Tibetan
རབ་ཅན། །མཆན་གཡོན་ན་སྨེ་ནག་གྲུ་གསུམ་ཡོད། །སྔ་འགྱུར་གྱི་བསྟན་ལ་གནོད་པ་འབྱུང་། དཔལ་མཚོ་སྐྱེས་རྡོ་རྗེའི་རྣམ་རོལ་གར། །ཁོང་སྔགས་བཙུན་ངག་གི་མིང་ཅན་དེས། །སྟེང་དབྱར་རྔའི་སྒྲ་ཡིས་མ་འདུལ་ན། །བདུད་སྡེ་ཡི་དབུ་འཕང་སྨད་ནས་དར། །མ་རྗེ་མོའི་ཐུགས་ བྃ༔ ཀྱིས་མ་བཟོད་ནས། །སྟོད་རལ་གྲིའི་འཕྲུལ་འཁོར་སྙིང་ལ་འདེབས། །ཡུལ་མདོ་གསུམ་ཁྲག་གི་མཚོ་མོ་འཁྱིལ། །མི་ཕལ་ཆེར་ཡུལ་འདྲེས་སྟོང་ཟླར་བྱེད། །ལྷ་མཆོག་གསུམ་བདེན་པ་རྫུན་དུ་གྱེར། །ཕྱི་ཆ་ལུགས་འདུལ་བའི་ཚུལ་འཛིན་གྱིས། །ཡུལ་ངན་པའི་ཁྲོད་དུ་བྱ་བཞིན་འཁོར། །ལས་མི་དགེ་སྣ་ཚོགས་བློ་འཕྲུལ་ལྡན། །གཉིས་ཕུང་གི་བྱ་བ་རང་གིས་བསྒྲུབ། །དུས་ངན་པའི་སྤྱོད་པ་མ་ངེས་དར། །ཕུ་ལང་ལང་རྫས་ཀྱི་ལོངས་སྤྱོད་བྱེད། །དེའི་རྐྱེན་གྱིས་མགོན་སྐྱབས་ལྷ་སྲུང་མནོལ། །ལས་བྱ་བ་མི་འདོད་སྣ་ཚོགས་འོང་། དཔལ་ལོངས་སྤྱོད་པྲེ་ཏའི་གནས་ལ་འགྲན། །ལས་འབྲས་བུ་ན་རཀ་ཀ་ལ་སྤྱོད། །ད་དེ་སོགས་དུས་ངན་རྟགས་ངོམས་ཚེ། །མགོན་པད་འབྱུང་མ་གཏོགས་སུས་མི་སྐྱོབ། །ཡུལ་གྲུ་རེ་ལ་གཏེར་ཆེན་རེ། །ཁྱིམ་བདག་རེ་ལ་མཆོད་གནས་རེ། །གནས་ཆེན་རེ་ལ་གྲུབ་ཐོབ་རེ། །ལུང་པ་རེ་ལ་དགེ་སློང་རེ། །གཏེར་གནས་རེ་ལ་གཏེར་སྟོན་རེ། །ཡུལ་དེར་འདྲེ་འདུལ་སྔགས་པ་རེ། །དགོན་སྡེ་རེ་ལ་མཁས་གྲུབ་རེ། །ནད་ལ་སྨན་པའི་ཚུལ་དང་ནི། །མུ་གེར་འདོད་རྒུ་དཔག་བསམ་ཤིང་། །མདོར་ན་གང་ལ་གང་འདུལ་དུ། །ཡིད་བཞིན་ནོར་ལྟར་འབྱུང་བའི་ གཞི། །པདྨ་འབྱུང་གནས་ཕྲིན་ལས་ཡིན། །གཏེར་དང་གཏེར་མིན་དབྱེ་བ་ནི། །ཆང་དང་ཆུ་གཉིས་ནུས་པ་ཁྱད། །བླ་གཟུགས་བདུད་སྤྲུལ་ཡ་མ་བཟུང་། །བསྟན་འགྲོའི་དཔལ་གྱི་ལོ་ཐོག་བཅོམ། །གང་འབྲེལ་ཐར་མེད་གནས་སུ་འཕེན། །ལས་ཀྱིས་དགེ་འདུན་འདུ་སྒོ་འཛིན། །སྤྱོད་པས་བསྟན་འཛིན་རྣམས་ལ་འཚེ། །ངེས་མེད་ངེས་པའི་གནས་ནས་འབྱུང་། ། དེ་དག་འབྱུང་དང་འབྱུང་འགྱུར་ཡིན། །པད་འབྱུང་བཀའ་ལུང་མ་སྒྲུབ་ན། །མཐའ་མི་འབོད་པ་རང་གིས་བྱེད། །དམག་འཁྲུག་མུ་གེའི་བསྐལ་པ་དར། །ནད་ཡམས་མ་ངེས་དུ་མ་འབྱུང་། །ཁྱད་པར་དུས་ཀྱི་འགྱུར་བའི་ལྟས། །འབྱུང་བ་རུ་ལོག་འགྲོ་ལ་འཚེ། །བསྟན་འཛིན་མཆོག་ལ་བར་ཆད་སྡང་། །ཟབ་མོ་གཏེར་གྱིས་འདུལ་དཀའ་འབྱུང་། །དེ་དུས་ལས་ཅན་བོད་འབངས་རྣམས། །པད་འབྱུང་རྗེ་ལ་གསོལ་བ་ཐོབ། །སྙིང་པོ་གུ་རུ་སིདྡྷི་དང་། །འཇིགས་སྒྲོལ་ལྷ་མོར་རྩེ་གཅིག་གཏོད། །ས་གནས་ས་དགྲར་མེ་བཙའ་རེ། །དཔལ་དང་ལྡན་ལ་བཅུད་བུམ་སྦོས། །བློ་སྣ་དཀོན་མཆོག་གསུམ་ལ་གཏོད། །དགེ་བཅུའི་སྤྱོད་པ་དང་དུ་ལོངས། །མི་དགེའི་བྱ་བ་རིང་སྤངས་ནས། །དུས་ཀུན་མ་ཎི་ཡིག་དྲུག་སྒྲོངས། །དཀོན་མཆོག་ བྃ༔ ལྷ་ཁང་ཞིག་གསོས་དང་། །ཚེ་ཐར་སྲོག་བསླུའི་རྒྱུན་མ་ཆད། །ཡར་མར་དུས་མཆོད་ཚོགས་བསགས་འབུངས། །ཉེས་མེད་སེམས་ཅན་འཕྲོག་བཅོམ་དང་། །དུ་རུ་ཀ་ཡི་རྫས་ངན་སྤོངས། །ཤར་གྱི་གངས་ལ་དུག་མ་གཡོ། །ནུབ་ཀྱི་སྟག་མོའི་བདུན་མ་བསུ། །བྱང་གི་རུས་སྦལ་བང་མ་བུལ། །ལྷོ་ཡི་སྒྲ་བརྒྱ་རང་ས་ཟུངས། །དེ་ལྟར་རྟེན་འབྲེལ་གནད་ལྡན་ན། །མཚོ་སྐྱེས་སྤྲུལ་པས་སྐྱོབ་པར་ངེས། །ཞེས་ཟེར་ནས་བརྡ་བཞི་མཛད། གར་གསུམ་བྱས་ཏེ་དབྱིངས་ལ་ཐིམ་མོ། །དེ་ནས་བླ་མཆོད་ཟིན་ནས་བཟུང་སྟེ། ཟླ་བ་ལྔ་པའི་ཡར་ཚེས་དྲུག་གི་བར་དུ། རྗེའི་དངོས་སློབ་སྐྱེས་བུ་དམ་པ་ཧ་ཤུལ་བླ་མ་ཆོས་གྲགས་དང་། གྲུབ་པའི་དབང་ཕྱུག་རིག་པ་འཛིན་པ་དྲག་ཤུལ་བླ་མ་ཆོས་འཕེལ་ལ་སོགས་པའི་འདུས་སྡེ་རྣམས་ལ། སྐྱབས་རྗེ་གཏེར་ཆེན་ཡབ་སྲས་ཀྱི་ཟབ་གཏེར་ལས། ཁོང་རྣམས་ལ་མོས་པ་དང་མཐུན་པའི་དབང་ལུང་ཁྲིད་སོགས་བྱེད་སྐབས། ལུས་མེད་མཁའ་འགྲོ་ཞིག་གིས་བརྡ་བསྟན་ནས། ཆོས་བདག་ལུང་བྱང་གི་དོན་ཨེ་ཡིན་སྙམ་པ་ལས། དུས་མྱུར་ཞིང་སྐབས་འབྱེད་མ་ནུས་པས། དེ་དང་ཚུལ་མཐུན་པ་ལྟ་བུའི་མཁྱེན་ཡངས་ཤེས་རབ་སྤྱན་མངའ་བ་ཨ་བསྭེ་མཁནཔོ་ནོར་བུ་ དབང་རྒྱལ་དཔོན་གཡོག་ཆ་ཤས་བྱེད་ནས། ཁོང་གི་ཐུགས་མདུན་སྔར་ནས་ལན་གྲངས་མང་པོར། ང་རང་གི་ཟབ་གཏེར་ཡོངས་རྫོགས་ཀྱི་དབང་ལུང་དགོས་པ་ཡང་ཡང་བསྐུལ་བ་དང་། མཁའ་འགྲོའི་བརྡ་བྱང་དུས་བབ་ལ་བརྟེན་ནས་མན་ངག་རྣམས་ཁོང་ལ་གཅིག་བརྒྱུད་དང་། གཞན་ཡོངས་རྫོགས་འདུས་སྡེ་རྣམས་དང་བཅས་པ་ལ་མཐའ་རྒྱས་སུ་བྱས། དེ་སྐབས་གནས་སྲུང་གིས་བསྐུལ་བ་དང་། སྔར་འཛི་རོང་ནས་ཟུར་བྱང་བྱུང་བ་གཉིས་ཀྱི་རྟེན་འབྲེལ་དུས་སད་ནས། རང་གི་ཉེ་གནས་ཚུལ་ཁྲིམས་རྡོ་རྗེ་དང་། སློབ་བུ་ཚོགས་རྒྱམ་གཉིས་བཅས་ཟླ་བ་དེ་ཀའི་ཉེར་དགུའི་ཉིན། ཨ་བུའི་བླ་མའི་གདན་ས་ཐོད་སྒང་ཞེས་པ་ན་གློ་བུར་དུ་སོང་བས། བླ་མའི་དངོས་སློབ་བན་ཤུལ་བླ་མ་འཕེལ་རྒྱས་ཞེས་པའི་རྣལ་འབྱོར་རིག་པ་འཛིན་པ་ཞིག་འདུག་པས། དེ་ཀར་ངེད་རྣམས་འབོད་བྱུང་བས། ཁོང་གི་བཞེད་པ་ལྟར་ངེད་ཅག་དེ་ཀར་སོང་ནས། ཆོས་འབྲེལ་དང་གང་དགོས་བསླབ་བྱ་ལ་སོགས་པ་བྱས་ཏེ། ཕན་ཚུན་ཐུགས་དམ་གྱི་གསོས་སུ་སྨན། ནངས་པར་ངེད་ཅག་ཐོད་སྒང་ལ་སོང་ནས། ཚོགས་རྒྱམ་དང་། ཚུལ་ཁྲིམས་རྡོ་རྗེ་གཉིས་ཀྱིས་ཚོགས་མཆོད་ཀྱི་སྟ་གོན་བྱས་འདུག་པས། ང་རང་གཅིག་པུར་སོང་ནས་གནས་དེ་ཀ་ནས་འགྲོ་ བྃ༔ འདུལ་འཕགས་པའི་ཞལ་སྒྲུབ་ཀྱི་ཟབ་ཤོག་དུང་སྒྲོམ་སེང་གེ་ཁ་སྤྲོད་སྤྱན་དྲངས། ཁོང་གཉིས་ཀྱིས་དངོས་གྲུབ་ཀྱི་སྐལ་བ་ཞུས་ཀྱང་། གསང་གཏེར་ཤིན་ཏུ་གུ་དྭོགས་པ་ཡིན་པས་བཏང་སྙོམས་ལ་བཞག་ནས། གཏང་རག་གི་ཚོགས་མཆོད་སོགས་ཞིབ་རྒྱས་སུ་བྱས། དེ་ནས་ལོ་ཁྱིམ་དེ་ཀའི་ཟླ་བ་བདུན་པའི་ཡར་ཚེས་ལ། བསོད་སྤྲུལ་རིན་པོ་ཆེའི་ཐུགས་བཞེད་ལྟར། ཚུལ་རྡོར་དང་། ཁུའི་སྐོར་དགའ་རབ་བཅས་སྙི་སྟོད་ཀྱི་མཚོ་ནག་མ་ཞེས་པར། གཡང་གཏེར་གྱི་བཅུད་བུམ་སྦ་རུ་སོང་བས། མཚོ་དེ་ཀ་སྦས་པའི་མཚོ་ཕྲན་ཞིག་ཡིན་པར་སྣང་ནས། ལྗང་ར་བྲག་དཀར་ནས་གདན་དྲངས་པའི་ཟབ་གཏེར་གྱི་སྒྲོམ་ཡང་གཏེར་དུ་སྦས་ཚེ། མཚོ་འཕྱུར་བ་དང་། རླངས་པ་ཕྱུར་ནས་དྲི་བཟང་གི་ངད་ལྡང་བ་སོགས་བྱུང་བས། ཁོང་གཉིས་ཀྱིས་མ་བཟོད་ནས་མཚོ་འཕྱུར་བྱུང་ཟེར་ནས། ངེད་ཅག་གིས་འདུག་གནས་སྤར། དེ་སྐབས་ནོར་གཏེར་ཞིག་སྤྱན་དྲངས་རྒྱུ་ཡོད་ཀྱང་། གྲོགས་མ་ལྡན་ནས་བཏང་སྙོམས་ལ་ལུས། དེ་ནས་ངེད་རྣམས་མཚོ་ཆུང་བཙལ་དུ་སོང་བས། ས་ལམ་ངན་པ་དང་ལམ་ཐག་རིང་བ་སོགས་ཀྱིས་ངལ་དུབ་དུ་མ་བྱུང་ཡང་། བླ་མའི་བཀའ་བཅག་མ་ནུས་ནས་སྙིང་རུས་བྱས་ཏེ་སོང་ཚེ། མཚོ་ཆུང་རྣམས་ལོན་ནས་གཏེར་བུམ་སྦས་པའི་སྐབས་ཆར་ཅུང་ཟད་བབས་འདུག་པས། ངེད་ཅག་དེ་ཀར་ཅུང་ཞིག་བསྡད་ཡོད་སྐབས། ཀླུ་མོ་དཀར་མོ་ཞིག་གིས་རོ་སྟོད་མཚོ་ཁར་བུད་ཅིང་རོ་སྨད་མཚོ་ནང་དུ་གནས་པའི་ཚུལ་གྱིས་འདི་སྐད་ཟེར། བྱང་ཆུབ་སེམས་མ་ལྷ་ལས་ལྷར་གྱུར་པ། །སྲིད་ལས་རྣམ་གྲོལ་ཀླུ་སྡེ་བཙན་གྱི་ལྕམ། །སྔོན་གྱི་ཐུགས་བསྐྱེད་དམ་བཅའ་རྗེས་དགོངས་ནས། །སྐྱེ་དགུ་རྣམས་ལ་ལོངས་སྤྱོད་དཔལ་འབྱོར་ཕྱིར། །རིན་ཆེན་བུམ་པ་བཟང་པོ་བཅུད་དུ་སྦས། །མངའ་ཐང་ལོངས་སྤྱོད་ཉམས་པ་གསོ་ནུས་ཀྱང་། །རིགས་ངན་གཅིག་གིས་ངེད་ཅག་གནས་ཁང་ལ། །དཀར་དམར་གཞོབ་དང་ཤ་ཁྲག་དུག་ཏུ་གཡོས། །ཀླུ་རྒྱལ་འཁོར་བཅས་ཕོ་བྲང་ལྷོ་རུ་བཞེངས། །ངེད་ཅག་ཀླུ་འབངས་སྔོན་གྱི་ཐ་ཚིག་བཞིན། །གནས་སྐབས་ཡུལ་འདིའི་ས་བཅུད་འཛིན་པ་ལ། །མི་འདོད་ནད་ཀྱིས་འཚེ་བ་དུ་མས་མནར། །ཁྱོད་ཀྱི་ཐུགས་རྗེའི་འོད་ཀྱི་བདུད་རྩི་ཡིས། །སྡུག་བསྔལ་ཀུན་ལས་བསྐྱབ་པར་མཛད་དུ་གསོལ། །ཞེས་ཟེར་བས། དེའི་ནུབ་རྨི་ལམ་ལ་ཀླུའི་ཕོ་བྲང་ཡིད་དུ་འོང་བ་ཞིག་གི་སར་ཐོན་སོང་བས། མཚོ་དང་ན་བ་རྩི་ཤིང་ཐམས་ཅད་ཉམས་ཤིང་། ཉ་སྦལ་སྦྲུལ་ལ་སོགས་པ་ཐམས་ཅད་ཀྱི་ལུས་པོ་རྣམས་རྨ་ བྃ༔ རུ་སོང་། ཀླུ་རྣམས་ཀྱང་ཉམ་ཐག་གོས་རྒྱན་དང་བྲལ་བ་ཤ་སྟག་འདུག་པས། བདག་གིས་འདི་སྐད་སྨྲས། ཁྱེད་རྣམས་འདི་ལྟ་བུའི་མི་འདོད་པ་འོང་དོན་ཅི་རེད་དྲིས་ཚེ། ཁོང་རྣམས་ན་རེ། ངེད་ཅག་གི་གནས་ལ་ཤ་ཁྲག་གི་མེ་བཙའ་བཞག །མགར་ཡུག་དམེ་བུའི་ཁ་ཕྲུ་བཏབ། ཆུ་མིག་ལ་ཤ་ཁྲག་གིས་བསྲེ་བསླད་བྱེད་པ་སོགས་ཀྱིས་རང་གཞན་ཀུན་ལ་འདི་ལྟ་བུའི་མི་འདོད་པ་འོང་བ་ཡིན། ད་དུང་དེ་ལྟར་གྱི་གནོད་པ་བྱེད་ཚེ། ངེད་ཅག་གི་གནས་སྤར་འགྲོ་བ་ཡིན་ཟེར། བདག་གིས་ནད་ཀྱིས་མནར་བའི་སེམས་ཅན་ལ་སྙིང་རྗེ་དྲག་པོ་སྐྱེས་ནས། སྨན་བཅོས་དང་། སྔགས་བཏབ་པ་སོགས་བྱས་ཚེ། ཅུང་ཟད་ཕན་ཐོགས་སྣང་འཆར་ཀྱང་། ས་མིག་ལ་སྐྱོན་སོང་བའི་རྐྱེན་གྱིས། དེ་དག་གི་མིག་ལ་ནད་བྱུང་འདུག་པས་དེ་ལ་ཕན་པ་མ་བྱུང་། ཡུལ་དེ་ཀའི་ལྷོ་ཕྱོགས་ཀྱི་མཚམས་སུ་ཤེལ་གྱི་ཕོ་བྲང་ཞིག་རེ་མངོན་རེ་མི་མངོན་པ་ལྟ་བུར་འདུག་པས། བདག་གིས་ཕ་གི་ཕོ་བྲང་སུ་རེད་དྲིས་ཚེ། ཁོང་རྣམས་ན་རེ། ཕ་གི་ངེད་ཅག་གི་རྒྱལ་པོའི་ཕོ་བྲང་རེད། གནས་སྤར་ཏེ་ལོ་གསུམ་ཙམ་ཡིན་ཟེར། དེ་ནས་བདག་གིས་ཁོང་རྣམས་ལ་གང་དགོས་ཀྱི་ལོངས་སྤྱོད་སྦས་ནས་ས་བཅུད་གསོས། ཁོང་རྣམས་དགའ་བའི་ཚུལ་ གྱིས་རང་ལ་ཡང་དངོས་གྲུབ་ཅུང་ཟད་ཐོབ་པར་སྣང་ངོ་། །དེ་ནས་ས་དཔལ་གང་བཟང་ལ་གཡང་བུམ་སྦས་ཏེ། ཁྱད་པར་སྙི་སྨད་ན་མཚོ་དཔེ་ཞེས་པ་ཀླུ་མི་མགོན་དཀར་པོའི་གནས་ཡིན་པས། ཡིད་བཞིན་ནོར་བུས་སྔར་ནས་ལུང་བསྟན་དུ་གསལ་བས། དེ་ལ་གཡང་བུམ་གཏད་པ་དང་། ཁྱད་པར་གཏེར་དམར་པོ་ལྷ་གསུམ་གྱི་སྒྲོམ་བུ་ཡང་གཏེར་དུ་སྦས་ཚེ། གཏེར་སྲུང་མངོན་སུམ་དུ་འོང་ནས་གཏེར་ཁ་གཉེར་རོ། །དེའི་དུས་ཚུལ་ཁྲིམས་རྡོ་རྗེས་སེམས་འཁྲིག་ཟོས་ནས་འདི་སྐད་ཟེར། ཁྱོད་ཀྱིས་གཏེར་བུམ་མཉམ་དུ་དངོས་རྫས་ལྕི་བ་རྡོ་ལྟ་བུ་ཞིག་མཚོ་ནང་འཕང་བ་དེ་ཀ་ཅི་རེད་ཟེར། བདག་གིས་ཀླུའི་གནས་ལ་དར་མཆོད་པ་མ་གཏོགས་ཅི་ཡང་མེད་སྨྲས་ཚེ། ཁོང་གིས་དངོས་རྫས་ཞིག་རེད་དར་མ་རེད་ཟེར། བདག་གིས་ཁོ་རང་གཏེར་རྫས་གཏེར་ཆོས་རྣམས་ཤིན་ཏུ་གཅེས་སྤྲས་ཆེ་བས། ཡང་གཏེར་སྦས་པ་ཡིན་ཟེར་མ་སྤོབས་ནས། འབྲས་མེད་གཏམ་གྱིས་ཁོ་རང་གི་བློ་བྲིད་ནས་སྔར་དོན་བཏང་སྙོམས་ལ་བཞགདེའི་སྐབས་ཐུགས་སྲས་སང་གིས་མཐུན་རྐྱེན་བྱས་ནས། ཨ་སྐྱབས་ནང་དུ་སོང་བས། དེའི་ནུབ་རྨི་ལམ་ལ་མཁའ་འགྲོ་གཉིས་དང་། ཡིད་བཞིན་ནོར་བུའི་ཞལ་མཇལ་བས། བདག་གི་ཡིད་ཤིན་ཏུ་དགའ་ནས་ལུས་ བྃ༔ ཀྱིས་ཕྱག་འཚལ་ཞིང་། རྗེའི་ཞབས་སྤྱི་བོར་བླངས་ཏེ་འདི་སྐད་གསོལ། ཨེ་མ་ཧོཿ གདོད་ནས་མངོན་པར་རྫོགས་པར་སངས་རྒྱས་ཀྱང་། །གདུལ་བྱའི་མོས་ངོར་ཐུགས་རྗེའི་འོད་ཟེར་གྱིས། །ཡེ་ཤེས་གར་བསྒྱུར་སེམས་དཔའ་མཆོག་གི་སྐུ། །ཐམས་ཅད་མཁྱེན་པ་ཁྱོད་ལ་གུས་ཕྱག་འཚལ། །ལུས་དབང་ཡན་ལག་རི་རབ་གླིང་བཞིར་བཀོད། །བདེ་ཆེན་པདྨ་འཁོར་འདས་ཀུན་གྱི་གཞི། །བདེ་བ་ཆེན་པོ་བླ་མེད་མཆོད་པ་འདི། །ཐུགས་རྗེས་བདག་གཞན་ཚོགས་གཉིས་རྫོགས་ཕྱིར་བཞེས། །རྩ་རླུང་ཐིག་ལེའི་སྒྲིབ་པ་རྣམ་དག་ནས། །རྡོ་རྗེ་གསུམ་གྱི་རོལ་པར་བྱིན་གྱིས་རློབས། །དེང་ནས་སྐྱེ་བ་ཚེ་རབས་ཐམས་ཅད་དུ། །ཡིད་བཞིན་ནོར་བུ་ཁྱོད་དང་མི་འབྲལ་ཞིང་། །བདེ་ཆེན་བདེ་བའི་དཔལ་ལ་ལོངས་སྤྱོད་ནས། །ཟུང་འཇུག་དོན་གྱི་རྟ་ཕག་སྐུ་འགྲུབ་ཤོག །ཅེས་གསོལ་བ་བཏབ་མཐར། རྗེའི་ཞལ་ནས། གཅེས་ཕྲུག་འུག་ཅག་དཔལ་རི་ལ་མཇལ་དུ་ཨེ་འགྲོ་གསུངས། བདག་གིས་ཁྱོད་དང་ལྷན་དུ་ཡིན་ན་འགྲོ་ཞུས་ཚེ། མཁའ་འགྲོ་གཉིས་ཀྱིས་དར་གྱི་འོད་ལིའི་སྟེང་དུ་ངེད་ཡབ་ཡུམ་བཞག་ནས་ལྷོ་ནུབ་ཀྱི་ནམ་མཁའ་ལ་ཇེ་མཐོ་བྱས་ཏེ་སོང་ཚེ། ཡུལ་ཡིད་དུ་འོང་བ་ཞིག་ཏུ་དཔའ་བོ་དཔའ་མོའི་འདུ་ ཚོགས་ཞིག་འདུག །དེའི་དབུས་ན་རང་གི་དདཔ་ཐོབ་པའི་བླ་མ་རྫོགས་ཆེན་མཁན་པོ་གཞན་ཕན་མཐའ་ཡས་རེད་ཟེར་བ་ཞིག་ཡེ་ཤེས་སྒྱུ་མའི་སྐུའི་རྣམ་པར་འཇའ་འོད་ཀྱི་ཀློང་དུ་ཚོགས་རྗེ་མཛད་འདུག་པ་མཐོང་ཚེ། བདག་གི་བསམ་པ་ལ། ཁོང་བྱང་ཆུབ་སེམས་དཔའ་ཆེན་པོ་ཚོགས་ཀྱི་མཆོད་པ་མཛད་འདུགཔས། བདག་གིས་རང་གཞན་ཀུན་གྱི་དོན་དུ་སྨོན་ལམ་རྣམ་དག་ཞིག་བཏབ་ན། ཚོགས་ཞིང་ཡུལ་གཉན་པོ་ཡིན་པས་སྨོན་ལམ་འགྲུབ་སླ་འོང་སྙམ་ནས་འདི་སྐད་གསོལ། ཨེ་མ་ཧོ། གདོད་ནས་རྣམ་དག་མངོན་པར་བྱང་ཆུབ་ཀྱང་། །གཞན་ཕན་འགྲོ་ལ་ཐུགས་རྗེས་ལྷག་པ་ཡི། །དགའ་བའི་རང་གཟུགས་སེམས་དཔའ་མཆོག་གི་གཟུགས། །འདྲེན་མཆོག་དམ་པ་ཁྱོད་ལ་གུས་ཕྱག་འཚལ། །ལུས་དབང་རི་རབ་གླིང་བཞི་ཡན་ལག་ལྔ། དབྱིངས་ཡེ་འདུ་འབྲལ་མེད་པ་འཁོར་འདས་གཞི། །མཉམ་སྦྱོར་རིག་སྟོང་ཟག་མེད་མཆོད་པ་འབུལ། །བདེ་སྟོང་འཛིན་པ་བྲལ་བའི་ངང་དུ་བཞེས། །ཡང་དག་ལམ་སྟོན་རྡོ་རྗེ་སློབ་དཔོན་དྲུག །ལམ་གྲོགས་མཆོད་བཞི་སྔགས་གསུམ་ཕྱག་རྒྱ་བཞིའི། །རྩ་བ་སྐུ་གསུང་ཐུགས་ཀྱི་དམ་ཚིག་རྣམས། །འགལ་ཉམས་ཞིག་འདས་ཅི་མཆིས་མཐོལ་ལོ་བཤགས། །བདེགཤེགས་ བྃ༔ སྙིང་རྗེའི་ངང་མདངས་ཡེ་ཤེས་ལམ། །རྒྱུ་དང་འབྲས་བུའི་ཐེག་པར་རབ་འཇུག་ནས། །རང་འབྲས་མངོན་གྱུར་སྲིད་མཚོ་ལས་བརྒལ་བའི། །བསོད་ནམས་དགེ་ཚོགས་ཀུན་ལ་རྗེས་ཡི་རངས། །སྙིགས་མ་ལྔ་དུས་འགྲོ་རྣམས་ཉོན་མོངས་རགས། །བསམ་སྤྱོད་ལོག་སྒྲིབ་སྐྱོ་སུན་མི་མངའ་བར། །ཁམས་དབང་མོས་པ་དང་མཐུན་གདམས་པའི་ལུང་། །ཐེག་གསུམ་ཆོས་འཁོར་རབ་ཏུ་བསྐོར་བར་བསྐུལ། །ཇི་སྲིད་འཁོར་བའི་རྒྱ་མཚོ་མ་སྟོང་བར། །དེ་སྲིད་བསྟན་དང་འགྲོ་ལ་ཕན་དོན་དུ། །མགོན་ཁྱོད་སྐུ་ཚེ་ཞབས་པད་བསྐལ་བརྒྱའི་བར། །མི་འགྱུར་རྡོ་རྗེའི་ཁྲི་ལ་བཞུགས་གསོལ་འདེབས། །འདིས་མཚོན་བདག་གིས་དུས་གསུམ་བསགས་པའི་དགེ །ཐོས་བསམ་སྒོམ་དང་འཆད་རྩོད་རྩོམ་པ་ཡི། །དགེ་ཚོགས་ཅི་མཆིས་འགྲོ་བ་ཡོང་ལ་བསྔོ། །ཀུན་ཀྱང་མི་གནས་གཏན་སྲིད་ཟིན་པར་ཤོག །ཅེས་གསོལ་བ་བཏབ་པའི་ཚེ། ཁོང་གིས་མཁྱེན་པའི་ཚུལ་མཛད་ནས། དཔལ་རིའི་ཕྱོགས་སུ་བསྡིགས་མཛུབ་ཀྱི་བརྡ་མཛད་འདུག །བདག་གིས་མཁའ་འགྲོ་གཉིས་ལ། ཕ་གི་རྣལ་འབྱོར་པའི་བརྡ་དོན་ཅི་ལགས་ཞུས་པས། མཁའ་འགྲོ་གཉིས་ན་རེ། རྣལ་འབྱོར་པའི་བརྡ་དོན་ཁོང་ དང་དཔལ་རི་ནས་མཇལ་འོང་གསུངས་པ་རེད་ཟེར། དེ་ནས་སོང་བའི་ཤར་ཕྱོགས་ན་མངོན་པར་དགའ་བའི་ཞིང་ཁམས་རེད་གསུངས་པ་དང་། ལྷོ་ཕྱོགས་ན་དཔལ་དང་ལྡན་པའི་ཞིང་དང་། ནུབ་ཕྱོགས་ན་བདེ་བ་ཅན་གྱི་ཞིང་དང་། བྱང་ཕྱོགས་ན་ལས་རབ་གྲུབ་པའི་ཞིང་དང་། ཤར་ལྷོ་ན་རི་བོ་གྲུ་འཛིན་གྱི་ཞིང་དང་། ལྷོ་ནུབ་ན་གཡུ་ལོ་བཀོད་པའི་ཞིང་ཁམས་དང་། ནུབ་བྱང་ན་ཤམྦྷ་ལ་ཡི་གནས་དང་། བྱང་ཤར་ན་མ་ལ་ཡ་ཡི་གནས་མཆོག་རེད་གསུངས་པ་དང་། དབུས་ཕྱོགས་ན་དཔལ་རིའི་ཕོ་བྲང་དང་། དེའི་སྟེང་ཕྱོགས་ན་འོག་མིན་སྟུག་པོ་བཀོད་པའི་ཞིང་ཁམས་རྣམས་སྣང་བ་གཅིག་གིས་ཁྱབ་པའི་བར་དུ་སྣང་ཞིང་། ཞིང་ཁམས་ཐམས་ཅད་ཕྱོགས་དང་མཐུན་པའི་ཁ་དོག་འབར་ཞིང་། གཞལ་ཡས་ཁང་རང་བྱུང་ལྷུན་གྱིས་གྲུབ་པའི་ཕོ་བྲང་ཚད་དང་མཚན་ཉིད་ཡོངས་སུ་རྫོགས་པ་དང་། བརྟེན་པའི་ལྷ་ཚོགས་རྣམས་ཀྱང་རང་རང་གི་རིགས་ལ་འཁོར་བྱང་ཆུབ་སེམས་དཔའ་དང་སེམས་མ་དང་། རིག་འཛིན་དཔའ་བོ་དཔའ་མོ་དང་། དགེ་འདུན་དགྲ་བཅོམ་པ་ལ་སོགས་པ་འཕགས་པའི་ཚོགས་དཔག་ཏུ་མེད་པས་བསྐོར་བ་མཁའ་ཁྱབ་དང་མཉམ་པ་དང་། གཞལ་ཡས་ཁང་ལ་ཕྱི་ནང་མེད་ཅིང་། དྭངས་གསལ་སྒྲིབ་གཡོགས་དང་བྲལ་ བྃ༔ བར་གནས་པ། ནང་གི་སྟོན་འཁོར་ཐམས་ཅད་མ་འདྲེས་སོ་སོར་གསལ་བར་མཇལ་བའོ། །དེ་ནས་དཔལ་རིའི་ཕོ་བྲང་གི་བཀོད་པ་ནི། རིན་པོ་ཆེ་སྣ་ཚོགས་ལས་གྲུབ་པའི་ས་གཞི་རྒྱ་ཆེ་ལ་ཁྱོན་ཡངས་པ། མནན་ན་ནེམ་ཞིང་བཏེགས་ན་འཕར་བ། ཕྱོགས་བཞིར་སྨན་གྱི་སྤང་རི་ལ་དྲི་བཟང་གི་ན་བུན་འཕུལ་བ། ཁ་དོག་སྣ་ཚོགས་བཀྲ་བའི་པདྨ་དང་ཆུ་སྐྱེས་ལ་སོགས་པས་ཡོངས་སུ་མཛེས་པ། ཕྱོགས་རྣམས་སུ་ཆུ་མིག་དང་ཁྲུས་ཀྱི་རྫིང་བུ་ལ་སོགས་ཡན་ལག་བརྒྱད་དང་ལྡན་པ། གསེར་གྱི་བྱེ་མ་དང་། གཡུའི་ནེའུ་གསེང་ཀུན་ཏུ་བརྡལ་བ། དེ་དག་གི་མཐའ་འཁོར་དུ་དཔག་བསམ་གྱི་ཤིང་ལ་སོགས་པའི་རྒྱ་ཡོངས་སུ་མ་ཆད་པས་བསྐོར་བ། ཡལ་འདབས་རྣམས་ལ་དར་དང་རིན་པོ་ཆེའི་དྲྭ་བ་དང་། དྲྭ་བ་ཕྱེད་པ་དང་། ལྷ་ཡི་གོས་36 པཉྩ་ལི་ཀས་བརྒྱན་པ་དང་། སངས་རྒྱས་བྱང་སེམས་ཀྱི་སྤྲུལ་པའི་བྱ་རིགས་སྐདསྙན་མང་པོས་དམ་པའི་ཆོས་ཀྱི་སྒྲ་རྒྱུན་མི་ཆདཔར་སྒྲོགས་ཤིང་། ཡན་ལག་བརྒྱད་ལྡན་གྱི་མཚོ་ལ་འཁོར་ཞིང་། དཔག་བསམ་གྱི་ཤིང་ལ་འབབཔ། ཞིང་ཁམས་དེའི་ཕྱི་ལ་རྒྱ་མཚོ་ཆེན་པོས་འཁོར་བར་བསྐོར་ཞིང་། རང་བཞིན་གྱིས་བསྒྲོད་དཀའ་བ། དེའི་ཕྱི་ལ་རི་ཐམས་ཅད་ཀྱི་རྩེ་མོ་ཟངས། སྐེད་པ་ གནམ་ལྕགས། རྩ་བ་རྡོ་ཕ་ལམ་ལས་གྲུབ་པས་ཡོངས་སུ་བསྐོར་བ། བར་སྣང་ཐམས་ཅད་འཇའ་འོད་ལྔ་ལྡན་གྱི་དྲྭ་བ་དང་། དྲྭ་ཕྱེད་དང་། འོད་ཟླུམ་ལ་སོགས་པས་གང་ཞིང་། དེ་དག་གི་ཀློང་དུ་མཆོད་པའི་ལྷ་མོ་བཅུ་དྲུག་གིས་ཕྱི་ནང་གསང་བའི་མཆོད་རྫས་དུ་མ་ཐོགས་པ་དང་། གཞན་ཡང་ལྷ་ཡི་བུ་དང་བུ་མོ་མང་པོས། གདུགས་དང་། རྒྱལ་མཚན་དང་། བ་དན་དང་། རྔ་གཡབ་དང་། ནོར་བུའི་ཕྲེང་བ་དང་། རྔ་དང་རོལ་མོ་དང་། གསང་བའི་རྔེའུ་ཆུང་དང་། སིལ་སྙན་དང་། ཏིང་ཏིང་ཤག་དང་། ཅང་ཏེའུ་དང་། གླིང་བུ་དང་། དུང་ཆེན་དང་། རྒྱུད་མང་དང་། སུམ་འགྱུར་དང་། དུང་དཀར་ལ་སོགས་པའི་སྙན་དབྱངས་རོལ་མོའི་ཚོགས་ཀྱིས་ལྷ་ཚོགས་རྣམས་ལ་མཆོད་ཅིང་། བཀུར་བསྟིས་བསྟོད་པ་བགྱིས་པ་དང་། ཞིང་ཁམས་དེ་ལྟ་བུའི་དཀྱིལ་དུ་རིན་པོ་ཆེ་སྣ་ཚོགས་ལས་གྲུབ་པའི་ལྕགས་རི་དཔངས་མཐོལ་རྒྱ་མ་ཆད་པས་བསྐོར་ཞིང་སྒོ་བཞི་དང་ལྡན་པ། ཤར་སྒོ་ཤེལ་ལ་པདྨ་རྭ་གས་ཁ་བད་བྱས་ཤིང་རིན་ཆེན་སྣ་ཚོགས་ཀྱིས་མཛེས་ཚོན་མིག་མང་རིས་སུ་ཡོད་པ། ལྷོ་སྒོ་གསེར་བཙོ་མ་ལས་གྲུབ་ཅིང་ཁ་བད་བེེཌཱུཪྻ་དང་རིན་ཆེན་མིག་མང་གིས་བརྒྱན་པ། ནུབ་སྒོ་པདྨ་རཱ་ག་ལ་རིན་ཆེན་སྦུར་ལེན་གྱི་ཁ་བད་དང་ བྃ༔ མཛེས་ཚོན་གྱིས་བརྒྱན་པ། བྱང་སྒོ་ཨིནྡྲ་ནི་ལེ་ལ་ཁ་བད་གསེར་དང་རིན་ཆེན་སྣ་ཚོགས་ཀྱི་མཛེས་ཚོན་བཏབ་པ། དེ་དག་གི་སྒོ་སྐྱོང་རྒྱལ་པོ་ཆེན་པོ་བཞིས་མཛད་ཅིང་། རང་བཞིན་པ་རྣམས་བསྒྲོད་ངལ་བ། དེའི་ནང་དུ་རིན་པོ་ཆེའི་སྤང་ལེབ་འཁོར་མོ་ཡུག་ཏུ་ཡོད་པ། དེ་དག་གི་དབུས་སུ་སྐུ་གསུམ་སྤྲུལ་པའི་ཕོ་བྲང་ཚད་དང་