Tibetan
མངྒ་ལཾ།། ། རྟ གསུམ་མོ། T1616 - 059 T11616 - 060 སྨོན་ཨོཾཿ དག་སྣང་ཡེ་ཤེས་དྲྭ་བ་ལས༔ སྨོན་ལམ་རྣམ་དག་བདུད་རྩིའི་ཐིག་པ་བཞུགས་སོ༔ ན་མོ་གུ་རུ༔ སྐྱབས་གནས་དམ་པ་དཀོན་མཆོག་རིན་པོ་ཆེ༔ བདག་གི་སྨོན་ལམ་འགྲུབ་པའི་དཔང་མཛོད་ཅིག༔ ཡེ་སངས་རྒྱས་ཀྱང་གང་འདུལ་ཐབས་མང་གིས༔ ས་སྤྱོད་མཁའ་སྤྱོད་དོན་གྱི་འོག་མིན་སོགས༔ གདུལ་དཀའ་འདུལ་མཛད་བྱེ་བ་ཕྲག་བརྒྱའི་གར༔ ཡེ་ཤེས་སྒྱུ་མའི་སྐུར་སྟོན་བླ་མ་ཡིས༔ གདུལ་བྱ་ཅི་སྙེད་འདུལ་མཛད་དེ་ཙམ་གྱི༔ བདག་ཀྱང་དེ་སྙེད་འཁོར་གྱི་ཐོག་མ་རུ༔ སྤྲུལ་ནས་གཞན་དོན་རླབས་ཆེན་འགྲུབ་པར་ཤོག༔ ཁྱད་པར་ཤམྦྷ་ལ ཡི་གནས་མཆོག་ཏུ༔ རིགས་ལྡན་རྒྱལ་པོའི་འཁོར་གྱི་ཐོག་མ་རུ༔ གྱུར་ནས་མི་འཇིགས་རྡོ་རྗེའི་སྐུ་བརྙེས་ཤིང་༔ ལྟ་ལོག་ཀླ་ཀློ་མུ་སྟེགས་ནག་པོའི་ཕྱོགས༔ མི་སྲུན་བདུད་སྡེ་གདུག་པ ཚར་བཅད་ནས༔ རྡོ་རྗེ་ཐེག་པའི་བསྟན་པ་ཉི་འོད་བཞིན༔ ཕྱོགས་དང་དུས་རྣམས་ཀུན་ཏུ་སྤེལ་ནུས་ཤོག༔ མཐར་ཐུག་དེ་དང་དེ་འཁོར་དབྱེར་མེད་དུ༔ གཞོན་ནུ་བུམ་སྐུར་ཡང་དག སངས་རྒྱས་ཤོག༔ སླར་ཡང་སངས་རྒྱས་མོས་པ་མཐའ་ཡས་ཀྱིས༔ གང་འདུལ་སྣ་ཚོགས་སྤྲུལ་པའི་སྒོ་འབྱེད་ཚེ༔ བདག་ཀྱང་དེ་ཡི་ཕྲིན་ལས་པར་གྱུར་ནས༔ འཁོར་བ་དོང་སྤྲུགས ནུས་པའི་དཔལ་ཐོབ་པ༔ དགའ་རབ་རྗེ་དང་དཔལ་སེང་པད་འབྱུང་བཞིན༔ དོན་གཉིས་མཐར་ཕྱིན་སྐུ་གཉིས་མངོན་གྱུར་ཤོག༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་རང་སློབ་དམ་པ་བློ་རྒྱམ་གྱིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བའོ། །དགེའོ། །སརྦ་མངྒ་ལཾ།། །། 8 T11616 - 062 ཨོཾཿ དག་སྣང་ཡེ་ཤེས་དྲྭ་བ་ལས༔ སྨོན་ལམ་རྣམ་དག་ཆོས་ཉིད་ལམ་བཟང་བཞུགས༔ ན་མོ་གུ་རུ་པདྨ་ཀ་ར་ཡེ༔ ས།ཐརྣས༔ དུས་རྣམ་ཀུན་ཏུ་སྨོན་ལམ་ནི༔ བརྩོན་པས་བར་ཆད་གེགས་ལས་གྲོལ༔ ན་མོ༔ དཀོན་མཆོག་རིན་པོ་ཆེ་རྣམ་པ་གསུམ་དང་རྩ་གསུམ་སྐུ་གསུམ་རྒྱལ་བ་སྲས་དང་བཅས་པ་རྣམས་ཀྱི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ཐམས་ཅད་ད་ལྟ་ཉིད་དུ་བདག་གི་རྒྱུད་ལ་འཕོ་བར་ཤོག་ཅིག༔ ཡོངས་སུ་རྫོགས་པར་ཤོག་ཅིག༔ བསྐྱེད་པ་མ་ཧཱ་ཡོ་གའི་སྒོ་རུ་ཞུགས་པ་ཙམ་གྱིས་སྒོ་གསུམ་རྡོ་རྗེ་གསུམ་གྱི་རོལ་པར་དག་ཅིང་སྨིན་ནས་གྲོལ་བར་ཤོག་ཅིག༔ ལུང་ཨ་ནུ་ཡོ་གའི་སྒོ་རུ་ཞུགས་པ་ཙམ་གྱིས་དབྱིངས་དང་ཡེ་ཤེས་གཉིས་སུ་མེད་པའི་ངང་དུ་གྲོལ་བར་ཤོག་ཅིག༔ གཞི་ཁྲེགས་ཆོད་ཀྱི་གདམས་པ་ཉམས་སུ་བླངས་པ་ཙམ་གྱིས་བདག་མེད་རྣམ་པ་གཉིས་ཀྱི་དོན་རྟོགས་ནས་ཆོས་ཉིད་ཀྱི་བདེན་པ་མངོན་སུམ་དུ་མཐོང་བར་ཤོག་ཅིག༔ ཟབ་གསང་རྫོགས་པ་ཆེན་པོའི་ལྟ་སྒོམ་ཕྱིན་ཅི་མ་ལོག པ་རྒྱུད་ལ་སྐྱེ་བར་ཤོག་ཅིག༔ རྟོགས་པར་ཤོག་ཅིག༔ གོལ་ས་དང་ནོར་ས་ཤོར་ས་ལ་སོགས་པའི་བར་ཆད་དང་རྐྱེན་ངན་ཐམས་ཅད་ཀྱི་དབང་དུ་སྐད་ཅིག་ཙམ་ཡང་མི་འགྱུར་བར་ རིག་པ་ལ་རང་དབང་ཐོབ་སྟེ་རྟོགས་པ་ནམ་མཁའ་དང་མཉམ་པར འོད་གསལ་ཐོད་རྒལ་ཆེན་པོའི་གསང་ལམ་ཟབ་མོའི་སྒོ་རུ་ཞུགས་པ་ཙམ་གྱིས་ཆོས་ཉིད་མངོན་སུམ་གྱི་ཉམས་རྟོགས་ཕྱིན་ཅི་མ་ལོག་པར་རྒྱུད་ལ་སྐྱེ་བར རྟོགས་ནས་མཐར་ཕྱིན་པར༴ ས་ལམ་གྱི་ཡོན་ཏན་ནར་སོན་ཏེ་ཉམས་སྣང་གོང་འཕེལ་གྱི་ལམ་རྟགས་དང་ཡོན་ཏན་ཚང་ལ་མ་ནོར་བ་ཅི་བཞིན་དུ་བདག་གི་རྒྱུད་ལ་སྐྱེ་ཞིང་འབྱུང་བར༔ སླར་ཡང་སྣང་རིག་བཅུད་དུ་སྨིན་ནས་རིག་པ་ཚད་ཕེབས་ཀྱི་སྣང་བའི་ཉམས་རྟགས་ཡོན་ཏན་ཐམས་ཅད་བདག་གི་རྒྱུད་ལ་འཁྲུངས་ཤིང་སྐྱེ་བར དེ་དུས་ཉམས་དང་རྟོགས་པ་ཕྱིན་ཅི་མ་ལོག་པ་རྒྱུད་ལུང་མན་ངག་ཐམས་ཅད་དང་མཐུན་པ་ཞིག་འབྱུང་བར༔ སྐྱེ་བར་རྟོགས་པར ལམ་གྱི་ཡོན་ཏན་ཡོངས་སུ་ཚང་བ་སྤྱན་དང་མངོན་ཤེས་རྫུ་འཕྲུལ་རླབས་པོ་ཆེ་ཐམས་ཅད་འབྱུང་བར་ཐོབ་པར འགྲུབ་པར ཕྱི་ནང་གསང་བའི་བར་ཆད་དང་རྐྱེན་ངན་གྱི་དབང་དུ་མི་འགྱུར་བར་བདག་མཐོང་བ་དང་ཐོས་པ་དང་དབང་ལུང་མན་ངག་གི་འབྲེལ་བ་དང་གཏམ་དང་ཚིག་གི་འབྲེལ་བ་ཡན་ཆད་ཀྱི་སྐྱེ་འགྲོ་ཕོ་མོ་ཐམས་ཅད་རྣམ་པར་གྲོལ་བའི་སྟོབས་དབང་ཡོན་ཏན་ཐམས་ཅད་དང་ལྡན་པར་ཉམས་རྟོགས་ཡོན་ཏན་ ཨོཾ༔ ཐམས་ཅད་མཐའ་རུ་ཕྱིན་ནས་འོད་ཟེར་གྱི་སྣང་བ་ཆེན་པོའི་དབང་ནོད་དེ་མཐར་ཆོས་ཅན་གྱི་སྣང་བ་ཆོས་ཉིད་ཀྱི་དབྱིངས་སུ་ཟད་ནས་གྲོལ་བར སླར་ཡང་ཤེས་སྒྲིབ་ཕྲ་མོ་དབྱིངས་སུ་དག་ནས་ཡེ་ཤེས་ཀྱི་མཐོང་ཕྱེས་ཏེ༔ སྐུ་དང་ཡེ་ཤེས་ཡོན་ཏན་ཐམས་ཅད་མངོན་དུ་གྱུར་ནས་གཞོན་ནུ་བུམ་པའི་སྐུ་རུ་གྲོལ་བར་ཤོག༔ འཇའ་ལུས་འཕོ་བ་ཆེན་པོའི་སྐུ་ཡང་དག་པར་རྫོགས་པའི་སངས་རྒྱས་ཐོབ་པར ཆོས་ཉིད་ཀྱི་ཤུགས་དང་རླབས་ཆེན་པོས་ཁམས་གསུམ་གྱི་འཁོར་བ་དོང་ནས་སྤྲུགས་པར་ཤོག་ཅིག༔ དེ་མཐར་སྨོན་ལམ་འགྲུབ་པའི་སྔགས་དང་བདེན་ཚིག་ཅི་མང་བརྗོད་པ་གནད་དུ་གཅེས་སོ༔ ཡང་དག་ལམ་དུ་ཞུགས་པ་ཡི༔ རྣལ་འབྱོར་ཕོ་མོ་ཐམས་ཅད་ཀུན༔ རྟག་ཏུ་འདིར་བརྩོན་རྣམ་མཁྱེན་གྱི༔ ལམ་དུ་གྲོལ་བར་གདོན་མི་ཟ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཅེས་པ་འདི་ཡང་འོད་གསལ་རྫོགས་པ་ཆེན་པོའི་རྣལ་འབྱོར་མ་བདེ་ཆེན་མཚོས་ནན་དུ་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །དགེའོ །དགེའོ།། ། T11616 - 066 ༡ཨོཾཿ དག་སྣང་ཡེ་ཤེས་དྲྭ་བ་ལས༔ སྨོན་ལམ་རྣམ་དག་ཐར་པའི་ཐེམ་སྐས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ནྱཏཧསན༔ དུས་རྣམ་ཀུན་ཏུ་རྒྱལ་དང་རྒྱལ་བའི་སྲས༔ དཔང་དུ་བཙུག་སྟེ་སྨོན་ལམ་འདི་གདབ་བྱ༔ ན་མོ༔ ཕྱོགས་བཅུའི་དུས་གསུམ་གཤེགས་བཞུགས་འབྱོན་འགྱུར་གྱི༔ རྒྱལ་དང་རྒྱལ་སྲས་མ་ལུས་དགོངས་སུ་གསོལ༔ བདག་གི་སྨོན་ལམ་འགྲུབ་པའི་དཔང་མཛོད་ཅིག༔ བརྒྱུད་གསུམ་བླ་མ་རྒྱལ་བ་སྲས་བཅས་ཀྱི༔ མཁྱེན་བརྩེ་ནུས་པའི་དཔལ་ཡོན་མ་ལུས་པ༔ ད་ལྟ་ཉིད་དུ་བདག་རྒྱུད་ལ་འཕོས་ཏེ༔ ས་ལམ་གཅིག་རྫོགས་དབྱིངས སུ་གྲོལ་བར་ཤོག༔ མ་རིག་སེམས་ལ་མཁྱེན་པའི་དབྱིངས་ཞུགས་ནས༔ མ་རྟོགས་ལོག་རྟོགས་ཕྱོགས་རྟོགས་ལྟ་ངན་དང་༔ གོལ་ཤོར་ནོར་བའི་གེགས་དང་འཕྲང་གྲོལ་ནས༔ ཀ་དག་གདོད་མའི་དབྱིངས་སུ་བརྒལ་བར་ཤོག༔ བདག་རྟོག་རྒྱུད་ལ་བརྩེ་བའི་དབྱིངས་ཞུགས་ནས༔ འཁོར་འདས་དག་མཉམ་རོལ་པའི་ཤེས་རབ་ཆེར༔ ཐབས་དང་ཐུགས་རྗེའི་རོལ་རྩལ་སྣ་ཚོགས་ཀྱིས༔ བླ་མ་དམ་པའི་ཐུགས་དགོངས་རྫོགས་པ་དང་༔ ཞབས་ཏོག་འཕེལ་ཞིང་མཉེས་པ་བསྒྲུབ་པར་ཤོག༔ སྒོ་གསུམ་བྱ་བ་བྱེད་པ་ཐམས་ཅད་ཀྱིས༔ བླ་མ་མི་མཉེས་ པ་ཡི་ལས་ངན་དང་༔ ཞབས་འདྲེན་སྤྱོད་ངན་བསྟན་དང་དངོས་ཉིད་ལས༔ གནོད་འཚེའི་རྒྱུ་རྐྱེན་ནམ་ཡང་མི་འབྱུང་ཤོག༔ ཤམྦྷ་ལ་སོགས་མི་མཇེད་འཇིག་རྟེན་འདིར༔ བླ་མ་དམ་པའི་ཕྲིན་ལས་པར་གྱུར་ནས༔ བདུད་དང་ཀླ་ཀློའི་སྡེ་དཔུང་བཅོམ་གྱུར་ཏེ༔ རྒྱལ་བསྟན་ཉིན་མོར་བྱེད་པའི་དཔལ་ཐོབ་ཤོག༔ ཚེ་རབས་སྐྱེ་བའི་ཕྲེང་བ་ཐམས་ཅད་དུ༔ དལ་འབྱོར་ལུས་ཐོབ་རང་དབང་དང་ལྡན་ཅིང་༔ སྐྱབས་མགོན་བླ་མ་མཆོག་དེའི་རྗེས་བཟུང་ནས༔ ཡང་དག་ཐེག་ཆེན་ལམ་ལ་སྤྱོད་པར་ཤོག༔ དེ་ཡང་ཡུལ་རྐྱེན་ཕྱིན་ཅི་ལོག་པ་ཡིས༔ དབང་དུ་མི་འགྱུར་རང་ས་ཟིན་པ་དང་༔ འགྲོ་ཁམས་རྒྱ་མཚོ་ཁ་ལོ་བསྒྱུར་བ་ཡིས༔ རྣམ་མཁྱེན་ལམ་ལ་ཡང་དག་འཛུད་པར་ཤོག༔ སྐད་ཅིག་ཉིད་དུ་ཤེས་རབ་མངོན་གྱུར་ནས༔ ཆོས་ཉིད་བདེན་པ་མངོན་སུམ་མཐོང་ནས་ཀྱང་༔ ས་བཅུ་ལམ་ལྔའི་ཡོན་ཏན་གཅིག་རྫོགས་ཤོག༔ མཐར་ཐུག་སྟོན་འཁོར་དགོངས་པ་དབྱེར་མེད་དུ༔ གཞོན་ནུ་བུམ་སྐུའི་ཡོན་ཏན་མངོན་གྱུར་ནས༔ གདོད་མའི་མགོན་པོ་འོད་མི་འགྱུར་བ་ཡི༔ གོ་འཕང་མངོན་གྱུར་ཡང་དག་སངས་རྒྱས་ཤོག༔ བསླུ་མེད་དཀོན་མཆོག་གསུམ་གྱི་བདེན་པ་དང་༔ གསང་སྔགས་ཟབ་མོའི་རྟེན་འབྲེལ་མཐུ་བྱིན་དང་༔ ༡ས ཨོཾཿ བདག་གི་ལྷག་བསམ་རྣམ་དག་བདེན་པའི་མཐུས༔ སྨོན་ལམ་བཏབ་པ་དེ་བཞིན་འགྲུབ་གྱུར་ཅིག༔ གཞན་ཡང་འགྲུབ་སྔགས་བདེན་ཚིག་ཅི་རིགས་བརྗོད༔ ས་མ་ཡ༔ འདི་ནི་རྒྱལ་བ་ཐམས་ཅད་ཀྱི༔ བྱིན་གྱིས་བརླབས་ཤིང་དགོངས་རྒྱས་བཏབ༔ དུས་གསུམ་ཀུན་ཏུ་བརྗོད་པའི་མི༔ རྣམ་མཁྱེན་ལམ་ལ་ཉེ་བར་འགྱུར༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ནི་རང་སློབ་དམ་པ་འཇིགས་མེད་བློ་གྲོས་དཔལ་ལྡན་དང་ཕྲིན་ལས་འགྲོ་འདུལ་རྡོ་རྗེ་གཉིས་ཀྱིས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ །དགེའོ། །དགེའོ། །སརྦ་མངྒ་ལཾ།། ། 65ལམ་T1616 - 069 T11616 - 070 ཨོཾཿ དག་སྣང་ཡེ་ཤེས་དྲྭ་བ་ལས༔ རྣམ་དག་སྨོན་ལམ་ཐར་པའི་གྲུ་གཟིང་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ མདུན་གྱི་ནམ་མཁར་སྟོན་པ་བཅོམ་ལྡན་འདས༔ དཔང་དུ་བཙུགས་ཏེ་སྨོན་ལམ་འདི་བརྗོད་བྱ༔ ན་མོ༔ སྐྱབས་གསུམ་དམ་པ་དཀོན་མཆོག་དང་རྩ་གསུམ་དམ་ཅན་རྒྱ་མཚོའི་བཀའ་བདེན་པ་དང་༔ དོན་དམ་ཆོས་ཉིད་ངོ་བོ་རྣམ་པར་དག་ཅིང་ཀུན་རྫོབ་རྟེན་འབྲེལ་བསླུ་བ་མེད་པ་རྒྱུ་འབྲས་ཟབ་མོའི་བདེན་པའི་མཐུ་སྟོབས་ལ་བརྟེན་ནས༔ ཆོས་སྐུ་ཀུན་ཏུ་བཟང་པོ་ལོངས་སྐུ་རིགས་ལྔ་གངས་ཅན་སྤྲུལ་སྐུ་རིགས་གསུམ་མགོན་པོ་རྒྱ་གར་གྱི་རིག་འཛིན་བརྒྱད་དང་གྲུབ་ཆེན་བརྒྱད་ཅུ་མཁན་ཆེན་བོ་ངྷི་སཏྭ་ཨོ་རྒྱན་མཚོ་སྐྱེས་རྡོ་རྗེ་རྗེ་འབངས་ཉི་ཤུ་རྩ་ལྔ་གཏེར་སྟོན་བརྒྱ་དང་རྩ་བརྒྱད་ལ་སོགས་པ་དུས་གསུམ་གྱི་རྒྱལ་བ་སྲས་དང་བཅས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ཐམས་ཅད་བདག་གི་རྒྱུད་ལ་སྐད་ཅིག་ད་ལྟ་ཉིད་དུ་འཕོ་བར་གྱུར་ཅིག༔ ཐིམ་པར་གྱུར་ཅིག༔ ཡོངས་སུ་རྫོགས་པར་གྱུར་ཅིག༔ འགྱུར་མེད་རབ་ཏུ་གནས་ཤིང་བརྟན་པར་གྱུར་ཅིག༔ བསྐྱེད་པ་མ་ཧཱ་ཡོ་གའི་ལམ་ཉམས་སུ་བླངས་པ་ཙམ་གྱིས་སྒོ་གསུམ་རྡོ་རྗེ་གསུམ་གྱི་རོལ་པར་འཕོས་ཤིང་སྨིན་ཏེ་གྲོལ་བར་གྱུར་སྨོན་ ཅིག༔ གཞི་ཁྲེགས་ཆོད་ཀྱི་གདམས་པ་ཉམས་སུ་བླངས་པ་ཙམ་གྱིས་ཀ་དག་རྫོགས་པ་ཆེན་པོའི་ལྟ་སྒོམ་ཡོན་ཏན་ཕྱིན་ཅི་མ་ལོག་པ་རྒྱུད་ལ་སྐྱེས་ཏེ་རྟོགས་པ་ནམ་མཁའ་མཉམ་པར་གྱུར་ཅིག༔ ལམ་ཐོད་རྒལ་གྱི་གདམས་པ་ཉམས་སུ་བླངས་པ་ཙམ་གྱིས་སྣང་བ་བཞིའི་ཉམས་རྟོགས་ཡོན་ཏན་ཁྱད་པར་ཅན་ཚང་ལ་མ་ནོར་བ་རྒྱུད་ལ་སྐྱེ་བར་གྱུར་ཅིག༔ ཆོས་ཅན་གྱི་སྣང་བ་ཆོས་ཉིད་ཀྱི་དབྱིངས་སུ་ཟད་དེ་གཞོན་ནུ་བུམ་པའི་སྐུ་རུ་སངས་རྒྱས་ནས་འཇའ་ལུས་འཕོ་བ་ཆེན་པོར་སངས་རྒྱས་པར་གྱུར་ཅིག༔ ཅེས་སྨོན་ལམ་འགྲུབ་པའི་བདེན་བརྗོད་དང་སྔགས་གཉིས་ལན་བདུན་དུ་བཟླས་པས་ངེས་པར་འགྲུབ༔ སྨོན་ལམ་བདེན་བརྗོད་དང་བཅས་པ་མ་རྫོགས་ཀྱི་བར་དུ་མི་ཚིག་གིས་བར་མི་ཆོད་པ་གནད་དམ་པའོ༔ ས་མ་ཡ༔ ཞེས་པ་འདི་ཡང་སྐྱེ་བ་དུ་མར་འབྲེལ་བའི་སློབ་བུ་འཇམ་དཔལ་རྡོ་རྗེས་བསྐུལ་ངོར་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བ་དགེ སྨོན་ད༔ ཨེ་མ་ཧོཿ ཆོས་ཉིད་རྣམ་པར་དག་པའི་མཁའ་དབྱིངས་སུ༔ ཀུན་བཟང་ཐུགས་ཀྱི་ཀློང་ཆེན་ཟབ་རྒྱའི་ཆོས༔ ཐབས་ཤེས་དུ་མའི་སྒོ་རུ་ཤར་བ་ཡི༔ སྐུ་གསུམ་སྒྱུ་འཕྲུལ་དཀོན་མཆོག་རིན་པོ་ཆེ༔ ཁྱབ་བདག་འཁོར་ལོའི་མགོན་པོ་བླ་མ་མཁྱེན༔ འདི་ཕྱི་བར་དོ་གསུམ་དུ་ཐུགས་རྗེས་ཟུངས༔ མཆོག་དང་ཐུན་མོང་དངོས་གྲུབ་མྱུར་དུ་སྩོལ༔ ཚེ་རབས་སྐྱེ་བའི་ཕྲེང་བ་ཐམས་ཅད་དུ༔ ལས་རྐྱེན་ངན་པའི་དབང་དུ་མི་འགྲོ་ཞིང་༔ སྒོ་གསུམ་དམ་པའི་ཆོས་སུ་འགྱུར་བར་ཤོག༔ ནམ་ཞིག་ཚེ་ཡི་འདུ་བྱེད་བསྟུང་བའི་ཚེ༔ འཆི་བ་དང་པོ་འོད་གསལ་ཆོས་སྐུ་ཡི༔ ངོ་ཤེས་གདིང་ཐོབ་བརྟན་པ་རབ་ཐོབ་ནས༔ འཁོར་འདས་མཉམ་གྲོལ་མཉམ་ཉིད་ཀ་དག་ཏུ༔ ཀུན་ཏུ་བཟང་པོ་ཉིད་དུ་སངས་རྒྱས་ཤོག༔ ཐུགས་རྗེའི་འོད་ཟེར་ཆུ་ཟླའི་རོལ་གར་གྱིས༔ ཁམས་གསུམ་འཁོར་བ་དོང་ནས་སྤྲུགས་གྱུར་ཅིག༔ ཅེས་སློབ་བུ་རིག་གྲོལ་དང་ཆོས་བརྟན་གཉིས་ཀྱིས་བསྐུལ་ངོར་བདུད་འཇོམས་པས་སྨྲས་པའོ།། ། T1616 - 074 ཨོཾ༔ དག་སྣང་ཡེ་དྲྭ་བ་ལས༔ བདེ་བ་ཅན་གྱི་སྨོན་ལམ་ཐར་པའི་སྒོ་འབྱེད་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ཞིང་ཁམས་རྣམ་དག་ཡིད་ལ་དྲན་བྱས་ནས༔ དད་གུས་གདུང་ཤུགས་དྲག་པོས་འདི་བརྗོད བྱ༔ ཨེ་མ་ཧོཿ རང་སྣང་རྣམ་དག་བདེ་བ་ཅན་གྱི་ཞིང་༔ བཀོད་པ་འཕྲུལ་གྱི་ལོངས་སྤྱོད་མཐའ་ཡས་དཔལ༔ དགའ་བདེའི་ཡོན་ཏན་མི་ཟད་རྒྱན་དུ་ཤར༔ ཞིང་དེའི་མགོན་པོ་སངས་རྒྱས འོད་དཔག་མེད༔ དམར་གསལ་མཉམ་བཞག་སྐྱིལ་ཀྲུང་པད་ཟླར་བཞུགས༔ ཞི་འཛུམ་མདངས་ལྡན་མཚན་དང་དཔེ་བྱད་བརྒྱན༔ སྤྲུལ་སྐུའི་ཆས་རྫོགས་ཆོས་གོས་རྣམ་གསུམ་གསོལ༔ འོད་དང་གཟི་བརྗིད་མཐའ་ཡས་དཔག་ཏུ་མེད༔ སྤྲུལ་པའི་བྱང་སེམས་འཕགས་པའི་དགེ་འདུན་འཁོར༔ སྐུ་ལ་དཔག་ཡས་རྒྱལ་བའི་དཀྱིལ་འཁོར་རྫོགས༔ སྐུ་དང་ཞིང་ཁམས་ཡིད་ལ་དྲན་བྱས་ནས༔ རྩེ་གཅིག་གུས་ཤིང་གདུང་བས་ཕྱག་འཚལ་ལོ༔ ལུས་དང་ལོངས་སྤྱོད་ཐམས་ཅད་མཆོད་པར་འབུལ༔ སྒོ་གསུམ་མི་དགེའི་ལས་ཀུན་མཐོལ་ལོ་བཤགས༔ བསོད་ནམས་དགེ་ཚོགས་ཀུན་ལ་རྗེས་ཡི་རང་༔ ཆོས་ཀྱི་འཁོར་ལོ་དམ་པ་བསྐོར་བར་བསྐུལ༔ མྱ་ངན་མི་འདའ་བཞུགས་པར་གསོལ་བ་འདེབས༔ དགེ་ཚོགས་ཅི་མཆིས་འགྲོ་བ་ཡོངས་ལ་བསྔོ༔ ནམ་ཞིག་ཚེ་ཡི་འདུ་ བྱེད་བསྟུང་བའི་ཚེ༔ མགོན་པོ་འོད་དཔག་མེད་ཀྱི་ཞལ་མཐོང་ཞིང་༔ དབང་བསྐུར་བྱིན་རླབས་ལུང་བསྟན་མངོན་ཐོབ་ཤོག༔ འཁྲུལ་པ་ལུགས་འབྱུང་སྲིད་པ་ཡས་ལྡོག་ཚེ༔ སྐུ་གསུམ་ལྷུམས་འཇུག་གདོད་མའི་ནང་དབྱིངས་སུ༔ དང་པོའི་སངས་རྒྱས་འོད་མི་འགྱུར་བ་ཡི༔ ངང་དུ་ངོ་ཤེས་གདིང་ཐོབ་རང་གྲོལ་ཤོག༔ གལ་ཏེ་རང་ས་དེ་ལས་འདས་གྱུར་ན༔ ཤེས་པ་དང་པོ་བདེ་ཆེན་ཞིང་མཆོག་གི༔ ལྷུན་གྲུབ་བཀོད་པ་ཡོན་ཏན་ཚད་ཕེབས་ནས༔ གདོད་མའི་སངས་རྒྱས་འོད་དཔག་མེད་མགོན་གྱི༔ སྲས་ཀྱི་ཐུ་བོར་གྱུར་ནས་སངས་རྒྱས་ཤོག༔ གང་འདུལ་ཐབས་དང་ཐུགས་རྗེའི་རོལ་གར་གྱིས༔ སྲིད་མཚོར་དུབ་པའི་སྐྱེ་འགྲོ་དབུགས་དབྱུང་ཞིང་༔ སླར་ཡང་ཁམས་གསུམ་འཁོར་བ་ཆམ་གཅིག་ཏུ༔ སྐུ་གསུམ་ལྷུན་རྫོགས་ཆེན་པོར་འུབ་ཆུབ་ནས༔ ཁྱབ་བདག་གདོད་མའི་མགོན་པོར་སངས་རྒྱས་ཤོག༔ དེ་མཐར་སྨོན་ལམ་འགྲུབ་སྔགས་བདེན་ཚིག་བརྗོད༔ རྟག་ཏུ་འདིར་བརྩོན་ལས་ཅན་གང་སུ་དག༔ ཡང་དག་ལམ་ལ་ཕྱོགས་ཅིང་ཉེ་བར་འགྱུར༔ དུས་གསུམ་ཀུན་ཏུ་ཉམས་སུ་ལེན་པར་གྱིས༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཅེས་པ་འདི་ནི་ཧོར་གྱི་བནྡེ་བསོད་ནམས་དཔལ་འབར་གྱིས་བསྐུལ་ངོར་ཁྲག་འཐུང་བདུད་འཇོམས་དཔའ་བོས་འོད་གསལ་སྒྱུ་འཕྲུལ་དྲྭ་བའི་དབྱིངས་ལས་བསྒྱུར་བ་ཡོངས་སུ་དགེ་བར་གྱུར་ཅིག །དགེའོ། །དགེའོ། །དགེའོ །སརྦ་མངྒ་ལཾ།། །། T11616 - 076 ཨོཾཿ དག་སྣང་ཡེ་ཤེས་དྲྭ་བ་ལས༔ སྣང་མཐས་མངོན་སུམ་གསུངས་པའི་སྨོན་ལམ་བཞུགས་སོ༔ ན་མོ་གུ་རུ་ཡེ༔ རང་རིག་བྱང་ཆུབ་སེམས་ཀྱི་གདིང་ཆེན་པོས༔ ཨེ་མ་ཧོཿ རང་སྣང་རྣམ་དག་དོན་གྱི་འོག་མིན་དབྱིངས༔ ཡེ་ཤེས་བཀོད་པ་འཕྲུལ་གྱི་ཞིང་ཁམས་སུ༔ གཞི་ཡི་ཆོས་སྐུ་རྒྱལ་བ་འོད་དཔག་མེད༔ རང་རྩལ་བྱང་སེམས་ཚོགས་ཀྱི་ཚོམ་བུར་ངོམས༔ ཤེས་རབ་ཡེ་ཤེས་མངོན་གྱུར་རྩལ་ཤུགས་ཀྱིས༔ ནམ་ཞིག་སྣང་བ་གནས་སུ་འགྱུར་བའི་ཚེ༔ གདོད་མའི་ཡེ་གདངས་མཆོག་དེ་ཚད་ཕེབས་ནས༔ དོན་གཉིས་མཐར་ཕྱིན་སྐུ་བཞི་མངོན་གྱུར་ཤོག༔ རང་སྣང་བདེ་བ་ཅན་གྱི་རྟེན་བརྟེན་པ༔ ཡིད་ལ་མངོན་བྱེད་སྨོན་པ་འདི་བརྗོད་བྱ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཁྲག་འཐུང་བདུད་འཇོམས་རྡོ་རྗེས་སྙན་གྲགས་ཀྱི་ངོར་ཕབ་པའོ། །དགེའོ།། །། ༈ ཕྱི་ནང་གསང་བའི་སྐྱབས་འགྲོ་བཞུགས་སོ༔ དཀོན་མཆོག་གསུམ་དང་རྩ་གསུམ་སྐུ་གསུམ་ལྷ༔ ངོ་བོ་རང་བཞིན་ཐུགས་རྗེའི་བདག་ཉིད་དཔལ༔ བསླུ་མེད་གཏན་གྱི་མགོན་པོ་བླ་མ་ལ༔ སྐྱབས་སུ་མཆིའོ་རྗེས་སུ་བཟུང་དུ་གསོལ༔ སརྦ་གུ་རུ་རཏྣ་སིདྡྷི་ཧཱུྃ༔ འོད་ཟེར་གྱིས་བསྐུལ་ངོར་བདུད་འཇོམས་པས་སོ །དགེའོ།། །། ༈ ཕཊ༔ རང་རིག་ཡེ་ཤེས་ཁྲོས་མ་གྲི་ ཐོད་ཅན༔ ཕྱག་གཡས་གྲི་གུག་བེམ་པོར་ཚད་ཙམ་གྱིས༔ ཤ་རི་ཁྲག་མཚོ་རུས་པའི་གྲམ་ཁྲོད་བརྡལ༔ འདོད་ཡོན་མི་ཟད་ནམ་མཁའ་མཛོད་དུ་སྤེལ༔ ཕཊ་ཕཊ་ཕཊ༔ དཀོན་མཆོག སྲི་ཞུའི་མགྲོན་གྱུར་ཐམས་ཅད་དང་༔ མགོན་པོ་ཡོན་ཏན་མགྲོན་རྣམས་ཀུན་ལ་མཆོད༔ འགྲོ་བ་རིགས་དྲུག་བར་དོའི་སེམས་ཅན་དང་༔ བགེགས་རིགས་ལན་ཆགས་མགྲོན་རྣམས ཐམས་ཅད་མཆོད༔ ཚོགས་རྫོགས་སྒྲིབ་དག་བུ་ལོན་ལན་ཆགས་སྦྱངས༔ ཐམས་ཅད་གཞོན་ནུ་བུམ་སྐུར་སངས་རྒྱས་ཤོག༔ འཁོར་གསུམ་དམིགས་མེད་དབྱིངས་སུ་འབྱམས་ཀླས་སོ༔ ཨ་ཨ་ཨཱ༔ ཕཊ༔ བདུད་འཇོམས་པས་སོ།། ༈ དག་སྣང་ཡེ་ཤེས་དྲྭ་བ་ལས༔ བདེ་ཆེན་ཞིང་གི་གསོལ་འདེབས་སྨོན་ལམ་བཞུགས༔ ན་མོ་གུ་རུ༔ གསོལ་འདེབས་སྨོན་ལམ་ནི༔ ཨོཾ་མ་ཎི་པདྨེ་ཧཱུྃ་ཧྲཱིཿ ཨེ་མ་ཧོཿ ནུབ་ཕྱོགས་བདེ་བ་ཅན་གྱི་ཞིང་ཁམས་སུ༔ འགྲོ་བའི་མགོན་པོ་སངས་རྒྱས་འོད་དཔག་མེད༔ སྤྲུལ་པའི་བྱང་སེམས་དགེ་འདུན་འཕགས་པའི་ཚོགས༔ བཟོད་མེད་གདུང་ཤུགས་དྲག་པོས་གསོལ་བ་འདེབས༔ བདག་ནི་ནམ་ཞིག་འཆི་བའི་དུས་བྱུང་ཚེ༔ མཚོ་རྒྱལ་དང་ནི་ཡོན་ཏན་མགོན་པོ་ལྟར༔ མངོན་སུམ་ལག་པའི་སོར་མོ་ནས་བཟུང་= ཨོཾ༔ སྟེ༔ བདེ་བ་ཅན་གྱི་ཞིང་དེར་འདྲེན་པར་ཤོག༔ ཨོཾ་ཨ་མི་ཏ་བྷ་ཧྲཱིཿ རྟག་ཏུ་འདིར་བརྩོན་གྲོལ་བ་ཐོབ༔ སྔགས་པ་བདུད་འཇོམས་དཔའ་བོ་ཡིས༔ དད་ལྡན་ཆུང་ལི་མ་ལ་གདམས༔ དགེའོ།། །། ༈ ནམ་ཡང་ཀུན་གྱིས་སྨོན་ལམ་འདི་བརྗོད་འབད༔ དཀོན་མཆོག་རིན་ཆེན་གསུམ་གྱི་བདེན་སྟོབས་ཀྱིས༔ ཚེ་རབས་སྐྱེ་བའི་ཕྲེང་བ་ཐམས་ཅད་དུ༔ བདག་ནི་གང་དུ གནས་པའི་ས་ཕྱོགས་དེར༔ སངས་རྒྱས་བསྟན་པ་དར་ཞིང་རྒྱས་པར་ཤོག༔ སེམས་ཅན་ཐམས་ཅད་བདེ་ཞིང་སྐྱིད་པར་ཤོག༔ རྟག་ཏུ་དམ་པའི་ཆོས་ལ་སྤྱོད་པར་ཤོག༔ དོན་གཉིས ལྷུན་གྲུབ་སྐུ་གཉིས་མངོན་གྱུར་ཤོག༔ ཀླ་ཀློ་བདུད་ཀྱི་བསྟན་པ་ནུབ་པར་ཤོག༔ ཨོ་རྒྱན་ཆེན་པོའི་ཕྲིན་ལས་དཔལ་འབར་ནས༔ བཤད་སྒྲུབ་བསྟན་པ་ཕྱོགས་མཐར་རྒྱས་པར་ཤོག༔ གསང་བདག་ཕྱག་ན་རྡོ་རྗེས་འདི་གདམས་ནས༔ ཆོས་བཞིན་སྤྱོད་འདོད་ཀུན་གྱིས་འདི་བརྗོད་མཛོད༔ ཅེས་གསུངས་བདུད་འཇོམས་རྡོ་རྗེས་ཡི་གེར་བྲིས༔ ༈ དུས་གསུམ་རྒྱལ་བ་རྒྱ་མཚོའི་ཐུགས་རྗེ་དང་༔ གསང་སྔགས་ཟབ་མོའི་རྟེན་འབྲེལ་ནུས་པའི་མཐུས༔ བདག་ཅག་ཚེ་དང་སྒྲུབ་པ་མཉམ་གྱུར་ནས༔ འཇའ་ལུས་འཕོ་བ་ཆེན་པོར་སངས་རྒྱས་ཤོག༔ བདུད་འཇོམས་པས་སོ། །། ༈ གསོལ་འདེབས་ནི༔ སྔོན་ཚེ་ཨོ་རྒྱན་ཆེན་པོའི་ཕྲིན་ལས་གར༔ དཔལ་གྱི་ཡེ་