Tibetan
མ༔ སྔོ་གསལ་ཞལ་གཅིག་ཕྱག་གཉིས་པ༔ ཕྱག་གཡས་ཅང་ཏེའུ་སྙན ཐད་དཀྲོལ༔ གཡོན་པས་བྷན་ཐོད་ཐུགས་ཀར་འཛིན༔ དར་དང་རིན་ཆེན་རུས་རྒྱན་གསོལ༔ ཞབས་གཉིས་བཞེངས་སྟབས་པད་ཟླར་བཞུགས༔ ལྷོ་རུ་རིན་ཆེན་མཁའ་འགྲོ་མ༔ སེར་གསལ་ཞལ་གཅིག ཕྱག་གཡས་ཅང་ཏེའུཿ གཡོན་པས་བྷན་དར་དང་རིན་ཆེན་ཞབས་གཉིས་བཞེངས་ནུབ་ཏུ་པདྨ་མཁའ་འགྲོ་མ༔ དམར་གསལ་ཞལ་ཕྱག་གཡས་ཅང་ཏེའུཿ གཡོན་པས་བྷན་དར་དང་རིན་ཆེན ཞབས་གཉིས་བཞེངས་བྱང་དུ་ཀརྨ་མཁའ་འགྲོ་མ༔ ལྗང་གསལ་ཞལཿ ཕྱག་གཡས་ཅང་ཏེའུཿ གཡོན་པས་བྷན་དར་དང་རིན་ཆེན་ཞབས་གཉིས་བཞེངསཿ མདུན་འཁོར་སངས་རྒྱས་མཁའ་འགྲོ་མ༔ དཀར་མོ་ཞལ་གཅིག་ཕྱག་གཉིས་པ༔ ཕྱག་གཡས་གྲི་གུག་ནམ་མཁར་ཕྱར༔ གཡོན་པས་ཐོད་ཁྲག ཐུགས་ཀར་འཛིན༔ ཞབས་གཉིས་བཞེངས་སྟབས་པད་ཟླར་བཞུགས༔ རང་རང་རིགས་ཀྱི་ཌཱ་ཀིས་བསྐོར༔ དེ་ལྟར་ལྷ་རྣམས་གསལ་བ་ཡི༔ སྒྱུ་མའི་ཆོ་འཕྲུལ་ཇི་བཞིན་དུ༔ དམ་ཚིག ལྷ་ཡི་གནས་གསུམ་དུ༔ འབྲུ་གསུམ་དག་ལས་འོད་འཕྲོས་པས༔ འོག་མིན་རྔ་ཡབ་དཔལ་རི་ནས༔ རིག་འཛིན་འདུས་པ་གཙོ་དང་འཁོར༔ སྤྱན་དྲངས་དམ་ཡེ་དབྱེར་མེད་བསྟིམས༔ 肖སྤྱན་འདྲེན་ནི༔ ཧཱུཾ་ཧྲཱིཿ སྔོན་གྱི་བསྐལ་པའི་དང་པོ་ལ༔ ཨོ་རྒྱན་ཡུལ་གྱི་ནུབ་བྱང་མཚམས༔ དྷ་ན་ཀོ་ཤའི་མཚོ་གླིང་དུ༔ པདྨ་གེ་སར་སྡོང་པོ་ལ༔ ཡ་མཚན་མཆོག་གི་དངོས་གྲུབ་བརྙེས༔ པདྨ་འབྱུང་གནས་ཞེས་སུ་གྲགས༔ འཁོར་དུ་མཁའ་འགྲོ་མང་པོས་བསྐོར༔ ཁྱོད་ཀྱི་རྗེས་སུ་བདག་བསྒྲུབ་ཕྱིར༔ བྱིན་གྱིས་བརླབ་ཕྱིར་གཤེགས་སུ་གསོལ༔ རིན་ཆེན་པདྨ་ཉི་ཟླའི་གདན༔ དམ་ཡེ་དབྱེར་མེད་རོ་གཅིག་བཞུགས༔ མ་བཅོས་གཉུག་མ་མཐའ་བྲལ་དབྱིངས༔ རང་ཞལ་མཇལ་བར་ཕྱག་བགྱིའོ༔ སྣང་ཡུལ་དག་པ་རབ་འབྱམས་ཀློང་༔ འདོད་ཡོན་ཟག་མེད་མཆོད་པ་འབུལ༔ ཀ་དག་ཀློང་ནས་ལྷུན་འགྲུབ་ཤར༔ དཀྱིལ་དང་འཁོར་གྱི་རྣམ་པར་གསལ༔ སྐུ་གསུང་ཐུགས་ཡོན་ཕྲིན་ལས་ལྔ༔ ཡོངས་རྫོགས་ལྷ་ལ་ཕྱག་འཚལ་བསྟོད༔ ཐུན་མོང་གྲུབ་པ་བརྒྱད་བརྙེས་ཤིང་༔ མཆོག་གི་དངོས་གྲུབ་སྩལ་དུ་གསོལ༔ ལྷ་སྔགས་ཏིང་འཛིན་ཉམས་ཆགས་ཀུན༔ དཀྱིལ་འཁོར་ལྷ་ཚོགས་སྤྱན་སྔར་བཤགས༔ རང་ཉིད་རིགས་འདུས་ཐུགས་ཀ་ནས༔ གསེར་རྡོར་རྩེ་ལྔའི་ལྟེ་བར་ཧྲཱིཿ སྔགས་ཀྱིས་གཡས་སུ་འཁོར་བ་ཡི༔ འོད་ཟེར་སྤྲོ་བསྡུས་དོན་གཉིས་བྱས༔ ཚུར་འདུས་སྔགས་ཕྲེང་ ཉིད་ལ་ཐིམ༔ རྒྱལ་ཀུན་གསང་བའི་ཡོན་ཏན་དབང་༔ མ་བཅོས་བློ་བྲལ་ཆེན་པོར་བཟླས༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛ་ཛ་སིདྡྷི ཕ་ལ་ཧཱུྃ༔ ཨོཾ་བྃ་ཧ་རི་ནི་ས་ར་ཙ་ཧྲཱིཿཡ་ཙིཏྟ་ཧྲིཾ་ཧྲིཾ་ཛ་ཛཿཅེས་པ་བརྒྱ་སྟོང་ཁྲི་འབུམ་དང་༔ བྱེ་བ་གཅིག་གིས་འགྲུབ་པར་ངེས༔ སྐབས་སུ་ཚིག་བདུན་ཅི་མང་བརྗོད༔ ཕྱི་མ་རིག་འཛིན་གྲལ་དུ་འཁོད༔ ཐེ་ཚོམ་མེད་དོ་ས་མ་ཡ༔ སྐལ་ལྡན་བུ་དང་འཕྲད་པར་ཤོག༔ སྐལ་མེད་རྣམས་ལ་གུ་ཧྱ་རྒྱ༔ དྲེགས་པ་རྣམ་གསུམ་གཉེར་གྱིས་ཤིག༔ ས་མ་ཡ༔ ཟབ་རྒྱ༔ གསང་རྒྱ༔ སྐུ་གསུང་ཐུགས་ཀྱི་རྒྱ༔ ཨོཾ་རྒོད༔ ཌཱཀྐིའི་རྒྱ༔ ཅེས་པ་རིག་འཛིན་ནང་སྒྲུབ་ཟབ་མོ་འདི་ཡང་པདྨ་ཐུབ་བསྟན་བཟང་པོས་བསྐུལ་ངོར། སུ་ཁའི་མིང་གིས་འཁྲུལ་སྣང་མཁའ་འགྲོའི་སྙན་བརྒྱུད་ལས་དག་པར་བྲིས་པ་དགེའོ།། དགེའོ།། ཐུན་མཚམས་མཆོད་བསྟོད་ནི། ཨོཾ་གུ་རུ་བིདྱཱ་དྷ་ར་ས་པཱ་རིཝ་ར་བཛྲ་ཨརྒྷཾ་སོགས། ཤཔྡ་གུ་ཧྱ་ས་རྦ་པཱུ་ཛ་ཧོཿ ཧྲཱིཿ སྐྱེ་འགགས་འགྱུར་མེད་བདེ་གཤེགས་ཡོངས་འདུས་རྗེ༔ མ་ལུས་འགྲོ་བའི་སྐྱབས་མགོན་པདྨ་འབྱུང་༔ སྐུ་གསུང་ཐུགས་ཡོན་ཕྲིན་ལས་མ་ལུས་དང་༔ དཀྱིལ་འཁོར་ལྷ་ཚོགས་རྣམས་ལ་ཕྱག་འཚལ་བསྟོད༔ མཆོག་ཐུན་དངོས་གྲུབ་མ་ལུས་སྩལ་དུ་གསོལ༔ འགྲོ་ཀུན་རྣམ་མཁྱེན་སངས་རྒྱས་ཐོབ་པར་ཤོག༔ ཅེས་པ་སྤྲང་མོའི་རྫུན་རིས་སོ། ཉི 商合ཆོས་ཉིད་མཁའ་འགྲོའི་གསང་མཛོད་ལས༔ ཚོགས་མཆོད་རིག་འཛིན་དགྱེས་སྐོང་དངོས་གྲུབ་མྱུར་ཐོབ་སྤྲོས་མེད་རྒྱུན་ཁྱེར་བཞུགས༔ ན་མོ་པདྨ་ཀཱ་ར་ཡེ༔ རིག་འཛིན་འདུས་པའི་དཀྱིལ་འཁོར་དུ༔ བསོད་ནམས་ཚོགས་ཆེན་བསགས་པའི་ཐབས༔ བཟའ་བཅའ་བཏུང་བ་ལ་སོགས་དང་༔ མཱཾ་ས་ཛ་གད་ཐབས་ཤེས་རྫས༔ ཅི་འབྱོར་བཤམས་ནས་ཏིང་འཛིན་ངང་༔ ཧཱུཾ༔ སྣོད་བཅུད་དག་མཉམ་རོལ་པ་ལས༔ འཁོར་འདས་ཡོངས་དག་མཆོད་པའི་རྫས༔ དམ་རྫས་ཤ་ལྔ་བདུད་རྩི་ལྔ༔ ཟག་མེད་ནམ་མཁའ་མཛོད་དུ་གྱུར༔ རཾ་ཡཾ་ཁཾ༔ ཨོཾ་ཨཱཿཧཱུྃ༔ ཧཱུྃ་ཧྲཱིཿ འོག་མིན་མཁའ་སྤྱོད་པདྨ་འོད༔ བདེ་ཆེན་འབར་བའི་གཞལ་ཡས་ནས༔ ཀུན་བཟང་པདྨ་ཧེ་རུ་ཀ༔ རིག་འཛིན་ལྷ་ཚོགས་འཁོར་དང་བཅས༔ ཚོགས་ལ་སྤྱན་འདྲེན་གཤེགས་སུ་གསོལ༔ རིན་ཆེན་པད་ཟླའི་གདན་ལ་བཞུགས༔ དག་པ་རབ་འབྱམས་ཚོགས་མཆོད་འབུལ༔ རིག་སྟོང་ཞེན་བྲལ་ངང་དུ་བཞེས༔ རྩ་བརྒྱད་སྟོང་སྦྱར་ཨ་མྲྀ་ཏ༔ བདུད་རྩི་སྨན་གྱི་མཆོད་པ་འབུལ༔ ལྟ་སྒོམ་སྤྱོད་པ་དག་པ་ཡིས༔ དཀྱིལ་འཁོར་ལྷ་ཚོགས་ཐུགས་དམ་བསྐང་༔ གཉིས་སྣང་བག་ཆགས་ཅི་བསགས་པ༔ དག་ཆེན་ཆོས་དབྱིངས་ཀློང་དུ་བཤགས༔ གཟུང་འཛིན་ལམ་གོལ་དམ་ཉམས་སྲི༔ ཡེ་ཤེས་ཆེན་པོའི 9 སྟོབས་ཀྱིས་བསྒྲལ༔ གཟུགས་ཕུང་ཚོགས་ཀྱི་འཁོར་ལོ་རུ༔ དཀྱིལ་འཁོར་ལྷ་ཚོགས་ཞལ་དུ་སྟོབས༔ རཱུ་ཏྲ་མཱ་ར་ཡ་ཁཱ་ཧི༔ གསང་རྫས་ཐབས་ཤེས་ལོངས་སྤྱོད་ནི༔ ཚིམས་པ་དྲུག ལྡན་ངང་དུ་རོལ༔ ཨ་ལ་ལ་ཧོཿ སྣང་སེམས་ཆོ་འཕྲུལ་ལྷག་མའི་མགྲོན༔ ལྷག་གཏོར་འདི་བཞེས་ཕྲིན་ལས་མཛོད༔ ཧེ་རུ་ཀ་ཡི་དཀྱིལ་འཁོར་དུ༔ ཚོགས་ཀྱི་མཆོད་པ་ཕུལ་བའི་མཐུས༔ བདག་ཅག་རྡོ་རྗེའི་མཆེད་ལྕམ་ཀུན༔ མི་འབྲལ་ཚོམ་བུ་གཅིག་ཏུ་ནི༔ འོག་མིན་ཞིང་ལ་སྤྱོད་པར་ཤོག༔ སྨོན་ལམ་ཅི་རིགས་བརྗོད་པར་བྱ༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ བརྡ་ཐིམ༔ 2 ཅེས་པ་འདི་ཡང་དམ་པ་གང་གིས་བསྐུལ་ངོར་སྤྲང་མོ་མདོ་མེད་སུ་ཁ་བཛྲ་གྱིས་དག་པར་བྲིས་པའོ། །དགེའོ།། །། 8 TI1394-122 ད་ངས་ཆོས་ཉིད་མཁའ་འགྲོའི་གསང་མཛོད་ལས༔ གུ་རུའི་གསང་སྒྲུབ་རྡོ་རྗེའི་རྒྱ་ཅན་ཤིན་ཏུ་ཟབ་པ་མཁའ་འགྲོའི་ཐུགས་བཅུད་ཟབ་པའི་མཐར་ཐུག་བཞུགས༔ གཏེར་གྱིས་སྲུང་མས་བྱ་ར་གྱིས༔ 前ན་མོ་པདྨ་ཀཱ་ར་ཡེ༔ ཨོ་རྒྱན་རྡོ་རྗེ་འཆང་ལ་འདུད༔ ཆོས་ཉིད་མཁའ་འགྲོའི་གསང་མཛོད་ཀྱི༔ ཆ་ལག་རིག་འཛིན་གསང་སྒྲུབ་འདི༔ མཚོ་རྒྱལ་ཐུགས་དམ སྙིང་པོའི་ཆོས༔ ཁྱད་འཕགས་ཟབ་ཆོས་བླ་ན་མེད༔ ཡང་ཟབ་མན་ངག་ཤིན་ཏུ་ཟབ༔ དགོངས་པའི་ཀློང་དུ་བརྡ་རུ་བཏབ༔ མ་འོངས་དུས་སུ་གཏད་རྒྱ་ཁྲོལ༔ སྐལ་ལྡན་སེམས་ཀྱི་བུ་དང་འཕྲད༔ གཅིག་བརྒྱུད་ཕྲིན་ལས་རིམ་བཞིན་སྤེལ༔ སྐལ་ལྡན་ཀུན་གྱིས་ཉམས་སུ་ལོངས༔ ས་མ་ཡ༔ དེ་ཡང་སྤྲོས་མེད་རྣལ་འབྱོར་པས༔ གདམས་པ་ཟབ་མོ་འདི་ལ་བརྩོན༔ དང་པོ་སྐྱབས་སེམས་ནི༔ ན་མོ༔ བདེ་གཤེགས་སྙིང་པོ་ཡེ་སངས་རྒྱས༔ རང་ངོ་སོ་མར་སྐྱབས་སུ་མཆི༔ མ་རིག་སྦུབས་སུ་འཕྱན་པའི་འགྲོ༔ རང་གྲོལ་ཆེན་པོར་སེམས་བསྐྱེད TV商དོ༔ དངོས་གཞི་ལྷ་ཡི་ཏིང་འཛིན་ནི༔ ཨཿ སྨྲ་བསམ་བརྗོད་འདས་སྟོང་པ་ཉིད༔ འགགས་མེད་སྙིང་རྗེའི་རང་རྩལ་ཤར༔ ཧྲཱིཿ ཡིག་ཡོངས་སུ་གྱུར་པ་ལས༔ རང་ཉིད་པདྨ་ཐོད་ཕྲེང་ནི༔ མཐིང་གསལ་ཞལ་གཅིག་ཕྱག་གཉིས་པ༔ ཕྱག་གཡས་རྡོ་རྗེ་ནམ་མཁར་ཕྱར༔ གཡོན་པས་བྷན་ཐོད་ཚེ་བུམ་འཛིན༔ དར་དང་རུས་པའི་རྒྱན་དྲུག་གསོལ༔ དབུ་སྐྲ་ཐོར་ཅོག་སྤྱི་བོར་བཅིང་༔ ཞབས་གཉིས་སྐྱིལ་ཀྲུང་པད་ཟླར་བཞུགས༔ མདུན་དུ་ཡེ་ཤེས་མཚོ་རྒྱལ་མ༔ དམར་གསལ་ཞལ་གཅིག་ཕྱག་གཉིས་པ༔ ཕྱག་གཡས་ཅང་ཏེའུ་སྙན་ཐད་དཀྲོལ༔ གཡོན་པས་དྲིལ་བུ་དཀུ་ལ་བརྟེན༔ ནུ་ མ་འབུར་ཞིང་བྷ་ག་རྒྱས༔ གཅེར་བུ་རུས་པའི་རྒྱན་དང་ནི༔ ཨུཏྤལ་དམར་པོའི་དོ་ཤལ་མཛེས༔ ཞབས་གཉིས་བཞེངས་སྟབས་པད་ཟླར་བཞུགས༔ འཇའ་འོད་ཟེར་འཁྲིགས་ཀློང་ན གསལ༔ དེ་ཡི་ཕྱི་རིམ་འདབ་བརྒྱད་ལ༔ དཔལ་ཆེན་གྲུབ་པའི་རིག་འཛིན་བརྒྱད༔ རྣལ་འབྱོར་ཧེ་རུ་ཀ་པའི་ཚུལ༔ ཞལ་གཅིག་ཕྱག་གཉིས་གཡས་པ་ཡིས༔ རྡོ་རྗེ་གཡོན་པས་བྷན ཐོད་བསྣམས༔ སྤྱན་གཉིས་འབྲུ་ཚུགས་དབྱིངས་སུ་གཟིགས༔ དར་དང་རུས་པའི་རྒྱན་དྲུག་གསོལ༔ དབུ་སྐྲ་ཐོར་ཅོག་སྤྱི་བོར་བཅིངས༔ སྐུ་མདོག་དམར་སྨུག་མདངས་དང་ལྡན༔ ཞབས་གཉིས་རོལ་སྟབས་པད་ཟླར་བཞུགས༔ འཇའ་འོད་འཁྱིལ་ཀློང་གཟི་བརྗིད་འབར༔ སྣང་ལ་རང་བཞིན་མེད་པར་བསྐྱེད༔ གསལ་ལ་དེར་འཛིན་བྲལ་བར་བསྒོམ༔ དེ་ལྟར་གསལ་བའི་གནས་གསུམ་ལས༔ འོད་འཕྲོས་སྐུ་གསུམ་ཞིང་ཁམས་ནས༔ རིག་འཛིན་འདུས་པའི་ལྷ་ཚོགས་རྣམས༔ སྤྱན་དྲངས་དམ་ཡེ་དབྱེར་མེད་པར༔ ཆུ་ལ་ཆུ་ཐིམ་གཉིས་མེད པར༔ རོ་གཅིག་ངང་དུ་བརྟན་པར་བཞུགས༔ དོན་དམ་ལྷ་ལ་ཡེ་ཕྱག་འཚལ༔ མཐའ་བརྒྱད་བྲལ་བའི་མཆོད་པ་འབུལ༔ རིག་དབྱིངས་འགྱུར་མེད་ངང་ནས་བསྟོད༔ གཉིས་སྣང #མ སྒྲིབ་པ་དབྱིངས་སུ་བཤགས༔ བཛྲ་ས་མ་ཡ་ཤུདྡྷེ་ཨཱཿ རང་ཉིད་རིགས་འདུས་ཐུགས་ཀ་རུ༔ ཧྲཱིཿཡིག་མཐའ་མར་སྔགས་གཡས་འཁོར༔ འོད་ཟེར་ཡར་འཕྲོས་རྒྱལ་ཀུན་མཆོད༔ ཐུགས་རྗེ་བྱིན་རླབས་མ་ལུས་བསྡུས༔ འོད་ཟེར་མར་འཕྲོས་འགྲོ་བ་ཡི༔ ལས་སྒྲིབ་ཀུན་དག་བདེ་ལ་བཀོད༔ ཐམས་ཅད་དག་པ་རབ་འབྱམས་ངང་༔ རང་འབབ་མ་བཅོས་སོ་མ་ཆེ༔ དེར་འཛིན་བྲལ་བ་གཉུག་མའི་ཀློང་༔ མ་ཡེངས་མི་བསྒོམ་གཟེར་གྱིས་ནི༔ དཀྱིལ་འཁོར་གསུམ་ལྡན་ངང་དུ་བཟླ༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཨོཾ་ཨཱཿཧཱུཾ་བཛྲ་གུ་རུ་པདྨ་ཐོདཕྲེང་རྩལ་བཛྲ་ས་མ་ཡ་ཛ་ཛཿ ཧྲཱིཿམ་ཧ་རི་ནི་ས་ར་ཙ་ཧྲཱི་ཡ་ཙིཏྟ་ཧྲིང་ཧྲིང་ཛཿ ཛཿ ཞེས་དང་༔ ཨོཾ་གུ་རུ་བཛྲ་དྷ་ར་སརྦ་སིདྡྷི་ཕ་ལ་ཧཱུྃ་ཨཱཿ ཞེས་པ་བརྒྱ་སྟོང་ཁྲི་འབུམ་སོགས༔ ཡིད་བཟླས་བྱ་ཞིང་དབྱིངས་རིག་བསྲེ༔ དོན་གྱི་ལྷ་ཞལ་མཇལ་ནས་ཀྱང་༔ མཁའ་སྤྱོད་བགྲོད་པར་ཐེ་ཚོམ་མེད༔ གཅིག་བརྒྱུད་མ་གཏོགས་སྤེལ་མི་རུང་༔ སྤེལ་ན་ཌཱ་ཀིའི་བཀའ་ཆད་འབེབ༔ སྐལ་ལྡན་ཀུན་གྱི་སྤྱོད་ཡུལ་ཡིན༔ ས་མ་ཡ༔ ཨེ་མ༔ མཁའ་འགྲོའི་ཐུགས་བཅུད་མཚོ་རྒྱལ་ཐུགས་དམ་མཐིལ༔ ཟབ་པའི་མཐར་ཐུགས་ཨོ་རྒྱན་གསང་སྒྲུབ་འདི༔ ཆོས་ཉིད་དགོངས་པའི་ཀློང་དུ་གཏེར་དུ་སྦོས༔ བཀའ་སྲུང་དྲེགས་པ་རྣམ་གསུམ་གཉེར་གྱིས་ཤིག༔ སྐལ་ ལྡན་སེམས་ཀྱི་བུ་དང་འཕྲད་ནས་ཀྱང་༔ དོན་གཉིས་དཔལ་གྱི་ནོར་བུ་འཛིན་པར་ངེས༔ ཐེ་ཚོམ་མེད་དོ་ཕྱི་རབས་ལས་ཅན་བུ༔ ཡལ་བར་མ་དོར་ཙིཏྟའི་གྭའུར་ཆོངས༔ ཚེ་གཅིག་སངས་རྒྱ་ཐོབ་པར་དོན་མི་ཟ༔ ས་མ་ཡ༔ སྐུ་རྒྱ༔ གསུང་རྒྱ༔ ཐུགས་རྒྱ༔ ཟབ་རྒྱ༔ གསང་རྒྱ༔ གཏད་རྒྱ༔ རྐ་རྐ་ཌཱ་ཀིའི་རྒྱ༔ ཅེས་པ་རིག་འཛིན་གསང་སྒྲུབ་ཟབ་མོ་འདི་རྟོག་གྲོལ་རྣལ་འབྱོར་དམ་པ་འོད་ཆོས་ཀྱིས་ཡང་ཡང་བསྐུལ་ངོར་མི་ལྡོག་ཙམ་དུ་སྤྲང་མོ་མདོ་མེད་སུ་ཁ་བཛྲ་གྱིས་སྙན་བརྒྱུདལ་བརྟེན་ནས་དག་པར་ཕབ་པའི་ཡི་གེ་པ་ནི་ཀུན་བཟང་སྣང་མཛད་ཀྱིས་བྲིས་པའོ། །དགེའོ།། །། 03 TI1394-128 TI1394-128 鼻商ཉེར་སྤྱོད་ཀྱི་མཆོད་ལ་བསྟོད་པ་ནི༔ ཧཱུྃ་ཧྲཱིཿ སྐུ་ནི་མི་འགྱུར་ཀུན་ཏུ་བཟང་པོའི་སྐུ༔ གསུང་ནི་མི་འགགས་མཉམ་ཉིད་ཚངས་པའི་དབྱངས༔ ཐུགས་ནི་མི་གཡོ་སྨྲ་བསམ་བརྗོད་ལས་འདས༔ སྐུ་གསུམ་རིག་འདུས་པདྨ་རྒྱལ་ལ་བསྟོད༔ མཆོག་ཐུན་དངོས་གྲུབ་བདག་ལ་སྩལ་དུ་གསོལ༔ སརྦ་སིདྡྷི་ཕ་ལ་ཧཱུྃ༔ ཅེས་པ་རྫུན་རིས་སོ།། །། 27 &ཆུང་TI1394-129 TI1394-130 ཞ ཆོས་ཉིད་མཁའ་འགྲོའི་གསང་མཛོད་ལས༔ རིག་འཛིན་འདུས་པའི་ཆ་ལག་བདུད་རྩི་སྒྲུབ་ཐབས་མདོར་བསྡུས་སྙིང་པོ་དཔའ་བོ་གཅིག་སྒྲུབ་བཞུགས༔ ན་མོ་པདྨ་ཀཱ་ར་ཡེ༔ རིག་འཛིན་ཐོད་ཕྲེང་རྩལ་ལ་འདུད༔ བདག་འདྲ་རིག་འཛིན་པདྨ་ཡིས༔ མ་འོངས་འགྲོ་བའི་དོན་དུ་ཡང་༔ ཟབ་ཆོས་སྣ་ཚོགས་གཏེར་དུ་སྦས༔ ཁྱད་པར་བདུད་རྩི་སྒྲུབ་པའི་ཐབས༔ སྤྲོས་བཅས་སྤྲོས་མེད་བསམ་མི་ཁྱབ༔ འདི་ནི་དཔའ་བོ་གཅིག་སྒྲུབ་ཟབ༔ མཁར་ཆེན་མཚོ་རྒྱལ་ཉིད་ལ་གདམས༔ མ་འོངས་དུས་ཀྱི་སྙིགས་མ་ལ༔ གསང་སྔགས་ཁྲོམ་དུ་བསྒྲགས་པ་དང་༔ སྔགས་ལ་ཁ་གཡར་ལོག་སྤྱོད་དར༔ སྒྲུབ་བརྫུན་གཏེར་ལོག་ས་སྟེང་གང་༔ མཐའ་ཡི་དམག་དཔུང་མཚོན་ཁ་དར༔ སྐྱེ་འགྲོ་ཚེ་བསོད དབང་ཐང་ཉམས༔ འབྱུང་བའི་བཅུད་ཉམས་ལོ་ཕྱུགས་དབུལ༔ བསྟན་འཛིན་སྐུ་ཚེ་བར་ཆད་མང་༔ དེ་ཚེ་དབྱིངས་ཀྱི་ཌཱ་ཀི་ཡིས༔ གཏད་རྒྱ་དུས་ལ་འབབ་ཚེ་ཕྲོལ༔ གཏེར་བདག་ཀུན་དགའ་དྭཱི་པཾ་དང་༔ སུ་ཁ་བཛྲ་དང་འཕྲད་ནས༔ འགྲོ དོན་རིམ་བཞིན་འབྱུང་བར་ངེས༔ ས་མ་ཡ༔ དེ་ཡང་ཐོད་པ་མཚན་ལྡན་གང་༔ ཨ་བར་བསྐྱུར་དང་བཟང་དྲུག་སོགས༔ དུག་རིགས་མིན་གྱི་སྨན་སྣ་ཚོགས༔ ཅི་འབྱོར་བཤམས་ནས་ད་ལར་བཞག༔ ཏིང་འཛིན་དམིགས་གནད་ལྡན་པའི་ངང་༔ ཀ་ལས་ཐོད་པའི་སྣོད་ནང་དུ༔ པྃ་ལས་པདྨ་ཉི་ཟླའི་སྟེང་༔ ཧྲཱིཿཡིག་ཡོངས་སུ་གྱུར་པ་ལས༔ རིགས་ཀུན་ཁྱབ་བདག་པདྨ་འབྱུང་༔ མཚན་དཔེ་རབ་རྫོགས་གཟི་བརྗིད་འབར༔ 51 སྣང་ལ་རང་བཞིན་མེད་པ་ཡི༔ གསལ་ལ་དེར་འཛིན་བྲལ་བར་བསྐྱེད༔ གནས་གསུམ་འཁོར་ལོ་གསུམ་གྱི་ཀློང་༔ འབྲུ་གསུམ་དག་ལས་འོད་འཕྲོས་པས༔ རྒྱལ་ཀུན་སྤྱན་དྲངས་དབྱེར་མེད་བསྟིམ༔ སླར་ཡང་འོད་དུ་ཞུ་ནས་ཀྱང་༔ ཐོད་པའི་བདུད་རྩི་ཉིད་ལ་ཐིམ༔ དམ་ཡེ་གཉིས་མེད་རོ་གཅིག་གྱུར༔ རྒྱལ་ཀུན་ཐུགས་རྗེ་བྱིན་རླབས་བསྟིམས༔ མྱང་གྲོལ་དམ་རྫས་བདུད་རྩིར་གྱུར༔ ཨོཾ་ཨཱཿཧཱུྃ་བཛྲ་གུ་རུཔདྨ་སིདྡྷི་ཧཱུྃ༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩ་ལ་བཛྲ་ས་མ་ཡ་ཛཿ སིདྡྷི་ཕ་ལ་ཧཱུྃ༔ ཧྲཱིཿམ་ཧ་རི་ནི་ས་ར་ཙ་ཧྲཱིཿཡ་ཙིཏྟ་ཧྲིཾཧྲིཾ་ཛ་ཛཿ ཨོཾ་ཧཱུྃ་ཏྲཱྃ་ཧྲཱིཿཨཱཿ མཱུཾ་ལཱཾ་མཱཾ་པཱཾ་ཏཱཾ༔ ར་ས་ཡ་ན་སརྦ་པཉྩ་ཨ་མྲྀ་ཏ་སིདྡྷི་ཧཱུྃ༔ ཨ་ར་ལི་ཡ་ར་ལི་སརྦ་སིདྡྷི་ཧཱུྃ༔ ཅེས་པ་གྲངས་ལྡན་བཟླས་པ་ཡིས༔ སྨན་རྣམས་ཡེ་ཤེས་བདུད་རྩིར་གྱུར༔ མྱོང་གྲོལ་མཆོག་གི་དངོས་གྲུབ་ཐོབ༔ དམིགས་གནད་ལྡན་པར་བསྒྲུབ་ནུས་ན༔ ཚེ་འདིར་རྐྱེན་ཞི་ཚེ་དཔལ་རྒྱས༔ ཕྱི་མ་རིག་འཛིན་གྲལ་དུ་འཁོད༔ ཐེ་ཚོམ་མེད་དོ་ས་མ་ཡ༔ གུ་ཧྱ༔ བརྡ་ཐིམ༔ ཟབ་རྒྱ༔ གསང་རྒྱ༔ གཏདརྒྱ༔ གཉན་རྒྱ༔ སྐོ་རྐད་༔ ཌཱཀྐིའི་རྒྱ༔ ཅེས་རིག་འདུས་ཆ་ལག་སྨན་སྒྲུབ་མདོར་བསྡུས་སྙིང་པོ་འདི་ཡང་སྤྲུལ་སྐུ་རིན་པོ་ཆེ་རིག་འཛིན་འགྲོ་འདུལ་གླིང་པས་བཀའ་ཡི་གནང་བ་ཕེབས་ཚེ༔ སྤྲང་མོ་མདོ་མེད་འཆོལ་མོ་སུ་ཁའི་མིང་གིས་མཁའ་འགྲོའི་སྙན་བརྒྱུདལས་བློ་བྱས་སྤུ་རིས་8 商ཀྱིས་མ་བསླད་པར་དག་པར་བྲིས་པའོ། །དགེའོ།། །། 35 H TI1394-133 TI1394-133 TI1394-134 ༄9 商ཆོས་ཉིད་མཁའ་འགྲོའི་གསང་མཛོད་ལས༔ རིག་འཛིན་སྒྲུབ་ཐབས་བྱིན་རླབས་སྤྲིན་ཕུང་བཞུགས༔ ན་མོ་པདྨ་ཀཱ་ར་ཡེ༔ ཨོ་རྒྱན་རྡོ་རྗེ་འཆང་ལ་འདུད༔ ཆོས་ཉིད་མཁའ་འགྲོའི་གསང་མཛོད་ཀྱི༔ ཆ་ལག་རིག་འཛིན་སྒྲུབ་ཐབས་ནི༔ སྤྲོས་མེད་རྒྱུན་ཁྱེར་ཟབ་མོ་མཆོག༔ སྐལ་ལྡན་བུ་ཡི་དོན་དུ་བསྟན༔ ས་མ་ཡ༔ སྔོན་འགྲོ་རང་རྒྱུད་སྦྱང་བ་ནི༔ ན་མོ༔ བདེ་གཤེགས་ཀུན་འདུས་པདྨ་རྒྱལ༔ བདག་སོགས་གུས པས་སྐྱབས་སུ་མཆི༔ མ་གྱུར་འགྲོ་བ་ཀུན་དོན་དུ༔ སྨོན་འཇུག་དོན་དམ་བྱང་སེམས་བསྐྱེད༔ ལན་གསུམ་དང་༔ དངོས་གཞི་ལྷ་ཡི་ས་མ་ཏི༔ ཨ༔ ཀ་དག་ཟང་ཐལ་དེ་བཞིན་ཉིད༔ གསལ་མདངས་མ་འགགས་སྙིང་རྗེའི་རྩལ༔ ཧྲཱིཿཡིག་ཡོངས་སུ་གྱུར་པ་ལས༔ རང་ཉིད་སྐད་ཅིག་དྲན་རྫོགས་སུ༔ མཚོ་སྐྱེས་རྡོ་རྗེ་སྤྲུལ་པའི་སྐུ༔ དཀར་དམར་མདངས་ལྡན་ཞལ་གཅིག པ༔ ཕྱག་གཉིས་རྡོ་རྗེ་བྷན་ཐོད་འཛིན༔ གསལ་སྟོང་ཆ་ལུགས་ཡོངས་སུ་རྫོགས༔ ཞབས་གཉིས་རོལ་སྟབས་པད་ཟླར་བཞུགས༔ འཇའ་འོད་འཁྱིལ་ཀློང་འོད་ཟེར་འབར༔ སྣང་ལ་རང་བཞིན་མེད་པར་གསལ༔ གནས་གསུམ་འབྲུ་གསུམ་ས་བོན་ལས༔ འོད་འཕྲོས་སྐུ་གསུམ་ཞིང་ཁམས་ནས༔ རིག་འཛིན་འདུས་པའི་ལྷ་ཚོགས་རྣམས༔ སྤྱན་དྲངས་དམ་ཡེ་དབྱེར་མེད་010 010 བསྟིམ༔ ཐུགས་ཀར་ཧྲཱིཿཡིག་མཐའ་སྐོར་དུ༔ རྩ་བའི་སྔགས་ཀྱིས་གཡས་སུ་འཁོར༔ འོད་ཟེར་འཕྲོ་འདུས་དོན་གཉིས་བྱས༔ སྒྲ་སྒྲགས་སྔགས་དང་དྲན་རྟོགས་ཐུགས༔ ཁྱེར་སོ་གསུམ་ལྡན་ངང་དུ་བཟླས༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཞེས་པ་བརྒྱ་སྟོང་ཁྲི་འབུམ་དང་༔ བྱེ་བ་བཟླས་པས་རིག་འཛིན་གྱིས༔ རབ་དངོས་འབྲིང་ཉམས་རྨི་ལམ་དུ༔ ཞལ་གཟིགས་དབུག་དབྱུང་ཐོབ་པར་གྱུར༔ རྟགས་མཚན་ལག་ཏུ་ལོངས་དང་གསལ༔ དོན་གཉིས་འགྲུབ་པར་ཐེ་ཚོམ་མེད༔ ཚེ་རིང་མཆེད་ལྔས་གཉེར་གྱིས་ཤིག༔ སྐལ་ལྡན་བུ་དང་འཕྲད་པར་ཤོག༔ སྐལ་མེད་རྣམས་དང་འདི་མ་འཕྲད༔ ལོག་ལྟ་ཅན་གྱི་སྙིང་ཁྲག་བཞེས༔ ཡལ་བར་མ་དོར་ས་མ་ཡ༔ སྐུ་རྒྱ༔ གསུང་རྒྱ༔ ཐུགས་རྒྱ༔ བརྡ་ཐིམ༔ གུ་ཧྱ༔ སྒོ་རྐད་༔ ཨྠི༔ ཞེས་པ་རིག་འཛིན་སྒྲུབ་ཐབས་སྤྲོས་མེད་རྒྱུན་ཁྱེར་འདི་ཡང་དད་ལྡན་བསོད་ནམས་ཀྱིས་དར་བཅས་བསྐུལ་ངོར་མི་ལྡོག་ཙམ་དུ་སུ་ཁ་བཛྲ་གྱིས་བྲིས་པའོ། །དགེའོ།། །། ༈ མཆོད་བསྟོད་ནི༔ ཨོཾ་གུ་རུ་བིདྱཱ་དྷ་ར་ས་པཱ་རི་ཝཱ་ར་བཛྲ་ཨརྒྷཾ་སོགས་ནས། ཤཔྡ་སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་སརྦ་པཱུ་ཛཁཱ་ཧི༔ མི་འགྱུར་སྤྲོས་བྲལ་ཆོས་ཀྱི་སྐུ༔ མི་འགགས་མཉམ་ཉིད་རིག་པའི་གསུང་༔ སྨྲ་བསམ་བརྗོད་བྲལ་སྐྱེ་མེད་ཐུགས༔ ཡོན་ཏན་ཕྲིན་ལས་རྫོགས་ལ་བསྟོད༔ དགེ་བས་འགྲོ་བ་སེམས་ཅན་ཀུན༔ རྔ་ཡབ་ ༄ 商དཔལ་རིའི་ཞིང་ཁམས་སུ༔ རིག་འཛིན་པདྨའི་ཞབས་དྲུང་དུ༔ སྐྱེས་ནས་རྣམ་མཁྱེན་ས་ཐོབ་ཤོག༔ ཅེས་སུ་ཁའི་མིང་གིས་སོ།། །། དུང་TI1394-137 TI1394-138 商ཆོས་ཉིད་མཁའ་འགྲོའི་གསང་མཛོད་ལས༔ ཚེ་སྒྲུབ་བསྡུས་པ་ཡང་གསང་སྙིང་པོ་བཞུགས༔ ན་མོ༔ རང་རིག་ལྷ་ལ་སྐྱབས་སུ་མཆི༔ རྟོག་གཉིས་བྲལ་བར་སེམས་བསྐྱེད་དོ༔ ཨ༔ གནས་ལུགས་མ་བཅོས་དོན་གྱི་ལྷ༔ ཨོ་རྒྱན་པདྨ་ཚེ་དཔག་མེད༔ དམར་གསལ་ཞལ་གཅིག་ཕྱག་གཉིས་པ༔ མཉམ་བཞག་ཚེ་ཡི་བུམ་པ་འཛིན༔ ལོངས་སྤྱོད་རྒྱན་རྫོགས་ཞི་ཚུལ་ལྡན༔ མཚན་དཔེ་རབ་རྫོགས་གཟི་འོད་འབར༔ གོས་དཀར་ཡུམ་དང་གཉིས་མེད་སྦྱོར༔ ཞབས་གཉིས་སྐྱིལ་ཀྲུང་པད་ཟླར་བཞུགས༔ ཡེ་ཤེས་འཇའ་འོད་འཁྱིལ་བའི་ཀློང་ཿ སྣང་ལ་རང་བཞིན་མེད་པར་གསལ༔ འཁོར་དུ་ཚེ་བདག་རིགས་ལྔ་དང་༔ ཚེ་ཡི་ལྷ་མོའི་ཚོགས་ཀྱིས་བསྐོར༔ གནས་གསུམ་རྡོ་རྗེའི་སྙིང་པོ་ལས༔ འོད་འཕྲོས་དབྱིངས་བཞུགས་ཡེ་ཤེས་ལྷ༔ སྤྱན་དྲངས་གཉིས་སུ་མེད་པར་གྱུར༔ ཐུགས་ཀར་ཉི་ཟླའི་གྭའུའི་ནང་༔ དྭངས་མ་ལྔ་ཡི་འོད་ཐིག་སྦུབས༔ ཧྲཱིཿདམར་མཐའ་དམར་སྔགས་ཀྱིས་བསྐོར༔ འོད་ཟེར་འཕྲོ་འདུས་དོན་གཉིས་བསྒྲུབས༔ རྒྱལ་ཀུན་གསང་གསུམ་བྱིན་རླབས་དང་༔ སྣང་སྲིད་ཚེ་བསོད་དཔལ་ཡོན་ཀུན༔ ལྔ་ལྡན་འོད་ཀྱི་རྣམ་པ་རུ༔ ཤངས་སྒྲོམ་ནས་ཞུགས་གནས་ལྔ་དང་༔ ཐུགས་སྲོག་སྙིང་པོར་ རོ་གཅིག་འདྲེས༔ འཆི་མེད་ཚེ་དཔལ་མཆོག་ཐོབ་བསམ༔ ཨོཾ་ཨ་མི་དྷེ་ཝ་ཨཱ་ཡུརྡྡྷ་ན་མ་ཧཱ་པུཎྱེ་ཚེ་བྷྲཾ་ནྲྀ་ཛ་སརྦ་སིདྡྷི་ཕ་ལ་ཧཱུྃ༔ ཅེས་པ་བརྒྱ་སྟོང་ཁྲི་འབུམ་བཟླ༔ འཆི་མེད་ཚེ་དབང་ཐོབ་པར་ངེས༔ བདེན་རྫུན་ལག་ཏུ་