Tibetan
ཡུལ་དེ་ཀའི་གཞི་བདག་ནག་ཕྱོགས་པ་ཞིག་གིས་ང་རང་གི་སྟེང་དུ་སེར་བ་ཕབ་བྱུང་བས། ང་རང་གིས་སྔགས་པ་རྡོ་རྗེ་བདུད་འཇོམས་ཀྱི་སྐུར་ བྃ༔ གསལ་ནས་ཡི་དམ་ལྷའི་ང་རྒྱལ་གྱིས་གཞི་བདག་དབང་དུ་བཅིང་ཚེ་བར་ཆད་ངང་གིས་ཞི་བར་བྱུང་ངོ་། །དེའི་སྐབས་སྐྱབས་དེ་ཉིད་ཀྱི་གསུང་ཐུན་གྲོལ་ནས་ངེད་རྣམས་འབོད་མི་ཐོན་བྱུང་བས། དེ་དང་མཉམ་དུ་སྐུ་མདུན་དུ་སོང་ནས་མཇལ་འཕྲད་མཛད་སྐབས། བདག་གིས་ཉམས་སྣང་གི་སྐོར་ལས་ཁོང་གི་སྐུ་དོན་གྱི་ལུང་བསྟན་ཞིག་ཡོད་པ་ཕྱག་ཏུ་ཕུལ་བས། དེ་ཀའི་ནང་དུ་རྗེ་དེ་ཉིད་ཀྱིས་གྲོགས་དང་ཡུལ་རྐྱེན་གྱི་དབང་གིས་ཐུགས་འདུན་ལོག་ནས་འདུལ་བ་འཛིན་པའི་ཆས་སུ་ཞུགས་སྙམ་ཡོད་པའི་རྐྱེན་གྱིས་མཁའ་འགྲོའི་ལུང་བསྟན་ཤིན་ཏུ་རྩུབ་པར་ཡོད་ཀྱང་མི་དགོངས་པའི་ཚུལ་མཛད་ཅིང་བཏང་སྙོམས་སུ་བཞག་ནས། གཞན་ལུགས་གཉིས་ཀྱི་གསུང་མཛད་ཞིབ་རྒྱས་སུ་མཛད། དེ་ནས་ཡང་བདག་གིས་འདི་སྐད་ཞུས། སྤྲུལ་སྐུ་ཡིད་བཞིན་ནོར་བུ་ཁྱོད་ཀྱིས་ང་རང་ལ་ཐུགས་གཏད་སྐྱབས་འཇུག་ཁྱད་པར་གདམས་ཁྲིད་ཟབ་མོ་རེ་དང་། འདི་ཕྱི་བར་དོ་ཀུན་ཏུ་འདུ་འབྲལ་མེད་པར་ཐུགས་རྗེས་བཟུང་རོགས་བཀའ་དྲིན་མ་ཆུང་ལགས། བདག་གིས་ནི་ཆུང་ནས་བཟུང་སྟེ་ད་ལ་ཐུག་གི་བར་དུ་གུ་རུ་ཡབ་ཡུམ་གྱི་ཐུགས་བཞེད་ཅུང་ཟད་ཙམ་ཡིན་ཡང་ཨེ་འགྲུབ་སྙམ་པའི་འདུན་པ་ཡོད་ཀྱང་། ངའི་འདོད་རྒྱུའི་གྲོགས་སྨོན་ལམ་ལྡན་པ་347 རྣམས་ཀྱིས་ང་མི་འདོད། བདག་གིས་མི་འདོད་པའི་གྲོགས་རིགས་རུས་ངན་པ་གསང་སྔགས་ལ་ལས་འཕྲོ་ཆུང་བ་རྣམས་ཀྱིས་ང་འདོད་ནས། དཀའ་མོའི་ཚེགས་དཀོན་མོའི་རྒྱུ་རྫས་སོགས་ཐབས་དུ་མས་ང་རང་འགུགས་ཐབས་བྱེད་འདུག །དེ་ལྟ་བུའི་བྱ་བ་རྒྱབ་འགལ་ལ་སོང་ནས་རྟེན་འབྲེལ་ཡང་ཇི་བཞིན་པར་འོངསྟབས་མི་ལྡན་པ་དེས་ལན་པ་འདྲ་ལགས། ད་ནི་ང་རང་གི་བསམ་པ་ལ་ངེས་མེད་ཞིག་ཏུ་བུད་སོང་ན་འགྲོ་དོན་མ་བྱུང་ཡང་། ཕྱི་ནང་ཀུན་ལ་ཁོང་ཁྲོ་མི་དགོས་པ་འདྲ་སྙམ་ནས་ཡིད་འདུན་དེ་ཀར་ཐག་བཅད་ཡོད་པས། ཁྱོད་ཀྱིས་ཐུགས་གཏད་སྐྱབས་འཇུག་བཀའ་དྲིན་མི་ཆུང་བར་སྐུ་མཁྱེན་ཞུས་པས། ཡིད་བཞིན་ནོར་བུའི་ཞལ་ནས་ཁྱེད་དེ་ལྟར་ཐུགས་བསམ་མ་མཛད་དང་འགྲོ་དོན་རིམ་གྱིས་འབྱུང་ལོས་འོང་། བདག་གིས་ཀྱང་ཁྱེད་རང་གི་མཛད་ཕྲིན་རྒྱས་པའི་ཕྱིར་དུ་རྩ་གསུམ་སྲུང་མར་ཕྲིན་བཅོལ་བྱེད་པ་དང་། དུས་ཆེན་གཉིས་ལ་ཚོགས་མཆོད་ཀྱི་སྐབས་སུའང་བདག་གིས་སེམས་ལོས་གཏད། ཁྱེད་ནས་བདག་ལ་ཐུགས་གཏད་རེ་མཛད་དགོས། སྔར་ཞུས་པ་ལྟར་རང་གཏེར་ཁ་བྱང་དུ་མའི་ནང་དུ་ཁྱོད་རྡོ་རྗེའི་ལུང་གིས་གསལ་པོར་ཡོདཀྱང་། གཅིག་ཐད་ནས་རྒྱལ་སྲས་སང་གི་སྐུ་མདུན་དུ་ཡོད་པ་དང་།གཉིས་ཐད་ནས་ བྃ༔ ཁྱོད་ཀུན་སྤྱོད་ཤིན་ཏུ་བཙུན་པས་གང་དྲན་ཞུ་ཕོད་མ་བྱུང་བ་དང་། ཁྱད་པར་ང་རང་ཉེ་འཁོར་གཟུངས་མ་རྣམས་སྐྱོང་ཐབས་ཤིན་ཏུ་དཀའ་ཞིང་སེམས་སུན་ཆེ་བས་བྱ་བ་ཐམས་ཅད་བཏང་སྙོམས་ལུང་མ་བསྟན་དུ་ལུས་སོང་བ་ཡིན་གསུང་། ཡང་བདག་གིས་ལགས་ང་རང་མི་བཟང་སྙམ་ནས་ང་རྒྱལ་གྱིས་ཚུལ་བཙུན་པ་མིན། གསང་སྔགས་ཀྱི་དམ་ཚིག་འདི་དགོས་པ་དང་མ་འབྲེལ་ན་ཤིན་ཏུ་བསྲུང་དཀའ་བའི་རྐྱེན་གྱིས་སྒོ་གསུམ་གྱི་བྱ་བ་སྡོམ་པ་ཡིན་ལགས། ད་ལན་ཡང་ལུགས་གཉིས་གང་ཐད་ནས་རང་དོན་ཡིད་བྱེད་ཀྱི་བློ་མེད་པར་མ་དང་མཁའ་འགྲོའི་ལུང་བསྟན་གྱིས་བསྐུལ་ནས་མ་འོངས་རང་དབང་མབྱུང་བ་དང་། མི་ལུགས་ནས་ཚེ་རོགས་གྲོགས་ཀྱིས་བློ་འཆུག་ནས་དགོས་མེད་བྱས་པ་ཁྱོད་ཀྱི་ཐུགས་ལ་མངའ་བཞིན་དེ་ལ་གཞི་བྱས་ཏེ། སྒོ་སྤྲུལ་རིན་པོ་ཆེས་ཀྱང་ད་ལན་འགྲོ་དགོས་གསུངས་ནས་འོང་བ་ཡིན་ལགས། ད་ནི་འུ་ཅག་གཉིས་ད་མིན་ཨེ་མཇལ་ཆ་མི་ཆོད་པ་འདྲ་ན། སྤྲུལ་སྐུ་ཡིད་བཞིན་ནོར་བུ་ཁྱེད་ཀྱིས་བདག་ལ་ཚིག་ཉུང་ལ་དོན་བསྡུས་པ་ཡང་ཟབ་མན་ངག་ཉུང་བསྡུས་ཤིག་གསུངས་དང་། ང་རང་གིས་ཅི་ཡང་མི་ཤེས་ཀྱང་རྟེན་འབྲེལ་ཙམ་དུ་བདག་གི་སེམས་ལ་སྦས་པའི་མན་ངག་ཁྱད་པར་བ་ཞིག་ཡོད་པ་དེ་ཁྱེད་ལ་ འབུལ་ཞུས་ཚེ། རྗེ་དེ་ཉིད་ཀྱིས་ཞལ་ནས་འུ་ཅག་གཉིས་ད་དུང་མཇལ་འཕྲད་ལོས་འོང་། ཁྱེད་མགར་ར་སྤྲུལ་སྐུའི་མདུན་ལ་མི་བཞུགས་པར་ས་ཐག་རིང་པོ་གང་དུ་བྱོན། མིན་ཀྱང་སྲས་མོ་ནར་ཆུང་བས་བསྐྱུར་འཇོག་ཐབསག་ལ་ཡོད། གལ་ཏེ་རྒྱལ་སྲས་སང་གྲུབ་ཐོབ་ཀྱི་སྤྱོད་པ་ལྟ་བུ་ཡིན་པས་བྱ་བ་གང་ཐད་ནས་ཁྱོད་མི་སྐྱིད་ན་གནས་གང་བདེ་ཞིག་ཏུ་སྐུ་མཚམས་ལ་བཞུགས་ན། གསོལ་བཅའ་དང་ན་བཟའ་རེའི་མཐུན་རྐྱེན་བདག་གིས་ཅི་འགྲུབ་བྱེད་གསུངས། དེ་ནས་རྗེའི་ཐུགས་བཞེད་ལྟར་མ་རྒྱུད་གསང་བ་སྙིང་པོའི་ཡང་བཅུད་རྡོ་རྗེ་ཆུ་འཐུང་གི་མན་ངག་སྦས་གསང་མེད་པར་གཅེས་ནོར་དུ་ཕུལ། ཁྱད་པར་མཁའ་གསང་སྤྲོས་མེད་བདེ་བ་ཆེནཔོའི་དཀྱིལ་འཁོར་ལ་བརྟེན་ནས་རྣལ་འབྱོར་དོན་དབང་བཞི་པ་དང་། ལྷན་སྐྱེས་ཆོས་སྐུ་ཆེན་པོའི་ངོ་སྤྲོད་དང་བཅས་པ་སྦྱོར་སྒྲོལ་དགོངས་པའི་བཀའ་གནད་དམར་ཁྲིད་གབ་པ་མངོན་དུ་ཕྱུང་བ་སོགསང་རང་གི་སེམས་ལ་འཆང་བའི་མན་ངག་ཐམས་ཅད་སྦས་གསང་མེད་པར་གསང་གྲོགས་ཡིད་བཞིན་ནོར་བུ་ལ་གཅེས་ནོར་དུ་གདམས་སོ། །དེའི་ནུབ་རྨི་ལམ་ལ་མཁའ་འགྲོ་བཞིས་ཕྱག་ན་མེ་ཏོག་སྣ་ཚོགས་ཐོགས་ནས་སྙན་པའི་དབྱངས་ཀྱིས་འདི་སྐད་གསུངས། ཨེ་མ་ཧོ། ཕྱོགས་བཅུ་ཕྱོགས་བཅུའི་ཞིང་ བྃ༔ བཞུགས་པའི། །སངས་རྒྱས་སངས་རྒྱས་དེའི་སྲས་འཁོར། །མཁའ་འགྲོ་དང་ནི་མཁའ་འགྲོ་མ། །རྣལ་འབྱོར་རྣལ་འབྱོར་ཆེན་པོ་རྣམས། །བསྒྲོད་པའི་ལམ་བཟང་རྨད་པོ་ཆེ། །ཐེག་དབང་རབ་ཀྱི་རྣལ་འབྱོར་མཆན་ཆེན་དམ་པའི་གནད་འདི་ཟབ། །ངོ་མཚར་རྟེན་འབྲེལ་མེ་ཏོག་བཀྲམ། །མི་གནས་མྱ་ངན་འདས་པའི་གྲོང་། །དཔའ་བོ་མཁའ་འགྲོས་མདུན་བསུས་ཏེ། །རང་བྱུང་ལྷུན་གྲུབ་བཀོད་པའི་ཀློང་། །ཐབས་ཤེས་དབྱེར་མེད་གཏན་སྲིད་འཛིན། །པད་འབྱུང་ཡབ་ཡུམ་ཐུགས་བསྐྱེད་དང་། །ངེད་ཅག་མཆེད་ལྕམ་དམ་ཚིག་མཐུས། །ནོར་བུ་རྒྱ་མཚོའི་དཔལ་དུ་ཤར། །དགོས་འདོད་ལོངས་སྤྱོད་གཏེར་གཉིས་ཀྱིས། །འགྲོ་ཁམས་ཆོས་ཀྱི་དཔལ་དང་ལྡན། །གང་འབྲེལ་པདྨ་འོད་གླིང་དུ། །འདྲེན་པའི་དེད་དཔོན་ཆེན་པོ་རུ། །ཐབས་ཤེས་འཛོམས་པ་ངོ་མཚར་ཆེ། །ཞེས་མེ་ཏོག་འཐོར་ཏེ་མི་སྣང་བར་གྱུར་ཏོ། །ནང་སྔ་མོ་གནས་ཁང་ཕྱི་ནང་ཐམས་ཅད་དྲི་བཟང་གིས་ཁྱབ་འདུག་པས། རྗེ་དེ་ཉིད་ཀྱང་རྟེན་འབྲེལ་ངོ་མཚར་ཅན་དུ་དགོངས། དེ་ནས་ཕན་ཚུན་ཐུགས་མཐུན་རྗེས་བརྩེ་ལྷོད་མེད་མཛད་ནས་ངེད་རྣམས་ཕྱིར་ལོག་གོ་།ཡང་བློ་ཆོས་སང་གི་ཟུར་ལ་ཐོན་ནུབ་རྨི་ལམ་དུ་བུད་མེད་མང་ པོས་གྲོས་བྱེད་ཀྱིན་འདུག་པས། དེ་ཀར་བདག་སོང་ནས་ཁྱོད་རྣམས་ཀྱིས་གྲོས་ཅི་བྱེད་པ་ཡིན་དྲིས་པས། དེ་དག་གི་ནང་ནས་བུད་མེད་ཅུང་ཟད་རྒས་ཉམས་ཅན་ཞིག་འདུག་པ་དེས་འདི་སྐད་ཟེར། ངེད་ཅག་གིས་གྲོས་གལ་ཆེན་ཞིག་བྱེད་པ་ཡིན་ཀྱང་། ད་ལན་ལམ་དུ་ཨེ་འགྲོ་མི་ཤེས་ཟེར། ཡང་བདག་གིས་ཁྱོད་དོགལ་ཆེ་བའི་དོན་སྨོས་དང་།ང་རང་གིས་མཐུན་རྐྱེན་ཅི་ནུས་བྱེད་རོགས་ལྡན་འོང་སྨྲས་ཚེ། ཁོང་ཚོས་གཅིག་གིས་གཅིག་ལ་བལྟ་ཞིང་ཅི་ཡང་མི་སྨྲ་ཞིང་མིག་གིས་གསང་གྲོགས་བི་མ་ལ་རསྨིའི་བཞུགས་གནས་སར་བལྟ་ཞིང་ཁྲོས་འཁྲུགས་རྣམ་འགྱུར་ངོམས་འདུག་པས་ན། བདགགིས་བསམ་པ་ལ་འདི་དག་ཅི་ཡིན་ཆ་མི་ཆོད་པ་འདྲ་སྙམ་ནས་འདི་སྐད་སྨྲས། ཁྱེད་ཅག་གི་བསམ་སྤྱོད་ལ་དཔྱད་ན་གཏེར་ཆེན་གསང་སྔགས་གླིང་པ་ལ་བར་ཆད་བྱེད་སྙམ་ཡོད་པར་འདུག་པས་དེ་ལྟར་བྱ་དགོས་མེད། བདགགིས་གསང་བའི་གྲོགས་སུ་གུ་རུ་པདྨའི་ཞལ་ལུང་དུ་བསྟན་པ་ཡིན་པས་ཁྱེད་ཅག་གིས་གནོད་པ་ཅི་ལ་བྱེད། འུ་ཅག་རྡོ་རྗེའི་སྤུནགྲོགས་དམ་ཚིག་རིགས་གཅིག་གིས་བསྡུས་པ་ལ་བསམ་ནས། རང་ཐད་ནས་ཀྱང་ཡེ་ཤེས་མཁའ་འགྲོ་དངོས་གྲུབ་གཉིས་ལ་དབང་བ་རྣམས་དང་། ཁྱེད་འཇིག་རྟེན་མཁའ་འགྲོ་སྲོག་དབུགས་ལ་དབང་བ་གཉིས་ བྃ༔ ཀར་ཁྱད་པར་མི་ཕྱེད་ཅིང་རྒྱུན་དུ་མཆོད་གསོལ་ལ་འབད་ཅིང་རྒྱུན་གཏོར་མ་བཅདཔ་དང་། ཚིག་ཙམ་གྱིས་ཀྱང་སྨད་པར་མི་བྱ་བ་ནི་དམ་ཚིག་གཉན་པོའི་ཁྲིམས་ལ་གནས་པ་ཡིནཔས། ཁྱེད་ཅག་ནས་བདག་གིས་བསྒོ་བའི་བཀའ་བཞིན་བསྟན་འཛིན་རྣམས་ཀྱི་སྐུ་ཚེ་དང་མཛད་ཕྲིན་ལ་བར་ཆད་མི་བྱེད་པར་མཐུན་རྐྱེན་གྲོགས་ལྡན་མཛད་པའི་བཀའ་དང་དམ་ཚིག་རྗེས་སུ་དྲན་པར་མཛོད་ཅིག །ཅེས་སྨྲས་པའི་ཚེ། ཡང་ཁོང་རྣམས་ཀྱིས་དབྱངས་གཅིག་དང་མགྲིན་གཅིག་ཏུ་འདི་སྐད་ཟེར། ཧ་ཡ་ཧེ། མི་འདའ་མདའ་མོ་ཤར་ནས་འཕེན། །དུས་ཀྱི་ཕག་ནག་འཁུན་པ་འདེབས། །ལྟོ་འགྲོ་རྒྱལ་པོས་མཆེ་ལྡན་བཅོམ། །སྔགས་པས་མགོ་རག་ཆས་སུ་བྱེད། །ཌཱཀྐིའི་སྙིང་ནོར་ཟབ་པའི་གཏེར། །སྣོད་མིན་སྐྱེས་བུ་གཞན་དག་ལ། །བཅིང་བའི་ལོངས་སྤྱོད་ལྟར་དུ་སྦྱིན། །སྔོན་འབྲེལ་ཤེས་རབ་གཟུངས་མ་མཆོག །གཉིས་འཛིན་བདུད་དབང་ཁོ་ནར་བཏང་། །མ་ངེས་སྤྱོད་པ་འདི་འདྲ་བས། །དབྱིངས་ཀྱི་ཌཱཀྐི་དབྱེ་ཞིང་འཁུ། ལས་བྱེད་ཌཱཀྐི་ཁྲོ་ཞིང་འཁྲུགས། །མི་འདོད་སྣ་འདྲེན་རང་གིས་བྱེད། །དམ་ཚིག་མཁའ་འགྲོའི་རྗེས་ཀྱང་གཅོད། །ཤུགས་ལྡན་སྣ་ཚོགས་ཐབས་ཀྱིས་བསུས། །འོན་ཀྱང་འུ་ཅག་དམ་ཚིག་ གཉན། །རང་བྱས་རྣམ་སྨིན་མ་ཡིན་པའི། །ངེད་ཀྱིས་བར་ཆད་མི་བྱེད་དོ། །བྷྱོ་ཛ་བཛྲ་ས་མ་ཡ༔ བརྗོད་པ་དང་མཉམ་དུ་བཤུག་པའི་སྒྲ་དང་བཅས་མི་སྣང་བར་གྱུར་ཏོ། །ནང་སྔ་མོ་རང་གི་ཡིད་མ་བདེ་ནས་དེ་དག་སེལ་བྱེད་ཀྱི་རིམ་གྲོ་མཁའ་འགྲོའི་ཞལ་ལུང་དང་རྟེན་འབྲེལ་གྱི་དངོས་རྫས་བཅས། རྗེ་དེ་ཉིད་ཀྱི་ཟབ་གཏེར་གྱི་ཡིག་བྲིས་པ་དགེ་བཙུན་ཚུལ་ཁྲིམས་རྡོ་རྗེ་ལ་བསྐུར་ནས། ཡིད་བཞིན་ནོར་བུའི་ཕྱག་ཏུ་འཕྲོད་ངོས་སུ་བྱུང་ནས་རྟེན་འབྲེལ་འཕྲོ་ཅན་དུ་བྱུང་ངོ་། །དེ་ནས་འབྲུག་ཟླའི་ནང་དུ་སྒོ་སྤྲུལ་སང་ནས་གསུང་ཤོག་ཐོན་བྱུང་བས། རྒྱལ་སྲས་སང་དང་ངེད་དཔོན་གཡོག་ཆ་ཤས་བཅས་གཡུ་རྩེའི་གནས་ནང་དུ་སྤྲུལ་སྐུའི་མདུན་ལ་སོང་བས། ཁོང་གིས་འབམ་གཞི་ཇེ་དེངས་ལ་སོང་ནས་སློབ་འབངས་ཉེ་འཁོར་ཐམས་ཅད་ཀྱིས་དགའ་བ་བསྒོམས་ཏེ། རང་རང་གི་ཉམས་ལེན་ལ་བརྩོན་པར་བྱེད་ཅིང་གནས་འདུག་པས། ངེད་ཅག་མཇལ་འཕྲད་བྱས་ཚེ་ཤི་གསོན་འཕྲད་པ་ལྟར་དགའ་སྤྲོའི་གསོས་སུ་གྱུར། དེ་ནས་དེ་ཀར་ཉིན་བཅོ་ལྔའི་བར་དུ་བསྡད་ནས་སྒོ་སྤྲུལ་སང་དང་ལུགས་གཉིས་གང་ཐད་ནས་བློ་ལྷག་མེད་པའི་གསུངས་མཛད་ཞིབ་རྒྱས་སུ་འོང་། ཁྱད་པར་སྒོ་སྤྲུལ་རིན་པོ་ཆེ་ནས་མགར་ར་སྤྲུལ་སྐུ་ལ་ང་རང་གི་ཐད་ནས་བྱུང་དང་འབྱུང་ བྃ༔ འགྱུར་གྱི་ཞལ་ཏ་དུ་མ་མཛད་ཚེ། རྒྱལ་སྲས་ཀྱིས་ཐུགས་ལ་མ་འཕྲོད་ནས་འདི་སྐད་གསུངས། ཁྱོད་རང་ནི་བདག་ལྟ་བུའི་གྲོགས་སུ་མི་དབང་བའི་རིགས་ཅན་ཡེ་ཤེས་མཚོ་རྒྱལ་འདྲ་བའི་མཁའ་འགྲོ་མོ་ལུས་ཞིག་ཡིན་པ་འདྲ་མ་གཏོགས། སྒོ་སྤྲུལ་སང་གིས་ནམ་དང་དུས་ཡིན་ཀྱང་ཁྱོད་ཀྱིས་མཁའ་འགྲོ་མ་འདི་ལ་ཐབས་སྣ་ཚོགས་ཀྱི་སྒོ་ནས་འབྲེལ་བ་ཡོད་མི་ཉན་གསུངས་ཏེ། ཕོའི་དབང་མོ་ལ་ཤོར་དགོས་པར་འདུག་ཀྱང་། ཁྱོད་ལྟ་བུ་བདག་ལ་མི་དབང་དོན་ཅི་ཡོད། དེ་ན་འཇིག་རྟེན་ཁྱིམ་ཐབ་ཀྱི་རྒན་བུ་མི་སྐྱ་རྣམས་ཀྱིས་ནག་མོ་ལོན་ཐབས་གཏན་ནས་མི་འོང་ཨང་གསུངས། ཡང་བདག་གིས་སྒོ་སྤྲུལ་སང་གིས་བདག་སྐྱེ་བ་མཐོ་བ་ཞིག་རེད་དགོངས་ནས་ཁྱོད་ལ་ཞལ་ཏ་གསུངས་པ་ཨེ་ཡིན། ཁྱེད་ཀྱིས་དགོངས་བཞིན་སྡིག་རྒན་དམེ་བོའི་རིགས་གསལ་སྒྲོན་ལས་བདག་གི་སྐྱེ་བ་དམན་པ་ཀུན་གྱིས་མཐོང་ཆོས་བཞིན་ཞུ་མི་དགོས་པར་ཁྱོད་ཀྱིས་མངའ། ང་རང་གཅིག་ཐད་ནས་ཟ་མ་མོ་ལུས་སྲིད་བཟུང་སླ་བ་དང་། གཉིས་ཐད་ནས་ཕ་མིང་ས་ཐག་རིང་བ་དང་། གསུམ་ཐད་ནས་ཤ་ཚ་ཤེས་ཆུང་བྱེད་མི་ཨ་ཁུ་རི་བོང་གི་གཙུག་ནོར་གྱི་དཔེ་ལྟ་བུ་ཡིན་པར་དགོངས་ཏེ། སྙིང་རྗེའི་ཡུལ་དུ་གཟིགས་ནས་ཁྱེད་ལ་ཡར་ཞུ་ཕུལ་བ་ལོས་ ཡིན། དེ་ལ་ཐུགས་ངལ་དང་ཐུགས་ཁྲེལ་མི་དགོས། སྔར་སྲིད་པའི་ཨ་ཕྱིའི་དཔེ་ལ། འཇིག་རྟེན་འཇིག་རྟེན་འདས་གྱུར་ཀྱང་། །སྣང་ཆ་འཇིགས་མེད་དཔའ་བོ་དེ། །བདེ་ཆེན་སྟོང་དབྱིངས་ངང་དུ་འགྲོ། །དབྱིངས་དང་ཡེ་ཤེས་གཉིས་མེད་གྲོལ། །ཟེར་བའི་དོན་བཞིན་ཕོ་མོ་གང་གི་ཐད་ནས་གྲོགས་ཀྱི་ཐབས་ཆགས་མི་འོང་ཞུས། དེ་སྐབས་གནས་ནང་དུ་རྡི་བིར་རྟུག་རྩ་སྤྲུལ་སྐུ་དཔོན་གཡོག་ཆ་ཤས་སྐུ་མཚམས་ལ་བཞུགས་འདུག་པས། སྒོ་སྤྲུལ་སང་གི་ཞལ་ནས་ད་ལན་ཁྱེད་ཀྱིས་རྡི་སྤྲུལ་སང་གི་སྐུ་ཚེའི་བར་ཆད་སེལ་ཐུབ་པའི་རྟེན་འབྲེལ་ཡོད་པས། ཁྱོད་ཀྱིས་དེ་ལུགས་ཀྱི་ཐབས་གང་དྲག་རེ་མཛད་རོགས་མ་འཆུག་དང་། ཁོང་ཆ་ལུགས་འདུལ་བ་འཛིན་པ་ཡིན་པས། ན་ནིང་རྡོ་གྲུབ་རིན་པོ་ཆེའི་སྐུ་མདུན་ནས་བསྙེན་རྫོགས་ཞུས། མོ་རྩིས་ཤིན་ཏུ་འཁྲུག་ཅིང་། ཁྱད་པར་རྫོགས་ཆེན་རིན་པོ་ཆེ་དང་སྐྱེས་ཆེན་མང་པོས་ལུང་བསྟན་ལ། སྐུ་ཚེ་བརྟན་ཕྱིར་ཤེས་རབ་མ་རིགས་ཅན་ཞིག་ལ་གསང་ཐབས་ཀྱིས་འབྲེལ་དགོས་སོགས་གསུངས་པ་དང་༏ མིན་ཀྱང་ཁོ་རང་ཡང་གཏེར་སྟོན་ཞིག་ཡིན་འདུག་ཀྱང་། དགོན་ཆེན་གྱི་བདག་པོ་ཡིན་པས་སྔགས་སྤྱོད་མ་མཛད་ཅིང་ཚུལ་ཤིན་ཏུ་བཙུན་པར་མཛད་ཅིང་སྒྲུབ་པ་ཉམས་ལེན་ཁོ་ན་ལ་ བྃ༔ བཞུགས་པས། དེའི་སྐུ་ཚེ་བརྟན་ཐབས་ལ་ཁྱོད་ལས་དྲག་གཅིག་ཀྱང་མེད་པས་ན་མ་འཆུག་གསུངས། ཡང་བདག་གིས་ཁོང་གཏེར་སྟོན་འཁྲུལ་མེད་ཡིན་ན་ཚུལ་འཆོས་བྱེད་ཅི་ལ་དགོས། ཨོ་རྒྱན་སྨིན་གླིང་གི་དགོན་བདག་གཏེར་སྟོན་ཡིན་རབ་སྙན་ལོས་ཡོད། དེའི་ཕྱིར་ན་འདུལ་འཛིན་མ་ཡིན་ན་དགོན་བདག་མི་འོང་བའི་ངེས་པ་ཨེ་ཡོད་མི་ཤེས། ང་རང་གིས་ཁོང་གིས་སྐུ་ཚེའི་བར་ཆད་སེལ་ཐབས་མི་འོང་། གཅིག་ཐད་ནས་ང་རང་བདག་པོ་ཅན་རེད། མིན་ཀྱང་འདུལ་བ་འཛིན་པའི་སྡོམ་པ་འཕྲོག་ན་ཉེས་པ་ཆེན་པོའི་རྒྱུ་བྱེད་པ་ཡིན་པས་དེ་ལྟར་མི་བྱེད་ངེས་པ་ཡིན་ཞུས། ཡང་སྒོ་སྤྲུལ་ཞལ་ནས། ཁྱོད་ལུས་ཁོང་དོག་མོ་དེ་ལྟར་བྱེད་ཅིའི་ཕྱིར་དགོས། ཁྱོད་རང་རྩ་ཐིག་རླུང་གསུམ་གྱི་མན་ངག་ལ་རང་བྱན་ཚུད་ཅིང་ལོག་སྤྱོད་ནི་མི་བྱེད། མིན་ཀྱང་ཁྱོད་རང་གི་གཞན་དོན་ཁོ་ན་མ་གཏོགས་རང་འདོད་བློ་ངན་ཡང་མེད་ན་ཉེས་པ་འབྱུང་དོན་ཅི་ལ་ཡོད། རྒྱལ་སྲས་ཀྱི་ཐག་ང་རང་གིས་ཆོད་ངེས་པ་ཡིན་པས། དེ་ཀའི་ཐད་ནས་ཁྱོད་ལ་ཉེས་སྒྲིབ་མི་འབྱུང་བའི་ཁག་ང་རང་གིས་ཁུར། ད་ལན་སྟབས་ལྡན་མ་བྱུང་ཚེ། རྡི་སྤྲུལ་སང་དགུང་ལོ་སོ་བརྒྱད་སོ་དགུ་ཕན་མི་བཞུགས་ངེས་པ་རེད་གསུངས། ཡང་བདག་གིས་རྒྱལ་སྲས་སང་ གི་ཐུགས་བབ་ཡོད་ཀྱང་། དེ་བས་ལྷག་པའི་ང་རང་ལ་རྩ་བའིགྲོགས་ཁྱད་པར་བ་ཞིག་ཡོད་པ་དེའི་ཐུགས་བབ་མེད་ཚེ། བྱ་བ་ཆེན་པོའི་ལམ་དུ་མི་འཇུག །ཚོགས་འཁོར་རེ་ཙམ་འདོན་རོགས་བྱས་ན་དེས་ཆོག་གམ། མ་ཆོག་ཀྱང་བྱ་ཐབས་ཅི་ཡང་མེད་པས་དམ་ཚིག་ལ་མངོན་ལྐོག་མི་བྱེད་ཞུས་ཚེ། ཡང་ཁོང་གི་ཞལ་ནས་ད་ཁྱོད་རང་བདག་གི་གྲྭ་པ་ཞིག་དང་ལྷན་དུ་རྡི་སྤྲུལ་གྱི་སྐུ་མདུན་ལ་བྱོན་དང་། ཕན་ཚུན་གཉིས་ཀར་གོ་རྒྱུ་ཡོད་གསུངས། དེ་ནས་ཁོང་གི་བཀའ་བཞིན་སོང་བས། སྤྲུལ་པའི་སྐུ་དེ་ཉིད་ཀྱིས་གདན་གསུམ་འཁོར་ལོའི་བཀོད་པ་དང་། རླུང་གི་འབྱིན་འཇུག་གནས་གསུམ། རྡོ་རྗེ་གསུམ་གྱི་དམིགས་རིམ་གྱིས་གནད་དོན་སོགས་ལུགས་གཉིས་ཀྱི་གསུང་ཞིབ་དུ་མ་མཛད། ཁྱད་པར་སྐྱེ་དང་ཚེ་རབས་ཐམས་ཅད་དུ་མ་རྒྱུད་མཁའ་འགྲོའི་སྲས་སུ་འཛིན་པའི་ཐུགས་བསྐྱེད་དང་སྨོན་ལམ་མཛད་ནས། ཁོང་གི་གསོལ་དཀར་དང་། རིན་པོ་ཆེ་སྣ་ཚོགས་དོ་ཤལ་གྱི་རྟེན་དུ་གནང་ནས་རྟེན་འབྲེལ་དངོས་རྗེས་སོར་དུ་བཞགགོ། །དེ་ནས་སྒོ་སྤྲུལ་གྱི་མདུན་ལ་འོང་ནས་ལོ་རྒྱུས་ཐམས་ཅད་ཞིབ་རྒྱས་སུ་ཞུས་ཚེ། ཁོང་གི་ཞལ་ནས་ཁྱོད་རང་གི་གྲོགས་ཁྱད་པར་བ་དེ་ད་སྔ་ཡོད་པ་མ་ཚོར། ད་ལན་ཁྱོད་ཀྱིས་ལོན་ཡོད་པ་འདི་ངོ་མཚར་ཆེ། ད་དུང་ བྃ༔ ཕན་ཚུན་གཉིས་ཀའི་སྟབས་གཟབ་པ་གལ་ཆེ། ལྷ་ཟབ་ན་བདུད་ཟབ་ཟེར་བའི་དཔེ་བཞིན་བར་ཆད་ཀྱི་དབང་དུ་ནམ་དང་དུས་ཀུན་ཏུ་གཏོང་མི་ཉན་གསུངས། ཡང་ཁོང་གི་གསོལ་དཀར་དངུལ་ཤན་མ་དང་། ཐུགས་དམ་བཀའ་རྒྱ་མ། གཞན་ཡང་དངོས་རྫས་དུ་མ་གནང་ནས་ངེད་ཅག་རང་ཡུལ་དུ་ལོག་གོ། །དེ་ནས་ཟླ་བ་བཅུ་གཉིས་པའི་ཚེས་བཅུའི་ཉིན་རྒྱལ་སྲས་སྐུ་མཆེད་གཉིས་དང་། ངེད་མ་བུ་གཉིས། གཞན་གྲྭ་པ་ཐུབ་བཟང་སོགས་དཔོན་གཡོག་ཆ་ཤས་ཀྱིས་རིག་འཛིན་འདུས་པའི་དཀྱིལ་འཁོར་གྱི་ཞལ་ཕྱེས་ནས་ཚོགས་ཀྱི་མཆོད་པ་འབུལ་བའི་སྐབས་སྤྱན་འདྲེན་གྱི་ནང་དུ་ཐོན་དུས། རང་གི་སྣང་བ་གནས་འགྱུར་རེ་སྤྲོས་མེད་འཛིན་ཞེན་མེད་པར་གནས་སྐབས། དཔའ་བོ་དཀར་ལ་དམར་བའི་མདངས་ཆགས་པ། སྐུ་གཅེར་བུ་རུས་པའི་རྒྱན་དྲུག་སྤྲས་ཤིང་ཐོད་སྐམ་ལྔའི་རྩེ་ཕྲན་མཛེས་པ། དརསྣ་དཀར་དམར་མཐིང་གསུམ་གྱི་དཔྱངས་འཕྲུལ་དང་སྟག་ལྤགས་ཀྱི་ཤམ་ཐབས་གསོལ་ཞིང་། བདེ་ཆེན་ཡེ་ཤེས་ཀྱི་ཉམས་འབར་བ། དབུ་སྐྲ་ཐོར་ཅོག་དང་ལྷག་མ་སྐུ་རྒྱབ་ཏུ་སིལ་བུར་བཀྲམ་ཞིང་ཞལ་གཅིག་ཕྱག་གཉིས་བདེ་སྦྱོར་རོལ་པའི་ཕྱག་རྒྱ་མཛད་པ་ཞིག །བདག་གི་མདུན་ཐད་དེ་དཀར་བྱོན་ནས། བདེ་ སྟོང་ཡེ་ཤེས་བསྐྱེད་པའི་དཔའ་བོ་མཛད་ཅིང་ཧཾཿཡིག་གི་རྣམ་པར་གྱུར་ནས་བདག་གི་སྤྱི་བོར་དུ་ཐིམ་སོང་མ་ཐག་ལུས་མི་བདེ་བ་རྒྱུད་འཛིན་གྱི་སྲིད་བཟུང་བ་ལྟ་བུར་སོང་ནས། བདག་གིས་ཅི་ཡིན་སྙམ་ནས་ཡིད་ཚོམ་ཏེ། མཁའ་འགྲོ་གཉིས་ལ་འདི་སྐད་དྲིས། གྲོགས་མོ་ང་རང་གི་ད་ལྟ་དཀྱིལ་འཁོར་འདིའི་སྐབས་བདེ་ཆེན་ཡེ་ཤེས་ཀྱི་དཔའ་བོ་ཁོངས་སུ་བྱ་བ་རེད་ལགས་སྨྲས་ཚེ། ཌཱཀྐི་གཅིག་གིས་ན་རེ། ས་ར་ཧ་པ་རེད་ཟེར། གཅིག་ན་རེ། ཤ་མི་གོ་ཆ་རེད་ཟེར། དེ་གཉིས་གང་ཡིན་ང་རང་གིས་ཆ་མ་ཆོད་ཀྱང་མཁའ་འགྲོ་གཉིས་དབྱིངས་སུ་ཡལ་ལོ། །དེ་ནས་དེར་འདུས་ཐམས་ཅད་ཀྱིས་ང་རང་གི་ལུས་མི་བདེ་བའི་རྣམ་འགྱུར་མཐོང་ཡང་ཅི་ཡིན་ཆ་མ་ཆོད་ནས། ལ་ལས་ཟས་གྲིབ་ཡིན་ནམ་ཟེར། ལ་ལས་ཚོགས་ཀྱི་ཡོ་བྱད་མ་དག་པ་ཡིན་ནམ་ཟེར། ལ་ལས་མགྲོན་པོ་དམ་མེད་ཞིག་གི་སྣ་ཨེ་ཡིན་ཟེར་བ་སོགས་མཐོང་ཆོས་སུ་མངོན་ཀྱང་། བདག་གིས་ནི་ཅི་ཡིན་མི་ཤེས་སྨྲས་ཏེ་བཏང་སྙོམས་ལ་བཞག་གོ །དེ་ནས་བཟུང་སྟེ་དུས་རྟག་པར་ཡུལ་མ་ངེས་པ་དང་། ལུས་མ་ངེས་པ་དུ་མ་སྣང་ནས་ལྟོ་བ་མི་བདེ་བ་ལྟ་བུར་གནས་འདུག་སྐབས། རང་ལོ་ཉེར་བརྒྱད་ས་མོ་ལུག་ལོའི་ཟླ་བ་དང་པོའི་ཚེས་གསུམ་ཉིན་སྒོ་སྤྲུལ་རིན་པོ་ཆེའི་བསྙུན་གཞི་ བྃ༔ ཇེ་འཁྲུགས་ལ་སོང་ནས་ཚུར་གདན་སར་ཕེབས་བྱུང་། ཁོང་གི་གྲྭ་པ་ཞིག་བདག་འབོད་མི་ལ་ཐོན་བྱུང་བས། དེ་དང་མཉམ་དུ་