Tibetan
།ཡིད་བཞིན་ནོར་བུ་ལོན་ཡང་མ་མཆོད་ན། །དེ་ལས་འདོད་པའི་འབྲས་བུ་ཅི་མི་འབྱུང་། །དེ་ཕྱིར་སྐྱབས་མཆོག་བླ་མ་དམ་པ་ལ། །ཁ་ཞེ་མེད་པའི་མོས་གུས་ཞབས་ཏོག་སྒྲུབས། །རང་བློ་རང་གིས་འཆུན་པར་མ་གྱུར་ན། །གང་དུ་བསྡད་ཀྱང་དམ་ཆོས་མི་འགྲུབ་པས། །དགེ་འདུན་ཚོགས་སམ་དབེན་པར་འདུག་ཀྱང་རུང་། །སྲིད་པའི་བདེ་འབྱོར་འདོད་པའི་རྩ་བ་ཆོད། །འཁོར་བའི་དཔོན་ལ་རེ་ལྟོས་མི་འཆའ་ཞིང་། །ལོངས་སྤྱོད་འབྱོར་གྲོགས་རྨི་ལམ་ལྟར་ཤེས་པས། །སུ་དང་འགྲོགས་ཀྱང་མི་མཛའ་མི་འཁོན་པར། །རྟག་ཏུ་དབུ་མའི་སྤྱོད་པས་འཚོ་བར་མཛོད། །དབང་ཡོད་དུས་ཀྱང་དགྲ་འདུལ་གཉེན་སྐྱོང་བ། །ཆོས་པ་ལྟ་ ཅི་སྐྱེ་བོ་དྲ་མའང་མིན། །དེ་ཕྱིར་འགྲས་འདྲིས་བར་མའི་འགྲོ་ཀུན་ལ། །གང་ཕན་སྒྲུབ་པ་རབ་ཏུ་བྱུང་བའི་ལས། །གནས་སྐབས་བྱ་བྱེད་གང་ལའང་མཛངས་པའི་བློས། །ལེགས་པར་བརྟགས་ནས་འཇུག་པ་མཁས་པའི་ལུགས། །མ་བརྟགས་གྱ་ཚོམ་ཞུགས་ན་དམ་ཆོས་ཅི། །འཇིག་རྟེན་ཕུན་ཚོགས་ཕྲ་མོའང་འགྲུབ་མི་འགྱུར། །ལོ་རེའི་རྒྱགས་ཕྱེའི་ཆེད་དུ་ཞིང་པ་རྣམས། །སྐྱོ་དུབ་མེད་པར་སོ་ནམ་ལ་བརྩོན་ལ། །ནམ་ཞག་གཏན་གྱི་འདུན་མ་དམ་པའི་ཆོས། །དཀའ་བར་བསམ་ནས་མི་བསྒྲུབ་བླུན་པོ་ཡིན། །བྲེ་གང་བྲེ་དོའི་ཚོང་ལ་རྒྱལ་ཕམ་གྱི། །རྩིས་གདབ་བྱེད་ན་གཏན་འདུན་ཆོས་ཀྱི་ནོར། །བཤེས་གཉེན་དམ་པའི་ཚོང་དཔོན་ལ་བརྟེན་ནས། །དད་བརྩོན་རིན་གྱིས་མི་ཉོ་སྨྱོ་འམ་ཅི། །དང་པོར་ཁྱིམ་སྤངས་རབ་ཏུ་བྱུང་ན་ཡང་། །དགྲ་གཉེན་ཕྱོགས་ལ་ཆགས་སྡང་གིས་འཚོ་བ། །ཁྱིམ་ཆུང་སྤངས་པའི་ཁྱིམ་ཆེན་འཛིན་པ་ཞེས། །སྟོན་པ་ཐམས་ཅད་གཟིགས་དེས་སྨད་པར་མཛད། །དེ་ཕྱིར་མགོ་རེག་ངུར་སྨྲིག་གོས་ཙམ་གྱིས། །རབ་ཏུ་བྱུང་བའི་གྲངས་སུ་མི་འགྲོ་བས། །འཁོར་བ་དུག་ཅན་མཚོ་ལས་ལུས་ཅན་རྣམས། །བསྒྲལ་ཕྱིར་ཐོས་བསམ་སྒོམ་ལ་འབད་པར་མཛོད། །མདོར་ན་དགེ་བའི་བཤེས་ལ་རབ་དད་ཅིང་། །གྲོགས་ལ་དག་སྣང་འགྲོ་ཀུན་ཕ་མར་བལྟ། །སྒོ་གསུམ་ཅི་བྱེད་ཆོས་དང་མི་འགལ་བས། །རང་གཞན་དོན་གཉིས་སྒྲུབ་ལ་བརྩོན་པར་མཛོད། །དེ་ལྟར་དམ་ཆོས་སྒྲུབ་ལ་གཅེས་པའི་གཏམ། །ཉུང་གསལ་འདི་འདྲ་དྷརྨ་ཤྲཱི་ཡིས། །དོན་གཉེར་འགྱུར་མེད་མཆོག་གྲུབ་བཟང་པོར་གདམས། །ཉིན་རེ་བཞིན་ཡང་འདིར་གཟིགས་ལག་ཏུ་ལོངས། །དགེ་དེས་སྐུལ་བ་པོ་ཡིས་ཐོག་དྲངས་ནས། །བདག་དང་མཐའ་ཡས་མ་གྱུར་འགྲོ་བ་ཀུན། །དམ་ཆོས་ཚུལ་བཞིན་སྤྱོད་པས་སྒྲིབ་གཉིས་ལས། །རྣམ་གྲོལ་བླ་མེད་བྱང་ཆུབ་མྱུར་ཐོབ་ཤོག །
Chinese
如意宝珠纵得而不供，何能从中生出所欲之果？因此，对于殊胜的依怙至尊上师，应以诚挚无伪的虔诚恭敬承侍。若不以自心束缚自心，无论身处何地亦不能成就正法，无论身处僧众之中或僻静之处皆可，断除希求轮回安乐财富之根。莫对轮回之主寄予希望，了知受用财富如梦幻，无论与何人交往，皆不亲不疏，恒常以中观之行度日。即使拥有权力，降伏敌人、扶持亲友，如是行持，
English
If you obtain a wish-fulfilling jewel but do not offer it, how can the desired fruit arise from it? Therefore, to the supreme refuge, the holy Lama, offer service with sincere and unfeigned devotion. If you do not bind your own mind with yourself, you will not accomplish the sacred Dharma no matter where you stay. Whether you are in a gathering of monks or in a solitary place, cut off the root of desiring worldly happiness and wealth. Do not rely on the lords of samsara, and know that enjoyment and wealth are like a dream. No matter who you associate with, do not be friendly or hostile, but always live with the conduct of the Middle Way. Even when you have power, subduing enemies and protecting relatives,