Tibetan
རྟོག་རཱུ་ཏྲ་ཞལ་དུ་བསྟབས༔ དགྱེས་བཞེས་དངོས་གྲུབ་བསྩལ་དུ་གསོལ༔ ཨོཾ་གུ་རུ་བིདྱཱ་དྷ་ར་པདྨ་ཀྲོ་ངྷ་ས་པཱ་རི་ཝཱ་ར་ཨ་མུ་ཀ་ག་ཎ་ཙཀྲ་པཱུ་ཛ་ཧོཿ དེ་ནས་ཚོགས་ལ་རོལ་བ་ནི༔ ཧོཿ གསང་བ་བླ་མེད་དཀྱིལ་འཁོར་དུ༔ བཟའ་བཅའ་བཏུང་བ་ཐབས་ཤེས་རྫས༔ ཚིམས་པ་དྲུག་ལྡན་བླ་ན་མེད༔ རྡོ་རྗེ་མཆེད་ལྕམ་འདུས་པའི་ཚོགས༔ བདེ་སྟོང་མཆོག་གི་དངོས་གྲུབ་རོལ༔ ཨ་ལ་ལ་ཧོཿ དེ་ནས་ལྷག་མ་ནི༔ ཕེཾ་བྷྱོཿ དཔལ་གྱི་བཀའ་ཉན་དམ་ཅན་ཚོགས༔ དཀྱིལ་འཁོར་མཐའ་སྐྱོང་ལྷག མགྲོན་རྣམས༔ འདིར་གཤེགས་ཚོགས་ཀྱི་ལྷག་མ་བཞེས༔ རྣལ་འབྱོར་གང་བཅོལ་འགྲུབ་པར་མཛོད༔ ཨོཾ་སརྦ་ཨུཙྪི་ཊ་བ་ལིཾ་ཏ་ཁཱ་ཧིཿ དེ་ནས་བསྐུལ་བ་ནི༔ ཧཱུྃ་ཧྲཱིཿ རབ་འཇིགས་དུར་ཁྲོད་འབར་བའི་རྔམས་ཀློང་ནས༔ ཧེ་རུ་ཀ་དཔལ་ཐུགས་དམ་དབྱིངས་ནས་བསྐུལ༔ གཏུམ་དྲག་འབར་བའི་སྐུ་རུ་ད་བཞེངས་འཚལ༔ ལོག་འདྲེན་དགྲ་བགེགས་འདུལ་ཕྱིར་གནས་འདིར 商གཤེགས༔ རང་བཞིན་དུར་ཁྲོད་ཆེན་པོའི་གནས་བརྒྱད་ནས༔ གྲུབ་པའི་རིག་འཛིན་རྣམ་བརྒྱད་སྐུར་བཞེངས་འཚལ༔ ཐེག་དགུའི་གཞལ་ཡས་གནས་ཡུལ་ཉེར བཞི་ནས༔ ཡི་དམ་ཞི་ཁྲོ་དཔའ་བོ་མཁའ་འགྲོའི་ཚོགས༔ ཆོས་སྐྱོང་དམ་ཅན་མ་ལུས་སྐུར་བཞེངས་འཚལ༔ ཞིང་བཅུའི་རཱུ་ཏྲ་དམ་ཉམས་རྡུལ་དུ་རློག༔ མཐའ་མི་དུ་རུ་ཀ་ཡི་སྡེ་ཚོགས བརླག༔ བླ་མེད་གསང་སྔགས་བསྟན་པ་ཕྱོགས་བཅུར་རྒྱས༔ བསྟན་འཛིན་དམ་པའི་སྐུ་ཚེ་རབ་བརྟན་ནས༔ དོན་གཉིས་མཐའ་རུ་ཕྱིན་པའི་ཕྲིན་ལས་མཛོད༔ དེ་ནས་ཆད་ཐོ་ནི༔ ཧཱུྃ་བྷྱོཿ དུས་གསུམ་དུས་མེད་ཀ་དག་དུས་ཀྱི་ཚེ༔ རང་སྣང་དོན་གྱི་འོག་མིན་ཆེན་པོའི་ཞིང་༔ སྐུ་གསུམ་སྟོན་པའི་སྤྱན་སྔར་ཁས་བླངས་བཞིན༔ དམ་ལྡན་རྣལ་འབྱོར་སྐྱོང་བར་དམ་བཅས་པའི༔ དཔལ་མགོན་དྲེགས་པ་ཕོ་རྒྱུད་མོ་རྒྱུད་སོགས༔ ཆོས་སྐྱོང་སྲོག་བདག་གཏེར་སྲུང་ཐམས་ཅད་ཀྱིས༔ སོ་སོའི་གཟུགས་བསྟན་བཀའ་དམ་ཇི་བཞིན་དུ༔ ཟབ་གཏེར་དར་རྒྱས་བསྟན་འཛིན་སྐུ་ཚེ་སྲིངས༔ དམ་ཉམས་བསྟན་དགྲ་བརླག་པའི་ཕྲིན་ལས་མཛོད༔ དེ་ནས་བརྟན་སྐྱོང་ནི༔ བྷྱོཿ རིག་འཛིན་པདྨ་ཐོད་ཕྲེང་གི༔ དམ་གནས་བོད་སྐྱོང་བསྟན་མའི་ཚོགས༔ དཔལ་གྱི་ཕ་འབབ མཆོད་གཏོར་བཞེས༔ གསང་སྔགས་བསྟན་པ་མཐའ་རྒྱས་ཤིང་༔ ཆོས་ལོག་བསྟན་པ་བསྣུབ་པ་དང་༔ རྣལ་འབྱོར་བསམ་དོན་ལྷུན་གྲུབ་མཛོད༔ མ་མ་ཧྲིང་ཧྲིང་བྷ་ལི་ཏ་ཁཱ་ཧི དེ་ནས་བྲོ་མནན་ནི༔ ཧཱུྃ་ཧྲཱིཿ བདག་ཉིད་རིག་སྟོང་ཧེ་རུ་ཀས༔ མ་རིག་དམ་ཉམས་དགྲ་བགེགས་སྟེང་༔ དཀྱིལ་འཁོར་གསུམ་གྱི་བྲོ་བརྡུང་བས༔ ཀུན་བཏགས་མཚན་མའི་དགྲ་བགེགས་ཀུན༔ མཚན་མེད་རི་རབ་ཆེན་པོའི་འོག༔ སྐུ་གསུམ་རྡོ་རྗེའི་ཕྱག་རྒྱས་མནན༔ ཨོཾ་ལཾ༔ ཨཱཿལཾ༔ ཧཱུྃལཾ༔ སརྦ་ཤ་ཏྲུཾ་སྟྭཾ་བྷ་ཡ་ནན༔ མཆོད་བསྟོད་བྱ་ཞིང་ལྷག་ཆད་བསྐང་༔ དེ་ནས་དངོས་གྲུབ་བསྐུལ་བ་ནི༔ ཀྱེ་ཧོཿ རིག་འཛིན་ལྷ་ཚོགས་མ་ལུས་དགོངས་སུ་གསོལ༔ གསང་གསུམ་ཡོན་ཏན་མི་ཟད་དཀྱིལ་འཁོར་ནས༔ དངོས་གྲུབ་དམ་པ་སྩོལ་བའི་དུས་ལ་བབས༔ བླ་མེད་རྡོ་རྗེ་ཐེག པའི་ལམ་ཞུགས་ནས༔ ད་ནི་བསྙེན་སྒྲུབ་ལས་སྦྱོར་མཐའ་རུ་ཕྱིན༔ ལུས་སྣང་ལྷ་རུ་སྨིན་པའི་དངོས་གྲུབ་སྩོལ༔ ངག་ལ་ཚངས་དབྱངས་གསུང་གི་དངོས་གྲུབ་སྩོལ༔ སེམས་ལ་འཁྲུལ་བྲལ་ཐུགས་ཀྱི་དངོས་གྲུབ་སྩོལ༔ ཐུན་མོང་གྲུབ་བརྒྱད་མཆོག་ཏུ་རིག་འཛིན་བཞི༔ ཟུང་འཇུག་ཕྱག་རྒྱ་ཆེན་པོའི་དངོས་གྲུབ་སྩོལ༔ རྩ་སྔགས་མཐར༔ ཀཱ་ཡ་སིདྡྷི་ཨོ༔ ཝཱཀྐ་སིདྡྷི་ཨཱཿ ༒ ཙིཏྟ་སིདྡྷི་༔ སརྦ་སིདྡྷི་ཧྲཱིཿ ཞེས་བརྗོད་དངོས་གྲུབ་རྫས་ལ་རོལ༔ དེ་ནས་བཤགས་པ་ནི༔ ཧོཿ རིག་འཛིན་འདུས་པའི་ལྷ་ཚོགས་དགོངས༔ བདག་ཅག་མ་རིག་རྨོངས་པ་ཡིས༔ གསང་སྔགས་གཞུང་བཞིན་མ་བྱས་པའི༔ བསྐྱེད་བཟླས་ཏིང་འཛིན་གཡེལ་བ་དང་༔ བག་མེད་ཉམས་ཆག་ཅི་བསགས་པ༔ དཀྱིལ་འཁོར་ལྷ་ཚོགས་སྤྱན་སྔར་བཤགས༔ ཡིག་བརྒྱ་དབྱངས་གསལ་རྟེན་སྙིང་བརྗོད༔ དེ་ནས་བསྔོ་བ་ནི༔ ཧོཿ བདག་གིས་བླ་མ་བསྒྲབས་པ་ཡི༔ ཟག་བཅས་ཟག་མེད་དགེ་བསགས་གང་༔ སྲིད་པའི་འགྲོ་བ་ཡོངས་ལ་བསྔོ༔ རྣམ་མཁྱེན་སངས་རྒྱས་མྱུར་ཐོབ་ཤོག༔ དེ་ནས་སྨོན་ལམ་ནི༔ ཧོཿ རིག་འཛིན་བླ་མའི་དཀྱིལ་འཁོར་དུ༔ འཇུག་པའི་བསོད་ནམས་དཔལ་ཡོན་གྱིས༔ བདག་ཅག་སྒྲུབ་པའི་མཆེད་ལྕམ་ཀུན༔ འོག་མིན་རྔ་ཡབ་དཔལ་རིའི་ཞིང་༔ མི་གནས་གཏན་སྲིད་ཟིན་པར་ཤོག༔ དེ་ནས་གཤེགས་བསྡུ་ནི༔ ཧཱུྃ་ཧྲཱིཿ ཡེ་ཤེས་དབྱིངས་ཀྱི་ལྷ་ཚོགས་རྣམས༔ འོད་གསལ་ཆོས་སྐུའི་ངང་དུ་མུཾ༔ བདག་བསྐྱེད་དམ་ཚིག་སེམས་དཔའ་ནི༔ རིག་དབྱིངས་འགྱུར་མེད་ཆེན་པོར་ཨཿ དེ་ནས་གོས་བགོ་ལྷར་ལྡངས་ནི༔ ཧྲཱིཿ རྒྱལ་ཀུན་གསང་གསུམ་ཡེ་ཤེས་གཅིག འདུས་པ༔ མི་འགྱུར་རྡོ་རྗེ་གསུམ་དུ་རྒྱས་གདབ་བོ༔ སྐད་ཅིག་སྟོང་གསལ་ཆེན་པོའི་ངང་ཉིད་དུ༔ གཟུགས་སྐུ་སྒྱུ་མའི་ཚུལ་གྱིས་དོན་བྱའོ༔ ས་མ་ཏི་ཨ༔ དེ་ནས་བཀྲ་ཤིས་ནི༔ ཧཱུྃ་ཧྲཱིཿ མཛད་པ་མཐའ་ཡས་འགྲོ་བའི་དོན་སྟོན་པ༔ སྐུ་གསུམ་བླ་མ་རྣམས་ཀྱི་བཀྲ་ཤིས་ཤོག༔ དངོས་གྲུབ་ཐམས་ཅད་མ་ལུས་སྩོལ་མཛད་པའི༔ ཡི་དམ་ལྷ་ཚོགས་རྣམས་ཀྱིཿ བར་ཆད་སེལ་ཞིང་བདེ་སྟོང་བསྐྱེད་པའི་མ༔ མ་རྒྱུད་མཁའ་འགྲོའི་ཚོགས་ཀྱི་ཕྲིན་ལས་ཐམས་ཅདའབད་མེད་སྒྲུབ་མཛད་པའི༔ ཆོས་སྐྱོང་བསྟན་སྲུང་རྒྱ་མཚོའི་བཀྲ་ཤིས་ཤོག༔ ཅེས་དང་བཀྲ་ཤིས་ཅི་རིགས བརྗོད༔ ལས་རྗེས་མི་མངོན་གསང་བར་བྱ༔ དངོས་གྲུབ་བརྙེས་ཤིང་དོན་གཉིས་འགྲུབ༔ ཐེ་ཚོམ་མེད་དོ་ས་མ་ཡ༔ ཨེ་མ་རྒྱལ་དབང་པདྨ་ཐོད་ཕྲེང་གི༔ བླ་སྒྲུབ་ཡིད་བཞིན་ནོར་བུའི་ཕྲེང་༔ རྗེས་འཇུག་བུ་ཡི་དོན་དུ་བསྟན༔ ཡེ་ཤེས་མཚོ་རྒྱལ་ཐུགས་དམ་མཐིལ༔ དགོངས་བའི་དབྱིངས་སུ་བརྡ་རུ་སྦོས༔ མ་འོངས་ཉི་ཤུའི་དུས་ཀྱི་ཚེ༔ ལས་ལྡན་བུ་དང་འཕྲད་ནས་ཀྱང་༔ འགྲོ་དོན་ཤར་དང་ལྷོ་ནས་འབྱུང་༔ དེ་དུས་སྨོན་ལོག་དམ་སྲི་ཡིས༔ མི་འདོད་རྐྱེན་ངན་བར་ཆད་བརྩམས༔ གཏེར་བདག་གཉེར་བཅོལ་ཕྲིན་ལས་བསྐུལ༔ ཆོས་བདག་མཉྫུ་ཤྲཱི་དང་༔ ས་མནྟ་སོགས་འཕྲད་ནས་ཀྱང་༔ བསྟན་འགྲོའི་དོན་ཆེན་འགྲུབ་པར་ངེས༔ བཀའ་སྲུང་དྲེགས་པ་རྣམ་གསུམ་གྱིས༔ གཉེར་དུ་ཟུངས་ལ་རིམ་བཞིན 商དུ༔ ཆོས་བདག་སྐལ་ལྡན་བུ་ལ་སྤྲོད༔ ཡལ་བར་མ་དོར་ས་མ་ཡ༔ ལོག་ལྟ་ཅན་ལ་གུ་ཧྱ་རྒྱ༔ སྐལ་མེད་རྣམས་ཀྱི་སྙིང་རྩ་ཆོད༔ སྣོད་ལྡན་བུ་ཡིས་ཉམས་སུ་ལོངས༔ དངོས་གྲུབ་ཐོབ་པར་ཐེ་ཚོམ་མེད༔ ས་མ་ཡ༔ རྒྱ་རྒྱ་རྒྱ༔ ཅེས་པ་བླ་སྒྲུབ་ཡིད་བཞིན་ནོར་བུ་འདི་ཡང་སྤྲུལ་སྐུ་རྣམ་གསུམ་གྱི་བཀའི་གནང་བ་ཐོབ་པ་དང་། ཆོས་ཀྱི་བདག་པོ་འཇིགས་མེད་དཀོན་མཆོག་དཔལ་ལྡན་རྒྱ་མཚོ་རསྨི་ཤྲཱི་སོགས་ཀྱིས་ཡུན་རིང་གི་བར་རིན་ཆེན་གཉིས་པའི་མཎྜལ་བཅས་བསྐུལ་བ་དང་། དུས་ལ་བབ་ཚེ་ཆོས་ཀྱི་བདག་པོ་སྐལ་ལྡན་སྙན་གྲགས་དང་པདྨ་ལྷུན་གྲུབ་གཉིས་ཀྱིས་བསྐུལ་ངོར། སྐྱོན་ཀུན་ལྡན་པ་དུད་འགྲོ་ལྟ་བུའི་འཆོལ་པོ་བརྫུན་རྐྱལ་བདེ་བའི་རྡོ་རྗེས་ཆོས་ཉིད་དགོངས་པའི་ཀློང་ནས་མཁའ་འགྲོའི་སྙན་བརྒྱུད་ལས་དག་པར་བྲིས་པ་དགེ་ཞིང་བཀྲ་ཤིས་པར་གྱུར་ཅིག །དགེའོ། །དགེའོ། །དགེའོ།། །། TI1394-101 TI1394-102 公商ཆོས་ཉིད་མཁའ་འགྲོའི་གསང་མཛོད་ལས༔ ཛཔ་བསྐུལ་གསོལ་འདེབས་དངོས་གྲུབ་བུམ་བཟང་བཞུགས༔ ན་མོ་གུ་རུ་པདྨ་ཀཱ་ར་ཡེ༔ མཚོ་སྐྱེས་རྡོ་རྗེ་འཆང་ལ་འདུད༔ མ་འོངས་སྙིགས་མ་ལྔ ཡི་དུས༔ མཚོ་རྒྱལ་བདག་གི་རྗེས་འཇུག་རྣམས༔ རིམ་གཉིས་འགྲུབ་འབྲས་ཐོབ་པའི་ཕྱིར༔ གསོལ་འདེབས་དངོས་གྲུབ་བུམ་བཟང་བསྟན༔ སྐལ་ལྡན་བུ་ཡིས་ཉམས་སུ་ལོངས༔ ས་མ་ཡ༔ རང་ཉིད་ཐ་མལ་སྣང་ཞེན་སྤོངས༔ སྣང་གྲགས་ལྷ་སྔགས་རོལ་པར་དམིགས༔ སྤོས་བསྲེགས་རོལ་མོ་དབྱངས་སྙན་བཅས༔ མོས་གུས་གསོལ་འདེབས་འདི་ལ་བརྩོན༔ ཨོཾ་ཨཱཿཧཱུྃ༔ གདོད་མའི་མགོན་པོ་ཀུན་བཟང་ཡབ་ཡུམ་དང་༔ ལྷུན་གྲུབ་ལོངས་སྐུ་རིགས་ལྔ་གངས་ཆེན་མཚོ༔ ཐུགས་རྗེའི་བདག་ཉིད་རིགས་གསུམ་མགོན་པོ་ལ༔ གསོལ་བ་འདེབས་སོ་སྒོ་གསུམ་བྱིན་གྱིས་རློབས༔ ལྷ་སྔགས་ཆོས་ཉིད་དག་པ་རབ་འབྱམས་ཀྱི༔ རོལ་པར་དག་རྫོགས་སྨིན་པ་མཐར་ཕྱིན་ནས༔ ཟུང་འཇུག་ཕྱག་རྒྱ་ཆེན་པོའི་དངོས་གྲུབ་སྩོལ༔ དགའ་རབ་ཤྲཱི་སིང་ཛྙཱ་ན་སུ་ཏྲ་དང་༔ པདྨ་འབྱུང་གནས་བི་མ་ལ་མི་ཏྲ༔ བཻ་རོ་ནམ་སྙིང་མཁར་ཆེན མཚོ་རྒྱལ་དང་༔ རྗེ་འབངས་འགྲུབ་བརྙེས་རིག་འཛིན་ཚོགས་བཅས་ལ༔ གསོལ་བ་འདེབས་སོ༔ ལྷ་སྔགས་ཆོས་ཉིད་རོལ་པར་དག་རྫོགས་སྨིན ཟུང་འཇུག་ཕྱག་རྒྱ་རིགས་ ཀུན་འཁོར་ལོའི་ཁྱབ་བདག་བདུད་འཇོམས་གླིང་༔ བཀའ་དྲིན་འཁོར་མེད་པདྨ་ལས་འབྲེལ་དང་༔ རྩ་བརྒྱུད་རིག་འཛིན་བླ་མའི་ཚོགས་རྣམས་ལ༔ གསོལ་བ་འདེབས་སོ༔ ལྷ་སྔགས་ཆོས ཉིད་༔ རོལ་པརཿ ཟུང་འཇུག༔ ཞི་ཁྲོ་ཡི་དམ་འདུས་པའི་ལྷ་ཚོགས་དང་༔ བཀའ་དགོངས་ཕུར་གཤིན་བདེ་གསང་ལ་སོགས་པའི༔ རྒྱུད་སྡེ་བཞི་དྲུག་དཀྱིལ་འཁོར་རབ་འབྱམས་ལྷར༔ གསོལ་བ་འདེབས་སོཿ ལྷ་སྔགས་ཆོས་ཉིད་རོལ་པར ཟུང་འཇུག་དག་པ་གཉིས་ལྡན་ཆོས་སྐུ་ཡུམ་ཆེན་མོ༔ ལོངས་སྐུ་རྡོ་རྗེ་ཕག་མོ་རྣལ་འབྱོར་མ༔ སྤྲུལ་སྐུ་མན་དཱ་ར་དང་ཞི བ་མཚོ༔ གནས་གསུམ་དཔའ་བོ་ཌཱ་ཀི་རྒྱ་མཚོལ༔ གསོལ་བ་འདེབས་སོ༔ ལྷ་སྔགས་ཆོས་ཉིད་རོལ་པར ཟུང་འཇུག༈ ཕན་བདེའི་འབྱུང་གནས་སངས་རྒྱས་བསྟན་བསྲུང་བ༔ གནོད་སྦྱིན་ནོར་ལྷ་གཏེར་བདག་དམ་ཅན་དང་༔ ཆོས་སྐྱོང་ཕོ་རྒྱུད་མོ་རྒྱུད་དྲེགས་པའི་ཚོགས༔ བཀའ་དང་དམ་ཚིག་ལ་གནས་སྲུང་མ་ལ༔ གསོལ་བ་འདེབས་སོ་ཕྱི་ནང་བར་ཆད་སེལ༔ ཚེ་སྒྲུབ་མཐར་སོན་དོན་གཉིས་འགྲུབ་པ་དང་༔ གང་བརྩམ་ལས་ཀུན་ཐོགས་མེད་ཕྲིན་ལས་མཛོད༔ བླ་མ་ལྷ་དང་རྩ་གསུམ་བྱིན་བརླབས་ཀྱིས༔ སྒྲུབ་པོའི་སྒོ་གསུམ་རྡོ་རྗེ་གསུམ་དུ་འཕོས༔ 公商ལྷ་སྔགས་ཆོས་ཉིད་དག་པར་རབ་འབྱམས་ཀྱི༔ རོལ་པར་དག་སྨིན་རྫོགས་པ་མཐར་ཕྱིན་ནས༔ ཁ་སྦྱོར་བདུན་ལྡན་དག་པ་ཡེ་སངས་རྒྱས༔ གདོད་མའི་གཞི་རུ་འོད་སྐུར་གྲོལ་བར་ཤོག༔ ཅེས་བརྗོད་དཀྱིལ་འཁོར་གསུམ་ལྡན་གྱི༔ ངང་ལས་མི་འདའི་གནད་ཟབ་མོ༔ ཚུལ་བཞིན་དམིགས་གནད་ལྡན་གྱུར་ན༔ མ་དག་སྒོ་གསུམ་སྒྲིབ་དག་ནས༔ ཕྱི་ནང་གཞན་གསུམ་དག་སྨིན་རྫོགས༔ ལྷ་དང་སྣང་བ་ཆོས་ཉིད་གསུམ༔ དབྱེར་མེད་ཟུང་འཇུག་ཕྱག་རྒྱའི་སྐུ༔ མངོན་གྱུར་ཐོབ་པར་ཐེ་ཚོམ་མེད༔ བཀའ་སྲུང་དྲེགས་པ་རྣམ་གསུམ་གྱིས༔ ཐུབ་པར་སྲུངས་ཤིག་ས་མ་ཡ༔ སྐལ་ལྡན་བུ་དང་འཕྲད་པར་ཤོག༔ སྐལ་མེད་རྣམས་ལ་འདི་མ་འཕྲད༔ ཆོས་བདག་མཆོག་གི་བུ་ལྔ་དང་༔ པདྨའི་མིང་གི་དཔལ་དུ་སྤྲོད༔ ས་མ་ཡ༔ གཏེར་རྒྱ༔ སྦས་རྒྱ༔ ཟབ་རྒྱ༔ གཏདརྒྱ༔ གུ་ཧྱ༔ བརྡ་ཐིམ༔ ༔ ཅེས་པ་འདི་ཡང་བུ་སློབ་ཆོས་བདག་རྣམས་ཀྱིས་ནན་ཆེར་བསྐུལ ངོར་སྙོམས་ལས་པ་སུ་ཁ་བཛྲས་ཉམས་ཆོས་ཡིག་རིས་སུ་བྲིས་པའོ། །དགེའོ།། །། TI1394-105 TI1394-106 ཤ་商ཆོས་ཉིད་མཁའ་འགྲོའི་གསང་མཛོད་ལས༔ རིག་འཛིན་བླ་མའི་དོན་བསྐང་དངོས་གྲུབ་སྙེ་མ་བཞུགས༔ ན་མོ་པདྨ་ཀཱ་ར་ཡེ༔ རྣལ་འབྱོར་རིམ་གཉིས་ལམ་ཞུགས་པས༔ ཉམས་ཆག་བསྐང་དང་ཚོགས་རྫོགས་ཕྱིར༔ རིག་འཛིན་དོན་བསྐང་ཟབ་མོ་བསྟན༔ ས་མ་ཡ༔ ཐབས་ཤེས་རྫས་དང་བཟའ་བཅའི་རིགས༔ བལྡག་གཞིབ་ལ་སོགས་འབྱོར་ཚོགས་ཀུན༔ རྣམ་གསུམ་དག་པའི་ཡོ་བྱད་བསགས༔ སྦྱང་སྤེལ་ནུས་པས་བདུད་རྩིར་བསྒྱུར༔ སྙན་དབྱངས་ཐོད་རྔའི་སྒྲ་དང་བཅས༔ བྱིན་གྱིས་བརླབ་པ་འདི་སྐད་དོ༔ ཨོཾ༔ ཀུན་ཁྱབ་ཡངས་པའི་གཏོར་སྣོད་དུ༔ ཨཿ ཀུན་སྣང་འདོད་ཡོན་ཚོགས་སུ་བཤམས༔ ཧཱུྃ༔ ཀུན་འབྱུང་ཡེ་ཤེས་བདུད་རྩིར་བརླབས༔ ཨོཾ་ཨཱཿཧཱུྃ༔ ཧ་ཧོ་ཧྲཱིཿ ལན་གསུམ་དང་༔ ནམ་མཁའ་མཛོད་སྔགས་ལན་བདུན་གྱིས་བརླབས་ལ༔ སྤྱན་འདྲེན་ནི༔ ཧཱུྃ་ཧྲཱིཿ ཆོས་སྐུ་སྐྱེ་བ་མེད་པའི་ངང་ཉིད་ལས༔ འགྲོ་བའི་དོན་དུ་གཟུགས་ཀྱི་སྐུར་བཞེངས་པ༔ ཐབས་མཁས་ཐུགས་རྗེའི་མཛད་པ་ཅིར་ཡང་སྟོན༔ རྒྱལ་ཀུན་གསང་གསུམ་ཡོན་ཏན་མི་ཟད་གཏེར༔ རང་བཞིན་དབྱིངས་ཀྱི་ཞིང་ན་བཞུགས་པ་ཡི༔ དགོངས་བརྡ་སྙན་བརྒྱུད་བླ་མའི་ཚོགས་རྣམས་དང་༔ ཐེག་དགུའི་ཡི་དམ་གནས་ཡུལ་མཁའ་འགྲོ་དང་༔ འཇིག་འདས་དམ་ཅན་སྲུང་མའི་ཚོགས་རྣམས་ཀུན༔ རྨད་འབྱུང་གསང་བའི་ གནས་འདིར་གཤེགས་སུ་གསོལ༔ དབུ་སྐྲ་མཛེས་པའི་ཐོར་ཅོག་ལྡེམས་སེ་ལྡེམ༔ དར་དང་རིན་ཆེན་རྒྱན་ཆ་ཁྲོ་ལོ་ལོ༔ དཔའ་བོའི་ཚོགས་ཀྱི་གར་ཆེམས་ཤིགས་སེ་ཤིག༔ དཔའ་མོའི་ཚོགས་ཀྱི་གླུ་དབྱངས་དི་རི་རི༔ ཕཊ་དང་ཕེཾ་སྒྲ་མང་པོ་སངས་སེ་སང་༔ དྲི་ཞིམ་སྤོས་ཀྱི་ངད་པ་ཐུ་ལུ་ལུ༔ ཡེ་ཤེས་འཇའ་དང་འོད་ཕུང་ལམས་སེ་ལམ༔ རིག་འཛིན་སྐུ་དང་ཐིག་ལེ་ཤིགས་སེ་ཤིག༔ དབང་བྱིན་དངོས་གྲུབ་ཆར་རྒྱུན་ཏ་ལ་ལ༔ གནས་འདིར་སྤྱན་འདྲེན་བྱིན་གྱིས་བརླབ་ཏུ་གསོལ༔ མཆོག་ཐུན་སུ་ཁའི་དངོས་གྲུབ་དེང་འདིར་སྩོལ༔ ཨོཾ་ཨཱཿགུ་རུ་བིདྱཱ་དྷ་ར་བྃ་ཧ་རི་ནི་ས་ངྷརྨ་པཱ་ལ་ཀྵེ་ཏྲ་པཱ་ལ་བཛྲ་ས་མ་ཡ་ཛ་ཛཿ དེ་ནས་བསྐང་བ་དངོས་ནི༔ ཧཱུྃ་ཧྲཱིཿ འོག་མིན་ཆོས་དབྱིངས་ཞིང་ཁམས་ནས༔ དང་པོའི་སངས་རྒྱས་ཀུན་གྱི་ཡབ༔ ཀུན་བཟང་ཡབ་ཡུམ་ཐུགས་དམ་བསྐང་༔ བསྐང་གྱུར་དབང་དང་དངོས་གྲུབ་སྩོལ༔ ངེས་པ་ལྔ་ལྡན་ཞིང་ཁམས་ནས༔ རང་བཞིན་ལྷུན་གྲུབ་གདངས་ཆེན་པོ༔ རིགས་ལྔ་ཡབ་ཡུམ་བསྐང་གྱུར མི་མཇེད སྤྲུལ་པའི་ཞིང་ཁམས་ནས༔ ཆོས་ཉིད་དོན་གྱི་དངོས་གྲུབ་བརྙེས༔ དགའ་རབ་རྡོ་རྗེའི༴ བསྐང་གྱུར གསང་བ་མངོན་གྱུར་ཞིང་ཁམས་ནས༔ འཇའ་ལུས་ཆོས་སྐུའི་དངོས་གྲུབ་བརྙེས༔ 商合ཤྲཱི་སེང་ཧའིཿ བསྐང་གྱུར འོད་གསལ་ཆེན་པོའི་ཞིང་ཁམས་ནས༔ རྟོག་གྲོལ་དགོངས་པའི་ཤེས་རབ་བརྡོལ༔ འཇམ་དཔལ་བཤེས་གཉེན༴ བསྐང་གྱུར ཤེས་རབ་རང་གསལ་ཞིང་ཁམས་ནས༔ འཕོ་མེད་ནམ་མཁའི་རང་བཞིན་ཅན༔ བི་མ་མི་ཏྲའི་བསྐང་གྱུར་དཔལ་རི་པད་འོད་ཞིང་ཁམས་ནས༔ རིག་འཛིན་དགོངས་པ་རྣམ་བཞི་གྲུབ༔ པདྨ་ཐོད་ཕྲེང་: བསྐང་གྱུར དབྱིངས་ཡེ་རྣམ་དག་ཞིང་ཁམས་ནས༔ བླ་མེད་གསང་བའི་སྣོད་མཆོག་ལྡན༔ མཁར་ཆེན་མཚོ་རྒྱལ་ཐུགས་དམ་བསྐང་༔ བསྐང་གྱུར༴ ལྷུན་འགྲུབ་དག་པའི་ཞིང་ཁམས་ནས༔ མཆོག་དང་ཐུན་མོང་དངོས་གྲུབ་བརྙེས༔ རྗེ་འབངས་རྣམ་ཀྱིཿ བསྐང་གྱུར བདེ་ཆེན་འཁོར་ལོའི་ཞིང་ཁམས་ནས༔ ཐེག་དགུའི་གནད་སྨིན་གྲུབ བརྙེས་མཆོག༔ ལས་འབྲེལ་རྩལ་གྱིཿ བསྐང་གྱུར་བདེ་སྟོང་མི་འགྱུར་ཞིང་ཁམས་ནས༔ ཟག་མེད་བདེ་བའི་སྐུ་བརྙེས་པ༔ བདེ་ཆེན་དཀར་མོའི་ཐུགས༴ བསྐང་གྱུར= གང་འདུལ་ཐུགས་རྗེའི་ཞིང་ཁམས་ནས༔ སྨོན་ལམ་འཕྲོ་སད་འགྲོ་བའི་མགོན༔ ཟབ་གཏེར་བརྒྱུད་པའི༴ བསྐང་གྱུར་ཕྱི་ནང་དཀྱིལ་འཁོར་འཛིན་པ་ཡི༔ དངོས་གྲུབ་ཀུན་གྱི་འབྱུང་གནས་ ཆེ༔ ཐེག་དགུའི་ཡི་དམ༴ བསྐང་གྱུར གནས་ཡུལ་སྐྱོང་ཞིང་གསང་སྔགས་བདག༔ འཇིག་འདས་སྲུང་མའིཿ བསྐང་གྱུར ཐུགས་དམ་བསྐང་བའི་དམ་རྫས་ནི༔ ཕྱི་མཆོད་རྣམ་ལྔས་ཐུགས་དམ་བསྐང་༔ ནང་མཆོད་གཟུགས་སྒྲ་དྲི་རོ་རེག༔ བདེ་ཆེན་ཆོས་ཀྱི་ཐུགསཿ གསང་མཆོད་སྨན་གཏོར་རཀྟ་དང་༔ ཁོ་ན་ཉིད་ཀྱི་མཆོད་པས་བསྐང་༔ བསྐང་གྱུར ལྟ་བ་བློ་འདས་ཆེན་པོར་བསྐང་༔ སྒོམ་པ་ཟང་ཐལ་རོལ་པར་བསྐང་༔ སྤྱོད་པ་བླང་དོར་བྲལ་བར་བསྐང་༔ འབྲས་བུ་ཡེ་གྲོལ་ཀློང་དུ་བསྐང་༔ བསྐང་གྱུར་དབང་དང་དངོས་གྲུབ་སྩོལ༔ ཧོཿ རྩ་གསུམ་སྲུང་མར་བཅས་པ་དགོངས༔ བདག་ཅག་མ་རིག་སྒྲིབ་དབང་གིས༔ རྡོ་རྗེ་སློབ་དཔོན་དྲུག་དང་འགལ༔ མཆེད་བཞིའི་སྐུ་ལ་གནོད་པ་དང་༔ སྔགས་གསུམ་ཕྱག་རྒྱ་རལ་བ་སོགས༔ གསང་སྔགས་གཞུང་བཞིན་མ་བྱས་པའི༔ ཉམས་ཆགས་འགལ་འདས་ཞིག་རལ་གྱི༔ ཉེས་བྱས་གང་བསགས་ཐམས་ཅད་ཀུན༔ བླ་མ་ལྷ་ཡི་སྤྱན་སྔ་རུ༔ རབ་གནོང་འགྱོད་པ་དྲག་པོ་ཡིས༔ སྙིང་ནས་བཤགས་སོ་བཟོད་པར་བཞེས༔ ཉམས་ཆག་སྡིག་སྒྲིབ་ཀུན་དག་ནས༔ ཚངས་པ་མཆོག་གི་དངོས་གྲུབ་སྩོལ༔ ཨོ་ག་ཎ་ཙཀྲ་སཏྭ་སོགས། ཨཱཿ ཤྭ་༒ཿ ཞེས་བརྗོད་ཉམས་ཆགས་ཀུན་བསྐང་ནས༔ རིམ་གཉིས་ལམ་མཆོག་མངོན་གྱུར་ངེས༔ ས་མ་ཡ༔ དེ་ལྟར་རིག་འཛིན་དོན་བསྐང་འདིར༔ སུས་བརྩོན་བྱིན་རླབས་དངོས་གྲུབ་ཐོབ༔ ལས་ཅན་བུ་དང་འཕྲད པར་ཤོག༔ ལོག་ལྟ་ཅན་ལ་འདི་མ་འཕྲད༔ དྲེགས་པ་རྣམ་གསུམ་གཉེར་གྱིས་ཤིག༔ ཐུབ་པར་སྲུངས་ཤིག་ས་མ་ཡ༔ རྒྱ་རྒྱ་རྒྱ༔ གུ་ཧྱ༔ བརྡ་ཐིམ༔ ཨྠི༔ ཅེས་པ་འདི་ཡང་ཆོས་འདིའི་བཀའ་བབ་འདུལ་བ་འཛིན་པ་མཁན་པོ་ནོར་བུ་དབང་རྒྱལ་དང་༔ ཤྲཱི་ལ་བཛྲ་སོགས་ཀྱིས་ཡང་ཡང་བསྐུལ་ངོར་རྗེ་བཙུན་བླ་མ་དགྱེས་པའི་འབངས། བདེ་ཆེན་བདེ་བའི་རྡོ་རྗེས་སེར་དགོན་དབེན་ཁྲོད་ནས་མཉམ་བཞག་རིག་པའི་གབ་སྒྲོམ་རྗེས་ཐོབ་ཕྲིན་ལས་ཡིག་རིས་སུ་བཀོད་པའོ། དགེའོ།། །། 3 TI1394-111 TI1394-112 ༦ལ 商རིག་འཛིན་འདུས་པའི་བརྒྱུད་འདེབས་བྱིན་རླབས་དཔལ་ཕྲེང་བཞུགས་སོ༔ ཨེ་མ་ཧོཿ ཆོས་སྐུ་ཀུན་ཏུ་བཟང་པོ་ལ་གསོལ་བ་འདེབས༔ དངོས་གྲུབ་རྣམ་གཉིས་ཐོབ་པར་བྱིན གྱིས་རློབས༔ ལོངས་སྐུ་རྒྱལ་བ་རིགས་ལྔ་ལ་གསོལ༔ དངོས་གྲུབ་རྣམ་གཉིས་སྤྲུལ་སྐུ་པདྨ་འབྱུང་གནས་ལ་གསོལཿ དངོས་གྲུབ་རྣམ་གཉིས་མཁའ་འགྲོ་ཡེ་ཤེས་མཚོ་རྒྱལ་ལ༔ དངོས་གྲུབ་རྣམ་གཉིས༴ སྣ་ནམ་རྡོ་རྗེ་བདུད་འཇོམས་ལ༴ དངོས་གྲུབ་རྣམ་གཉིས༴ བདུད་འདུལ་དབང་ཕྱུག་ཀ་ལ་སིདྡྷི་དང་༔ རྩ་བརྒྱུད་བླ་མའི་ཚོགས་ལ༔ དངོས་གྲུབ་རྣམ་གཉིསཿ ས་བཅུ་ལམ་ལྔའི་ཡོན་ཏན་རབ་རྫོགས་ནས༔ ཕྱིར་མི་ལྡོག་པ་ཆོས་སྐུའི་ས་ཐོབ་ཤོག༔ ཅེས་རིག་འཛིན་བརྒྱུད་འདེབས་བསྡུས་པ་འདི་ཡང་འཇིགས་མེད་དཀོན་མཆོག་དང་དཔལ་ལྡན་རྒྱ་མཚོ་རྣམས་ཀྱི་བཞེད་སྐོང་དུ། སུ་ཁའི་མིང་གིས་བྲིས་པའོ། །དགེའོ།། །། TI1394-114 པང་པན་ན་ག་ག་གྱིག་ 商ན་མོ་གུ་རུ་པདྨ་ཀཱ་ར་ཡེ༔ ཨོ་རྒྱན་ཐོདཕྲེང་རྩལ་ལ་འདུད༔ སྤྲོས་མེད་ནང་སྒྲུབ་ཟབ་མོ་ནི༔ སྐལ་ལྡན་བུ་ཡི་དོན་དུ་བསྟན༔ རྒྱུན་ཁྱེར་འདི་ལ་བརྩོན་པར་བྱ༔ ས་མ་ཡ༔ སྐྱབས་སུ་འགྲོ་བ་དང་སེམས་བསྐྱེད་པ་ནི༔ ན་མོ༔ གདོད་ནས་རྣམ་དག་རང་རིག་བླ་མ་རྗེར༔ དུས་གསུམ་འདུ་འབྲལ་མེད་པར་སྐྱབས་སུ་མཆི༔ མ་རིག་གཟུང་འཛིན་ལས་སྣང་འཁོར་འཁྱམས་འགྲོ༔ རང་བྱུང་ཡེ་ཤེས་རྟོགས་ཕྱིར་སེམས་བསྐྱེད་དོ༔ ལན་གསུམདང་༔ དངོས་གཞི་ནི༔ ཨཿ བསམ་བརྗོད་བྲལ་བ་ཀ་དག་ཆེ༔ གདངས་སྣང་མ་འགགས་སྙིང་རྗེའི་རྩལ༔ རང་བྱུང་གཞལ་ཡས་མཚན་ཉིད་རྫོགས༔ དབུས་སུ་པདྨ་ཉི་ཟླའི་སྟེང་༔ རང་བྱུང་ 商རྒྱུ་ཡི་ཡི་གེ་ཧྲཱིཿ ཡོངས་གྱུར་འཕྲོ་འདུས་རང་ཉིད་ནི༔ མཚོ་སྐྱེས་རྡོ་རྗེ་སྤྲུལ་པའི་སྐུ༔ སྣང་སྲིད་ཟིལ་གནོན་ཧེ་རུ་ཀ༔ ཞལ་གཅིག་ཕྱག་གཉིས་རྡོ་རྗེ་དང་༔ བྷན་ཐོད་འཛིན་ཅིང་སྐུ་ལ་ནི༔ ནང་གོས་ཟབ་བེར་ཆོས་གོས་གསུམ༔ གསོལ་ཞིང་ཐེག་གསུམ་ཡོངས་སུ་རྫོགས༔ ཞབས་གཉིས་རྒྱལ་པོ་རོལ་སྟབས་བཞུགས༔ དབུ་ལ་པདྨ་མཐོང་གྲོལ་གསོལ༔ གསང་ཡུམ་སྦས་ཚུལ་ཁ་ཊཾ་འཛིན༔ འཇའ་འོད་ཟེར་འཁྲིགས་འོད་ཀློང་བཞུགས༔ འཁོར་དུ་མཁའ་འགྲོ་མང་པོས་བསྐོར༔ ཤར་དུ་རྡོ་རྗེ་མཁའ་འགྲོ་