Tibetan
ཆོས། །རང་ལ་རྫོགས་པའི་ཡེ་ཤེས་ནི། །རྟེན་འབྲེལ་འཛོམས་པས་གསལ་བར་བྱེད། །མ་ཡེངས་བརྡ་དོན་འདི་ལ་དགོངས། །རྒྱུ་རྐྱེན་ལས་འདས་རིན་ཆེན་འདི། །རང་བྱུང་ཡེ་ཤེས་སྙིང་པོའི་བརྡ། །པདྨའི་རིགས་སུ་གསལ་བ་འདི། འཁོར་བའི་སྐྱོན་གྱིས་མ་དགོས་བརྡ། །བཅུ་དྲུག་གྲངས་སུ་ཡོད་པ་འདི། །དགའ་བ་བཅུ་དྲུག་ཉམས་བླངས་ན། །རྩ་རླུང་ཐིག་ལེ་དག་སྨིན་རྫོགས། །གྲུབ་འབྲས་མངོན་དུ་གྱུར་བའི་བརྡ། །གཡའ་བྲལ་མེ་ལོང་ཟླུམ་འཁྱིལ་འདི། །སྟོང་གསལ་འགགས་མེད་འོད་གསལ་བ། །ཐིག་ལེ་ཉག་གཅིག་སྤྲོས་དང་བྲལ། །ཕྱོགས་ལྷུང་མེད་པར་ཁྱབ་པའི་བརྡ། །ལྔ་ལྡན་དར་གྱིས་དཀྲིས་པ་འདི། །འགྲོ་བའི་ཁམས་དབང་དང་མཐུན་པའི། །ཆོས་མཛད་སྣ་ཚོགས་འབྱུང་བའི་བརྡ། །མན་ཤེལ་འོད་ལྔ་འཁྱིལ་བ་འདི། །རྗེས་འཇུག་སྐལ་ལྡན་བུ་སློབ་ཀུན། །ཟབ་གཏེར་ཆོས་ལ་ལོངས་སྤྱོད་ན། །ཀ་དག་ལྷུན་གྲུབ་མཐར་ཕྱིན་ནས། །འཇའ་ལུས་འོད་སྐུར་གྲོལ་བའི་བརྡ། །ཐམས་ཅད་ལྷན་དུ་ཡོད་པ་འདི། །ཆོས་དབྱིངས་གཅིག་གིས་ཆིངས་བའི་ ༈ བརྡ། །ཁྱོད་པདྨའི་རྒྱལ་ཚབ་གཏེར་སྟོན་པ། །རྟེན་དང་འབྲེལ་འབྱུང་ཁོ་ནར་རག །བརྡ་དང་བརྡ་ལེན་མ་ནོར་བ། །ཚིག་འདི་ཙིཏྟའི་ག་འུར་སྦོས། །ཞེས་ཟེར་ནས་སང་ཉིན་མཁའ་འགྲོའི་དུས་ཆེན་ཡིན། ག་ཎ་ཙཀྲ་ལ་བརྩོན་དང་དངོས་གྲུབ་ཡོད་ཟེར་ནས་ཁ་བྱང་གི་བརྡ་ཞིག་གཏད་ནས་མི་སྣང་བར་ཡལ། ནང་སྔ་སྐྱོ་ཚ་གསོལ་རྗེས་ཚོགས་མཆོད་ཀྱི་སྟ་གོན་མཛད། གནས་སྐོར་བ་རྣམས་ཀྱིས་སུ་ཡིན་ཟེར་ཚེ། བྱ་བྲལ་བ་སྤྲང་པོ་ཞིག་ཡིན་གསུངས་ནས། རྗེ་དེ་ཉིད་ཡིན་པར་ཞལ་མ་གནང་ནས་གསང་ཐབས་མཛད། དེ་ནས་ཚོགས་འཁོར་གྱི་དུས་སུ་གནས་ནང་ལ་དྲི་བཟང་འཐུལ་ཞིང་ནམ་མཁའ་འཇའ་ཡིས་གང་། རྔ་དང་རོལ་མོ་གླིང་བུ་སོགས་ཀྱི་སྒྲ་རང་བྱུང་དུ་སྒྲོགས་པ་ཀུན་གྱིས་མཐོང་ཐོས་སུ་གྱུར་ཚེ་ཐམས་ཅད་ཀྱིས་ཡིད་ཚོམ་ནས། ཨ་ལགས་འདི་བླ་མ་ཧྲ་ཐ་ཟེར་ཞིང་ཀུན་གྱིས་ཡིད་སྨོན་པར་བྱེད་དོ། །ཚོགས་ཀྱི་སྤྱན་འདྲེན་སྐབས་སུ་རྗེ་དེ་ཉིད་ཐུགས་སྣང་གནས་འགྱུར་བའི་ཚུལ་གྱིས་སྐུ་ལུས་འཕར་བ་དང་གཡོ་བ་འཁྲབ་པའི་ཉམས་ཤར་ཞིང་། གནས་འདི་རིགས་གསུམ་མགོན་པོའི་ཞིང་ཁམས་སུ་གཟིགས་ཏེ། རང་གཏེར་གྱི་གནས་དུས་ས་རྟགས་ཐམས་ཅད་ཐུགས་ལ་ཆུབ་པར་བྱས་སོ། །དེ་ནས་རྗེས་ ཆོག་སོགས་ལེགས་པར་གྲུབ་རྗེས་ཚོགས་ཀྱི་ཡོ་བྱད་ཕུད་ལྷག་བསོགས་པ་ཐམས་ཅད་ཕུག་པའི་གཡས་ལོག་གི་ངོས་ལ་ཕ་བོང་ཆེ་བ་ཞིག་ཡོད་པ་དེའི་སྟེང་ནས་སྤུང་ནས། བྱ་རིགས་མང་པོ་འདུས་བྱུང་བའི་ནང་ནས་གནས་བདག་རེད་བསམས་པའི་བྱ་དཀར་པོ་ཟངས་ཀྱི་མཆུ་ཅན་ཞིག་གིས་འདི་སྐད་ཟེར། གནས་བཟང་མཁའ་འགྲོའི་འདུ་རར། །ཕེབས་པའི་ནམ་མཁའི་ནོར་བུ། །ཆུ་འཛིན་རྐྱེན་དང་བྲལ་བ། །བདག་ཅག་དཔལ་དུ་ཤར་བའི། །ཕ་ཡིས་གདམས་པའི་ནོར་སྐལ། །ད་བར་ང་ཡིས་གཉེར་བྱས། །ལས་སྨོན་རྟེན་འབྲེལ་འཛོམས་པའི། །རང་སྐལ་གཏེར་ལ་24 སྤྱོད་ཅིག །ཟེར་ནས་རྡོ་སྒྲོམ་ལྭ་སྒྲོམ་བསེ་སྒྲོམ་གསུམ་གཏད་དེ་ཚོགས་ལ་རོལ་ནས་འཕུར་སོང་། དེ་ནས་རྗེ་དེ་ཉིད་མཚམས་དམ་རྒྱ་ལ་བཞུགས་ནས་བཞག་འགའ་འགྲོ་སྐབས། མི་དམར་རྟ་ནག་རྟིང་དཀར་ལ་ཆིབས་པ་ཞིག་འོང་། ཨ་ལགས་སྐུ་ཁམས་བཟང་འོ་མ་བརྒྱལ་ལམ་ཟེར། རྗེའི་ཞལ་ནས་ང་མཚམས་དམ་པོ་ཞིག་ཡིན་པས་ཁྱོད་འདིར་འོང་མི་ཉན་གསུངས་པས། ཁོ་ན་རེང་ཤིང་ཆག་ཐོ་ཞིག་གི་མི་ཁོག ཁྱོད་ཀྱིས་ང་མི་ཤེས་སམ་ཟེར། རྗེས་མི་ཤེས་གསུངས་ཚེ། ཡང་ཁོ་ན་རེ་སྔར་ཁྱོད་སྤུན་ཟླ་ཐམས་ཅད་ཀཿཐོག་དགོན་དུ་གྲྭ་སར་བྱོན་ཞོར་ལ་ངེད་ཀྱི་ཟུར་ལ་ཁྱོད་ བྱོན་པ་ཨེ་གསལ་ཟེར། རྗེས་ཀཿཐོག་དགོན་དུ་འོང་དུས་མི་ཕམ་གྱི་མདུན་ལ་སོང་བ་དེ་དྲན། དེ་མིན་བརྗེད་པའི་ཡུལ་དུ་སོང་འདུག་གསུངས་པས། ཁོ་ན་རེ་དེ་སྐབས་སུ་ཁྱོད་ཀྱི་སྐུ་ནུས་མཁྱེན་བརྩེའི་སྤྲུལ་སྐུ་དང་། ཆོ་ཡོས་སྤྲུལ་སྐུ་ལྷན་རྒྱས་བྱོན་དུས། རྗེ་མི་ཕམ་པས་དངོས་གྲུབ་ཀྱི་བདུད་རྩི་ཁྱོད་ཅག་རྣམས་ལ་གནང་དུས། ཁྱེད་ལ་ཟབ་གཏེར་གྱིས་ལས་འཕྲོ་ཡོད་པའི་སྐལ་ལྡན་དུ་དགོངས་ནས། གཤིན་རྗེ་འཆར་ཁ་ནག་པོ་ཡང་གཏེར་དུ་གཏདཔ་འདི་ད་ལན་ངེད་རྩར་ཡོད་པས་ཁྱོད་ལ་འབུལ། ང་འོང་རབས་གཞན་པའི་མི་ལ་མ་གསུངས་ཟེར་ནས། སྡིག་སྒྲོམ་ཞིག་གཏད་ནས་མི་སྣང་བར་གྱུར། དེ་ནས་ཟབ་གཏེར་གྱི་ཆོས་སྒོ་དུ་མ་གཏན་ཕབ་མཛད་ནས་ཆོས་ཀྱི་བདག་པོ་དང་སྐལ་ལྡན་འགའ་ལ་སྤེལ། དེའི་སྐབས་མཚོ་སྙིང་རྒྱལ་མོ་ཡིན་ཟེར་བའི་མི་མོ་སྦྲུལ་གྱི་གདེང་ཁ་ཅན་ཞིག་འོང་ནས་ཁྱོད་ངེད་ཅག་གི་ཡུལ་དུ་ལྟད་མོ་ལ་ཨེ་བྱོན་ཟེར། རྗེའི་ཞལ་ནས་ངས་ལྟ་བའི་ལྟད་མོ་སེམས་ལ་བལྟས། །འཁོར་འདས་ཆོས་ཀུན་རིགས་པར་རྟོགས། །འཁྲུལ་སྣང་ཡུལ་ལ་འཛིན་པ་ཟད། །ཁྱོད་ཅག་ཡུལ་དུ་འགྲོ་སྙམ་། །དོན་ཆེན་ཡོད་ན་ཁྱོད་ཀྱིས་སྨྲོས། །གསུངས་པས། མོ་ན་རེ་ཁྱོད་ཀྱིས་འཁོར་འདས་3 རིག་པར་མཐོང་ཡང་འདི་འདྲ་མཐོང་མེད་ཟེར་ནས། མོ་རང་གི་སོར་མོ་ལྔའི་རྩེ་ལ་རིགས་ལྔའི་མཁའ་འགྲོའི་ཞིང་ཁམས་རྟེན་དང་བརྟེན་པར་བཅས་པ་ཐམས་ཅད་བཀྲ་ལམ་མེར་གསལ་འདུག་པས། རྗེའི་ཞལ་ནས། དེ་ལས་ལྷག་པར་ཨེ་ཡོད། འདི་ང་རང་གི་རིག་པའི་ཆོ་འཕྲུལ་ཡེ་ཤེས་ལྔའི་གདངས་དེར། ངའི་རྡོ་རྗེའི་ཕུང་པོ་ན་དེ་བས་མང་བ་དཀྱིལ་འཁོར་ཁྱད་འཕགས་རྟེན་དང་བརྟེན་པ་དུ་མ་ཡོད་གསུངས། མོ་ན་རེ་མཁའ་འགྲོ་ལྔ་ལ་མ་བརྟེན་པའི་ཁྱོད་ལ་དཀྱིལ་འཁོར་གྲུབ་པ་མེད། རྒྱུ་དང་ལམ་ལ་མ་ལྟོས་པའི་དཀྱིལ་འཁོར་ཅི་ལ་ཡོད་ཟེར། རྗེའི་ཞལ་ནས། སྣང་བ་བདེ་ཆེན་ཧེར་རུ་ཀ །སྟོང་ཉིད་ཤེས་རབ་རྡོ་རྗེ་བཙུན། །ཟུང་འཇུག་སྒྱུ་འཕྲུལ་དྲྭ་བའི་སྤྲིན། །རྩོལ་བྲལ་དོན་གྱི་དཀྱིལ་འཁོར་རྫོགས། །ལམ་འབྲས་རིམ་པར་ལྟོས་མ་འདྲེས། །སྣང་རྟོགས་ལྷ་སྐུའི་ཕྱག་རྒྱར་སྨིན། །གདན་གསུམ་ཚང་བའི་རྣལ་འབྱོར་ང་། །ཨ་འཐས་ཟེར་གཟུགས་དགོས་པ་ཆུང་། །ཞེས་གསུངས། ཡང་མོ་ན་རེ། ཨེ་མ་རིགས་ལྡན་དཔའ་བོ་དགོངས། དབྱིངས་དང་ཡེ་ཤེས་གཉིས་མེད་པའི། །རིག་སྟོང་འོད་གསལ་ལྷ་སྐུ་ནི། །ཐབས་ཤེས་རྒྱུ་རྐྱེན་འབྲེལ་ལས་འབྱུང་། །དབྱིངས་ཕྱུག་སྲ་བ་མཉེན་པའི་དབྱིངས། །དྲོད་བསྐྱེད་དབྱིངས་ཀྱི་ ༈ ཕུགས་ལ་བསྐྱེད། །གནས་བདག་རིགས་ལྔ་ཡབ་ཡུམ་ནི། །གསལ་སྟོང་ཟུང་འཇུག་ཕྱག་རྒྱ་ཆེ། །དག་པ་རབ་འབྱམས་བདེ་བ་ཆེ། །རྗེ་ཁྱེད་རྟེན་འབྲེལ་ཐབས་མཁས་ན། །ཐབས་ཤེས་དོན་གྱི་རིག་སྐུ་ཐོབ། །རང་རྒྱུད་འཛིན་པའི་ལྷ་གཟུགས་ཀྱི། །གཉིས་འཛིན་རུ་ཏྲའི་རྒྱུ་རུ་འགྲོ། །ད་ལ་འུར་ངེད་ཅག་གནས་ལ་ཕེབས། །ཟེར་ནས་ཐལ། དེ་ནས་མཁའ་འགྲོའི་ལུང་བཞིན་སྤྲེལ་རྫོང་སོགས་དབེན་གནས་རྣམས་ལ་ཟབ་ལམ་གྱི་སྒྲུབ་པ་མཛད་ཅིང་། དངོས་ཅན་མི་དང་དངོས་མེད་ལྷ་འདྲེའི་འགྲོ་དོན་མཐའ་ཡས་པ་མཛད། དེའི་སྐབས་སུ་གནས་ཆེན་གནས་ཕྲན་ཀུན་ནས་ཟབ་གཏེར་དུ་མ་སྤྱན་དྲངས། སྐུ་མཚམས་ལ་བཞུགས་སྐབས་རྡོ་རྗེ་ཕག་མོས་ཞལ་གཟིགས་ནས་བྱུང་དང་འབྱུང་འགྱུར་གྱི་ལུང་བསྟན་རྣམས་ཀྱིགྲོས་གླེང་ཐམས་ཅད་མི་དང་མི་ལབ་པ་བཞིན་དུ་མཛད་ནས། ཁྱད་པར་ཕྱག་མཐིལ་དུ་རྗེ་དེ་ཉིད་བཞག་ནས་གཟིགས་པས། རྒྱ་གར་བྱ་རྒོད་ཕུང་པོའི་རི་དང་། ལི་ཡུལ་གཤོང་གི་བཀོད་པ་ཐམས་ཅད་གཟིགས་ཤིང་། པཎྜི་ཏ་རྣམས་ཀྱི་བཞུགས་གནས་ཡོད་པར་གསལ་བ་སོགས་འབྱུང་། དེར་གཏེར་ཁ་རྒྱ་ཆོས་བོད་དུ་མ་བསྒྱུར་བ་དུ་མ་ཡོད་ཀྱང་། སྒྲུབ་ཐབས་ཟབ་མོ་འགའ་ཞིག་ལས་མ་ བཞེས་པས། གནོད་སྦྱིན་ཆེན་པོ་བྷནྡྷ་ཞིག་ལ་བརྫུས་ནས་གཏེར་གྱི་གྲོགས་བྱས་པའི་ཚུལ་དུ་ཡོད་པའི་ལག་ན་ཡི་གེ་བཾ་པོ་ཞིག་བཟུང་འདུག་པས། རྗེའི་ཞལ་ནས་ཡི་གེ་འདི་ཅི་རེད་གསུངས་པས། ཁོ་ན་རེ་འདི་ང་ལ་གཡུ་སྒྲོན་མས་གདམས་པ་ཡིན། ཁྱེད་ལས་འབྲེལ་བའི་འོག་ཏུ་ལོངས་སྐུའི་ཞིང་ཉུལ་བར་མཛད་སྐབས། ལྷ་མོ་དབྱངས་ཅན་མས་གཅེས་ནོར་གནང་བ་དེ་རེད་ཟེར་ནས་རྗེའི་ཕྱག་ཏུ་ཕུལ་བྱུང་བས། རྗེ་ཉིད་ཀྱིས་གཟིགས་པར་མཛད་ཚེ་དབྱངས་ཅན་དཀར་མོའི་སྒྲུབ་ཐབས་ཞིག་ཏུ་སྣང་བས་དེ་མ་ཐག་ཏུ་རྡོ་རྗེ་ཕག་མོའི་གྲི་གུག་གིས་ཡི་གེ་བཾ་པོ་ལ་རེག་པའི་ཚུལ་མཛད་ཚེ། ཡི་གེ་འོད་དཀར་ཞིག་ཏུ་གྱུར་ནས་ཕག་མོའི་ཐུགས་ཀར་ཐིམ། ཕག་མོ་རྗེའི་མགྲིན་པར་ཐིམ་པས་ཏིང་ངེ་འཛིན་ལ་དྲོད་རྟགས་ཐོབ་པས་ཤས་པོ་བྱས་ཆོས་ཐམས་ཅད་ལ་ཐོགས་པ་མེད་པར་མཁྱེན་པར་གྱུར་ཏོ། །ཡང་མནལ་ལམ་ལ་རིག་འཛིན་ཀུ་མ་རཱ་ཛ་དང་ཞལ་མཇལ་ནས་དབང་དང་གདམས་ཁྲིད་མང་པོ་གསན། ཁྱད་པར་དུ་རིག་འཛིན་ཆེན་པོའི་ཞལ་ནས་ཁྱོད་ངེད་ཆོས་བརྒྱུད་འཛིན་པའི་སྐྱེས་བུ་ཡིན་པས། གསང་བ་བླ་ན་མེད་པའི་དབང་དང་གདམས་པ་རྣམས་ཉམས་སུ་ལོངས་ལ་ཟས་གོས་ཀྱི་དཀའ་སྤྱད་ལ་སེམས་མི་ཞུམ་པར་ངེས་མེད་ཀྱི་གནས་སུ་ཉམས་ལེན་གཅིག་དྲིལ་དུ་ ༈ མཛོད་དང་། རྫོགས་པ་ཆེན་པོ་རང་སྣང་ལས་ཕྱོགས་རིས་མེད་པའི་ཉམས་རྟོགས་ཐར་ཕྱིན་ནས་ངས་གདམས་ཟབ་ཀྱི་གཏད་རྒྱ་ཐོབ་སྟེ་རྒྱལ་ཚབ་ཏུ་མངའ་དབང་ཐོབ་པར་ངེས་སོ་གསུངས་ནས་མནལ་ལས་སད་དོ། །ནང་སྔ་མོ་སྐྱོ་ཚ་བཞེས་དུས་རིག་འཛིན་ཀུ་མ་རཱ་ཛའི་སྒྲུབས་ཐབས་ཞིག་ཕབ་སྟེ་གཏེར་སྒྲུབ་མཛད་ཚེ། མཁའ་འགྲོ་ཡེ་ཤེས་མཚོ་རྒྱལ་མས་ཞལ་གཟིགས་ནས་འདི་སྐད་གསུངས། ཧེ་ཧེཿ གདོད་མའི་གཤིས་ལུགས་མ་བཅོས་རྩལ། །ལྷུན་གྲུབ་སྣང་བ་དཔལ་དུ་ཤར། །ང་སྒྱུ་མ་ལྟ་བུའི་འཕྲུལ་མོ་ཆེ། །འཇའ་ཚོན་ལྟ་བུའི་སྐུར་བཞེངས་ནས། །བརྡ་ཁྲོལ་ཟབ་གནད་སྒོ་བརྒྱ་འབྱེད། །ཡ་ཡཿ ལྔ་སྐྱེས་ཐིག་ལེ་བཀྲ་བའི་གནས། །གཙུག་ཕུད་འཛིན་པ་ལྷའི་སྲས། །པདྨའི་ཕོ་ཉ་བརྟུལ་ཞུགས་འཆང་། དབྱར་རྔའི་གཙུག་གི་ནོར་ལ་དབང་། །རྒྱུད་མང་ལྟ་བུར་ཕྱོགས་ཀུན་སྙན། །ལྷོ་ནས་རྨ་བྱའི་གདུགས་གུར་ཕུབ། །གསེར་ལྡན་ངང་པའི་ཁྱུ་ཚོགས་འདུས། །བྱང་སྨད་བདུད་ཀྱི་སབྟ་ཡིས། །ལྷ་ལམ་ཀུན་གསལ་སྨག་ལ་ཁྲིད། །རྨོངས་ལོང་བློ་ཆུང་སྐྱེས་བུ་འགའ། །རང་བཟོའི་ཆོས་ཀྱིས་བསླུས་ལ་ལྟོས། །ཁྱོ་ནི་པདྨའི་ཕོ་ཉ་སྟེ། །རྟེན་དང་འབྲེལ་འབྱུང་ཁོ་ནར་ རག །བསླུ་བདུད་མི་ཡི་ངོ་བསྲུང་བོར། །མ་བཅོས་སྨྱོན་སྤྱོད་འཆང་བ་གནད། །ལས་ལྡན་སྐྱེས་བུ་དམ་གཙང་རྣམས། །པདྨའི་དུས་ན་སྨོན་ལམ་འཛོམ། །རྗེ་འབངས་རིག་འཛིན་སྤྲུལ་པ་ཡིན། །ཕན་བདེའི་འོད་ཀྱི་སྣང་བས་ཁྱབ། །དེ་ཕྱིར་སྟོན་འཁོར་ཐམས་ཅད་ཀྱིས། །ཀཱི་ལ་ཡ་དང་ཁྲོ་བོ་ལོད། །ཡི་དམ་མཆོག་ཏུ་ཆགས་མེད་གམ། །འགབ་འདྲེ་བདུད་སྤྲུལ་ཆོ་འཕྲུལ་།གཡོ་མེད་ཏིང་འཛིན་ཞགས་པས་བཅིངས། །སྲུང་མ་གཉན་པོ་བྲན་དུ་ཁོལ། །རྟེན་སྒྲུབ་གསོལ་མཆོད་གནད་ལ་རེམ། །ཕན་བདེའི་ལེགས་སྨོན་བསམ་སྦྱོར་འགྲུབ། །ཉ་མོ་ཆབ་ལ་མ་ཞེན་པར། །མ་དང་མཁའ་འགྲོའི་ཞལ་ལུང་བཞིན། །གཏེར་གཉིས་འཛིན་སྐྱོང་ཕོ་ཉ་མཛད། །དུག་ཁྲོད་རྫས་ལ་མི་དགྱེས་པར། །སྟེང་འོག་གི་སྦྱོར་བའི་རླུང་ལ་སློབས། །སྤྲོས་མེད་ཏིང་འཛིན་ཟས་ལ་སྤྱོད། །ཕ་པདྨས་བཞག་པའི་ནོར་གྱི་སྐལ། །བྲག་གླང་ཆེན་འགྱིང་འདྲའི་རི་མོ་ཅན། །མ་ང་ཡི་སྒྲུབ་ཐབས་ཀུན་གྱི་བཅུད། ཞིང་ཆེན་ངོར་གསེར་གྱི་བརྡ་རིས་བཀོད། །གཡུ་སྒྲོམ་གྱི་གུད་བཅུག་གཏེར་རྒྱས་བཏབ། །དེ་རྟེན་འབྲེལ་ལོག་པར་མ་གྱུར་ན། །སྟག་ཁྲ་བོའི་འཛུམ་ཟེར་གཡོ་བའི་དུས། །དབྱིངས་བི་མའི་སྤྲུལ་པ་ཆོས་བདག་བུ། 一6i6 ༈ ལས་སྨོན་ལམ་ཡོད་པ་འཕྲད་པར་ངེས། །གང་འབྲེལ་ཀུན་པདྨ་འོད་དུ་འདྲེན། །ཁྱོད་སྦས་པའི་རྣལ་འབྱོར་ལས་འབྲེལ་རྩལ། །མུ་ཏོ་ཡི་ཁྱུ་ན་མི་མཛའ་བས། སེང་དཀར་པོ་གངས་རིར་གནས་ན་ལེགས། །མགོན་པདྨའི་བུ་རྒྱུད་རིག་པ་འཛིན། །དུག་ཁྲོད་ཀྱི་འདམ་དུ་མི་བདེ་བས། །ཕྱོགས་ངེས་མེད་འགྲིམས་ན་དོན་གཉིས་འགྲུབ། །ཅེས་གསུངས་ནས། འོད་གསལ་ཕྱི་ནང་གསང་བསྐོར། སེམས་སྡེ་མ་བུ་བཅོ་བརྒྱད་ཀྱི་ཤན་འབྱེད། ཀློང་དཀར་ནག་ཁྲ་གསུམ་གྱི་བསྡུས་དོན་རྣམས་ཀྱི་བརྡ་མཐིང་ཤོག་ངོས་ལ་གསེར་རིས་སུ་ཡོད་པ་ཞིག་གནང་ནས་འདི་གསོལ་དང་། མཚོན་བྱེད་རྟགས་ཀྱི་བརྡ་དབང་དགོས་པ་མི་འགྱུར་བའི་གཏད་རྒྱ་བཏབ་པ་ཡིན་གསུངས་ནས་དབྱིངས་སྣང་ལ་ཐིམ་མོ། །ཡང་སྒྲུབ་པ་ཆེན་པོ་ལ་ཞུགས་སྐབས་མཚོ་ནང་ནས་སྤྲིན་རླང་ལྟ་བུ་ཞིག་བྱུང་། རྗེ་དེ་ཉིད་བཞུགས་པའི་མཚམས་ཁང་གི་སྒོ་ཐད་དེ་ཀར་འགྲེང་ངེར་བསྡད་འདུག་པས། རྗེའི་ལྷར་སྣང་དང་མ་འབྲལ་བའི་ངང་ནས་གཟིགས་པས། དེའི་ནང་ན་ལྷའི་བུ་མོ་འདྲ་བ་ཡིད་དུ་འོང་བ་ཞིག་གིས་གསེར་གྱི་ཟོ་བའི་ནང་དུ་དཀར་མངར་བདུད་རྩིས་བཀང་བ་ཐོགས་པ་གཡོན་ན་འཛིན་ཅིང་། གཡས་པས་རིན་པོ་ཆེའི་ སྐྱོགས་ཐོགས་ནས། རྗེ་དེ་ཉིད་ཀྱི་ཕྱོགས་སུ་མཆོད་སྟབས་བྱས་ཏེ་འདི་སྐད་ཟེར། ཨེ་མ་ངོ་མཚར་ཆེ་བའི་མཆོག །མཁའ་ལྟར་རྣམ་དག་དྲི་མེད་ཆོས་ཀྱི་སྐུ། །ཐུགས་རྗེ་འོད་ཟེར་གདུལ་བྱའི་དཔལ་དུ་ཤར། །བསོད་ནམས་ཚོགས་ཀྱི་ཞིང་ས་ལེགས་པ་དེར། །ཡོན་ཏན་སྣ་ཚོགས་བཅུད་ལྡན་བདུད་རྩི་འབུལ། །བདག་ཅག་སྐྱེ་དགུ་ཡོངས་ཀྱི་ཚོགས་རྫོགས་ནས། །དཔའ་བོ་ཆེན་པོའི་གདུལ་བྱར་འགྱུར་བར་ཤོག །དམ་ཚིག་ཤེལ་གྱི་བུམ་པ་མ་བསྟན་ནས། །མོས་དགུས་དད་པ་བརྩོན་འགྲུས་ལྷོད་མེད་ཀྱིས། །ཟབ་ལམ་བསྐྱེད་རྫོགས་གཉིས་ཀྱི་དྲི་བཟང་ལ། བསྙེན་སྒྲུབ་ཡན་ལག་ལྡན་པའི་བདུད་རྩིར་བསྒྱུར། །སྒོ་གསུམ་སྐུ་གསུང་ཐུགས་དང་དབྱེར་མེད་པར། །རྡོ་རྗེ་གསུམ་དུ་བྱིན་གྱིས་བརླབ་ཏུ་གསོལ། །ཞེས་ཟེར་ནས་ལན་གསུམ་དུ་བདུད་རྩི་གཏོར་ཏེ་ཇེ་དམའ་ལ་སོང་ནས་མཚོ་ནང་དུ་ཐིམ་སོང་། དེ་ནས་མཚམས་གྲོལ་ཉིན་ནང་སྔ་དངོས་གྲུབ་བླང་བའི་སྐབས་སུ། ཡི་དམ་ལྷ་ཡིས་ཞལ་གཟིགས་ནས་སྐུ་གསུམ་མཁའ་འགྲོའི་ཞིང་དང་རིགས་ལྔའི་ཞིང་ཁམས་ཐམས་ཅད་ལེགས་པར་མཇལ་ནས་རྗེས་འཇུག་རྣམས་ཀྱི་དོན་དུ་ཞིང་གི་བཀོད་པ་ཐམས་ཅད་གཏན་ལ་ཕབ་པས་ངོ་མཚར་གྱི་གནས་སུ་མཐོང་། དེ་ནས་རིམ་བཞིན་སྦས་ ༈ གནས་ཀྱི་གནས་སྒོ་ཕྱེ་བ་དང་། རང་བྱོན་གྱི་སྐུ་གསུང་ཐུགས་རྟེན་རྣམས་བསྟན་ནས་སྐྱེ་དགུ་ཡོངས་ཀྱི་བསོད་ནམས་བསགས་པའི་ཞིང་སར་ལེགས་པར་བསྟན་པ་ད་ལྟའི་བར་ལའང་མཐོང་ཆོས་སུ་ཡོད་པར་ཡོངས་གྲགས་སུ་གསལ། གནས་དེར་འདུས་པའི་སྐལ་ལྡན་གྱི་སྐྱེས་བུ་དང་མི་སྐྱ་ཕོ་མོ་ཐམས་ཅད་ཀྱིས་ཀྱང་རྗེ་དེ་ཉིད་མཇལ་ཚེ་དདཔ་དང་མོས་གུས་ཤུགས་ལ་སྐྱེས་ནས་ཚོགས་བསགས་སྒྲིབ་སྦྱངས་ལ་འབད་ནས་འཁོར་བ་ལ་ངེས་འབྱུང་སྐྱེ་བ་སོགས་བྱུང་ནས་བྱང་ཆུབ་ཀྱི་ལམ་ལ་འགོད་པར་མཛད། དེ་ནས་ཟླ་བ་ཆ་ཤས་ཙམ་སོང་ཚེ་རྗེ་དེ་ཉིད་གནས་ཀྱི་ཉེ་འདབས་མཚོ་ཁ་ན་ཕ་བོང་ཞིག་ཡོད་པ་དེའི་སྟེང་ལ་བཞུགས་ནས། མྱུར་ལམ་ཐོད་རྒལ་གྱི་དགོངས་པ་ལ་གནས་ཚེ་དབྱིངས་ཀྱི་ཐིག་ལེ་ཆུང་ཙམ་གྱི་ནང་དུ། ཟངས་མདོག་དཔལ་རི་རེད་ཟེར་བའི་རི་བོ་ཞིག་རྒྱ་མཚོ་ཆེན་པོའི་ལྟེ་བར་ཡོད་པ། རྩ་བ་ཀླུ་ཡུལ་ནས་གནས་པ། སྐེད་པ་ལུས་མེད་མཁའ་འགྲོའི་འདུ་ར་བྱས་ཤིང་། རྩེ་མོ་དག་པ་མཁའ་སྤྱོད་ཀྱི་ཞིང་དུ་སླེབས་པ། རྩ་བགྲོང་ཁྱེར་ཆེན་པོ་བཅོ་བརྒྱད་ཀྱིས་ཡོངས་སུ་བསྐོར་བའིཕྱོགས་བཞིར་འདོད་འབྱུང་ལྷུན་པོ་བཞིའི་དབུས་སུ། ཀླུ་ཆེན་པོ་བརྒྱད་ཀྱི་གྲོང་ཁྱེར་ར་བ་དང་བཅས་པར་གནས་ཤིང་། འདབ་སྐོར་དུ་ བྲག་རི་མཚོན་ཆ་གནམ་དུ་གཟིངས་འདྲས་གང་བ། དེའི་བར་མཚམས་འཁོར་ཡུག་རྣམས་སུ་སྤྲུལ་པའི་སྐུ་ཡི་ཞིང་ཁམས་ཡིད་དུ་འོང་བཀོད་ལེགས་པ། བདུད་རྩིའི་ཆུ་མིག་དང་སྨན་གྱི་སྤང་རི་ལ་དྲི་བཟང་གི་ངད་པ་ཕྱོགས་ཀུན་ཏུ་འཐུལ་བ། ཁ་དོག་སྣ་ཚོགས་འབར་བའི་པདྨའི་ཚལ་རྒྱས་ཤིང་། དཔའ་བོ་དང་མཁའ་འགྲོ་བསམ་གྱིས་མི་ཁྱབ་པ་བཞུགས་པ། གནས་དེ་མཐོང་བ་ཙམ་གྱིས་སྣང་སྟོང་གཉིས་སུ་མེད་པའི་ཡེ་ཤེས་ཤུགས་ལས་སྐྱེས་པ་དང་། སྐེད་པར་དཔག་བསམ་ལྗོན་པའི་ཤིང་གི་ནགས་ཚལ་རྒྱས་ཤིང་། འཇའ་དང་འོད་ཕུང་གི་ཟེར་གྱིས་མིག་མང་རིས་སུ་མཛེས་ཤིང་། དྲིལ་གཡེར་དང་བྱ་རིགས་སྣ་ཚོགས་ཀྱིས་ཆོས་ཀྱི་སྒྲ་སྒྲོགས་པ། དཔའ་བོ་དང་མཁའ་འགྲོ་མང་པོས་གླུ་གར་འཁྲབ་ཅིང་སྙན་པའི་རོལ་མོ་སྣ་ཚོགས་དཀྲོལ་བ། ཕྱོགས་ཐམས་ཅད་ཁ་དོག་སྣ་ཚོགས་ཀྱི་འཇའ་འོད་ཁྲིགས་ཁྲིགས་སུ་ཡོད་པ། གནས་དེ་མཐོང་བ་ཙམ་གྱི་གསལ་སྟོང་གི་ཡེ་ཤེས་ཆེན་པོ་མངོན་དུ་གྱུར་བར་བྱེད་པའོ། །རྩེ་མོ་ན་དག་པ་མཁའ་སྤྱོད་ཀྱི་ཞིང་ཁམས་འོད་ཀྱི་ས་གཞི་རྒྱ་ཆེ་ལ་བཀོད་ལེགས་པ་བདེ་འཇམ་ཡིད་དུ་འོང་བ་མནན་ན་ནེམ་ཞིང་བཏེག་ན་སྤར་བར་བྱེད་པའི་དབུས་སུ། ཕོ་བྲང་ཆེན་པོའི་ཕྱོགས་བཞི་ཤེལ་དང་བེེཌཱུཪྻ་པདྨ་ར་ག་ཨིཎྜ་ནི་ ༈ ལ་ལས་གྲུབ་པ། སྨན་གྱི་སྤང་རི་ལ་མེ་ཏོག་སྣ་ཚོགས་འཁྲུངས་ཤིང་། བྱ་རིགས་མང་པོ་དང་མཁའ་འགྲོ་དང་མཁའ་འགྲོ་མ་རྣམས་ཀྱིས་གསང་སྔགས་ཀྱི་ཆོས་སྒྲ་འུར་འུར་སྒྲོགས་པར་གནས་སོ། །བཀོད་པ་ཕུན་སུམ་ཚོགས་པའི་གཞལ་ཡས་ཁང་ཡངས་ཤིང་རྒྱ་ཆེ་བ་ཡེ་ཤེས་ལྔའི་ངོ་བོར་ཤར་བ་ལ། རྣམ་པ་རིན་ཆེན་སྣ་ལྔ་ལས་གྲུབ་ཅིང་། སྤང་རྟོགས་ཀྱི་ལམ་མཐར་ཕྱིན་པའི་བརྡར་རྩིག་པ་འདོད་སྣམ་ཕ་གུ་དྲྭ་བ་དྲྭ་ཕྱེད་མདའ་ཡབ་དང་། རིན་ཆེན་མིག་མང་རིས་ལ་སོགས་པས་ལེགས་པར་བཀྲ་ཞིང་གསལ་ལ་འཚེར་བ། ཕོ་བྲང་ཆེན་པོ་གྲུ་བཞི་སྒོ་བཞི་རྟ་བབས་བརྒྱད་དང་ལྡན་པ། རི་དྭགས་ཆོས་འཁོར་གདུགས་ཏོག་སོགས་མཛེས་ཚོན་གྱི་རྒྱན་ཐམས་ཅད་རང་བྱུང་ལྷུན་གྱིས་གྲུབ་པའི་གཞལ་ཡས་ཡོངས་སུ་རྫོགས་པར་གནས་ཤིང་། མཐོང་བ་ཙམ་གྱིས་བདེ་ཆེན་སྟོང་པའི་ཡེ་ཤེས་རང་ཤུགས་ལ་སྐྱེས་པར་བྱེད་དོ། །དེའི་དབུས་སུ་རིན་པོ་ཆེསྣ་ཚོགས་ལས་གྲུབ་པའི་ཁྲིའི་སྟེང་དུ་སྐྱོན་གྱིས་མ་གོས་པའིཔདྨ། སྐྱོན་ཐམས་ཅན་དང་བྲལ་བའི་ཐབས་ཀྱི་ཆ་ཟླ་བ་མཚན་ཉིད་བཞི་དང་ལྡན་པ། ཤེས་རབ་ཀྱི་ཆ་ཉི་མའི་གདན་ལ། རྣམ་འདྲེན་སངས་རྒྱས་འདུས་པའི་སྤྲུལ་སྐུ་ཨོ་རྒྱན་མཚོ་སྐྱེས་རྡོ་རྗེ་འཆང་ཆེན་པོ་དཀར་ལ་དམར་ བའི་མདངས་ཆགས་པ། གཞོན་ནུ་བཅུ་དྲུག་ལོན་པའི་ན་ཚོད་དང་ལྡན་པ། འོད་དང་འོད་ཟེར་འཕྲོ་ཞིང་དྲི་བཟང་གི་ངད་པ་འཐུལ་བ། ཉག་གཅིག་ཞལ་གྱི་དཀྱིལ་འཁོར་མཛེས་ཤིང་། མཁྱེན་གཉིས་སྤྱན་ཟུང་འབྲུ་ཚུགས་སུ་གཟིགས་པ། དོན་གཉིས་སྙན་གྱི་པདྨོ་རྒྱས་ཤིང་། བདེན་པ་གཉིས་ཟུང་དུ་འཇུག་ཕྱིར་ཤངས་བུག་ཧར་བ། དགའ་བ་བཅུ་དྲུག་ཡེ་ཤེས་དང་ལྡན་པའི་ཚེམས་ཕྲེང་མཛེས་པ། ལོངས་སྐུ་འགགས་པ་མེད་པའི་ལྗགས་པད་སྲབ་པ། སྣང་སྟོང་སྨ་ར་དང་སྨིན་མ་མཛེས་ཤིང་། གདོད་ནས་མ་འཁྲུལ་བའི་བརྡར་བུ་སྐྲ་ཐོད་ཅོག་དང་། བརྒྱུད་འཛིན་རྗེས་སུ་བཟུང་ཕྱིར་ལྷག་མ་སིལ་བུར་འཁྲོལ་ཞིང་། ཐབས་ཤེས་ཕྱག་གཉིས་གཡས་སྐུ་ལྔ་མཚོན་ཕྱིར་གསེར་གྱི་རྡོ་རྗེ་རྩེ་ལྔ་པ་ལ་གཟིར་ཞིང་། གཡོན་པས་བདེ་སྟོང་བྷནྡྷ་འཆི་མེད་