Tibetan
པའི་ཚེ། །ངེད་ཅག་ཁྱོད་ཀྱི་གྲོགས་སུ་ངེས། །གསུངས་ཏེ། ད་ནི་ཁྱོད་མཁའ་འགྲོ་དགོངས་པ་འདུས་པའི་དཀྱིལ་འཁོར་ལ་འཇུག་པར་གྱིས་ཤིག་གསུངས་མ་ཐག །དཔའ་བོ་མཁའ་འགྲོ་མ་རྣམས་ཀྱིས་སྐུ་ཡི་གར་མཛད་ཅིང་ཕྱག་གིས་རོལ་མོ་སྣ་ཚོགས་དཀྲོལ། ཞལ་ནས་ཨེ་ཨ་ར་ལི་ཕེཾ་ཕེཾ་ཞེས་པའི་སྒྲས་བསྐུལ་ནས། བདག་གི་སྣང་བ་གནས་འགྱུར་ཏེ་ཐ་མལ་གྱི་ཞེན་རྟོག་ཐམས་ བྃ༔ ཅད་བྲལ་ནས། ལུས་ཀྱིས་གར་བསྒྱུར། ངག་གིས་གསང་བའི་ཚིག་བརྗོད། སེམས་རྟོག་བྲལ་བརྗོད་མེད་འོད་གསལ་བདེ་བ་ཆེན་པོའི་ངང་ནས་དཀྱིལ་འཁོར་གཙོ་བོའི་སྒྲུབ་སྡེ་མོ་བྱས་ཚེ། བསྐུར་ཐོབ་དང་བྲལ་བའི་དབང་བཞི་པ་གཅིག་ཆར་དུ་ཐོབ། དགའ་བ་བཞིའི་ཉེ་བར་དྲངས་ནས་སྟོང་བཞིའི་འོད་གསལ་མངོན་དུ་གྱུར་ཅིང་། རྩ་རླུང་ཐིག་ལེའི་སྐྱོན་ཐམས་ཅད་ངང་གིས་གྲོལ་ནས། གཙོ་བོ་དང་ཐ་མི་དད་ཅིང་བདེ་སྟོང་ཡེ་ཤེས་ཆེན་པོའི་ཚོགས་ཀྱི་འཁོར་ལོ་རྒྱ་ཆེན་པོ་མཛད་དོ། །དེ་ནས་སྣང་སྟོང་བདེ་བ་ཆེན་པོའི་དགོངས་པ་ལས་བཞེངས་ཏེ། ཐེམ་མེད་མཁའ་འགྲོའི་ཟབ་སྒྲུབ་ཀྱི་གཏེར་དཔེ་རྣམས་སྙན་རྒྱུད་ཀྱི་ཚུལ་དུ་བདག་ལ་གནང་ནས། གཏེར་འབྱིན་པའི་དུས་ཚིག་གཏེར་གནས་ཆོས་བདག་དང་བཅས་པའི་ལུང་བྱང་རྣམས་འཕྲུལ་བརྡ་གཟི་སྒྲོམ་ལྭ་སྒྲོམ་གཉིས་གནང་ནས་ཐུགས་བསྐྱེད་སྨོན་ལམ་གྱི་ཚིག་འདི་སྐད་གསུངས། ཨེ་མ་རང་བྱུང་ཡེ་ཤེས་ཆེན་པོའི་རོལ་པ་ལས། །སྣ་ཚོགས་སྣང་བ་ཆུ་ཟླའི་རྣམ་རོལ་བཞིན། །རྣམ་མང་འགྲོ་བའི་དཔལ་དུ་ཡོངས་ཤར་བའི། །བདེ་སྟོང་ལྷན་སྐྱེས་ཡིད་འོང་མཛའ་ན་མོས། །རྣམ་འདྲེན་རྒྱལ་ཀུན་ཐུགས་བཞེད་ལེགས་བསྒྲུབས་ནས། །དོན་གཉིས་མཛད་པ་ཡིད་བཞིན་ འགྲུབ་གྱུར་ཅིག །མཐར་ཐུག་གང་འབྲེལ་འགྲོ་བཅས་ཞིང་འདི་རུ། །སྟོན་འཁོར་དགོངས་པ་དབྱེར་མེད་འཁོད་པར་ཤོག །ཅེས་གསུངས་པ་དང་མཉམ་དུ་འོད་ཀྱི་རྣམ་པར་རང་སྣང་ཡེ་ཤེས་ཆེན་པོའི་ཀློང་དུ་མི་སྣང་བར་གྱུར་ཏོ། །དེ་ནས་རང་ལོ་ཉེར་ལྔའི་ལོར་རྒྱལ་སྲས་ཡབ་ཡུམ་སྐུ་མཚམས་དམ་བརྒྱར་བཞུགས་སྐབས། རང་ཡང་མཚམས་ལ་བསྡད་ནས་གང་ཤེས་ཀྱི་ཉམས་ལེན་རེ་བྱེད་པ་དང་། ཁྱད་པར་གཏུམ་མོའི་འོད་གསལ་ལ་བསླབ་ནས་རིམ་བསྒྲོད་ཀྱི་ལམ་ལ་སྦྱང་བའི་སྐབས། རང་སློབ་ཐུབ་བསྟན་བཟང་པོ་ལ་ཉམས་ཆོད་དཀའ་བ་དུ་མ་བྱུང་ནས་ཅི་བྱེད་ལ་ཐུག་ཡོད་པས། བདགགིས་ཐབས་སྣ་ཚོགས་ཀྱིས་ཁོ་རང་ཉམས་ལས་གྲོལ་ཐབས་བྱས་ཀྱང་མཕན་ནས། རྨི་ལམ་འོད་གསལ་གྱི་གདམས་པ་བསྟན་པས་རིམ་གྱིས་ཉམས་སྣང་ཆོས་ཉིད་ཀྱི་འཁོར་ལོར་སད་ནས་གནས་ལུགས་ཇི་བཞིན་པར་ངོ་སྤྲད། དེ་སྐབས་ཁོ་རང་གི་གསལ་ཉམས་ལ་དཔའ་བོ་མཁའ་འགྲོའི་ཞལ་མཇལ་བ་དང་། ཁྱད་པར་བདག་གི་ཟབ་གཏེར་གྱི་ཁ་བྱང་བརྡ་ཁྲོལ་དཀའ་བ་དེའི་རྟེན་འབྲེལ་དགོས་ཆེད་ཐམས་ཅད་གསལ་པོར་སྨྲས་འདུག་ཀྱང་། ཁོ་རང་ཉམས་ལ་ཞེན་ན་ཆོད་དཀའ་འོང་སྙམ་ནས། བདག་གིས་ཁྱོད་ཀྱི་རང་བྱུང་ལྷན་སྐྱེས་ཀྱི་ཡེ་ཤེས་མ་མཐོང་བར་ བྃ༔ དཀའ་བ་ཆེན་པོ་སྤྱོད་དགོས་པ་འདྲ་ན། བདག་གི་ཟབ་གཏེར་གྱི་བརྡ་ཁྲོལ་ལ་ཅི་དགོས་དང་། ང་རང་མནན་གཏད་བྱས་ཡོད་པ་སོགས་ཁྱོད་ཀྱི་གོ་དོན་ཅི་ཡོད། ཉམས་ལེན་ལ་རང་བྱན་ཆུབ་པར་གྱིས་དང་། རྩལ་སྣང་གང་ཤར་ཤར་དུ་ཆུག །སྤང་བླང་བྱེད་དོན་མེད་སྨྲས་ནས་ཞག་ཆ་ཤས་ལ་བཏང་སྙོམས་སུ་བཞག་གོ། །ཉིན་གཅིག་ཁོ་རང་གིས་སྨྲས་པ་ལྟར་རྟེན་འབྲེལ་གྱི་རྫས་རྣམས་གཟུགས་ཅན་མི་དང་། གཟུགས་མེད་གཏེར་སྲུང་རྣམས་ལ་ཕྲིན་ལས་བཅོལ་བས་དོན་ལྡན་དུ་བྱུང་། དེ་ནས་ཤོག་སྣག་སོགས་ཀྱི་མཐུན་རྐྱེན་ཁོ་རང་གིས་བྱས་ནས་བདག་གིས་སྣང་གསལ་མཐོང་ལ་མཁའ་འགྲོའི་གསང་མཛོད་གསེར་གྱི་ལྡེ་མིག །གུ་རུའི་སྒྲུབ་ཐབས་དངོས་གྲུབ་སྙེ་མ། རྗེ་མོའི་སྒྲུབ་ཐབས་གཏེར་གྱི་བུམ་བཟང་། དེའི་རྒྱབ་ཆོས་བསྐྱེད་རྫོགས་བསྡུས་པ་བཅས་བྲག་དཀར་རྣམ་གསུམ་གྱི་གཏེར་བཅུད་ལུས་མེད་མཁའ་འགྲོས་གདམས་པ་རྣམས་གཏན་ལ་ཕབ། དེ་སྐབས་སུ་ཉིན་གཅིག་མགར་ར་རྒྱལ་མཚན་ཞེས་པ་དེ་འོང་ནས་ཁྱོད་ང་རང་ལ་རྒྱལ་སྲས་ནས་གནང་བ་ཐོབ་ཡོད་པས་སྤྱོད་པ་འབྲེལ་དགོས་ཡང་ཡང་ཟེར་འདུག་པས། བདག་གི་བསམ་པ་ལ་ཁོ་རང་གི་བློ་སེམས་བདུད་ཀྱིས་བརླབས་པར་འདྲ་སྙམ་སྟེ། ལུགས་གཉིས་གང་ཐད་ནས་ཚུལ་ཁྲིམས་རྣམ་པར་དག་པས་གཞི་བཟུང་། སྦྱིན་སོགས་ཕ་རོལ་ཏུ་ཕྱིན་པའི་ཚོགས་བསགས་དགོས་པ་སོགས་ཀྱིས་དལ་རྟེན་ཆུད་ཟོས་སུ་གཏོང་མི་ཉན་པའི་རྣམ་གྲངས་དུ་མ་བཤད་ཀྱང་། ཆགས་སྲེད་ཀྱིས་རྒྱུད་བསླད་པའི་སྟོབས་ཀྱིས་གོ་དོན་འབྱུང་བ་ཕར་ཞོག །རྒྱུ་འབྲས་ཁྱད་གསོད་དང་སྤྱོད་པ་འཆོལ་རྙོག་གི་གཏམ་མང་པོ་བཤད་པ་ལ། བདག་གི་ཡིད་རབ་ཏུ་ཕམ་ཞིང་སྙིགས་དུས་ཀྱི་བསམ་སྤྱོད་ལ་སྐྱོ་ནས་འདི་སྐད་སྨྲས། སྐྱབས་འཁོར་ལོའི་མགོན་པོ་པདྨ་འབྱུང་། །དོན་མི་འགྱུར་ཌཱཀྐི་མཚོ་རྒྱལ་མཁྱེན། །སྤྲང་བདེ་བའི་རྡོ་རྗེར་ཐུགས་རྗེས་གཟིགས། །རྐྱེན་བར་ཆད་སེལ་བར་བྱིན་གྱིས་རློབས། །ཉོན་དང་བཙུན་ལུས་མེད་ཤོར་པོ། །ཁྱོད་བསམ་བློ་རང་གི་སེམས་ལ་ཐོངས། །བརྟགས་དཔྱོད་ལུས་ངག་སེམས་ལ་གྱིས། །ཕྱིའི་ཆ་ལུགས་ཆོས་གོས་གསུམ་ལ་བརྟེན། །ནང་འདོད་སྲེད་ཆེ་བ་བྱ་དང་མཚུངས། །སེམས་བསམ་པ་རྐུན་བུ་ཇག་པ་བཞིན། །དུས་རྟག་པར་དཀོར་ནག་ཟས་ལ་སྤྱོད། །དེ་ལྟ་བུའི་ལུས་ངན་ངས་མི་འདོད། །ང་སྐྱེ་ལུས་དམན་པ་ཐ་མལ་ཡང་། །བཞིན་ལྟ་ན་སྡུག་པ་མཁའ་འགྲོའི་རིགས། །བློ་ཅོལ་ཆུང་བུད་མེད་ལྟར་སྣང་ཡང་། །སེམས་སྐྱེ་མེད་སྐུ་གསུམ་ངོ་བོ་ བྃ༔ མཐོང་། །ལས་བྱ་བྱེད་འཁོར་བའི་ཚུལ་བཟུང་ཡང་། །མཉམ་ཉིད་ཀྱི་ཡེ་ཤེས་བྲལ་མ་དགོས། །རླུང་བཅུ་ལ་རང་བྱན་ཚུད་པ་ཡིས། །གང་སྣང་ཀུན་བདེ་བ་ཆེན་པོའི་ངང་། །དབྱིངས་ཡེ་ཤེས་མཉམ་བརྡལ་ཀློང་དུ་གྲོལ། །ཁྱོད་ལྟ་བུའི་སྐྱེས་ལུས་དགོས་པ་མེད། །ཚེ་འདི་ཕྱི་གཉིས་སྡུག་ངས་མི་བྱེད། །མདོ་མེད་ཁྱོད་བསམ་བློ་ལེགས་པར་ཐོངས། དོན་ཆུང་དང་དོན་ལྡན་ལུས་མ་བརྗེ། །ལས་འབྲས་བུ་བསླུ་མེད་སྨིན་པའི་དུས། །སྙིང་མེད་ཁྱོད་ཇི་ལྟར་བྱེད་རྒྱུ་ཡིན། །ད་དེ་དོན་བསམ་ལ་རང་ཚོད་ཟུངས། །ཞེས་སྨྲས་ཚེ་བར་ཆད་ལས་ཐར་བར་བྱུང་ངོ་། །དེ་ནས་ལོ་ཁྱིམས་དེ་ཀའི་ཟླ་བ་བཅུ་པའི་ནང་དུ་རང་གི་འབྱུང་འདུས་ཤིན་ཏུ་འཁྲུགས་ཤིང་བཟོད་དཀའ་བའི་ནདཀྱིས་མནར་བ་དང་། གཞན་ཡང་རྐྱེན་ཆ་ཤས་ལ་གཞི་བྱས་ཏེ། རང་གི་ལུས་སེམས་དེ་བྲལ་སོང་ན་ཅི་མ་རུང་སྙམ་ནས་ཡོད་སྐབས། ཆུང་ནས་ལྷན་སྐྱེས་སུ་ཡོད་པའི་མི་མོ་འཇིགས་སུ་རུང་བ་དེ་ལག་གཡས་ན་རལ་གྲི་འཛིན་ཅིང་། གཡོན་པས་ཞགས་པ་དམར་པོ་འོད་འཕྲོ་བ་ཞིག་བཟུང་ནས་འདི་སྐད་ཟེར། ཧ་ཧ་ཧེ་ཧེ་ཁྱོད་ཆུང་ནས་ད་བར་དུ་ང་རང་གི་བུ་གཅིག་ལྟར་བརྩེས་ཤིང་ནར་སོན་པར་བྱས། ད་ཁྱོད་ཀྱིས་ཡུལ་རྐྱེན་ཕྲན་བུ་རེ་ལ་གཞི་བྱས་ཏེ་ གཞན་ཕན་བྱང་ཆུབ་ཀྱི་སེམས་དོར་ནས། རང་དོན་ཡིད་བྱེད་ཀྱི་བློ་འཁྲུལ་འགྱོད་པའི་དོན་ཅི་ཡིན་ཟེར་ཞིང་། བདག་ལ་རལ་གྲི་འཕང་ཚུལ་བྱེད་འདུག་པས། མ་བཟོད་ནས་ཁྱིམ་ཕྱི་ནང་རི་བྲག་ཆུ་མཚོ་གང་ཡང་རུང་བར་བདག་བྲོས་ཀྱང་མ་ཐར། ཏིང་ངེ་འཛིན་གྱིས་མ་ཉམས། ལམ་ཁྱེར་གྱིས་བསྒྱུར་མ་བཏུབ། གཅེས་འཛིན་དོར་ཀྱང་མ་ཕན། སྤྲུལ་བསྒྱུར་སོགས་ཐབས་སྣ་ཚོགས་བྱས་ཀྱང་བྱ་ཐབས་བྲལ་ནས་འདི་སྐད་སྨྲས། ཡ་ཡ། ཆོས་ཉིད་ཞི་བའི་ངང་ལས་ཐུགས་རྗེའི་འཕྲུལ། །རབ་འཇིགས་ཁྲོ་མོ་རྔམས་པའི་སྐུར་བཞེངས་མ། །ནམ་མཁའ་ནམ་མཁས་འཇིགས་པར་མི་རིགས་ཀྱང་། །ཀུན་རྫོབ་རྟེན་འབྱུང་འབྲེལ་བའི་མཐུས་བསྐྱེད་ནས། །ཁྱོད་ཉིད་རབ་འཇིགས་རྔམས་པའི་སྐུ་རུ་བཞེངས། །འབྱུང་བཞི་ལ་སོགས་གང་ལ་ཐོགས་པ་མེད། །མཁྱེན་གཉིས་གཟིགས་པའི་ཐུགས་ཀྱིས་བདག་རྒྱུད་ཀྱི། །རོལ་རྩལ་འགགས་མེད་གསལ་སྒྲིབ་མེད་པར་དགོངས། །ཞལ་ནས་ཧ་ཧིའི་སྒྲ་ཆེན་འབྲུག་ལྟར་ལྡིར། །ཀུན་རྟོག་བག ཆགས་ཆོས་ཉིད་ཆེན་པོར་བཅོམ། །ཁྱོད་ནི་དུས་ཀུན་འགྲོ་བའི་དོན་ལས་མེད། །བདག་ནི་ལུས་དམན་འབྱུང་འདུས་རྟེན་ལ་གནས། །ལྷག་བསམ་དཀར་ཡང་དུས་ངན་འགྲོ་འདུལ་ བྃ༔ དཀའ། །གཏེར་དང་འཕྲད་ཀྱང་ཐབས་མཁས་རྟེན་འབྲེལ་སྡུག།ཤེས་རབ་ཆུང་བས་བརྡ་དོན་གོ་བར་དཀའ། །སྐྱེ་ལུས་དམན་པས་ཁྱོ་ཕོའི་ཁར་མི་ཐར། །རྒྱལ་ཁམས་འགྲིམ་ཚེ་ཁྱི་ཁར་མི་ཐར་ཞིང་། །གང་བྱས་འགྲོ་བའི་མིག་ལམ་མི་འགྲོ་སོགས་།བྱུང་ཚེ་ལུས་རྟེན་དོར་དགོས་ཡ་མི་ང་། །བྱང་ཆུབ་སེམས་ལ་ཕོ་མོའི་ཁྱད་མེད་ཀྱང་། །གདུལ་བྱའི་སྣང་ངོར་བདག་གི་ལུས་རྟེན་དམན། །ལུས་མཆོག་དཔའ་བོའི་རིགས་སུ་བདག་གྱུར་ནས། །མ་གྱུར་འགྲོ་བའི་དོན་ཆེན་འགྲུབ་ངེས་སྙམ། །དེ་ལྟར་མིན་ན་སྐྱེ་ལུས་འདི་ཉིད་ཀྱིས། །བསྟན་འགྲོའི་དོན་ཆེན་འོང་ཐབས་ཇི་ལྟར་བྱེད། །རྗེ་མོ་ཁྱོད་ཀྱིས་བདག་ལ་བཀའ་གནང་སྩོལ། །ཞེས་སྨྲས་ཚེ། མོ་ན་རེ། ཧེ་ཧེ། ང་ནི་ཕྱི་ལྟར་རབ་རྔམས་ཁྲོ་མོའི་སྐུ། །ལེགས་ཉེས་སྟངས་འཛིན་སྒྲུབ་པའི་བར་ཆད་བསལ། །ནང་ལྟར་མཁའ་འགྲོའི་གཙོ་མོ་ས་ར་ཛ། །གསང་སྔགས་བཀའ་བསྡུ་བསྟན་པའི་སྒྲོན་མེ་འཛིན། །གསང་བ་རྣམ་ཀུན་མཆོག་ལྡན་རྡོ་རྗེའི་བཙུན། ། རྒྱལ་ཀུན་བསྐྱེད་ཡུམ་དངོས་གྲུབ་ཀུན་གྱི་མཛོད། །ཁོ་མོ་བདག་ནི་འགྲོ་བའི་དོན་ལས་མེད། །སྲིད་ཞིའི་ཆོས་ཁམས་སྣ་ཚོགས་སྣང་བ་ཡང་། །ཆོས་ཉིད་བསམ་བརྗོད་བྲལ་བའི་ཀློང་དུ་ མཉམ། །གང་སྣང་ཐམས་ཅད་ཡེ་ཤེས་རོལ་པའི་རྩལ། །བདག་གཞན་གཉིས་མེད་བྱང་ཆུབ་སེམས་སུ་འདུས། །བྱང་ཆུབ་སེམས་ཀྱི་མཚོན་དཔེ་ནམ་མཁའ་འདྲ། །ནམ་མཁའ་ཉིད་ཀྱང་འདི་ཞེས་བརྗོད་མེད་ན། །བྱང་ཆུབ་སེམས་ཀྱི་དོན་འདི་བླ་ན་མེད། །དེ་ཕྱིར་འཁོར་འདས་མཉམ་ཉིད་གཞི་ཀློང་དུ། །གསུམ་ལྡན་གཅིག་གི་ངང་དུ་ལ་ཟློས་ཤིག །བསྟན་དང་འགྲོ་བའི་དཔལ་གྱི་ཉི་མ་འདི། །གཉིས་བཅས་འཛུམ་པའི་མདངས་ཀྱིས་བསུས་ནས་འོང་། །ཐབས་མཁས་རྟེན་འབྲེལ་གསལ་བའི་མེ་ལོང་བཞིན། །གཉིས་ཀྱིས་མ་བསྒྱུར་དུས་བབ་ཇི་བཞིན་དགོས། །ཤེས་རབ་མིག་འབྱེད་བརྡ་དོན་ཅུང་སྨྲས་ན། །རྒྱུད་འཛིན་རྗེས་འཇུག་ས་ཆེན་ཐོབ་པའི་ཕྱིར། །རྟེན་འབྲེལ་དོན་གྱི་མགོ་བརྩམས་ས་ཡིས་བྱེད། ། སརྦ་བཛྲ་དྷ་ར་ཟེར། །ལུས་མེད་མཁའ་འགྲོའི་བརྡ་བསྒྱུར་དཔེ་འདི་ནི་ཡི་གེའི་གྲོང་སུམ་བཅུ། །འཆོལ་བརྡ་འཕྲུལ་བརྡ་རིག་པས་དཔྱོད། འདི་ནི་ཨོ་རྒྱན་བརྡ་དཔེ་ཤར། །གསང་བའི་བརྡ་རྣམས་རིག་པས་འབྱེད། ། ། བྃ༔ འདི་ནི་རིག་འཛིན་བརྡ་རུ་བསྟན། །ཀློང་བརྡ་ལན་མེད་རིག་པས་དཔྱོད། ། འདི་ནི་ཟ་ཧོར་འཕྲུལ་གྱི་བརྡ། །མཁའ་འགྲོའི་བརྡ་དང་མ་ནོར་དགོས། །མདོར་ན་ནམ་མཁའི་ཀློང་མཛོད་དུ། །བརྡ་རིགས་མི་འདྲ་དུ་མ་ཡོད། །རང་རང་བརྡ་བྱང་ཇི་བཞིན་དུ། །ཞལ་བསྒྱུར་ཤེས་པ་སྨོན་ལམ་དབང་། །གདུལ་བྱའི་དཔལ་དུ་ལས་ཀྱིས་བསྒྱུར། །གདུལ་ཞིང་ཡང་དེ་རུ་གོ་བར་མཛོད། །པད་འབྱུང་ཐུགས་བསྐྱེད་དུས་སད་དེ། །སྤྲུལ་པའི་གཏེར་སྟོན་གཏེར་གྱི་གྲོགས། །གཏེར་གནས་གཏེར་རྫས་ཆོས་བདག་སོགས། །རང་རང་འཚམས་པ་དུས་སུ་འཛོམས། །གཏེར་སྟོན་རྒྱལ་པོ་ཆེ་བ་དང་། །འབྲིང་པོ་བློན་དང་ཆུང་ངུ་འབངས། །དག་སྣང་དབང་བ་གཏེར་གྱི་གྲོགས། །ས་གཞི་ལྟ་བུ་ནམ་མཁའི་གཏེར། །རྩ་བ་ལྟ་བུ་དགོངས་པའི་གཏེར། །སྡོང་བུ་ལྟ་བུ་ས་ཡི་གཏེར། །མེ་ཏོག་ལྟ་བུ་ཐུགས་ཀྱི་གཏེར། །ཡལ་འདབས་ལྟ་བུ་དག་སྣང་གཏེར། །འབྲས་བུ་ལྟ་བུ་ཀུན་གྱི་གཙོ། །བླ་རྫོགས་ཐུགས་གསུམ་གཏེར་གྱི་བཅུད། །དེ་ཀུན་དབང་བ་རྒྱལ་པོ་དང་། །དེ་ལས་གཉིས་དང་གསུམ་དབང་བ། །འབངས་དང་བློན་དུ་ཤེས་པར་མཛོད། །གྲོགས་ལ་ཐབས་ དང་ཤེས་རབ་གཉིས། །ཐབས་ནི་གཏེར་འཁོར་ཚུལ་དུ་ནི། །རིང་དང་ཉེ་བའི་གནས་སུ་འབྱུང་། །གཏེར་ལ་ཕན་པའི་གྲོགས་ཀྱང་བརྗོད། །གདུལ་བྱར་བསྟན་པའི་གསོས་སུ་སྨན། ། ཤེས་རབ་ཕོ་ཉ་ཌཱཀྐིའི་འཕྲུལ། །རྣམ་གཉིས་དངོས་གྲུབ་འབྱུང་བའི་གཞི། །རིགས་ལྔའི་མཁའ་འགྲོའི་ཆར་གཏོགས་པ། །བདེ་སྟོང་བསྐྱེད་དང་མི་སློབ་ལམ། །མྱུར་བསྒྲོད་ཤིང་རྟ་ཆེན་པོའོ། །ཆོས་ཀྱི་བདག་པོ་རྩ་བ་དང་། །ཡན་ལག་ཕྲན་དང་གྲོགས་སུ་ནི། །ཀ་བཞི་གདུང་བརྒྱད་དྲལ་བཅུ་དྲུག །གྲོགས་དང་ཕྲན་ནི་གཅིག་གཉིས་དང་། །བཅུ་ཕྲག་གཉིས་དང་ལྔ་ཚན་དང་། །གྲངས་ལས་འདས་པ་འབྱུང་བར་ངེས། །གཏེར་སྟོན་རང་གི་རིགས་ཁྱད་ཀྱི། །གྲོགས་དང་ཆོས་འཛིན་རིག་པས་དཔྱོད། །རིགས་ལྔའི་དཔའ་བོ་གར་མཁན་དང་། །སེམས་དཔའ་ཆེན་པོ་གྲོགས་ཀྱི་མཆོག །རིགས་ངན་བྱ་དང་ཁྱིཕག་དང་། །གླང་ལ་སོགས་པ་སྤང་བར་བྱ། །ཁྱོད་ནི་སེམས་མ་ཆེན་མོའི་ལུས། །ང་དང་གཉིས་སུ་མེད་པ་ཡིན། །ཐུགས་བསྐྱེད་དམ་བཅའ་མ་ལྷོད་པར། །ངེས་མེད་གནས་སུ་འགྲོ་དོན་རན། །གྲོགས་དང་ཆོས་འཛིན་སྐྱེས་བུ་རྣམས། །རིམ་འཕྲད་པ་ལ་ཐེ་ཚོམ་མེད། །ཡུལ་ངན་གྲོགས་ཀྱི་སྐྱོན་མ་བལྟ། །གང་སྣང་ བྃ༔ ཡེ་ཤེས་ལམ་ཁྱེར་མཛོད། །འཁོར་བའི་གནས་ལ་མགོ་མ་འཁོར།།བརྟུལ་ཞུགས་སྤྱོད་པའི་གོ་ཆ་བགོས། །དམ་སྲིའི་འཕྲུལ་གྱིས་མི་མོ་བསླུས། །རྐྱེན་དེས་བླ་སློབ་དམ་ཚིག་རལ། །མི་འདོད་སྣ་ཚོགས་རང་གིས་འབོད། །དེ་ལ་སྟབས་གཟབ་རྟོག་དཔྱོད་རེམ། །རང་སྐལ་སེམས་དཔའ་རྟ་ལ་འཕྱོ། །མིག་མཚམས་ནོར་བུའི་རི་མོ་ཡོད། །བྲག་གི་སྤྲེའུའི་དུས་སུ་འཕྲད། །མཁའ་འགྲོའི་གསང་མཛོད་བརྡ་བྱང་བསྐུལ། །དེ་དང་འབྲེལ་ན་ཚེ་ཆོས་ཀྱི། །འཕྲལ་འཕྲལ་བར་ཆད་སེལ་བར་ངེས། །ཉ་མོ་རོ་ལ་མ་ཆགས་པར། །དུས་གསུམ་གཏན་ཚིགས་ཙིཏྟར་རྒྱ། །ནུབ་ནས་འོང་བའི་སྐྱེས་བུ་དེ། །དྲན་པ་ནམ་མཁའི་སྒྱུ་འཕྲུལ་ངེས། །དེ་ལ་ཐོམ་མེད་ཡ་བཞི་སྤྲོད། །ལང་འགྲོའི་སྤྲུལ་པ་མ་ཏའི་མིང་། །གནས་མི་28 རིང་རང་གི་ཕྱོགས་ནས་འོང་། །རྣགཡས་ན་སྨེ་བ་ལྷ་ཡི་སྤྱན། །ནོར་མི་དགོས་སྦྲུལ་གྱི་ལོ་རུ་འཕྲད། །མཛད་ཕྲིན་གྱི་སྒོ་འཕར་དེ་ནས་འབྱུང་། །དེ་ནུབ་བམ་བྱང་གི་ཀ་བ་ལགས། ། དཔལ་ཡེ་ཤེས་སྤྲུལ་པ་ག་གའི་མིང་། །ཁོང་ཤེས་རབ་མིག་ལྡན་ལྟེ་སྨེ་མཛེས། །ནོར་མི་དགོས་དབྱར་རྔའི་སྒྲ་ལ་འཇུག །དེ་ཤར་གྱི་ཀ་ཆེན་དུས་སུ་འཕྲད། །གཡུ་སྒྲ་དང་ཨ་ཙར་དཔལ་ ཟུང་ལྡན། །མིང་བསོད་ནས་རིན་ཆེན་དར་རྒྱས་ཞེས། །ཁོང་རྫུ་འཕྲུལ་ལྡན་པ་མུ་ཏོའི་ཚུལ། །སྦས་དོན་གྱི་དགོངས་པ་ཀློང་ནས་གྲོལ། །ནོར་མི་དགོས་ཅང་ཤེས་གདོང་གིས་བསུས། ། དེ་ཚེ་ཆོས་བསྟན་པའི་སྲོག་ཤིང་ཡིན། །བྱང་ངམ་ནི་ནུབ་ཀྱི་ཀ་བའི་ཚུལ། །ཆོས་རྒྱལ་སྤྲུལ་པ་མ་ཎིའི་མིང་། །མགུལ་གཡས་ན་མི་འགྱུར་གསང་བའི་རྟགས། །སྨེ་ནག་པོ་ལྷ་ཡི་སྤྱན་འདྲ་།ནོར་མི་དགོས་རི་མོ་ཅན་གྱིས་བསུས། །དེ་ལྷོ་ཡི་ཀ་ཆེན་ཨེ་མ་ཧོ། །ད་དེ་ལ་སོགས་པའི་ཆོས་འཛིན་བུ། །དུས་དུས་སུ་སྨོན་ལམ་དབང་གིས་འཛོམས། །བློ་རིག་པས་དཔྱོད་དང་གསལ་བར་ངེས། །འབྱུང་འགྱུར་གྱི་བརྡ་དོན་དུས་སུ་སྨྲ། །བརྡགོའམ་བདེ་བའི་རྡོ་རྗེ་རྩལ། །དོན་འདི་རྣམས་ཙིཏྟའི་ཀློང་དུ་རྒྱ། །ཞེས་ཟེར་ནས་མི་སྣང་བར་གྱུར་ཏོ། །དེ་ནས་ཟླ་བ་བཅུ་གཉིས་པའི་ནང་དུ་སློབ་བུ་ཐུབ་བསྟན་བཟང་པོ་དང་། བཙུན་མ་ཆོས་ཕྲེང་། དགེ་མཚོ་རྣམས་ལ་མགར་ར་གཏེར་ཆེན་རིན་པོ་ཆེའི་ཟབ་གཏེར་རིག་འཛིན་གསང་ལམ་གྱི་མན་ངག་འཐོར་བུའི་སྐོར་གྱི་ཁྲིད་བཤད་ཅུང་ཟད་བྱེད་སྐབས། ལྷོ་མོན་གཡུ་བྱ་སྔོན་མོ་ཞིག་གིས་འདི་སྐད་ཟེར། ཀི་ཀི་རྣལ་འབྱོར། ཀི་ཀི་རྣལ་འབྱོར། མ་ཡེངས་སྒྲ་འཛིན་དབང་པོས་ཉོན་དང་། །བདེ་བདེ་ད བྃ༔ སྐྱིད་སྐྱིད་གཡུ་བྱ་ང་རང་། །བདེ་ཆེན་མཁའ་འགྲོའི་གྲོང་ནས་འོང་བའི། །བདེ་སྟོང་བརྗོད་བྲལ་བརྡ་གསང་བསྐུར་ཡོད། །འོན་ཀྱང་ཁྱོད་ཀྱི་གདུལ་བྱ་མཛད་ཕྲིན། །ཇི་ལྟར་བྱུང་ཚུལ་ཅུང་ཞིག་སྨྲོས་དང་། །ཞེས་ཟེར་བས། བདག་གི་སྣང་བ་ལ་འདི་མཁའ་འགྲོའི་གླིང་གི་བྱ་ཞིག་ཡིན་པར་འདུག་སྙམ་ནས་འདི་སྐད་སྨྲས། སྔོ་ལྗང་འོད་འབར་དྲི་ཞིམ་སྡོང་པོའི་སྟེང་། །ལྷ་ལས་བབ་པའི་འཕྲུལ་ལྡན་གཟུགས་མཛེས་མ། །སྙན་དབྱངས་ངག་གིས་བདག་གི་གནས་ཚུལ་དྲིས། །ཁྱོད་ནི་ཌཱཀྐིའི་ཕོ་ཉ་མགྲིན་བཟང་མ། །མ་ཡེངས་བདག་གི་ངག་ཚིག་དོན་འདི་ཉོན། །ལས་ངན་བུ་མོ་པདྨ་སྒྲོན་དཀརང་། །ཡུལ་ངན་ནག་ཕྱོགས་མགོ་ལོག་གནས་སུ་ཐོན། །གདུལ་ཞིང་ཆུ་སྣོད་རྙོག་དང་མ་བྲལ་བས། །གདུལ་བྱེད་ཐ་མལ་བ་ལས་འཕགས་མ་ནུས། །སྟོན་བྱའི་ཆོས་བཅུད་བདུད་རྩི་ལྟ་བུ་འདི། །སྙིང་གི་རྒྱ་ལས་ཕྱི་གསལ་ཡུལ་དུ་དབེན། །གཏེར་བཅུད་མཁའ་འགྲོས་གཏད་པའི་གཅེས་ནོར་འདི། །སྟོན་པའི་ཡུལ་མེད་ལོག་ལྟའི་གཞིར་གྱུར་པས། །སྟོང་དབྱིངས་གོས་དཀར་མཁའ་འགྲོའི་ཀློང་དུ་སྦས། །རྫས་གཏེར་སྒྲོམ་དང་སྐུ་གསུང་ཐུགས་ཀྱི་རྟེན་།ཡང་གཏེར་མི་འགྱུར་གབ་སྒྲོམ་གཏད་རྒྱ་བྱས། །དུས་ཀུན་ དལ་མེད་མི་ཡི་བྲན་ཁོལ་ཏེ། །ལུས་ངག་ངལ་དུབ་སྡུག་བསྔལ་རིན་གྱིས་ཉོས། །མ་ངེས་ནད་ཀྱིས་ཐིབས་ནས་ལོ་འགའ་སོང་། །ཕྱི་ནས་འབྱུང་འདུས་ནད་ཀྱིས་རྟག་ཏུ་མནར། །ནང་ནས་ཚེ་རོགས་བཟང་པོས་འཐབ་མཁོན་བྱེད། །བར་ནས་ཡུལ་མི་ཀུན་གྱིས་བརྙས་དམོད་དང་། །དགྲ་མི་ཤ་བོ་མཐོང་ལྟར་ཚིག་ངན་བྱེད། །དེ་ལ་སོགས་པའི་ལེགས་ཉེས་དུ་མ་འོང་། །གདུལ་བྱ་མཛད་ཕྲིན་ཇི་ལྟར་འབྱུང་གི་སྙམ། །བསམ་ཞིང་བསམ་ན་སྐྱོ་བ་འཕེལ་བའི་གཞི། །ཁོ་མོ་བདག་འདྲའི་ལས་ངན་སུ་ཞིག་ཡོད། །རང་དབང་ཐོབ་ཀྱང་ཞིང་དུ་འགྲོ་དབང་མེད། །འགྲོ་དོན་བསམ་ཀྱང་གདུལ་ཞིང་འདུལ་མ་ནུས། །གཏེར་ལ་དབང་ཡང་རྟེན་འབྲེལ་གནད་མ་ལྡན། །སྐྱེ་ལུས་དམན་པས་ཁྱོ་ཕོ་ཀུན་གྱིས་སྡང་། །ཐབས་གྲོགས་བོགས་དོན་གྲོགས་མཆོག་ཉིན་སྐར་ཙམ། །ཐ་མལ་སྡིག་གྲོགས་རྩི་ཤིང་ལས་ཀྱང་མང་། །ཆོས་བཞིན་སྤྱོད་དཀའ་རང་གཞན་ཕུང་བའི་རྒྱུར། །དེ་དོན་བསམ་ནས་ཚུལ་ཁྲིམས་ཇི་བཞིན་བསྲུངས། །འོན་ཀྱང་མ་དང་མཁའ་འགྲོས་དུས་ཀུན་ཏུ། །བདེ་བསྐྱེད་དཔའ་བོ་སེམས་དཔའ་མཆོག་གི་གཟུགས། །བརྟགས་འགུགས་སྦྱངས་དང་སྨིན་གྲོལ་ཐབས་མཁས་ཀྱིས། །འབྲལ་མེད་དམ་ཚིག་གཅིག་ཏུ་བརྟེན་ བྃ༔ དགོས་ཞེས། །ཡང་ཡང་དུས་བབ་བརྡ་བྱང་གསལ་བ་ལ། །དམ་ཚིག་རྟེན་དུ་དཔའ་བོ་སེམས་དཔའ་ཆེ། །སྐྱེ་ཕྲེང་དུ་མར་སྨོན་ལམ་འཕྲོ་ལྡན་པ། །བི་མ་ར་སྨི་ཡིད་ཀྱི་ཕྱག་རྒྱར་བསྐུལ། །དེ་མཐུས་རྟེན་འབྲེལ་ཕྲན་བུའི་ཆོས་དབང་ནས། །སྦས་པའི་ཚུལ་གྱིས་དོན་གཉིས་རིམ་གྱིས་འབྱུང་། །དེ་ཕྱིར་བདག་གི་གནས་ཚུལ་ཟུར་ཙམ་འདི། །ཡིད་མཐུན་གཡུ་བྱ་སྔོན་མོ་ཁྱོད་ལ་སྨྲས། །ཞེས་སྨྲས་ཚེ། ཁོ་ན་རེ། ཀི་ཀི་རྣལ་འབྱོར། ཀི་ཀི་རྣལ་འབྱོར། གཡུ་བྱའི་རྟེན་གནས་ལྗོན་ཞིང་འབྲས་ལྡན། །དེ་ལ་འཁོར་ན་བག་ཕེབས་ཡིད་སྤྲོ། །སྐད་མཐུན་