Tibetan
དེ་ཡི་རྣམ་སྨིན་འདི་ལྟར་མྱོང་བ་ཡིན། །ད་དུང་འོག་ནས་འོག་ཏུ་ཁ་བརྒྱུད་དེ། །ལས་བསགས་མ་ཟད་བར་དུ་སྡུག་བསྔལ་མྱོང་། །ཞེས་ཟེར་དེ་ནས་ཕར་ལ་སོང་ཙ་ན། །མི་ནག་ལག་ཏུ་གཡང་གཞི་ཐོགས་པ་བཅུས། །ཕྱོགས་རྣམས་ཀུན་ཏུ་གཡང་གཞིའི་ལག་ཡུག་བྱེད། །མིག་གིས་ཕྱོགས་ཕྱོགས་ལྟ་ཞིང་འདི་སྐད་ཟེར། །ཆོས་མེད་སྡིག་ལ་སྤྱོད་པའི་སྐྱེས་བུ་རྣམས། །ཏིང་འཛིན་འདོན་བསྒོམ་མེད་པར་དཀོར་ལ་འབྱམས། །བླ་གཟུགས་བཙུན་ཆུང་ཡོད་ན་འདིར་ཤོག་ཅིག །བཙུན་མ་ཁྲིམས་འགལ་ཡོད་ན་འདིར་ཤོག་ཅིག །བཀའ་ལོག་དཀར་པོ་མཐའ་ཟད་ཡོད་ན་འདིར་ཤོག་ཅིག །བླ་མའི་བཀའ་འགལ་ཡོད་ན བྃ༔ འདིར་ཤོག་ཅིག །སྡིག་ཅན་མནའ་ཟན་ཡོད་ན་འདིར་ཤོག་ཅིག །ཚོང་པ་གཡོ་ཅན་ཡོད་ན་འདིར་ཤོག་ཅིག །ར་ལུག་མང་པོའི་བདག་པོ་འདིར་ཤོག་ཅིག །རྐུན་ཇག་དམག་དཔོན་ཡོད་ན་འདིར་ཤོག་ཅིག །ཉེས་མེད་རི་དྭགས་བསད་མི་འདིར་ཤོག་ཅིག །ཆུ་ནང་ཉ་སྲམ་འདོན་མི་འདིར་ཤོག་ཅིག །མཛོ་མོ་མང་པོའི་བདག་པོ་འདིར་ཤོག་ཅིག །ཞིང་པ་སོ་ནམ་བདག་པོ་འདིར་ཤོག་ཅིག །ཨ་བྲར་ཆུ་ཁྲིད་བྱེད་མི་འདིར་ཤོག་ཅིག །ཞིང་མ་ཆུ་མའི་བདག་པོ་འདིར་ཤོག་ཅིག །བྱི་བ་རི་བོང་བསད་མི་འདིར་ཤོག་ཅིག །ཁྲིམས་བདག་དཔོན་པོ་ཡོད་ན་འདིར་ཤོག་ཅིག །བཙུན་མ་དམ་ཉམས་ཡོད་ན་འདིར་ཤོག་ཅིག །བསད་བསད་སྲོག་ལན་མཇལ་དགོས་འདི་རུ་ཤོག །འཕྲོག་འཕྲོག་དབུལ་ཕོངས་བྱེད་མི་འདི་རུ་ཤོག །དེ་ལ་སོགས་པའི་གྲངས་མེད་མིང་ནས་འབོད། །གཡང་གཞི་ས་ཕྱོགས་ཀུན་ཏུ་ལག་གཡུག་བྱེད། །མིག་གིས་བལྟ་སྟངས་རལ་པ་གནམ་དུ་གཟིང་། །ལག་གཡོན་མཚོན་ཆ་སྣ་ཚོགས་ཐོགས་ནས་འདུག །བདག་གིས་ཅི་ཡིན་སྙམ་ནས་ལྟར་སོང་བའི། །མུན་ནག་ཆར་སྤྲིན་འཐིབ་པའི་ནང་ཞིག་ན། །སྐྱེ་འགྲོ་མང་པོ་ངུ་འབོད་སྣ་ཚོགས་བྱེད། །མི་ནག་རྣམས་ལ་འདི་དག་ཅི་རེད་ སྨྲས། །ཁོང་རྣམས་མགྲིན་གཅིག་བདག་ལ་འདི་སྐད་ཟེར། །ཉོན་དང་བུ་མོ་བྱང་སེམས་ཅན། །ཡུལ་འདི་དགེ་སྡིག་འབྱེད་པའི་གནས། །མནར་མེད་ཡུལ་ཁམས་བཅོ་བརྒྱད་རེད། ད འགྲོ་བ་འདི་དག་འཇིག་རྟེན་གྱི། །གྲང་ང་ཁམས་ཀྱི་ཆོས་མེད་པ། །སྡིག་བསགས་ལས་འབྲས་སྦྱང་མི་རེད། །ངེད་རྣམས་གཤིན་རྗེའི་ལས་མཁན་ཏེ། །དཀར་ནག་གཉིས་ཀྱི་ཤན་འབྱེད་ཡིན། །ཞེས་ཟེར་བདག་གིས་འདི་སྐད་སྨྲས། །སྙིང་རྗེ་མེད་པའི་མི་བཅུ་ཉོན། །གྲང་ང་ཁམས་ཀྱི་མི་རྣམས་ཀུན། །ཆོས་མེད་སྡིག་ལ་སྤྱོད་མཐོང་ནས། །སྡུག་བསྔལ་མི་བཟོད་དུ་མ་གཏད། །ཁྱེད་ཅག་རྒྱུན་དུ་སྡིག་སྤྱོད་ཀྱང་། །ཉེས་མེད་ཚེ་ཐར་སུ་ཡིས་བྱས། །ཡུལ་འདི་དགེ་སྡིག་ཤན་འབྱེད་གནས། །ཐོག་མཐའ་བར་གསུམ་གང་ནས་གྲུབ། །མནར་མེད་དམྱལ་ཁམས་བཅོ་བརྒྱད་དེ། །སྲིད་པ་གང་གི་དུས་སུ་ཆགས། །སྡུག་བསྔལ་རྒྱུ་ནི་སྡིག་སེམས་ཟེར། །སྡིག་སེམས་གཅིག་པུའི་སྡུག་བསྔལ་ནི། །མི་འདྲ་དུ་མ་ཅིའི་ཕྱིར་མྱོང་། །སྔར་གྱི་ངས་མཐོང་སྐྱེ་འགྲོ་རྣམས། །བཟོད་དཀའི་སྡུག་བསྔལ་ཤིན་ཏུ་ཆེ། །དེ་དག་ཅི་ལས་བྱུང་བ་ཡིན། །ད་དུང་དེ་བས་སྡུག་བསྔལ་བ། །དམྱལ་ཁམས་བཅོ་བརྒྱད་དེ་ཡོད་ན། །འགྲོ་བ་དེ་དག་ བྃ༔ སྙིང་རེ་རྗེ། །ཞེས་སྨྲས་ཁོང་རྣམས་མགྲིན་གཅིག་ཏུ། །ཉོན་དང་བུ་མོ་སེམས་བསྐྱེད་ཅན། །ཁྱོད་མཐོང་སྐྱེ་འགྲོ་སྡུག་བསྔལ་བ། །ཡང་འཁོར་ལྷག་མའི་ཉེ་ཆར་རེད། །འདི་ལ་སྡུག་བསྔལ་ཡེ་མི་ཆེ། །འདི་ནས་ལས་བསགས་མ་ཟད་པར། །འོག་ནས་འོག་ཏུ་འགྲོ་དགོས་པས། །ལས་ངན་སྡིག་ཆེན་ཐམས་ཅད་ནི། །ཡུལ་འདིར་མ་བསྒྲོད་འགྲོ་ས་མེད། །སྔར་གྱི་སྡུག་བསྔལ་བརྒྱ་འགྱུར་དང་། །སྟོང་འགྱུར་ཁྲི་འགྱུར་མྱོང་དགོས་སོ། །ཡུལ་འདི་དགེ་སྡིག་ཤན་འབྱེད་པ། །ཐོག་མཐའ་བྱུང་ཁུང་ཁྱོད་ལ་སྨྲ། །ཡུལ་འདི་ཀུན་གཞིའི་རྒྱ་མཚོ་ལ། །དགེ་སྡིག་གཉིས་ཀྱི་གཟུགས་བརྙན་འཆར། །ལས་མཁན་ཀུན་གཞིའི་རྣམ་ཤེས་ཀྱིས། །གྲུ་པ་ཇི་བཞིན་བླང་དོར་གྱིས། །གཟུགས་བརྙན་ཆེ་འབྲིང་ཆུང་གསུམ་བསྡུས། ཐར་མེད་ཡུལ་ཁམས་བཅོ་བརྒྱད་འདི། །དུག་གསུམ་དགུ་འགྱུར་སྟོབས་ལས་བྱུང་། །སྡུག་བསྔལ་མི་འདྲ་དུ་མ་འདི། །རང་བྱས་སྡིག་སེམས་དེ་ལས་བྱུང་། །དེ་ལས་ཐར་འདོད་ཡོད་གྱུར་可།དགེ་སྡིག་བླང་དོར་མ་ནོར་སྨྲོས། །དཀོན་མཆོག་གསུམ་ལ་གསོལ་བ་ཐོབ། །རྒྱུན་དུ་མ་ཎི་ཡིག་དྲུག་སྒྲོངས། །ལུས་ཀྱིས་ཕྱག་དང་བསྐོར་བར་འབུངས། །མར་མེ་ལ་ སོགས་མཆོད་པ་དང་། །སྐུ་གསུང་ཐུགས་ཀྱི་རྟེན་བཞེངས་ནས། །ཚེ་ཐར་སྲོག་བསླུ་སྦྱིན་གཏོང་རེམ། །ཁྱད་པར་ཡི་དྭགས་རིགས་གྱུར་པ། །ཉ་དང་གྲོག་མ་བྱ་རིགས་ལ། །ཟས་ཁམ་གཅིག་ཙམ་སྦྱིན་གྱུར་ན། །དགེ་བ་གྲངས་ལས་འདས་པར་འགྱུར། །མདོར་ན་དུས་དང་རྣམ་པ་ཀུན། །གྲང་ང་ཁམས་ཀྱི་མི་རྣམས་ཀྱིས། །ལུས་དང་ངག་དང་ཡིད་ཀྱིས་ནི། །མི་དགེ་བཅུ་པོ་རིང་སྤང་ནས། །ཡང་དག་དགེ་བ་མ་བསྒྲུབ་ན། །སྡུག་བསྔལ་འདི་འདྲ་མྱོང་དོ་སྨྲོས། །གཤིན་རྗེའི་ཁྲིམས་ཁ་བཙན་དོ་སྨྲས། །ལས་མཁན་འཇིག་རྔམས་ཆེ་དོ་སྨྲོས། །དམྱལ་བའི་ཟངས་ཆེན་ཡངས་དོ་སྨོས། །ཁྲོ་ཆུ་རང་འབར་ཚ་དོ་སྨྲོས། །སྡུག་བསྔལ་ལུས་ལ་མྱོང་དོ་སྨྲོས། །ཡུན་རིང་བར་དུ་ཐར་དཀའ་སྨྲོས། །དགེ་སྒྲུབ་སྡིག་སྤངས་བྱས་པ་དང་། །དགེ་དོར་སྡིག་སྒྲུབ་གང་བྱས་ཀུན། །མེ་ལོང་ནང་དུ་གསལ་གི་སྨྲོས། །དཀར་ནག་གཉིས་ཀྱི་འབྲས་བུ་དེ། །རང་གི་ལུས་ལ་སྨིན་དོ་སྨྲོས། །དགེ་སྡིག་བླང་དོར་མ་ནོར་རེམ། །ཞེས་ཟེར་བདག་གི་བསམ་པ་ལ། །ད་དུང་ཡུལ་ཁམས་བཅོ་བརྒྱད་དུ། །སྡུག་བསྔལ་ཅི་འདྲ་ཡོད་དམ་སྙམ། །དེར་གནས་སྐྱེ་འགྲོ་དེ་དག་ཀུན། །བདག་གིས་འདྲེན་ཐབས་ཨེ་རྙེད་བསམ། །ཡུན་གཅིག་ བྃ༔ བསྡད་ཚེ་སྣང་བ་འགྱུར། །འཇིག་རྟེན་མི་ཡི་ཡུལ་སྣང་འཆར། །རང་གནས་ཡུལ་ཁྱིམ་བཀོད་པར་གསལ། །བར་དོའི་སྣང་བ་ནུབ་པའོ། །དེ་ནས་ཉམས་ལས་སད་ཀྱང་སྔར་གྱི་རྗེས་ཤེས་དྲན་ཏེ་དུས་རིང་མོའི་བར་དུ་དམྱལ་བའི་སྡུག་བསྔལ་གྱིས་གདུང་བའི་འགྲོ་བ་རྣམས་སྙིང་རེ་རྗེ་སྙམ་ནས། ལུས་བ་སྤུགཡོ་མིག་ནས་འཆི་མ་འཁྲུགས་སེམས་རྩེ་གཅིག་ཏུ་དྲིལ་ཏེ། འཕགས་མཆོག་ཐུགས་རྗེ་ཆེན་པོ་དང་། རྗེ་བཙུན་འཕགས་མ་སྒྲོལ་མ་གཉིས་ལ་གསོལ་བ་འདི་ལྟར་བཏབ། ཀྱེ་མ་ཉམས་ཐག་འགྲོ་བ་ཡོངས་ཀྱི་སྐྱབས་གནས་རྗེ། །རྒྱལ་ཀུན་ཐུགས་རྗེའི་རངགཟུགས་པད་དཀར་འཆང་། །འཇིག་ཀུན་སྐྱོབས་པའི་དེད་དཔོན་འཕགས་མ་སྒྲོལ། །གསོལ་བ་འདེབས་སོ་ཐུགས་རྗེའི་གཟིགས་མཛད་ལ། །གནས་ངན་བར་དོར་འཁྱམས་པའི་སྐྱེ་འགྲོ་རྣམས། །ཉམས་ཐག་བཟོད་དཀའི་སྡུག་བསྔལ་དྲག་པོས་མནར། །སྐྱབས་དང་རེ་ས་གཞན་ན་མ་མཆིས་པས། །ཐུགས་རྗེས་བཟུངས་ཤིག་འཕགས་མཆོག་སྤྱན་རས་གཟིགས། །ལམ་སྣ་དྲོངས་ཤིག་རྗེ་བཙུན་འཕགས་མ་སྒྲོལ། །གནས་ངན་རིགས་དྲུག་འཁྲུལ་སྣང་འཇིགས་ལས་སྒྲོལ། །བདེ་ཆེན་དག་པའི་ཞིང་དུ་ཁྲིད་དུ་གསོལ། །སྡུག་བསྔལ་མང་ བསགས་ལས་སྒྲིབ་ཀུན་དག་ནས། །དོན་གཉིས་འགྲུབ་པའི་ལུས་མཆོག་ཐོབ་པར་ཤོག །ཅེས་གསོལ་བ་བཏབ་མཐར། མེ་ལོང་ནང་དུ་གཟུགས་བརྙན་ཤར་བ་ལྟ་བུར་སྐད་ཅིག་ལ་ལྷག་ལྷ་དེ་གཉིས་ཀྱིས་ཞལ་གཟིགས་ཤིང་ལུང་བསྟན་པ་དང་། བདག་གིས་ཀྱང་ཚིགས་སུ་བཅད་པའི་སྨོན་ལམ་རྣམས་གཏེར་གཞུང་དུ་གསལ། དེའི་སྐབས་སུ་ལོ་ཁྱིམས་དེའི་ཟླ་བ་བཞི་པའི་ནང་ལ་མགར་ར་གཏེར་ཆེན་གྱི་ཡུམ་ཡག་བཟའ་དང་། སྲས་གཉིས་པོ་སོགས་ཀྱིས་བླ་མའི་གཏེར་ཆོས་དང་། གཏེར་རྫས་རྣམས་ཐོབ་བྱ་བྱས་ཏེ། བགོ་དགོས་ཟེར་ནས་ནོག་འཁོན་བྱེད་འདུག དཔལ་ཡུལ་སང་དང་། ཨ་སྐྱོང་གཉིས་ཀྱིས་གཏམ་བཤད་བྱེད་དགོས་ཟེར་འདུག་པས། བདག་གི་བསམ་པ་ལ་སྔར་ཁང་གདོང་བླ་མ་མགོན་དབང་སང་གི་ལུང་བསྟན་གྱི་ཐོག་ལ་བབ་པ་འདྲ་སྙམ། དེའི་སྐབས་སུ་བླ་མའི་སྐུ་སྲས་ཆེ་བ་རྒྱལ་སྲས་སང་བླ་བྲང་དང་འགལ་ནས་ཁོང་གཅིག་པུར་རི་ཁྲོད་ལ་བྱོན་འོང་སྟེ། བདག་གི་སར་བཞུགས་དགོས་གསུང་འདུག་པས། བདག་གིས་འདི་སྐད་ཞུས། བླ་མ་རིན་པོ་ཆེའི་གཏེར་ཆོས་དང་གཏེར་རྫས་རྣམས་ལ་ངས་བདག་བྱེད་ཆོག་ན་ཁྱེད་བཞུགས་དང་ཆོག །དེ་བདག་པོ་མི་ཆོག་ཚེ་ཁྱོད་ངའི་སར་བཞུགས་མི་ཉན། ཁྱི་དང་ཉེ་ན་ ༔ རྨ་དང་ཉེ་ཟེར་བའི་དཔེ་བཞིན། དགོས་མེད་ཀྱི་བྱ་བ་ལ་འཇུག་འགྲོ་ཞུས་ཚེ། ཁོང་གི་ཞལ་ནས་གཏེར་ཆོས་དང་གཏེར་རྫས་ཐམས་ཅད་བླ་བྲང་ནང་ན་ཡོད་པས། དེ་ནས་ཁྱོད་རང་གིས་ལེན་ཐབས་ལོན་ན་བདག་པོ་བྱེད་ཆོག་གསུངས། དེ་ནས་རིམ་གྱིས་སྐུ་མདུན་ལ་བསྡད་ནས་བླ་བྲང་གི་ཉེ་འཁོར་ཐམས་ཅད་ཐབས་ཀྱིས་བྲིད་དེ། །ང་རང་དང་ནང་མཐུན་པར་བྱས་ཤིང་བླ་མའི་གསུང་ཆོས་དང་གཏེར་རྫས་ཐམས་ཅད་གཅིག་ལོན་གཉིས་ལོན་བྱས་ནས་ཁ་ཚང་རི་ཁྲོད་ལ་གདན་འདྲེན་བྱས། ཡག་བཟའ་དཔོན་གཡོག་ཐམས་ཅད་ཀྱིས་ནོག་འཁོན་བྱས་ཀྱང་གཏེར་ཆོས་ཆ་ཚང་རྒྱལ་སྲས་ཀྱི་དྲུང་དུ་ཡོད་པས་བྱ་ཐབས་བྲལ་ནས་བཏང་སྙོམས་སུ་ལུས། དེའི་སྐབས་ང་རང་ལ་མི་དགའ་བྱེད་མི། ཡག་བཟའ་ལ་དགའ་མི་རྣམས་ཀྱིས་དབུས་མོ་འདི་ཡུལ་ཕུད་བྱེད་དགོས། རྒྱལ་སྲས་དང་ལྷན་དུ་སྡོད་བཅུག་མི་ཉན་ཟེར། ལ་ལས་དབུས་མོ་ཕུད་ཐབས་མི་འོང་བ་འདྲ། རྒྱལ་སྲས་ལ་བླ་བྲང་ནས་རྒྱུ་རྫས་ཀྱི་སྐལ་བ་མེད་པའི་ལན་གྱིས་འགྲོ་ས་མ་རྙེད་པ་རེད་ཟེར། རྒྱལ་སྲས་ཀྱི་ཨ་ཞང་སྐོར་བས་ཀྱང་རྒྱུ་རྫས་བླ་བྲང་ནས་ལོས་སྦྱིན་ཟེར་ནས་བཏང་སྙོམས་སུ་བཞག་འདུག །དེ་དུས་ང་རང་ཡུལ་ཕུད་བྱེད་དགོས་ཟེར་མི་རྣམས་ཡིད་ལ་བཟུང་ནས་ ཆོས་སྐྱོང་ལ་ཕྲིན་ལས་བཅོལ་བས་མྱུར་དུ་རྟགས་མཚན་འོངས་ཏེ། དེ་རྣམས་ལ་མི་འདོད་པ་དུ་མ་བྱུང་འདུག་པས། བདག་གི་བསམ་པ་ལ་ངས་སེམས་ཅན་གཅིག་ལ་ཕན་ཐོགས་མི་འོང་ཞིང་གནོད་བྱེད་ཐུབ་ངེས་པ་རེད། ད་ནི་ང་རང་གཅེས་པའི་སྲོག་ལ་བབ་ཀྱང་ལས་འདི་འདྲ་མི་བྱེད་སྙམ་ནས་མན་ངག་གི་ཡིག་ཆ་རྣམས་མེ་ལ་བསྲེགས། ཟབ་ཤོག་ཐམས་ཅད་ཡུལ་དེ་ཀའི་གནས་ལྕགས་རི་འོད་འབར་ཞེས་པ་དེ་དཀར་ཡང་གཏེར་དུ་སྦས་སོ། །དེ་ནས་རང་ལོ་ཉེར་གཉིས་དུས་གནས་བཀྲ་ཤིས་སྒོ་མང་ལ་བསྐོར་བ་བྱེད་དུ་སོང་བས། དེའི་ནུབ་རྨི་ལམ་ལ་མཁའ་འགྲོ་ཀུན་གསལ་མ་ཡིན་སྐད་པས་འདི་སྐད་ཟེར། ཧེ་ཡཿ ཤར་རྟ་བདུན་དཀྱིལ་འཁོར་འོད་པོ་ཆེས། །འགྲོ་ཁམས་ཀྱི་མུན་པའི་སྨག་སེལ་ཀྱང་། །ཆུ་འཛིན་གྱིས་བསྒྲིབ་པས་ཡོལ་ལ་ལྟོས། །མ་ཌཱཀྐིའི་ཕོ་ཉ་མི་མོ་ཁྱོད། །ཟབ་གཏེར་གྱི་སྨོན་ལམ་འཕྲོ་ལྡན་ཀྱང་། །དོན་གཉིས་ཀྱི་ནོར་བུ་འདམ་དུ་འཕང་། །གསེར་རགན་མདངས་ཀྱིས་བསླུས་ལ་ལྟོས། །རང་སྐལ་གྱི་སེམས་དཔའ་ངུར་སྨིག་འཛིན། །ཐོག་མ་ཡི་མིང་འཆང་ཉེ་འཆར་གནས། །སྙིང་ཐད་ན་རྡོ་རྗེའི་རི་མོ་གསལ། །དེ་སྦས་ཚུལ་གྲོགས་སུ་འཕྲད་གྱུར་ན། །ཁྱོའི་ཚེ་ཆོས་བསྟན་པ་དར་བར་ངེས། །གནས་ བྃ༔ གཅིག་ཏུ་བསྡད་ན་ཚེ་ཆོས་དང་། །གདུལ་བྱ་སོགས་ཆུ་ཡི་རི་མོ་འདྲ། །མ་མཁའ་འགྲོའི་ཞལ་ལུང་ཇི་བཞིན་དུ། །གནས་ངེས་མེད་འགྲིམ་ལ་འགྲོ་དོན་མཛོད། ། དམ་ཉམས་པའི་མི་ལ་འབྲེལ་བ་སྤོང་། །གྲོགས་ངན་པའི་ངག་ལ་མ་ཉན་པར། །གནས་དབེན་པར་རང་གཏེར་སྒྲུབཔ་མཛད། །ཆོས་འཛིན་གྱི་བུ་ལ་བཀའ་རྒྱ་ཁྲོལ། །དུས་རྟག་པར་པད་འབྱུང་དང་མཚོ་རྒྱལ་མར།།ཡིད་ཁྱེད་ཤེས་ཀྱི་གསོལ་འདེབས་གནད་ལ་རེམ། །ཡར་མར་གྱི་དུས་མཆོད་ཆག་མེད་མཛོད། །འབྱུང་ལྡོག་གི་བདེ་བའི་རྩལ་མ་ཞན། །སུམ་ཅུ་ཡི་བུ་མོ་གྲོང་ལྔ་རུ། །ཆུ་ཤེལ་གྱི་འོད་བརྒྱས་གསོས་བྲན་ནས། །བཅུ་ལྡན་གྱི་མྱུར་མགྱོགས་རླབས་ཤུགས་ཀྱིས། །འོད་དམར་གྱི་གཟི་བརྗིད་གསལ་བ་དང་། །གསུམ་འདུས་ཀྱི་གྲོང་ཁྱེར་བརྒྱད་ཅུ་ཙམ། །ཐབས་མཁས་པའི་ལག་ལེན་མ་ནོར་གོས། །བརྡ་གོ་འམ་རིགས་ལྡན་མི་མོ་ལགས། །ཞེས་ཟེར་བ་དང་མཉམ་དུ་གཉིད་ལས་སད་དོ། །དེ་ནས་ནང་པར་བདག་གི་བསམ་པ་ལ། སྔ་ཕྱིའི་ལུང་བསྟན་གང་ལ་བལྟས་ཀྱང་། མགར་ར་སང་གི་ཟུར་ལ་བདག་མི་ཆགས་ངེས་པ་རེད། འོན་ཀྱང་ལས་དབང་གིས་རྒྱལ་སྲས་དང་འབྲེལ་སོང་བས། ད་ནི་ལས་བྱ་བ་ཅིར་འགྱུར་ཡང་ ཁོང་གི་ཐུགས་ལ་མི་བབ་པ་མི་བྱེད་སྙམ། དེ་ནས་བཙུན་མ་ཆོས་ཕྲེང་ཞེས་པ་སྔར་མགར་ར་གཏེར་ཆེན་གྱི་སློབ་མ་ཞིག་ཡིན་པས། དེ་ང་རང་ལ་སེམས་དྲང་ཞིང་ཅི་སྨྲས་ཁ་ལ་ཉན་པ་ཞིག་ཡོད་པས། དེ་ལ་བདག་གིས་རྟེན་འབྲེལ་ལ་བརྟགས་ནས་ཁྱོད་ཀྱིས་ཅི་བསམ་དྲིས་པས། མོ་ན་རེ། བདག་གིས་གཏེར་ཞིག་ལོན་སྙམ་གི་ཟེར། ཡང་ང་རང་གིས་ཁྱོད་ཀྱིས་གཏེར་བླང་ན་འགྲོ་དོན་ཨེ་ཡོང་སྨྲས་ཚེ། མོ་ན་རེ། འགྲོ་དོན་རེ་འོང་རེ་མི་འོང་ཟེར། བདག་གིས་བསམ་པ་ལ་གཏེར་ལོན་པར་འདུག་ཀྱང་འགྲོ་དོན་ཨེ་འོང་མི་ཤེས་པ་འདྲ་སྙམ་ཡང་། དུས་ལ་བབ་པའི་དབང་གིས་གནས་དེ་ཀ་ནས་ཆོས་ཉིད་མཁའ་འགྲོའི་གསང་མཛོད་ཀྱི་ཆོས་སྐོར་སྒྲོལ་ལྗང་མྱུར་མཛད་དཔའ་མོའི་སྒྲུབ་ཐབས་དང་། སྒྲོལ་དམར་བདེ་ཆེན་ལམ་བསྒྲོད་གཉིས་ཀྱི་སྒྲོམ་བུ་སྤྱན་དྲངས། དེ་ནས་རང་ཡུལ་ལ་སླེབས་ནས་རྒྱལ་སྲས་ལ་སྒྲོམ་བུ་རྣམས་ཕུལ་བས། འདིཅི་རེད་གསུངས། བདག་གི་བསམ་པ་ལ་དྲང་ཞུ་བྱས་ན་ཁོང་མར་པ་ལྟ་བུའི་ཐུགས་དྲག་བཙན་པས་ཕྱག་འབེབ་ཨེ་གནང་སྙམ་ནས་དྲང་རྫུན་འདྲེས་མའི་གཏམ་ཞིག་ཞུས་ཚེ། ཁོང་གི་ཞལ་ནས་སྔར་གཏེར་ཆེན་བརྒྱ་རྩའི་སྐུ་རིང་ལ་གཏེར་མོ་གཉིས་བྱོན་པ་མཐོང་ཆོས་སུ་སྣང་། དེང་སང་སྙིགས་དུས་འདིར་ བྃ༔ གཏེར་མོ་ཡོད་པ་མ་མཐོང་གསུངས་པས། བདག་གིས་གཏེར་ཁ་རེད་ཞུས་ན་ཐུགས་བབ་ཨེ་ཡོད་ཆ་མཆོད་ནས། དེ་ཕྱིན་ཆད་རང་གཏེར་གསང་ཐབས་ཀྱི་བྲི་ཕབ་བྱས། དེ་ནས་ཉིན་གཅིག་བདག་གཅིག་པུར་བསོ་ལུང་ཞེས་པའི་རིངོགས་ལ་འབུད་ཤིང་ཐུ་བར་སོང་བས་ལ་ཕར་རྒྱབ་ནས་གླ་བ་མང་པོ་ཞིག་བྲོས་བྱུང་། བདག་གིས་འདི་རྣམས་ཅི་ཡིན་སྙམ་ཚེ་གླ་བ་ཐམས་ཅད་ངའི་སར་ཐོན་བྱུང་བས། དེ་དག་གི་ནང་ནས་གླ་བ་གཅིག་ལ་མེ་མདའ་ཕོག་ནས་ལག་གཡས་བཅད་འདུག་པས། བདག་གིས་སྙིང་རྗེ་བཟོད་བླག་མེད་པ་ཞིག་སྐྱེས་ནས་ལག་མེད་གླ་བ་འདི་འཆི་སོང་ན་དགའ་འདུག་སྙམ་སྟེ། བདག་གི་སེམས་ལ་གང་ཤར་གྱི་འཕོ་ལུང་ཞིག་འདོན་ཚེ། དམིགས་པ་ཟིན་དཀའ་ཞིང་བསྲེ་འཕོ་བྱེད་ཐབས་མ་བྱུང་བས། བདག་གིས་མིག་ཕྱེས་ནས་བལྟས་ཚེ་གླ་བ་རྣམས་གར་སོང་མ་གོ །རང་གི་ཐད་དུ་བུད་མེད་གཟུགས་མཛེས་མ་ཞིག་འདུག་པས། དེས་བདག་ལ་འདི་སྐད་ཟེར། ཧེ་ཧེ། ཁྱོད་ཏིང་འཛིན་མེད་པའི་བུ་མོ་ཉོན། །མི་མ་ཤི་འཕོ་བ་ཅི་ལ་འདེབས། །ངས་སྒོ་ནོར་གླ་ཁྱུ་གང་ན་ཡོད། །ཁྱོད་ཚེ་ཟད་བུ་མོ་ང་དང་འཕྲད། །བསྐྱེད་བསྒོམ་པ་ཡོད་ན་འུ་གཉིས་འགྲན། །དེ་མེད་ན་ཁྱོད་སྲོག་ང་ཡིས་ལོན། །ཞེས་ཟེར་ ནས་གཟུགས་གནས་འགྱུར་ཏེ་འཇིགས་སུ་རུང་བ་ཞིག་ཏུ་གྱུར་སོང་། བདག་ཐོག་མར་ཅུང་ཟད་ཞིག་སྐྲག་ཀྱང་རྗེས་ཤེས་རང་སྣང་དུ་དྲན་ནས་འདི་སྐད་སྨྲས། ཉོན་དང་འཁྲུལ་སྣང་ཡིད་གཟུགས་འཆང་། །ང་ཏིང་འཛིན་མེད་པ་ཁྱོད་ཤེས་ན། །གླ་བ་བདག་མེད་བདག་ཏུ་ཅི་ལ་བཟུང་། །བསྐྱེད་བསྒོམ་གྱི་ཡོན་ཏན་འགྲན་ནུས་ན། །དོན་མེད་པའི་མི་སྲོག་ཅིའི་ཕྱིར་ལེན། །ཁྱོད་དཔའ་མོ་རྫུ་འཕྲུལ་སྟོབས་བཙན་ན། །ང་སྒྱུ་མའི་བུ་མོའི་སྲོག་ལོངས་ལ། །ཁྱོད་དགའ་བའི་ལོངས་སྤྱོད་ཡོང་བར་མཛོད། །ང་སྒྱུ་མ་ལྟ་བུའི་རྣལ་འབྱོར་མ། །ཆོས་སྙིང་རྗེ་ཆེན་པོའི་གདམས་པ་བདོག །ཨ་འཐས་ཀྱི་སེམས་འཛིན་དོ་ཟླ་མིན། །ང་སྐྱེ་མེད་དོན་གྱི་རྣལ་འབྱོར་མ། །ཆོས་གཉིས་མེད་ཡེ་ཤེས་ཀྱི་གདམས་པ་བདོག །སྣང་གྲགས་དང་དྲན་རྟོག་ཆོས་སྐུར་འཕོས། །ཐེར་གཟུགས་ཀྱི་བསྐྱེད་བཟླས་དོ་ཟླ་མིན། །ང་འཁྲུལ་ཞིག་སྒྱུ་མའི་རྣལ་འབྱོར་མ། །ཆོས་བདག་མེད་ཤེས་རབ་ཀྱི་གདམས་པ་བདོག །གཉིས་འཛིན་འཁྲུལ་གཟུགས་ལ་ཡ་མི་ང་།རོ་བཤའ་གཅོད་གོལ་གྱི་དོ་ཟླ་མེད། །ང་ཆོས་ཉིད་དོན་གྱི་རྣལ་འབྱོར་མ། །ཁྱོད་གླག་ཚོལ་རྙེད་ནགང་དགར་སྤྱོད། །ཞེས་སྨྲས་ཚེ། མོ་ན་རེ། ཁྱོད་ཀྱིས་བདག་མེད་ཤེས་རབ་ཀྱི་དོན་ཤེས་ན་ བྃ༔ བདག་འཛིན་རང་གྲོལ་གྱི་གཉན་ས་གང་དུ་བཅད་ཟེར། ཡང་བདག་གིས། བརྒྱུད་པ་དགུ་ལྡན་མ་གཅིག་ལབ་སྒྲོན་མར། །གསོལ་བ་འདེབས་སོ་བདེ་ཆེན་འཁོར་ལོར་རོལ། །བདག་བརྒྱུད་སྨིན་ཅིང་གྲོལ་བར་མཛད་དུ་གསོལ། །ཉོན་དང་མ་ངེས་འཕྲུལ་མོ་ཆེ། །ཁྱེད་གཉན་ས་རི་ཁྲོད་འགྲིམ་སྙམ་ན། །མུན་ནག་ཆར་སྤྲིན་འཐིབ་པའི་སར། །གཏི་མུག་ལྷ་འདྲེའི་འདུ་ཚོགས་ཡོད། །ཁྱོད་གཉན་ས་དེ་རུ་གཅོད་མཛོདཅིག །རླུང་ནག་འཚུབས་མའི་གྲོང་ཁྱེར་དུ། །ཞེ་སྡང་ལྷ་འདྲེའི་འདུ་ཚོགས་ཡོད། །ཁྱོད་གཉན་ས་དེ་རུ་ཆོད་མཛོད་ཅིག ནགས་ཚལ་བྲག་རིའི་ཉེ་འཁོར་དུ། །ང་རྒྱལ་ལྷ་འདྲེའི་འདུ་ཚོགས་ཡོད། །ཁྱོད་གཉན་ས་དེ་རུ་ཆོད་མཛོད་ཅིག །རྒྱ་མཚོ་རྦ་རླབས་འཁྲུགས་ཀློང་དུ། །ཕྲག་དོག་ལྷ་འདྲེའི་འདུ་ར་ཡོད། །ཁྱོད་གཉན་ས་དེ་རུ་ཆོད་མཛོད་ཅིག །སྲིད་པ་གསལ་བའི་སྒོ་ཁང་ན། །འདོད་ཆགས་ལྷ་འདྲེའི་འདུ་ར་ཡོད། །ཁྱོད་གཉན་ས་དེ་རུ་ཆོད་མཛོད་ཅིག །ལམ་བརྒྱད་འདུས་པའི་གྲོང་ཁྱེར་དུ། །ལྔ་འདུས་ཡིད་བཞིན་ནོར་བུ་ཡོད། །ཟབ་ལམ་ཕུ་ཐག་དེ་ལ་ཆོད། །ཕྱི་ཡུལ་གཉན་ས་བཅད་མི་དགོས། །ནང་གི་འདྲེ་ཆེན་དེ་རྣམས་ཀྱི། །གནས་ཡུལ་གཙད་ནས་ཆོད་ གྱུར་ན། །ཁྱོད་དོན་གྱི་རྣལ་འབྱོར་ཡོང་ངེས་ཡིན། །དོན་གོའམ་ཡིད་གཟུགས་འཕྲུལ་མོ་ཆེ། །ཞེས་སྨྲས་པས། མོ་ན་རེ། ཧེ་ཧེ། ཕྱི་ལ་བལྟས་ན་ཐ་མལ་སྨན། །ནང་ནི་དྲེད་མོ་ངོ་མཚར་ཅན། །གསང་བ་གདམས་པའི་མཛོད་ལ་དབང་། །ཁྱོད་འདྲའི་བུད་མེད་ངོ་མཚར་ཅན། །བདག་གི་ཁྱོད་ལ་གནོད་སེམས་འཆང་། །འཁྲུལ་པའི་དབང་གི་ཉེས་བྱས་པ། །སེམས་མ་ཁྱོད་ཀྱིས་བཟོད་པར་གསོལ། །ཕྱིན་ཆད་ཁྱོད་འདྲའི་སྐྱེས་བུ་ལ། །གནོད་པར་མི་བྱེད་དམ་བཅའ་འོ། །ཞེས་ཟེར་ནས་རླུང་འཚུབས་ཀྱི་རྣམ་པར་ཡལ་སོང་། དེ་ནས་བདག་གིས་ཤིང་ཁུར་ནས་རང་ཁྱིམ་ལ་འོང་བའིང་རང་འགོར་ཆེ་སོང་བས། རྒྱལ་སྲས་ལ་གསོལ་ཇ་དྲང་ཕྱི་སོང་བའི་རྐྱེན་གྱིས་ཕྱག་འབེབས་གནང་ནས་ཁྱིམ་གྱི་ཕྱི་ལ་ཕུདབྱུང་། བདག་གིས་ཡིད་ཤིན་ཏུ་སྐྱོ་དྲག་ནས་རྨོངས་གླུ་འདི་ལྟར་བླང་ངོ་། །བག་ནག་སྡུག་ཚལ་གནས་ན། །ཚོགས་ངན་འཁོར་ལོ་བསྐོར་གི། །སེམས་སྐྱོའི་རྨོངས་གླུ་ལེན་དུས། །བྱ་ཁྭ་ཏས་ཨའི་ཟེར་འདུག །ཚེ་རོགས་ངན་པའི་ཞལ་ངོ་། །རྫ་རིར་ཉི་གྲིབ་གུག་འདྲ། །གནས་ཁང་གད་ནག་ཁོག་སྟོང་།།གྲིབ་འཆག་གཅོང་གི་གཞི་མ། །ང་རང་ས་མཐའི་སྤྲང་མོ། །སྐྱོ་གྲོགས་ཨ་སྔོན་གནམ་རེད། །ཡང་དག་ བྃ༔ ཆོས་སྒྲུབ་ཕར་ཞོག །ཉིན་མཁོན་རྒྱུན་ཆད་དཀའ་འདུག །ད་ནི་གཡོག་མིན་གནས་མིན། །བྱ་ངན་འདི་འདྲ་སྤངས་