Tibetan
ངེ་འཛིན་གྱི་འོད་གསལ་ལ་སྦྱང་བ་ཐོན་པར་བྱས་ཤིང་རིམ་གཉིས་ཀྱི་ལམ་འབྲས་མངོན་དུ་གྱུར་པའི་ཚེ་ན། ཡེ་ཤེས་ཀྱི་གཟིགས་པ་ལ་དབང་འབྱོར་ནས་ཞིང་འདིར་སྐྱེ་བར་འགྱུར་རོ། །ཞིང་ཁམས་འདི་རུ་སྐྱེས་མ་ཐག་ཏུ་ས་བཅུ་ལམ་ལྔའི་ཡོན་ཏན་ཐམས་ཅད་མཐར་ཕྱིན་ནས་འབྲས་བུའི་ཆོས་མཆོག་ཉེར་ལྔའི་དབང་ཕྱུག་དཔལ་གདོད་མའི་མགོན་པོ་ཀུན་བཟང་རྡོ་རྗེ་འཆང་གི་གོ་འཕང་མངོན་དུ་འགྱུར་བ་ཡིན་ནོ། །ཞེས་གསུངས་མ་ཐག་འོད་སྣང་ཐམས་ཅད་གཅིག་ཏུ་འདུས་ཏེ་སྔར་གྱི་འོད་ཐིག་གི་རྣམ་པར་རང་ལ་ཐིམ་སྣང་འཆར་རོ། །དེ་ནས་རང་ལོ་ཉེར་དྲུག་ལོའི་ཟླ་བ་དང་པོའི་ཚེས་བཅུའི་ཉིན་སྒོ་སྤྲུལ་རིན་པོ་ཆེས་གསུང་ཡིག་གནད་མོ་ཞིག་གནང་བྱུང་ཡང་།ང་རང་གི་འབྱུང་ལུས་ནུས་པ་ཤིན་ཏུ་ཞན་ནས་སྡོད་དབང་མེད་པ་ལྟ་བུར་སོང་ཡོད་པས། སྔར་ཨ་ནེ་བཟང་མོས་ཞལ་ཆེམས་ལ་དབུས་མོ་བདེ་བའི་རྡོ་རྗེའི་བྱ་བ་ཡུལ་མདོ་ཁམས་ཕྱོགས་སུ་སྦས་པའི་རྣལ་འབྱོར་མ་ཞིག་འབྱོན་ངེས། དེ་སྐུ་མྱ་ངན་ལས་འདའ་བའི་སྐབས་གློ་བུར་དུ་བྱུང་ན། བདག་གི་གནས་འདིའི་གཡས་ཟུར་སྦས་གནས་ནོར་བུ་ཁྲབ་རྫོང་བྱ་བ་དེ་ཀར་བྱོན་ན་ད་དུང་ཡང་མདོ་ཁམས་གདུལ་བྱའི་དཔལ་དུ་བྱོན་པར་ཡང་སྣང་། དེ་ལྟར་མ་ལྡན་ན་ལྷོ་ནས་ལྷོ་རུ་བརྒྱུད་དེ་འགྲོ་དོན་དུས་སུ་འོང་བར་འདྲ་གསུངས་པ་ལ་རྐྱེན་ནས་ཡུལ་དེ་ཀར་འགྲོ་འདུན་གཏད། དེའི་སྐབས་རྒྱལ་སྲས་དཔོན་གཡོག་རྨ་རྒྱལ་ལ་བྱོན་ བྃ༔ རྒྱུ་གྲུབ་ནས། ངེད་མ་བུ་གཉིས་དང་། སློབ་བུ་ཐུབ་བཟང་སོགས་ཇོ་སེར་མང་པོ་དང་། རྒྱལ་སྲས་སང་གི་ཨ་ཁུ་ལྷ་དཔལ་ཞེས་པ་དང་། ཚ་མོ་རིན་ཆེན་སྒྲོན་མ་དང་། རྒྱལ་སྲས་སྐུ་མཆེད་གཉིས་བཅས་རྨ་སྐོར་ལ་ལམ་དུ་ཞུགས་ནས་སོང་བས། གཡག་མདའ་ཞེས་པའི་ལུང་པའི་ནང་དུ་ཁྲ་རྡོ་བླ་མ་བཞུགས་ཡོད་པས། ཁོང་གིས་ང་རང་རྨ་སྐོར་ལ་འགྲོ་བ་སྙན་ནས་ལམ་དུ་འབོད་མི་བཏང་བྱུང་། བདག་འགྲོ་སྙིང་མ་འདོད་ཀྱང་བྱ་ཐབས་དང་བྲལ་ནས་ངེད་མ་བུ་དང་ཐུབ་བཟང་བཅས་སོང་བས། བླ་མ་སྐུ་ན་ཤིན་ཏུ་ལོན་འདུག་ཀྱང་རྟེན་འབྲེལ་གྱི་དགོས་ཆེད་དུ་རྒྱང་རིང་པོ་ཙམ་དུ་བསུ་བ་ལ་བྱོནབྱུང་། བདག་གིས་མཇལ་དར་ཕུལ་བས། ཁོང་གི་ཞལ་ནས་འོ་ལེགས་སོ་རྟེན་འབྲེལ་བཟང་། དེ་རིང་ཁྱོད་ཀྱི་ཚེ་ཡི་བར་ཆད་དེ་སེལ་ནུས་པ་འདྲ་གསུངས་ནས། བྱུ་རུ་ཆུང་ངུ་བཅུ་གཉིས་དང་། གཡུ་སྤྲུག་སྤུས་ལྡན་ཞིག་གནང་སྟེ་འདི་རྟེན་འབྲེལ་གྱི་རྫས་ཡིན་གསུངས། དེ་ནས་དཔོན་གཡོག་ཐམས་ཅད་བླ་མའི་གཟིམ་ཁང་ནང་དུ་འོངས་ནས་ལུགས་གཉིས་ཀྱི་གསུང་མཛད་དང་། ཁྱད་པར་ང་རང་གི་འདུན་པ་གནས་ངེས་མེད་དུ་གཏད་མི་ཉན་པའི་ཐད་ནས་ཆོས་དམ་གཉན་པོས་བློ་གཡོ་མི་ནུས་པ་ལྟ་བུར་མཛད་དོ། །དེ་སྐབས་སུ་ བར་བར་ལ་སྣང་བའི་འཕེལ་ཁ་ཟད་ནས་གཏམ་བརྗོད་པ་ཐམས་ཅད་བྲག་ཆ་ལྟ་བུར་སྒྲ་གྲགས་པ་དང་ཡལ་བ་དུས་མཉམ་ནས་གཏམ་བཟང་ངན་གྱི་སྐབས་འབྱེད་མི་ཤེས་ཤིང་ལྐུག་པ་ལྟ་བུར་ཐོམ་ཡོ་རེ་བར་གནས་འདུག་པས། བླ་མའི་ཞལ་ནས། ཁྱོད་ནི་མྱུར་དུ་དཔལ་ཡུལ་དགོན་དུ་སོང་ལ་དེན་སྒོ་སྤྲུལ་སང་བཞུགས་ཡོད་པས། དེས་ཁྱོད་ལ་ཕན་ཐོགས་རེ་མེད་ཚེ་བདག་གཅིག་པུས་ཁྱོད་ཀྱི་བར་ཆད་སེལ་ཐབས་དཀའ་མོ་ཞིག་ཏུ་སོང་འདུག་པས་དེ་ལྟར་མྱུར་བར་བསྒྲུབ་དགོས་གསུངས། བདག་གི་སེམས་ལ་ང་རང་ན་ཡུན་རིང་བའི་སྟོབས་ཀྱིས་རླུང་ཤུགས་ཆེ་བ་རེད་མ་གཏོགས། ཤི་ཆས་ཀྱི་ལྟས་མིན་པ་འདྲ། སྔ་སོར་ཟླ་བ་བཅུ་གཉིས་པའི་ནང་ཚུན་ཆད་འདི་ལྟ་བུ་བར་སྐབས་ལ་འབྱུང་བ་ཡིན་སྙམ་ནས་བཏང་སྙོམས་སུ་བཞག །དེ་ནས་རིམ་གྱིས་དཔལ་ཡུལ་དགོན་དུ་ཐོན་སོང་བས། ང་རང་གི་བསམ་པ་ལ་སྒོ་སྤྲུལ་སང་ང་ཆ་ཞིབ་མེད་པས་མདུན་དུ་མ་སོང་ཡང་ཆོག་སྙམ་ནས། ངེད་ཅག་གི་གནས་ཚང་དགོན་སྟོད་དུ་བཅས་ནས་སྡོད་ཡོད་པས། རང་སློབ་དཔལ་ལྡན་རྒྱ་མཚོ་དང་། འཇིགས་མེད་ཆོས་འཕེལ་གཉིས་འོངས་ནས་ཁྱོད་ལྷོ་རོང་ནས་སྤྲུལ་སྐུ་སང་གིས་བྱོན་ཤོག་གསུངས་པས་དེ་ལུགས་ཀྱིས་མྱུར་དུ་འགྲོ་དགོས་ཟེར། བདག་གིས་སྒོ་སྤྲུལ་སང་ བྃ༔ ད་སྔ་མཇལ་འཕྲད་ཙམ་མ་གཏོགས་ཞིབ་ཆ་ཆེན་པོ་མེད། མིན་ཀྱང་ང་རང་འགྲོ་མི་ཉན་མ་གཏོགས་ཁོང་མོ་ཁར་གྲགས་ཡོངས་སྨྲས་ཚེ། ཁོང་གཉིས་ན་རེ། གཞན་གྱིས་ཅི་བཤད་ཀྱང་བཤད་དུ་ཆུག་འུ་ཅག་འགྲོ་དགོས་ཟེར། ཡང་བདག་གིས་ང་མི་འགྲོ་ཅི་ཕྱིར་འགྲོ། དོན་མེད་དུ་དགོན་གསེས་ཉུལ་བ་ཁྱི་དང་སྤྲང་པོ་ལྟ་བུ་མི་བྱེད། ཁོང་ལ་མོ་ཁ་ཕོག་ན་ཡུལ་གཉན་པོ་ཡིན་པས་ན་ཉེས་པ་ཆེན་པོའི་རྒྱུ་བྱེད་འོང་སྙམ་གྱི་མ་གཏོགས། ང་རང་ལ་མཚོན་ན་དབྱིངས་སུ་སྦྱོར་བ་རབ། འབྲེལ་བ་ཐོང་བ་འབྲིང་། ཐ་ནའང་མོ་ཁ་ཕོག་པ་ཙམ་གྱིས་ཀྱང་འབྲས་བུ་མཆོག་གི་དངོས་གྲུབ་ཐོབ་པའི་རྒྱུ་བྱེད་པ་ཌཱཀྐིའི་རིགས་ཀྱི་ཡོན་ཏན་ཡིན་མོད། འོན་ཀྱང་ཚིག་འདིའི་ཟུར་ཙམ་ཡང་གཞན་ལ་མ་སྨྲ་ཞིག །བདག་མགྲོན་པོ་འགྲོ་རན་པའི་གསང་ཚིག་ཡིན་ནོ་སྨྲས་ཏེ་ཉལ་བསྡད་པས། ཁོང་གཉིས་ཀྱིས་བྱ་ཐབས་བྲལ་ནས་ཕྱིར་བུད་སོང་། བདག་གི་བསམ་པ་ལ་ང་རང་མཁའ་འགྲོའི་ཞལ་ལུང་ལྟར་རྨ་རྒྱལ་ལ་མི་ཐོན་པར་འདུག་པས་ཚེ་བཅུ་གསུམ་ཉིན་འགྲོ་རན་སྙམ་ནས། རང་སློབ་ཐུབ་བསྟནབཟང་པོ་ལ་འདི་སྐད་སྨྲས། ཧ་ཧ། རྟ་བདུན་གསལ་བ་ནམ་མཁའི་རྒྱན། །ཁོང་མི་བཞུགས་ནུབ་རིའི་ཕྱོགས་སུ་བསྒྲོད། །དེ་ཡང་མི་རྟག་མཁན་ པོ་ཡིན། །ས་དྲོད་གཤེར་འཛོམས་ནས་རྩི་ཤིང་སྨིན། །དབྱར་གསུམ་མིག་གི་རྒྱན་དུ་ཤར། །སྟོན་ཆུང་བ་མོས་ཁྱེར་ནས་སོང་། །དེ་ཡང་མི་རྟག་མཁན་པོ་ཡིན། །ལྷོ་སྤྲིན་ནམ་མཁའི་ན་བུན་དེ། །ཆར་ཟ་ཟི་ལོ་འབྲས་རྒྱན་དུ་འབེབས། །སྐྱི་སེར་དང་འཕྲད་དུས་དབྱིངས་སུ་ཡལ། །དེ་ཡང་མི་རྟག་མཁན་པོ་ཡིན། །འུ་ཅག་རྣམས་སྔོན་གྱི་ལས་ཀྱིས་བསྒྱུར། །གནས་གཅིག་ཏུ་ཚོགས་པ་སོ་སོར་བྲལ། །དེ་ཡང་མི་རྟག་མཁན་པོ་ཡིན། །ང་བདེ་བའི་རྡོ་རྗེ་སྒྱུ་མའི་ལུས། །ཁོང་ལས་ལྡན་ཚོའི་དཔལ་དུ་ཤར་བ་དེ། །བདུད་སབྟས་བསྐུལ་ནས་མ་ངེས་དུས། །སྐུ་གསུམ་གྱི་དུས་སུ་དཔལ་རིར་ཡིབ། །དེ་ཡང་མི་རྟག་མཁན་པོ་ཡིན། །ད་འདུས་བྱས་ཆོས་ཀུན་མི་རྟག་པས། །རྟག་བརྟན་ཡོངས་གྲུབ་རིག་པ་སྐྱོངས། །མ་ང་ནི་སྐྱེ་མེད་དབྱིངས་ནས་མཇལ། །ལྷུན་གྲུབ་འོད་གསལ་ཉམས་སུ་མྱོང་། །ཨ་མ་ཡེ་ཤེས་སྐུ་དང་མཇལ། །ཀུན་ཁྱབ་རིག་པའི་བཙན་ས་ཟུངས། །རིག་སྟོང་མ་དང་འབྲལ་བ་མེད། །དེ་ཕྱིར་བུ་ཁྱོད་དུས་ཀུན་ཏུ། །རང་བྱུང་རིག་པ་བརྗོད་མེད་འདི། །སྤང་བླང་མ་བྱེད་གང་དགར་ཐོང་། །ཆོས་ཀྱི་དབྱིངས་ལས་འདའ་བ་མེད། །བསྒོམ་པར་བྱ་བའི་ཆོས་སུ་མེད། །མ་བསྒོམས་ཡོངས་སུ་སོང་བ་ བྃ༔ མེད། །གང་སྣང་གང་ཤར་ཤར་དུ་ཆུག །གང་ཡིན་ཡིན་ཆུག་མིན་པ་མེད། །གང་མིན་མིན་ཆུག་བཅོས་སུ་མེད། །ཆོས་དབྱིངས་ཆོས་དབྱིངས་ཡངས་པ་ཆེ། ཡེ་ཤེས་ཡེ་ཤེས་རིག་སྟོང་པ། །ཐམས་ཅད་དག་མཉམ་ཨེ་མ་ཧོ། །ཞེས་སྨྲས་ཏེ་སྨྱོན་པ་ལྟ་བུ་གཟའ་གཏད་དང་བྲལ་བར་གནས་ཡོད་སྐབས། ཡང་ཚེས་བཅུ་གཉིས་ཉིན་སྒོ་སྤྲུལ་སང་གི་མདུན་གཡོག་འོད་གསལ་ཞེས་པ་ཁ་ངན་ལ་ཁོང་ཁྲོ་ཆེ་བ་ཞིག་ཡོད་པ་དེ་བདག་གི་སར་མངགས་ནས་ཐོན་བྱུང་བས། བདག་གིས་ཅི་ཡང་མ་སྨྲས། ཁོ་རང་གིས་བདག་གིས་ཁྱོད་འབོད་དུ་འོང་བ་ཡིནཔས་འུ་ཅག་འགྲོ་དགོས་འགྲོ་དགོས་ཟེར་ནས་ང་རང་གི་ཕྲག་པར་འཇུས་ཏེ། དཔེར་ན་བྱིའུ་ཆུང་ཁྲ་ཡིས་ཁྱེར་བ་ལྟར་རང་དབང་མེད་པར་འགྲོ་དགོས་བྱུང་བས་ཡིད་ཤིན་ཏུ་ཕམ་ཡང་བྱ་ཐབས་བྲལ། དེ་ནས་རིམ་གྱིས་མཇལ་འཕྲད་བྱེད་སྐབས་སྐྱེ་སྔོན་གྱི་བག་ཆགས་དྲན་ནས་སྨོན་ལམ་གྱི་འཕྲོ་སད་དེ་ཐུགས་ཡིད་རོ་གཅིག་ལྟ་བུར་གྱུར་ཚེ་ཅི་ཡང་མ་སྨྲས་པར་བསྡད་པའི་ཚེ། སྒོ་སྤྲུལ་རིན་པོ་ཆེའི་ཞལ་ནས་འདི་སྐད་གསུངས། ཁྱོད་ཀྱིས་བསྟན་པ་དང་འགྲོ་བའི་དོན་ལ་ཐུགས་རྒྱ་མི་བསྐྱེད་ཅིང་ཉེ་འཁོར་བུ་སློབ་རྣམས་ཀྱི་ལོག་རྟོག་ལ་སྐྱོ་སུན་མཛད་ནས་ཞིང་ཁམས་ལ་འདུན་པ་གཏད་ད དགོས་པ་ཅི་ཡིན། སྤྱིར་སངས་རྒྱས་ཀྱི་བསྟན་པ་དང་། སྒོས་སུ་མགར་ར་གཏེར་ཆེན་རིན་པོ་ཆེའི་ཟབ་གཏེར་གྱི་འཛིན་སྐྱོང་བྱེད་པ་དང་། ཡང་སྒོས་ཁྱེད་རང་གི་གདུལ་བྱའི་ལྷག་མ་མདོ་སྨད་ཀྱི་ཤར་དང་། ལྷོ་ཡི་ཕྱོགས་སུ་ཡོད་པས་དེ་དག་ལ་ཐུགས་བསྐྱེད་དམ་བཅའིགོ་ཆ་མི་དམན་པར་སྐུ་ཚེ་ཞབས་པད་རྡོ་རྗེའི་ཁྲི་ལ་བསྐལ་བརྒྱར་བར་དུ་བཞུགས་པར་གསོལ་བ་ཡང་ཡང་འདེབས་པས་ན། བདག་གིས་རེ་འབྲས་བསླུ་བ་མེད་པ་ཁྱེད་མཁྱེན། དེ་ལྟར་མ་མཛད་དུས་འུ་ཅགགུ་རུ་པདྨའི་བརྒྱུད་འཛིན་རྡོ་རྗེའི་མཆེད་གྲོགས་ཡིན་པས་ན། དེའི་ཆོས་དམ་ཚིག་ལ་ཐུགས་འདང་མ་བཏང་བ་ཡིན་གསུངས་ཏེ། བཀྲ་ཤིས་པའི་ལྷ་རེག་དང་རིན་ཆེན་གཉིས་པའི་སོར་གདུབ་རིན་ཐང་ཆེ་བའི་བྱུ་རུ་སྤུས་ལྡན་དང་། ཁྱད་པར་གསང་བའི་དམ་ཚིག་རྟེན་རྡོ་རྗེ་དྲིལ་བུ་བཅས་གནང་བ་ལ་རྐྱེན་ནས། བདག་གི་སྒྱུ་ལུས་ཀྱི་རྩ་ཆེན་ཐམས་ཅད་ཤིག་ཤིག་ཡོམ་ཡོམ་འགུལ་བ་དང་། རྟ་རྔ་བཅད་པའི་སྒྲ་ལྟ་བུར་ཐག་ཐག་ཟེར་བ་སོགས་རྟགས་མ་ངེས་པ་སྣ་ཚོགས་བྱུང་ཡང་བཏང་སྙོམས་ལ་བཞག་ཚེ། ཁོངགིས་མཁྱེན་བཞིན་དཔལ་རྟ་མཆོག་རོལ་པའི་ང་རྒྱལ་དང་ལྡན་པའི་ངང་ནས་རིག་སྟོང་བདེ་བ་ཆེན་པོའི་དགོངས་པ་ལ་བཞུགས་འདུག་པས། ང་རང་ནད་ཀྱི་རྐྱེན་ལས་ བྃ༔ གཞན་རྒྱུད་གསལ་བའི་རྟོགས་པ་ཅུང་ཟད་དུས་རིང་མོ་ནས་ཡོད་པ་ལ་གཞི་བྱས་ཏེ། ཁོང་གི་དགོངས་ཉམས་ཅི་འདྲ་ཡིན་པ་དེ་མ་ཐག་པར་གསལ་ཙམ་བྱུང་བས། བདག་གིས་ཀྱང་རིག་དེའི་ཤེས་རབ་ཀྱི་སྐུར་གསལ་ནས་རྩ་བའི་སེམས་དཔའ་ལྔའི་ལྷ་མོ་བཅུ་དྲུག་བསྐུལ་ནས་འབྱུང་ལྔ་རྣམ་པར་དག་པའི་ཕོ་བྲང་རང་བྱུང་ལྷུན་གྲུབ་ཏུ་བཞུགས་པའི་དཔའ་བོ་དང་མཁའ་འགྲོ་རྣམས་ལ་མཆོད་པ་ཕུལ་བས་ཐུགས་བདེ་སྟོང་གི་རོས་ཚིམས་ནས་སྟོན་འཁོར་དགོངས་པ་དབྱེར་མེད་རོ་གཅིག་ཏུ་གྱུར་ཏེ་དབྱིངས་དང་ཡེ་ཤེས་གཉིས་མེད་དུ་རོལ་པས། དེ་མ་ཐག་པར་སྔར་གྱི་ཉམས་སྣང་ཐམས་ཅད་གཉིད་སདཔའི་རྨི་ལམ་ལྟར་དབྱིངས་སུ་ཐིམ། རྩ་གནས་ཐམས་ཅད་ནད་དུ་སོང་ནས་བཟོད་དཀའ་བ་བྱུང་། ལུས་ཀྱི་ཟུངས་ཟད་པས་ཡུན་རིང་གི་ནད་པ་ལྟ་བུར་སོང་འདུག་ཀྱང་། ད་དུང་ཡང་སྔར་གྱི་བག་ཆགས་ཀྱིས་འདི་སྣང་ལ་འདུག་འདུན་མེད་པས་འདི་སྐད་ཞུས། ལགས་ང་རང་སྐྱེ་དམན་ཐ་མལ་བ་ལ་ཞིང་ཁམས་ཞེས་རང་དབང་ཅན་དུ་འགྲོས་ཡོད་པ་མི་ཤེས་ཚེ་ཟད་པའི་དུས་ལ་བབ་ཚེ་འདི་སྣང་ལ་འདུག་འདུན་ཆེ་ཡང་རང་དབང་མེད་པ་ཡིན་པས་འགྲོ་ལོས་དགོས་སྙམ། འགྲོ་བ་ལུས་ཅན་ཅི་ཡོད་པ་ཐམས་ཅད་འཆི་བ་རང་ངོས་ནས་གྲུབ་པ་ཤ་ སྟག་ཡིན་པ་མཁྱེན་བཞིན། ཁྱོད་ཀྱིས་བདག་ལ་བཀའ་གནང་ཟབ་མོ་མི་གསུངས་བར་ཞུ་ཞུས་ཏེ། ང་རང་གི་སེམས་ཤིན་ཏུ་སྐྱོ་ནས་དྲག་ཏུ་ནས་ངུ་བཞིན་བསྡད་ཚེ། ཁོང་གི་ཞལ་ནས་ཁྱོད་ཀྱིས་དེ་ལྟར་ཐུགས་ཆུང་མི་དགོས་དང་ཅི་དགོས་ཀྱི་ཞིབ་ཏ་བྱེད་དང་ཆོག་གི། །ད་ལན་གྱི་སྐབས་བདག་གིས་ཁྱོད་ལ་ཞུས་པ་ལྟར་ཐུགས་འདུན་ཞིང་ཁམས་ལ་གཏད་མི་ཉན། ཁྱོད་རང་ཁའི་ཐ་མལ་བ་ལྟ་བུ་མིན་པང་རང་གི་བསམ་ཚོད་ལ་མཁའ་འགྲོ་ཡེ་ཤེས་མཚོ་རྒྱལ་དངོས་སམ། མིན་ཡང་གསུང་གི་སྤྲུལ་པ་འཁྲུལ་མེད་དུ་ཡིན་སྙམ་པས། ད་དུང་སྐུ་ཚེ་རྐྱེན་དབང་དུ་གཏོང་མི་ཉན། གལ་ཏེ་བདག་གིས་སྨྲས་པ་རྣམས་ལ་དོན་འབྲས་མེད་ཚེ། ང་རང་ཡང་ད་ལོ་ཕན་ཆད་མི་འདུག་ངེས་པ་ཡིན་པས། ཀུན་གྱིས་ཕྱག་མོ་ལུང་བསྟན་ཐམས་ཅད་ཤིན་ཏུ་འཁྲུགས་འདུག་པས་བདག་གིས་ཀྱང་དེ་ལྟར་བྱེད་གསུངས། ཡང་བདག་གིས་ལགས་ཁྱོད་ཀྱི་ཐུགས་རྣམ་པར་དག་པའི་གཟིགས་ངོར་ཇི་ལྟར་སྣང་མི་ཤེས། ང་རང་གི་སྡུག་གཅིག་ཀྱང་མེད་པ་རང་གིས་ཤེས་ལགས། འཁོར་ཆེན་སྤངས་ནས་འཁོར་ཆུང་གི་ཁ་འཛིན་བྱེད་ཅིང་འཐབ་འཁོན་གྱི་རྒྱུན་བསྐྱངས། ཁྱད་པར་མགར་ར་བླ་མའི་བསྟན་པའི་གསོས་སུ་སྨན་པ་ཕར་ཞོག །རཱུ་ཏྲར་སོང་ནས་ཀུན་གྱིས་མིག་ལམ་ བྃ༔ ལ་མི་འགྲོ་ཞིང་དམ་ཚིག་ཉམས་པའི་རྒྱུ་བྱེད་པར་སོང་འདུག་པས། མཚོ་རྒྱལ་གྱི་སྤྲུལ་པ་བདག་ལྟ་བུའི་ཐབས་སྡུག་འདི་འདྲ་ཅིའི་ཕྱིར་ཡིན་ལགས། མིན་ཀྱང་བདག་གི་སྣང་བ་འདི་སྣང་ལ་བསྡད་ཚེ་འགྲོ་དོན་ཕར་ཞོག །རང་ཡང་ཉམས་གྲིབ་ཀྱི་རྐྱེན་དབང་གིས་ངན་སོང་རྣམ་གསུམ་དུ་འགྲོ་དགོས་པ་བྱུང་འོང་སྙམ་ནས་ཡུལ་གཞན་ཞིག་ཏུ་འགྲོ་དབང་ཡོད་ན་ཅི་མ་རུང་སྙམ་པ་མ་གཏོགས། འགྲོ་སའི་ཞིང་འགྲོ་བ་པོའི་གང་ཟག་གྲོལ་བ་ཐོབ་པའི་སེམས་སོགས་ཐ་དད་དུ་ཡིད་ཀྱི་ཡུལ་ཙམ་ལའང་ཤར་མ་མྱོང་ལགས། འདི་སྣང་ལ་འདུག་སྙིང་མི་འདོད་པ་ཙམ་གྱིས་འཆི་འགྲོ་དོན་མེད་སྙམ་གྱི་ཞུས་ཚེ། ཡང་ཁོང་གི་ཞལ་ནས། ཁྱོད་བཟང་ངན་ཅི་ཡིན་བདག་གིས་ཤེས་དོན་ཅུང་ཟད་ཞིག་བཤད་ན་ཁར་སང་དགུན་སྟོད་དགོན་པར་ཕུར་པའི་སྒྲུབ་ཆེན་འདོན་སྐབས། བདག་ཁྲི་བ་ཡིན་པ་དེ་ཁྱོད་ཀྱིས་གོའམ་གསུངས། བདག་གིས་དགོན་པས་སྒྲུབ་ཆེན་འདོན་པ་གོ །ཁྱོད་ཁྲི་བཞུགས་ཡིན་མིན་ཆ་མ་ཆོད་ཞུས། དེ་ན་སྒྲུབ་པ་ཟིན་སྐབས་དངོས་གྲུབ་བླང་དུས་ཨ་ཙ་ར་གཡུ་ཡི་སོར་གདུབ་ཅན་ཞིག་གིས་ང་རང་ལ་ཉམས་ཚོད་བལྟ་ཞིང་དངོས་གྲུབ་ཀྱི་རྫས་ལ་རོལ་ནས་བུད་སོང་བས་དེ་ཅི་ཡིན་གསུངས་པས། འཇིགས་ཆོས་དང་། དཔལ་ རྒྱམ་ལ་སོགས་པའི་ཉེ་འཁོར་དེར་འདུས་རྣམས་ཀྱིས་གཅིག་གི་ངོ་ལ་གཅིག་གིས་བལྟ་ཞིང་ཅི་ཡང་མི་ཟེར་བར་འདུག །བདག་གིས་སྔར་རྨི་ལམ་སྤྲུལ་བསྒྱུར་སྐབས་དེ་ལྟར་སོང་བ་དྲན་ནས་མ་གོ་བ་ལྟ་བུར་བྱས། ཡང་ཁོང་གིས་ཁར་སང་ཚེས་བཅུའི་ཉིན་བྱིའུ་ཅུང་སྐད་སྙན་པ་གཤོག་སྒྲོ་དང་མཇུག་མ་རྣམས་འོད་ལྔའི་ཁ་དོག་འབར་བ་ཞིག་བདག་གི་མཐོང་སྐར་གྱི་སྟེང་དུ་བབ་སྟེ། བྱུང་དང་འབྱུང་འགྱུར་གྱི་གཏམ་མང་པོ་ལུང་བསྟན་གྱི་ཚུལ་དུ་སྨྲ་ཞིང་། ཁྱད་པར་ཁོ་རང་མི་སྡོད་དཔལ་རི་ལ་འགྲོ་རན་ཟེར་བ་སོགས་སྣང་བས་དེ་ཀ་ཅི་ཡིན་གསུངས། འཇིགས་ཆོས་ན་རེ། ལགས་ལུང་བསྟན་གྱི་ཚིག་རྣམས་ཁྱོད་ཀྱིས་ཡི་གེར་བྲིས་ཨེ་ཡོད་ལགས། ཐ་མ་བྱིའུ་གར་སོང་ཞུས་ཚེ། ཡང་ཁོང་གི་ཞལ་ནས། ལུང་བསྟན་ཡིག་རིས་སུ་བགྱིས་ཡོད། བྱིའུ་ལྷོ་ནུབ་མཚམས་སུ་འཕུར་སོང་བས། དེ་མ་ཐག་པར་བདག་གིས་བྱ་ཁྲ་ཞིག་ཏུ་བརྫུས་ཏེ་ཁོ་རང་འགྲོ་དབང་མ་གཏད། ཡང་ཁོ་རང་བྱ་རྒྱལ་རྒོད་ཐང་དཀར་ཞིག་ཏུ་གྱུར་ནས་སོང་བས། བདག་གིས་ཁྲོས་མའི་ང་རྒྱལ་གྱིས་དབང་དུ་བསྡུས། ཡང་ཁོ་རང་མཁའ་འགྲོ་གཡུ་ཡི་ལན་ཚར་ཅན་ཡེ་ཤེས་སྒྱུ་མའི་ལྷ་སྐུར་བཞེངས་ནས་སྤྲིན་གྱི་གསེབ་ནས་ལྟོ་བ་ཡན་ཆད་སྣང་ཞིང་དེ་མན་ཆད་སྤྲིན་དང་འདྲེས་པ་ལྟ་བུར་ བྃ༔ བྱེད་འདུག །དེའི་སྐབས་སུ་བྱ་བ་སྣ་ཚོགས་པ་ཞིག་སྣང་ཡང་དེ་ཙམ་མ་གཏོགས་གསང་སྒོ་འཆོལ་མི་ཉན་གསུངས། བདག་གི་སྣང་བ་ལ་ཁོང་གི་དགོངས་པ་གསལ་སྒྲིབ་མེད་ངེས་པ་རེད། གཟིགས་སྣང་དེ་དག་བདག་གི་རྨི་ལམ་སྤྲུལ་བསྒྱུར་གྱི་བཀོད་པ་ཡིན་པས་ན་དེ་ཆགས་ཐོགས་མེད་པར་མཁྱེན་འདུག །ད་ནི་ཅི་ནས་ཀྱང་ང་རང་གི་རྒྱུད་ཚོད་ཁོང་གིས་ལོན་ཡོད་པས། ངེས་མེད་ཀྱི་ཡུལ་དུ་འགྲོ་དབང་མེད་ངེས་པ་རེད་སྙམ་ནས་འདི་སྐད་ཞུས། ལགས་སྤྲུལ་སྐུ་རིན་པོ་ཆེ་ཁྱོད་ཀྱི་དག་པའི་སྣང་ཉམས་ཆུང་ནས་ད་ལ་ཐུག་གི་བར་དུ་གཟིགས་སྣང་མི་འདྲ་བ་དུ་མ་ཡོད་ཀྱང་བདེན་མེད་སྒྱུ་མའི་རོལ་པ་ལྟར་ན་ཐམས་ཅད་དེའི་རིགས་ཀྱི་འདི་རེད་ཟེར་རྒྱུའི་ཞུ་ངོགས་ཆ་ཆོད་པར་དཀའ་བས་དགོས་པ་མི་སྣང་། ད་ང་རང་ལ་ལེགས་ཉེས་ཀྱི་ཞུ་བ་ཚིག་གསུམ་ཡོད་པས་དེ་ཁྱོད་ཀྱིས་གསན་པར་ཞུ་ཞུས་ཚེ། ཁོང་གི་ཞལ་ནས་ཉེ་འཁོར་རྣམས་སྒོའི་ཕྱི་རོལ་དུ་སོང་གསུངས་ཏེ། ངེད་དཔོན་གཡོག་གཉིས་གཅིག་པུར་ཡིན་འདུག་པས།བདག་གི་སྣང་བ་ལ་ཁོང་ལ་མོ་ཁ་ཕོག་ཡོང་སྙམ་སྟེ། ཁང་པའི་དཀར་མཐོང་གི་ཕྱི་ནས་ཡར་མདུན་ཐད་དེ་ཀར་བསྡད་ནས་ལུགས་གཉིས་ཀྱི་གསུང་བགྲོས་ཞིབ་རྒྱས་སུ་མཛད་ནས་ཞལ་བཀོད་ཀྱང་གནང་། ཁྱད་པར་ ཁོང་ལ་ད་ལོ་སྐུ་ཚེ་བར་ཆད་ཡོད་པ་དེའི་རྐྱེན་དབང་དུ་མི་གཏོང་བར་ཞལ་གྱིས་བཞེས་པ་དང་། ཆོས་དང་གདམས་པའི་བགྲོས་གླེང་མང་དུ་མཛད་ནས་བརྩེ་བ་ཆེན་པོའི་སྒོ་ནས་རྗེས་སུ་བཟུང་སྟེ། ཐུགས་ཡིད་གཅིག་དྲིལ་གྱིས་རྗེས་བརྩེས་མི་དོར་བར་མཛད། ཡང་སྒོས་ང་རང་ལ་ཚེ་འགུགས་རྟེན་འཇུག་ཁྲུས་གསོལ་ལ་སོགས་པ་མཛད་པས་རང་ཡང་རྐྱེན་ལས་གྲོལ་བ་བྱུང་ངོ་། །དེ་ནས་ཚེས་བཅུ་དྲུག་ཉིན་ཁོང་གི་གདན་ས་གཡས་རུའི་ཆོས་སྒར་སྟེང་དུ་ངེད་དཔོན་གཡོག་དང་། སྒོ་སྤྲུལ་སང་དཔོན་གཡོག་བཅས་ཡར་བྱོན་ནས་དེ་ཀར་ངེད་དཔོན་གཡོག་ཞག་ཆ་ཤས་སུ་འདུག །དེ་སྐབས་སྒོ་སྤྲུལ་སང་གིས་རྒྱལ་སྲས་ལ་ལུགས་གཉིས་ཀྱི་ཞལ་ཏ་དང་། ཁྱདཔར་ང་རང་ལ་གཅེས་སྤྲས་དང་ཐུགས་ནང་མཐུན་དགོས་པའི་ཞལ་བཀོད་གནང་། ཡང་སྒོས་ང་རང་གི་ཟབ་གཏེར་ཐམས་ཅད་ཀྱི་རྩ་བ་མཁའ་འགྲོ་དགོངས་པ་འདུས་པ་དང་། རྡོ་རྗེ་ཕག་མོའི་ཟབ་སྒྲུབ་ལ་སོགས་པའི་གཏེར་ཆ་ཤས་སྤྱན་འདྲེན་པའི་དུས་ལ་བབ་པ་ཁོང་གིས་མཁྱེན་བཞིན། རྒྱལ་སྲས་སང་དང་དེའི་འཁོར་གྱི་ཇོ་སེར་རྣམས་ལ་ཞལ་ཏ་མཛད་པ། ད་ལན་མཁའ་འགྲོ་མ་འདི་ལ་དོན་ཆེན་པོ་རེ་ཡོད་ཐང་གི། །ཁྱེད་ཅག་ནས་དེ་ལུགས་མཛོད་ལ་མཁའ་འགྲོ་ཁོ་རང་གནས་གང་དུ་བྱོན་དགོས་པ་དེ་ བྃ༔ ལྟར་གྱི་མཐུན་རྐྱེན་བྱེད་པ་མ་གཏོགས། འགལ་ཟླ་བསྒྲུབ་མི་ཉན་གསུངས་པས་ཁོང་རྣམས་ཀྱིས་ཀྱང་དེ་ལྟར་ཁས་བླང་བྱས་སོ། །དེ་དག་གི་ནང་ནས་མགར་ར་ལྷ་དཔལ་དང་། རིན་སྒྲོནགཉིས་སྒོ་སྤྲུལ་གྱི་ཐུགས་ལ་མ་འཕྲོད་ནས། རྒྱལ་སྲས་སང་ལ་དེ་གཉིས་ཀྱི་ཁ་མ་ཉན་པར་ཁྱེད་རང་ཡབ་ཡུམ་གྲོས་མཐུན་བྱེད་པ་གལ་ཆེ་གསུངས། ཁྱད་པར་རྒྱལ་སྲས་ལ་ཁྱེད་རང་རྨ་ཆེན་གངས་ཀྱི་མདུན་ངོས་མོ་བ་གཏོ་བ་ཞེས་པའི་རི་འབུར་གཉིས་ཡོད། དེའི་ཐད་སོར་གངས་ལ་ཉེ་བའི་སར་རི་མཐོ་ལ་ལྷུན་ཆགས་པ། རི་རྩེ་གངས་དང་། རི་སྐེད་རྫ་ཡིས་བཟུང་བ། རི་འདབས་སྤང་ལྗོངས་ཡིད་དུ་འོང་བས་འཁོར་བ་དེ་ལྟ་བུ་ཞིག་ཡོད། དེའི་རྫ་གངས་ཀྱི་མཚམས་སུ་ཕུག་པ་ཆེ་བ་ཞིག་ཡོད་པས། དེ་ཀར་ཁྱེད་རབ་ཟླ་མཚམས། མིན་ཀྱང་བདུན་གསུམ་ཐ་ནའང་བདུན་མཚམས་གཅིག་ལས་མི་ཉུང་བར་བྱས་ཏེ། དབྱངས་ཅན་མའི་སྒྲུབ་པ་ཞིག་གི་སྐུ་མཚམས་ལ་བཞུགས་ན། ཁྱེད་ཡབ་ཡུམ་གྱི་བར་ཆད་སེལ་ཞིང་གདན་ཐོག་གཅིག་ཏུ་འཁོད་པ་དང་། ཕུག་པ་དེ་ཀ་འཇམ་དཔལ་དབྱངས་ཀྱི་གནས་ཡིན་པས། ཁྱེད་རང་གི་ཤེས་རབ་སྣང་བའི་རྩལ་འབར་བ་སོགས་འབྱུང་ངེས་སོ་གསུངས་ཏེ། རྒྱལ་སྲས་དཔོན་གཡོག་ཕྱིར་ རང་ཁྱིམ་ལ་བྱོན་སོང་། བདག་མ་བུ་གཉིས་དང་ཐུབ་བསྟན་བཟང་པོ་བཅས་རྗེས་ནས་