Tibetan
བཏང་ནས་བསྐལ་པ་གྲངས་མེད་པ་གསུམ་གྱིས་ཐམས་ཅད་མཁྱེན་པ་བརྙེས་པ་དེ་ད་ནི་སྩང་ནས་རུལ་པའི་བཤོས་གསོལ་བ་ལྟ་སྙམ་བགྱིད་ལགས་མོད། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ཁྱོད་དེ་བཞིན་གཤེགས་པའི་མཆེ་བའི་བར་ནས་ཕྱུང་བའི་ནས་ཀྱི་ཟན་ཟ་བར་འདོད་དམ། བཅོམ་ལྡན་འདས་འཚལ་ལགས་སོ། །དེ་ནས་བཅོམ་ལྡན་འདས་ཀྱིས་མཆེ་བའི་བར་ནས་ནས་ཀྱི་ཟན་ཕྱུང་སྟེ། ཚེ་དང་ལྡན་པ་ཀུན་དགའ་བོ་ལ་བྱིན་ནས་ཚེ་དང་ལྡན་པ་ཀུན་དགའ་བོས་བཟའ་བར་བརྩམས་ས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ཁྱོད་ཀྱིས་སྔོན་འདི་ལྟ་བུའི་རོ་མྱོང་བར་དྲན་ནམ། བཙུན་པ་བདག་འཁོར་ལོས་སྒྱུར་བའི་རིགས་སུ་སྐྱེས་ཤིང་འཁོར་ལོས་སྒྱུར་བའི་རིགས་ལས་ཆེན་པོར་གྱུར་ལགས་ན། ད་ལྟར་བཅོམ་ལྡན་འདས་ཀྱི་མཆེ་བའི་བར་ནས་ཕྱུང་བའི་ནས་ཀྱི་བཤོས་འདི་ལྟ་བུའི་རོ་ནི་སྔོན་མྱོང་བར་མི་དྲན་ལགས་སོ། །ཀུན་དགའ་བོ་དེ་ལྟ་བས་ན་དེ་བཞིན་གཤེགས་པ་ལ་ནི་རོ་བྲོ་བའི་མཆོ་གཅེས་བྱ་བ་རོ་རྣམས་འཕྲོག་པ་ཡོངས་སུ་དག་པ་ཡོད་དེ། གལ་ཏེ་དེ་བཞིན་གཤེགས་པས་ཁ་ཟས་ཕལ་པ་ལ་ལོངས་སྤྱད་ན་དེ་ཡང་དེ་བཞིན་གཤེགས་པ་ལ་རོ་བརྒྱ་པར་འགྱུར་རོ། །ཀུན་དགའ་བོ་རྒྱལ་པོ་བྲམ་ཟེ་མེས་སྦྱིན་གྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཟླ་བ་གསུམ་དུ་སྤྱན་དྲངས་ཏེ་མི་སྣང་བའི་ཕྱོགས་སུ་འདུག་ནས་བཅོམ་ལྡན་འདས་ནི་དགྲ་མཐའ་ན་ནས་གསོལ་ལོ་ཞེས་སྒྲ་བསྒྲགས་སོ། ། མཐའི་རྒྱལ་པོ་རྣམས་ཀྱིས་ཀྱང་རྒྱལ་པོ་བྲམ་ཟེ་མེས་སྦྱིན་གྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཟླ་བ་གསུམ་དུ་སྤྱན་དྲངས་ཏེ། མི་སྣང་བའི་ཕྱོགས་སུ་འདུག་གོ །བཅོམ་ལྡན་འདས་ནི་དགྲ་མཐའ་ན་ནས་གསོལ་ལོ་ཞེས་ཐོས་ནས། དེ་རྣམས་ཀྱིས་རྒྱལ་པོ་བྲམ་ཟེ་མེས་སྦྱིན་ལ་ཕོ་ཉ་བཏང་བ་ལས་དེ་རྣམས་ནང་དུ་མ་ཆུད་དེ་སྒོ་ན་སྡོད་དོ། །ཁྱིམ་བདག་མགོན་མེད་ཟས་སྦྱིན་གྱིས་ཐོས་ནས་འབྲས་སཱ་ལུ་སོག་མའི་སྦུ་བུར་སྨིན་པ་ཤིང་རྟ་ལྔ་བརྒྱ་ཙམ་བཀང་སྟེ་བསྐུར་རོ། །དེ་ནས་བདུད་སྡིག་ཅན་དེ་འདི་སྙམ་དུ་སེམས་ཏེ། དགེ་སྦྱོང་གཽ་ཏ་མ་ལ་བདག་གིས་ལན་མང་པོ་ཞིག་ཐོབ་ཙམ་པར་བྱས་ན་ལན་འགའ་ཡང་སྐབས་མ་རྙེད་གྱིས། འདིར་ཡང་རེ་ཞིག་འདི་ལ་བརྒལ་བར་བྱའོ་སྙམ་དུ་བསམས་ནས། ཚེ་དང་ལྡན་པ་ཀུན་དགའ་བོར་བདག་ཉིད་མངོན་པར་སྦྲུལ་ཏེ། ཤིང་རྟ་ལྔ་བརྒྱ་བོ་དེ་རྣམས་ཀྱི་མདུན་དུ་འདུག་ནས་སྨྲས་པ། ཤེས་ལྡན་དག་གར་འདོང་། དེ་རྣམས་ཀྱིས་སྨྲས་པ། འཕགས་པ་ཀུན་དགའ་བོ་རྒྱལ་པོ་བྲམ་ཟེ་མེས་སྦྱིན་གྱིས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ཟླ་བ་གསུམ་དུ་སྤྱན་དྲངས་ཏེ་མི་སྣང་བའི་ཕྱོགས་སུ་འདུག་ནས་བཅོམ་ལྡན་འདས་ནི་དགྲ་མཐའ་ན་ནས་གསོལ་ལོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་ཐོས་ནས། བཅོམ་ལྡན་འདས་ཀྱི་དོན་དུ་འབྲས་སཱ་ལུ་སོག་མའི་སྦུ་བུར་སྨིན་པ་ཤིང་རྟ་ལྔ་བརྒྱ་པོ་འདི་བསྐུར་བ་ལགས་སོ། །དེས་སྨྲས་པ་ཤེས་ལྡན་དག །བཅོམ་ལྡན་འདས་ལ་ནི་ལྷ་དང་། ཀླུ་དང་། གནོད་སྦྱིན་རྣམས་མངོན་པར་དད་དེ། གལ་ཏེ་ནམ་མཁའ་ལ་བཅོམ་ལྡན་འདས་ཀྱིས་ལྷུང་བཟེད་བཟེད་ན་དེར་ཡང་སུམ་བཅུ་རྩ་གསུམ་པའི་ལྷ་རྣམས་ཀྱིས་ལྷའི་བདུད་རྩིས་འགེངས་པར་བྱེད་ན། བཅོམ་ལྡན་འདས་ཅིའི་ཕྱིར་ནས་གསོལ། སླར་ལོག་ཤིག །དེ་རྣམས་ཀྱིས་སྨྲས་པ། འཕགས་པ་ཀུན་དགའ་བོ་བདག་ཅག་ཆས་ལགས་ན་ད་ཅི་སྟེ་ལྡོག་མཆིའོ། །བདུད་ཀྱིས་བསམས་པ། བདག་གིས་འདི་དག་བཟློག་པར་མ་ནུས་ཀྱིས་ཐབས་ཤིག་བཤམ་པར་བྱའོ་ཞེས་དེ་སྟེང་གི་ནམ་མཁའ་ལ་འཕགས་ནས་ཆར་པ་ཤིང་རྟའི་སྲོག་ཤིང་ཙམ་གྱི་རྒྱུན་དབབ་པར་ བརྩམས་ཏེ། དེས་རེ་ཞིག་ཤིང་རྟ་དེ་དག་གི་ལྟེ་བ་མན་ཆད་ནུབ་པ་དེ་ཙམ་གྱི་བར་དུ་ཆར་ཕབ་བོ། །དེ་ནས་ཤིང་རྟ་དེ་དག་གི་གླང་རྣམས་བཀྲོལ་ཏེ་དོང་ངོ་། །དེ་ན་བཅོམ་ལྡན་འདས་དགེ་སློང་ལྔ་བརྒྱར་གཉིས་ཀྱིས་མཚང་བ་དང་ཐབས་ཅིག་ཏུ་དགྲ་མཐའ་ན་ནས་གསོལ་ལོ། །ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་གཉིས་ནི་རི་རྩ་གསུམ་པ་ལ་དབྱར་གནས་པར་ཁས་བླངས་ནས་ལྷའི་བདུད་རྩི་ལ་ལོངས་སྤྱོད་དོ། །དེ་ནས་དེད་དཔོན་དེས་ཟླ་བ་གསུམ་འདས་ནས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་སྐྱེད་མོས་ཚལ་དུ་གདུགས་ཚོད་ལ་སྤྱན་དྲངས་པ་དང་། བཅོམ་ལྡན་འདས་ཀྱིས་ཅང་མི་གསུང་བས་གནང་ངོ་། །ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་གཉིས་རི་བོ་རྩེ་གསུམ་པ་ལ་དབྱར་གནས་པ་ཡང་འོངས་སོ། །དེ་ནས་དེད་དཔོན་གྱིས་དེ་ཉིད་ཀྱི་མཚན་མོ་ནས་གཙང་ཞིང་བསོད་པའི་བཟའ་བ་དང་བཅའ་བ་དག་སྟ་གོན་བྱས་ཏེ་ཞེས་བྱ་བ་ནས། བཅོམ་ལྡན་འདས་ཀྱིས་གསོལ་ཟིན་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས་ཞེས་བྱ་བའི་བར་གོང་མ་བཞིན་དུའོ། །བཅོམ་ལྡན་འདས་ཀྱི་ཞབས་གཉིས་ལ་གཏུགས་ཏེ་སྨོན་ལམ་གདབ་པར་བརྩམས་པ། དགེ་བའི་རྩ་བ་འདིས་བདག་འཁོར་ལོས་སྒྱུར་བའི་རྒྱལ་པོར་གྱུར་ཅིག །རྟ་ཅང་ཤེས་ནི་བུ་རྒྱལ་ཚབ་ཏུ་གྱུར་ཅིག །རྟ་ལྔ་བརྒྱ་པོ་འདི་དག་ཀྱང་བུ་ལྔ་བརྒྱར་གྱུར་ཅིག །བཅོམ་ལྡན་འདས་ཀྱིས་བུ་མོ་བཙུན་མོ་རིན་པོ་ཆེར་ལུང་བསྟན་པ་གང་ལགས་པ་དེ་ནི་བདག་གི་བཙུན་མོ་རིན་པོ་ཆེར་གྱུར་ཅིག །བུད་མེད་ལྔ་བརྒྱར་གཉིས་ཀྱིས་མ་ཚང་བ་གང་ལགས་པ་དེ་ནི་དེའི་འཁོར་དུ་གྱུར་ཅིག །དེ་ནས་བཅོམ་ལྡན་འདས་ཀྱིས་དེད་དཔོན་དེའི་བསམ་པ་ཐུགས་སུ་ཆུད་ནས་དེད་དཔོན་ལ་འདི་སྐད་ཅེས་བཀའ་སྩལ་ཏོ། །དེད་དཔོན་ཁྱོད་ནི་འཁོར་ལོས་སྒྱུར་བའི་རྒྱལ་པོར་འགྱུར་རོ། །རྟ་ཅང་ཤེས་ནི་ཁྱོད་ཀྱི་བུ་རྒྱལ་ཚབ་ཏུ་འགྱུར་རོ། །རྟ་ལྔ་བརྒྱ་པོ་དེ་དག་ཀྱང་བུ་ལྔ་བརྒྱར་འགྱུར་རོ། །བུ་མོ་དེ་ནི་བཙུན་མོ་རིན་པོ་ཆེར་འགྱུར་རོ། །བུད་མེད་ལྔ་བརྒྱར་གཉིས་ཀྱིས་མ་ཚང་བ་དེ་དག་ཀྱང་དེའི་འཁོར་དུ་འགྱུར་རོ། །དེ་ནས་བཅོམ་ལྡན་འདས་ཀྱིས་ཟླ་བ་གསུམ་པོ་དག་འདས་ནས་ཆོས་གོས་བྱས་ པ་དང་ལྡན། ཆོས་གོས་ཟིན་པ་དང་ལྡན་ནས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་རྒྱལ་པོ་བྲམ་ཟེ་མེས་སྦྱིན་གྱི་དྲུང་དུ་སོང་ལ་ནད་མེད་པར་གྱུར་ཅིག་ཅེས་བྱོས་ལ་འདི་སྐད་ཅེས་རྒྱལ་པོ་ཆེན་པོ་ཁྱེད་ཀྱི་ཡུལ་དུ་ཁོ་བོས་ཟླ་བ་གསུམ་གནས་ཟིན་ཏེ་འགྲོས་ཤེས་པར་གྱིས་ཤིག་ཅེས་ཀྱང་སྨྲོས་ཤིག །བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས། རྒྱལ་པོ་བྲམ་ཟེ་མེས་སྦྱིན་གྱི་ཁྱིམ་གང་ན་བ་དེར་སོང་བ་དང་། དེའི་ཚེ་རྒྱལ་པོ་བྲམ་ཟེ་མེས་སྦྱིན་བཀྲ་ཤིས་འོང་བ་ལ་སྡོད་ཅིང་འདུག་གོ ། དེ་ནས་ཚེ་དང་ལྡན་པ་ཀུན་དགའ་བོས་སྒོ་བའི་སྐྱེས་པ་ལ་སྨྲས་པ། ཀྱེ་ནང་རྗེ་ཚུར་ཁྱོད་རྒྱལ་པོ་བྲམ་ཟེ་མེས་སྦྱིན་གང་ན་བ་དེར་སོང་ལ་ཕྱིན་ནས་རྒྱལ་པོ་བྲམ་ཟེ་མེས་སྦྱིན་ལ་འདི་སྐད་ཅེས་དགེ་སློང་ཀུན་དགའ་བོ་ལྷ་མཐོང་བར་འཚལ་ནས་སྒོ་ན་སྡོད་ཅིང་མཆིས་སོ་ཞེས་སྨྲོས་ཤིག །འཕགས་པ་བཀའ་བཞིན་འཚལ་ཞེས་སྒོ་བའི་སྐྱེས་པས་ཚེ་དང་ལྡན་པ་ཀུན་དགའ་བོའ་ལྟར་མཉན་ནས་རྒྱལ་པོ་བྲམ་ཟེ་མེས་སྦྱིན་གང་ན་བ་དེར་སོང་སྟེ་ཕྱིན་ནས། རྒྱལ་པོ་བྲམ་ཟེ་མེས་སྦྱིན་ལ་འདི་སྐད་ཅེས་སྨྲས་སོ། །ལྷ་དགེ་སློང་འཕགས་པ་ཀུན་དགའ་བོ་ལྷའི་ཞལ་མཐོང་བར་འཚལ་ནས་སྒོ་ན་སྡོད་ཅིང་མཆིས་སོ། །དེས་སྨྲས་པ། ཀྱེ་སྐྱེས་བུང་བཀྲ་ཤིས་འོང་བ་སྡོད་ཅིང་འདུག་གིས་དགེ་སློང་ཀུན་དགའ་བོ་ནི་བསོད་ནམས་ཀྱི་མཐུ་ཆེན་པོ་དང་ལྡན་པ་ཡིན་ཏེ། དེ་ཉིད་ངའི་བཀྲ་ཤིས་སུ་གྱུར་ཅིག །དེ་ལ་ནི་བཟང་པོ་ལྔ་ཡོད་དེ། མིང་བཟང་བ་དང་། གཟུགས་བཟང་བ་དང་། ཁ་དོག་བཟང་བ་དང་། སྤོབས་པ་བཟང་བ་དང་། སྒྲུབ་པ་བཟང་བ་ཡིན་གྱིས་ནང་དུ་སྤྱོན་ཅིག །ཤེས་ལྡན་ཀུན་དགའ་བོ་ལ་སུ་ཞིག་འགོག །སྒོ་བས་ཚེ་དང་ལྡན་པ་ཀུན་དགའ་བོ་ལ་དེ་བཞིན་དུ་སྨྲས་ནས་ཚེ་དང་ལྡན་པ་ཀུན་དགའ་བོས་ནང་དུ་ཞུགས་སོ། །མཐའི་རྒྱལ་ཕྲན་གྱི་ཕོ་ཉ་དེ་རྣམས་ཀྱང་དེ་ཉིད་དང་ལྷན་ཅིག་ནང་དུ་ཞུགས་སོ། །དེ་ནས་ཚེ་དང་ལྡན་པ་ཀུན་དགའ་བོས་རྒྱལ་པོ་བྲམ་ཟེ་མེས་སྦྱིན་ལ་ནད་མེད་པར་གྱུར་ཅིག་ཅེས་བྱས་ནས་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་ འདུག་ནས་ཚེ་དང་ལྡན་པ་ཀུན་དགའ་བོས་རྒྱལ་པོ་བྲམ་ཟེ་མེས་སྦྱིན་ལ་འདི་སྐད་ཅེས་སྨྲས་སོ། །རྒྱལ་པོ་ཆེན་པོ་བཅོམ་ལྡན་འདས་ཀྱི་ཞལ་ནས་ཁྱོད་ནད་མེད་པར་གྱུར་ཅིག །རྒྱལ་པོ་ཆེན་པོ་ཁྱོད་ཀྱི་ཡུལ་དུ་ངས་ཟླ་བ་གསུམ་དུ་གནས་ཟིན་ཏེ་འགྲོས་ཤེས་པར་གྱིས་ཤིག་ཅེས་ཀྱང་བཀའ་སྩལ་ཏོ། །འཕགས་པ་ཀུན་དགའ་བོ་སངས་རྒྱས་བཅོམ་ལྡན་འདས་ལ་ཕྱག་འཚལ་ལོ། །འཕགས་པ་ཀུན་དགའ་བོ་བཅོམ་ལྡན་འདས་དང་ཇི་ག་ཡུལ་དགྲ་མཐར་དབྱར་བདེ་བར་བཞུགས་སམ། བསོད་སྙོམས་ཀྱིས་འོ་བརྒྱལ་བར་མ་གྱུར་གྲང་། མཐའི་རྒྱལ་ཕྲན་གྱི་ཕོ་ཉ་དེ་དག་གིས་སྨྲས་པ། ལྷ་ཁྱོད་ནི་རྒྱལ་སྲིད་ལ་མི་རྟོག་པ་ལགས་ཏེ། འདི་ལྟར་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ཟླ་བ་གསུམ་དུ་སྤྱན་དྲངས་ཏེ་མི་སྣང་བའི་ཕྱོགས་སུ་བཞུགས་ནས། བཅོམ་ལྡན་འདས་ནི་ཟླ་བ་གསུམ་དུ་ནས་རུལ་པའི་བཤོས་གསོལ་ལགས་སོ། །དེས་སྨྲས་པ། འཕགས་པ་ཀུན་དགའ་བོ་བཅོམ་ལྡན་འདས་ཀྱིས་ཟླ་བ་གསུམ་དུ་ནས་རུལ་པའི་བཤོས་གསོལ་བ་མད་དམ། རྒྱལ་པོ་ཆེན་པོ་མད་ལགས་སོ། །དེ་བརྒྱལ་ནས་ས་ལ་འགྱེལ་བ་དང་། ཆུ་མང་པོ་ཞིག་གཏོར་ནས་དབུགས་སླར་བྱུང་བ་དང་། བློན་པོ་རྣམས་བཀུག་སྟེ་སྨྲས་པ། ཤེས་ལྡན་དག་ངས་ཁྱེད་ཅག་རྣམས་ལ་ཉིན་རེ་ཞིང་ལྔ་བརྒྱའི་བཟའ་བ་དང་བཅའ་བ་བསོད་པ་རབ་ཏུ་མང་པོ་སྟ་གོན་གྱིས་ཤིག་པར་མ་བསྒོ་འམ། དེ་རྣམས་ཀྱིས་སྨྲས་པ། ལྷ་དེ་ཁོ་ན་སྐད་བཀའ་སྩལ་པ་མཆིས་ཀྱིས་ཆེ་གེ་མོ་ཞིག་ལ་སྩོལ་ཅིག་ཅེས་ནི་ཁྱེད་ཀྱིས་བཀའ་མ་སྩལ་ཏེ། འོན་ཀྱང་ད་དུང་དུ་ཞལ་ཟས་སྟ་གོན་ཁོ་ན་བགྱིད་དོ། །དེ་ནས་རྒྱལ་པོ་བྲམ་ཟེ་མེས་སྦྱིན་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ །ཕྱོགས་གཅིག་ཏུ་འདུག་ནས་བཅོམ་ལྡན་འདས་ཀྱིས་རྒྱལ་པོ་བྲམ་ཟེ་མེས་སྦྱིན་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད་ཅེས་བྱ་བ་ནས། ཡང་དག་པར་རབ་ཏུ་དགའ་བ
Chinese
送走之后，经过无数三大阿僧祇劫证得一切智，现在却像供养腐烂的食物一样。世尊开示说：阿难陀，你想要吃如来佛牙齿之间取出的麦饭吗？世尊说想要。然后世尊从牙齿之间取出麦饭，给予具寿阿难陀，具寿阿难陀开始食用。世尊开示说：阿难陀，你记得以前尝过这样的味道吗？尊者，我出生于转轮王的种姓，并且比转轮王的种姓还要高贵。现在从世尊牙齿之间取出的这种麦饭的味道，以前不记得尝过。阿难陀，因此如来具有味道品尝的殊胜之处，能够完全净化味道。如果如来享用普通的食物，那对于如来来说也会变成百味。阿难陀，婆罗门种姓的弥施檀国王迎请佛陀等比丘僧团三个月，在看不见的地方住着，发出声音说世尊在敌方吃麦子。边地的国王们也听到婆罗门种姓的弥施檀国王迎请佛陀等比丘僧团三个月，住在看不见的地方。听到世尊在敌方吃麦子，那些国王们派遣使者给婆罗门种姓的弥施檀国王，但是那些使者没有进入，而是站在门口。居士给孤独听到后，装满五百辆车用稻谷萨鲁的嫩芽成熟的稻米送去。然后恶魔波旬这样想：我对沙门乔达摩多次想要得逞，但一次也没有找到机会。在这里也暂时要胜过他，这样想着，将自己显现为具寿阿难陀，坐在那五百辆车的前面说道：有知识的人，你们要去哪里？他们说道：去往圣者阿难陀
English
Having sent it away, after countless three great kalpas, he attained omniscience, but now it seems like offering rotten food. The Blessed One said: Ananda, do you want to eat the barley meal taken from between the teeth of the Tathagata? The Blessed One said he wanted to. Then the Blessed One took the barley meal from between his teeth and gave it to the venerable Ananda, and the venerable Ananda began to eat it. The Blessed One said: Ananda, do you remember tasting such a taste before? Venerable one, I was born into the lineage of a Chakravartin king, and I have become greater than the lineage of a Chakravartin king. Now, I do not remember ever having tasted such a taste as this barley meal taken from between the teeth of the Blessed One. Ananda, therefore, the Tathagata has the excellence of tasting flavors, which completely purifies flavors. If the Tathagata were to enjoy ordinary food, it would become a hundred flavors for the Tathagata. Ananda, King Meshyadatta of the Brahmin caste invited the Buddha and the Sangha of monks for three months, and staying in an invisible place, he made a sound saying that the Blessed One was eating barley in the enemy's territory. The border kings also heard that King Meshyadatta of the Brahmin caste had invited the Buddha and the Sangha of monks for three months, and was staying in an invisible place. Hearing that the Blessed One was eating barley in the enemy's territory, those kings sent messengers to King Meshyadatta of the Brahmin caste, but those messengers did not enter, but stood at the door. When the householder Anathapindika heard this, he filled about five hundred carts with rice, Salu, ripe with young shoots, and sent them. Then the evil Mara thought to himself: I have tried many times to get the better of the ascetic Gautama, but I have never found an opportunity. Here too, I must overcome him for a while, thinking thus, he manifested himself as the venerable Ananda, and sitting in front of those five hundred carts, he said: Knowledgeable ones, where are you going? They said: To the noble Ananda.
Chinese
哦，国王婆罗门弥施（弥施是名字，意思是给予）邀请世尊和声闻僧团一起，在三个月里，住在看不见的地方，世尊就在敌方的边缘接受供养。然后，居士给孤独听说了这件事，为了世尊的缘故，送来了五百辆装满成熟的娑罗米稻米的车辆。他们说：“有智慧的人啊！诸天、龙和夜叉都对世尊非常信仰。如果世尊在空中拿着钵，三十三天诸神也会用天上的甘露来装满它。世尊为什么接受供养呢？回去吧！”他们说：“圣者阿难陀，我们已经准备好了，现在为什么要回去呢？”魔心想：“我无法阻止他们，必须想个办法。”于是他升到那上面的空中，开始降下像车轴一样粗的雨。雨下到淹没了那些车辆的中心以下。然后，那些车辆的牛都被解开并逃走了。那时，世尊和五百比丘一起在敌方的边缘接受供养。具寿舍利弗和目犍连两人答应在三峰山度过雨季，并享用天上的甘露。然后，那位商人在三个月结束后，邀请世尊和声闻僧团到花园里，在遮阳篷下接受供养。世尊没有说话，表示允许。具寿舍利弗和目犍连两人也在三峰山度过雨季后也来了。然后，那位商人从那天晚上开始，准备了干净和有福的食物和饮料，直到世尊用完餐，收起钵，就像之前一样。他跪在世尊的双脚前，开始祈愿：“愿我凭借这善根成为转轮圣王！愿骏马成为我的王位继承人！愿这五百匹马也变成我的五百个儿子！世尊
English
O, King Brahmin Misha (Misha is a name, meaning 'giving') invited the Blessed One and the Sangha of Hearers together, for three months, to reside in an unseen place, and the Blessed One accepted offerings at the edge of the enemy's territory. Then, the householder Anathapindika heard of this and, for the sake of the Blessed One, sent five hundred carts filled with ripe Sali rice. They said, "Wise ones! The gods, nagas, and yakshas have great faith in the Blessed One. If the Blessed One were to hold a bowl in the sky, the gods of the Thirty-Three would fill it with heavenly nectar. Why does the Blessed One accept offerings? Go back!" They said, "Venerable Ananda, we are ready, why should we turn back now?" Mara thought, "I cannot stop them, I must devise a plan." So he ascended into the sky above and began to rain down rain as thick as the axles of carts. The rain fell until it submerged the carts up to their hubs. Then, the oxen of those carts were unyoked and ran away. At that time, the Blessed One, together with five hundred monks, accepted offerings at the edge of the enemy's territory. The Venerable Sariputra and Maudgalyayana had promised to spend the rainy season on the Three-Peaked Mountain and enjoy the heavenly nectar. Then, that merchant, after three months had passed, invited the Blessed One and the Sangha of Hearers to the garden, to accept offerings under the awning. The Blessed One did not speak, indicating his permission. The Venerable Sariputra and Maudgalyayana also came, having spent the rainy season on the Three-Peaked Mountain. Then, that merchant, from that very night, prepared clean and blessed food and drink, until the Blessed One had finished eating, put away his bowl, and so on, as before. He knelt at the feet of the Blessed One and began to pray, "May I, by this root of virtue, become a Chakravartin King! May the swift horse become my crown prince! May these five hundred horses also become my five hundred sons! Blessed One