Tibetan
ཅིག་བྱུང་ནས། ཆུ་ལ་ སྔགས་བཟླས་ཏེ་དེའི་ལུས་བཀྲུས་པས་སླར་སོས་སོ། །དེ་ནས་ཡུལ་དུ་འོངས་པའི་ཚེ་གཏམ་ 16-504 དྲིས་པས། བྲམ་ཟེ་ཤངྐུ་ཤི་ནས་ཞག་བདུན་ལོན། ཁྱིམ་གྱི་ཡོ་བྱེད་རྣམས་བྲམ་ཟེ་རྣམས་ལ་ མཆོད་པར་བྱེད་དོ་ཞེས་ཟེར་རོ། །དེར་ཁྱིམ་དུ་འོངས་པས་སྒྱུ་མ་ཡིན་ནམ་སྙམ་ནས་རེ་ཞིག་ ཡིད་མ་ཆེས། ཕྱིས་ཡིད་ཆེས་ཏེ་ལྷག་པར་དགའོ། །དེ་ནས་དེ་ཀླུ་འདུལ་པའི་རིགས་སྔགས་ ཁོ་ན་འཚོལ་བ་ལས། ལན་ཅིག་གི་ཚེ་ཞིང་ལས་བྱེད་པའི་བུད་མེད་ཅིག་སྔགས་ཤིག་བཟླས་ པ་ན་གང་ནས་བྱུང་ཆ་མེད་པའི་སྦྲུལ་ཞིག་འོངས་ནས། བུད་མེད་དེའི་བུ་ཆུང་གི་རྐང་པ་ལ་ ཁས་རེག་པས་རེ་ཞིག་ཤི་བ་ལྟར་སོང་ཡང་ཞིང་ལས་རྣམས་གྲུབ་པ་ན་སྦྲུལ་ཞིག་འོངས་ ཏེ། བུ་ཆུང་དེའི་རྐང་པ་ལ་རྨུགས་པ་ཙམ་གྱིས་སླར་ཡང་སོས་སོ། །དེ་མཁའ་འགྲོ་མར་ཤེས་ ཏེ་ཞབས་ལ་ཕྱག་བྱས། རིགས་སྔགས་བསླབ་པར་ཞུས་པས། ཁྱོད་ནི་རིག་སྔགས་ཀྱི་སྣོད་ མ་ཡིན་ཞིང་། དམ་རྫས་ཀྱང་རྙེད་པར་དཀའོ་ཞེས་ཕྱིར་བཟློག་པ་ལས་ས་ཐེ་བཙུགས་ནས་ གསོལ་བ་བཏབ་པས་ཁས་བླངས་སོ། །དེར་དམ་རྫས་ཁྱི་མོ་ནག་རྐྱང་གི་འོ་མ་བསྐོལ་བའི་ འོ་ཐུག་སྙིམ་པ་བརྒྱད་དགོས་པར་བྱུང་བས་བཙལ་ནས་རིག་སྔགས་ཞུས་པས། དེས་སྔགས་ མང་དུ་བཟླས་ནས་ཤངྐུ་ལ་འཐུང་དུ་བཅུག་གོ །སྙིམ་པ་དྲུག་གིས་ལྟོ་གང་སྟེ། དེ་བས་ལྷག་པ་ འཐུང་མི་ནུས་ཁད་ལ་འདི་མ་འཐུངས་ན་ཐོག་མ་ཉིད་དུ་ཁྱོད་སྦྲུལ་གྱིས་གསོད། དེ་ནས་སྐྱེ་བོ་ མང་པོའང་གསོད་ཅེས་སྡིགས་ནས་ནན་གྱིས་འཐུང་དུ་བཅུག་པས་སླར་ཡང་སྙིམ་པ་གཅིག་ འཐུངས། སྙིམ་པ་ལྷག་མ་ཅིག་ཐབས་ཇི་ལྟར་བྱས་ཀྱང་འཐུངས་མ་ཐུབ་བོ། །དེ་ནས་མཁའ་ འགྲོ་མ་ན་རེ། ངས་དང་པོ་ནས་ཁྱོད་ཉིད་སྣོད་མ་ཡིན་ནོ་ཞེས་མ་སྨྲས་སམ། ད་ཁྱོད་ཀྱིས་ཀླུ་ རིགས་བདུན་འདུལ་ནུས་ཞིང་ཇི་ལྟར་འདོད་པར་དབང་བྱེད་ནུས་ལ། ནོར་རྒྱས་ཀྱི་རིགས་ ནི་མ་ཡིན་ཏེ། ནམ་ཞིག་ན་སྦྲུལ་ནོར་རྒྱས་ཀྱི་རིགས་ཀྱིས་ཟིན་ནས་འཆི་བར་འགྱུར་རོ་ཞེས་ ཟེར། དེ་ནས་བྲམ་ཟེ་དེ་ཤིན་ཏུ་མཐུ་དང་རྫུ་འཕྲུལ་ཆེ་བར་གྱུར་ཏེ་ཀླུ་རྣམས་མངག་བཞུག་ཏུ་ བསྐུལ་ནས་ཕན་གནོད་ཀྱི་ལས་གང་ལའང་ཐོགས་པ་མེད་པར་སྤྱོད་པ་ཞིག་བྱུང་ངོ་། །དེ་ཉིན་ 16-505 རེ་བཞིན་བྲམ་ཟེ་མང་པོ་ལ་བསྟན་བཅོས་ཀློག་པ་དང་། སྦྱིན་པ་དག་བྱིན་ཞིང་བསོད་ནམས་ དག་བྱེད་དོ། །མཚན་རེ་བཞིན་སྐྱེད་མོས་ཚལ་དུ་སོང་ནས། ཀླུ་མོ་རྣམས་དང་ལྷན་ཅིག་འདོད་ པའི་ཡོན་ཏན་ལྔ་དང་རྩེ་བར་བྱེད་དོ། །དེས་ཡུལ་པུཎྜ་ཝརྔྷ་ནའི་ཕྱོགས་ཅིག་ཏུ་ཨཥྚ་དྷཱ་ཏུ་ལས་ རྗེ་བཙུན་མ་འཕགས་མ་སྒྲོལ་མའི་ལྷ་ཁང་བཞེངས། དཀོན་མཆོག་གསུམ་ལ་མཆོད་པ་རྒྱ་ ཆེན་པོ་བྱས་པ་ལས། དུས་ནམ་ཞིག་ཀླུའི་བུད་མེད་རྣམས་ཀྱི་ཁྲོད་དུ་ཀླུའི་རྒྱལ་པོ་ནོར་རྒྱལ་ ཀྱི་གཡོག་མོ་ཞིག་ཡོད་པ་མ་ཤེས་པར་བྲམ་ཟེ་བག་མེད་པས་གནས་པ་ལས། དེས་དཔྲལ་ པར་སོ་བཏབ་ནས་བྲོས་སོ། །དེ་ནས་གཡོག་ལ་བསྐོས་ཏེ་རྒྱ་མཚོའི་ལྦུ་བ་ལོངས་ཚུར་འོང་ བའི་ཚེ་ཕྱི་མིག་མ་ལྟ། གཞན་གྱི་ཚིག་མ་ཉན། ཕར་གཏམ་མ་སྨྲ་ཞེས་བསྒོས་ཏེ་རྐང་མགྱོགས་ ཀྱི་རྫས་བྱིན་ནས་སོང་ངོ་། །དེས་ཚུར་འོངས་པའི་ཚེ་སྐྱེས་བུ་ཞིག་འབོད་ཅིང་བྱུང་ངོ་། །དེར་ ཉན་པ་ལ། བདག་ནི་སྨན་པ་སྟེ་ནད་དང་དུག་མཐའ་དག་གསོ་བར་བྱེད་དོ་ཟེར་བ་ལ་ཕྱི་མིག་ བལྟས་པས། བྲམ་ཟེ་སྨན་གྱི་སྣོད་ཐོགས་པ་ཅིག་བྱུང་ངོ་། །དེ་མ་ཐག་དེ་ན་རེ། ཁྱོད་ཀྱི་སྨན་ཅི་ ཡིན་པ་སྟོན་ཞིག་ཟེར། དེས་རྒྱ་མཚོའི་ལྦུ་བ་བསྟན་པས་ས་ལ་གཏོར་ཏེ་མི་སྣང་བར་སོང་ངོ་། ། སླར་ཤངྐུ་དང་འཕྲད་དེ་གཏམ་བཤད་པས་ས་དང་ལྷན་ཅིག་ཕྱགས་ལ་ལོང་ཞིག་ཟེར། དེར་ ཕྱིན་པས་ཀླུའི་རྫུ་འཕྲུལ་གྱིས་ས་ཕྱོགས་དེར་མཚོ་བརྡོལ་ནས་ལེན་པར་མ་ནུས། ཤངྐུ་ཡང་ དུས་ལས་འདས། དེ་ལྟ་བུའི་བྲམ་ཟེ་ཤངྐུས་རྒྱ་གར་ལྷོ་ཕྱོགས་ཁ་གནྡྲེའི་ཡུལ་དུ་ནམ་མཁའ་ ལྡིང་གི་མཆོད་སྡོང་རྡོ་རིངས་ཤིག་བཙུགས་ཏེ། དེ་ལ་མཆོད་པ་ཙམ་གྱིས་དུག་ནད་ཞི་བ་དང་། ཁྲུས་གསོལ་བའི་ཁུ་བ་འཐུང་ཞིང་ཁྲུས་བྱས་པས་ཀླུ་ནད་སེལ་བར་འགྱུར་བ་ཡོད་དོ། །བྲམ་ ཟེ་ཕུར་བུ་ནི་ཀུ་རུ་ཀུལླེའི་རིགས་སྔགས་གྲུབ་པ་སྟེ། རྒྱལ་པོས་ཀླུའི་རྒྱལ་པོ་ཏ་ཀྵ་ཀ་སྟོན་ ཅིག་བྱས་པ་ལས། ཀུ་རུ་ཀུ་ལླེའི་སྔགས་བཟླས་པའི་རྡོ་མཚོར་འཕངས་པས་མཚོ་ཁོལ་ཞིང་ དབུས་ནས་ཀླུའི་ཕོ་བྲང་གི་བ་གམ་ཉུག་ཉུག་པ་རྒྱལ་པོ་འཁོར་བཅས་ཀྱིས་མཐོང་། དེར་ཀླུའི་ 16-506 དུག་གིས་མི་ཕྱུགས་མང་པོ་ཤི་བས་ཀླུ་དངོས་སྟོན་མ་ཐུབ་སྟེ་སླར་ནུབ་པར་བྱས་སོ། །བྲམ་ཟེ་ ཕུར་བུ་དེས་ཨོ་ཊི་བི་ཤའི་གྲོང་ཁྱེར་ཀ་ཊ་ཀ་ར་སངས་རྒྱས་ཀྱི་ལྷ་ཁང་མང་དུ་བཞེངས། དགེ་ འདུན་མང་པོ་ལ་དུས་སྟོན་ཡང་བཙུགས་སོ། །རྒྱལ་པོ་སངས་རྒྱས་ཕྱོགས་དང་། དེའི་རྗེས་སུ་ དྷརྨཱ་ཙནྡྲའི་ཚ་བོ་ཀརྨ་ཙནྡྲ་ཞེས་བྱ་བ་བྱུང་སྟེ། དེ་དག་གི་རིང་ལ་སློབ་དཔོན་དགའ་བྱེད་སྙན་ པ་དང་། སློབ་དཔོན་རྟ་དབྱངས་ཆུང་བ་དང་། སྒྲ་གཅན་འཛིན་བཟང་པོའི་སློབ་མ་སྒྲ་གཅན་ འཛིན་བཤེས་གཉེན་ཡིན་ལ། དེའི་སློབ་མ་ཀླུའི་བཤེས་གཉེན་རྣམས་བྱུང་སྟེ། དེ་དག་གིས་ ཐེག་པ་ཆེན་པོ་དར་བར་མཛད་དོ། །འོན་ཀྱང་ད་ལྟ་བོད་དུ་ཡོད་པའི་བསྟོད་པ་བརྒྱ་ལྔ་བཅུ་ པའི་འགྲེལ་པ་མཛད་མཁན་སློབ་དཔོན་དགའ་བྱེད་སྙན་པ་ནི་ཕྱོགས་གླང་ལ་སོགས་པའི་ ཕྱིས་འབྱུང་བར་འགྲེལ་པ་དེ་ལས་གསལ་བས། འདི་སྐབས་ཀྱི་དེ་དང་མཚན་གཅིག་པ་ཙམ་ མོ། །རྒྱལ་པོ་སངས་རྒྱས་ཕྱོགས་ཀྱི་བྱ་བའི་མཐའ་མ་དང་། རྒྱལ་པོ་ཀརྨ་ཙནྡྲའི་དུས་སྐབས་ ཀྱི་གཏམ་སྟེ་ཉི་ཤུ་རྩ་གཅིག་པའོ།། །། ༄། །ཉི་ཤུ་རྩ་གཉིས་པ། འཕགས་པ་ཐོགས་མེད་སྐུ་མཆེད་ཀྱི་དུས་སུ་བྱུང་བའི་གཏམ། དེའི་འོག་ཏུ་རྒྱལ་པོ་ཀརྨ་ཙནྡྲས་རྒྱལ་སྲིད་སྐྱོང་བཞིན་པའི་དུས་ན། རྒྱལ་པོ་སངས་རྒྱས་ ཕྱོགས་ཀྱི་བུ་ཟབ་མོ་ཕྱོགས་ཞེས་བྱ་བ་ཕོ་བྲང་གྲོང་ཁྱེར་ལྔ་ལེན་དུ་བྱེད་པ་ཞིག་བྱུང་སྟེ། ལོ་ བཞི་བཅུར་ཉེ་བ་རྒྱལ་སྲིད་བྱས་སོ། ཁ་ཆེའི་ཡུལ་དུ་རྒྱལ་པོ་ཏུ་རཥྐའི་བུ་ཏུ་རུཥྐ་མང་པོས་ བཀུར་བ་ཞེས་བྱ་བ་ཁྲོ་བོ་བདུད་རྩི་འཁྱིལ་བའི་ཞལ་མཐོང་བ་ཚེ་ལོ་བརྒྱ་དང་ལྔ་བཅུ་ཐུབ་པ། རྒྱལ་སྲིད་ཀྱང་ལོ་བརྒྱ་ཙམ་བསྐྱངས་བ་ཞིག་བྱུང་སྟེ། དེས་ཁ་ཆེ་དང་ཐོ་གར་དང་། ཡུལ་ག་ཛ་ ནི་ལ་སོགས་པ་ཐམས་ཅད་མངའ་འབངས་སུ་བསྡུས་ནས། དཀོན་མཆོག་མཆོད་པ་ཞིག་ བྱུང་། ཁྱད་པར་ཡུལ་ག་ཛ་ནིར་སངས་རྒྱས་ཀྱི་ཚེམས་བཞུགས་པའི་མཆོད་རྟེན་ཆེན་པོ་ བཞེངས་ལ། དགེ་སློང་ཕ་མ་དང་། དགེ་བསྙེན་ཕ་མ་སྟོང་ཕྲག་རེ་རེ་མཆོད་རྟེན་མཆོད་པའི་ ལག་ལེན་དུ་བསྐོས། སྐུ་གཟུགས་ཀྱི་ཁྱད་པར་དཔག་ཏུ་མེད་པ་བཞེངས། དགེ་སློང་ཛཱི་ཝ་ཀ་ 16-507 ར་ཞེས་བྱ་བ་དང་། དགེ་བསྙེན་ཆོས་འཕེལ་ཞེས་བྱ་བ་འཁོར་དགེ་སློང་དང་། དགེ་བསྙེན་ལྔ་ སྟོང་ལྔ་སྟོང་གིས་བསྐོར་ཏེ་ཤེས་རབ་ཀྱི་ཕ་རོལ་ཏུ་ཕྱིན་པའི་དོན་སྒོམ་པ་དེ་བཞིན་གཤེགས་ པ་སྒྲུབ་པས་མཉེས་པར་བྱེད་པ་བྱུང་ནས། དགེ་སློང་དང་དགེ་བསྙེན་རྫུ་འཕྲུལ་ཅན་བརྒྱ་ ཕྲག་མང་པོ་ཡང་བྱུང་། ཆོས་སྤྱོད་བཅུ་ཤིན་ཏུ་འཕེལ་བར་བྱེད་དོ། །རྒྱལ་པོ་ཟབ་མོའི་ཕྱོགས་ རྒྱལ་སྲིད་དུ་འཁོད་ནས་ལོ་བཅུ་གཉིས་ལོན་པའི་ཚེ། རྒྱལ་པོ་ཀརྨ་ཙནྡྲ་འདས། དེའི་བུ་བྲྀཀྵ་ ཙནྡྲ་རྒྱལ་སྲིད་ལ་བསྐོས་ཀྱང་དབང་ཐང་ཆུང་ངུར་བྱུང་ནས། ཨོ་ཊི་སའི་རྒྱལ་པོ་ཛཱ་ལེ་རུ་ཧ་ ཞེས་བྱ་བས་ཤར་ཕྱོགས་ཕལ་ཆེར་ལ་དབང་བསྒྱུར། རྒྱལ་པོ་དེ་དག་གི་སྐབས་སུ་དགེ་སློང་ ཆེན་པོ་ཨརྷ་ཏ་ཞེས་བྱ་བའི་སྐུ་ཚེའི་སྨད་ཀྱི་དུས་དང་། འཕགས་པ་ཐོགས་མེད་ཀྱི་འགྲོ་བའི་ དོན་མཛད་པའི་དུས་ཡིན་ཞིང་། སློབ་དཔོན་དབྱིག་གཉེན་དང་། སངས་རྒྱས་འབངས་དང་། དགེ་འདུན་འབངས་རྣམས་ཀྱི་སྐུ་ཚེའི་སྟོད་ཀྱི་དུས་སོ། །སློབ་དཔོན་ཀླུའི་བཤེས་གཉེན་ཚེ་ རིང་པོར་གནས་པ་དེའི་སློབ་མ་དགེ་འདུན་སྲུང་བ་ཞེས་པའང་བྱུང་ལ། དུས་འདི་ཡན་ཆད་དུ་ གསང་སྔགས་རྣལ་འབྱོར་བླ་ན་མེད་པའི་ཆོས་སྐལ་པ་དང་ལྡན་པ་རྣམས་ལ་མ་དར་བ་ནི་མ་ ཡིན་ཏེ། སྔོན་ཐེག་པ་ཆེན་པོའི་ཆོས་དར་བ་ནས་མི་རིང་བར་བྱུང་བའི་རིག་པ་འཛིན་པ་སྟོང་ ཕྲག་བརྒྱ་པོ་དེ་དག་དང་། ཨུ་རྒྱན་གྱི་ཡུལ་དུ་སྐྱེ་བོ་ཐམས་ཅད་རིག་པ་འཛིན་པའི་གནས་ ཐོབ་པ་རྣམས་ཀྱང་ཕལ་ཆེར་བླ་མེད་ཀྱི་ལམ་ལ་བརྟེན་པ་ཡིན་ལ། འོན་ཀྱང་དེ་དག་ནི་གསང་ བའི་བདག་པོ་ལ་སོགས་པས་སྐལ་ལྡན་བརྒྱའམ་སྟོང་ལ་སོགས་པ་ལ་ཅིག་ཅར་དུ་ཞལ་ བསྟན་ཏེ་སྔགས་ཀྱི་ཐེག་པ་བསྟན། དེ་དག་ཐམས་ཅད་འཇའ་ལུས་སུ་གྱུར་ནས། དེའི་རྗེས་ སུ་གདམས་པ་བཞག་པའང་མེད་ལ། སྔོན་གྱི་སྐྱེས་བུ་རྣམས་ཤིན་ཏུ་སྒོམ་ཞིང་གསང་བ་སྲུང་ བ་ཡིན་པའི་ཕྱིར་དེ་དག་རིག་པ་འཛིན་པ་མ་གྲུབ་ཀྱི་བར་དུ་སུས་ཀྱང་གསང་སྔགས་སྤྱོད་པ་ ཡིན་པར་མ་ཤེས་ཏེ། གང་ཆོ་འཕྲུལ་ཆེན་པོ་དང་བཅས་ཏེ་མཁའ་ལ་གཤེགས་པའམ་མི་སྣང་ 16-508 བར་གྱུར་པ་ན། ཀྱེ་མ་དེ་དག་ནི་སྔགས་ཀྱི་སྤྱོད་པ་ཅན་ཡིན་ནོ་ཞེས་སླད་ནས་རིག་པར་ འགྱུར་བ་ཤ་སྟག་གོ །དེའི་ཕྱིར་སློབ་དཔོན་གྱིས་སློབ་མ་ལ་བརྒྱུད་པའི་རིམ་པས་འདོམས་ པའང་ཅུང་ཟད་ཙམ་ལས་མེད་ལ། བྱ་བ་དང་སྤྱོད་པའི་རྒྱུད་ཀྱི་སྔགས་རྒྱུད་ཉམས་སུ་ལེན་པ་ ནི་ཐེག་པ་ཆེན་པོ་དར་ནས་བརྩམས་ཏེ་ཤིན་ཏུ་མང་བ་ཞིག་ཡོད་ནའང་། ཤིན་ཏུ་གསང་ཞིང་ སྤྱོད་པ་ཡིན་པའི་ཕྱིར་གསང་སྔགས་དེ་ཉིད་ལ་སྤྱོད་པ་ཡིན་ན་མ་གཏོགས་ཅི་ཞིག་ཉམས་སུ་ ལེན་སུས་ཀྱང་མི་ཤེས་སོ། །དེའི་ཕྱིར་ལས་དང་དངོས་གྲུབ་རྣམས་ཐོགས་པ་མེད་པར་འགྲུབ་ པ་ཞིག་ཡོད་དོ། །ས་ར་ཧ་དང་། ཀླུ་སྒྲུབ་ཡབ་སྲས་དང་། གྲུབ་ཐོབ་ཤཱ་ཝ་རི་པའི་བར་དུ་བརྒྱུད་ པ་ནས་བརྒྱུད་པར་རྗེས་སུ་བཟུང་བ་ནི། ཡོངས་སུ་གྲགས་པ་ལྟར་ཡོད་པར་མངོན་ལ། གཞན་ དུ་དེ་ཡན་ཆད་ཀྱི་སློབ་དཔོན་རྣམས་གསང་སྔགས་བླ་མེད་ཀྱི་བརྒྱུད་པ་ལ་བཞུགས་པའང་ ཆེར་མ་མཐོང་ངོ་། །སྤྱོད་བསྡུས་སྒྲོན་མེ་ལས་ཁུངས་སུ་མཛད་པའི་པདྨ་བཛྲ་དང་། ཀམྤ་ལ་པ་ བྱུང་ཡང་། དང་པོར་ནི་འཕགས་པའི་ཡུལ་དུ་འགྲོ་བའི་དོན་མཛད་པ་མ་བྱུང་བར་མངོན་ལ་ ཕྱི་མའི་ལོ་རྒྱུས་ནི་མ་མཐོང་ངོ་། །དེ་བས་ན་བྲམ་ཟེ་ཆེན་པོ་དང་། ཀླུ་སྒྲུབ་ཡབ་སྲས་སོགས་ ཀྱིས་མཛད་པའི་བླ་མེད་ཀྱི་བསྟན་བཅོས་ཡོད་པ་འདི་ཀུན་ལས་གཞན་པའི་སྔགས་བླ་མེད་ ཀྱི་དགོངས་འགྲེལ་ཡང་འདི་ཡན་ཆད་དུ་ཆེར་མེད་པར་གྲགས་ཤིང་། བསྟན་བཅོས་དེ་དག་ ཀྱང་དབུ་མ་རིག་ཚོགས་ལ་སོགས་པའི་གཞུང་བཞིན་དུ་ཡོངས་ཁྱབ་ཏུ་གྲགས་པ་ནི་མ་ཡིན་ ཏེ། ཀླུའི་བྱང་ཆུབ་རིག་པ་འཛིན་པའི་གནས་བརྙེས་པ་དེ་ཁོ་ན་ལ་གཏད་པས། ཕྱིས་རྒྱལ་པོ་ དེ་ཝ་པཱ་ལ་ཡབ་སྲས་ཀྱི་དུས་སུ་དར་བར་གྱུར་པ་ཡིན་ཏེ། དེའི་ཕྱིར་འཕགས་སྐོར་དང་སངས་ རྒྱས་ཐོད་པའི་སྐོར་སོགས་ལ་རྒྱུད་ཐག་ཉེ་མོར་འབྱུང་བའི་རྒྱུ་མཚན་ཡང་དེ་ཡིན་ནོ། །དཔེར་ ན་བོད་དུ་ཡང་དག་སྣང་གི་ཆོས་དང་། གཏེར་ཆོས་རྫུན་གསོབ་མེད་པ་རྣམས་དང་འདྲའོ། ། དུས་འདི་ཙམ་ནས་བཟུང་ནས་བྱ་སྤྱོད་ཀྱི་སྔགས་རྒྱུད་རྣམས་ལོ་ཉིས་བརྒྱ་ཙམ་གྱི་བར་དུ་ 16-509 ཤིན་ཏུ་དར་ཞིང་མངོན་མཚན་དུ་སྤྱོད་པ་བྱུང་ལ། རྣལ་འབྱོར་དང་རྣལ་འབྱོར་བླ་ན་མེད་པའི་ རྒྱུད་རྣམས་ནི་དངོས་གྲུབ་མ་ཐོབ་ཀྱི་བར་དུ་མངོན་མཚན་དུ་སྤྱོད་པ་མེད་ཀྱང་། སྔོན་ལས་ ཆེས་དར་བར་གྱུར་ཞིང་། དགོངས་འགྲེལ་གྱི་བསྟན་བཅོས་ཀྱང་ཅི་རིགས་པ་མཛད་པར་བྱུང་ ལ། གྲུབ་ཐོབ་གྲགས་ཆེ་བ་རྣམས་ཀྱང་བྱོན་ཏེ། སྐབས་དེར་སློབ་དཔོན་རྟ་མཆོག་དང་། སློབ་ དཔོན་ཆེན་པོ་ལཱུ་ཡི་པ་དང་། གྲུབ་ཐོབ་ཙརྤ་ཊི་པ་རྣམས་ཀྱང་བྱུང་སྟེ་དེ་དག་གི་ལོ་རྒྱུས་གཞན་ དུ་གསལ། སློབ་དཔོན་ཨརྷ་ཏ་ནི་རྒྱལ་པོ་ཀརྨ་ཙནྡྲའི་དུས་སུ་སྡོམ་བརྩོན་སྡེ་སྣོད་གསུམ་ འཛིན་པར་གྱུར་པ་ཞིག་ཡིན་ལ། དེས་གཏེར་གྱི་བུམ་པ་ཆེན་པོ་བསྒྲུབས་སོ། །མཐར་གྱིས་ གྲུབ་སྟེ་ཡུལ་ཝཱ་རཱ་ཎ་སཱིར་ས་འོག་ཏུ་རིན་པོ་ཆེའི་བུམ་པ་སྲིད་དུ་དཔག་ཚད་ཙམ་ཡོད་པ་བྱུང་ སྟེ་དགེ་འདུན་ཁྲི་ཕྲག་མང་པོ་ལ་འཚོ་བ་སྦྱོར་བ་ཞིག་ཡོད་པ་ལས། དུས་ལན་ཅིག་སྲུང་བ་ བྱེད་པ་བརྗེད་དེ། དེའི་ནུབ་མོ་གནོད་སྦྱིན་རྣམས་ཀྱིས་བརྐུས་ཏེ། ནངས་པར་དགེ་འདུན་ མཆོད་པའི་དོན་དུ་ཁ་ཕྱེ་བ་ན་སྟོང་པར་མཐོང་ནས། དགེ་སློང་རིག་སྔགས་མཁན་རྫུ་འཕྲུལ་ ཆེན་པོ་དེས་ཚངས་པ་ལ་སོགས་པ་ལྷ་ཆེན་པོ་ཐམས་ཅད་ཀྱང་བཀུག་སྟེ། དེ་རྣམས་གཟིར་ བའི་དེ་དག་གིས་གནོད་སྦྱིན་རྣམས་བཀུག་སྟེ་སླར་ཡང་གཏེར་གྱི་བུམ་པ་གང་ངོ་། །ལྷ་རྣམས་ འོངས་པའི་རྟགས་སུ་ས་གཡོ་བ་དང་། མེ་ཏོག་གི་ཆར་དང་། དྲི་བཟང་པོ་ཞག་བདུན་གྱི་བར་ དུ་རྒྱུན་མ་ཆད་པ་སྐྱེ་བོ་ཐམས་ཅད་ལ་མངོན་པར་གྱུར་ཏོ། །ཚུལ་དེས་ལོ་བཞི་བཅུར་ཉེ་བ་ དགེ་འདུན་མཆོད་པར་བྱས། གཏེར་གྱི་བུམ་པ་ཁོ་རང་ཉིད་ལ་སྣང་བ་ཡིན་གྱི་གཞན་དག་ གིས་ས་འབྲུ་བར་མཐོང་ངོ་། །འཕགས་པ་ཐོགས་མེད་སྐུ་མཆེད་ཀྱི་ལོ་རྒྱུས་ནི། སྔོན་རྒྱལ་པོ་ གཽ་ཊ་འཕེལ་བྱེད་ཀྱི་དུས་དགེ་སློང་སྡེ་སྣོད་གསུམ་འཛིན་པ་འཕགས་པ་སྤྱན་རས་གཟིགས་ ལ་ཡིད་དམ་དུ་བྱེད་པ་ཞིག་ཡོད་པས་དུས་ལན་ཅིག་དགེ་སློང་གཞན་ཞིག་དང་གལ་བཟུང་བ་ དང་གཞུང་གཟུག་པ་དང་། བརྒལ་བརྟག་བྱེད་པའི་ཚེ་ང་རྒྱལ་གྱི་སྐྱོན་གྱིས་དེ་ལ་བུད་མེད་ཀྱི་ 16-510 རིག་པ་ཅན་འདི་ཞེས་སྨད་དོ། །དེའི་ཚེ་འཕགས་པ་སྤྱན་རས་གཟིགས་དབང་ཕྱུག་གིས་ཁྱོད་ ཀྱི་ལས་འདིས་སྐྱེ་བ་མང་པོར་བུད་མེད་དུ་སྐྱེ་བར་འགྱུར་རོ། །འོན་ཀྱང་བྱང་ཆུབ་མ་ཐོབ་གྱི་ བར་དུ་ཁྱོད་ཀྱི་དགེ་བའི་བཤེས་གཉེན་ནི་ང་ཡིན་ནོ་ཞེས་གསུངས་སོ། །དེ་ནི་རྒྱལ་པོ་སངས་ རྒྱས་ཕྱོགས་ཀྱི་དུས་ཙམ་ན་སྐྱེ་བ་བླངས་པ་ནི། བྲམ་ཟེ་མོ་པྲ་ཀཱ་ས་ཤཱི་ལ་ཞེས་པ་རབ་ཏུ་ གསལ་བའི་ངང་ཚུལ་མ་ཞེས་པ་ཡིན་ཏེ། དེ་སྐྱེ་བ་དྲན་ཞིང་ཆུང་ངུ་ནས་མདོ་སྡེ་དང་། མངོན་ པའི་གཞུང་ལུགས་དག་མཐོང་ཞིང་ཐོས་པ་ཙམ་གྱིས་རང་ཤེས་པ་འཕགས་པ་སྤྱན་རས་ གཟིགས་རྟག་ཏུ་མཆོད་པ། དགེ་བ་བཅུའི་ལམ་ལ་ངང་གིས་གནས་པ། བྱང་ཆུབ་ཀྱི་སེམས་ སྟོབས་སུ་གྱུར་པ་ཞིག་སྟེ། འདི་དགེ་སློང་མར་འདོད་པ་འཁྲུལ་པ་ཡིན་ལ། ཆེར་སྐྱེས་པ་ན། དེ་རྒྱལ་རིགས་ཞིག་དང་འདུས་པ་ལས་ཁྱེའུ་མཚན་དང་ལྡན་པ་བཅས་ཏེ་བློ་རྣོ་བའི་ཆོ་ག་ བྱས། ཅུང་ཟད་ཆེར་སྐྱེས་པ་ན་ཡི་གེ་དང་རྩིས་དང་། བརྟག་པ་བརྒྱད་དང་། བརྡ་སྤྲོད་པ་དང་། རྟོག་གེ་དང་། སྨན་དཔྱད་དང་། བཟོའི་གནས་རྣམས་དང་། རིག་པའི་གནས་བཅོ་བརྒྱད་ལ་ སོགས་པ་མ་ཉིད་ཀྱིས་ལེགས་པར་བསླབས་ཏེ་ཤིན་ཏུ་བྱང་ཞིང་གསལ་པར་གྱུར་ཏོ། །དེས་ རང་གི་རིགས་ཀྱི་ཆོས་དྲི་བ་ན་བུ་ཁྱོད་རིགས་ཀྱི་བྱ་བ་བྱེད་པའི་ཕྱིར་བསྐྱེད་པ་མ་ཡིན་ཏེ། དམ་པའི་ཆོས་དར་བར་བྱ་བའི་ཕྱིར་བསྐྱེད་པ་ཡིན་ན། རབ་ཏུ་བྱུང་ནས་མང་དུ་ཐོས་པ་དང་ ཏིང་ངེ་འཛིན་ཐོབ་པར་གྱིས་ཤིག །ཅེས་གསུངས་པ་ལྟར་རབ་ཏུ་བྱུང་ནས་མཁན་པོ་དང་སློབ་ དཔོན་དང་དགེ་འདུན་གྱི་ཞབས་འབྲིང་གི་བྱ་བའི་དུས་འདའ་བ་ལོ་གཅིག་ཏུ་མཛད་ནས། བསྙེན་པར་རྫོགས་ནས་ལོ་ལྔའི་བར་དུ་ཀློག་པ་ལ་བརྩོན་པར་གནས་ཏེ། ལོ་རེ་རེ་ཚིགས་སུ་ བཅད་པ་འབུམ་འབུམ་གྱི་ཚིག་དོན་ཐམས་ཅད་ཆུབ་པར་བྱས། དེ་ལྟར་ཐུན་མོང་གི་སྡེ་སྣོད་ གསུམ་དང་། ཐེག་པ་ཆེན་པོའི་མདོ་སྡེ་ཕལ་ཆེར་ནི་རྟོགས་པར་སླ་ཡང་། ཤེས་རབ་ཀྱི་ཕ་ རོལ་ཏུ་ཕྱིན་པའི་མདོའི་བརྗོད་བྱ་མ་ཟློས་ཤིང་མ་འཛིངས་པ་ནི་རྟོགས་པར་དཀའ་བར་ 16-511 དགོངས་ནས། དེའི་དོན་དུ་ལྷག་པའི་ལྷ་ཞལ་མཐོང་བར་བྱའོ་ཞེས་གཅིག་ཏུ་བརྣགས་པས། གོང་དུ་བཤད་པའི་སློབ་དཔོན་ཨརྷ་ཏ་དེ་ཉིད་ལ་དབང་བསྐུར་པ་མ་ནོས་པས་མེ་ཏོག་རྒྱལ་ བ་མི་ཕམ་པ་ལ་ཕོག་གོ །དབང་བསྐུར་བའི་རྒྱུད་དང་། དཀྱིལ་འཁོར་གང་ཡིན་མི་གསལ་ ཡང་སྒྱུ་འཕྲུལ་དྲྭ་བའི་དཀྱིལ་འཁོར་ཡིན་པར་མངོན་ཏེ། སློབ་དཔོན་འདིས་སྒྱུ་འཕྲུལ་དྲྭ་བའི་ རྒྱུད་ལ་བརྟེན་ནས་བྱམས་པའི་སྒྲུབ་ཐབས་མཛད་པའི་ཕྱིར་རོ་ཞེས་བླ་མ་པཎྜི་ཏ་གསུང་། དེ་ ནས་གུར་པ་པརྦ་ཏ་སྟེ། གསུང་རབ་ལས་ཀུག་ཀུ་ཊ་པཱ་ད་པརྦ་ཏ། རི་བོ་བྱ་རྐང་ཅན་དུ་གྲགས་ པ་དེའི་ཕུག་ཅིག་ཏུ་འཕགས་པ་བྱམས་པ་བསྒྲུབས་ཏེ་ལོ་གསུམ་དུ་ལྟས་ཅི་ཡང་མ་བྱུང་བས་ ཐུགས་མུག་ནས་ཕྱིར་ཐོན་པས། བྲག་གི་ངོས་ལ་བྱའི་ཚང་བཅས་སྔ་དྲོ་ཟན་འཚོལ་བ་ལ་ འཕུར་བ་དང་། དགོངས་ཀ་ཚང་དུ་ལོག་ཡོངས་པ་བྲག་གི་ངོས་ལ་གཤོག་པ་རེག་ཙམ་དེ་བྱུང་ བ་ལ། ཡུན་རིང་པས་བྲག་ཟད་པར་གཟིགས་ནས་ངའི་བརྩོན་འགྲུས་ཆུང་ངོ་སྙམ་ནས་སླར་ ལྡོག་སྟེ་ལོ་གསུམ་སྒྲུབ་པ་མཛད། དེ་བཞིན་དུ་ཡང་ཐོན་པ་ན། ཆུ་ཐིགས་ཀྱིས་བྲག་ཟད་པར་ གཟིགས། ཡང་ལོ་གསུམ་བསྒྲུབས་ཏེ་ཐོན་པ་ན། མི་རྒན་པོ་ཞིག་རས་བལ་འཇམ་པོས་ ལྕགས་འཕྱིད་པར་བྱེད་ཅིང་། འདི་ལས་ཕྲ་ཁབ་བྱེད་པ་ཡིན། སྔར་ཡང་རས་བལ་གྱིས་ཕྱིས་ ཏེ་ལྕགས་ཟད་པ་ལས་ཁབ་འདི་ཙམ་བྱུང་ངོ་། །ཞེས་སྣོད་ཅིག་ཁབ་ཀྱིས་གང་བ་བསྟན་ནོ། ། ཡང་ལོ་གསུམ་བསྒྲུབས་ཏེ། དེ་ལྟར་ལོ་བཅུ་གཉིས་སུ་ལྟས་མ་བྱུང་བས་ཐུགས་སྐྱོ་སྟེ་ཐོན་ ནས་ཕྱིན་པས། གྲོང་ཁྱེར་ཞིག་ན་ཁྱི་མོ་མི་ལ་ཟུག་ཅིང་ཟ་བ། སྨད་འབུས་ཁྱེར་བ་ཞིག་ གཟིགས་ནས་སྙིང་རྗེ་ལྷག་པར་སྐྱེས་ཏེ། འབུ་འདི་རྣམས་མ་བསལ་ན་ཁྱི་འདི་འཆི་ལ། བསལ་ནས་བོར་ན་འབུ་རྣམས་འཆི་བས་རང་གི་ལུས་ཀྱི་ཤ་རྣམས་བཅད་ནས་དེར་འབུ་ རྣམས་གཞུག་པར་བྱའོ་སྙམ་སྟེ། ཨ་ཙིནྟ་ཞེས་བྱ་བའི་གྲོང་ཁྱེར་ནས་སྤུ་གྲི་བླངས། ལྷུང་ བཟེད་དང་འཁར་གསིལ་གཏེང་པར་བཞག །སྤུ་གྲིས་སྐུའི་བརླ་ཤ་ནས་ཕྲལ་ཏེ། སྤྱན་བཙུམ་ 16-512 ནས་འབུ་རྣམས་བླང་བར་བརྩམས་པ་ན། ཕྱག་གིས་ཡུལ་བ་ལས་ཅི་ཡང་མ་རྙེད་ནས་སྤྱན་ཕྱེ་ བ་ན། ཁྱི་དང་འབུ་མེད་པར་རྗེ་བཙུན་བྱམས་པ་མཚན་དཔེ་འོད་དུ་འབར་བ་གཟིགས་ནས། ཀྱེ་མ་ཡབ་གཅིག་བདག་གི་སྐྱབས། །ངལ་བརྒྱས་འབད་ཀྱང་འབྲས་མ་མཆིས། །ཅིའི་ཕྱིར་ ཆར་སྤྲིན་རྒྱ་མཚོའི་དཔུང་། །གདུང་བས་བསྲེགས་ཏེ་སྐོམ
Chinese
之后发生了一件事，他向水中 念诵咒语，并用它清洗尸体，尸体便复活了。之后，当他回到家乡时，有人问他 16-504 发生了什么事。他们说：“婆罗门商羯已经死了七天了，他的家人正在向婆罗门们 供奉家里的物品。”当他回到家时，他想也许这是个幻觉，所以一开始 并不相信。后来他相信了，变得非常高兴。之后，他只寻找降伏龙族的明咒。 有一次，一个正在田里干活的妇女念诵了一个咒语，一条不知从哪里冒出来的蛇 爬过来，用嘴碰了一下那个妇女的小儿子的脚，孩子立刻像死了一样。当田里的活干完后，又来了一条蛇， 只是轻轻地碰了一下那个小儿子的脚，他就又活了过来。他认为那是空行母， 于是向她顶礼膜拜，请求传授明咒。她说：“你不是修持明咒的法器， 而且也很难找到誓言物。”她拒绝了他，但他坚持不懈地 祈求，她最终答应了。于是，他需要八捧用纯黑色母狗的奶煮沸的 奶粥作为誓言物。他找到后，请求传授明咒。她念诵了许多咒语， 然后让商羯喝下奶粥。六捧奶粥就让他饱了，他说他再也喝不下去了。她说：“如果你不喝完，一开始你就会被蛇杀死， 然后你还会杀死许多人。”她威胁他，强迫他喝下，他又喝了一捧。 无论如何，他都喝不下剩下的那一捧了。然后空行母说：“我一开始不是就说你不是法器吗？ 现在，你能够降伏七种龙族，并且可以随心所欲地控制它们，但你不是财富增长的命， 将来有一天，你会因为蛇财富增长的命而被杀死。” 之后，那个婆罗门变得非常强大，拥有了神通，他可以命令龙族为他服务， 并且可以随心所欲地做任何有益或有害的事情。每天 16-505 他都会让许多婆罗门诵读经文，布施，并积累功德。 每天晚上，他都会去花园，与龙女们一起享受 五种感官的快乐。他让当地的