Tibetan
གནས་ཤཱི་ལ་བཛྲ་དང་། རང་གི་བུ་མོ་ཆོས་དབྱིངས་སྒྲོན་མ་བཅས་བསུ་མ་གཉིས་དང་ལྷན་དུ་འཛི་རོང་གསང་ལུང་དགོན་དུ་སོང་ནས་དེ་ཀར་གནས་བཅས་ཡོད་སྐབས། ཡུལ་སྐྱོངས་ལྷ་རེག་གཉེན་རྩེ་ཡིན་ཟེར་བའི་མི་དཀར་རྟ་དཀར་ཅན་ཞིག་འོང་ནས་འདི་སྐད་ཟེར། ཁྱོད་ཀྱིས་ངེད་ཅག་ལ་གསོལ་མཆོད་གྱིས་དང་། ཅི་འདོདཕྲིན་ལས་བསྒྲུབ་འོང་ཟེར་ནས་ཐལ་ལོ། །བདག་གི་བསམ་པ་ལ་ང་རང་ཆུང་ལོ་ངོ་བཅུ་ནས་ བྃ༔ བཟུང་ད་བར་ལ་དཀོན་མཆོག་རྣམ་གསུམ་ལ་བློ་གཏད་ནས་གསོལ་འདེབས་བྱེད་པ་མ་གཏོགས། ཡུལ་སྐྱོངས་གཞི་བདག་སོགས་ལ་སྐྱབས་བཅོལ་བ་དང་མཆོད་གསོལ་བྱེད་པ་སོགས་མི་དར་བ་ལྟ་བུ་ཡིན་ཀྱང་། ད་ལན་ཁོ་རང་བདག་གི་གཏེར་སྲུང་ཡིན་པས། གནས་མགྲོན་གྱི་དམ་ཚིག་གི་རྟེན་དུ་སྙམ་ནས། ཁོ་རང་ལ་དམིགས་ནས་མཆོད་གསོལ་ཕྲན་བུ་ཞིག་བྱས་ཚེ། ཅི་དགོས་ཀྱི་མཐུན་རྐྱེན་ཐམས་ཅད་འགྲུབ་པར་བྱུང་ངོ་། །དེ་ནས་ལོ་ཁྱིམ་དེ་ཀའི་ཟླ་བ་དྲུག་པའི་ཡར་ཚེས་བཞིའི་ཉིན་ཆོས་ཀྱི་དབུ་བརྩམས། འདུས་སྡེ་དྲུག་ཅུ་ཡར་ལྷག་ཙམ་ལ། མ་བསྒོམས་སངས་རྒྱས་ཀྱི་ཁྲིད་དང་། རྫོགས་ཆེན་ཡང་ཏི་ནག་པོའི་ཁྲིད། ཀུན་མཁྱེན་གྱི་གསུང་ཡ་བཞིའི་ལུང་དང་། གཞན་ཡང་རང་གཏེར་དང་། གཏེར་ཁ་སྔ་ཕྱི་ཀུན་གྱི་དབང་ཁྲིད་ལུང་དང་བཅས་པ་ཞིབ་རྒྱས་སུ་སྤེལ་སྐབས། ཉིན་གཅིག་རང་རང་གི་བསམ་མནོ་ལ་ཚེ་ཆོས་མཐར་ཕྱིན་པའི་དགེ་འདུན་འདུས་སྡེ་འདི་ཙམ་ལ་ཆོས་འཆད་དབང་བསྐུར་སོགས་བྱས་ཀྱང་། རང་ལ་ནི་ཡོན་ཏན་སྤུ་རྩེ་ཙམ་ཡང་མི་འདུག་པས། ད་ནི་རང་གཅིག་པུར་མཚམས་དམ་རྒྱ་ཞིག་ལ་བསྡད་ན་དགའ་སྙམ་ནས་དེ་ཀར་ཐག་བཅད་ཡོད་སྐབས། དེ་ནུབ་རྨི་ལམ་ལ་བུད་མེད་རྒན་མོ་ ཞིག་གིས་ཞིང་ས་བཟང་པོ་ཞིག་ཡོད་པ་དེ་ལོག་དེ་ཀར་བཞག་ནས། ས་རྒོད་ཞིག་ལ་ནས་རྨོ་དགོས་ཟེར་ཞིང་དཀའ་བ་ཆེན་པོ་བྱེད་འདུག་པས། བདག་གིས་མོ་རང་ལ། ཁྱོད་ཀྱིས་ས་རྒོད་ལ་དཀའ་ཚེགས་ཆེན་པོ་ཅིའི་ཕྱིར་བྱེད། ཞིང་ས་བཟང་པོ་འདི་རྨོས་དང་། ལོ་ཏོག་ལོན་ངེས་པ་རེད་སྨྲས་པས། མོ་ན་རེ། ཁྱོད་ཀྱི་བསམ་རྒྱུའི་བྱ་བ་དང་། ངའི་བྱེད་རྒྱུའི་བྱ་བགཉིས་ཀ་འདྲ་འདུག་འང་ཟེར། ཡང་བདག་གིས་ང་རང་གིས་སོ་ནམ་བྱས་ཏེ་རྒྱུ་རྫས་གསོག་འཇོག་བྱེད་བསམ་གྱི་མེད། ཁྱོད་རྒས་ཀྱང་གོམས་མ་ཤེས་ནས་ས་རྒོད་བཏུལ་བྱེད་པ་དེ་ཀ་འཁྲུལ་པ་རེད་སྨྲས་ཚེ། ཡང་མོ་ན་རེ། ཧ་ཧང་འཁྲུལ་བ་མ་རེད། ཁྱོད་རང་འཁྲུལ་བ་རེད། ཁྱོདཕྱི་ནས་བལྟས་ན་གཅོད་མ་འདྲ། །ནང་ནས་བལྟས་ན་ཡ་མ་འདྲ། །ན་ཚ་གཟེར་ཟུག་རྒྱུན་ཆད་མེད། །དེ་འཁྲུལ་བ་རེད་དང་གྲོལ་བ་རེད། །ཡང་ཕྱི་ནས་བལྟས་ན་ཐ་མལ་གཟུགས། ནང་ནས་བལྟས་ན་ཆོས་ཉིད་མཐོང་། །སྤོབས་པ་ཆུང་ལུགས་ཉན་ཐོས་འདྲ། །དེ་འཁྲུལ་བ་རེད་དང་གྲོལ་བ་རེད། །ཡང་ཕྱི་ནས་བལྟས་ན་རྣལ་འབྱོར་མ། །ནང་ནས་བལྟས་ན་གཏེར་ལ་དབང་། །གྲོགས་མེད་གཅིག་པུར་བཙུན་མ་འདྲ། །དེ་འཁྲུལ་བ་རེད་དང་གྲོལ་བ་རེད། །ཡང་ཁྱོད་ཀྱི་ཡིད་ལ་ བྃ༔ བསམ་པ་ཡི། །ཡུན་རིང་འདུག་ཐབས་བྱ་བ་དེ། །ལས་དང་དུས་ཀྱིས་མ་བསྒྱུར་ན། །རིམ་གྱིས་ལྡན་ལ་ཅི་ཆ་ཡོད། །ཁོང་སྒྱུ་མའི་མཁན་པོ་ངམ་ནག་དེ། །ཡོས་བུའི་གདོང་གིས་བསུ་ཉེ་བའི། །དེ་ལ་རྟགས་དཔྱད་གཟབ་གལ་ཆེ། །ད་དུང་གཏེར་གཉིས་བསྟན་པའི་མཇུག །བ་དན་ཁྱོད་ཀྱི་ལག་ཏུ་ཡོད། །རྟེན་འབྲེལ་སབྟས་མ་བསྒྱུར་ན། །ནོར་བུ་རིན་ཆེན་ལྷོ་ནས་རྙེད། །བྱང་གི་དུག་རླངས་མུན་པས་གྲིབ། །མི་རིང་རང་གི་ཕྱོགས་ནས་བསུ། །དེ་ལ་སྟབས་གཟབ་མ་བྱས་ན། །གཡུ་འབྲུག་དུང་ར་ལྷོ་རུ་འཕེན། །འདི་ནས་མི་རིང་ཉེ་བའི་གནས། །རྡོ་རྗེ་ཕག་མོའི་བྱིན་རླབས་ཞིང་། ཀརྨ་མཁའ་འགྲོ་འདུ་བའི་གནས། །ཤར་ཕྱོགས་སྦས་ཡུལ་ཀ་མ་ཏྲར། །རང་གཏེར་མཁའ་འགྲོའི་གསང་མཛོད་ཡོད། །དུས་ལ་བབ་ཚེ་ལག་ཏུ་ལོན། །དེ་དུས་སྨོན་ལོག་རྐྱེན་བསྐུལ་ན། །ཡང་གཏེར་མི་མགོན་དཀར་པོར་བཅོལ། །དུས་ཀུན་འཁྲུལ་པའི་བློ་མ་མང་། །ཅི་བྱེད་འགྲོ་དོན་ཁོ་ནར་བརྩོན། །ཆོས་བརྒྱད་ཡུལ་ལ་མགོ་མ་འཁོར། །ཆོག་ཤེས་འཕགས་ནོར་སྙིང་ལ་མཆོངས། །གནས་ཡུལ་གཅིག་ལ་གཞི་མ་བཅའ། །གང་བདེར་བཤད་སྒྲུབ་བསྟན་གཞི་ཟུངས། །སེམས་དཔའ་དེ། 537 འབྲུག་གི་ལོ་ལ་འཕྲད་པར་ངེས། །མདོར་ན་ལས་དང་བྱ་བ་ཀུན། །མཁའ་འགྲོའི་བརྡ་བྱང་ཇི་བཞིན་དུ། །རིག་པས་དཔྱད་ཤེས་གནད་གལ་ཆེ། །ཟེར་བ་དང་མཉམ་དུ་མི་སྣང་བར་གྱུར་སོང་བས། བདག་གིས་འདི་ཅི་ཡིན་སྙམ་ཡོད་ཚེ། བསོད་སྤྲུལ་རིན་པོ་ཆེ་བྱོན་འོང་བས། ང་རང་དགའ་དྲག་ནས་ཁོང་ལ་ཕྱག་ཕུལ་ཏེ་སྐུ་ཁམས་བཟང་ཞུས་པས། ཁོང་གི་ཞལ་ནས། ང་རང་གཅིག་པུ་མི་ཚད། སྤྲུལ་གཅེས་དཔོན་གཡོག་བྱོན་ཡོད་གསུངས། བདག་ཤིན་ཏུ་དགའ་སྤྲོ་ཆེན་པོ་སྐྱེས་ནས་ཨོ་སྐྱིད་ཏ། ཡིད་བཞིན་ནོར་བུ་དཔོན་གཡོག་གང་ན་བཞུགས་ཡོད་ལགས། ང་རང་མྱུར་བར་འགྲོ་དགོས་ཞུས་ཚེ། སྤྲུལ་སྐུ་རིན་པོ་ཆེའི་ཞལ་ནས། ཕ་ཀི་ན་བཞུགས་ཡོད། འུ་ཅག་གཉིས་འགྲོ་གསུངས་ཏེ། དེ་ཀར་སོང་བའི་ཡུལ་ཡིད་དུ་འོང་བ་སྤང་ལྗོངས་མེ་ཏོག་གི་ཚལ་རབ་ཏུ་རྒྱས་པ། བྱ་རིགས་སྣ་ཚོགས་ཀྱིས་རྩེ་འཇོ་བྱེད་པ། དྲི་བཟང་གི་ངད་འཐུལ་ཞིང་བར་སྣང་ཐམས་ཅད་འཇའ་སྤྲིན་འཁྲིགས་པ། དེའི་དབུས་སུ་འཇའ་ཡི་གུར་ཁང་གི་ནང་དུ་དཔའ་བོ་མཁའ་འགྲོའི་དབུས་ན། སྐྱབས་རྗེ་ཐམས་ཅད་མཁྱེན་པ་ཡིད་བཞིན་ནོར་བུ་དེ་ཉིད་ཐུགས་བརྩེ་བའི་ཉམས་ལྡན་གྱིས་བདག་ལ་འདི་སྐད་གསོལ། ཡ་གཅེས་ཕྲུག་འོ་མ་བརྒྱལ་ལམ། ཁྱོད་ བྃ༔ ཀྱིས་བསྟན་པ་དར་བ་ཤིན་ཏུ་དགེ །འོན་ཀྱང་ད་ལན་ངེད་ཅག་གིས་ཁྱོད་ཀྱི་རིམ་གྲོ་ལ་རྡོ་རྗེ་ཕུར་པའི་དཀྱིལ་འཁོར་ཞལ་ཕྱེས་ནས་སྲི་མནན་ཞིག་བྱེད་ཀྱིན་ཡོད་པས། ཁྱོད་འདི་ཀར་བྱོན་པ་བཟང་གསུངས། བདག་གི་བསམ་པ་ལ་རྗེ་དེ་ཉིད་སྔར་ལྟར་སྐུ་བཞུགས་ཡོད་སྣང་འཆར་ནས་འདི་སྐད་ཞུས། ལགས་ཁྱོད་ཀྱི་སྐུ་འཚམས་ན། ང་རང་ཤི་མི་འགྲོ་ངེས་པ་ཡིན་ཞུས་ཚེ། ཡང་རྗེའི་ཞལ་ནས། ང་སྐྱེ་འཆི་མེད་པའི་རིག་སྐུ་བརྙེས་ཤིང་འཆི་བ་ལ་མི་ལྟོས། ཁྱོད་ད་དུང་གནས་དུས་རྟེན་འབྲེལ་རེས་མ་བསྒྱུར་ན། སྐུ་ཚེ་རྐྱེན་དབང་ལ་གཏོང་མི་ཉན། ད་ལན་ཡང་ཡོས་ཟླའི་ཚེས་བཅུའི་ཉིན་མཁའ་འགྲོས་བསུ་བ་ཞིག་འདུག་པས། དེ་བཟློག་ཐབས་ལ་རིམ་གྲོ་བྱེད་པ་ཡིན་གསུངས། ཡང་བདག་གིས་ང་རང་གི་གཏེར་ལུང་ཐམས་ཅད་དུ་ཡོས་བུའི་ལོར་ངེས་མེད་དགོས་ཟེར་སྣང་ལགས། ཡོས་ཟླའི་ནང་ལ་མཁའ་འགྲོས་བསུ་བ་འབྱུང་ནི་མ་གོ་ཡང་། ཁྱོད་ཀྱིས་མཁྱེན་བཞིན་དེ་དོན་ཅི་ལགས་ཉིད་ཀྱིས་གསུང་དུ་གསོལ་ཞུས་ཚེ། ཡང་རྗེའི་ཞལ་ནས། གཅེས་ཕྲུག་ཁྱོད་སྔར་གཏེར་སྟོན་མ་པདྨ་མཚོ་སྐྱིད་ནས་བཟུང་ད་བར་ལ་གནས་དུས་ཀྱི་དབང་གིས་དགུང་གྲངས་སུམ་ཅུ་རྩ་དྲུག་ལས་མཐར་མ་ཕྱིན་པ་ཡིན་པས། དེའི་རྐྱེན་ གྱིས་ད་ལན་ཡང་སྐུ་ཚེ་ལ་བར་ཆད་འོང་ཉེ་བ་ཡིན་ཀྱང་། འུ་ཅག་གཉིས་དམ་ཚིག་སྨོན་ལམ་མཐུ་ཆེ་བས་སྐབས་འདིར་བར་ཆད་བདག་གིས་སེལ་བ་ཡིན་ཀྱང་། ད་ཕན་ཆད་བུ་སློབ་ཆོས་བདག་རྣམས་ལ་རག་ལས་པས། མཛད་ཕྲིན་རྐྱེན་དབང་དུ་མི་འགྲོ་བར་གཟབ་དགོས། སྙིགས་དུས་འདིར་འཁོར་སློབ་སྐྱོང་ཐབས་དཀའ་མོ་རེད། དམ་ཉམས་དེ་སུ་ཡིན་མི་ཤེས་པས། ཡུལ་གང་བདེར་ངེས་མེད་རེ་མཛད་ན་མཛད་ཕྲིན་མཐའ་རྒྱས་རེ་འོང་ཐང་གསུངས། ཡང་བསོད་སྤྲུལ་ཞལ་ནས། སྤྲུལ་གཅེས་མཁའ་འགྲོ་སང་ལ་ད་ལན་ཚེས་བཅུའི་ཉིན་མཁའ་འགྲོས་བསུ་བ་ཡོད་དོན་ཅི་ལགས་ཞུས་ཚེ། རྗེའི་ཞལ་ནས། པདྨ་མཚོ་སྐྱིད་སོ་དྲུག་ལོའི་ཡོས་ཟླའི་ཚེས་བཅུའི་ཉིན་སྐུ་ལུས་མ་སྤང་བར་མཁའ་སྤྱོད་ལ་གཤེགས་པ་ཡིན་པས། དེའི་རྟེན་འབྲེལ་གྱིས་ད་རེས་དང་སྐུ་རབས་ལྔར་སྒྱུ་ལུས་དབྱིངས་སུ་གཤེགས་པ་ཡིན་པར་སྣང་གསུངས་མ་ཐག །རྐྱེན་ཞིག་གིས་གློ་བུར་དུ་ཉམས་ལས་སད་ཚེ། སྔར་ཡིད་བཞིན་ནོར་བུས་གསུངས་པ་རྣམས་སེམས་ལ་ཤར་ཚེ་ཡིད་སྐྱོ་ནས་འོ་དོད་ཀྱིས་གསོལ་བ་འདི་ལྟར་བཏབ་པ། དུས་གསུམ་སངས་རྒྱས་ལས་ལྷག་བཀའ་དྲིན་ཅན། །འཁོར་ལོའི་མགོན་པོ་པདྨ་ལས་འབྲེལ་རྩལ། །ཐུགས་རྗེ་ཞི་བའི་དབྱིངས་ལས་ བྃ༔ མ་གཡོས་ཀྱང་། །དུས་ཀུན་ཁོ་མོ་བདག་ལ་བརྩེ་བས་བསྐྱངས། །མགོན་པོ་ཐུགས་རྗེ་ཅན་ཉིད་ཁྱོད་ལྟ་བུ། །ཁོ་མོ་བདག་གིས་སྔར་ཡང་མ་རྙེད་པའི། །ཕྱིས་ནས་ཁྱོད་འདྲ་རྙེད་པར་མི་འགྱུར་ཡང་། །པད་འབྱུང་ཡབ་ཡུམ་ཐུགས་བསྐྱེད་སྨོན་ལམ་དང་། །ཐབས་ཤེས་རྟེན་འབྲེལ་ཟབ་མོའི་མཐུ་བྱིན་གྱིས། །བདག་གིས་འདི་ནས་ཚེ་རབས་ཐམས་ཅད་དུ། །ཡིད་བཞིན་ནོར་བུ་ཁྱོད་དང་མི་འབྲལ་ཞིང་། །ཐབས་ཤེས་སྤྱོད་པ་རྒྱ་མཚོ་མཐར་ཕྱིན་ནས། །ཕྲིན་ལས་བཟང་པོས་ས་གསུམ་ཁྱབ་པར་ཤོག །ཅེས་གསོལ་བའི་སྐབས་རང་མདུན་འོད་ཐིག་གི་ཀློང་ནས་རྗེ་དེ་ཉིད་ཧེ་རུ་ཀའི་སྐུར་བཞེངས་ནས་འདི་སྐད་གསུངས། ཡ་ཡ། ཤར་རྟ་བདུན་ལྷོ་རིའི་རྒྱན་དུ་ཤར། །ནུབ་སྲིན་བྱའི་བརྫུ་བག་ངོམས་ལ་ལྟོས། །བྱང་མུན་པའི་ཁྲོད་དུ་དབྱར་རྔགྲགས། །དུས་རེ་ཞིག་ཡུལ་དེར་བདེ་སྐྱིད་འཆར། །སྨན་ཤེས་མེད་གཅིག་གིས་རྐྱེན་བསྐུལ་ནས། །སློབ་འབངས་འགའ་དམ་ཚིག་གཡའ་ཡིས་བསྒྲིབས། །ཁོང་ནུས་ལྡན་ལས་ལ་མ་བསྐུལ་ན། །རྐྱེན་མི་འདོད་སྣ་ཚོགས་འབྱུང་ཡང་སྲིད། །ལྷོ་གསེར་གྱི་བ་དན་ལས་ཀྱིས་བསྒྱུར། །ལྟོ་འགྲོས་ཀྱིས་ཐབས་མཁས་མ་གཞན་ན། །ངའི་ཐུགས་རྗེ་འོད་ཟེར་དབྱིངས་ནས་ ཤར། །ལྷ་རྨ་རུ་རྩེ་ཡི་ཉེ་ཆར་ན། །བྲག་གླང་ཆེན་གཙུག་འདྲ་གྱེན་དུ་འཕྱོ། །ཆོས་ཐེམ་ཡིག་མེད་པའི་གསང་སྐོར་ནི། །ལྭ་བསྭེ་དུང་སྒྲོམ་དུ་རྒྱ་ཡིས་བཏབ། །དུས་རྟེན་འབྲེལ་འཆུག་མེད་ཐོན་གྱུར་ན། །ས་འཛིན་གྱི་དུས་སུ་ལོན་པར་ངེས། །ཆོས་འཛིན་གྱི་སྐྱེས་བུ་ཏིཥྛའི་མིང་། །དཔལ་དེ་ལ་ཡི་དམ་སྒྲུབ་སྐོར་གཏོད། །དོན་གཉིས་ཀྱི་འགྲོ་དོན་འོང་བར་ངེས། །ལྷ་འཇམ་དཔལ་བྱིན་ཐོབ་འགྲོ་འདུལ་མིང་། །དཔལ་དེ་ལ་མཁའ་འགྲོའི་མན་ངག་གཏོད། །གང་འབྲེལ་ཀུན་དཔལ་རིར་འདྲེན་པར་འགྱུར། །མཚོ་རྒྱལ་གྱིས་བྱིན་རླབས་ཨ་ཙར་སྤྲུལ། །ལྷོ་རྒྱུད་ནས་བཛྲ་མིང་ཅན་འབྱུང་། །དཔལ་དེ་ལ་གསང་བ་ཡ་བཞི་གཏོད། །ཁྱིའི་ལོ་ལ་རང་སྐལ་ནོར་དང་འཕྲད། །རྐྱེན་འདི་རུ་ཁྱོད་ཀྱི་གཏེར་ཞབས་སྡོམས། །རྨ་རིན་ཆེན་སྤྲུལ་པ་རྒྱལ་གྱི་ག མིང་། །དཔལ་དེ་ལ་བླ་མའི་སྒྲུབ་སྐོར་གཏོད། །ཡུལ་གསུམ་ལ་ཆོས་ཀྱི་བསྟན་གཞི་ཚུགས། །ཆོས་དབང་གི་སྤྲུལ་པ་ལྷོ་ནས་འབྱུང་། །དཔལ་དེ་ལ་མཁའ་འགྲོའི་ཐུགས་ཏིག་གཏོད། །གཏེར་གཉིས་ཀྱི་བར་ཆད་དེ་ཡིས་སེལ། །འབྲོག་མི་ཡི་སྤྲུལ་པ་ཉག་ནས་འབྱུང་། །དཔལ་དེ་ལ་ཕག་མོའི་སྒྲུབ་སྐོར་གཏོད། དབྱིངས་ཡེ་ཤེསསྤྲུལ་པ་ཤར་ནས་འབྱུང་། 一 བྃ༔ དཔལ་དེ་ལ་མཚོ་རྒྱལ་ཟབ་སྒྲུབ་གཏོད། །ལྷ་སྲས་ཀྱི་སྤྲུལ་པ་རིག་འཛིན་མིང་། །དཔལ་དེ་ལ་ཟབ་ཆོས་ཡོངས་རྫོགས་གཏོད། །དེས་བསྟན་པ་ཤར་དང་ལྷོ་ནས་དར། །ད་དེ་ལྟར་ཆོས་བདག་བུ་ཆེན་བརྒྱད། །ལས་སྨོན་ལམ་དུས་སུ་སད་པའི་ཚེ། །རང་སྐལ་གྱི་ཟབ་ཆོས་ཉམས་ལེན་བྱེད། །སྐལ་མེད་ཀྱི་མིག་ལ་གཟན་ན་ཡང་། །མ་མཁའ་འགྲོའི་བརྡ་ལ་བསླུ་བ་མེད། །སབྟ་ཡི་རྐྱེན་གྱིས་མ་བསྒྱུར་ན། །བསྟན་འགྲོ་བའི་དོན་ཆེན་རིམ་གྱིས་འགྲུབ། །བརྡ་གོ་འམ་རིགས་ལྡན་བརྩེ་བའི་གྲོགས། །དུས་རྒྱུན་དུ་ང་ལ་གསོལ་བཐོབ། འབྱུང་འགྱུར་གྱི་བསླབ་བྱ་དུས་སུ་སྨྲ། །ཞེས་གསུངས་ནས་འོད་ཐིག་གི་རྣམ་པར་མི་སྣང་བར་གྱུར་ཏོ། །དེ་ནས་ཡང་རིམ་གྱིས་ཁྲིད་རྐང་རྣམས་རྫོགས་ནས། སྙིང་ཐིག་ཡ་བཞིའི་ལུང་འདོན་སྐབས་སྔར་རྨི་ལམ་དུ་རྒན་མོས་ལུང་བསྟན་ལྟ་བུ་བཤད་པ་བཞིན། ཡུལ་དེ་ཀའི་ཉེ་ཕྱོགས་རྨི་རོ་ཟེར་བའི་གནས་ཞིག་འདུག་པ་དེ་བདག་གི་གཏེར་གནས་ཡིན་པར་སྣང་ནས་གཏེར་སྲུང་ལ་ཕྲིན་བཅོལ་བས། མཁའ་འགྲོ་པདྨ་མཚོ་སྐྱིད་ཀྱི་ཟབ་གཏེར་མཁའ་འགྲོ་གསང་བ་ཀུན་འདུས་ཀྱི་ཟབ་ཤོག་རྡོ་སྒྲོམ་ཆེ་བ་གཅིག་འདུག་པ་དེ་དངོས་སུ་སྤྲད་བྱུང་བ་ཡང་གཏེར་དུ་སྦས། དེའི་སྐབས་ ལུང་བསྟན་ཕྲན་བུ་རེ་སྣང་བ་གཏེར་གཞུང་དུ་གསལ། དེ་ནས་དབང་ཁྲིད་ལུང་དང་བཅས་པ་མཐར་ཕྱིན་ནས། ཟླ་བ་བདུན་པའི་ཚེས་བཅུའི་ཉིན་རྩ་གསུམ་དཀྱིལ་འཁོར་ཞལ་ཕྱེས་ཏེ། གཏང་རག་གི་ཚོགས་མཆོད་བྱེད་སྐབས། ང་རང་གི་སྣང་བ་གནས་འགྱུར་ཏེ་ཡུལ་ཡངས་པ་ཆེན་པོ་ཞིག་ཏུ་ཐོན་བྱུང་བས། བདག་གིས་ཡུལ་འདི་ཅི་ཡིན་སྙམ་ཡོད་ཚེ། རྡོ་རྗེ་གཡུ་སྒྲོན་མ་ཡིན་སྐད་པའི་མི་མོ་གཡུའི་ལན་ཚར་ཅན་གོས་དར་སྔོན་པོའི་ལྭ་བ་གོན་པ་རིན་པོ་ཆེ་སྣ་ཚོགས་ཀྱི་རྒྱན་ཆས་སྤྲས་པ་མཛེས་ཤིང་ཡིད་དུ་འོང་བ་ཞིག་ཐོནབྱུང་བས་འདི་སྐད་ཟེར། ཁྱོད་ཀྱི་ཡུལ་འདི་མི་ཤེས་སམ་ཟེར། བདག་གིས་མི་ཤེས་ད་སྔ་ཐོན་མ་མྱོང་སྨྲས་པས། ཌཱཀྐིའི་ཞལ་ནས། ཡུལ་འདི་ནི་དཔལ་རིའི་གསང་ལམ་མཁའ་སྤྱོད་ཀྱི་གནས་པདྨ་མཁའ་འགྲོའི་འདུ་གླིང་རེད། འུ་ཅག་གཉིས་མཇལ་དུ་ཨེ་འགྲོ་གསུངས། བདག་གིས་ཁྱོད་དང་ལྷན་ཡིན་ན་འགྲོ་དང་ཆོག་གི །དེ་མིན་ང་རང་གདོས་བཅས་ཡིན་པས་ཐོན་ཐབས་དཀའ་བརསྣང་གི་སྨྲས་ཚེ། ཌཱཀྐི་ན་རེ། རིགས་ལྡན་མ་ཁྱོད་ཀྱི་ལུས་སྣང་གི་ཞེན་པ་མ་བོར་བ་རེད་མ་གཏོགས། ཁྱོད་གདོད་བཅས་སུ་ཡེ་ནས་གྲུབ་པ་མེད་དེ། ལུས་གདན་གསུམ་ཚང་བའི་ཕོ་བྲང་། ཡོངས་གྲུབ་སྐུ་གསུམ་གྱི་དཀྱིལ་འཁོར་ཆེན་ བྃ༔ པོ་ཡིན་པས་ལོག་པར་མ་འཛིན་ཅིག །ཆོས་དབྱིངས་ལས་གཡོ་བ་མེད་ཅིང་སྐུ་གསུམ་གྱི་རོལ་པ་ལས་མ་འདས་སོ། །ཅིའི་ཕྱིར་ཞེ་ན་སྣང་རྟོག་གཟུགས་སུ་སྣང་བ་སྐུ་ཡི་དབྱིངས་དང་། རླུང་གདངས་ལྷུན་འགྲུབ་ཏུ་སྣང་བ་གསུང་གི་དབྱིངས་དང་། ངོ་བོ་རྣམ་པར་མི་རྟོག་པ་ཐུགས་རྗེའི་དབྱིངས་དང་། སྐུ་དང་ཡེ་ཤེས་ལ་སོགས་ཡོན་ཏན་གྱི་དབྱིངས་དང་། ལས་བཞི་ལྷུན་གྱིས་གྲུབ་པ་ཕྲིན་ལས་ཀྱི་དབྱིངས་ཏེ། ཐམས་ཅད་དབྱིངས་ཀྱི་སྤྲུལ་པ་དང་། དབྱིངས་ཀྱི་རྒྱན། དབྱིངས་ཀྱི་རོལ་པ། དབྱིངས་ཀྱི་རྩལ། དབྱིངས་ཀྱི་སྒྱུ་འཕྲུལ་ལས་མ་བྱུང་བ་གཅིག་ཀྱང་མེད་པ་ཡིན་པས་ཤེས་པར་གྱིས་ཤིག་ཟེར། དེ་ནས་ཁོ་རང་དང་མཉམ་དུ་ཞིང་ཁམས་དེར་སོང་བས། ཞིང་གི་དབྱིབས་ཟླ་གམ་ལྟ་བུར། ས་གཞི་པདྨ་རཱ་ག་ལས་གྲུབ་པ། དེའི་སྟེང་དུ་རིན་པོ་ཆེ་སྣ་ཚོགས་ཁོད་སྙོམས་སུ་བརྡལ་བ། མེ་ཏོག་དང་ལྗོན་པ་ལོ་འབྲས་སྣ་ཚོགས་སྨིན་ཞིང་། ཡན་ལག་བརྒྱད་དང་ལྡན་པའི་རྫིང་བུ་དམར་གསལ་འཁྱིལ་བ། སྨན་གྱི་སྤང་རི་ལ་སྤོས་ཀྱི་དྲི་བཟང་འཐུལ་ཞིང་། འཇའ་དང་འོད་ཀྱི་དྲྭ་བས་སྦྲེལ་བ། བྱ་དང་རི་དྭགས་ལ་སོགས་པས་རྩེ་འཇོ་བྱེད་ཅིང་གུ་རུ་ཧ་རི་ནི་ས་སྙན་དབྱངས་སུ་འུར་བ་དང་། སྤང་ལྗོངས་ལ་འཁོར་ ཞིང་ལྗོན་ཤིང་ལ་འབབ་པ། འཇའ་སྤྲིན་གྱི་དྲྭ་བའི་ཀློང་དུ་ཕྱོགས་མཚམས་ཐམས་ཅད་ན་མཆོད་པའི་ལྷ་མོ་མང་པོས་ཕྱག་ན་མཆོད་རྫས་དུ་མ་ཐོགས་ནས། གཞལ་ཡས་ཀྱི་ཕྱོགས་སུ་ཞལ་འགྱུས་ནས་ལྷ་ཚོགས་རྣམས་ལ་མཆོད་པ་གླུ་བྲོ་གར་དང་རོལ་མོ་དབྱངས་སྙན་གྱིས་བསྟོད་བསྔགས་བརྗོད་པ། དེ་དག་གི་དབུས་སུ་རིན་པོ་ཆེའི་ཕོ་བྲང་ཚད་དང་མཚན་ཉིད་རྫོགས་པའི་ཀློང་དུ། ཆོས་འབྱུང་དམར་པོ་ཉི་བརྩེགས་ཀྱི་སྟེང་དུ་པདྨ་དང་ཉི་མ་བྃ་གྱི་གདན་ལ། རྣམ་ཀུན་མཆོག་ལྡན་བདེ་ཆེན་རྡོ་རྗེ་བཙུན་མོ་རྣལ་འབྱོར་མ་དམར་མོ་ཞལ་གཅིག་ཕྱག་གཉིས་པ་གཡས་གྲི་གུག་ནམ་མཁའ་ལ་ཕྱར་བ། གཡོན་ཐོད་ཁྲག་ཐུགས་ཀར་འཛིན་ཅིང་སྤྱན་གསུམ་དབྱིངས་སུ་གཟིགས་པ། ཞི་མ་ཁྲོ་འཛུམ་གྱི་ཉམས་དང་ལྡན་ཅིང་། དབུ་སྐྲ་དམར་སེར་གྱེན་དུ་བརྫེས་ཤིང་ཐོད་སྐམ་ལྔའི་རྩེ་ཕྲན་མཛེས་པ། ཞབས་གཉིས་གར་སྟབས་སུ་རོལ་ཞིང་སྐུ་ལ་དར་དང་རུས་པའི་རྒྱན་དྲུག་རིན་ཆེན་སྣ་ཚོགས་ཀྱིས་སྤྲས་པ། ཡེ་ཤེས་ཀྱི་འོད་ཟེར་འཁྲིགས་པའི་ཀློང་དུ་བཞུགས་ཤིང་། འཁོར་དུ་རིགས་བཞིའི་མཁའ་འགྲོ་མ་དང་ཕྱོགས་བཅུའི་དཔའ་བོ་དང་རྣལ་འབྱོར་ཚོགས་ཀྱིས་བསྐོར་ནས་བཞུགས་པར་སྣང་བའི་མོད་ལ། བདག་གིས་ཡིད་རབ་ཏུ་དགའ་སྟེ་ཕྱག་བཅས་གསོལ་བ་གདབ་ བྃ༔ ལ། ཨེ་མ་ཧོ། རང་སྣང་དག་པ་འོག་མིན་མཁའ་སྤྱོད་ཞིང་། །རང་བྱུང་ལྷུན་གྲུབ་རིན་ཆེན་ཕོ་བྲང་དབུས། །རང་རིག་དོན་གྱི་ལྷ་མཆོག་རྣལ་འབྱོར་མ། །རང་རྩལ་དག་པའི་འཁོར་བཅས་ལྷམ་མེར་བཞུགས། །རིག་སྟོང་འདུ་འབྲལ་མེད་པས་ཕྱག་འཚལ་ལོ། །རིག་སྐུ་མངོན་གྱུར་གདོད་མའི་ནང་དབྱིངས་སུ། །རིགས་གཅིག་ལྷག་པའི་ལྷ་དང་གཉིས་མེད་པ། །རིག་འཛིན་བཞི་ཡི་གོ་འཕང་མྱུར་ཐོབ་ཤོག །ཅེས་གསོལ་བ་བཏབ་པ་དང་མཉམ་དུ། ངེད་ཅག་རྣམས་ཀྱི་ཚོགས་ཀྱི་དྲང་བའི་མགོར་ཐོན་སོང་བའི་རྐྱེན་གྱིས་སྣང་ཉམས་མཇུག་བསྡུ་མ་སྐབས་ནས་བཏང་སྙོམས་སུ་ལུས། དེ་ནས་དེར་འདུས་ཐམས་ཅད་ཀྱིས་ཚོགས་ཀྱི་དགའ་སྟོན་ལ་རོལ་ནས་ཆོག་དམན་ཀུན་ཆོས་ཁྲིད་ཀྱིས་བློ་ཡིད་ཚིམས་པར་བྱས་ཏེ། ཕྱིས་ནས་ཀྱང་སྒྲུབ་གྲྭ་སོགས་བཤད་སྒྲུབ་ཀྱི་བསྟན་གཞི་མཐའ་རྒྱས་སུ་འབྱུང་བའི་རྟེན་འབྲེལ་རྗེས་མཐུད་དུ་བཞག །གསང་ལུང་དབོན་པོའི་སྲས་སྤྲུལ་སྐུ་འཇིགས་ལི་དང་། འདུལ་བ་འཛིན་པ་མཁྱེན་ཡངས་བློ་གྲོས་སྤྱན་མངའ་བླ་མ་ལྷུན་པོ་གཉིས་ཀྱིས་དབུས་བླ་སེར་ལྔ་བཅུ་ཙམ་གྱིས་ལྷག་བསམ་དག་པས་བླ་མའི་ཞབས་ཞུ་ཡིན་གསུངས་ནས། ང་རང་གི་དོན་དུ་སྐུ་རིམ་ཅི་དགོས་ཐམས་ཅད་ཚད་ ལྡན་དུ་འཚོགས། དེ་སྐབས་མཁའ་འགྲོའི་ལུང་བསྟན་འོང་བ་གཏེར་གཞུང་དུ་གསལ། དེ་ནས་ཟླ་བ་བརྒྱད་པའི་ཡར་ཚེས་ལ་བཀྲ་སྐོར་དགོན་དང་། གཡག་ཚོ། ཀྱལ། རྫོང་མདའ་སོགས་ལ་བླ་སེར་མི་སྐྱ་ཕོ་མོ་རྣམས་རྒན་རྒོན་ཡན་ཆད་ལ་རང་རང་དང་འཚམས་པའི་དབང་འབྲེལ་ཆོས་འབྲེལ་སོགས་ཀྱིས་ཀུན་ཡིད་ཚིམས་པར་བྱས་ཏེ། མ་ཎི་དུང་བདུན་གྱིས་གཙོས་བསྒོམ་སྒྲུབ་ཚེ་ཐར་བསྙུང་གནས་སོགས་ཁས་ལེན་ཡང་གྲངས་ལས་འདས་པ་གྲུབ། གཞན་ཡང་རང་ལ་དད་འདུན་ཡོད་པའི་ཇོ་ནང་དང་། དཔལ་ཡུལ་པ་དང་། བཀའ་བརྒྱུད་པ་སོགས་ཀྱི་བླ་སེར་རྣམས་ལ་རང་ལུགས་ཀྱི་ཆོས་འབྲེལ་སོགས་བྱས་ཚེ། ཐམས་ཅད་ཀྱིས་ཕྱོགས་རིས་མེད་པར་གདམས་ཟབ་ཀྱི་གསོས་སུ་སྨན་ནོ། །དེ་སྐབས་ཟབ་གཏེར་ཕྲན་བུ་རེའི་བརྡ་བྱང་འབྱོར་ཡང་། གྲོགས་དང་མ་ལྡན་ནས་བཏང་སྙོམས་སུ་ལུས་པས། རང་ཡང་འབྱུང་འདུས་ལ་ཉེར་འཚེ་ཅུང་ཟད་རེབྱུང་བས། གནས་བདག་གིས་བསྐུལ་ནས་བསྭེ་ཤུག་པའི་གནས་ཟེར་བ་དེ་ཀར་ཉེ་གནས་ཚུལ་རྡོར་དང་། ཚོགས་རྒྱམ། རང་གི་རིགས་སྐྱེས་ནི་གུ་ཆོས་དབྱིངས་སྒྲོན་མ་བཅས་གསང་ཐབས་ཀྱིས་གནས་དེ་ཀར་སོང་ནས། ཡང་གསང་མཁའ་འགྲོའི་ཐུགས་བཅུད་ཀྱི་ཟབ་ཤོག་ བྃ༔ གདན་དྲངས། དེ་ནུབ་རྨི་ལམ་ལ་དགེ་སྦྱོང་ཆེ་ཆུང་གཉིས་ཨ་ལྕེའི་ཚུལ་དུ་ཉི་མ་ནུབ་ནས་བདག་གི་སར་ཐོན་བྱུང་བས། ཁོང་གཉིས་ན་རེ། ཁྱོད་སྐུ་ཁམས་