Tibetan
སྲིད་ཀྱང་། ། བྃ༔ རྩ་ཁམས་རླུང་གིས་རྐྱེན་བསྐུལ། །འབྱུང་འདུས་ཉེར་འཚེ་ཆེ་བས། །ལྷ་ཡི་སེང་དཀར་འོ་མ། །བ་དམར་འོད་ཀྱིས་བསྐུལ་ནས། །གྲངས་འཛིན་བུ་མོའི་གྲོང་དུ། །འཛུམ་མའི་རྟ་ལ་དྲངས་ནས། །གཉིས་ལྡན་ཡུལ་ཀུན་གསོས་ནས། །གནས་སྐབས་རྩ་ཡི་རྐྱེན་སེལ། །ཞུ་བདེའི་དམ་ཚིག་ཙམ་ཡིན། །ཟབ་གཏེར་སྒོ་འབྱེད་མན་ངག །རྟེན་འབྲེལ་ཁོ་ནར་ཐུག་པས། །སྟབས་ཀ་གཟབ་པ་གནད་ཡིན། །ལྷ་ཡི་ནོར་བུ་འོད་ལྡན། །ངུར་མོའི་གདོང་གིས་ཁུར་ལ། །ཅི་ཆ་ཅི་འགྱུར་མི་ཤེས། །ཡུལ་གསུམ་དབང་དུ་མ་ཤོར། རང་ས་བཟུང་བ་གནད་ཡིན། །གཡུ་འབྲུག་གཙུག་གི་ནོར་བུ། །མུ་ཏོའི་ལག་ཏུ་མ་ཤོར། །ཐབས་མཁས་ཤེས་རབ་ཟབ་མོས། །རང་གཏེར་བསྟན་པ་སྐྱོང་དང་། །མ་རིག་འགྲོ་བའི་བློ་མུན། །ཀུནྡའི་འོད་བཞིན་གསལ་ངེས། །བདེན་བདེན་ཚིག་གིས་བསུ་བ། །མི་རིང་ཉེ་ནས་སྡང་འོང་། །བླ་སློབ་གསེར་གྱི་ཟམ་པར། །ར་གན་མདངས་ཀྱིས་བསླད་ངེས། །དེ་སེལ་བླ་མ་མཁའ་འགྲོ། །ཚོགས་མཆོད་གྲངས་ལྡན་གལ་ཆེ། །གསང་ཆེན་མྱུར་བདེའི་ལམ་གྲོགས། །སྤང་བྱའི་གནས་སུ་མ་གོལ། །མ་དང་མཁའ་འགྲོའི་བཀའ་ཆད། །ཁྱོད་ལ་སྡང་བ་ཨེ་ ནམ། །ཞེས་ཟེར་བས། ཡང་བདག་གིས་ཀྱེ་མ་ཉོན་དང་སྨྲ་མཁས་བྱིའུ་ཆུང་། །བདེན་བདེན་ཁྱོད་ཟེར་ཚིག་རྣམས་བདེན་ཐང་། །སྒྲུབ་སྒྲུབ་ཁོ་མོ་ང་ཡིས་འགྲུབ་དཀའ། །གཏེར་ལ་ཕན་པའི་གྲོགས་མཆོག་ཡོད་ཀྱང་། །རང་ཉིད་ན་སོ་ལོན་པའི་སྟོབས་ཀྱིས། །ན་ཆུང་སྐྱེས་བུའི་གྲོགས་ཡ་མི་ཐོན། །དུས་ཀུན་གུ་ཡངས་བློ་བདེ་དྲན་པས། །འཁོར་སློབ་སྐྱོང་ཐབས་གཏེར་སྟོན་མི་བྱེད། །སྐྱབས་བྲལ་མགོན་མེད་ལུས་དམན་ཡིན་པས། །འགྲོ་དོན་བསྟན་པ་ཨེ་འབྱུང་མི་བསམ། །བརྒྱུད་ལྡན་བླ་མས་བཀའ་ཕེབས་བཙན་པས། །བཟློག་ཐབས་མ་རྙེད་བུ་སློབ་བསྐྱངས་ཀྱང་། །རང་དོན་ཡིད་བྱེད་བློ་ངན་མེད་པས། །བསྟན་འཇུག་སྐལ་ལྡན་བུ་ལ་གཏད་ནས། །མི་མེད་རི་སུལ་དབེན་ཁྲོད་འགྲིམ་སྙམ། །མཁའ་འགྲོའི་མན་ངག་ཟབ་པའི་མཐར་ཐུག །གཅེས་ནོར་བཞིན་དུ་ཙིཏྟར་སྦས་ནས། །གྱི་ནའི་ཚུལ་དུ་ངེས་མེད་གནས་ཡུལ། །གར་འགྲོ་གར་གནས་ཆ་ཆོད་མ་བྱུང་། །འོན་ཀྱང་མ་དང་མཁའ་འགྲོའི་མཐུ་དང་། །སྔོན་ལས་འཕྲལ་བྱུང་དུས་ཀྱིས་བསྐུལ་ནས། །མངྒའི་མིང་འཛིན་གནས་མཆོག་དེ་རུ། །འོ་ཅག་དངོས་སུ་མཇལ་བར་སྣང་ཡང་། །རྐྱེན་སེལ་སློབ་མའི་ཚོགས་ཀྱིས་བསྐུལ་ནས། །ད་དུང་གནས་ བྃ༔ སྐབས་ཅི་འགྱུར་མི་ཤེས། །ཞེས་སྨྲས་ཚེ། ཡང་དེ་ན་རེ། ཧེ་ཧེ་ཏིང་ཏིང་རྣལ་འབྱོར། །དྲང་ངེས་གཉིས་མེད་གཏམ་གྱིས། །གསུང་ལན་གནང་བ་ངོ་མཚར། ། འོན་ཀྱང་ངས་བསམ་བཤད་ན། །གཏེར་སྟོན་མཚན་ཉིད་ངས་ཤེས། །ནོར་བུ་རྒྱ་མཚོའི་དཔེ་བཞིན། །གྲོགས་དང་ཆོས་འཛིན་སྐྱེས་བུ། །དུས་སུ་འཕྲད་པ་གཏན་ཚིགས། །ཤར་གྱི་ནམ་མཁའི་ནོར་བུ། །འཛམ་གླིང་མུན་ཀུན་སེལ་བྱེད། །ལས་ཀྱིས་བསྒྱུར་བ་བཞིན་དུ། །པདྨའི་བརྒྱུད་འཛིན་གཏེར་སྟོན། །མི་འདོད་བཞིན་དུ་འགྲོ་ལ། །ཐབས་མཁས་ཐུགས་རྗེའི་སྟོབས་ཀྱིས། །གང་འདོད་ཟབ་གཏེར་སྒོ་འབྱེད། །བསྟན་འགྲོའི་རྒུད་པ་སེལ་ནས། །སྟོན་འཁོར་དགོངས་པ་དབྱེར་མེད། །ལྷུམས་སུ་བཞུགས་པ་ཨེ་ནམ།ནང་གསལ་ལ་གྲོལ་བ། མཆན། །བདེ་སྟོང་ཡེ་ཤེས་སྦྱོར་བ། །དམིགས་པའི་གནད་ཀྱིས་དྲངས་ན། །བློ་སུན་སྐྱོ་བ་ཅི་དགོས། །བསེ་རུ་ལྟ་བུའི་འདུ་ཤེས། །ཡུལ་རྐྱེན་སབྟའི་རྐྱེན་རེད། །ངེས་ངེས་མ་ངེས་གནས་ཀུན། ། ཉུལ་སེམས་བློ་ལ་བཅག་པ། །རྩ་ཁམས་ཌཱཀྐིས་བསྐུལ་ནས། །འབྱུང་དུས་གནས་ཁང་དོར་ནས། །མི་མངོན་འགྲོ་བའི་ལྟས་ཡིན། །མཁའ་འགྲོའི་གྲངས་ཀྱི་དུས་སུ། །ལྷོ་ནས་ལྷོ་རུ་ བརྒྱུད་ནས། །གསང་བའི་གབ་ཚིག་ལྟར་དུ། །རྟོག་དཔྱོད་ཡུལ་ལ་མཛོད་དང་། །མ་དང་མཁའ་འགྲོའི་གྲོགས་ལྡན། །ཉེ་མིན་རིང་ནས་བསྒྲུབ་ཡོང་། །ཀ་ན་པ་ཡི་སྒྱུ་འཕྲུལ། །ས་མ་ར་ཐའི་མིང་འཛིན། །རིགས་ཀྱི་མྱུ་གུའི་སྐྱེ་སྲིད། །ལས་ཀྱི་དབང་གིས་འཕྲད་ཚེ། །གཏེར་མཇུག་བསྟན་པ་དེར་གཏོད། །རིགས་ལས་སྐྱེས་པའི་ནི་གུ། །འཛུམ་དྲུག་འོད་མདངས་ངོམས་དུས། །བདུད་གཅོད་ཟབ་མོར་བརྩོན་ནས། །ངེས་མེད་འགྲིམ་པ་གནད་ཡིན། །འགྱུ་བྱེད་འགྱུ་བའི་རྐྱེནགྱིས། །དབང་གཞུའི་དཔེ་བཞིན་མངོན་ཚེ། །གདམས་པ་ཟབ་མོའི་མེ་བཙའ། །གཉིས་འཛིན་ཡུལ་ལ་གདབ་མཛོད། །ཆོས་བདག་མཆོག་གི་བུ་ལྔ། །ཡོས་བུའི་འཛུམ་གྱིས་བསུ་འོང་། །རང་སྐལ་ཆོས་ལ་སྤྱོད་ན། །དོན་གཉིས་ངང་གིས་འབྱུང་ངེས། གླང་གི་ར་རྩེ་ངོམས་དུས། །ག་ག་ཧྲི་དའི་སྒྱུ་འཕྲུལ། །རང་སྐལ་ཆོས་དང་སྤྱོད་ནས། །སྒོམ་སྒྲུབ་ཉམས་ལེན་རེམ་དགོས། །དེ་ལྟར་སྟབས་ལྡན་མེད་ཚེ། །བརྟེན་བྱེད་སྲོག་གི་མར་མེ། །ནམ་མཁའི་དབང་གཞུའི་དཔེར་མངོན། །ས་འཛིན་འཁུན་པའི་སྒྲ་འབྱིན། །ལྟོ་འགྲོས་ལྟོ་བར་སྦྲུམ་ཚེ། །ལྷ་ཡི་མེ་ཏོག་མདངས་ཉམས། །སྨོན་ལོག་སབྟས་བསྐུལ་ཚེ། བྃ༔ བསོད་ནམས་ལྡན་པའི་སྐྱེས་བུ། །ཕྱོགས་མེད་ཕྱོགས་སུ་བསྒྲོད་ངེས། །ཅང་ཤེས་ངུར་མོའི་གདོང་གིས། །རྟེན་འབྲེལ་སྣ་ཁ་མ་ལོག །ཡིད་ལ་བཅག་པའི་གནས་དེར། །གསང་ཞིང་གསང་བར་བགྲོད་ན། །རང་ནོར་གཏེར་གྱི་བསྟན་པ། །བཅུ་ཕྲག་བར་དུ་དེར་གནས། །དེ་སོགས་རིག་པས་དཔྱོད་དང་། །བྱུང་དང་འབྱུང་འགྱུར་བསླབ་བྱ། །དུས་དུས་དབང་སྒོར་གསལ་ངེས། །ངེས་ངེས་ངེས་པའི་ཚིག་འདི། །སྨྲ་སྨྲ་ཁྱོད་ལ་སྨྲས་པས། །འབྱུང་འབྱུང་རྟེན་འབྲེལ་འཛོམས་ནས། །དར་དར་ངེས་གསང་བསྟན་པ། །ཕྱོགས་ཕྱོགས་ཡུལ་གནས་གསུམ་དུ། །གནས་གནས་བསྟན་པའི་གཞི་བརྟན། །སྦས་སྦས་ཙིཏྟར་རྒྱས་ཐོབ། །མ་འོངས་འདོང་ཆུའི་ཞོལ་ནས། །འོ་ཅག་གཅིག་ཏུ་འཁོད་ངེས། །ང་འགྲོ་མི་མངོན་ཀློང་དུ། །ཆོས་དབྱིངས་མཐའ་བྲལ་ངང་དུ། །ཅིར་སྣང་རྒྱན་དུ་ཤར་བའི། །ནགས་ཚལ་དེ་རུ་འཕུར་འགྲོ། །ཞེས་ཟེར་སྣང་འཆར་རོ། །དེ་ནས་དབང་ལུང་སོགས་ཞིབ་རྒྱས་སུ་གྲུབ་རྗེས། བཏང་རག་གི་ཚོགས་འཁོར་སོགས་མཐའ་རྒྱས་སུ་རྫོགས་པ་དང་། བསྟན་འཕེལ་ངག་འབྱུང་སྤྲུལ་སྐུ་རིན་པོ་ཆེའི་བཞེད་དོན་བཞིན། ངེད་དཔོན་གཡོག་ཆ་ཤས་ཚེས་བཅུའི་དུས་ཆེན་ལ་ཁྱུག་ ཙམ་སོང་ནས། ཁོང་ལ་ཚེ་དབང་འབུལ་སྐབས། གྲུབ་ཐོབ་ཉི་མ་སེངྒེ་དངོས་སུ་བྱོན་སྣང་འཆར་ནས། རང་ཡང་རོ་ལང་བདེ་རོལ་མའི་སྐུར་ལམ་གྱིས་གསལ་ནས་སྐད་ཅིག་ལ་བྱང་ཤམ་བྷ་ལའི་ཡུལ་སྣང་གི་བཀོད་པ་མཐོང་སྣང་དུ་འཆར་རོ། །དེ་ནས་ངེད་རྣམས་སྐྱིད་པོ་ཡག་གི་ཁ་མདོ་ན་གེ་སར་ལྷ་ཁང་མཇལ་དུ་སོང་ནས། གེ་སར་དང་དཔའ་ཐུལ་འབྲུག་མོ་ལ་སོགས་པའི་སྐུ་བརྙན་རྣམས་མཐོང་བའི་ཚེ་ན། སྔར་གྱི་བག་ཆགས་དྲན་ནས་ཡིད་དགའ་སྐྱོ་འདྲེས་མར་སོང་སྐབས། ནམ་མཁར་སྤྲིན་གྱི་ལྕུགས་མ་འཁྲིགས་པའི་ཀློང་ནས་ནེ་ཆུང་ལྷ་མོ་ནོར་བཟང་མ་ཡིན་སྐད་པ་ཞིག་གིས་ཚིག་སྙན་པའི་གླུ་ངག་ལ་དྲངས་ནས་འདི་སྐད་ཟེར། ཨོ་ཆུང་ཆུང་མ་ཎི་པདྨེ་ཧཱུྃ་ཡེ། །ཡང་དག་པའི་ཆོས་ལ་གསོལ་བ་འདེབས་པའོ། །གླུ་མཆོད་ཅིག་རིགས་གསུམ་མགོན་པོ་མཆོད། །མཆོད་གཉིས་སེང་ཆེན་དང་དཔའ་ཐུལ་མཆོད། །མཆོད་གསུམ་སྒྲོལ་མ་དཀར་སྔོན་མཆོད། །མོ་ང་ཡི་གླུ་སྣ་འདྲེན་དུ་ལོ། །ས་འདི་སོའི་ས་ངོ་ཨེ་ཤེས་ལོ། །ས་འདི་ཡི་ས་ངོ་མ་ཤེས་ན། །ཀླུ་གཙུག་ན་རིན་ཆེན་གདན་ས་རེད། །གླིང་ཆུང་རྒྱུད་བསྟན་པ་དར་ས་རེད། །སྨན་འགོག་མོའི་བསམ་པ་འགྲུབ་ས་རེད། དཔོན་གེ་སར་རྒྱལ་པོ་འཁྲུངས་ས་རེད། །གླིང་ལྷ་ བྃ༔ སྡེའི་སྐྱིད་འགོ་ཚུགས་ས་རེད། །སྨན་ང་ཡི་ང་ངོ་ཨེ་ཤེས་ལོ། །ང་ནེ་ཆུང་སྐྱིད་ཀྱི་སྒྲོན་མ་ཡིན། །ལྷ་ལུས་ཐོབ་པའི་བུ་མོ་ཡིན། །མངོན་ཤེས་ཡོད་པའི་མཁའ་འགྲོ་ཡིན། །བདེ་ཆེན་ཕོ་ཉའི་སྐྱོ་རོགས་ཡིན། །དབྱིངས་ཌཱཀྐིའི་བརྡ་དོན་ཁྱོད་ལ་སྨྲ། །འཆོར་མེད་ཀྱི་ཙིཏྟར་ཨ་ཐཾ་རྒྱ། །གནས་འདི་ནས་མི་རིང་ཉེ་བའི་སར། །བྲག་གླང་ཆེན་ཉལ་འདྲའི་གཡས་ཟུར་ན། །རྒྱ་སྟག་གཟན་ལ་ཆས་འདྲའི་དབྱིབས། །གཙུག་བུམ་པ་འདྲ་བའི་ལྟོ་བ་རུ། །ལྷ་དམར་པོ་གསུམ་གྱི་གཏེར་ཁ་ཡོད། །ཐབས་རྟེན་འབྲེལ་དུས་སུ་འཛོམས་གྱུར་ན། ། བྲག་སྤྲེའུའི་འཛུམ་མདངས་ངོམས་པའི་ཚེ། །གནས་དེ་རུ་དཔའ་བོ་གཅིག་སྒྲུབ་ཀྱི། །རིམ་གཉིས་ལ་བརྩོན་པའི་གནད་ལྡན་ན། །རང་སྐལ་གྱི་ཟབ་གཏེར་དུས་སུ་འབྱིན། །ལྷོ་གསེར་གྱི་རྒྱལ་མཚན་ལག་ཏུ་ལོན། །པདྨ་ཡི་མིང་འཛིན་སྐྱེས་བུ་དེ། །མ་ཌཱཀྐིའི་གསང་མཛད་བདག་པོར་མངགས། །ཐབས་མཁས་པའི་ལས་ཀྱིས་དབང་བསྒྱུར་ན། །གཏེར་གཉིས་ཀྱི་བསྟན་པ་དེ་ཡིས་འཛིན། །བདུད་ས་ཐིས་སྤྲུལ་པ་དང་། །བོན་ཐང་ནག་སྤྲུལ་པ་མིང་། །གླུ་གོང་སྤྲུལ་པའི་ཡིས། །བདེ་མི་བདེའི་སྣ་འདྲེན་ལས་སྣ་ཚོགས། །སྨད་ཆུ་གཉིས་འདུས་ སར་ཁྲག་མཚོ་འཁྱིལ། །ཤར་དུ་བསྔོན་པོས་ཡུལ་དྲུག་ཁྱབ། །ཤེས་མེད་ཀུན་བདུད་ཀྱི་འབངས་སུ་འགྱུར། །ཡུལ་མི་བདེའི་སྡུག་བསྔལ་རིམ་གྱིས་དར། །དེའི་རྐྱེན་སེལ་ལས་ལ་བརྩོན་འདོད་ན། །མགོན་པད་འབྱུང་དང་འཇིགས་སྒྲོལ་ལྷ་གསུམ་གྱི། །སྐུ་བརྙན་དང་སྙིང་པོ་རྡོ་ལ་བརྐོ། །བཀའ་ཡང་དག་གསུང་རབ་འདོན་པ་དང་། །ལྷ་བབས་ཀྱི་མཆོད་རྟེན་ལ་སོགས་བཞེངས། །ཕུར་གཤིན་དང་ཁྲོ་བོ་འཆོལ་བ་ཡི་།ཕྲིན་བསྒྲུབ་ཀྱི་ལས་བརྩོན་གནས་གཟབ་གལ། །ལྷ་གཞན་གྱིས་མ་ཐུབ་མཐུ་དབང་ཆེ། །བདུད་ཀླ་ཀློའི་སྙིང་གི་ཐིག་ལེ་འདྲེན། །ཀྱ་ཧོར་ཕུའི་སྲོག་གི་གཤེད་མ་དེ། །ལྷ་མ་ཧཱ་དེ་ཝ་ལ་བརྟེན་ནས། །མངོན་སྤྱོད་ཀྱི་ཕྲིན་ལས་གནད་ལྡན་ན། །དུ་རུ་ཡི་གནོད་འཚེ་རེ་ཞིག་ཞི། །ཚོགས་བསགས་དང་མར་མེ་ཚེ་ཐར་དང་། ཡར་མར་གྱི་ཚེས་བཅུའི་རྒྱུན་མ་གཅོད། །ལས་བྱ་བ་དམ་པའི་ལྷ་ཆོས་རེམ། །རྐུན་ཇག་དང་འཕྲོག་བཅོམ་ལ་སོགས་སྤོངས། །ཉེས་མེད་ཀྱི་སེམས་ཅན་སྲོག་མ་གཅོད། །ལོག་འཚོ་ཡི་དཀོར་ལ་རྔམས་མ་ཆེ། །ལས་རྒྱུ་འབྲས་བླང་དོར་གནས་མ་རྨོངས། །དུས་ཉིན་མཚན་དབྱེར་མེད་མཆོག་གསུམ་དང་། །པད་འབྱུང་དང་སྒྲོལ་མར་གསོལ་བ་ཐོབ། །སིདྡྷི་དང་ཡིག་དྲུག་ བྃ༔ དུང་ཕྱུར་འབུངས། །ད་དེ་སོགས་སྟབས་ལྡན་མ་གྱུར་ན། །ཡུལ་གྲུ་ཀུན་སྲིན་བུ་ཁ་འཐོར་འདྲ། །རང་ཡུལ་རྣམས་སྐྱུར་ནས་གཞན་ཡུལ་འགྲིམ། །ལས་རང་གིས་བསགས་པ་རང་ལ་སྨིན། །མི་ལ་ལ་མ་གཏོགས་གྲི་རུ་འཆི། །ནོར་ལོངས་སྤྱོད་གཞན་གྱིས་ཧབ་ཤ་བྱེད། །ཚེ་བསོད་ནམས་དབྱར་གྱི་བ་མོ་འདྲ། །ལས་ཐ་མ་ཀྱ་ཡི་འབངས་སུ་འགྱུར། །དེའི་དུས་སུ་ལས་ལྡན་ཕོ་མོ་རྣམས། །ཡུལ་སྦས་བྲག་མཚོ་གླིང་ལྗོངས་སུ་གནས། །བསྟན་འགྲོ་ཡི་བདེ་སྐྱིད་ཉི་ཞུར་ཙམ། །ཤར་ཕྱོགས་དང་ལྷོ་རྒྱུད་དུ་དར་བར་ངེས། །གཏེར་གཉིས་ཀྱི་བསྟན་པའི་བ་དན་དེ། །ལྷོ་མོན་གྱི་བཀྲ་ཤིས་ལྗོངས་ན་གནས། །ད་དེ་སོགས་བྱུང་དང་འབྱུང་འགྱུར་རྣམས། །དུས་དུས་སུ་སྨྲ་བ་སྙིང་གཏམ་ཡིན། །གླུ་གོ་ན་ཁྱོད་ཀྱི་སེམས་ལ་ཟུངས། །མ་གོ་བ་ལ་འབྲེལ་བ་མེད། །ཟེར་བ་དང་མཉམ་དུ་འཇའ་སྤྲིན་གྱི་རྣམ་པར་མི་སྣང་བར་གྱུར་ཏོ། །དེ་ནས་ངེད་རྣམས་ཕྱིར་བེེ་ཕུག་མཁའ་འགྲོ་ཡང་རྫོང་དུ་འོང་ནས། དེ་གའི་བླ་སེར་ཇོ་མོ་རྣམས་དང་། བྱིན་རླབས་ནང་འི་ཇོ་མོ་སོགས་ལ། གྲུབ་དབང་སྐྱབས་རྗེ་རྣམ་གཉིས་ཀྱི་གསུང་གི་རིག་འཛིན་འདུས་པ་དང་། ཁྲོས་མའི་སྒོ་ནས་ཚེས་བཅུ་ཉེར་ལྔའི་ཕྱག་བཞེས་དང་། འདོན་རྟ་སོགས་ཞིབ་རྒྱས་སུ་བསླབ་ནས། ཡར་མར་གྱི་དུས་མཆོད་ཀྱི་རྒྱུན་དང་། གཞན་ཡང་ཟབ་གཏེར་གཉིས་ཀྱི་སྒོའི་རྩ་ཁྲིད་སོགས་ཁྲིད་སྦྱངས་ཀྱི་སྐོར་དང་། ཕྲིས་བསྒྲུབ་སྒྲུབ་ཕྲན་གྱི་ཕྱག་བཞེས་སོགས་གང་དགོས་ཐམས་ཅད་ལེགས་པར་བསླབ་ནས་ཁོང་རྣམས་ཀྱི་ཐུགས་བཞེད་ལྟར་གྲུབ་བོ། །དེའི་སྐབས་གསང་བ་ཡང་རྫོང་གི་མཚོ་གནས་མཇལ་བའི་དུས་ལ་བབས་ནས། བླ་སྤྲུལ་རྣམས་ཀྱི་གཙོས་ལས་ལྡན་གྱི་སློབ་འབངས་རྣམས་དང་བཅས་མཚོ་ཁར་ཕྱིན་ཏོ། །དེར་ཐོན་ཚེ་གནས་ཡིག་ལྟར་མཚོ་ཆུ་རི་བྲག་ལ་སོགས་པར་རིགས་ལྔའི་ཕྱག་མཚན་དང་། བེེ་རོ་གཡུ་སྒྲ་སོགས་ཀྱི་ཕྱག་ཞབས་ཀྱི་རྗེས་དང་། བལ་མོ་བྱང་ཆུབ་ཆོས་སྒྲོན་གྱི་སྐུའི་རྗེས་དང་ཞབས་རྗེས། གུ་རུའི་ཐུགས་སུ་བྱོན་པའི་ཌཱཀྐི་ལྔའི་སྒྲུབ་ཕུག་སོགས་དང་། ཕྱི་ལ་རཱུ་ཏྲའི་རྫས་བརྒྱདཀྱི་མཚོན་དོན་སོགས་ཡོདཔས། དེར་འདུས་ཀྱི་སྐལ་ལྡན་རྣམས་ཀྱིས་མཐོང་ཆོས་སུ་མངོན་པ་ལ་ཐམས་ཅད་ངོ་མཚར་ཞིང་ཡི་རང་བརགྱུར་རོ། །དེ་གར་རང་ནས་གཏེར་ཁ་གསུམ་ཙམ་ཡོད་ཀྱང་། རྟེན་འབྲེལ་ཕྱིས་འབྱུང་དུ་འགྱུར་ནས། ཡོན་ཏན་རྒྱ་མཚོ་ནས་གཏེར་ཁ་ཕྲན་བུ་ཞིག་རྙེད་ནས། ཆོས་ཀྱི་བདག་པོ་རིག་པའི་རལ་གྲི་ལ་གཏད་དགོས་པའི་ལུང་བྱང་སྣང་བ་ལྟར་ཕྱིས་ནས་ཀྱང་དེ་ བྃ༔ ལྟར་གྱིས་རྟེན་འབྲེལ་འབྲིང་ཙམ་བྱུང་ངོ་། །དེ་ནས་ངེད་ཅག་འཁོར་ཚོགས་རྣམས་ཀྱིས་མཚོ་གནས་ཐམས་ཅད་ལ་ཞིབ་པར་མཇལ་ནས། དབྱར་ཐོག་དགའ་སྟོན་སོགས་ཀྱིས་ཀུན་ཡིད་ཚིམས་པར་བྱས་ཏེ། ལུགས་གཉིས་ཀྱི་རྟེན་འབྲེལ་ཕུན་སུམ་ཚོགས་པ་དུ་མའི་གསོས་སུ་གྱུར་ཅིང་། གྲུབ་དབང་སྐྱབས་རྗེ་ཡབ་སྲས་རྣམ་གཉིས་ཀྱི་གསུང་ཆོས་ཆ་ཚང་དང་། ཁྱད་པར་གླིང་དཀར་ཆོས་རྒྱལ་ཡབ་སྲས་བཙུན་མོ་རྣམ་གཉིས་དང་བཅས་པས་མཐུན་རྐྱེན་མཛད་ནས། ཚེས་བཅུ་ཉེར་ལྔའི་དཔེ་ཆ་ཁ་ཚང་རྣམས་དང་། མན་ངག་ཟབ་ཁྲིད་རྣམས་ཀྱི་ནང་ནས་ཁྲེགས་ཆོད་དང་ཐོད་རྒལ་གཉིས་ཀྱི་རྩ་འགྲེལ་རྣམས་སྤར་དུ་བཞེངས་པ་ལ་སོགས་པའི་བསྟན་གཞི་དར་རྒྱས་སུ་བྱུང་ངོ་། །དེ་ནས་རང་སློབ་དམ་པ་ཤེས་རབ་འོད་ཟེར་གྱི་གཙོས་སློབ་འབངས་བླ་སེར་ཇོ་མོ་རྣམས་ཀྱིས་རང་རང་གི་གདམས་ཁྲིད་ཀྱི་སྒྲོ་འདོགས་བཅད་ཅིང་། རང་ནས་གང་ཤེས་ཀྱིས་བསླབ་བྱ་སོགས་བྱས། ཁོང་རྣམས་ནས་ཅི་འབྱོར་གྱི་དངོས་རྫས་བྱིན་ཅིང་སྐྱེལ་ཐུང་མཛད་དོ། །ཤེས་རབ་འོད་ཟེར་དཔོན་གཡོག་ཆ་ཤས་ཀྱིས་སེར་དགོན་བར་དུ་སྐྱེལ་མ་མཛད་ནས་བདེ་བར་རང་གནས་ལ་ཐོན་ཏེ། ཐོག་མར་སྐྱབས་རྗེ་བསོད་སྤྲུལ་རིན་པོ་ཆེ་དང་མཇལ་འཕྲད་མཛད་ སྐབས། ཆོས་རྗེ་གཏེར་ཆེན་ཡབ་སྲས་ཀྱི་ཟབ་གཏེར་རྣམས་ཀྱིས་འགྲོ་དོན་བསྟན་པ་རྒྱས་པ་ལ་ཐུགས་ཤིན་ཏུ་དགྱེས་ནས་དབུགས་དབྱུང་བར་མཛད་ཅིང་། ད་དུང་ཁྱོད་ཀྱིས་གདུལ་བྱ་གཏེར་གཉིས་ཀྱི་བསྟན་པ་མཐའ་རྒྱས་སུ་བསྐྱང་དགོས་ཞེས་གསུང་ནན་དང་ཐུགས་བསྐྱེད་མཛད་དོ། །རང་ནས་ཀྱང་སྐྱབས་རྗེ་འདྲེན་སྟོན་བླ་མ་རྣམས་ཀྱི་ཐུགས་བཞེད་ལྟར། ཟླ་རྫ་སྤོ་གསུམ་ལ་སོགས་པའི་གནས་ཡུལ་དུ་མར་ལོ་ཤས་ཟླ་ཤས་ཙམ་རེ་ལ། ཡུལ་གྲུ་རང་རང་གི་གདུལ་བྱ་དང་མཚམས་པར། ཟབ་གཏེར་རྣམས་ཀྱི་འཆད་སྤེལ་སྒོམ་སྒྲུབ་སོགས་ཀྱི་བསྟན་གཞི་དར་རྒྱས་སུ་འཕེལ་ཤིང་། དེ་དག་རྣམས་ཀྱི་སྐབས་སུ་ལེགས་ཉེས་ཀྱི་འབྱུང་འགྱུར་དང་། ཆོས་བདག་གིས་ལུང་བྱང་སོགས་དུས་དུས་སུ་མ་དང་མཁའ་འགྲོའི་ཚོགས་ཀྱིས་གསང་བའི་བརྡ་རིས་སྤྲོད་པ་དང་། ཁྱད་པར་ཆོས་ཀྱི་བདག་པོ་སྐལ་ལྡན་ཆོས་བརྒྱུད་འཛིན་ཐུབ་ངེས་ཀྱི་སྐྱེས་བུ་རྗེ་འབངས་ཀྱི་སྤྲུལ་པ་རིམ་བཞིན་འབྱུང་ནས་སྐུ་རབས་བདུན་གྱི་བར་དུ་གཏེར་གཉིས་ཀྱི་བསྟན་པ་དར་རྒྱས་སུ་འབྱུང་ངོ་། །གཞན་ཡང་ཁྱད་པར་གྱི་གཏེར་གནས་གངས་ཏི་སེ། བསམ་ཡས་ཡེར་པ་ལ་སོགས་པ་གནས་ཆེན་བདུན། སྐུ་གསུང་ཐུགས་ཀྱི་གནས་གསུམ། རྫོང་གསུམ། བྲག་དཀར་རྣམ་ བྃ༔ གསུམ་གཡུ་བྲག་གཡུ་རྩེ། གཡུ་རི་གསུམ་དང་། རང་བྱུང་གི་མཆོད་རྟེན་གསུམ་ལ་སོགས་པ་ནས། བྱིན་རླབས་དག་སྣང་གི་གཏེར་དང་། རྒྱ་ཆེ་བ་ས་ཡི་གཏེར་དང་། ཡང་གཏེར་འཕྲུལ་ཡིག་གི་སྐོར་དང་། བཀའ་བབ་རྗེས་གཏེར་གྱི་སྐོར་དང་། སྙན་བརྒྱུད་ནམ་མཁའི་གཏེར་ལ་སོགས་པའི་ཆོས་ལ་དབང་ཞིང་། བརྒྱུད་འཛིན་ཆོས་ཀྱི་བདག་པོ་ཡང་། ཀ་བ་བཞི། བུ་ཆེན་བརྒྱད། གཙོ་བོ་ཉེར་ལྔ། གཞན་དོན་འབྱུང་ནུས་བརྒྱ་ཕྲག །སྦས་ཚུལ་འཛིན་པ་བཅུ་དྲུག །ངེས་མེད་འགྲིམ་པ་བཅུ་གསུམ། གོས་དཀར་ལྕང་ལོའི་སྡེ་ཚན་ལྔ། ལས་ཅན་སྐྱེས་བུ་སྟོང་ཕྲག་ལ་སོགས་པ་དང་། གཏེར་གྱི་གྲོགས་མཆོག་གཅིག གྲོགས་ལྔ། ཡ་བརྒྱད་དང་། རིགས་ཀྱི་སྲས་གསུམ། མཁའ་འགྲོ་གཉིས་ལ་སོགས་པ་འབྱུང་ནས། བསྟན་པ་དང་འགྲོ་བའི་དོན་རྒྱ་ཆེ་ལ་རྒྱུན་མི་ཆད་པར་འབྱུང་ངེས་ཞེས། རང་གཏེར་གྱི་ཁ་བྱང་དང་། ཡང་བྱང་། སྙིང་བྱང་སོགས་ལ་མཐོང་ཆོས་གསལ་བ་དང་། གཞན་ཡང་སྔོན་བྱོན་གྲུབ་པའི་རིག་འཛིན་རྣམས་དང་། ཁྱད་པར་རང་ལ་བཀའ་དྲིན་གསུམ་ལྡན་དུ་སྐྱོང་བའི་འདྲེན་སྟོན་ཐམས་ཅད་མཁྱེན་པ་གཏེར་ཆེན་ཆོས་ཀྱི་རྒྱལ་པོའི་ཞལ་ལུང་འཁྲུལ་བ་མེད་བཞིན། ད་དུང་ལེགས་བྱས་ཡོན་ཏན་འབྱུང་འགྱུར་རྣམས་རྟེན་བྱུང་དགེ་བའི་ཆེད་དུ་རྗེས་ནས་རིམ་བཞིན། ལས་ལྡན་བུ་སློབ་མཁྱེན་ཡངས་བློ་གྲོས་སྤྱན་མངའ་རྣམས་ཀྱིས་སྨྲས་པའི་རྟེན་འབྲེལ་དུས་སུ་སྨིན་པར་བྱེད་པའི་རྒྱུར་གྱུར་ཅིག །དེ་ལྟར་མི་ཆོས་བླ་མའི་རྫུན་ཚིག་འདི། །ཟུར་ཙམ་བརྗོད་པ་ཡིད་ངོར་མི་ཤར་ཡང་། །ཆོས་བདག་སྐྱེས་བུའི་ཆོས་དམ་དཔང་བཞག་ནས། །ཆོས་མེད་སྤྲང་མོའི་ཆོས་མཐུན་གསལ་ཉམས་རྣམས། །ཆོས་མིན་རང་ཆེའི་བློ་ངན་དྲུང་འབྱིན་ནས། །བྲི་བར་མི་བྱེད་རང་དབང་མ་མཆིས་ཀྱང་། །ལུས་དམན་བདག་གི་སྒོ་གསུམ་གང་ཐད་ནས། ཡོན་ཏན་ཏིལ་འབྲུ་ཙམ་ཞིག་མི་སྲིད་པའི། །ཡིག་དཔེ་འདི་ནི་པིར་གྱི་ཁ་བཞིན་སྡོམས། ཀུན་ཀྱང་ལེ་ལོའི་རྒྱུ་རུ་འགྲོ་ཉེ་བའི། །འདི་ཡང་གསང་ཞིང་གསང་བ་གནད་གཅིག་ཡིན། །འོན་ཀྱང་༵ འཁྲུལ་གཏམ་ཆལ་ཆོལ་སྨྲ་བ་མིན། །གདོད་མའི་མགོན་པོ་ཀུན་བཟང་རྡོར་འཆང་ནས། །གངས་ཅན་འགྲོ་བའི་སྐྱབས་གཅིག་གུ་རུའི་དྲུང་། །བསྐལ་པར་བྱང་ཆུབ་མཆོག་ཏུ་སེམས་བསྐྱེད་མཐུས། །ཚོགས་གཉིས་བསགས་པའི་འབྲས་བུ་ད་ལྟ་ཡང་། །རྣམ་འདྲེན་བཞི་པའི་བསྟན་པ་དར་བའི་གནས། །འཛམ་གླིང་བོད་དུ་དལ་འབྱོར་ལུས་རྟེན་ཐོབ། །ཆུང་ནས་མཁའ་འགྲོ་ བྃ༔ རྣམས་ཀྱིས་བུ་བཞིན་བསྐྱངས། །ཨོ་རྒྱན་ཆེན་པོའི་ཞལ་མཇལ་ལན་གསུམ་ཐོབ། །ལས་འཕྲོ་དག་པའི་ཟབ་མོ་གཏེར་ལ་དབང་། །ཀུན་མཁྱེན་ཆེན་པོས་དངོས་སུ་རྗེས་སུ་བཟུང་། །འཕགས་པའི་བདེན་མཐོང་འབྲེལ་ཚད་དོན་ལྡན་ཡང་། །ཐ་མལ་ཁྱིམ་པའི་ཚུལ་དུ་གནས་པ་ལ། །ལེགས་བྱས་ཡོན་ཏན་མི་མངོན་སྐྱོན་ཀུན་ལྡན། །དམན་པའི་ཚུལ་བཟུང་ཁྱིམ་དུ་གནས་ན་ཡང་། །པདྨའི་ཐུགས་བསྐྱེད་སྨོན་ལམ་དུས་སད་ནས། །རྡོ་རྗེའི་ལུང་དུ་ཆོས་ཀྱི་བདག་པོ་རུ། །བཀའ་བབ་མཁས་བཙུན་ནོར་བུ་དབང་རྒྱལ་གྱིས། །མོས་པའི་མཐུས་དྲངས་བླ་མའི་སྐུ་ཚབ་ཏུ། །ཕྱི་ནང་གསང་བའི་མཛད་ཕྲིན་བཀོད་པ་རྣམས། །སྦས་གསང་མེད་པར་རྗེས་འཇུག་མོས་རྟེན་དུ། །འབེབས་ཐུབ་བཀའ་དྲིན་མ་ཆུང་ཡང་ཡང་གིས། ། བསྐུལ་བ་ནན་ཏན་ཆེན་པོ་མཛད་པ་དང་། །ཁྱད་པར་རིན་ཆེན་ལུས་རྟེན་