Tibetan
འཁོར་བུ་ཆེན་ཐམས་ཅད་མྱ་ངན་གྱིས་ཤིན་ཏུ་གདུང་། རྗེ་དེ་ཉིད་ཀྱང་ཐུགས་ཆུང་མཛད་ནས་གདུང་འབོད་དང་གསོལ་འདེབས་དྲག་པོ་མཛད་པའི་སྐབས། གདུང་དུད་ཀྱི་ནང་ནས་སྐུ་མི་སྣང་བར་གསུང་གི་གདངས་ལས་རྗེའི་ཐུགས་གསོས་ཀྱི་ཞལ་ཏ་དང་བྱུང་དང་འབྱུང་འགྱུར་གྱི་ལུང་བསྟན་མང་དུ་གསུངས་ནས། གནམ་ལྕགས་ལས་གྲུབ་3 0mཔའི་རྡོ་རྗེ་རྩེ་ལྔ་པ་ཞིག་དངོས་སུ་གནང་བ་དད་ལྡན་འགའི་མཐོང་ཆོས་སུ་གྱུར་བ་སོགས་ཀྱི་ངོ་མཚར་བའི་སྣང་བ་མཐའ་ཡས་པ་མཛད་དོ། །དེ་ནས་དགུང་ལོ་ཉེར་བཞིའི་ལོར་སྐུ་མཆེད་ཆེ་བ་མཁྱེན་སྤྲུལ་རིན་པོ་ཆེ་དང་། རྗེ་དེ་ཉིད་ཀྱི་མ་ཡུམ་ལ་སོགས་པ་ཐམས་ཅད་པདྨ་བཀོད་དུ་བྱོན་གྲབ་མཛད་ནས། དངོས་རྫས་ཀྱི་ལྷག་མ་རྣམས་དང་། སྐུ་གསུང་ཐུགས་ཀྱི་རྟེན་ཐམས་ཅད་ཞིལ་ཆ་མཛད་སྐབས་རྗེ་དེ་ཉིད་ལ་སྔར་ཡབ་རྗེ་བླ་མས་གནང་བའི་གཡང་ཐོད་གཏེར་རྫས་ཀྱི་སྒྲོམ་བུ་རྣམས་དང་། ཁྱདཔར་གུ་རུ་ཟ་ཧོར་མ་དང་བཅས་པ་བུ་སློབ་ཆེ་བ་རྣམས་ཀྱིས་རྗེའི་ཕྱག་ནས་བླང་སྟེ། མཁྱེན་སྤྲུལ་སང་ལ་གཏད་དགོས་སོགས་ཀྱི་གྲོས་འཆམས་ནས། རྗེ་ལ་ཡང་དེ་ལྟར་ལོ་རྒྱུས་ཞུས་པས། རྗེའི་ཞལ་ནས་དགོས་ཨ་ཕས་བྱས་ན་འགྱོད་དོ་ཟེར་བའི་དཔེ་བཞིན། ང་རང་ལ་ཡབ་རྗེ་བླ་མས་ཁོང་དང་མ་འཕྲད་བར་དུ་སྐུ་ཚབ་ཏུ་གནང་ནས་གཞན་གཅིག་ལ་འདི་རྣམས་སྤྲད་མི་དགོས་གསུངས་པས། ངས་ཁྱོད་རྣམས་ལ་མི་སྦྱིན་ངེས་པ་ཡིན་གསུངས། བུ་སློབ་རྣམས་ཀྱིས་ཁྱོད་ཀྱིས་བླ་མའི་གདུང་འཚོབ་མི་འོང་། མཁྱེན་སྤྲུལ་རིན་པོ་ཆེས་བླ་མའི་བསྟན་པ་ལ་ཞབས་ཞུ་དང་རྒྱལ་ཚབ་ཡོང་ངེས་པ་ཡིན། ཁོང་ལ་བླ་མའི་སྐུ་ཆས་དང་གཏེར་རྫས་རྣམས་སྤྲད་དགོས་ཡང་ ༈ ཡང་ཟེར་ཀྱང་། རྗེས་ང་རང་གིས་བླ་མའི་བསྟན་པ་འཛིན་སྐྱོང་འོང་བསམ་པ་མིན། བླ་མ་དངོས་སུ་བཞུགས་སྐབས་ང་ལ་གཏད་པ་ཡིན་པས་ཅི་ནས་ཀྱང་མི་སྦྱིན་གསུང་། བུ་སློབ་རྣམས་ཁོང་ཁྲོའི་ཚུལ་མཛད་ནས། ད་ཁྱོད་ཀྱིས་མཁྱེན་སྤྲུལ་གྱི་བཀའ་ལ་མི་ཉན་པར་རང་བློ་རྒོད་ཆོད་བྱེད་འདུག་ཟེར་ནས། ཐམས་ཅད་ཕྱིར་མཁྱེན་སྤྲུལ་མདུན་ལ་བུད་སོང་། རྗེའི་ཐུགས་ལ་དང་བླ་མ་བཀའ་དྲིན་ཅན་ཡིད་བཞིན་གྱི་ནོར་བུ་ལྟ་བུ་དེ་ནི་མེད། རང་ཡུལ་ལ་བསྡད་ཀྱང་ཀུན་གྱི་མིག་ལ་གཟན་འདུག་པས། བླ་མའི་བཀའ་བཞིན་དབུས་ཕྱོགས་ལ་བྱོན་དགོས་དགོངས། ཁྱད་པར་ད་ལན་བུ་སློབ་རྣམས་ཀྱིས་གསུང་ཏེ་བདེན་ན་མཁྱེན་སྤྲུལ་བླ་མར་གྱུར་པ་ཡིན་པས་ཐུགས་ལ་མི་བབ་པ་མི་ཉན་དགོངས་ཏེ། གཡང་ཐོད་དང་གཏེར་རྫས་ལ་སོགས་པ་ཐམས་ཅད་ཕྱག་བསྣམས་མཛད་ནས་མཁྱེན་སྤྲུལ་གྱི་མདུན་ལ་ཕེབས་སོང་བའི་ལམ་ལ་མ་ཡུམ་ཚུར་བྱོན་འདུག་པ་དང་འཕྲད་པས། མའི་ཞལ་ནས་ཁྱོད་ཀྱི་གཏེར་རྫས་དང་སྐུ་ཆས་རྣམས་བཟུང་ནས་གང་དུ་འགྲོ་བ་ཡིན་གསུངས་པས། རྗེའི་ཐུགས་སྐྱོ་ཡོད་པས་བཤུམ་པར་མཛད་ནས་འདི་སྐད་གསུངས། ང་མཁྱེན་སྤྲུལ་གྱི་སྐུ་མདུན་དུ་འགྲོ་བ་ཡིན། སྔར་ང་རང་ལ་ཡབ་རྗེ་བླ་མས་གནང་བའི་ གཏེར་རྫས་ནབ་གཟན་མཐིང་ཤམ་གླེགས་བམ་སྙན་རྒྱན་སྐུ་སྲུང་སོར་གདུབ་ལ་སོགས་པ་དང་། ཁྱད་པར་གཏེར་བྱོན་གུ་རུ་བཅས་མཁྱེན་སྤྲུལ་གྱིས་ཁོང་ལ་དབང་བ་ཡིན་པས་ཁྱེར་ཤོག་གསུངས། བུ་སློབ་འགའ་རེ་ལ་གསུངས་གསལ་བསྐུར་འདུག་ཀྱང་དེ་སྐབས་ནི་ང་རང་ལ་བླ་མས་གནང་བ་ཡིན་པས་མི་བསྐུར་སྨྲས་ནས་མ་སྦྱིན། ད་ནི་མཁྱེན་སྤྲུལ་བླ་མ་ཡིན་པས་ཐུགས་ལ་གནོད་ན་མི་ཉན་བསམ་ནས་འདི་རྣམས་གཏད་དུ་འགྲོ་བ་ཡིན་གསུངས་པས། མ་ཡུམ་གྱིས་འདི་རྣམས་ཁྱེར་མི་དགོས་པ་འདྲ། མཁྱེན་སྤྲུལ་ཁོ་རང་གིས་དེ་ལྟར་དགོས་མི་ཟེར་བས། ཁྱོད་བུ་སྤུན་སེམས་རིང་མི་ཉན། ད་འུག་ཅག་གཉིས་ཀ་ཕར་འགྲོ་ཟེར་ནས་ཕྱིར་བྱོན། ཡང་རྗེས་མཁྱེན་སྤྲུལ་རང་གིས་ཇི་ལྟར་གསུང་ཞུས་པས། མ་ཡུམ་གྱིས་མཁྱེན་སྤྲུལ་ལ་བུ་སློབ་རྣམས་ཀྱིས་ཁྱེད་ཀྱི་བླ་མའི་བསྟན་པ་འཛིན་སྐྱོང་ཐུབ་ངེས་པ་ཡིན། བླ་མའི་སྐུ་ཆས་དང་གཏེར་རྫས་རྣམས་ཁྱོད་ཀྱི་ལག་ནས་ལོངས་དང་། ངེད་རྣམས་ཀྱིས་ནི་མི་ལོན་ངེས་པ་རེད་ཟེར་ཀྱང་། མཁྱེན་སྤྲུལ་གྱིས་ང་རང་ཡིན་ཀྱང་ལོན་ཐབས་མི་འོང་། ཁོ་རང་ལ་བླ་མ་སྐུ་དངོས་སུ་བཞུགས་དུས་ངེད་བུ་སྤུན་བརྒྱད་ཀྱི་ནང་ནས་ཡ་གྱལ་དུ་མཛད་ནས་གཅེས་ནོར་དུ་གནང་བ་ཡིན་པས་ཟེར་ཐབས་དཀའ། དེ་མིན་གྱི་བྱ་བ་ ༈ ཅི་ཡིན་རུང་ངའི་བཀའ་ཁོ་རང་གིས་མི་བཅག་ཟེར་ཞིང་། ཁྱོད་ཀྱི་ལག་ནས་གཏེར་རྫས་དང་སྐུ་ཆས་རྣམས་བླང་འདོད་མེད་ངེས་ཡིན་ཟེར། རྗེས་ང་མ་སོང་ན་སྤྲུལ་སྐུའི་ཐུགས་ལ་མི་གནོད་ངེས་པ་ཨེ་རེད་གསུངས་པས། མ་ཡུམ་གྱིས་ཁྱོད་ཀྱིས་བདེན་པར་མ་བཟུང་ན་ད་ལྟ་དགུང་མོ་ཁྱོད་མཁྱེན་སྤྲུལ་ཡོདསར་སོང་དང་གོ་འོང་ཟེར། དེ་ནས་རྗེ་དེ་ཉིད་མ་ཡུམ་གྱི་གསུང་ལྟར། ད་ལྟ་ནུབ་ཇ་གསོལ་སྐབས་མཁྱེན་སྤྲུལ་སང་གི་སྐུ་མདུན་ལ་ཕེབས་པས། མཁྱེན་སྤྲུལ་གྱི་ཞལ་ནས་ཁྱོད་ཀྱིས་ད་ནང་གཏེར་རྫས་ལ་སོགས་པ་ཐམས་ཅད་ངའི་སར་མ་བསྐུར་བ་དེ་ཅི་ཡིན་གསུངས་པས། རྗེས་ང་རང་གིས་དང་པོ་ནི་བླ་མས་གནང་བ་ཡིན་པས་མི་བསྐུར་བསམ། རྗེས་ནས་ཆས་ཀ་རྣམས་ཁྱེར་འོང་གིན་ཡོད་སྐབས་མ་ཡུམ་གྱིས་ཁྱེར་མི་དགོས་པའི་ལོ་རྒྱུས་རྣམས་གསུངས་པ་ཡིན་པས་ད་ལན་ནི་བཟུང་མེད། ཁྱོད་ཀྱིས་ངེས་པར་ཡོ་བྱད་རྣམས་དགོས་གསུངས་པ་ཡིན་ན། ཁྱོད་བླ་མ་ཡིན་པས་བཀའ་དང་འགལ་བ་མི་བྱེད། དེ་མིན་ང་རང་ལ་འདི་ཕྱིའི་རེ་ལྟོས་བཅའ་བའི་བླ་མ་ནི་མེད། བུ་སློབ་ཆེ་བ་ལ་ལས་ནི་ཁྱོད་རང་གི་བླ་མའི་བསྟན་པ་འཛིན་སྐྱོང་ཕར་ཞོག རང་མགོ་ཐོན་ན་རབ་ཡིན་ཟེར་ནས་མར་ཞབས་སུ་བཅས། དེའི་ཁར་ཁྱོད་ དང་འགལ་སོང་ན་དགོས་ཅི་ཡང་མི་འདུག་པས། ཁྱོད་ཀྱི་ཐུགས་ལ་ཅི་བབས་ཀྱང་དེ་ཀ་ང་རང་ནས་བསྒྲུབ་ངེས་པ་ཡིན་གསུངས་ནས་ཐུགས་ཆུང་མཛད་ནས། མཁྱེན་སྤྲུལ་སང་གི་ཐུགས་ཀྱིས་མ་བཟོད་ནས་ཁྱོད་ཀྱིས་དེ་ལྟར་མ་བྱེད་དང་། ངེད་བུ་སྤུན་ནང་ན་འགལ་བ་འགྲོ་དོན་ཅི་ལ་ཡོད། གཏེར་རྫས་རྣམས་བླ་མ་རིན་པོ་ཆེས་ཁྱོད་ལ་གཏད་པ་ཀུན་ལ་གསལ་བ་ཡིན་པས། དེ་སུ་གང་གིས་ཀྱང་བླང་ཐག་མི་ཆོད་ངེས་པ་ཡིན་པས། ཁྱོད་རང་གི་གཏེར་སྒྲུབ་སོགས་བླ་མའི་ཞལ་བཀོད་ལྟར་གྱིས། མཆོད་ཆ་ཡི་གེ་རྒྱུ་རྫས་ལ་སོགས་པ་ཐམས་ཅད་སློབ་ཆེན་རྣམས་ཀྱིས་ང་རང་ལ་གཏད་འདུག་ཀྱང་། འུ་ཅག་རྣམས་གྲོས་མཐུན་བྱེད་ན་ཆོག་གསུངས་ནས་ཐུགས་གསོས་ཀྱི་ཞལ་ཏ་མང་དུ་མཛད། རྗེའི་ཞལ་ནས་རྒྱུ་རྫས་ཀྱི་སྐལ་བ་ཡོད་ན་རབ་མེད་ཀྱང་ཞུ་ཕོད་མིན་པས། ང་རང་ད་ལོ་བཀོད་ཆེན་ལ་འགྲོ་ཐབས་མི་འོང་བ་འདྲ་ན། ཉིད་ཀྱིས་ང་ལ་བླ་མ་རིན་པོ་ཆེའི་གདུང་རུས་ཀྱི་སྐལ་བ་ཞིག་གནང་བ་བཀའ་དྲིན་མ་ཆུང་། ང་རང་གི་མཆོད་སྡོང་ཞིག་ཨེ་འགྲུབ་སྙམ་པ་ཡིན་ཞུས་པས། མཁྱེན་སྤྲུལ་སང་གི་གདུང་རུས་རྟ་ཤུལ་ཁག་གསུམ་དང་། བསོད་སྤྲུལ་ལ་སོགས་བླ་སློབ་ཐམས་ཅད་ལ་བགོ་དགོས། ཁྱེད་ཀྱིས་རྟེན་ཨེ་བཞེངས་མི་ཤེས་ཀྱང་གདུང་རུས་ ༈ ལོས་སྦྱིན་གསུངས། དེ་ནས་རིམ་བཞིན་རྒྱུ་རྫས་གང་བཟང་སྤུས་ལྡན་ཐམས་ཅད་མཁྱེན་སྤྲུལ་དང་མ་ཡུམ་སྐུ་ནུས་རྣམས་ཀྱིས་ཕྱག་བསྣམས་མཛད་ནས་བཀོད་ཆེན་ལ་བྱོན་གྲབ་བྱས་ཏེ། རྗེ་དེ་ཉིད་དང་སྐུ་མཆོད་ཆུང་བ་གཉིས་ལ་སོགས་པ་རྣམས་ལ་རྒྱུ་རྫས་ཅུང་ཟད་རེ་བཞག་པར་མཛད་ཅིང་ལུགས་གཉིས་ཀྱི་བྱ་བ་གང་འོས་ཐམས་ཅད་མཐའ་རྒྱས་སུ་བསྒྲུབ། དེ་ནས་མ་ཡུམ་དང་མཁྱེན་སྤྲུལ་དཔོན་གཡོག་ལ་སོགས་པ་ཆིབས་སྐྱེལ་ལ་རྗེ་དེ་ཉིད་བྱོན་པས། མ་ཡུམ་གྱི་ཞལ་ནས་ད་ཁྱོད་ཀྱིས་བླ་མའི་བཀའ་བཞིན་རྟེན་འབྲེལ་གཞན་དབང་ལ་མ་གཏོང་བར་དབུས་ཕྱོགས་ལ་སང་ཕོད་ཕན་ལ་མ་འགྱངས་པར་སོང་། ང་རང་དང་ཨེ་ཐུག་མི་ཤེས་ཀྱང་འགྱོད་པ་མེད་གསུངས་པས། རྗེའི་ཞལ་ནས་ད་ལོ་ངེད་ཅག་ཐམས་ཅད་ཝ་ཤུལ་དཔོན་ནས་འགྲོ་མི་ཉན་པའི་གཏམ་སྣ་ཚོགས་བཤད་འདུག་པ་དང་། མིན་ཀྱང་ང་རང་ལ་རྒྱུ་རྫས་ཅི་ཡོད་ཐམས་ཅདཀྱིས་བླ་མ་རིན་པོ་ཆེའི་སྐུ་གདུང་ཞིག་ཨེ་འགྲུབ་སྙམཔས། དེ་ལུགས་བྱས་ཏེ་སང་ཕོད་ང་རང་འཆི་མ་སོང་ན་གཞན་སྤུན་ཟླ་སོགས་མ་བྱོན་རུང་ང་རང་འགྲོ་ངེས་པ་ཞིག་ལས། དེ་དུས་འུ་ཅག་མ་བུ་འཕྲད་དུས་འོང་གསུངས་ནས་སྐྱེལ་མ་མཛད་དོ། །གནམ་ལོ་དེ་ཀར་རྗེ་དེ་ཉིད་དགུང་ལོ་ཉི་ཤུ་རྩ་ བཞིར་ཕེབས་པ་ཡིན། དེ་ནས་རྗེ་དེ་ཉིད་ཀྱིས་བླ་མའི་སྐུ་གདུང་བཞེངས་པར་དགོངས་ནས། ཀཿཐོག་སི་ཏུ་སྤྲུལ་སྐུའི་མདུན་དུ་བང་མི་གཉིས་ལ་གསུང་ཤོག་དང་། བླ་མའི་འདས་རྫོང་གི་རྟེན་དུ་རྗེའི་ཕྱག་བྲིས་བཟང་པོ་ཞིག་ཡོད་པ་དེཀ་བསྐུར་ཏེ། སྐུ་གདུང་གི་གཟུངས་འཇུག་དང་རྟེན་འདུས་དམ་རྫས་སོགས་ཀྱི་བཀའ་དྲིན་ཞུས་ཚེ། མི་འགྱང་བར་མྱུར་དུ་རྟེན་དམ་རྫས་རྣམས་ཕྱག་ཏུ་འབྱོར། དེ་ནས་བླ་མ་རིན་པོ་ཆེའི་དངོས་སློབ་མཁས་བཙུན་བཟང་གསུམ་དང་ལྡན་པའི་བཤེས་གཉེན་དམ་པ་བླ་མ་དགེ་ལེགས་དཔལ་བཟང་གི་སྐུ་མདུན་དུ་རྗེ་དེ་ཉིད་ཕེབས་ནས་བླ་མའི་སྐུ་གདུང་བཞེངས་དགོས་པས། ཉིད་ནས་གཟུངས་འཇུག་འཇོག་རྒྱུའི་ཐུགས་ཁུར་མཛད་པ་དགོས་གསུངས་ཚེ། བླ་མ་དེ་ཉིད་ཀྱིས་གཟུངས་འཇུག་སོགས་ཞབས་ཞུ་ཅི་འགྲུབ་བྱེད། ང་རང་ལའང་དངུལ་དང་རྒྱུ་རྫས་རེ་ཡོད་པ་དེ་ཁྱོད་ལ་འབུལ། གཞན་རྒྱུ་རྫས་བཟའ་བཅའ་སོགས་ཀྱི་སྔ་ཕྱི་བརྗེས་ནས་མཐུན་རྐྱེན་བྱེད་གསུངས་ཏེ་ཐུགས་དགྱེསཔར་མཛད། དེ་ནས་རྗེ་བླ་བྲང་ལ་སྐུ་གདུང་བཞེངས་དགོས་གསུངས་ཀྱང་། ཁུར་ཐང་བ་རྣམས་ཀྱིས་མི་འགྲུབ་པའི་རྒྱུས་བཤད་ནས་མཐུན་རྐྱེན་བྱེད་པ་ཕར་ཞོག སྔར་གྱི་བགོས་སྐལ་གྱི་དངོས་རྫས་ཐམས་ཅད་རྗེ་ལ་མི་དབང་ཟེར། དེ་ནས་རྗེས་ བླ་མ་དགེ་དཔལ་ལ་དེ་ལྟར་ཟེར་འདུག་པས་ཅི་དགོས་གསུངས་ཚེ། བླ་མས་ད་ཁྱེད་ཀྱིས་གདུལ་བྱ་ལོན་པ་རྣམས་ཆ་གཅིག་བླ་བྲང་ལ་སྤྲོད། ཆ་གཅིག་འུ་ཅག་གིས་སྐུ་གདུང་གི་མཐུན་རྐྱེན་བྱེད་གསུངས་ནས། རྗེས་ཀྱང་བླ་མ་དགེ་དཔལ་གྱི་གསུང་ལྟར་མཛད་དོ། །རྗེ་དེ་ཉིད་སྐུ་ཆས་ཡོ་བྱད་ཆིབས་རྟ་སྒ་སྟན་ལ་སོགས་པ་གང་ཡོད་ཐམས་ཅད་ཀྱིས་བླ་མའི་སྐུ་གདུང་གི་ཆ་རྐྱེན་མཛད་ནས་གསེར་དང་གཡུ་བྱུར་སོགས་ཕྲ་ཐམས་ཅད་ཀྱང་ལེགས་པར་མཐའ་རྒྱས་སུ་གྲུབ་སྟེ། གཟུངས་འཇུག་ཀྱང་ཀཿཐོག་སི་ཏུས་གནང་བའི་ཤོག་ཆགས་ལྔ་བཅུ་ཡན་གྱི་གཙོ་བོའི་རྟེན་གསུམ་གང་འོས་ཐམས་ཅད་དང་། བླ་མའི་སྐུ་ཆས་ཡོ་བྱད་ནང་ནས་སོར་གདུབ་གསོལ་དཀར་སྐུ་སྲུང་གཏེར་མ་རལ་གྲི་མེ་འབར་ལ་སོགས་པ་དང་། རྗེ་དེ་ཉིད་ཀྱིས་གཏེར་བྱོན་གཡུ་སྒྲོམ་གཅིག །གུ་རུའི་སྐུ་དང་ཤོག་སེར་ཆོས་ཀྱི་རིང་བསྲེལ་གསུམ། སྔར་རྗེ་ལ་ཐང་སྟོང་གིས་གནང་བའི་ཏ་ལའི་ལོ་མ་ལ་གསེར་གྱིས་འབུར་དུ་བྲིས་པའི་སྒྲོལ་ལྗང་གི་སྐུ་གཟུགས། མཚོ་རྒྱལ་དབུ་ལྗོན་འཇའ་ཟུག་མ་དང་། བྲམ་ཟེའི་སྐུ་ཤ །མྱོང་གྲོལ་འབྱུང་ལྔའི་བཅུད་བསྡུས་རིལ་བུ། སྨར་གྱི་འབྲོག་ཕུག་ཏུ་ཉེ་གནས་ཆོས་གསལ་བཅས་བྱོན་སྐབས། གཉན་པོ་གཡུ་རྩེའི་3 སྲས་མོ་གཉན་མོང་འབྲུག་ཟེར་བ་དེས་ཕུལ་བའི་རྒྱལ་བ་འོད་སྲུང་གི་ཚེམས་ལས་བྱུང་བའི་རིང་བསྲེལ་ཆ་བདུན་ལ་སོགས་པའི་རྟེན་ཁྱད་པར་ཅན་དུ་མ་གཟུངས་འཇུག་ཏུ་ཕུལ་ནས། བླ་མའི་སྐུ་གདུང་ཚད་དང་ལྡན་པ་མདའ་གང་ཚད་ཙམ་ཞིག་བཞེངས་ནས་རབ་གནས་སོགས་རྗེ་དེ་ཉིད་བླ་མ་དགེ་དཔལ་བཅས་དཔོན་གཡོག་འགས་ཞག་བདུན་དུ་བསྒྲུབསཔས་མེ་ཏོག་གི་ཆར་བབས་པ་དང་དྲི་བཟང་འཐུལ་བ་སོགས་རྟགས་མཚན་ཁྱད་པར་ཅན་འབྱུང་ངོ་། །དེའི་ནུབ་གཟིམ་ལམ་ལ་བླ་མ་རིན་པོ་ཆེ་དང་ཞལ་མཇལ་ནས་བླ་མས་ད་ཁྱོད་ཀྱིས་གྲོགས་དང་ཡུལ་མི་རྣམས་ཀྱི་རྐྱེན་དབང་དུ་མ་ཤོར་བས། དབུས་རི་ལྷ་ལྡན་གྱི་ཕྱོགས་སུ་འགྲོ་དོན་གྱི་དུས་ལ་བབ་པ་མ་འགྱང་བར་མྱུར་དུ་འགྲོ་གྲབ་གྱིས་དང་རྟེན་དང་འབྲེལ་འབྱུང་འཛོམས་འོང་གསུངས། ཡང་རྗེའི་ཞལ་ནས་བླ་མ་རིན་པོ་ཆེ་ལགས། བདག་རང་གི་མ་དང་སྐུ་མཆེད་འཁོར་སློབ་ཐམས་ཅད་པདྨ་བཀོད་དུ་བྱོན་ཡོདཔས། ལམ་ལ་ཆོམ་རྐུན་སོགས་ཀྱིས་གནོད་འཚེ་ཨེ་འབྱུང་དང་། སྐུ་ཚེ་ལ་བར་ཆད་ཡོད་མེད་ཇི་ལྟར་རེད་ཞུས་ཚེ། བླ་མའི་ཞལ་ནས་ལམ་འཕྲང་དང་ཆོམ་རྐུན་སོགས་ཀྱིས་གནོད་འཚེ་ཆེར་མ་བྱུང་ཡང་། ཕྲན་བུ་ཙམ་ལ་རྐྱེན་ནས་དུས་ཚིག་གི་ཐོག་ཏུ་ཐོན་མ་ཐུབ་ཀྱང་ད་ལོ་ཐོན་ཡོད། ཁྱོད་ མྱུར་བར་སོང་ན་མ་དང་ཤི་ངོ་ཐུག་ཐང་། དེ་མིན་ཅི་འབྱུང་དཀའ་མོ་རེད་གསུངས་མ་ཐག་མནལ་ལས་སད་དོ། །དེ་ནས་དགུང་ལོ་ཉེར་ལྔའི་ལོར་བསོ་སྤྲུལ་རིན་པོ་ཆེ་དབུས་ལ་བྱོན་པ་དང་ལྷན་དུ་བྱོན་དགོངས་ནས་སྐུ་མཆེད་རྣམས་དང་གཟུངས་མ་འཁོར་སློབ་ཡུལ་མི་སོགས་ལ་བཀོད་ཆེན་དུ་བྱོན་དགོས་པའི་ལོ་རྒྱུས་གསུངས་ཚེ་ཐམས་ཅད་ཀྱིས་བཤོལ་མ་བྱས་ཀྱང་། རྗེའི་བཀས་མ་གནང་ནས་ལོ་གསུམ་ཕན་ཆད་མི་འགྱང་བར་བྱོན་ཐབས་སྐབས་བསྟུན་གྱི་གསུང་མཛད་གནང་། དེ་ནས་སྐུ་མཆེད་ཆུང་བ་རྫོགས་ཆེན་དཔལ་དགེའི་རྣམ་སྤྲུལ་ནམ་མཁའ་འཇིགས་མེད་དང་། རྗེའི་དངོས་སློབ་རྣལ་འབྱོར་དམ་པ་ཤེས་རབ་རྒྱ་མཚོ། ཉེ་གནས་འོད་འབར་ལ་སོགས་པ་དང་བཅས་པས་གཙོས་ཝ་ཤུལ་གསེར་ཐལ་རྟ་ཤུལ་གོང་འགབ་བར་གསུམ་སོགས་ནས་དབུས་ཕྱོགས་དང་བཀོད་ཆེན་ལ་འགྲོ་མི་མང་པོ་འདུས་ནས། དེ་དག་གི་མགོ་འདྲེན་རྗེ་ཉིད་ནས་མཛད་དེ། བསོ་སྤྲུལ་རིན་པོ་ཆེའི་སྒར་གཞི་དང་བཅས་ལྷན་རྒྱས་སུ་རིམ་གྱིས་ལམ་ལ་ཞུགས་ནས་བྱོན་པའི་སྐབས། མཁའ་འགྲོ་བདེ་བའི་གོ་ཆ་ཡིན་སྐད་པས་འདི་སྐད་ཟེར། ཨེ་ཨེཿ དབྱིངས་མི་འགྱུར་གསལ་བའི་འོད་པོ་ཆེ། །མདངས་ལྔ་ལྡན་རང་བྱུང་ཡེ་ནས་3 ཤར། །རྨུགས་འཛིན་གྱི་ཤུགས་ཀྱིས་རང་གྲོལ་ནས། །གཡུ་འབྲུག་གི་ནོར་བུ་ལོན་ལ་ཉེ། །སེང་དཀར་གྱི་གཡུ་རལ་ལྷ་ལ་བབ། །རྒྱ་སྟག་གི་རི་མོ་བཀྲག་མདངས་འབར། །རྨ་བྱ་ཡི་སྒྱུ་རྩལ་མི་རིང་ངོམས། །དོན་ཕ་ནོར་གཏེར་ལ་དབང་བའི་དུས། །ལས་རྟེན་འབྲེལ་ཐབས་མཁས་གལ་པོ་ཆེ། །མགོན་མཚོ་སྐྱེས་རྡོ་རྗེའི་རྣམ་རོལ་གར། །ཁོང་སྦས་པའི་རྣལ་འབྱོར་རིག་པ་འཛིན། །ས་མནྟ་སུ་ཁ་བཛྲ་མིང་། །ཁྱོའི་ཟབ་ཆོས་གདམས་པའི་བདག་པོ་མཆོག །ལས་རྟེན་འབྲེལ་ལེ་ལོར་མ་བསྐུར་བར། །གཏེར་སྟོན་དང་ཆོས་བདག་དཔལ་འཛོམ་ན། །གསང་གཏེར་གྱི་ལྡེ་མིག་རིམ་འཕྲད་ནས། །ལྷོ་བྲག་ཏུ་གཏེར་སྒོ་མང་པོར་འབྱེད། །དེས་གདུལ་བྱ་ཐེར་འབུམ་དཔལ་རིར་འདྲེན། །རྒྱ་བོད་ཀུན་ཆོས་འདིས་ཁྱབ་པར་ངེས། །གསེར་སེར་པོ་སྐྱོན་བྲལ་ཀུན་ལ་གསལ། །ར་གན་གྱིས་འདྲེན་པའི་དུས་བྱུང་ན། །ལྷ་དམར་པོ་གསུམ་གྱི་ལས་བསྐུལ་ན། །ཁོའི་སྲོག་སྙིང་བརྡ་རུ་བསྟན་ནས་འོང་། །དེ་རྡོ་རྗེའི་གོ་རར་དམ་རྒྱས་བཅིངས། །འདའ་མེད་ཀྱི་བཀའ་རྟགས་ཕྱག་རྒྱས་མནན། །བར་ཆད་ཀྱི་གཡུལ་ལས་རྒྱལ་བར་ངེས། །བརྡ་གོའམ་པདྨ་ལས་འབྲེལ་རྩལ། །ཞེས་ཟེར་ནས་ལྷོ་ནུབ་ཀྱི་ཕྱོགས་སུ་འཇའ་སྤྲིན་ ༈ གྱི་རྣམ་པར་མི་སྣང་བར་སོང་། དེ་ནས་མཁའ་འགྲོའི་བརྡ་བྱང་བཞིན། རིམ་གྱིས་རྫ་རྒྱལ་དགོན་དུ་ཕེབས་པས། དགོན་པས་ཀྱང་སྤྲུལ་སྐུ་རྣམ་གསུམ་ལ་ཞབས་ཏོག་ཕུན་སུམ་ཚོགས་པའི་རྟེན་འབྲེལ་གྱི་བྱ་བ་མཐའ་ཡས་པར་མཛད། མཚམས་སྤྲུལ་རིན་པོ་ཆེས་ཀྱང་ལུགས་གཉིས་ཀྱི་ཞབས་ཏོག་བསྒྲུབ་ཅིང་ཁྱད་པར་རྗེ་དེ་ཉིད་ལ་ཁྱེད་ཀློང་ཆེན་པའི་སྤྲུལ་པ་འཁྲུལ་མེད་དུ་འདུག་པས། ཁྱེད་ཀྱི་གཏེར་ཁ་མཁའ་འགྲོའི་སྒྲུབ་པ་ཟབ་གནད་ཁྱད་པར་ཅན་ཡོད་པ་བདག་གིས་རྨིས་པས་རྟེན་འབྲེལ་ལེགས་གསུངས་ནས་གཏེར་གྱི་བསྒྲོ་གླེང་མང་དུ་མཛད། རྗེ་དེ་ཉིད་ཀྱིས་ཀྱང་ཆོས་དང་གདམས་པ་མང་དུ་ཞུས་ནས་ཐུན་མོང་མ་ཡིན་པའི་བླ་མར་གྱུར་ནས་ཕན་ཚུན་ཐུགས་བརྒྱུད་གཅིག་པ་ལྟ་བུས་རྗེས་གཅོད་ཀྱི་གསུང་སྒྲོས་མང་དུ་མཛད། དེ་ནས་དགོན་སྡེ་ལྷ་མི་ཀུན་གྱིས་སྐྱེལ་མ་ལམ་བསྟན་སོགས་ཞབས་ཏོག་ཅི་རིགས་པ་བསྒྲུབས་ནས་རིམ་གྱིས་བྱོན་པའི་ཚེ། རྫ་རྒྱལ་འཕན་ཕྱུག་གི་ཉེ་ལོགས་གཅོས་ཐང་ཟེར་བའི་སར་ཕེབས་ནུབ་རྗེ་དེ་ཉིད་ཀྱིས་ཐུགས་དམ་གསུང་ནས་བཞུགས་ཡོད་སྐབས། མི་མོ་མཛེས་མ་ཞིག་ཐོན་བྱུང་ནས་འདི་སྐད་ཟེར། ཨ་བུ་སང་སྐུ་ཁམས་བཟང་འོ་མ་བརྒྱལ་ལམ་གསུངས། རྗེའིགསུང་མ་གྲོལ་ནས་ངག་ གཏམ་གྱི་ལམ་ནས་འོ་མ་བརྒྱལ་གསུངས་ཚེ། མོ་ན་རེ་ཁྱོད་ཀྱིས་ང་ལ་གཏམ་སྨྲས་པས་ཅི་ལ་གནོད། ཁྱོད་ཀྱིས་སང་ཉིན་གཏེར་ཆེན་ཁ་ཆ་ཤས་བཞེས་དགོས་པ་འདྲ་ན། ཆོས་ཀྱི་བདག་པོ་ནི་ཡོད་མོད། གཟུངས་མ་མེད་པས་གཏེར་གྱི་གྲོགས་ལྡན་བྱེད། རྟེན་འབྲེལ་གཞན་དབང་དུ་སོང་ཚེ་མི་འདོད་པའི་སྐྱོན་ཁ་སྡང་ཡོང་། ང་ཚེ་རིང་བས་མིན་ཟེར་མ་ཐག་མི་སྣང་བར་ཡལ། དེ་ནས་རྗེའི་གསང་གཏེར་གྱི་སྒྲོམ་བུ་གཉིས་དེ་སྐབས་བཞེས། གནམ་ལྕགས་ཀྱི་རྡོ་རྗེ་དང་། རྗེ་བཙུན་སྒྲོལ་མའི་སྐུ་ཞིག་ཡོད་པ་དེ་ནང་སྔ་མོ་བཞེས་དགོས་དགོངས་པས། དབུས་སྒར་བ་ཤིན་ཏུ་མང་བས་བརྡ་མ་འཕྲོད་པའི་ལམ་དུ་ཞུགས། དེ་ནས་རིམ་བཞིན་འབྲི་ཆུ་ཁར་ཕེབས་ཚེ་མི་འདོད་པ་སྣ་འགའ་འབྱུང་བས། རྗེས་གཏེར་སྲུང་གི་གསོལ་མཆོད་མཛད་ནས་བཀའ་དམ་ལ་བཞག་པས་རེ་ཞིག་བདེ་བར་གནས། དཔལ་ཐང་ལུང་མོ་ཆེ་ཟེར་བ་པདྨ་བཀོད་ཀྱི་གནས་ཀྱི་སྒོ་སྲུང་ཕྱི་མའི་ཕྱི་མ་ཀླུ་བདུད་བག་རྩེ་དམར་ནག་ཟེར་བའི་ཉེ་འདབས་ལ་ཐོན་སྐབས། རྗེ་དེ་ཉིད་ཀྱི་ཟབ་གཏེར་ཡོངས་རྫོགས་ཀྱི་བདག་པོ་ལུང་ཟིན་མཆོག་གྱུར་ཝ་ཤུལ་བསོ་སྤྲུལ་སྣ་ཚོགས་རང་གྲོལ་དཔོན་གཡོག་ཐམས་ཅད་དབུས་ལ་བྱོན་རྒྱུ་ཡིན་པ་དང་། རྗེ་འཁོར་བཅས་ཐོག་མར་བཀོད་ཆེན་ལ་ཕེབས་ ༈ དགོས་པས། བླ་སློབ་གཉིས་ཀ་བྲལ་མ་ཐུབ་པར་ཞག་ཆ་ཤས་སུ་དེ་ཀར་བཞུགས་སྐབས། སྔར་གྱི་མི་མོ་དེ་གཟིམས་ལམ་ལ་འོང་ནས་འདི་སྐད་ཟེར། ཁྱོད་ལས་འཕྲོ་དག་པའི་གཏེར་ལ་དབང་། །ཤེས་རབ་ཀྱི་མིག་ལྡན་བློ་གྲོས་གསལ། །བསྟན་འགྲོ་བའི་མུན་སེལ་འོད་པོ་ཆེ། །དུས་རྟེན་འབྲེལ་སྣ་ཁ་རིམ་པས་དཔྱོད། །ཁོང་ལྷ་ལུང་དཔལ་གྱི་རྣམ་རོལ་གང་། །ལས་སྨོན་ལམ་འཛོམས་པས་ཁྱོད་ལ་འཕྲད། །རྟེན་འབྲེལ་འབྱུང་བློ་ཁ་མ་བསྒྱུར་ན། །ཆོས་འཁོར་འཛིན་གྱི་བུ་ལ་རང་སྐལ་སྤྲོད། །ཁྱོད་རིགས་རུས་ངན་པའི་མི་དབང་ཤོར། །ཟབ་གཏེར་གྱི་དུས་ཚིག་བཏང་སྙོམས་ལུས། །ཁོང་སབྟའི་ཁྱུ་མཆོག་དབུ་འཕང་མཐོ། །ལས་དཀར་ནག་འདྲེས་མས་འགྲོ་བློ་བསྒྱུར། །གསེར་ལྡན་གྱི་ངང་མ་གཏོག་ཀུན། དེའིངག་ལ་དྲངས་ནས་ཁྱེད་ལ་འཚེ། །ལྷ་དམར་པོ་ལས་བསྐུལ་དྲག་པོ་ཡིན། །འབྱུང་པོའི་ཚོགས་རླུང་གི་སྤུ་གྲིར་འདྲེན། །བརྡ་གོའམ་པདྨ་ལས་འབྲེལ་རྩལ། །ཞེས་དང་། ཡང་ད་ནི་ཁྱོད་བླ་སློབ་གཉིས་འབྲེལ་མི་ཐུབ་པ་མ་བྱེད་པར་མྱུར་དུ་མི་འགྱང་བ་ལམ་དུ་བཞུད་ན་བཟང་གི་།ཡུན་རིང་དེ་ཀར་བསྡད་ན་ཁྱེད་ཀྱིས་གཏེར་མ་བཞེས་པའི་རྐྱེན་གྱིས་མི་འདོད་པ་འོང་རབ་ཡོད་ཟེར་ ནས་མི་སྣང་