Tibetan
་ལ་བལྟས་ནས་བདག་ནི་འཕགས་པའི་སྲས་ཀྱིས་སྲིང་མོ་རྣམས་ཀྱི་དབུས་ན་གནས་པ་གཟུང་བར་བྱ་ཞེས་ཟེར་རོ། །འབངས་མོ་དེས་ཀྱང་བྱང་ཆུབ་སེམས་དཔའ་ལ་དེ་ལྟར་སྨྲ་བར་བྱའོ། །དེ་ནས་ནོར་བཟངས་ཡིད་དགའ་བ་མི་འམ་ཅིའི་བདག་པོས་ཡང་དག་པར་བོས་པ་དེ་དང་དེར་ཉེ་བར་འོངས་ཏེ། ལང་ཚོ་དང་གཟུགས་དང༌། རྒྱན་མཉམ་པར་དེ་རྣམས་གློག་ལྟར་སྣང་བར་གྱུར་པའི་མི་འམ་ཅི་མོ་རྣམས་མཐོང་བར་གྱུར་ཏོ། །དེ་ནས་ལྗོན་པས་གཞོན་ནུ་དེ་ལ་སྨྲས་པ། གང་ཞིག་ཁྱེད་ཀྱིས་མཛའ་མོ་དེ་ཟུང་ཅིག་ཅེས་ཟེར་ཏེ། དེ་ནས་རྐང་པ་གཉིས་ཀྱིས་གསལ་བར་བྱས་པ་དེས། །གསལ་ཞིང་འོད་དང་ལྡན་པའི་སྐྱོད་པའི་རྐང་གདུབ་ཀྱིས། །ས་ལ་རྣམ་པར་འབྲེལ་པས་ལྟ་བའི་ཡིད་འཕྲོག་མ། །ངོ་ཚེའི་གདོང་ཅན་ལག་པའི་རྩེ་མོས་བཟུང་བར་གྱུར། །དེ་ནས་ལྗོན་པ་སྙིང་དགའ་བས་ནོར་བཟངས་ལ་སྨྲས་པ། ཚེ་དང་ལྡན་པས་བར་ཆད་མེད་པར་བདག་གི་བཀའ་རྣམས་ཐམས་ཅད་བསྒྲུབས་ཏེ། དེ་བས་ན་ཡིད་འཕྲོག་མ་འདི་ཁྱོད་ཀྱིས་ལྷན་ཅིག་ཆོས་སྤྱོད་མ་སོ་སོར་བཟུང་བར་མཛོད་ཅིག །གཞན་ཡང༌། གང་ཕྱིར་སྔོན་དུ་འཇམ་པའི་ལུས་ཅན་ཁྱོད་ནི་ངལ་བྱས་པ། །མངོན་པར་འོངས་པ་བརྩེ་བ་བྲལ་བ་བདག་གིས་དོན་མེད་ཁྱོད། །དེ་ནི་གཞོན་ནུ་དུལ་བའི་ངོ་བོ་བཟོད་པར་འོས་པ་སྟེ། །གང་ཞིག་བླ་མའི་སྐྱེ་བོ་མཁས་རྣམས་བཟོད་མིན་དེ་ནི་ཅི། །ནོར་བཟངས་ཀྱིས་སྨྲས་པ། འོ་ན་བླ་མ་རྣམས་ཀྱིས་བཀའ་རབ་ཏུ་སྦྱིན་པས་བདག་ནི་རྗེས་སུ་འཛིན་པ་སྟེ། ལྕི་བའི་སེམས་ལྡན་བླ་མ་རྣམས། །གང་ཞིག་ཉིད་ནི་བྱ་བ་སྟེ། །བཀའ་ནི་རབ་སྦྱིན་མཁས་པ་ཉིད། །དེ་རྣམས་ལས་ནི་དེ་ཉིད་སྐྱེ། །དེ་ནས་ལྷའི་གཞོན་ནུ་ལྷའི་བུ་མོ་དང་ལྷན་ཅིག་པ་འདྲ་བར་མིའམ་ཅི་མོ་དེ་དང་ལྷན་ཅིག་ལྗོན་པའི་ཕོ་བྲང་དུ་ དུས་ཅུང་ཟད་ཅིག་གནས་ཏེ། བྱང་ཆུབ་སེམས་དཔས་མི་འམ་ཅིའི་བདག་པོ་ལ་སྨྲས་པ། ལྷ་ལགས་གལ་ཏེ་བཀའ་དྲིན་ཡོད་ན། དེ་ནས་ཡིད་འཕྲོག་མ་དང་ལྷན་ཅིག་ཏུ་ཡབ་ཀྱི་ཕོ་བྲང་དུ་འགྲོ་བར་བགྱིའོ་ཞེས་ཟེར་རོ། །དེ་ནས་ལྗོན་པས་ཅི་ལྟར་གཞོན་ནུ་འདོད་པ་དེ་ལྟར་བྱའོ་ཞེས་སྨྲས་ནས། བུ་མོ་རྣམས་ལ་སྨྲས་པ། བུ་མོ་རྣམས་སོང་ལ་གྱོས་པོའི་རིགས་ལ་མངོན་པར་འཇུག་པའི་ཡིད་འཕྲོག་མ་བརྒྱན་པར་མཛོད་ཅིག་ཅེས་ཟེར་རོ། །དེ་རྣམས་ཀྱིས་ཀྱང་དེ་ལྟར་བགྱིའོ་ཞེས་བྱ་བ་སོ་སོར་མཉན་ནས། སྲིང་མོ་ཁྱོ་པོ་ཡོན་ཏན་མཐོང་དང་ལྷན་ཅིག་ཏུ། །གྱོས་པོའི་རིགས་ལ་ཁྱེད་ནི་དེ་རིང་འགྲོ་འགྱུར་ཏེ། །སྲིང་མོ་དེ་ལྟར་མཆི་མ་དང་བཅས་མིག་རྣམས་ཀྱིས། །ཆོ་ག་བཞིན་དུ་མིའམ་ཅི་མོ་དེ་བརྒྱན་གྱུར། །བདག་ཅག་གིས་ནི་བརྒྱན་བྱ་མིན། །རང་གི་མཛེས་པས་འདི་བརྒྱན་པ། །དེ་ལྟར་རྒྱན་རྣམས་འདི་ཡི་ནི། །ལུས་ལ་ངོ་ཚར་བཅས་ལྟར་གནས། །དེ་ནས་ཡིད་འཕྲོག་མ་རྒྱན་རྫོགས་པ། སྲིང་མོ་རྣམས་ཀྱིས་རྗེས་སུ་འགྲོ་བར་གྱུར་པས་དུལ་བ་དང་བཅས་པས་ཉེ་བར་འོངས་ཏེ། ཡུན་རིང་ཕྱག་རྣམས་དཔག་མེད་བཞིན་གྱི་ཆུ་སྐྱེས་ཅན། །མཆི་མ་དང་བཅས་ཉེ་བར་སྐྱེ་བོས་རྣམ་བལྟས་པ། །ཕ་དང་མ་ཡིས་མཆི་མ་དང་བཅས་མིག་ལྡན་པ། །སྐད་ཅིག་རྐང་པ་མཆི་མའི་ཐིགས་པ་རྣམས་ཀྱིས་སྤངས། །ཁྱེད་ནི་མེད་པར་བདག་ནི་བརྟེན་པ་མི་འཐོབ་སྟེ། །བུ་མོ་ནམ་ཞིག་ཚེ་ན་སླར་ཡང་འོངས་པར་འགྱུར། །དེ་ལྟར་རྗོད་པར་བྱེད་ཅིང་མས་ནི་ཡིད་འཕྲོག་མ། །སྐད་ཅིག་ཏུ་ནི་ཀུན་ནས་བརྟེན་ཏེ་ནུས་མིན་དུ། །དེ་ནས་མིའམ་ཅིའི་བདག་པོས་འབྱུང་བར་འགྱུར་བའི་བུ་མོ་དང་བྲལ་བས། སྡུག་བསྔལ་གྱིས་ཁྱབ་པའི་བདག་ཉིད་ཇི་ལྟར་ཡང་བརྟན་པར་བྱས་ནས་ཡིད་འཕྲོག་མའི་མ་ལ་སྨྲས་པ། གསལ་བའི་ཉི་མའི་དཀྱིལ་འཁོར་འདི་ནི་མཁའ་ལ་ཆ་ནི་གསུམ་དུ་སོང་བ་ལ། །སེམས་རྣམས་སྦེད་ཅིང་སྐད་ཅིག་ལུས་ནི་འཛིན་པ་རྣམས་ལ་ཉི་མའི་དྲོད་ནི་བརྟེན་འགྱུར་ཏེ། །གཞོན་ནུ་འདི་ནི་ཁྱོད་ཀྱི་བུ་མོ་ཆུ་བྲལ་པད་མོ་ལྟར་ནི་རྙིང་པར་འགྱུར་བ་སྟེ། །དེ་བས་སོང་ཤིག་སླར་ཡང་འོངས་འགྱུར་ཏེ། །མི་བརྟན་པ་ནི་ཡོངས་སུ་དོར་བར་མཛོད། །དེ་ནས་ནོར་བཟངས་ཀྱི་སྤྱི་བོའི་གཙུག་གི་ནོར་བུ་བཅིངས་ནས་ལྗོན་པས་སྨྲས་པ། ནོར་བུ་འདི་ཡི་མཐུ་ཡིས་ནི། །མཐུ་ནི་ཆེན་པོ་ཁྱོད་ལ་ཡང༌། །ལྷ་ཡི་ལྟར་ནི་ཐོགས་མེད་པ། ། ནམ་མཁའ་ལས་ནི་འགྲོ་བར་འགྱུར། །དེ་བས་ད་ནི་ཡིད་འཕྲོག་མ་ལ་དམིགས་ནས་ནམ་མཁའི་དཀྱིལ་དུ་འབྱུང་སྟེ། ཚེ་དང་ལྡན་པ་ཉེ་བར་རྒྱས་པའི་ཡབ་ཀྱི་ཕོ་བྲང་དུ་འགྲོ་བར་མཛོད་ཅིག །བདག་གི་བུ་མོ་འདི་ལེགས་དང༌། །དཔལ་ལྡན་རྣམས་ཀྱིས་ཁྱེད་མདུན་འགྲོ། །ཚིག་དང་དོན་དག་ལྟར་ཁྱེད་ཅག །ཕན་ཚུན་བརྟེན་པ་འབྱུང་གྱུར་ཅིག །དེ་ནས་འཕྲོག་པའི་སེམས་ལྡན་བླ་མ་དག་བཏུད་ནས། །སྐད་ཅིག་ཏུ་ནི་མིའམ་ཅི་མོའི་སྐྱེ་བོ་འཁྱུད་བྱས་ཏེ། །ཀུན་ནས་འཕྲོས་པའི་རྒྱན་དང་རིན་ཆེན་འོད་ལྡན་པ། །བཟའ་མི་གཉིས་ནི་མྱུར་དུ་ནམ་མཁའ་ལ་ནི་སོང་བར་གྱུར། །ཕྱིར་ལྟའི་མིག་ཅན་མཆི་མའི་ཆ་ནི་གྲོལ་བཞིན་པ། །བདག་པོ་དང་ནི་ལྷན་ཅིག་ནམ་མཁའ་ལ་འཇུག་པ། །མི་འམ་ཅི་མོ་དེ་ལ་མཆི་མ་བྱུང་བའི་མས། །ཇི་སྲིད་མིག་ལས་འདས་པ་དེ་སྲིད་མཐོང་བར་འགྱུར། །དེ་ནས་ནོར་བཟངས་ཀྱིས་རང་གི་སྐྱེ་བོ་དང་བྲལ་བས་སྐྲག་པའི་ཡིད་འཕྲོག་མ་ལ་ཡང་ནས་ཡང་དུ་མཆི་མ་རྣམས་ཕྱིས་ནས། རྡུལ་གྱི་ཆ་དང་བཅས་པ་དེ་ཡི་གདོང་ནི་དེས་མཐོང་ནས། །པདྨ་རྒྱས་པ་ཆུ་ཡི་ཐིགས་པས་རྗེས་སུ་འབྲེལ་པ་ལྟར། །ཉིན་པར་འགྲོ་ཞིང་ཉི་མའི་འོད་ཟེར་བཟློག་པའི་དོན་དུ་ནི། །ལག་པ་གཉིས་ནི་བཏེག་ནས་སྣམ་བུ་ཆེན་པོ་བརྐྱང་བར་གྱུར། །དེ་ནས་གློ་བུར་ཉིད་དུ་གླང་པོ་ཆེའི་གྲོང་ཁྱེར་དང་ཉེ་བར་གྱུར་ཏོ། །སྲབ་ཅིང་ཡིད་འཕྲོག་ནོར་ཅན་མཛེས་པ་ལ་ནི་དམིགས་བྱས་ནས། །རླུང་གིས་ཅུང་ཟད་སྣམ་བུ་བསྐྱོད་པར་བྱས་པས་འགྲོ་བ་ནི། །རིག་པ་འཛིན་པ་འདི་ནི་ནམ་མཁའ་ལས་ནི་འོངས་སམ་ཅི། །ཞེས་ནི་གྲོང་ཁྱེར་སྐྱེ་བོ་མི་གཡོ་མིག་ཅན་གྱིས་མཐོང་གྱུར། །དེ་ནས་ནོར་བཟངས་ནམ་མཁའི་དཀྱིལ་ནས་ཡང་དག་པར་བརྒལ་བ་མཐོང་སྟེ། ཡིད་དགའ་བའི་སྒོ་བ་རྣམས་ཀྱིས་རྒྱལ་པོ་ནོར་ཅན་ལ་ལྷ་ལགས། ཡིད་འཕྲོག་མ་དང་ལྷན་ཅིག་ཏུ་ནོར་བཟངས་འོངས་སོ་ཞེས་བྱ་བ་སྨྲ་ཞིང་གནས་པར་གྱུར་ཏོ། །དེ་ནས་རྒྱལ་པོ་དེས་བདེན་ནམ་འོན་ཏེ་མིན་སྙམ་ནས། མཛའ་བོ་རྣམས་ནི་སྡུག་བསྔལ་གྱིས་དད་པར་བྱ་ཞེས་བྱ་བ་སྨྲས་ཏེ། སྟན་ལས་ལངས་ཏེ་མི་འམ་ཅི་མོ་དང་བཅས་པའི་ནོར་བཟངས་ཉིད་ཞུགས་པ་མཐོང་ནས། འདི་ནི་རྨི་ལམ་ཡིན་ནམ་འོན་ཏེ་ཅི་སྙམ་དུ་རབ་ཏུ་དགའ་བས་ཡང་ནས་ཡང་དུ་འཁྱུད་དེ། འདི་མའི་དྲུང་དུ་ཁྲིད་པར་གྱུར་ཏོ། །དེ་ནས་ཀུན་ནས་ལངས་ཏེ་བྲལ་བར་མི་ནུས་ པ། །རབ་ཏུ་དགའ་བའི་མཆི་མའི་ཆུ་ཡིས་མིག་འགགས་པ། །མས་ནི་ཡུན་རིང་པོ་ནས་བདག་སྐྱེས་དེ་མཐོང་སྟེ། །སྐད་ཅིག་ཀུན་ནས་འཁྱུད་དེ་སྤྱི་བོར་འོ་བྱས་གྱུར། །དེ་ནས་ཡིད་འཕྲོག་མས་བཙུན་མོ་ལ་མངོན་པར་ཕྱག་བཙལ་ནས་སྨྲས་པ། །བདེ་བའི་འཕགས་པའི་སྲས་ཀྱིས་ཀྱང༌། །བདག་གི་དོན་དུ་རྩོལ་བྱས་པ། །གང་ཞག་སྡུག་བསྔལ་རྣམས་མྱོང་བ། །འཕགས་མས་བདག་གི་དེ་བཟོད་མཛོད། །བཙུན་མོས་སྨྲས་པ། བུ་མོ་ཁྱོད་ནི་བདག་གི་རིགས་ལ་བསྔགས་པར་བྱ་བ་སྟེ། ཅིའི་ཕྱིར་ཁྱོད་ཀྱི་སྟེང་དུ་བདག་ནི་ཁྲོ་བ་དང་ལྡན་པ་བྱུང་བར་གྱུར་པ་དེ་བས་ན་ལྟོས་ཤིག ། ལྟོ་འཕྱེ་ཆེན་པོའི་ནོར་བུ་ནི། །གྲིབ་མས་གསལ་བྱས་ས་འོག་གི །རྒྱ་མཚོ་ལས་ནི་རྩོལ་མ་བྱས། །སུ་ཞིག་རིན་ཆེན་རྙེད་པར་འགྱུར། །དེ་ནས་དྲི་མ་མེད་པ་གྲགས་པའི་གཏེར་ནི་འོངས་པ་ཡིས། །བདག་ཉིད་ཆེན་པོ་ཐོས་ཆེན་གྲལ་ལ་གནས་པའི་སྲས་ལ་ནི། །ཡུན་རིང་གྲོང་ཁྱེར་ལྷ་ཡི་རྣམ་པར་འབྱོར་པ་ལྟ་བུ་ཡིས། །དུས་མིན་ཟླ་འོད་མི་ཡི་བདག་པོས་བྱེད་དུ་བཅུག་པར་གྱུར། །རིགས་བཟངས་བ་དང་ཁྲོ་བ་ཕྲག་དོག་གི་གཏམ་ཐོས་པའི་རྒྱལ་པོ་ནོར་ཅན་གྱིས་གཉིས་སྐྱེས་འདི་བསད་པར་བྱ་བ་མ་ཡིན་སྙམ་དུ་དགོངས་ནས་རང་གི་ཡུལ་ནས་བཏོན་པར་གྱུར་ཏོ། །བཅོམ་ལྡན་འདས་ཀྱིས་སྐྱེས་རབས་འདི་དགེ་སློང་རྣམས་གྱི་མདུན་དུ་འདི་ལྟར་བསྟན་པར་མཛད་དེ། བརྩོན་འགྲུས་སྟོབས་དང་ལྡན་པ་ནི། །ནོར་བཟངས་རྒྱལ་སྲས་བདག་ཡོད་འགྱུར། །གཟུགས་དང་སྐལ་བཟང་ལྡན་པ་ནི། །མི་འམ་ཅི་མོ་གྲགས་འཛིན་གྱུར། །དེ་ཡི་དོན་དུ་བདག་གིས་ནི། །སྔར་ནི་སྡུག་བསྔལ་དེ་དེ་ཐོབ། །ཕལ་ཆེར་འདོད་པས་ཁེངས་བདག་ཉིད། །ཉོན་མོངས་རྣམས་ཀྱི་སྣོད་དུ་གྱུར། །དེ་ཕྱིར་ཡུལ་སྐྱེས་བདེ་བའི་ཆ་ནི་དང་པོར་རྟོགས་བྱས་ནས། །ཡིད་འཕྲོག་ཡུལ་འདོད་རྣམས་ཀྱི་ཡོངས་སུ་སྨིན་ལ་དགའ་བ་ནི། །བདག་ཉིད་འདོད་པ་རྣམས་ཀྱིས་རིང་པོར་འདི་རྣམས་ཡོངས་སྤངས་སྐད། །འདོད་པ་རྣམས་ནི་སྐད་ཅིག་སྦྲུལ་ལྟར་ཡུན་རིང་སྤང་བར་མཛོད། །མི་འམ་ཅི་མོ་དང་ནོར་བཟངས་ཀྱི་སྐྱེས་པའི་རབས་ཏེ་སྐྱེས་རབས་ལྔ་པའོ།། །།བསམ་གཏན་གྱི་ནི་མར་མེ་སྣང་བ་ཡིས། །སྣང་བ་ཐོབ་ཀྱང་མྱ་ངན་འདས་མི་འགྲོ་།གང་ཕྱིར་བྱང་ཆུབ་ཐོབ་པར་འདོད་པའི་ཡིད། །དེ་ནི་ སེམས་ཅན་ཕན་རྗེས་འབྲེལ་ཕྱིར་རོ། །འདི་ལྟར་རྗེས་སུ་ཐོས་ཏེ། རིག་བྱེད་ཀྱི་དེ་ཁོ་ན་ཉིད་ཡང་དག་པར་རྟོགས་པ་དང༌། སྣ་ཚོགས་པའི་བསྟན་བཅོས་རྣམས་ལ་གོམས་པས་སྲིད་པ་དང་བྲལ་བའི་བློ་མཁས་པ་དུ་མ་རྣམས་ཀྱི་མདུན་ས་རྣམས་ལ་གྲགས་པས་ཁྱབ་བ། རང་གི་གྲུབ་མཐའི་བྱ་བ་རྣམས་ལ་རྩེ་གཅིག་པ། ཁྱིམ་གྱི་གནས་ལ་ལྷག་པར་གནས་ཤིང་དུས་གཅིག་གི་ཚེ་ན་བྱང་ཆུབ་སེམས་དཔའ་བྲམ་ཟེ་འབར་བ་ཅན་ཞེས་བྱ་བ་བྱུང་བར་གྱུར་ཏོ། །བདག་ཉིད་ཆེན་པོ་དེ་ཡང་ཁྱིམ་ན་གནས་པའི་སྐྱོན་ཤེས་པ་རབ་ཏུ་ཞི་བའི་བདེ་བ་མངོན་པར་འདོད་པ་ཡོ་བྱད་ཀྱིས་ཡོངས་སུ་གང་བའི་ཁྱིམ་ན་ཡང་དགའ་བ་ཐོབ་པར་མ་གྱུར་ཅིང་དུས་གཅིག་གི་ཚེ་ན་འདི་ལྟར་བསམས་ཏེ། ཡོ་བྱད་ཡོད་ན་རྒྱགས་པ་སྐྱེ་འགྱུར་ཏེ། །དེ་ཡོད་ན་ནི་རབ་ཞིག་ལ་འགྱུར། །རབ་ཞི་མེད་ན་ངོ་ཚ་བྲལ་བ་ནི། །དྲི་མ་ཅན་གྱི་ལས་ནི་སྐྱེ་བོས་འདོད། །དགའ་མིན་ཡང་དག་སྦྱོར་བའི་སྡུག་བསྔལ་སྐད་ཅིག་ཙམ།། སེམས་ཀྱི་བདེ་བ་སྐད་ཅིག་ཏུ་ནི་དགའ་བྲལ་དུས། །ནོར་ནི་རྙེད་པར་བྱ་ཕྱིར་ཡིད་ནི་ངལ་རྣམས་ཀྱི། །གལ་ཏེ་དེ་ཕྱིར་འདོད་པའི་སྡུག་བསྔལ་འབྲས་བུ་མེད། །དེ་ལྟར་ཁྱིམ་པ་རྣམས་ནི་རྟག་ཏུ་སེམས་
Chinese
看著，我應被聖子安置在姊妹們的中間，」她們這樣說。侍女們也應當這樣對菩薩說。然後，財賢悅意的緊那羅之主，被如實地召喚，來到那裡附近，看見那些青春、容貌和裝飾都一樣，像閃電般顯現的緊那羅女們。然後，樹神對那位年輕人說：「你選哪一位愛人呢？」然後，那位雙足顯赫的人，以光亮且帶有光芒的行進腳鐲，在地上清楚地分辨，奪人心魄，面帶羞色的女子被手尖抓住了。然後，樹神喜悅地對財賢說：「有壽者，毫無阻礙地成辦我的所有命令。因此，你應當和這位奪人心魄的女子一起，各自修持佛法。」此外，先前你這位柔軟身軀的人如此疲憊，我無情地讓你徒勞而來。那是年輕人溫馴的本性，應當忍受，對於那些上師賢者們不能忍受的是什麼呢？財賢說：「那麼，上師們以極大的恩賜來攝受我。心懷重負的上師們，什麼是您要做的事呢？恩賜是極大的，賢者們，那（智慧）就從他們之中產生。」然後，如同天界的年輕人和天女在一起一樣，他和那位緊那羅女一起在樹神的宮殿裡住了一段時間。菩薩對緊那羅之主說：「天神，如果蒙您恩惠，那麼，我將和這位奪人心魄的女子一起去父親的宮殿。」然後，樹神說：「就照年輕人所希望的那樣做吧。」然後對女兒們說：「女兒們，去吧，把即將進入公公家族的奪人心魄的女子打扮起來。」她們也各自聽從命令說：「就這樣做。」姊妹，你今天將和丈夫功德見一起，前往公公的家族。姊妹，就這樣含著眼淚
English
Looking, I should be placed in the midst of the sisters by the holy son,' they said. The maidservants should also say that to the Bodhisattva. Then, the Kinnara lord, Wealthy Goodness Delightful Mind, being truly summoned, came near to that place and saw those Kinnara women whose youth, appearance, and ornaments were all the same, appearing like lightning. Then, the tree spirit said to that young man, 'Which lover do you choose?' Then, that one made manifest by two feet, with bright and radiant moving anklets, clearly distinguished on the ground, the heart-stealing, shame-faced woman was seized by the fingertips. Then, the tree spirit joyfully said to Wealthy Goodness, 'O long-lived one, accomplish all my commands without hindrance. Therefore, you should practice the Dharma separately together with this heart-stealing woman.' Moreover, since you, the one with the gentle body, were previously so tired, I heartlessly made you come in vain. That is the gentle nature of the young man, it should be endured, what is it that the wise gurus cannot endure? Wealthy Goodness said, 'Then, the gurus accept me with great grace. The gurus with heavy hearts, what is it that you want to do? Grace is immense, O wise ones, that (wisdom) arises from them.' Then, like a heavenly youth with a heavenly maiden, he stayed with that Kinnara woman in the palace of the tree spirit for a short time. The Bodhisattva said to the Kinnara lord, 'O god, if there is grace, then I will go with this heart-stealing woman to my father's palace.' Then, the tree spirit said, 'Let it be done as the young man wishes.' Then he said to the daughters, 'Daughters, go and adorn the heart-stealing woman who is about to enter the family of the father-in-law.' They also listened to the command separately, saying, 'Let it be done in that way.' Sister, today you will go with your husband, Virtue Sight, to the family of the father-in-law. Sister, in that way, with tears
Chinese
那些侍女们，按照仪式为紧那罗女打扮。 我们不是为了打扮她，而是她自己的美丽打扮了她。 因此，这些装饰品，在她身上如同带着惊奇一样存在。 之后，当迷人的女子打扮完毕，姐妹们跟随在她身后，以温顺的态度靠近。 长久以来，双手如同无量的莲花。 带着眼泪，附近的人们都在观看。 父母也带着眼泪，双眼含泪。 顷刻间，脚下被眼泪的滴落所覆盖。 没有你，我无法依靠。 女儿啊，何时才能再次回到我的生命中？ 母亲这样说着，紧紧地抱着迷人的女子。 顷刻间，从各方面依靠着，无能为力。 之后，紧那罗的主人，因为即将与女儿分离，被痛苦所笼罩，尽力保持镇定，对迷人女子的母亲说： 当这明亮的太阳的光环在天空中运行到三分之一时， 隐藏着思绪，顷刻间抓住身体的人们，太阳的热量就会依附。 这个年轻人，你的女儿，就像离开水的莲花一样，会变得衰老。 因此，走吧，还会再回来的。 请完全抛弃无常。 之后，诺桑用头顶的宝珠束缚住，树神说道： 凭借这宝珠的力量， 强大的力量也会降临到你身上。 如同天神一样，毫无阻碍地， 在天空中行走。 因此，现在请注视着迷人的女子，出现在天空的中央。 请前往充满生命力、繁荣昌盛的父亲的宫殿吧！ 我的女儿是如此的美好， 光荣的人们会在你面前行走。 愿你们像词语和意义一样， 彼此相互依靠，共同存在。 之后，那些拥有迷恋之心的上师们聚集在一起， 顷刻间拥抱了紧那罗女的身体。 从各方面散发着光芒的装饰品和珍宝， 这对夫妇迅速地飞向了天空。 带着回望的眼神，眼泪不断地流淌， 与主人一同进入天空。 紧那罗女的母亲，因为女儿离去而流泪， 直到她的身影从视线中消失。
English
Those maids, according to the ritual, adorned the Kinnara girl. We are not to adorn her, but her own beauty adorns her. Therefore, these ornaments, on her body, exist as if with amazement. After the enchanting woman was adorned, the sisters followed behind her, approaching with gentleness. For a long time, hands like immeasurable lotuses. With tears, the people nearby were watching. The parents also with tears, eyes filled with tears. In an instant, the feet were covered with drops of tears. Without you, I cannot rely on anything. Oh daughter, when will you return to my life again? The mother said this, holding the enchanting woman tightly. In an instant, relying on her from all sides, powerless. Then, the master of the Kinnaras, because of the separation from his daughter who was about to depart, overwhelmed by suffering, tried to remain calm and said to the mother of the enchanting woman: When this bright solar disc has traveled one-third of the way in the sky, Hiding their thoughts, those who hold onto their bodies for a moment, the sun's warmth will depend on them. This young woman, your daughter, like a lotus separated from water, will become old. Therefore, go, she will return again. Please completely abandon impermanence. Then, Norsang bound the jewel on the crown of her head, and the tree spirit said: By the power of this jewel, Great power will also come upon you. Like a god, without hindrance, You will travel in the sky. Therefore, now focus on the enchanting woman, appearing in the center of the sky. Please go to the palace of your father, who is full of life and prosperity! My daughter is so beautiful, The glorious ones will walk before you. May you, like words and meaning, rely on each other and exist together. Then, those lamas with infatuated minds gathered, In an instant, embraced the body of the Kinnara girl. The ornaments and jewels radiating light from all directions, The couple quickly flew into the sky. With eyes looking back, tears constantly flowing, Entering the sky together with her master. The mother of the Kinnara girl, weeping because of her daughter's departure, Until her figure disappeared from sight.