Tibetan
65 865 TI1601 - 602 ཝྃ།༔ ཟབ་གསང་མཁའ་འགྲོའི་སྙིང་ཐིག་ལས༔ རྩ་གསུམ་དྲིལ་སྒྲུབ་དངོས་གྲུབ་གཏེར་མཛོད་བཞུགས་སོ༔ TI1601 - 603 ཝྃ༔ ན་མོ་གུ་རུ་པདྨ་ཀ་ར་ཡེ༔ ས།བཾབྷས།བཾཨས། མ་འོངས་ལྔ་བརྒྱ་སྙིགས་མའི་དུས༔ པདྨ་བདག་གི་བརྒྱུད་འཛིན་རྣམས༔ ཐར་པ་དོན་དུ་གཉེར་འདོད་ཀྱང་༔ བརྩོན་འགྲུས་སྙིང་སྟོབས་ཆུང་བ་དང་༔ ལེ་ལོའི་དབང་དུ་གྱུར་པ་ཡིས༔ སྒྲུབ་ལ་ལོངས་མེད་རིགས་རྣམས་ལ༔ གདམས་པ་འདི་ནི་མཆོག་ཏུ་ཟབ༔ རྩ་གསུམ་རྒྱ་མཚོའི་དབང་ཐོབ་མཐར༔ ཉིན་རེ་བཞིན་དུ་སྒོ་གསུམ་ལྷར༔ མ་གསལ་བས་ནི་དམ་ཉམས་པས༔ ཉེས་ལྟུང་ཆེན་པོ་འབྱུང་འགྱུར་གྱིས༔ དེ་ཕྱིར་འདི་ལ་བརྩོན་པ་གནད༔ དང་པོ་སྐྱབས་འགྲོ་སེམས་བསྐྱེད་ལ༔ ན་མོ༔ བདག་དང་མཐའ་ཡས་སེམས་ཅན་ཀུན༔ རྩ་གསུམ་རྒྱ་མཚོའི་དཀྱིལ་འཁོར་ལ༔ རྣམ་གསུམ་དད་པས་T11601 - 604 ཏྭཝྃ།༔ སྐྱབས་སུ་མཆི༔ འགྲོ་བའི་དོན་དུ་བྱང་སེམས་བསྐྱེད༔ དེ་ནས་བགེགས་བསྐྲད་སྲུང་འཁོར་ནི༔ ཧཱུྃ༔ མ་རིག་གཉིས་འཛིན འཁྲུལ་པའི་བགེགས༔ ཡུལ་མེད་ཟང་ཐལ་ཆེན་པོར་ཕཊ༔ འཁོར་འདས་དག་མཉམ་རོལ་པ་ལ༔ བགེགས་དང་ལོག་འདྲེན་མིང་ཡང་མེད༔ ཛྙཱ་ན་ཙཀྲ་རཀྵ་ཧཱུྃ༔ དེ་ནས་བྱིན་དབབ་ཅིང་མཆོད་རྫས་བྱིན་བརླབ་ལ༔ ཧཱུྃ༔ སྐུ་གསུམ་ལྷུན་གྲུབ་གཞལ་ཡས་ནས༔ བཀོད་པ་རབ་འབྱམས་བྱིན་ཆེན ཕོབ༔ ཧཱུྃ༔ ཡུལ་དྲུག་སྣང་བ་འདོད་ཡོན་གཏེར༔ ཀུན་བཟང་མཆོད་པའི་སྤྲིན་དུ་སྤེལ༔ ཀཱ་ཡ་ཛྙཱ་ན་ཙཀྲ་ཨ་བེ་ཤ་ཡ་ཨ་ཨ༔ མ་ཧཱ་གྷ་ཎ་T11601 - 605 སརྦ་པཱུ་ཛ་ཧོཿ དེ་ནས་རྟེན་དང་བརྟེན་པའི་དཀྱིལ་འཁོར་གསལ་བ་ནི༔ ཨ༔ སྟོང་ཉིད་སྤྲོས་པའི་མཐའ་དང་བྲལ༔ ཀུན་ཁྱབ་ཡེ་ཤེས་ཆེན་པོར་བརྡལ༔ ཐབས་ཤེས་སྙིང་པོ་ཧཱུྃ་དུ་ཤར༔ སྐུ་ལྔ་ལྷུན་གྲུབ་ཞིང་ཁམས་སུ༔ ཡེ་ཤེས་ལྔ་ཡི་གཞལ་ཡས་ཁང་༔ ཚད་དང་མཚན་ཉིད་རྫོགས་པའི་དབུས༔ བྱོལ་སོང་གཙོ་བརྒྱད་ཀྱིས་བཏེགས་པའི༔ རིན་ཆེན་ཁྲི་སྟེང་པད་ཟླ་དང་༔ ཉི་སྟེང་བདུད་ཆེན་བསྣོལ་བའི་ཁྲིར༔ རིག་པ་ཧཱུྃ་གི་འཕྲོ་འདུ་ལས༔ དཔལ་ཆེན་རྡོ་རྗེ་གཞོན་ནུ་ནི༔ མཐིང་ནག་ཞལ་གསུམ་ཕྱག་དྲུག་པ༔ གཡས་དཀར་གཡོན་དམར་ཁྲོ་གཏུམ་རྔམས༔ ཞལ་གདངས་ལྗགས་འདྲིལ་མཆེ་བ་གཙིགས༔ སྤྱན་དགུ་སྡང་མིག་གཡོ་ཞིང་འཁྲུགས༔ ཁམ་ནག་དབུ་སྐྲ་གྱེན་དུ་བརྫེས༔ སྨ་ར་སྨིན་མར་མེ་སྟག་འཕྲོ༔ ཕྱག་དྲུག་གཡས་གཉིས་གསེར་རྡོ་རྗེ༔ རྩེ་དགུ་དང་ནི་རྩེ་ལྔ་ཕྱར༔ གཡོན་གཉིས་ཁ་_UNK་མེ་དཔུང་བསྣམས༔ མཐའ་གཉིས་རི་རབ་ཕུར་པ་འདྲིལ༔ ཞབས་བཞི་གྱད་ཀྱི་འདོར་སྟབས་
Chinese
瓦木！ 甚深秘密空行心髓中，三根本总集成就宝藏安住。
English
Vam! From the Profound Secret Dakini Heart Essence, The Treasure Trove of Accomplishments, the Three Roots Combined Sadhana, resides.