Tibetan
ནས། ཡེ་ཤེས་མཚོ་རྒྱལ་གྱི་ཞབས་སྤྱི་བོར་ལ་བཞག་ནས་ང་ཕྱིར་འཇིག་རྟེན་དུ་འགྲོ་མི་དགོས་པ་ཞིག་ཁྱེད་མཁྱེན་ཞུས་པས། ཇོ་མོའི་ཞལ་ནས། རིགས་ལྡན་མ་ཁྱོད་ང་ཡི་ཕྲིན་ལས་ཀྱི་གཟུགས་སུ་ཤར་བ་ཡིན་པས། ད་དུང་འགྲོ་དོན་མཛད་ལ་འཇིག་རྟེན་དུ་ཕྱིར་སོང་ཞིག །ནམ་ཞིག་དུས་ལ་བབ་ཚེ་ཁོ་མོས་ལམ་འདྲེན་དུ་འོང་ངོ་གསུངས། དེ་ནས་དཀྱིལ་འཁོར་གྱི་དབུས་སུ་ཤེལ་གྱི་བུམ་པ་ཞིག་འདུག་པ་ལ་དེའི་ནང་ནས་བདག་ལ་འཆི་མེད་བདུད་རྩི་རས་ཡ་ན་རེད་གསུངས་ནས་བླུད་པས། དེ་ཁ་ལ་རག་མ་ཐག་ བྃ༔ གཉིད་སད་པ་ལྟར་རང་གི་བེམ་པོར་ཐོན་འདུག་པར་ཕ་མ་ཉེ་འབྲེལ་ཀུན་གྱིས་མིག་ནས་མཆི་མ་འཁྲུག །སེམས་སྡུག་གིས་གང་ནས། ཆོས་དགེ་དང་། སྐུ་རིམ་གཉིས་ཀ་འཚོགས་འདུག་པས། བདག་ཉིན་ཞག་མང་པོར་སྐོམ་ཚ་མ་སོང་བའི་སྟབས་ཀྱིས་གཏམ་བརྗོད་མི་ནུས་ཤིང་ལུས་པོ་ཡང་ཡོད་མེད་མི་ཚོར་བ་ལྟ་བུར་སོང་། དེ་དུས་ཨ་ཏས་ཁོང་གི་ཐུགས་བབས་ཀྱི་སྨན་མཛད་གསུངས་ཏེ་གཞན་ལྷ་རྗེ་མ་བོས་ནས་གསང་ཐབས་མཛད། དེ་སྐབས་ཡུལ་མི་ལ་ལས་ཀུན་དགའ་དབང་མོ་འདས་ལོག་བྱེད་དོ་བསྒྲགས་ཚེ། དཔོན་སང་ཁྲིམས་ལ་དོགས་ནས་འདས་ལོག་མིན་དབང་ཤོར་རེདགྲགས་སོ། །དེ་ནས་རིམ་བཞིན་ང་རང་ནད་ལས་གྲོལ་ཏེ་དགའ་སྟོན་བཞག་ས་སོགས་བྱས། ཉིན་གཅིག་ང་རང་ཨ་ཏའི་གཟིམ་ཁང་ནང་དུ་སོང་ནས་བསྡད་ཡོད་ཚེ། སྔར་གྱི་རིགས་དྲུག་གི་དམྱལ་བའི་སྡུག་བསྔལ་རྣམས་དྲན་བྱུང་བས། བདག་གིས་འདི་སྐད་སྨྲས། འཁོར་བ་འདི་སྡུག་བསྔལ་གྱི་གཞི་མ། སྡུག་བསྔལ་གྱི་འབྱུང་གནས་ཡིན་གསུངས་པ་འདི་ལོས་བདེན། ལས་གང་བྱས་ཐམས་ཅད་སྡིག་པ་ཁོ་ན་ཡིན་འདུག་པས། དེའི་འབྲས་བུ་བརྗོད་ཀྱིས་མི་ལང་བ་གདའོ་ཞུས། ཨ་ཏ་དང་ཨ་མ་གཉིས་ཀྱི་ཞལ་ནས། ཁྱོད་ ཀྱིས་འདི་ལྟར་ཅི་ལ་ཤེས། ཤེས་ན་རིགས་དྲུག་གི་གནས་ཚུལ་སྡུག་བསྔལ་ཅི་འདྲ་ཡོད་སྨོས་ཤིག་གསུངས། བདག་གིས་ཞུས་པ་ལགས་ང་རང་ནད་ཀྱི་དྲིན་གྱིས་བར་དོ་རིགས་དྲུག་དང་། དག་པའི་ཞིང་ཁམས་སོགས་སྣང་བ་ཆ་མི་ཆོད་པ་དུ་མ་ཤར་ལགས་སྨྲས། ཡང་ཨ་ཏའི་ཞལ་ནས་བར་དོ་དང་ཞིང་ཁམས་ཀྱི་སྣང་ཚུལ་རྣམས་ཁྱོད་ཀྱིས་མཐོང་བ་ལྟར་སྨོས་དང་གསུངས་པས། བདག་གིས་ཀྱང་སྣང་ཚུལ་ཐམས་ཅད་ཀྱི་ནང་ནས་མཚོ་རྒྱལ་མཇལ་རབས་ཞུ་མ་ཕོད། དེ་མིན་ཡིད་ལ་གང་ཟིན་རྣམས་སྦས་གསང་མེད་པར་ཞུས་ཚེ། ཡབ་ཡུམ་གཉིས་ཀྱིས་སྤྱན་ཆབ་བསིལ་ཞིང་འདུག །ང་རང་ནི་ཞིང་ཁམས་དྲན་ནས་དགའ་བ་དང་། ཨ་མ་མཚོ་རྒྱལ་གྱིས་གསུང་པ་དྲན་ཏེ་ད་དུང་འཁོར་བ་འདིའི་གནས་སུ་འདུག་དགོས་པ་འདྲ་སྙམ་ནས་སྡུག །རིགས་དྲུག་གི་སེམས་ཅན་རྣམས་ཀྱི་འཁྲུལ་སྣང་ལ་བསམ་སྟེ། བདག་གི་ལུས་ཁྲི་འབུམ་དུ་འགྱུར་ནས་དེ་རྣམས་ཀྱི་དོན་བྱེད་ནུས་ན་ཅི་མ་རུང་སྙམ། དེ་ནས་ཨ་ཕ་ཁོང་གིས་ཚིག་ཐམས་ཅད་ཡི་གེར་མཛད་པས་ཉིན་གསུམ་གྱིས་མཇུག་ལེགས་པར་རྫོགས་སོ། །དེ་ནས་ལྕང་གྲོང་གྲུབ་ཆེན་རིན་པོ་ཆེའི་སྐུ་མདུན་ལ་སོང་ནས་གོང་གི་ལོ་རྒྱུས་ཐམས་ཅད་ལེགས་པར་ཞུ་དགོས་གསུངས་ཏེ། ཨ་ཏས་ཞུས་ཚེ། བྃ༔ གྲུབ་ཐོབ་ཆེན་པོས་བདག་ཤོག་གསུངས། དེར་བདག་སོང་བས་ཕུན་སུམ་ཚོགས་པའི་དངོས་རྫས་གནང་སྦྱིན་མཛད་ཅིང་འདི་ལྟར་གསུངས། རྟེན་འབྲེལ་ལེགས་ད་དུང་བསྐལ་པ་བཟང་ཞིང་སངས་རྒྱས་ཀྱི་བསྟན་པ་དར་བར་འདུག །དུས་ཀྱི་ཁུག་པ་ངན་ཚེ་སེམས་ཅན་བསོད་ནམས་དབུལ་བའི་སྐྱོན་གྱིས་འདས་ལོག་དང་ཕུང་པོ་ལྷག་མེད་དུ་འཇའ་སྐུ་འགྲུབ་པ་མེད་ཅིང་། གདོན་དང་བགེགས་ཀྱི་ཆོ་འཕྲུལ་ཤི་འདྲེ་གསོན་ཁོག་ཏུ་ཞུགས་ནས་སྐྱེ་འགྲོའི་བདེ་སྐྱིད་ཉམས་དམའ་བ་ཡིན་པས། ད་དུང་དེ་ཙམ་ཞིག་མིན་འདུག་པས་སྔགས་རྒན་ང་རང་ཡང་ལོ་ཤས་ཙམ་འདུག་སྤྲོ་གསུངས་ཚེ། དེར་ཨ་ཏ་དང་ཉིད་ཀྱི་བུ་སློབ་ཡབ་ཡུམ་དང་བཅས་པས་བླ་མ་ལ་བཞུགས་དགོས་ཞུས་ཚེ། ཚོགས་ཀྱི་མཆོད་པ་རྒྱ་ཆེན་པོ་ཕུལ་བ་སོགས་བྱས་ཚེ། གྲུབ་ཐོབ་རིན་པོ་ཆེ་དགུང་ལོ་བདུན་ཅུ་དོན་ལྔའི་སྐུ་གེགས་ལས་རྒྱལ་ལོ། རིན་པོ་ཆེའི་ཞལ་ནས་བུ་མོ་འདི་སྔར་བཤད་པ་བཞིན་རྩ་དཀར་ཞིག་ཡིན་པས། ད་མྱུར་དུ་བོད་ཡིག་ལ་བསླབ་དགོས་གསུངས། ཨ་ཏས་ལགས་སོ་མོ་རང་གིས་རྒྱ་ཡིག་ལ་སློབ་སྦྱོང་མ་ནུས་པས་ད་དུང་མཇུག་མ་རྫོགས། དེ་ནམ་ཤེས་ཀྱང་དེ་དུས་སྐུ་ཉིད་ནས་མོ་རང་ལཀ་ཁ་ཞིག་བསླབ་རོགས་ཞུ་གསུངས་པས། ཁོང་གིས་ ཀྱང་དེ་ལྟར་བྱེད་ན་ཆོག་གསུངས། དེ་ནས་ཚེ་དབང་ཚེ་འགུགས་མཛད་ནས་ངེད་རྣམས་རང་ཁྱིམ་ལ་འོང་ངོ་། །ཡང་ལོ་ཁྱིམས་དེའི་ཟླ་བ་བདུན་པའི་ནང་དུ་བདག་གི་མིང་པོ་ཆེ་བ་དགེ་བཤེས་བློ་གྲོས་ཞེས་པ་འབྲས་སྤུངས་སྟག་རོང་ཁམས་ཚན་དུ་ཡོད་པས། དེའི་སར་ཨ་ཆེ་ལྷ་མོ་བལྟས་མོ་བལྟ་ཞོར་ལ་སོང་ཡོད་སྐབས། ནུབ་གཅིག་བདག་གི་རྨི་ལམ་ལ་ཡུལ་ཡངས་པ་ཆེན་པོ་བདེ་ཞིང་ཁོད་སྙོམས་པ། རིན་པོ་ཆེ་སྣ་ཚོགས་གཅལ་དུ་བཀྲམ་པ། མེ་ཏོག་དང་ལྗོན་ཤིང་ལོ་འབྲས་རྒྱས་ཤིང་། བྱ་རིགས་སྣ་ཚོགས་ཀྱིས་ཧ་སི་ཛྷི་ཝའི་སྒྲ་དབྱངས་སྒྲོགས་པ། ཕྱོགས་རྣམས་སུ་ཡན་ལག་བརྒྱད་དང་ལྡན་པའི་ཁྲུས་ཀྱི་རྫིང་བུ་འཁྱིལ་ཞིང་དྲི་བཟང་གི་ངད་ལྡང་བ། དེའི་དབུས་སུ་རིན་པོ་ཆེ་སྣ་ཚོགས་ལས་གྲུབ་པའི་ཕོ་བྲང་ཆེན་པོ་ཉམས་དགའ་བ་ཞིག་འདུག་པས། བདག་གིས་ཕོ་བྲང་འདིཅི་ཡིན། བདག་པོ་ཅི་འདྲ་ཞིག་ཡོད་སྙམ་སྟེ། ཕོ་བྲང་ནང་དུ་འགྲོ་མ་སྤོབས། ཕྱིར་འགྲོ་སགང་དུ་ཡོད་མ་ཤེས་ནས་ཅི་དགོས་སྙམ་ཚེ། ཕོ་བྲང་ནང་ནས་བུ་མོ་གཉིས་ཐོན་བྱུང་བས། བདག་གིས་དེ་གཉིས་ལ་ཕོ་བྲང་འདི་ཅི་རེད། འདིའི་ནང་ན་སུ་བཞུགས་ཡོད་དྲིས་ཚེ་ཁོང་གཉིས་ན་རེ། ཁྱོད་མི་རུ་འཛིན་པའི་གྲིབ་ཀྱིས་ཡང་དག་པར་མ་མཐོང་བ་རེད་མ་གཏོགས། བྃ༔ ཡུལ་འདི་ནི་མཁའ་སྤྱོད་ཀྱི་ཞིང་ཁམས་རེད། ཕོ་བྲང་འདི་ནི་རང་བྱུང་ལྷུན་གྲུབ་གཞལ་ཡས་ཁང་རེད། འདིའི་སྟེང་ཁང་ན་ཆོས་སྐུ་རྡོ་རྗེ་འཆང་ལ་དག་པ་གཉིས་ལྡན་གྱི་སངས་རྒྱས་བྱེ་བ་ཕྲག་མང་པོས་བསྐོར་ནས་ཡོད་དོ། །གཞལ་ཡས་བར་ཁང་དུ་བདེ་མཆོག་འཁོར་ལོ་སྡོམ་པ་ལ་རྒྱུད་སྡེ་ཡི་དམ་ལྷ་ཚོགས་ཀྱི་དཀྱིལ་འཁོར་རྣམས་ཀྱིས་བསྐོར་ནས་ཡོད་དོ། །ཕོ་བྲང་གི་དབུས་སུ་གཙོ་མོ་རྡོ་རྗེ་རྣལ་འབྱོར་མ་མཁའ་སྤྱོད་དབང་མོ་ལ་མ་རྒྱུད་མཁའ་འགྲོ་རྒྱ་མཚོའི་ཚོགས་དང་བཅས་པས་བསྐོར་ནས་ཡོད་དོ། །གཞལ་ཡས་ཁང་བར་ཁྱམས་རྣམས་སུ་གྲུབ་བརྙེས་བརྒྱད་ཅུ་རྩ་བཞི་དང་རིག་འཛིན་གྲུབ་ཐོབ་ཀྱི་ཚོགས་དང་བཅས་པ་བཞུགས་ཡོད་པས་ཁྱོད་དེར་ཨེ་འགྲོ་ཟེར། བདག་གིས་སྨྲས་པ། ཁྱོད་གཉིས་ཀྱི་ཟེར་བ་ལྟར་ལྷ་ཚོགས་རྣམས་མཇལ་ན་ང་རང་ལོས་འགྲོ་སྨྲས་པས། ཁོང་གཉིས་ན་རེ། ཁྱོད་ཀྱིས་དྲི་མ་ཁྲུས་དང་དེའི་ལྷ་ཚོགས་རྣམས་མཇལ་རྒྱུ་ཡོད་ངེས་པ་ཡིན། ་དེ་མིན་མཇལ་དཀའ་ཟེར། བདག་གིས་དྲི་མ་ཇི་ལྟར་བཀྲུ་སྨྲས་ཚེ། ཁོངགཉིས་ན་རེ། ཕ་གིའི་ཁྲུས་ཀྱི་རྫིང་བུ་དཀར་པོ་དེ་ལ་ཁྲུས་ཟེར། བདག་གིས་དེ་ལྟར་ཁྲུས་བྱས་ནས་ལྗོན་ཤིང་གི་བསིལ་གྲིབ་འོག་ལ་བསྡད་ཡོདཔས། ཁོང་གཉིས་ཀྱི་མཁའ་ འགྲོའི་ཆས་གོས་ཞིག་བདག་ལ་གནང་སྟེ། འདི་ཁྱོད་ཀྱིས་གསོལ་དང་ཕོ་བྲང་ནང་དུ་འགྲོ་ཟེར། ང་རང་ཡང་ཤིན་ཏུ་དགའ་ནས་རྒྱན་གོས་རྣམས་གྱོན་ཅིངགྲོགས་ཁོང་གཉིས་དང་བཅས་ཕོ་བྲང་ནང་དུ་སོང་ཚེ། ཕོ་བྲང་གི་དབུས་སུ་གྲུ་གསུམ་དམར་ནག་གཉིས་རིམ་བསྣོལ་མའི་སྟེང་དུ་པདྨ་དང་ཉི་མ་བམ་གྱི་གདན་ལ། སྐུ་གསུམ་མཁའ་འགྲོའི་རྗེ་མོ་རྡོ་རྗེ་རྣལ་འབྱོར་མ་ཡེ་ཤེས་སྒྱུ་མའི་འཇའ་སྐུ་ཅན་དང་མཇལ་ཚེ། བདག་གི་ཡིད་མོས་གུས་དྲག་པོས་གསོལ་བ་འདི་ལྟར་བཏབ། ཨེ་མ་ཧོཿ སྐུ་ནི་མི་འགྱུར་མཚན་དཔེའི་ཡོན་ཏན་རྫོགས། །གསུང་ནི་མི་འགགས་བརྗོད་འདས་རིག་པའི་གསུང་། །ཐུགས་ནི་མི་གཡོ་སྨྲ་བསམ་བརྗོད་ལས་འདས། །རྣམ་ཀུན་མཆོག་ལྡན་ཁྱེད་ལ་གུས་ཕྱག་འཚལ། །བདག་ནི་ཚེ་རབས་ཚེ་རྒྱུད་ཐམས་ཅད་དུ། །རྗེ་བཙུན་མཁའ་འགྲོ་ཁྱོད་དང་མི་འབྲལ་ཞིང་། །དམ་ཆོས་ཚུལ་བཞིན་སྒྲུབ་པའི་ལུས་ཐོབ་ནས། །མ་གྱུར་འགྲོ་རྣམས་ཞིང་འདིར་འདྲེན་ནུས་ཤོག །གལ་ཏེ་ལས་དབང་དྲག་པོའི་མཐུས་བསྐུལ་ནས། །འཆི་བ་དང་པོར་གྲོལ་བར་མ་གྱུར་ན། །གཉིས་པའི་ངང་གནས་ཡེ་ཤེས་ལ་གོམས་ནས། །གསུམ་པའི་རང་སྣང་གཏན་སྲིད་ཟིན་པར་ཤོག །རིག་འཛིན་མཁའ་འགྲོ་རྒྱ་མཚོའི་༦ན བྃ༔ ཐུགས་རྗེ་དང་།།བདེན་གཉིས་བསླུ་བ་མེད་པའི་ནུས་སྟོབས་ཀྱིས། །བདག་གིས་སྨོན་བཞིན་གེགས་མེད་མྱུར་འགྲུབ་ཅིང་། །གནས་ངན་འཁོར་བའི་རྒྱ་མཚོ་སྐེམ་པར་ཤོག །ཅེས་གསོལ་བ་བཏབ་མཐར་རྡོ་རྗེ་རྣལ་འབྱོར་མ་གནས་འགྱུར་ནས་གྲུབ་ཆེན་ས་ར་ཧ་པ་ཞེས་རྣལ་འབྱོར་པ་སྐུ་མདོགསྨུག་ནག་གཅེར་བུ་རུས་པའི་རྒྱན་དྲུག་གསོལ་བ། དབུ་སྐྲ་སྤྱི་བོར་བཅིང་ནས་དུང་གི་སྙན་རྒྱན་མཛེས་པ། ཞལ་དཀྱིལ་ཞི་མ་ཁྲོ་འཛུམ་དང་ལྡན་ཞིང་། ཕྱག་གཡས་ཐོད་པའི་ཅང་ཏེའུ་དང་གཡོན་ཐོད་པ་བདུད་རྩིས་བཀང་བ་བསྣམས་པ། དར་དང་རིན་པོ་ཆེ་དུ་མས་བརྒྱན་ཅིང་། ཞབས་གཉིས་དཔའ་བོ་རོལ་སྟབས་ཀྱིས་མི་ལྤགས་ཀྱི་གདན་ལ་འགྱིང་ཞིང་འཇའ་འོད་ཀྱི་ཀློང་དུ་བཞུགས་འདུག །མཁའ་འགྲོ་མ་རྣམས་ཀྱིས་ཟག་མེད་བདེ་བ་ཆེན་པོའི་མཆོད་པ་བྱེད་པའི་དུས་ལ་བབས་སོ་གསུངས་ཏེ། མཛེས་པའི་འཕན་དར། གྲགས་པའི་དུང་། སྙན་པའི་གླིང་བུ་དང་སིལ་སྙན། དྲི་ཞིམ་བདུག་སྤོས་དང་གནྡྷེ། གཞན་ཡང་མཆོད་པའི་རིགས་བསམ་གྱིས་མི་ཁྱབ་པ་དུ་མས་འབུད་དཀྲོལ་མི་འདྲ་བ་མང་པོ་བྱེད་དོ། །དེ་ལ་རྐྱེན་ནས་བདག་གི་ལུས་ཀྱང་སྔར་ལྟར་མ་ཡིན་པར་གང་ལ་ཡང་ཐོགས་པ་མེད་ཅིང་འཇའ་ཚོན་ལྟ་བུ་དང་། སེམས་ཀྱང་ཡ་ང་བག་ཚ་མེད་ཅིང་གང་སྣང་ཐམས་ཅད་རོ་སྙོམས་ཀྱི་གདེང་ཐོབ། ངག་ཀྱང་བརྗོད་ཚིག་ལས་འདས་ཤིང་བརྡ་དང་བརྡའ་ལེན་གྱི་རྣམ་རོལ་དུ་ཤེས་པ་ལྟ་བུར་བྱུང་འདུག་པས། བླ་མའི་ཞལ་ནས་སྐལ་ལྡན་མཁྱོད་ལ་བདག་གིས་ལུས་ལྷ་སྐུར་སྨིན་བྱེད་སྐུ་ཡི་དབང་དང་། ངག་སྔགས་སུ་དག་བྱེད་གསུང་གི་དབང་དང་། ཡིད་ཐུགས་རྡོ་རྗེར་སྨིན་ནས་ཡེ་རྫོགས་ཆོས་སྐུ་ཆེན་པོ་མངོན་དུ་གྱུར་བྱེད་ཐུགས་ཀྱི་དབང་རྣམས་བསྐུར་བ་ཡིན་པས་ངོ་ཤེས་པར་གྱིས་ཤིག །འདི་ནི་ལམ་དུས་ཀྱི་དབང་བཞི་ལས་གསུམ་པ་སྤྲོས་བཅས་སྐུ་ཡི་དཀྱིལ་འཁོར་ལ་བརྟེན་པ་ཡིན་ནོ། ། གཅིག་ནི་ནང་རྩ་རླུང་གི་དཀྱིལ་འཁོར་ལ་བརྟེན་དགོས་སོ་གསུང་མ་ཐག །འཁོར་གྱི་མཁའ་འགྲོ་མ་དཀར་མོ་བཞད་པ་མ། སེར་མོ་དོན་གྲུབ་མ། དམར་མོ་སྒྲ་སྒྲོགས་མ། སྣ་ཚོགས་མཐར་ཕྱིན་མ་སྟེ་ཌཱཀྐི་རྣམ་བཞིས་ཕྱག་ཏུ་ཐོད་པ་བདུད་རྩིས་བཀང་བ་ཐོགས་ནས། བླ་མའི་སྐུའི་ཕྱོགས་བཞི་རུ་བདུད་རྩི་བྲན་འདུག་པས་བླ་མའི་སྐུ་ལུས་ཐམས་ཅད་ནས་འོད་ཟེར་དཀར་པོ་དཔག་ཏུ་མེད་པ་འཕྲོ་འདུ་བྱེད་ཅིང་ཨ་ཧྃ་གི་སྒྲས་འོད་ཟེར་རྣམས་གཅིག་ཏུ་དྲིལ་ཏེ་བདག་གི་ཚངས་བུག་ནས་ཞུགས་ཏེ། སྤྱི་བོར་ཐོན་པའི་ཚེ་ལུས་ཀྱི་རྩ་ཐམས་ཅད་འཕར་ཞིང་བདེ་ཉམས་ཅུང་ཟད་ཞིག་ལྷག་ བྃ༔ གེར་སྐྱེས་བྱུང་། ཡང་མགྲིན་པར་ཐོན་ཚེ་རྩ་རྣམས་རབ་ཏུ་འཕར་ཞིང་བརྗོད་མེད་ཀྱི་བདེ་བ་ཉམས་སུ་མྱོང་། སྙིང་གར་ཐོན་ཚེ་རྩ་འཕར་བ་དང་བདེ་བ་མེ་ལྟར་འབར་ཞིང་བདེ་བ་ཆེན་པོའི་རླབས་ཤུགས་ཀྱིས་བདག་གཞན་གྱི་འཛིན་རྟོག་ཐམས་ཅད་འགགས། ལྟེ་བར་ཐོན་ཚེ་བསམ་གྱིས་མི་ཁྱབ་པའི་བདེ་བ་སྐྱེས་ནས། སྔར་བསྒོམས་གྱི་ཆོས་སྐུ་ཆེན་པོའི་ཡེ་ཤེས་སྤྲོས་བྲལ་རྣམ་ཐར་གསུམ་ལྡན་མངོན་དུ་གྱུར་བར་བྱུང་ངོ་། །མཁའ་འགྲོ་རྣམས་བླ་མའི་སྐུ་ལ་ཐིམ་པ་ལྟར་བྱས་ནས་གར་སོང་མ་མཐོང་། བླ་མ་ཉིད་སྔར་བཞིན་འཇའ་འོད་ཀྱི་ཀློང་དུ་བཞུགས་འདུག །བདག་གི་བསམ་པ་ལ་ང་འཆི་བ་ནི་མིན། སྣང་བ་མ་ངེས་པ་སྣ་ཚོགས་འབྱུང་བ་འདི་ཅི་ཡིན་སྙམ་ཚེ། བླ་མས་བཀའ་སྩལ་པ། རིགས་ཀྱི་བུ་མོ་ཉོན་ཅིག །སེམས་ཉིད་སྐྱེ་འགགས་དང་བྲལ་བས་འཆི་བ་མེད་དོ། །ཁྱོད་ལ་དབང་བཞི་པའི་ཡོན་ཏན་དེ་ལྟར་ཐོབ་བོ། །བདུད་རྩི་སྤྱི་བོ་ལ་ཐིམ་པའི་རྟོགས་པ་དེཀ་ངོ་བོ་མངོན་གྱུར་ཡེ་ཤེས་ལ། རྣམ་པ་སྐུ་དཀར་མོ་བཞད་པ། གསུང་སྣང་སྟོང་གི་བདུད་རྩི། ཐུགས་དགའ་བའི་ཡེ་ཤེས་ཡིན་ནོ། །བདུད་རྩི་མགྲིན་པར་བབས་པའི་རྟོགས་པ་དེ་ཀ་ངོ་བོ་ཤེས་རབ་ཆེནཔོའི་ཡེ་ཤེས་ལ། རྣམ་པ་སྐུ་སེར་མོ་ དོན་གྲུབ། གསུང་གས་ལ་སྟོང་གི་བདུད་རྩི། ཐུགས་མཆོག་དགའི་ཡེ་ཤེས་ཡིན་ནོ། །བདུད་རྩི་སྙིང་གར་བབས་པའི་རྟོགས་པ་དེ་ཀ་ངོ་བོ་སྟོང་ཉིད་ཡེ་ཤེས་ལ། རྣམ་པ་སྐུ་དམར་མོ་སྒྲ་སྒྲོགས། གསུང་བདེ་སྟོང་བདུད་རྩི། ཐུགས་ཁྱད་དགའི་ཡེ་ཤེས་ཡིན་ནོ། །བདུད་རྩི་ལྟེ་བར་བབས་པའི་རྟོགས་པ་དེ་ཀ་ངོ་བོ་རངབྱུང་ཡེ་ཤེས་ལ། རྣམ་པ་སྐུ་སྣ་ཚོགས་མཐར་ཕྱིན། གསུང་རིག་སྟོང་བདུད་རྩི། ཐུགས་ལྷན་སྐྱེས་ཡེ་ཤེས་རྣམས་ཡིན་ནོ། །འདི་ལྟར་ཁྱོད་ལ་ལམ་དུས་ཀྱི་དབང་བཞིཔ་རྒྱལ་ཐབས་སྤྱི་བླུགས་སུ་ཐོབ་པ་ཡིན་པས་ངོ་ཤེས་པར་མཛོད་ཅིག་གསུངས་མ་ཐག་སྒྱུ་མའི་འཕྲུལ་འཁོར་དབྱིངས་སུ་ཞིག་པ་ལྟར་སོང་ནས་གཉིད་སད་དོ། །ནང་པར་སྔར་དང་མི་འདྲ་བའི་རྟོགས་པ་རྒྱུད་ལ་སྐྱེས་ནས་རང་བཞིན་རྩོལ་བཅས་ཀྱི་རྫོགས་རིམ་བསྒོམ་ཤེས་པ་ཙམ་བྱུང་ངོ་། །དེ་ནས་རྒྱུན་དུ་རླུང་ལ་བསླབ་ནས་འབད་རྩོལ་ཆེན་པོ་བྱེད་སྐབས། ཉིན་གཅིག་རླུང་རྐྱེན་ཞིག་གིས་རོ་སྟོད་དང་སྙིང་ན་བ་སོགས་བྱུང་འདུག་པས། ཕ་མ་ཉེ་འབྲེལ་རྣམས་ཀྱིས་གནས་ལ་བསྐྱེལ་མ་ཉན་པ་འདྲ། མོ་རང་གིས་སྡུག་བསོགས་ནས་ན་བྱུང་བ་རེད་ཟེར། བདག་གིས་ཀྱང་རེད་སྨྲས་ཚེ། ཨ་ཏ་དང་ཨ་མ་གཉིས་ཀྱིས་ཞལ་ནས་ཁྱོད་རང་གནས་ལ་སྦྱིན་རྐྱེན་གྱིས་སྡུག་ བྃ༔ བསྔལ་དེ་ཙམ་ཅིའི་ཕྱིར་བསོགས་པ་ཡིན་སྨྲོས་ཤིག་གསུངས། བདགགིས་ཡབ་ཡུམ་གཉིས་ལ་ཞུ་མི་ཕོད་ཁ་ཁྲིམས་ཕོག་ཡོང་། ཨ་ཇོ་དང་ཨ་ཆེ་གཉིས་ལ་ཞུ་ཆོག་ན། བདག་གིས་བསམ་ཚད་ཐམས་ཅད་ཞུ་ལགས་ཞུས་ཚེ། ཆོག་གསུངས་ཏེ། ཡང་བདག་གིས་ཨ་ཇོ་དང་ཨ་ཆོ་གཉིས་ལ་འདི་སྐད་ཞུས། བདག་ནི་སྔོན་གྱི་ལས་དང་འཕྲལ་གྱི་རྐྱེན་གང་ལའང་མ་ལྟོས་པར། ཨ་ཏ་དཔོན་སང་གིས་དོན་མེད་ཀྱིས་མི་ལ་སྦྱིན། ཕ་མའི་གདན་ས་ལྷ་ལྡན་གྱི་ཕོ་བྲང་དང་། རོང་འབྲོག་གཉིས་ཀྱི་ལོངས་སྤྱོད་རྣམས་འུ་ཅག་གི་བློ་ལ་མི་ཤོང་ཞིང་གྲངས་ལས་འདས་པ་གསོགས་ལ་ལོངས་སྤྱོད་ཡོད་མི་བསམ་པར། ད་དུང་སྐྱིད་གྲོང་སང་གི་ལོངས་སྤྱོད་ལ་དམིགས་ནས། རྒྱུས་མེད་ཀྱི་ཡུལ་ལ་ང་སྦྱིན་ནས་རྒྱུ་རྫས་ནི་མི་རྙེད། མི་ནི་རྙེད་པ་སླ་སྙམ་སྟེ་བདག་ནི་དགོས་མེད་བྱས་ཚེ་སྡུག་བསྔལ་ལོས་བསོགས་སྨྲས་པས། ཨ་ཆེ་ནི་ངུ་ནས་འདུག །ཨ་ཇོ་ན་རེ། ཁྱོད་ཀྱིས་འདི་ལྟར་མ་ཟེར། སྔོན་ལས་འཕྲལ་རྐྱེན་མིན་པ་ཅི་གོ །ཁྱོད་བདེ་སྐྱིད་ལྡན་ན་སྐྱིད་གྲོང་སང་རང་གཟའ་ཡིན། མ་བདེ་ན་རང་སྡེ་ཡིན་པས་ཅི་བྱེད་ཀྱང་ཆོག་ཟེར། བདག་གིས་སྔོན་ལས་ཅི་ལ་ཡིན། ཚེ་རབས་ལས་རྩིས་དང་རྒྱ་ནག་ཆུང་རྩིས་རྣམས་སུ་བདག་ ཁྱིམ་པའི་སྐྱེས་བུ་དང་འགྲོགས་མི་ཉན་ཟེར་བ་ད་དུང་ཡང་ཡི་གེ་ཡོད་ཨ་མས་གསུང་གྱི། འཕྲལ་རྐྱེན་ཅི་ཕྱིར་ཡིན། ང་རང་གི་བསམ་ནས་རང་བློ་ནི་མ་བྱས། ལྷ་བླ་མའི་ལུང་བསྟན་ལ་ནི་ང་རང་རིགས་ཅན་གྱི་སྐྱེས་བུ་ལ་དབང་ཞིང་། ཕལ་པའི་མི་ལ་མ་སྦྱིན་གསུངས་འདུག །ད་ཇི་ལྟར་བཤད་ཀྱང་ཁྱེད་ཅག་ལ་ང་རང་གི་དགོས་མེད་པ་རེད་སྨྲས་པས། ཁོང་གཉིས་ཕྱིར་ཕ་མའི་དྲུང་དུ་སོང་ནས་ལོ་རྒྱུས་རྣམས་ལྷག་ལུས་མེད་པར་ཞུས་ཚེ། ཨ་ཏས་ཐུགས་བསམ་བཞེས་ནས་སྐྱིད་གྲོང་སང་ལ་བཀའ་ཤོག་སྤྲིངས་ཏེ། ད་ལོ་བུ་མོ་བསྐྱལ་རྒྱུའི་སྟབས་ལེགས་རྒྱན་ཆས་སྤུས་ལྡན་རྒྱ་ནག་ཁྲི་འདུ་ལ་ཚོང་དཔོན་ཡོང་བས་མ་ཐོན་པ་དང་། མིན་ཀྱང་བུ་མོ་ཆུང་བའི་རྐྱེན་གྱིས་སྡུག་བསྔལ་ཆེ་ཞིང་ཕ་བུའི་འདུན་པ་མེད་པ་ལྟ་བུར་འགྲོ་འདུག་པས། མོ་རང་ལོ་བཅུ་དྲུག་ལ་ཐོན་དུས་བསྐྱལ་རྒྱུ་ཚིག་འགྱུར་མེད་ཡིན་སོགས་གསུངས་པས། ཁོང་སང་གི་སེམས་ལ་མ་བབས་ཀྱང་ལགས་སོ་ཞུས་ཏེ་དེ་ཀར་ཐག་བཅད་དོ། །ང་རང་ནི་རླུང་སྐྱོན་ཡིན་པས་ད་དུང་ནད་ལས་མ་གྲོལ་ཀྱང་། སྡུག་བསྔལ་གྱིས་ཡིན་ཆག་བྱས་ནས་ནད་རེད་ཞུ་མ་ཕོད་པར་བསྡད་ཡོད་པས། ནུབ་གཅིག་རྨི་ལམ་ལ་རྣལ་འབྱོར་པ་མང་པོ་ཞིག་ཐང་ཆེན་པོ་ཞིག་གི་དཀྱིལ་དུ་འཚོགས་འདུག ། བྃ༔ བདག་གིས་ཅི་ཡིན་སྙམ་ནས་སོང་ཚེ། དེ་དག་གི་དབུས་སུ་རྣལ་འབྱོར་པ་ཆེན་པོ་ཏ་རན་ཐ་རེད་ཟེར་བ་དགེ་བཙུན་གྱི་ཆ་བྱད་ཅན་དབུ་ལ་ཞྭ་དམར་གསོལ་ཞིང་ཕྱག་གཉིས་ངལ་བསོས་ཕྱག་རྒྱས་ཨུཏྤལ་གྱི་ཡུ་བ་འཛིན་ཅིང་། འདབས་མ་སྙན་ཐད་དུ་རྒྱས་པའིསྟེང་ན་རལ་གྲི་དང་གླེགས་བམ་མཛེས་པས། ཞབས་རྡོ་རྗེ་སྐྱིལ་ཀྲུང་གིས་བཞུགས་ཤིང་གཟི་བརྗིད་འོད་དུ་འབར་བ་ཞིག་འདུག་པས། བདག་གི་བསམ་པ་ལ་ང་རང་གི་ནད་འདི་ལ་ཅི་དགོས་བླ་མ་འདི་ལ་ཐུགས་རྟགས་ཞིག་ཞུ་དགོས་སྙམ་སྟེ། བླ་མ་ལ་ཕྱག་ཕུལ་ནས་མདུན་དུ་སོང་བས་བླ་མ་གནས་འགྱུར་ཏེ་ཧེ་རུ་ཀའི་སྐུར་བཞེངས་ནས་གསང་བའི་དབང་བསྐུར་ཏེ། གེགས་སེལ་གྱི་མན་ངག་འདི་ལྟར་གསུངས། ཀྱེེ། རིགས་ཀྱི་བུ་མོ་ཁྱོད་ལུས་སྟོང་ར་ལ་བསླབ་པ་འདི་ལྟར་མཛོད་ཅིག །སྐད་ཅིག་གིས་རང་ཉིད་གཞི་ལུས་རྡོ་རྗེ་རྣལ་འབྱོར་མར་ལམ་གྱིས་གསལ་བའི་སྤྱི་བོ་ནས་རྐང་མཐིལ་ཡན་ཕྲུ་མ་ཕུས་གང་བ་ལྟར་ཟང་ཐལ་གསལ་སྒྲིབ་མེད་པ་ཞིག་ཏུ་བསྒོམ། དེའི་སྐུ་དབུས་སུ་དག་པ་རྩ་གསུམ་གཡས་དམར་བ་གཡོན་དཀར་བ་དབུས་སྔོ་བའི་རྣམ་པརགསལ་གདབ་བོ། །དེའི་ལྟེ་བ་སྤྲུལ་པའི་འཁོར་ལོརགྲངས་ཅན་གྱི་རྩ་འདབ་དྲུག་ཅུ་རེ་བཞི་མདོག་དམར་པོ་ཁ་ གྱེན་དུ་བསྟན་པ་ཕྱི་དབྱིབས་གྲུ་གསུམ་ཅན་པ། དེའི་དབུས་སུ་ཟླ་གདན་ཡུངས་འབྲུ་ཙམ་གྱི་སྟེང་དུ་ཨ་ཐུང་། ཨོཾ༔ འདི་ལྟ་བུ་ཞིག་བསྒོམ་མོ། །སྙིང་ག་ཆོས་ཀྱི་འཁོར་ལོར་གྲངས་ཅན་གྱི་རྩ་འདབ་དཀར་པོ་བརྒྱད་ཁ་འོག་ཏུ་ཕྱོགས་ཤིང་། ཕྱི་དབྱིབས་བཾ་ཡིག་ལྟར་ཟླུམ་པོའི་དབུས་སུ་ཟླ་གདན་ཡུངས་འབྲུ་ཙམ་གྱི་སྟེང་དུ་ཧཱུྃཿསྔོན་པོ་མགོ་ཐུར་དུ་ཡོད་པ་ལས་བྱང་ཆུབ་ཀྱི་སེམས་སྤྲིན་གཡོ་བའི་རྣམ་པ་ཅན་དུ་བསྒོམ་མོ། །མགྲིན་པ་ལོངས་སྤྱོད་ཀྱི་འཁོར་ལོར་གྲངས་ཅན་གྱི་རྩ་འདབ་བཅུ་དྲུག་དམར་པོ་ཁགྱེན་དུ་བལྟ་བ་ལྟེ་བ་དང་འདྲའོ། །ཕྱི་དབྱིབས་ཟླུམ་པོའི་དབུས་སུ་ཨོཿ དམར་པོ་མགོ་གྱེན་བལྟ་ཟླ་གདན་ལ་བསྒོམ་མོ། །སྤྱི་བོ་བདེ་ཆེན་གྱི་འཁོར་ལོར་གྲངས་ཅན་རྩ་འདབ་སོ་གཉིས་ཁ་དོག་ལྔ་ལྡན་ཁ་འོག་ཏུ་ཕྱོགས་ཤིང་། ཕྱི་དབྱིབས་ཨེ་གྲུ་གསུམ་པའི་དབུས་སུ་ཧྃཿདཀརཔོ་མགོ་ཐུར་དུ་བསྟན་པ་བྱང་ཆུབ་སེམས་སྤྲིན་ཟིལ་པ་ཕྲོམ་མེར་ཡོད་པ་ཞིག་བསྒོམ་མོ། །དེས་རྩ་རླུང་ལས་སུ་རུང་ནས་ཐིག་ལེ་སྨིན་པའི་གནད་གལ་པོ་ཆེ་ཡོད་དོ་གསུངས། ཡང་བདག་གིས་བླ་མ་ལགས། བདག་གིས་སྔར་རྩ་རླུང་བསྒོམ་དུས་སྤྱི་བོ་དང་ལྟེ་བ་གཉིས་