Tibetan
་ནི། །འདོད་པའི་ཁམས་ཀྱི་ལྷ་རུ་སྐྱེ། །རང་སེམས་རང་ལ་ཆགས་པས་ནི། །གཟུགས་ཁམས་གནས་སུ་ལུས་ལེན་ཏེ། །ཞེ་སྡང་རྒྱུན་ཆེན་དྲགས་པ་ན། །དམྱལ་བའི་གནས་སུ་ལུས་ལེན་ཏེ། །འདོད་ཆགས་རྒྱུན་ཆེན་དྲགས་པས་ན། །ཡི་དྭགས་གནས་སུ་ལུས་ལེན་ཏེ། །གཏི་མུག་རྒྱུན་ཆེན་དྲགས་པ་ན། །དུད་འགྲོའི་གནས་སུ་ལུས་ལེན་ཏོ། །ང་རྒྱལ་རྒྱུན་ཆེན་དྲགས་པ་ན། །མི་ཡི་གནས་སུ་ལུས་ལེན་ཏོ། །ཕྲག་དོག་རྒྱུན་ཆེན་དྲགས་པ་ན། །ལྷ་མིན་གནས་སུ་ལུས་ལེན་ཏོ། །ལེ་ལོ་རྒྱུན་ཆེན་དྲགས་པ་ན། །ལྷ་ཡི་གནས་སུ་ལུས་ལེན་ཏོ། །ཡེ་ཤེས་གཡོ་བ་མེད་པའི་རྟགས། །འགགས་ན་ལོངས་སྤྱོད་རྫོགས་སྐུར་སྐྱེ། །ཆོས་ཉིད་མི་འགྱུར་ནམ་མཁའ་ལ། །རང་བཞིན་མེད་པར་རྟོགས་པ་ན། །སངས་རྒྱས་ཆོས་སྐུའི་སྙིང་པོ་ཐོབ། །འཆི་བ་དབུགས་ཀྱི་བར་དོ་རུ། །ཆོས་རྣམས་ཐམས་ཅད་དྲན་མི་བྱ། །དྲན་རྟོག་མེད་པའི་ནམ་མཁའ་ལ། །དམིགས་པ་མེད་པར་སིང་ངེར་བཞག །བག་ཆགས་མི་གཡོ་ཡེ་ཤེས་ཏེ། །རང་བཞིན་མེད་པར་གཞག་པར་བྱ། །རང་བཞིན་མེད་པར་རྟོགས་གྱུར་ན། །སངས་རྒྱས་ཀུན་གྱི་སྙིང་པོ་ཐོབ། །ཆོས་རྣམས་ནམ་མཁའི་སྙིང་པོ་ལ། །མཚན་མའི་རྣམ་རྟོག་ཅི་བྱུང་ཡང་། །རྟོག་མེད་ནམ་མཁའི་ངང་དུ་བསྒོམ། །ཆོས་རྣམས་ཐམས་ ཅད་ལྟ་བས་གཅོད། །ལུས་ངག་སྤྱོད་པ་ཆེན་པོ་དེ། །ལུས་ཀྱི་སྡུག་བསྔལ་ཅི་བྱུང་ཡང་། །རིག་པའི་ཤེས་པ་དེ་དག་ཀུན། །རིག་མེད་དབུགས་ཀྱི་རྟ་ཕོ་ལ། །རྣམ་རྟོག་བཅས་ཏེ་མཁའ་ལ་བཞག །རྣམ་རྟོག་སྐྱེད་པ་ཡིད་ཡིན་པས། །ཡིད་ཀྱི་ཡེ་ཤེས་མིང་མེད་བསྒོམ། །ལོ་དང་བསྐལ་པ་མང་པོ་རུ། །ཉོན་མོངས་བག་ཆགས་མང་ཡོད་ཀྱང་། །བར་དོའི་ཡེ་ཤེས་སྐད་ཅིག་གིས། །གསལ་བས་ཐམས་ཅད་དག་པར་བྱེད། །འཆི་ཁའི་ཡེ་ཤེས་སྟོབས་དྲགས་ན། །གོང་གི་རྣམ་རྟོག་ཉོན་མོངས་ཀུན། །ཡེ་ཤེས་སྐད་ཅིག་དག་གིས་སེལ། །འཆི་ཁའི་ཡེ་ཤེས་སྟོབས་ཞན་ན། །ལོ་དང་བསྐལ་པའི་བག་ཆགས་ཀུན། །དུས་དེ་ཉིད་དུ་རྫོགས་པར་སྣང་། །བར་དོའི་ཤེས་པ་ཡེ་ཤེས་སུ་བཅོས་པའི་ཐབས་བསྟན་པའི་ལེའུ་སྟེ་དྲུག་པའོ།། །།སྡུད་པོ་གསང་བདག་རྡོ་རྗེ་སེམས་དཔའ་ཡིས། །སྟོན་པའི་སྟོན་པ་ཀུན་ཏུ་བཟང་པོ་ལ། །མཐོ་རིས་ངན་སོང་གར་འགྲོ་བ། །དབུགས་དང་དྲོད་ཀྱི་ཆ་ཡིས་ཤེས། །དྲོད་དབུགས་བརྟག་པ་ཅི་ལྟ་བུ། །སྟོན་པའི་སྟོན་པ་ཀུན་ཏུ་བཟང་པོ་དེས། །མཐོ་རིས་འགྲོ་བའི་དྲོད་དེ་ནི། །རྐང་མཐིལ་དག་ནས་དྲོད་ཡལ་བ། །སྲིད་པ་ཆགས་པའི་ལྟེ་བ་རུ། །ལུས་ཀྱི་དྲོད་ནི་དེར་འདུས་ན། །ཁྱད་པར་ལྷ་
Chinese
是，生于欲界天。自心执着于自身，于色界处受生。嗔恨心过于强烈时，于地狱处受生。贪欲心过于强烈时，于饿鬼处受生。愚痴心过于强烈时，于畜生处受生。我慢心过于强烈时，于人处受生。嫉妒心过于强烈时，于非天处受生。懒惰心过于强烈时，于天处受生。无有动摇之智慧的征象，断绝则生于圆满报身。于不变之法性虚空中，若能证悟无自性，则得佛陀法身之精髓。临终处于呼吸中阴时，一切诸法皆不应忆念。于无有忆念分别之虚空中，无有目标而坦然安住。习气不动即是智慧，应安住于无自性中。若能证悟无自性，则得一切佛陀之精髓。诸法于虚空之精髓中，无论生起何种相状之分别，皆于无分别之虚空状态中修习。一切诸法
English
is, born as a god in the desire realm. When one's own mind clings to itself, one takes a body in the form realm. When intense anger is overwhelming, one takes a body in the hell realm. When intense desire is overwhelming, one takes a body in the hungry ghost realm. When intense ignorance is overwhelming, one takes a body in the animal realm. When intense pride is overwhelming, one takes a body in the human realm. When intense jealousy is overwhelming, one takes a body in the Asura realm. When intense laziness is overwhelming, one takes a body in the god realm. The sign of unwavering wisdom, when it ceases, one is born in the Sambhogakaya. In the unchanging Dharmata sky, when one realizes no self-nature, one obtains the essence of the Buddha's Dharmakaya. In the Bardo of death and breath, all dharmas should not be remembered. In the sky without memory and thought, rest serenely without any aim. The unwavering habit is wisdom, and it should be placed in no self-nature. If you realize no self-nature, you will obtain the essence of all Buddhas. In the essence of the sky of all dharmas, no matter what kind of conceptualization of characteristics arises, meditate in the state of non-conceptual sky. All dharmas