Tibetan
ལ་བ་དང་བསྒྲངས་པའི་ནང་དུ་ན་ལེ་ཤམ་དང་སྦྲང་རྩི་བཏབ་པ་བླུད་པའམ། ཡང་ན་སྐྱུ་རུ་རའི་ཕྱེ་མ་དང་འོ་མ་དང་བསྐོལ་བ་མར་དང་ལྡན་པ་བླུད་པའམ། ཡང་ན་བཅུད་ཀྱིས་ལེན་གྱི་སྐབས་སུ་པི་པི་ལིང་གི་ཆོ་ག་བསྟན་པ་བཞིན་དུ་སྦྱར་བར་བྱའོ། །ལུད་པ་ལུ་བ་དང༌། ཚིགས་དང་རུས་པར་ཟུག་ཅིང་ན་བ་ལ་ནི་སྦྲང་རྩི་དང༌། ཤིང་མངར་དང༌། ཤིང་ཏོག་མ་དུ་ཀ་དང༌། རྒུན་འབྲུམ་དང༌། ཏུ་ཀཤྐི་ར་ཞེས་བྱ་བའི་སྨྱིག་རྐང་དང༌། བ་ལ་དང༌། པི་པི་ལིང་དང་འདི་རྣམས་མར་དང་སྦྱར་བ་བྱིན་ན་ཕན་ནོ། །ཡང་ན་ཏྲི་ཛ་ཏྲ་ཞེས་བྱ་བ་དྲི་སྣ་གསུམ་ཞོ་རེ་རེ་དང༌། པི་པི་ལིང་སྲང་ཕྱེད་དང༌། ཁ་ར་དཀར་པོ་དང༌། ཤིང་ཏོག་མ་དུ་ཀ་དང༌། ཁར་ཛུ་ར་ཞེས་བྱ་བ་འབྲ་གོ་དང་འདི་རྣམས་ཞོ་རེ་རེ་ཞིབ་ཏུ་བཏགས་ལ་སྦྲང་རྩི་དང་རི་ལུ་བྱས་པ་ནི་སུག་སྨེལ་གྱི་རི་ལུ་ཞེས་བྱ་སྟེ། དེ་ལས་རན་པར་ཟོས་ན་རོ་ཙ་བར་བྱེད་དེ། ཁྲག་དང་མཁྲིས་པ་དང༌། ལུད་པ་དང༌། དབུགས་མི་བདེ་བ་དང༌། ཡི་ག་འཆུས་པ་དང༌། སྐྱུགས་པ་དང༌། བརྒྱལ་བ་དང༌། སྐྱིགས་བུ་དང༌། རྨོངས་པ་དང་མགོ་འཁོར་བ་དང༌། གློ་གཅོང་ཟད་བྱེད་ཀྱི་ནད་དང༌། གློ་འགྲམས་པའི་ནད་དང༌། སྐད་ཉམས་པ་དང༌། མཆིན་པ་ན་བ་དང༌། སྐེམ་བྱེད་ཀྱི་ནད་དང༌། དྲེག་དང༌། ལུད་པ་ཁྲག་ཏུ་འབྱུང་བ་དང༌། སྙིང་དང༌། རྩིབ་ལོགས་ན་བ་དང༌། སྐོམ་དད་ཆེ་བ་དང༌། རིམས་སྣ་ཚོགས་ལ་ཡང་ཕན་ནོ། །ལུད་པ་ཁྲག་ཏུ་འབྱུང་བ་ལ་ནི་བ་སྤྲུ་བ་མེ་ཏོག་དམར་པོ་ཅན་དང༌། ཤ་ཁ་ར་དང༌། འབྲས་ཐུག་པོ་ཆེ་དང༌། སཱ་ལུ་དམར་པོའི་ཕྱེ་མ་རྒུན་ཆུ་དང༌། འོ་མ་དང་ཆུ་བཞིན་དུ་བསྐོལ་བའི་ནང་དུ་མར་བཏབ་པ་བླུད་དོ། །ཡང་ན་ཤིང་མངར་དང༌། ཤིང་ཏོག་མ་དུ་ཀ་དང༌། འབྲས་ཐུག་པོ་ཆེ་དང༌། འོ་མར་སྦྱར་བའི་ཐུག་པ་བླུད་ན་ཕན་ནོ། །གློ་འགྲམས་ཏེ་ཁ་དང་སྣ་ལ་སོགས་པ་ལས་ཁྲག་མང་པོ་ལུད་པ་ལ་ནི་ཁྲག་དང༌། མཁྲིས་པའི་གསོ་བ་ཐམས་ཅད་བྱའོ། །གློ་འགྲམས་པའི་ལུད་པ་རླུང་གིས་ལམ་གཞན་དུ་སོང་སྟེ། ལུད་པ་མ་ཐོན་ཞིང་འགགས་པ་ལ་ནི། རའི་ཚིལ་རན་པར་བཞུས་ལ་ཆང་གི་ནང་དུ་རྒྱམ་ཚ་དང་ལྡན་པར་བྱས་ཏེ་བླུད་ན་ཕན་ནོ། །གློ་འགྲམས་པ་དང༌། ཉམས་སྟོབས་ཆུང་བ་དང་གློ་གཅོང་ཟད་བྱེད་དང༌། གཉིད་མི་འོང་བ་དང༌། མེ་དྲོད་རྣོ་ཆེས་པ་ལ་ནི་འོ་མ་བསྐོལ་ཏེ། སྦྲིས་མ་སྐ་བར་གྱུར་པའི་ནང་དུ་ཤ་ཁ་ར་དང་སྦྲང་རྩི་དང༌། མར་དང་སྦྱར་བའི་བཟའ་བ་སྦྱིན་ནོ། །ཡང་ན་ཁ་ར་ དང། ནས་དང༌། གྲོ་དང༌། ཛི་བ་ཀ་དང༌། ཟངས་རྩི་བ་དང༌། འདི་རྣམས་ཀྱི་ཕྱེ་མ་སྦྲང་རྩི་དང་སྦྱར་བའི་ལྡེ་གུའམ་འོ་མ་སྦྱར་བའི་ཐུག་པ་སྦྱིན་ནོ། །ཁྲག་དང་ཤ་ཟད་པའི་ནད་ལ་ནི་སྲོག་ཆགས་ཤ་ཟའི་ཤ་བསྐོལ་བའི་ཁུ་བའི་ནང་མར་ཁུ་དང༌། སྦྲང་རྩི་དང་པི་པི་ལིང་སྦྱར་བ་ཟོས་ན་ཤ་ཁྲག་སྐྱེ་བར་བྱེད་དོ། །གློ་འགྲམས་པ་དང༌། གློ་གཅོང་ཟད་བྱེད་དང༌། ས་བོན་དང༌། དབང་པོ་རྣམས་ཉམས་པ་ལ་ནི། ནྱ་གྲོ་དྷ་དང༌། ཨུ་དུམྦཱ་ར་དང༌། ཤིང་ཨ་ཤྭདྠ་དང༌། པླག་ཤ་དང༌། ཤིང་སཱ་ལ་དང༌། གནྡྷ་པྲི་ཡང་ཀུ་དང༌། ཤིང་ཏ་ལའི་རྩེ་མོ་དང༌། ཤིང་འཛམ་བུའི་ཤུན་པ་དང༌། ཤིང་པི་ཡ་ལི་དང༌། ཤུག་པ་དང༌། ཤིང་ཨ་ཤྭ་ཀརྣ་དང༌། འདི་རྣམས་འོ་མ་དང་ལྷན་ཅིག་བསྐོལ་བའི་ཁུ་བ་དང༌། མར་དང་འབྲས་ཆན་དང་བཅས་པ་ཟོས་ན་ཕན་ནོ། །རླུང་དང་མཁྲིས་པ་ལས་གྱུར་པའི་གློ་འགྲམས་པའི་ནད་བཙུགས་པ་ལྟར་ན་བ་ལ་ནི་ལུས་ལ་མར་གྱིས་བསྐུ་བྱུག་བྱའོ། །རླུང་ལས་གྱུར་པའི་གློ་འགྲམས་ཤིང་བཙུགས་པ་སྙམ་བྱེད་པའི་ནད་ལ་ནི། རླུང་འཇོམས་པའི་སྨན་སྣ་ཚོགས་དང༌། ཏིལ་མར་དུ་སྦྱར་བས་བསྐུ་བྱུག་བྱའོ། །སྙིང་དང་རྩིབ་ལོགས་སུ་ཟུག་པའི་ནད་ལ་ནི་སྨན་འཚོ་བྱེད་སྣ་བཅུ་བསྐོལ་བའི་ཁུ་བ་མར་དང་ཡང་བསྐོལ་ལ། མར་འབའ་ཞིག་ལུས་པ་བླུད་དོ། །ཡང་ན་སྙིང་དང་རྩིབ་ལོགས་སུ་ཟུག་པ་ན་རླུང་དང་མཁྲིས་པ་དང་ཁྲག་གང་ལས་གྱུར་པ་ལེགས་པར་བརྟགས་ཏེ། སོ་སོ་དང་མཐུན་པའི་སྨན་གཏང་བར་བྱའོ། །ཤིང་མངར་དང༌། ན་ག་བ་ལ་དང༌། འདི་གཉིས་བསྐོལ་བའི་ཁུ་བའི་བཞི་ཆ་ལུས་པའི་ནང་དུ་སྨན་ཁུའི་ཕྱེད་ཀྱི་མར་དང་དེ་དང་མཉམ་པའི་འོ་མ་བཏབ་པ་དང༌། པ་ཡ་སྱ་དང༌། པི་པི་ལིང་སྨྱིག་རྐང་དང༌། འདི་རྣམས་ཆམ་ཆོམ་བརྡུངས་ཏེ། ལྷན་ཅིག་བསྐོལ་ལ་མར་འབའ་ཞིག་ལུས་པ་དང༌། དེ་ལས་རན་པར་འཐུངས་ན་གློ་འགྲམས་པའི་ནད་ཞི་བར་བྱེད་དོ། །སྨན་ཛི་བན་ཏིའི་སྡེ་ཚན་བཅའ་སྒ་དང༌། ཉེའུ་ཤིང་དང༌། བི་ར་ཞེས་བྱ་བ་རམ་ཉེ་བ་དང༌། བ་སྤྲུ་བ་རྣམ་ གཉིས་དང༌། ག་བྲའི་རྩ་བ་དང༌། རི་དི་དང༌། ཁ་སྲལ་ཕྲེའུ་དང༌། ཟུར་པ་དང༌། ཏ་མ་ལ་ཀ་དང༌། ཤིང་ག་ཏྲ་ཀ་དང༌། པ་ཡ་སྱ་དང༌། རྩ་བ་ཆུང་དུ་ལྔ་དང༌། རྒུན་འབྲུམ་དང༌། ཨ་ཤོ་ཞེས་བྱ་བ་སྟར་ག་ལ་སོགས་པའི་འབྲས་བུ་མངར་ཞིང་སྣུམ་པ་དང༌། ཉམས་སྟོབས་སྐྱེད་པའི་སྨན་དེ་རྣམས་ཞོ་གཉིས་ཞིབ་ཏུ་བཏགས་པའི་ཕྱེ་མ་མར་སྲང་སུམ་ཅུ་རྩ་གཉིས་དང༌། འོ་མ་དང༌། སྐྱུ་རུ་ར་བཙིར་བའི་ཁུ་བ་དང༌། བི་ད་རི་བཙིར་བའི་ཁུ་བ་དང༌། ར་ཤ་འདི་བཞི་སྲང་སུམ་ཅུ་རྩ་གཉིས་གཉིས་དང་ཆུ་སྲང་བརྒྱ་དྲུག་ཅུ་དང༌། འདི་རྣམས་ཚུལ་བཞིན་དུ་བསྐོལ་ཏེ། མར་འབའ་ཞིག་ལུས་པ་བསྒྲངས་པའི་ནང་དུ་སྦྲང་རྩི་སྲང་བཅུ་དྲུག་དང༌། ཤ་ཁ་ར་སྲང་བཅུ་དྲུག་གི་ཕྱེ་མ་དང༌། ན་ལེ་ཤམ་དང༌། སུག་སྨེལ་དང༌། ཤིང་ཚ་དང༌། གནྡྷ་པ་ཏྲ་དང༌། ནཱ་ག་གེ་སར་དང༌། འདི་ལྔ་སྲང་ཕྱེད་ཕྱེད་ཀྱི་ཕྱེ་མ་དང༌། འདི་རྣམས་དང་ལྡེ་གུར་བྱས་ཏེ། དེ་ལས་འཇུ་སྟོབས་ཆེ་ཆུང་དང་སྦྱར་ཏེ་བསྟེན་ན་ཇི་ལྟར་ལྷ་རྣམས་དང༌། ཀླུའི་མཆོག་རྣམས་ལ་བདུད་རྩི་བསྟེན་ན་མི་འཆི་བ་བཞིན་དུ་སྨན་མར་འདི་ཡང་སྔོན་གྱི་དྲང་སྲོང་ཆེན་པོ་རྣམས་ཀྱིས་མི་རྣམས་ལ་བདུད་རྩི་དང་འདྲ་བར་བཤད་དེ། དེ་ལས་ཅི་རན་པར་འཐུངས་ན། ས་བོན་ཉམས་པ་དང༌། གློ་གཅོང་དང༌། གློ་འགྲམས་པ་དང༌། ནད་མ་རུངས་པ་རྣམས་ཀྱིས་ལུས་ཉམ་ཆུང་བ་དང༌། ཉལ་པོ་མི་ནུས་པ་དང༌། མདོག་དང་སྐད་ཉམས་པ་འཕེལ་བ་དང༌། ལུད་པ་དང༌། སྐྱིགས་བུ་དང༌། རིམས་དང༌། དབུགས་མི་བདེ་བ་དང༌། ལུས་ཚ་བ་དང༌། སྐོམ་དད་ཆེ་བ་དང༌། ཁྲག་དང་མཁྲིས་པ་སེལ་བར་བྱེད་དོ། །གཞན་ཡང་བུ་བཟང་པོ་སྟེར་བ་དང༌། སྐྱུགས་པ་དང༌། བརྒྱལ་བ་དང༌། སྙིང་ན་བ་དང༌། མངལ་ན་བ་དང༌། གཅིན་ནད་ལ་སོགས་པའི་ནད་ཐམས་ཅད་སེལ་བར་བྱེད་དོ། །གཟེ་མ་དང༌། པུ་ཤེལ་ཙེ་དང༌། བཙོད་དང༌། བ་ལ་དང༌། ཀ་མ་ལི་ཞེས་བྱ་བ་ཏང་པ་ལ་དང༌། བྷུ་ཏི་ཀ་དང༌། རྩྭ་དཱུར་བའི་རྩ་བ་དང༌། ཀྲྀཥྞ་པརྞི་དང༌། པ་ལ་ཤའི་རྩ་བ་ དང། ཐལ་ཏྲེས་དང༌། ས་ལ་པརྞི་དང༌། སྨན་དེ་རྣམས་སྲང་རེ་རེ་དང༌། ཆུ་སྲང་བརྒྱ་བདུན་ཅུ་རྩ་དྲུག་དང་བསྐོལ་ཏེ། ཁུ་བ་སྲང་བཞི་བཅུ་རྩ་བཞི་ལུས་པའི་ནང་དུ་མར་སྲང་སུམ་ཅུ་རྩ་གཉིས་དང་བའི་འོ་མ་སྲང་བརྒྱ་བདུན་ཅུ་རྩ་དྲུག་གི་ནང་དུ། ཨད་མ་ཀུབ་ཏ་དང༌། ཛི་བན་ཏི་དང༌། མེད་རྣམ་གཉིས་དང༌། ཟངས་རྩི་བ་དང༌། ཛི་བ་ཀ་དང༌། རིད་དྷི་ཀ་དང༌། རྒུན་འབྲུམ་རྣམ་གཉིས་དང༌། ཤ་ཁ་ར་དང༌། སྲ་མ་ན་དང༌། པདྨའི་རྩ་བ་དང༌། འདི་རྣམས་ཞོ་དྲུག་ཆམ་ཆོམ་བརྡུངས་ཏེ་ལྷན་ཅིག་བསྐོལ་ཏེ། མར་སྲང་སུམ་ཅུ་རྩ་གཉིས་ལུས་པ་དང་དེ་ལས་རན་པར་འཐུངས་ན། རླུང་དང་མཁྲིས་པ་དང༌། སྙིང་འཛག་ཅིང་ན་བ་ལ་ཕན་ནོ། །གཞན་ཡང་གཅིན་སྲི་བ་དང༌། གཅིན་ནད་དང༌། གཞང་འབྲུམ་དང༌། ལུད་པ་དང༌། ལུས་སྐེམ་པ་དང༌། ཟད་བྱེད་རྣམས་ལ་ཕན་ཞིང་གཞུ་འདྲེན་པས་དུབ་པ་དང༌། བུད་མེད་ཀྱིས་དུབ་པ་དང༌། ཁུར་ཆེན་པོས་དུབ་པ་དང༌། ཆང་གིས་དུབ་པ་དང༌། ལམ་གྱིས་དུབ་པ་རྣམས་ལ་ཕན་ཏེ་སྟོབས་དང་ཤ་སྐྱེད་པར་བྱེད་དོ། །ཤིང་མངར་སྲང་བརྒྱད་དང༌། རྒུན་འབྲུ་སྲང་བཅུ་དྲུག་དང༌། ཆུ་སྲང་སུམ་བརྒྱ་བརྒྱད་ཅུ་རྩ་དྲུག་དང་བསྐོལ་ཏེ། སྲང་དགུ་བཅུ་རྩ་བདུན་ལུས་པའི་ཁུ་བའི་ནང་དུ་མར་སྲང་སུམ་ཅུ་རྩ་གཉིས་དང་ཡང་ཚུལ་བཞིན་དུ་བསྐོལ་ཏེ། མར་ཉི་ཚེ་ལུས་པའི་ནང་དུ། པི་པི་ལིང་སྲང་བརྒྱད་དང༌། ནས་ཀྱི་ཕྱེ་སྲང་ཉི་ཤུ་རྩ་གཉིས་དང༌། ཤ་ཁ་ར་དང༌། སྦྲང་རྩི་སྲང་བརྒྱད་བརྒྱད་ཞིབ་ཏུ་བཏགས་པའི་ཕྱེ་མས་བཏབ་སྟེ་འདག་གུར་བྱས་ནས་དེ་ལས་རན་པར་ཟོས་ན། གློ་གཅོད་ཟད་བྱེད་དང༌། གློ་འགྲམས་པ་དང༌། ཁྲག་སྐྲན་དང༌། དེ་རྣམས་ལ་ཕན་ནོ། །ཡང་ན་ད་དྲི་ཞེས་བྱ་བ་སྐྱུ་རུ་རའི་འབྲས་བུ་དང༌། བི་ད་རི་དང༌། བུ་རམ་ཤིང་དང། སྨན་འཚོ་བྱེད་སྣ་བཅུ་དང༌། འདི་རྣམས་སྲང་སུམ་ཅུ་རྩ་གཉིས་གཉིས་དང་བསྐོལ་བའི་ཁུ་བའི་ནང་དུ་མར་དང༌། བའི་འོ་མ་བྲེ་རེ་རེ་དང་འདི་རྣམས་ལྷན་ཅིག་བསྐོལ་ཏེ། མར་འབའ་ཞིག་ལུས་པ་དང༌། ཕྱིར་ཕྱུང་སྟེ་བཙགས་ལ་བསྒྲངས་པའི་ནང་དུ་ཁ་ར་ དཀར་པོ་དང༌། སྦྲང་རྩི་བྲེ་རེ་རེ་བཏབ་སྟེ་དེ་ལས་རན་པར་འཐུངས་ན། གཅོང་ཆེན་པོའི་ནད་དང༌། མཁྲིས་པ་དང༌། ཁྲག་དང༌། ལུད་པ་དང༌། སྐེམ་བྱེད་དང༌། ཟད་བྱེད་རྣམས་ལ་ཕན་ཏེ། །གཞན་ཡང་ཚེ་རིང་བ་དང༌། ན་ཚོད་བརྟན་པ་དང། ཤ་དང༌། ཁུ་ཆུ་དང༌། སྟོབས་འཕེལ་བར་བྱེད་དོ། །གཞན་ཡང་སྨན་གྱི་ལྡེ་གུ་དེ་ནི་རླུང་དང་མཁྲིས་པའི་ཤས་ཆེ་བ་ཡིན་ན་ཡང་སྨན་མར་ཉུང་དུས་ཞི་བར་བྱེད་ཅིང་ཟིལ་གྱིས་གནོན་པར་འགྱུར་རོ། །གོང་དུ་བཤད་པའི་སྨན་མར་གསུམ་པོ་སུག་སྨེལ་གྱི་སྨན་མར་དང༌། བདུད་རྩིའི་སྨན་མར་དང༌། སྐྱུ་རུ་རའི་སྨན་མར་འདི་གསུམ་གྱི་ཕན་ཡོན་གྱི་དམིགས་ནི་ལུས་ཉམ་ཆུང་བ་དང༌། རིད་པ་དང༌། ཟད་བྱེད་རྣམས་ལ་ཕན་ནོ། །གཞན་ཡང་ཟད་བྱེད་དང༌། ཉམ་ཆུང་བ་དང༌། རིད་པ་རྣམས་ལ་ནི་ཅུ་གང་དང༌། པི་པི་ལིང་དང༌། འབྲས་ཡོས་རྣམས་བཏགས་པའི་ཕྱེ་མ་མར་དང་སྦྲང་རྩི་དང་སྦྱར་བའི་ལྡེ་གུ་བྱིན་ན་ཕན་ནོ། །དེའི་འོག་ཏུ་མར་དང་བུ་རམ་སྦྱར་བའི་བཏུང་བ་བླུད་ན། རོ་ཙ་བར་བྱེད་ཅིང་བུད་མེད་ལ་ཕོད་པ་དང༌། ཉམས་སྟོབས་དང་ལྡན་ཞིང་ལུས་མྱུར་དུ་རྒྱས་པར་བྱེད་དོ། །ཡང་ན་ཀུ་སྨན་དའི་ཕྱི་ཤུན་དང༌། སྙིང་པོ་བོར་བའི་ལྷག་མ་སྲང་བརྒྱ་རླངས་པའི་ནང་དུ་བཙོས་ཏེ། ཚོས་པ་དང་ཕྱིར་ཕྱུང་ལ། མར་སྲང་སུམ་ཅུ་རྩ་གཉིས་ཀྱི་ནང་དུ་ཡང་བསྐོལ་ལ་དཀྲུག་ཅིང་སྦྲང་རྩི་དང་འདྲ་བར་གྱུར་པ་དང༌། དེའི་ནང་དུ་ཧྭགས་སྲང་བརྒྱད་དང༌། པི་པི་ལིང་དང། བཅའ་སྒ་དང༌། ཐ་ཝེ་དང༌། འདི་གསུམ་སྲང་གསུམ་གསུམ་དང༌། དྲི་སྣ་གསུམ་དང༌། དྷ་རྣ་ཡང་ཞེས་བྱ་བ་འུ་སུ་དང༌། ན་ལེ་ཤམ་འདི་རྣམས་སྲང་ཕྱེད་ཕྱེད་ཀྱི་ཕྱེ་མས་བཏབ་ལ་ཕྱིར་ཕྱུང་སྟེ། སྣོད་སྣུམ་ཅན་གྱི་ནང་དུ་བཅུག་ལ་བསྒྲངས་ཏེ། སྦྲང་རྩི་སྲང་བཅུ་དྲུག་དང་བསྲེས་ལ་དཀྲུགས་ཏེ། ལྡེ་གུ་སྣོད་ཀྱི་ནང་དུ་བཞག་པ་ནི་ལྷའི་སྨན་པ་ཐ་སྐར་གྱི་བུ་གཉིས་ཀྱིས་བཤད་པ། ཀུ་སྨན་ད་ཞེས་བྱ་བའི་བཅུད་ཀྱིས་ལེན་ཡིན་ཏེ། དེ་ལས་རན་པར་ཟོས་ན། ལུད་པ་དང༌། སྐྱིགས་བུ་དང༌། རིམས་དང༌། དབུགས་ མི་བདེ་བ་དང༌། ཁྲག་དང༌། མཁྲིས་པ་དང༌། གློ་གཅོང་ཟད་བྱེད་དང༌། གློ་འགྲམས་པ་སེལ་ཏོ། །བློ་དང༌། དྲན་པ་དང༌། སྟོབས་སྐྱེད་པར་བྱེད་དོ། །མ་ཧཱ་བ་ལ་ཞོ་གཅིག་འོ་མ་དང༌། ཤ་སྦྱར་བ་དང་པོའི་ཞག་ལ་ཞོ་གཅིག་བཟའོ། །དེ་ནས་ཞག་བརྒྱད་ཀྱི་བར་དུ་ཞོ་རེ་རེས་བསྐྱེད་དེ། སྲང་གཅིག་ཏུ་གྱུར་པ་དང༌། དེ་ལ་ཞག་བརྒྱད་ཀྱི་བར་དུ་ཞོ་རེ་རེས་མར་ཕྲི་ལ། དེ་ནས་ཞག་དྲུག་གི་བར་དུ་ཞོ་རེ་རེས་ཡར་བསྐྱེད་དོ། །དེ་ལྟར་ཞག་ཉི་ཤུ་རྩ་གཉིས་ཀྱི་བར་དུ་ཆོ་ག་དེ་ལྟར་བྱས་ཏེ། ཁ་ཟས་གཞན་མི་བཟའ་བར་སྦྱོར་བ་དེ་དག་བྱས་ན། ལུས་ཀྱི་ཉམས་སྟོབས་དང་ཚེ་དང་མདོག་གསལ་བར་བྱེད་པའི་མཆོག་ཡིན་ནོ། །ཡང་ན་མུངྒ་པརྞིའི་ལོ་མའམ། ཤིང་མངར་རམ། བཅའ་སྒ་འདི་གསུམ་གང་ཡང་རུང་བའི་ཆོ་ག་གོང་མ་ལྟར་བྱས་ན་ཕན་ཡོན་ཡང་གོང་མ་དང་འདྲ་བར་ཤེས་པར་བྱའོ། །མ་ཧཱ་བ་ལ་སྲང་བརྒྱད་ཆུ་སྲང་བརྒྱ་ལྔ་བཅུ་རྩ་གཉིས་ཀྱི་ནང་དུ་བསྐོལ་ཏེ། ཁུ་བ་བཞི་ཆ་ལུས་པ་དང༌། དེའི་ནང་དུ་ཁུ་བ་དང་མཉམ་པའི་མར་དང༌། དེ་དང་མཉམ་པའི་འོ་མ་དང༌། བ་ལ་དང༌། ཨ་ཏི་བ་ལ་དང༌། ཤིང་མངར་དང༌། བ་སྦྲུ་བ་དང༌། པྲ་པུཎྜ་རཱི་ཀ་དང༌། ཏང་པ་ལ་དང༌། པི་ལ་ཡ་དང༌། ཁ་སྲལ་ཕྲེའུ་དང༌། ཨ་ཤྭ་གནྡྷ་དང༌། ཁ་ར་དཀར་པོ་དང༌། ཟངས་རྩི་བ་དང༌། མེ་ད་རྣམ་གཉིས་དང༌། གཟེམ་དང༌། རམ་ཉེ་བ་རྣམ་གཉིས་དང༌། པ་ཡ་སྱ་དང༌། ཟི་ར་རྣམ་གཉིས་དང༌། པདྨའི་རྩ་བ་དང༌། པདྨའི་རྩ་ལག་དང༌། འབྲ་གོ་དང༌། ཤྲིང་ག་ཏ་ཀ་དང༌། ཀ་ཤེ་རུ་ཀ་དང༌། འདི་རྣམས་སྲང་ཕྱེད་ཕྱེད་ཆམ་ཆོམ་བརྡུངས་ཏེ་བསྲེས་ལ་ལྷན་ཅིག་བསྐོལ་ཏེ། མར་འབའ་ཞིག་ལུས་པ་ནི་མ་ཧཱ་བ་ལའི་མར་ཞེས་བྱ་སྟེ། དེ་ལས་རན་པར་འཐུངས་ན། ཁྲག་དང༌། མཁྲིས་པ་དང༌། གློ་གཅོང་ཟད་བྱེད་དང༌། གློ་འགྲམས་པ་ལས་རྒྱལ་བར་བྱེད་དོ། །དེ་བཞིན་དུ་སྐོམ་དད་ཆེ་བ་དང༌། མགོ་འཁོར་བ་དང༌། ལུས་ཚ་བ་དང༌། ལུས་ཤ་རྒྱས་ཤིང་ཉམས་སྟོབས་འཕེལ་བའི་མཆོག་ཡིན་ནོ། །གཞན་ཡང་ཚེ་རིང་བར་འགྱུར་བ་དང༌།
Chinese
在石榴汁中加入蜂糖服用，或者服用含有牛奶、酥油煮沸的余甘子粉末，或者如滋补时所说的那样，加入荜茇一起调配。对于吐痰，以及关节和骨头刺痛，可以给予蜂蜜、甘草、印度醋栗、葡萄、名为“杜格西革拉”的芦苇、婆罗树和荜茇，与酥油混合后服用，会有益处。或者，将三种香料（各一份）、荜茇（半两）、白砂糖、印度醋栗和枣椰（各一份）研磨成粉末，加入蜂蜜和苏克美尔的粉末（即苏克美尔的粉末），适量食用，可以增进食欲。它对血液和胆汁、痰液、呼吸不畅、食欲不振、呕吐、昏厥、呃逆、神志不清、头晕、肺结核消耗性疾病、胸膜炎、声音嘶哑、肝病、消瘦病、嗳气、咯血、心脏和肋骨疼痛、口渴以及各种发烧也有益处。对于咯血，可以服用红色花朵的婆罗树、肉砂糖、大米粥、红稻米粉末，加入葡萄汁，像牛奶和水一样煮沸，加入酥油服用。或者，服用甘草、印度醋栗、大米粥，与牛奶混合的粥，会有益处。对于胸膜炎，从口鼻等处大量咯血，应采取所有治疗血液和胆汁的方法。胸膜炎的痰液因风而转移到其他途径，导致痰液无法排出而阻塞时，将适量的羊油融化，加入酒中，加入岩盐服用，会有益处。对于胸膜炎、体质虚弱、肺结核消耗性疾病、失眠和火热过盛，将牛奶煮沸，在浓稠的酸奶中加入肉砂糖、蜂蜜和酥油混合的食物。或者，砂糖、大麦、小麦、耆婆迦、铜锈等。
English
In pomegranate juice, add honey and administer, or administer a mixture containing milk, ghee, and boiled emblic myrobalan powder, or as mentioned during tonics, combine with long pepper. For spitting and stabbing pain in the joints and bones, give honey, licorice, Indian gooseberry, grapes, reeds called "Tugkshikira," bala, and long pepper, mixed with ghee, it will be beneficial. Alternatively, grind three spices (one portion each), long pepper (half a srang), white sugar, Indian gooseberry, and dates (one portion each) into a powder, add honey and Sukhmel's powder (i.e., Sukhmel's powder), and consume appropriately to improve appetite. It is also beneficial for blood and bile, phlegm, difficulty breathing, loss of appetite, vomiting, fainting, hiccups, confusion, dizziness, consumption, pleurisy, hoarseness, liver disease, emaciation, belching, hemoptysis, heart and rib pain, excessive thirst, and various fevers. For hemoptysis, administer red-flowered banyan tree, meat sugar, rice porridge, red rice flour, grape juice, boiled like milk and water, with ghee added. Alternatively, administering porridge mixed with licorice, Indian gooseberry, rice porridge, and milk will be beneficial. For pleurisy with heavy hemoptysis from the mouth and nose, all treatments for blood and bile should be administered. If the phlegm of pleurisy is diverted by wind to other pathways, causing the phlegm to be blocked and unable to be expelled, melt an appropriate amount of sheep fat, add it to alcohol, add rock salt, and administer, it will be beneficial. For pleurisy, weakness, consumption, insomnia, and excessive heat, boil milk, and in thick yogurt, add food mixed with meat sugar, honey, and ghee. Alternatively, sugar, barley, wheat, Jivaka, copper rust, etc.
Chinese
将炒面与蜂蜜混合制成面团，或给予与牛奶混合的粥。对于血液和肉耗尽的疾病，食用煮熟的动物肉汤，加入黄油、蜂蜜和荜茇，可以促进肉和血液的生长。对于胸膜炎、肺结核消耗、种子和感官衰退，可以使用榕树、聚果榕、菩提树、朴树、娑罗树、 গন্ধপ্রিয়ংকু (Gandhapriyangu)、棕榈树顶端、爪哇李树皮、槟榔、刺柏和 阿湿波罗迦 (Ashvakarna)树。将这些与牛奶一起煮沸的汁液，与黄油和大米一起食用，有益。如果因风和胆汁引起的胸膜炎疾病像被刺伤一样，则应在身体上涂抹黄油。对于因风引起的胸膜炎，感觉像被刺伤一样的疾病，应使用各种消除风的药物，并用芝麻油混合涂抹。对于心脏和肋骨疼痛的疾病，将十种生命维持药物煮沸的汁液与黄油一起再煮沸，然后只喂食剩余的黄油。或者，如果心脏和肋骨疼痛，应仔细检查是由风、胆汁还是血液引起的，并给予适合每种情况的药物。将 甜木 (Shingmngar) 和 那伽婆罗 (Nagabala) 两种药物煮沸，在剩余四分之一的汁液中加入一半药汁的黄油和等量的牛奶，以及 帕亚斯亚 (Payasya) 和 荜茇藤 (Pippali smyig rkang)，将这些捣碎，一起煮沸，只留下黄油，适量饮用，可以缓解胸膜炎疾病。药物 吉瓦提 (Jivanti) 组，姜黄、 纽辛 (Nyushing)、 毗罗 (Bira) 即 罗摩尼 (Ramani)、 两种 婆斯普鲁瓦 (Baspruva)、 嘎布拉 (Gabra) 的根、 瑞迪 (Ridi)、 卡萨拉普雷乌 (Kasarapreu)、 祖尔巴 (Zurpa)、 塔玛拉卡 (Tamalaka)、 辛嘎特拉卡 (Shinggatrak)、 帕亚斯亚 (Payasya)、 五小根、 葡萄和 阿说迦 (Ashoka)，即 斯塔尔嘎 (Starga) 等甜而油腻的果实，以及增强活力和力量的药物，将这些药物各两勺磨成细粉，与三十二两黄油、牛奶、余甘子榨出的汁液、 毗达里 (Vidari) 榨出的汁液和羊肉这四种汁液各三十二两，以及一百六十两水混合。