Tibetan
ཤེས་སྨོན་ལམ་མཐུ་ལས་འཕྲུལ༔ ལྔ་བརྒྱའི་གདུལ་བྱ་འདུལ་ཕྱིར་སྤྲུལ་པའི་སྐུ༔ ཐུགས་རྗེ་འོད་ཟེར་དཔལ་ལ་གསོལ་བ་འདེབས༔ འདི་ཕྱི་བར་དོ་གསུམ་དུ་ཐུགས་རྗེས་ཟུངས༔ དུས་གསུམ་རྒྱུན་ཆད་མེད་པར་བྱིན་གྱིས་རློབས༔ ཞབས་བརྟན་ལ༔ སྐྱབས་གནས་མཆོག་གསུམ་བདེན་པའི་བྱིན་རླབས་དང་༔ ཆོས་ཉིད་རྣམ་དག་རྟེན་འབྲེལ་བསླུ་མེད་མཐུས༔ ཨོ་རྒྱན་རྒྱལ་ཚབ་ཐུགས་རྗེའི་འོད་ཟེར་གྱི༔ ཞབས་པད་རབ་བརྟན་མཛད་ཕྲིན་འཕེལ་རྒྱས་ཤོག༔ ཨོ་རྒྱན་ཆེན་པོས་དངོས་སུ་གསུངས་པ་ཐོས༔ ཁྲག་འཐུང་བདུད་འཇོམས་དཔའ་བོས་བྲིས་པའོ། །དགེའོ།། ཨོཾ༔ དག་སྣང་ཡེ་ཤེས་དྲྭ་བ་ལས༔ བདེ་ཆེན་ཞིང་གི་སྨོན་ལམ་ཐར་པའི་གྲོང་འཇུག་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ འོད་དཔག་མེད་མགོན་ཡིད་བྱེད་པའི༔ གནད་དང་ལྡན་པས་འདི་བརྗོད་བྱ༔ མགོན་པོ་འོད་དཔག་མེད་ལ་ཕྱག་འཚལ་ལོ༔ ཆོས་སྐུ་སྣང་མཐའ་ལོངས་སྐུ་ཚེ་དཔག་མེད༔ མཁྱེན་བརྩེ་ནུས་པའི་བདག་ཉིད་རིན་པོ་ཆེ༔ འཇམ་དབྱངས་སྤྱན་རས་གཟིགས་དང་མཐུ་ཆེན་ཐོབ༔ ཉེ་བའི་སྲས་མཆོག་བརྒྱད་དང་བཅས་པ་ལ༔ བཟོད་མེད་གདུང་ཤུགས་དྲག་པོས་གསོལ་བ་འདེབས༔ སྒོ་གསུམ་གུས་པས་ཕྱག་འཚལ་སྐྱབས་སུ་མཆི༔ ཚེ་རབས་འདི་དང་ཚེ་རྒྱུད་ཐམས་ཅད་དུ༔ སྐད་ཅིག་མི་འབྲལ་རྗེས་སུ་བཟུང་དུ་གསོལ༔ ནམ་ཞིག་ཚེ་འདིའི་སྣང་བ་ནུབ་པའི་ཚེ༔ སྐྱེ་བ་གཞན་གྱིས་བར་མ་ཆོད་པ་རུ༔ བདེ་ཆེན་དག་པའི་ཞིང་དེར་སྐྱེ་བར་ཤོག༔ བཟང་ངན་ལས་ཀྱིས་འབྲེལ་བའི་སྐྱེ་བོ་ཀུན༔ རྒྱུ་འབྲས་ངན་པའི་དབང་དུ་མི་བཏང་བར༔ བདེ་བ་ཅན་གྱི་ཞིང་དུ་འདྲེན་པར་ཤོག༔ སྐྱབས་གནས་དཀོན་མཆོག་གསུམ་གྱི་བདེན་པ་དང་༔ རྟེན་འབྲེལ་བསླུ་བ་མེད་པའི་སྟོབས་ཤུགས་ཀྱིས༔ སྨོན་ལམ་བཏབ་པ་དེ་རྣམས་འགྲུབ་གྱུར་ཅིག༔ དེ་ལྟར་རྩེ་གཅིག་གསོལ་བཏབ་སྨོན་ལམ་མཐུ༔ གང་གིས་བརྗོད་པས་བདེ་ཆེན་ཞིང་ ཁམས་སུ༔ སྐྱེ་བར་འགྱུར་བ་ཡེ་ཤེས་མཁའ་འགྲོའི་བཀའ༔ ས་མ་ཡ༔ བརྡ་ཐིམ༔ ཅེས་པ་འདི་ཡང་ངག་ཕྲིན་གྱིས་བསྐུལ་ངོར་བདུད་འཇོམས་པས་སོ། །དགེའོ །དགེའོ །དགེའོ།། །། 2 བདུད་འཇོམས་ཟབ་གཏེར་T11616 - 082 བདུད་འཇོམས་ཟབ་གཏེར་T11616 - 082 དཔལ་རིའི་གཅིག་སྨོན་ལམ་དག་སྣང་ཡེ་དྲྭ་བ་ལས༔ ཟངས་དོག་དཔལ་གྱི་རི་བོའི་སྨོན་ལམ་ཐར་པའི་སྒོ་འབྱེད་ཅེས་བྱ་བ་བཞུགས་སོ༔ T11616 - 083 བདུད་འཇོམས་ཟབ་གཏེར་ཨོཾཿ ན་མོ་གུ་རུ་པདྨ་ཀ་ར་ཡེ༔ རྩ་བརྒྱུད་བླ་མ་ཡིད་ལ་བྱས་ནས་སུ༔ རྩེ་གཅིག་སྨོན་ལམ་རྣམ་དག་འདི་གདབ་བྱ༔ ཨེ་མ་ཧོཿ འདི་ནས་ཉི་མ་ལྷོ་ནུབ་མཚམས་ཤེད་ན༔ གནས་ཆེན་རྡོ་རྗེ་གདན་གྱི་ནུབ་བྱང་མཚམས༔ རྔ་ཡབ་གླིང་ཕྲན་ཟ་བྱེད་སྲིན་པོ་ཡི༔ གྲོང་ཁྱེར་ཆེན་པོ་བཅོ་བརྒྱད་ཀྱིས་བསྐོར་བའི༔ ཕྱོགས་བཞིར་འདོད་འབྱུང་ལྷུན་པོ་བཞི་ཡི་དབུས༔ ཀླུ་ཆེན་བརྒྱད་ཀྱི་གྲོང་ཁྱེར་གནས་པ་ཡི༔ རྒྱ་མཚོའི་ལྟེ་བར་ཟངས་མདོག་དཔལ་གྱི་རི༔ རྩ་བ་ཀླུ་རྒྱལ་འཇོག་པོའི་གནས་སུ་ཟུག༔ སྐེད་པར་ལུས་མེད་མཁའ་འགྲོ་འདུ་བའི་གནས༔ རྩེ་མོ་དག་པ་མཁའ་སྤྱོད T11616 - 084 དཔལ་རིའི་གཉིས་སྨོན་ལམ་ཨོཾ༔ཿ ཞིང་དུ་སླེབས༔ རི་རྒྱལ་ཁྱད་པར་ཅན་ལ་གསོལ་བ་འདེབས༔ ཟངས་མདོག་དཔལ་གྱི་རི་བོར་སྐྱེ་བར་ཤོག༔ འི་དེའི་རྩ་བ་རྒྱ་མཚོའི་འགྲམ་འཁོར་ཡུག༔ བྲག་རི་མཚོན་ཆ་གནམ་དུ་གཟིངས་འདྲས་བསྐོར༔ འདབས་འཁོར་སྤྲུལ་པ་སྐུ་ཡི་ཞིང་ཁམས་སུ༔ དཔག་བསམ་ཤིང་དང་བདུད་རྩིའི་ཆུ་མིག་དང་༔ སྨན་གྱི་སྤང་རིར་དྲི་བཟང་ན་བུན་འཐུལ༔ ཁ་དོག་སྣ་ཚོགས་འབར་བའི་པདྨོ་བཞད༔ རིག་འཛིན་དཔའ་བོ་མཁའ་འགྲོ་འདུ་བའི་གླིང་༔ གླིང་མཆོག་ཁྱད་པར་ཅན་ལ་གསོལ་བ་འདེབས༔ ཟངས་མདོག་དཔལ་གྱི་རི་བོར་སྐྱེ་བར་ཤོག༔ T11616 - 085 སྐེད་པར་དཔག་བསམ་ཤིང་གི་ནགས་ཚལ་ལ༔ འཇའ་ཚོན་འོད་ཀྱི་དྲྭ་མིག་རིས་སུ་བྲེས༔ དྲིལ་བུ་གཡེར་ཁས་སྙན་པའི་ཆོས་སྒྲ་སྒྲོགས༔ དཔའ་བོ་མཁའ་འགྲོས་གླུ་གར་རོལ་མོ་འཁྲོལ༔ ལོགས་བཞིར་ཁ་དོག་སྣ་ཚོགས་འོད་ཕུང་འཁྲིགས༔ རིག་འཛིན་འདུས་པའི་ཚོགས་ལ་གསོལ་བ་འདེབས༔ ཟངས་མདོག་དཔལ་གྱི་རི་བོར་སྐྱེ་བར་ཤོག༔ རྩེ་མོ་མཁའ་སྤྱོད་དག་པའི་ཞིང་ཁམས་མཆོག༔ ཤར་ཕྱོགས་ཤེལ་དང་ལྷོ་ཕྱོགས་བེེ་ཌཱཪྻ༔ ནུབ་ཕྱོགས་རཱ་ག་བྱང་ཕྱོགས་ཨིནྡྲ་ཡི༔ རྣམ་པའི་འོད་ཀྱི་ས་གཞི་རྒྱ་ཆེ་ཞིང་༔ བཀོད་ལེགས་མཛེས་ལྡན་བདེ་འཇམ་ཡིད་དུ་འོང་༔ སྨན་གྱི་སྤངས་རིར་མེ་ཏོག་སྣ་ཚོགས་འཁྲུངས༔ མནན་ན་ནེམ་ཞིང་བཏེགས་ན་སྤར་བྱེད་པའི༔ ཞིང་མཆོག་ཁྱད་པར་ཅན་ལ་གསོལ་བ་འདེབས༔ ཟངས་མདོག་དཔལ་གྱི་རི་བོར་སྐྱེ་བར་ཤོག༔ སྲ་བརྟན་སྣ་ཚོགས་རྡོ་རྗེའི་གདན་སྟེང་དུ༔ བཀོད་པ་ལྷུན་གྱིས་གྲུབ་པའི་གཞལ་ཡས་ཁང་༔ ཡེ་ཤེས་ལྔ་ཡི་ངོ་བོར་ཤར་བ་ལ༔ རྣམ་པ་རིན་ཆེན་སྣ་ལྔ་ལས་གྲུབ་ཅིང་༔ རྩིག་པ་འདོད་སྣམ་ཕ་གུ་དྲྭ་བ་དང་༔ དྲྭ་ཕྱེད་མདའ་ཡབ་རིན་ཆེན་མིག་ཚག་དང་༔ གྲུ་བཞི་སྒོ་བཞི་རྟ་བབ་ཀྱིས་མཛེས་ཤིང་༔ སྤྲུལ་པའི་བྱ་ཚོགས་སྙན་པའི་ཆོས་སྒྲ་སྒྲོགས༔ ཨོཾཿ རི་དྭགས་ཆོས་ཉན་མཛེས་པའི་གཟུགས་བྱད་ངོམས༔ སུམ་ཐོག་སྐུ་གསུམ་རྒྱལ་བའི་དཀྱིལ་འཁོར་རྫོགས༔ བུམ་པ་བྲེ་དང་ཆོས་འཁོར་གདུགས་ཏོག་མཛེས༔ ཚད་དང་མཚན་ཉིད་ཐམས་ཅད་ཡོངས་རྫོགས་པའི༔ ལྷུན་གྲུབ་གཞལ་ཡས་ཁང་ལ། དཔལ་རི་པདྨ་འོད་དུ་སྐྱེ་བར་ཤོག༔ དེ་དབུས་རིན་ཆེན་ཁྲི་སྟེང་པད་ཟླ་དང་༔ ཉི་མའི་གདན་སྟེང་རྣམ་འདྲེན་སྤྲུལ་པའི་སྐུ༔ དཀར་དམར་མདངས་ལྡན་འོད་དང་འོད་ཟེར་འབར༔ ཕྱག་གཡས་རྡོ་རྗེ་གཡོན་པས་བྷན་ཐོད་བསྣམས༔ ཞབས་གཉིས་རྒྱལ་པོ་རོལ་པའི་སྟབས་སུ་འགྱིང་༔ དཔའ་བོ་དང་ནི་དཔའ་མོ་མཁའ་འགྲོའི་ཚོགས༔ གྲུབ་ཐོབ་རྒྱ་མཚོ་ལྟ་བུའི་དབུས་ན་ངོམས༔ ཡ་མཚན་སྤྲུལ་པའི་སྐུ་ལ༴ དཔལ་རི་པདྨ་འོད་དུ༴ སྟེང་ཕྱོགས་འོག་མིན་ལྷུན་གྲུབ་གཞལ་ཡས་སུ༔ འགྲོ་བའི་མགོན་པོ་འཕགས་མཆོག་སྤྱན་རས་གཟིགས༔ འཁོར་བ་དོང་ནས་སྤྲགས་པའི་ཆ་ལུགས་ཅན༔ བྱང་ཆུབ་སེམས་དཔའ་དང་ནི་སེམས་མའི་ཚོགས༔ ནམ་མཁའི་སྐར་ཚོགས་ལྟ་བུའི་དབུས་ན་ངོམས༔ མགོན་པོ་ཐུགས་རྗེའི་དབང་ཕྱུག་འཁོར་བཅས་ལ༔ མོས་གུས་གདུང་ཤུགས་དྲག་པོས༴ དཔལ་རི་པདྨ་འོད་དུ་ཡང་ཐོག་བདེ་ཆེན་ཆོས་སྐུའི གཞལ་ཡས་སུ༔ པདྨ་དང་ནི་ཟླ་རྒྱས་གདན་སྟེང་དུ༔ ཆོས་སྐུའི་སྟོན་པ་འོད་དཔག་མེད་མགོན་ལ༔ སངས་རྒྱས་བྱང་སེམས་འཕགས་པའི་ཚོགས་ཀྱིས་བསྐོར༔ བཟོད་མེད་གདུང་ཤུགས་དྲག་པོས༔ དཔལ་རི་པདྨ་འོད་དུཿ ཤར་ཕྱོགས་རི་བོ་གསལ་བྱེད་ཅེས་བྱ་བ༔ མདུང་རྩེ་ལྟ་བུའི་སྐེད་པར་འཇའ་ཤེལ་གྱི༔ མེ་ལོང་དབྱིབས་འདྲའི་འཇའ་དང་འོད་ཟེར་ལས༔ གཟུགས་དང་མཆོད་པ་སྣ་ཚོགས་སྤྲིན་ལྟར་གཏིབས༔ རྩེ་མོར་རིན་ཆེན་ཤེལ་གྱི་གཞལ་ཡས་སུ༔ ཨོ་རྒྱན་རྡོ་རྗེ་རྣམ་པར་རྒྱལ་བ་ལ༔ རྡོ་རྗེ་རིགས་ཀྱི་དཔའ་བོ་མཁའ་འགྲོས་བསྐོར༔ གསོལ་བ་འདེབས་སོ་བདག་རྒྱུད་བྱིན་གྱིས་རློབས༔ དཔལ་རི་པདྨ་འོད་དུཿ ལྷོ་ཕྱོགས་རི་བོ་འདོད་འབྱུང་ཞེས་བྱ་བ༔ དཔག་བསམ་ཤིང་དང་ནོར་བུ་རིན་ཆེན་ལྟར༔ དགོས་འདོད་མཆོད་སྤྲིན་རྒྱ་མཚོ་འཕྱོ་ཞིང་སྤེལ༔ རི་དེའི་རྩེ་མོར་གསེར་གྱི་གཞལ་ཡས་སུ༔ ཨོ་རྒྱན་གཏེར་བདག་རྒྱལ་པོ་ཞེས་བྱ་བར༔ རིན་ཆེན་རིགས་ཀྱི་དཔའ་བོ་མཁའ་འགྲོས་བསྐོར༔ གསོལ་བ་འདེབས་སོ་བདག་རྒྱུད༴ དཔལ་རི་པདྨ་འོད་དུ་ནུབ་ཕྱོགས་རི་བོ་དྲི་ལྡན་ཞེས་བྱ་བར༔ ཟངས་མདོག་དྲི་ཞིམ་འོད་ཀྱིས་ས་གསུམ་འགེངས༔ རི་རྩེར་པདྨ་རཱ་གའི་གཞལ་ཡས་ ཨོཾ༔ སུ༔ ཨོ་རྒྱན་བདེ་ཆེན་རྒྱལ་པོ་ཞེས་བྱ་བར༔ པདྨ་རིགས་ཀྱི་དཔའ་བོ་མཁའ་འགྲོས་བསྐོར༔ གསོལ་བ་འདེབས་སོ་བདག་རྒྱུད༴ དཔལ་རི་པདྨ་འོད་དུཿ བྱང་ཕྱོགས་རི་བོ་འབིག་བྱེད་ཅེས་བྱ་བ༔ ལྗང་གསལ་འོད་འབར་ཉིན་མཚན་མེད་པ་རུ༔ དུས་ཀུན་འོད་ཀྱིས་གསལ་ཁྱབ་ཉིན་མོར་བྱེད༔ རི་རྩེར་ཨིནྡྲ་ནཱི་ལའི་གཞལ་ཡས་སུ༔ ཨོ་རྒྱན པདྨ་བདུད་འདུལ་ཞེས་བྱ་བ༔ ལས་ཀྱི་རིགས་ཀྱི་དཔའ་བོ་མཁའ་འགྲོས་བསྐོར༔ གསོལ་བ་འདེབས་སོ་བདག་རྒྱུད༴ དཔལ་རི་པདྨ་འོད་དུ་རབ་འཇིགས་ལངྐའི་གྲོང་ཁྱེར་ཆེན་པོའི་དབུས༔ རྔམས་བརྗིད་ཐོད་མཁར་དྲག་པོའི་གཞལ་ཡས་སུ༔ ཟ་བྱེད་མི་སྲུན་སྲིན་པོ་འདུལ་མཛད་ཕྱིར༔ སྣང་བ་དབང་བསྒྱུར་ཡང་དག་ལམ་དུ་གཟུད༔ གར་དབང་པདྨ་ཐོད་ཕྲེང་རྩལ ཉིད་ལ༔ ལས་བྱེད་ཁྲོ་བོ་ཁྲོ་མོའི་ཚོགས་ཀྱིས་བསྐོར༔ གསོལ་བ་འདེབས་སོ་བདག་རྒྱུད་བྱིན་གྱིས་རློབས༔ དཔལ་རི་པདྨ་འོད་དུ་སྐྱེ་བར་ཤོག༔ བདག་ནི་ནམ་ཞིག་འཆི་བའི་དུས་བྱུང་ཚེ༔ འཇིགས་རུང་བར་དོའི་སྣང་བར་མི་ལྟོས་ཤིང་༔ དཔལ་རི་པདྨ་འོད་དེར་སྐྱེས་ནས་སུ༔ གང་འདུལ་སྤྲུལ་པས་འགྲོ་བ་འདྲེན་པར་ཤོག༔ ཚེ་རབས་སྐྱེ་བའི་ཕྲེང་བ་ཐམས་ཅད་དུ༔ ཨོ་རྒྱན་ཆེན་པོས་འབྲལ་མེད་རྗེས་བཟུང་ནས༔ ས་དང་ལམ་གྱི་ཡོན་ཏན་མཐར་ཕྱིན་ཏེ༔ འགྲོ་བའི་མགོན་པོའི་གོ་འཕང་མྱུར་ཐོབ་ཤོག༔ སྐྱབས་གནས་དཀོན་མཆོག་གསུམ་གྱི་ཐུགས་རྗེ དང་༔༷ རྟེན་འབྲེལ་རྒྱུ་འབྲས་བསླུ་བ་མེད་པ་དང་༔ ཆོས་དབྱིངས་བསམ་མི་ཁྱབ་པའི་བདེན་སྟོབས་ཀྱིས༔ ཇི་ལྟར་སྨོན་པ་ཡིད་བཞིན་འགྲུབ་པར་ཤོག༔ དེ་ལྟར་རྣམ་དག་ཞིང་ཁམས་ཡིད་བྱེད ཅིང་༔ སྨོན་ལམ་བཏབ་ཅིང་འགྲུབ་སྔགས་བདེན་ཚིག་བརྗོད༔ གནད་དེས་རྣམ་དག་ཞིང་ཁམས་དེར་འཕོ་བྱེད༔ ས་མ་ཡ༔ ༔ གུ་ཧྱ༔ ཞེས་པ་འདི་ནི་སློབ་བུ་ཐུབ་པ་དང་ངག་དབང་ཕྲིན་ལས་གཉིས་ཀྱིས་ཡང་ཡང་བསྐུལ་ངོར་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བའི་ཡི་གེ་པའང་ངག་ཕྲིན་གྱིས་བགྱིས་པ་བརྒྱུད་འཛིན་ཡོངས་ལ་ཕན་བདེ་རྒྱ་ཆེན་པོ་འབྱུང་བའི་རྒྱུར་གྱུར་ཅིག །དགེའོ། །ལེགས་སོ། །སརྦ་མངྒ་ལཾ།། ཨོཾཿ དག་སྣང་ཡེ་ཤེས་དྲྭ་བ་ལས༔ ཟངས་མདོག་དཔལ་རིའི་སྨོན་ལམ་ཐར་པའི་གྲོང་འཇུག་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ པདྨ་བདག་གི་བརྒྱུད་འཛིན་རྣམས༔ ལས་ངན་ལམ་ལས་བཟློག་པའི་ཕྱིར༔ ཉིན་མཚན་དུས་དྲུག་ཀུན་ཏུ་ཡང་༔ སྨོན་ལམ་རྣམ་དག་འདིར་བརྩོན་བྱ༔ ས་མ་ཡ༔ ཨེ་མ་ཧོཿ ཀ་དག་སྤྲོས་མཐའ་བྲལ་བ་ཆོས་ཀྱི་སྐུ༔ ལྷུན་གྲུབ་སྐུ་དང་ཡེ་ཤེས་ལོངས་སྤྱོད་རྫོགས༔ ཐུགས་རྗེ་མ་འགགས་སྒྱུ་འཕྲུལ་སྤྲུལ་པའི་སྐུ༔ གཉིས་མེད་ལྷུན་རྫོགས་ཨོ་རྒྱན་རིན་པོ་ཆེ༔ བཀའ་དྲིན་ཡོན་ཏན་དྲན་པས་གསོལ་བ་འདེབས༔ སྒོ་གསུམ་རྡོ་རྗེ་གསུམ་གྱི་རོལ་པ་རུ༔ ད་ལྟ་ཉིད་དུ་བྱིན་གྱིས་བརླབ་ཏུ་གསོལ༔ ཚེ་རབས་སྐྱེ་བའི་ཕྲེང་བ་ཐམས་ཅད་དུ༔ སྐད་ཅིག་འབྲལ་མེད་རྗེས་སུ་འཛིན་པ་དང་༔ ཁམས་གསུམ་ཆོས་ཀྱི་རྒྱལ་པོར་དབུགས་འབྱིན་མཛོད༔ ནམ་ཞིག་ཚེ་འདིའི་སྣང་བ་གནས་འགྱུར་ཚེ༔ དཔལ་རི་པདྨ་འོད་ཀྱི་གཞལ་ཡས་སུ༔ རིག་འཛིན་དཔའ་བོ་མཁའ་འགྲོའི་ཚོགས་གྲལ་དུ༔ ཨོ་རྒྱན་ཆེ་མཆོག་པདྨ་འབྱུང་གནས་ཀྱི༔ འཁོར་གྱི་ཐོག་མར་སངས་རྒྱས་ཐོབ་པར་ཤོག༔ ཐུགས་རྗེ་མ་འགགས་རོལ་པའི་གདིང་ཆེན་གྱིས༔ དཔག་ཡས་མི་མཇེད་སྤྲུལ་པའི་འདུལ་ཞིང་དུ༔ གདུལ་བྱ་ཇི་སྙེད་མཆིས་པ་དེ་སྙེད་ཀྱིས༔ དཔལ་རིའི་ སྣང་ངོར་འདུལ་བྱེད་སྤྲུལ་སྐུའི་སྟོན་པ་རེས༔ གང་འདུལ་ཆོས་ཀྱི་འཁོར་ལོ་རབ་བསྐོར་ནས༔ མཐར་ཐུག་སྟོན་འཁོར་དབྱེར་མེད་རོ་གཅིག་ཏུ༔ ཉག་གཅིག་ཆོས་སྐུའི་དབྱིངས་སུ་བྱང་ཆུབ་ཤོག༔ བསླུ་མེད་དཀོན་མཆོག་གསུམ་གྱི་བདེན་སྟོབས་དང་༔ ཕ་གཅིག་མཚོ་སྐྱེས་རྡོ་རྗེའི་བྱིན་རླབས་དང་༔ ཆོས་ཉིད་རྣམ་དག་རྒྱུ་འབྲས་བསླུ་མེད་མཐུས༔ སྨོན་ལམ་བཏབ་པ་དེ་བཞིན་འགྲུབ་གྱུར་ཅིག༔ མོས་གུས་ལྡན་པའི་སྐལ་ལྡན་ཀུན༔ རྣམ་དག་སྨོན་ལམ་འདིས་གྲོལ་བྱེད༔ ས་མ་ཡ༔ རྒྱ་རྒྱ་རྒྱ༔ ༔ ཞེས་པ་འདི་ནི་ཟླ་རྒྱུད་ཕྱོགས་ཀྱི་རྣལ་འབྱོར་དཀོན་མཆོག་བཀྲ་ཤིས་ཞེས་བྱ་བས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་དག་སྣང་ལས་ཕབ་པ་དགེའོ། །ལེགས་སོ། །། T11616 - 092 ཨོཾ༔ དག་སྣང་ཡེ་ཤེས་དྲྭ་བ་ལས༔ བདེན་ཚིག་གྲུབ་པ་དྲང་སྲོང་རིག་སྔགས་ནུས་པའི་མཐུ་ཞེས་བྱ་བ་བཞུགས༔ བཀའ་སྲུང་དྲེགས་པ་གང་བསྒྲུབ་ཀྱང་སྨོན་ལམ་ཆེན་པོས་བཙན་ཐབས་སུ་བསྒྲུབས་པ་ལ༔ ན་མོ༔ དཀོན་མཆོག་གསུམ་དང་རྩ་གསུམ་ཆོས་སྐྱོང་སྲུང་མའི་བདེན་པ་དང་༔ དོན་དམ་ཆོས་ཉིད་གདོད་ནས་རྣམ་པར་དག་པའི་བདེན་པ་དང་༔ ཀུན་རྫོབ་རྟེན་འབྲེལ་བསླུ་བ་མེད་པའི་རྒྱུ་འབྲས ཟབ་མོའི་བདེན་པའི་མཐུ་བྱིན་ནུས་སྟོབས་ཀྱི་ཆེ་གེ་འཁོར་དང་བཅས་པ་མངོན་རྟོགས་བསྐྱེད་ཆོག་ཇི་བཞིན་པ་མ་ལུས་ཡོངས་སུ་རྫོགས་པ་བདག་གི་མདུན་སར་ད་ལྟ་སྐད་ཅིག་ཉིད་དུ་གྲུབ་ཅིང་མཆིས་པར་གྱུར་ཅིག༔ འགྱུར་མེད་རབ་ཏུ་གནས་ཤིང་བརྟན་པར་གྱུར་ཅིག༔ ནང་དུ་འཁུ་ལྡོག་དང་ཁྲོས་འཁྲུགས་དང་གདུག་རྩུབ་ཀྱི་བསམ་སྦྱོར་མི་བྱེད་པར་གྱུར་ཅིག༔ ཕ་མ་བུ་ཚ་བཞིན་བྱམས་བརྩེ་གདུང་བ་དྲག་པོས་ཕྲིན་ལས་རབ་འབྱམས་ཐམས་ཅད་འབད་མེད་དུ་བསྒྲུབ་པར་གྱུར་ཅིག༔ དུས་དང་རྣམ་པ་ཀུན་ཏུ་བསྐུལ་ཞིང་རྦད་པ་ཙམ་གྱིས་ཡུལ་གཞན་དུ་མི་འབྱམས་པར་གང་ལ་དམིགས་པའི་ཡུལ་དགྲ་བོ་དེ་ཡི་བླ་ཚེ་སྲོག་གསུམ་ལ་ཐོག་ལྟར་དུ་འབབ་པར་གྱུར་ཅིག༔ ནུས་མཐུ་ཐོག་རྡུག་མེད་པར་དགྲ་བོ་གང་ལ་དམིགས་པ་དེའི་བླ་ཚེ་སྲོག་གསུམ་ཐམས་ ཅད་མེ་སྟག་ཆུས་བསད་པ་བཞིན་དུ་གསོད་པར་གྱུར་ཏེ་ཆུ་ཐིག་ཧུབ་ཀྱིས་བཏབ་པ་བཞིན་དུ་གཞོམ་པར་གྱུར་ཅིག༔ བ་མོ་ལ་ཉི་མ་ཕོག་པ་བཞིན་དུ་བསྐམ་པར་གྱུར་ཅིག༔ རྩྭ་ཕུང་སྐམ་པོ་ལ་མེ་མཆེད་པ་བཞིན་དུ་བསྲེགས་པར་གྱུར་ཅིག༔ ས་མཁར་ལ་སྒྱོག་རྡོ་ཕོག་པ་བཞིན་དུ་བརླག་ཅིང་གཏོར་བར་གྱུར་ཅིག༔ འབྲུ་དྲུག་སེར་བས་བཅོམ་པ་བཞིན་དུ་བཅོམ་པར་གྱུར་ཅིག༔ བདག་གི་སྲུང་མ་དང་མཐུ་ནུས་དྲག་ཤུལ་ཐམས་ཅད་བན་བོན་ཀླ་ཀློ་མུ་སྟེགས་རྣམས་ཀྱི་མཐུ་ནུས་རྫས་སྔགས་ཐམས་ཅད་ཀྱི་བཟློག་མི་བཏུབ་པར་གྱུར་ཅིག༔ མི་བཟློག་པར་གྱུར་ཅིག༔ མི་ལྡོག་པར་གྱུར་ཅིག༔ དགྲ་བོ་རྗེས་ཤུལ་མེད་པར་བརླག་ནས་བདག་གི་མཐུ་ཡི་གྲགས་པས་ས་སྟེང་ཐམས་ཅད་དེ་རིང་ཉིད་དུ་ཡོངས་སུ་ཁྱབ་པར་གྱུར་ཅིག༔ ངས་བསད་པ་དང་བསྒྲལ་ཚད་ཀྱི་སེམས་ཅན་ཐམས་ཅད་ཀྱི་རྣམ་པར་ཤེས་པ་འཁྲུལ་མི་ཤེས་པའི་དབྱིངས་སུ་སངས་རྒྱས་པར་གྱུར་ཅིག༔ དཀོན་མཆོག་གསུམ་གྱི་བདེན་པ་དང་སངས་རྒྱས་དང་སོགས་བདུན༔ བཅོམ་ལྡན་འདས་དེ་བཞིན་གཤེགས་པ་སོགས་བདུན༔ དཀོན་མཆོག་གསུམ་སོགས་བདུན༔ སངས་རྒྱས་སྐུ་གསུམ་སོགས་བདུན༔ སངས་རྒྱས་སྐུ་གསུམ་མཉམ་པའི་བྱིན་རླབས་དང་༔ ཨོཾཿ ཆོས་ཉིད་རྣམ་པར་དག་པའི་བདེན་པ་དང་༔ སྔགས་དང་ཕྱག་རྒྱ་རྒྱུ་འབྲས་ཟབ་མོའི་མཐུས༔ སྨོན་ལམ་བཏབ་པ་དེ་རྣམས་མྱུར་འགྲུབ་ཤོག༔ ཅེས་བདུན༔ 8 རྨད་བྱུང་སྲས་བཅས་སོགས་བདུན༔ བླ་མེད་བླ་མའི་སོགས་བདུན༔ ཕྱོགས་བཅུ་ན་བཞུགས་པའི་སོགས་བདུན༔ དབྱངས་གསལ་རྟེན་སྙིང་ལན་བདུན་བརྗོད༔ དུས་རྟག་ཏུའམ་ཁྱད་པར་བསྒྲུབ་པའི་དུས་སུ་བརྗོད་ན་མི་འགྱང་བར་མྱུར་དུ་འགྲུབ་པར་གདོན་མི་ཟའོ༔ ཨོ་རྒྱན་ཆེན་པོའི་ཞལ་ཤེས་ཁུངས་བཙུན་ཅིང་བྱིན་རླབས་ཆེ་བ་ཡང་དག་པའོ༔ ཞེས་རང་སློབ་འཇིགས་མེད་རྡོ་རྗེས་བསྐུལ་ངོར་བདུད་འཇོམས་རྡོ་རྗེས་བྲིས་པ་ཡོངས་སུ་དགེ་བར་གྱུར་ཅིག །སརྦ་མངྒ་ལཾ།། །། དུ་# བཀའ་སྲུང་T11616 - 095 T1616 - 096 ཨོཾཿ སྙན་རྒྱུད་རིན་ཆེན་བང་མཛོད་ལས༔ སྨོན་ལམ་རྣམ་དག་བདུད་རྩིའི་ཐིག་པ་བཞུགས༔ སྐྱབས་གནས་དམ་པ་དཀོན་མཆོག་རིན་པོ་ཆེ་རྣམ་པ་གསུམ་གྱི་ཐུགས་རྗེ་བྱིན་རླབས་ནུས་མཐུ་བདེན་པའི་སྟོབས་ལ་བརྟེན་ནས༔ མི་ང་ལ་ལས་ཀྱིས་འབྲེལ་བའི་ཕ་མ་སྤུན་སྲིང་ཉེ་འབྲེལ༔ རྒྱུ་ཟང་ཟིང་གིས་འབྲེལ་བའི་སྦྱིན་བདག་གཤིན་གསོན་ཕོ་མོ༔ དད་པ་དང་དམ་ཚིག གིས་འབྲེལ་བའི་རྡོ་རྗེ་མཆེད་ལྕམ་བུ་སློབ༔ ལོངས་སུ་སྤྱོད་པའི་ཡུལ་གྱུར་སྲོག་ཆགས་སྐྱེ་འགྲོ་ཕོ་མོ་ཐམས་ཅད་ཀྱི་སྡུག་བསྔལ་ལས་ཀྱི་ས་བོན་བག་ཆགས་དང་བཅས་པ་ཐམས་ཅད་བྱང་ཞིང་དག་པར་གྱུར་ཅིག༔ དུས་དང་རྣམ་པ་ཀུན་ཏུ་གཏན་བདེའི་རྒྱུ་འབྲས་ཟབ་མོ་ལྷུར་ལེན་ཅིང་མཐར་ཐུག་རང་སྣང་དོན་གྱི་འོག་མིན་ཆེན་པོར་གདོད་མའི་མགོན་པོ་ཀུན་ཏུ་བཟང་པོའི་དབྱིངས་སུ་སངས་རྒྱས་ཏེ་ཁམས་གསུམ་འཁོར་བ་དོང་ནས་སྤྲུགས་པའི་མཐུ་ནུས་དང་ལྡན་པར་གྱུར་ཅིག༔ ཅེས་པ་འདི་སྤྲང་པོ་བདུད་འཇོམས་རྡོ་རྗེའི་དག་སྣང་གི་ངོར་ཨོ་རྒྱན་ཆེན་པོས་གདམས་པའོ། །དགེའོ།། དགེའོ། །དགེའོ །སརྦ་མངྒ་ལཾ།། ། T1616 - 098 ་ཨོཾ༔ ཟབ་གསང་མཁའ་འགྲོའི་སྙིང་ཐིག་གི་སྔོན་འགྲོའི་ངག་འདོན་དང་མཐུན་པའི་ཁྲིད༔ དག་སྣང་ཡེ་ཤེས་དྲྭ་བ་དང་འབྲེལ་བའི་ཡན་ལག་བཅུ་པ མ བྱིན་རླབས་དངོས་གྲུབ་ཀྱི་བང་མཛོད་ཅེས་བྱ་བ་བཞུགས་སོ༔ T11616 - 099 བདུད་འཇོམས་ཟབ་གཏེར་ཨོཾ༔ ན་མོ་གུ་རུ་པདྨ་ཀ་ར་ཡེ༔ མ་འོངས་པདྨའི་བརྒྱུད་འཛིན་རྣམས༔ ཐར་པ་དོན་དུ་གཉེར་བ་ཡིས༔ ཟབ་ལམ་ཉམས་སུ་ལེན་པ་ལ༔ དང་པོ་སྔོན་དུ་འགྲོ་བ་ཡི༔ གདམས་པ་འདི་དག་ཉམས་ལེན་གནད༔ ལམ་རྣམས་ཀུན་གྱི་མིག་ལྟ་བུ༔ ཕྱི་ནང་བར་ཆད་གེགས་སེལ་ཞིང་༔ གདམས་ངག་ཀུན་གྱི་སྣོད་རུང་བྱེད༔ དེ་ཕྱིར་འདི་ལ་བརྩོན་པ་གནད༔ ས་མ་ཡ༔ དེ་ནས་སོ་སོ་རང་རང་གི་མདུན་གྱི་ནམ་མཁར་པདྨ་དང་ཉི་ཟླའི་གདན་སུམ་བརྩེགས་ཀྱི་སྟེང་དུ་རྩ་བའི་བླ་མ་དང་གཉིས་སུ་མེད་པའི་ངོ་བོ་ལ་རྣམ་པ་དཔལ་ཨོ་རྒྱན་མཚོ་སྐྱེས་རྡོ་རྗེ་སྐུ་TI1616 - 100 ཚྭ་ཨོཾ༔ མདོག་མཐིང་ནག་ཞི་འཛུམ་མཚན་དཔེའི་ལང་ཚོས་མཛེས་པ༔ གཞོན་ནུ་ལོ་བརྒྱད་ལོན་པའི་ན་ཚོད་ཅན༔ ཕྱག་གཉིས་རྡོ་རྗེ་དང་དྲིལ་བུ་བསྣོལ་ཐབས་སུ་འཛིན་པ༔ ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་ཤིང་༔ ལོངས་སྤྱོད་རྫོགས་པའི་ཆས་ཐམས་ཅད་ཀྱིས་བརྒྱན་པ་འོད་དང་འོད་ཟེར་རབ་ཏུ་འབར་ཞིང་འཕྲོ་བ་ལ༔ ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་དཔག་ཏུ་མེད་པས་བསྐོར་ནས་རང་ཅག་ལ་ཞལ་གྱིས་ཕྱོགས༔ སྤྱན་གྱིས་གཟིགས༔ ཐུགས་བརྩེ་ཐུགས་རྗེ་ཆེན་པོ་དང་ལྡན་པའི་སྒོ་ནས་བཞུགས་པར་མོས་ལ༔ དེའི་T11616 - 101 བདུད་འཇོམས་ཟབ་གཏེར་མདུན་དུ་རང་ཅག་གི་ཡིད་ཁྱེད་ཤེས་ཀྱི་དད་པ་དང་མོས་གུས་དྲག་པོའི་སྒོ་ནས་བློ་སྙིང་བྲང་གསུམ་ལིང་གིས་བཀལ་ཏེ༔ ན་མོ༔ དུས་གསུམ་རྒྱལ་དང་རྒྱལ་སྲས་ཐམས་ཅད་ཀྱི༔ སྤྱི་གཟུགས་མཁྱེན་བརྩེ་ནུས་པའི་བདག་ཉིད་དཔལ༔ གཏན་གྱི་སྐྱབས་གཅིག་དྲིན་ཆེན་བླ་མ་རྗེ༔ མི་འབྲལ་སྤྱི་གཙུག་བདེ་ཆེན་འཁོར་ལོར་བཞུགས༔ གསོལ་བ་འདེབས་སོ་བླ་མ་རིན་པོ་ཆེ༔ བྱིན་གྱིས་རློབས་ཤིག་བཀའ་དྲིན་མཚུངས་མེད་རྗེ༔ ས་མ་ཡ༔ དང་པོ་ཐུན་མོང་ཕྱིའི་སྔོན་འགྲོ་བློ་ལྡོག་རྣམ་པ་བཞིའི་ཐོག་མར༔ དལ་འབྱོར་རྙེད་པར་དཀའ་བ་ལ་བསམ་པ་ནི༔ དལ་འབྱོར་བཅོ་TI1616 - 102 ་ཨོཾཿ བརྒྱད་ཚང་བའི་མི་ལུས་རིན་པོ་ཆེའི་ཡོན་ཏན་དྲན་པར་བྱ་བ་ལ༔ དལ་འབྱོར་རང་གི་ངོ་བོ་ཤེས་པར་བྱ་བ་