Tibetan
རོ་དང་གཡུ་སྒྲ་ཡིན་དུས་བོད་ཁ་བ་ཅན་ལ་ཆོས་ཀྱི་སྒྲོན་མེ་བཙུགས་ནས་ལྕགས་ཁམས་གསེར་དུ་བསྒྱུར་ཏེ། བོད་ཁམས་དཀར་པོ་ཆོས་ཀྱི་བསྟན་གཞི་བཙུགས་ཤིང་དུས་ད་བར་བདེ་བ་ལ་བཀོད། དེའི་སྨོན་ལམ་སྟོབས་ཀྱིས་ད་རེས་ཟལ་མོ་སྒང་དུ་བདུད་སྲིན་གདུག་པ་ ༈ འདུལ་ཕྱིར་ལང་གྲོ་བེེ་རོ་གཡུ་སྒྲ་གསུམ་གྱི་སྤྲུལ་པ་བུ་ཁྱོད་ཡིན་པས། ཐུགས་སམ་དང་ཐུགས་རྒྱ་བསྐྱེད་ལ་བསྟན་པ་དང་སེམས་ཅན་གྱི་དོན་མཛོད་དང་། མ་འོངས་པ་ན་ཞིང་འདིར་བྱོན་དུས་མངས་བསུ་བ་ལ་འོང་གསུངས་ནས་ཞལ་ཏ་མང་དུ་མཛད། ཡང་རྗེའི་ཞལ་ནས་བེེ་རོ་གཡུ་སྒྲ་གཉིས་དུས་མཉམ་ཡིན་པས། སྤྲུལ་པ་གཅིག་གི་དོན་ཅི་ཕྱིར་ཡིན་ལགས་ཞུས་པ། ཡང་མཁའ་འགྲོའི་ཞལ་ནས་སྤྲུལ་གཞི་གཅིག་ལ་སྤྲུལ་པ་གསུམ་དུ་འབྱུང་བ་ཡིན། སྐུ་སྤྲུལ་ཤེས་རབ་པདྨ་གསལ། གསུང་སྤྲུལ་རྒྱལ་མོ་གཡུ་སྒྲ་སྙིང་པོ། ཐུགས་སྤྲུལ་ལོ་ཆེན་བཻ་རོ་ཡིན་པ་དང་། མ་ཟད་དུས་གཅིག་ཏུ་སངས་རྒྱས་ཀྱི་སྤྲུལ་པ་གདུལ་བྱའི་བློ་དང་འཚམས་པའི་སྤྲུལ་པ་སུམ་སྟོང་ཙམ་ཡང་བྱོན་སྲིད་པ་ཡིན་པས། སྤྲུལ་གཞི་དང་སྤྲུལ་པ་མཐའ་གཅིག་ཏུ་ངེས་པ་ཆ་ཆོད་མེད། སྐུ་ཕྲེང་རིམ་པར་བརྒྱུད་པ་རྣམས་འདི་ལྟར་དུ་གསལ་བར་ལྟོས་གསུངས་ནས་ཤོག་དྲིལ་གཅིག་གནང་། དེ་ནས་རྗེའི་ཕྱག་ནས་བཟུང་ཏེ་ཕོ་བྲང་ནང་དུ་འགྲོ་གསུངས་ཏེ་བྱོན་པས། གུ་རུའི་གཡས་གྲལ་གཡོན་གྲལ་རྣམས་སུ་རྗེ་འབངས་གྲོགས་ལྔ་དང་། རིག་འཛིན་གྲུབ་པའི་དབང་ཕྱུག་དུ་མ་བཞུགས་ནས། བཀའ་འདུས་ཆོས་ཀྱི་རྒྱ་མཚོའི་དཀྱིལ་འཁོར་ཞལ་ ཕྱེས་ནས་ཡོད་པ་ལ། རྗེས་ཕྱག་ཕུལ་ནས་ཕྱིར་མི་ལྡོག་པར་སྨོན་ལམ་བཏབ་པས། དེ་མ་ཐག་ཏུ་གུ་རུ་རིནཔོ་ཆེ་སེང་གེ་སྒྲ་སྒྲོགས་ཀྱི་སྐུར་བཞེངས་ནས་ཐུགས་བརྩེ་བ་ཆེན་པོས་འདི་སྐད་གསུངས། རིགས་ཀྱི་བུ་ད་དུང་ཁྱོད་བསྟན་པ་དང་འགྲོ་བའི་དོན་མ་རྫོགས་པ་ཡིན། འདིར་ཚོགས་གྲལ་དུ་བཞུགས་པར་དུས་ལ་མ་བབ། ང་ཡི་རྒྱལ་ཚབ་ཡིན་པས་ད་དུང་འཇིག་རྟེན་དུ་བྱོན་ལ་འགྲོ་བའི་དོན་མཛོད་ཅིག་གསུངས་ནས། ཕྱི་ནང་གསང་བའི་དབང་རྣམས་རྒྱལ་ཐབས་སྤྱི་བླུགས་སུ་བསྐུར། དེ་ནས་གུ་རུ་ཞི་བའི་དཀྱིལ་འཁོར་དུ་བཞེངས་ཏེ། ཐེམ་མེད་ཞལ་གདམས་ཤོག་དྲིལ་ལྔ་གནང་། ཡང་རྗེའི་ཞལ་ནས་ཕྱག་ཕུལ་བཞིན་འདི་སྐད་གསུངས། དུས་གསུམ་སངས་རྒྱས་གུ་རུ་སྤྲུལ་པའི་སྐུ། །མཐོང་བ་དོན་ལྡན་དངོས་གྲུབ་འབྱུང་བའི་གནས། །རྒྱལ་ཀུན་ཕྲིན་ལས་རང་གཟུགས་རྡོ་རྗེ་འཆང་། །པདྨ་སམ་བྷ་ཁྱེད་ལ་གུས་ཕྱག་འཚལ། །བདག་ནི་འཇིག་རྟེན་ཡུལ་དུ་མི་ལྡོག་ཅིང་། །དཔའ་བོ་མཁའ་འགྲོའི་རིག་འཛིན་རྒྱ་མཚོ་དང་། འབྲལ་མེད་ཚོམ་བུ་གཅིག་ཏུ་ཞིང་འདི་རུ། །འདུག་པར་སྤྲོ་བས་བཀའ་ཡི་གནང་བ་སྩོལ། །ཞེས་ཞུས་པས། གུ་རུའི་ཞལ་ནས་བུ་ཁྱོད་ང་དང་གཉིས་སུ་མེད་པ་ཡིན་པས། དཔའ་བོ་མཁའ་ ༈ འགྲོ་རིག་འཛིན་རྣམས་ཀྱང་ངའི་ཕྲིན་ལས་སུ་ཤར་བས་ནམ་ཡང་འདུ་འབྲལ་མེད་དོ། །ཞིང་ལྔ་བཀོད་པ་དང་བཅས་པ་ང་ཡི་སྤྲུལ་པ་དང་ཡོན་ཏན་ཡིན་པས་གཞན་ན་ཞིང་ཁམས་དང་ལྷ་ཞེས་བྱ་བ་མེད་དོ། །རང་སྣང་དུ་ངོ་ཤེས་པ་བགྱིས་ཤིག །དུས་ལ་བབ་ཚེ་ཞིང་འདིར་ལོངས་སྤྱོད་རྫོགས་སྐུ་ཐོབ་པར་འགྱུར་རོ་གསུངས། ཡང་རྗེའི་ཞལ་ནས་བདག་གུ་རུ་ཉིད་དང་གཉིས་སུ་མེད་པ་ངའི་རྗེས་འཇུག་རྣམས་ཀྱི་དོན་དུ་སྒྲུབ་ཐབས་བྱིན་རླབས་ཆེ་ལ་སྒྲུབ་ཐག་ཉེ་བ་ཚིག་ཉུང་ལ་དོན་བསྡུས་པ་ཞིག་གནང་དུ་གསོལ་ཞུས་ཚེ། གུ་རུའི་ཞལ་ནས་རིགས་ཀྱི་བུ་ངས་རྗེས་འཇུག་རྣམས་ལ་ཞལ་གདམས་ཤོག་དྲིལ་གྱི་ནང་ན་ལྕགས་ཁམས་གསེར་དུ་བསྒྱུར་བའི་མནངག་ནང་བསྒོམ་ན་ནང་སངས་རྒྱས། ནུབ་བསྒོམ་ན་ནུབ་སངས་རྒྱས་པའི་གདམས་པ་ཡོད་དོ། །འོན་ཀྱང་གདུལ་བྱ་རྟག་འཛིན་ཅན་རྣམས་ཁ་དྲང་བའི་ཕྱིར་དུ་ཐབས་ཟབ་མོའི་གདམས་སྐོར་རྣམས་མདོ་སྨད་ཁམས་ཀྱི་རྫོང་དུ་བྲག་སེང་གེ་གནམ་དུ་འཕྱོང་འདྲའི་མགུལ་ན་ཟབ་ཆོས་གསང་བ་སྙིང་ཁྲག་གི་ཆོས་སྐོར་རྣམས་གཏེར་ནས་བཏོན་ལ་བསྟན་པ་དང་སེམས་ཅན་གྱི་དོན་རྒྱ་ཆེན་པོ་མཛོད་ཅིག །ཆོས་འདི་ཉམས་སུ་ལེན་པའི་སྐལ་ལྡན་རྣམས་ཚེ་འཕོས་མ་ཐག་ཏུ་ཞིང་འདིར་སྐྱེ་བར་ཐེ་ ཚོམ་མེད་དོ་གསུངས་ནས་ཐམས་ཅད་ཚོགས་ཀྱི་དགའསྟོན་ལ་རོལ་ཞིང་། རྗེ་འབངས་རྣམས་ཀྱིས་ཞལ་གདམས་བསླབ་བྱ་ལུང་བསྟན་རེ་རེ་གནང་བ་རྣམས་གཏེར་གཞུང་དུ་གསལ། དེ་ནས་མཁའ་འགྲོ་ཡེ་ཤེས་མཚོ་རྒྱལ་དང་བེེ་རོ་གཡུ་སྒྲ་རྡོ་རྗེ་མཚོ་མགོན་སྐྱིད་ལ་སོགས་པའི་མཆེད་ལྕམ་རྣམས་ཀྱིས་ཕོ་བྲང་གི་ཕྱི་རོལ་དུ་སྐྱེལ་མ་མཛད། ཁྱད་པར་ཡེ་ཤེས་མཚོ་རྒྱལ་གྱིས་གཙུག་གཡུ་ནོར་བུ་འོད་འབར་དང་གསེར་གབ་པདྨ་སྟོང་ལྡན་རྣམས་སྐུ་ཚབ་ཏུ་གནང་ནས་བུ་ཁྱོད་ང་དང་ནམ་ཡང་འབྲལ་བ་མེད་པས། ཁྱོད་ལ་ལེགས་ཉེས་ཀྱི་བྱ་བ་ཇི་ལྟར་བྱུང་ཡང་མ་ང་ལ་གསོལ་བ་ཐོབ་དང་ཅི་དགོས་ཀྱི་ལུང་བསྟན་འོང་གསུངས་ནས་ཕོ་བྲང་དུ་ཕེབ། རྗེ་དེ་ཉིད་ཀྱང་ཐུགས་སྐྱོ་བ་བཞིན་དུ་སྔར་གྱི་ཌཱཀྐིའི་གཉིས་དང་བཅས་ཏེ་བྱོན་པས། རྗེའི་ཞལ་ནས་སྔར་གྱི་ཡུལ་རིགས་མི་འདྲ་བ་དེ་དག་ཅི་རེད། ཞིང་ཁམས་འདི་ལ་མིང་ཅི་སྐད་ཟེར་ཞུས་པས། ཌཱཀྐིའི་ཞལ་ནས་ཞིང་ཁམས་འདི་རང་སྣང་འོག་མིན་པདྨ་བདེ་ལྡན་བརྩེགས་པ་ཞེས་བྱ་བ་དང་། ཡུལ་རིགས་འདི་རྣམས་ཉི་ཤུ་རྩ་བཞིའི་ཡུལ་ཆེན། དེ་དག་གི་བར་མཚམས་སུ་ཡོད་པ་ཐམས་ཅད་ཧེ་རུ་ཀའི་གནས་དང་། དུར་ཁྲོད་ཆེན་པོ་བརྒྱད་ལ་སོགས་པ་ཡིན་ནོ། །ཞིང་འདི་རྣམས་ཀྱི་བཀོད་པ་མ་བརྗེད་པར་ཡིད་ལ ༈ ཟུངས་ཤིག གསུངས་མ་ཐག་ཏུ་གློ་བུར་དུ་མནལ་ལས་སད་དོ། །དེ་ནས་སྐུ་མཚམས་གྲོལ་ནས་དགེ་བཙུན་མཁས་དབང་དང་དམ་ལྡན་འགའ་ལ། ཡབ་རྗེ་བླ་མའི་གསུང་ཆོས་འོད་གསལ་རྫོགས་པ་ཆེན་པོ་མ་བསྒོམས་སངས་རྒྱས་ཀྱི་གདམས་ཁྲིད་གནང་སྐབས། དགེ་བཙུན་མཁས་དབང་རྒྱ་མཚོས་ཞུས་པ། གཏེར་ཆེན་རིན་པོ་ཆེ་ལགས་མདང་སུམ་བདག་གི་རྨི་ལམ་ལ་བུད་མེད་རྨ་བྱའི་ལྭ་བ་གྱོན་པ་གཅིག་བྱུང་ནས་སྐལ་ལྡན་ཁྱོད་སང་ཉིན་བླ་མའི་དྲུང་དུ་སོང་ལ། མཁའ་འགྲོའི་ཞལ་གདམས་ཀྱི་མན་ངག་ཟབ་ལམ་ཞིག་ཕབ་པའི་དུས་ལ་བབ་འདུག །དེ་བསྐུལ་ཞིང་གསོལ་བ་ཐོབ་དང་། རང་གཞན་གྱི་དོན་རྒྱ་ཆེན་པོ་འབྱུང་བར་ངེས་སོ་ཟེར་བ་རྨིས་པས་བདག་ཅག་རྣམས་ཀྱི་ཆོས་སྐལ་ཟབ་གཏེར་འབེབ་ཐུབ་བཀའ་དྲིན་མི་ཆུང་ཞུ་ཞེས་རིན་པོ་ཆེ་སྣ་ཚོགས་བཅས་ཡང་ཡང་གསོལ་བ་བཏབ་པས། རྗེ་ཉིད་ནས་ཀྱང་དུས་བབས་སུ་དགོངས་ནས་གསང་བ་འཕྲུལ་ཡིག་གི་ཆོས་སྐོར་མཚོ་རྒྱལ་ཞུ་ལནགསལ་བའི་སྒོ་འབྱེད་དང་། ཞིང་བཀོད་ཀྱི་མཐོང་སྣང་། མཚོ་རྒྱལ་ཕྱི་ནང་གསང་གསུམ་གྱི་སྒྲུབ་ཐབས་དབང་དང་བསྐྱེད་རྫོགས་ལག་ལེན་དང་བཅས་པ་གཏན་ལ་ཕབ་ནས་རིམ་བཞིན་སྐལ་ལྡན་རྣམས་ལ་སྤེལ་བ་སོགས་མཛད་ ནས་ཁོང་རྣམས་ཀྱི་རེ་བ་མ་ལུས་པ་བསྐང་། དེ་ནས་རིམ་གྱིས་བྱོན་ནས་རྫ་སྟོད་དུ་ཕེབ་སྟེ། རྩེ་དམ་པའི་སྒྲུབ་ཕུག་ནས་ཡང་ཟབ་སྙིང་ཐིག་གི་ཆོས་གཏེར་རྣམས་ངོ་མཚར་བའི་ལྟས་དང་བཅས་ཏེ་སྤྱན་དྲངས། དེ་ནས་རྫ་རྒྱ་དགོན་དུ་ཕེབ་ནས་སྐུ་ནུས་ཆུང་བ་རྫོགས་ཆེན་དཔལ་དགེའི་ཡང་སྤྲུལ་ནམ་མཁའ་འཇིགས་མེདགདན་སར་འཁོད་ཅིང་མཚམས་སྤྲུལ་རིན་པོ་ཆེ་དང་མཇལ་འཕྲད་མཛད། དེ་སྐབས་མཚམས་སྤྲུལ་རིན་པོ་ཆེའི་ཞལ་ནས་ཁྱོད་ལ་མཚོ་རྒྱལ་སྐུ་འདྲ་གཏེར་བྱོན་ངོ་མཚར་ཅན་ཞིག་འདུག་པས། དེ་ང་རང་ལ་གནང་དགོས་གཏེར་རྫས་གཞན་པ་རྣམས་ཀྱང་མཇལ་དགོས་གསུངས། རྗེའི་ཐུགས་ལ་རྫུན་ཞུས་མི་ཉན་བླ་མ་རེད། རྫས་གཏེར་རྣམས་གཞན་གྱི་མ་རིག་ན་དགའ་དགོངས་ནས། ལགས་ང་རང་ལ་རྫས་གཏེར་རྩ་བ་ཅན་ངོ་མཚར་བ་ཅང་མེད་གསུངས། ཡང་མཚམས་སྤྲུལ་རིན་པོ་ཆེ་ནས་ང་རང་ལ་མདང་སྔགས་སྲུང་མས་ཟེར་བ་ཡིན་པས་ཁྱོད་ལ་ཡོད་ངེས་པ་རེད། ད་ནས་སོང་ལ་ཁྱེར་ཤོག་གསུངས། དེ་ནས་རྗེ་བླ་མའི་བཀའ་བཞིན་གཏེར་རྫས་རྣམས་མ་ལུས་པར་ཕྱག་བསྣམས་མཛད་དེ་མདུན་དུ་བྱོན་རྟེནསྒམ་བླ་མའི་ཕྱག་ཏུ་ཕུལ་བས། གཏེར་རྫས་རིགས་མི་འདྲ་བ་མང་པོ་ཡོདཔས་དེ་དག་གི་རྒྱུ་གྲུབ་ཚུལ་གྱི་རྟེན་འབྲེལ་ཐོལ་བྱུང་དུ་ གསུངས་ནས་མིང་རེ་རེ་བཏགས། རྩ་བ་སྡོང་པོ་ཡལ་ཀ་མེ་ཏོག་འབྲས་བུས་ས་གཏེར་ཁ་ཐམས་ཅད་ལུང་དུ་བསྟན། ཁྱད་པར་མཆིམས་ཕུའི་གཏེར་བྱོན་མཚོ་རྒྱལ། སྐུ་ཚབ་དང་གཙུག་གཡུ་ལས་སྒྲུབ་པའི་སྒྲོལ་ལྗང་གི་སྐུ་གཟི་སྒྲོམ་བཅས་མཚམས་སྤྲུལ་རིན་པོ་ཆེ་ལ་ཕུལ་བས་ཐུགས་དགྱེས་པ་ཆེན་པོར་མཛད། ད་དུང་ཁྱོད་ཀྱི་གཏེར་སྒོ་ན་མཚོ་རྒྱལ་གྱི་རྣམ་ཐར་ཤིན་ཏུ་རྒྱས་པ་ཞིག་ཕབ་རྒྱུ་འདུག་པས་དེ་བདག་ལ་ཕབ་དགོས་གསུངས་ཏེ། རིན་ཆེན་དང་པོ་དང་གསང་སྔགས་ཀྱི་རྫས་མཆོག་རྡོ་རྗེ་དྲིལ་བུ་བཅས་གནང་ནས་ཡང་ཡང་བསྐུལ། རྗེ་དེ་ཉིད་ཀྱིས་ཀྱང་རྗེས་སོར་ནས་ཟབ་ཆོས་འབེབ་རྒྱུ་ཞལ་གྱིས་བཞེས་ནས་ཕར་ཚུར་ཀུན་ཐུགས་མཐུན་རྗེས་བརྩེ་བ་ཆེན་པོས་གདམས་ཁྲིད་སོགས་ཀྱི་བསྒྲོ་གླེང་མང་པོ་མཛད་ཅིང་ཐུགས་སུ་ཆུབ་པར་མཛད། དེ་ནས་རིམ་གྱིས་རང་ཡུལ་ལ་ཕེབས་ནས་ཉེ་བར་ཐོན་ཚེ་ཡབ་རྗེ་བླ་མ་དང་སྔར་གྱི་བཀོད་པ་རྣམས་དྲནཅིང་ཐུགས་ཆུང་ཤིན་ཏུ་མཛད་ནས་བླ་མར་གསོལ་བ་བཏབ་ཚེ། དེ་ནུབ་མནལ་ལམ་ལ་བླ་མ་རིན་པོ་ཆེས་ཞལ་གཟིགས་ནས་རྗེ་དེ་ཉིད་ལ་ཐུགས་གསོས་ཀྱི་ཞལ་ཏ་དང་ལུང་བསྟན་དུ་མ་གསུངས། དེ་ནས་རིམ་གྱིས་བྱོན་པའི་སྐུ་ནུས་ཆུང་བ་རྡོ་རྗེ་དགྲ་འདུལ་དང་། ཨ་སྐྱབས་སྤྲུལ་སྐུ་3 སོགས་ཡུལ་མི་ཀུན་གྱིས་བསུ་བ་ལ་ཐོན་བྱུང་ནས་ཐམས་ཅད་གཤིན་གསོན་འཕྲད་པ་ལྟ་བུའི་དགའ་སྤྲོ་ཆེན་པོ་བྱས། དེ་སྐབས་སུ་རྗེའི་ཞལ་ནས་བསོ་སྤྲུལ་སྐུ་ཁམས་བདེ་མོ་ཡིན་ནམ། ད་རེས་འདི་ཀར་མི་བྱོན་པ་ཅི་ཡིན་གསུངས་ཚེ། ཁོང་རྣམས་ཀྱིས་ཅི་ཡིན་མ་གོ་ཟེར་བ་ལ། དགུང་མོ་ཨ་སྐྱབས་སྡེ་འཛིན་གྱིས་སྨྲས་པ། ང་རང་གི་ཡུལ་ཕྱོགས་ས་རེ་ལ་ཐུག་པས། བསོ་སྤྲུལ་སང་དགྱོད་ཁ་ཅུང་ཟད་ལ་རྐྱེན་ནས་བསྭེ་ཐོག་གམ་རྫོང་གནས་སུ་བྱོན་ཡོད་ཟེར་འདུག་པས་སྐུ་ཁམས་བདེ་ངེས་རེད་ཟེར། དེ་ནས་གདན་སར་ཕེབས་ནས་ལུགས་གཉིས་གང་ཐད་ནས་བླ་མའི་གདན་ཚབས་འོང་ངེས་བྱས་ཏེ་ཆོས་སྲིད་ཀྱི་བསྟན་པ་བསྐྱངས། དགུན་ཟླ་བ་བཅུ་གཅིག་གི་ནང་དུ་བསོ་སྤྲུལ་གྱི་གདན་ས་སེར་དགོན་དུ་རྗེ་དེ་ཉིད་བྱོན་ནས་ཟླ་བ་ཆས་ཤས་རེ་དེ་ཀར་བཞུགས་ཤིང་ཟབ་གཏེར་གསར་ཕབ་མཛད་པ་དང་། བསོ་སྤྲུལ་རིན་པོ་ཆེ་ལ་མན་ངག་གསང་བའི་གདམས་ཁྲིད་རྣམས་གཅིག་བརྒྱུད་དུ་གནང་བ་དང་། གཞན་སྐལ་ལྡན་རྣམས་ལའང་རང་རང་དང་མཚམས་པའི་ཆོས་དང་གདམས་ཁྲིད་གནང་བ་སོགས་མཛད། དེ་ནས་དགུང་ལོ་ཉེར་དགུའི་ལོར་འདུས་སྡེ་སྐལ་ལྡན་དུ་མར་ཕ་ཡབ་རྗེ་བླ་མའི་ཟབ་གཏེར་གྱི་དབང་ལུང་ཡོངས་རྫོགས་གསུངས་ནས་གསལ་ཁྱབ་ ༈ ཏུ་སྤེལ་བར་མཛད། སྔར་རྗེ་དབུས་ལ་བྱོན་སྐབས་ཡབ་རྗེ་བླ་མ་ཞིང་ཁམས་སུ་ཡིབ། སྐུ་མཆེད་དང་མ་ཡུམ་ལ་སོགས་པ་སྦས་ཡུལ་དུ་བྱོན། གཞན་ཡང་གཟུངས་མ་འཁོར་སློབ་ཐམས་ཅད་རང་སྐལ་གྱི་དངོས་རྫས་ཅི་ཡོད་ཁྱེར་ནས་རང་ཡུལ་ལ་སོང་བ་རྣམས་ཀྱང་གདན་སར་འདུས་པའི་ཕྱག་རྫས་ཤིན་ཏུ་སྲབ་པས། ཐམས་ཅད་ཀྱིས་རྗེ་དེ་ཉིད་གདུལ་བྱ་ཅུང་ཟད་ལ་བྱོན་དགོས་ཞུས་ནས། ཉེ་གནས་འོད་འབར་དང་། ཕྱུག་ཤུལ་ཀར་དོན། སྒོ་ས་ཆོས་གསལ་ལ་སོགས་པའི་གྲྭ་པ་རྣམས་ཀྱིས་སྟ་གོན་བྱས་ཏེ། ཁྲོ་ཁོའི་རྒྱལ་སར་ཕེབས། དེ་སྐབས་སུ་གདུལ་བྱ་འཕེལ་འགྲིབ་སོང་བ་ལ། མཁའ་འགྲོའི་ལུང་བསྟན་ནས་སྔར་ཚེ་རབས་ཀྱི་ལས་ལྷ་གནོད་སྦྱིན་རྩི་དམར་གྱི་གསོལ་མཆོད་དགོས་ཟེར་བ་ལ། དེ་ལྟར་བྱས་པས་གང་འདོད་ཀྱི་ཕྱག་རྫས་འབྱོར། དེ་ནས་ཁྲོ་ཁོ་ཀུན་ལ་བསྲུང་སྐྱོབས་རིམ་གྲོ་སོགས་གང་འདོད་དང་། སེར་སྡེ་རྣམས་ལ་དབང་ཁྲིད་ཟབ་གཏེར་གསར་ཕབ་སྤེལ་བ་སོགས་མཛད ཁོང་རྣམས་ཀྱིས་འབུལ་སྡུད་དང་ཞབས་ཏོག་ཆེན་པོ་བསྒྲུབ་ནས་གདུལ་བྱ་མཐའ་རྒྱས་སུ་འབྱུང་ངོ་། །དེ་སྐབས་སུ་སྔར་འཇམ་དབྱངས་མཁྱེན་བརྩེའི་གདན་ས་རེད་ཟེར་བའི་ཉེ་ལོག་ན་ཐང་ཆེན་པོ་ཞིག་གི་དཀྱིལ་དུ་རི་འབུར་ གསུམ་ཡོད་པ། དེ་མ་གཟའ་དམ་གསུམ་གྱི་གནས་ཡིན་པར་དགོངས་ནས་གསོལ་མཆོད་མཛད་པས། ཁོང་རྣམས་ཀྱིས་ཞལ་བསྟན་ནས་གང་བཅོལ་གྱི་ཕྲིན་ལས་སྒྲུབ་པར་མཛད། དེ་ཀ་ནས་ཟབ་གསང་མཁའ་འགྲོའི་སྙིང་ཁྲག་གི་ཆོས་སྐོར་རྟ་མགྲིན་ལྕགས་རལ་ནག་པོའི་ཆོས་གཏེར་བསེ་སྒྲོམ་རྡོ་སྒྲོམ་ལྭ་སྒྲོམ་གསུམ་སྤྱན་དྲངས་ཤིང་ངོ་མཚར་བའི་རྟེན་འབྲེལ་ཁྱད་པར་ཅན་དུ་མ་འབྱུང་ནས་དེར་འདུས་ཐམས་ཅད་ཡི་རང་ནས་དད་མོས་ཀྱི་གསོས་སུ་འགྱུར། དེ་སྐབས་གནོད་སྦྱིན་ཡིན་ཟེར་བའི་བན་དེ་ཞིག་འོང་ནས་ཁྱེད་ད་འགོར་མི་ཉན་པ་འདྲ། ཧ་ལེ་ཀུན་མོ་ནི་ཁྱོད་མེད་པས་སྡུག་བསྔལ་དང་མནོལ་གྲིབ་ཀྱིས་སོང་ནས་ནད་བྱུང་བ་དང་། བཟའ་བཅའ་སོགས་ཀྱང་མི་སྟེར་བའི་ལན་འདུག་པས་མྱུར་དུ་བྱོན་ཟེར་ནས་ཡལ་སོང་བས། རྗེའི་ཐུགས་དགོངས་ལ་ཧ་ལི་དེ་ཡུལ་པ་བཅོལ་གཏམ་ལེགས་པར་བྱས་ཡོད་པས་ཁོ་རང་ལ་སྡུག་བསྔལ་དེ་ཙམ་མེད། ཁྱད་པར་མུག་བཀྲེས་ལྷག་གསུམ་འོང་དོན་མེད། ནད་བྱུང་ངེས་པ་ཡིན་དགོངས་ནས་ཐུགས་མ་བདེ་བས་དེ་ལ་རྐྱེན་ནས་རིམ་གྱིས་མྱུར་དུ་གདན་སར་ཕེབས་ཚེ། ཌཱཀྐིས་ལུང་བསྟན་ལྟར་ན་མིའི་ལུས་པོ་མེས་ཚིག་ནས་རྨ་རུ་སོང་། བྱང་ཁོག་མུ་གེ་བྱུང་ནས་འཆི་ལ་ཐུག་འདུག་པས། རྗེའི་ཐུགས་ཤིན་ཏུ་ ༈ སྐྱོ་ནས་སྙིགས་དུས་ཀྱི་མི་ལ་བློ་གཏད་མེད་པ་འདི་ཅི་རེད་དགོངས་ནས། ཧ་ལི་ལ་ད་ཕན་ཆད་ཁྱོད་ངས་མི་སྐུར་གསུངས་ཤིང་ཞལ་གཏུགས་ཏེ་གཅེས་གཅེས་མཛད་ཚེ། ཧ་ལིས་ཀྱང་རྗེའི་ཞལ་ལ་བལྟ་མིག་ནས་མཆི་མ་འོང་གྱིན་འདུག་པས་ལྷག་པར་དུ་རྗེའི་ཐུགས་ཀྱིས་མི་བཟོད་ནས་སྒར་བས་མི་གོ་བར་བྱས་ཏེ། ཧ་ལི་ལ་རིམ་གྲོ་དང་རྨ་བཅོས་སོགས་མཛད་ནས་ནད་ལས་ཐར་བར་མཛད། དེ་ནས་ཟླ་བ་གཅིག་པའི་ནང་དུ་ཡབ་རྗེ་བླ་མའི་ཟབ་གཏེར་ཕུར་པ་ཟླ་སྒྲུབ་ཀྱིས་དབུ་བཞུགས་མཛད་ནས་སྒྲུབ་པ་ལ་འཚོགས་ཡོད་སྐབས་སུ། དཔའ་བོ་ལས་རབརྩལ གྱི་རྣམ་སྤྲུལ་བསྟན་གཉིས་གཡུང་དྲུང་གླིང་པ། འཇམ་དབྱངས་མཁྱེན་བརྩེའི་དབང་པོ། རྒྱ་རུང་ནམ་སྤྲུལ་ལ་སོགས་པའི་རྡོ་རྗེའི་ལུང་གིས་གསལ་བར་མཛད་ནས། གཏེར་ཆེན་བདུད་འདུལ་དབང་ཕྱུག་གླིང་པས་བཀའ་གླེང་དང་གསུང་ཕྲིན་བསྐུར་བ་ལ། ཁྱོད་ད་ལོ་ངའི་སར་འོང་ན་ཕན་ཚུན་ཀུན་ལ་རྟེན་འབྲེལ་གྱི་དགོས་པ་ཆེན་པོ་ཡོད་པ་དང་། ཁྱད་པར་བདག་གི་ཟབ་གཏེར་གྱི་མཇུག་དང་། གདུལ་བྱའི་ལྷག་མ་ཐམས་ཅད་ཁྱོད་ལ་དབང་བ་ཡིན་པ་དང་། ཡང་སྒོས་ངའི་གཏེར་གྲོགས་གནས་ཞིང་ལས་སྐྱེས་པའི་རིགས་ལྡན་གྱི་མི་མོ་ཀ་ལཱ་བྷ་དྲ་ཏཱ་རེ་ཞེས་པ་དེ་ཁྱོད་ཀྱི་ གྲོགས་སུ་སྨོན་ལམ་ཡོད་པས། ད་ལན་ལྷན་དུ་ངའི་སར་འོང་སྟབས་ལྡན་ན་ཟབ་གཏེར་རྒྱ་མཚོའི་སྒོ་འཕར་ས་གསུམ་འགྲན་ཟླ་དང་བྲལ་བ་ཡོང་ངེས་པ་མ་དང་མཁའ་འགྲོའི་ལུང་བསྟན་འཁྲུལ་མེད་དུ་ཡོད་པས། དེ་ལུགས་ཀྱི་སྟབསགྲིགས་ཐབས་ལ་མ་འཚུག་གསུངས་འདུག་པས། རྗེ་ཡིས་མཚམས་གྲོལ་མ་ཐག་ཏུ་བྱོན་དགོས་སྙམ་ནས་དེ་ལུགས་མཛད་ཚེ། བླ་བྲང་གི་ཁུར་ཐང་པ་རྣམས་ཀྱིས་ད་ལོ་འུ་ཅག་ལ་མོ་ངན་ཡོད་པས། ཐོག་མར་འབྲོང་སྐོར་ལ་བྱོན་དགོས་ཟེར་ནས་ཕྱི་བཤོལ་དུ་ལུས། དེ་ནས་དགུང་ལོ་སུམ་ཅུའི་ལོར་ཁོང་རྣམས་ཀྱི་བཞེད་པ་ལྟར་འབྲོང་སྐོར་ལ་བྱོན། དེ་རྗེས་མགའ་ར་གཏེར་སྟོན་ཡུལ་དུ་བྱོན་དགོངས་ཀྱང་དུས་ལས་ཡོལ་ཏེ། གཏེར་སྟོན་ཞིང་དུ་བྱོན་སོང་བ་སྙན་ཚེ་ཐུགས་ཆུང་མཛད་ནས་གསོལ་འདེབས་དང་འོ་དོད་འབོད་པས་ནུབ་གཅིག་གཟིམ་ལམ་ལ་བདུད་འདུལ་དབང་ཕྱུག་གླིང་པས་ཞལ་གཟིགས་ནས་འདི་སྐད་གསུངས། དཔའ་བོ་བདག་ནི་ཞིང་དུ་འགྲོ་དོན་ལྷག །སངས་རྒྱས་བསྟན་པ་བྱང་ནས་བྱང་དུ་དར། །གདུལབྱ་མ་ཟད་འདུལ་བྱེད་རྫོགས་མི་འགྱུར། །ང་ཡི་གདུལ་བྱའི་ལྷག་མ་ཁྱོད་ལ་རག །ཐབས་དང་ཤེས་རབ་རྟེན་འབྲེལ་མ་འཛོལ་ན། །ཟབ་གསང་བླ་མེད་བསྟན་པའི་ཉི་གཞོན་བཀྲ། །བསོད་ནམས་ ༈ ཚོགས་ཀྱི་ཞིང་ས་དམ་པ་ལ། །ཟབ་ཆོས་པདྨ་སྙིང་ཐིག་དཔལ་དུ་ལོན། །དེ་ཡི་བསྟན་པ་ཤར་གྱི་ཕྱོགས་ནས་དར། །ཞེས་གསུངས་ནས་རིན་པོ་ཆེའི་གཞོང་པ་ལ་འབྲུ་སྣ་ཚོགས་ཀྱིས་བཀང་བ།དེའི་སྟེང་ན་མེ་ལོང་དར་སྣ་ལྔས་བརྒྱན་པ་ཞིག་དང་།ཤོག་དྲིལ་གཅིག་བཅས་གནང་ནས་ཟབ་ཆོས་པདྨ་སྙིང་ཐིག་འབྲས་བུ་ལྟ་བུ་ནི་ཆོས་ཡིན་པས། སྐལ་ལྡན་རེ་འགའ་རེ་འགའ་ཙམ་མ་གཏོགས་གཞན་མ་སྟོན་ཅིག་གསུངས། ཡང་རྗེའི་ཞལ་ནས་བླ་མ་རིན་པོ་ཆེ་ཁྱོད་བདག་ཅག་རྣམས་ཀྱི་དཔལ་དུ་མི་བཞུགས་པ་ཞིང་དུ་བྱོན་པ་ཅི་ལགས། ད་དུང་ཡང་སངས་རྒྱས་བསྟན་པ་སྤྱི་དང་སེམས་ཅན་གྱི་བདེ་སྐྱིད། ཡང་དགོས་གུ་རུ་པདྨའི་རང་ལུགས་ཀྱི་བསྟན་པ་དར་བའི་ཕྱིར་དུ་ཟབ་གཏེར་འཛིན་སྐྱོང་ནུས་པའི་ཡང་སྤྲུལ་ཞིག་བདག་གི་རིགས་སུ་བྱོན་ན་ཆོག་སྙམ་ཞུས་ཚེ། བླ་མའི་ཞལ་ནས་བདག་གི་འདི་ཕྱོགས་སུ་གདུལ་བྱའི་ལྷག་མ་ཙམ་ཞིག་མིན་པ་རྫོགས་སོང་བས། ད་ལོ་ཁྱོད་ཀྱི་རིགས་སུ་བདུད་འཇོམས་རྡོ་རྗེའི་ཟླ་གཞོན་རེ་ངོམ་རབ་ཡོད་གསུངས་ཤིང་རྩེ་མཚར་གྱི་ཚུལ་དུ་བྱུང་དང་འབྱུང་འགྱུར་གྱི་ལུང་བསྟན་དུ་མ་གསུངས་ཏེ་ཐུགས་བརྩེ་བརྩེ་མཛད་ནས་མི་སྣང་བར་སོང་། ཡང་མཁའ་འགྲོ་ཡེ་ཤེས་དབང་མོ་ཡིན་སྐད་པ་ཞིག་གིས་ ཁྱོད་ཀྱི་བརྡ་དོན་འདི་རྣམས་ཨེ་གོ་གསུངས་ཚེ། རྗེས་ཅི་ཡིན་ཆ་མ་ཆོད་ཞུས་པས། ཌཱཀྐིའི་ཞལ་ནས་འདི་སྐད་གསུངས། རིན་ཆེན་གཞོང་པ་སྣ་ཚོགས་འབྲུས་བཀང་བ། །ཁྱོད་ཀྱི་བསོད་ནམས་ལོངས་སྤྱོད་རྒྱས་པའི་བརྡ། །དེ་སྟེང་དྲི་བྲལ་མེ་ལོང་གསལ་བ་འདི། །ཀ་དག་སྤྲོས་བྲལ་ཐིག་ལེ་ཉག་གཅིག་ལ། །གཟུགས་བརྙན་གསང་མཛོད་སྣ་ཚོགས་དབང་བའི་བརྡ། །སྣ་ལྔའི་དར་གྱིས་མཛེས་པར་བཀྲ་བ་འདི། །ཞིང་ལྔའི་མཁའ་འགྲོ་གྲོགས་སུ་དབང་བའི་བརྡ། །དེ་སྟེང་ཤོག་དྲིལ་གནང་བ་འདི། །ཟབ་པ་སྐོར་བཞི་ཆོས་ཀྱི་མཛོད། །ཁྱོད་ལ་དབང་བའི་ལུང་བྱང་བརྡ། །བརྡ་དང་བརྡ་ལན་མ་གོ་ན། །གུ་རུ་པདྨའི་བུ་སྐལ་མིན། །ཡིད་གཉིས་ཐེ་ཚོམ་མ་བྱེད་པར། །མཁའ་འགྲོའི་ཞལ་ལུང་ཇི་བཞིན་དུ། །རྟེན་འབྲེལ་གནད་ལ་གཟབ་གལ་ཆེ། །ཞེས་དང་། བདུད་འཇོམས་རྡོ་རྗེའི་ཐུགས་རྒྱུད་བསྐུལ་བའི་གསོལ་འདེབས་ལུང་བསྟན་རྣམས་གསུངས་ནས་མི་སྣང་བརགྱུར་ནས་མནལ་ལས་སད་དོ། །དེ་ནས་ཟླ་བ་ཆ་ཤས་སོང་སྐབས་ཡུམ་ལ་སྲས་ཞིག་ཡོད་པས། རྗེ་དེ་ཉིད་ཀྱི་ཐུགས་དགོངས་ལ་སྔར་བླ་མ་རིན་པོ་ཆེ་ཞིང་དུ་བྱོན་ཀར་བསྐལ་པ་ཁྱིའི་ལོར་འུ་ཅག་ཕ་བུ་ཐུག་འོང་གསུངས་པ་དང་། མཁའ་འགྲོའི་ལུང་བསྟན་ རྣམས་ལའང་ད་ལོ་རིགས་སྲས་ཞིག་ཡོད་པས་གཟབ་གལ་ཆེ་ཟེར་འདུག་པས། སྔར་