗེའི་ཡེ་ཤེས་ཀྱི་གསེརགྱི་ཐུར་མས་མ་རིག་པའི་མིག་བསལ་ནས་གཞིའི་ཆོས་ཉིད་ཀྱི་ཡོན་ཏན་མངོན་སུམ་དབང་པོའི་ཡུལ་དུ་སྣང་བར་བྱེད་པ་ཡིན་ནོ༔ ཞེས་བརྗོད་དོ༔ དེ་ནས་དཀྱིལ་འཁོར་བསྟན་པ་ནི༔ སློབ་དཔོན་གྱིས༔ འོཿ སྐལ་ལྡན་སེམས་ཀྱི་བུ་རྣམས་ཉོན་ཅིག༔ ཁྱོད་ཅག་ཚོགས་སྨོན་ལས་འཕྲོ་དག་པའི་སྐྱེས་བུ་རིགས་ཅན་དུ་ངེས་པས་གསང་སྔགས་ཀྱི་དཀྱིལ་འཁོར་ཆེན་པོ་འདི་ལ་ལྟོས་ཤིག༔ འདི་མཐོང་བ་ཙམ་གྱིས་སྒྲིབ་པ་དག་ཅིང་བསྒོམ་པ་ཙམ་གྱིས་ཚེ་འདིར་རིག་འཛིན་རྒྱལ་བའི་ཞིང་དུ་འཚང་རྒྱ་བར་འགྱུར་རོ༔ འདི་མ་མཐོང་བའི་སྐྱེས་བུ་བསོད་ནམས་དམན་པ རྣམས་ལ་འདིའི་མིང་ཙམ་ཡང་བརྗོད་པར་མི་བྱེད་དོ༔ རང་བྱུང་ལྷུན་གྲུབ་ཀྱི་དཀྱིལ་འཁོར་ཆེནཔོ་འདིའི་དོན་བསྟན་པ་ནི༔ དབུས་ཟླུམ་ལ་འཁྱིལ་བ་ཉག་གཅིག་ཏུ་ཡོད་པ་ནི༔ གཞིའི་ཆོས་ཉིད་ གདོད་ནས་དག་ཅིང་སྤྲོས་པ་དང་བྲལ་བའི་བརྡའོ༔ པདྨ་འདབ་བརྒྱད་མཛེས་པར་ཡོད་པ་ནི་ཡེ་ནས་གཞི་ལ་རླུང་ལྔའི་དྭངས་མ་དང་ལྡན་པའི་བརྡའོ༔ གྲུ་ཆད་བཞི་ནི་འབྱུང་བཞི་རྣམ་པར་དག་པའི བརྡའོ༔ ཁྱམ་བཞི་ཡོད་པ་ནི་ཕྲིན་ལས་བཞིའི་དོན་རང་ལ་ཚང་བའི་བརྡའོ༔ སྒོ་བཞི་ནི་ཚད་མེད་བཞི་གཞི་ལ་ལྷུན་གྱིས་གྲུབ་པའི་བརྡའོ༔ རྩིགས་པ་རྣམ་པ་ལྔ་ནི༔ ཡེ་ཤེས་ལྔའི་རང་གདངས གཞན་ལས་མ་བྱུང་བར་གཞི་ལ་ཡེ་ནས་ལྡན་པའི་བརྡའོ༔ རྟ་བབས་བརྒྱད་ནི༔ ཐེག་པ་བརྒྱད་ཀྱི་དོན་རྣམས་ཉག་གཅིག་ཏུ་གཞི་ལ་མཉམ་པར་བརྡལ་བའི་བརྡའོ༔ རི་དྭགས་བརྒྱད་ནི༔ ཚོགས་བརྒྱད་གནས་སུ་དག་པའི་བརྡའོ༔ འཁོར་ལོ་བཞི་ནི་ཕྱི་ནང་གསང་གསུམ་བླ་ན་མེད་པའི་ཐེག་པ་དང་བཞིའི་ཆོས་ཀྱི་འཁོར་ལོ་བསྐོར་བའི་བརྡའོ༔ གདུགས་ནི་ཐུགས་རྗེ་ཆེན་པོས་འགྲོ་བའི་སྐྱབས་དང་མགོན་དུ་མཆིས་པའི་བརྡའོ༔ སྣ་ཚོགས་རྡོ་རྗེ་ནི་ཆོས་ཐམས་ཅད་ཡེ་ནས་རང་བྱུང་རྣམ་པར་དག་ཅིང་སྐུ་གསུམ་ཡེ་ཤེས་ཆེན་པོའི་ངང་ལས་མ་གཡེལ་པའི་བརྡའོ༔ འདོད་རྣམ་ནི༔ སྣ་ཚོགས་སྣང་བའི་འདོད་དོན་ཐམས་ཅད་མ་སྤངས་རྒྱན་དུ་ཤར་བའི་བརྡའོ༔ ཕ་གུ་ནི༔ སེམས་ཉིད་ཡིད་བཞིན་ནོར་བུར་འདོད་དགུ་རང་བྱུང་དུ་ཡོད་པའི་བརྡའོ༔ དྲྭ་ཕྱེད་ནི༔ གཞི་ལ་ཡོན་ཏན་ དརྒྱོ༹ཾཿ ཐམས་ཅད་མ་བཙལ་ཡེ་རྫོགས་ཆེན་པོར་གནས་པའི་བརྡའོ༔ མདའ་ཡབ་ནི༔ མཁྱེན་བརྩེ་ནུས་གསུམ་གྱི་བདག་ཉིད་ཐུགས་རྗེ་ཕྱོགས་རིས་མེད་པའི་བརྡའོ༔ པུ་ཤུད་ནི༔ རིག་པ་དོན་གྱི་འོད་གསལ་སྙིང་པོར་གྱུར་པའི་བརྡའོ༔ ཞིང་ཁམས་ནི༔ རང་སྣང་མ་འགགས་ལྷུན་གྱིས་གྲུབ་པའི་བརྡའོ༔ རྡོ་རྭ་ནི༔ དབྱིངས་འཕོ་འགྱུར་མེད་པའི་བརྡའོ༔ འོད་ཟེར་གྱི་ཕྲེང་བས་བསྐོར་བ་ནི༔ སྐུ་གསུང་ཐུགས་མི་ཟད་པ་རྒྱན་གྱི་འཁོར་ལོའི་བརྡའོ༔ པད་ཕྲེང་ནི༔ ཆོས་ཅན་ཆོས་ཉིད་ཆེན་པོར་འདུས་ཤིང་རྐྱེན་གྱིས་མ་གོས་པའི་བརྡའོ༔ དུར་ཁྲོད་བརྒྱད་ཀྱི་བཀོད་པ་ཐམས་ཅད་ནི༔ ཚོགས་ཡུལ་དང་ཕྲ་དོག་གནས་སུ་དག་པའི་བརྡ་ཡིན༔ དེ་ལྟ་བུའི་མཚོན་བྱེད་དག་པའི་བརྡ་དོན་གྱི་མཐུས་བརྟེན་འབྲེལ་ལ་བརྟེན་ནས༔ མཚོན་བྱ་དོན་གྱི དཀྱིལ་འཁོར་རང་སྣང་སྐུ་གསུམ་གྱི་ཡེ་ཤེས་མངོན་སུམ་དུ་མཐོང་བ་ཡིན་པས་དགའ་སྤྲོ་དང་དད་གུས་མཛོད་ཅིག༔ དེ་ནས་དབང་ལྷ་སྤྱན་འདྲེན་པ་ནི༔ རང་ཉིད་རིགས་འདུས་པདྨ་ཐོད་ཕྲེང་རྩལ་དུ་གསལ བའི་གནས་གསུམ་ལས་འོད་འཕྲོས་པས་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་བླ་མ་ཡི་དམ་དཔའ་བོ་མཁའ་འགྲོའི་ཚོགས་དང་བཅས་པ་ཐམས་ཅད་མདུན་གྱི་ནམ་མཁར་སྤྱན་དྲངས་བཛྲ་ ས་མ་ཡ་ཛ་ཛཿ པདྨ་ཀ་མ་ལ་ཡ་སྟྭཾ༔ ཨ་ཏི་པཱུ་ཧོཿ པྲ་ཏིཙྪ་ཧོཿ བཛྲ་ཨརྒྷཾ་པཱ་དྱཾ་ཿ ཤཔྡ་པྲ་ཏཱིཙྪ་ཡེ་སྭཱ་ཧཱ༔ ཆོས་སྐུ་ནམ་མཁའ་ལྟ་བུར་ཀུན་ལ་ཁྱབ༔ ལོངས་སྐུ་འཇའ་ཚོན་བཞིན་དུ་སོ་སོར་གསལ༔ ཐུགས་རྗེ་གང་འདུལ་སྤྲལ་པའི་སྐུར་སྟོན་པ༔ བདེ་གཤེགས་སྲས་བཅས་ཡོངས་ལ་ཕྱག་འཚལ་བསྟོད༔ ཅེས་བརྗོད་ནས་རྡོ་རྗེ་ཐལ་སྦྱར་གྱིས་མེ་ཏོག་འཛིན་ལ་འདི་སྐད་གསོལ༔ ཕྱོགས་བཅུ་དུས་གསུམ་གྱི་རྒྱལ་བ་སྲས་དང་བཅས་པ་ཐམས་ཅད་ཀྱིས་རྡོ་རྗེའི་སློབ་མ་འདི་རྣམས་ལ་ཕྱི་ནངགསང་བའི་དབང་རྣམས་ཡོངས་སུ་རྫོགས་པར་སྩལ་དུ་གསོལ༔ སྨིན་པར་མཛད་དུ་གསོལ༔ གྲོལ་བར་མཛད་དུ་གསོལ༔ གང་བར་མཛད་དུ་གསོལ༔ རྒྱས་པར་མཛད་དུ་གསོལ༔ ཞེས་བརྗོད་པས་གཤེགས་པ་རྣམས་ཀྱིས་དགོངས་པ་མཛད༔ གཤེགས་མ་རྣམས་ཀྱིས་དབང་བསྐུར༔ བྱང་ཆུབ་སེམས་དཔའ་རྣམས་ཀྱིས་ཤིས་པ་བརྗོད༔ སེམས་མ་རྣམས་ཀྱིས་གླུ་གར་བསྒྱུར༔ ཁྲོ་བོ་རྣམས་ཀྱིས་བགེགས་བསྐྲད་ནས་ཐམས་ཅད་དབང་གི་བྱ་བ་ལ་དགྱེས་པར་བསམ་ལ༔ སློབ་མ་རྣམས་རྡོ་རྗེ་མི་སྐྱོད་པ་མཐིང་ག་མཚན་དང་དཔེ་བརྒྱད་ཀྱིས་བརྒྱན་པར་བསམ་ལ༔ ཧཱུྃ༔ ཡེ་ཤེས་བདུད་རྩི་དྲི་མེད་འདི༔ ཁྱོད་ཀྱི་སྤྱི་བོར་བླུགས་པ་ཡིས༔ རྣམ་ཤེས་ཕུང་པོ་གནས་དག་ནས༔ 商མེ་ལོང་ལྟ་བུའི་ཡེ་ཤེས་ཀྱི༔ དཔལ་ལྡན་ཐུགས་ཀྱི་དབང་ཐོབ་ཤོག༔ ཨོཾ་བཛྲ་ཀཱ་ཡ་ཨ་བྷི་ཥེཉྩ་ཧཱུྃ༔ དབུ་རྒྱན་ཐོགས་ལ༔ སློབ་མ་རྣམས་རིན་ཆེན་འབྱུང་ལྡན་དུ་གསལ་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ རིན་ཆེན་དབུ་རྒྱན་འདི་གཏདཔས༔ ཚོར་བའི་ཕུང་པོ་རྣམ་དག་ནས༔ མཉམ་པ་ཉིད་ཀྱི་ཡེ་ཤེས་ཀྱི༔ དཔལ་ལྡན་ཡོན་ཏན་དབང་ཐོབ་ཤོག༔ རཏྣ་ཀཱ་ཡ་ཨ་བྷི་ཥིཉྩ་ཧཱུྃ༔ གསེར་གྱི་རྡོ་རྗེ་ཐོགས་ལ༔ སློབ་མ་རྣམས་སྣང་བ་མཐའ་ཡས་སུ་གསལ་ལ༔ ཧཱུྃ༔ སྐལ་ལྡན་སེམས་ཀྱི་བུ་ཁྱོད་ལ༔ ཐབས་མཆོག་རྡོ་རྗེ་འདི་གཏད་པས༔ འདུ་ཤེས་ཕུང་པོ་རྣམ་དག་ནས༔ སོ་སོར་རྟོགས་པའི་ཡེ་ཤེས་ཀྱི༔ དཔལ་ལྡན་གསུང་གི་དབང་ཐོབ་ཤོག༔ ཨོ་པདྨ་ཀཱ་ཡ་ཨ་བྷི་ཥིཉྩ་ཧཱུྃ༔ དེ་ནས་དངུལ་དཀར་དྲིལ་བུ་ཐོགས་ལ༔ སློབ་མ་རྣམས་དོན་ཡོད་གྲུབ་པ་རུ་གསལ་ལ༔ ཧཱུྃཿ སྐལ་ལྡན་རིགས་ཀྱི་བུ་ཁྱོད་ལ༔ རིན་ཆེན་དྲིལ་བུ་འདི་གཏད་པས༔ འདུ་བྱེད་ཕུང་པོ་རྣམ་དག་ནས༔ བྱ་བ་གྲུབ་པའི་ཡེ་ཤེས་ཀྱི༔ དཔལ་ལྡན་ཕྲིན་ལས་དབང་ཐོབ་ཤོག༔ ཨོ་ཀརྨ་ཀཱ་ཡ་ཨ་བྷི་ཥིཉྩ་ཧཱུྃ༔ དེ་ནས་མིང་དབང་ནི༔ སློབ་མ་རྣམས་རྣམ་པར་སྣང་མཛད་དཀར་པོ་མཚན་དང་དཔེ་བྱད་ཀྱིས་སྤྲས་པར་བསྒོམ་ལ༔ ཧཱུྃ༔ སྐལ་ལྡན་སེམས་ཀྱི་བུ་ཁྱོད་ལ༔ རྣམ་པར་སྣང་མཛད་མིང་༣༽ གི་དབང་༔ བསྐུར་བས་གཟུགས་ཕུང་རྣམ་དག་ནས༔ ཆོས་ཀྱི་དབྱིངས་ཀྱི་ཡེ་ཤེས་ཀྱི༔ དཔལ་ལྡན་སྐུ་ཡི་དབང་ཐོབ་ཤོག༔ ཨོཾ་བུདྡྷ་ཀཱ་ཡ་ཨ་བྷི་ཥིཉྩ་ཧཱུྃ༔ དོན་ངོ་སྤྲོད་པ་ནི༔ སློབ་དཔོན་གྱིས༔ འོ་སྐལ་ལྡན་རིགས་ཀྱི་བུ་རྣམས་ཁྱེད་ཅག་ལ་ཐུན་མོང་གི་རིགས་ཀྱི་དབང་ལྔ་བསྐུར་བས༔ ཉོན་མོངས་པ་ལྔ་དང་༔ ཕུང་པོ་ལྔ་གནས་སུ་དག་ནས༔ སྐུ་ལྔ་ཡེ་ཤེས་ལྔ་མངོན་དུ་གྱུར་ཅིང་གསང་སྔགས་ཟབ་མོའི་དཀྱིལ་འཁོར་གྱི་སྨིན་བྱེད་ལ་འཇུག་པའི་མངའ་དབང་ཐོབ་པ་ཡིན་པས་སྣང་རྟོག་ལྷའི་དཀྱིལ་འཁོར་དུ་ལམ་དུ་ཁྱེར་ནས་ཕྱི་ནང་ཀུན་ལ་བརྙས་པ་སྤང་ཞིང་དག་སྣང་དང་མོས་གུས་མཛོད་ཅིག༔ དེ་ནས་དངོས་གཞིའི་ལྷ་དབང་ཞུ་བའི་ཕྱིར་མཎྜལ་ཕུལ་ཞིང་༔ གསོལ་བ་གདབ་པ་ནི༔ ཧོཿ རྡོ་རྗེ་སློབ་དཔོན་མཆོག་ཉིད་དགོངས༔ བདག་ཅག་སྐལ་ལྡན་བུ་རྣམས་ལ༔ རིག་འཛིན་བླ་མའི་དངོས་གཞིའི་དབང་༔ ཡོངས་རྫོགས་གནང་བའི་བཀའ་དྲིན་ཞུ༔ དེ་ཞེས་ལན་གསུམ་ཟློས༔ དེ་ནས་སློབ་དཔོན་གྱིས༔ འོ་སྐལ་ལྡན་རྣམས་དམིགས་པ་འདི་བཞིན་དུ་མཛོདཅིག༔ དཀྱིལ་འཁོར་གྱི་གཙོ་བོའི་ཐུགས་ཀ་ནས་དབང་རྫས་རྣམས་རིམ་པ་བཞིན་དུ་བྱུང་བར་བསམ་ལ༔ དེ་ནས་བུམ་པ་ཐོགས་ལ༔ ཧཱུྃ་ཧྲཱིཿ བདེ་ཆེན་ཆོས་སྐུའི་བུམ་པ་རུ༔ ལྷུན་གྲུབ་རྒྱལ་བའི་དཀྱིལ་ དི་རྒྱོ༹ཾ འཁོར་རྫོགས༔ སྐལ་ལྡན་བུ་ལ་དབང་བསྐུར་བས༔ སྤྲུལ་པ་སྐུ་ཡི་དབང་ཐོབ་ཤོག༔ རྩ་སྔགས་མཐར༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་རིགས་བདག་གི་སྐུ་ཐོགས་ལ༔ ཧཱུྃ༔ སངས་རྒྱས་ཀུན་གྱི་གསུང་གསང་བ༔ བྱིན་རླབས་ཡེ་ཤེས་འབྱུང་བའི་མཛོད༔ སྣང་བ་མཐའ་ཡས་དབང་བསྐུར་རོ༔ རིགས་དང་དཀྱིལ་འཁོར་ཐམས་ཅད་ལ༔ དབང་བསྐུར་དངོས་གྲུབ་ཐོབ་པར་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་གཙོ་བོའི་སྐུ་ཐོགས་ལ༔ ཧཱུྃ༔ དུས་གསུམ་སངས་རྒྱས་ཐམས་ཅད་ཀྱི༔ ཕྲིན་ལས་གཅིག་བསྡུས་འགྲོ་བའི་མགོན༔ སྐུ་གཅིག་བཀོད་པ་བརྒྱད་དུ་བཞེངས༔ ཡ་མཚན་མཆོག་གི་དངོས་གྲུབ་བརྙེས༔ པདྨ་འབྱུང་གནས་དབང་བསྐུར་རོ༔ ལྷུན་གྲུབ་རིག་འཛིན་སྐུ་ཐོབ་ཤོག༔ རྩ་སྔགས༔ ཀཱ་ཡ་ཨ་བྷི ཥིཉྩ་ཨོཾ༔ རྗེ་མོའི་སྐུ་ཐོགས་ལ༔ ཧཱུྃ༔ ཆོས་སྐུ་སྐྱེ་བ་མེད་པ་ལ༔ འགགས་མེད་ལོངས་སྤྱོད་རྫོགས་སྐུ་ཤར༔ སྤྲུལ་སྐུ་ཡེ་ཤེས་མཚོ་རྒྱལ་གྱིས༔ སྐལ་ལྡན་བུ་ལ་དབང་བསྐུར་རོ༔ ལྷན་སྐྱེས་ཡེ་ཤེས་མངོན་གྱུར་ནས༔ མི་སློབ་རིག་སྐུ་འགྲུབ་པར་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨོ༔ དེ་ནས་རིག་འཛིན་གྱི་སྐུ་ཐོགས་ལ༔ ཧཱུྃ༔ ཆོས་དབྱིངས་ངང་ལས་ཐབས ཀྱི་སྐུར་བཞེངས་པ༔ གྲུབ་པ་བརྒྱད་ལ་དབང་འབྱོར་རིག་པ་འཛིན༔ སྤྲུལ་པའི་རིག་འཛིན་བརྒྱད་ཀྱིས་དབང་བསྐུར་རོ༔ རིམ་གཉིས་སྙིང་པོའི་སྒྲུབ་པ་མཐར་ཕྱིན་ནས༔ མཆོག་གི་དངོས་གྲུབ་ཐོབ་པའི་དབང་ཐོབ་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་རྗེ་འབངས་ཀྱི་སྐུ་ཐོགས་ལ༔ ཧཱུྃ༔ གདུལ་དཀའ་འདུལ་ཕྱིར་གང་འདུལ་སྐུར་སྤྲུལ་པ༔ མདོ་སྔགས་ཆོས་ཀྱི་བསྟན པའི་བ་དན་བསྒྲེང་༔ མཆོག་གི་རིག་འཛིན་སར་གཤེགས་འགྲོ་བའི་མགོན༔ རྗེ་འབངས་རིག་འཛིན་ཚོགས་ཀྱིས་དབང་བསྐུར་རོ༔ དོན་གཉིས་མཐར་ཕྱིན་ལུང་རྟོག་སྒྲོན་མེ་འཛིན༔ འགྲོ་དོན་ཕྲིན་ལས་མཐའ་རྒྱས་དབང་ཐོབ་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་རྒྱལ་ཆེན་བཞིའི་སྐུ་ཐོགས་ལ༔ ཧཱུྃ༔ ཚད་མེད་བཞི་ཡིས་འགྲོ་རྣམས་ཐབས་ཀྱིས་འདུལ༔ ཕྲིན་ལས བཞི་ལ་མངའ་བརྙེས་སྒོ་སྐྱོང་མཛད༔ རྒྱལ་པོ་ཆེན་པོ་སྡེ་བཞིས་དབང་བསྐུར་རོ༔ ལས་རྣམས་ཐོགས་མེད་འགྲུབ་པའི་དབང་ཐོབ་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨོཾ༔ དེས་སྐུ་བུམ པའི་དབང་ཐོབ་ནས་ལུས་བསྐྱེད་རིམ་བསྒོམ་པ་ལ་དབང་༔ སྤྲུལ་སྐུའི་ས་བོན་གྱི་སྐལ་བ་རྒྱུད་ལ་བཞག་པ་ཡིན་ནོ༔ དེ་ནས་རཀྟ་ཐོགས་ལ༔ ཧཱུྃ༔ རང་བྱུང་བྷནྡྷ་ཡངས་པའི་ནང་༔ ཨ་ལི་ཀ ད 商ལིའི་རང་སྒྲ་སྒྲོགས་༔ རིག་འཛིན་གསུང་གི་བདུད་རྩི་འཁྱིལ༔ སྐལ་ལྡན་བུ་ལ་སྦྱིན་པ་ཡིས༔ ངག་སྒྲིབ་དག་ནས་གསུང་དབང་ཐོབ༔ ལོངས་སྤྱོད་རྫོགས་སྐུར སྨིན་པར་ཤོག༔ རྩ་སྔགས༔ ཝཀཱ་ཡ་ཨ་བྷི་ཥིཉྩ་ཨཱཿ དེ་ནས་སྔགས་འཁོར་གཏདལ༔ རིག་འཛིན་བླ་མ་འདུས་པ་ཡི༔ ཡང་སྙིང་གསང་སྔགས་ཀུན་འདུས་འདིས༔ སྐལ་ལྡན་བུ་ལ་དབང་བསྐུར་བས༔ བཟླས་པ་སྔགས་ཀྱི་དབང་ཐོབ་ཤོག༔ རྩ་སྔགས༔ ཝཀཱ་ཡ་ཨ་བྷི་ཥིཉྩ་ཨཱཿ དེ་ནས་སྔགས་ཕྲེང་གཏད་ལ༔ ཧཱུྃ༔ རིན་ཆེན་ཕྲེང་བ་བརྒྱ་རྩ་འདི༔ སྐལ་ལྡན་ཁྱོད་ཀྱི་ལག་ཏུ་གཏད༔ གསང་སྔགས་རིག་སྔགས་གཟུང་སྔགས་དང་༔ སྙིང་པོའི་སྔགས་རྣམས་དབང་ཐོབ་ཤོག༔ རྩ་སྔགས་ལན་གསུམ་རྗེས་ཟློས་ལ༔ མཐར་ཐམས་ཅད་ཀྱིས་སྔགས་བརྒྱ་རྩ་བརྗོད་དོ༔ དེས་ངག་དང་རླུང་གི་སྒྲིབ་པ་དག༔ ངག་སྔགས་བཟླས་པ་ལ་དབང་༔ ལོངས་སྤྱོད་རྫོགས་སྐུའི་གོ་འཕང་ཐོབ་པའི་སྐལ་བ་རྒྱུད་ལ་བཞག་གོ༔ དེ་ནས་རིག་མ་གཏད་ལ༔ སློབ་བུ་རྣམས་སྐད་ཅིག་གིས དཔལ་རྟ་མཆོག་རོལ་པའི་སྐུར་བསྒོམ་མོ༔ ཞེས་བརྗོད་ནས་རིག་མ་སྦྱིན་པ་ནི༔ ཧཱུྃ༔ བཅུ་དྲུག་དགའ་སྟེར་མཆོག་གི་ཕོ་ཉ་མོ༔ བཞིན་མཛེས་ལང་ཚོའི་མདངས་ལྡན་ཡིད་འཕྲོག་མ༔ བདེ་ཆེན་༦རུ་༠ ཡེ་ཤེས་བསྐྱེད་མཛད་མཛའ་ན་མོ༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ རྣམ་གསུམ་བག་ཆགས་ཆོས་ཉིད་ཆེན་པོར་བཅོམ༔ དགའ་མཆོག་ཁྱད་ལྡན་དགའ་བྲལ་ཡེ་ཤེས་ལ༔ དབང་འབྱོར་མཆོག་གི་རིག་འཛིན་འགྲུབ་པར་ཤོག༔ རྩ་སྔགས༔ མ་ཧཱ་ཛྙ་ན་སུ་ཁ་བོ་དྷི་ཙིཏྟ་ཨ་བྷི་ཥིཉྩ་ཧཱུྃ༔ དེས་རླུང་དང་ཐིག་ལེའི་སྒྲིབ་པ་ཐམས་ཅད་དག༔ རླུང་བཅུ་ལས་སུ་རུང་ནས་རིག་སྟོང་བདེ་བ་ཆེན་པོའི་ཡེ་ཤེས་མངོན་དུ་གྱུར་པའི་དོན་རྒྱུད་ལ་བཞག་ཡིན་ནོ༔ ཅེས་བརྗོད་དོ༔ སྤྲོས་མེད་རིག་པའི་རྩལ་དབང་གབ་ཐིག་ལྟར་བྱས་ལ༔ ངོ་སྤྲོད་ཀྱི་མཇུག་ཏུ༔ འོ་རིགས་ཀྱི་བུ་རྣམས་ཆོས་ཐམས་ཅད་ཡེ་ནས་སྤྲོས་པ་དང་བྲལ་བས་བརྗོད་དུ་མེད་དོ༔ དངོས་པོ་ལས་འདས་པས་བསམ་དུ་མེད་དོ༔ གཞི་རྩ་དང་བྲལ་བས་དཔེར་མཚོན་དུ་མེད་དོ༔ འདུས་མ་བྱས་པས་བལྟར་མེད་པའོ༔ མཚན་མ་མེད་པའོ༔ སྨོན་པ་མེད་པའོ༔ སྤྲོས་པ་མེད་པའོ༔ རྣམ་པར་ཐར་པའི་སྒོ་གསུམ་དང་ལྡན་པ༔ སྤྲོས་པའི་མཐའ་བརྒྱད་དང་བྲལ་བ༔ རང་བྱུང་གི་ཡེ་ཤེས་ཆེན་པོ༔ རིག་པ་ཟང་ཐལ་སྒྲིབ་གཡོགས་དང་བྲལ་བ་དེ་ག་མངོན་གྱུར་ངང་གནས་ཆེན་པོའི་ཀློང་དུ་ཆུབ་པར་གྱིས་ཤིག༔ དེས་ཡིད་དང་ཀུན་གཞིའི་སྒྲིབ་པ་དག༔ ཐུགས་རྡོ་རྗེའི་བྱིན་རླབས་ཞུགས༔ ཚེ་དབང་རིག ༢商འཛིན་གྱིས་ཐོབ༔ ངོ་བོ་ཉིད་ཀྱི་དོན་རྒྱུད་ལ་བཞག་པ་ཡིན་ནོ༔ དེ་ནས་རྡོ་རྗེ་སློབ་དཔོན་ལ་མངའ་དབང་བསྐུར་བ་ནི༔ དང་པོ་གདན་ཁྲི་དང་རྡོ་རྗེ་དྲིལ་བུ་དུང་གཡས་འཁྱིལ་རྣམས་གཏད་ལ༔ ཧཱུྃ༔ སྲིད་ལས་འཕགས་པའི་རིན་ཆེན་སྣ་ཚོགས་ཁྲི༔ ཐབས་དང་ཤེས་རབ་གཉིས་མེད་རྡོ་རྗེ་དྲིལ༔ ཆོས་ཀྱི་སྒྲ་སྒྲོགས་དུང་དཀར་གཡས་འཁྱིལ་འདི༔ སྐལ་ལྡན་རིགས་ཀྱི་བུ་ལ་གཏད་པ་ཡིས༔ ཁམས་གསུམ་ཆོས་ཀྱི་རྒྱལ་པོར་དབང་ཐོབ་ནས༔ འགྲོ་རྣམས་སྨིན་གྲོལ་ལ་འགོད་དཔལ་ཐོབ་ཤོག༔ རྩ་སྔགས༔ སརྦ་དྷརྨ་རཱ་ཛ་སརྦ་ཀརྨ་ཨ་བྷི་ཥིཉྩ་ཧྲཱིཿ དེ་ནས་གླེགས་བམ་གཏད་ལ༔ ཨེ་མ་སྣོད་ལྡན་སྐལ་བཟང་རིགས་ཀྱི་བུ༔ གསང་བ་སྙིང་པོ་ཆོས་ཀྱི་རིང་བསྲེལ་འདི༔ དེ་རིང་བདག་གིས་ཁྱོད་ལ་བཀའ་དབང་སྩལ༔ འདི་དོན་ཚུལ་བཞིན་ཟུངས་ལ་ཉམས་སུ་ལོངས༔ བློ་ངན་ཀུན་རྟོག་དྲི་མའི་སྐྱོན་སྤངས་ནས༔ ཡང་དག་ཉིད་དུ་འདི་དོན་ཤེས་པར་གྱིས༔ རང་དོན་མཐར་སོན་གཞན་དོན་ལྷུར་བླངས་ཚེ༔ སྨིན་གྲོལ་ཆོས་ཀྱི་འགྲོ་རྣམས་སྲིད་མཚོ་ལས༔ བསྒྲལ་ཏེ་ཡང་དག་རྣམ་མཁྱེན་ལམ་མཆོག་ལ༔ བགྲོད་པའི་དེད་དཔོན་ཆེན་པོར་ཁྱོད་མངའ་གསོལ༔ དོན་གཉིས་ལྷུན་གྲུབ་དཔལ་ལ་སྤྱོད་པར་ཤོག༔ རྩ་སྔགས་མཐར༔ ཨོཾ་ཨཱཿཧཱུྃ་སརྦ་ངྷརྨ སིདྡྷི་ཨ་ཨ་ཨ༔ དེ་ནས་གཏོར་མ་ཐོགས་ལ༔ ཧཱུྃ་ཧྲཱིཿ ཆོས་དབྱིངས་ཁྱབ་བརྡལ་གཞོང་པ་རུ༔ རང་བྱུང་ལྷུན་གྲུབ་གཏོར་མ་བཤམས༔ ཡེ་ཤེས་རང་གསལ་གཏོར་རྒྱན་བྱས༔ རྩ་གསུམ་ལྷ་ཚོགས་བསྒྲུབ་པའི་རྟེན༔ སྐལ་ལྡན་བུ་ལ་དབང་བསྐུར་བས༔ རིགས་དང་དཀྱིལ་འཁོར་ཐམས་ཅད་ལ༔ དབང་བསྒྱུར་དོན་གཉིས་མཐར་ཕྱིར་ཤོག༔ རྩ་སྔགས༔ མ་ཧཱ་བཱ་ལིཾ་ཏ་ཨ་བྷི ཥིཉྩ་ཨ༔ དེ་ནས་བཀའ་དབང་ནི༔ ཆོས་སྐུ་ཀུན་བཟང་ཡབ་ཡུམ༔ དྲུག་པ་རྡོ་རྗེ་འཆང་ཆེན༔ སྟོན་པ་རྡོ་རྗེ་སེམས་དཔའ༔ གུ་རུ་དགའ་རབ་རྡོ་རྗེ༔ རིག་འཛིན་ཤྲཱི་སིང་ཧ༔ པཎ་ཆེན་བི་མི་ཏྲ༔ ཨོ་རྒྱན་པདྨ་འབྱུང་གནས༔ མཁའ་འགྲོ་ཡེ་ཤེས་མཚོ་རྒྱལ༔ ལོ་ཆེན་བེེ་རོ་ཙ་ན༔ དགེ་སློང་ནམ་མཁའི་སྙིང་པོ༔ སྐུའི་ཌཱ་ཀི་ཞི་བ་རྡོ་རྗེ་མཚོ༔ ཀུན་དག་སུ་ཁ་སིདྡྷི སོགས་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱིས་རྡོ་རྗེའི་སློབ་མ་འདི་རྣམས་ལ་དབང་བསྐུར་བར་མཛད་དུ་གསོལ༔ སྨིན་པར་མཛད་དུ་གསོལ༔ གྲོལ་བར་མཛད དུ་གསོལ༔ ཡེ་ཤེས་ཀྱི་སྣང་བ་རྒྱས་པར་མཛད་དུ་གསོལ༔ མཆོག་ཐུན་མོང་གི་དངོས་གྲུབ་མ་ལུས་པ་ད་ལྟ་ཉིད་དུ་ཐོབ་པར་མཛད་དུ་གསོལ༔ རྩ་སྔགས་མཐར༔ ཀཱ་ཡ་སིདྡྷི་ཨོ༔ ཝཱ ར ཿ སིདྡྷི་ཨཱཿ ཙིཏྟ་སིདྡྷི་ཧཱུྃ༔ སརྦ་སིདྡྷི་ཧྲཱིཿ ལན་གསུམ་བརྗོད་ནས་མེ་ཏོག་འཐོར༔ མཐའ་རྟེན་ལ་སོགས་སྤྱི་དང་བསྟུན༔ དེ་ནས་དམ་ཚིག་ཁས་བླང་དང་༔ སྐུ་དྲིན་གསོ་ཕྱིར་མཎྜལ་ཕུལ༔ བཀྲ་ཤིས་བསྔོ་སྨོན་མཐའ་བརྒྱན་བྱ༔ དེ་ཡིས་དབང་གི་ལས་རིམ་རྫོགས༔ ས་མ་ཡ༔ ཨེ་མ༔ ཤིན་ཏུ་ཟབ་པ་ལས་ཀྱང་ཆེས་ཟབ་པ༔ པད་འབྱུང་ཐུགས་བཅུད་སྙིང་པོའི་ཆོས་ཀུན་འདུས༔ ཁོ་མོ་མཚོ་རྒྱལ་བདག་གི་གདམས་པའི་བཅུད༔ མྱུར་ལམ་ཟབ་དབང་ཡེ་ཤེས་དྲྭ་བ་འདི༔ སྙིང་མིག་སྲོག་ལས་ལྷག་པར་རབ་གཅེས་བྱ༔ སྙིང་ནོར་སྙིང་གི་བཅུད་འདི་ཕྱི་རབས་དོན༔ ལས་ལྡན་ཞི་བ་མཚོ་ཡི་སྙིང་ལ་སྦ༔ མ་འོངས་ཉི་ཤུ་སྙིང་མ་ལྔ་ཡི་ཚེ༔ ང་སྤྲུལ་ང་དང་གཉིས་མེད་ཁྱིམ་པའི་ཚུལ༔ ཆུ་འབྲུག་ལོ་པ་སྤྱི་མགྲིན་སྙིང་ག་རུ༔ བྃ་དང་ཧ་རི་ནི་སའི་རི་མོ་བཀྲ༔ སུ་ཁའི་མིང་ཅན་ཟབ་མོ་གཏེར་ལ་སྤྱོད༔ པད་འབྱུང་སྤྲུལ་