Tibetan
ཁས་ལེན་དང་བྲལ་བའི་རིག་པ་རང་གྲོལ་ཆེན་པོ་ལ་དབང་བསྒྱུར་བའི་རང་ས་ཉིད་དུ་གནས་ཤིང་སངས་རྒྱས་པའི་ཁྱད་ཆོས་སོ༔ རིགས་ཀྱི་བུ་འབྲས་ཐོག གྲོལ་གྱི་ཁྱད་ཆོས་འདི་ལྟ་སྟེ༔ ཆོས་ཟད་བློ་འདས་ཆེན་པོའི་དབྱིངས་སུ་ཞུགས་ཚེ་གཞི་ཀ་དག་རང་བྱུང་གི་ཐོག་ཏུ་ཕེབས་ཀྱང་ད་དུང་ཤེས་སྒྲིབ་ཕྲ་བའི་ཕྲ་བ་བག་ཉལ་ནས་མངོན་ཅིང་སྐུ་དང་ཡེ་ཤེས་ཀྱི་དབྱིངས་ལ་བསྒྲིབ་པའི་ནམ་མཁའ་སྨག་གིས་མ་བསྒྲིབ་པ་ལྟ་བུའི་ངང་དུ་འབྱམས་ཀླས་པ་ཡིན༔ མཐར་ཕྲ་མོའི་བག་ཆགས་ཀྱི་ཟེར་ཐག་ཆད་ཚེ་སྐད་ཅིག་མ་དང་པོར་ཇི་ལྟ་བ་མཁྱེན་པའི་ཡེ་ཤེས་མངོན་དུ་གྱུར་ཏེ་གཞི་ཡི་ཁམས་ལ་དབང་བསྒྱུར་ནས་ཆོས་ཀྱི་སྐུ་མངོན་དུ་གྱུར་བ་གཞི་སྟོང་ཁྱབ་ལས་འཕགས་པའི་ཁྱད་ཆོས༔ ཇི་སྙེད་པ་གཟིགས་པའི་ཡེ་ཤེས་ཀྱི་ངང་མངོན་དུ་གྱུར་ནས་ལྷུན་གྲུབ་ཀྱི་སྣང་བ་སྐུ་དང་ཡེ་ཤེས་ཀྱི་ངང་མངོན་དུ་གྱུར་ཏེ་མ་འགགས་པ་ཡོན་ཏན་རྫོགས་པའི་ཁྱད་ཆོས༔ ཀ་དག་དང་ལྷུན་གྲུབ་ཀྱི་རོལ་པ་ཡུལ་དང་ཡུལ་ཅན་གཉིས་སུ་ ལམ་འབྲས་ཨོཾཿ མ་གྱུར་བར་རང་ངོར་སལ་ལེར་གསལ་བའི་སྲིད་ཞིའི་སེམས་དང་བྱེ་བྲག་བྱེད་ཅིང་ཁྱད་དུ་འཕགས་པའི་ཁྱད་ཆོས༔ སྐུ་དང་ཡེ་ཤེས་རྒྱ་མཚོའི་བདག་ཉིད་ཆེན་པོ རང་ཐོག་ཏུ་ཝ་ལེར་སད་ཅིང་ངང་མདངས་རྒྱས་པའི་ཁྱད་ཆོས༔ ཆོས་ཉིད་བྱ་བྲལ་ཆེན་པོ་ལ་བློ་ཡིད་ཀྱིས་དཔྱོད་ཅིང་ཚིག་གིས་མཚོན་པའི་སྒྲོ་བཏགས་ལས་འདས་པ་ཁས་ལེན་ཐམས་ཅད་དང་བྲལ་བ༔༷ ཆོས་སྐུ་རང་གནས་ཀྱིས་ཡེ་ཤེས་ཀུན་ཏུ་བཟང་པོ་ཡོན་ཏན་དང་ཡེ་ཤེས་ཀྱི་སྐུ་ལ་ཅང་མེད་བེམ་སྟོང་དུ་འདོད་པས་སྐུར་པ་མི་ཐེབ༔ རྒྱུ་དང་རྐྱེན་གཞན་ལ་མ་ལྟོས་པར་རང་ལ་རང་དབང་བསྒྱུར་བའི་ཁྱད་ཆོས་སོ༔ ཆོས་སྐུ་བདེ་བ་ཆེན་པོ་སྐྱེ་འཆི་བསྒྲེས་རྒུད་དང་བྲལ་བ་ངང་མདངས་དང་ཡེ་གདངས་མངོན་དུ་གྱུར་པ་ལས་ཕྱི་རྒྱ་མ་རལ་བ་དོན་གྱི་དམ་པར་གྱུར་པ་འདི་ཉིད་ངོ་ཤེས་གདིང་ཐོབ་ངང་དུ་གྱུར་ན་དུས་གསུམ་འཕོ་འགྱུར་དང་བྲལ་བར་རང་ས་ཉིད་དུ་གནས་པའོ༔ ཨེ༔ སངས་རྒྱས་ཀྱི་ཡོན་ཏན་སེམས་ཅན་གྱིས་མི་དཔོག༔ རྣམ་མཁྱེན་གྱི་ལམ་ལ་མོས་པ་འདྲ་མཆིས་ན༔ རང་གནས་ཀྱི་ཡེ་ཤེས་རང་ངོ་རུ་འཕྲོད་ཅིང་༔ མ་བཅོས་པའི་ངང་ལ་ལྷོད་པོ་རུ་ཉོལ་དང་༔ ཤེས་རབ་ཀྱི་མིག་ཡངས་བག་རྡུལ་དང་བྲལ་ཚེ༔ ཡེ་ཤེས་ཀྱི་ རྩལ་ཆེན་རང་འབར་དུ་བྱུང་ནས༔ གདམས་ངག་ནི་ཚིག་དང་དཔེ་ཧྲུལ་ལ་མི་ལྟོས༔ ཆོས་ཉིད་ཀྱི་ཀློང་མཛོད་ཆེན་པོ་ནི་རྡོལ་འོང་༔ རྣམ་མཁྱེན་གྱི་དབྱིངས་ལ་འོལ་ཚོད་ཀྱང་མི་དགོངས༔ ཡེ་གནས་ཀྱི་ཡེ་ཤེས་རང་ངོ་རུ་མཇལ་ལོ༔ ཤེས་བྱ་ཡི་མཐའ་ལ་ཐུག་ཟིན་ནི་མི་གདའ༔ དབང་བསྒྱུར་གྱི་ཤེས་རབ་ལྡེ་མིག་ཏུ་ཟུངས་དང་༔ ཡོན་ཏན་གྱི་བང་ཁང་སྒོ་བརྒྱ་ཡང་ཕྱེས་འོངས༔ འཁོར་འདས་ཀྱི་ཨ་ཕྱི་ཆེན་མོ་ང་དེང་འགྲོ༔ འགྲོ་ཡུལ་ནི་མ་མཆིས་ཁྱོད་རང་གི་རིག་སྟོང་༔ སྐྱེ་མེད་ཀྱི་དབྱིངས་ལ་འགག་མེད་ཀྱི་སྒྱུ་འཕྲུལ༔ ཡུལ་མེད་ཀྱི་ཟང་ཐལ་ཆེན་པོ་རུ་ཕཊ་ཕཊ༔ ཅེས་ཟེར་ཞིང་ཡལ་སོང་ངོ་༔ ཧོར་བན་པདྨ་སངས་རྒྱས་ཀྱིས་ནན་དུ་བསྐུལ་ངོར་རིག་འཛིན་བདུད་འཇོམས་རྡོ་རྗེས་འོད་གསལ་སྒྱུ་མའི་དབྱིངས་ལས་བསྒྱུར་བའོ། དགེའོ། །བཀྲ་ཤིས་ཤོག །། ། མཁའ་འགྲོ་བདེ་ཆེན་མཚོ་རྒྱལ་མས༔ དབྱིངས་དང་ཡེ་ཤེས་གཉིས་མེད་ཀྱི་རོལ་པ་ཨ་ནུ་ཡོ་ག༔ ལྷ་དང་རང་སྣང་གཉིས་མེད་དུ་རྟོགས་པ་མ་ཧཱ་ཡོ་ག༔ ལྟ་བ་གཙོ་བོར་སྟོན་པ་རྣལ་འབྱོར་ཡོ་ག༔ ལྟ་སྤྱོད་གཉིས་མེད་ཀྱི་རོལ་པ་སྤྱོད་རྒྱུད་ཐེག་པ༔ རྒྱུ་རྐྱེན་གནས་སུ་དག་པ་བྱ་རྒྱུད་ཀྱི་ཐེག་པ༔ བདེན་གཉིས་ཆིག་རྫོགས་སུ་རྟོགས་པ་དབུ་མའི་ཐེག་པ༔ རྒྱུ་འབྲས་གཉིས་ཡོད་དུ་གྱུར་པ་བྱང་སེམས༔ སྣང་བ་སེམས་སུ་འདོད་པ་སེམས་ཙམ་པ༔ རྟེན་འབྲེལ་བདེན་པར་མི་འཛིན་པ་རང་རྒྱལ༔ གང་ཟག་བདག་མེད་འདོད་པ་ཉན་ཐོས་ཀྱི་ཐེག་པ༔ དོན་དམ་རྟག་པར་མི་འཛིན་པ་མུ་སྟེགས་ཆད་ལྟ༔ ཡེ་གཞི་ཅང་མེད་དུ་མི་འཛིན་པ་མུ་སྟེགས་རྟག་པར་ལྟ་བ༔ བློའི་འཛིན་རྩོལ་བྲལ་བ་ནམ་མཁའ་མཐའ་ཡས༔ ཆོས་ཉིད་སྤྲོས་མཐའ་བྲལ་བ་ཅུང་ཟད་མེད་པ༔ རྟག་ཆད་ཀྱི་མཐར་མ་ལྷུང་བ་ཡོད་མིན་མེད་མིན༔ རྣམ་ཤེས་ཡེ་ཤེས་ཀྱི་རོལ་རྩལ་དུ་གོ་འཕོས་པ་རྣམ་ཤེས་མཐའ་ཡས་སོ༔ སྣང་སེམས་རང་བབས་སུ་ཡན་པ་སེམས་ཅན་རང་ཀ་མའོ༔ ཐམས་ཅད་གཅིག་དྲིལ་གྱི་ངོ་བོ་རྫོགས་པ་ཆེན་པོ༔ ཀུན་གྱི་སྤྱི་ཆིངས་སུ་གྱུར་པས་སྤྱི་ཏི་ཡོ་ག༔ ཐམས་ཅད་ཀྱི་འབྲས་བུར་གྱུར་པས་ཡང་ཏི་ཡོ་གའོ༔ T1616 - 046 སྨོན་ཕ༔ མཁའ་འགྲོ་ཡེ་ཤེས་མཚོ་རྒྱལ་མས༔ སྐྱབས་གནས་དཀོན་མཆོག་གསུམ་དང་སྐུ་གསུམ་ལྷ༔ བརྒྱུད་གསུམ་བླ་མ་ཡི་དམ་ཌཱ་ཀིའི་ཚོགས༔ བཀའ་སྡོད་དམ་ཅན རྒྱ་མཚོའི་ཚོགས་རྣམས་དང་༔ རིགས་བརྒྱའི་ཁྱབ་བདག་བླ་མ་དེ་མཁྱེན་ནོ༔ སྐད་ཅིག་མི་འབྲལ་རྗེས་སུ་བཟུང་དུ་གསོལ༔ འཁོར་བར་ཞེན་པ་ལོག་པར་བྱིན་གྱིས་རློབས༔ ད་ནས་བཟུང་སྟེ་ཇི་སྲིད་འཚོ་ཡི་བར༔ ངེས་མེད་རི་ཁྲོད་དམ་པར་སྒོ་གསུམ་པོ༔ བྱར་མེད་བྱ་བཏང་ངང་དུ་བརྟན་ཐོབ་ནས༔ འཇིགས་མེད་རྡོ་རྗེ་འཛིན་པའི་ས་ཐོབ་ཤོག༔ མ་ཧཱ་ཡོ་ག་ཉམས་སུ་བླངས་ཙམ་གྱིས༔ སྒོ་གསུམ་རྡོ་རྗེ་གསུམ་དུ་སྨིན་གྲོལ་ཤོག༔ ཨ་ནུ་ཡོ་ག་ཉམས་སུ་བླངས་ཙམ་གྱིས༔ སྐུ་གསུམ་མཉམ་སྦྱོར་ཆེན་པོར་གྲོལ་བར་ཤོག༔ ནམ་མཁའ་རླུང་གི་བཅུད་ལེན་ཉམས་བླངས་པས༔ ཟག་བཅས་ཕུང་པོ་འཇའ་སྐུར་གྲོལ་བར་ཤོག༔ ཁྲེགས་ཆོད་གདམས་པ་ཉམས་སུ་བླངས་ཙམ་གྱིས༔ ཀ་དག་རྫོགས་པ་ཆེན་པོར་གྲོལ་བར་ཤོག༔ ཐོད་རྒལ་གསང་ལམ་ཉམས་སུ་བླངས་ཙམ་ནས༔ སྣང་བ་བཞི་ཡི་ཉམས་རྟོགས་ཡོན་ཏན་དང་༔ ལམ་རྟགས་རྒྱུད་ལུང་མན་ངག་དང་བསྟུན་པར༔ ཚངས་ལ་མ་འཆུག་ཕྱིན་ཅི་མ་ལོག་པ༔ ཉམས་སུ་མྱོང་ཞིང་རིམ་བཞིན་མྱུར་བསྒྲོད་དེ༔ ལམ་གྱི་གནད་ལས་གོལ་འཆུག་མེད་པ་ཡིས༔ གཞོན་ནུམ་བུམ་པའི་སྐུ་རུ་གྲོལ་བར་ཤོག༔ དུས་གསུམ་རྒྱལ་དང་རྒྱལ་སྲས་ཐམས་ཅད ཀྱིས༔ ཐུགས་རྒྱུད་རྣམ་པར་མི་རྟོག་ཡེ་ཤེས་ཉིད༔ དེ་རིང་ཉིད་དུ་བདག་རྒྱུད་ལ་འཕོས་ཏེ༔ རིང་པོར་མི་ཐོགས་འཇའ་ལུས་འཕོ་ཆེན་དུ༔ ཡང་དག་རྫོགས་པའི་སངས་རྒྱས་ཐོབ་པར་ཤོག༔ བདག་དང་བདག་གི་འབྲེལ་ཐོགས་སེམས་ཅན་ཀུན༔ ཕྱམ་གཅིག་གདོད་མའི་གཞི་རུ་སངས་རྒྱས་ཤོག༔ དེ་མཐར་སྨོན་ལམ་འགྲུབ་སྔགས་བདེན་བརྗོད་བསགས༔ སྒྱུ་མའི་རྣལ་འབྱོར་བདུད་འཇོམས་རྡོ་རྗེ་ཡིས། །སློབ་བུ་ཚུལ་ཁྲིམས་རྒྱ་མཚོས་ནན་བསྐུལ་ངོར། །ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །སརྦ་མངྒ་ལཾ།། །། ༈ རྨད་བྱུང་སྲས་བཅས་རྒྱལ་བའི་བྱིན་རླབས་དང་། རྟེན་འབྲེལ་བསླུ་བ་མེད་པའི་བདེན་པ་དང་། །བདག་གི་ལྷག་བསམ་དག་པའི་མཐུ་སྟོབས་ཀྱིས། །རྣམ་དག་སྨོན་པའི་གནས་ཀུན་མྱུར་འགྲུབ་ཤོག ཨོཾ ཨ༔ འཁོར་འདས་ཀྱི་ཆོས་ཀུན་དག་མཉམ་གྱི་རོལ་པར༔ ཀ་དག་གི་ཡེ་གཞི་ཀུན་བཟང་མོར་དེ་ག༔ མངོན་གྱུར་གྱི་ངང་དུ་བསམ་མེད་དུ་གནས་ན༔ གཞི་ལམ་དང་འབྲས་བུ་གཅིག་རྫོགས་ཀྱི་ཆོས་ཉིད༔ རྫོགས་ཆེན་གྱི་རང་ལམ་དེ་ལས་ཀྱང་གཞན་མེད༔ མ་རིག་པའི་སྒོང་རྒྱའི་མུན་པ་དེ་ཁྲོལ་ནས༔ ཀུན་ཁྱབ་ཀྱི་ཡེ་ཤེས་འོད་གསལ་གྱི་ཉི་གཞོན༔ རྩོལ་མེད་དང་བཅོས་མེད་རང་གསལ་དུ་རྡོལ་ཚེ༔ གཞི་ཉིད་ནི་ཟང་ཐལ་སྤྲོས་བྲལ་གྱི་རང་བཞིན༔ ལམ་ཉིད་ནི་ཟང་ཐལ་འཁོར་འདས་ཀུན་འུབ་ཆུབ༔ མ་བྱུང་སྔར་མ་བྱུང་ཕྱི་ནས་ཀྱང་མི་འབྱུང་༔ ད་ལྟ་ནི་མ་བྱུང་རང་གནས་ཀྱི་ཡེ་ཤེས༔ རང་ཐོག་ཏུ་རང་ས་འཛིན་པའི་རང་གདིང་དེ་རྙེད་ཚེ༔ རང་ངོ་རུ་རང་སངས་རྒྱས་པའི་རྫོགས་ཆེན་དེ་ལོས་ཡིན༔ ཞེས་བདུད་འཇོམས་པས་སྨྱོ་གླུ་ཉུང་བསྡུས་གཏིང་ཟབ་པ་ཀུན་གྱིས་རྟོགས་པར་དཀའ་བ་ལྷུན་གྲུབ་རྡོ་རྗེའི་ངོར་སྨྲས་པ་ཡོངས་སུ་དགེ་བར་གྱུར་ཅིག །དགེའོ། །སརྦ་མངྒ་ལ།། ྋ T11616 - 049 T11616 - 050 ༄༅། །བརྒྱུད་པ་དགུ་པོ་གཅིག་རྫོགས་ཀྱི་ཚུལ་དུ་བསྡུས་ཏེ་འཆད་པ་ནི། ཆོས་སྐུ་ཀུན་ཏུ་བཟང་པོའི་ཀློང་ལས་མ་འདས། དགོངས་པ་ཆོས་ཀྱི་དབྱིངས་ལས་མ་གཡོས་པས་ན རྒྱལ་བ་དགོངས་བརྒྱུད བརྡ་ཙམ་ཚིག་ཙམ་གྱིས་ཆོས་ཉིད་ནམ་མཁའ་མཛོད་ཀྱི་བརྡ་རང་གྲོལ་དུ་རྡོལ་བས་ན་རིག་འཛིན་བརྡ་བརྒྱུད། མི་མིན་རང་སྣང་གི་སྟོན་པས་བུམ་པ་གང་བྱོས་ཀྱི་ཚུལ་དུ་སྙན་ནས་སྙན་དུ་བརྒྱུད་པས་ན་གང་ཟག་སྙན་བརྒྱུད ཡེ་ཤེས་དབྱིངས་ཀྱི་མཁའ་འགྲོ་མ་ཡིས་བུ་ལ་ཟས་སྦྱིན་པ་ལྟར་ཡང་ཟབ་བཅུད་ཀྱི་གདམས་པ་གཏད་པས་མཁའ་འགྲོ་གཏད་རྒྱའི་བརྒྱུད་པ། རང་སྣང་གི་སྟོན་པ་ཀུན་ཏུ་བཟང་པོ་ཡེ་ཤེས་སྒྱུ་མའི་སྐུར་སྣང་བ་ཨོ་རྒྱན་པདྨ་ཀ་རའི་དྲུང་དུ་ཟབ་མོའི་གཏེར་དང་འཕྲད་ནས་བསྟན་དང་འགྲོ་ལ་ཕན་ཐོགས་རྒྱ་ཆེན་པོ་འབྱུང་བའི་སྨོན་ལམ་དང་། ཨོ་རྒྱན་ཆེན་པོས་ཀྱང་དགོངས་པས་རྒྱས་བཏབ་ཅིང་སྨོན་ལམ་གྱིས་ད་ལྟ་ཟབ་གཏེར་གསུམ་ལ་མངའ་དབང་བསྒྱུར་བ་སྨོན་ལམ་གཏེར་བརྒྱུད། དཔལ་ཨོ་རྒྱན་མཚོ་སྐྱེས་རྡོ་རྗེས་ཟབ་མོ་བཀའ་ལུང་གི་བརྒྱུད་པ་དམ་སེལ་གྱིས་བཅད་པའི་རྐྱེན་གྱིས་བྱིན་རླབས་ཉམས་ཤིང་དངོས་གྲུབ་མེད་པར་དགོངས་ནས། འབྱུང་བ་ལྔ་ལ་སྨོན་ལམ་བཏབ་ཅིང་ཏིང་ངེ་འཛིན་གྱིས་བྱིན་གྱིས་བརླབས་ནས་བརྡ་ཡི་ ཤོག་དྲིལ་གྲུབ་པས་ཤོག་སེར་ཚིག་བརྒྱུད། གང་ལ་དབང་བའི་སྐྱེས་མཆོག་དེར་སྨོན་ལམ་གྱི་སྟོབས་ཡོད་པ་དེ་བཀའ་བབ་པས་བཀའ་བབ་དོན་གྱི་བརྒྱུད་པའམ་བཀའ་བབ་ལུང་གི་བརྒྱུད་པ། ཀླུ་སྒྲུབ་ཀྱིས་ཡུམ་ཆེན་དང་། སློབ་དཔོན་པདྨ་བཛྲ་གྱིས་རྡོ་རྗེ་གདན་གྱི་ཀྭ་བ་ནས་དྲངས་པའི་མགོན་པོ། དཔལ་དུས་ཀྱི་འཁོར་ལོ་ལྟར་དང་།ཏེ་ལོ་པར་ཉམས་སྣང་དང་རྨི་ལམ་དག་པའི་སྣང་ངོར་མི་མིན་རང་སྣང་གི་སྟོན་པས་དབང་ལུང་ཡོངས་སུ་རྫོགས་པའི་གནང་བ་ཐོབ་པ་ལྟར་སྨིན་གྲོལ་དབང་ལུང་གི་བརྒྱུད་པ། ཡེ་ཤེས་དབྱིངས་ཀྱི་མཁའ་འགྲོ་དང་། ཨོ་རྒྱན་ཆེན་པོ་སོགས་ཀྱིས་ཚུལ བཞིན་ལུང་དུ་བསྟན་པས་གསང་སྔགས་ཁུང་བཙུན་པའི་བརྒྱུད་པ་དང་དགུ་པོ་དོན་ཕྱོགས་ཆད་དུ་མ་སོང་བར་ཟབ་གཏེར་རྡོ་རྗེ་སྙིང་པོ་ལ་གཅིག་ཆར་དུ་རྫོགས་པས་ན་འབྲེལ་ཚད་དོན་དང་ལྡན་པ་ཡིན་ཏེ། མཁས་རློམས་སྤྲེའུ་འདྲ་བའི་གང་ཟག་དང་རང་མཐོང་ར་མ་འདྲ་བའི་སྐྱེ་བོ་རྣམས་ཀྱི་མགོ་སྙིང་འགས་ཀྱང་ཆུའི་བསིལ་རླན་སྟོབས་ཤུགས་འགོགས་པ་མེད་པ་ལྟ་བུ་རུ་ཨེ་གོ །ཞེས་པའང་རང་སློབ་ངག་དབང་ཕྲིན་ལས་ཀྱིས་ཚུལ་འདི་ལྟར་དགོས་ཞེས་བསྐུལ་བ་ལྟར་རིག་འཛིན་བདུད་འཇོམས་རྡོ་རྗེས་འཕྲལ་དུ་བྲིས་པ་དགེའོ།། ཨོཾཿ དག་སྣང་ཡེ་ཤེས་དྲྭ་བ་ལས༔ སྤྲོས་མེད་པོ་ཏིའི་ལུང་དབང་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ལུང་དང་གདམས་པ་འཆད་ཉན་ཚེ༔ དང་པོ་དབང་གིས་མ་སྨིན་ན༔ རྫ་སོ་མ་བཏང་ཆུ་བླུག་འདྲ༔ ལྟ་དགོངས་ལྡན་པའི་སློབ་དཔོན་གྱིས༔ དད་དམ་ལྡན་པའི་སློབ་མ་ལ༔ པོ་ཏི་དཀོན་མཆོག་ཀུན་འདུས་ཀྱི༔ ངོ་བོར་བསྒྲུབ་ཅིང་གསལ་བྱས་ཏེ༔ དང་པོ་ཁྲུས་ཀྱིས་སྦྱོང་བྱས་ནས༔ བགེགས་བསྐྲད་སྲུང་བའི་འཁོར་ལོ་བསྒོམ༔ སློབ་མ་ཐུགས་རྗེ་ཆེན་པོར་གསལ༔ དབྱིངས་ནས་ཡེ་ཤེས་ཐིམ་པ་ལ༔ ཕྱི་ནང་གསང་བའི་དཀོན་མཆོག་གསུམ༔ ཡོངས་འདུས་དབང་གི་ཆུ་བོ་ཀུན༔ འདིར་རྫོགས་འདི་ཐོབ་སྣོད་རུང་བྱ༔ ས་མ་ཡ༔ དང་པོ་བུམ་དབང་བསྐུར་བ་ལ༔ གླེགས་བམ་སྤྱི་བོར་གཏུག་བྱས ནས༔ ན་མོ༔ བླ་མ་དགེ་འདུན་སྤྲུལ་པའི་སྐུ༔ ཡོན་ཏན་ཀུན་གྱི་འབྱུང་གནས་གཏེར༔ མོས་པའི་བུ་ལ་དབང་བསྐུར་རོ༔ མོས་པའི་བུ་ལ་ད་སྩོལ་ཅིག༔ ཨོཾ་ཨཱཿཧཱུྃ་མ་ཧཱ་གུ་རུ་སརྦ་སངྒ་ཌཱ་ཀི་ནཱི་ནིརྨ་ཀ་ཀཱ་ཡ་ཨ་བྷི་ཥིཉྩ་ཨོཾ༔ གཉིས་པ་གསང་དབང་བསྐུར་བ་ལ༔ གླེགས་བམ་མགྲིན་པར་གཏུག་བྱས་ནས༔ ན་མོ༔ བླ་མ་དམ་ཆོས་ལོངས་སྤྱོད་རྫོགས༔ སྐུ་དང་ཞིང་ཁམས་ཀློང་གི་མཛོད༔ སྐལ་ལྡན་བུ་ལ་དབང་བསྐུར་རོ༔ སྐལ་ལྡན་བུ་ལ་ད་སྩོལ་ཞིག༔ ཨོཾ་ཨཱཿ ཧཱུྃ་མ་ཧཱ་གུ་རུ་སརྦ་དྷརྨ་དྷེ་ཝ་སཾ་བྷོ་ཀ་ཝཱཀ་ཨ་བྷི་ཥིཉྩ་ཨཱཿ གསུམ་པ་ཤེར་དབང་བསྐུར་བ་ལ༔ གླེགས་བམ་ སྙིང་གར་གཏུག་བྱས་ནས༔ ན་མོ༔ བླ་མ་སངས་རྒྱས་ཆོས་ཀྱི་སྐུ༔ སྤྲོས་བྲལ་འཁོར་འདས་འུབ་ཆུབ་དབྱིངས༔ ཤེས་རབ་ཡེ་ཤེས་དབང་མཆོག་ཀུན༔ འདི་ལ་བསྐུར་གྱི་ད་སྩོལ་ཞིག༔ ཨོཾ་ཨཱཿ ཧཱུྃ་མ་ཧཱ་གུ་རུ་སརྦ་བུདྡྷ་དྷརྨ་ཀ་ཙིཏྟ་ཨ་བྷི་ཥིཉྩ་ཧཱུྃ༔ བཞི་པ་ཚིག་དབང་བསྐུར་བ་ལ༔ གླེགས་བམ་གནས་ལྔར་གཏུག་བྱས་ནས༔ ན་མོ༔ བླ་མ་སྐུ་ལྔ་ཡེ་ཤེས་ལྔ༔ ཡེ་རྫོགས་བཀོད་པ་ལྷུན་གྲུབ མཛོད༔ མཚན་མ་ཚིག་དང་བྲལ་བའི་དབང་༔ སྐལ་ལྡན་བུ་ལ་ཐོབ་པར་ཤོག༔ བུདྡྷ་དྷརྨ་སངྒ་གུ་རུ་དྷེ་ཝ་ཌཱ་ཀི་ནཱི་དྷརྨ་ཀཱ་ཡ་སཾ་བྷོ་ཀཱ་ཡ་ནིརྨ་ཀཱ་ཡ་སརྦ་ཨ་བྷི་ཥིཉྩ་ཨོཾ་ཨཱཿཧཱུྃ་སྭཱ་ཧཱ༔ འདི་ལྟར་སྤྲོས་པ་མེད་པའི་དབང་༔ འཆད་པའི་སློབ་དཔོན་མཐའ་དག་གིས༔ ཉན་ཅིང་སྣོད་ལྡན་སློབ་མ་ལ༔ འདི་བཞིན་བསྐུར་བས་སྣོད་རུང་འགྱུར༔ ཐོབ་ནས་དམ་ཚིག་བསྲུང་བ་གནད༔ དམ་ཚིག་མེད་པའི་མི་རྣམས་ལ༔ དབང་དང་གདམས་པ་བསྟན་པས་ན༔ ཧ་ལ་ཁོང་དུ་སོང་དང་མཚུངས༔ དེ་ཕྱིར་དམ་ཚིག་སྲོག་ལྟར་བསྲུང་༔ ས་མ་ཡ༔ རྒྱ་རྒྱ་རྒྱ༔ ད༔ ཞེས་པ་འདི་རྣལ་འབྱོར་འཛམ་གླིང་རྡོ་རྗེས་བསྐུལ་ངོར་མི་རྒན་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བའོ། དགེའོ། །དགེའོ །དགེའོ།། ཨོཾཿ རྣམ་དག་སྨོན་ལམ་ཐར་པའི་ཤིང་རྟ་བཞུགས་སོ༔ ན་མོ་གུ་རུ་ཧ་རི་ནི་ས་སརྦ་སིདྡྷི་ཕ་ལ་ཧཱུྃ༔ རྒྱལ་བ་སྲས་དང་བཅས་པའི་སྤྱན་སྔ་རུ༔ དད་མོས་དྲག་པོས་སྨོན་ལམ་འདི་བརྗོད་བྱ༔ ན་མོ༔ ཕྱོགས་བཅུ་དུས་གསུམ་གྱི་བླ་མ་རྒྱལ་བ་སྲས་དང་བཅས་པས་བདག་ལ་ཞལ་གྱིས་ཕྱོགས༔ སྤྱན་གྱིས་གཟིགས༔ ཐུགས་བརྩེ་ཐུགས་རྗེ་དང་ལྡན་པའི་སྒོ་ནས་བདག་གི་སྨོན་ལམ འགྲུབ་པའི་དཔང་པོ་རུ་དགོངས་སུ་གསོལ༔ མི་བདག་གི་ཚེ་རབས་འཁོར་བ་ཐོག་མ་མེད་པ་ནས་ད་ལྟའི་བར་དུ་སྒོ་གསུམ་མ་རིག་པའི་དབང་དུ་གྱུར་པའི་ལས་ཉོན་སྡིག་སྒྲིབ་བག་ཆགས་ཐམས་ཅད་རྗེས་ཤུལ་ལྷག་མ་ཙམ་ཡང་མ་ལུས་པར་སྐད་ཅིག་ཉིད་དུ་བྱང་ཞིང་དག་པར་གྱུར་ཅིག༔ དུས་ད་ནས་བཟུང་སྟེ་ཇི་སྲིད་རྣམ་མཁྱེན་རྫོགས་པའི་སངས་རྒྱས་མ་ཐོབ་ཀྱི་བར་དུ་བདག་གི་བྱ་བ་དང་བྱེད་པ་ཐམས་ཅད་ཡང་དག་དམ་པའི་ཆོས་སུ་འགྱུར་བར་ཤོག་ཅིག༔ དུས་དང་རྣམ་པ་ཀུན་ཏུ་བདག་སྔོན་ལས་འཕྲལ་རྐྱེན་ངན་པ་ཐམས་ཅད་ཀྱི་དབང་དུ་སྐད་ཅིག་ཙམ་ཡང་མི་འགྱུར་བར་ཤོག་ཅིག༔ དཔལ་ཨོ་རྒྱན་གྱི་མཁན་པོ་པདྨ་འབྱུང་གནས་ལ་སོགས་པའི་རིག་འཛིན་བརྒྱུད་པ་དང་བཅས་པའི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་རིན་ པོ་ཆེ་བདག་གི་རྒྱུད་ལ་ད་ལྟ་ཉིད་དུ་འཕོ་བར་གྱུར་ཅིག༔ ཐིམ་པར་གྱུར་ཅིག༔ ཡོངས་སུ་རྫོགས་པར་གྱུར་ཅིག༔ བདག་གི་སྒོ་གསུམ་རྡོ་རྗེ་གསུམ་གྱི་གསང་ཆེན་དུ་སྨིན་ཅིང་གྲོལ་བར གྱུར་ཅིག༔ ངེས་འབྱུང་སྐྱོ་ཤས་དྲག་པོས་རྒྱུད་རྟག་ཏུ་བརླན་ནས་འཁོར་བ་ལ་རྒྱབ་ཀྱིས་ཕྱོགས་ཏེ་ངེས་མེད་ཀྱི་རི་ཁྲོད་དུ་འཇིགས་མེད་གཏན་དུ་བདེ་བའི་བཙན་ས་ཟིན་པར་གྱུར་ཅིག༔ དེར་ཕྱི་ནང་གསང་བའི་བར་ཆད་ཡུལ་རྐྱེན་ངན་པ་ཐམས་ཅད་ནམ་ཡང་མི་འབྱུང་བར་ཤོག་ཅིག༔ མཐུན་རྐྱེན་འདོད་དོན་ཐམས་ཅད་ཡིད་བཞིན་དུ་འབྱུང་ཞིང་རྒྱས་པར་གྱུར་ཅིག༔ བསྙེན་སྒྲུབ་ཀྱི་ལྷ་དང་དཀྱིལ་འཁོར་ཐམས་ཅད་མངོན་སུམ་དུ་འགྲུབ་ནས་མཆོག་ཐུན་མོང་གཉིས་ཀྱི་དངོས་གྲུབ་ཐམས་ཅད་འབད་མེད་ལྷུན་གྱིས་འགྲུབ་པར་ཤོག་ཅིག༔ བརྩོན་འགྲུས་དང་སྙིང་སྟོབས་ཆེན་པོའི་ཤུགས་དང་ལྡན་ནས་རྩེ་གཅིག་ཏུ་སྐྱོ་ངལ་མེད་པར་སྒོམ་སྒྲུབ་ཟབ་མོ་ལྷུར་ལེན་པའི་དབང་དང་སྐལ་པ་ཐོབ་པར་གྱུར་ཅིག༔ ཉམས་དང་རྟོགས་པའི་ཡོན་ཏན་ཐམས་ཅད་གོང་ནས་གོང་དུ་འཕེལ་ཏེ་མཐར་ཕྱིན་ནས་ཆོས་ཅན་གྱི་སྣང་བ་ཆོས་ཉིད་ཀྱི་དབྱིངས་སུ་ཞིག་སྟེ་གཞི་དབྱིངས་ཀློང་ཆེན་ཀུན་ཏུ་བཟང་མོའི་བྷ་ག་ཡངས་པར་སད་ནས་སངས་རྒྱས་པར་གྱུར་ཅིག༔ ༡ ཨོཾཿ ཚེ་གཅིག་ལུས་གཅིག་འདི་ཉིད་དུ་དོན་གཉིས་ལྷུན་གྲུབ་ཀྱི་ས་རུ་གྲོལ་བ་ཐོབ་ནས་འཁོར་བ་དོང་ནས་སྤྲུགས་པར་གྱུར་ཅིག༔ གལ་ཏེ་ཚེ་འདི་རུ་མ་གྲོལ་ཞིང་སྐྱེ་བ་གཞན་དུ་བརྒྱུད་ནའང་ལེགས་པའི་ཡོན་ཏན་ཐམས་ཅད་དང་ལྡན་ཞིང་རིགས་དང་རུས་མཆོག་ཏུ་གྱུར་པའི་དལ་འབྱོར་གྱི་མི་ལུས་རིན་པོ་ཆེ་ཐོབ་པར་ཤོག་ཅིག༔ སྐྱེས་མ་ཐག་ཏུ་རྒྱུ་རྐྱེན་གང་ལའང་མི་ལྟོས་པར་མདོ་སྔགས་རྒྱུད་སྡེ་རྒྱ་མཚོའི་ཚིག་དང་དོན་ཐམས་ཅད་ཁོང་དུ་ཆུད་ནས་གཞན་དོན་རླབས་པོ་ཆེ་འབྱུང་བར་ཤོག་ཅིག༔ ལམ་མ་ནོར་ཡང་དག་གི་དོན་དང་ལྡན་པའི་དགེ་བའི་བཤེས་གཉེན་དམ་པས་རྗེས་སུ་བཟུང་སྟེ་འོད་གསལ་རྫོགས་པ་ཆེན་པོའི་ས་ལ་སྦྱོར་བར་ཤོག་ཅིག༔ བདག་དུས་འདི་ནས་བཟུང་སྟེ་ཇི་སྲིད་བླ་ན་མེད་པའི་བྱང་ཆུབ་རིན་པོ་ཆེ་མ་ཐོབ་ཀྱི་བར་དུ་དམ་སྲི་གདོན་བགེགས་རྒྱལ་བསེན་ལྟ་ལོག་ནག་ཕྱོགས་ཀླ་ཀློ་བདུད་སྡེ་གདུག་པ་ཅན་ཐམས་ཅད་ཀྱི་སྲོག་གཅོད་དང་གཉའ་ནོན་དུ་འགྱུར་བར་ཤོག་ཅིག༔ དེ་དག་ཐམས་ཅད་ཚར་གཅོད་ཅིང་རྡུལ་དུ་བརླག་པར་བྱེད་པའི་དྲག་ཤུལ་སྟོབས་དབང་ནུས་པ་ཐམས་ཅད་དང་བདག་ལྡན་པར་ཤོག་ཅིག༔ བདག་གི་ཚེ་རབས་སྐྱེ་བ་ཀུན་ཏུ་སྐྱེ་འགྲོ་ཐམས་ཅད་ཀྱི་བློ་ཡིད་ཁ་ལོ་བསྒྱུར ཏེ་ལས་ངན་པའི་ལམ་ལས་བཟློག་ཅིང་རྨད་བྱུང་རྡོ་རྗེ་ཐེག་པའི་གསང་ལམ་ལ་གཟུད་པར་ཤོག་ཅིག༔ མཐར་ཐུག་སྟོན་འཁོར་ཐམས་ཅད་ཀ་དག་གཞོན་ནུ་བུམ་སྐུའི་ཀློང་ཆེན་པོར་གཉིས་སུ མེད་པར་སངས་རྒྱས་པར་ཤོག་ཅིག༔ ན་མོ༔ དཀོན་མཆོག་གསུམ་དང་རྩ་གསུམ་སྐུ་གསུམ་བདེན་གཉིས་ཟབ་མོའི་བདེན་པའི་མཐུ་བྱིན་གྱིས༔ སྨོན་ལམ་བཏབ་པ་དེ་དག་མ་ལུས་ཤིང་ལུས་པ་མེད་པར་སྐད་ཅིག་ད་ལྟ་ཉིད་དུ་འགྲུབ་པར་གྱུར་ཅིག༔ ཅེས་ལན་བདུན་བརྗོད༔ བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་སྣང་མཛད་འོད་ཀྱི་རྒྱལ་པོ་ལ་ཕྱག་འཚལ་ལོ༔ ཏདྱ་ཐཱ༔ པཉྩ་གྲི་ཡ་ཨ་ཝ་བྷོ་ངྷ་ནི་སྭཱ་ཧཱ༔ ལན་བདུན༔ དཀོན་མཆོག་གསུམ་གྱི་བདེན་པ་དང་༔ འཇམ་པའི་དབྱངས་ཀྱི་ཤེས་རབ་དང་༔ སྤྱན་རས་གཟིགས་ཀྱི་ཐུགས་རྗེ་དང་༔ ཕྱག་ན་རྡོ་རྗེའི་མཐུ་སྟོབས་དང་༔ སངས་རྒྱས་སྟོང་གི་ཐུགས་བསྐྱེད་ཀྱིས༔ སྨོན་ལམ་བཏབ་པ་དེ་རྣམས་འགྲུབ་གྱུར་ཅིག༔ ལན་བདུན་བརྗོད༔ འདི་བརྗོད་མ་རྫོགས་བར་དུ་ནི༔ མི་ཚིག་གཞན་གྱིས་བར་མི་ཆོད༔ དེ་ལྟར་རྒྱུན་དུ་ཉམས་ལེན་པའི༔ སྐལ་ལྡན་གྲོལ་འགྱུར་ཐེ་ཚོམ་མེད༔ ཅེས་པ་འདི་ནི་མ་ནུས་རྨོངས་བླུན་བདུད་འཇོམས་རྡོ་རྗེས་རང་ལོ་བཅུ་དྲུག་གི་དུས་སུ་དཔལ་ཨོ་རྒྱན་ཆེན་པོས་ ༡༩ ཨོཾཿ རྗེས་སུ་བཟུང་ནས་སྨོན་ལམ་འདི་གཅེས་ནོར་དུ་གནང་བ་བདག་གིས་ཆགས་མེད་དུ་ཁ་ཏོན་བྱས་ཏེ་སུ་ལའང་མ་བསྟན་པར་མི་ལོ་ཉེར་དྲུག་ཏུ་བཀའ་རྒྱས་བཏབ་ནས་མཐར་ཇོ་མོ་བྱང་ཆུབ་ཆོས་ཀྱི་སྒྲོན་མ་ཞེས་བྱ་བས་ནན་དུ་བསྐུལ་ངོར་ཡི་གེར་བྲིས་པའོ། །དགེའོ། །དགེའོ །དགེའོ །སརྦ་