Tibetan
ཡིནནཀྱང་། ང་རང་གི་ཐབས་གྲོགས་མ་ལོན་པ་དང་། ཁོ་ཡི་ཡ་ཁ་མེད་པ་གཉིས་དུས་འཛོམས་པ་ལ་རྐྱེན་ནས། བདག་གིས་འདི་ལྟར་བསམ་བྱུང་། སྐྱེ་བ་འདི་རུ་ལས་ཅི་ལ་བརྩོན་ཀྱང་མགར་ར་གཏེར་ཆེན་གྱི་ཟབ་གཏེར་རྣམས་ལ་བདག་གིས་འཛིན་སྐྱོང་གི་ཞབས་ཞུ་འོང་དཀའ་འདུག་སྙམ་ནས། གནས་དེ་ཀ་ན་ཟབ་ལམ་མཁའ་འགྲོའི་གསང་མཛོད་ཀྱི་ཆོས་སྡེ་པྲ་ཁྲིད་ཡེ་ཤེས་ལམ་ ཟབ་ཀྱི་ཟབ་ཤོག་བསྭེ་སྒྲོམ་ཆོས་སྨན་དང་བཅས་བཞུགས་ཀྱང་རྟེན་འབྲེལ་གཞན་དབང་ལ་སོང་བས། བདག་མྱུར་བར་ཕྱིར་ལོག་དགོས་སྨྲས་པས། མོ་ན་རེ། འུ་ཅག་གཉིས་བྲག་དཀར་ཡོད་སར་འགྲོ་དགོས་པ་འོ་ཡིན། ད་ཐག་ཡེ་མེད་པས་དེ་ཀར་འགྲོ་ཟེར། ཡང་བདག་གིས་ད་མི་འགྲོ་ད་ལྟ་འགོར་ཆེ་སོང་ན་རྒྱལ་སྲས་སང་གི་བཀའ་བཀྱོན་གནང་འོང་། མིན་ཀྱང་དབྱངས་ཅན་སྒྲོན་མ་ཐུབ་བཟང་ལ་བཅོལ་ཡོད། དེ་ངུས་པ་གོ་ན་རྒྱལ་སྲས་ནས་བཀའ་བཀྱོན་གནང་ངེས་པ་ཡིན་སྨྲས་ནས། ངེད་གཉིས་ཀྱིས་འབུད་ཤིང་ཁུར་ནས་ཕྱིར་འོང་བས། ཆོས་ཕྲེང་ན་རེ། ཁྱོད་ཕ་ཡུལ་ལ་ཡོད་དུས་ཕ་མའི་གཅེས་ཕྲུག་སྐྱིད་པོ་རེད། ད་མི་ཡུལ་ས་མཐའ་འདི་ལྟ་བུའི་ཡུལ་ངན་ལ་སེམས་ལས་ཅུང་ཨེ་རེད་ཟེར། བདག་གིས་སྨྲས་པ། ཉོན་དང་ཡིད་མཐུན་ཆོས་ཕྲེང་ལོ། །སྨན་ང་ཡི་ལོ་རྒྱུས་བརྗོད་མི་ལོང་། །ང་མོ་ལོ་ཉི་ཤུ་རྩ་གསུམ་ཡིན། །ལས་བཟང་ངན་བདེ་སྡུག་གྲངས་མང་བས། །རྒན་བརྒྱད་ཅུ་པ་ཡི་སྡུག་བསྔལ་མཚུངས། །ང་དང་པོ་ཕ་མའི་གཅེས་ཕྲུག་བྱས། །ཟས་དཀར་གསུམ་མངར་གསུམ་བཅུད་ཀྱིས་གསོས། །ལུས་བཀྲག་མདངས་གོང་མ་ལྷ་དང་མཉམ། །རྒྱན་ཡོ་བྱད་རིན་ཆེན་སྣ་ཚོགས་དང་། །གོས་དར་སོགས་རིན་ བྃ༔ ཐང་ཆེ་བས་སྤྲས། །མི་ཀུན་གྱིས་ཆུང་མར་ཐོབ་ཤ་བྱེད། །ནོར་ལོངས་སྤྱོད་དུ་མའི་བསྙེན་བསྐུར་བྱེད། །ངའི་ཕ་མ་འབྱོར་ལྡན་དབང་བཙན་པས། །སེམས་སྣང་བ་མཐོ་ཞིང་ཆོས་མ་དྲན། །ང་བར་དུ་དཀོན་མཆོག་ཐུགས་རྗེ་ཡིས། །གནས་རང་ཡུལ་སྲིན་པོའི་གླིང་དུ་མཐོང་། །མ་ཉེ་འབྲེལ་འཁོར་བའི་ལྕགས་སྒྲོག་ཤེས། །ལུས་མཛེས་པ་དུག་ལྔའི་གཞི་རུ་གོ །ནོར་ལོངས་སྤྱོད་སྡིག་པའི་ས་བོན་མཐོང་། །གནས་ངེས་མེད་འགྲིམས་པའི་བློ་སྐྱེས་ནས། །ས་ནག་པོ་རྐང་པའི་འགྲོས་ཀྱིས་བཅད། །སྤྲིན་དཀར་པོ་མགོ་ཡི་ཞྭ་བཞིན་གྱོན༈ །ཟས་ལོངས་སྤྱོད་ཆུ་ནག་རླུང་ལ་བརྟེན། །ལུས་བཀྲག་མདངས་རོ་ལང་ཐལ་མདོག་འདྲ། །གོས་སིལ་བུ་མི་ཁོག་ཧྲ་ཧྲུལ་གྱོན། །མི་ཀུན་གྱིས་སྤྲང་མོ་འདྲེ་མོ་ཟེར། །ཕྱོགས་ཉེ་སར་འདུག་ཏུ་མི་སྟེར་ཞིང་། །ཟ་ལྷག་དང་འཐུང་ལྷག་རྒྱང་ནས་སྦྱིན། །ལས་དེ་ལྟར་བྱུང་ཡང་སྙིང་རུས་བྱས། །བློ་ལྷག་བསམ་དག་པས་ཆོས་ལམ་སྙེགས། །ཡུལ་ས་ཐག་རིང་བས་ངལ་དུབ་ཆེ། །དགུན་གྲང་ལྷག་ངད་པས་མགོ་ལུས་ཀྱི། །ལྕེ་མིན་པའི་ཤ་ལྤགས་ཆུ་བུར་སོང་། །ཁྲག་རྣག་གཉིས་ཆད་མེད་རྒྱུན་དུ་འོང་། །ན་ཟུག་ཟེར་མི་བཟོད་ཡུན་རིང་བ། །གྲང་དམྱལ་ དང་ཁྱད་མེད་ལྟ་བུར་བྱུང་། །དཔྱིད་ནམ་ཟླའི་དུས་རྟགས་ལུས་ལ་བྱུང་། །ཟས་ཁམས་གཅིག་མ་རྙེད་ཡི་དྭགས་འདྲ། །ཕྱི་སྐྱི་སེར་རླུང་གིས་རབ་ཏུ་སྡང་། །ནང་ཟས་མེད་གོས་མེད་གཉིས་ཀྱིས་མནར། །ཡན་ལག་གི་ནུས་པ་རྩལ་ཤུགས་ཆུང་། །ལུས་མི་ཁྱོག་ས་སྒྲོ་ལུང་ཆད་འདྲ། །སེམས་འགྲོ་སྙིང་ཤར་ཡངས་མ་ཆོད། །ཕྱི་འབྱུང་བ་རླུང་ཆེན་གཡོ་བའི་དུས། །བདག་ལུས་པོ་ཤོག་སྐྱ་ལྟ་བུར་ཁྱེར། །མུ་གེ་ཡིས་གདུང་ནས་དྲན་པ་ཉམས། །བཟོད་དཀའ་བའི་སྡུག་བསྔལ་དེ་འདྲ་མྱོང་། །ཤི་མ་མྱོང་དམྱལ་བར་སྐྱེས་དང་མཚུངས། །ང་ཐ་མ་མི་ཡི་བྲན་གཡོག་བྱས། །ལས་ཟིན་མེད་འཁོར་བའི་བྱ་བར་འབད། །དོན་སྙིང་པོ་མེད་པའི་ཚུལ་མཐོང་ཀྱང་། །ལྷ་བླ་མའི་ཞལ་ལུང་ཇི་བཞིན་དུ། །ད་ཇོ་མིན་ནག་མིན་ཙམ་དུ་སོང་། །སྔོན་བསགས་པ་ངན་པའི་སྟོབས་ཤུགས་ཀྱིས། །གནས་གང་དུ་སོང་ཡང་བྲན་གཡོག་རེད། །ཆོས་གཏེར་ལ་དབང་ཡང་མི་ངོ་ཤོར། །དུས་རྟེན་འབྲེལ་ཡོད་ཀྱང་སབྟས་བསྒྲིབ། །རྗེ་མི་ལ་རས་པའི་གསུངས་ཇི་བཞིན། །ངས་འདོད་གྲོགས་པོས་ང་མི་འདོད། །ང་འདོད་གྲོགས་ངན་ངས་མི་འབྲེལ། །མགོན་པདྨའི་སྨོན་ལམ་མཐུ་བཙན་པས། །ད་ཕན་ཆད་ཅི་འགྱུར་ཆ་མ་ཆོད། བྃ༔ ཅེས་གླུ་རུ་བླངས་པས། མོ་རང་ནི་ངུ་གྱིན་འདུག་པས། བདག་གིས་ཧ་ཆེན་པོ་ཞིག་བྱས་པ་ལ་རྐྱེན་ནས་ཁུར་ཐག་ཆད་དེ་འབུད་ཤིང་ལུང་པ་ཐུར་དུ་མགོ་རྒྱབ་མཇུག་རྒྱབ་བྱས་ནས་འཐོར་སོང་བས། ཆོས་ཕྲེང་མོ་རང་འབུད་ཤིང་གི་རྗེས་དེད་ནས་སོང་། བདག་ཤུལ་དུ་བསྡད་ནས་རྡོ་ལེབ་ཆེ་བ་ཞིག་གི་ངོས་ལ་མི་རྟག་འཆི་བ་དྲན་པའི་གདུང་དབྱངས་ཞིག་བྲིས་ནས་ཡོད་པས། མོ་རང་གི་འབུད་ཤིང་ཅུང་ཟད་ཞིག་ལས་རྗེས་མ་ཆོད་ནས་ཐོན་བྱུང་བས། བདག་གིས་མི་རྟག་སྒྱུ་མའི་འཁྲུལ་འཁོར་འདི་འདྲ་རེད་སྨྲས་པས། མོ་ན་རེ། ད་ལྟ་འུ་ཅག་གཉིས་ལ་རྒྱལ་སྲས་ནས་མི་རྟག་སྒྱུ་རྒོད་ལྟ་བུ་ཞིག་ཨེ་མི་ཡོད་ཟེར། དེ་ནས་རང་ཁྱིམ་ལ་འོང་བས་འཁྲུགས་སློང་ཅུང་ཟད་རེབྱུང་ཡང་དགོས་མེད་ཡི་གེ་མང་བར་དྭོགས་ནས་མ་བྲིས་སོ། །དེ་ནས་ཡང་ལོ་ཁྱིམས་དེ་ཀའི་ཟླ་བ་དགུ་པའི་ནང་དུ་སྐྱབས་རྗེ་ཐམས་ཅད་མཁྱེན་པ་སྤྲུལ་སྐུ་ཡིད་བཞིན་ནོར་བུ་དེ་ཉིད་སྨར་རྨད་ཕྱོགས་ཀྱི་གནས་ལྕགས་རི་འོད་འབར། བཀྲ་ཤིས་སྒོ་མང་། ཁྲོས་མའི་གནས་སོགས་ནས་ཟབ་གཏེར་རེ་སྤྱན་དྲངས་པ་དང་། དེའི་ཞོར་ལ་ཡུལ་གྲོང་རྣམས་ལ་འབྲུ་བསོད་རེ་མཛད་པའི་དོན་གྱིས་རང་གནས་ཀྱི་ཉེ་ཆར་འཕྲང་གཉིས་བར་ལ་བྱོན་ཡོད་པ་ཐོས་ཚེ། ང་ རང་གིས་མཇལ་དུ་འགྲོ་འདུན་སྐོམ་པ་ཆུ་ལ་གདུང་བ་ལྟ་བུར་ཡོད་ཀྱང་། རྒྱལ་སྲས་ལ་ཞུ་མ་སྤོབས་ནས་བཏང་སྙོམས་ལ་བསྡད་ཡོད་སྐབས། རྗེ་དེ་ཉིད་རང་བསམ་གྱི་དཔོན་གཡོག་ཆ་ཤས་བཅས་རྒྱལ་སྲས་སང་གི་སྐུ་མདུན་ལ་བྱོན་ནས་ཕན་ཚུན་གཉིས་ཀས་དབང་ལུང་རེའི་ཆོས་འབྲེལ་མཛད། དེ་སྐབས་རྗེ་དེ་ཉིད་ཀྱིས་བདག་ལ་དངོས་རྫས་གཡུ་བྱུར་ལྔ་དང་། ལྷ་རེག་དྲི་བྲལ་བཅས་གནང་ནས་ལུགས་གཉིས་ཀྱི་ཞལ་ཏ་མཛད། བདག་གིས་ཀྱང་བྱིན་རླབས་ཆེ་བ་གྲུབ་རྟགས་མྱུར་བའི་ཟབ་གཏེར་གསར་ཕབ་ཀྱི་བསྐུལ་བ་པོ་བྱས་པས། རྗེ་དེ་ཉིད་ཀྱིས་ཀྱང་བདག་གི་བསམ་པ་བཞིན་ཟབ་ཆོས་ཀྱི་གདམས་པ་གནང་བས། ང་རང་གི་ཟབ་གཏེར་བྲི་ཕབ་ནུས་པའི་གསོས་སུ་གྱུར་ཅིང་། ཆོས་ཉིད་མཁའ་འགྲོའི་གསང་མཛོད་ཀྱི་ཆོས་སྐོར་འཇམ་དཔལ་དམར་སེར་གྱི་སྒྲུབ་ཐབས་དང་། ཇོ་མོའི་ཐུགས་དམ་ཕུར་སྒྲུབ་དཔའ་བོགཅིག་སྒྲུབ་མཚོ་རྒྱལ་སྒྲུབ་སྐོར་སྙན་རྒྱུད་ཐེམ་མེད་ཟབ་མོ་རྣམས་ཀྱི་བརྡ་ཁྲོལ་བྱུང་ནས་གསལ་ཁྱབ་ཏུ་བྲི་སྤེལ་བྱེད་ནུས་པབྱུང་ངོ་། །དེ་ནས་རང་ལོ་ཉེར་བཞིའི་ལོར་སློབ་བུ་ཐུབ་བསྟན་བཟང་པོ་དང་ལྷན་དུ་རི་ངོགས་ལ་སྒོག་པ་ཐུ་རུ་སོང་བས་ཚེར་སྤུང་ཞིག་གི་སྟེང་ནབྱིའུ་ཡིད་དུ་འོང་བ་ཞིག་བབ་ནས་འདི་སྐད་ཟེར། བྃ༔ ཏིང་ཏིང་འབོད་པ་ལྷ་ཡི་སྐད་རེད། །ལྡེམ་ལྡེམ་བརྗོད་པ་ང་ཡི་ཕ་སྐད། །སྐད་འགྱུར་སྡེབ་སྦྱོར་ཌཱ_UNKའི་གསང་ཚིག །རིགས་ལྡན་རྣལ་འབྱོར་ཁྱོད་ལ་སྤྲོད་ཡོང་། །མ་ཡེངས་འདི་དོན་སྙིང་ལ་འཆོངས་མཛོད། །ཤར་གྱི་རྟ་བདུན་ཚ་ངར་ལྡན་ཡང་། །ནུབ་ཀྱི་སྐྱི་སེར་ལས་ཀྱིས་འཕྲད་འོང་། །ལྷོ་ཡི་ཁུ་བྱུག་ལམ་བསྒྲོད་རིང་ཡང་། །ནམ་ཟླའི་འབོད་པ་དུས་ཀྱིས་བསུ་འོང་། །པདྨའི་ཞལ་ཆེམས་བསླུ་བ་མེདཔས། །ཌཱཀྐིའི་བརྡབྱང་ཇི་བཞིན་བསྒྲུབ་དང་། །རང་སྐལ་སེམས་དཔའ་དུས་སུ་འཕྲད་ངེས། །ཆོས་འཛིན་སྐྱེས་བུ་ངྷརྨ་མ་ཏིའི། ཟུར་བབས་རྟེན་འབྲེལ་དབང་སྒོར་ངོམས་ན། །དེ་ལ་རྟོག་དཔྱོད་གནད་གཟབ་གལ་ཆེ། །འདི་སྣང་བདེ་སྡུག་བྱིས་པའི་རྩེ་མོར། །ཐུགས་སུན་སྐྱོ་ངལ་ཡི་ཆད་མི་དགོས། །ཌཱཀྐིའི་ཕོ་ཉ་ཡིད་བཞིན་ནོར་འདྲ། །མི་འདོད་བཞིན་དུ་དོན་གཉིས་འབྱུང་ངོ་། །གྲོགས་དང་འཐབ་འཁོན་ཉེར་ལེན་སྤོངས་ལ། །ངེས་མེད་གནས་སུ་སྒྲུབ་ཚུགས་ཟུངས་དང་། །གྲོགས་དང་ཆོས་འཛིན་ལས་ཀྱིས་འཕྲད་ནས། །ཟབ་མོ་གཏེར་གྱི་ཕ་ཕོག་ཐོབ་ངེས། །དེ་སོགས་ཙིཏྟའི་ཀློང་དུ་སྦས་རྒྱ། །ཨེ་གོ་ཨེ་གོ་རིགས་ལྡན་རྣལ་འབྱོར། །ཞེས་ཟེར་བས། བདག་གི་བསམ་པ་ལ་བྱིའུ་འདི་ དཔལ་རི་ནས་འོང་བ་ཨེ་ཡིན། དེ་ཡིན་ན་དྲི་བ་དྲི་ལན་ཞིག་བྱས་ནགོ་ངེས་པ་ཡིན་སྙམ་ནས་འདི་སྐད་སྨྲས། ཨེ་མ་ཨེ་མ་འཕྲུལ་ལྡན་བྱིའུ་ཆུང་། །ཁྱོད་ཡུལ་གང་གི་ཕྱོགས་ནས་བྱོན་པ། ། ལམ་ཐག་རིང་ངམ་ཉེ་བའི་ཕྱོགས་གང་། །བྱོན་པར་གཤོག་རྩལ་ངལ་དུབ་ཨེ་བྱུང་། །ཁྱོད་ཀྱི་ཡུལ་ཕྱོགས་བདེ་སྐྱིད་ལྡན་ནམ། །ང་ལ་ངག་གསལ་གསང་ཚིག་བསྐུར་མཁན། །ཌཱཀྐིའི་མཚན་ལ་ཇི་འདྲ་ཟེར་ལགས། །རང་དོན་མི་འགྲུབ་མི་ཡི་བྲན་གཡོག །གཞན་དོན་མི་འོང་ཁོ་ཐག་ཆོད་ལགས། །ད་ནི་བདེ་བདེ་མཁའ་འགྲོའི་གླིང་དུ། །ལུས་དམན་བདག་ནི་འགྲོ་སྙིང་འདོད་བྱུང་། །ཤེལ་དཀར་མཚོ་རྒྱལ་སྨོན་ལམ་སྟོབས་ཀྱིས། །ཡང་ཟབ་ཁྱད་པར་གཏེར་ལ་དབང་ཡང་། །བདག་ནི་ལུས་དམན་སྤོབས་པ་ཆུང་བས། །གྲོགས་དང་ཆོས་འཛིན་ཐབས་ཀྱིས་མི་འགུགས། །ཡུལ་མི་མཆོག་དམན་སྐྱེ་འགྲོ་རྣམས་ལ། །ཕར་ལ་སྡང་སེམས་སྦྱོར་བ་མེད་ཀྱང་། །ཚུར་ལ་མི་འདོད་སྣ་ཁ་སྟོན་ཅིང་། །ལོག་ལྟ་བསྐུར་འདེབས་གླེང་གཞི་བྱེད་འདུག ད་ནི་བན་ནག་གྲོང་ནག་ཡུལ་ལ། །ང་ཡི་ཟབ་གཏེར་ཚིག་གཅིག་མི་སྤེལ། །སྒྲོམ་དང་ཟབ་ཤོག་ཡང་རྒྱར་སྦས་ནས། །གྱི་ནའི་ཚུལ་གྱིས་རྒྱལ་ཁམས་འགྲིམ་འགྲོ། །ཞེས་སྨྲས་ཚེ། ཡང་ བྃ༔ བྱིའུས་སྨྲས་པ། གསོན་དང་རིགས་ལྡན་དབང་མོ། །འཕྲུལ་གྱི་མཁའ་ལྡིང་འོད་འབར། །ཡུལ་ཕྱོགས་ཕྱོགས་མེད་ལྔ་ལྡན། །དཔལ་རིའི་ཁྲོད་ནས་འོང་བ། གཤོག་རྩལ་ངལ་དུབ་མ་བྱུང་། །ལྷ་ལམ་རླུང་དང་འགྲོགས་འོང་། །མཁའ་འགྲོའི་བརྡ་ཚིག་རོལ་མོ། །ལས་ཀྱི་དབང་མོའི་གསང་གཏམ། །ཁྱོད་ནི་མཁའ་འགྲོའི་གླིང་དུ། །རེ་ཞིག་དུས་ལ་མ་བབ། །གླང་གི་རྭ་རྩེ་ངོམས་དུས། །ཕྱོགས་མིནཕྱོགས་ཀྱི་གྲོགས་འདི། །འཛུམ་དྲུག་མདངས་ཀྱིས་བསུས་འོང་། །མ་དང་མཁའ་འགྲོའི་ད་ལར། །རྒྱུན་དུ་ཚོགས་གཏོར་གྲངས་འབུངས། །བཟང་ངན་ལས་ཀྱིས་བྱེད་པ། །རྟེན་འབྲེལ་ཁོ་ནར་རག་ལས། །གྲོགས་དང་ཆོས་འཛིན་འཕྲད་དུས། །ལེ་ལོའི་སབྟས་མ་བསྒྱུར། །ཌཱཀྐིའི་བཀའ་བཞིན་སྒྲུབ་དང་། །གཏེར་གཉིས་བསྟན་པའི་སྒྲོན་མེ། །ཤར་དང་ལྷོ་ནས་འབྱུང་ངེས། །འབྱུང་འགྱུར་བརྡ་ཡི་རི་མོ། །དུས་སུ་ཌཱཀྐིས་སྤྲད་ངེས། །མི་མངོན་མཁའ་འགྲོའི་གླིང་ནས། །དུས་སུའུ་ཅག་འཕྲད་འོང་། །ཞེས་ཟེར་ནས་འོད་ཐིག་ལྔ་ལྡན་གྱི་རྣམ་པར་ནམ་མཁར་ཐིམ་སོང་བས། བདག་གི་བསམ་པ་ལ་ད་ང་ལས་མཐའ་ཐུར་དུ་འགྲོ་དུས་མཁའ་འགྲོའི་ལུང་བསྟན་མེད་པར། བྱ་一 བྱིའུས་ལུང་བསྟན་འོང་བ་ལ་བདེན་གྲུབ་ཨེ་ཡོད་མི་ཤེས་སྙམ་པས། ཞག་ཆ་ཤས་ནས་ཆོས་སྐོར་བླ་མ་འཇིགས་མེད་ཞེས་པ་དེ་ཐོན་བྱུང་། བདག་གིས་ཁོང་ལ་རྒྱལ་སྲས་སང་བཞུགས་མེད། ཁྱོད་འདི་ཀར་བྱོན་དོན་ཅི་ཡིན་དྲིས་པས། ཁོང་ན་རེ། ང་རྒྱལ་སྲས་མདུན་ལ་འོང་བ་མིན། ཁྱོད་ཀྱི་མདུན་ལ་ངེད་ཅག་གི་བླ་མ་སྒོ་སྤྲུལ་སང་གིས་བདག་མི་མངགས་བྱས་པ་ཡིན། གསུང་ཤོག་འདི་བསྐུར་འདུག་པས། ཁྱོད་ལ་འཕྲོད་ངེས་བྱེད་དགོས་གསུངས་པས། དེའི་དོན་གྱིས་འོང་བ་ཡིན་ཟེར་ནས་བདག་ལ་ཤོག་རྒྱ་ཞིག་སྤྲད་བྱུང་བས། བདག་གི་བསམ་པ་ལ་སྔར་བྱིའུས་ལུང་བསྟན་པ་དེ་འདི་དང་འདྲ་མཚུངས་གི་སྙམ་ནས་འདི་སྐད་སྨྲས། དཔལ་ཡུལ་སྒོ་ཆེན་སྤྲུལ་སྐུ་ཞེས་པ་སྒར་པ་ཆེ་ཁག་ཞིག་ཡིན་པ་ཐོས་མྱོང་། དེ་མིན་ཞལ་མཇལ་གསུང་ཐོས་མ་མྱོང་བས། བདག་གིས་མི་ཤེས་ཁོང་གི་མཚན་དངོས་ལ་ཅི་ཞུ་དྲིས་པས། ཁོང་ན་རེ། སྤྲུལ་སྐུ་སང་གི་མཚན་དུ་མ་ཡོད་ཀྱང་ཡོངས་གྲགས་སུ་འཇིགས་བྲལ་ཆོས་ཀྱི་བློ་གྲོས་མཚན་དུ་གསོལ་བ་ཡིན་ཟེར། བདག་གི་བསམ་པ་ལ་ཆོས་བདག་ཀ་བཞིའི་ནང་ནས་བྱང་གི་ཀ་བ་དྷརྨ་མ་ཏི་ཞེས་པ་དེ་ཀ་རེད་སྙམ་ཡང་། ང་རང་སྐྱེ་ལུས་དམན་པའི་དབང་གིས་སྤྲུལ་པའི་སྐུ་དེ་ཉིད་ལ་གཞན་གྱིས་ལོག་ལྟ་བྱེད་འོང་ བྃ༔ སྙམ་ནས་འཇིགས་ཆོས་ལ་འདི་སྐད་སྨྲས། ཁྱོད་ཀྱི་བླ་མ་དེ་ཅི་ཡང་མི་མཁྱེན་པ་ཞིག་ཡིན་པ་འདྲ། ང་རྒན་མོའི་སེམས་ལ་གང་དྲན་གྱི་ཡིག་རིས་སུ་རབ་ལུང་བསྟན་འབྲིང་སྒྲུབ་ཐབས་ཐ་ནའང་ཚིག་བཞི་ཙམ་ལས་མི་ཉུང་བའི་ཡི་གེ་ཞིག་བྲིས་ནས་བསྐུར་གསུངས་འདུག་པས། ད་སྔ་ང་མོ་ལོ་ཉེར་བཞི་ལ་ཐུག་གི་བར་དུ་སྟོད་རྫ་ཆུ་ཁ་སྨད་རོང་བཞི་ཁ་གསུམ་སོགས་ས་ཕྱོགས་ཀུན་ཏུ་འགྲོ་མྱོང་། ཁོང་བླ་སྤྲུལ་དུ་མ་ཞལ་མཇལ་གསུང་ཐོས་བྱེད་མྱོང་ཡང་། སུ་གཅིག་གིས་ཀྱང་རྒན་མོའི་སེམས་ལ་གང་དྲན་གྱི་ཡིག་རིས་དགོས་ཟེར་མ་མྱོང་། མིན་ཀྱང་ང་རང་གི་སེམས་ལ་སྲིད་དང་ཞི་བའི་ཆོས་ཁམས་རྒྱ་མཚོ་ཡེ་གནས་སུ་ཡོད་པ་དེ་ཡིག་རིས་སུ་བྲིས་པས་ཟད་མཐའ་ཐུག་པ་མེད་ཨང་སྨྲས་ཚེ། ཁོང་ན་རེ། ངེད་ཅག་གི་སྤྲུལ་སྐུ་རིནཔོ་ཆེ་དེ་དགོངས་པ་ལ་ཐོགས་རྡུགས་མེད་པ་ཐམས་ཅད་མཁྱེན་པ་ཞིག་ངེས་པ་ཅན་ཡིན་ལགས། དོ་གལ་ཤིན་ཏུ་ཆེ་བ་ཞིག་མིན་ཚེ་བྱ་བ་གང་ཐད་ནས་མི་མཁྱེན་པའི་ཚུལ་མཛད་ཅིང་ཕྱི་ནང་གསང་གསུམ་གྱི་སྤྱོད་ལམ་ཐམས་ཅད་ཚུལ་ཤིན་ཏུ་བཙུན་ཆེ་བས། དགོནཔ་གྲྭ་ཚང་གི་བླ་སྤྲུལ་རྣམས་ཀྱང་ཁོང་གི་གཟིགས་སར་སྐུ་མདུན་སོགས་ལ་སྤྱོད་ལམ་ཞིབ་མོ་མ་བྱས་ན་འགྲོ་མི་ཕོད་པ་ལྟ་བུ་ཡིན་པས། ད་ལན་དོ་ གལ་ཤིན་ཏུ་ཆེ་བ་ཞིག་ཡིན་པ་འདྲ། ཁྱེད་ནས་དེ་ལུགས་ཀྱི་གསུང་ཤོག་ལོས་བསྐུར། སྔར་མགར་ར་བླ་མ་སང་གིས་ཁོང་དང་སྐུའི་སྐྱེ་བ་མཐུན་པ་དང་། ཆོས་བདག་གི་གཙོ་བོ་གཅིག་ཡིན་གསུངས་དར་ལགས་ཟེར་བས། བདག་གིས་ཀྱང་མཁའ་འགྲོའི་བརྡ་བྱང་ལྟར་ཁོང་ལ་ཞུ་ཡིག་ཕུལ་བས། ཁོང་ནས་ཀྱང་འབྱུང་འགྱུར་ཟུར་བབ་ཡིན་པར་དགོངས་ཏེ། རིམ་གྲོ་རྣམས་བསྒྲུབས་ཚེ་སྐུ་གེགས་ལས་གྲོལ་བ་བྱུང་ངོ་། །དེ་སྐབས་སུ་ཧོར་བླ་མ་འོད་ཆུང་སང་གིས་སྨར་འབྲིང་པོའི་ནང་དུ་ཁོ་རང་གི་ཆོས་སྒར་ཡོད་སར་དུང་འཁོར་ཆེ་བ་སྤུས་ལྡན་གཅིག་བཞེངས་ནས། དེའི་རབ་གནས་ལ་རྒྱལ་སྲས་སང་དང་། ངེད་མ་བུ་གཉིས་བཅས་འབོད་མི་བཏང་བྱུང་བས། ལོ་ཁྱིམས་དེ་ཀའི་ཟླ་བ་དྲུག་པའི་ཡར་ཚེས་ལ་གནས་དེ་ཀར་སོང་བས། སྤྲུལ་སྐུ་ཡིད་བཞིན་ནོར་བུ་བཀའ་དྲིན་ཅན་དེ་ཉིད་ཀྱང་དེ་ཀར་གདན་འདྲེན་བྱས་ཏེ། འབོར་པ་སྟོད་སྨད་ཀྱི་བླ་སེར་རྣམས་ལ་ཡབ་རྗེ་གཏེར་ཆེན་རིན་པོ་ཆེའི་ཟབ་གཏེར་གྱི་དབང་ལུང་བསྩལ་ཅིང་མཐར་ཕྱིན་ནས། ད་དུང་འཁོར་ལོ་རབ་གནས་མཛད་དགོས་ཟེར་འདུག་པས། དེ་སྐབས་ངེད་དཔོན་གཡོག་ཀྱང་དེ་ཀར་ཐོན་ནས། ཐོག་མར་རྒྱལ་སྲས་སང་དང་། རྗེ་དེ་ཉིད་མཇལ་འཕྲད་མཛད་འདུག །བདག་གི་ བྃ༔ བསམ་པ་ལ་རྟེན་འབྲེལ་མཁའ་འགྲོའི་མཐུན་རྐྱེན་བྱས་པ་ལོས་བདེན། ད་ལན་སྤྲུལ་སྐུ་རིན་པོ་ཆེ་དང་མཇལ་བའི་སྐལ་བ་བྱུང་དོན་ཅི་འགྱུར་ཆ་མི་ཆོད་པར་འདུག །གཏེར་གསར་དབང་ལུང་གི་མཇུག་རྫོགས་ཚར་བ་དང་། ད་གཟོད་འཁོར་ལོ་རབ་གནས་དགོས་པ་གཉིས་རྟེན་འབྲེལ་གྱི་མཐའ་ངེས་དཀའ་བར་གདའ་སྙམ་ཡང་བཏང་སྙོམས་ལ་བཞག །དེ་ནས་རིམ་གྱིས་རྗེའི་སྐུ་མདུན་ལ་སོང་ནས་ཁམས་བཟང་ཞུས་ཏེ་ཕྱག་རྟེན་དང་མཇལ་དར་ཕུལ་བས། རྗེ་དེ་ཉིད་ཀྱིས་ཀྱང་ཐུགས་བརྩེ་བ་ཆེན་པོས་རྟེན་འབྲེལ་དང་མཐུན་པའི་དངོས་རྫས་དང་། ལྷ་རེག་དྲི་བྲལ་བཅས་གནང་ནས་ལུགས་གཉིས་ཀྱི་གསུང་བགྲོས་མཛད་པས། བདག་གིས་ཀྱང་འཁོར་བར་སྐྱོ་སུན་ཆེ་བའི་ལོ་རྒྱུས་དང་། བསམ་པ་ལམ་དུ་འགྲོ་ཐབས་ལ་ཐུགས་གཏད་ཞུས། དེ་ནས་དུས་བཟང་ཚེས་གསུམ་ཉིན་གྱི་རྗེས་དཔོན་གཡོག་ཐམས་ཅད་འཁོར་ལོའི་གཡས་ཕྱོགས་པར་བཞུགས། ངེད་དཔོན་གཡོག་འཁོར་ལོའི་གཡོན་ཕྱོགས་སུ་བཞུགས་ཏེ། ཐམས་ཅད་ཀྱིས་རང་རང་གི་ཕྱག་སྲོལ་མཛད་ནས་འཁོར་ལོ་རབགནས་བསྒྲུབ་སྐབས། གཏེར་སྲུང་གཡུ་སྒྲོན་མ་ཡིན་སྐད་པའི་མི་མོ་རིན་ཆེན་རྒྱན་ལྡན་མཛེས་མ་ཞིག་ང་རང་གི་མདུན་ཐད་དེ་ཀར་འོངས་ནས་འདི་སྐད་ཟེར། ཨེ་ཨེ། དབྱིངས་མི་འགྱུར་ཐིག་ལེའི་མཁའ་ཀློང་ནས། །གདངས་འགགས་མེད་བརྡ་ཡི་རོལ་མོ་ངོམས། །རྩལ་ཤེས་རབ་ལྡན་པའི་དོན་དེ་མཆོངས། །སྔོན་ནམ་སྙིང་དང་བཛྲ་སྨོན་ལམ་མཐུས། །དུས་དེ་རིང་རང་སྐལ་དཔའ་བོ་དང་། །ལས་རྟེན་འབྲེལ་མ་དང་མཁའ་འགྲོས་བསྒྲིག །གྲོགས་ཕྲིན་ལས་གཏེར་གྱི་སྲུང་མས་བྱས། །དེ་སབྟའི་རྐྱེན་དུ་མ་སོང་དགོས། །རང་ནོར་གྱི་རྟེན་འབྲེལ་འགྲིག་ལ་དབང་། །ཆོས་ཨེ་ཝྃ་ལྟག་སྤྲོད་བརྡ་མཛོད་བྱེད། །གདུལ་བྱ་དང་སྙན་གྲགས་འཁོར་སློབ་འདུ། །བསྟན་འགྲོ་བའི་དོན་ཆེན་རིམ་གྱིས་འབྱུང་། །ཤར་དམུ་བདུད་རྩེ་དགུའི་ཉེ་ཆ་ན། །བྱ་ཁྭ་ཏས་ཐང་དཀར་རྒོད་ལ་འགྲན། །དཔལ་རྟ་མགྲིན་གྱི་སྤྲུལ་པས་མ་འདུལ་ན། །ཁྱོད་ཐབས་ཤེས་འཛོམས་ཡང་རྐྱེན་ཁར་འཆོར། །བྲག་སྤྲེའུའི་གཟི་མདངས་སྨག་ལ་ཡིབ། །ལྷོ་གསེར་གྱི་ཕ་བོང་འོད་པོ་ཆེ། །ཁོང་རླུང་ལྷའི་འཕྲུལ་གྱིས་མ་སྤྲུལ་ན། །ཟབ་གཏེར་གྱི་བསྟན་པ་རིམ་གྱིས་དར། །བརྡ་གོ་འམ་སུ་ཁ་བཛྲ་རྩལ། །འབྱུང་འགྱུར་གྱི་རི་མོ་དུས་སུ་ངོམས། །ཞེས་ཟེར་ནས་ཤེལ་སྒྲོམ་དཀར་པོ་ཞིག་བདག་ལ་གཏད་དེ། འདི་བསམ་ཡས་མཆོད་སྡོང་དཀར་པོ་ནས་འོང་བ་ཡིན་གསུངས་མ་ཐག་མི་སྣང་བར་གྱུར་ཏོ། །བདག་གིས་ བྃ༔ སྒྲོམ་བུ་དངོས་སུ་འདུག་པས་ཁོང་དེར་འདུས་རྣམས་ཀྱིས་གཟིགས་འགྲོ་སྙམ་ནས་ཐབས་ཀྱིས་སྦས་ཚུལ་བྱས་ཀྱང་། སྔོན་སྨོན་དུས་བབ་ཀྱི་དབང་གིས་རྗེ་ཡིད་བཞིན་ནོར་བུ་ཁོང་གིས་གཟིགས་སོང་བས་ཕྱག་གིས་བརྡ་མཛད་ཅིང་ཁོང་ལ་གཏེར་སྒྲོམ་དགོས་གསུང་། བདག་གིས་གཞན་གྱིས་གོ་འགྲོ་སྙམ་ནས་གཏེར་སྒྲོམ་མ་རེད་བུ་མོའི་རྩེ་རྡོ་རེད་ཅེས་བརྡ་ལན་གསོལ་བས། རྗེ་དེ་ཉིད་ཀྱིས་གསུང་ངག་གྲོལ་ནས་རྩེ་རྡོ་ཡིན་ཐང་འོན་ཀྱང་ཁོང་ལ་དགོས་གསུངས། བདག་གིས་ཀྱང་རྫུན་མ་ཤོང་ནས་གཏེར་སྒྲོམ་རང་གི་ལྕང་ལོ་དང་། ལྷ་རེག་དྲི་བྲལ་གྱི་སྐྱེས་བཅས་རྗེ་དེ་ཉིད་ལ་ཕུལ་བས་ཐུགས་དགྱེས་པ་ཆེན་པོར་མཛད་ཅིང་རྟེན་འབྲེལ་གྱི་གསོས་གྱུར་ཏོ། །དེ་ནས་རབ་གནས་གྲུབ་རྗེས་རྗེ་དེ་ཉིད་ཀྱིས་ཁོང་སྨར་འབྲིང་གི་ལུང་པ་སུ་རུ་ཞེས་པའི་ནང་དུ་ཕུག་པ་ཞིག་འདུག །དེ་ཀར་ཞག་ཆ་ཤས་ལ་སྐུ་མཚམས་མཛད་དགོས་གསུངས་པས། རྒྱལ་སྲས་སང་གིས་ཁོང་གི་སྐུ་ནུས་འཇིགས་མེད་དཀོན་མཆོག་གཡས་རུའི་ཆོས་སྒར་ཁར་སྒོ་སྤྲུལ་སྐུ་གྱི་མདུན་ལ་ཡོད། དེ་ཀར་ངེད་འགྲོ་དགོས་ཀྱང་ཚུར་ལམ་ཁྱོད་ཀྱི་སྐུ་མདུན་ལ་འོང་ནས་འུ་ཅག་གསུངས་མཛད་ཞིབ་མོ་བྱེད་དགོས་གསུངས་ནས་རྣམ་པ་གཉིས་ཀས་དེཀར་ཐུགས་བཅད་དེ། ངེད་ དཔོན་གཡོག་གཡས་རུའི་དགོན་དུ་བྱོན་ནས་དེ་ཀར་ཞག་ཆ་ཤས་རེ་བཞུགས། དེ་སྐབས་སྒོ་སྤྲུལ་རིན་པོ་ཆེ་སང་གནས་དེ་ཀའི་ཉེ་ཕྱོགས་ན་དུད་ཚང་ཆེ་