Tibetan
ལ་ཆོད་ཆུང་བའོ། །གསུམ་པ་ནི འཁོར་འདས་རང་སེམས་ལས་མི་གཞན་པའི་ཚུལ་འདི་གོ་མྱོང་རྟོགས་གསུམ་དང་ལྡན་པ་ཞིག་ཡོད་ན་གནད་ཟབ་ལ་ཆོད་ཆེ་བ་ཡིན་མོད། ༄༅། །དེར་དང་པོ་སེམས་ཀྱི་ངོ་བོ་རང་ཐོག་ཏུ་ལྷོད་དེ་ཤིག་གེར་བཞག་ནས་མཐའ་དབུས་མགོ་མཇུག་ཐམས་ཅད་ལ་བརྟག་པས་གང་དུའང་མ་གྲུབ་ན་ཆེ་ཆུང་དང་ཕྱོགས ཅི་ཙམ་ཁྱབ་ཅེས་བློས་ནན་དུ་གཞིག་ནས་བརྟག་ན་ཁམས་གསུམ་སྣོད་བཅུད་ཐམས་ཅད་ཁྱབ་བརྡལ་ནམ་མཁའི་ཀློང་དུ་འུབ་ཆུབ་པར་མཐོང་ངོ་། །དེ་ལྟར་མི་ཤེས་ཤིང་ཐག་མི་ཆོད་ན་འཁོར་བའི་གནས་རིགས་ཐམས་ཅད་འཁྲུལ་པའི་ཉམས་ལས་བདེན་པར་གྲུབ་པ་སྤུའི་རྩེ་མོ་ཙམ་ཡང་མེད་ངེས་ཏེ། ཆུ་གཅིག་པུ་ལ་ཡང་དམྱལ་བ་པས་མེ་མདག། །ཡི་དྭགས་ཀྱིས་རྣག་ཁྲག། དུད་འགྲོས་བཏུང་བ། མིས་ཆུ། ལྷས་བདུད་རྩི་སོགས་རང་རང་གི་སྣང་ཉམས་སུ་ཤར་བ་ལས་བདེན་གྲུབ་ནི་མ་ཡིན། ད་ལྟ་སེམས་ཅན་ལ་མཚོན་སོགས་རྐྱེན་ཆུང་ངུས་ཀྱང་ཚེ་འཕོ་ན། དམྱལ་བའི་ཚ་གྲང་། ཡི་དྭགས་ཀྱི་བཀྲེས་སྐོམ་དེ་ལྟ་བུས་འཆི་འཕོ་བ་མེད་པ་དེ་ཡང་འཁྲུལ་པའི་སྣང་ཉམས་ཙམ་ལས་བདེན་གྲུབ་མེད་པའི་མཚང་རང་ཐོག་ཏུ་བརྡོལ་བ་ལ་ལྟོས། དམྱལ་བའི་ལྕགས་སྲེག་གི་ས་གཞི་དང་ལྕགས་མཁར་མེ་དང་བུད་ཤིང་དེ་དག་ཀྱང་རྒྱུ་རྐྱེན་མགར་གྱི་བྱེད་པོ་སོགས་ལ་བློས་གཞིག་ན་འཁྲུལ་སྣང་ཙམ་ལས་བདེན་མེད་དུ་ལོས་ཤེས། ལར་དམྱལ་T11616- 487 དཔོན་ལས་མཁན་དེ་དག་གི་སྡིག་པ་དང་། ལས་ཀྱི་རྣམ་པར་སྨིན་པའང་གང་དུ་འགྲོ། དེ་དག་ལ་རྣམ་སྨིན་མི་འབྱུང་ན་གཞན་གྱིས་དེ་ལྟར་མྱོང་དགོས་པའི་རྒྱུ་མཚན་ཅི་ཡོད། དེ་དང་དེར་གཞིག་ན་ཡུན་རིང་ཐུང་ཙམ་ལས་རང་ངོས་ན་རྨི་ལམ་གྱི་སྣང་ཆ་དང་འདྲ་བར་ངེས་སོ། །སེམས་ཅན་རང་རང་གི་གཟུང་འཛིན་ང་དང་ངའི་ཡུལ་དང་ཡུལ་ཅན་འདི་ཁམས་གསུམ་འཁྲུལ་པའི་འཁོར་ལོའི་གཞན་དབང་ཅན་དུ་ངེས་ཏེ་ལུས་དང་གྲིབ་མ་ལྟ་བུ་རྣམ་པར་རྟོག་པའི་རང་ཡུལ་དུ་ས་བཟུང་སྟེ་དེར་སྣ་ཚོགས་ཉེ་བར་ལེན་པའི་བག་ཆགས་ཀྱི་ཚུལ་བརྟན་པ་ཡིན་ལ། མཚན་མོའི་རྨི་ལམ་ན་ཡང་ས་ཆུ་མེ་རླུང་ནམ་མཁའི་ཡུལ་དང་ཁང་ཁྱིམ་གཉེན་གྲོགས་མཛའ་བཤེས་སེམས་ཅན་སྣ་ཚོགས་པ་ཐམས་ཅད་དང་།འཇིགས་སྐྲག་བདེ་སྡུག་གང་ཡང་ཉིན་མོ་ལྟ་བུར་བདེན་པར་འཛིན་ཅིང་ཉེ་བར་ལེན་གྱིན་མི་འདུག་གམ སྔར་གྱི་ལོ་ཟླ་ཞག་དུས་ཡུལ་གྲོགས་མཛའ་བཤེས་ནོར་རྫས་ཁང་ཁྱིམ་ཐམས་ཅད་ལ་རིམ་པ་བཞིན་དུ་བློས་གཞིག་ན་ཕྲ་རགས་རྨི་ལམ་དང་ཁྱད་པར་མེད་པ་ལོ་གཅིག་ལ་ཡང་ཉིན་སྣང་སུམ་བརྒྱ་དང་དྲུག་ཅུ། མཚན་སྣང་སུམ་བརྒྱ་དང་དྲུག་ཅུ། དེ་ལ་ཉམས་ཕྲ་རགས་ཙམ་ལས་ཁྱད་པར་རྒྱ་ཁབ་ཀྱི་རྩེ་མོ་ཙམ་མེད་དེ། ཉིན་སྣང་ ༄༅། །གི་ཡུལ་དང་ཡུལ་ཅན་དེ་རྣམས་མཚན་མོ་གང་དུ་བཞག །མཚན་སྣང་གི་ཡུལ་དང་ཡུལ་ཅན་དེ་ཉིན་མོ་གང་དུ་མི་མངོན་པར་སྦས་ཡོད་ལྟོས་དང་ཆ་མཉམ་དུ་འདུག་གི །རང་སེམས་ལས་གཞན་ན་མེད། རྨི་ལམ་གྱི་སེམས་ཅན་སྐྱེ་འཆི་དང་། ཉིན་སྣང་གི་སེམས་ཅན་སྐྱེ་འཆི་གཉིས་ལ་ཁྱད་པར་འཁྲུལ་པའི་སྣང་ཉམས་ཡིན་པ་ལ་ལྟོས་ཤིག། དེ་ལྟར་སྣང་སྲིད་སེམས་ཀྱི་ཆོ་འཕྲུལ་དུ་ཤེས་ཀྱང་སྒྱུ་མ་དང་སྒྱུ་མའི་མཁན་པོ། རྨི་ལམ་དང་རྨི་ལམ་གྱི་མཁན་པོ་ལྟ་བུར་འཁྲུལ་མཁན་ནང་།འཁྲུལ་སྣང་ཕྱི་རུ་བཟུང་ནས་གཟུང་འཛིན་གཉིས་སུ་འཛིན་པའི་འཆིང་བ་དམ་པོས་འཁྱུད་པ་དེ་ཡང་མ་ཡིན་པར། སེམས་ཀྱི་ངོ་བོ་བརྡལ་ཁྱབ་དབུས་མཐའ་དང་བྲལ་བའི་ཀློང་དུ་ངར་འཛིན་གྱི་རྣམ་པར་རྟོག་པའི་བདག་དང་། དེའི་ཆ་ལས་ཕྱི་ནང་སྣོད་བཅུད་དུ་གྲུབ་པ་ཐམས་ཅད་ངོ་བོའི་ཀློང་ལས་མི་འདའ་བ་མེ་ལོང་གི་གཟུགས་བརྙན་མེ་ལོང་གི་བྱད་ལས་མ་འདས་པ་ལྟ་བུར་ཤེས་པར་བྱའོ། །ལར་ཁམས་གསུམ་གང་ནས་འཕོས་ཤིང་གང་དུ་སྐྱེས་ཀྱང་ཡུལ་སྔ་མ་ཤུལ་དུ་བོར་ནས་ཕྱི་མར་ཕྱིན་པ་མ་ཡིན་ཏེ། ཉིན་སྣང་དང་རྨི་སྣང་ལྟ་བུར་འཁྲུལ་སྣང་གི་ཉམས་དེ་གཅིག་ནས་གཅིག་ཏུ་འགྱུར་བ་ཡིན་པས་འཁོར་བ་T11616 - 489 འཁྲུལ་ཉམས་སུ་ངེས་པར་ལ་བཟླ་བར་བྱའོ། །དེས་ན་འཁོར་འདས་རང་སྣང་དུ་རྫོགས་ཏེ་ངོ་བོའི་ཀློང་དུ་འུབ་ཆུབ་པའོ། །ངོ་བོ་ནི་གཞིའོ། །གཞི་མ་རིག་པའི་ཆ་ལ་ཀུན་གཞི་དང་དག་པའི་ཆ་ལ་ཆོས་སྐུ་ཞེས་བྱ་སྟེ། ཡེ་གཞི་ནམ་མཁའ་ལྟ་བུར་ཅིར་ཡང་འཆར་དུ་རུང་བ་དེ་ཉིད་མ་རིག་པའི་མུན་ཁམས་སུ་དུབ་པས་ཀུན་གཞི་དང་། གཟུང་འཛིན་རྣམ་པར་རྟོག་པའི་སྣང་ཆ་ཁམས་གསུམ་གྱི་བཀོད་པ་འཁྲུལ་པ་ཉམས་ཀྱི་སྣང་བའོ །ངོ་བོ་ནི་དཔེར་ན་ནམ་མཁའ་ངོ་བོ་ཉིན་མཚན་གང་གིས་མ་བསྒྱུར གང་དུ་མི་འགྱུར།གསལ་འགྲིབ་གང་ཡང་འཆར་རུང་དུ་ཡོད་པ་དེ་བཞིན་དུ་བཟང་ངན་མེད་པའི་ཀུན་ཏུ་བཟང་པོ་ཞེས་བྱའོ། །རང་བཞིན་སེམས་སུ་འཁྲུལ་ཡང་ལྷུམས་མདངས་སུ་ཡེ་ཤེས་ལྔ་དང་སྐུ་ལྔ་ཞིང་ལྔའི་གཞི་རང་བྱུང་དུ་གྲུབ་པས་ལྷན་སྐྱེས་ཀྱི་ཡེ་ཤེས་ཆེན་པོ་སྟེ། མྱང་ངན་ལས་འདས་པའི་ལྷ་དང་ཞིང་ཁམས་རྣམས་ཀྱང་རང་གཞི་དེ་ཉིད་ལ་ལྷུན་གྱིས་རྫོགས་པ་ལས། ཡུལ་ནས་ཡུལ་དུ་བགྲོད་པའམ་སྐྱེ་བའི་ལྷ་དང་ཞིང་ཁམས རང་རྒྱུད་པ་དེ་གཟུང་འཛིན་གྱི་སྣང་ཉམས་ལས་མི་འདའ་བས་དེར་གོལ་བ་དག་གིས་ཡེ་ཤེས་པ་བསྒྲུབ་ཀྱང་འཇིག་རྟེན་པ་ལས་འཕགས་པའི་གཞི་རྩ་མེད་མོད། དེ་ལྟར་སྣང་བའི་རྩ་གདར་ཁ ༄༅། །ཙམ་མ་ཡིན་པར་གཏིང་དཔོག་པ་ཞིག་ཆོད་ནས་ཕྱིས་བདེན་ཞེན་ངང་གིས་ཆོད་པ་དགོས། ལམ་གྱི་དུས་སུ་ནི་ཡིན་ལུགས་ཙམ་བློས་གཞིག་སྤུ་རྩེ་ཙམ་ཡང་མི་བྱ ཞིང་རྟོག་དཔྱོད་སྒོམ་སྒྲུབ་བཅོས་བསྒྱུར་གང་ཡང་མེད་པར་ངོ་བོའི་རང་ཐོག་ཏུ་ལྷོད་དེ་ཤིག་གེར་ཆམ་གྱིས་བཞག་པས་རྩལ་སྣང་རང་གྲོལ་དུ་ངང་གིས་འགྲོ་བ་ལ་འཁོར་འདས་རྫོགས་པ་ཆེན་པོའི་ཞལ་རས་ཡེ་ཤེས་ཀྱིས་གསལ་བ་ཞེས་བྱའོ། །བཅོས་བསྒྱུར་རེ་དོགས་ཐེ་ཚོམ་དགག་སྒྲུབ་འཛིན་རྩོལ་རྟོག་དཔྱོད་ཐམས་ཅད་བློས་བཏགས་པ་ཡིན་ཏེ་བློ་དོན་དམ་མིན། དོན་དམ་ནི་བློ ལས་འདས་པ་ཡིན་པས་གནད་ཤེས་པར་བྱའོ། །ཆམ་གྱིས་འཇོག་པའི་དུས་སུ་འཛོལ་ཤོར་ནས་སྟོང་ཆའི་སྟེང་དུ་ཡོད་ཀྱང་རྣམ་པར་རྟོག་པ་ལྐོག་ཏུ་གྱུར་ནས་རིག་པའི་རྩལ་ལས་འདས་པ་སེམས་དང་རིག་པ་གཉིས་ཀྱི་མཚམས་སུ་རྣམ་པར་རྟོག་པ་ལུང་མ་བསྟན་དུ་ངས་སྨྲ་བ་ཡིན། འཁོར་འདས་རྫོགས་པ་ཆེན་པོའི་ཡིན་ལུགས་ལས་མི་འདའ་བ་འདི་ཤིན་ཏུ་གནད་དམ་པའོ།། འདིས་ལྷ་དང་འདྲེ་གདོན་འཁོར་བ་མྱང་འདས་ཐམས་ཅད་བཟང་ངན་མེད་པར་རང་ཐོག་ཏུ་གྲོལ་བ་ཡིན། ཆོས་ཉིད་ཟད་པའི་དུས་སུ་འདི་ལྟར་སྣང་བ་ཐམས་ཅད་སྒྱུ་མའི་འཁྲུལ་འཁོར་ཞིག པའམ། གནམ་སྟོང་གི་ཟླ་བ་དབྱིངས་སུ་ནུབ་པ་ལྟ་བུར་ནང་གསལ་ཐིམ་ལ་མ་རྨུགས་པའི་ཡེ་ཤེས་ཤེལ་འོད་ནང་དུ་ནུབ་པ་ལྟ་བུ་སྟེ། དེ་ཡང་རང་ངོ་ན་གཞན་དོན་གྱི་བྱ་རྩོལ་མེད་དེ་ཀློང་མདངས་ལས་གདངས་རང་བཞིན་མ་འགགས་པའི་སྐུ་ལྔ་ཞིང་ལྔ་དེ་ལས་རྩལ་ཐུགས་རྗེའི་སྤྲུལ་སྐུ་གདུལ་བྱ་རང་སྣང་གི་སྟོན་པ་རང་བྱུང་བའོ། །ཁོ་བོ་ནི་ཐོས་བསམ་གྱི་མཛོད་དུ་མ་ཞུགས་ཤིང་བཤེས་གཉེན་དམ་པ་གཅིག་ཙམ་གྱི་འབངས་སུ་མ་གྱུར་པའི་དབང་གིས་ཚིག་གི་སྦྱོར་བ་མི་ཤེས་པ་ལ་ཐུགས་ཁྲེལ་མི་གནང་བར་ཞུ། ༈ ཧེ་ཧེ། ཕྱོགས་ལྷུང་དང་བྲལ་བ་ཀ་དག་གི་དབྱིངས་སུ། །ལྷུན་གྲུབ་ཀྱི་རོལ་པ་འོད་གསལ་གྱི་གཞལ་ཡས། །བདེ་བ་དང་སྟོང་པ་གཉིས་མེད་ཀྱི་ངང་ནས། །ལྷན་སྐྱེས་ཀྱི་རིག་སྐུ་པད་འབྱུང་དང་དགའ་རབ། །བློས་བཞག་ནི་མ་ཡིན་གནས་ལུགས་ཀྱི་རང་ཞལ། །རྩོལ་མེད་ཀྱི་ངང་ནས་རང་བབས་སུ་མཇལ་ཏེ །ཆོས་ཉིད་ཀྱི་ཀློང་མཛོད་ཕ་ཕོག་ཏུ་ཐོབ་ཡོད། །གདམས་ངག་ནི་ཁྲོམ་གྱི་མཚར་གླུ་རུ་མི་འཆོལ །གཞན་གསོད་ཀྱི་ཆེད་དུ་རང་ཕུང་ཡང་མི་འཇུག །མི་ཚེ་ནི་དགོང་ཁའི་ཉི་ཞུར་དང་མཚུངས་པས །གཉིས་ཕུང་གི་བྱ་སྤྱོད་ཟོལ་ཟོག་ཀྱང་བྱས་མེད །རྣམ་གྲངས་དང་རྩིས་གདབ་མཁས་མཁས་ཀྱི ༄༅། །བྱ་འབྱམས། །ང་རྒྱལ་དང་ཁེངས་སེམས་ལོག་ལྟ་ཡི་སྒོ་འཕར། །རང་རྒྱུད་ཀྱི་ཐོག་ཏུ་གྲོལ་ཐོབ་འདྲ་གདའ་འམ། །ཆོས་ཀུན་གྱི་རྩ་བ་རང་རྒྱུད་ལ་ཐུག་པས། རང་སྨིན་གྱི་རྗེས་སུ་གཞན་ཕན་ཀྱང་ལོས་འབྱུང་། །ངེད་ཅག་ནི་བླུན་པོའི་རང་རྒྱུད་ལ་བརྟག་ནས །གཞན་བཅོས་ཀྱི་ལྷན་པ་ཆུ་ཐིག་ལ་མི་རེ། །རང་རྒྱུད་ཀྱི་དུག་ལྔ་ཆགས་སྡང་ལ་བལྟས་ན། །གཞན་སྐྱོབས་ཀྱི་འཚོ་སྨན་སྦྱར་དུག་ལ་མི་རེ། །ཧེ་ཧེ། རང་བྱུང་གི་རིག་པ་བཅོས་མེད་དུ་བཞག་ན། །འཁོར་འདས་ཀྱི་བྱེད་པོ་གཅིག་ཐོག་ཏུ་གྲོལ་བས། །གདམས་ངག་གི་རྩ་བ གཞན་དུ་ཡང་མི་འཚོལ། །འབྲས་བུ་ལ་ཐོབ་ལེན་རེ་ཐག་ཀྱང་ཆད་ཐལ། །འདི་ཕྱི་དང་ཉིན་མཚན་རྒྱུ་མཚན་ལ་བརྟག་ན། །གཟུང་འཛིན་གཉིས་རྣམ་རྟོག་འཁྲུལ་ཉམས་སུ་འདུག་པས། རང་རྒྱུད་དུ་གོལ་ཞེན་བག་ཆགས་ཀྱི་མཚང་བརྡོལ། །ཐོས་བསམ་གྱི་ཕུ་ཐག་གཏིང་དཔོག་ཞིག་ཆོད་ཐལ། །རྣམ་རྟོག་གི་བསུ་སྐྱེལ་བསྒོམ་འཆོས་ལ་ཐེ་ཚོམ །གནས་ལུགས་ཀྱི་ཞལ་རས རྫོགས་ཆེན་གྱི་ཉི་མ། །གཟུང་འཛིན་གྱི་གོལ་སྒྲིབ་ཆུ་འཛིན་གྱིས་བསྒྲིབ་པའི །བར་མ་དོའི་སྒོམ་ཆེན་ཉམ་ཐག་དང་མི་འདྲ །རྣམ་རྟོག་གི་འཕེལ་འགྲིབ་མང་ཚན་ལ་བལྟས་ན། །འདི་དག T11616 - 493 ལ་རྫོགས་ཆེན་རེ་བ་ཚོ་དགོད་འཆོར། །ཧེ་ཧེ། ཡེ་གཞི་ཉིད་ཀ་དག་མཐའ་བྲལ་གྱི་ངོ་བོ །སངས་རྒྱས་ནི་འདི་ལས་རང་རྒྱུད་པར་མ་བལྟ། །ཕྱི་ནང་དང་སྣོད་བཅུད་འཁྲུལ་ཉམས་ཀྱི་རྫུན རིས། །ཐམས་ཅད་ནི་ངོ་བོའི་རང་ཀློང་དུ་རྫོགས་གདའ། །ངེད་ཅག་གི་རྫོགས་ཆེན་བྱ་བ་ནི་འདིའོ། །ཁྱབ་བརྡལ་གྱི་ཀློང་ཡངས་འུབ་ཆུབ་ཀྱི་རོལ་པར། །བདེ་སྟོང་གི་ཕྱམ་བརྡལ་འཕོ་མེད་ཀྱི་ཞིང་དུ། །འོད་གསལ་གྱི་ཉི་མ་ནུབ་མེད་དུ་ཤར་ཡོད། །འཇིགས་མེད་ཀྱི་བཙན་ས་ལྷུན་གྲུབ་ཀྱི་ཁང་མཛེས །གཡོ་མེད་ཀྱི་གདན་ཁྲི་ཐབས་ཤེས་དང་འབྲལ་མེད། །ཉོན་མོངས་པའི་རོ་སྟེང་ཆོས་ཉིད་ཀྱི་རིག་སྐུར། །མཁོས་མེད་ཀྱི་རྒན་པོས་རང་ས་ཞིག་ཟིན་ཡོད །བཤད་པས་ནི་མི་གོ་བསྟན་པས་ཀྱང་མི་རྟོགས། །ངེད་རང་གི་སྟོན་པ་མཚོ་སྐྱེས་ཀྱི་རྡོ་རྗེས། །དགོངས་བརྒྱུད་ཀྱི་ཕ་ཕོག་གཅེས་ནོར་དུ་གནང་བྱུང་། །ས་ལམ་ལ་རྣམ་བཞག་རྩིས་གདབ་ཀྱང་མེད་དོ། །ངོ་བོ་ནི་ལམ་བྱེད་ང་རང་གི་ཕ་ཆོས། །སྒོམ་བཟླས་དང་བསྙེན་སྒྲུབ་ཨ་འཐས་ཀྱིས་མ བཅིང་། །མ་བསྒོམ་དང་མི་བསྙེན་མ་སྒྲུབ་པའི་ཚུལ་ཡོད། །གཉེན་པོ་དང་བཅོས་བསྒྱུར་བློས་བཏགས་སུ་མེད་པའི། །བློ་འདས་ཀྱི་རང་ཚུགས་མཐའ་བྲལ་དུ་འབྱམས་ཀླས །བལྟ་བྱ་དང་ ༄༅། །སྐྱོང་བྱ་ཡིད་དཔྱོད་ཀྱིས་མ་སྦག །བཟོ་མེད་དུ་གཏད་མེད་བྱུང་རྒྱལ་ལ་ཡན་གཏོང་། །བཟང་ངན་དང་རེ་དོགས་སྤང་བླང་ལས་འདས་པའི། །བྱ་བྲལ་གྱི་རྣལ འབྱོར་བྱར་མེད་དུ་ཧར་སངས། །ཡེ་གནས་ཀྱི་ཡེ་ཤེས་རང་བྱུང་གི་ཀློང་དུ། །ལྷོད་གྲོལ་གྱི་ངང་དུ་བཅོས་མེད་དུ་བསྒྱུར་བས། །གཟུང་འཛིན་གྱི་མདུད་རྒྱ་ཐད་ཀར་དུ་ཞིག་སོང་།འཁོར་བ་དང་མྱང་འདས་ཆོས་སྐུ་རུ་སངས་ནས། །འཁོར་འདས་ཀྱི་འཛིན་ཐག་སྙིང་ག་ནས་ཆོད་སོང་། །མ་རིག་པའི་མུན་ཁམས་རིག་སྟོང་དུ་དེངས་ནས །ཆགས་ཞེན་གྱི་འཛིན་ཕུར་རྩ་བ་ནས བུད་སོང་། །ཡུལ་མེད་ཀྱི་ངོ་བོ་ཟང་ཐལ་གྱི་ལྷུམས་སུ། །རེ་དོགས་དང་བདེ་སྡུག་ཉེར་ལེན་དེ་བཤིག་གཏོང་། །བདག་མེད་ཀྱི་ཤེས་རབ་སྟོང་ཉིད་ཀྱི་དབྱིངས་སུ། །བདག་འཛིན་གྱི་འཆིང་བ་ཡུལ་མེད་དུ་བཤིག་གཏོང་། །ཀུན་བཟང་གི་དགོངས་ཀློང་རྩོལ་མེད་དུ་བརྡོལ་འོང་། །ལྷུན་གྲུབ་ཀྱི་རིག་འཛིན་གོ་འཕང་ལ་མཆོང་འགྲོ། །མཐོང་ཐོས་དང་དྲན་རེག་མཁའ་མཉམ་གྱི་སེམས་ཅན། །རང་བྱུང་གི་རིག་སྐུ་རང་ངོ་རུ་མཇལ་ནས། །ཀུན་བཟང་གི་ཀློང་དུ་ངེས་པ་རུ་ཤོག་ཅིག །ཅེས་རྨོངས་པའི་བླུན་ཆོས་འདག་གོས་བྱ་སྤུ་ཅན་ཞེས་བྱ་བ་འདི་ནི རྡོ་གྲུབ་རིན་པོ་ ཆེའི་རིགས་དབོན་བླ་མ་དམ་པ་བསོད་ནམས་དཔལ་ལྡན་གྱིས་ནན་དུ་བསྐུལ་བའི་ངོར་རྨོངས་བླུན་ས་ཀུ་ཙི་པ་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་སྨྲས་པའོ།། ། ༈ སྭསྟི། རྩོལ་མེད་ཐེག་མཆོག་ཨ་ཏི་རྫོགས་པ་ཆེའི། །མན་ངག་སྙིང་པོ་ཀུན་བཟང་དགོངས་པའི་བཅུད །ཆོས་སྐུའི་ཡེ་ཤེས་རྗེན་ཕྱུངས་ལག་གཏོད་དུ། །ལེགས་སྩལ་གདམས་པའི་མཐར་ཐུག་འདི་ཁོ་ན། ༡ །བློས་བྱས་བླུན་སྒོམ་བཟང་བརྫུའི་སྦུབས་བརྟོལ་ཕྱིར། །གཅིག་ཆོག་མན་ངག་གསེར་ཐུར་འདི་ཟུང་ལ། །སྣ་ཚོགས་ཉམས་ལེན་སྤྲོས་པ་འདིར་བཅད་དེ། །གདོད་མའི་གྲོལ་གཞིར་གཤེགས་ཤིག་སྐལ་བཟང་ཚོགས། ༈ །དེ་སླད་གདམས་ཟབ་ཆོས་ཀྱི་རིང་བསྲེལ་གང་། །ཐར་འདོད་གདུང་སེལ་བདུད་རྩིའི་བགོ་སྐལ་དུ།། འགྱེད་པའི་དགའ་སྟོན་གཏན་པ་མེད་པའི་སྒོ། །ལྷ་རིགས་འབྲས་ལྗོངས་ས་སྤྱོད་དབང་མོས་ཕྱེས། ༣ །བསོད་ནམས་དྲི་མ་མེད་མཐུས་འགྲོ་བ་ཀུན །ཟབ་གསང་རྫོགས་པ་ཆེན་པོའི་སྣོད་གྱུར་ནས། །ཆོས་ཟད་ཀློང་དུ་འཁོར་བ་གཏིང་སྤྲུགས་ཏེ །སྣང་སྲིད་ཀུན་བཟང་བདེ་ཆེན་རོ་མཉམ་ཤོག ༤ །ཅེས་པའང་རྣམ་དཀར་སྒྲུབ་པ་པོ་གང་གི་བཞེད་པ་སྐོང་ ༄༅། །ཕྱིར་སྤར་གྱི་ཕྱི་མོའི་ཞུས་དག་དང་འབྲེལ་བར་འཇིགས་བྲལ་ཡེ་ཤེས་རྡོ་རྗེས་ཆེད་དུ་བརྗོད་པ་སྟེ། ཀུན་བཟང་ཐུགས་ཀྱི་བསྟན་པ་རིན་པོ་ཆེ་འདི་ཉིད་ནམ་མཁའ་ཇི་མ སྲིད་རྟག་ཅིང་ཁྱབ་པའི་རྒྱུར་གྱུར་ཅིག སརྦ་དཱ་མངྒ་ལཾ། །། 493ཆོད་ཆོད་T11616 - 497 T1616 - 498 ༄༅། །ཨོཾ་སྭསྟི། སྤྲུལ་པའི་གཏེར་ཆེན་བདུད་འཇོམས་གླིང་པའི་ཟབ་གཏེར་གསང་བའི་ཆོས་སྡེ་དག་སྣང་ཡེ་ཤེས་དྲྭ་བའི་སྐོར་གྱི་སྨད་ཆ་གླེགས་བམ་༼ མ༽ པ་འདིར། དབུ་ཤོག་ལྡེབ་གཅིག་གིས་ཐོག་དྲངས་ཏེ སྐོར་ཚོ་བཞི་ལས། དང་པོ་གནས་ཀྱི་དཀར་ཆག་སོགས་སྣ་ཚོགས་སྐོར་ལ ཚོགས་ཀྱི་འཁོར་ལོར་འདུ་བའི་གནས་ལྐོག་གྱུར་རིན ཆེན་གླིང་གི་ཆགས་ཚུལ་དང་། ཡང་སྐབས་འགའ་ཞིག་ཏུ་བུ་སྣོད་ལྡན་འཇམ་དཔལ་རྡོ་རྗེ་སོགས་བཅས་ཚན་པ་གཉིས་ལ་ལྡེབ་༣ ངང་བ་རི་ལྷ་མོའི་ལྟོ་བའི་གནས་བདུད་འདུལ་མཆོད་རྟེན་གྱི་དཀར་ཆག་ལྡེབ་༈ ལེགས་ལྡན་ཞྭ་ཡི་རྒྱང་གླུ་ལྡེབ ༡ སྐྱི་སྔོན་བཟོ་ཐབས་ནུབ་གཅིག་གི་རྨི་ལམ་ན་སོགས་ལྡེབ་༡ བསྐལ་པ་ལྕགས་རྟའི་ལོ་ཧོར་ཟླ་བཅུ་པའི་སོགས ཉམས་སྣང་དུ་ཤར་བ་ལྡེབ་༡ ཡང་བསྐལ་པ་ལྕགས་རྟའི་ལོ་ཧོར་ཟླ་དྲུག་པའི་ཉེར་གཅིག་སོགས་ལྡེབ ༡ ཨེ་ཨེ། འོད་ཀྱི་གསལ་སྒྲོན་ཉི་མ་སོགས་ལྡེབ ༡ རྔ་ཡི་དག་སྦྱོར་མ་རིག་གཉིད་སློང་རྒྱལ་བ་དགྱེས་པའི་སྒྲ་བརྒྱ་པ་ལྡེབ་༨ ལམ་དང་འབྲས་བུའི་བསྡུས་དོན་གསལ་བའི་མེ་ལོང་ལྡེབ་༈ མཁའ་འགྲོ་བདེ་ཆེན་མཚོ་རྒྱལ་མས་དབྱིངས་དང་ཡེ་ཤེས སོགས་ལྡེབ་༡ མཁའ་འགྲོ་ཡེ་ཤེས་མཚོ་རྒྱལ་མས་སྐྱབས་གནས་དཀོན་མཆོག་སོགས་ལྡེབ་༡ གཞི་ལམ་འབྲས་བུ་གཅིག་རྫོགས་ཀྱི་གདམས་པ་ཨེེ༔ འཁོར་འདས་ཀྱི་ཆོས་ཀུན སོགས་ལྡེབ་༡ བརྒྱུད་པ་དགུ་པོ་གཅིག་རྫོགས་ཀྱི་འཆད་ཚུལ་ལྡེབ་༡ སྤྲོས་མེད་པོ་ཏིའི་ལུང་དབང་ལྡེབ་༡ བཅས། ༈ གཉིས་པ་སྨོན་ལམ་སྣ་ཚོགས་ཀྱི་སྐོར་ལ རྣམ་དག་སྨོན་ལམ་ཐར་པའི་ཤིང་རྟ་ལྡེབ ༣ སྨོན་ལམ་རྣམ་དག་བདུད་རྩིའི་ཐིག་པ་ལྡེབ་༡ སྨོན་ལམ་རྣམ་དག་ཆོས་ཉིད་ལམ་བཟང་ལྡེབ་༈ སྨོན་ལམ་རྣམ་དག་ཐར་པའི་ཐེམ སྐས་ལྡེབ་༈ རྣམ་དག་སྨོན་ལམ་ཐར་པའི་གྲུ་གཟིངས་ལྡེབ ༡ ཡང་སྨོན་ལམ་ཨེ་མ་ཧོཿ ཆོས་ཉིད་རྣམ་པར་དག་པའི་སོགས་ལྡེབ་༡ བདེ་ཆེན་སྨོན་ལམ་ཐར་པའི་སྒོ་འབྱེད་ལྡེབ་༡ སྣང་མཐས་མངོན་སུམ་གསུངས་པའི་སྨོན་ལམ་དང་ཕྱི་ནང་གསང་བའི་སྐྱབས་འགྲོ ལུས་སྦྱིན་བསྡུས་པ་ཕཊ༔ རང་རིག་ཡེ་ཤེས་སོགས། བདེ་ཆེན་ཞིང་གི་གསོལ་འདེབས་སྨོན་ལམ། ནམ་ཡང་ཀུན་གྱིས་སྨོན་ལམ་གདབ་པ་དུས་གསུམ་རྒྱལ་བ་རྒྱ་མཚོ་སོགས། སྔོན་ཚེ་ཨོ་རྒྱན་ཆེན་པོའི་སོགས། སྐྱབས་གནས་མཆོག་གསུམ་སོགས་གསོལ་འདེབས ༄༅། སྨོན་ལམ་བརྟན་བཞུགས་བཅས་འདྲེས་མ་ནང་གསེས་ཚན་པ་བརྒྱད་ཅན་ལ་ལྡེབ་༈ བདེ་ཆེན་ཞིང་སྨོན་ཐར་པའི་གྲོང་འཇུག་ལྡེབ ༡ ཟངས་མདོག་དཔལ་རིའི་སྨོན་ལམ་ཐར་པའི་སྒོ་འབྱེད་ལྡེབ ༤ ཡང་དཔལ་རིའི་སྨོན་ལམ་ཐར་པའི་གྲོང་འཇུག་ལྡེབ ༡ བདེན་ཚིག་གྲུབ་པ་དྲང་སྲོང་རིག་སྔགས་ནུས་མཐུ་ལྡེབ་༈ སྨོན་ལམ་རྣམ་དག་བདུད་རྩིའི་ཐིག་པ་ལྡེབ་༡ བཅས། ༈ གསུམ་པ་ཟབ་གཏེར་ཀུན་གྱི་རྒྱབ་ཆོས་ཁྲིད་ཡིག་གི་སྐོར་ལ། ཟབ་གསང་མཁའ་འགྲོའིསྙིང་ཐིག་གི་སྔོན་འགྲོའི་ངག་འདོན་དང་མཐུན་པའི་ཁྲིད་དག་སྣང་ཡེ་ཤེས་དྲྭ་བ་དང་འབྲེལ་བའི་ཡན་ལག་བཅུ་པ་བྱིན་རླབས་དངོས་གྲུབ་ཀྱི་བང་མཛོད་ལྡེབ་༥༡ བསྐྱེད་རིམ་གསལ་བྱེད་མེ་ལོང་དཀྱིལ་འཁོར་ཀུན་གྱི་ལྡེ་མིག་ནམ་མཁའི་བཅུད་ཡིག་ཡིག་མེད་མཁའ་འགྲོའི་ཀློང་བྱང་འོད་གསལ་གསང་བའི་གབ་ཐིག་ལྡེབ ༤༧ སྣང་སྦྱང་རང་བཞིན་རྫོགས་པ་ཆེན་པོའི་རང་ཞལ་མངོན་དུ་བྱེད་པའི་གདམས་པ་མ་བསྒོམ་སངས་རྒྱས་ལྡེབ ༣༤ རང་བཞིན་རྫོགས་པ་ཆེན་པོའི་རང་ཞལ་མངོན་དུ་བྱེད་པའི་གདམས་པ་ཟབ་སྣང་སྦྱངས་ས་བཅད་མ། གསང་སྙིང་པོ་ལྡེབ ༤༣ འོད་གསལ་རྫོགས་པ་ཆེན་པོའི་ གསང་ལམ་ཟབ་མོ་བཅུད་དུ་དྲིལ་བའི་མན་ངག་ལྡེབ ༧ རྨོངས་པའི་བླུན་ཆོས་འདག་གོས་བྱ་སྤུ་ཅན་ལྡེབ་༡༨ བཅས། པོད་འདིར་ཆོས་ཚན་སུམ་ཅུ་སོ་གསུམ་ལ་ལྡེབ་༢༤༨ དང་། གླེགས་བམ་གྱི་དཀར་ཆག་རང་ཉིད་ལྡེབ ༢ བཅས་བསྡོམས་ལྡེབ་གྲངས ༢༥༠ བཞུགས། ༈ གྲུབ་པའི་འཁོར་སྒྱུར་བདུད་འཇོམས་གླིང་པ་ཡི། །ཟབ་གཏེར་གསང་བའི་ཆོས་མཛོད་ཡིད་བཞིན་ནོར །ཀུན་བཟང་མིང་གིས་སྤར་དུ་བཏབ་སྤེལ་དགེས། །ཟབ་ཆོས་ཕྲིན་ལས་མི་ནུབ་རྟག་ཁྱབ་ཤོག ༈ པདྨའི་རིང་ལུགས་སྔ་འགྱུར་རྫོགས་པ་ཆེ། ངེས་དོན་སྙིང་པོའི་ཤིང་རྟ་བདུད་འཇོམས་གླིང་། །གང་གི་ཟབ་གཏེར་བསྟན་པ་སྲིད་མཐའི་བར། །མི་ནུབ་བཤད་དང་སྒྲུབ་པས་འཛིན་གྱུར་ཅིག །དགེའོ།། ད T11616 - 502